جميلة_حد_الفتنه حياة_حمزة الفصل_السادس_عشر حتى الفصل العشرون بقلم رحمه نبيل

 جميلة_حد_الفتنه

حياة_حمزة

الفصل_السادس_عشر حتى الفصل العشرون

بقلم رحمه نبيل

قال رسول الله ﷺ:

"الآيَتانِ مِن آخِرِ سُورَةِ البَقَرَةِ، مَن قَرَأَهُما في لَيْلَةٍ كَفَتاهُ"

🌱 آيتان فقط تحفظانك من الشرور والمكاره، وتُغنيانك عن قيام الليل.✨

🌱 ليس المقصود من الحديث ترك قيام الليل كما قد يفهم البعض، بل إن هاتين الآيتين خصَّهما الله بفضل عظيم، فمن تعذَّر عليه قيام ليلة فإن الآيتين تكفيانه.🍃

فلا يفوتنَّك ذلك الفضل الكبير والثواب العظيم 💕

#خواتيم_سورة_البقرة

#خطانا_إلى_الحوض

يا من هُديتم بالنبيّ مُحمّد سيروا بهدي نبيّكُم تعظيما وإذا سمعتُم ذكره في مجلس صلُّوا عليه وسلّموا تسليما.💜🌹

RAHMA NABIL 美心

خرج ادهم من المشفي وهو ما يزال يفكر في أمر زواجه بملك فهي لن تتوقف عما تفعله سوي بهذه الطريقه زفر بضيق بسبب رفض أسر اخرج هاتفه وهاتف مليكة التي كانت ما تزال فوق السطوح نظرت للهاتف بتعجب واجابت / الو ادهم 

ادهم وهو يتنهد بتعب / الو يا مليكه 

مليكه بتعجب اكثر / مالك ومال صوتك حصل حاجه ولا ايه 

زفر ادهم بضيق / لا محصلش حاجه بس كنت بطمن عليكي انتي كويسه 

مليكه بحزم / ادهم متضحكش عليا انا مش صغيره حصل ايه 

ادهم بتعب شديد / مفيش يا مليكه ملك بس تعبت شويه ونقلناها المستشفي 

فزعت مليكه ونهضت وهي تركض للأسفل وتنزل نقابها / ليه حصلها ايه طب هي في مستشفي ايه 

ادهم بحزم / بكره الصبح هاخدك انا بنفسي بس دلوقتي مش هينفع خالص تيجي دلوقتي الوقت اتأخر بعدين هي احسن دلوقت 

كادت مليكه تصرخ به وتجيبه ولكن سمعت صراخ حمزه من الأسفل فلم تعي سوي وهي تركض بسرعه كبيره للأسفل وقد نست امر المكالمه تماما 

قبل ذلك بدقائق كان حمزه يسير في المنزل وهو يبحث عن أي أحد عمته او اخته او حتي عبير ولكن سمع صوت شخص يتألم وأصوات متداخله من أحدي الغرف فاتجه لها بهدوء شديد وهو يفتح الباب ببطئ ولكن فجأه تصنم من صدمه مايري فصرخ برعب / سندسسسسسسسس

فالأمر كان كالتالي سندس كانت يدها مجروحه جرح بليغ وعبير ترفع السكين عليها وسندس تحاول منعها من اذيتها 

ركض حمزه بسرعه وحاول تخليص اخته من يد تلك المجنونه عبير ولكن عبير كانت لاتري من الغضب وهي تتذكر ما فعلته سندس عندما سمعتها تتحدث انها ستذهب لذلك الشاب لمنزله غضبت بشده وأخذت الهاتف منها وهاتفت اخر رقم حدثته اختها وقامت بتعنيفه بشده وايضا هددته ان اقترب من اختها مجددا سوف تخبر الجميع بذلك وبالطبع عبير لم تصمت او تمرر هذا الأمر لذا اخذت تقذفها بابشع الشتائم وسندس ترد عليها ان هذا لمصلحتها وانها ان كررت الأمر سوف تخبر الجميع  فتمادي الموضوع ان ذهبت عبير واحضرت سكين وهي تقسم ان تقتل سندس ولكن حاولت سندس ان تمنعها من ذلك فشقت عبير  يدها بعنف وهنا دخل حمزه وهو يحاول أبعاد هذه المجنونه عن اخته  /انتي اتجنيتي ولا إيه يا عبير نزلي الزفت ده 

صرخت به عبير بجنون / اطلع انت منها يا شيخ حمزه اطلع انت منها والله لازم اقتلها 

صرخ بها حمزه / لا ده آنتي اتجنيتي واوي كمان 

بينما عبير كانت فقط تحاول الوصول لسندس ولكن لم تعرف بسبب حمزه فصرخت به أن يبتعد / ابعد عنها وسع كده 

ولكن حمزه رفض الأمر /قسما بربي يا عبير اما نزلتي السكينه وبطلتي هبل لكون مبلغ عنك فاهمه ولا لا 

جنت عبير منهم وصرخت بهم / أنا مش خايفه منكم ولا خايفه من حد ساااامع محدش يقدر يأذيني لان بابا رجع وقالي هحميكي منهم كلهم فاهمين 

ولأول مره يرفع حمزه يده ويصفع امرأه بشده ثم تحدث بفحيح / أنا أول مره في حياتي كلها ارفع ايدي علي ست ومين بنت عمتي اسمعيني كويس يا عبير قسما باللي خلقني اما رجعتي عن جنونك ده لكون قايل لجدي وانتي عارفه هو هيتصرف إزاي 

عبير بجنون وهياج / انت بتهددني ولا إيه قوله وانا هخاف منه ولا إيه خلاص يابابا عبير الهبله بح خلاص مش كل واحد يجي شويه يتفلسف عليا ويبين انه ملاك وانا الشيطان الوحش بس خلاص انا اساسا هسبلكم البيت اشبعوا بيه لاني جبت اخري منكم كلكم 

كاد حمزه يتحدث ولكن وجد عبير ترفع السكين في وجهه / عارف إياك تقرب مني ولا تتكلم كلمه واحده انت فاهم بعد كده مش هخاف منك ولا من غيرك فاهم يا... يا شيخ حمزه 

كانت نظرات حمزه بارد وجامده فتحدث ببرود شديد / فاهم يا استاذه عبير بس معلش اقدر اعرف حضرتك هتروحي فين كده ها هتروحي لمين كل عيلتك هنا 

عبير ببسمه مخيفه / هروح لبابا هرجع ليه تاني امي كان عندها حق انتم السبب انكم تبعدونا عن بعض انا هطلع من هنا ادور عليه في كل مكان ومش هرجع أبدا البيت ده اللي كل اللي ساكنين فيه عايشين في دور الشيوخ وعلي الفاضيه والمليانه ينصحوا فيا. 

حمزه بهدوء/ وهو انتي لو كنتي مثلا بتتصرفي كويس كنا هنتعب نفسنا ليه وننصحك 

نظرت له عبير قليلا ثم تحدثت ببرود / أنا كويسه وعاجبه نفسي جدا ومش مستنيه من حد يصلحلي حاجه انا شيفاها صح. 

حمزه / فيه فرق بين انك تشوفي الحاجه صح او انها هي اساسا صح 

عبير بسخريه / اهو لسه مخلصناش كلامنا وابتديت في النصيحه ودور الداعيه اللي مفيش منه بقولك ايه اشبعوا ببعض انا همشي من هنا 

حمزه وهو ينظر لظهرها بهدوء ظاهري / ولو قلت انك مش هتمشي من هنا يا عبير 

نظرت له عبير بشر / وانت كنت مين عشان تمنعني 

حمزه بهدوء/ كنت اخ يا عبير طول عمرك اختك بس انتي مش شايفه كده انتي مش شايفه غير اني عايش في دور الواعظ بس مش بتشوفي اللي ورا الدور ده مش بتشوفي الاخ اللي خايف علي اخته 

عبير بسخريه / بالناقص ياخويا مش عايزه حاجه شكرا خلي الوعظ لاختك العزيزه  وللسنيوره مراتك 

غضب حمزه / بصي بقي من الاخر انتي مش هتعتبي بره البيت ده فاهمه ولحد بكره الصبح تلتزمي اوضتك لحد ما جدي يشوفلك صرفه 

غضبت عبير بشده وصرخت به / وانتم مين عشان تتحكموا بيا ها أنا همشي من هنا والراجل يمنعني 

كان حمزه يتقدم منها وهو يصرخ بها ولكنها في اللحظه التاليه كانت ترفع السكين وتغرزه في زراعه ولكن حمزه تدارك الأمر وامسك السكين قبل أن تصل له فشعر بها تقطع في يده فجذبها بحده منها وفي الثانيه التاليه كان عامر واحمد يدخلون وخلفهم الجد الذي كان يصرخ بكل الغضب في عبير 

نظر حمزه بتعجب وجد مليكه تقف في الخلف فهي عندما رأت ما يحدث والمناوشات بينهم ركضت لتخبر الجد الذي كان برفقه احمد وعامر 

الحد بحده / عيارك فلت يابنت الأسيوطي 

نظرت له عبير بصدمه / جدي هو 

قاطعها الجد بصراخ هز أركان المنزل  / اخرسي انا سكتلك كتير وقولت صغيره وهيجي يوم وتتعلم لكن الواضح كده ان عرق الأسيوطي لسه بيمشي فيكي والوساخه بتاعتهم سايبه اثرها، عايزه تسيبي البيت يا عبير اتفضلي امشي من هنا قبل ما تجبلنا العار نفر نفر روحي شوفي ابوكي اللي سرقنا زمان وهرب وسابكم ومبصش وراه ورماكم في الشارع 

نظرت عبير له بدموع شديده وهي تصرخ / كداب بابا معملش كده 

في الثانيه التاليه كان صوت الصفعه يسقط علي وجهها نظرت عبير بصدمه وجدت والدتها التي كانت تنظر لها بشر / اعتذري لجدك 

كادت عبير تتحدث فصرخت بها ساميه / قولت اعتذري لجدك ايه مش سامعه 

نظرت عبير لسعيد الذي مازال ينظر لساميه بدقه وتحدثت بتذمر / اسفه يا جدي 

أشارت لها ساميه للداخل / علي اوضتك ملمحكيش بره انتي فاهمه 

بكت عبير بشده وهي تركض لغرفتها التي كانت تتشاجر بها منذ قليل واغلقت الباب بحده نظرت ساميه لوالدها وكادت تتحدث فاشار لها / النهار له عيون يا ساميه بكل نتكلم في كل شئ دلوقتي كله يروح علي نومه وسندس مش هتقعد معاكم تآني انا غلطت زمان لما افتكرتك هتعتبريها بنتك تعالي يا سندس يا بنتي هتقعدي معايا انا وفاطمه في الدور اللي تحت. 

ضمها حمزه بحنان وقبل رأسها / معلش يا جدي سيبها معايا انهارده 

هز الجد رأسه / تمام يا حمزه بكره الصبح تجيلي العطاره عشان عايزك 

ثم انسحب هو والباقين الذين كانوا فقط يشاهدون في صمت بسبب أوامر الجد وعندما مر الجد بجانب مليكه تحدث بهمس / اللي مرت بيه سندس مش شويه يابنتي وأكيد هي مصدومه من إللي حصل وهي اخته فلازم يقف جنبها فليه الغيره اللي شايفها في عيونك دي 

نظرت له مليكه بصدمه من ملاحظته لها وهزت رأسها برفض / لا يجدي مفيش حاجه والله بس هو

قاطعها الجد وهو يبتسم لها / متحاوليش تخبي لان عينك حكت كل حاجه اللي اقدر اقوله ليكي ان الواد ده 

كان يسير لحمزه / مفيش بنت غيرك سكنته فلازم انتي متضيقيش عليه وتتفهميه 

هزت مليكه رأسه وهي تنظر له وهو يضم سندس بحنان تقابلت أعينهم فابتسم لها بتعب شديد فشجعته بعينها فاخذ هو سندس ولحق بالجميع وامسك يد مليكه أثناء خروجه 

وهبط بها لشقتهم فتحت له نورا التي فزعت من حاله سندس وجرحها 

مليكه ببسمه هادئه / مفيهاش حاجه يا ماما هو بس عايزه خياطه لحظه هجيب العده بتاعتي من فوق. 

ثم نظرت ليد حمزه / وانت كمان لازم تخيط ايدك 

ثم تركتهم وصعدت لتحضر ما يلزمها في أثناء ذلك وجدت والدتها تجلس ببرود شديد فتحدثت معها وهي تخرج / ملك في المستشفي 

ثم تركتها وهبطت تعلم انها لن تهتم بالأمر كثيرا ولكن هي فعلت واجبها باعلام والدتها 

هبطت للأسفل وجدت حمزه يجلس وحده في الصالون نظر لها وأشار لغرفة اميره / سندس جوه

هزت رأسها وهي تنظر له بدقه وتتعجب جموده ذلك 

دخلت ونظرت لنورا وهي تتحدث / عايزه مخدر يا ماما وانا للأسف مش معايا 

هزت نور رأسها وذهبت ونادت احمد فهبط ليحضر ما طلبته بينما كانت مليكه تمسح علي جرح سندس بحنان وهي تنظر لها وتبتسم ثم تحدثت لها بحنان / خير بإذن الله 

RAHMA NABIL 美心

بينما عند راضي كان يجلس مع عامر ويتحدثون فيما حدث 

ضرب راضي كف علي كف / لا حول ولا قوة الا بالله ربنا يتولانا يارب ويهدي ساميه وبنتها 

هز عامر رأسه ونظر لوالده / صحيح ام فاروق عامله ايه 

هز راضي رأسه بتعب / هي كويسه الحمدلله انا بس جيت اخد لبس لعمك راشد عشان هدومه متبهدله علي الاخر 

هز عامر رأسه بينما في الداخل استمعت ندي لكل ذلك ودب الذعر في قلبها ماذا ان علم احد من عائلتها انها مازالت تتحدث مع ذلك الشاب بل انها لايمر يوم الا وتكلمه به ماذا تفعل فبعد مقابلته الاولي بيومين قابلته مجددا في الطريق إلى الدرس بعدما تغيبت اميره وللحق كانت سعيده جدا بهذا وبعد التحدث معه قليلا أعطته رقمها ولم تعرف كيف فعلت ذلك فهي لم تعي ما حدث هذا إلا بعد أن أعطته اياه بعدها بيوم كانت فيه علي احر من الجمر لمكالمته وجدته واخيرا يتصل بها فاجابته بلهفه جعلته يضحك بشده ومن هنا كانت البدايه في مشوار تدميرها. 

RAHMA NABIL 美心

انهت مليكه من خياطه سندس وقبلت رأسها فهي قد سقطت في النوم من التعب تركت نورا بجانبها وخرجت لتعالج حمزه ولكن عند خروجها للصاله لم تجد احد سوي اميره التي كانت تحمل صينيه طعام فاعطتها لها وهي تخبرها ببسمه / حمزه في الاوضة خدي الاكل ليه 

نظرت لها مليكه بخجل / بس انا مش.....

قاطعتها اميره ببسمه / حمزه جوزك يا مليكه يلا روحي شوفيه لانه شكله تعبان اوي 

هزت مليكه رأسها وأخذت منها الصينيه واتجهت حيث أشارت اميره ثم طرقت علي الباب بهدوء شديد ودخلت وجدته يتسطح علي فراشه دون الاهتمام ليده النازفه بجانبه وهو يضع يده الاخري علي عينه اقتربت منه بهدوء شديد ووضعت الصينيه علي طاوله بجانب الفراش ثم جلست علي ركبتها بجانب فراشه وابتسمت بحنان 

ثم مدت يدها بتردد وقامت بازاحه خصلته الساقطه باهمال وهي لا تعرف ماذا تفعل الان كل ما تعرفه هي انها لا تود تركه وحيدا في هذه الحاله اقتربت منه أكثر وقبلت جبينه بحنان شعر هو بها وفتح عينه ونظر لها بتعجب بينما هي عادت للخلف بفزع فاصطدم  ظهرها بحافه الطاوله فمنعت صرخه ألم تخرج منها بينما هو نهض بفزع ونظر لها برعب وهو يرفعها ويمسد علي ظهرها / حصلك حاجه ها مليكتي حصلك حاجه انتي كويسه ظهرك بيوجعك

نظرت له مليكه وحاولت إخفاء المها وهزت رأسها بايجاب فنظر لها هو بدقه بينما هي لم تستطع الاستمرار في ادعاء انها بخير فهبطت دموعها وهي تهز رأسها بنفي / لا مش كويسه ده بيوجع آوي يا حمزه

ابتسم حمزه عليها ورفعها اليه بحنان وضمها لصدره وهو يربت علي ظهرها بكل حنان الدنيا الذي تعرفه في هذه اللحظه نظرت له مليكه وهي تشعر الان بكل الحنان الذي يفيض منه، بكل الحنان الذي فقدته فجأه شعرت بيده تحاول رفع فستانها فصرخت وهي تبتعد عنه / عيب ياحمزه بتعمل ايه

نظر لها حمزه وهو يضم حاجبيه بدهشه / هشوف ظهرك يمكن اتجرح من الكمودينو

هزت رأسها بنفي وقد تحولت خدودها للون الاحمر الداكن / لا لا خلاص مفيش حاجه

ضحك حمزه بشده وجذبها اليه مجددا وهو يربت بحنان ورقه علي ظهره صعودا وهبوطا ويهمس لها بحب وعشق أجمل الكلمات بينما هي نست من تكون ونست كل شئ لا تتذكر فقط سوي وجودها بين احضانه بينما هو ابتسم بشده عليها وظل يحتضنها هكذا لدقائق او ساعات لا يعلم ولكن كل ما يعلمه انه لا يتمني ان يمر الوقت أبدا

RAHMA NABIL 美心

كان أندرو قد انتهي من عمله متأخرا جدا وكان علي وشك ان يغادر ولكن حينما خرج من مكتبه تفاجأ بمن تنام علي المقعد امام مكتبه اقترب منها وانحني علي ركبتيه  وهو يتأملها ببسمه حنونه مشتاقه وقد نسي تماما من هو واين هو فقط يتذكر اول لقائتهم

F. B

دخل أندرو للمكتب وهو يتحدث / فيه إيه

تحدث زميله وهو يشير له / تعالي يا أندرو متاخديش في بالك محضر بس بسيط

بينما أندرو كان لايهتم فقط ينظر لتلك الجميله التي تبكي وبشده ووالدها الذي يضمها بقله حيله

تحدث أندرو وهو لم ينزع عينه عنها /فيه إيه

تحدث زميله / الاستاذ اللي هناك ده كان مستلف من حد مبلغ بس اتأخر في سداده فالراجل اللي استلف منه قدم بلاغ ضده

هز أندرو رأسه /كام المبلغ

نظر له صديقه بتعجب / نعم

أندرو وهو ينظر له / إيه بقولك كام المبلغ

نظر صديقه في الورق امامه / 50 الف جنيه

هز أندرو رأسه وهو يتحدث / تمام المبلغ عندي اخلي سبيله

ثم كاد يخرج من هنا قبل أن يفقد عقله بسبب هذه الجنيه الصغيره ولكن سمع صوت ملائكي وهو يتحدث بعناد / احنا مش شحاتين شكرا ليك خلي فلوسك ليك

توقف أندرو عن السير واستدار لها ببطئ ونظر لها بدقه / نعم اتفضلي

تحدثت الفتاه بعناد وهي تنظر له / بقول لحضرتك شكرا احنا مش شحاتين

فرط أندرو ذقنه ببسمه بارده / وانا موجهتلكيش انتي كلام كلامي كان مع والدك

ثم نظر لصديقه / خلص الموضوع وابعتلي الوصولات

تحدثت الفتاه باندفاع / انت مسمعتنيش بقولك مش عايزين حاجه احنا عندنا فلوس بس....

قاطعها والدها / هيلانه

نظرت لوالدها بتذمر بينما اتسعت ابتسامه أندرو بشده وتحدث لها / طيب يا انسه هيلانو لما الفلوس الكتير بتاعتك تكون موجوده ابقي رديها

ثم نظر لصديقه/ معلش خلص الموضوع وخليهم يمشوا عن اذنكم

ثم خرج وهو يبتسم / والله يابنتي أنا بس كنت بعاكس بس بعد الاسم ده والسلسلة بتاعتك عششتي في دماغي

ثم ضحك بشده

بينما في الداخل تكاد هيلانه تحترق كليا مما حدث

B

ابتسم أندرو  وهو ينظر لها بحنان ثم همس باسمها / انسه هيلانو انسه هيلانو

استيقظت هيلانه بفزع وهي تنظر حولها فوجدته يجلس امامها ويرفع حاجبه بمشاكسه / إيه يا انسه هيلانو اللي مقعدك هنا كده

نظرت له هيلانه بشرار / اسمي هيلانه

ابتسم أندرو ببرود / سيان مفيش فرق المهم بتعملي ايه في الوقت ده هنا

نظرت هيلانه حولها وهي تنظر له بتعجب / ليه الساعه كام

ابتسم أندرو ونظر لساعته / الساعه 5 يا انسه إزاي قاعده كده

فزعت هيلانه بشده / إيه خمسه يا نهار اسود

نظر لها أندرو بتعجب / اهدي اهدي انتي هنا ليه اصلا جايه مع والدك 

هيلانه وهي تخرج من حقيبتها بعض النقود / دي فلوسك شكرا جدا ليك 

نظر أندرو ليدها / يعني انتي قاعده كل ده هنا للوقت ده عشان الفلوس دي

هزت رأسها / أنا جيت قالولي انك مشغول آوي فقولت استناك ومحستش بنفسي

هز أندرو رأسه وهو يمسح وجهه بغضب / طب اتفضلي اوصلك في طريقي

هيلانه بعناد وكبرياء / لا شكرا هشوف تاكسي

ضربها أندرو علي رأسها / انتي يابت هبله ها

ثم اخذ يطرق علي رأسها باصبعه / دي فيها عقل ولا فرده جذمه بقولك الساعه خمسه هتلاقي تاكسي فين وفرضا لقيتي تاكسي حضرتك هتركبي تاكسي في الوقت ده عادي انجري قدامي

وضعت هيلانه يدها في خصرها بسخريه / يا سلام اللي يخليني مركبش تاكسي دلوقتي يخليني مركبش معاك

رفعها أندرو من ثيابها من الخلف وهو يدفعها امامه / امشي يابت عشان انا مش طايق نفسي

بينما هيلانه تحاول الافلات منه / علي فكره انت اخدتني علي خوانه بالك لو ما اخدتنيش علي خوانه مكنتش متعلقه التعليقه  دي دلوقتي

ضحك أندرو عليها وهو يخرج بها من المركز

RAHMA NABIL 美心

كان حمزه مايزال يضم اليه مليكه بشده ويقبل رأسها بحنان ولكن فجأه شعر بها تنتفض من احضانه بفزع وتمسك يده وهي تصرخ / نسيت ايدك اسفه والله اسفه 

نظر إليها حمزه لثواني ثم انفجر ضاحكا وضرب رأسها بيده / امشي يا بت ده انتي فصيله يا خربيتك 

ضحكت مليكه وهي تمسك بيده ثم تحضر بعض القطن وتمسح الدم الذي أصبح متجمدا علي يده لذا تركته وذهبت واحضرت وعاء به ماء وأخذت تمسح الدم عنه ثم وضعت مخدر موضعي ثم اخذت تخيط جرحه بدقه وحذر  بينما هو فقط يشرد في عيونها ويبتسم دون وعي وبعد مرور ربع ساعه انهت مليكه كل شئ ونظرت له وجدته شارد بها فخجلت / احم احم حمزه 

فاق حمزه / نعم 

أشارت مليكه علي النافذه / النهار بيطلع واحنا فوتنا الفجر 

استغفر حمزه ربه علي ذلك ثم نهض وهو ينظر للخارج وجدت الشمس لم تشرق بعد 

لذا اسرع وهو يخبرها / اتوضي يلا يا مليكه عشان نصلي

نظرت له مليكه لدقائق فعاد لها بعد أن نهض وأشار بيده امامها / مليكه انتي سمعاني 

هزت مليكه رأسها 

فمد يده وهو يضعها علي خدها بحنان / مالك يا مليكتي 

مليكه وهي تنظر وتهز رأسها بنفي / مفيش بس انت قصدك اننا هنصلي سوا وكده يعني 

ابتسم حمزه بتعجب / آه هنصلي سوا كده كده فوت صلاه المسجد فهصلي هنا فليه منصليش سوا ولا انتي مش عايزه اني ابقي أمامك 

هزت مليكه رأسها ثم نهضت بسرعه /هروح اتوضي بسرعه 

ثم ذهبت من امامه بينما هو خرج ليتوضأ في لمرحاض الخارج وقابل أثناء خروجه احمد وقد عاد من الخارج بعد أن انهي صلاته وجلس في المسجد قليلا تحدث حمزه معاتبا / ليه يا احمد منادتش عليا عشان اصلي في المسجد 

احمد ببسمه وهو يربت علي كتفه / ماما قالتلي انك تعبان يا حمزه عشان كده قولت ترتاح انهارده 

هز حمزه رأسه ولكن اكمل / آيوه بس ده ميمنعش انك تناديني برضو 

ابتسم احمد بخبث / يابني والله كنت جاي اناديك بس لقيتك مشغول 

نظر حمزه بدقه بنظره الخبث هذه / تقصد ايه بلقيتني مشغول 

ضحك احمد وهو يتجه لغرفته ويقلد صوت مليكه / عيب يا حمزه بتعمل ايه 

ثم نظر لحمزه / مش عيب يا أخ حمزه اتقي الله شويه اخص عليك اخص 

نظر له حمزه بصدمه فهو يقصد كلام مليكه عندما حاول رؤيه جرحها / يا حيوان انت فهمت ايه تعالي هنا 

ركض احمد لغرفته وهو يضحك بشده بينما حمزه وقف بغضب / انت أساسا اللي دماغك مش مظبوطه يا سافل انت 

ثم تركه وذهب بغضب شديد من أخيه 

بينما ضحك احمد عليه وأخرج هاتفه وهاتف ميار والتي كانت في زفاف قريبتها لذا كانت مسافره واليوم موعد عودتها 

احمد بحنان / سلام عليكم 

ميار ببسمه وهي تبتعد عن الجميع / عليكم السلام ازيك يا احمد وحشتني 

احمد بمزاح / يابت اتقلي يخربيتك عارف اني قمور ومز وكل حاجه بس اتقلي شويه. 

ضحكت ميار بشده / مش هتتغير أبدا 

احمد بضحكه / اعمل ايه يابنتي التواضع ده مش صفه لا ده اسلوب حياه 

ضحكت ميار وأخذت تتحدث معه كثيرا وهي لا تشعر بالوقت بجانبه 

RAHMA NABIL 美心

  

كان حمزه يصلي ومعه مليكه التي كان قلبها يرتجف من الفرحه فها هي قد منّ الله عليها ورزقها برجل اكثر مما تمنت في حياتها كانت دموعها تهبط تأثرا من الموقف وصوت تلاوته التي جعلتها تقشعر من حلاوتها 

انهي حمزه الصلاه ونظر لها ومسح دموعها بحنان وقبل رأسها ثم اخذ يدها واخذ يسبح عليها وهي تنظر له ببسمه وهو ينظر ليدها ويكمل تسبيح وهي فقط هائمه به 

RAHMA NABIL 美心

عند المجهول 2 كان يجلس وامامه تجلس تسنيم وهي ترتجف وتبكي / والله العظيم انا كنت خايفه منها دي هددتني وكانت ه... 

قاطعها المجهول بصراخ / تقومي تهربي يا حيوانه انا اللي غلطان اني دخلت عيله زيك للعبه كبير زي دي طلعتي هبله وميعتمدش عليكي زيك زي امك بالضبط هبله وجبانة 

نظرت له تسنيم ببكاء وعيون حمراء / ماما مش جبانه ماما ست مش بتحب المشاكل وياما حذرتني منك بس انا مستمعتش كلامها يا رتني سمعت كلامها يا رتني سمعت كلامها كان زماني عايشه طبيعي 

كانت تقول كلامها وهي تضرب بيدها علي قدمها بحسره وهي تبكي وتنوح علي كل ما خسرته ولكن هيهات لا تجدي الندامه 

نظر لها الرجل بسخريه / لا ياروح امك انت هنا بمزاجك مضربتكيش علي ايدك عشان تيجي وتترمي تحت رجلي زي الكلبه 

نظرت له تسنيم بصدمه ودموع / اترمي تحت رجلك زي الكلبه انا بس جيت عشان اساعدك لما قولتلي علي انتقامك كنت عايزه اساعدك عايزه اساعد ابويا 

نظر لها الرجل ببسمه كريهه / طب ياروح ابوكي دلوقتي انا لسه محتاج مساعدتك 

نظرت له تسينم بتعجب فاكمل هو / هتروحي تقابلي السعيد بذات نفسه وتقوليله اللي فهمتك تعمليه من الاول بس مع تعديل بسيط 

صدمت تسنيم من حديثه / بس الكل عرف الحقيقه اقوله ايه ده ممكن يقتلني علي إللي عملته في حفيده 

ضحك المجهول بشده / لا يا ختي دول ناس بتوع قال الله وقال الرسول ولو حد طلب اي مساعده بيساعدوه حتي ولو علي حسابهم من حسن حظي وحظك انهم طيبين زياده عن اللزوم فده في حد ذاته في صالحنا 

تسنيم بصدمه / انت لا يمكن تكون اب عايز ترمي بنتك رميه زي دي والله اعلم هيعملوا فيا ايه ولا مراته دي مرات حمزه لوحدها مرعبه انت مشوفتش كانت بتكلمني إزاي دي عارفه مين اللي بعتني يعني احتمال تكون عارفاك 

المجهول بضجر / اسمعي يابت انتي، انتي اللي جيتي من الاول وعرضتي مساعدتي مقابل اني ارجع والدتك لذمتي تآني وانا وعدتك لو حققت انتقامي من عيله السعيد هرجع والدتك غير كده تنسي اما بالنسبه لمراته ديه فأنا بقي عندي اللي يكسرها العمر كله ها دلوقتي هتنفذي اللي انا عايزه وانا هرجع امك لذمتي 

تسنيم بصراخ وبكاء / ده كان زمان لما كنت فكراك اب بيخاف علي بنته وزوج كويس بس طلعت اب فاشل رميت بنتك لكلب من كلابك ينهش في لحمي 

جذبها المجهول من حجابها بحده وصرخ بها / اسمعي يابت انتي قسما بربي لو ما عملتي اللي عايزاه لكون قتلك انتي وامك 

ضحكت تسنيم بألم وسخريه / بتقسم بالله هو إنت تعرف ربك يا أخي ده انت شيطان حسبي الله ونعم الوكيل فيك 

حسبي الله ونعم الوكيل فيك هعيش عمري كله ادعي عليك من كل قلبي ربنا ينتقم منك يا أخي ربنا ينتقم منك بس انا اللي استاهل لاني كنت هظلم شخص ملوش ذنب معايا قام ربنا انتقم مني 

ضحك المجهول وهو يلقيها بشده / طب يا ختي خلي توبتك دي لما نخلص بعدين ابقي توبي 

ثم نظر لها بشر / اللي قولته يتنفذ بالحرف انتي فاهمه 

نظرت له تسنيم بوجع وهي تتوعد له بداخلها ولكن أولا يجب عليها كسب ثقته مجددا وهذا لن يتم شوي بتنفيذ ما طلبه اغمضت عينها بألم وهي تعتذر بداخلها لحمزه عما ستفعله ولكن لكل حرب ضحايا وقد قدر لحمزه ان يكون هو ضحيه هذه الحرب 

ولكن من يعلم من سيكون ضحية الحرب فحمزه ليس بالخصم السهل وايضا المجهول ليس بالعدو الذي يستسلم ولا احد يعرف نهايه الحرب 

RAHMA NABIL 美心

استيقظت ياسمين وهي تسمع صوت ضجه بالخارج فركت عينها بانزعاج وهي تخرج ولكن صدمت مما تري فقد كان اساس المنزل جميعا مقلوب رأسا علي عقب والسجاد ملقي باهمال والستائر أيضا ملقاه أرضا رفعت نظرها وجدت سعديه ترتدي عباءه وتربطها علي خصرها وتربط حجاب قصير علي رأسها وتقوم بنفض الأساس صرخت ياسمين /الله يخربيتك يا سعديه بتعملي ايه 

نظرت لها سعديه بتذمر / فيه اي يا بت انتي اصطبحي كده مش شيفاني بنفض البيت يا معفنه ده العنكبوت عشش فيه إيه ام النتانه بتاعتك دي 

ياسمين بصراخ / نتانه ايه ده انا لسه غسله السجاد والمفارش من يومين يا شيخه 

سعديه بدلع / أصل لازم للبيت يكون نضيف عشان أيوب جاي انهارده يتقدملي 

ياسمين بتشنج / ي.. ايه يا ختي يتقدلمك ده انتي امبارح هزأتيه في نهايه المكالمه وعماله تقولي معفن ومش معفن 

سعديه ببسمه / لا محنا اتصالحنا وقالي انه هيكلم اخته ويجي يطلبني   

ضربت ياسمين كف علي كف وهي تدخل بغرفتها وترتدي ثياب / انا هنزل اجيب فطار  بدل ما اقتلك وانتي لسه عروسه علي وش جواز كده 

ثم خرجت وهي تستعوض الله في عقلها الذي ستفقده بسبب سعديه وصلت لباب المنزل وهي تري ان الحركه مازالت خفيفه في الشارع خرجت من الشارع وهي تسير جهه محل خارج الحاره ولكن أثناء سيرها وجدت أسر يسير بلا هدي وهو شارد كان يحمل جاكت بدلته علي كتفه باهمال وهو لا يشعر بأحد ترددت للذهاب اليه ولكن ركضت حينما رأت موتور يكاد يصطدم به 

جذبته بسرعه فسقط في احضانها بدون مقاومه وبضعف شديد وهي بلا وعي كانت تضم زراعه وتناديه / أسر أسر مالك أسر انت كويس يا أسر 

نظر لها أسر بعيون شارده وهمس لها بكلمه واحده لم تفهمها  / أنا السبب 

لم تكد تستفسر منه عما يقصده حتي سمعت صرخه بجانبها / يا دي الفضايح الشيخه ياسمين بتعملي ايه يا شيخه وفي نص الشارع ده انتي مبقاش عندك حيا خالص 

............. 

استووووووووب خلص الفصل اتمني يعجبكم يارب ومستنيه تعليقكم عليه ورأيكم فيه وتوقعكم لبارت يوم الحد 

بفكركم تآني مواعيد روايه جميله حد الفتنه الجديده هي 

من الحد للاربع الساعه 8 

يعني كل يوم ما عدا الجمعه والسبت وده لاني عندي امتحانات والله 

المهم

دمتم سالمين 

RAHMA NABIL 美心

#جميلة_حد_الفتنه

#حياة_حمزة

#الفصل_السابع_عشر

ربما فقدت ما أردت لكنك ستنال خيرا مما أردت؛لأن *الله* هو من يعوض..!♥️🌍

~قيااام الليل ي حفيدات عائشه♥️🌍~

يا من أنابُوا للعظيم وأسلمُوا بالشُكر للمولى الكريم ترنّموا يا من تحبون الرسول محمدا صلُّوا على خير الأنام وسلّموا...🌙☁️

RAHMA NABIL 美心

نظرت ياسمين بشر وجدتها تلك الفتاه السمجه التي تدعي هند حيث كانت ذاهبه لتفتح محل البقاله الخاص بهم فوجدتها في هذا الوضع لذا استغلت وبكل خبث ما يحدث 

تحدثت هند وهي تصرخ باعلي صوت / تعالوا يا ناس شوفوا اللي بيحصل تربيه الحج سعيد اللي الكل طالع بيها وافقه في حضن شاب في نص الشارع من غير ذره خجل واحده وبكل بجاحه 

اجتمع الجميع حولها وعلت الهمهمات بشده عليهم بينما ياسمين تنظر بشر لهند فها هي ترد لها تلك المره التي صرخت عليها في الشارع بسبب سخريتها من ذلك الطفل مصطفي ثواني وكانت هند تسقط أرضا وهي تصرخ وسعديه فوقها وهي تضربها بخفها بشده وتصرخ بها / مين دي يابنت ال..   اللي مش متربيه ها 

كانت أنظار ياسمين مصوبه فقط علي هند التي صرخت من تحت سعديه / ياختي بدل ما تضربيني لمي حفيدتك اللي من ساعه ما الاستاذ ده رجله خطت الحاره وهي بتجري وراه والله اعلم عملت ايه غير الحضن

علت صيحات الاستنكار حولهم بينما أسر تحولت عينه لحمراء وبشده ركض لها وكاد يسحبها من أسفل سعديه ولكن وجد يد تمنعه نظر وجده ادهم وهو ينظر له نظره غامضه في نفس الوقت الذي هبط فيه رامي وهو يستند علي الجدار بسبب قدمه وهو يصرخ بالجميع / بتتفرجوا علي إيه منك ليه

ابعدت هند سعديه من فوقها وهي تصرخ بشماته / اوووه الدكتور رامي اللي بيتباهي في كل حته باخته الشيخه ياسمين تعالي شوف يا دكتور اختك حطت راسك في الطين

صرخ أسر بحده وادهم يمسكه / اخرسي دي أشرف منك انتي وعينتك كلها

هند بسخريه / علي الاقل عينتي دي مش بتشمي تحضن في رجاله غرب في نص الشارع

كانت ياسمين تقف ودموعها تهبط بهدوء  شعرت بأحد يجذبها لاحضانه بشده نظرت وجدتها سعديه تنظر لها بقوه / متعيطيش انتي مش غلطانه وانا واثقه فيكي وفي تربيتي ولو العالم كله جه قالي ياسمين غلطت هكدب العالم كله وهصدق بنتي اللي ربتها حطي صباعك في عين التخين منهم وامشي مرفوعه الراس انتي مغلطتيش وانا ابصم علي كده

ضمتها ياسمين بشده وهي تبكي كادت هند تتحدث مجددا لولا الصوت الذي صدح / فيه إيه منك له

نظر الجميع باحترام للحاج سعيده الذي ركض له الطفل مصطفي وهو يبكي ويخبره ان هند ابكت ياسمين وعندها خرج وسمع كل شئ وخلفه احمد وحمزه وايضا مليكه التي رأت كل شئ من نافذتها رغم البعد فهبطت سريعا

نظر حمزه حوله وجد بعض للرجال  ينظرون خلفه بانتباه نظر بتعجب وجد مليكه نست ان ترتدي النقاب من الخوف علي أخيها فقط كانت ترتدي حجاب طويل احمرت عيون حمزه بشده وصرخ بهم بهياج مرعب لأول مره يراه الجميع  / عينك منك ليه لاقلعها ليكم 

نظر الرجلان في الأرض بحرج، ركض حمزه  لها وجذبها بسرعه كبيره كأن احد يركض خلفه  بينما هي تتحدث / استني يا حمزه أسر اشوفه بس استني

ولكنه كان فقط يضغط علي يدها وهو يصرخ بها / ولا كلمه اخرسي

RAHMA NABIL 美心

بينما في الخارج

ركض احمد ووقف بجوار اخته وجذبها لاحضانه وهو يقبل رأسها / بس يا حبيبتي متقلقيش جدو هيحل الموضوع

بكت ياسمين اكثر وهي تتحدث له بخفوت / والله يا احمد ما عملتش حاجه

ضمها احمد بشده ونظر لرامي الذي لم يستطع الوقوف وحده فامسكته سعديه وعيونه التي أصبحت بلون الدماء ودموعه التي علي مشارف السقوط همس احمد لياسمين/ ياسمين اهدي كده عشان رامي مش هيستحمل زعلك هو ماسك نفسه بالعافيه

نظرت ياسمين جهه رامي وعندما رأت حالته تركت احمد وركضت له وسندته وهي تضمه بشده وتبكي بينما هو ضمها اليه بحنان وسقطت دموعه علي صغيرته التي تصبح الجميع يتحدث عنها الان همس لها بصوت يحمل الوعيد / قسما بربي يا ياسمين ما هخلي حد يزعلك ياقلب اخوكي هاخد حقك من كل واحد قال كلمه عنك

همست له ياسمين بصوت مبحوح / مصدقاك يا رامي انت سندي في الدنيا يارامي خليك قوي يا حبيبي

تحدث سعيد بعدما جاء عامر وصرخ بالجميع فاسكتهم

عامر بحده / جرا ايه هو مولد ولا إيه

ثم نظر لهند بشر التي حضر والدها ونظر لها بخيبه امل وحزن علي سواد قلبها هذا

عامر بسخريه / ولا هو اي حد يقول كلمه نردد وراه من غير ما نفهم ايه يا رجاله ماشاء الله شايفكم هتقلبوا علي نسوان اهو واي سهرايه نحكي ونتحاكي فيها

تحدث احد الرجال باعتراض / جرا ايه يا استاذ عامر هو انتم متعرفوش تربوا بناتكم وتيجي تلوش في الكل

عامر بصراخ / بنات السعيد ضفرها برقبه اي ست هنا انت سامع منك ليه علي الاقل بناتنا مش كل ثانيه نلاقيهم قاعدين في نص الشارع يتفرجوا علي إللي رايح واللي جاي وشغالين نميمه وغيبه ولا ايه ياسمير 

خجل سمير ونظر أرضا

بينما تحدث سعيد / خلاص كل واحد قال كلمته طب اسمعوا انا حفيدتي لا غبار عليها واظن الحاره كلها تشهد بكده واقدر اقول كده وانا واثق ميه في الميه منها بعدين واحده ولقت جوزها تعبان مش واجب تسنده ولا إيه

علت الهمهمات في الحاضرين بينما تيبست يد ياسمين التي تلتف حول رامي ونظرت لأسر الذي كانت ملامحه جامده بطريقه مرعبه

اكمل سعيد / زي ما سمعتوا كلكم أسر وياسمين كتبوا كتابهم من يومين بس بسبب ظروف ام فاروق واللي حصل ماجتش مناسبه اني اقول وأعلن كده بس للاسف معرفش انكم رميتوا ودانكم للنسوان تجيبكم بكلمه وتوديكم بكلمه

قال آخر كلماته وهو ينظر بشر لهند التي ابتلعت ريقها بتوتر

تحدث احك الرجال بخجل / يا حاج سعيد يعني نعمل ايه لما نسمع ان واحده حاضنه راجل في الشارع الكلام ده يمكن بره عادي بس هنا لا

سعيد وهو يضرب بعصاه أرضا / تحط عذر واتنين وتلاته واربعه مش يمكن الشخص ده بيموت وهي تسنده او مريض مثلا ولا اي حاجه تخلوا افكاركم القذره تطلع فيه

ده ربك بيقول (يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ )

تحدث احد الرجال بخجل / اسفين يا حاج والله حقك انت والمدام ياسمين علي راسنا كلنا

اهتز قلب ياسمين من كلمته ونظرت لأسر الذي كان يثبت عينه عليها وكأنها الوحيده هنا

هز سعيد رأسه / اتمني بعد كده الكل ياخد باله من الفتنه وبلاش تصدقوا اي حد من غير ما تشوفوا بعينكم ولو شوفتوا بعينكم حطوا عذر واتنين لحد ماتبان الحقيقه

ثم نظر لعم حسين / اتمني تعلم بنتك يا حسين تحترم نفسها وتحترم غيرها انا قبل كده فوت ليها حجات كتير بس لحد حفيدتي ومش هسكت ولا إيه يا هند

وضعت هند وجهها أرضا بخجل وهي تعلم انه يتحدث عما فعلته قديما حيث قام سعيد في احد المرات بامساكها في وضع سئ مع احد عمال عطارته في احد مخازنه حيث كان متقارب منها بطريقه قذره ولكن وقتها ترجته وقبلت قدمه الا يفضحها

تحدث سعيد وهو يرحل / أصل الحرامي فاكر الكل حراميه زيه بعيد عنك

نظر الحاج سعيد لرامي / هات اختك وجدتك وتعالي ورايا

ثم رحل وخلفه احمد الذي امسك أسر وعاد للمنزل ومعهم رامي وسعديه بينما ادهم نظر لعم حسين وهو يسحب ابنته بحده ويصرخ بها وهي تتحدث معه بتذمر ابتسم ادهم بخبث / امممممممم هند، شكلنا هنتسلي شويه

ثم دخل للمنزل خلف الجميع بكل برود حيث كانت جميع النساء في الأسفل ينتظرون دخول الحاج ومعه الجميع بعد أن منع سعيد اي امرأه من الخروج 

بينما دخل حمزه لشقتهم ثم لغرفته وادخل مليكه بحده بها وأغلق الباب ونظر لها بشر وتحدث بفحيح / اقدر اعرف ايه ده

مليكه بخوف وهي لا تفهم ما يقصده / في إيه يا حمزه انا مش فا....

صرخت وهو يجذبها بحده لتقف امام المرآه وهو يقف خلفها ويمسك وجهها / ده ايه ده

فزعت مليكه وقد فهمت مقصده فهي تقسم انها لم تعي ما تفعله هي فقط سمعت ضوضاء عاليه ونظرت وجدت تلك الفتاه التي تعمل في البقاله وهي تصرخ باخيها وياسمين

فأخذت حجابها وركضت دون أن تنتبه انها لم ترتدي النقاب نظرت لعيون حمزه الحمراء وهو يمسك وجهها بشده فتحدثت بخفوت وحرج / والله يا حمزه ما اخدت بالي والله أنا نزلت علي طول ونسي.....

صرخ حمزه وهو يجعلها تستدير له ويهزها من كتفها / نسيتي ايه انتي بتستهبلي شوفتي كام راجل شافك وقعد يتأمل فيكي

ثم صرخ وهو يتذكر نظرات الرجال لها وقد شعر بنار تأكله / انتي مشوفتيش كانوا بيبصوا إزاي ولا نظرتهم كانت بتقول ايه دول.. دول كانوا......

صرخ بحده وهو يكسر كل زجاجات عطره / اااااه

بينما هي عادت للخلف برعب وهي تهز رأسها برفض

جلس علي الاريكه وهو يضع يده علي رأسه ونظرات الرجال لا تتركه وحاله لن ينسي نظرتهم لها أبدا يشعر بقلبه يشتعل وبشده لقد كانت له هو فقط هو فقط من يحق له رؤيتها وليس هم وليس احد اخر ماذا يفعل هل يقتلهم حتي لا يتخيلوا زوجته

شعر بدموع تهبط علي قدمه رفع وجهه وجد مليكه تجلس أرضا وتضع رأسها علي قدمه وتبكي وتتحدث بلا وعي / اسفه يا حمزه والله العظيم ما اخدت بالي اخر مره والله يا حمزه احر مره حبا بالله متزعلش مني

تصدع قلب حمزه من نظراتها المترجيه فرفع رأسها ورفعها هي واجلسها بجواره وضم رأسها لصدره بشده وهو يهمس لها بحنانه المعتاد / اشششش خلاص اسف انا كنت متعصب خلاص متعيطيش

ضمته مليكه بحزن / يعني مش زعلان مني

حمزه وهو يقبل رأسها / لا مش زعلان منك مقدرش يا مليكه ازعل منك المهم انتي مش زعلانه مني صح

هزت رأسها وهي تدفنها اكثر في صدره / اها مش زعلانه منك

ابتسم حمزه بشده وضمها اليه وهو يغمض عينه يحاول تم يمحي تلك اللحظه من رأسه وتحدث / اخر مره يا مليكه تقعدي تحت رجلي كده انتي مكانك فوق راسي مهما يحصل حتي في عصبيتي مكانك فوق راسي يا مليكه فاهمه 

هزت مليكه رأسها بإيجاب وهي تبتسم له بحب وعشق تخصه به وحده 

بينما علي القهوه في الحاره كان يجلس ثلاث رجال يتحدثون فيما حدث

فقال أحدهم / بس سيبك انت من كل ده ماشوفتش الملاك اللي خرج من بيت الحاج سعيد ده يخربيت كده يا أخي هو فيه نسوان كده ده علي كده احنا متجوزين غفر

تحدث اخر وهو يمسد علي صدره / ااااه يا جدع البت لهطه قشطه يخربيتها ده الواد حمزه ده محظوظ بطريقه

تحدث الثالث وهو يحرج دخان الشيشه من أنفه وفمه في صوره قذره / البت دي دخلت دماغي وعششت فيها اتاري حمزه مغطيها من راسها لرجولها ده لو مراتي هكفنها

ضحك احد الرجال / هههههههههه مرات مين مراتك انت

تحدث الرجل وهو يرفع حاجبه / وايه اللي يضحك منفعش ولا إيه

خلف الرجل منه وتراجع / مش القصد يا معلم عوض بس البنت متجوزه أساسا ده غير انك متجوز تلاته ولسه مطلق الرابعه بعدين البت ديه نضيفه متنفعش للعيشه الخشنه بتاعتنا دي

تحدث عوض وهو يخرج الدخان / ومالها العيشه بتاعتنا طب ده انا اكبر محلات نجاره في الحاره كلها بتاعتي بعدين الشرع محلل اربعه

تحدث الرجل الأول بسخريه / انت عمال تتكلم ولا اكنها واحده عازبه دي متجوزه يا معلم فاهم يعني ايه متجوزه

عوض وهو ينفث الدخان وينظر له بشرود / وماله تتطلق

RAHMA NABIL 美心

كان الجميع يجلس في الصاله بعد أن تجمعوا بينما كان الحاج سعيد يجلس بكل هيبه ويستند علي عصاه وهو ينظر للجميع نظرت ياسمين لرامي الذي ربت علي يدها بحنان فتحدثت وهي تدمع / جدي والله العظيم انا بس كنت بش.....

قاطعها أسر بغضب شديد / متبرريش حاجه انتي مش غلطانه عشان تبرري

نظرت له ياسمين بفزع من صراخه بينما هو كان يتنفس بحده وهو يتذكر حديث هذه الفتاه الوقحه وبكاء ياسمين كان يمسح وجهه بغضب شديد

تحدث سعيد بهدوء مخيف / اقعد يا أسر

نظر له أسر /يا جدي ما هي ال....

قاطعه سعيد بصوت حاد اكثر /  أنا قولت كلمه ايه مش هتحترمني ولا إيه

نظر أسر أرضا بخجل / العفو يا جدي

ثم جلس في نفس الوقت الذي هبطت فيه صوفي وهي تسير بكل برود ثم اخذت تشاهد ما يحدث بكل برود

بينما ساميه تنظر للجميع ببسمه خبيثه وعبير اعتزلت الجميع ورفضت الهبوط

تحدث أسر بهدوء / يا جدي والله ما حصل حاجه اللي حصل هو.....

‏ثم اخذ يقص له ما حدث مع عدم ذكر حاله ملك بالتحديد

‏نظر له سعيد وهز رأسه / أنا مش مستني منك تبرير انا واثق كويس من احفادي وتربيتي

‏اسر وهو يمسح وجهه / يعني انت مصدقني يا جدي طب ليه مخلتش حد يوقف البنت دي عند حدها

‏الحاج سعيد / احنا لو هنمشي نبرر للكل تصرفاتنا يبقي بنحط نفسنا في موضوع اتهام واحنا معملناش حاجه

‏تنهد أسر بتعب وإرهاق /طب والعمل يعني نسيبهم يتكلموا علينا

‏ااحاج سعيد بنظره ثاقبه / الحل انا قولته بره وهو اللي هيسكت الكل

‏نظر له أسر بسرعه / يعني اللي قولته بره ده....

‏هز سعيد رأسه / آيوه انهارده كتب كتابكم انتم الاتنين

‏رفعت ياسمين رأسها بفزع من أحضان أخيها

‏فنظر لها سعيد بدقه / رأيك ايه يا ياسمين

‏نظرت ياسمين لرامي وهي لاتري من دموعها فضمها رامي بشده اليه واخذ نفس ليهدأ نفسه / يا جدي هي مش....

‏ترقف عندما سمع أسر يتحدث / ممكن يا جدي اكلم ياسمين لوحدنا

‏نظر له رامي بتعجب /لوحدكم ليه

‏اسر / احم احم معلش حابب اتكلم شويه معاها بس

‏نظرت باسمين لرامي فنظر رامي لجده فتحدث سعيد / قومي يا ياسمين اتكلموا وشوفي عايز ايه وخدي رأيك واي كلمه هتقوليها يابنتي هي اللي هتتنفذ

‏نهضت ياسمين فاشار لها أسر فذهبت معه ببطئ بينما هو سار خلفها وهو يفكر فيما سيفعله ولكن اكمل سير خلفها حتي وصلوا لمكان قريب منهم ولكن منعزل عن الجميع

‏في نفس الوقت الذي هبط في حمزه وهو يمسك بمليكه بتملك شديد ومازال ما رآه يؤرقه نظر للجميع وتحدث / حصل ايه

‏تنهد رامي بوجع واخذ يقص عليه ماحدث

‏بينما حمزه كان يضغط بدون وعي علي يد مليكه التي نظرت له بحنان وامسكت يده ليهدأ فتحدث بحده / وهي مين عشان تتهم اختي وترمي محصنات كده انا كلامي مع عم حسين عشان انا عديت ليها كتير

‏تحدث سعيد بهدوء مخيف / لا متخافش انا هتصرف يا حمزه انت بس خرج نفسك من الموضوع وبلاش تعمل مشاكل مع حد

‏هز حمزه رأسه بايجاب / طب وأسر وياسمين رأيهم ايه في كلام جدي 

‏ تحدث أسر من الخلف / احنا موافقين يا جدي 

RAHMA NABIL 美心

كان حمزه يسير في الحاره بعدما انهي النقاش مع عائلته في الداخل واستقروا علي عقد قران أسر وياسمين اليوم بحضور العائله والأقارب فقط كان يمسك يد مليكه حتي يخرج لسيارته علي أول الحارة ولكن اثناء مروره علي احد محلات النجاره في الحاره سمع حديث عوض الذي رآه يسير مع زوجته 

عوض بخبث وهو يضحك / الحاره يابني بقي فيها حلويات كتير اليومين دول ده الواحد خايف يجيله السكر هو فيه كده برضو 

شددت مليكه يدها علي يد حمزه بينما هو اكمل سيره وهو يتجاهله تماما عكس ما توقعت مليكه نهائيا بينما عوض لم يصمت عند ذلك واكمل / لا بس اخدت بالك ياض يا حماصه الحاجه المستورده بتفرق برضو مش زي المحلي طب ده عليها حته طله كده اللهم صل على النبي تخلي تجنن العاقل 

صمت حمزه واكمل طريقه ببرود شديد واخذ مليكه وخرجوا من الحاره بينما ضحك عوض بشده وتحدث بصوت عالي وصل لمسامع الجميع حتي حمزه ومليكه / يا أرض انهدي من الجمال اللي ماشي عليكي ده يا رتني كنت التراب ده 

وصل حمزه للسياره وفتح الباب لمليكه وصعد بجانبها وامسك يدها وقبلها وابتسم لها ثم أدار السياره بينما هي تنهدت براحه لتخطي الأمر ولكن تعجبت من هدوء حمزه نظرت له مطولا بدهشه وتفكير 

فتحدث وهو يمسك يدها / مفيش داعي اتعصب يا مليكتي خلينا نكون احنا الكويسين ونقول الله يسامحه 

فتحت مليكه فمها باتساع وهي تنظر له فضحك بشده / الله يا مليكتي انا طيب علي فكره ده انا حتي بيسموني حمزه بلسم الحاره حتي اسألي ام سعاد 

ضحكت مليكه بشده عليه ثم امسكت هي يده هذه المره وقبلتها بعشق / ربنا يديمك ليا يا حمزه انا حياتي بقت انت وبس يا حمزه 

نظر لها حمزه وجذب رأسها وقبلها بحنان وضمها لصدره / ويديمك ليا يا صغنن قلبي 

ضربته مليكه / صغنن مين يا حمزه دول هما سنتين بس 

حمزه بضحك / بنت عيب عليكي اللي اكبر منك بيوم يعرف عنك بسنه وانا أكبر منك بسنتين يعني شوفي بقي 

نظرت له مليكه بتذمر فقبل رأسها وهو يضحك واستمرت رحلتهم للمشفي بين ضحك ومغازله 

هبط حمزه من السياره فوقع نظره علي خده الذي كان عليه احمر شفاه فنظر من النافذه لمليكه / بت امليكه انتي حاطه روج يابت انتي ولا إيه 

مليكه وهي تتصنع الصدمه / أنا محصلش 

حمزه وهو يشير لخده /أمال إيه دي وحمة ولا إيه يابت 

ثم مد يده وامسك علبه المناديل /خدي امسحيه

مليكه بتذمر / ده تحت النقاب يا حمزه مش باين 

حمزه وهو يدخل رأسه من النافذه وكأنه علي وشك الهجوم عليها / ولما هو تحت النقاب يا حمزه بتحطيه ليه ها 

مليكه بحنق / مره من نفسي حطيته و.... 

قاطعها حمزه / امسحي الأول بعدين ارغي 

كادت مليكه تعترض فتحدث هو / هو مش انت هترفعي النقاب جوا ولا مش هترفعيه ها لو سيبتي الروج يا مليكه مش هخليكي ترفعي النقاب واخيلي تموتي مخنوقه جوا 

نظرت له مليكه بحنق وسحبت منه المنديل بعنف / طيب 

ثم مسحته فنظرت لها /?? happy

حمزه بسخريه / لا يا ختي مش happy لسه فيه حته بقولك هدخل انا امسحه 

اخذت مليكه تمسح شفتيها بعنف / اهو اهو خلاص 

ضحك حمزه / طيب يلا انزل بدل ما انا متعلق في شباك العربيه واتفهم غلط كده 

ضحكت مليكه وهبطت معه وسارت لتري اختها فقابلت طبيبها وفهمت منه كل شئ وعرفت ان ادهم اتفق علي نقلها اليوم لمصحي لعلاج الإدمان كان حمزه يقف معها ولا يتركها ويقويها وهي تتلقي صدمه ما وصلت اليه اختها هي تعلم بتعاطيها للمخدرات حتي انها في مره حبستها وسلمتها لمصحي ولكن ملك هربت وهددت مليكه بعدم التدخل أبدا حاولت أن تمنع عنها كل شئ ولكن ملك كانت اعند من ذلك واذا أرادت شئ حصلت عليه 

بعد أن انتهت مليكه من الحديث مع الطبيب أخذها حمزه لرؤيته ام فاروق فدخل معها لغرفتها واخذ ينظر لها بحزن وامسك يدها وقبلها وهو ينظر لها بحزن وبعد مرور ربع ساعه وهو يجلس معها ويتحدث معها وكأنها تسمعه 

نظر لمليكه وابتسم لها / هروح اشوف بابا وارجع علي طول خليكي معاهم ماشي 

هزت مليكه رأسها ببسمه

فتحدث وهو يخرج / لو رفعتي النقاب ابقي تقفلي الباب ماشي 

مليكه ببسمه /حاضر 

ابتسم لها حمزه ثم خرج وسرعان ما تحولت بسمته لامبث وهو يتجه للخارج ثم سيارته وانطلق بها باقصي سرعه وخلال عشر دقائق كان وصل للحاره مجددا هبط من سيارته واتجه لمحل عوض الذي كان مايزال يضحك ويتباهي بنفسه 

دخل حمزه للمحل وابتسم بخبث / اللي عايز ينجي بنفسه يطلع بره في خلال خمس ثواني 

.... 

استووووووووب خلص الفصل اتمني يكون عجبكم 

مستنيه رأيكم والتوقع 

دمتم سالمين 

RAHMA NABIL 美心

‏#جميلة_حد_الفتنه

#حياة_حمزة

#الفصل_الثامن_عشر

‏"اللهم إن موت الشباب قد كثر ، فاللهم اجرنا من الموت فجأه في ساعه الغفلة واحسن خاتمتنا وردنا إليك ردا جميلا".♥️🌍

إن الصلاة على النبي وآلهِ فيها الذنوب تهدمت تهديما إن مرَّ ذكرُ المصطفى في مجلسٍ صلوا عليه و سلموا تسليما

🌼

RAHMA NABIL 美心

كانت مليكه تمسك يد ام فاروق وهي تقبلها وتتحدث إليها بحنان /تعرفي ان من أكثر الأسباب اللي خلتني احب حمزه هو حنانه معاكي سمعت كتير عن قصه حبكم من الكل

ضحكت بخفوت ثم اكملت / لدرجه اني كنت بغير منك وبقول مين ام فاروق دي اللي بيحبها جوزي وعايزه اشوفها مصدقتش لما لقيت حمزه بيقولي هاخدك نشوفها

قبلت يدها بحنان / وقتها شوفت حمزه تآني ورعبه عليكي لما كان الراجل ده بيحاول يأذيكي

تنهدت بعشق / آه لو تعرفي انا بعشقه قد ايه عارفه مش هتصدقي بس انا لسه برضو بغير منك لأن فيه جزء من قلب حمزه بيحبك بس برجع اقول مش مشكله انا حاليا هكتفي بجزء من قلبه

ضحكت / بس بعد كده هاخده كله ليا مفيش مانع من اني اسيب جزء صغنون ليكي

سمعت مليكه طرق علي الباب فانزلت نقابها بسرعه وسمحت للطارق بالدخول

فدخل راشد وهو ينظر لها ببسمه متعجبه / مليكه يا بنتي انتي هنا من امتي

مليكه ببسمه وهي تمسك يده وتقبلها / أنا هنا من وقت مع  حمزه من ساعه تقريبا بس هو قالي انه هيروح يشوفك هو مجاش ولا إيه

سألت بتعجب وهي تنظر خلفه فتحدث راشد وهو لايفهم / حمزه جه هنا أمتي انا معرفش بتقولي ايه بعدين جه فين انا من بدري وانا بره ومكنتش اعرف انكم هنا الا لما الممرضه قالتلي فيه حد عندها فدخلت اشوف مين

نظرت له مليكه بدقه وهي تضيق عينها بتفكير  وتحدثت / لو حمزه مراحش ليك يبقي راح فين

RAHMA NABIL 美心

نظر حمزه حوله وبالفعل خلال ثانيه كان الجميع يركض للخارج فالكل هنا يعلم من هو حمزه وماذا يمكنه ان يفعل

بينما حمزه ابتسم ببرود واستدار لجهه الباب واغلقه بكل برود في وجه الجميع ثم استدار ونظر لعوض وقال وهو يشمر كم التيشيرت الخاص به / ها بقي كنت بتقول ايه

ترك عوض الشيشه الخاصه به وتحدث وهو يحاول التحلي بالقوه / احم قولت ايه لا مؤاخذه مش فاهمك

هز حمزه رأسه وهو يقترب منه ويبتسم بسمه مرعبه / وماله نفتكر سوا كده كنت بتقول ايه.

ثم اصطتنع التفكير / آه كنت بتقول ايه الجمال ده هيجلك السكر من الحلاوه الخ الخ الخ 

ابتلع عوض ريقه/ أنا مش فاهم انت عايز ايه ده انا اساسا كنت لسه جايب طبق رز بلبن من القهوه وكان حلو اوي تقريبا السكر فيه كان زياده آوي

هز حمزه رأسه وهو يضع يده علي كتفه وينفض غبار وهمي / الف لا بأس عليك الف لا بأس

وفي الثانيه التاليه كان عوض يتسطح أرضا وهو يصرخ / في إيه يا جدع انت

انحني له حمزه وجذبه بعنف وهو يلكمه بحده ويصرخ بهياج / مراتي لا فااااااااااهم مراتي لا

ثم وضعه علي الجدار واخذ يلكمه بجنون وهو لا يري امامه سوي نظراته لزوجته التي كانت تقتله

كان عوض يصرخ تحت يده بألم / انت مجنون يا جدع انت سيبني

بينما حمزه القاه أرضا ونظر حوله وجد احد الحبال فذهب إليه وقام بتقيد عوض الذي كان يشعر وكأن قطر قام بالاصطدام به وكان يخرج أنفاسه بصعوبه بالغه وبعد أن انتهي من تقييده ثم القي الحبل علي احد الأخشاب المثبته في الحائط جيدا وسحب الحبل فتعلق عوض مثل الدميه وربط الحبل جيدا في الخشبه ثم امسك أحدي الأخشاب واخذ يضربه بها ونظر له وهو يبدو أنه يلفظ أنفاسه وهمس بجانب اذنه بوحشيه / قسما باللي خلقني وخلقك لو بس فكرت في مراتي مجرد تفكير انا هنسفك انت وكل الخرفان اللي حواليك فاهم

هز عوض رأسه بوجع وهو لا يستطيع حتي ان يتحدث ويخرج أنفاسه بألم

ابتسم حمزه بشر وربت علي خده بتهديد / شاطر يا عوض يا حبيبي

ثم تركه وذهب لباب المحل وفتحه ونظر حوله وجد رجال كثيرين يقفون امام المحل نظر لهم بسخريه وتحدث / اطلبوا الدكتور وفلوس الجبس عليا

  ثم ذهب لسيارته وهو يصفر ببرود بينما نظر الجميع لعوض برعب

تحدث احد الرجال الذين رأوا وجهه مليكه / يا مصيبه سوده ده عوض مبقاش ينفع خالص أمال لو عرف احنا كنا بنقول ايه عنه هو ومراته 

تحدث الاخر برعب / اشششش أخرس يخربيتك انت متفكرش في الموضوع حتي بينك وبين نفسك فاهم

ابتلع الاخر ريقه بصعوبه وهز رأسه

بينما حمزه كان يسير لسيارته وهو يخرج منديل ويمسح يده وعينه تطلق شرار ولكن توقف علي صوت احد خلفه نظر وجدها ام سعاد / واد يا حمزه فيه إيه ياض استني بقالي ساعه بناديك

ابتسم حمزه بمرح وكأنه تحول / إيه يا ام سعاد بتقل عليكي الله

ضحكت ام سعاد وهي تضربه علي كتفه فعاد حمزه للخلف وهو يضع يده علي كتفه بتوجع / آه يا قاسيه 

ام سعاد وهي تنظر له وتسير بجانبه / يا خويا اتكلم جد شويه المهم بقولك رايح فين كده توصلني عشان اشوف ام فاروق

نظر لها حمزه وغمز بمشاكسه /شوفي القدر مصر يجمعنا يا ام سعاد ياتري هو قصده ايه من الصدف دي لاني سبحان الله انا كمان رايح لام فاروق

ام سعاد وهي تبتسم بحبور / يا خويا بركه يلا وصلني في طريقك

صعد حمزه وفتح لها الباب فركبت بجانبه وهي تتحدث / الا ياض يا حمزه مالك كده خسيت ايه يابني ده هي لهطه الجشطه اللي متجوزها مش بتوكلك ولا إيه

ضحك حمزه بشده ثم تحدث وهو يجاريها / آه والله يا ام سعاد وصيها عليا اصلي غلبان وهفتان

ضحكت ام سعاد / يا خويا بلا هم مالها يعني سعاد مش كانت عملتلك صينيه البطاطس تتقاوي بيها بس نقول ايه سيبت المحلي ورايح للمستورد

ضحك حمزه بشده ثم قال وقد تذكر / آه صحيح يا ام سعاد لو مليكه سألتك قوليلها اننا اتقابلنا في المستشفى مش انا اللي وصلتك عشان انا مقولتش ليها اني هرجع البيت وهي ممكن تزعل اني سيبتها ورجعت تاني

ان سعاد وهي تلوي فمها بتذمر / يا خويا هو حد يبقي معاه العسل ده وتزعل منه حكم صحيح

ضحك حمزه بشده / خلاص بقي عشان كده هتغر

ام سعاد ببسمه / يا خويا اتغر وانت قمر كده

ابتسم لها حمزه واكمل طريقه حتي وصلوا للمشفي فهبط وفتح الباب لام سعاد وسار معها لغرفه ام فاروق....

RAHMA NABIL 美心

كانت ياسمين تجلس في منزلها وهي تتذكر ما حدث منذ قليل عندما طلب أسر التحدث لها

F. B

جلس أسر وامامه ياسمين تنظر أرضا ومازالت دموعها تسقط كانت ياسمين تتذكر حديث هند واهانتها التي وجهتها لها امام الجميع وكادت تدمر حياتها والان ماذا جدها سيفرضها علي حفيده

ازدادت دموعها بشده ولكن فاقت علي شعورها بشئ امامها رفعت عينها وجدت أسر يركع علي ركبتيه امامها ويخرج لها منديل ويمد يده به نظرت له بتعجب بينما هو ابتسم لها ومد لها المنديل / أمسحي الأول دموعك عشان نتكلم

ازدادت دموع ياسمين بشده بينما أسر نظر لها بحزن وتحدث بألم / كله بسببي اسف انا اللي حطتك في الموقف ده

ازدادت شهقات ياسمين ودموعها بينما أسر يشعر بالعجز فهو حتي لا يستطيع مسك يدها ليواسيها تحدث بندم اكثر بسبب بكائها الذي ازداد / سامحيني يا ياسمين انا اسف والله العظيم مكنتش حاسس بنفسي وانا ماشي انا

.......

توقف وهو لا يستطيع أن يكمل واغمض عينه بالم بينما هي تنظر له بين دموعها بوجع ثم تحدثت لتهون عنه هذا الألم الذي يظهر في عينه / أنا مش بعيط عشان كده

نظر لها بتعجب / أمال ليه بتعيطي

ياسمين ودموعها تهبط اكثر / لاني معرفتش اجيب اللي اسمها هند من شعرها في نص الشارع

نظر لها بحاجبين معقودين وهو لم يفسر بعد جملتها نظر لها مجددا وهو يهز رأسه / مش فاهم

ياسمين وهي تمسح عينها من الدموع / بقولك عشان مبهدلتش انثي الضفدع اللي اسمها هند دي مطفتش ناري منها بس هتروح مني فين والله مسيري يوم همسكها افرج عليها الشارع كله

انفجر أسر ضاحكا بعد أن كاد يبكي بسبب دموعها التي كانت تهبط بسببه

نظر لها وهو لا يمكنه التوقف عن الضحك / انتي مش معقوله حرام عليكي

ضحكت ياسمين من بين دموعها بينما هو نهض وجلس علي مقعد بجانبها بعد أن تنفس جيدا وتحدث / طب نتكلم جد شويه

ثم نظر لها بدقه / انتي مش حابه تتجوزيني

ازدادت ضربات قلب ياسمين بشده هي معجبه به لا تنكر ذلك ولكن لا تعرف ماذا تفعل تخشي ان يكون قد اجبر عليها نظرت له بحيره وهزت رأسها / معرفش انا مش....

صمتت وهي لا تعرف ماذا تقول.

فتحدث أسر وهو ينظر لها بدقه وترقب / فيه حد تاني

نظرت له ياسمين بفزع وهزت رأسها برفض

فتنفس هو وابتسم / طيب ليه بقي متعرفيش ده انا حتي قمور وعسل ودكتور ودمي سكر

ثم ضحك لها عندما رأي بسمتها فتنهد براحه / اسمعيني يا يا سمين انا عمري في حياتي ما فكرت اني اتجوز من زمان وعمر ما الفكره دي جات بس علي بالي بس منكرش ان في الآونه الاخيره بدأت افكر في الموضوع ده يعني كنت حابب استقر

تحدثت ياسمين اخيرا / يعني انت هتوافق عشان تستقر

ابتسم أسر بمغزي / مش بالضبط

ياسمين وهي تنظر له / طب ايه

أسر وهو يتبسم لها / اممممم لو حصل نصيب هتعرفي المهم انت ايه رأيك

ياسمين وهي تنظر له بعدم معرفه / وانت شايف ان فيه خيار تآني

أسر وهو يتنهد / ياسمين مش حابب انك تتجوزيني عشان مفروض عليكي أو أنه بقي امر واقع انا ممكن اسافر تآني واقعد بره وانتي هنا والكل عرف اننا متجوزين بعد فتره اخلي اهلي يقولوا للكل اننا اطلقنا بس مش حابب كده

ياسمين وهي تنظر له فاكمل هو / ها يا ياسمين رأيك ايه

نظرت له ياسمين ببسمه

B

خرجت ياسمين من أفكارها علي صوت غناء سعدية التي تغني منذ عادوا من الخارج

تحدثت ياسمين بسخريه / انتي يا استاذه يا صغيره علي الحب ارحمي امي كلتي دماغي

خرجت سعديه من غرفتها وهي تضع احد الماسكات علي وجهها وترتدي علي رأسها فوطه 

نظرت لياسمين ببسمه ثم حركت كتفها بدلع / ما تزوقيني يا ياسو اوام يا ياسو ده ايوبي هايخدني بالسلامه يا يا سو

تشنجت ياسمين / ايوبك هياخدك يا ختي ياخدك بركه والنبي الراجل ده لازم يتدرس في كتب التاريخ ونعمله تمثال علي أول الحاره مصر مش هتنساله الدور العظيم ده

سعديه وهي تتحرك بدلال امامها / مش هرد عليكي انهارده انا ع.........

لم تكمل كلامها فسمعت رنين هاتفها فركضت بلهفه / ايوبي

فركت ياسمين جانب فمها /لك الله يا أيوب لك الله دلوقتي ايوبها كمان شويه هتبقي متحرش وعايز تسرق فلوسها

ثم ضربت كف علي كف بملل ولكن تذكرت ببسمه / عقبال اما اكلم اسوري انا التانيه

ثم ضحكت بشده ولكن توقفت حينما سمعت صوت خلفها يقول بخبث / اسورك

RAHMA NABIL 美心

طرق حمزه علي الباب فسمع صوت والده يأذن بالدخول فابتلع ريقه ثم دخل بمرح / إيه يا راشد يابني لفيت عليك المستشفي كلها كنت فين

نظر له راشد بتعجب / لفيت عليا انا فين ده يابني انا متحركتش من مكاني

حمزه وهو يضحك بتوتر وينظر لمليكه التي تنظر له بخبث / آه منا بقي لما ملقتكش روحت قولت اشتري حاجه ناكلها

مليكه بخبث / وهي فين

حمزه / مين ام سعاد؟؟؟

مليكه بتعجب / ام سعاد ايه انا بسأل عن الحاجه اللي روحت تجبها

ام سعاد وهي تدخل وتدفع حمزه  / يوووه يا خويا وسع من قدامي كده ايه ياقمر ما هو كان بيجبني من الحاره

لطم حمزه علي خده / ليه يا ام سعاد ليه يعني بقالي ساعه بحفظ فيكي 

مليكه ببسمه / امممم الحاره

حمزه ببسمه متوتره / آه هو مش قولتلك مش انا جيت اجيب شيبسي من هنا فملقتش الطعم اللي بحبه فروحت بسرعه كده للحاره اجيب من عند عم حسين وقابلت الست الطيبه ام سعاد

ثم نظر لام سعاد وهو يضغط علي شفتيه / مش كده ولا ايه يا ام سعاد

ام سعاد وهي تتخطاه لتذهب لام فاروق / كده يا خويا

هزت مليكه رأسها له بينما هو نظر لوالده / الدكتور مقالش حاجه مفيش اي مؤشر انها هتفوق

تنهد راشد / خير بإذن الله قال الموضوع محتاج وقت بس بعدين يا حمزه يابني انت مش ناوي ترجع شغلك بقي انت واخوك بقالكم فتره قاعدين.

حمزه بمزاح / إيه يا ابو حمزه بس انت مش طايقنا ولا إيه  عايز البيت يفضالك انت ونونو ولا إيه ياباشا

ضربه راشد ثم تحدث وهو يخرج / الله يكون في عونك يا مليكه يابنتي

ضحك حمزه بشده ثم ضم مليكه من كتفها بينما هي تضربه بتذمر فتحدث / بت انتي اثبتي كده

ام سعاد / راجل ياض يا حمزه

حمزه وهو يفرد صدره بتكبر / أمال إيه أنا راجل آوي يا ام سعاد

ضحكت مليكه وهي تهز رأسها بيأس علي زوجها وهمست في اذنه / لسه موضوعنا مخلصش يا حمزه.

ابتسم لها حمزه وغمز لها

RAHMA NABIL 美心

نظرت ياسمين برعب خلفها لهذا الصوت ابتعلت ريقها ثم استدارت ببطئ وهي تدعي الله أن يكون هذا مجرد تخيل من عقلها ولكن وللأسف كان هو بنفسه متمثلا امامها 

تحدث أسر بخبث اكثر / مين اللي اسورك يا ياسمين 

بينما احمد كان يقف بجانبه وهو يكتم ضحكته بصعوبه بينما ياسمين كادت تبكي من الموقف الذي وضعت نفسها فيه بغباء شديد 

تحدث احمد وهو ينظر لملامح ياسمين / بطل ياض انت رخامه 

ثم اتجه لياسمين وضمها بحنان وقبل رأسها بينما هي اخفت وجهها فيه 

احمد / خلاص ياقلبي قولي اسورتك براحتك محدش هيزعلك 

ضربته ياسمين بشده وابتعدت عنه بينما أسر نظر له بشر وتحدث بغضب / واد انت تعالي هنا 

نظر له احمد بحاجب مرفوع / الواد ده أكبر منك يا خويا 

ثم مش انت جاي عشان تديها حاجه يلا أتفضل اخلص 

نظرت له ياسمين بتعجب والان فقط لاحظت الحقيبه التي يمسكها في يده نظرت لها بتعجب ثم نظرت له / إيه دي 

أسر بحرج وهو يفرك رقبته من الخلف / ده الفستان بتاع انهارده عشان.... 

ثم صمت بحرج وهو لا يعرف ماذا يقول فاخذه احمد منه ومد يده / خلينا نخلص خدي ياختي واجهزي ايه المحن ده 

ثم اخذ أسر وجذبه /وانت يلا خلينا نخلص من اليوم ده يا خويا بسببكم معرفتش استقبل مزتي وهي غايبه بقالها فتره 

تحدثت ياسمين بضحكه / قولها تيجي يا احمد 

احمد بسخريه / اكيد يا ختي هتيجي امال هسيب فرصه زي دي تعدي مني 

ضحكت ياسمين بشده / المخزن يشتاق إليكم 

ضحك أسر بشده فتحدث احمد بحنق / مبتسترش البت دي الله يكون في عونك 

ثم خرج مع أسر الذي لم ينسي ان يغمز لياسمين قبل خروجه فخجلت هي ونظرت أرضا بينما ركضت سعديه وجذبت الفستان وأخذت تنظر له باعجاب / حلو ده هلبسه لايوبي انهارده 

نظرت لها ياسمين بشر وركضت خلفها / خدي يابت ايوب مين يا أم أيوب 

RAHMA NABIL 美心

كانت كلا من اميره وندي يسيرون للدرس الخاص بهم ولكن فجأه توقفت ندي ونظرت بحنق لاشيائها

/يوووه نسيت اجيب فلوس الدرس بابا طلع ونسيت اخدها منه

أميرة  ببسمه / خلاص مش مشكله انا معايا فلوس زياده

ندي بتوتر / لا مهو عشان ابيه عامر قالي اني اخدها منه فلازم اروح اخدها عشان ميزعلش

خجلت اميره بشده لسماع اسمه فهي منذ أخبرها والدها بتقدم عامر لأجل خطبتها التي كان قد نسي امرها في خضم ما يحدث وهي تتوتر كلما سمعت اسمه فقط هزت رأسها بهيام لندي فرحلت ندي بسرعه وهي تتحدث / مش هتأخر

نظرت اميره لندي وتوترها ولكن لم تهتم وأكملت طريقها وهي تتذكر رده فعلها عندما أخبرها والدها فهي كادت تصرخ بكل صوتها انها توافق وبشده عليه وعندما أجابت والدها انها ستستخير ربها في الأمر وعندما دخلت لغرفتها اخذت تقفز بعدم تصديق وفرحه شديده

RAHMA NABIL 美心

بينما كانت ندي تسير في اتجاه معاكس للمنزل وهي تنظر خلفها خوفا ان تسير اميره خلفها وهي تقرر في نفسها ما ستفعله وقد اخذت قرارها بإنهاء هذا العبث  ولكن أثناء سيرها اصطدمت في جسد احد رفعت نظرها وجدته ذلك الشاب الذي تتحدث معه اخذت أنفاسها بهدوء / إيه يا كاظم فزعتني

ابتسم لها كاظم وهمس لها بعد أن اقترب منها / بعد الشر عليكي من الفزع يا قلب كاظم من جوا

شعرت ندي بالذنب الذي لا ينفك يصيبها كلما حادثته او اقترب منها دفعته بعيدا عنها وهي تتحدث بخجل وتذمر / كاظم مينفعش

ابتعد كاظم وهو يزفر بضيق منها ثم امسك يدها وجذبها لاحد جوانب الطريق بعيدا عن الماره / فيه إيه يا ندي كل ما أقرب منك خطوه تبعدي عشره.

ثم مد يده وهو يربت علي خدها / مش واثقه فيا ولا إيه

نظرت له ندي بتردد/.... 

RAHMA NABIL 美心

كان يسير رامي وهو يستند علي احد أصدقائه وهو مينا  ويضربه / ابو دي مستشفي معندها ريحه الدم يا أخي وانت يا حيوان جاي تاخدني بعربيه من مخلفات الحرب يا حيوان

تحدث مينا بتذمر / الله وانا ذنبي ايه محتاجينك عشان فيه عجز

رامي وهو يدعي / يا أخي عجزتم واحد واحد يابعيد ده انهارده كتب كتاب اختي يا معفنين يعني رجلي مكسوره وفرح اختي هتدوني اجازه أمتي لما القيامه تقوم 

زفر مينا بملل / يا خويا خلاص بقي منا زي زيك متنيل اهو بقالي يومين مرجعتش البيت لما نسيت مراتي شكلها ايه اساسا

ضربه رامي وهو يستند عليه / وانا مالي تنساها ولا تفتكرها انا مالي يارخم انا واحد رجلي مكسوره مش قادر اتحرك ايه اكشف وانا علي كرسي متحرك بروح أهلكم

ضحك مينا / خلاص بقي يا عم كلت دماغي

رامي وهو يضربه اكثر / اسكت خالص يابجح مش كفايه عربيتك اللي بتذقها آكتر ما بتركبها دي أتفضل شوفلنا تاكسي خلينا نخلص

نظر مينا /اصبر خلاص نطلع للشارع الرئيسي واشوف توكتوك

رامي / توكتوك لما يعدي عليك يفرمك يا بخيل انت

مينا بتذمر / بس ياض لسه مقبضتش يا خويا بعدين انت عارف ان مراتي حامل ومحتاجه مصاريف و.....

كان مينا يتحدث ولم ينتبه لرامي الذي تيبست قدمه بالأرض وهو يري مايحدث امامه

صدم رامي مما يري فهذه ندي التي تقف مع أحد الشباب في زاويه الطريق وهو يقترب منها بشده ويربت علي خدها بطريقه قذره شعر بدمائه تفور وبشده نظر لصديقه وتحدث بصوت بالكاد خرج هادئأ / معلش يا مينا روح انت وانا هحصلم عشان نسيت حاجه

نظر له مينا بتعجب / نسيت ايه ارجع معاك م...

قاطعه رامي وهو يغير اتجاه سيره / لا معلش روح انت وانا هحصلك

مينا / طب اجي معاك احنا بعيد عن البيت

رامي بملل / يوووه بقولك روح انت بص هاخد توكتوك وارجع ومش هتأخر معلش

هز مينا رأسه بعدم اقتناع وسار وهو ينظر لرامي الذي اخذ ينظر له بشرود حتي احضر مينا توكتوك وصعد اليه ورحل وهو ينظر لصديقه بتعجب علي تصرفه بينما رامي اخذ يسير بعكاز واحد تجاه الزاويه التي توجد بها ندي وهو يدعي ربه ان يكون أخطأ وانها فتاه اخري وليس صغيرته البريئه يدعو الله الا تكون تلوثت زهرته الغاليه التي خاف ان يتزوجها الان حتي لا تذبل مبكرا أراد أن ينتظر حتي تنضج قليلا اقترب منها اكثر والان فقط اتضحت له الرؤيه وصدم مما يري همس بعدم تصديق وصدمه / ندي 

RAHMA NABIL 美心

خلص الفصل اتمني يكون عجبكم يارب 

مستنيه رأيكم 

دمتم سالمين 

RAHMA NABIL 美心

#جميلة_حد_الفتنه

#حياة_حمزة

#الفصل_التاسع_عشر

‏فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ♥️🌍

"‏صَلَّى عَليكَ الله يَا مَن ذِكرُهُ

شرَحَ الصُّدورَ وطيَّبَ الآفَاقَا

إنْ لمْ نكنْ مِمَّن رآكَ فإنَّنَا

توقًا إليكَ نُعانِقُ الأشْواقَا".💛

RAHMA NABIL 美心

عاد كلا من مليكه وحمزه للمنزل فهبطت مليكه من السياره سريعا ودخلت للمنزل بينما زفر حمزه ولحق بها

في نفس الوقت الذي كانت سعديه تجلس مع فاطمه دخلت مليكه عليهم وهي تبتسم / اوووه سوسو منوره البيت

خجلت سعديه بشده ونظرت أرضا / يوووه جتك ايه يا بت يا مليكه دايما كده بتكسفيني

ضحكت مليكه بشده ونظرت خلفها وجدت حمزه يدخل وهو ينظر لها بحاجب مرفوع فتحدثت / طب يا سوسو خليكي هنا هغير لبسي واجي معاكي لياسمين عشان نجهزها

ابتسمت سعديه بسعاده شديده لحفيدتها / ماشي ماشي يلا بسرعه

ركضت مليكه سريعا بينما حمزه خلفها وكادت مليكه تتجاوز الدور الثاني فوجدت من يجذبها بشده نظرت وجدته حمزه يضمها بشده بين زراعيه ويغمز لها / إيه يا حلوه هي وكاله من غير بواب تروحي في أي حته براحتك طب وزوجك المسكين ده ملوش اي حق عليكي

نظرت له مليكه بخبث ثم اقتربت منه بينما هو ينظر لها بترقب ولكن توقف قلبه عن الخفقان حينما شعر بقبلتها له بينما مليكه ابتعد بخبث وتحدث بنبره بها من الدلال ما يكفي لاذابه حمزه تماما / طب وكده

رفع حمزه حاجبه وهز رأسه / تؤتؤ مش عاجبني عايز اغراء اكثر

نظرت له مليكه بتذمر / علي فكره انا اللي زعلانه والمفروض تراضيني.

زفر حمزه بشده وامسك يدها ودخل للمصعد وضغط علي الدور للخاص بشقق الشباب واخذها ودخل لشقته وأغلق الباب بينما هي نظرت له بدقه / فيه إيه انت هتتهور ولا إيه لا بقولك ايه انا محترمه آوي وبنت ناس والله اصرخ واقولهم عايز يتحرش بيا

اقترب منها حمزه ودفعها من وجهها / غوري يابت من وشي قال تحرش قال بعدين  هو أنا عارف اخد بوسه حتي حسره عليا تعالي اترزعي خليني اعرف اتكلم يا ختي

نظرت له مليكه وهو يجلس أرضا ثم جلست بجانبه بشده نظر لها بخبث / الله منتي اللي بتلزقي فيا اهو والشيطان شاطر بقي وترجعي بقي تعيطي وتقولي ذئب بشري ونبهدل نفسنا يابنت الناس في المحاكم وتطلبي الطلاق وانا مش هطلق تقومي رافعه قضيه عليا وانا اقولك لو عملتي ايه يا مليكه مش هتكوني لغيري ومش هطلق تقومي انتي بقي تزهقي من حياتك وتطلعي فوق السطح االي فيه كل ذكرياتنا  ده وتفضلي تعيطي بقي بعدين تقفي علي سور البيت عشان تنتحري وتخلصي مني فجأه اجي انا بقي بالسلو موشن واقولك  مليكه لااااااااااااااا بعدين اجري عليكي واشدك بسرعه قبل ما ترمي نفسك تقومي انتي حضناني وتقوليلي بحبك يا حمزه اوعي تعمل كده تاني

كل هذا وكانت مليكه تفتح فمها ببلاهه وهي تنظر له بغباء / كل ده عشان قعدت جنبك عملت مسلسل مكسيكي في دماغك بعدين هو ايه اول ما تيجي وتحضني اقولك بحبك يا حمزه بسهوله بعد ما كنت هموت نفسي

حمزه وهو ينظر لها بجديه / أمال عشان انا حضني حنين أساسا تحبي تجربي

ثم فتح زراعيه بينما هي ابتسمت ودخلت احضانه وهي تبتسم / فعلا حنين آوي يا حمزه

بينما حمزه تفاجأ منها فهو كان يمزح ولكن ما أجمله من مزاح جعل حبيبته تنضم لاحضانه برفقه قلبه الذي يصرخ دائما مطالبا بها ضمها حمزه اكثر وهو فقط يتنفس في احضانها بينما هي تبتسم بشده عليه ثم تحدثت وهي في احضانه / روحتله وعملت مشكله يا حمزه صح

همهم حمزه بتخدر فاكملت هي / ليه مش قلنا مش عايزين مشاكل

‏حمزه بدون تركها وهو مازال يضمها بشده / عشان انتي بتاعتي انا بس محدش يشوفك محدش يكلمك محدش يلمسك محدش يلمّح عليكي بحاجه محدش يخصك بكلامه غيري انا يا مليكه انا وبس.... انا وبس

‏هزت مليكه رأسها بيأس / طب وعملت ايه

‏ ابتسم حمزه بخبث / و لا حاجه طلبت شاي من القهوه وقعدنا نتناقش بكل تحضر

‏مليكه وهي تبتعد عنه فاصدر هو صوت معترض وجذبها ثانيا بينما هي اكملت / طلبت شاي من القهوه ده مش بعيد تكون كسرت القهوه دي علي دماغه هو شخصيا

‏ابتسم حمزه وضحك بخفوت / لا يا ستي استغفر الله انا شخص مسالم معملش كده أبدا 

‏ضحكت مليكه بشده وهي تضمه / مسالم آوي يا روحي

RAHMA NABIL 美心

ابتلع رامي ريقه بشده وتمني لو انه يحلم او انه يتصور ذلك تحدث بصوت بالكاد خرج / ندي

فزعت ندي وابعدت عنها كاظم بسرعه ورعب ونظرت بجانبها وتحدث بملامح انسحبت منها الحياه /رامي ده ده...

نظر كاظم لرامي ببسمه فهذا مايريد بالتحديد،. تدميرها وتحدث ببرود / نعم يا استاذ فيه حاجه

نظر له رامي بعيون حمراء وبشده /انت مين ومقرب منها كده ليه يا حيوان انت

تحدث كاظم وهو يجذب يد ندي التي تمنت لو انها ماتت قبل هذا كله / وانت مالك وبتدخل فينا ليه واحد وحبيبته انت ايش حشرك

نظر رامي لعيون ندي بنظره جعلتها تبكي بشده وهي تغطي وجهها لا تريد رؤية نظرته لها لا تريد رؤية خيبه أمله بها

رامي بفحيح / حبيبته.

كاظم وهو يجذب ندي لاحضانه / آيوه حبيبتي عندك اي اعتراض

نظر رامي لندي وتحدث بسخريه لاذعه/ لا أعوذ بالله اعتراض ايه بس طالما الانسه معندهاش اعتراض ومستمتعه بالموضوع يبقي انا مين عشان اعترض

ارتفعت شهقات ندي بشده وهي تهز رأسها برفض وتحاول أبعاد يد كاظم عنها تود التحدث ولكن لا تستطيع فصوتها لا يخرج

نظر لها رامي ومنع دموعه من الهبوط علي عشقه الوحيد الذي خذله وبقوه /تمام جدا يا استاذ بعتذر علي الازعاج

ثم تركهم واستدار وهو يمسك قلبه بوجع شديد يشعر ان نار تشتعل به

بينما ندي ابعدت كاظم بحده وصرخت به / يا أخي اوعي بقي حسبي الله ونعم الوكيل فيك

تحدث كاظم بسخريه / الله الله فيه إيه ياقمر بس هو الاستاذ ده يخصك في حاجه بعدين مش انتي اللي كنتي هتموتي عليا دلوقتي جايه تحسبني هو فيه إيه بس عشان افهم

ندي وهي تبكي وتصرخ به /فيه اني فوقت وكنت جايه عشان اقولك اني مش عايزه اشوف خلقتك تآني ولا عايزه المحك انا غلطت لما خونت ثقة اهلي فيا وكلمت شاب بس شوف ربنا عاقبني علي غلطتي

ثم تركته وذهبت وهي تبكي بشده بينما هو هز كتفه بعد اهتمام ثم سار وهو يصفر باستمتاع

بينما ندي كانت تركض خلف رامي وهي تبكي و رامي مسح دمعته قبل أن تهبط وتظهر للعيان

اقتربت ندي منه وامسكت كتفه بسرعه / رامي

التفت رامي بحده ونزع يدها / ايدك دي متلمسنيش

بهتت ملامح ندي لنظرات الاشمئزاز التي تعلو ملامحه فتحدثت بسرعه كبيره وهي تبكي/ والله العظيم كداب يارامي والله مفيش حاجه بينه وبيني ده بس ك....

قاطعها رامي بحده / مليش دخل باللي انتي بتقوليه ده انا مجرد واحد ملوش دخل بيكي ولا ب.. حبيبك

قال آخر كلمه بسخريه

بينما هي بكت بشده / اسمعني بس والله عمره ماقرب مني ولا لمسني انا مش عارفه هو ليه عمل كده والله انا بس عرفته صدفه وكلمني شويه بس والله عمري ماقابلته ولما شوفته انهارده كنت جايه اقوله اني مش عايزه اعرفه تآني يا رامي اقسم بالله كنت هقوله كده مكنتش حابه اخيب ثقه اهلي بيا يارامي

كانت تتحدث وهي تبكي ندما ليتها استمعت لاميره.

تحدث رامي بوجع / يعني كنتي بتكلميه وانا... انا اللي كنت بحرم علي نفسي مجرد نظره بريئه تريح قلبي لحد ما تبقي حلالي عشان مغضبش ربي فيكي 

صدمت ندي من كلامه وهزت رأسها برفض وهي تبكي بشده وهمست برجاء / رامي والله أنا

هز رامي رأسه وهو يقاطعها بسخريه / لا اوعي تبرري حاجه سامعه مش عايز اسمع كلمه

ثم تركها وتحرك ببطئ بسبب قدمه وهو يواسي قلبه ولكن توقف بصدمه كبيره وهو يسمع كلمتها التي شلت حواسه كليا / رامي انا بحبك

RAHMA NABIL 美心

كان ينظر إليها وهي تضع العصير امامه هو وعمه محمد

بينما نظراته كانت تلاحقها في كل خطوه أينما ذهبت ترافقها عينه فمنذ خطت قدمه هذا المنزل وهو لايرفع عينه عنها بل يدرسها بكل جديه وكأنها في اختبار يدرس ردات فعلها لأي شئ هذه الفتاه أصبحت خطر عليه فهو قد أصبح علي مشارف الإدمان خرج من شروده علي صوت محمد / ادهم يا أدهم انت يابني

نظر له ادهم بعدما آفاق / ها معاك يا عمي أتفضل.

محمد / كنت بقولك خلصت فيلتك ولا لسه

ادهم / احم لا يا عمي مش هسكن في الفيلا بتاعتي

محمد بتعجب / ليه كده حصل حاجه

ادهم وهو يعتدل بكل جديه ويتحدث بعمليه / لاني حابب اكون جنبكم في أي وقت ياعمي عشان كده أخدت شقه إيجار في العماره اللي جنبكم دي ومستني بس تخلص توضيب بعدين هنقل ليها

ابتسم محمد علي ادهم فهو ابنه الاكبر ربت محمد علي كتفه / ربنا يديك الصحه يابني يارب

ابتسم ادهم بشده وكاد يرد لولا سماع صوت عالي بالخارج

نظر لمحمد بتعجب وخرج وجد نورا تمسك فتاه بحده وهي تصرخ بها /وليكي عين يا حيوانه انتي تيجي لحد بيتنا بعد اللي عملتيه انتي ايه مفيش حيا خالص

نظرت لهم تسنيم بملل وتحدثت / عايزه الحاج الكبير

تحدثت اعتدال بردح / صحيح اللي اختشوا ماتوا انتي يابت ايه مفيش ريحه الدم خالص مش كفايه اللي عملتيه في حمزه

في نفس الوقت كان حمزه يهبط ومعه مليكه التي كانت تمسك يده بحنان ولكن توقفت علي نهايه الدرج وهي تري هذه الفتاه تقف هكذا أمامهم

وخرج عامر من المكتب مع جده تحدث سعيد وهو ينظر لهم بدقه / فيه إيه ومين ديه

تحدث تسنيم وهي تذهب له وتمسك يده تقبلها / أنا واقعه في عرضك يا حاج ابوس ايدك ساعدني

جذب سعيد يده منها / انتي مين يابنتي ومساعدتي في إيه

نظرت تسنيم للجميع حتي توقفت عينها علي مليكه التي لم يظهر منها سوي عينها التي غمزت بها لتسنيم وابتسمت بشر فارتعدت اوصالها من نظرتها وتحدثت بعد أن ابتلعت ريقها / معلش ممكن نكون لوحدنا

نظر لها الحاج سعيد بجهل / مش اعرف انتي مين الاول يابنتي

تحدثت نورا بحده / ياحاج دي البنت اللي اتهمت حمزه انه اعتدي عليها عديمه الحيا دي وفي الاخر جايه عايزه مساعده

تحدث سعيد بحسم /تعالي ورايا علي المكتب وانت كمان يا حمزه

نظرت لهم مليكه بدقه فابتسم لها حمزه وقبل رأسها / هشوفهم واجي

هزت مليكه رأسها وهي مازالت تنظر لتسنيم بنظرات جعلت تسنيم تفر بسرعه خلف الحاج سعيد.

ضحكت مليكه بخفوت ولكن توقفت وهي تلاحظ عين ادهم التي لم تنتزع من علي سندس التي أصبح لون وجهها احمر من الخجل بسبب نظراته 

‏فاقتربت منه وتحدث بهمس / غض البصر يا شيخ ادهم. 

نظر لها ادهم ببسمه / بقولك متعملي جميله في اخوكي وكلمي جوزك يجوزهالي

‏نظرت له مليكه بصدمه ماذا تسمع الان ادهم الذي لا يطيق اي فتاه ورافض لأي حديث عن مجرد الارتباط بفتاه الان وبكامل قواه العقليه يطلب الزواج ومن من سندس

‏ضحك ادهم بشده وقال وهو يرحل / متتأخريش بقي وياريت لو يكون انهارده بليل مع أسر

‏نظرت مليكه خلفه وهي تفتح فمها ببلاهه شديده

‏ثم نفضت رأسها ونظرت لباب المكتب وهي تفكر تري ماذا تريد هذه الفتاه

RAHMA NABIL 美心

كانت تسير في السوق وهي تشعر بأحد يلحق بها ولكن كلما نظرت لم تجد احد زفرت بضيق ثم تقدمت لبائع البطاطس وتحدث /بكام البطاطس دي يا عم

البائع /  الكيلو بخمسه

هيلانه وهي تنظر للبطاطس بتذمر / الكلام ده لو البطاطس كويسه اما دي مدوده ولا انت مش شايف النفق اللي في البطاطس ده

تحدث البائع / هو ده اللي موجود لو مش عاجبك متاخديش

هيلانه وهي تلقي البطاطس مكانها / مش عايزه يا خويا خليك كده اياكش يدودوا عندك وماتلاقي حد ياخدهم

ثم رحلت بينما هو كان يسير خلفها وهو يضحك عليها بشده

تحدث أندرو لنفسه / البت دي باينها هبله لا ولسانها طويل ماشاء الله

كانت هيلانه تسير من هذا البائع لذلك وخلفها يسير أندرو وهو مستمتع برؤيتها كثيرا فجأه وجد هيلانه تختفي من امامه خرج من مخبأه وسار وهو يتلفت ويبحث عنها فجأه وجد من تضرب علي كتفه من الخلف نظر وجدها هيلانه فابتسم بغباء / احم احم ايه ده انسه هيلانو هنا بنفسها ايه الصدف دي غريبه آوي يعني أنك في السوق

هيلانه بسخريه / شوف الدنيا يا أخي عجيبه بنت تنزل السوق ايه القيامه هتقوم ولا إيه معروفه السوق لرجال الشرطه والجيش بس

ضحك أندرو علي سخريتها منه فصرخت هي به / انت بتراقبني يا جدع انت

نظر لها أندرو بجديه مصطنعه / اراقبك ايه يا انسه انتي اكيد لا طبعا انا بس نفسي هفتحني علي صينيه مسقعه كده فقولت انزل اجيب طلبات لنبع الحنان تعملي مسقعه

نظرت هيلانه ليده / ماشاء الله بقالك آكتر من ساعه ونص ماشي ورايا اووه اسفه ماشي في السوق ومجبتش حاجه

أندرو / احم احم أصل معجبنيش حاحه تخيلي البطاطس بدود بقت بخمسه جنيه الدنيا بقت غاليه اوي

هزت هيلانه رأسها بيأس منه ثم ذهبت من امامه بينما هو لحق بها وكانت كلمها تقف عند بائع يقف ويراقبها ويفعل مثلما تفعل بالضبط وهي تزفر بضيق منه وهو يضحك عليها ثم يلحقها مجددا ومجددا حتي توقفت وزفرت بضيق / إيه في إيه

أندرو وهو يدعي البراءه / إيه

هيلانه / بتمشي ورايا ليه وكل ما امسك حاجه تمسكها

كاد أندرو يتحدث لولا شعور بأحد يجذب حقيبه هيلانه بسرعه ويركض وهي صرخت بينما هو نظر للرجل الذي اخذ الحقيبه واخذ يركض خلفه بسرعه كبيره جدا والرجل يدخل من هنا لهنا وساعده الازدحام في السوق بينما أندرو دخل لمنطقه جانبيه واللص اخذ ينظر خلفه فلم يجده ولكن شعر انه اصطدم بشخص امامه نظر وجد اندرو الذي غمز له ثم لكمه لكمة اسقطته أرضا  واخذ الحقيبه وجعله ينهض وهو يمسكه من ثيابه فجاءت هيلانه وهي تركض ثم اخذت تضرب اللص بحده واندرو يحاول جذبه بعيدا بينما هي لم تستسلم أبدا وأخذت تضربه اكثر وهو يحاول إنقاذ اللص، بشق الأنفس استطاع أخذه من تحت يدها / خلاص خلاص والله هحبسه خلاص

جذبت هيلانه حقيبتها من يده وضربت بها اللص ثم نظرت له بشر ورحلت

بينما هو نظر لها بجهل / اقسم بالله مجنونه

ثم ابتسم / بس عسل عسل

نظر له المجرم / طب وحياه العسل ده لتسبني

ضربه أندرو وهو يحذبه / أنا بس إللي اقول عسل يا روح امك يلا تعالي اما اشوف اعمل ايه معاك

RAHMA NABIL 美心

توقف رامي واستدار ببطئ ونظر لها وجدها تبكي بشده وهي تهز رأسها / آه والله العظيم بحبك يا رامي

هز رامي رأسه بألم / اتأخرتي كتير يا ندي اتأخرتي كتير اوي

ثم تركها وهو يعرج علي عكازه وهو يحاول التماسك حتي لا ينفجر باكيا

بينما هي سقطت أرضا وهي تبكي بشده وتنظر له ارتفعت شهقاتها فاجتمع الناس عليها وهي فقط تبكي بشده وتسب نفسها الاماره بالسوء هي فقط أرادت ان تجرب شعور الفتيات الذين يقصون عليهم قصص حبهم ولكن لم تعرف ان هذا الشئ ليس لها وليس لأي فتاه أبدا فلا يجوز لها ولا لغيرها ان يتخذوا رفيق اغمضت عينها بألم وهي تتذكر قوله تعالي الذي كان عامر يتلوه عليها دائما ليذكرها (محصنات غير مسافحات ولا متخذات اخدان) كيف نست ذلك والان ماذا خسرت نفسها وخسرت الشخص الذي كانت تتمناه وايضا خسرت عائلتها فلا بد أن رامي سيخبر عامر عند هذه الفكره لم تتحمل وارتمت أرضا بينما الجميع يحاول افاقتها

كان رامي يسير وهو يكاد يسقط أرضا وجد تاكسي يمر فاوقفه وصعد اليه واعطاه اسم المشفي ثم أسند رأسه علي النافذه وهو يحاول ان يقوي نفسه لا لن يضعف مجددا أبدا......( لن يضعف) من يحاول ان يقنع بهذه الكلمه هو أصبح ضعيف بالفعل وهنا لم يتحمل وانفجر باكيا كل شئ منذ صغره وهو يراقب هذه الطفله التي اخذت تكبر وعاهد نفسه انها له وسيحافظ عليها بروحه لن يسمح بأحد ان يلوثها ولكن للأسف هي من سمحت لاحد بتلويثها بكي رامي بينما السائق كان ينظر له بشفقه بسبب دموعه التي تهبط بشده وهو يحاول مداراتها عن الانظار ولكن كيف وعينه لا تتوقف عن رثاء الحبيب الوحيد الذي عرفه القلب فهنا تعاونت العين مع القلب فكلما تألم القلب بكت له العين مؤازرة له فتح رامي الشباك ليستنشق بعض الهواء حتي وجد نفسه امامه المشفي وقد جفت دموعه فهبط بجمود كبير وهو يعرج للداخل فرآه الحارس فذهب لكي يسانده فرفع يده في وجهه يمنعه ودخل المشفي بكل جمود وذهب ليري عمله حتي ينتهي ويعود لاخته فمن اليوم سوف يعيش لنفسه واخته وجدته فقط

بعد مرور ساعات كان يتنقل بها بين الحالات بمساعده احد الممرضين ذهب لمكتبه ليرتاح فخلع البالطو وجلس بكل تعب وهو يتنهد يتعب فشعر بأحد يفتح الباب نظر بتجب فوجدها تلك الفتاه المتدربه لديه فاغتصب ابتسامه ونظر لها / ايه تعالي

دخلت ايه بخجل شديد وهي تبتسم ثم جلست / اسفه يا دكتور اني ازعجتك بس...

قاطعها رامي برفض/ مفيش ازعاج خالص والله أنا إللي بعتذر لان بقالي فتره من ساعه رجلي وانا مش عارف اتابعك

ابتسمت ايه وهزت رأسها برفض / لا أبدا بس كنت حابه أعرض علي حضرتك حاجه

لم يكن رامي معها بل كان يفكر بشئ اخر

كان عامر يركض كالمجنون في الشارع بعد أن اخبره احد الصبيه بما حدث لاخته كاد قلبه يخرج من الرعب ذهب وجد الناس تجتمع حولها فصرخ بهم واقترب منها يعدل ثيابها وحملها اليه بكل حنان ورقه تتنافي مع شكله الشرس تماما ضمها لقلبه بشده وهو يقبل رأسها / ندي حبيبه قلبي مالك ياقلبي

لم يسمع منها جواب فتحدث مع الجميع / هي مالها

تخدي النساء / والنبي يا اخويا ما نعرف هو بس لقيناها بتعيط في الأرض جينا نشوفها راحت مره واحده وقعت زي ما انت شايف كده

هز عامر رأسه وركض بها للمنزل ودخل في نفس الوقت الذي كان الجميع في انتظار حديث الجد بالداخل ولكن فزعت اعتدال عندما رأت ابنتها محموله علي يد عامر فنهضت وهي تصرخ / ندي جرالها ايه يا عامر

عامر وهو ينظر لهم / معرفش معلش يا مليكه تعالي شوفيها لو سمحتي دي قاطعه النفس

هزت مليكه رأسها بايجاب وصعدت خلفه مع اعتدال ونورا التي لحقت بهم

دخل بها عامر لغرفته ووضعها الفراش وهو يمنع نفسه من البكاء لأجل صغيرته بينما تحدثت مليكه بحرج / معلش يا استاذ عامر ممكن تتفضل بره لحد ما اخلص.

نظر لها عامر بقلق فهزت رأسها وهي تشجعه فخرج عامر وهو ينظر لاخته بحزن بينما مليكه رفعت النقاب عن وجهه واتجهت لتلك التي ترقد بهدوء شديد

RAHMA NABIL 美心

نهض حمزه بعنف ونظر لجده ليبعد نظره عن تلك الفتاه / اتجوز مين يا جدي دي اتهمتني باغتصاب ظلم وكمان كانت متفقه عليا مع حد دي باختصار بتكمل بقيت خطتها 

‏تحدثت تسنيم ببكاء / والله أنا بس مش عايزه غير أن حد يستر عليا امي مبقتش عارفه تعيش ولا ترفع رأسها في وش حد 

‏تحدث حمزه وهو لا ينظر إليها / ده مش ذنبي يا استاذه انا مليش ذنب في اللي حصل ليكي شوفي اللي كنتي متفقه معاهم عليا 

‏توترت تسنيم بشده ونظرت أرضا واكمل حمزه / بعدين انا واحد متجوز وبحب مراتي ولا يمكن اني ازعلها بس عشان اي حد. 

‏تحدث الجد بصرامه / حمزه انا فهمتك ليه بقي الكلام ده بعدين هترفض طلب جدك 

‏نظر له حمزه بألم /يا جدي اطلب اي حاجه يا جدي اقتلني لو حابب بس ابوس ايدك بلاش تاخد روحي وانا عايش مليكه لو عرفت هتسيبني او يحصلها حاجه وانا كده هعيش في جحيم مش هقدر والله العظيم هموت لو حصل اللي بتقول عليه 

‏تحدث الجد بعدما رأي حاله حفيده / طب نسأل مليكه ونشوف ردة فعلها 

‏رفع حمزه رأسه بحده / لا يا جدي محدش يدخل مليكه في أي حاجه ارجوك انا قولت رأي مفيش ست هتتكتب علي اسمي غير مليكه وخلصنا. 

‏نظر له سعيد بدقه ثم رفع هاتفه وتحدث / آيوه يا نورا ابعتي مليكه لو عندك 

‏كاد حمزه يعترض ولكن منعته يده سعيد وهو يكمل / تمام بسرعه 

‏نظر سعيد لحمزه وتحدث / لو مليكه وافقت هنكتب كتابك مع ياسمين وأسر 

‏صدم حمزه وسقط علي مقعده وهو يفكر ان مليكه ستوافق بسبب حديث جده وحديث هذه الفتاه الذي سمعه منذ قليل ثواني وسمع الجميع صوت الباب فسمع سعيد لها بالدخول فدخلت مليكه وهي تنظر للجميع بدقه ثم نظرت لجدها / طلبتني يا جدي 

‏هز سعيد رأسه / اقعدي الأول يابنتي وعايزك تسمعيني كويس في اللي هقوله 

‏هزت مليكه رأسها وهي تعلم أن القادم ليس بالجيد أبدا 

‏اكمل سعيد وهو ينظر لحمزه الذي ينظر أرضا وكأنه تائه / دلوقتي البنت دي جات وقالتلنا ان فيه ناس عايزه تدمرنا بواسطتها والخطه بتاعتهم انها تيجي وتقنعني اني اجوزها حمزه بحجه اني اساعدها واستر عليها وبعدها شويه شويه هو هيديها التعليمات اللي لازمه عشان تنفذها ومنها تدمر البيت كله دلوقتي احنا منعرفش خطته ايه والبت كتر خيرها حكت كل حاجه تعرفها دلوقتي الخوف ان لو خطه دخول بيتنا باظت يتصرف ويعمل حاجه محدش متوقعها ويدمر الدنيا فا.... 

‏ثم صمت لعله يستشف ردة فعلها ولكن فقط كانت شارة بتفكير  فاكمل السعيد / الحل الوحيد اننا نوهمه بنجاح خطته عشان نعرف اللي ناوي عليه في اللي جاي فاحنا هنكتب كتابها علي حمزه الليله لو انتي وافقتي وبعدها نتصرف في الموضوع 

‏صمت سعيد ينظر إليها ثم تحدث / اعرفي الجواز ده صوري وبس يا مليكه وده لمصلحه العيله مش اكتر البنت هتقعد معايا في الدور اللي تحت ومش نتقرب لحمزه احنا بس عايزين نوصل للعين اللي في البيت انها نفذت الأمر عشان نعرف اللي جاي 

‏نظر حمزه لها وهو يتوقع ردها نهضت مليكه بجمود وتحدثت / وعشان خاطر العيله يا جدي انا موافقه 

‏صدمه هي كل ما حدث لحمزه هو كان يتوقع ردة فعلها ولكن لم يعلم انه مؤلم بهذا الحد 

‏اكملت مليكه /  موافقه يا جدي بس وقتها هتكون حفيدتك ماتت ، موافقه يا جدي علي موتي لو انت ترضي ليا الموت ده فأنا موافقه،،،،، حمزه جوزي انا وهيفضل جوزي انا طول ما انا عايشه ولو حابب ياجدي تجوزه ليها يبقي من الأفضل انك تقتلني الاول لان انا عمري ما هوافق أشارك جوزي مع غيري أبدا حتي ولو علي موتي فبعتذر ليك يا جدي بختار حياتي لاني انانيه عمري ما هختار الموت بعتذر منك عن اذنك 

‏ثم خرجت سريعا فنظر حمزه لجده قليلا بعتاب ثم لحق بها بسرعه وهي تركض علي الدرج يعرف أين تتجه فلحق بها وجدها تقف امام شقتهم التي مازالت لم ينتهي حمزه من فرشها نظر لها حمزه واخرج مفتاح الشقه وفتحها لها فدخلت ودخل خلفها ولم يكد يغلق الباب حتي شعر بها تكبله بده وهي تبكي وتصرخ به / انت جوزي انا بس يا حمزه جوزي انا بس 

استووووب خلص الفصل والفصل نزل بدري عشان عندي خطوبه انهارده في العيله عقبال الجميع يارب ♥️♥️😂

المهم مستنيه رأيكم 

دمتم سالمين 

RAHMA NABIL 美心

#جميلة_حد_الفتنه

#حياة_حمزه

#الفصل_العشرون

"ساعدني يا ربّ في العثور على مخرجٍ من كل هذه الأشياء ساعدني عندما تزورني الأيامُ السيئة وتحاول أن تؤذيني ساعدني عندما يتخلى عني الجميع ووحدُك من يقف معي ساعدني في تحقيق كل شيءٍ يرضيني ويخلق في داخلي الكثير بينما يظن الجميع بأنه أمرٌ عاديٌّ".

"ومِمَّا يزيدُ القلبَ أُنسًا وبهجةً

صلاتي وتسليمي على خيرِ مُرسَلِ

فَصَلِّ وسلّمْ يا إلهي على الذي

جرى حُبُّه في كل عِرقٍ ومفصَلِ".💛

RAHMA NABIL 美心

كان عامر ينظر لاخته بحزن شديد ماذا حدث لها لدرجه تعرضها لصدمه كهذه خرج من تفكيره علي صوت اميره التي تركض برعب وهي تصرخ باسم ندي دخلت الغرفه ولم تنتبه لعامر الذي يجلس بجانبها

اميره ببكاء وهي تربت علي شعر ندي / ندي ياقلبي مالك حصلك ايه يا قلبي 

جذبها عامر بعيدا عن ندي بحده / ابعدي عنها 

نظرت له اميره متفاجئه من وجوده وايضا من تصرفه نظرت له بتعجب / عامر ندي حص.... 

قاطعها عامر بعيون حمراء / بس اسكتي حضرتك كنتي فين وهي واقعه لوحدها في الشارع ومرميه لوحدها لولا واحد يعرف انها اختي الله اعلم كان هيحصلها ايه 

هزت اميره رأسها ببكاء /والله العظيم هي اللي جات في نص الطريق وقالت إنها نسيت فلوس الدرس فهترجع تجيبها واااا..... 

قاطعها عامر بسخريه / عايزه تفهميني انك مكنش معاكي فلوس زياده تسلفيها ها يعني حمزه اكيد مش هيديكي فلوس الدرس بالجنيه اكيد معاكي زياده بس انتي معطيتهاش وسيبتيها ترجع لوحدها عشان انتي أساسا انانيه ومش مسئوله يا اميره 

كان عامر يصرخ بها بدون وعي لا يعلم لما يفعل هذا كل ما يعرفه هو أنه يريد الصراخ وفقط يريد إخراج ما بداخله ولا يهم علي من 

توقفت اميره عن البكاء وصرخت به بحده / مسمحلكش يا استاذ عامر تهيني كده انا ولا انانيه ولا مهمله ولا بخيله زي ما حضرتك بتلمح اللي حصل يا استاذ يا محترم اني فعلا عرضت عليها انها تاخد من معايا وتدفع للدرس بس ندي رفضت قالت لا هاخد من عامر وانا زي الهبله اول ما..... 

صمتت اميره تفكر ماذا كانت علي وشك القول هل كانت ستخبره انه بمجرد ذكر ندي لاسمه نست ما كانت تخبر به ندي ووافقت بشرود مثل المجنونه 

نظر لها عامر بدقه / اول ما ايه... 

نظرت له اميره ثواني ثم اخذت حقيبتها وركضت للخارج بسرعه ولكن لحق بها وامسك يدها فجذبتها بعنف بينما هو استغفر ربه / اسف والله العظيم من غير ما احس مسكتك بعتذر 

هزت اميره رأسها دون أن تستدير ولكن سمعت كلمته التي جعلتها تبتسم / اميره معلش حقك عليا انا بس والله اول ما شوفتها كده كان قلبي هيقف يا اميره سامحيني واي حاجه تطلبيها والله هعملها بس متزعليش

ابتسمت اميره ولكن لم تظهر ثم تحدثت دون أن تنظر له / حصل خير هرجع بعدين لندي

ثم ركضت لشقتهم وهي تضحك بخفوت وفرحه بينما عامر اخذ يسب نفسه / غبي ومتسرع وهتفضل كده عمرك كله مش عارف تمسك لسانك وهي ذنبها ايه بس اوووف، يارب 

RAHMA NABIL 美心

نظر حمزه لمليكه التي كانت منفعله بصوره كبيره وكاد يقترب منها ولكن عادت للخلف وهي ترفع يدها وتنظر له بدموع / عايز تتجوزها يا حمزه 

لم يكد حمزه يجيب حتي وجد مليكه تجذبه بحده من ثيابه وهي تصرخ ببكاء / لا يا حمزه لا مش هتتجوزها حتي لو انت عايز اعتبرها انانيه اعتبرها جنون اعتبرها اي حاجه

ثم رفعت عينها بدموع اليه / بس برضو مش هتتجوز غيري 

جذبها حمزه لاحضانه بشده وهو يربت عليها بحنان وهي تبكي باحضانه وتضربه علي صدره ضربات خفيفه / انت منحوس يا حمزه والله كل منخرج من حفره نقع في حفره أعمق منها ايه ياجدع كل ده وجع 

ضحك حمزه بشده وضمها اكثر وهو يقبل رأسها وهمس في اذنها بحنان وحب / أنا مكنتش موافق أبدا يا مليكه حتي مكنتش موافق ان جدي يقولك علي الموضوع 

ثم نظر لعيونها بعشق / مكنتش عايز اشوف دموعك دي يا مليكتي مكنتش عايز اشوف نظره الحزن دي بس جدي أصر يقولك وانا كنت هموت من الخوف انك توافقي لاني أخدت عهد علي نفسي يا مليكه ان مفيش ست في الدنيا دي كلها هتتكب علي اسمي غيرك انتي وبس يا ملكه قلبي وبالنسبه للحفره دي  هنطلع منها سوا يا مليكه حتي لو هشبكلك وانتي تطلعي وتشديني مهما نقع نقدر نقوم تآني طالما احنا سوا يا مليكه اقدر اتحدي العالم كله اقدر أقف في وش اي حد اقدر أواجه اي حزن طالما عارف اني في النهايه هاجي وارمي احزاني في أحضانك 

هبطت دموع مليكه وضمته بشده وهي تهمس / وانا حضني اتخلق عشانك انت وبس حبي اتوجد عشانك انت بس يا حمزه 

صمتت قليلا ثم قالت بكل ذره حب تملكها / هفضل جنبك يا حمزه لحد اخر نفس لو هموت عشان بسمه منك هموت وانا راضيه وسعيده لاني بحبك يا حمزه بحبك 

حمزه وهو يقبل رأسها /وحمزه بيعشقك من كل قلبه يا قلبي ربنا يديمك نعمه في حياتي يارب 

واستمر عناقهم لدقائق شرد فيها حمزه فيما يجب فعله 

ابتعدت عنه مليكه ونظرت له ببسمه وقد علمت لينا يفكر  وامسكت يده وقبلتها / هتتحل والله هتتحل هنلاقي حل غير جوازك من البت دي يا حمزه واقسم بالله لو قربت منك لكون مولعه فيها ومنكده عليك انت التاني 

قالت آخر كلامها وهي تنظر له بتذمر بينما هو ضحك عليها بشده / يابنتي ارحمي امي بتبصيلي ليه كده انا مالي 

صمتت مليكه بتذمر ثم صرخت / عرفت مين هيساعدنا 

نظر لها حمزه بتعجب / مين 

مليكه ببسمه خبيثه  / ادهم 

كان ادهم يجلس أمامهم / ايوه يعني إيه المطلوب مني دلوقتي من ساعه ما جيتم وانتم عمالين تقولوا كلام مش مرتبط ببعضه وصحيتوني من النوم ايه ام العيله دي مش عارف ارتاح من ساعه ماوصلت 

حمزه وهو ينتقل ليجلس بجانبه / اسمع يابني يخربيت دماغك دي 

نظر له ادهم ببرود /بلاش عشان هنزعل من بعض علي فكره. 

نظر له حمزه ببرود / نزعل يا ضنايا وماله بس نخلص من البلوه دي اسمع بس..... 

بعد أن انتهي حمزه من قص ما يحدث نظر لهم  ادهم بتفكير وبسمه خبيثه 

مليكه وهي تشير لادهم / اهي الضحكه الشريره طلعت يبقي لقي فكره صح يا أدهم 

جذبها حمزه له وهمس / بت انتي مش كل شويه ادهم ادهم 

مليكه وهي تنظر له بغباء / ما هو اسمه ادهم 

حمزه وهو ينظر لها / وحيات امك 

مليكه بحنق / عيب يابابا امي دي تبقي مرات عمك يا خويا 

حمزه بسخريه / هي قلبت لاخويا امال مين اللي كانت بتتحرش بيا من شويه يا ختي وبحبك يا حمزه وبموت فيك يا حمزه 

نظرت له مليكه بصدمه / اتحرش بيك مين يابا انت هتلبسني مصيبه بعدين ما انت قولتلي بعشقك يا مليكه 

حمزه وهو يغمز لها / بزمتك يا شيخه مش شويه وكنتي هتبوسيني واحنا في لحظه الشجن العاطفي دي 

ادهم بملل / ما تبوسك يا أخي ولا تولعوا سوا انا ذنب امي ايه اسمع كلامكم الأهبل ده 

ثم نظر لمليكه / فعلا يا مليكه لايقين لبعض آوي اهبل ولقي هبله فعلا الطيور علي أشكالها تقع حتي انتم شبه بعض 

حمزه بغضب شديد / وانت تعرف شكلها منين انت 

ادهم وهو ينظر له بغباء / يابني هي مراتك اتولدت بالنقاب دي منتقبه من سنين بس 

ثم تحدث بخبث / يابني دي متربيه علي ايدي انا اللي كنت بوكلها واشربها والعبها ووو.... 

توقف وهو يتلقي لكمة من حمزه وهو يصرخ به / اوعي تزود كلمه 

امسكته مليكه من يده وهي تدفعه للخلف / يخربيتك كنت وقتها لسه شهور يا حمزه اهدي كده اقعد يا بابا اقعد 

زفر حمزه بضيق وأشار علي ادهم وكأنه طفل صغير يشكي لوالدته / يا مليكه هو اللي بيستفزني الاول 

اجلسته مليكه وهي تربت علي شعره بحنان / معلش ياقلبي ادهم وحش

ثم نظرت لادهم / واد يا أدهم بطل تضايق حمزه 

حمزه وهو يجذبها لتجلس جانبه / اقعدي يا ختي انتي بتكلمي ابن اختك 

ضحك ادهم عليهم / والله إنتم مسليين آوي 

نظر له حمزه وضم مليكه اليه من كتفها / ملكش دعوه بينا وقول  اللي عندك

ادهم وهو يضع قدم علي قدم / مش ببلاش كده

حمزه بتذمر / عايز ايه اخلص 

ادهم بخبث / اختك 

نهض حمزه بعنف وكاد يتجه له وهو يصرخ فمنعته مليكه وهي تصرخ / الله مش كده ده لو قاعده مع عيال صغيره والله ما هيعملوا كده 

حمزه وهو ينظر لها بغضب / انتي مش سامعه بيقول ايه 

مليكه بهدوء / يابني هو بيقولك ايه ده طالب الحلال 

حمزه بحده / بس اسلوبه معجبنيش 

مليكه وهي تجلس للمره المليون / معلش يا سيدي هو واحد مدب ودبش أساسا بس هو قصده انه طالب ايد سندس وهو قالي اني اكلمك في الموضوع أساسا 

نظر لها حمزه بانتباه / سندس 

تحدث ادهم بجديه / آيوه عايز اطلب ايد الانسه سندس منكم 

نظر له حمزه بتقييم لا ينكر إعجابه بذكاءه ومكانته وهيبته وكفاحه ولكن أراد استفزازه فنظر له وهو يضع قدم علي قدم / طب سيبني اسأل عليك الأول يابني 

ادهم وهو يضع قدم علي قدم مثله / طب بعد ما تسأل يبقي تعالي اقولك الفكره

نظر له حمزه ببسمه خبيثه فبادله ادهم البسمه فتحدثت مليكه بعصبيه / ولا انت وهو متخلصوا يخربيت دماغكم دي ده انتم ولا الأطفال

زفر حمزه / طيب يا خويا ابقي تعالي أتقدم 

ادهم بسخريه / شكرا والله من غيرك مكنتش عارف هعمل ايه 

حمزه بعدم فهم / عايزني اعمل ايه يعني 

ادهم ببسمه / تمدح فيا وتشكر فيا ليهم وكدهون يعني 

ضحك حمزه / تمام بس علي فكره اللي احنا بنفكر نكشفها تبقي امها

ادهم وهو ينظر لهم بتفكير / يعني بعادي حماتي من قبل حتي ما اتجوز يلا مش مشكله سامحيني يا حماتي اسمع يابني 

ضحك حمزه بشده/ هي مش امها بالضبط هي مرات ابوها أساسا 

ثم تحدث بنبره ظهر فيها حزن لم يستشعره سوي مليكه / وتبقي عمتي وامي انا 

نظر له ادهم وهز رأسه / طب اسمع اللي هيحصل 

انتبه له حمزه ومليكه جيدا لما يقول 

RAHMA NABIL 美心

كانت سعديه تجلس في الصاله وهي تضع ماسك علي وجهها وتتحدث في الهاتف بدلع بينما خرجت ياسمين من المطبخ وهي تمسح العرق بعدما انتهت من تنظيف المطبخ ثم نظرت لسعديه بتشنج / ياختي ده انا العروسه ومعملتش نص اللي عملتيه ده 

سمعت ياسمين صوت فتح الباب ودخل رامي وهو يحمل حقائب كثيره فركضت له ياسمين وحملت الحقائب بينما هو ابتسم لها ونظر لشكلها وضحك / إيه يابنتي العفانه والنتانه دي،،، دي سعديه مهتمه عنك 

ضحكت ياسمين بشده / دي خامس مره تعمل ماسك انهارده كل شويه تغسل وشها وتقعد شويه تقوم تقولك يوووه نسيت اعمل ماسك وبعدها تغسله وتقعد وتقوم تقولك تآني يوووه نسيت اعمل ماسك وهكذا من الصبح عماله كل شويه تعمل ماسك وتنسي انها عملته وتعمله تآني لما وشها  هيبوش من المايه و صرخ وقال اغيثوني 

ضحك رامي بشده عليهم ثم استند عليها وسار للداخل وسمع صوت سعديه / لا ايوبي البس ببيونه لونها كشميري عشان فستاني كشميري 

رامي بتعجب / فستان كشميري ومن أمتي يا سعديه لا ده انتي ماصدقتي الحاج يتكل عشان تاخدي راحتك يا وليه انتي 

ياسمين وهي تنظر له / كشميري ايه بس ده فستاني اللي هي بتتكلم عليه ده 

ضحك رامي بشده / خلاص بقي يا ياسمين متبقيش مقفله كده هو انتي وسعديه ايه ما انتم واحد 

نظرت لهم سعديه وصرخت بهم / ولا انت وهي امشوا من جنبي مش ناقصه وش وتعب عايزه ابقي فايقه للفرح بليل 

ثم اكملت مكالمتها / آيوه معاك يا قلبي كمل هههههههههه لا ايوبي عيب كده 

تصنع رامي انه سيسقط / احيييييه دي بتقوله عيب ستك عيارها فلت مش بعيد شويه اجيبها من الديسكو 

سعديه بدلع / لا يا أيوب اصلي بتكسف مش هعرف ارقص سلو 

رمي رامي نفسه علي ياسمين وهو يتحدث بحسره / دي بتقولك سلو يا ختيييييي عليك يا حج يا مسكين ده لما كانت بتهزله اكتافها كان بيوزع شربات علي الشارع كله ودلوقتي هترقص سلو مع ايوب 

ضحكت ياسمين بشده وهي تسنده تعالي يا عم ندخل جوا. 

رامي ببسمه وقد استعاد جديته / لا ياقلبي انا هاخد لبسي وهروح للشباب هناك بس قبلها يا ياسو هسألك لآخر مره انتي مرتاحه للجواز ده والله يا ياسو عندي استعداد دلوقتي الغي كل حاجه ولا يهمني اهم حاجه سعادتك وانا اللي هقول لجدي وأسر. 

ابتسمت ياسمين وامسكت يده وقبلتها بحب وحنان / ربنا يديمك ليا يا رامي انت ابويا واخويا وعيلتي كلها والله بس انا الحمدلله مرتاحه 

ضمها رامي بشده / مش عارف ازاي وافقت علي جوازك هتسبيني لوحدي مع سعديه يا ياسمين 

ضحكت ياسمين بشده / منت هتتجوز بقي وتمسك مراتك وتفضل تقولها يا خدامه يا حراميه 

نظر رامي امامه بشرود فعندما قالت ياسمين لفظ ( مراتك) اول من فكر بها وجاءت في رأسه هي ندي هز رأسه وهو يبتسم لها / طيب يلا بقي خليني اروح للشباب وانتي اجهزي هخلي حمزه يبعت مليكه واميره وندي  وسندس عشان تجهزوا سوا 

ابتسمت له ياسمين وتحدثت سعديه بردح/ بقي يامعفن جايب كل دول يمكيجوا مراتك يا كلب انت وانا مش جايبلي حد خالص 

كاد رامي يجيب عليها ولكن صفعته سعديه / هششش أخرس ولا كلمه انا مربتش كويس يعني اتجوزت الخدامه وقولنا ماشي تديها مرتبك كله ومتدنيش حاجه وعدتها إنما تيجي في الفرح متجبش ليا ميكب ارتيست ليه يعني لقيني في الشارع يا كلب انت. 

كان رامي ينظر لها بصدمه 

فاكملت سعديه وهي تسمع صوت يصدر من هاتفها وقد كان أيوب  / وخد شوف مين الحيوان التاني ده اللي عمال يقولي سوسو وتوتو 

ثم تركتهم ودخلت لغرفتها / في يوم هسيبلكم البيت ده واهرب منكم 

ضحكت ياسمين بشده علي شكل رامي وهو يضع يده علي خده 

ياسمين بضحك / معلش يا بني محدش كبير علي تهزيق سعديه 

RAHMA NABIL 美心

حمزه بغمزه / مطلعتش سهل يابني بس أساسا الحل ده كان سهل اصلا 

ابتسم ادهم وهز رأسه ولم ينكر / فعلا هو سهل بس لأنك أنت داخل دايره المشكله نفسها مش شايفه اما انا لاني بره لاحظته بس كده 

ابتسم له حمزه ولم يكد يتحدث حتي شعر باهتزاز هاتفه نظر وجده رامي / السلام عليكم....... تمام أنا عند ادهم روح علي البيت واستني هناك انت والشباب 

تحدث ادهم بعدما فهم عما يتحدث / لا تعالو عندي هنا أفضل نكون علي راحتنا لوحدنا 

وافقه حمزه وتحدث لرامي / طيب يارامي بقولك ايه تعالي لشقه ادهم هي في العماره اللي قصاد عمارتك الدور الثاني  كده تعالي هنا أفضل وكلم عامر يجي........ تمام متتٱخرش 

تحدث حمزه لمليكه / روحي انتي لياسمين والبنات يا مليكه 

ابتسمت مليكه وهي تهز رأسها واقتربت منه وهمست له بشئ جعله يضحك بشده وتحدث لها / خلاص يخربيتك خلاص 

ثم نهضت مليكه وذهبت فتحدث ادهم بفضول/ كانت بتقول ايه 

غمز له حمزه / لما تكبر هقولك 

نفخ ادهم بغيظ ثم نهض ليفتح الباب لرامي الذي قابل احمد علي الدرج

رامي / الحمدلله ان احنا بعيد عن البيت الا المره دي العدد كبير وسعديه هتخلي الفضيحه اكبر واكبر ماشاء الله 

ادهم بتعجب / فضيحه ايه 

رامي وهو يربت علي كتفه / بلاش يابني انت راجل كباره وهيبتك هتنزل  الأرض 

دخل عامر وخلفه أسر وهو يغني/ والنهارده فرحي يا جدعان وهتجوز هتجوز لولولولولولوي

‏احمد بضحك /اللي يشوفه كده ميقولش انه كان مجبور بعدين يابني انت هتتجوز ياسمين انت مستوعب اللي انت فيه 

‏ضربه رامي الذي كان يجلس بعكازه / مالها ياسمين ياخويا كخه ولا بتعض ولا يكونش بتمشي علي الحيطان 

‏احمد وهو يفرك ظهره بألم ويضحك / يخربيتك يا غشيم مابراحه شويه يابني

‏رامي وهو يضربه مجددا/ عشان تبقي تقل أدبك تآني يا حيوان 

‏اتجه عامر للنافذه وفتحها ونظر لهم / يلا بلاش بقي نتكلم كتير خلينا نخلص 

‏هز حمزه رأسه / آيوه يلا بس صحيح انت كنت فين يا عامر

‏عامر وهو يحضر الحقيبه التي بها الأشياء / كنت مع ندي عشان تعبت شويه

‏توقف قلب رامي وهو يركز مع كل كلمه من عامر 

‏حمزه بتعجب / تعبانه مالها

‏عامر بألم /معرفش مراتك كشفت عليها قالت اتعرضت اصدمه حاده انا اساسا معرفش حصل ايه بس واحد جه قالي انها واقعه في الشارع والناس ملمومه عليها وقتها اخدتها ومليكه شافتها وقالت اتعرضت لصدمه

رامي وهو يشعر بالذنب يقتله كيف تركها هكذا وهي بهذه الحاله كان يجب أن يتوقع حدوث ذلك كيف اطاع عقله الغبي وعاند قلبه الذي تألم لأجلها. 

‏رامي بوجع شديد لم يلاحظه عامر / وهي عامله ايه دلوقتي 

‏عامر ببسمه صغيره / الحمدلله أفضل كتير قبل ما اجي اقنعتها بالعافيه انها تروح مع اميره للبنات عند ياسمين 

ثم نظر لحمزه / عقبالنا بقي لما تتجمعوا في شقتي 

ضحك حمزه بشده /ابشر طال عمرك 

أسر بتذمر / واد انت وهو متخلصوني بقي هفضل مستني كتير يعني 

سمع الجميع صوت سعديه / ما تخلصوه يا اخويا منك ليه ولا هو هتيجي عليه وتتوب وانت يامعفن ( كانت تنظر لرامي) مش ناوي تتوب وتتعظ مستني ايه اكتر من ان رجلك بقت كده اتفوووووو ده ناقص ربنا يخسف بيكم الأرض يا جذمه منك ليها 

ثم اغلقت النافذه بحده فقد رأتهم عندما فتحت النافذه المقابله لشقه ادهم وسمعت حديث أسر الاخير 

نظر ادهم للجميع / يارب مايكون اللي فهمته من كلامها صح 

احمد وهو يضع رأسه علي كتفه / لا يا عنيا صح مرحبا بيك في الشله ياباشا

ابعده ادهم بسرعه وصراخ / احيييييه ابعد ياض انت حد يروح للست دي يقولها انها فهمت غلط 

حمزه بضحكه شديده / معلش هي عشان اول مره فبتحرق بعد كده مش هتتمزج غير لما سوسو تقفشك مرتين تلاته كدهون 

نظر لهم ادهم بغباء بينما أسر ضحك بشده / متقلقش هتتعود والله اديني اهو اتعودت يابني يلا 

ركض ادهم بعيدا عنهم  / اوعي متلمسنيش منك ليه 

فضحك الجميع وتحدث عامر / يلا منك ليه خلينا نخلص. 

بينما رامي كان يضحك بشده عليهم وهو يجلس ولكن عقله مع مالكه قلبه 

RAHMA NABIL 美心

عند الفتيات 

ضحكت مليكه بشده علي سعديه ثم اتجهت لياسمين التي ترقص مع اميره بسعاده ابتسمت ودعت الله أن يسعدها هي واخيها كانت تصفق لهم وهي سعيده كثيرا 

ثواني ووجدت سندس تدفعها لترقص فأخذت ترقص بفرحه بعدما نزعت نقابها والحجاب الخاص بها وياسمين ترقص معها بكل حرفيه 

أخرجت اميره هاتفها وصورت مليكه وهي ترقص ولكن لم تظهر ياسمين في الصوره فقط مليكه هي من تظهر وهي تتمايل بكل دلال وانوثه 

بينما نورا تزغرد بفرحه شديده 

وسعديه تصفق بفرحه شديده علي حفيدتها التي تري سعادتها الكبيره شعرت سعديه بدموعها تهبط تشعر بالحزن علي ابنها الذي ترك أطفاله صغار وحرم نفسه هذه الفرحه لقد ارسلت له تخبره ان ابنته ستتزوج ولكن لم يجيب عليها 

شعرت بأحد يعانقها من الخلف نظرت وجدتها ياسمين تضمها بشده وتبكي وتهمس لها بحب وامتنان / شكرا جدا يا سوسو

ابتمست لها سعديه وجذبتها لاحضانها / قلبي آنتي بنتي يا ياسمين والله مش حفيدتي ربنا يعلم انا بحبك قد ايه لما افتكرك والله 

ضحكت ياسمين من بين دموعها / ولما مش بتفتكريني بتكرهيني في نفسي اقسم بالله

ضربتها سعديه وهي تضحك / بس يابت ويلا اجهزي 

اما مليكه فاطلقت زغروده ولكن لم تكن عاليه كثيرا ولكن كانت حقا بارعه فيها ثم جذبت ياسمين / عروسه اخويا القمر دي ياناس 

ابتسمت ياسمين بخجل شديد فضحكت مليكه وعانقتها بشده وهمست / أسر بيحبك 

ثم ابتعدت عنها وياسمين تكاد عيونها تخرج من مكانها بصدمه بينما مليكه غمزت لها وهي تضحك وهكذا انقضي الوقت في الضحك والحديث 

RAHMA NABIL 美心

واخيرا حان موعد الزفاف الذي سيجمع قلوب  تجرب الحب للمره الاول كان منزل الحاج سعيد يعم بالبهجه والأقارب والعائله فقط طبعا بعد أن قالوا للجميع أنهم كتبوا الكتاب ولذلك سيتم عقد القران في مكتب الحاج سعيد بعدها يحتفل الجميع بالخارج 

كانت ياسمين تجلس بين الفتيات وهي تضحك في الداخل بينما أسر ورجال العائله في المكتب يقومون بكتب الكتاب ثواني وشعرت مليكه باهتزاز هاتفها فابتسمت وأخذت ياسمين للداخل نظرت ياسمين أرضا بخجل بينما تذمرت سعديه / مش كان زمان ايوبي هو اللي مستنيني جوا لولا الولد المعفن حفيدي ده 

ضحكت فاطمه / تعالي يا سعديه اقعدي تعالي 

جلست سعديه وثواني وسمع الجميع صوت زغاريد نورا 

فعلموا انه تم عقد القران 

خرج احمد ليستقبل ميار ووالدها ولكن وجدها وحدها 

احمد بتعجب / أمال فين عمي 

ميار ببسمه / وانا مش كفايه  ولا إيه 

احمد / لا كفايه يا ميار بس ليه جيتي لوحدك ليه مش اتصلتي بيا اجي اخدك 

ميار ببسمه وهي تضع يدها بيده بحنان / قولت اكيد مشغول معاهم بقي ومش فاضي فبلاش اشغلك اكثر 

نظر لها احمد بعتاب وامسك يدها وقبلها بحنان / تشغليني ايه يا ميار انتي مراتي. 

ميار ببسمه خجوله / طيب يلا ندخل 

احمد بغمزه / يلا ده حتي المخزن اشتاق لجمعتنا 

ضحكت ميار بخجل وضربته / والله ما هتحرم غير لما نتقفش في مره قفشه معتبره 

ضحك احمد بشده وامسكها من يدها ودخلوا ليروا الجميع 

بينما كان أسر يقترب من ياسمين ويهمس لها / إيه القمر ده بس كده كتير 

سعديه وهي تضع رأسها بينهم /إيه رأيك انا اللي ممكيجاها 

نظر أسر بفزع لها / يا سوسو حرام عليكي قطعتي ليا الخلف 

سعديه بسخريه / يا ضنايا يابني صدق  انت اللي قطعت قلبي 

ياسمين / روحي يا سعديه أيوب بيدور عليكي 

انقلب وجه سعديه سريعا / إيه بيدور عليا فين ده. 

ياسمين وهي تشير لاحد الأماكن / هناك اهو الحقيقه قبل ما ام سعاد تخطفه منك معشوق الجماهير ده 

ضحكت سعديه بخجل / طيب سلام انا بقي والله لاولع فيها ام سعاد دي 

ياسمين بضحك / رهيبه سوسو

أسر وهو يقترب منها/ متسيبنا من سوسو وخلينا في ياسو 

خجلت ياسمين بشده فهمس لها أسر / مبارك عليا انتي يا ياسمين 

RAHMA NABIL 美心

كانت ساميه تنظر للعائله بسخريه شديده فجأه سمعت صوت والدها يناديها فذهبت له / نعم يابابا 

سعيد وهو ينظر لها بدقه / فين بنتك يا ساميه 

ساميه بتوتر وهي تبتلع ريقها / راحت تجيب حاجه من واحده صاحبتها يابابا مش هتتأخر

نظر لها سعيد بدقه وهز رأسه / طب معلش روحي هاتي العلاج بتاعي من المكتب عشان نسيت اخده

ابتمست ساميه بجمود / حاضر يابابا 

ثم اتجهت للمكتب وهي تفكر بتوتر في سبب تأخر ابنتها فهي خرجت منذ الظهيره ولم تعد حتي الآن

وما كادت تفتح باب المكتب حتي سمعت صوت حمزه بالداخل فارهفت السمع فسمعت الاتي 

حمزه وهو يحاول الا يخرج صوته / اسمعي يابت انتي انا كتبت عليكي مش عشان خاطر عيونك لا ده عشان خاطر جدي بس ميزعلش مني وانا متعودتش اني اغضبه تقعدي في البيت ده تقعدي باحترامك انتي فاهمه محدش هنا يعرف اني اتجوزتك هنقولهم انك ضيفه لجدي وقاعده معانا هنا فتره فاهمه ولا اعيد تاني

تسنيم بخوف / حاضر حاضر محدش هيعرف بانك اتجوزتني 

ابتسمت ساميه بشده من خلف الباب وذهبت بعيدا وتحدثت بخفوت / الو يا إيهاب اللي خططنا ليه حصل 

علي الجانب الاخر كان يضحك بشده وهو ينظر امامه / اللي عايزينه حصل واول خطوه تمت والله ومطلعتيش سهله يا تسنيم 

ثم نظر للتي امامه / اتعلمي من اختك 

تحدثت عبير بتذمر / دي مش اختي 

إيهاب ببسمه خبيثه / تؤتؤ عيب يا عبير ياقلبي تسنيم اختك الكبيره برضو......... 

استوووووب حلو اوي مده الفصل طويل اهو واخر دلع وبكده عرفنا مين هو المجهول التاني بس ياتري ايه حكايته بالضبط هنعرفه في الفصول الجايه والحقيقه كلها قربت تتكشف 

مستنيه رأيكم وتوقعكم 

دمتم سالمين 

RAHMA NABIL 美心

تكملة الرواية من هنا 👇👇👇

من هنا