 |
الحلقة السادسة والسابعه والثامنة والتاسعه
من قصة ( المليونيرة الفقيرة )
دينا .. كان بيقولك ايه الحيوان ده
دعاء .. حرام عليكي دا حتي دمه خفيف
دينا ..بت يادعاء اتعدلي وسيبك من شغل السهوكة ده
دعاء .. اااه ياريتني كانت بلكونتي جمبك يااسمك ايه
دينا .. عاجبك في ايه ياختي علي ده كله!!
دعاء .. يابت كفاية بس أنه وسيم وعيونه ملونين زي
التركيين ده خسارة يعيش في المكان ده 😅
دينا .. طب اتلمي وخلينا في نفسنا
_____________
خلص اليوم وتاني يوم كانت دينا مجهزة نفسها عشان الجامعة وقاعدة في الصالة مستنية عادل لما يطلع وتصادفه ع السلم
ام دينا .. مالك يابت قاعدة زي قرد قطع ليه كده ماتقومي تمشي علي جامعتك
دينا .. لا ياماما مفيش بس المحاضرة هتبدأ متأخر شوية فمش عايزة اروح اتلطع هناك ،، في نفس اللحظة وهي بتقنع أمها سمعت عادل بيفتح باب شقته وخارج علي شغله قالت لأمها مع السلامة بقا ياماما عشان متأخرش
ام دينا .. اي يابت انتي اتهبلتي ولا ايه !!!!!
خرجت دينا لقت عادل في وشها
دينا .. ممكن اعرف قولت لصاحبتي ايه امبارح
عادل .. الناس بتقول صباح الخير الاول
دينا .. جاوبني
عادل .. بصراحة كنت طالع اجري ع البلكونة فكرتك انتي ال فيها وبعدين انا ال عايز أسألك سؤال
دينا .. سؤال إيه ؟!
عادل .. دستة المشابك ناقصة مشبك راح فين؟!
دينا .. ههههههههههههههه
عادل .. عسل وربنا عسل ههههه
دينا .. بعد كده ابقا احترم نفسك مع صاحبتي وياريت ترجع المشابك
عادل .. ماشي ياستي يلا نكمل كلام في الطريق
دينا .. نعم !!!!
عادل .. خلاص متقلبيش وشك انا مصدق ماشوفتك بتضحكي ههههه
دينا .. انا هنزل وانت انزل بعدي عشان الناس مع السلامة
عادل .. بسم الله ماشاء الله صارووووأااااااااااه ،،، برضو عادل نسي السلمة المكسورة وخد السلم كله صحف علي بطنه لتحت
دينا .. هههههههه أحسن عشان تبقا تبصبص تاني هههههههه
عادل .. 👏👏👏 نهارنا إشطا ان شاء الله😍
___________
دخلت دينا الجامعة وهي مبسوطة وبتغني
دعاء .. سيدي ياسيدي صباح الروقان
دينا .. النهاردة الجو جميل والجامعة شكلها حلو وأنت ياواد يادودو منورة الدنيااااا
دعاء .. ايه ال حصل تتحسدي النهاردة عمال تضحكي وياتري ايه سبب تغيير وجه الجميل ال كان مكتوب عليها شطبنا لوجه بيضحك ومحمر كده من كتر الفرح
دينا .. مفيش ياختي بطلي بس نبر عليا ربنا يسترها هههه
________
خلصت دينا جامعتها وجت مروحة لقيت عربية مرسيدس وقفت قدامها وراكب فيها حد كده شكله مهم فتح القزاز وقالها ممكن تركبي ياأنسة دينا
دينا .. انت مجنون اركب فين وانت مين أصلا عشان تكلمني!
كارم .. انا كارم الصفتي
دينا ... ااااه انت بقا ال كنت عايز تتقدملي
كارم .. نزل من عربيته ووقف معاه وقالها هو انا بعمل حاجة حرام يادينا انا بحبك وطالبك علي سنة الله ورسوله
دينا .. بس انا مش بحبك ومش عايزاك
كارم .. فكري في الموضوع وصدقيني هخليكي أسعد إنسانة في الدنيا
دينا .. مش هفكر وانا واخدة قراري وقراري انت عارفه
كارم .. عالعموم ده الكارت بتاعي فكري وصدقيني مش هتندمي
دينا .. قطعت الكارت بتاعه وقالتله الموضوع بالنسبالي محسوم وسابته ومشيت
دعاء ،، انتي مجنونة !! في واحدة عاقلة في الدنيا ترفض كنز زي كارم الصفتي !!!
دينا .. روحي اتجوزيه انتي ياختي ما دام عاجبك
دعاء .. والله لو مكانك مش هتردد دا انتي هتتنقلي نقلة تانية
دينا .. مش عايزاها النقلة دي انا مبسوطة بحياتي كده
_____________
ابو دينا رجع من الشغل خبط ع الباب
ام دينا .. اهلا ابودينا
ابو دينا .. مالك ياولية قالبة وشك ليه
ام دينا .. انت عارف انا وشي مقلوب ليه
ابودينا .. لساكي زعلانة عالعريس ال راح؟؛
ام دينا .. ده مش اي عريس ده كارم الصفتي
ابو دينا .. وبنتك رافضاه هتعمل ايه هنجوزها غصب عنها
ام دينا .. لما تكون مش عارفة مصلحتها فين يبقا المفروض نتدخل
ابو دينا .. ياولية دي بنتنا الوحيدة ومحليتناش غيرها خليها تختار مصيرها
الباب خبط قامت فتحت ام دينا لقيتها دينا ال دخلت علي
اوضتها وراحت علي البلكونة بصت لقتها مقفولة عرفت إن
عادل لسه مرجعش من الشغل
دخلت إتغدت أي كلام ورجعت قعدت في البلكونة مستنية
عادل لما يرجع من الشغل
بعد شوية النوم غلبها وهي قاعدة علي الكرسي نامت حوالي
ساعة وبعد كده فتحت عينها لقت عادل قاعد في البلكونة
بتاعته بيتأمل فيها وهي نايمة___________
الحلقة السابعة من قصة ( المليونيرة الفقيرة
)
فتحت دينا عنيها لقت عادل واقف في وشها
دينا .. ايه ده انت هنا من إيمتا !؟
عادل .. واقف من بدري شوية
دينا .. وواقف عندك تعمل إيه ؟!!
عادل .. واقف بتأمل في جمال الجميل وهو نايم
دينا .. هو مفيش حد قالك ياشاطر أن البيوت ليها حرمة .. يعني لما تقف بلكونتك متبص في بلكونات الناس
عادل .. حتي لو انا بقف في البلكونة عشان اشوف الناس ال بتوحشني وبشتقلهم وهما منطشيني
دينا .. إتكسفت وبصت في الأرض
عادل .. ياكتي شكلها حلو لما بتتكسف ووشها بيحمر وتبقا مرتبكة كده😅
دينا .. وبعدين معاك يعني وإخرته أيه ؟!
عادل .. أخرته جواز
دينا .. إيه !!!!!!!!! بالبساطة دي !!
عادل .. عندك مانع ؟
دينا .. قولي بقا كام واحدة ضحكت عليها وعشمتها باالجواز وخليت بيها
عادل .. أنتي مش مصدقة اني ممكن أتجوزك ؟
دينا .. قديمة ، سيبك مني ياابن الناس أنا واحدة صعب تضحك عليها بكلمتين زي دول
عادل .. طوييييب ( نط عادل من البلكونة بتاعته للبلكونة بتاعت دينا ال ثبتت مكانها وأتخضت وراح داخل أوضة دينا وفتحها ودخل علي الصالة لقي عم حسين قاعد بالقط والشورت قدام التليفزيون وجنبه ام دينا
قام وقف عم حسين وهو مزهول ونفس الوضع ام دينا لما شافو عادل طلع من أوضة دينا
عادل .. متتخضوش أنا جاي أطلب إيد دينا للجواز
ابو دينا وام دينا وقفو مبلمين مش مستوعبين
أم دينا .. قولي بسرعة ياد انت كنت بتعمل إيه جوة!!!!!
عادل .. مفيش نطيت من بلكونتي ودخلت عليكم عشان أطلب إيد دينا
ابو دينا .. نعم يااخويا !!!
عادل .. اه والله
ام دينا .. ليه البيت ملوش باب ولا ايه ياروح أمك
عادل .. حقك عليا ياحماتي
ام دينا .. أخرس قطع لسانك
عادل .. ليه بس ياحماتي ما دمت أنا دينا متفقين
ام دينا .. بنتي صغيرة ومتعرفش مصلحتها وبعدين أنا بنتي متعلمة تعليم عالي عايزني أجوزها لواحد بيشتغل نقاش
أبو دينا .. مينفعش الكلام ده ال بتقوليه ده ياام عالعموم يابني سيبنا نفكر في الموضوع
عادل .. ماشي ياعمي خد وقتك أستأذن أنا
أبو دينا .. خد ياحبيبي الباب من هنا انت رايح تنط من البلكونة تاني!!!
عادل .. حقك عليا ياعمي مع السلامة
دخل عادل شقته وجري عالبلكونة لقي دينا واقفة
عادل .. صدقتي اني بحبك ولا لسه؟
دينا.. انت مجنوووووون ههههه
عادل .. علفكرة انا ممكن اعمل اي حاجة عشان اشوف إبتسامتك دي هههههه
دينا .. طب مش كنت تاخد رأيي مش جايز ماوافقش
عادل .. كنت اقتلك واقتلك امك وابوكي ال قاعد بالشورت جوة ده
دينا .. ههههههه بس ياواد اتكلم عن بابا بطريقة حلوة
عادل .. انا بعشق بابا وبموت في بابا وربنا يجمعنا انا وبابا يارب تحت سقف واحد
ابو دينا .. يجمعك مع مين تحت سقف واحد ياشاذ يامتخلف انت
دينا .. مين بابا انت دخلت هنا إيمتا !!؟
ابو دينا .. من ساعة ما كان هيقتل امك وابوكي يابنت الكلب وربنا لو اعرف ان هيقتل امك بجد ما كنت أجوزك ليه عشان يقتلها
عادل .. اسف والله ياعمي انا كنت اقصد بكلامي ...
ابو دينا .. طب اسكت متنيلهاش أكتر من كده وادخلي انتي جوة يادينا دلوقتي عشان عايز عريس الغفلة في كلمتين
دينا .. حاضر ياأحلا أب في الدنيا
ابو دينا .. قولي ياد ياعادل انت عايز بنتي بجد
عادل .. والله عايزها ياعم حسين
ابو دينا .. بتحبها ياد ولا بتشتغلها
عادل .. والله بحب ال خلفوها ياعم حسين
ابو دينا .. وانت مالك بال خلفوها ياحيوان
عادل .. معلش انجذبت في الكلام ياعم حسين
ابو دينا .. فكرت في الموضوع وعارف حماتك هتبقا مين ولا لأ
عادل .. فكرت تسعوميت مرة ياعم حسين وربنا بس اشمعنا
ابودينا .. ياحبيبي دي شوية الشوك ال حوالين الوردة يعني لازم تكون عارف إنها هتلهلب ال خلفوك عشان توصلها
الخلاص إنك تكون عارف تفصل ما بين العسل والطين
ام دينا .. الطين ده ال هينزل يرخ علي دماغك ياحسين تعال هنا
_______________
شوية واتصل عادل علي عم سيد
عادل .. ايوه ياعم سيد عايزك ضروري ع القهوة
عم سيد .. خير يارب عملت حاجة مع ام دينا ؟
عادل .. لا خالص ده موضوع خير متقلقش
فعلا نزل عم سيد ع القهوة لقي عادل مستنيه
عم سيد .. خير ياعادل في إيه
عادل .. انا نويت اتجوز وطبعا انت عارف اني مليش حد بعد ربنا غيرك فكنت عايزك تروح معايا
عم سيد .. اوي اوي ياابني من عيني
عادل .. انت عارف انا هتجوز مين
عم سيد .. مين ؟
عادل .. دينا بنت عم حسين
صس
٢ ص .. يازين ما اختارت بس هما موافقين ؟!
عادل .. في قبول بس ام دينا واضح إنها مش هضماني
عم سيد .. عشان كده سألتك
عادل .. انا قولت محدش هيحل مع ام دينا غير حبيبي عم سيد
عم سيد .. ولا أعرفك
عادل .. ايه ياعم سيد انت بتتخلا عني
عم سيد .. شاور علي أي حد تاني ممكن اتكلملك معاه بس ام دينا إنسا أنت عايز تجيب خبري وبعدين انا حالف ما أدخل هناك
عادل .. يعني لو ابويا وامي لو عايشين مكنتش احتاج لحد انا ماشي سلام ياعم سيد
عم سيد .. خد ياض ،، انا جاي معاك عند ام دينا بس مش عشانك عشان البت دينا تستاهل
عادل .. حبيبي ياعم سيد كنت عارف اني مش ههون عليك
فعلا راح عم سيد عند ام دينا خبط ع الباب فتحت ام دينا لقت سيد ووراه عادل _________يتب
الحلقة الثامنة من قصة ( المليونيرة الفقيرة )
عادل .. يعني لو ابويا وامي لو عايشين مكنتش احتاج لحد
انا ماشي سلام ياعم سيد
عم سيد .. خد ياض ،، انا جاي معاك عند ام دينا بس مش عشانك عشان البت دينا تستاهل
عادل .. حبيبي ياعم سيد كنت عارف اني مش ههون عليك
فعلا راح عم سيد عند ام دينا خبط ع الباب فتحت ام دينا لقت سيد ووراه عادل
ام دينا .. اهلا غراب البين عايز إيه ؟!!
سيد .. وبعدين في لسانك الطويل ده ياولية!
حسين .. مين ياولية ال عالباب
ام دينا .. انا عارفة ياخويا ايه البلاوي ال بتتحدف علينا دي
حسين .. مين ؟! سيد اهلا ياغالي اهلا ،، غوري ياولية لجوة اهلا ياسيد ادخل يااخويا
قعدو مع مع بعض في الصالة وأم دينا عملت الشاي وجت قعدت معاهم ودينا طبعا مينفعش يفوتها كلام زي ده فكانت واقفة ورا الباب عشان تسمع كل حاجة وكانت مبسوطة اوي
سيد .. بقا ياحسين يااخويا الواد عادل جالي وكلمني إنه عايز يتقدم ل دينا فقلتله والله يابني يازين ما أخترت وقولنا نيجي ندخل البيت من بابه وربنا يجعل القبول حليفنا ان شاء الله
حسين .. هههه أنت قديم أوي ياسيد ياأخويا
سيد .. ازاي ياحسين !!
حسين .. هو مقلش ليك إنه دخل البيت من البلكونة قبل انت ما تجيبو وتيجي من الباب ، ياراجل ده عادل بقا عارف هدومي الداخلية اكتر مني ههههههه
سيد .. إزاي ده ياعادل !! الله يكسفك ياابن الكلب ده انا هنفخك هههه
ام دينا .. مستغرب ليه ياسيد ماانت كنت حرامي غسيل وانت صغير
حسين .. هههههههههههههه
عادل .. هههههه🤐
سيد .. انت بتضحك ياحسين بدل ما تقولها عيب😡
حسين .. والله ياسيد وما ليك عليا حلفان أنا بقيت بستنا لحظة ما تكون أنت وأم دينا مع بعض زي الناس ال بتقرأ الرواية بالظبط ههههههههههههه
سيد .. عالعموم ياحسين احنا قولنا ال عندنا ومستنيين نسمع الرد
أم دينا .. لا طبعا قولي هيقدر يجيبلها شقة تمليك وعفش وهيصرف عليها إزاي وهو شغال يدوب صنايعي يوم اه ويوم لأ
عادل .. أنا كنت محوش قرشين حلوين هجيب بيهم العفش وأتجوز بيهم ومن ناحية الشقة فأنا قولت هنبدأ حياتنا مؤقتا في الشقة ال واخدها منكم بالأيجار لحد ما ربنا يكرمني وأشتري شقة بره
أم دينا .. نعممم أنا بنتي هتتجوز في شقة أيجار !!!
سيد .. ياستي ده مؤقتا انا عارف القرشين ال مع عادل هما حلوين اه بس ميكملوش تمن شقة تمليك في الوقت الحالي وبعدين ياستي هو انتي تكرهي تكون بنتك معاكي في نفس البيت
ام دينا .. بنتي من حقها يكون عندها شقة تمليك ياسيد ولو جبت اي حد من الشارع هيقولك اني بقول الصح
دينا .. دخلت عليهم قالت انا موافقة ياعم سيد
ام دينا .. انتي بتلوي دراعي يابت ولا ايه؟!
دينا .. ما دام عادل شاريني ياماما يبقا لو هيعشني في كهف انا موافقة اعيش معاه
سيد .. يبقا نقرا الفاتحة
حسين .. علي بركة الله
سيد .. ايه مش بتقري معانا ليه ياأم دينا
حسين .. مش حافظاها هههه
سيد .. طب يناسبكم الخطوبة الخميس الجاي
حسين .. تمام ال تشوفه ياسيد الواد ابنك والبنت بنتك
_______________
يوم الخميس💍💍🎶🎺
سيد .. يلا بقا يلا ياعادل انت هتقف قدام المرايا كده كتير! انت غلبت البنات ياولا هههههه
عادل .. دي أحلا يوم في عمري ياعم سيد😍😍😍😍
سيد ..طب يلا يااخويا بدل ما نأخر وحماتك ترجع في كلامها😁
عادل .. لااااا حمامة يااسطي انا جاهز😍😍😁
سيد .. ربنا يكمل فرحتك دي علي خير والله يابني انا مبسوط اوي اني شايف الفرحة دي في عينيك
عادل .. دي كانت امنية عمري والحمدلله ربنا راضي عني😍
سيد .. هههه طب يلا يااخويا يلا بكرة لما تطلع بالبامبرز وتنزل بكيس الزبالة هنشوف وقتها هيكون رأيك إيه😁
________________
في بيت عم حسين
دينا .. إخلصي بقا يادعاء الناس علي وصول
دعاء .. قصدك حبيب القلب علي وصول😍
دينا .. إتلمي بقا يابت وخلي عندك دم😊
دعاء .. والنبي انتي ال خيبة اوي هو في حد لسه بيتكسف في زمنا ده فكي يابت وخليكي روشة 😍
دينا .. لا ياختي انا عاجبة نفسي كده اخلصي انتي بس ياقلبي
دعاء .. ادعيلي يابت ربنا يرزقني بواد مز زي خطيبك ده😍
دينا .. اتلمي يابت وخلي عندك دم
دعاء .. ايه ياختي انتي هتغيري عليه من دلوقتي 😅
دينا .. انا سامعة صوت برة شكلهم جم
دعاء .. وأنا خلاص خلصت
_____________
خرجت عليهم دينا وأول ما شافها عادل قام وقف وقال بسم الله ماشاء الله قمر ياحبيبتي😍😍😍
حسين .. اقعد ياحيوان
عادل .. اسف ياعم حسين بس ربنا يعلم انا لما بشوفها روحي بتروح مني وببقا في عالم تاني يااااااااه عالم حلو وجميل بشكل
ام دينا .. ماتقعد ياض ياابن التايهة بدل ما أقوملك😡
عادل .. لالالالا حاضر اديني قعدت
قعد عادل جمب دينا والفرحة كانت باينة عليهم بصراحة كانو يتحسدو
وبدأت الأغاني والزمر والرقص في الشقة وعادل كان قاعد يوشوش دينا وهي مش قادرة تمسك نفسها من الضحك وطبعا مش هقدر أقولكم كانو بيقولو إيه لأن دي أسرار😅
بس في حاجة غريبة انا لاحظتها في الخطوبة دي !
دعاء كانت بتبص علي عادل ودينا وإبتسامتها كانت واضحة جدا إنها مزيفة
وبعد شوية خرجت في البلكونة وكانت بتقول في نفسها هي
دينا فيها إيه زيادة عني عشان الواد ده يختارها وبعدين لما
هو بيحبها اوي كده كان بيعاكسني ليه وانا واقفة في
بلكونتها بس أكيد هي ال لفت علي الواد عالعموم يادينا مش
هسيبك تتهني بيه 😡 __________
الحلقة التاسعة من قصة ( المليونيرة الفقيرة )
دعاء كانت بتبص علي عادل ودينا وإبتسامتها كانت واضحة جدا إنها مزيفة
وبعد شوية خرجت في البلكونة وكانت بتقول في نفسها هي
دينا فيها إيه زيادة عني عشان الواد ده يختارها وبعدين لما
هو بيحبها اوي كده كان بيعاكسني ليه وانا واقفة في
بلكونتها بس أكيد هي ال لفت علي الواد عالعموم يادينا مش
هسيبك تتهني بيه 😡
__________
في اليوم التاني
الساعة ٨ الصبح عادل كان خارج علي شغله وطبعا دينا
مظبطة معاه ميعاد خروجها للجامعة
عادل .. صباح الفل والورد والياسمين علي أحلا عيون حلوين
دينا .. صباح الخير ياعادل
عادل .. صباح الخير بس كده !!؟ مفيش صباح الخير ياحبيبي
او صباح الخير ياقلبي زي ال بنشوفهم في الأفلام!
دينا .. لما نتجوز يابابا يبقا أسمعك كل ال نفسك فيه بس يلا
بينا دلوقتي عشان توصلني بالفذبة بتاعتك
عادل .. ايه !! بجد ! لا طبعا ياحبيبتي
دينا .. ليه بقا إن شاء الله !؟
عادل .. ميصحش يادينا تركبي فذبة عالأقل عشان شكلك
قدام أصحابك في الجامعة
دينا .. اسمعني كويس ياعادل انا بحب أعيش علي طبيعتي
وانا عمري ما أخجل من حاجة عملتها وبعدين فيها إيه لما
أركب فذبة هي عيب يعني !!؟
عادل .. لا بس ...
دينا .. مفيش بس وبعدين انت خطيبي وأنا قبلتك أنك تكون
زوجي سواء بحلوك أو بمرك وطبعا لي الفخر إن أركب الفذبة
بتاعتك وياسيدي لو خايف علي البنزين أبقا عدي عالبنزينة
وأنا أحطلك بنزين 😅
عادل .. بحبك بحبك بحبك وزي ما كل حاجة رزق فعلا
الستات برضو رزق وانا الحمدلله ربنا غناني بيكي وكل يوم
بتكبري في نظري أكتر من اليوم ال قبله
دينا .. طب يلا بينا عشان قعدت تثبلي كده كتير هنتأخر 😅
عادل .. يلا ياقلبي😍
فعلا ركب عادل وركبت وراه دينا وطلع بيها عالجامعة
وصلت هناك لقت أصحابها واقفين كالعادة بيدردشو قدام
الجامعة
نزلت دينا قدامهم واصحابها واقفين في زهول وعلامات
تعجب
طلبت دينا من عادل ينزل وخدته عند اصحابها وعرفتهم عليه
دينا .. احب أعرفكم ده عادل خطيبي وشغال نقاش يعني
اسطي بتاع دهانات
اصحابها .. اهلا
عادل .. اهلا بيكم أستأذن انا بقا عشان اخرت علي شغلي
دينا .. خلي بالك من نفسك أنا النهاردة هتأخر لحد الساعة ٤
لو خلصت شغلك بدري أتمني تيجي تاخدني
عادل .. حاضر ماشي
______________
عادل راح شغله وكان بيعد باللحظة عشان يخلص شغله
ويروح لخطيبته
وفضلنا علي ده الحال فترة طويلة والموضوع إتطور شوية
وبقا عادل ياخد دينا يفسحها بالفذبة
مرات يروح ع كورنيش النيل وكوزين درة مع كوبايتين شاي
يخلو للحب طعم جميل
وأحيانا كان ياخدها السينما وتيجي لحظات مؤثرة لو كانت
رعب كانت بتستخبي فيه ولو كانت حزن كان بيطبطب عليها
ولو كانت كوميدية كان يقعد يضحكها ويفكرها بمواقف
طريفة حصلت معاه
اما لو كانت حب كان يبصو لبعضهم ويبتسمو وتتشابك
الأيادي وتعلو النظرات العميقة التي كانت تغوص في أعماق
القلوب لتري الزرعة الجميلة التي تروي بالإهتمام والمشاركة
والحب اللانهائي
اما عند نهاية كل يوم فيجتمعو سويا بملتقي البلكونات حيث
الغزل والسرحان مع صوت الست ام كلثوم وضوء القمر حتي
الصمت في هذه اللحظة يكون له دفئ ومعني
يللي ظلمتو الحب وقولته عليه مش عارف أيه ،
العيب فيكم ، يا في حبابيكم
اما الحب ، ياسيدي عليه
في الدنيا مفيش أبدا أبدا أحلى من الحب
نتعب ااااه
نبكي ااااه
نشتكي منه لكن بنحب
ياسلام عالدنيا وحلاوتها في عين العشاق
ياسلام ياسلام علي حلاوتها ياسلام ياسلام
من همسة حب لقتني بحب
لقتني بحب وأدوب في الحب
وكل ما كان صوت الست يهدا
كانت القلوب تتهادى في نبضها
كلاهما بمكانه معزول عن الأخر
ولكن هناك في عالم أخر إجتمعت القلوب والأجساد وكل شيئ
وفي هذه اللحظة صمتت أم كلثوم وإقتطعت النظرات
وحل السواد بالمكان
حيث كان شبشب أم دينا هو من يتحكم بزمام الأمور
مش عارفة أنام ياأولاد الكلب الفجر قرب وأنا كل شوية أقول هنخلص من الفيلم الهندي ده إمتا ومش لاقية له أخر
خش نام يااااااض
عادل جري عشان يفلت من الشبشب ولكن لم يفلح لأنه الشبشب حرفيا فرقع في قفاه وهو بيقفل البلكونة
______
تاني يوم بعد الكلية جت عربية كارم الصفتي وقفت قدام دينا
كارم .. مبروك يادينا
دينا .. نعم !
كارم .. كنت أتمني إنك في يوم من الأيام تكوني ليا بس
هنعمل إيه ملناش نصيب عالعموم ربنا يسعدك
دينا .. بجد انت شخصية محترمة وتستاهل كل خير وربنا
هيرزقك ببنت الحلال ال تعوضك إن شاء الله
كارم .. عالعموم أنا عندي أمل ولو واحد في المية إنك
هتكوني وهقعد قصاد الامل ده وعالعموم مبروك
أمشي انا بقا قبل ما حبيب القلب ييجي وتبقا ليلتنا مش
فايتة
____________
دعاء .. تصدقي الراجل ده جنتل بصحيح
دينا .. والله باين عليه محترم
دعاء .. والله انتي ال فقر
دينا .. وبعدين معاكي مش قولتلك متجيبيش السيرة دي تاني
دعاء .. خلاص ياستي متزقيش خلينا في المهم
دينا .. ايه هو المهم !؟
دعاء .. أبويا عايز يشطب دهانات الشقة ال فوقينا بتاعت
أخويا عشان ناوي يرجع من السفر قريب
دينا .. طب وانا مالي!؟
دعاء .. يابت انتي ناسية إن خطيبك بتاع دهانات😅
دينا .. قصدك عادل
دعاء .. انا قولت لأبويا إن خطيبك بتاع دهانات ووافق عليه
إن يقوم بالشغل كله
دينا .. تسلميلي ياقلبي هقوله حاضر__________يتبع
انا نزلت فصول كتير اهو وماخرتش عليكم ولا مقصر معاك ف حاج.
ف ياريت انتو كمان متاخروش عليه بالمتابعة للصفحه الشخصيه بتعتي ❤️😊
تكملة الرواية من هنا 👇👇👇