رواية بنت الاصول الفصل الثامن والتاسع.. قبل الاخير
 |
الفصل الثامن
كانت تجلس ياسمين مع عمها مهران فى الصالون
مهران/ مش عاوزك تقولى الى حصل فى الشركه يا ياسمين للعيله علشان أكيد حيزعلو وحيشيلو الهم زيينا
ياسمين /بسي يا عمى إحنا مش حنقدر نخبيى عليهم كتير لأن سرقة زى دى حتودى الشركه فى خساره كبيره ومصيرهم حيعرفو فى الآخر
بسي أكيد حعمل الى قولتلى عليه ومش حقول لحد
مهران/ عارف يا بتى أنهم أكيد حيعرفو لانها حاجه متتخباش بسي سيبيها على ربك هو القادر على كل شيء
ثميه / بتمتمو في إيه أنتى وعمك يا ياسمين وقومو اتعشو علشان كل قاعد على السفره مستنيكم
ياسمين /ماشى يا مرات عمى
مهران/ آومال فين أسر ليه مش جه يتعشى معانا
ثميه/ طلبت منه ياجى بسي هو قالى مش جعان ولما حيجوع حياكل بسي تعرف يا مهران باين عليه فى حاجه مدايقاه قوى
مؤمن /يعنى محسسينى أنها حاجه غريبه من أسر انه ميتعشاش معانا ده هو طول عمره كده
نور /عيب يا مؤمن كلامك ده على أسر أخوك الكبير وواجبك تحترمه ومش تاخد كل حاجه هزار أفهم بقى
كان يفكر مهران فى أسر وهو يقول فى نفسه عارف ليه أسر زعلان بسي مقدرش أقولكم تلاقيه محمل نفسه مسئولية الى حصل هو طول عمره كده من لما كانو خواته من هما وصغيرين حد يتخانق معاهم ويبكيهم في المدرسة كان يقول أنه هو السبب وراء بكاهم علشان مخدش باله منهم
جنى/ بتفكر فى إيه يا بابا مش من عوايدك تسرح على الأكل يعنى
مهران /مفيش حاجه يابتى تعبان شويه بس
اكتفى مهران بالرد على نور بابتسامه
كان فى قمة غضبه من ما جري وأخذ يكسر كل شيء أمامه وعيناه ممتلئة بالدموع
المجهول/ عمران محمدين العناينى كله عندينا ده إحنا نالنا الشرف واللهى بس فى مشكله أنه قاعد على الكرسي متربط لا حول له ولاقوه معقوله ولا إيه يا بن العناينى
عمران /بغضب صوتك مش غريب عليا بتكلمنى وكدينى دهرك ليه بسي لو إنت راجل صح حل الحبال الى مكتفنى بيها و تعال نتقابل راجل لراجل ولا خايف
المجهول/ خلينى بكلمك بدهرى أحسن لأنى لو وليت وشى ليك مش حقدر اتماسك غضبى وممكن أجيب اجلك وأموتك خالص ولا باين انك مستعجل عما تموت يا والد محمدين العناينى ليخرج ذاك الشخص تارك عمران وهو ينادى عليه بأعلى صوت أنا عارف صوتك قوى إنت مش غريب عليا وحتفكر انت تبقى مين وساعتها حجيبك لما أطلع من هنا وأنا الى حخلص عليك فاهم
**************************************
ياسمين /هدير تعرفى فين عمى مهران أنا دورت فى البيت كله ومش لقيته
هدير / بابا كان قاعد فى الجنينه ليه فى حاجه؟
ياسمين / لأ بسي كنت عاوزة اتكلم معاه
****************************************
ياسمين / أنا عارفه بتفكر في إيه وأنا عندى حل يخلى شركتنا ترجع زى الأول ونسدد بيها كل الميزانية من عمال ومنتجات وإداريين وغيرها
ياسمين / إحنا لينا ورق كبير فى الصعيد وأراضى كتيره ممكن تبيعها وتخلى الشركه تقف من تانى يا عمى
مهران /لا يا ياسمين أنا عمرى ما أعمل الى قلتى عليه وبعدين الأراضي دى كلها بتاعت أخوى سامح وأخوى محمد وأنتى بعديهم بس وأنا ماليش أنى ابيع شبر واحد فيهافاهمه
ياسمين /بسي أنا يعنى مش عاوزاه وأنت عندى أغلى من ورث الدنيا كلها وأنا اهو عايشه وسطيكم وتمام
مهران/ تسلمى يا بتى بسى زى ما قولتك أنا مش حبيع شبر واحد من أرضك والوقت أتأخر يلا نروح ننام
**************************************
وبعد الإنتهاء من الإفطار
مهران /ياسمين حتروح الشركه معايا ولا مع هدير
أخذ كلا من مهران وياسمين في حساب التكاليف ومدى الخساره التى سيتعرضون لها
ليستوقفهم صوت السكرتيرة
السكرتيره / مهران بيه مندوب شركة الصقر و مساعد مديرها طالبين يقابلو حضرتك
خرج كلا من مهران و ياسمين لمقابلتهم
فى قاعة الاجتماعات بالشركه
مهران / كنت عارف أكيد جايين تنهو الصفقه الى كانت حتم بينا بعد ما الجرايد والاخبار كتبت على مدى الخساره الى حنتعرضلها والمعروف عن مديركم أنه مش بيحب يشارك م الشرك الضعيفه
أحمد /لا بالعكس خالص مهران بيه إحنا جايين نأكد أن الصفقه حتم ومدير شركتنا حيساهم معاك فى التكاليف الى خسرتها والصفقه الى بينا إحنا حنهتم بالميزانيه كلها وكده ممكن نقلل خسارتك من السرقه الى اتعرضتلها وكمان حترجع شركتك زى الأول وأفضل كمان ده طبعا لو وافقت حضرتك
مهران/ بدهشة من الكلام الذي سمعه من أحمد أكيد طبعا موافق وأنا عاوز أقابل مدير شركت الصقر شخصيا وأشكره على وقفته معانا
أحمد / ممكن تيجى الاحتفال الى حنعمله بمناسبه إفتتاح الفرع الجديد لشركتنا فى سويسرا وأكيد مديرنا حيكون مبسوط لو حضرت
ياسمين /بسي أنا شيفاها غريبه وقفت مديرك جنب شركتنا من غير مقابل لان على حد علمى أنكم شركه كبيره وأكيد تقدرو تشاركو شركه من الشرك الى فى الخارج تكون جودة منجاتها أفضل ولا مش كده يا مستر أحمد
أحمد /بصراحة وجهة نظرك مقنعه بسي إحنا كشركه كبيره وليها أسمها مش حيقلل منينا لو وقفنا جنب شركتكم وبعدين فرع شركتكم الى فى تركيا حيساعدنا أننا نأسس فرع جديد من شركتنا هناك ولا إيه
ياسمين /إحنا أكيد موافقين فى كل الاحول
أحمد / خلاص بما إنكم وافقتو ممكن نمضى العقود السبوع الجاي
ليغادر كلا من أحمد ومندوب شركة الصقر الذى قام بمعاينة جودة المنتجات
*****************************************
جلست ياسمين تفكر في مدير شركة الصقر وما هى مصلحته من وقوفه بجوار شركة توشك على الانهيار وتصرفات أسر التى تغيرت منذ سرقة الشركه حتى أنه لم يذهب بعدها للشركه حتى أنه إلى الآن لا يعلم شيئ عن مساعدة شركه الصقر لهم
*****************************************
محمدين/ معقوله لحد دلوقتي مش عارف عن ابنى حاجة ولا هو فين ولا حتى مين الى عمل كده أخذ يفكر حتى تذكر أن من قام بمهاجمتهم وزع أكياس الدقيق الى كانت فى الشاحنه للقريه ومكتوب عليها ابن القريه
محمدين أكيد مهران وبنت أخوه مفيش غيرهم هما عاوزين يحرقو قلبى على ولدى عمران ط زى ما حرقه مهران على فؤاد ولدى الله يرحمه لينهض ويجمع عدد كبير من العربيات التى كانت ممتلئة بالرجال ليسافرو الى مهران
*****************************************
أحمد أنا مش بقيت فاهم كيف بتفكر يا صقر. مره تقولى روح هاجم عمران العناينى ورجاله وأحبسهوملى ومره تقولى أننا نتعاون مع شركه منهاره ومفلسه زى شركة مهران بجد تعبت مش فاهم اي حاجة
المجهول./ مش مهم تتفهم لأنك مش حنقدر وحتتعب فى الآخر خليك كدة أحسن
احمد /أحسن كيف أنا قربت اتجن من عمايلك الغريبه الفتره دى
**************************************
فى ساعه متأخره من الليل كان أسر ينزل من على الدرج ومعه مفاتيح سيارته
ياسمين رايح فين أسر فى الوقت المتأخر ده هو أنا عارفة أنه زعلان قوى من الى حصل وحالته كمان مش تطمن وأنا شاكه أن فى وراء حاجه مش معقول يكون غضبه ده كله على سرقه حصلت ميعرفش مين عمل كده وبعدين مش رضى يقول للشرطه واتحجج أنه ممكن سرقه زى دى تشوه سمعة الشركه وأنا بصراحه مش دخل دماغى
ياسمين إيه أعمل كيف حلحقه بسيارته دى مفيش غير عمى محمود
محمود هو الشفير الخاص بمؤمن لأنه بعد ما عمل الحادث خاف عليه مهران أنه يسوق ولسه رجله مش اتعافت على الآخر وبالعافيه لسه بيمشي
ياسمين _/عمى محمود ممكن توصلنى دلوقتى و
محمود/ فى الوقت المتأخر ده حاجه يا بتى ياك
ياسمين /يلا بسرعه مش معاى وقت
كانت سياره أسر تسير بسرعه وخلفها سيارة ياسمين
ياسمين خليك فى العربيه يا عمى محمود عما ارجعلك
كان يقف أسر وهو يصرخ بأعلى صوت
ليه ده كله بيحصل معاي ليه الراجل الى حبنى أكون السبب فى زعله وقهره ليه الراجل الى فكرته أبويا وقدوتى يطلع مجرم وقتل عايلتى أنا تعبت مش قادر أأذيه أكتر من كده قلبنى وجعنى لما شوفته متدايق بسببى أنا النهارده بقيت مجرم وسرقت فلوس العيله الى بتحبنى وممكن الى عملته يخليهم يبيعو كل الى معاهم علشان يعوضو الخساره الى بسببى خدنى يارب وريحنى معدتش استحمل
رواية بنت الاصول
الفصل التاسع 9
ياسمين/ معقولة الى سمعته أسر هو الى سرق الشركه ومين هو الى بيتكلم عليه ده وأيه الى خلاه يعمل كدا ويسرق شركته وكمان عمى مهران كان حيدمر بسببه وكانت شركتنا حتعلن إفلاسها لولا وقفت شركه الصقر لينا بسي أنا ما اقدرش أتجاهل حالته دى وقد ايه باين أنه زعلان من تصرفه الى عمله وكمان وحالته تعبانه أنا لازم أعرف السبب الى خلاه يعمل كدا لان أسر إنسان كويس أنا عارفه انه بيبن عكس الى جواه
هو شبه محمود وخالد وكأنه نسخه منهم وقلبى كمان بيقولى أنه كان مجبر على كل ده
لتغادر ياسمين المكان دون أن يراها أسر فهى متأكدة بأن هناك سرا وراء تصرفه هذا و أجلت مواجهته حتى تعرف حقيقه ذالك
كان قد وصلا كلا من مهران وأسر و ياسمين شركتهم
أسر/ أنت بتقولى يا بابا أن المشكله اتحلت هو أنتم عرفتو مين اللي سرق الشركه ولا ايه
مهران/ لا لسه بسي شركه الصقر حتساعدنا وتمولنا المبالغ والموظفين الى محتجاها شركتنا حتى منتجاتنا هى الى حتعملها دعايه وأكيد شركتنا حتترفع بعد الشراكة دى بينا وبين شركه كبيره زى شركه
أسر/ بفرحه بجد ده كدا إحنا مش حنخسر ولا حاجه لا بالعكس ممكن أسهم شركتنا ترتفع قوى
ياسمين/ فى نفسها أنت غريب قوي يا أسر أنا مش بقيت فاهمك يعنى كيف تسرق الشركه وكان ممكن نخسرها والفرحة الى فعنيك دلوقتى بمجرد ما عرفت أن شركة الصقر حترفع شركتنا زى الاول وأحسن دى فرحة صادقه و طالعه من قلبك
أسر /طب هما ايه شروطهم والمقابل الى عوزينه
مهران/ اهو الغريب أنهم مش وضعو اى شروط ولا حاجه حتى مقابل مساعدتهم
أسر / كيف دى شركه زى شركه الصقر مش بتدخل المناقصات غير لما يكون ليها30% صافى أرباح أيضافى
مهران/ حتى ياسمين قالتلهم كدا بسي مساعد المدير مش ادانا اجابه مقنعه
أسر/ يلا بعدين أبقى نعرف اهم حاجة امتى حنمضى عقود الصفقه
ياسمين / الأستاذ أحمد قال النهارده علشان مش كل ما استعجلنا ميكونش في خسارة لشركتنا
أسر /تمام يلا أنا حروح انظم الأوراق والعقود وانت يا ياسمين أبقى خلصى الحسابات علشان نحسب نسبة الخساير والأرباح
ياسمين / أنا خلصت جزء كبير منها فاضل قسم التسويق بس الى لسه مش حسبت تكلفته
أسر/ هايل كدا أكيد حنلحق النهارده نعرض عليهم الحسابات فى الاجتماع
وطبعا بابا زى كل مره يروح يحل مشكله المصانع المتوقفة
*****************************************
أحمد / عاوز أعرف إيه الى بيربطك بشركه الصقر
المجهول / بسي أنت مش متعود تسأل كتير يا أحمد وتضغط عليا باسألتك وأنا لما حلاقى الوقت مناسب أكيد هعرفك كل حاجه ومش تعتبر أنى مخبى عليك الى بيربطنى بيهم ده تجاهل منى ليك لا بالعكس انت أكتر واحد ليه معزه فى قلبى والشركه بتاحتنا إحنا الإتنين صحيح أنا الى اسستها لاكن برضه انت الى درتها فى فترة إقامتى فى الصعيد ومش كنت باجى ليها الا مرتين اوتلاته في الشهر و الشركه بقت بالشكل ده بفضل جهودنا إحنا الإتنين يعنى ليك الحق أنك تسالنى ليه أنا ضميت شركه مهران لينا بسي أطمن أنها حتكون قوة لينا قدام الشرك الى فى الخارج زى شركة lightالعالمية او IRgالمالية وغيرهم شركات كتير
أحمد/ انت أخويا مش صاحبى وأنا عمرى ما حزعل منك على حاجة زى دى وبخصوص انك مش قولتلى السبب فدى حاجه مش تزعلنى منك بالعكس انا أكتر وأحد عارف أنت عانيت كد ايه ولما حيجى الوقت المناسب أنا عارف انك حتقولى من غير ما اسألك
***************************************
كانت الفيلا ممتلئة برجال محمدين العناينى
محمدين / بصوت عالى فين مهران وبنت أخوه ردو بدل ما خلص عليكم
هدير/ ببكاء بابا ليه اكتر من شهرين مش جه الفيلا ولا شفناه حتى
جنى /بسي أنت ليه بتكلمنا بضهرك وشك بشع ياك
يا عمو متخافش انا ضد التنمر والسخريه من الناس البشعه لان ربنا زى ما خلقنا خلقهم وأكيد فيهم ميزه
محمدين/ اسكتى يا بت به ما رطاطه أنا بكلمكمك بضهري علشان كرامتنا إحنا الصعايده متخلناش نبص لحريم واحترم منينا على عرض غيرنا أنا كلامى مع مهران مش مع حريمه
ثم خرج محمدين من الفيلا هو ورجاله
جنى/ تفتكرى ليه يا ماما مش اذانا رغم أنه باين عليه أنه عاوز يؤذى بابا
ثميه / معرفش أنا الصعايده بيفكرو كيف لأنى مش عشت معاهم
هدير /ياسمين قالتلى أنهم فى الصعيد مفيش راجل يمد يده على مرة لأن عيب كبير في حقه
جنى/ كويس أهو عندهم عادة كويسه أحسن من بلاش
ثميه /الحمد الله ملقيش حد من العيال مهران مع أبوه ومؤمن خرج مع أصحاب
هدير/ الحمد لله ملقيش حد فيهم الا كان اذاهم٣
أحد رجال مهران /بسي أنت ليه مجبتش الحريم وكنا زلينا مهران بيهم
محمدين/ أخرس عاوزنى انا محمدين العناينى أأذى حريم على آخر الزمن بكره الناس تقول محمدين العناينى كله يخطف حريم إحنا الصعايده متربيين على حد الى بيلمس حرمه مش يبقى راجل فينا أنا لو كنت لقيت راجل فى البيت كان تصرفى حيختلف
*****************************************
السكرتيره/ وفد شركة الصقر وصل وهما دلوقتى فى قاعة الاجتماعات بالشركه ومستنين حضراتكم
كانت قاعة الاجتماع ممتلئة بكل الاشخاص المهمين بشركة الصقر على مستوى فروعها في العالم لاكن كان غريب قوي أن مدير شركة زى شركه الصقر ميحضرش صفقه مهمة زى كدة
وما إن أنتهى كلا من ياسمين وأسر من شرح أهدافهم وحسباتهم ومخططاتهم والمشاريع التجارية المخططة حتى أخذ جميع الوفد بالتصفيق لهم فقد كانو يستحقون ذلك فجميع من كانو فى الاجتماع أعجبو من مخططاتهم وطريقه شرحهم
أخذ أحمد ومهران بالتوقيع على جميع الاوراق اللازمة
أحمد /مبروك ليك ولينا مستر مهران وسعيد بانضمامكم لينا
مهران / إحنا أسعد أكيد بنضمامنا لشركه كبيره زى شركتكم
أحمد/ بصراحة المدير مش قدر يحضر الصفقه علشان فى ظرف منعته من حضورها لاكن هو طالب منكم تحضرو حفل إفتتاح الفرع الجديد لشركتنا فى سويسرا و بياكد على أهمية حضوركم علشان عاوز يقابلكم شخصيا
مهران /أكيد حنحضر وأكيد شرف لينا نقابله
ليغادر وفد شركة الصقر بعد إتمام الشراكة
****************************************
المجهول / تعرف يا عمران طلع باباك بيحبك قوى حتى أنه جه برجالته من الصعيد لمصر علشان يتهجم على مهران فى الفيلا بتاعته فاكره هو يعنى الى خطفك لاكن للاسف رجع زى ما جه ومستفادش حاجه تصدق أنه طلع غبى قوى مفكر أن مهران عاوز ينتقم منه بسي أنا مش حقدر أقولك يا عمور أن مهران وبنت أخوه حيسبوكم أو يسامحوكم على الى عملتوه فيهم و أ تاكدو أنهم حينتقمو منكم و حينهوكم لاكن مش بالسرعه دى ولا بالشكل ده هما حيكون أصعب بكتير قوى
يعنى أنا دلوقتي يكفينى إن أبوك يتنازل عن عمدة البلد ليا لانها مش من حقه هو خدها وضع يد بعد موت سامح الله يرحمه يعنى زى ما تقول قرصة ودن ليكم صغننه
عمران / انت اتجننت عاوز أبوي يسيب عمدة البلد ليك تأمر وتنهى عمره ما حيحصل ولو حتى على موتى
المجهول /حتشوف و حيحصل لان أكيد عمدة البلد مش أغلى من حياتك بسي أنت يظهر متعرفش أبوك بيحبك كد أى
****************************************
جنى /متعرفش يا بابا كان شكلهم يخوف كد أى ولا هو الراجل المتوحش ده كان بيهددنا بضهره باين عليه خايفنا ما نحسده من جمال وشه
مهران /بضحك من طريقه جنى وأنتى أكيد كلمتى فضوللك مش يسمحلك أنك تقعدى ساكته
جنى /بصراحه كلمته وهو قال عليا رطاطه
جنى/ انت بتضحك على ايه يا بابا هو قالى نكته ده قالى رطاطه
مهران /فى نفسه يا ترى ناوى على ايه يا محمدين عاوز تحرمنى من بقيت عيلتى بعد ما حرمتنى من خواتى وعيلتى وحبايبى راجع تانى فاكرنى حسيبك وانساك لا أنا مفيش يوم عدى عليا ومتفكرتكش فيه مفيش يوم نمت على المخدة وريحة راسى إلا اشتقت فيه لاخواتى وعيالهم
مفيش نفس طلعته وكنت مرتاح فيه طول ما انت عايش وبتتنفس عمرى ما حرتاح وأنا اهينى خلاص فقتلك أشوف آخرتها ايه معاك
جنى/ بابا انت مش سرحت انت فوق سرحت بشويه نص ساعة بتفكر في إيه قولى
ولكن قبل أن يتكلم مهران كانت ياسمين تجري على غرفتها وعينها ممتلئة بالدموع فمجىء محمدين العناينى جعلها تتذكر عائلتها او بمعنى اصح جعلها تتذكر أن هذا المجرم الذى حرمها من عائلتها حر لم يأخذ جزاؤه بعد لان عائلتها هى لما تنساها حتى تتذكرها أصلا فهى كل يوم تدعو لهم بالمغفرة
مهران /لا يا بتى سيبيها تطلع الى فى قلبها
*****************************************
مهران/ انت ايه جابك هنا بعد ده كله يا حقير
حامد/ خايف لأسر يعرف بحقيقتك صح
مهران ا/نت واختك صنف واحد كلكم سافلين
وأثناء حديث مهران مع حامد كان أسر يتمشى في الجنينه وقد سمع حديثهم
أسر /بدموع وصراخ أنا عرفت كل حاجه عرفت أنك قتلت امى وابوى وكنت صغير وحرمتنى من حنانهم قولى ليه يا حضرة المجرم
مهران /كلامك غلط يا أسر غلط الحقيقه أصعب من كدا بكتير
أسر /بدموع غلط غلط قولى انت الصح عرفنى بقى أدام أنا غلط ولا أقولك. أنا حوريك فين الصح
ثم أخذ يجري بسرعه على غرفته احضر موبايل حمدى الذى به التسجيل وحقيبة الفلوس الذى أخذها من الشركه ونزل بهم الى مهران
أسر بصراخ وبكاء أيضا خد شوف كيف أنك مش عندك شفقة رحمه قتلت أبوى وانا كنت طفل مهز ش قلبك صراخى صراخ طفل صغير ابوه بيتقتل قدامه
ولا أمى ماتت يعينى من صدمت الموقف وفجاعته
متقوليش أن التسجيل كدب اتحققت منه وعرفت أنه مش كدب وبرضه كنت بكدب على نفسي ومرضتش أصدق غير لما زعقت فيا فى المستشفى
وقولتلى أنى مش نفس فصيلة دم مؤمن ولا دمك ساعتها كلامك كان كأنه سكينه غرست قلبى فضلت ماشي فى الشارع زى المجنون الى مفهوش عقل بقول معقوله الراجل الى حبيته وهو أول واحد سمع منى كلمت بابا معقوله الراجل الى كان قدوتى في الحياه يطلع مجرم وقاتل وقاتل مين ده انت قتلت بابا من غير رحمه وموتت ماما عليه أي وصف اقولهولك اى كلمة تعبر على النار الى فى قلبى أكتر من كلمت بكرهك بكرهك قوى يا حضرة المجرم مهران وشد يد مهران تعالى حوريك تعرف لما عرفت بحقيقتك عملت إيه كان نفسي أ دمرك زى ما دمرتنى روحت سرقت فلوس الشركه شوف واتاكد لاكن مع أنى إنسان نضيف قلبى وجعنى وندمت انى سرقتك وخليتهم معايا علشان لما أعرفك انى عرفت حقيقتك كلها أدهملك تعرف ليه لانى مش مجرم ولا عمري ما حنبقى مجرم زى حضرتك اه خد وهو يرمى الشنطه بوجه مهران خد اتأكد أن فلوسك كاملين مفيش منهم ولا حاجه ناقصه
لينظر أسر الى جميع العائلة التى تجمعت من صراخهم العالى
أيوه صدقى يا نور ابوكى مجرم وانت يا مؤمن أيوه أنا أبقى مش أخوك جنى انتى أكيد مصدومه من كلامى لاكن للاسف هى دى الحقيقه
أتفرجى يا ياسمين مش طلع محمدين العناينى بس الى بيعرف يقتل ومجرم ده حتى عمك طلع شاطر قوى بقتل ومحدش بيعرفو أهو يعنى بصراحه مجرم درجه اولى
اما بقى أنتى يا ست ثميه لما جابنى ليكى مش سألتيه واد مين ده الى جايبهولك ولا كنتى مشتركه في الجريمه معاه ما كلكم بميت وش
إللي عاوز يوصله اشعار بتكملة الروايه يعمل إنضمام من هنا