انتقام العقارب الحلقه الاولي والثانية والثالثة والاخيره بقلم هويدا زغلول
 |
الحلقه الاولي
الحما
اعملي حسابك ياختي لو اللي في بطنك
ده مطلعش ولد تخدي بعضك
كده وتروحي بيت ابوكي
سناء
حرام عليكي يا حماتي عايزني اروح هناك ازاي
وبعدين مهما دول برضه هيكونوا بنات ابنك
الله يرحمه
وقبل ما نبدأ الحكايه اعرفكم بنفسي أنا
سناء كنت متجوزه وحامل بس جوزي الله
يرحمه وفاكره يوم ما سمعت صويت
في شقه حماتي ونزلت وقالت
حماتي
راح الغالي خلاص راح ابني اعمل اي ياربي
بس من غيرك يا ابني ، وانا في الوقت
ده اغم عليا ولما فوقت لقيت الدكتور
قال
الدكتور
الف مبروك المدام حامل ، وانا عيط
وقولت ليه
سناء
اعمل بيه اي دلوقتي ما الغالي راح بقي
وبعدها مشي الدكتور وخرجت اقعد مع الناس
في العزا وكانت المفاجاه لما مرات
اخويا جت اقعدت جمبي وقالت
منه
البقاء لله يا حبيبتي متعرفيش فرحتي
انهارده قد اي اهو جوزك اللي كنتي فرحانه
بيه اهو راح منك هو كمان
سناء
اخس عليكي يا منه انتي جايه تشمتي فيا
هو معقول الجبروت يوصل بيكي ل كده
منه
انا مش شمتنا يا حبيبتي بس انتي كنتي عامله
ترسمي الدور واهو جوزي راح جوزي جه
اهو راح خالص ، وفي الوقت ده انا
قومت وقفت وقولت
سناء
امشي اطلعي برا مش عايزه اشوف وشك
هنا تاني انتي سامعه ولا لا ولولا
الناس اللي قاعده دي كان هيكون
ليا تصرف تاني معاكي
منه
ماشي يا سناء بس اعملي حسابك انك بكره
هتيجي ليا وسعتها نفس التطرده هكون
عاملها ليكي ، وبعدها مشيت من جمبي
ولقيتها راحت جمب حماتي وقالت ليها
منه
البقاء لله يا حبيبتي ومش عارفه اقولك
اي سناء دي وحشها وحش اوي فاكره خطيبها
الأواني برضه حصل ليه نفس الموضوع وراح
قبل جوازهم بشهر
حماتي
اعمل اي بس يا منه ياما قولته يابني سيبك
منها مكنش بيسمع الكلام واتجوزها ودلوقتي
الدكتور قال إنها حامل
منه
اي اي حامل لا اسمعي بقي دي ممكن
قلبها يستقوي عليكي باللي في بطنها
ده
حماتي
انا عارفه يا منه هعمل اي بالظبط مش وقته
الكلام في الموضوع ده وبعدها مشيت منه
والناس خلصت العزا وانا طلعت شقتي
ولقيت حماتي بتخبط عليا وفتحت
سناء
تعالي يا حماتي خير يا حبيبتي فيه اي اتفضلي
اقعدي
حماتي
لا يا حبيبتي انا من هنا ورايح مش هسيب
شقه ابني واعملي حسابك انك هتنزلي تقعدي
في شقتي هنا
سناء
يا حماتي حرام عليكي انا فيا اللي مفكيني
ومش ناقصه بصراحه وبعدين يعني
ده ابنك لسه رايح الصبح وانتي جايه تتخانقي
معايا دلوقتي
حماتي
انا مش جايه اتخانق أنا جايه اقولك بس أن
عايزه احس بريحه ابني ومن حقي اني اقعد هنا في شقته وانتي هتنزلي شقتي تحت اصل مش بعرف انام جنب حد
سناء
ان كان ده هيرضيكي حاضر يا حماتي انا هنزل تحت وانتي خليكي في الشقه هنا
حماتي
بالله يا حبيبتي وبعدها نزلت وهي فضلت
تبص للشقه وتقول اه يا حبيبي يا ابني هي اللي مالحقتش تتهنى بعفشك ولا بعزالك ونزلت وكانت حماتي فكت السرير ونمت علي الكنبه
وتاني يوم صحيت علي جرس الباب وفتحت وكانت اخت جوزي ندي
ندي
اي ده هو انتي بايته هنا مع ماما وبصت للشقه لقيتها مكركبه ولا اي والشقه
مالها عامله ليه كده ولحقتي عملتي كل ده امتي
سناء
انا والله ما عملت حاجه امك صممت تبات في الشقه اللي فوق وتخليني انا بنت تحت هنا ونزلت ولقيت الشقه بالمنظر ده زي ما انتي شايفه
ندي
يا نهار ابيض طيب والناس اللي جايه تعزي دلوقتي يا بنتي هنعمل ايه يدي بايدك كده يا سناء بسرعه نروق الشقه
سناء
ارجوكي يا ندى اقعدي معايا اليومين دول بجد ما تعرفيش مامتك بتعمل في ايه
ندي
هي معقوله امي تعمل الكلام ده ده انا قولت بعد محمد ما يروح هتهدي شويه
سناء
انا حامل يا ندى مش حمل اللي امك بتعملوا فيا ده وفي الوقت ده ندي قالت
ندي
حبيبتي ربنا يقويكي حاضر يا حبيبتي وانا هكلم
ماما برضه تهدي شويه من نحيتك وفي الوقت ده طلعت ندي شقتي وفتحت حماتي
حماتي
تعالي تعالي كويس انك جيتي خدي الشنطتين
دول لميت هدومها البيتي كلها وخديهم
ندي
انتي بتعملي اي يا ماما معقول انتي كده
ازاي ده اللي كان يشوفك مع محمد ميقولش
انك قادره تقفي علي رجلك وتعملي اللي
انتي بتعملي ده
حماتي
مالك يا بت فيه اي هي من بعد اخوكي هتلبس
اللبس ده ليه ملوش لازمه في دولابها
ندي
مش وقته يا امي حرام عليكي البت غلبانه
وبتحبك بلاش اللي انتي بتعملي ده
حماتي
بقولك اي شيلي الهدوم وانزلي بيها وبعدين
هو انتي ناسيه أن اخوكي اللي جاب كل
ده ولا اي هي جايه يا حبيبتي من عند
اخوها من غير حاجه
ندي
وطي صوتك حرام بقي سبيي البت باللي هي
في مش كفايه يا حبيبتي معرفتش تفرح
بجوزها
حماتي
خليكي انتي عامله معاها كده والله بكره
تركب ودلدل رجليها علينا بسببك
ندي
طيب يلا انزلي علشان الناس شويه وجايه
تعزيكي
حماتي
استني خديني معاكي لاحسن ظهري وجعني
اوي ومش قادره منه
ندي
ظهرك وجعك ده انتي فكيتي كل السراير
امبارح علشان البت يعني متعرفش تنام
حماتي
اخلصي يا ام لسان طويل ، وفعلا نزلوا
وطول العزا أنا كنت وافقه في المطبخ
بعمل الاكل ب أمر حماتي وفي يوم كنت
لسه راجعه من عند الدكتور ولقيت حماتي
قاعده واول لما شافتني قالت
حماتي
هو انتي كنت فين يا غندوره لحد دلوقتي انا بقالي ساعه قاعده في الشقه هنا ومستنيه ان جنابك تيجي وانا اقعد وقولت ليها
سناء
عامل ايه يا حماتي ايه الدكتور كانت العياده زحمه جدا ،
حماتي
وهي ظهر على السونار ان كان ولد ولا بنت
سناء
لا يا حماتي لسه بدري جدا انه يظهر أن كان ولد ولا بنت، وفي الوقت ده حماتي وفقت وقالت
حماتي
اعملي حسابك ياختي لو اللي في بطنك
ده مطلعش ولد تخدي بعضك
كده وتروحي بيت ابوكي
سناء
حرام عليكي يا حماتي عايزني اروح هناك ازاي
وبعدين مهما دول برضه هيكونوا بنات ابنك
الله يرحمه
حماتي
بطلي يا بنت امور السهوكه اللي انتي بتعمليها دي انا اصلا مش عايزاك في بيتي
سناء
نفسي افهم بس انا عملت لك ايه وليه مش عايزه تاخذيني ان انا ابقى بنتك والله يا حماتي انا مش عايزه من الدنيا غير حنانك علي مش اكثر
حماتي
كلامي خلص يا حبيبتي وادخلي يلا اعملي الاكل
وبعدها فضلت شغاله في بيت حماتي ومكنش
بتكلم وكنت بدعي ربنا انها تتغير معايا
وفي شقه اخويا ربيع كان قاعد ومنه قالت
ليه
منه
اي مافيش اخبار اختك محدش بقي عارف
عنها حاجه خالص من يوم ما جوزها راح
ربيع
ما تسكتي يا وليه بقى بتفتكرهلنا ليه دلوقتي انت عايزه تتصل بيا وتقول ليا عايزه فلوس ولا حاجه اصلا بعد ما جوزها ما راح مين اللي هيدفع لها خليها بعيد احسن
منه
حماتها يا اخويا اللي تدفع يعني هي كانت حماتها فقيره ولا فقيره
ربيع
بس برضه هي اختي ومسؤاله مني
ولازم اشوف طلباتها هي برده اختي يا منه
منه
عارف لو سمعتك بتقول الكلام ده تاني انا هعمل ايه هسيبلك البيت وهمشي وبابقي ربي عيالك انت بقى يا اخويا قال لاختك قال
ربيع
خلاص اهدي بس هو انتي ما لك عصبيه ليه كده خلاص يا حبيبتي اللي تشوفيه
منه
ايوه كده طبعا اللي اشوفه وعدا
شهور الحمل وفي يوم حسيت أن خلاص
هولد ولقيت حماتي داخله عليا وقولت ليها
سناء
ارجوكي يا حماتي الحقيني بسرعه انا شكلي بولد اطلب الدكتور الله يخليكي او وديني اي مستشفى
حماتي
مستشفى ايه يا حبيبتي منين ما بقاش في فلوس انا باعثه اجيب لك الدايا تولدك هنا
سناء
دايا اي يا حماتي بس ، وفعلا بعتت
الدايا وخرجت قعدت برا وبعدها خرجت
الدايا وهي زعلانه ، وحماتي قامت وقفت وقالت
حماتي
ايه يا وليه مال وشك عامل كده ليه اوعي تقولي انها جابت بنت
الدايا
يا ريت يا اختي كانت جابت بنت
حماتي
ما تنطقي يا وليه في ايه مال شكلك عامل ليه كده
الدايا
جايبه ليكي توام يا اختي والاثنين بنات شوفي بقى هتعملي ايه
حماتي
ده اللي كنت عامله حاسبه برضه ماشي امشي
انتي وانا هبقي ابعتلك الفلوس بعدين ، وبعدها
مشيت وحماتي دخلت وقولت
سناء
دي حاجه ب ايد ربنا يا حماتي وبكره تشوفي البنات دول هيشيلوني انا وانتي ازاي دول عيال محمد ابنك الغالي
حماتي
مهو علشان محمد ابني الغالي انا هسيبك لحد ما توقفي على رجلك بعد كده هتاخذي بناتك وتمشي من هنا مش عايزه اشوف وشك ثاني
سناء
لو انا مش هاهون عليكي عيال ابنك هيهونوا عليك يا حماتي يتربوا بعيد عنك
حماتي
طالما انتي يا حبيبتي امهم اه هيهونوا علي وقولت ليكي خلاص ما بقتش اكل من الكلام ده وبعدها خرجت وانا اتصلت ب ندي
ندي
الو ايوه يا سناء خير يا حبيبتي في ايه
سناء
الحقيني يا ندى انا جبت توام وامك عايزه تمشيني من البيت وانا مش عارفه اروح فين
ندي
ايه طب اقفلي السكه وانا جايه ليكي حالا
وفي الوقت ده ندي جت بسرعه ودخلت الاوضه وقالت ليا
ندي
الف الف مبروك يا حبيبتي ربنا خيرو كتير مديكي توام
سناء
عقبالك يا حبيبتي يا رب لما ربنا يكتب لك الخير وتخلفي انتي كمان بس ارجوكي تتكلمي مع مامتك
ندي
ارجوكي يا سناء انتي عارفه ان انا عمري ما هخلف والاتنين مسؤوليه عليكي كبيره
اي رايك تديني بنت اربيها ليكي وبوصي
اوعدك ان هخلي امي تقعدك هنا
وكمان تشيلك في عينيها ولو هي معملتش كده اوعدك اجبلك احسن شقه تقعدي فيها
سناء
انتي بتقولي ايه يا ندى هو انتي عايزه اسيب عيله لا طبعا انا مش هقدر اعمل كده
ندي
ارجوكي يا سناء فكري في كلامي طب انت هتقدري تعملي ايه دلوقتي ب اتنين وامي عايزه تمشيكي من البيت وبصراحه بقى انا مش هعملك مصلحه طالما انتي مش عايزه توقفي جنبي
سناء
وانا خلاص مش عايزه حاجه منك انا هروح بيت ابويا وحتى لو هشتغل على عيالي هو انتي فاكره ان انا مليش اهل ولا ايه انا ليا اخ برده
ندي
اخوكي مين يا سناء ما انا عارفه البيبر وغطاه هو فكر يسال عليكي من يوم ما جوزك ما راح ده خلص العزاء ومشي من بره بره ما طلعش يطمئن على اخته
سناء
يا رب اسمه كريم وهو عمره ما هيسيبني مش عايزه منك حاجه خلاص يا ندى
ندي
براحتك اخرك اسبوع وتمشي من هنا وتاخذي البنتين دول وما يشوفش وشك هنا ثاني
وبعدها خرجت وانا فضلت قاعده زعلانه
وعدا اسبوعين ومشيت من عند حماتي
والدنيا كانت عامله تمطر وروحت بيت اخويا
واول لما فتح قالي
ربيع
ايه ده سناء انتي زي بنتي تيجي في وقت زي ده وايه العيال اللي انتي شايلاهم دول اوعي تقولي ان انتي خلفتي توام
سناء
ارجوك دخلني بسرعه انا سقعانه جدا ومش قادره وبصراحه خايفه على العيال ليكون جلهم برد
ربيع
تعالي يا حبيبتي ادخلي ، وفعلا دخلني وشغل لي الدفايه فضلت قاعده وحكيت له على اللي حصل
سناء
وانا دلوقت ربيع مش عارفه اروح فين انا ما ليش مكان اروحه بالعيال دي
ربيع
طيب اهدي بس يا حبيبتي وانا هتصرف وهاشوف لك حل باذن الله ، وفي الوقت ده خرجت منه وقالت
منه
حل اي يا حبيبي اللي انتي ناوي تشوفه لها وانتي اي اللي جابك هنا امشي اطلعي بره مش عايزه اشوف وشك هنا ثاني
صباحو عسل الجزء التاني اهو ولو جاب ٥٠٠تعليق هنزل الاخير انهارده
انتقام العقارب
الجزء الثاني
بقلم هويدا زغلول
وفي الوقت ده ربيع قالها
ربيع
مينفعش كلامك ده يا منه ادخلي جوا لو سمحت وانتي اقعدي يا سناء
منه
والله لو أقعدت هنا دقيقه واحده ما تعرف
انا هعمل اي قولتك لازم تمشي من بيتي
يا راجل هو انت نسيت انها مشيتني من بيتها
يوم عزاء جوزها
سناء
والله يا اخويا هي اللي كانت جايه تشمت في أن جوزي راح وغصب عني عملت كده وعايزه
اقولك لو اخويا سابني امشي من بيته
بكره مش هيبقي عليكي
منه
ههههه ليه يا حبيبتي هو انتي فاكره أن اخوكي
زي الرجاله الواطيه ولا اي
سناء
عارفه ان اخويا جدع بس لو باعني انا النهارده هيبيعك انتي بكره
منه
انا مش هتكلم كثير قولت ليك اختك تمشي حالا يا ربيع ادخل الاوضه واخرج
ما الاقيهاش هنا انت سامع ولا لا ، وبعدها
دخلت الاوضه ولقيت ربيع بص ليا وقالي
ربيع
حقك علي يا اختي بس والله مش هقدر اخليكي هنا انا عايزه اربي عيالي
سناء
الله يرحمك يا بابا لو كنت عايش وشوفت الموقف ده عمرك ما كنت هتسكت ابدا شكرا ليك يا اخويا وبعدها مشيت من بيته وانا
مش عارفه اروح فين وبعدها روحت بيت بابا
وكسرته علشان اقدر ادخل الشقه وبعدها
لقيت جارتي نعمات داخله
نعمات
بسم الله الرحمن الرحيم هو انتي مين يا حبيبتي ودخلتي هنا ازاي و ازاي تكسري الباب ده
سناء
انا سناء بنت جميل صاحب الشقه دي بس للاسف مش معايا مفتاح مكنتش عارفه اعمل ايه فكسرت البيت
نعمات
حبيبتي يا سناء ازيك يا قلبي تعالي تعالي ادخلي اقعدي بس البيت مترب توي يا بنتي هتقعدي فيه ازاي تعالي عندي
سناء
لا معلش انا هابدا اروقه دلوقتي بس ممكن بس اخلي معاكي البنتين دول عقبال ما اخلص الشقه مش هيعرفوا
نعمات
بسم الله ما شاء الله بناتك دول يا حبيبتي هو ابوهم فين وازاي يسيبك تيجي بيت ابوكي في وقت زي ده
سناء
ايوه يا بناتي وابوهم الله يرحمه بقى معلش هخليهم بس معاكي لحد ما اروق الشقه
نعمات
عنيا يا حبيبتي هاتيهم انا كده كده سكانه في الشقه اللي قصادك لو عوزتي اي حاجه تعالي خبطي علي واخذت البنات وخرجت وانا روقت الشقه كلها وبعدها لقيتها جايه بصينيه اكل
سناء
ايه يا حبيبتي اللي انتي عملتيه ده ليه تعبتي نفسك كده
نعمات
انا غيرت للبنات واكلتهم ونيمتهم اصل انا عندي لبن وحاجات من بتوع عيال بنتي ربنا يخليهملي
سناء
كثر خيرك والله انا مش عارفه اشكرك ازاي
نعمات
خذي يا حبيبتي كلي بس عيالك شكلهم صغيرين اوي هما لسه مولودين صح
سناء
ايوه لسه موجودين وحكيت لها على كل اللي حصل ولقيتها بتقول
نعمات
اخس على اخوكي معقول يعمل كده ويسيب اخته في الوقت ده تيجي لوحدها هنا
سناء
معلش برده هو خاف على بيته وعلى عياله امراته كانت حالفه تسيب البيت وتمشي
نعمات
تمشي طالما هي اللي اختارت بس ما تسيبش اختي في الوقت ده يلا يا حبيبتي ايه اللي حصل حصل اجيبلك البنات علشان تعرفي تنامي شويه
سناء
اه يا حبيبتي كثر خيرك وكمان كنت عايزه اسالك على محل ذهب قريب من هنا
نعمات
عينيا يا حبيبتي الصبح اخذك ونروح على طول محل الذهب وفي الوقت ده جابت البنات
ليا ودخلت نمت وصحيت علي صوتها عامل
يزعق وروحت لقيت شقتها مفتوحه وهي
بتقول
نعمات
اخس عليك يا ابراهيم انت عايز يا ابني ايه مني ما قولتك اتكل على الله امشي بقى من هنا معيش فلوس
ابراهيم
باقولك ايه يا حماتي انا مش ماشي من الشقه دي قبل ما اخذ ال 1,000 جنيه ولو مش ناويه تجيبيها انا هاخذ حته ذهب من شايلاها بطلي بقى يا وليه تدعي علينا الفقر وانت معاكي فلوس قد كده
نعمات
حرام عليك يا ابني هو انا معايا فلوس غير المعاش اللي بيقدر يمشيني ولما مراتك بتيجي هنا وباشيلها هي وعيالها
ابراهيم
اعملك ايه يعني هو انتي شايفه البلد فيها شغل يعني اكل بنتك من ايه ، وفي الوقت ده انا
قربت منه وقولت
سناء
انت مين ازاي تتكلم معها بالطريقه اللي انت بتتكلم معها دي ، ولقيته بص ليا وقالي
ابراهيم
ايه ده ايه ده والحلوه مين بقى وجايه هنا بتعمل ايه ، ولقيت نعمات قربت منه وقالت
نعمات
ما لكش دعوه بها خذ يا ابراهيم 500 جنيه اهم وابقى تعال بكره خذ 500 زيهم ، وهو اخد الفلوس وقال
ابراهيم
ايوه كده عالم ما بتجيش الا بالعين الحمراء هاتي يا اختي بس ما قلتيش برده مين الحلوه دي
نعمات
انت مالك ومالها بقى مش اخذت الفلوس اللي انت عايزه امشي اطلع بره
ابراهيم
ماشي يا حماتي كثر خيرك ، وبعدها مشي ولقيتها قعدت وفضلت تعيط وانا قولت
سناء
هو انا سمعت ان هو جوز بنتك بس ازاي يعمل فيكي كده وليه وبنتك ساكته على اللي هو بيعمله ده
نعمات
وهي هتعمل ايه يعني مخلفه خمس عيال وحامل هتطلق وتيجي تقعد ليا بيهم هنا
وبعدين زي ما انت شوفتي ما تقدرش تسيبه بيعمل فينا حاجه
سناء
علشان انتي خايفه منه بس بيعمل فيكي كده اقفي قدامه
نعمات
هو انا يا بنتي قادره اقف قدامه الله يسهله بقى المهم يا حبيبتي روحي نامي انتي عشان عيالك
سناء
بصراحه لا انا خايفه عليكي اسيبك هنا ليرجع ويعمل فيكي حاجه
نعمات
مش هتشوفي وشه الا ما يخلص الفلوس ما تخافيش علي انا متعوده على كده يا حبيبتي
سناء
طيب ما تيجي تباتي معايا في شقتي احسن
علشان اكون مطمنه
نعمات
والله مش بعرف ان انا اللي في بيتي روحي نامي وانا الصبح هاجيب الفطار واجي نفطر سوا
سناء
طيب اقفلي علي نفسك كويس ربنا يسترها
عليكي يا حبيبتي ، وبعدها روحت شقتي
وانا بقول
سناء
هو يا ربي ما فيش مكان اكون مرتاحه فيه
ابدا لازم يحصل أي حاجه كده مش عارفه
اعمل اي ونمت وعدا يومين وروحت خبط
عليها
نعمات
تعالي يا حبيبتي ادخلي صباح الخير
سناء
صباح الخير بوصي أنا عايزه اتفق
معاكي اتفاق أنا نازله ادور علي شغل
وعايزه طول اليوم اسيب معاكي العيال
والمرتب يكون بالنص بيني وبينك
نعمات
اخس عليكي اي الكلام ده لا طبعا مش موافقه
روحي شوفي الشغل وعيالك في عيوني والله
سناء
كتر خيرك يا حبيبتي ونزلت روحت ادور علي شغل
ولقيت عايزين بنت في سنترال ووافقت
اشتغل فيه وفي يوم لقيت ندي داخله بتقول
ندي
لو سمحت كنت عايزه احول ..... اي ده معقول
انتي بتعملي اي هنا يا سناء
سناء
بشتغل زي ما انتي شيفاه هعمل اي يعني
خير حضرتك عايزه اي اقدر اعمله ليكي
ندي
وعيال اخويا فين بقي سيباهم فين
سناء
دلوقتي عيال اخوكي اظن ملكيش دعوه
بيهم خالص بعد اللي امك عملته معايا
ندي
يابت الحلال فكري في اللي قولتك عليه
العيال هيكونوا في حضنك والاتنين هيكونوا
قدامك
سناء
اظن حضرتك جايه علشان تشحني تحت
امرك اتفضلي عايزه اي
ندي
برضه ماشي يا سناء هشوف أنا ولا انتي برحتك
وبعدها خرجت من المحل وبعد ما أنا
خلصت شغل روحت جبت اكل وبعدين روحت
علي البيت وفتحت ليا نعمات
نعمات
تعالي يا حبيبتي حمد لله علي السلامه
البنات الحمد لله نايمين ، وانا دخلت واقعد
وقولت
سناء
والله ربما بيحبني علشان رزقني بيكي أنا
كنت خايفه اسيب العيال متعرفيش
تسكتيهم
نعمات
مربيه عيال بنتي بقي ربنا يخليهم ليها
سناء
انا قاعده معاكي بقالي مده عمري ما
شوفتها بتيجي عندك هنا خالص مع ان
قولتي أنها كانت بتيجي ليكي
نعمات
تصدقي صح والله يا بنتي اكمن لما بتيجي
لازم جوزها يجي بمشكله بطلت اسال
عليها بس انا هحط الاكل ناكل واروح
اشوفها اطمن عليها ، وقامت وقفت وانا قولت
سناء
اقعدي رايحه فين انا روحت اجيب
اكل ناكل أنا وانتي سوا علشان مش تتعبي
نعمات
كتر خيرك يا بنتي والله انا بنتي بتيجي عندي
مش بتقوم من مكانها خالص وانا اللي بربي
عيالها كمان
سناء
كتر خيرها انتي بتقولي معاها 5 عايزه تعمل
اي اقعدي لما اقوم أنا افضي الاكل علي الصينيه
وبعدها دخلت المطبخ ، وفي شقه حماتي
ندي راحت ليها
ندي
وربنا ما عارفه اقولك اي يا امي.ربنا
يسامحك علي اللي عملتي معايا
الام
مالك يا بت هو أنا كنت جيت جمبك اصلا
فيكي اي اقعدي
ندي
كان لازم تمشي سناء من البيت ما كنتي حكمتي
عليها تديني بنت اربيها
الام
اه تصدقي يابت الفكره دي كانت رايحه
عن دماغي خالص أنا عارفه انك نفسك تكوني
ام
ندي
اتصرف إنا ازاي دلوقتي واعمل اي
الام
عادي يعني هي هتكون راحت فين اكيد
في بيت اخوها روحي هاتيها
ندي
بعد اي ياختي مانا قولت ليها ورفضت وبعدين
هي بتشتغل بعيد عن بيت اخوها
شكلها مش هناك
الام
قوليلي فين بس وانا يابت هحل ليكي
الموضوع ده انتي بتقولي شغاله يعني
اكيد سيباه عيالها في حضانه أو حاجه صح
ندي
اه طبعا ، وفعلا قالت ليها المكان وهي
جت وعرفت ان أنا قاعده في بيت وكانت وافقه حماتي وراح ليها ابراهيم وقالها
ابراهيم
مالك يا حاجه بقالي فتره بشوفك وافقه قدام
البيت هنا هو انتي عايزه حد في البيت
ده ولا اي
حماتي
وانت مالك أنت حد عينك مدير
الشارع وافقه ببص ليك فيه
ابراهيم
مالك يا ست فيه اي أنا عايز اساعدك بس
اصل بيت ده مش ساكت فيه غير شقتين
شقه حماتي وشقه واحده حلوه اوي بس
معرفش هي مين
حماتي
ايوه بقي قولي الحلوه دي بتنزل أمتي وترجع
أمتي ، وطلعت حماتي فلوس وقالت ليه
هو انت اسمك اي
ابراهيم
ما تقولي ليا علي الفوله كامله وانا هقف
جمبك واساعدك عايزه منها اي
حماتي
مش عايزه منها هي أنا عايزه بنات ابني
أصلها هي مرات ابني واول لما ابني
راح هي سابت البيت واخدت العيال
ابراهيم
تؤتؤتؤ والله زعلتي طيب عيال ابنك
عند حماتي كل يوم لو حد جدع وشهم جابهم
ليكي تعملي معاه اي
حماتي
ايدي 5000الف جنيه وعنيا ليه
ابراهيم
10الف جنيه وبكره يكونوا عندك ' وانا
كنت وافقه في المحل وجه احمد صاحب المحل
وقالي
احمد
مالك يا سناء هو أنا عالطول شايفك زعلانه
ليه كده لو عندك مشكله اتكلمي معايا
وانا هحلها ليكي
سناء
ابدا والله بس عايزه اقولك أنا عندي بنتين
وبجد المصاريف كتير اوي عايزه اشتغل
ورديه تانيه علشان محتاجه الفلوس
احمد
وعيالك كمان محتاجينك أنا هديكي ضعف
المرتب وخليكي معاه غيابك بليل
سناء
لا شكرا لحضرتك أنا مش اتعود اخد فلوس انا مش تعبت فيها
احمد
والله بجد انا المحل بقي يكسب من يوم
ما جيتي فيه وبجد وشك حلو اوي معايا
علشان كده انا عايز اساعدك
سناء
شكرا ليك يا استاذ احمد وروحت شوفت
شغلي لقيته بيقولي
احمد
هو جوزك فين انا اسف بس بحس دائما
انك موجوده لوحدك
سناء
موجود بس مسافر ربنا يرجعه ليا بالسلامه
وانا خوفت اقولوا إن عايشه لوحدي ، وبعدها
روحت البيت ولقيت نعمات عامله تعيط والناس
كلها حوليها وهي بتقول
نعمات
منك لله يا ابراهيم علي اللي انت عملته
ده كلهم يا بعيد اي معندكش قلب للدرجه
معقول الفلوس عمت عينك
انتقام العقارب
الحلقه الاخيره
بقلم هويدا زغلول
وفي الوقت ده انا جريت عليها وقولت
سناء
مالك فيكي اي واي اللي حصل البنات كويسه والنبي طمنيني عليهم ، وهي فضلت عيط وقالت
نعمات
بناتك جوا كويسين اللي كانو هيرحوا بنتي وعيالها منه لله جوزها
سناء
اي انتي بتقولي اي وحصل ازاي ده وهما فين
دلوقتي
نعمات
في المستشفي يا حبيبتي وهو اتحبس
منه لله الجيران سمعوها وهي عامله تزعق معاه معرفش ليه و قالت ليه لو عملت
كده متعرفش هعمل فيك اي وهروح
ابلغ عنك راح عمل فيهم كلهم كده
سناء
طيب يلا بينا نروح عالمستشفي ونشوف
هنعمل اي ، وفي الوقت ده الست يعني
من الصدمه مكنتش عارفه تقف
علي رجلها خالص وقالت ليا
نعمات
مش قادره اقف يا سناء والله اعصابي
كلها بايظه بنتي راحت أنا صعبان عليا بنتي اوي
سناء
طيب سبيني أنا هروح المستشفي
واعرف اي الإجراءات ، وفعلا روحت وكلمت
احمد وجالي عالمستشفي
احمد
خير يا مدام في ايه حضرتك طلبتيني ليه
وفي الوقت ده انا قولت ليه
سناء
ارجوك يا استاذ احمد انا ما اعرفش اي احد وما فيش اي احد ممكن يقدر يقف جنبي انا هقولك على كل حاجه حكيت له على كل حاجه حصلت
احمد
طيب هو انتي واقفه ليه دلوقتى ما انت سامعه الدكتور مانع الزياره خالص وان حد يدخلهم وقفتك هنا ما لهاش لازمه
سناء
جوزها ده لازم يتحكم ارجوك تقف جنبي
احمد
ما تخافيش روحي انتي على البيت وانا هروح القسم واعرف كل حاجه واكلمك في التليفون واقولك انا عملت ايه
سناء
بجد متشكره ليك اوي وكنت خارجه من المستشفي وشوفت ربيع اخويا وروحت ليه وقولت
سناء
ايه ده ربيع هو انت بتعمل ايه هنا ومال شكلك عامل ليه كده ومراتك راحت فين
ربيع
سناء هو انتي عرفتي منين ان انا هنا مراتي ما سابتني ومشيته ورفعت عليا قضيه وعايزه تطلق واخذت الشقه مني
سناء
شفت يا ربيع اللي انت بعتني ورمتني في الشارع علشان عملت فيك ايه
ربيع
حقك عليا والله يا سناء بس انتي عرفتي منين ان انا موجود هنا انتي روحتي ليها البيت ولا ايه
سناء
لا يا حبيبي انا مكنتش اعرف ان انت موجود هنا اصلا انا كنت جاي في حاجه ثانيه طيب انت هتكشف ايه ولا رايح فين وانا اكون معاك
ربيع
حقك عليا يا اختي سامحيني والنبي في اللي انا عملته فيكي والله العظيم انتي بنت اصول وبنت حلال واحده غيرك كانت سابتني زي ما انا ما سبتها
سناء
الظفر عمره ما يطلع من اللحمه برده وانت اخويا حبيبي الف مليون سلامه عليك تعالي وفعلا
كشفت عليه وبعدها روحت البيت أنا وهو
واول لما دخل قالي
ربيع
ياه معقوله انتي فتحتي شقه بابا تاني وقعدتي فيها تصدقي الشقه هنا وحشتني قوي
سناء
الشقه منوره بيك يا حبيبي ادخل وانا هابقى انزل اجيبلك العلاج اللي الدكتور قايل عليه واجيب اكل كمان علشان اعمله ليك
ربيع
امال فين بناتك يا سناء اوعي يكون حصلهم حاجه
سناء
بنات كويسين يا حبيبي موجودين في الشقه اللي قصاد مني انا معاه ست نعمات فاكرها
ربيع
ايوه طبعا فاكرها وفاكر بنتها حنان هي عامله ايه دلوقتي
سناء
ادعيلها ربنا يشفيها ويقومها بالسلامه هي وعيالها جوزها منه لله ما اعرفش اعمل فيها وفي عيالها ايه ما حدش عارف اي حاجه وهي يا عيني ربنا يقومها بالسلامه مش فايقه تقول اي حاجه
ربيع
يا نهار ابيض معقول دي حنان طول عمرها طيبه وغلبانه وبنت حلال وعايزه تعيش معقول يحصل فيها كده
سناء
ما هي دي مشكله الطيب في الزمن ده يا ربيع الدنيا بتقسى عليه جامد اوي
ربيع
خليك جنبها والنبي يا سناء هي غلبانه وامها كمان غلبانه وطيبه وما لهمش احد في الدنيا دي كلها
سناء
من غير ما تقول والله يا ربيع انا هروح الشقه علشان اشوفها واخليها تيجي هنا هي والعيال
وفعلا روحت شقتها وقالتلي
نعمات
خير يا سناء والنبي طمنيني على بنتي عامله ايه شفتيها واخبار العيال ايه كويسين
سناء
هم كويسين وباذن الله هيقوموا بالسلامه بس انتي لازم تقوي علشان تقدري تقفي على رجلك بنتك محتاجه لك وعيالها كمان محتاجينلك
نعمات
والله ما عارفه ايه اللي حصل لي من زعلي على بنتي انا حاسه ان انا مش قادره امشي على رجلي خالص
سناء
اللي عايزاكي تعرفي أن بنتك باذن الله هتكون كويسه وانا هكون جنبها وعمري ما هاسيبها
نعمات
كثر خيرك يا بنتي وحقها انا مش هاسيبه لو هقوم 50 محامي لو هبيع شقتي لازم اطلقها منه
سناء
مش عايزاك تشغلي بالك خالص انا هاقف جنبك وهاقف جنب بنتك لحد ما تقوم بالسلامه وباذن الله تقدر تمشي على رجلها وكنت كل
يوم بروح ليها المستشفي ولقيتها فاقت ودخلت
ليها وقولت
سناء
الف حمد لله على السلامه ما تعرفيش انا والدتي كنا خايفين عليكي ازاي ربنا يقومك بالسلامه
حنان
اللي حصل ليا وحصل ليه عيالي ده بسببك انتي يا سناء علشان انا ما رضيتش ان انت يحصلك حاجه انتي وعيالك حصل ليا انا وعيالي
سناء
بسببي انا هو انتي تعرفيني منين انا ولا عمري شوفتك من ساعه ما تجوزت ولا سمعت حاجه عنك غير من عن طريق والدتك
حنان
انا هقولك على كل اللي حصل وبدات حنان تحكي اللي سمعته في التليفون ما بين ندي وابراهيم
#فلاش باك
ابراهيم واقف في الصاله بيتكلم في التلفون
وبيقول
ابراهيم
ما خلاص بقى يا ست الكل ما انا قلت لك باذن الله العيلتين هيكونوا معاكي بس انا مستني الوقت اللي اعرف ادخل بيه حماتي واخذ العيال منها وبعدها قفلت السكه وحنان دخلت وقالت
حنان
هو انت في ايه يا راجل هو انت عايز تبيع العيال ولا ايه وامي ما لها بالحوار ده
ابراهيم
عيلنا ايه يا حبيبتي هو انا اقدر استغنى عن عيالنا برده دول عيال كده قاعدين مع امك واخذين كل فلوسها لا يروحوا لستهم بقى ام ابوهم هي تصرف عليهم
حنان
انا مش فاهمه منك حاجه عيال مين اللي قاعدين مع امي وسيبتهم مين اللي عايزاهم
ابراهيم
رغم اني مش ملزم اما اقول لك على حاجه بس هاقولك برده ، وقالها علي كل حاجه
حنان
هو انت ايه يا راجل معندكش قلب الفلوس عمت عينيك للدرجه دي معقول انت عايز تعمل كده ده انت ممكن توقع امي في مشكله
ابراهيم
ده انا عاملها لله واخذ قرشين كده بس لزوم ان انا سكت امك بهم وحاجه تبقى في جيبي
حنان
هو انت فاكر ان امي ممكن تسكت على الكلام اللي انت بتقوله ده انت ما بتعرفش ممكن تعمل فيك ايه
ابراهيم
باقول لك ايه يا حنان طلعي نفسك من الحوار ده انا كده كده هنفذ الموضوع ده فخليه يحصل بمزاجك احسن ما يحصل غصب عنك
حنان
وانا مش هسكت يا ابراهيم ولا فكرت تعمل كده انت ما تعرفش انا ممكن اعمل معاك ايه بالضبط
ابراهيم
طب يلا غوري من وشي بقى حط لنا ناكل انا مش ناقصك وبعدين نبقى نتكلم في الموضوع ده وفعلا دخلت عملت الاكل وبعدين دخلت
جابت عيالها وشويه وحطت لنفسها تاكل
هي والعيال تاني وبيعدين قالت
حنان
اه بطني بتوجعني الحقني يا ابراهيم ايه ده العيال حصلهم ايه هما كمان
ابراهيم
ايه ده هم العيال كلهم معاكي ثاني ولا ايه انت مش اكلتيهم مره وبعدها اخذ العيال وجري بهم على المستشفى والناس اخذتها وودتها هي كمان المستشفى
#رجوع
سناء
معقول ده اب معقول يعمل في عياله كده انا مش قادر اصدق خالص والله
حنان
هو كان قاصدني انا مش اقصد العيال
سناء
ما انتي كمان حامل ومين اللي بلغ عنه
حنان
اكيد المستشفى لما جاب العيال هنا هي اللي بلغت عنه بس مين ندى دي
سناء
ندى دي تبقى اخت بوسي الله يرحمها وكانت عايزه تاخذ العيال مني لانها مش بتخلف
حنان
الحمد لله ان هي دي محصلهمش حاجه
سناء
بس للاسف اللي كنت حامل فيهم الاثنين روحوا
لانك كنتي حامل في توام
حنان
ربنا يرحمه كانوا يشوفوا في الدنيا دي هو انا هاعرف اربي الخمسه لما اربي كمان اثنين عليهم
سناء
حقك عليا والله يا حنان انا ما اعرف ان كل ده هيحصلك
حنان
حبيبتي وانتي ما لك انت ، وعدا شهر
وبعدين حنان روحت البيت
الام
حمد لله على سلامتك يا حبيبتي نورتي بيتك والله انا مش عارفه ازاي ممكن يعمل فيكي كده
حنان
ربنا يسامحه بقى يا ماما بس ان انا نفسي معموله دلوقت ان انا ارفع عليه قضيه واتطلق
الام
من غير ما تقولي يا حبيبتي محامي شغال فيها
واكيد هيعمل كده
سناء
طيب بعد اذنكم انا بقى هاروح علشان اشوف ربيع اكله واخذ العلاج ولا لا
حنان
ايه ده هو معقول ربيع معاكي هنا
سناء
ايوه ربنا يكمل شفاها على خير يا رب
الام
روحي يا سناء يا بنتي هاتيه وتعالي انا عامله غداء عشان نتغدى سوا مع بعض
سناء
اكيد حنان محتاجه ترتاح سيبيها ترتاح شويه واحنا ناكل اي حاجه
حنان
لا والله مش عايزه انام خالص روحي هاتيه ربيع وتعالي وفي شقه حماتي ندي كانت قاعده هي وجوزها وامها وبتقول ل امها
ندي
يا امي معقول كده خلاص انا مش هاعرف اخذ عيال اخويا منه لله ابراهيم الغبي ده
حماتي
ليه يا حبيبتي انا هرفع عليها قضيه ان هي مش عارفه تصرف على العيال ابني واخذهم منها
ندي
انا قلبي وجعني اوي والله يا ماما نفسي اكون ام اوي
امجد
وانت ايه ما عندكيش قلب عايزه تاخذي العيال من امهم علشان انتى تكوني ام انا عمري ما شوفت حد طماع كده
ندي
انا عايزه اربي بنات اخويا في العز اللي احنا فيه ده
امجد
باقولك يا ندى لو فكرتي في الموضوع ده ثاني عرفي ان انتي هتكوني طالق مني انت فاهمه ولا لا وفي الوقت ده دخل الظابط وقال
الظابط
هو انت كده كده المفروض تطلعي يا استاذ انا كانت معقوله هتبقى عايز تعيش مع واحده رد سجون برده ، وفي الوقت ده حماتي قالت
حماتي
ايه ده هو انتم دخلتوا هنا ازاي وعايزين ايه بالضبط مننا
الظابط
والله احنا سمعنا المحادثات اللي بينك وبين ابراهيم وعرفنا انتم كنتم عايزين تعملوا ايه بالضبط وكمان استاذه سناء قدمت لكم محضر محاوله خطف عيالها
ندي
الكلام ده مش صحيح احنا معملناش كده خالص
الظابط
قولي الكلام ده بقى في النيابه تفضلي معنا لو سمحت فعلا قبض على حماتي وبنتها وفي شقه
وانا كنت قاعده مع ربيع اخويا ولقينا
الباب بيخبط وربيع فتح
ربيع
خير في ايه يا حضرت الضابط
الظابط
احنا كنا عايزين حضرتك في القسم دقيقه واحده علشان مراتك اتقبض عليها لأن لقينها في شقه
مش تمام
ربيع
معقول مراتي انا وفعلا راح وهي قالت
منه
ارجوك انا اسفه والله بس ارجوك تخرجني من هنا انا مكنتش اعرف ان هي شقه كده على فكره
انا كنت رايحه لوحده صاحبتي والله
ربيع
صاحبتك انا ندمان في يوم من الايام ان تجوزت واحده زيك شفت ربنا عمل فيكي ايه بعد اللي انتي عملتيه في
منه
حقك علي والله انا غلطانه بس ارجوك تخرجني من هنا
ربيع
انا جايه هنا عشان اقول لك انت طالق انا بجد انا اللي مش عايزك تكوني في حياتي وبعدها
خرج ورجع شقته وعدا سنه وبعدها اتجوز
حنان وكان بيحب عيالها اوي وانا كنت اقعد
من الشغل ولقيت احمد جه وقالي انه بيحبني
وانا وفقت عليه وبعدها اتجوزنا وربي عيالي
معايا وانا عمري ما سبتهم لحظه
ولحد هنا تكون خلصت قصتنا
تابعوني وانضموا معنا علي تليجرام لتكملة الروايه