 |
الحلقة الرابعة والخامسه والسادسه واالسابعه
من قصة ( الحب الاول )
فجأة سمع أحمد صوت بكاء بحرقه طالع من القلب بيقوله
( عايز تعرف السبب ياأحمد 😥😥😥😥؟ )
بص أحمد وراه 👇
أحمد .. مين !؟شوق؟!!!!!!!!!! ٠٠
شوق .. عايز تعرف السبب ياأحمد😢 ؟
أحمد .. قولتلك ما عادش يفرق ياشوق في النهاية انتي واحدة خاينة 😡
شوق .. انا خاينة يا احمد !!؟
احمد .. أيوه خاينة ياشوق
ممكن تقوليلي👈 يعني إيه أتغرب وأسيب بلدي وأمي واختي ال ملهمش غيري عشان أجيب قرشين أكون بيهم روحي لأجل ما أتجوزك يا شوق ؟
ممكن تقوليلي👈 يعني أيه أستحمل مرار الغربة الطافح ولياليه ال مبتعديش وأنحت في الصخر عشان أحقك حلمنا ال عشنا نحلمه سوا ؟!!
ممكن تقوليلي👈 يعني إيه أقعد كل ليلة أرسم في صورنا انا وانتي وف إيدنا طفلنا متعلق في صوابعنا وماشي وسطينا!!؟
ممكن تقوليلي 👈 أنا ذنبي إيه عشان أعيش ال عيشته بسببك ياشوق ؟؟!
خلاص ياشوق معادش ينفع السؤال ولا الإجابة إستحالة ال إتكسر جوايا يتصلح ياشوق،
إمشي ياشوق .. إمشي يابنت الناس .. وخليني أداوي جرحي بنفسي .. ولا تحبي أقولك امشي ياست شوق هانم
أحسن جوزك الظابط لو جه وراكي مهيحصلش طيب وممكن يأذيني لو لقاكي واقفة معايا .. وانتي عارفة إننا ناس علي قد حالنا نروح فين ونيجي منين في حواديت الحكومة ال مهنعرفاش دي .. امشي ياشوق امشي .
شوق .. خلصت كلامك يا أحمد ؟
احمد .. خلص الكلام ياشوق
شوق .. لا ما خلصش ياأحمد وأنا مش هقدر أسكت واستحمل أكتر من كده لازم تعرف الحكاية كلها
احمد .. حكاية أيه !!!؟
شوق .. في يوم من الأيام علاء وأخته أسراء نزلو أجازة مع أبوهم شاكر محفوظ عند ابويا العمدة وطبعا كنت انا ال بفسح إسراء وكان أخوها علاء بيحاول يحتك بيا كتير وكنت بصده
وطبعا كل ما يلاقيني مش مدياله وش كان يتجنن أكتر لحد ما في يوم لقيته جاي بيقولي تتجوزيني ياشوق ؟!؟!
طبعا أنا رفضت فرد عليا وقالي بترفضيني انا عشان عيل جربوع
قلتله .. تقصد إيه !؟
قالي .. أنا عارف ال بينك وبين الواد ال أسمه أحمد بصراحة مش عارف إيه ال عاجبك فيه
قلتله .. وانت مالك انا وأحمد بنحب بعض وهنتجوز ومسمحلكش تتكلم عليه كده .. سمع مني الكلمتين دول ومشي
وبعدها بكام يوم لقيت الشرطة جاية تحجر ع البيت والأرض وهياخدو أبويا كمان
ابويا مستحملتش جاتله جلطة وراح ع المستشفي
وقتها كلمني علاء وقالي لو عايزة ابوكي المشلول ونايم في سريره ما يترميش في السجن وافقي علي جوازنا وأنا هرجعلكم البيت و الارض وأسددلك فلوس البنك
ها قولتي إيه ياشوق ؟؟
شوق .. ماكانش قدامي حل تاني غير إني أوافق وانقذ أبويا
عارف ياأحمد يعني إيه أنام في حضن واحد مبحبوش غصب عني 😢؟
عارف يعني ايه بقيت أكره نفسي وجسمي لما بيلمسني😥؟
عارف يعني ايه بقيت أكره الليل عشان بيجمعني بيه 😥؟
تعرف إن كل حاجة بياخدها مني غصب وبالضرب😥؟
عمري في حياتي ما نسيتك وانت عمرك ما هتحس ال انا حاساه وفي النهاية جاي تقولي إني خاينة😢😢😢😥
احمد .. بس خلاص اهدي ياشوق متعيطيش
شوق .. معدتش قادرة أستحمل تعبت ومش عارفة الوجع ده هينتهي إمتا 😢😥
أحمد .. قولتلك إهدي بس انتي كمان لازم تعذريني
شوق .. عذراك ياأحمد بس ياريت تبعد بلاش الناس دول
أحمد .. لا ياشوق انا بعد ما عرفت الحقيقة مش هسيبك تبعدي عني اكتر من كده
شوق .. يعني إيه ؟!
أحمد .. يعني هوافق ع الشغل وكل يوم لازم اشوفك واتطمن عليكي
شوق .. الناس دول مش سهل يااحمد أبعد أرجوك
أحمد .. امشي دلوقتي ياشوق في واحد واقف هناك بعيد واقف من ساعت ما جيتي شكلك متراقبة
شوق .. ينهار اسود ربنا يستر
مشيت شوق وقعد يااحمد تحت الشجرة وعلي قد ما كان موجوع بفراق شوق وبعادها عنه علي قد ما كان في حاجة جواه ارتاحت ونارها هديت خاصتا لما عرف إن شوق ضحية وإنها فعلا ماخنتوش وبدأ يفكر إزاي هيقدر يفك أسر شوق من أنياب إبن شاكر محفوظ
وفجأة جه واحد يجري عليه من أهل البلد ويقوله إلحق يا أحمد كارثة😳
أحمد .. كارثة إيه أنطق ؟!!؟
..............................................
الحلقة الخامسة من قصة ( الحب الاول )
ألحكومة جت خدت أختك صفاء من البيت .
أحمد .. أنت بتقول إيه ياواد حكومت أيه وصفاء ليه !!
طلع أحمد يجري علي القسم وهو حافي القدمين ودخل القسم يجري لحد ما ماوصل عند ظابط المباحث
أحمد .. خير يابيه أنا اختي عملت إيه!!!!!؟
الظابط .. ابدا يااحمد اختك مشتبه فيها في جريمة زنا
أحمد .. أخرس قطع لسانك أنت مجنون ياجدع انت ولا دماغك فيها أيه أنا اختي طول عمرها شريفة😡😡😡
الظابط .. نزل إيدك وسيب الجاكت لأضربك بالنار أو البسك قضية تكفي بقيت عمرك في السجن😡
أحمد .. معلش يابيه بس ممكن تفهمني ايه الجنان ال بيحصل ده ؟!
فجأة دخل عليهم الظابط علاء وهو بيضحك ضحكة صفراء وبدون مقدمات قال 👇👇
الظابط علاء .. مالك ياأحمد زعلان ليه ده مجرد أشتباه😉
أحمد .. اااااه أنا كده فهمت
الظابط علاء .. فهمت إيه يالا
احمد .. لا ياعلاء بيه كان في جملة كده أتقالتي في ودني وافتكرتها دلوقتي
الظابط علاء .. شاطر يلا ودماغك حلوة وتعجبني😉
فجأة الباب خبط ودخلت إسراء 👇👇
إسراء .. خير يااحمد في إيه؟!!
احمد .. لا يا إسراء مفيش حاجة ده تشابه اسماء بس
إسراء .. هو انت بتعمل إيه هنا ياعلاء ؟!؟
علاء .. لا ياحبيبتي مفيش كنت جاي ازور صديق عمري الظابط بدر اصلا إحنا دفعة واحدة وتشاء الصدفة إني أشوف أحمد هنا فقلت أقف جنبه يمكن أقدر أساعده في حاجة مش كده برضو ياأحمد🤔
أحمد .. هو في بعد قولك قول تاني ياعلاء بيه
علاء .. أستأذنك تمشيهم يا بدر بيه لأن تقريبا كده مش هما المطلوبين
ألظابط .. منقدرش نرفضلك طلب ياعلاء بيه ده انت الغالي ابن الغالي♥️
أحمد .. شكرا ياعلاء بيه ع الجميل ال عملته معايا وربنا يقدرني وأردلك الجميل😉
إسراء .. يلا بينا انا هوصلكم يااحمد
صفاء .. لا ياأسراء المسافة قريبة وبعدين انا عايزة اخوي في كلمتين
أحمد .. متشكر جدا يااسراء وأنا لما أروح هبقا أكلمك
خرجت صفاء مع أخوها أحمد وهما في الطريق👇👇
صفاء.. ممكن تفهمني ايه ال بيحصل وأنا ليه دخلت المكان ده ؟!
احمد .. طب اهدي ولما نوصل البيت نتكلم
صفاء .. هو انت خليت فيها هداوة ياابن امي وابوي؟¡
احمد .. في ايه ياصفاء😡
صفاء .. انا مش غبية ياخوي انا فاهمة نظرات الظابط علاء ليك وكان واضح أنها نظرات تهديد .
أحمد .. ما تكتمي يابت ولا انتي غاوية فضايح
صفاء .. هو احنا لسه هنتفضح .. اااه مش الظابط علاء ده ال هو جوز شوق ؟!!
أحمد .. ايوه ياصفاء هو
صفاء .. يبقا ال بيحصل فينا ده بسبب جريك ورا شوق .. هو انت عايز منها إيه ؟ هي مش سابتك ؟
أحمد .. شوق ضحية ياصفاء
صفا .. ضحية ولا مش ضحية ماعادش يفرق ،شوق خلاص مش ليك ، وأبعد عن الناس دول إحنا مش قدهم
وصل احمد وصفاء البيت وبعد كده طلع ع السطح وبدأ يفكر في دماغه ويقول .. وبعدين معاك ياابن شاكر محفوظ شكلك مش ناوي تجيبها البر معايا حسابك بيتقل .
في الصباح جت إسراء خبطت ع الباب وبصوت عالي بتنده ياأحماااد ياأحمد طلعت عليها امه 👇👇
أم أحمد .. خير يابنتي فيه أيه؟!
أسراء .. هو احمد لسه نايم؟ عندنا شغل كتير ياطانط
بص احمد عليها من ع السطح وقالها 👇👇
أحمد .. في أيه يابنتي صوتك عالي وعاملة دوشة ليه
إسراء .. يلا بينا يابيه أخرنا ع الشغل
أحمد ..طب أدخلي انتي ياأمي جوة وسيبيني مع أسراء شوية
ام أحمد .. ماشي ياولدي
أحمد .. وبعدين ياإسراء!!؟
إسراء .. من غير مقدمات ونقاش كتير علاء وشوق سافرو القاهرة وهيقعدو هناك شهرين تلاتة ومفيش في المزرعة حد غيري ممكن بقا تغير هدومك وتيجي عشان ضيعنا وقت وقت كتير في الكلام
أحمد .. ماشي ياأسراء هغير هدومي واجي معاكي
راح احمد وإسراء علي المزرعة وبدأو فيها شغل وفي يوم من الأيام أحمد كان نايم بالليل متأخر وتليفونه رن فجاءة
أحمد .. ألو ياإسراء
إسراء .. إلحقني ياأحمد في حرامي عندي في الڤيلا
احمد .. إيه حرامي !! إقفلي علي نفسك جايلك حالا
جري أحمد ع المزرعة ولما وصل هناك لقي باب الڤيلا مفتوح والكهربا مقطوعة وفجأة سمع صرخت إسراء دخل أحمد الڤيلا فجأة النور جه شاف شمع وتورتة وإسراء واقفة ولابسة لبس جميل 👇👇
إسراء .. كل سنة وانت طيب ياأحمد
أحمد .. يابنت المجنونة يعني البهدلة ال بهدلتيهالي بالليل دي عشان كده😅
إسراء .. اه عشان عارفة إن عندكم مش بتحتفلو بعيد ميلادكم ولو قولتلك كنت هترفض😅
احمد .. طب وعرفتي عيد ميلادي منين🤔
إسراء .. فاكر لما كنا في القسم وخدت انا بطاقتك من الظابط وأديتهالك😅
احمد .. 😅😅😅
أسراء .. يلا بقا عشان نطفي الشمع ونقطع التورتة😍
أحمد.. يلا ياستي
بدأ احمد يطفي الشمع ومع اخر شمعة بيطفيها بص لقي أسراء بتبصله وعيونها كلها فرح وفيها كلام كتير محبوس
إسراء .. عايزة أقولك حاجة وخايفة من رد فعلك😔
أحمد .. في إيه قولي ماتخافيش
إسراء .. عايزة أقولك ..........
الحلقة السادسة من قصة ( الحب الأول )
إسراء .. عايزة أقولك ..
احمد .. إيه مالك عايزة تقولي إيه ؟!؟
إسراء .. عايزة أقولك إني عارفة كل حاجة عن حياتك
أحمد .. إزاي مش فاهم !؟
إسراء .. يعني عارفة قصتك مع شوق وقصت سفرك ورجوعك إلخ
أحمد .. مين حكالك !؟
إسراء .. المهم إني عرفت وعايزة أسألك هي شوق ليها لسه مكان في قلبك؟!
أحمد .. لا طبعا شوق قصة وانتهت
إسراء .. لأخر مرة هسألك شوق ليها مكان في قلبك!؟
أحمد .. وبعدين معاكي ما قولنالك لا
إسراء .. عارفة ال هقولو ده صعب تستوعبو بس هقول وامري لله
أحمد .. في إيه يابت أنطقي
إسراء .. بص ياأحمد أنا مش عارفة نفسي إن كنت فعلا حبيتك ولا أتعودت عليك بس..
أحمد .. إيه !!
إسراء .. سيبني أخلص كلامي انا مش متأكدة إن كان دا حب حقيقي ولا حب تعود .. بس بطلب منك تدينا فرصة إن إحنا نقرب من بعض شوية ولو مقدرتش تتأقلم أوعدك إنك مش هتشوفني تاني
أحمد .. وليه العذاب ده يابنت الناس ؟! شوفي أنتي فين وانا فين !؟
إسراء .. اولا ياأحمد مبدأ الحياة المادية ده مش عندي ثانيا انا كل أمنيتي يكون شريك حياتي راجل سند وضهر يخاف عليا ويحتويني يكون عنده نخوة وشجاعة ودمه حامي وحنين في نفس الوقت واحس معاه بالأمان وكل الحاجات دي انا شايفاها فيك
أحمد .. ماشي يابنت الناس بس ..
إسراء .. مفيش بس وسيبني ع الأقل أعيش معاك عالوضع ده حتي ولو فترة بسيطة وأعتبرها حلم جميل ميتنسيش
أحمد .. هههه أنتي شاربة حاجة يابت انتي ولا إيه
أسراء .. قولتلك سيبني احلم
أحمد .. ماشي ياإسراء بس لو محصلش نصيب ..
إسراء .. مش هزعل متقلقش .. هاا موافق؟
أحمد .. ماشي ياإسراء خلينا ورا جنانك نشوفه هيودينا لفين
إسراء .. طب ممكن طلب ؟
أحمد .. ايه كمان ياإسراء
إسراء .. بصراحة البيت فاضي عليا وانا خايفة لوحدي وأديك شايف الڤيلا كبيرة ممكن تبات هنا الفترة دي لحد ما حد من أهلي يرجع؟
أحمد .. لاااااا لحد هنا وأقفي
إسراء .. يعني انت يرضيك أقعد في البيت ده والمزرعة وبلد غريبة عليا لوحدي أكيد طبعا ما يرضيكش
أحمد .. بتصعبيها عليا ليه ياإسراء!؟
إسراء .. ياأحمد دي فترة صغيرة لحد ما حد يرجع من أهلي وبعد كده ياسيدي هترجع لحياتك الطبيعية تاني
أحمد .. لو كان كده ماشي
إسراء .. طب اخر طلب
أحمد .. وبعدين عاد في طلباتك ال ما بتوخلوصش
إسراء .. هههههههههههه تصدق بحب نرفزتك دي هههه
أحمد .. مجنونة دي ولا إيه!!!
إسراء .. ممكن تنزل معايا بكرة المحافظة ع أساس إنك واحد من أهلي عشان هنقابل تجار مواشي بتعامل معاهم وخايفة يستضعفوني
أحمد .. ماشي ياإسراء ممكن بقا تطلعي اوضتك وتسيبيني انام عشان ساعتين والنهار يطلع
أسراء .. ماشي تصبح علي خير
أحمد .. وانتي من أهل الخير
في الصباح
إسراء .. صباح الخير ياأحمد
أحمد .. صباح النور ياإسراء
إسراء .. أنا جاهزة يلا بينا
أحمد .. خدي هنا
إسراء .. خير في إيه!!؟
أحمد .. أنتي مش قولتيلي إنك هتعرفيني ع التجار بصفتي واحد من أهلك؟
إسراء .. أه في حاجة ولا أيه؟
أحمد .. بس أنا معنديش واحدة من اهل بيتي تمشي معايا باللبس ده
إسراء .. مالو اللبس ؟!
أحمد .. ضيق شوية ياهانم وأنا محبش حد يشوف واحدة من أهل بيتي بالمنظر ده
إسراء .. حاضر ماشي هطلع أغيرهم وأرجع بسرعة
أحمد .. ومتنسيش تمسحي الحاجات ال علي وشك دي
إسراء .. حاضر☺️
خلص اليوم وعدت بعده أيام وكل يوم علاقت إسراء ب أحمد بتترسخ أكتر وباين كده البت إسراء حبت الواد أحمد بجد .. أما من ناحية أحمد أنا نفسي كاكاتب والله ما عارف هو عايز إيه هل هو فعلا بدأ يحب إسراء وهينسا قصته مع شوق ؟! ولا بيحب شوق وبيحاول ينساها مع أسراء ؟؟!
ولا هو في دماغه حاجة تالتة أحنا منعرفهاش ؟؟!
ال خلاني أفكر بالشكل ده لما في يوم كانت أسراء معاه في المزرعة بياخدو جولة ولقيت أحمد بيديها شنطة كده في إيديها
أسراء .. فيها إيه الشنطة دي ؟!
أحمد .. أفتحيها وأنتي تعرفي
فتحت إسراء الشنطة لقيت فيها لبس حريمي صعيدي
إسراء .. أيه دول 😍
أحمد .. دول عشانك هااا تقبلي تلبسيهم😄
إسراء .. أكيد طبعا بس قولي انت جبتهم منين♥️
أحمد .. دول ياستي لما كنت راجع من السفر ونزلت مصر جبتهم ل شوق ومحصلش نصيب😏
إسراء.. غريبة اول مرة تتكلم في موضوعك مع شوق وكأنه عادي
أحمد .. طب روحي البسيهم خليني أشوفهم عليكي😅
إسراء .. ماشي بس ما تتريكش عليا😄😄
فعلا راحت إسراء لبستهم وجت وعمنا أحمد شافها من هنا وعينه لمعت من هنا وبصراحة عنده حق البت أسراء في اللبس الصعيدي قمر انا نفسي كنت واقف جنبه أتهطلت من جمالها😍
أحمد .. بسم الله ما شاء الله إيه الحلاوة دي😍
أسراء .. بجد 😍
أحمد .. قمر والله قمر😍😍
إسراء .. بس بقا متكسفنيش☺️
بس ياخسارة الحلو ما يكملش فجأة أحمد شاف ابوها شاكر محفوظ نفسه واقف وراها بيقلع النضارة ومش مصدق ال شايفه بعني
الحلقة السابعة من قصة ( الحب الاول )
شاكر محفوظ .. ممكن أفهم إيه ال بيحصل هنا ده!!
إسراء .. اهلا بابا حمدالله ع السلامة
شاكر محفوظ .. ردي عليا مين ده وبيعمل إيه هنا وأيه ال انتي لبساه ده !!؟
أحمد .. أنا ..
شاكر محفوظ .. أخرس انت انا بسألها هي
إسراء .. في أيه يابابا ده أحمد المساعد بتاعي
شاكر .. واضح إني قصرت في تربيتك كويس إطلعي ع البيت وانا جاييلك دلوقتي
أسراء .. بس يابابا..
شاكر .. أنا قولت أطلعي مش عايز نقاش 😡
إسراء .. حاضر يابابا 😥
شاكر .. وانت بقا حكايتك إيه ياواد 🤔
أحمد .. أنا مش واد أنا أسمي أحمد 😡
شاكر .. ماشي يااستاذ أحمد 😏 .. رجاااب إنت يازفت يارجب ؟
رجب .. أيوة يامعالي النائب أؤمرني
شاكر .. خدو الواد ده علقوه من رجليه عشان يتعلم كيف يتكلم مع أسياده كويس😡
أحمد .. يعلقو مين ياراجل يامجنون انت😡😡
بعد كده راح شاكر ل إسراء وقال ليها ( أنا بلغت طارق إبن عمك إني موافق علي جوازك منه )
إسراء .. معقول يابابا تجوزني غصب عني😥
الأب .. أنا دلعتك كتير ياأسراء وجه وقت الجد
في الناحية الأخري كانت أم احمد وصفاء قلقانين ع تاخير احمد الوقت ده كله عن البيت
الأم .. وبعدين يابتي أحمد غيابه طال في المزرعة
صفاء .. انا كل ما ارن عليه ياامي تليفونه مقفول
الام .. لا معدتش قادرة أستحمل انا قلبي واكلني عليه
صفاء .. خلاص ياأمي انا هروحله المزرعة
الام .. لا يابتي بعدين يعمل معاكي مشكلة لوخرجتي بره البيت أنا هروح أشوفه
فعلا راحت أم احمد ع المزرعة ووقفت ع البوابة تسأل علي ابنها احمد
جري الغفير عند شاكر محفوظ وقاله👇👇
الغفير .. شاكر بيه ياشاكر بيه
شاكر .. عايز أيه ياهباب البرك صوتك عالي ليه😡
الغفير .. في واحدة واقفة تحت بتقول إنها ام احمد
شاكر .. خليها تدخل
الام .. السلام عليكم
شاكر .. س... !!!!!!
الأم .. أنت !!؟
شاكر .. انتي ياسعاد !!
الام .. إبني فين ياشاكر؟؟
شاكر .. ياااااه والله زمان ياسعاد
الأم .. إبني فين ياشاكر
شاكر .. إبنك زي أبوه ياسعاد بيبص لل مش ليه
الام .. تقصد إيه بكلامك الماسخ ده؟!
شاكر .. إبنك متعلق من رجليه بسبب أفعاله
الام .. ياحبيبي يابني عملت إيه في أبني يامجرم
شاكر .. متخافيش عليه أهو مرمي تحت بس واضح إن دماغه ناشفه زيك ياسعاد
الأم .. عايزة ابني دلوقتي
شاكر .. طب اهدي وكفياكي دوشة .. يارجب فك المحروس وهاتوه لأمه ياكش يكون إتربا
الأم .. أنا إبني متربي بس أنت ال طول عمرك قلبك مليان حقد وغل وغرور لل حواليك
شاكر .. وجوزك فين مجاش ياخده هو ليه😅
الام .. أنا جوزي عاش راجل ومات الله يرحمه راجل ولو عايش أنت أكتر واحد عارف هو ممكن كان عمل إيه
شاكر .. تلاقيه مستحملش لسانك ففرقع بدري😅
الأم .. إخرس 😡 أنا جوزي ..
شاكر .. جوزك كان فقري ولولاكي إتجوزتيه كان زمانك عايشة في العز دا كله
الأم .. عمرها السعادة ما كانت بالفلوس والدليل إنها مغيرتش فيك حاجة لساك طبعك وسخ
شاكر .. طب روحي خدي إبنك وغورو من هنا ولو شفته هنا تاني هقطعلك رجله😡
راح احمد وأمه ع البيت وبعد ما وصل قعدت امه وصفاء يلوموه ويقولوله احنا قولنالك إبعد عن شاكر محفوظ وأتباعه
طلب منهم احمد يسيبوه لوحده واما لقيهم مش ساكتين سابهم وخرج راح ع الارض وقعد مع نفسه كلعاده ولاكن المرادي كان حاسس بكسرة ووجع وقلة حيلة لان بجد ال حصل لمس مشاعره وجرحه وحسسه في نظر نفسه إنه قليل أوي وقعد يقول 👇👇
للدراجي الفلوس بتعمل للهفية قوة ومكانة!!؟
يعني واحد زي شاكر محفوظ لولا الكلاب ال حواليه ال شاريهم بفلوسه كنت دفنته في مكانه
لا وكله كوم وأمي ال راحت تترجاه كوم
-------------------
ماعاش ال يكسرك ياصاحابي
احمد .. مين!!؟ عزيز ؟
عزيز .. بالحضن ياصاحبي❤️
أحمد.. أنت رجعت من السفر إمتا ؟ وجيت هنا كيف؟!
عزيز .. رجعت النهاردة وامك راحت عندنا وقالتلي اجي وراك هنا
احمد .. حمدلله ع السلامة ياصاحبي
عزيز .. مالك يواد شايل طاجن ستك ليه
احمد .. الدنيا مخبطة مع صحبك قوي ياصاحبي كل ما أقول هتروق وتحلا تيجي مدياني علي دماغي
عزيز .. سيبك بقا من موضوع شاكر زفت ده وخليك معايا عندي مشروع حلو ومحتاجك معايا ضروري
أحمد .. مشروع إيه ده؟
عزيز .. مواشي هفتح مزرعة مواشي علي صغير كده وانت شريك معايا بخبرتك والمكسب ياسيدي بالنص
احمد .. بالنص كتير عليا قوي ياصاحبي
عزيز .. مفيش حاجة كتيرة عليك ياصاحبي وبعدين الخبرة عليها نجاح المشروع كله
فعلا وافق احمد وبدأ شغل مع عزيز وفي خلال فترة قصيرة إسمهم لمع في السوق وبداو التجار يتعاملو معاهم والمشروع بيكبر والحالة المادية بدأت تتحسن .. بس طبعا ده كان في المقابل مزارع شاكر محفوظ كانت بتتكبد خسائر كبيرة
راح شاكر محفوظ باعت لأحمد مرسال يبلغه إن شاكر محفوظ عايز يشتري المزرعة
طبعا احمد وصاحبه رفضو رغم العروض المغرية ال بتجيلهم
بعد كده بدأت تيجي لهم تهديدات وهما برضو مكملين
وجه في يوم عزيز طلب إيد صفاء اخت احمد للجواز
احمد معندوش مانع بس خد برضو رأي صفاء الأول
صفاء وافقت وإتحدد ميعاد الفرح
وجه يوم الفرح والزغاريد والمزمار الصعيدي اشتغلو وشوق كانت رجعت من سفرها وواقفة جنب صفاء في الكوشة
صفاء في مشهد ولا أروع بتبوس إيد أخوها بعد هو ما باس جبينها
والأم واقفة جنب العريس ومبسوطة اوي
وفجأة .. كل حاجة وقفت!!
والصمت عم المكان!!
والحزن خيم ع الفرح!!
وصوت رصاصة صاحبها مجهول!!
وجثة هامدة وقعت ع الأرض !!
تكملة الرواية من هنا 👇👇👇