رواية ذبول الفصل الرابع والخامس والسادس والسابع والثامن والتاسع والعاشر بقلم أميره محمد محمود
 |
رواية ذبول الفصل الرابع والخامس والسادس والسابع والثامن والتاسع والعاشر بقلم أميره محمد محمود
بارت4 🔥
_ فوزيه قربت من براء ورفعت صباعها ف وشه وقالت : ي
تري مراتك الحلوة قالتلك انها مش بنت ؟؟؟
_ اتكلم بتوتر مغلف بالثقه : أيوة ي امي قالتلي اومال احنا اتجوزنا امبارح ازاي
_ صرخت ف ليلي : اما انك بنت قليلة الحيا بصحيح
_ ام ليلي اتكلمت بعصبيه وصوت عالي : هوة في اي انتي محدش قادر عليكي ، انا ليلي بنتي خط أحمر واللي يقربلها اكله بسناني
_ مش لما تربيها الاول تبقي تقولي الكلام ده ي مرا يا ناقصه
_ فضلو يشتموا ف بعض وليلي وبراء وعمها يهدو فيهم مفيش فايده ، قامت ليلي صرخت بعياط :
_ بسسسس ...كافيه حرام عليكم كفايه ، امشي ي ماما ومتجيش هنا تاني لو سمحتي
_ بدموع : انتي بتقولي اي ي ليلي ؟
_ عشان خاطري ي امي حسي بيا بقااا ، انا بموت
_ طيب يبنتي اللي تشوفيه
_ مشيو وبراء حاول يوقفهم مرضوش ، ليلي كانت داخله اوضتها بس وقفت لما فوزيه قالت :
_ اسمعي ي حلوة يانا ي انتي ف البيت ، انا مستحيل اخلي واحده زيك رخيصه تفضل علي ذمة ابني
_ براء فاض بيه فصرخ ف وشها : كفااااايه كفايه ي امي انا تعبت من الوضع فهميني انتي عايزة اي وانا اعمله
_ مراتك لازم تقوم كل يوم تهتم بالبيت وتشوف واجباتها تجاه عيالك و.....
_ ليلي قاطعتها بتعب : حاضر
_ دخلت اوضتها وقفلت الباب وكل واحد مشي دخل اوضته وبراء فضل واقف مش عارف يعمل ف الورطه دي
بقلمي أميرة محمد محمود
________________________________
_ اسمع ي حبيبي دا بيتك وانت لازم ترجع تعيش معانا
_ ي امي براء مش هيرحمني
_ دا اخوك الكبير وميقدرش يزعل منك
_ بعد اللي عملته ده يقدر وبعدين بقااا انا ....
وسكت
_ انت ايه انطق ؟؟
_ انا مش هقدر اتحكم ف نفسي طول م ليلي قدامي
_ زعقت : أنت اتجننت ف عقلك ي ماجد
_ بضيق : لا متجننتش انا بحبها وكنت عايز اتجوزها بس انتي اللي لعبتي ف دماغي
_ انتي ناسي ي روح امك انها مش بنت وعايزين نكتشف السر ده
_ هنكتشف ازاي؟؟
_ مش عارفه بس لما قولت سألت براء قالي عارف ودخل عليها امبارح
_ اييييييه ؟
الكلام ده بجد
_ ببرود : أيوة مش مراته ولا اي
_ بزعيق وعصبيه : لا مش مراته ليلي ليا انا ومحدش هياخدها غيري اقسم بالله اجيب عاليها واطيها واقلب الدنيا فوق دماغكم
_ بقلق : يعني اي الكلام ده ؟!
_ يعني هرجع البيت ي امي وهعرفكم مين هوة ماجد
_ قفل السكه ف وشها وهيه قعدت مرعوبه وخايفه ،
دخل عندها براء : فين ماجد ي امي
_ بتوتر : اااا...وانا هعرف منين
_ لا ي امي انتي عارفه هوةة فين قولي ومتتعبيش قلبي
_ قامت وقفت : معرفش
_ طب اي الكلام اللي قولتيه الصبح ده ؟؟؟
_ كلام اي ؟؟
-_ ان ليلي مش بنت
-_ م...معرفش انا ق...قولت وخلاص
- بغضب مكتوم : يعني اي متعرفيش دا انتي طعنتي ف شرفها ومع ذالك سكتت ومردتش عليكي ومش معني كدا اني اسكت انا كمان
_ قصدك اي يا براء ؟؟
_ قام وقف عند الباب : قصدي أن اي غلط ف مراتي تاني هاخدها ونسيب البيت
_ سابها متوترة وقلقانه ولسه هيدخل اوضته ، لقي ابنه ادم داخل ووقف ورا الباب وبيبص عشان يشوف و يسمع هما بيقولوا اي ؟
بقلمي أميرة محمد محمود
_____________________
ليلي كانت نايمه علي السرير بتعيط وماسكه ايديها فجاءة حست بحد بيحط ايديه علي وشها وبيمسحلها دموعها ، قامت بسرعه لقتو ادم ، حضنته وفضلت تعيط وهوة بقي يعيط
_ مسحتله دموعه بسرعه : بس ...بس بتعيط ليه ؟
_ بعياط : عشان انتي بتعيطي
_ ليلي ضحكت وسط دموعها : طب والله انت احلي حاجه حصلت ف البيت ده
_ ابتسم : وانا كمان بحبك اوي
_ بصدمه : بجد انت بتحبني طب ليه ؟؟
_ مش عارف بس بحبك اوووي
_ ليلي ضحكت وقالت وانا بحبك اوووووووي اكتر منك
_ بطفوله : لا مش اكتر مني
_ لا انا اكتر
_ لا انا اكتر
_ ضحكت : طب خلاص انت اكتر
_ ادم ضحك وبص علي ايديها : انتي ليه مقولتيش لبابا أن تيتا هيه اللي عملت فيكي كدا
_ بتوتر : ل...لا ي حبيبي دا كان غصب عنها
_ اللي بيكدب بيخش النار
_ براء كان شايف وسامع وهوة مصدوم
_ ليلي غيرت الموضوع وقالت : انت صغير بس عقلك كبير ي سي ادم
_ ضحك وقام جبلها علبة الإسعافات وبقي يحطلها مرهم علي ايديها وهيه تعيط ، قام وقف علي السرير مسحلها دموعها تاني وحضنها
_ متعيطيش عشان اجبلك حاجه حلوة
_ ابتسمت : زي اي ؟؟
_ قرب من ودنها : شوكولا من اللي بابا بيجيبها
_ اتكلمت بنفس الهمس : مواقفه
ابتسمت وبراء ابتسم وقرر يدخل
_ احمم...يلا ي ادم ع النوم
_ حاضر ي بابا
_ ادم باس ليلي من خدها هيه وبراء ومشي
_ براء قعد علي الكرسي وقال : انا اسف بالنيابه عن كل الي حصل
_ عادي كان متوقع
_ مردش عليها وقام مسك ايديها ولف عليها الشاش ونامت وغطاها وهوة راح نام جمبها من الناحيه التانيه
بقلمي أميرة محمد محمود
_____________________
ليلي فتحت عينيها لقت براء نايم قصادها فصرخت : اااااااااه
#بارت5/6 🔥
ليلي فتحت عينيها لقت براء نايم قصادها فصرخت : اااااااااه
_ براء قام مفزوع من النوم : اي في اي ؟؟
_ بغضب : انتي اي اللي منيمك جمبي ي اخ انت ؟
_ مسح علي وشه بعصبيه وقام وقف : اصبحي ع الصبح ي ليلي
_ ليلي قامت خدت هدوم من الدولاب ودخلت الحمام ، براء استغرب انها مردتش عليه
_ براء قال ف نفسه : غربيه انها مردتش دا لسانها مضرب
_ شويه وخرجت من الحمام وقعدت علي السرير
_ براء انا عايزة ارجع شغلي ف المدرسه
_ استغرب : اشمعنا ؟؟
_ هوة اي اللي اشمعنا دا شغلي ونا مش هقدر اتخلي عنه
_ ماشي ي ليلي بس استني كام يوم كده عشان مينفعش تنزلي دلوقتي
_ بأبتسامه : حاضر
_ براء ابتسملها وقام دخل الحمام
_ وهيه قامت تصحي الولاد
_ بقلمي أميرة محمد محمود
_____________________"
_ فوزيه قاعده ف اوضتها منامتش لحد الصبح من كتر التفكير .
_ بتقول ف نفسها : لو ماجد الغبي ده اتصرف تصرف مش ولابد هيضيع كل حاجه علينا
_ قطع تفكيرها دخول ليلي عليها : مش تخبطي قبل م تدخلي
_ بتوتر : اسفه ي مرات عمي نسيت
_ بغضب : جايه عايزة اي ؟؟
_ ولا حاجه انا جيت اقول لحضرتك تعالي افطري معانا
_ مش جعانه روحي انتي
_ يلا ي مرات عمي عشان خاطر براء وولادة
_ بقرف : روحي وانا جاية وراكي
_ ليلي اتنفست براحه وخرجت وقفلت الباب وراها وفوزيه قالت : اللي انا بعمله ده مش هيجيب نتيجه لازم افكر و اخطط كويس
_ بعد م ليلي خرجت من عندها راحت عند ادم وفريده ، مشيت ناحية ادم فضلت تصحي فيه وباسته من خده
_ ممممم
_ يلا قوم ي كسول عشان تروح الحضانه
_ ادم كان نايم علي بطنه وبيتكلم وهوة نعسان : اممم ..مش عايز اروح
_ لا هتروح
_ فضلت تصحي فيه لحد م قام للبسته وخرج قعد براا يفطر معاهم
_ لسه هتصحي فريده ، لقتها صاحيه وواقفه قدامها مكشرة
_ متحاوليش تاخدي مكان ماما
_ بابتسامه : عمري م هاخد مكانها ي فريده انتي ليه مش عايزة تفهمي كده ، ياريت تدي لنفسك فرصه نكون صحاب
_ بغضب : قولتلك لا مش عايزاكي تكوني صحبتي وياريت تخرجي من حياتنا بقي
_ فريده سابت ليلي ومشيت وفوزيه كانت واقفه وسمعت كل الحوار ده ابتسمت بخبث وراحت قعدت علي سفرة الفطار
بقلمي أميرة محمد محمود
_ ادم وفريده فطروا وكل واحد علي مدرسته ، براء دخل يلبس وليلي لمت الأكل ودخلت وراه وفوزيه راحت تعمل مكالمه من وراهم
_ براء واقف بيلبس قدام المرايه
_ احممم... براء هوة انت هتسيبني هنا لوحدي ؟؟
_ مش فاهم تقصدي اي ؟؟
_ ليلي اتوترت : اقصد ...اقصد
_ براء فهم عليها : عشان ماما وكدا متخافيش ي ليلي ماما طيبه جدا وصدقيني هتحبك وبعدين كلها يومين وتنزلي شغلك
_ ليلي سكت شوي وقالت بدون مقدمات : انت اتجوزتني ليه ؟؟
_ براء بصلها بسرعه من غير رد
_ كررت سؤالها تاني : اتجوزتني ليه ي براء ؟؟
_ .............!!!!
_ قامت وقفت قصاده جامد وعيونها دمعو : عشان تلم الفضيحه مش كده ، قولت دي سنها عدا مرحلة الجواز اهو. بالمرة اشفق عليها واخلصها من اللي هيه فيه ،ولا عشان تحمي اخوك من عملته القذرة
_ براء مكنش عارف يرد عليها وبقولها اي ف جه يمسك ايديها بعدتها عنه
_ ليلي اسمعيني انا وانتي خلاص اتجوزنا يعني معدش ليه لازمه الكلام ده
_ عيطت : لا ليه ي براء انا واحده بتحس وعندها مشاعر ، قلبي بيوجعني لما بتعب لما احس اني مش مرغوب فيا , انا مكنتش بحب ماجد اخوك بس اتجوزته عشان خاطر امي اللي نفسها تشوف بنتها عروسه زي بقيت البنات
_ انا مش بايرة ولا عانس بس نصيبي لسه مجاش ، شغاله ف مهنه كويس ومش محتاجه حاجه ، يعني لسه مجاش شخص مناسب ليا ، بس ف الاخر اتجوزتك انت ....وانت قلبك مليان ي براء مليان بحب طليقتك
_ بحزن : ليلي انا ....انا
_ متقولش حاجه انا مش عايزة منك حب كفايه الاحترام اللي م بينا
_ مقدرش يستحمل ف خد حاجته وخرج راح علي شغله
بقلمي أميرة محمد محمود
_____________________
_ فوزيه قفلت علي نفسها وطلعت تليفونها واتصلت علي رقم مجهول
_ بخبث : اذيك ي مرات الغالي
_ بسخريه : مخلاص بقااا كل واحد راح لحاله
_ براء اتجوز ي حلوة ومراته الجديده خدت منك ولادك
_ بغضب : انتي بتقولي اي يا وليه ي خرفانه انتي
_ تؤتؤ ...عيب طولة لسانك دي هيه اللي ودتك فوداهيه انتي ناسيه ولا اي ؟؟
_ منك لله انتي اللي خربتي بيتي وضيعتي مني جوزي وعيالي
_ انتي اللي هبله ومعرفتيش تحافظي عليهم
_ مش هقول غير حسبي الله ونعم الوكيل
_ بغضب : لمي لسانك ي عقربه وخلينا ف المهم
_ بقرف : اكيد ليكي مصلحه مهي المكالمه دي مش من فراغ
_ بخبث : عليكي نور ، اسمعي بقي براء اتجوز ليلي
_ بصدمه : مش ليلي دي كانت خطيبة ماجد
_ أيوة ماجد هرب يوم كتب الكتاب ورفض يتجوزها راح براء للبس ف الليله ، ودلوقتي بقت متحكمه فيه ف ولادك دا حتي بيقلولها ي ماما
_ اييييه ؟؟
ايمته حصل كل ده ، اتاري العيال بقالهم يومين مش بيكلموني
_ كلميهم وحرضيهم علي براء عشان يرجعك البيت من تاني وانا هنا هقوم بالواجب وانتي طبعا عارفه أن براء لسه بيحبك ولا ايه ؟؟
_ أيوة بس صعب ارجع تاني براء خلاص طلقني ومستحيل نرجع
_ مفيش حاجه اسمها مستحيل صحصحي معايا كده وركزي وانا هقولك تعملي اي ؟
_ ي خوفي منك انتي قولي هنعمل اي
_ وبدءت فوزيه تقولها اللي هتنفذة
بقلمي أميرة محمد محمود
____________________
_ ليلي فضلت قاعده ف أوضتها لحد م قبل الضهر قامت عملت غدا ورجعت اتصلت ب مامتها
_ اذيك ي ماما عامله اي وحشتيني
_ بحزن : افتكرتي أن ليكي ام ي ليلي !؟
_ متقوليش كدا ي ماما انتي عارفه انا بحبك قد اي ؟
_ تعبتي قلبي معاكي يبنتي
_ الف. سلامه علي قلبك ي ماما
_ عامله اي مع حماتك العقربه دي
_ ضحكت : والله غلبانه بس لسانها متبري منك
_ ام ليلي ضحكت معاها : طب اسكتي لحسن تسمعك والله كان نفسي تسبيني عليها امبارح كنت كلتها علقه حلو
_ ليلي ضحكت اوي : ليه بس كده
دي طيبه اوي المهم عمو وطنط عاملين والولااا ......
_ مكملتش كلامها وجرس الباب رن
_ طيب ي ماما هكلمك بعدين عشان براء شكله رجع هروح احطله الغدا
_ ماشي يبنتي ربنا يفرح قلبك
_ قفلت مع مامتها وراحت فتحت الباب ووقفت مصدومه
_ ماجد ......؟؟؟؟
يتبع
لو ملقتش الكومنتات عدت الالف علي الالبوم من براا مش هكمل الروايه 💔
#بارت6 🔥
_ ليلي قفلت مع مامتها وراحت فتحت الباب ووقفت مصدومه
_ ماجد ......؟؟؟؟
_ ماجد دخل وقفل الباب وراه وهيه حطت ايديها علي بوقها وبقت ترجع لوا كل م يقرب منها
_ بخبث : وحشتيني ...!!!!
_ ليلي استجمعت قوتها وصرخت فيه بصوت عالي : انت ليك عين تيجي تيجي هنا ي حيوان وديني لو م مشيت لاكون مفرجه عليك الناس
_ قعد بكل برود ع الكرسي وفوزيه طلعت علي صوتها
_ ماجد حبيبي وحشتني يبني
_ انتي كمان وحشتيني طمنيني عليكي وبراء والولاد عاملين اي ؟؟
_ بخير كلهم
كنت فين ي ضنايا
_ بص ل ليلي بخبث : مش مهم ي امي المهم اني رجعت
_ بغضب : انت مستحيل تفضل معانا ف البيت
_ انتي بتقولي اي يبت انتي شكلك اتهبلتي دا بيته ومطرحه يقعد فيه براحته
_ بتمثيل : ليلي اسمعيني انا اسف والله بس مقدرتش اتحمل الكلام اللي انتي قولتهولي
_ بقهر : انا قولتلك قبل الفرح بشهر لاكن انت جيت يوم كتب كتابنا واتخليت عني
_ مقدرتش اتحمل شطاني وزني ومصدقتش كلامك
_ بدموع : انت كداب وجبان وعمري م هسامحك حسبي الله ونعم الوكيل فيك
_ ليلي دخلت أوضتها فضلت تعيط وكل م تحاول تنام مش عارفه قامت قفلت علي نفسها الباب لأنها خايفه منهم
بقلمي أميرة محمد محمود
_______________________
_ فوزيه مسكت ماجد من أيده وسحبته وراها ودخلو اوضتها
_ في اي ي ماما جراني كدا لي ؟؟
_ اسكت خالص
_ في اي بس مالك ؟؟
_ اي اللي رجعك مش قولتلك خليك دلوقتي براء مش هيسكت يبني
_ بضيق : انا مش فاهم انتي خايفه منه كدا ليه ؟؟
_ خايفه عليك ي روح امك
_ بسخريه : دا براء ي ماما مدرس الفيزيا ابو نضارة وكوباية قهوة شكلك نسيتي ابنك العاقل والمثقف اللي ملوش ف اي حوارات
_ خلي بالك العاقل والمثقف ده هيجيلو يوم وصبرة عليك وعلي غلطاتك هيخلص متنساش انو اخوك الكبير
_ بزعيق : منستش ي ماما منستش ، عشان كده بابا كان بيحبه اكتر مني ، كان شايفيني طايش مش نافع لاي حاجه
_ عمرة م وقف جمبي وساعدني وقالي مالك يبني اي اللي مزعلك الله يرحمه بقي كان ظالم
_ فوزيه راحت عليه ومسكته من دراعه لفته ليها ونزلت علي وشه بالقلم
_ الظاهر اني معرفتش اربيك ي ابن بطني ، لدرجة أنك بتغلط ف ابوك وهوة ميت
_ واقف مصدوم ومش قادر يرد اتحكم ف غضبه وقعد مكانه ومردش عليها
بقلمي أميرة محمد محمود
_________________________
_ براء رجع من شغله وولاده رجعو معاه من مدارسهم ، ادم وفريده دخلو يغيرو للبسهم ، وبراء استغرب هدؤء البيت ، جه يدخل اوضته لقاها مقفوله
_ خبط عليها براحه وكانت ليلي نايمه بس اول م خبط قامت بسرعه فتحتله ودخل
_ اترمت ف حضنه وفضلت تعيط ، صعبت عليه بس مقدرش يرفع ايده ويضمها لحضنه
_ طلعها من حضنه ومسح دموعها
_ بحنان : مالك ي ليلي
_ بعياط : م...ماجد ر...رجع
_ ليلي اهدي وفهميني بتقولي اي
_ ليلي اخدت نفسها ومسحت دموعها وحكتله اللي حصل
_ براء قام من جمبها بكل عصبيه وطلع براء ف الصاله
ونادي علي ماجد بعلو صوته
_ ماااااجد
_ ماجد اتفزع هوة وامه وخرجوا برااا واالولاد طلعوا
_ براء دخلهم اوضتهم وقفل عليهم الباب
_ وراح ناحيه ماجد مسكه من قميصه وضربه بالبوكس وقع علي الارض
_ ليلي واقفه تعيط ، وفوزيه جريت عليه قومته
_ اي عملته ف اخوك ده ي براء
_ بغضب : استني انتي ي امي الله يرضي عنك
_ ماجد وقف وابتسم بغضب
_ رجعت ليه بعد م هربت ي جبان ، طول عمرك بتحب تخلع وعمرك م كنت قد المسؤليه ، هربت يوم كتب كتابك ودبستني انا عشان ألم الفضيحه
_ ليلي اتصدمت من كلام براء صعب عليها نفسها وبقت تعيط علي اللي هيه وصلتله
_ انا بقي جيت عشان أشيل عنك الحمل ده ، طلقها وانا هتجوزها
_ براء اتعصب عليه ومسكه جامد : انت اتجننت ولا ايه ؟؟
_ بدوء يضربوا ف بعض وفوزيه تصوت وبتحوش فيهم والناس بتخبط علي الباب عايزة تعرف في اي ؟؟
_ ليلي فاض بيها راحت وقفت ف النص بينهم وصرخت ف بعدو عن بعض
_ كفاااايه كفايه بقي انتو اي مبتحسوش ؟؟
كل واحد بيفكر ف نفسه وبتعرضوني علي بعضيكم ومحدش فكر فيا حرام عليكم انا تعبت
_ دخلت اوضتها وبراء اتكلم
_ انا هاخد ليلي وولادي واقعد ف شقتي اللي فوق وحسك عينك تقرب منها انت فاهم يلااا
_ براء دخل عند ليلي لقاها بتعيط حط ايده علي كتفها ف اتنفضت
_ انا اسف
_ علي اي
_ علي كل حاجه حصلتلك بسببنا
_ بسخريه : بقي عندي مناعه
_ قومي معايا
_ علي فين ؟؟
_ جهزي شنطتك عشان هنروح نقعد ف شقتنا مش هينفع نفضل هنا
_ حاضر
_ ليلي قامت جهزت شنطتها وشنطة ادم وفريده
_ ولسه هيخرجوا من البيت فوزيه وقفتهم و....
يتبع
كل واحده علقت بعشر ملصقات علي الالبوم من براا وعدا الالف هنزلكم تلات فصول وراا بعض حتي لو ف نص ساعة
#بارت7/8 🔥
_ ليلي قامت جهزت شنطتها وشنطة ادم وفريده
_ ولسه هيخرجوا من البيت فوزيه وقفتهم
_ هتسيب البيت ي براء عشان خاطر دي
_ ي امي دي بقت مراتي وكرامتها من كرامتي
_ بس دا اخوك
_ مهو عشان اخويا لازم يتعاقب علي غلطاته يلا ي ليلي
_ خرجوا من الشقه ودخلو الشقه اللي قصادها ، فريده قعده وهيه متعصبه وادم قعد جمب ليلي وبراء دخل اوضته
_ ليلي حبت تلطف الجو : اي رايكم نقوم ننضف الشقه سوا وبعدين نعمل ايس كريم
_ ادم فرح وقال موافق أما فريده فضلت مكشرة زي م هيه ، ليلي راحت عندها
_ مش هزهق ابدا وهفضل اعرض عليكي صداقتي
_ فريده فردت وشها بس مردتش ، ليلي بصت حواليها لقت سماعات ، راحت فتحتها وشغلت اغاني
_ غنت مع الاغاني وادم قام يرقص ، شدت فريده معاها ، فريده سحبت ايديها منها ، وفضلت واقفه مكانها ، وادم وليلي بقو يرقصواا
_ كل شويه يسحبوها ترقص معاهم لحد م رقصت ، براء فتح باب الاوضه فتحه صغيره لقاهم بيرقصو مع بعض
_ وفريده بتضحك وليلي شايله ادم وبترقص بيه ابتسم عليهم وقفل الباب
بقلمي أميرة محمد محمود
_______________________________
_ ماجد قاعد هوة وفوزيه قصاد بعض وكل واحد بيفكر ف كذا حاجه
_ يارب تكون ارتحت ؟
_ في اي يا ماما بتكلميني كدا ليه ؟؟
_ زعقت : اخوك طلع من البيت بسببك عايزني اكلمك ازاي ؟؟
_ بضيق : والله محدش ضربو علي أيده وقاله يسيب البيت
_ بحقد : اخوك لازم يطلق البت دي
_ بخبث : انا بقول كده برضو ؟؟
_ فوزيه بصت لابنها وفهمت اللي بيدور ف دماغه : دا بعدك
_ هوة اي ؟؟
_ اللي بتفكر فيه ي ماجد
_ بسخريه : هنشوف
_ قام دخل اوضته وقعد يفكر هيعمل اي عشان يبعدهم عن بعض فتح موبايله وبعت ريكورد لبراء وبيمثل فيه
_ انا عارف انك زعلان مني صدقيني انا مرجعتش عشان خاطر ليلي ، صحيح انا سبتها يوم كتب الكتاب عشان قبلها قالتلي انها مش بنت وأن دي حادثه حصلتلها
_ يمكن ف الاول صدقتها بس بعدين الشك ابتدء يدخل لقلبي ومقدرتش استحمل و .... وهربت
_ وعارف كمان أن تصرفي كان غلط بس مش حابب نخسر بعض عشان واحده ست
_ بعته لبراء وابتسم بخبث
_ براء كان قاعد ع السرير وفجأة جاله اشعار برساله من ماجد فتحه وسمع اللي فيها كله
بقلمي أميرة محمد محمود
_ قعد خمس دقايق يستوعب بعد كده نادي علي ليلي
_ ليلي جات قعدت قصاده
_ خير ي براء عايزني ف حاجه
_ مش عايز تقوليلي حاجه ليلي
_ ليلي اتوترت : حاجة اي
_ انا اللي بسألك ي ليلي
_ ل...لا معنديش كلام اقوله
_ براء قام وقف : متاكده !؟؟
_ انت عايز اي براء
_ عايز اعرف ماجد سابك ليه يوم الفرح
_ ليلي اتوترت اكتر ودموعها وبقت خايفه تتكلم ، براء عاطيها ضهرة ومستني منها اجابه التفت ليها وشاف هيأتها متأثرش وكرر سؤاله تاني
_ ماجد سابك يوم الفرح ليه ي ليلي ؟؟
_ ليلي اتفتحت ف العياط : عشان ...عشان انا مش بنت
_ ببرود : يعني كلامهم صح وماجد كان عنده حق ف اللي عمله
_ قامت مسحت دموعها : طالما سمعت منهم يبقي ملوش لازمه كلامي
_ براء اتعصب وضربها بالقلم : رخيصه
_ سابلها البيت كله ونزل وهيه قعدت تعيط
_ فريده وادم دخلو عندها ف مسحت دموعها بسرعه : فين ايس كريم ي ليلي
_ ابتسمت بوجع : حاضر ي حبايبي هقوم اعملكم
_ عدا اليوم عادي وبراء جه ياليل ودخل نام وهيه نامت براا علي الكنبه
_ قامت بدري جهزت الفطار ولبست الولاد وبراء خدهم ف طريقه
_ وهيه دخلت لبست وراحت علي شغلها ف المدرسه
_ براء اول م شافها اتعصب ودخل الحصه اللي عليه
_ بعد م خلصت شغلها راحت تزور ابوها ، قعدت جمب تربته
بقلمي أميرة محمد محمود
_ ابتسمت بدموع : اذيك ي حج ليك وحشه ي غالي ، بنتك كبرت اوي والمسؤوليات اللي عليها كترت
_ انا محتجالك اوي مش عارفه اعيش من غيرك حاسه ان ضهري اتكسر ، يرضيك بنتك تعيش وسط الحزن دا كله ، الدنيا وحشه اوي ي بابا ، وحشه اوي من غيرك
_ اااه لو يرجع بيا الزمن مكنتش سيبت لحظه تعدي من غيرك ، عارف انا ساعات بقول اشمعنا هما عندهم اب وانا لا ، يمكن ذكرياتك هيا مخلياني عايشه ، ملقتش السند ي بابا ملقتوش من بعدك
_ حاسه بنسمه هوا متلجه بتضرب ف قلبي ومهما احضن نفسي برضو حاسه بالبرد ، ليه مشيت انت مكنش ينفع تمشي طيب كنت خدني معاك
_ ي وجع قلبي عليك ، ودموعي اللي مش بتنشف ابدا
_ انهارت من كتر العياط
" احساس صعب اوي لما الإنسان يسأل نفسه ، هوة انا ازاي لحد دلوقتي عايش من غير اب ، ازاي عديت كل الايام دي من غيرة ، دموعك اللي بتغرق وشك اول يوم صيام واول يوم عيد ، كل مناسبه مبتلاقيش سندك حواليك ، يعني اي مبقاش موجود يعني اي مش هشوفه تاني ؟؟؟
احساس صعب ربنا م يكتبه علي حد "
_ ليلي اتأخرت جدا ، قامت مسحت دموعها وروحت ، اول م دخلت الشقه لقت براء قاعد بيهز ف رجله بعصبيه
_ ادم جري عليها حضنها وهوة بيعيط وفريده كانت واقفه زعلانه
_ بتعيط ليه ي حبيبي؟؟
_ عشان انتي مشيتي وسبتيني
_ بإبتسامه : انا كنت ف الشغل وبعدين عمري م هسيبك
_ بفرحه : بجد ؟؟
_ بجد والله
ويلا بقاا ادخلو اوضتكم عقبال م اجهز الاكل
_ سمعوا منها ودخلوا اوضتهم والتفتت لبراء ، شاف عينيها حمرا ومنفوخه من كتر العيال
_ بهدوء : كنتي فين ؟؟
_ بحزن : كنت بزور بابا
_ مقولتليش ليه ؟؟
_ بدموع : محستش بنفسي غير ورجليا بتاخدني هناك
_ مستنتش منه رد ودخلت تغير هدومها ، براء مسح علي وشه بغضب ودخل وراها
_ اول م دخل لقاها فكت البلوزه وقلعاها ، ليلي صوتت
_ انت بتعمل اي هناا ؟؟
_ بتلقايئه : يخربيتك حلاوتك
_ ايي؟؟؟
_ لف وشه بعيد: اسف اسف
وخرج بسرعه
_ ليلي ضحكت علي شكله ، وبراء قال ف نفسه : ملقتش غير ليلي وانحرف علي ايديها
_ كان هيدخل لولاده بس جرس الباب رن راح يفتح لقاه شرطي
_ حضرتك استاذ براء طليق مدام ايمان العدلي
_ أيوة
_ طب امضي هنا
_ اي ده
_ المدام رافعه علي حضرتك قضيه عشان حضانة الاولاد
_ ايييي ؟؟؟
يتبع
بارت اهوة والتاني الساعه عشرة
يلا ي جدعان علقو بعشر ملصقات
#بارت8 🔥
_ المدام رافعه علي حضرتك قضيه عشان حضانة الاولاد
_ ايييي ؟؟؟
_ امضي ي استاذ الله يرضي عنك
_ براء مضي علي المحضر ودخل جوة وقعد مهموم
_ ليلي لبست وخرجت شافته كدا راحت قعدت جمبه
_ بحنيه : مالك ي براء
_ بحزن : ايمان رافعه عليا قضيه
_ بإستغراب : ايمان مين !!؟
_ براء كان لسه هيقولها بس تراجع وبصلها بقرف وقام دخل أوضته
_ ليلي حست برعشه غريبه اول م براء بصلها بالشكل ده ، مسحت دمعه نزلت منها وقامت عملت أكل وحطته علي السفرة .
_ دخلت عند ادم وفريده قعدت جمبهم
_ كفايه مذاكرة كده ويلا عشان تاكلو انتو مكلتوش حاجه من الصبح
_ ادم قال : حاضر ي ماما
_ ليلي بصتله بصدمه ومش عارفه ترد قام باسها من خدها وطلع براا
_ فريده هزتها : ليلي ...ليلي انتي روحتي فين
_ بصدمه : هوة ادم قال ليا انا ي ماما مش كده
_ ابتسمت : أيوة
_ طب ...طب انتي مش زعلانه
_ لا مبسوطه عشان اخويا مفرحش بالشكل ده من زمان اوي
_ بحنيه : وانا عمري م هخزلكم ابدا ، فريده اعتربيني صحبتك واي حاجه تطلبيها مني هنفذهالك
_ فريده حضنتها وليلي شايفه أن دا احسن شعور تحس بيه ف حياتها
_ قعدوا كلهم علي السفرة وبراء متجاهل ليلي تماما ، قطعت الصمت وقالت بإبتسامه : انا مبسوطه اوي ي براء ادم بقي يقولي ماما يعني بيعتبرني ما.......!!
_ قاطعها بعصبيه : اخر مرة اسمع الكلام ده ، انتي مش أمه ي ليلي ولا عمرك هتكوني كده ف ياريت تخفي عشم شويه
_ قلبها اتحرق كآن حد دلق عليه ماية نار ، عينها رقرقت بالدموع ، ووقفت علي جفنها ،سكتت ومردتش عليه
_ بصت علي الولاد لقتهم زعلو وبيبصولها
_ ابتسمت غصب عنها : يلا كلوا عشان تكملو مذاكرتكم وبعد كده تناموا
_ ادم ساب الاكل وعيطت : ليلي تبقي ماما وانا مش عايز غيرها
_ دخل اوضته وهوة بيعيط ، وفريده قامت وراه
_ ليلي مقدرتش تستحمل وعيطت بصوت عالي ، براء قام خرج من البيت كله
_ بعد شوية ليلي دخلت عند ادم وفريده صالحتهم وذاكرت ليهم وفضلت جمبهم لحد م ناموا ، طلعت براا فرشت ف الصاله ونامت
_ براء رجع لقاها نايمه صعبت عليه ، ميل عليها ورجع خصله من شعرها اللي مشافوش مفرود من ساعة م اتجوزها
_ انا اسف بس حياتي مقلوبه لوحدها وانتي جيتي قلبتيها زياده غصب عني غضبي بيطلع فيكي انتي بس لا انا ليا ذنب ولا انتي ليكي ذنب
_ باسها من راسها وغطاها كويس ودخل نام
بقلمي أميرة محمد محمود
_____________________
_ ماجد قاعد مش علي بعضه ، براء شاف رسالته ومردش عليه وده معناه انو مش مهتم باللي قاله
_ هتفضل قاعد كده كتير
_ بضيق : عايزة اي يا ماما
_ عايزاك تفوق لنفسك وتنزل تشوف شغل
_ طيب
_ اي طيب دي
_ يووووة انا قايم وسايبلك البيت خالص ،لسه بيقفل الباب وراه لقي ليلي خارجه من شقتها ومعاها الولاد
_ اذيك ي ليلي ؟
_ بصتله بقرف ومردتش عليه ، اتعصب جامد ومسكها من دراعها
_ انا مش بكلمك مبترديش عليا ليه ؟؟
_ سيب ايدي ي حيوان اخر مرة تملسني انت سامع ؟
_ ببرود : هتعملي اي يعني؟
_ عمل كده
وقامت لطشاه قلم علي وشه
_ حط ايده علي خده وبصلها بصدمه من جراءئتها ، فوزيه طلعت علي صوتها وشافت ليلي وهيه بتضربه
_ مسكت ليلي من طرحتها وفضلت تضرب فيها والعيال يعيطو ، ماجد بيحوش فوزيه بس مفيش فايده ، راح صرخ فيها ودخلها جوة بعد الناس م اتلمت عليهم
_ براء مكنش هنا راح علي شغله ، ليلي قامت بعياطها دخلت الحمام غسلت وشها وهيه برضو بتعيط ، غيرت لبسها وطلعت خدت ادم وفريده ومشيت
بقلمي أميرة محمد محمود
________________________________
_ براء قاعد يفكر ف القضيه اللي رفعتها عليه ايمان ، قام اتصل عليها وفتحت
_ بقي رافعه عليا قضيه عشان حضانة ولادي ، لسه فاكرة أن ليكي ولاد تسألي عليهم
_ ببرود : والله انا حرة ودول ولادي زي م هما ولادك ، انت اتجوزت بس انا لا
_ اممممم قولي بقااا كدا غيرانه عشان شوفت حياتي ونسيتك
_ لا يبيبي انت منستنيش ولا عمرك هتنساني
_ ي شيخه اي بس الثقه دي
_ انت فاكرني مش عارفه اتجوزتها ازاي
_ ملكيش فيه واخلصي قولي اللي عندك
_ ترجعني تاني علي ذمتك
_ زعق : انتي اتهبلتي ولا اي
_ خلاص نتقابل انا وانت ف المحاكم وخلي بالك انا صبري طووويل اوي ومبزهقش
_ بقرف : انا مش عارف حبيتك ازاي ، شكلي عميت ساعتها
_ بدلع : مش مهم كفايه اني بحبك
_ قفل ف وشها السكه ولمح ليلي جايه ف راح عندها بسرعه
_ بتردد : اتاخرتي ليه الحصه الاولى فاتتت
_ منزله راسها ف الأرض : ااا...اسفه المواصلات كانت صعبه وعقبال م لبست ادم وليلي
بقلمي أميرة محمد محمود
_ مد أيده ورفع راسها لفوق لقاها بتعيط من غير صوت : مالك ي ليلي بتعيطي ليه ؟
_ كآنها كانت مستنيه يقولها كده , حضنته فرفع أيده وضمها : ششششش اهدي متخافيش انا جمبك
_ خرجت من حضنه لما حست بالوضع ، مسحت دموعها : انا اسفه
_ وسابته ومشيت وهوة قلقان عليها بدون وعي منه
_ دخل يشوف شغله بس عقله معاها ، ليلي حزينه طول الوقت ومش عارفه تركز مع الاطفال
_ كالعاده خلصت شغلها وراحت جابت ادم وفريده من مدرستهم ورحوا البيت
_ براء دخل البيت مكنش زي عادته ، البيت هادي مفيش ضحك ليلي ولا رقص ادم وفريده
_ ادم جري عليه وعيط
_ مالك ي حبيبي بتعيط
_ تيته ض......
_ اددددم تعالي هنا
دا كان صوت ليلي
_ في اي ي ليلي سيبيي الولد يتكلم
_ مفيش حاجه ي براء
_ فريده اتكلمت : لا فيه ي بابا
تيته فوزيه ضربت ماما وشدتها من شعرها والناس كلها اتلمت عليهم
_ اييي؟؟
#بارت9/10 🔥
_ تيته فوزيه ضربت ماما وشدتها من شعرها والناس كلها اتلمت عليهم
_ اييي؟؟
_ وعمو ماجد كان بيضايقها
_ براء اتعصب جامد ولسه هيقوم ليلي مسكت أيده : لا ي براء ارجوك لا
_ براء فلت ايده منها ومشي وهيه راحت وراه هيه والولاد
_ دخل عليهم الشقه راح علي ماجد وضربه بالبوكس ف وشه
_ بعصبيه : مش قولتلك متقربش من مراتي قولت ولا مقولتش ، وانتي ي ماما ينفع اللي عملتيه ده ، هوة عشان ليلي محترمه وبنت ناس تضربيها بالطريقه دي
_ بغضب : انت بتعلي صوتك عليا ي ولد ، أيوة ضربتها لانها رفعت ايدها الزباله علي اخوك
_ انا عايز اعرف حضرتك عايزة اي دلوقتي ؟
_ سكتت ومردتش عليه
_ انا عارف انتوا عايزين بس اللي ف دماغكم مش هيحصل
_ ماجد اتكلم : انا مش هرد عليك عشان انت اخويا الكبير وبحترمك
_ بسخريه : واضح اوي انك بتحترمني ي ماجد
_ مسك ليلي من ايديها وسحبها وراه ودخل بيتهم
_ تليفون ليلي رن وكانت امها ، سابتهم ودخلت ترد عليها
_ براء طلب من ولاده يدخلو يذاكرو ، وهوة كان داخل اوضته يغير هدمومه بس غصب عنه وقف لما سمع ليلي
_ أيوة ي ماما ...أيوة ي حبيبي ، لا متقلقيش عليا انا بخير
_ .......!!!!
_ براء كويس وبيعاملني كويس ، حماتي ؟؟
لا اتغيرت وبتحبيني اوي اطمني انتي بس وسلميلي علي خالي ومرات خالي ومنتصر ، طيب ي حبيبتي ، لا عايزة سلامتك، يلا مع السلامه
_ دموعها نزلت وبراء فتح الباب وبدون اي مقدمات خدها ف حضنه ، مسكت ف قميصه جامد اوي وعيطت كتير
_ طلعها من حضنه وفك طرحتها وفرد شعرها علي ضهرها ،وهيه لسه بتعيط واخدها ف حضنه تاني
_ شششش اهدي مفيش حاجه حصلت
_ بعياط : انا ...انا معملتش حاجه عشان يحصلي كل ده ، انا مغلطتش مع حد ي براء ، فقدت عزريتي وانا طفله صغيرة بسبب ركوبي ع المرجيحه
_ براء غمض عينيه بألم ، قلبه وجعه لانه ظلمها ومسمعش منها
_ انا قلبي بيوجعني كل م افتكرت وانت بتقولي اني رخيصه ، انا ليه دايما ف نظر الكل وحشه ليبيه ؟؟
_ اهدي ليلي انا اسف
_ ليلي طلعت من حضنه ومسحت دموعها
_ انا اسفه بهدلتلك قميصك
_ بهزار : فداكي لبسي كله
_ ليلي ابتسمت بكسوف وقامت
_ رايحه فين
_ هنام برااا
_ لا انتي هتنامي هنا علي السرير
_ وانت ؟؟
_ علي السرير برضو
_ بس ي عسل
_ الاه مش انا جوزك ولا اي ؟؟
_ ليلي ضحكت وهيه خارجه ، براء خرج وراها وأصر انها تنام علي السرير وهوة ينام برااا
بقلمي أميرة محمد محمود
_____________________
_ البت خلاص كلت بعقله حلاوة
_ ومكنش يصح اللي انتي عملتيه برضو ي ماما
_ بزعيق : انت اتجننت ياض دي رفعت ايديها عليك وديني م هسكتلها
_ قرب منها : ي ماما كفايه كدا مش هتخسرني ابنك عشانها
_ بشك : انا مش مرتحالك اي اللي غيرك فجاءة كده ي ولااا
_ بغموض : ولا حاجه
انا نازل ادور علي شغل
_ لوزت بوزها : ي فرحتي بيك
_ سمعها بس محبش يرد عليها ، نزل قعد مع صحابه
_ وسألهم علي مكان شغل ، وواحد فيهم قالوا إن في صيدليه محتاجه حد يقف فيها ، عطاله العنوان وقعد معاهم شوي ومشي
_ وصل عند الصيدليه ودخل يسأل علي الشغل ، لقي بنت واقفه فيها
_ السلام عليكم
_ وعليكم السلام ورحمه الله وبركاته اتفضل
_ انا كنت جاي بخصوص الشغل
_ ابتسمت : حضرتك عندك خبرة
_ بإحراج : بصراحه لا
_ تمام ممكن تيجي بكرة وانا هبلغ
دكتور ايمن بخصوصك
_ حضرتك بتشتغلي هنا
_ أيوة بس دكتور ايمن راجل كبير ف السن وتعبان عشان كده محتاج حد يقف معايا بداله
_ ربنا يشفيه يارب
همشي وهعدي علي حضرتك بكرة بعد اذنك
_ اتفضل
_ ماجد مشي بس حاسس انو مش مرتاح بس مينفعش يفضل ف البيت من غير شغل
بقلمي أميرة محمد محمود
__________________________
تاني يوم براء اخد إجازة من شغله
_ ليلي
_ نعم
_ انا اخدت ليا وليكي اجازة من الشغل
_ طب وانا مالي ي لمبي
_ سوقيه اوي
_ أيوة برضو مفهمتش اخدت ليا إجازة ليه ؟
_ كده عشان محتاج اتكلم معاكي ف موضوع كده
_ طب والولاد
_ مش لبسوا ؟؟
_ أيوة
_ باص المدرسه هييجي ياخدهم
_ بإحراج : وهنقعد لوحدنا ؟
_ كتم ضحكته : ومالو انا زي جوزك برضو
_ اتكسفت وقامت دخلت جوة ، بعد شوية الباص جه واخد ادم وفريده
_ براء قعد جمبها: انا عايزك تسمعيني للآخر
_ بتوتر : اتفضل
بقلمي أميرة محمد محمود
__________________
_ ماجد للبس ونزل راح الصيدليه ، اتكلم مع. دكتور ايمن وعرف منه أن هوة بييجي كل يوم يقعد بس ع المكتب لأن صحته علي قده
_ وابنه بييجي مرتين ف الاسبوع يتابع الشغل وان البنت اللي بتشتغل هنا اسمها سلمي وبيثق فيها جدااا
_ أن شاء الله الشغل هيعجبك اوي
_ ابتسم : انا حابب انك تعلميني
_ ابتسمت اكيد
_ بداءت سلمي تعلمه وتقوله علي اسامي الادويه ونوعها وكل شيء متعلق بيها
بقلمي أميرة محمد محمود
__________________
_ ساكت ليه ي براء وترتني
_ براء استجمع قوته وقال : ليلي احنا لازم نبعد عن بعض فترة
يتبع
يلا ي نسوان كل واحده بعشر ملصقات 😂😂💙
#بارت10 🔥
_ ساكت ليه ي براء وترتني
_ براء استجمع قوته وقال : ليلي احنا لازم نبعد عن بعض فترة
_ ليلي بصتله بصدمه وكأنها مش قادرة ترد عليه
_ قرب منها : ليلي انا اسف بس ....!!!
_ قاطعته : تمام هروح بيت اهلي عن اذنك
_ سابته وقامت دخلت اوضتها فضلت تعيط ، طلعت مذاكرتها وكتبت
_ النهاردة يوم وحش زي كل يوم ، مش فاكرة ايمته فرحت ولا ايمته ضحكت ، الدنيا اسؤء مكان ممكن الواحد يشوفه ، من أمنياتي اني اموت واتخلي عنها
_ انا محبتوش بس كان نفسي اعمل عيله واستقر زيي زي اي بنت ، بس من الواضح كده اني مليش نصيب ، مش هعافر تاني عشان حد ميستاهلنيش لازم اهتم بنفسي وابدء من جديد
_ قفلت مذاكراتها وقامت حضرت شنطتها وقفلتها وطلعت لقتو قاعد بص عليها ، تجاهلته ودخلت المطبخ عملت أكل ل ادم وفريده
_ بعد ساعه كانت مخلصه كل حاجه ، خدت شنطتها وخرجت من غير ولا كلمه
بقلمي أميرة محمد محمود
__________________
_ سلمي هوة التدريب دا هياخد وقت كبير ؟
_ ابتسمت : زهقت
_ رفع أيده وحطها علي شعرة وابتسم : لا بسأل بس
_ طيب يسيدي انت شاطر اوي وف خلال يوم قدرت تتعرف علي انواع كتير من الادويه
_ شكرا دا بفضلك انتي
_ علي اي بس دا شغلي
_ ماجد ابتسملها وبص قدامه وقعد يفكر ف ليلي وهل هوة بيحبها بجد ؟
ولا بيعاند نفسه
_ عقله اتغلب عليه ووهمه انو بيحبها ولازم براء يطلقها وهوة يتجوزها
_ ماااااجد روحت فين
_ هااا...معاكي ي سلمي
_ بقالي كتير بنادي عليك
_ معلش سرحت شوي
_ عادي ولا يهمك بس قولي سرحت ف أيه
_ بتلقائيه : اظن دي خصوصيات
_ بإحراج : انا اسفه جدا عن اذنك
_ ماجد مسح علي وشه بتنهيده : استغفر الله العظيم لازم احاول اسيطر علي نفسي
بقلمي أميرة محمد محمود
___________________
_ براء قاعد مضايق لأن ليلي سابت البيت ومشيت
_ فجاءة الباب خبط لان دا معاد وصول ولاده من المدرسه ،وقام فتح الباب وطلعت ايمان طليقته
_ ايه هتسيبني واقفه كده كتير علي الباب ؟؟
_ اي اللي جابك
_ جايه اطمن علي ولادي
_ منتي بتشوفيهم ف المدرسه وبعدين انتي عارفه انهم مش موجودين
_ زقت الباب ودخلت قعدت
_ زعق : هوة انتي معندكيش كرامه ؟؟
_ وقفت وحطت ايديها علي صدرة وقربت منه جامد اوي ، وبالصدفه دخلت ليلي
_ براء اول م شاف ليلي زقها بعيد عنه ، ليلي عيونها دمعو وكأنها بتسألو مين دي ؟
_ ايمان قربت منها : انتي بقي ليلي
اممممم زوقك مش بطال
_ بتوتر : ليلي دي تبقااا .....!!!
_ قاطعته : ميهمنيش انا جيت بس لاني نسيت حاجه هاخدها وامشي
_ بقرف : يكون احسن برضو
_ ليلي دخلت بسرعه خدت الحاجه وخرجت من غير م تبصلهم
_ براء بص علي طيفها بحزن وقطع شروده ايمان
_ تنحت كد ليه
_ انتي مالك واتفضلي اطلعي برااا
_مش هطلع ي براء انا جايه اشوف ولادي
_ بسخريه : ولادك ؟؟
دلوقتي بقو ولادك ؟
_ بعصبيه : مش انت اللي بتلعب فى دماغهم من ناحيتي عشان تخليهم يكرهوني
_ اي اللي بتقوليه ده انتي مجنونه ؟
_ لا مش مجنونه انا فاهمه كويس اوي انت عايز توصل لايه ومش معني اني جيت هنا ، ببقااا اتنازل علي القضيه
لا ي حبيبي انسي
_ بكرة : انا مش عارف كنت مخدوع فيكي ازاي ، بحمد ربنا كل يوم اني اكتشفتك علي حقيتك الزباله دي
_ ببرود : انا احسن منك مية مرة علي الاقل بصون العيش والملح اللي كان بينا
_ مسكها من دراعها جامد : انتي اخر واحده تتكلم عن كده ، كل المشاعر اللي ف الدنيا انتي ملكيش صله بيها
_ قربت منه بوقاحه وحطت ايديها حوالين رقبته وباسته من خده ، زقها ورفع ايديه وضربها بالقلم
_ بوجع : اااااه
_ لسه هيتكلم ولاده دخلو ، فريده جريت عليها حضنتها ، وادم دخل جوة وطلع تاني
_ بابا هيه ماما فين ؟
_ بإستغراب : انا اهوة ي حبيبي
_ تجاهل ايمان خالص : بابا رد عليا
_ حبيبي اسمعني
_ بغضب : هوة بيتكلم عن مين ي براء
_ ادم : بتكلم عن ماما ليلي
_ بعصبية : اي اللي بتقوله دا يا ولد ، انا مامتك والزفته دي ولا حاجه
_ ادم بغضب طفولي : متقوليش علي ليلي زفته
_ براء بهدوء : ادم ادخل جوة
_ عيط : لا انا عايز ليلي
_مسحله دموعه : حاضر بس ادخل دلوقتي وهيه زمانها جايه
_ مسح دموعه وابتسم ودخل أوضته
_ ايمان بصت علي فريده : وانتي كمان نستيني ي فريده زي اخوكي
_ لا يمامي انا بحبك اوي
_ فريده ادخلي عند اخوكي بسرعه
_ بس انا عايزة اقعد مع ماما
_ زعق : فريده اسمعي الكلام
_ دخلت وهيه بتعيط ، وبراء بص ل ايمان خافت بس مبينتش
_ اظن اللي عملتيه النهارده كفايه اتفضلي اطلعي براء
_ حاولت تستعطفه : ارجوك خليني اشوفهم قبل م امشي
_ خمس دقايق وتطلعي
_ دخلت بسرعه عندهم وقفلت الباب وراها ، حضنت فريده
_ حبيبتي انا بحبكم بس باباكي بيكرهني ومش بيخليني اشوفكم ، وليلي بتعاملكم حلو عشان خاطر ابوكم ، ابعدي عنها ي فريده
_ وابعدي ادم عنها دي وحشه ومش بتحبكم زيي و.....!!!
_ قبل م تكمل كلامها براء مسكها من دراعها وبصلها بكل غضب وخدها وطلع برااا وقفل الباب علي ولاده
_ رماها علي الارض : اقسملك بالله م هتلمحي ضفر منهم تاني امشي اطلعي برااا ي زباله
_ قامت عدلت هدومها وبصتله بغل وحقد : والله م هسيبك ي براء ونتقابل انا وانت ف المحاكم
_ خرجت ورزعت الباب وراها براء اتنهد ودخل عند ولاده لاقاهم بيعيطوا راح حضنهم بكل حب وحنيه لحد م ناموا
بقلمي أميرة محمد محمود
__________________________
_ ليلي قاعده ف اوضتها تعيط من ساعت م جات
_ بعياط : يعني هوة قالي نبعد عشانها ، عشان بيخوني
يخوني اي بس هوة كان بيحبني ولا معتبرني مراته حتي
_دي باسته من خده وحضنته اللي تحضنها عقربه ، طب انا مالي م يولعوا ، انا متضايقه ليه ....لييييه ؟؟
_ مسحت دموعها وقالت بجديه : حتي لو مبيحبنيش ولا انا بحبه ، علي الاقل يحترم وجودي ف حياته ، ويحترم اني مراته وميجرحش كرامتي بالشكل ده
بقلمي أميرة محمد محمود
_ امها دخلت عليها : مالك يبنتي ، من ساعت م جيتي وانتي حالك مش عاجبني
_ بتوتر : لا ي ماما انا كويسه
_ بشك : انتي متخانقه مع جوزك
_ قامت وقفت : لا طبعا
_ اومال سيبتي البيت ليه
_ بإبتسامه كلها توتر : عشان وحشتوني ف استاذنت من براء وقالي روحي لو عايزاني امشي ي حبيبتي امشي عادي
_ ضربتها علي كتفها : بس ي يبت يا هبله دا بيتك زي م هوة بيتنا
_ ليلي حضنتها وهيه زعلانه ، شويه وخالها دخل عليهم
_ ليلي جوزك عايزك براااا
_ براء ؟؟
يتبع
إللي عاوز يوصله اشعار بتكملة الروايه يعمل إنضمام من هنا