حكاية وجع الفصل الاول والثاني والثالث والرابع والاخير بقلم سيد احمد الشاذلي
الجزء الاول
كل واحد فينا جواه #وجع والم من الحياه
بس لما نشوف وجع غيرنا بتهون علينا #اوجاعنا
عبدالباسط كان شغال #مقاول_معمار
ومتجوز #حميده من 16 سنه وخلف منها بنت وولدين
البنت كان اسمها #حنان
حنان كانت بنته الكبيره عبدالباسط ماكانش عاجبه حياته وعيشته حاول يغيرها واتجوز ست تانيه غير حميده بدون علمها ومن غير ماتعرف بس مافيش سر بيفضل طول العمر مستخبى
وحميده عرفت
حميده /_بقى بعد العشره دى تروح تتجوز عليه ؟
عبدالباسط /_أنا ماعملتش حاجه غلط ولاحرام أنا اتجوزت على سنة الله ورسوله
حميده /_أنا عارفه انك اتجوزت طيب وعيالك وانا ؟
عبدالباسط /_هو حد قالك انى هرمى عيالى؟
حميده /&أنت رمتنا فعلاً من يوم ماتجوزت واهملتنى أنا وعيالك
عبدالباسط /&اهملتك فين مانا ببعتلك مصاريف على طول ليكى انتى وولادك
حميده /&هي كل حاجه عندك المصاريف مابتفكرش غير فى كده وبس
عبدالباسط /_بقولك ايه عجباكى عيشتك على كده عيشى مش عجباكى تقدري تروحى بيت اهلك وتريحينى وانا اجيب ست ستك الصبح
حميده /_دلوقتي بقيت بتطنط بفلوسك الله يرحم ايام ماكنت شغال عامل باليوميه
عبدالباسط /_الدنيا مابتخليش حد على حاله ربك لمايريد بيعطى الخير للى يستحقه
حميده /_فعلا عندك حق وانت تستحق
عبدالباسط /&ايه بتتريقى عليه
حميده /&هتريق ليه رضينا بالهم والهم مش راضى بينا
عبدالباسط /&غوري من وشي أنا غلطان انى جاي ابص عليكم خدى الفلوس اهه أنا هغور من خلقتك
ومشى عبدالباسط
وطبعا حميده زيها زي ستات كتير رضيت وصبرت علشان خاطر ولادها وعاشت وكملت حياتها مع عبدالباسط
عبدالباسط كان بيروح لعياله ومراته كل فتره
ولاحميده اشتكت ولافكرت حتى انها تشتكى
وفى يوم عبداالباسط اتعرف على ناس عندهم شغل كتير وهيمسكوه شغل المقاولات بتاعهم
عمل عزومه كبيره فى بيت حميده وعزمهم فيه
واخدوا واجبهم اربعه وعشرين قيراط
بس فيه واحد من الناس دول اسمه رافت شاف حنان وعجبته قوى
رافت اتصل ب عبدالباسط
عبدالباسط /_ايوه يارافت بيه
رأفت/_عايزك تعدى عليه بكره ضروري
عبدالباسط /_حاضريابيه
وتانى يوم راح عبدالباسط لرافت بيه
رافت /_أنت انسان محترم وكويس وربنا بيحبك قوى
عبدالباسط/_ربنايعزك يابيه
رافت/_بقولك كان فيه بنت يوم العزومه فى البيت عندك
عبدالباسط/_مالهايابيه
رافت/_بنت مين
عبدالباسط/_حنان بنتى الكبيره
رافت/_بسم الله ماشاءالله واضح عليها التربيه والادب جدا ربنا يحميهالك
عبدالباسط/_ربنا يحفظك هو فيه حاجه يابيه
رافت/_انت عارف انى أنا والمدام منفصلين ياعبدالباسط
عبدالباسط/&لا ماعرفش يابيه
رافت/_أنا بدور على بنت تكون بنت حلال اتجوزها ومن يوم ماشفت بنتك وانا كنت عايز اتكلم معاك وقلت استنى لحد مالشغلانه اللى كانت فى ايديه تخلص علشان لو وافقت نكتب الكتاب على طول
عبدالباسط/_كتب كتاب مين يابيه؟
رافت/&كتب كتاب بنتك حنان
عبدالباسط/_مين العريس ده يابيه
رافت/_ ايه هو انا مش مالى عينيك ياعبدالباسط ولايه؟
عبدالباسط/_دانا اجيبهالك خدامه
رافت/_تسلم بس ياريت نجهز كل حاجه على طول علشان انت عارف ورانا شغل كتير
عبدالباسط/_حاضر يابيه نجهز كل حاجه
رافت /_أنا عندى البيت مفروش وجاهز مش ناقصه قشايه مش ناقصه غير العروسه هجيب لها شبكه ب 50 الف ومهر 30 الف قلت ايه
عبدالباسط /_بس يابيه لازم اشوف البت الاول وامها علشان بنتى لسه صغيره
رافت /&انت ياعبدالباسط مابتشوفش غير شغلك وبس انت واضح انك ماخدتش بالك من بنتك من زمان ولاشفتها بقت عامله ازاى
عبدالباسط /_ يابيه أنا شغلى واخد كل وقتى
رافت /_وده عجبنى فيك نقراء الفاتحه
عبدالباسط /_لا يابيه الاصول اصول لازم تيجي البيت عندى بعد ماشاور اهل بيتى ونتفق على كل حاجه عندي فى البيت
رافت /_هو انت لازم موافقة اهل بيتك ايه مالكش كلمه كراجل انك تجوز بنتك للانسان اللى انت شايفه مناسب ليها ولايه ؟
عبدالباسط /_دى اصول ولازم ماتخطهاش
رافت /_واضح انك بتفهم فى الاصول ياعبدالباسط انا مستنى رد اهل ببتك عليه مش مستنى ردك أنت
عبدالباسط /_اللى فيه الخير يقدمه ربنا يابيه
ومشى عبدالباسط وفضل يفكر فى كلام رافت وراح عند مراته التانيه بثينه
عبدالباسط قاعد سرحان بيفكر بثينه دخلت عليه
بثينه /_ايه سرحان فى إيه ياعبده ؟
عبدالباسط /_ البت كبرت وفيه عريس متقدم لها
بثينه /_وماله ياخويا ده يوم المنى يوم ماتجوزها
عبدالباسط /_بس العريس كان متجوز قبل كده
بثينه /_وفيها ايه يعنى ياخويا هو اللى كانوا متجوزين قبل كده كانوا كفار ولاحاجه
عبدالباسط /_العريس يبقى رافت بيه
بثينه /_دى فرصه اوعى تضيعها ده معاه فلوس زي الرز والبت هتنغنغ فى العز
عبدالباسط /_ بس ياترى امها والبت هيوافقوا
بثينه /_هههه ايه هو انت مالكش كلمه على اهل بيتك ولايه جوز بنتك ياخويا بمعرفتك واللى انت شايفه فى مصلحتها انت الراجل والكلمه كلمتك
عبدالباسط / لا الكلمه كلمتى بس البت لسه صغيره
بثينه /&أنت اللى صغير واضح انك مش لاقى حجه فبتدور على اي كلام وخلاص
عبدالباسط /_اللى ربنا شايفه هو اللي هيكون
وراح عبدالباسط بعد يومين لبيت حميده
عبدالباسط /_اعملى حسابك إن بنتك جايلها عريس ومش هتروح المدرسه بعد كده
حميده /_يعني ايه؟
عبدالباسط /_جه الوقت اللى البنت تتجوز فيه ونستىرها
حميده /_نسترها ازاي البت لسه ماكملتش 14 سنه
عبدالباسط /_انتى عايزانى اسيب البت كده من غير جواز انتى مش شايفه بنتك جسمها بقى عامل ازاي
حميده /_بس دى لسه عيله
عبدالباسط /_عيلة ايه دى بقت شبه البغله
حميده /_البنت ماتنفعش للجواز دلوقتي
عبدالباسط /_البت ده احسن سن ليها للجواز
حميده /_ومين هيوافقك على كده ؟
عبدالباسط /_هو انا مستنى حد يوافقنى ولايرفض كلامى
حميده /_واضح انك شارب حاجه
عبدالباسط /_شارب المر منك انتى وبنتك وعيالك
حميده /_ايه واضح إن الست هانم مقوياك علينا حبتين
عبدالباسط /_أنا مافيش مره تقوينى ولاتشغل بالى سيبك من هبل النسوان والغيره بتاعتك دي
الجزء الثاني
#حكاية_وجع
وبعد ماعبدالباسط كلم حميده وقالها إن فيه عريس جاي لبنتها وقلب الكلام بينهم لتلقيح وكلام مالوش لازمه
حميده /_ايه واضح إن الست هانم مقوياك علينا حبتين
عبدالباسط /_أنا مافيش مره تقوينى ولاتشغل بالى سيبك من هبل النسوان والغيره بتاعتك دي
حميده /&أنا اغير من ايه اللى اخدته القرعه
عبدالباسط /_واضح انك عايزه تتعلمى الادب من اول وجديد بلاش تتكلمى على مراتى كده
حميده /_مراتك شالله يامراتك العقر_به دى.
عبدالباسط /_انتى بقيتى وش نكد
حميده /_خلاص روح للسنيوره بتاعتك
عبدالباسط /_ايوه هروح ياختى دانتى وشك يسد النفس
حميده /_حوش حوش انت تفتح النفس قوى
عبدالباسط /_واضح انك مش عاوزه تجبيها لبر
حميده /_انت اللي مش طايق لنا كلمه من يوم ماتجوزت الحربايه دى
عبدالباسط /_يعني هو انا لقيت الهنا معاكى علشان اقعد معاكى لوكنت لقيت الراحه ماكنتش دورت على زوجه تانيه
حميده /_ايوه دور لك على حجه
عبدالباسط /_الناس فاكره جوز الاتنين متهنى
اللى عايز بلوى ييجي يشيل عنى
حميده /_ايه يشيل الاولى ولا التانيه
عبدالباسط /_يشيل المصبتين ياختى
حميده /_طالما مش اد التانيه اجوزتها ليه ؟
عبدالباسط /_كنت فاكر ياختى انى هبقى سعيد واشوف الهنا اتارينى هشرب المرار منك ومنها ماصدق الحريم كلها واحد ومافيش فرق بينهم
حميده /_كويس ياخويا انك عرفت
عبدالباسط /_ياريت كنت عرفت من زمان ياختى ولاكنتش لبست في المصيبه التانيه اللي زيك
حميده /&طيب ماتطلقها ياخويا وريح نفسك
عبدالباسط /_والله انتم الاتنين عايزين تطلقوا وارتاح من وشكم فين البت
حميده /_عند اخوالها بتعمل معاهم حاجه عقبال عوض ييجيلك من السنيوره التانيه
عبدالباسط /_عوض ياخدك ويريحنى منك انتى عايزانى ارجع تاني واخلف واشيل الارف من اول وجديد
حميده /_يعني العيال ارف دول رزق من ربنا ياخويا ولاواضح إن السنيوره مالهاش فى الخلفه
عبدالباسط /ايه هنقضيها السنيوره ومش السنيوره كلمى بنتك علشان العريس هييجى الاسبوع الجاي
حميده /_مافيش جواز ياعبدالباسط البت هتخلص تعلميها
عبدالباسط / تخلص فى بيت جوزها وده هيكون اتفاقى معاه
حميده /_اتفاق مين ياخويا هي البت هتكون فاضيه بعد كده لجوزها ولالبيتها ولا لوخلفت هتعمل ايه ولايه؟
عبدالباسط /_ده هيكون اتفاق بينهم وبين بعض وبعدين كفايه انها هتعيش فى عز
حميده /_عز ولازفت البت مش هينفع تتجوز خالص دلوقتي
عبدالباسط /_ليه ناقصها ايه غير البنات ياختى
حميده /_اهم شي تعليمها وده كلام بنتك إن هي هتخلص تعلميها
عبدالباسط /_كلام بنتى مايمشيش عليه يمشى عليكى انتى أنا خلاص اديت كلمه ومش هرجع فيها
حميده /_ماشي ياسيد الرجاله هنشوف
وعدى يوم واتنين
رافت كلم عبدالباسط
رافت /_ايه قولت ايه ياعبدالباسط
عبدالباسط /_البت لسه فى التعليم يارافت بيه
رافت /_ياسيدى هتكمل تعليمها عندى مافيهاش مشكله
عبدالباسط /_بس يابيه كنا نصبر شويه على البنت حتى على ماتخلص امتحان
رافت /_واضح انك رافض وانى مش مناسب لبنتك
عبدالباسط /_لا والله ماقصدش بس اصل
رافت /_لااصل ولافصل خلاص انسى كل حاجه قولتهالك وانسى حتى انك تاخد مقاولات من المكتب تبعنا تانى
عبدالباسط /_يابيه أنا موافق بس ادينى يومين اقنع الجماعه عندى ومتنساش سن حضرتك كبير على البنت
رافت /_واضح انك مالكش كلمه على اهل بيتك ولاعارف تدير امورك وتدى كلمه
عبدالباسط /_الموضوع مش كده خالص لما اجي لحضرتك هشرحلك
رافت /_تيجي فين المكتب ماعدتش هتدخله تانى لانى مش هشغل معايا غير رجاله يعرفوا يحافظوا على كلامهم ووعودهم
عبدالباسط /_وأنا ماخلفتش وعدى معاك يابيه
رافت /_يبقى هاجى البيت عندك بكره ونقراء الفاتحه
عبدالباسط /_تنور يابيه
وقفل رافت مع عبدالباسط
وجهز نفسه تانى يوم وراح عند بيت عبدالباسط
عبدالباسط /_نورت يارافت بيه
رافت /_بنورك
عبدالباسط /_ثانيه واحده انادى العروسه
وقام عبدالباسط ينادى على حنان
حنان عملت الشاي وجابته وجاءت
عبدالباسط /_سلمى على عريسك ياحنان
حميده /_وحضرتك عندك كام سنه ياستاذ رافت
رافت /_37سنه
حميده /_وايه مخليك قاعد لحد دلوقتي من غير جواز وانت بسم الله ماشاء الله يعنى واضح إن حضرتك ابن ناس
رافت /_أنا كنت متجوز قبل كده وماحصلش نصيب نكمل مع بعض
بقولك ايه ياعبدالباسط أنا هجيب لبنتك شبكه بخمسين الف ومهر 30 الف قولت ايه ؟
عبدالباسط /&قولتى ايه ياعروسه
حنان /&أنا عايزه اكمل تعليمى
رافت /_هتكمليه فى بيتى إن شاءلله ايه رايكم نقراء الفاتحه
عبدالباسط /_على البركه
والفاتحه اتقرت
رافت /&الشهر الجاي هاجى نتمم كل حاجه واخد العروسه ونبداء حياتنا ومش عايز منكم اي حاجه غير الهدمه اللى عليها
حميده /_يعنى ايه الكلام ده ايه هو انت جاي تسلق بيض
على الاقل نستنى لما البت تخلص السنه دى
رافت/_تخلص عندي وانا مش هقصر فى حاجه معاها
حميده/_الامتحانات تخلص وبعدين يحلها الف حلال
على الاقل ندى البت فرصه تتعرف عليك وعلى طباعك
رافت/_اللى تشوفوه بس أنا شارى بنتكم وكل طلباتكم مجابه
عبدالباسط /_تسلم وتعيش يارافت بيه
رافت /_ياست الكل خلاص بعد ماتخلص الامتحانات اجى نتمم كل حاجه
عبدالباسط /_ماشي يارافت بيه داحنا نجيبهالك خدامه
ومرت الايام
وجه وقت الامتحان وامتحنت حنان وبسرعه
قوام تم كل حاجه ودخلت حنان عش الزوجيه
الجزء الثالث
#حكاية_وجع
بعد ماحنان اتجوزت رافت وراحت بيته وهي بنت 14
رافت /_أنا هخليكى اسعد واحده فى الدنيا كلها هجيبلك كل اللي نفسك فيه وهلففك العالم
بس واضح فى الاول كل بيبقى كلام فى كلام ومافيش حاجه بتتم غير فى الاحلام
وعاشت حنان مع رافت
حنان قاعده بتذاكر
رافت يرجع من شغله
حنان تقوم بواجباتها وتجهزله كل حاجه وتذاكر
وكانت بتذاكر فى البيت وكل حاجه ماشيه تمام وكان رافت مبسوط منها وعايش وكل حاجه تمام
بس بسرعه الايام بتجرى
وييجى امتحان نصف العام
وكانت حنان زي عادتها بتذاكر
رافت /_انتى بتعملى ايه؟
حنان /_بذاكر علشان امتحان نصف العام
رافت /_سيبك من المذكره وتعالى نسهر سواء
حنان /_يعنى انت مش عايزنى اذاكر
رافت/_كفايه انى استحملت الفتره اللي فاتت دى كفايه بقا مذاكره
حنان/_أناعايزه انجح واكون من الاوائل السنه دي
رافت /_نجاحك الحقيقي انك تسعدى جوزك وتحافظى على بيتك
حنان /_طيب والشهاده وتعليمى؟
رافت /_الشهاده دى حتة ورقه بتترمى فى درج المكتب سنين وسنين ومالهاش اي عازه ولاقيمه لكن الحياه الزوجيه واسعاد جوزك ده لوحده قيمته كبيره جدا
حنان /_يعنى النوم فى السرير ليه قيمه وشهادتى وتعليمى مالهمش اي قيمه؟
رافت /_ايوه عارفه ليه ؟
حنان /_ليه؟
رأفت /&لما هتسعدى جوزك مش هتخليه يبص بره بيته على واحده تانيه وغير كده ربنا بيرضى عنك وهتفضلى عايشه فى نعيم وسعاده انما لوماحفظتيش على جوزك وعملتى كل اللى هو عايزه هيبص بره لغيرك وحياتك هتبقى كلها مشاكل ووش ولما جوزك يزهق من عيشته معاكى هتتطلقى ويتخرب بيتك يبقى انه نجاح اللى يستحق التعليم ولا الزوج
حنان /_الزوج طبعا بس احنا متفقين اني اكمل تعليمى
رافت /_وتعليمك ده هيخلي حياتنا تتهد يبقى بناقصه
حنان /&بس انا حلم حياتي اكمل وانجح؟
رافت /_وانا محتاج لمراتى تكون ليه فى كل وقت ولما احتاجها تقول حاضر من غير نقاش
حنان /_واتفاقك مع ابويا
رافت /_سحبت اتفاقى معاه ورجعت فى كلمتى لانى عايز اعيش حياتي مع مراتى روحي غيرى هدومك دى والبسى حاجه خلينا ننبسط
وراحت حنان مجبره وعملت اللى جوزها قالها عليه
وعدت الايام بحلوها ومرها
وجه الامتحان
وحنان راحت من وراء جوزها تمتحن
رافت رجع مالقهاش فى البيت
فضل قاعد مستنى ولما حنان رجعت من الامتحان
رافت /_ايه هو انا هفضل مستنى الدكتوره على ماترجع كنتى فين كل ده ؟
حنان /_روحت الامتحان
رافت /_مافيش امتحانات تانى ولافيه خروج من غير اذنى
حنان /_يعنى ايه مافيش امتحانات ؟
رافت ضربها بالقلم الكلمه اللي اقولها تتسمع وماسمعش صوتك
حنان /_يعنى هتحرمنى انى اكمل تعليمى
رافت /_ايوه هحرمك من اي حاجه انتى هنا لازم تمشى تحت طوعى وامرى روحى جهزى الغداء
جهزت حنان الغداء وقعد رافت يتغدى
ولما جه الليل
رافت /_قومى غيرى هدومك والبسى علشان نسهر سواء
حنان /_تعبانه مش قادره
رافت /_مافيش حاجه اسمها تعبانه الكلمه دي ماسمعهاش منك تانى
حنان /&ليه هو انا مش بشر زيك؟
رافت /_لا بشر بس لما اقولك عايزك تقولى حاضر وبس
حنان /_لا مش هعمل وبس أنا ليه حق لما اكون تعبانه ومش قادره اومغصوبه على حاجه ماعملهاش
رأفت /_وانا لما اكون عايزك ماتقوليش لا وضربها بالقلم
حنان /_واضح انك اتجننت انت بتضربنى
رافت /_اضربك واقت_لك طالما مش بتسمعي الكلام
حنان /_هو انت جايبنى خدامه ليك ولاجاريه
رافت /_أنا جايبك هنا علشان تكونى لمزاجى وبس من غير كلام ومن غير نقاش فهمتى
حنان /_لا مافهمتش
رافت /_اوعى تفتكرى انى اتجوزتك حبا فى اهلك اوحبا فيكى اوطمعان فى العز اللى انتى كنتى عايشه فيه فى بيت ابوكى ابوقصعه انا اتجوزتك علشان جسمك وبس وقت ماعوزك القاكى
حنان /للدرجه دى
رافت /_هي دى الحقيقه
حنان /_وكلام الحب اللي انت بتقوله ليه مش حقيقه ؟
رافت /_لقيتك ماتستاهليش حبى ليكى
حنان /_وعلشان استاهل حبك لازم اكون لك جاريه وانت سيدى؟ وأنت بتتطلب منى حاجات مايصحش تعملها معايا؟
رافت /_على اد مانتى صغيره فى السن بس ذكيه جدا
الرجل علشان يخرج الحب اللي جواه لازم يكون سعيد ومبسوط مع مراته وبعدينالحاجات اللى بطلبها دى بتبسطنا احنا الاتنين
حنان /_وسعادة الراجل فى الحاجه دي وبس؟ والقذاره والشرب ده بيبسطك انت انما انا بكون قرفانه من ريحة الخمره اللى بتشربها وريحة #الحشيش
رافت /_سعادة الراجل فى حاجات كتيره قوى ودى حاجه من اهمهم بالنسبه له مع زوجته وانتى مش هتخلينى ابطل اي حاجه تسعدنى وتبسطنى
حنان /_أنت بتدور على سعادتك وانبساطك وسعادة الست فين ؟
رافت /_سعادة الست فى سعادة جوزها وانه يكون راضى عنها ومبسوط معاها ولو الراجل مالقاش سعادته مع اهل بيته بيلجاء للخيانه اوللجواز من واحده تانيه زي مابوكى عمل مع امك وراح اتجوز واحده تانيه غيرها
حنان /_ابويا فعلاً اتجوز واحده تانيه وسابنا بس لما الفلوس جريت فى ايديه
رافت /_لوكان لقى السعاده مع امك ماكانش جرى وراح اتجوز الموضوع مش موضوع فلوس لان الفلوس مابتغيرش انسان
حنان/_ مين قالك كده انت بتتنطط عليه بفلوسك وشايف انك تقدر تجيب واحده واتنين وعشره واضح إن فلوسكم مش مخلياكم شايفين حاجه غير نفسكم وبس
أنا مش طايقه اعيش معاك لحظه واحده بعد النهارده
ومشيت حنان وراحت بيت اهلها
الجزء الرابع
#حكاية_وجع
بعد ماحنان راحت بيت اهلها
حميده /_فيه ايه يابنتي مالك
حنان /_انتى ليه يامى بعتينى وجوزتينى وانا لسه صغيره ؟
حميده /_منه لله ابوكى هو اللى عمل كده
حنان /_وليه وافقتيه حرام عليكي
حميده /&ابوكى يابنتى مبقاش شايف غير نفسه وبس واللى فى راسه بيعمله
حنان /&وانا ذنبى ايه انه اب ماعندوش عقل؟
حميده /_ذنبك انه ابوكى
حنان /_ده مش ممكن يكون اب أبداً علشان يرمينى لكلب زي ده وانا لسه عيله
حميده /_وليه مارفضتيش من الاول وهو بيسالك ؟
حنان /_ارفض ازاي كنت لسه عيله وماعرفش افرق بين الصح والغلط كنت لسه مافهمش انما انتم فاهمين يعنى ايه
انتى عارفه الفرق بينى وبين جوزى اد ايه ياامى20 سنه
حميده /&وانتى ماكنتيش شايفه الفرق ده قبل ماتتجوزيه وتوافقى عليه؟
حنان /_كنت فاكره انى هعيش مرتاحه علشان جوزى غنى ومبسوط
حميده /_الغنى والفلوس بتخلى الرجاله تتنطط على الست
حنان /&والفقر برضو بيزل ياامى
رافت اتصل ب عبدالباسط وبلغه باللى بنته عملته
عبدالباسط
راح بعصبيته على بيت حميده
عبدالباسط /_فين بنتك ياست هانم ؟
حميده /_جوه الاوضه عايزها ليه مش كفايه وقعتك السوده
عبدالباسط /_انتى اللى وقعتك سوده انتى وبنتك علشان ماعرفتيش تربيها
حميده /_بنتى متربيه احسن تربيه
عبدالباسط /_واضح انها متربيه ماهى واخده طولة لسانك وزفارته
حميده /_أنا مش لسانى زفر انت اللى مابقيتش عارف تفرق بين الصح والغلط
عبدالباسط /_ليه شايفانى عيل برياله ادامك ولايه غوري من خلقتى
عبدالباسط بينادى على حنان
حنان /_نعم يابا
عبدالباسط /_انتى قليلة الادب
حنان /_عيب فى حقك يابا لما تقول على بنتك كده
عبدالباسط /_انتى هتعرفينى العيب يابت انتى
حنان /_لا يابا ماقصدش بس اصل تربيتك
عبدالباسط /&لا لوتربيتى ماكنتيش تردى على جوزك وتناطحيه الكلمه بكلمتها انما انتى تربية امك تربية مره
حنان /_لما أنا تربية مره زي مابتقول كنت فين انت
عبدالباسط /_كنت بجيبلك الطفح اللى تطفحيه وبشتغل
حنان /_وشغلك يمنع انك تشوف تربيتنا اوتربينا مع امى؟
عبدالباسط /_وكنتى هتاكلى وتشربي منين كنتى هتصرفى منين وتتعلمى ازاي لما اقعد اربيكى وادادى فيكي؟
حنان /_تعليمى اللى ضيعتنى منه وجوزتنى لراجل من دورك يابا
عبدالباسط /&كنت بسترك
حنان /_ليه هو انا كنت معيوبه علشان تسترنى ؟
عبدالباسط /&هو انتي كل ماقولك كلمه هتسالينى سؤال ولايه ؟
حنان /_ايوه يابا لازم اسالك لو مسالتكش انت هسال مين محتاجه منك اجابات لحاجات كتير قوى ليه عملت فيه كده ؟
عبدالباسط /_عملت ايه عملت غلط يعني علشان جوزتك
حنان /_ايوه عملت اكبر غلطه فى حياتك ودمرتنى ودمرت مستقبلى
عبدالباسط /&أنا مدمرتكيش فى حاجه انتى هترجعى لجوزك وتكملى حياتك
حنان /_لا مش هرجع يابا مش هعيش حياه انت اختارتها لى وفرضتها عليه علشان مصلحتها
دوما #نهاية كل شيء لابد ان تاتى
وهاقد اتت نهاية #القصه
برغم اوجاعها التى عشناها معها بكل تفاصيلها
واحداثها
الجزء الخامس والاخير
#حكاية_وجع
عبدالباسط /_هترجعى لجوزك وتكملى حياتك
حنان /_لا مش هرجع يابا انا مش هعيش حياه انت اختارتها لى وفرضتها عليه علشان مصلحتك
عبدالباسط /_أنا عملت علشان مصلحتك يابنتى ؟
حنان /_لو عملت علشان مصلحتى ماكنتش رمتنى الرميه دى
عبدالباسط /_عايز اعرف فيه ايه اللي حصل غيرك كده ماكنتى مبسوطه بالجواز
حنان /_اه كنت مبسوطه فى الاول لانى كنت لسه عيله مش فاهمه حاجه كنت فاكره اني هعيش مبسوطه علشان جوزى معاه فلوس بس أنا ماتغيرتش لوحدي يابا لان مافيش انسان بيتغير فجاءه
عبدالباسط /_احكيلي فيه ايه ؟
حنان /_احكيلك ايه ولايه يابا انت مش عايش حياتك مع مراتك التانيه سيبنا يابا وروح لها احنا خلاص ماعدناش محتاجين وجودك جنبنا ومشاكلنا هنحلها بنفسنا
عبدالباسط /_يعني مش محتاجين منى اي حاجه ياقليلة الادب؟
حنان /_ياما احتاجنالك وكنا بنتمنى وجودك انا واخواتى وانت روحت دورت على نفسك واتجوزت وسيبتنا ولما رجعت لنا ورطتنى وجوزتنى لواحد لابيرحم ولابيخلى رحمة ربنا تنزل وجاي دلوقتي عايزنى ارجع له
عبدالباسط /_ايوه لازم ترجعى ليه علشان ده جوزك وماينفعش تطلقى وانتى لسه عيله صغيره
حنان /_ولما كنت بتجوزنى ليه ماكنتش عيله يابا ؟
لما وافقت واتخذت القرار ماكنتش عيله فى نظرك؟
عبدالباسط /_أنا اخدت رايك الاول علشان اكون خلصت من ذنبك وتكونى حرة الاختيار؟
حنان /&خدت رايى وأنا عيله زي مابتقول افرض انى ماكنتش واعيه وفاهمه تقوم ترمينى كده؟
عبدالباسط /_دلوقتي انتى كبرتى وبقيتى ست متجوزه ولازم تفهمى إن طلاقك مش هيكون كويس ليكى ولا لجوزك
حنان /_وعلشان كبرت خلاص يابا مش هرجع علشان فهمت وعقلت
عبدالباسط /_واضح انك معمولك عمل اوسحر خلاكى كارهه جوزك بالطريقه دى
حنان /_لا عمل ولاسحر يابا أنا كرهت جوزى من افعاله وعمايله عمايله اللى انت ماتعرفش عنها حاجه
عبدالباسط /_عمايل ايه قوليلى؟
حنان /'اقولك ايه ولايه العمايل كتير قوى بس للاسف مهما اقول انت مش تفهمنى وهتدافع عنه علشان انتم رجاله زي بعض لاعمركم هتحسوا بالمنا ولا وجاعنا
جوزى بيشرب يابا بيشرب #خمره وبيشرب #حشيش وبياخد #منشطات عارف يعنى ايه يابا
عبدالباسط /_مايشرب ماكل الناس بتشرب
حنان /_وانا ايه يخلينى استحمل واحد زي ده مابيخافش من ربنا ولاعنده دين
مش قولتلك انت هتدافع عنه لانكم رجاله زي بعض عارف يعني ايه انسان يرجع #سكران بيته وريحة بوقه ارف من ريحة #الخمره ويطلب مراته للنوم ومهما الست ماتتالم وهي فى حضنه عمره مهايحس بيها
عارف لما راجل ياخد منشطات ومراته ماتكونش مستعده اوتعبانه بتعانى اد ايه يابا
عبدالباسط /_اياك عايزاك تحرميه من حقه الشرعى
حنان /_لا يابا مش احرمه بس ربنا حرم الخمر وكل مسكر لانه بيغيب العقل والانسان مابيقاش فى وعيه مابالك لما يكون شهواته غلباه فى وقت عقله غايب فيه هيعمل ايه فيها
عبدالباسط /_انتى بتتكلمى كلام فارغ مالوش اي عازه
حنان /_مالوش عازه بالنسبالك انت يابا بس ليه عازه بالنسبالى وبالنسبه لكل ست ربنا ذكر فى الزواج الرحمه الرحمه فى كل شيء يابا
عبدالباسط /_يعنى انتى عايزانى اروح اقول لجوزك بلاش تنام فى حضن مراتك ؟
حنان /لا يابا لا تروح ولا تيجي لانى مش هرجع أنا هقعد هنا مع امى واشتغل وكفايه لحد كده اللى حصل كفايه اللى شوفته فى الجوازه السوده دى
الراجل فيكم مابيشوفش الست غير وقت النوم وبس
الراجل احنا بالنسباله جسم بس
بس احنا من دم ولحم وارواح بتحس وتتالم بنتوجع وبنصرخ لما بيفيض بينا
جوزى اتجوزنى علشان جسمى عجبه وبس وانا اديته جسمى علشان كان فى الحلال كنت فاكراه انسان انما طلع حيوان مفترس أنا هطلق ويروح يشوف له جسم غيرى يكمل معاه حياته
عبدالباسط /_الكلمه اللى هقولها هي اللى هتتسمع وهترجعى لجوزك غصب عنك
حنان /_لا مش هرجع
عبدالباسط /_انتى هتكسرى كلامى
حنان /_ايوه هكسرها وياريتنى كسرتها من زمان قوى لما اختارت لى حياه وجوازه ماكانتش ليه اصلا
عبدالباسط /_لو مارجعتيش لجوزك لانتى بنتى ولاعرفك
حنان /_افتكر من يوم ماتجوزت مراتك التانيه يابا واحنا مش ولادك اصلا احنا كنا مجرد مرحله فى حياتك وعدت وانتهت
عبدالباسط /_شوفتى تربيتك ياوش الفقر
حميده /_بنتى قالت اللى كنت عايزه اقوله ليك من زمان بنتى ماعندهاش ولد ولابنت تخاف انهم يتحرموا من ابوهم ويتربوا بعيد عنه علشان كده بتنهى حياتها مع جوزها لانها هي دى النهايه الحقيقيه لزوج مايعرفش ربنا ولايتقى ربنا فى اهل بيته
انما انا ماقدرتش اتكلم ولاطلب الطلاق فى يوم من الأيام خوف عليها وعلى اخواتها واستحملت معاك المر وشربته فى كاسات وأنت عامل باليوميه
ولما ربنا كرمك وبقى معاك قرشين دوست عليه وعلى عيالك وروحت اتجوزت واحده خلاتك مش شايف حاجه غيرها مش شايف الغلط من الصح
مش شايف حتى دموع بنتك وهي بتحكى ليك عن وجعها والامها من جواها لانك بقيت مابتحسش
اوعى تفتكر إن بنتك قالت كل اللى جواها ياعبدالباسط
بنتك كانت بتيجي تحكيلى عن حاجات مايصحش انها تحصل من راجل مع مراته حاجات ربنا محرمها
ولما نزفت مادورش ولاسال لانه اهم شي انه ينبسط وبس
فيه حاجات كتيره قوى بنتك كانت بتشتكى منها
وكنت بقولها اصبرى واتحملى
بس احنا بنصبر وبنتحمل وبنيجى على نفسنا بس واضح إن اغلب الرجاله كده عمرهم مهايتغيروا ولاهيعرفوا ولايحسوا بينا كستات
عبدالباسط /_دانتى معبيه كتير قوى وماصدقتى إن الجرح اتفتح
حميده /_ياريت بنتك كانت اتكلمت من زمان أنا الجرح معبى على الاخر
عبدالباسط /_عقلى بنتك ياحميده
حميده /&اول مره فى حياتى احس إن بنتى اعقل واحده في الدنيا كلها النهارده
عبدالباسط /_يعني انتي بتقوى بنتك أنا هرجعها غصب عنك وعنها
حميده /_لا عندك مش هتقدر لانك يوم مهاتعمل كده لازم تدوس على رقبتى المره دى
عبدالباسط /_انت بتقفى فى وشى وبتتحدينى ياحميده واضح انك اتجننتى؟
حميده /_ايوه هقف فى وشك وبنتى مش هترجع ولووقفت على طلاقى وموتى ياعبدالباسط مش هترجع كان المفروض اقف فى وشك من وقت ماختارت انك تطلعها من التعليم وتجوزها واحد مقارب لسنك وجه الوقت اللي هعملها
عبدالباسط /&يعني انا ماليش كلمه عليكم ولايه؟ وضرب حميده بالقلم
حميده /_ليك كلمه بس فى الصح انما فى الغلط لا مش هيكون ليك كلمه روح لمراتك التانيه وسيبنا انا وعيالى وخلى رافت يطلق بنتى
ولو خايف انك تخسر الشغل اللى بينك وبين رافت
ربنا هيعوضك عنه
وخرج عبدالباسط بعد الكلام اللي سمعه من مراته وبنته ومبقاش عارف يعمل ايه
بس لما رافت اتصل بيه بلغه وطلب منه انه يطلق البنت
رافت /_بنتك مالهاش حاجه عندي لانها هي اللى عايزه كده وأنا هاجى نخلص كل شيء وبكره هجيب ست ستها
واتطلقت حنان وهي عيله عندها 16 سنه
وعاشت حياتها مع امها حميده واخواتها
ماساءه حقيقيه
فى زواج القصر
فى هؤلاء اصحاب العقول مثل عبدالباسط
ماساءه حقيقيه للزوجات التى تعيش تحت سقف بيت واحد مع امثال رافت
ماساءه حقيقيه عندما يتزوج الاب زوجه تانيه وعدم العدل بين الزوجات ويهمل اولاده
ماسىء كثيره فى القصه جعلتنى افكر كيف تعيش تلك النساء
اوجاع كثيره جدا بداخل القصه ولهذا اطلقت عليها
(حكاية وجع)
انتهت القصه تحياتى لكم جميعا