رواية وقعتني ظبوطه البارت الحادي عشر والثاني عشر والثالث عشر والرابع عشر والخامس عشر بقلم منار مجدي
 |
الفصل الحادي عشر
هارون:بتعيطى ليه دلوقتى
أسيل بشحتفه:عشان...عشان انت بتزعقلى اعاااااا
هارون:خلاص متعيطيش مش هزعقلك تانى
أسيل:يعنى مش زعلان
هارون:اكيد زعلان
أسيل 🥺🥺😭😭😭اعااااااا
هارون:مش منك مش منك
أسيل:امال
هارون:من نفسى عشان الحي'وان اتجرأ يرفع ايديه عليكى وانا موجود
أسيل:,اه واجعنى اوى البعيد ش'لل فى ركبه يا رب
هارون ضحك وحط أيده على شعرها:لسه بيوجعك
أسيل:لا خلاص خف مش حبيبى طبطب عليا كل الوجع بيهون
هارون ابتسم:لو تعرفى بخاف عليكي قد ايه
أسيل🥺:انا اسفه بعد كده وعد هسمع كلامك على طول وعد
هارون:خلاص انا دلوقتي مش زعلان قوليلى بقا عايزه تروحى فين
أسيل:استعد بقا عشان البنزين هيخلص أنهارده لأننا مش هنروح حته بس هنلف بالعربيه ايه رأيك
هارون:حاسس انك بتقولى كده تجنباً للمشاكل بسبب لبسك
أسيل:بسم الله ماشاء الله حبيبى نابغه
هارون ضحك وحط أيده على وشها:مش عايزك تخافى ابدا وانتى معايا مفهوم انا عندى امو'ت وله انك يتأذى منك شعره واحده
أسيل 🥺:متقولش كده تانى بعد الشر عليك انت لو حصلك حاجه انا هم'وت نفسى وراك
هارون:لا لا يا أسيل اوعى تعملى كده لو حصلى حاجه في يوم عايز اقابلك فى الجنه ماشى يا حبيبتى
أسيل حضنت وهزيت راسها:بس متجبش سيره المو'ت
هارون:حاضر بس ممكن تبطلى عياط دموعك بتوجع قلبى
أسيل ابتسمت وحطيت إيديها على قلبه:سلامه قلبك
هارون:احم انا بقول نتحرك عشان شكلى كده هتهور جامد المره دى
أسيل ضحكت:اوكى هتودينى فين
هارون:مكان ميخطرش على بالك
أسيل:فين
هارون: السيرك
أسيل😮:واو طب يالا بسرعه
هارون ضحك وشغل العربيه وطبعا أسيل سجلت كل الزكريات ديه على التليفون على هيئه صور
وصلو
أسيل ماسكه فى أيد هارون وبتضحك وكل لما تتخض من صوت حاجه تمسك ايديه وتضحك
وجوده جمبها بيطمنها لا وبيخليها مبسوطه كمان
اختارو صح هتعيشو مبسوطين
كانو راجعين بالعربيه وأسيل بتبص من الشباك ومبسوطه ودراعها بره بتستمتع بنسمات الهوا
هارون:أسيل دخلى ايديكى واعدلى الجاكت كده هتبردى
أسيل دخلت ايديها وعدلت الجاكت:هو الجاكت بتاعك واسع كده ليه كل شويه يقع من الكتاف زهقنى
هارون:يا راجل
أسيل:اه النعمه
هارون:طيب معلش هبقا اجيب بعد كده جاكت ليكى فى العربيه على مقاسك
أسيل: اه لازم
هارون:اكيد طبعا
أسيل:بقولك ايه تعال ننزل هنا
هارون:هنعمل ايه
أسيل:هنقعد مع النيل شويه نطمن عليه ونشوف أحواله ونروح
هارون:النيل
أسيل: أيوا
هارون ضحك وركن العربيه
نزلت أسيل وقعدت على المقعد إلى قدام النيل
هارون:اجيبلك حاجه
أسيل:اه لو حبه ترمس ياااه
هارون:بس كده ثوانى
أسيل ابتسمت وبصيت للنيل وهى بتعدل الجاكت
هارون: أسيل
أسيل يخصه:خضتنى فى ايه
هارون:رجلك
أسيل بكسوف:يوووووه
نزلت رجلها ودارتها
هارون قعد جمبها بضيق:متعصبنيش
أسيل:هووووف جبت الترمس وله لا
هارون:جبته اهو
أسيل اخدته بفرحه اطفال:يا حبيبى يا غالى.
هارون ضحك:ده يا بخته الترمس بيتقاله كلام حلو
أسيل:الله طب مانا بقولك كلام حلو بس انت إلى بتعصبنى
هارون: انا برضو.
بص على رجلها
أسيل:يوووه بقا انسى ماشى انسى
هارون اتنهد وبص للنيل:هحاول
أسيل:تاخد ترمس
هارون بص ليها وضحك
عدى عليهم شهر كمان
أسيل:ليه يا ماما
فريده:قولتلك لا يعنى لا مستحيل تتجوزى ظابط
أسيل:ليه يعنى هما الظباط معندهمش قلب مش من حقهم يحبو ويتحبو ويأسسو عيله
فريده: أسيل مش عايزه كلام كتير
أسيل:ماما انا مش هتجوز غير هارون لاما اتجوزه هو لأموت عانس احسن
فريده:طيب ما تتجوزى موظف زى اختك على الأقل مش هتبقى قاعده قلقانه ليرجع لميرجعش
أسيل:ماما لو سمحت متتكلميش كده عنه وبعدين كل حاجه في ايد ربنا يعنى انا مش ممكن اكون رايحه الشغل زى كل يوم عادى جدا تقوم تيجى عربيه بسرعه شايلانى واهو قضاء وقدر
فريده بدموع:عايزه توجعى قلب امك عليكى يا أسيل
أسيل:يا ماما افهمينى انا بحبه بجد
فريده:يعنى ملقتيش غير ظابط وتحبيه يا موكوسه .
أسيل:اهو بقا الى حصل هو الوحيد الى حسيت معاه بأمان زى الى كنت بحسه مع بابا
فريده:يا حبيبتى افهمينى انتى ضعيفه اوى موت ابوكى خلاكى ضعيفه ده انتى كنتى بتتعالجى عند دكتور نفسى
أسيل:بس خفيت بفضل هارون
فريده:ولو حصله حاجه ايه يضمنلى انك مترجعيش تتعبى زى الاول واسوء كمان
أسيل:يوووه يا ماما بعد الشر عليه يا ستى
فريده:مش هتتجوزيه يا أسيل
أسيل بزهق وعصبيه:خلاص يبقا اموت عانس احسن
فريده:هتتجوزى يا أسيل والى انا اختاره ليكى انتى سامعه
أسيل:لا مش سامعه ومش هيحصل على جثتى يوم زفتى لحد غير هارون هيكون جنازتى
دخلت وقفلت الباب جامد وهى بتقول:نينينينى قال اتجوز حد تانى غير هارون قال ده انا كنت اقت'لته
تليفونها رن
أسيل:حياتى
هارون بضحك:اتخانقتى معاها تانى
أسيل:هو دلعك فيها ده الى خلاها تعمل كده
هارون:أسيل هى مامتك ومن حقها تخاف عليكى
أسيل: بقولك ايه غير الموضوع احسن .
هارون:طيب ما تيجى القسم هنا هنضرب كشرى سوا
أسيل:كان على عين بس مامتى عامله حظر تجول ليا في البيت
دخلت فريده قامت أسيل بشهقه
هارون :أسيل مالك انتى كويسه
أسيل:كبسه
هارون بضحك:كب. ايه
فريده اخدت منها التليفون:ألو حضره الظابط
هارون بتوتر:ايوه يا فندم
أسيل ضحكت عشان سمعته
فريده:بكره عايزه اقبلك
هارون:بجد فين طيب
فريده:ممكن الكافيه إلى جمب القسم الساعه ٣ مناسب
هارون:مناسب جدا
فريده:طيب
اديت التليفون لأسيل وخرجت
أسيل:هاورن سمعت إلى انا سمعته
هارون:مش مصدق بجد
أسيل:هنتجوز وهلبس فستان ياااه
هارون ضحك
أسيل بفرحه:مش هموت عانس
هارون:انا بجد مش مصدق احلامنا هتتحقق
أسيل:طيب انا هقفل وهرجع اكلمك تانى
هارون:طيب متتأخريش هستناكى
أسيل: متقلقش باى
هارون:باى
أسيل قفلت وبصيت لمامتها بضيق عين وخرجت تشوفها
أسيل:ماما ايه خلاكى تغيرى رأيك
فريده:انا بس مش عايزه اموت وبنتى عانس
أسيل:بعد الشر عليكى
فريده:انا مش هعيشلك على طول يا أسيل عايزه اطمن عليكى قبل ما اموت
أسيل:يا مامتى ربنا يخليكى ليا بعد الشر عليكى
فريده ابتسمت
أسيل:بالمناسبه الحلوه ديه هعملك كيكه حلوه زيك يا جميل
فريده:طيب يالا بسرعه
دخلت أسيل بحماس تعملها فى حين فريده مبتسمه ليها من بعيد
بليل
أسيل:هارون مش عارفه ليه قلبى مش مطمن انت كويس يا حبيبى
هارون:انا كويس جدا انتى كويسه
أسيل:مش عارفه قلبى وجعنى وحاسه عايزه اعيط
هارون:ليه بس كل ده
أسيل بدموع:مش عارفه متسالنيش.
هارون:طيب أهدى شويه ممكن
أسيل:هارون انا بحبك
هارون:وانا كمان بس ايه المناسبه
أسيل:مش عارفه حسيت اني لازم اقولها دلوقتى
هارون:أسيل ممكن تهدى شويه وتنزلى عشان جبتلك شوكولاته معايا تحت
أسيل: انت تحت بجد
هارون:اه والله
أسيل:نازله حالا
حطيت شال وخرجت براحه وهى بتتسحب
فريده خرجت وبصيت ليها بزهق:وبعدين يا أسيل معاكى .
دخلت تانى أما أسيل نزلت لهارون وركبت واول ما قفلت الباب حضنته جامد
هارون طبطب عليها وحط أيده على شعرها:انتى كويسه
أسيل هزيت راسها:حاسه بتحسن
هارون:يبقا مش ضرورى الشوكولاته
أسيل ضحكت وبعدت:لا عايزه منها
هارون بضحك:اتفضلى يا ستى
أسيل إخدتها:شكرا يا هارون
هارون:العفو يا قلب هارون
أسيل فتحتها وقسمتها واديته حته:مش عارفه ليه مش مطمنه لماما حاسه انها ناويه على حاجه
هارون:ناويه على يه يعنى
أسيل:مش عارفه بس مش خير
هارون:يعنى أعلنت الحرب ضدى
أسيل:مش عايزاك تخاف انا موجوده في خط الدفاع
هارون: لو كده ضمنت الفوز فى معركتى
أسيل ابتسمت وبصيت ليه وهى سانده راسها على الكرسى
هارون:أسيل ممكن اعمل حاجه صغيره كده
أسيل:تعمل ايه
هارون:هاكل شوكولاته
أسيل بضحك:كل يا حبيبى شوكولاته متخليش فى نفسك حاجه
هارون قرب ليها
أسيل:مش عارفه ليه حاسه انك مش قصدك الشوكولاته إلى ايدى
هارون:حبيبتى نابغه
أسيل:امال أنهى شوكولاته
هارون:هتعرفى
أسيل بقيت لازقه فى الكرسى وهارون بيقرب لوشها اكتر ووو
أسيل غمضت عيونها جامد ومسكت فى كتفه جامد
لحد ما بعد عنها
أسيل كانت :مش معقول كده امال لما نتجوز هنعمل ايه جديد.
هارون😉: متقلقيش انا هعمل كل حاجه جديده
أسيل:هتعمل ايه
هارون:عايزانى اوريكى
أسيل:لا لا خلاص لما نتجوز هبقا اعرف
هارون:متجيبى شوكولاته تانى
أسيل:بح خلصت انا نازله
باسته من خده ونزلت.
هارون:نفسى اتجوزك بكره بجد استنيت كتير اوى
أسيل طلعت ونامت وهى مبسوطه وبتحلم بهارون كالعاده
تانى يوم
أسيل فى التليفون:متتوترش اوكى انا هفضل معاك متحاولش تبين انى معاك على الخط مامتى زكيه جدا زى المحقق كونان عايزاك بقوه ثبات فظيعه طول مانت ثابت هتعجب بيك
هارون:اظن ان انتى إلى متوتره أهدى شويه يا حبيبتى ممكن
أسيل:بحاول بحاول بس توتر رهيب
هارون:مامتك وصلت
أسيل:اوعى تقفل
فريده:لازم تقفل عشان تعرف نتكلم
هارون:أسيل متخافيش ماشى هكلمك تانى
أسيل:لا لا استنى يوووه قفل لا مش هقدر استنى هنا انا هنزل
لبست وجت تنزل قابلت ساره
ساره:ايه رايحه حته
أسيل:ها بصراحه اه
ساره:أسيل بطلى توتر مش يمكن كل حاجه تمشى كويس
أسيل:خايفه يا ساره هدوء ماما مش مطمنى
ساره:خير أن شاء الله
عند هارون
هارون كان عرقان ومتوتر
فريده:انا هدخل فى الموضوع على طول
هارون:اه فعلا ياريت
فريده:بص يابنى انا مش معترضه على جوازكم عشان بكرهك مثلا لا العكس انا بحترمك كفايه انك أنقذت بنتى اكتر من مره
هارون مسح عرقه وهو بيبصلها باهتمام
فريده:بس انا ام كل الامهات بتتمنى الخير لأولادها
هارون:انا خير لأسيل صدقينى محدش هيحبها ويحميها قدى
فريده:انا متأكدة من كده بس تقدر تضمنلى انك هتحافظ على حياتك من الأذى
هارون:بس انا طبيعه شغلى
فريده بمقاطعة:خطر مش كده حياتك على طول فى خطر مش بس حياتك وحياه كل قرايبك صح كلامى تقدر تقولى هيبقى ايه مصير بنتى لو انت حصلك حاجه
هارون بص بعيد بتفكير
فريده:انا اقولك بنتى وانا عارفاها كويس بنتى ضعيفه جدا مش بتستحمل الفراق اقولك ايه هيحصل فيها هتضيع هتنسى ازاى تعيش لحد ما تموت بنتى لما جوزى مات كانت متعلقه بيه لما مات خافت جدا لدرجه انها كانت بتخاف منى ومن صوتى لو على شويه مش بتستحمل وانا كمان مش هستحمل اشوف بنتى كده اتمنى تفهمنى
هارون:فاهمك
فريده:طيب كويس اوى
هارون:هحاول ابعد عنها
فريده:مش هتسمحلك عنيده مش هتسمحلك لازم تخليها تكرهك
هارون:تكرهنى
فريده:عارفه انى بطلب منك كتير بس الضنا غالى يابنى
هارون:انا مقدر موقفك
فريده:متشكره جدا عن أذنك
هارون بص للفراغ بعد ما مشيت حس أن دنيته وقفت فجأة خلاص أحلامه كلها اتدمرت قصاد عينيه بس كمان حس أنه كان اناني أسيل متستهلش منه كده
عند أسيل اول ما الباب خبط فتحت شافت مامتها مبتسمه
أسيل:ماما ايه حصل
تليفون أسيل بعت أشعار فتحت لقيت هارون باعتلها(أسيل مش هينفع نكمل سوا انا اسف)
أسيل بصدمه ودموع:ماما قولتيله ايه
فريده:إلى كان لازم يحصل من الاول
أسيل بدموع:دمرتى مستقبلى يا ماما
فريده:اخرسى قليله الادب
أسيل:انا مش هسامحك أبدآ لو هارون سابنى مستحيل اسامحك وهخليكى ياماما تتمنى لو مكنتيش عملتى كده انا حذرتك مش كده لو مش هارون يبقا وله حد ولو حاولتى تجبرينى يا ماما انا هطلع من هنا جث'ه
سابتها ونزلت
أسيل بعياط:انا هعرفك ازاى تتخلى عنى يا هارون بس استنى عليا هندمك..
أستوووووب
#وقعنى_ظبوطه
#البارت_الثانى_عشر
بقلمى منار مجدى
فتحت باب القسم بغضب
الشويش عزت:ازيك يا بنتى
أسيل بعصبية:فين هارون
شاور لها على المكتب شمرت أسيل دراعها ودخلتله بغضب
هارون بصدمه: أسيل ايه جابك هنا
مينكرش أنه انبسط لما شافها
أسيل راحت عنده بغضب ومسكته من ليقته:هو ده مش هتخلى عنك يا أسيل هو ده وعدك ليا يا حضره الظابط
هارون شال أيديها:اول حاجه احترمى المكان الى انتى فيه تانى حاجه انا ممكن دلوقتى اسجنك بتهمه التعدى على ضابط شرطه ثالثا وده الاهم احنا مش هننفع لبعض
أسيل بدموع:مكنتش اعرف انى عاديه بالنسبالك كده يا هارون هونت عليك تتخلى عنى انا كان قلبى حاسس كان المفروض اتوقع ده متشكره متشكره جدا دلوقتى عرفت انا أيه بالنسبالك
لفت عشان تمشى وهى بتقول جواها:نادى عليا نادى عليا
هارون: أسيل
أسيل لفت 🥺:نعم
هارون بعد نظره الناحيه التانيه:احم متجيش هنا تانى
أسيل:لا مش بمزاجك بقا انا حره كمان هتتحكم فيا بعد ما اتخليت عنى ماشى انا هندمك هندمكم كلكم .
راحت عند الباب وقالت بصوت واطى لكن مسموع: والنعمه لامشى ومحدش يعرفلى طريق
مشيت وسابته وهى فى قمه غضبها حزنها عصبيتها كله ليفل عالى عندها
هارون خرج وراها ومسك ايديها
شديت أسيل ايديها منه:متلمسنيش انت سامع
هارون:ينفع تهدى كل الموضوع انى اكتشفت انى مش بحبك
أسيل ابتسمت باستفزاز:مش مهم انا بحبك (شديته من خده) باى باى يا حلو اشوفك بكره
هارون: متجيش
أسيل😏:بمزاجك هو
مشيت وسابته
هارون كان مبسوط جدا لكن فى نفس الوقت حاسس أنه انانى
أسيل لنفسها:حاسه بوجع فى قلبى بس هستحمل عشان انت بتحبنى يا هارون عارفه انك متقصدش إلى قولته وكمان عارفه ماما قالتلك ايه بس كنت مستنياك تقف معايا(دمعت) وتدعمنى مش تبعد عنى ماشى يا هارون(مسحت دموعها)أما جننتك مبقاش انا.
رجعت البيت
أسيل دخلت بفرحه:سلامو عليكم ايه ده ساره بذات نفسها هنا امال شريف الرخ'م فين
ساره ضحكت
شريف:احم
أسيل ضحكت:ايه ده انت هنا يا شريف كنت لسه بسأل عنك يا فخر عيلتنا ههههه
شريف:ماشى يا أسيل ماشى
فريده 🤨:راجعه مبسوطه يعنى
أسيل قعدت جنبها:يا ستى هى الحياه فيها قد ايه عشان نزعل يعنى سيبك انتى
فريده:عملتى ايه لما نزلتى
أسيل:روحت لهارون وتصورى قال إنه اكتشف أنه مش بيحبنى
فريده بفرحه:بجد متقلقيش يا حبيبتى هجوزك سيد سيده
أسيل ضحكت:أما نكته انتى نسيتى يا ماما وله ايه انا قولتلك لو مش هارون يبقا وله حد وهفضل جمبك هنا يا جميل معاكى على طول .
فريده:بس انا عايزه اطمن عليكى يا أسيل
أسيل:ومفيش طمانينه اكتر من وانا جمبك هنا وفى حضنك وله انتى بقا عايزه تبعينى
فريده:بس يا أسيل
أسيل:ايه يا مامتى مش عارفه بنتك وله ايه
سكتت فريده
أسيل حضنتها وعينيها بتدمع:احضنينى يا مامتى حضنك وحشنى اوى.
فريده حضنتها وطبطبت عليها وأسيل بتحاول تخلى دموعها متنزلش وساره وشريف بيبصو على أسيل إلى مدمعه وبصو لبعض
أسيل بعدت وهى بتضحك:احلى حضن ده وله ايه انا هقوم انام بقا احسن تعبانه موت
ساره:استنى هاجى انام جمبك
أسيل:ليه وشريف أصر فى ايه روحى نامى جمب جوزك يا ساره انا خفيت خلاص بقيت بعرف انام لوحدى تصبحو على خير
دخلت اوضتها ودموعها نزلت مبقتش قادره خلاص كان الأول مكالمته ليها بتقويها لكن كل لما تتخيل أنه هيبعد بتضعف بتضعف جامد مسحت دموعها بعد ما واست نفسها
دخلت اخدت دش وخرجت حضنت المخده ونامت
تانى يوم صحيت بدرى فى قمه نشاطها اخدت دش ولبست وخرجت عملت فطار كتير اوى ونزلت
فى القسم
هارون:يا شويش ابعت حد يجيبلى سندوتشين فول من جمبنا هنا
الشويش: ليه هى انسه أسيل مش جايه
هارون:معرفش يالا بقا جعان
الشويش: حاضر يا باشا
بعد فتره كبيره دخلت أسيل وهارون بياكل
أسيل شهقت:بتاكل من غيرى جبت منين السندوتش ده
الشويش:من عم مسعد
أسيل:امم هو عم مسعد إلى بيقطع عليا
الشويش ضحك
أسيل راحت مكتبه:سيب بقا السندوتش ده انا بقا جبت تونه وظبطها وعملت بطاطس محمره ومسلوقه وبيض فطار ملوكى يعنى
هارون:مش عايز انا قولتلك متجيش هنا تانى مش كده
أسيل:اخر كلام يا هارون مش هتاكل
هارون:مش هاكل
أسيل بصوت عالى 😠:يا شويش
الشويش:ايوه يا بنتى
أسيل:جعان
الشويش:وديه فيها كلام انا بعت مروان يجيبلنا فول
أسيل:لا كلمه يرجع هناكل كلنا الاكل إلى انا عملته
هارون😤
أسيل:يالا بسرعه قبل ما يجيب
الشويش اتصل بيه وخلاه يرجع
مروان:ايه يا شويش عزت ليه رجعتنى ومخلتنيش اجيب حاجه
أسيل ابتسمت وسابت هارون ووقفت معاهم:عشان انا عزماكم كلكم على الاكل إلى انا عملته
مروان:ده بجد لا بجد ايه الجدعنه ديه
أسيل ابتسمت:عشان تعرف بس انى بنت بلد
مروان:يا ستى انتى حته سكره ورينى بقا جايبلنا ايه
أسيل:هناكل سوا انا كمان جعانه وله ايه يا شويش مش جعان يالا
فرشت وقعدت جنبهم على يمينها شويش عزت وعلى شمالها مروان وبقيت العساكر كمان
مروان كان بياكل بسرعه:الاكل حلو اوى تسلم ايدك
أسيل:تسلملى يا رب لو عجبك هجيبلك كل يوم
مروان:بجد انتى مش بس حلوه لا وجدعه كمان
أسيل ضحكت
الشويش عزت لأسيل:شكل القسم هينفج'ر دلوقتى
أسيل ضحكت
مروان شرق جامد
أسيل اتخضيت وجابت مايه ليه ولسه هتشربه هارون اخد منها الكوبايا وإداها لمروان:ما احنا لو نبطل طفاسه
أسيل:الله وانت مالك ما تسيبه ياكل هو انت هتتحكم كمان فى اكلهم
هارون:انتى متدخليش سامعه
أسيل:لا مش سامعه
الشويش:اهدو بس
مروان قام:لا شيطان ودخل ما بينكم
أسيل حطيت أيديها على كتفه وقعدته:اقعد انت
هارون قومه:لا ميقعدش
أسيل قعدته تانى:لا هيقعد
مروان:بقيت لعبه والله حرام
أسيل:انت فاكر الكل لعب فى ايديك تحركهم زى مانت عايز بتحبهم هخليهم جمبى زهقت ومبقتش بتحبهم ترميهم بعيد مش كده لا فوق الكل مش لعب فى ايديك
هارون:انا بعامل الكل زى اللعب متردو
العساكر:لا ابدا الظابط هارون بيعاملنا كويس
أسيل:عشان انتو متعودين مش هتتكلمو يا عينى بس متقلقوش كلكم انا هنا وهدافع عنكم وعن حقوقكم كمواطنين
مروان:هو انا ليه حاسس انى فى انتخابات
الشويش:اسكت انت ديه شكلها بتقول كلام مهم
هارون:خلصتى
أسيل:احم ايوه انا هاكل
قعدت وحطيت الاكل فى بقها
هارون مسح وشه بزهق وراح قعد بعيد كل شويه يبص عليهم من جمب عينيه وجعان يا عينى
بعد ما خلصو
أسيل:انا هروح اشوف اى اتنين اطلقهم وارجع تكونو لمتو حاجاتى عشان اجيبلكم فيها اكل بكره
خرجت أسيل
الشويش مسك علبه كانت أسيل شايلاها وقالتله يديهاله لما تمشى
الشويش:اتفضل
هارون:ايه ده
الشويش:ده اكل انسه أسيل شالته ليك
هارون:شيله انا مش عايز
الشويش ضحك:قالتلى أنك هتقول كده بس انا عارف انا هعمل ايه
ساب العلبه على المكتب وبعدين لمو العلب بتاعت الاكل وكل واحد راح يشوف شغله
هارون كان كل شويه يبص للعلبه وبعدين يلعب شويه فى الورق ويلهى نفسه فى الشغل لحد ما ضعف ومسك العلبه مسبهاش غير لما فضيت.
هارون 😌:هيححح شبعت
أسيل:انا جيت عملتو ايه يا حلوين
مروان:تسلم ايد القمر
أسيل:يا رافع من روحى المعنويه
مروان:ما تتجوزيني وتكسبى فيا ثواب وتاكلينى
أسيل بضحك:انت مش عايز تتجوز ده انت عايز تاكل وبس
مروان:اهم حاجه الاكل.
أسيل:صدق الى قال الراجل تجيبيه من معدته
مروان:الله كل ده عشان قولتلك تتجوزينى
أسيل شافت هارون مركز معاها:يا سلام اتجوزك متجوزكش ليه يعنى انت ناقصك حاجه ده انت قمر كفايه بس انك ظبوطه احسن انا ناويه متجوزش في حياتى غير ظبوطه
مروان:احنا فيها ادينى بقا رقم الوالده
هارون بزعيق:مروان على شغلك
مروان يزهق:يووووه أسيل حضرى الرقم بكره هاخده
أسيل ضحكت ودخلت:شويش يا شويش فين اشيائى
الشويش:هناك اهم يا بنتى
أسيل:عجبك الاكل
الشويش:تسلم ايديك يا بنتى تعبناكى معانا
أسيل:تعبكم راحه وبعدين ده انتو الخير والبركه هو احنا نعرف نعيش من غيركم انتو الأمن والامان بتاعنا
الشويش:ربنا يخليكى يا بنتى
أسيل:ويخليك لينا يا راجل يا طيب
هارون:أسيل تعالى لو سمحت عايزك فى مكتبى
أسيل:هشوف الظبوطه المتعصب ده واجيلك تانى
الشويش:ماشى يا بنتى
أسيل دخلت لهارون كان مديها ضهره بالكرسى لمحت العلبه على المكتب مسكتها بابتسامه وفتحتها وفرحت اوى أنه خلصها شالتها فى شنطتها
أسيل:نعم كنت بتنادى عليا ليه
هارون لف ليها بضيق:,عشان اقولك متجيش تانى وله تجيبى فطار لحد ومتعطليش الظباط عن تأديه واجبهم
أسيل:ياعم أهدى كده هو احنا فى حرب وبعدين انا خلاص مش هجيلك تانى
هارون اضايق:بجد
أسيل:ايوه عارف اكتشفت أنك عصبى اوى وانا مش بحب العصبين فى حين مروان فرفوش زى كده فى شبه بينا وهو اصلا بيقع بسرعه هوقعه هوا اهو يبقا ظبوطه وحلو اصل انا بقا مش هتجوز غير ظبوطه
هارون بزعيق:أسيل
أسيل دمعت:شوفت عصبى ازاى
هارون:انتى ات'جننتى
أسيل دموعها نزلت وهى مبتسمه:هو انت لسه شوفت جن'ان
هارون قام ومسكها قعدها على الكرسى وقعد على الكرسى إلى قدامها واداها مناديل:ينفع تبطلى عياط
أسيل عيطت اكتر
هارون اتنهد:أسيل نتكلم بجد
أسيل بعياط :اتكلم سمعاك
هارون:انا ظابط حياتى كلها خطر ممكن انزل فى يوم مرجعش ساعتها هيحصل ايه فيكى أسيل انتى كنتى بتتعالجى بسبب وفاه والدك مامتك خايفه عليكى لو حصلى حاجه واحنا متجوزين انتى هتكونى ارمله عارفه يعنى ايه يعنى مش هتسلمى من كلام الناس ده غير نفسيتك واحتمال كبير تنتحرى
أسيل:مش هنتحر وعد
هارون:يووووه افهمى بقا
أسيل:مش هفهم يا هارون مش عايزه افهم كلامكم إلى محدش يستوعبه ده انا بحبك وهفضل هنا جمبك وده غصب عنك انا مش بستأذنك
مشيت وسابته واول ما خرجت شافت الكل بيجرى ويشوف شغله وله كأنهم كانو بيسمعوهم مشيت خالص بس مروحتش قعدت قدام النيل واتنهدت وفضلت وقت طويل لحد ما الدنيا ليلت
أسيل بزهق: القاعده ديه محتاجه شوكولاته و و
غمضت عيونها
(هارون قعد جمبها:وادى الشوكولاته
أسيل مسكت أيديه :وادى حبيبى هارون
فتح الشوكولاته واداهلها
اخدتها أسيل وقسمتها واديته حته
أسيل:انا زعلانه منك اوى
هارون:ينهار الاميره أسيل زعلانه قوليلى دلوقتى يا أميرتى ايه يرضيكى عشان اصالحك
أسيل:مش عارفه اتصرف انا زعلانه اوى دلوقتى مش قادره افكر
هارون ضحك وباسها من خدها
أسيل 😏:كده المفروض اصالحك يعنى
هارون:مش كفايه
أسيل:لا مش كفايه
هارون ابتسم ومسك وشها وطبع شفايفه على شفايفها جامد وبعد بعد فتره كانت هى كده🥴)
شريف: أسيل
ده الصوت الى فوقها من حلمها
أسيل:انت فعلا رخ'م مش اى كلام يعنى
شريف:بتعملى ايه عندك الوقت أتأخر
أسيل:وانت مالك سيبنى فى حالى
شريف قعد جنبها:شبه اختك لما بتزعلى انتى
أسيل ضحكت بسخرية:معلش اخوات بقا
شريف:خدى
طلع بومبونه صغيره من جيبه
أسيل ابتسمت واخدت منه
شريف:دائما بخلى منهم معايا عشان لو اختك أضايقت بصالحها بيهم
أسيل:اختى محظوظه بيك
شريف:عارفه كنتى انتى إلى هتكونى محظوظه
أسيل:مش فاهمه
شريف:عشان انا كنت بحبك انتى زمان
أسيل:😱😱😱😱😱
#وقعنى_ظبوطه
#البارت_الثالث_عشر
بقلمى منار مجدى
شريف:ايوه كنت بحبك انتى زمان
أسيل:شريف انت اتهب'لت
شريف:ينفع تسمعى للأخر بلاش تسرع
أسيل:لا طبعا انت مجنون ساره عارفه الكلام ده
شريف: ايوه
أسيل:شريف يا بجاحتك وقولتلها
شريف:هى كانت بتساعدنى زمان انك تحبينى زى ما بحبك بس سخريه القدر انى احبها هى واتجوزها هى فى الاخر
أسيل:انت كنت تطول اصلا ده انت تحمد ربنا انها بصيت فى خلقتك
شريف مسكها من ودنها:يا بنتى بطلى طوله لسان
أسيل:اى اى بتشدنى من ودانى يا شريف والله لارفع عليك قضيه دلوقتى
شريف:بتتلككى عشان تروحيله مش كده
أسيل ابتسمت وبصيت للنيل
شريف:كنت بعمل زيك كده مع ساره كنت بتحجج عشان اكلمها واقف معاها حتى لو كان عشان تكلمك عليا بس كنت ببقا مبسوط معاها هزارها كان جميل اوى ورقتها فوق الوصف هاديه محترمه وبنت اصول وحساسه وطيبه بتحب الخير للكل
أسيل:عارفه ديه اختى إلى بتتكلم عنها وانا فخوره بيها وفخوره اكتر انها اختى انا اصلا مش عارفه ازاى قبلت بيك بعد كده
شريف:يوووه ديه مرمطتنى معاها خالص
أسيل ضحكت:احسن تستاهل
شريف:كله بسببك انتى إلى عامله مشاكل في المنطقه
أسيل ضحكت:ليه عبده موته انا
شريف:انيل انتى أسيل طفله حجم عائلى عنيده عصبيه لسانك متبرى منك
أسيل: متشكرين يا رجوله
شريف ضحك:يالا اروحك
أسيل قامت معاه ومشيو البيت
أسيل:شريف ممكن سؤال
شريف:عايزه تعرفى ازاى أقنعت ساره
أسيل:ايوه
شريف:مستسلمتش فضلت وراها استحملت منها كلام كتير كان معظم الوقت بيوجع ويضايق بس هى كانت تستاهل كل التعب إلى تعبته معاها عارفه اختك صديتنى كام مره اكتر من خمسين مره.
أسيل:عارف اول مره احترمك
شريف ضحك:والله مش عارف انبسط انك بتحترمينى وله اتعصب انك مكنتيش بتحترمينى
أسيل ضحكت:ياعم مدقش
شريف ضحك:يا ترى بقا انتى هتستسلمى وله لا
أسيل:مستحيل ده انا أسيل والاجل على الله
شريف:هى ديه أسيل وله بلاش
أسيل بأمتنان:شريف شكرا
شريف:العفو يا أسيل انتى اختى الصغيره
أسيل:وانت احسن واجدع جوز اخت واخ فى الدنيا.
ساره فتحت الباب استغربت أنهم سوا
شريف:لقيتها قاعده على الكورنيش الهانم وكانت بايته فى الشارع انهارده
أسيل:متصدقيش الرخ'م ده انا كنت هنام جمبك انهارده
شريف:لا لا مراتى هتروح معايا
أسيل:ساره قوليليه هتنامى جمبى انهارده
ساره ضحكت:خلاص يا شريف عشان خاطرى
شريف بضيق: كل مره تختاريها هى
أسيل:انا اختها الصغيره يا رخ'م
شريف:أسيل انا بكرهك
أسيل حطيت أيديها على كتفه بابتسامه:شريف شعورنا متبادل صدقنى
ساره بضحك:خلاص يا شريف بقا وحياتى متزعلش
أسيل 😉:شوفى جوزك يا ساره
قالتلها فى ودنها: صالحيه أو اقولك روحى معاه استفردى بيه انا كنت بهزر بس بضايقه عشان اخدك منى عارفه انتقام وكده
ساره ضحكت وحضنت أسيل
أسيل:انا كمان بحبك اوى يا ساره انا من غيركم وله حاجه انتو عيلتى الوحيده
شريف:بكره تتجوزى ويبقا عندك عيله تانيه
ساره: اه شريف معاه حق
أسيل: تصبحو على خير
ساره وشريف:وانتى من أهله
دخلت اوضتها
أسيل لنفسها بسخرية:بقا شريف كان بيحبنى انا ههههه وانا فيا ايه يتحب اساسا انا حبيت نفسى بس لما هارون حبنى اه يا هارون يالى واجع قلبى انت بس استنى عليا والنعمه لانتقم منك اشد انتقام بس اتجوزك الاول اتجوزك وهوريك النجوم في عز الضهر استنى بس عليا اه تعبت انهارده جامد.
غيرت ونامت
فضلت أسيل على الحاله ديه تهتم بهارون بطريقه غير مباشره وبقيت صديقه لكل العساكر إلى موجودين فى القسم عدى شهرين
هارون:يوووه انا جعان من بدرى يا شويش فين الاكل
الشويش:ثوانى ثوانى الطباخ فوزي بيجهز الاكل لينا
هارون:ومن امتى ده
أسيل دخلت وهى لابسه طربوش الشيف:من انهارده الطباخ للعساكر والمساجين سوا
هارون:أسيل انتى نزلتى للمساجين تحت
أسيل:ايوه وبقينا صحاب كمان
هارون:انتى اتجننتى وانت ازاى تسمحولها تنزل
أسيل:ايه ايه انا بهزر اكيد مشوفتش المساجين انا بس كنت فى المطبخ مع الشيف صح يا فوزى
فوزى:صح يا فواز
هارون:كمان ليكو عين تنكتو
أسيل:يوووه بقا متفكها شويه
هارون:أسيل على مكتبى
أسيل:بس الاكل كده هيبرد
هارون:سمعتى
سابها ودخل المكتب ورزع الباب
مروان:ادخلى ادخلى ربنا معاكى ومتقلقيش على الاكل فى ايد امينه
أسيل بلعت ريقها ودخلت
هارون:اقفلى الباب وراكى
أسيل:ليه
هارون:سمعتى
أسيل قفلت الباب
ولسه بتلف لقيه قدامها اتخضيت ورجعت لزقت فى الباب
هارون:انتى فاكره نفسك بتعملى ايه هنا.
أسيل بتوتر:مش مش بعمل حاجه
هارون:ايه عيدى تانى كده
أسيل:بس انا بحاول اخلى القسم افضل مكان للشغل
هارون:وده كله ليه يعنى
أسيل شالت الطربوش :عشان عشان كده
هارون قرب وشه لوشها:كده ازاى يعنى
أسيل:ايه كده ازاى كده يعنى عشان شويش عزت حرام كبير ومش بياكل كويس ومحتاج حد يهتم بيه
هارون:يعنى انتى بتعملى كل ده عشان شويش عزت
أسيل:اكيد طبعا اصله عزيز عليا اوى
هارون:وبالنسبه لبقيت العساكر بقا
أسيل:ها عشان ميغيروش من الشويش ويبصوله فى اللقمه الراجل مش مستحمل قر يعنى بالذات قر مروان
هارون بغيره:مروان
أسيل:اه انت خلصت مش كده هخرج انا بقا.
جت تتحرك ثبتها هارون
هارون:انا قولتلك انا خلصت كلام
أسيل هزيت راسها بلا
هارون:يبقا تمشى ليه
أسيل:انا افتكرتك خلصت
هارون:لا لسه بس قربت هاخد بس حاجه بسيطه وحشتنى اوى وبعدين خلاص
أسيل:خلاص ايه
هارون:خلاص مش هستحمل
قرب لوشها اكتر بس فى اللحظه الاخيره تليفونها رن قفلت صوته وبصيتله تانى
هارون ابتسم وقرب تانى تلفونها رن
أسيل ردت يزهق:ايوه يا ماما
فريده:تعالى بسرعه العريس وصل
أسيل:قولتلك مش هقابل حد
فريده:مش بمزاجك يا أسيل اتفضلى تعالى بسرعه مش ناقصه فضايح مع الناس
أسيل:انا مقولتلكيش توافقى أنا اظن انى رفضت
فريده:انا قولت كلمتى يا أسيل ربع ساعه وتكون عندى سلام
أسيل قفلت مع مامتها بضيق وبصيت لهارون
هارون غمض عينيه بضيق ولسه هيبعد نطيت عليه أسيل وباس'ته هى هارون اتصدم بس بعدين اندمج معاها وقعدها على المكتب وهو بيكمل بعد فتره بعد عنها لما سمع خبط على الباب
بص لباب:مين
الشويش:محتاجين حضرتك يا هارون باشا
هارون بص لأسيل إلى كانت مكسوفه:جاى يا شويش جاى
أسيل حطيت شعرها ورا ودنها وبصيت فى الارض بكسوف
هارون رفع وشها ليه:انتى لو مكنتيش هنا مكنتش بتنفس دلوقتى
أسيل ابتسمت
هارون:روحى لمامتك وتعالى تانى
أسيل هزيت راسها
هارون خرج وسابها
أسيل نطيت فى الارض بفرحه:المره دى قالى تعالى تانى (yes yes) اخيرا اخيرا دلوقتى دور عريس الغفله ماشى.
خرجت ووقفت تاكسى وروحت
فى البيت
الام:هى هتتاخر
فريده بإحراج:زمنها على وصول
الاب:المفروض متنزلش هى اكيد عارفه اننا جايين
أسيل:سماعليكووووو
راحت وقعدت جمبهم: ايه الحلاوه دي ملكه جمال العالم يناس مش معقوله يا طنط مكياجك تحفه
الام بكسوف:متشكره جدا
الاب:الظاهر متعرفيش الأصول
أسيل لفريده:مين الغراب ده
فريده ضر'بتها بكوعها براحه:ده أبوه يا بت
أسيل:الله جرا ايه يا عمى ما تخليك رويح امال
فريده ضربت وشها براحه كده🤭بس مكنتش بتضحك كانت زهقانه
الام ضحكت
أسيل قربت منها:انتى عايشه مع دراكولا ده ازاى
الام:والله يا بنتى مغلبنى هو وابنه مش بيعحبهم العجب والله
أسيل:لا لا كله الا حقوق المرأة وانتى ازاى تسكتلهم
الام:ده كان ضر'بنى وطفحنى الد'م
أسيل بشهقه:نهار ابوهم اسود هى حصلت لمد الايد
الام:يا ريتها بتيجى لحد كده وبس
أسيل:وايه كمان احكيلى احكيلى
فريده:أسيل
الاب:لا ديه مش محترمانا خالص
أسيل:والله يا طنط انا حبيتك لله فلله والله صدقينى وعشان اثبتلك ده الكارت بتاعى انا محاميه طلاق وخ'لع انتى مش مجبوره تعيشى الحياه ديه .
الاب قام وقف هو وابنه:لا احنا اتهزقنا اوى عن أذنك يا مدام
أسيل:بالسلامه يا نور عيني متقطعش الجوابات بس
الام:هكلمك تانى
أسيل😉:هستناكى يا طنطى
مشيو وأسيل مبتسمه وبتعملهم باى
أسيل لفريده:جبتيهم منين الناس ديه هههه دول نكته
فريده بزهق:جبتهم والسلامه
أسيل:ينفع تبطلى بقا بجد الموضوع بقا يخنق
فريده:يعنى عشان نفسى افرح بيكى واطمن عليكى ابقى بخنقك يا أسيل
أسيل:ماما انتى مش بس خنقتينى انتى موتينى لما جبرتى هارون يبعد عنى ساعتها قتلتينى قتلتى قلبى وكسرتيه
فريده:يا بنتى انا بس بتمنالك السعاده
أسيل:وانا سعادتى مع هارون يا ماما مش مع غيره
فريده حطيت إيديها على وش أسيل ومسحت دموعها بابتسامه:عنيده جدا يعنى انتى سيبتى كل صفاتى انا وابوكى ومأخدتيش مننا غير العناد انا عنيده وابوكى كان اعند أما انتى بقا فأنتى اعند مننا احنا الاتنين والى انتى عايزاه بتعمليه ولو ايه
أسيل:اعمل ايه بنتكم بقا روحت أو جيت هفضل بنتكم
فريده:ماشى يا بنتى اتجوزى إلى انتى عايزاه واعملى إلى انتى عايزاه انا مش هقف فى طريقك تانى
أسيل بفرحه مسكت أيديها:بجد يا ماما
فريده باست جبهتها:بجد يا روح ماما
أسيل حضنتها:بحبك اوى يا مامتى
فريده:ومامتك بتحبك اكتر
أسيل بفرحه:انا هروح لهارون
نزلت بسرعه كانت مبسوطه اوى وقفت تاكسى وراحت القسم
أسيل فضلت تدور عليه بعينيها
أسيل:شويش عزت فين هارون
الشويش:هارون باشا تحت ب....
سابته ونزلت بسرعه دخلت اوضه التحقيق
كانو كل الظباط وقفين بره بيشوفو هارون بيستجوب المتهم ازاى
هارون:اممم يعنى مصمم متعترفش
أسيل دخلت بسرعه وهزيته جامد من التوتر:مش عايز تعترف ليه ها متعترف وتخلصنا بقا
هارون شدها بره:أسيل انتى بتعملى ايه
أسيل مسحت عرقها:انا اسفه بس مستحملتش التشويق ده كله بجد مش عارفه جايبين الثبات الانفعالي ده منين
هارون ابتسم:الف به ظابط ثبات انفعالي
أسيل بتريقه:ته ثه كرنب زبادى
هارون 😒
أسيل:ملكش في افيهات الافلام صح نسيت فين مروان يهزر معايا
هارون:انتى عايزه ايه دلوقتي
أسيل بزهق:مش عايزه
هارون:خلاص استنى فوق هخلص واجيلك
أسيل:ماسى
هارون ابتسم بسخرية وهى مشيت
أسيل طلعت وقعدت تتكلم مع الشويش عزت لحد ما هارون طلع
أسيل وهى بتتاوب:ربنا يخليهالك يا شويش
الشويش:ربنا يخليكى يا بنتى
هارون: أسيل
أسيل ابتسمت وقامت وهى بتتاوب ونايمه خالص
هارون دخل المكتب وهى دخلت وراه
هارون:أسيل انا غلطت
أسيل:نعم
هارون:ايوه انا ضعفت قبل ما تمشى مكنش لازم اعمل كده مكنش لازم اقولك ارجعى تانى انا انسان انانى
أسيل:هارون انت وقعت على دماغك
هارون:أسيل انا مش بهزر
أسيل قامت بزهق:انت شايف كده
هارون: انا اسف لو كنت عشمتك بحاجه مش هتحصل
أسيل:لا لا متعتذرش احنا مفيش بينا الكلام ده يا راجل
لفت وشها
هارون :رايحه فين
أسيل ابتسمت:همشى مش انت غلطت انا هصلح غلطك يا هارون عارف انا زهقت بجد بقالى اكتر من شهرين بحاول معاك بس كفايه انا زهقت واكيد انت كمان زهقت منى خلاص ملوش لزوم بقا إلى بعمله ده كل ده مفرقش وله هيفرق انا اسفه عشان ضيعت وقتك يا حضره الظابط عن أذنك.
هارون:أسيل
أسيل لفت وشها ليه
هارون حس كأن روحه بتسيب جسمه:خلى بالك من نفسك
أسيل ابتسمت ومشيت
هارون قعد على الكرسى وحط أيده على قلبه حس بوجع جامد
أسيل رجعت البيت
فريده:ايه حصل ايه
اسيل:محصلش حاجه
فريده:انتى قولتيله انى موافقه عليه
أسيل:لا يا ماما هربيه الاول وهخليه يحس بوجعى كويس
فريده:هتعملى ايه
أسيل:هبعد عنه
فريده:بس يا أسيل انتى كده بتعاقبى نفسك
أسيل ابتسمت:وهو الحب ايه غير عقاب بنفضل نتعاقبه طول الوقت.
فريده:يا بنتى انتى كده بتأذى نفسك طيب بصى انا هكلمه
أسيل:لا يا ماما مش هتكلميه سيبينى اتصرف لوحدى ممكن
فريده:ماشى يا ضنايا إلى انتى عايزاه
أسيل:ماشى يا هارون انا وانت والزمن طويل
#وقعنى_ظبوطه
#البارت_الرابع_عشر
بقلمى منار مجدى
فريده:أسيل هتفضلى كده يا بنتى ده انتى حتى شغلك مش بتنزليه هتفضلى حابسه نفسك كده قد ايه عدى اسبوعين وانتى كده
أسيل ابتسمت:لسه شويه لسه شويه يا ماما
فريده:اسيل فوقى لحياتك بقا
أسيل:انا فايقه ورايقه اهو يا ماما مالى مانا حلوه اهو بغنى الغزاله رايقه.
فريده ضحكت:وبعدين بقا كل مره تهدينى بكلمتين
أسيل:تعالى بس كده نرقص شويه على الغزاله رايقه
فى القسم
مروان:انا جعان
الشويش:وانا كمان
مروان:أسيل وحشتنى اوى
الشويش:وانا كمان والله البنت ديه كانت مهونه الشغل علينا
مروان:لما ده حالنا امال حضره الظابط هارون بقا عامل ازاى
الشويش:تعبان تعبان اوى يا مروان بقا بيتعصب بسرعه ومبقاش بياكل خالص ولما بنبقا فاضين بيقعد لوحده وساكت
مروان:كل ده فى اسبوعين امال لو مجتش تانى هيحصل ايه
الشويش ابتسم:لا هترجع هترجع عارف ليه عشان هى بتحبه بجد هى بس بتعمل كده عشان تعرفه هى كانت حاسه بإيه وتخليه يحس بالكلام الى كان بيقوله ليها
مروان:هو كان بيقلها ايه يا شويش
الشويش:لا ديه اسرار بينهم ملناش دعوه بيهم يالا يا بنى نقوم نشوف شغلنا.
عند هارون كان سرحان وبيتخيلها وقفه جمبه وبتحط قدامه علب الاكل ومبتسمه
الشويش:حضره الظابط هارون يا حضره الظابط
هارون:ها ايوه يا شويش عزت فى حاجه
الشويش:لا يا باشا بس انا كنت بطمن عليك وجبتلك سندوتشين فول من عند عم مسعد
هارون: شكرا يا شويش بس انا مش جعان
الشويش:وحشتك مش كده
هارون:ها
الشويش:الحقيقه انها وحشتنا كلنا يابنى بلاش تظلم نفسك وتظلمها معاك
هارون:مش عايز ابقى انانى يا شويش
الشويش:يابنى انتى عمرك ما كنت انانى ده حقك الطبيعي من حقك تحب وتتحب
هارون:بس هظلمها انا ظابط حياتى كلها خطر في خطر يا شويش خايف عليها
الشويش:يابنى الاعمار بيد الله محدش عالم نهايته ايه وازاى عندك انا مثلا بقالى اكتر من عشرين سنه شغال هنا اهو متجوز ومخلف وعندى احفاد كمان وعايشين الحمدلله وانت كمان يابنى عيش حياتك زى ما هى.
هارون ابتسم
عدى يومين كمان
أسيل قامت بدرى ونزلت
هارون وصل القسم ولسه هيدخل وقفه
أسيل كانت راكبه عربيه نص نقل وماسكه الميكرفون:اقف مكانك ايوه انت يا حضره الظابط هارون سلم نفسك احسنلك
السواق:يا انسه هو إلى ظابط
أسيل:خليك فى حالك انت ممكن
السواق:انا غلطان
أسيل:بقولك ايه متعصبنيش
هارون: أسيل
أسيل:هتتجوزنى دلوقتى وله اصوت فى الميكرفون ده وافضحك
هارون 🤨
أسيل:مش مصدق تمام (علت صوتها) يا ناس يا خلق الظابط ده الظابط هارون كان بيتحمرش بيا
هارون جرى وطلع وحط أيده على بقها
أسيل عضيته وخليته يشيل ايديه وكملت:و عدنى يتجوزنى ويصلح غلطته بس كل شويه يرجع فى رأيه ده صح
الناس:لا طبعا
أسيل:ايوه قولوله ان بنات الناس مش لعبه
هارون:انزلى بقا
أسيل:هتتجوزنى وله لا
هارون:هتجوزك هتجوزك بس تعالى
أسيل:خلاص يا جماعه هيصلح غلطته شكرا يا جماعه
أسيل نزلت تحت واول ما نزلت حضنها جامد
أسيل ابتسمت حضنته هى كمان
هارون:وحشتينى اوى
أسيل بابتسامه:يا راجل قول كلام غير ده
هارون:بجد وحشتينى اوى انا من غيرك وله حاجه
أسيل:يعنى مش هتسيبنى تانى
هارون:لا
أسيل:يبقا نتجوز بقا
هارون ضحك:نتجوز بقا
بعد عنها لما سمع صوت تصفير وتسقيف فى القسم والشارع
أسيل بكسوف:ينهار كل دول شافوك وانت حاضنى يا كسوفى🙈🙈🙈
هارون ضحك وشدها ودخلو القسم
دخلو مكتبه
هارون:أسيل
أسيل:اوعى تقولى رجعت فى كلامك والله همشى ومش هتعرفلى طريق غره.
هارون مسك أيديها بخوف:لا لا مش هقول كده
أسيل ابتسمت:طيب كنت هتقول ايه
هارون راح وقعد على المكتب:انا مبسوط اوى حاسس ان روحى رجعتلى تانى
أسيل راحت وقعدت على المكتب فوق قدامه:قول قول كمان اصلى بحب المدح اوى
هارون ضحك وقرب ليها:انتى حياتى وروحى يا أسيل
أسيل اتكسفت جت تقوم مسك هارون أيديها وشدها وقعت على رجله.
هارون:انتى بجد وحشتينى اوى.
أسيل: هارون انت كمان وحشتنى بس مينفعش كده سيبنى لو سمحت
هارون:مانا هسيبك بس هاخد حاجه بسيطه خالص وبس.
أسيل:لا يا هارون سيبنى الاول عيب كده صدقنى
هارون:ششششش
أسيل:ه هارون........
هارون سكتها خالص أسيل حضنته (تقريبا نسيت أنه عيب 🤭)
بعد فتره بعد عنها بابتسامه
أسيل:خلصت حاجتك البسيطه ينفع تسيبنى بقا
هارون:ماشى يا قمرى
أسيل قامت بكسوف وإحراج
هارون: أسيل
أسيل:نحم
هارون ضحك:احم حدديلى معاد تانى مع مامتك المره دى انا هقنعها
أسيل: حاضر
لفت وشها
هارون:رايحه فين
أسيل:راجعه البيت بالمناسبه تقدر تيجى بكره الضهر
هارون:تمام الساعة واحده هكون عندكم
أسيل:ماسى باى
هارون:باى يا حبى الوحيد
أسيل ابتسمت وخرجت للبيت
أسيل:الراجل ده مش بيجى غير بالعين الحمرا بس الحمد لله يا رب انا كنت خايفه يكون نسينى بس الحمدلله.
تانى يوم
الباب بيخبط
فريده:استنى يا أسيل انا هفت......
أسيل ابتسمت:هارون
هارون:احم ادخلى واسمعى كلام مامتك
أسيل:حاضر
فريده: اتفضل
دخل هارون
فريده:امال فين اهلك
هارون:هما بس مستنينى اتفق مع حضرتك الاول وبعدين يجو
فريده:اممم طيب تشرب ايه
الباب خبط
أسيل:انا هفتح
شريف:اسف اتأخرت
أسيل:وايه الجديد ادخل ادخل
شريف:اباى منك.
لفت وشها لهارون وابتسمت وعملت ليه باى باى
شريف:أسيل ادخلى جوه
أسيل:ر'خم
دخلت أسيل وفريده ضحكت
شريف: شايفه
هارون كتم ضحكه
شريف:امم مش ده
هارون:ايوه انا
شريف:ايه الاحراج ده بس
هارون ضحك
فريده:خلاص يا شريف اكيد نسى انك قابلته ليله دخلتك فى القسم وكنت هتتخ'لع
شريف:ماهو لو كان نسى دلوقتى انتى فكرتيه
فريده:يقطعنى
هارون ضحك
فريده:نتكلم جد شويه
بعد فتره
فريده:كده اتفقنا
شريف:تعالى تعالى عارف انك مستخبيه ورا الستاره تعالى
فريده بضحك:طيب تعال يا شريف معايا
أسيل وهى ماشيه خبطت شريف فى بطنه:اسفه يا شريف
شريف:مفتريه
أسيل:بتقول حاجه
شريف:يا طنط
جرى ورا فريده وأسيل ضحكت وراحت قعدت جمب هارون ومسكت أيده
أسيل:انت كويس
هارون قرب لوشها:مكنتش احسن من كده
أسيل زقيته براحه وضحك:هارون ماما وشريف لما هيصدق يشوفنا
هارون ضحك:ظريف اوى شريف
أسيل:جارنا من زمان ومتربى معانا ودلوقتى بقا من العيله وجوز اختى الكبيره
هارون:اممم عيلتك لطيفه ودافيه
أسيل: امال انا كيوت لمين ربنا يحفظنى
هارون ضحك:ديه ثقه فى النفس صح
أسيل:اكيد طبعا لو مكنتش واثقه من نفسى مكنتش وقعت ظبوطه
هارون:اعترفى انا إلى وقعتك
أسيل ضحكت:طيب طيب معترفه انا وقعنى ظبوطه
بعد عده ايام
أسيل:هارون شكلى كويس
هارون:قمر بس مالك متوتره كده ليه
أسيل:هقابل عيلتك الموضوع كبير عايزه اعجبهم ويحبونى
هارون:هيحبوكى متقلقيش فين الثقه في النفس
أسيل:بلا ثقه بلا بتاع بقا انا اعصابى تلفت
هارون مسك أيديها وباسها:حبيبتى انا معاكى مش عايزك تخافى وله تتوترى لأن سواء عجبتيهم او لا انا هفضل احبك طول عمرى
أسيل ابتسمت بحب
هارون:يالا ننزل
نزلت أسيل قدام فيلا
هارون:ده بيت العيله تعالى اعرفك على العيله بقا
دخلو واول شخص قابلوه كان والد هارون كان قاعد في الجنينه بيقرأ جورنال
اسيل بإستغراب: لسه فى حد بيقرأ جورنال لحد دلوقتي
مدحت:انتى بقا أسيل
أسيل:حضرتك تعرفنى
مدحت:اكيد هارون كل شويه بينده اسمك
أسيل بصيت لهارون:بجد
هارون ابتسم وهز رأسه
مدحت:تعالى اقعدى هنا
أسيل قعدت بتوتر وهى بتفرك فى إيديها هارون قعد جمبها ومسك ايديها
مدحت: شغاله ايه بقا يا أسيل.
أسيل: احم محاميه
مدحت:امممم واتعرفتى على ابنى ازاى بقا
أسيل:اول مره شوفته كنت برفع قضيه عادى وتانى مره كنت مخطوفه وهو انقذنى
مدحت:اممم
يوسف:جدو
مدحت:اهلا اهلا حبيب جدو
يوسف:أسيل
أسيل عملتله باى :اهلا
مدحت:انت تعرفها يا يوسف
هارون:تعرفى يوسف
أسيل هزيت راسها
أسراء:بابا يوسف عندك
مدحت:ايوه
أسرار:أسيل ازيك عامله ايه بتعملى ايه هنا
مدحت:انتى تعرفيها منين يا اسراء
اسراء:فاكر لما يوسف كان هيعمل حادثه أسيل هى البنت اللي انقذته
مدحت بإعجاب:حقيقى
أسيل:انا معملتش حاجه مهمه ده واجب على اى حد
اسراء:لا مش اى حد انتى بس عارف يابابا كان يوسف بيجرى ورا الكوره والعربيه جايه بسرعه اوى وأسيل نطيت قدام العربيه وشالت يوسف ووقعت وساعتها اتعورت فى ايديها
أسيل ابتسمت بإحراج:وقعه بسيطه خالص كله يهون عشان القمر ده
اسراء:لولاها كان زمان ابنى بين الحياه والموت
أسيل:متقوليش كده حصل خير الحمدلله
هارون ابتسم لأسيل
اسراء:بس انتى بتعملى ايه هنا
مدحت:أسيل هى البنت الى هارون عايز يتجوزها
اسراء لهارون:يا زين ما اختارت يا اخويا
مدحت:بس انتى مقبلتهاش غير مره
اسراء:كانت كفايه انى اعرفها كويس
أسيل ابتسمت بإحراج
هارون:شوفتى قولتلك هيحبوكى
مدحت:طيب انا هروح اشوف ايه حصل فى الغدا تعالى يا اسراء
يوسف نزل من على رجل جده وراح لأسيل
أسيل ابتسمت ليه:عامل ايه يا صغنن
يوسف بطفوليه:كويس
أسيل قعدته على رجلها وسألت هارون:هو عنده كام سنه
هارون:اربعه وداخل على الخمسه بقا راجل كبير ومينفعش يقعد على رجل حد كده
يوسف😛😛😛
أسيل ضحكت:اظن انك غيران
هارون:احم يوسف اسراء بتنادى عليك
يوسف:لا
هارون:يوسف
أسيل:أهدى شويه ده لسه صغير وقمر اوى
هارون:انتى إلى قمر
أسيل:تفتكر لو يعنى جبت منك نونو صغير هيبقا حلو كده زي يوسف
هارون:ابنى هيبقا احلى عشان انتى هتكونى مامته
أسيل ابتسمت ورجعت شعرها ورا ودنها:وانت هتكون باباه
يوسف:أسيل تلعبى
هارون:ده إلى ناقص
أسيل ابتسمت:عايز تلعب ايه
يوسف بفرحه: كوره
أسيل:بس انا مش معايا
يوسف:انا معايا
جيه يشدها ويدخل هارون مسك أيديها
هارون:روح انت هات الكوره وتعال بسرعه وأسيل هتستناك هنا
يوسف:ماشى يا بابا هارون
دخل يوسف
أسيل:بيقولك يا بابا
هارون:ايوه مش قولتلك كل ولاد اخواتى بالنسبالى عيالى
أسيل:امتى ساره تخلف بقا وتجيبلى نونو العب معاه كوره ويقولى يا ماما أسيل
هارون:شكل شريف مش شايف شغله كويس
أسيل ضحكت بكسوف
هارون شدها ليه:بس متقلقيش انا هشوف شغلى كويس بس نتجوز
أسيل:انت شايفه كويس من قبل ما نتجوز اساسا
هارون🤨
أسيل:والله انا خايفه اطلع 🤰
هارون:ده ازاى بقا
أسيل:انت بتنسى وله ايه يا هارون انت مش كل شويه احم (قالت بصوت واطى)تبوسنى من هنا(شاورت على شفايفها
هارون ضحك جامد:بجد
أسيل:ايوه زمان لما كانت ماما بتتفرج على افلام رومانسيه وفيها الحاجات ديه قالتلى أن ده عيب وبيخلى البنت حامل
هارون:كنتى انتى عندك كام سنه
أسيل:انا كنت كبيره بس عقلى صغير شويه يعنى لما كنت فى رابعه كان عقلى مثلا عقل طفل فى أولى فاهمنى
هارون:ايوه بس اكيد انتى درستى ده فى إعدادى درس التكاثر
أسيل:بصراحه ومتضحكش عليا
هارون:قولى قولى
أسيل:محضرتش الدرس ده زوغت
هارون ضحك:طيب ما قريتهوش
أسيل:أحرجت منه ومكملتوش ولما جيه اسئله عليه فى الامتحان سبتها فاضيه
هارون ضحك جامد:لا متقلقيش خالص انا هعلمك كل حاجه عملى
أسيل 🤨:مش عارفه ليه مش مطمنه
هارون:مش انتى إلى عايزه تتجوزينى وتجيبى عيال منى
أسيل:ايوه بس باحترام
هارون:هنشوف الموضوع ده لما نتجوز أن شاء الله
أسيل: صحيح فين مامتك
هارون:ينهار ده انا نسيت ماما تعالى
يوسف جرى عليها:انا جبت الكوره
هارون:مش دلوقتي يا يوسف لما نشوف تيته
يوسف:تيته في مشوار قالت مش عايزه تقابل عروسه الغفله
أسيل دمعت
يوسف:أسيل يالا نلعب.
هارون:أسيل ممكن تهدى شويه انا هتصرف
أسيل:بس بس
هارون:مش انتى بتثقى فيا
أسيل هزيت راسها
هارون:خلاص سيبيها عليا ممكن
أسيل:طيب
يوسف:يالا نلعب
#وقعنى_ظبوطه
#البارت_الخامس_عشر
بقلمى منار مجدى
هارون:أسيل عشان خاطرى ثقى فيا
أسيل مسحت دموعها بابتسامه وقالت ليوسف:يالا نلعب
هارون:انا هدخل اشوف حاجه وراجع تانى
أسيل هزيت راسها وقعدت تلعب مع يوسف فى الجنينه
دخل هارون جوه وأسيل بتبصله كل شويه
هارون:اسراء فين ماما
اسراء:ماما مش موافقه خالص عايزاك تتجوز بنت خالتك مليكه
هارون:ديه حياتى انا انا إلى هختار اقضى حياتى مع مين
اسراء:امك بقا مش مقتنعه صحيح فين أسيل
هارون:بتلعب مع يوسف فى الجنينه هناك اهى
اسراء ابتسمت ليهم وأسيل ابتسمت بتوتر وكملت لعب
هارون:شايفه ديه كانت مبسوطه
اسراء:وايه زعلها ماهى بتلعب ايه
هارون:انا عارف أسيل كويس هى دلوقتى حاسه بضياع ومش عارفه تعمل ايه
اسراء:وهى ايه عرفها
هارون:ابنك عرفها ابنك قالها أن تيته مش عايزه تقابل عروسه الغفله
اسراء ضحكت:ف'تان اوى ابنى ههههه
هارون بغيظ:انتى بتضحكى
مدحت:هارون نادى على أسيل ويوسف الغدا خلاص هيتحط
هارون:احم بابا ايه رأيك في اسيل
مدحت:رأيى كويسه بنت كويسه انا لسه معرفهاش كويس بس مبدئيآ كويسه
هارون:بابا الله يخليك عايز اتجوز بسرعه
مدحت ضحك:طيب طيب هشوف هعمل ايه وابلغك
هارون :بابا بسرعه ها
مدحت:طيب طيب
أسراء:يالا يا عم المستعجل روح ناديهم
هارون:ماشى ماشى بابا بسرعه ها
خرج هارون
مدحت ضحك عليه
اسراء:ابنك وقع يا حج
مدحت بضحك:واضحه باين عليها بنت كويسه وعجبتنى بصراحه
اسراء: عارف يا حج انا اول مره شوفتها دعيت هارون يتجوز واحده زيها بنت جدعه(يا بركه دعاكى يا أسراء والنبى ادعى كل البنات السناجل تتجوز 🤭🤭)
مدحت:طيب يالا شوفى الغدا مع العاملات جوه في المطبخ
اسراء: حاضر
عند هارون
هارون:يوسف يوسف
يوسف:ايوه يابابا هارون .
هارون:كلم مامتك بتنادى عليك
يوسف:بس انا بلعب مع أسيل
هارون: وبعدين معاك
أسيل كانت مبتسمه بس زى ما هارون قال كانت ضايعه ومش مركزه فاقت لما هارون مسك أيديها
أسيل:هارون راح فين يوسف
هارون:دخل لمامته
أسيل:بس احنا كنا بنلعب
هارون:أسيل
أسيل:نعم
هارون:ينفع تبطلى تفكير في ماما
أسيل:بس شكلها مش عايزاك تتجوزنى
هارون:براحتها المهم انا عايز اتجوزك وانا هعمل إلى انا عايزه خصوصا بقا أن بابا وأسراء حبوكى جدا
أسيل ابتسمت:بجد
هارون:ايوه طبعا وماما مع الوقت هتحبك
أسيل ابتسمت براحه:طيب طمنتنى
هارون:طيب بقا مفيش اى مكافأه على الماشى كده
أسيل:هارون لم نفسك ماشى صحيح فين سما ليه مش بتيجي. تقعد هنا
هارون:سما بتقعد عندى فى البيت عشان مش بترتاح هنا مع ماما ورحيم اخويا بيرخم عليها كتير
أسيل:عندك اخ
هارون:عندى اخوات لسه مقبلتيش رحيم وله طارق
أسيل:بجد انا قولت عندك اسراء وبس
هارون:لا لسه فى اتنين كمان
أسيل:رحيم اسمه حلو ده عنده قد ايه
هارون:ده الصغير لسه في جامعه
أسيل:ام وطارق يبقا والد سما صح
هارون:صح(شدها من خدها)حبيبتى زكيه اوى
أسيل حطيت أيديها على خدها:بسم الله ماشاء الله فى ايه.
هارون مسك أيديها وشدها:يالا الاكل جاهز
ودخلو قعدو سوا على السفره الاب كان فى مقدمه السفره وجمبه هارون والناحيه التانيه اسراء وجمبها يوسف وكان جمب هارون أسيل قاعده جمب هارون ومتوتره ومحرجه هارون مسك أيديها عشان يطمنها ابتسمت
مدحت:صحيح يا أسيل انتى محاميه ايه
أسيل:احم احم انا محاميه طلاق وخ'لع
مدحت:امم مناصره لحقوق المرأة يعنى
أسيل:ايوه شويه
اسراء:شاطره اصلا الست مش بتعرف تاخد حقها في الزمن ده
أسيل:مانا بقا إلى بجيبلهم حقهم
مدحت:اممم
أسيل اتوترت اكتر
يوسف:أسيل بتتفرجى على كارتون
أسيل:شويه
يوسف:تعرفى غامبول
أسيل:وده فيها كلام اكيد بحبه هو وسبونج بوب
رحيم:وانا كمان
أسيل بصيت لمصدر الصوت
مدحت:رحيم تعال اقعد كل.
رحيم قعد جمب أسيل:اسمك ايه
هارون:رحيم ديه أسيل
رحيم:اه الجو بتاعك
أسيل😳
هارون:رحيم
رحيم:خلاص خلاص أسيل انا رحيم
أسيل:انا عرفت لما سمعت اسمك
رحيم:اممم
أسيل بصوت واطى لهارون:انا حاسه انى فى محكمه وانا المتهم والله انا بريئه معملتش حاجه
هارون ضحك
اسراء:بتقولو ايه
أسيل: معملتش حاجه
اسراء:يا بنتى عارفه معملتيش حاجه انا بسأل قولتى ايه لهارون خلتيه يضحك اقصد يعنى عشان نضحك كلنا
رحيم:ده هارون صعب أنه يضحك اصلا كل نكتى مش بيضحك عليها وطالما إلى قولتيه ضحكه يبقا نكته جامده
هارون:اه هى جامده الصراحه
أسيل فى النص وشها عامل زى الفراوله
اسراء بضحك:طيب خلاص بطلو تضايقوها عشان اتكسفت
رحيم:احم أسيل اقولك نكته
أسيل بصيت ليه
رحيم:هو سؤال بيقولك لو حد اتعامل معاكى برخامه تعملى ايه
أسيل:اممم اسيبه وامشى
رحيم بضحك:لا اتعامل معاه بسرميكه 😂😂😂😂
أسيل ضحكت جامد لدرجه دمعت
أسيل:انتو مش بتضحكو ليه نكته حلوه
هارون:لا مش مضحكه
أسيل:ديه حلوه اوي وبتضحك
رحيم:شايفين الناس إلى بتفهم في النكت والهزار
أسيل ابتسمت براحه
هارون:بقيتى احسن
أسيل:حاسه انى سهل اتعود عليهم مش كده
هارون:انا معاكى متخافيش
أسيل:ده إلى مطمنى
بعد الاكل كانت أسيل بتغسل ايديها وهارون واقف معاها
أسيل:اخواتك لطاف جدا
هارون:مفيش الطف منك
أسيل ابتسمت وخرجت
أسيل:ناقص حاجه تانى
هارون: ايوه تعالى
هارون شدها وأسيل مشيت وراه
هارون اخدها ورا الفيلا
أسيل:هو احنا رايحين فين
هارون:هوديكى مكانى السرى هنا لما ببقا مبسوط اوى بروحه ولما ببقا زعلان اوى برضو بروحه
أسيل:مكان سرى بجد
هارون ضحك ووداها ورا كان فى باب متغطى بشجر فتحه ودخلو كانت جنينه صغيره خالص وفيها شجره كبيره وعليها سلم
هارون:تعالى
أسيل: متقوليش اننا هنطلع على الشجره
هارون:فعلا ده إلى هيحصل
أسيل:هارون انا لسه بخاف من المرتفعات وبدوخ
هارون:انا معاكى متخافيش
أسيل:هو لازم يعنى
هارون:لا مش لازم بس انا كنت عايزك تعملى معايا حاجه بحبها
أسيل حسيت أن هارون زعل:طيب يالا
هارون:هتطلعى
أسيل:اه مش انت معايا
هارون ابتسم:عمرى ما هسيبك
أسيل:طيب يالا بس انا بحذرك لو أغمى عليا فوق انت المسئول بقا
هارون ضحك:طب يالا
هارون طلع ومد ايديه ليها وطلعها وقعدو على غصن كبير
أسيل كان قلبها بيدق جامد واول ما بصيت للأرض داخت جامد
هارون مسك أيديها ورفع وشها ليه:ايه دوختى
أسيل ابتسمت: شويه
هارون:كنت عايز اقولك حاجه مهمه
أسيل:قول
هارون: شكرا با أسيل عشان متخلتيش عنى وفضلتى ورايا لحد ما اقتنعت واقنعتى مامتك كمان
أسيل:اه الموضوع كان صعب عارف انا بصراحه كنت هستسلم بس فى حد عمرى ما توقعت أنه يشجعنى قالى مستسلمش
هارون:مين الشخص العسل ده اختك
أسيل :لا شريف شوفت سويف الر'خم هو إلى شجعنى
هارون بإستغراب:وشريف شجعك ازاى
أسيل: هقولك كنت فى قمه يأسى منك وقاعده قدام النيل مضايق فجأة جيه وإدانى بونبونايه وحكالى حكايه
هارون:حكايه ايه
أسيل بتوتر:حكايه ايه هههه احم مش هتصدق هههه حكايه تضحك
هارون:أسيل اخلصى
أسيل:طيب طيب (حاولت تحور) بيقول قال ايه يا سيدى كان بيحب واحده وطلب مساعده اختها إلى هى جارته عشان يخلى إلى بيحبها تحبه وواحده واحده حب جارته واتجوزها بس جارته مكنتش مصدقاه فضل وراها بقا لحد ما أقنعها وعمره ما استسلم أبدآ لحد ما اتجوزها وعاشو فى تبات ونبات
هارون 😒:انت كده مثلا حورتى عليا
أسيل بتوتر:ها أنا حصل منى الكلام ده لا لا انت فاهم غلط
كانت أسيل قاعده بين الشجره وهارون أما هارون قاعد جمبها على الحرف
وفجأة قرب ليها بعصبية أسيل ضهرها لزق فى الشجره ومسكت الشجره من ورا
أسيل:هارون
هارون:شريف كان بيحبك
أسيل :مين قال كده
هارون:انتى مش قولتى أنه كان بيحب واحده واتجوز اختها
أسيل:حصل
هارون😠:شريف متجوز اختك ومظنش اختك عندها اخوات غيرك
أسيل:ايوه حصل ينهاااار بص هشرحلك
هارون:اسكتى خالص
أسيل:والله ما كنت اعرف أنه بيحبنى والله
هارون:متقوليش بيحبك اسمها كان بيحبك ومتقوليش ديه كمان عشان بتعصبنى
أسيل طبطبت على كتفها:حاضر حاضر بس انت أهدى شويه
هارون اتعدل وأسيل كمان
أسيل:الواحد مينفعش يحور على ظابط شرطه
هارون ضحك:ده مش تحوير ده غب'اء
أسيل☹️:دايما حابطنى
هارون قرب منها تانى وأسيل خبطت دماغها فى الشجره من الخضه
أسيل بوجع حطيت إيديها على شعرها:اى راسى فى ايه يا هارون
هارون قرب لوشها وهو بيضحك:كل خير يا حبيبت هارون
أسيل :طيب يالا ننزل
هارون:لا لسه حاجه بسيطه خالص
أسيل فهمت هو عايز ايه:هنا
هارون:ده انسب مكان
أسيل: هارون عندى فكره ما تستنى لما نتجوز احسن
هارون: دلوقتى ولما نتجوز كتير
أسيل: ها....
بعد فتره بعد عنها
أسيل🥴
هارون ضحك
أسيل ابتسمت ومسكت دراعه وحضنته وسندت رأسها على كتفه
هارون:مش عايزه تنزلى
أسيل:تؤ
هارون:مش خايفه
أسيل:تؤ انت معايا ومفيش حاجه هتحصلى
هارون ابتسم وقعدو اتفرجو على غروب الشمس وهما قاعدين على غصن الشجره
بليل
أسيل:هارون الوقت أتأخر انا لازم امشى
هارون:طيب تعالى
نزلو وخرجو أسيل بصيت الشجره بابتسامه
هارون: متقلقيش هنيجى هنا كتير
أسيل:مش قلقانه يالا
خرجو سوا
أسراء:ايه ده انتى لسه هنا انا قولت هارون روحك
أسيل:لا انا.اممم
أسراء:خلاص مش مهم المهم تكونى انبسطتى معانا
أسيل:انبسطت جدا
هارون:يالا يا أسيل
أسراء:روحى معاه اصله مستعجل اوى
هارون ضحك
أسيل ركبت جمبه:هارون قصدها ايه مستعجل اوى
هارون بضحك:كل ده عشان قولتلهم عايز اتجوز بسرعه
أسيل ابتسمت بإحراج:احم طيب يالا
مشيو وأسراء ابتسمت وهى شايفاهم ماشين
أسيل:هو انت مستعجل ليه
هارون ضحك:لما نتجوز هقولك
أسيل:مش عارفه ليه اتخضيت
هارون:لا لا متتخضيش لسه شويه
أسيل:يعنى اتخض بعدين.
ضحكو سوا لحد ما وصلو
أسيل:اشوفك بكره
هارون:هستناكى
جت تنزل لقيت الباب مقفول ابتسمت ورجعت باسته من خده ونزلت
أسيل:باى باى
هارون:باى
طلعت أسيل وهى مبسوطه اوى
خبطت وفتحتها مامتها حضنتها على طول
ساره:احضن معاكم
انضموا معنا على تليجرام للروايات الكامله من هنا