 |
الحلقة ال 17 ...18....19.....20....21
من قصة ( الحب الأول )
الفيديو_2
مكنتش متخيل إني ممكن أعمل فيديو تاني بعد الفيديو ال نزل
بس الصراحة مقدرتش أفوت الفرصة دي خصوصا إن ضيفي في الفيديو مفاجئة كبيرة محدش كان يتوقعها ولا حتي انا كنت متوقعها
بس الحمدلله هو ضيفي عمل المعجزة وجه من أخر الدنيا من الصعيد ل إسكندرية مخصوص عشان يسجل معايا وكمان بالمرة يقتل شوق
ايوه متستغربوش هو فعلا كان جاي عشان يقتل شوق ال من المفروض اني خاطفها ومن المفروض برضو إنه جاي عشان يخلصها مني مش يخلص منها
علاء .. الواد ده كداب محدش يصدقه
احمد .. إتطمن ياعلاء بيه كل ال دار ما بينك وبين شوق كنت بصوره فيديو صوت وصوره وهنزله لحضراتكم في التعليقات دلوقتي
نرجع بقا لموضوعنا هاتي التليفون ياشوق وتعالي اقفي جنب علاء بيه وإحكي كل ال حصل معاكي
فعلا حكت شوق كل حاجة من أول معرفتها ب علاء لحد اللحظة دي
في نفس اللحظة نزل أحمد الفيديو ال علاء معترف فيه بكل حاجة في التعليقات
وفي النهاية أحمد قال
أكيد كلكم دلوقتي عرفتو مين هو شاكر محفوظ وابنه الظابط علاء
وإن كنت انا قتلت ف أنا قتلت بدافع التار
أما بقا شاكر محفوظ ياتري كان بيقتل ليه وبدافع إيه !!؟
أنا بطلب من أهالي ضحايا شاكر محفوظ يظهرو دلوقتي ويقدمه بلاغات لو مكانش عشان أهاليهم ال اتقتلو ع الأقل اعملو كده عشان تعرفو الناس هو عمل إيه وده في حد ذاته هيقوي موقف أخوكم ال واقف قدامكم دلوقتي
أما دلوقتي بقا أستأذن أنا وشوق وهنسيب معاكم الوجه الشيطاني البريئ ده تخلو بالكم منه لحد الشرطة ما تيجي
وفعلا مشي أحمد وشوق متوجهين للصعيد
وصل احمد وشوق عند مناع وإسراء
أحمد .. إزيك ياإسراء
إسراء .. الحمدلله
شوق .. وحشتيني ياإسراء
إسراء .. وانتي كمان ياشوق
أحمد .. مالك ياإسراء مش بحالتك
إسراء .. مالي ما انا كويسة اهو
أحمد .. متأكدة !؟
إسراء .. اه الحمدلله مفيش حاجة
شوق .. انا عايزة أشوف ابويا ياأحمد
أحمد .. دلوقتي!؟
شوق .. ياريت
أحمد .. ياعم مناع
مناع .. نعم ياولدي
احمد .. خد شوق رجعها عند ابوها العمدة
مناع .. إنت عارف إنت بتقول إيه ياولدي!؟
أحمد .. إسمع مني ياعم مناع خلاص كل حاجة إتكشفت وموضوع الخطف مينفعش يطول أكتر من كده وأسراء كمان هترجع بيتها بس الاول نفذ ل شوق رغبتها
العم مناع .. ماشي ياولدي ال تشوفه
شوق .. طب هشوفك تاني امتا!؟
احمد .. قريب ياشوق
فعلا العم مناع خد شوق ورجعها لأبوها العمدة ال بدوره أعلن الدبايح والبلد عاشت في ليلة كلها فرح بعد الدرس ال جعل من العمدة راجل ظالم ومغتصب الحقوق لراجل عادل بيقف في ضهر الغلابة
كمان في وقتها أعلن إنه بيكتب 100 فدان بإسم أحمد وكمان أعلن إنه هيجيب طاقم طبي مخصوص من بره مصر لمعالجت حالت أم أحمد
رجع مناع من عند العمدة وبلغ أحمد بكل الاخبار السارة ال حصلت
إسراء .. ايوه ياعم أحمد حماك العمدة بيحبك
أحمد .. قوام ما خلتيه حماي
إسراء .. وليه لا ما خلاص شوق بقت متاحة ليك وال بيعملو معاك العمدة بيقول إنه خلاص بقا يعتبرك واحد من العيلة
مناع .. الحق ياأحمد إلحق ياولدي
أحمد .. في إيه ياعم مناع انطق
مناع .. الواد الظابط هرب قبل الحكومة متوصل
الحلقة ال 18 من قصة ( الحب الأول )
مناع .. الحق ياأحمد إلحق ياولدي
أحمد .. في إيه ياعم مناع انطق
مناع .. الواد الظابط هرب قبل الحكومة متوصله
أحمد .. كنت عارف إن ده هيحصل ومخطط ل ده إنه يحصل
وانا ال خليت الرباط سهل الفك
مناع .. ليه وانت كنت خلاص هتخلص منه!!!
أحمد .. أنا وعدت علاء إني أخليه يتمنا الموت وكان لازم يدوق من نفس الكاس بكده علاء بقا هارب وقاتل وكل خطوة هيمشيها بحساب وهيعيش خايف من كل الناس خاصتا إن كل الناس بقت عارفة صورته
مناع .. طب ليه ما خلاص يااحمد قصتك مع علاء خلصت وأكيد مفيش حاجة تاني ناقصاك علاء خسر أبوه وأخته ومراته ووظيفته وحياته إتدمرت كان ممكن تسلم نفسك والرأي العام ياولدي في ضهرك
أحمد .. معلش ياعم مناع دي كانت أخر حاجة نفسي اعملها معاه ومتقلقش هسلم نفسي بعد ما أسلمه بإيدي للحكومة
مناع .. وهتعمل إيه ياولدي دلوقتي ؟!
أحمد .. أول حاجة عندي مشوار ضروري لابد منه وبعد كده عايز اقابل العمدة ضروري
مناع .. مشوار إيه ده ياولدي !!!؟
أحمد .. ال متشيلوش بطنك ياعم مناع هههه
مناع .. يوووه ياولدي هو انا أنصحك وانت تطبق النصيحة علي هههه
أحمد .. كلامك جواهر ياعم مناع ميتنسيش
مناع .. عالعموم خلي بالك من نفسك ياولدي
أحمد .. ودلوقتي جه دور إسراء ال لازم ترجع بيتها وبكده أبقا خليت مسئوليتي من جريمت الخطف قدام الحكومة والرأي العام
إسراء .. أنا معنديش حد أرجع عشانه أبويا ومات واخويا بقا مجرم هارب مش هسيبك إحنا بدأنا مع بعض وهفضل معاك للنهاية
أحمد .. في نظر الحكومة والرأي العام ياإسراء لساكي مخطوفة رجوعك هيبرأني من قضية الخطف وياستي متقلقيش انتي هتروحي تقعدي في بيت العمدة وهتبقي تحت حمايته وهبقا معاكي كل يوم وبكده هبقا متطمن عليكي
إسراء .. خلاص موافقة بس عايزة أقولك حاجة
أحمد .. قولي ياإسراء
إسراء .. فاكر لما قولتلك إني مش هزعل لو انت مقدرتش تحبني مش هبقا زعلانة وإنك بعدها مش هتشوف وشي تاني
أحمد .. فاكر ياإسراء
إسراء .. بص انا هقدر أحققلك الاولي وهيا إني مش هزعل بس مش هقدر أحققلك التانية وهي إني أبعد عنك لأني بعد ربنا دلوقتي مليش غيرك فياريت تعتبرني مكان صفاء أختك وتخليني جنمك
أحمد .. عيب يابت الكلام ده تعالي في حضني وبعدين انتي أصلا لو فكرتي تبعدي مش هسيبك وهخليكي جنمبي وزي ما انتي قولتي ياهبلة احنا ملناش غير بعض
مناع .. خلاص بقا ياولاد انتو هتقلبوها مناحة ولا ايه
أحمد .. لا خلاص ياعم مناع بس يلا حضر العربية وخد
إسراء علي بيت العمدة وانا هروح مشواري ال قولتلك عليه
فعلا مناع حضر العربية وخد إسراء وطلع بيها علي بيت العمدة واحمد خد عربية تانية وراح مشواره
وصل أحمد بالعربية عند مزرعة شاكر محفوظ ودخل جوة نزل فتح الباب الڤيلا ودخل كان الجو مظلم مشي أحمد ناحية مكتب شاكر محفوظ وكرسي المكتب كان متوجه ناحية الحائط وفي حد مجهول قاعد عليه قال لأحمد👇👇
المجهول .. إتأخرت كتير ياأحمد وانا مبحبش الأنتظار
في نفس اللحظة تليفون احمد رن مكالمة من مناع👇👇
مناع .. إلحقنا ياولدي مصيبة
أحمد .. مصيبة إيه !!!!!!!
مناع .. إتعملنا فخ ياولدي وإسراء إتخطفت وكل الرجالة ال معايا إتقتلت
الحلقة ال19 من قصة ( الحب الاول )
وصل أحمد بالعربية عند مزرعة شاكر محفوظ ودخل جوة نزل فتح باب الڤيلا ودخل كان الجو مظلم مشي أحمد ناحية مكتب شاكر محفوظ وكرسي المكتب كان متوجه ناحية الحائط وفي حد مجهول قاعد عليه قال لأحمد👇👇
المجهول .. إتأخرت كتير ياأحمد وانا مبحبش الأنتظار
في نفس اللحظة تليفون احمد رن مكالمة من مناع👇👇
مناع .. إلحقنا ياولدي مصيبة
أحمد .. مصيبة إيه !!!!!!!
مناع .. إتعملنا فخ ياولدي وإسراء إتخطفت وكل الرجالة ال معايا إتقتلت
أحمد .. ازاي ده !! ومين ال عمل كده !!!
مناع .. معرفش ياولدي كل ال قالوه إن الأمانة رجعت لصحابها
أحمد .. طب انا جايلك حالا
فعلا احمد خلص مشواره ورجع بسرعة عند العم مناع
أحمد .. مالك ياعم مناع!
مناع .. بسيطة ياولدي الرصاصة سطحية
أحمد .. حصل فين الكلام ده ؟!
مناع .. عند مدخل البلد طلعو علينا ناس لابسين مقمط ومعاهم رشاشات ضربو علينا وخطفو إسراء والرجالة ال كانت معايا ماتت
أحمد .. طب متعرفش حد فيهم ؟!
مناع .. لا ياولدي شكلهم غريب عن البلد اول مرة أشوفهم
شوية والتليفون رن
أحمد .. ايوه مين معايا
علاء .. ال يلعب معايا يستحمل ياحليتها
أحمد .. إسراء فين ياعلاء ؟!
علاء .. خايف علي إسراء ولا خايف علي قضية الخطف ال لبساك ولسه لحد دلوقتي في نظر الناس انت ال خاطف إسراء
أحمد .. طلباتك ؟!
علاء .. تسلملي شوق أسلمك إسراء
احمد .. مستحيل!!؟
علاء .. انا عارفك ذكي ومش ممكن تفرط في دليل برائتك إسراء طول ماهي معايا حبل المشنقة منصوب وجاهز مستني اي حد ملوش لازمة يبلغ عنك عشان تروح تتمرجح فيه
أحمد .. إسمع ياض مياخدش الروح غير ال خالقها و الموت مبنخفش منه وكفاية إني لما اموت هيقولو عني مات بيدافع عن حقه ولو الناس مدتنيش حقي بعد ما اموت حقي عندي رب العباد موجود
علاء .. طب بس بس بس بلاش قنعرة كدابة إسراء عندي وشوق عندك شوف انت هتعمل ايه ومترنش ع الرقم ده تاني لاني هرميه وانا لما أحب أوصلك هوصلك
أحمد .. الو .. الو
الخط قطع واحمد قعد وحط إيده علي راسه
مناع .. في إيه ياولدي ؟! مين كان بيكلمك؟!
أحمد .. ال كنت خايف منه حصل ياعم مناع علاء هو ال خطف إسراء
مناع .. حقك عليا ياولدي انا السبب كان المفروض زودت رجالة واستعديت لحاجة زي دي
أحمد .. ولا يهمك ياعم مناع المكتوب علي الجبين لازم تشوفه العين واللعبة كبرت والضرب بقا تحت الحزام
مناع .. هو عايز منك إيه ؟!
أحمد .. عايز أسلمه شوق ويسلمني إسراء
مناع .. غريبة ياولدي مع إنه كان قادر يخطف شوق والموضوع كان هيبقا أسهل عليه
احمد .. لا ياعم مناع تفرق كتير لما أسلمه شوق غير لما هو يخطفها عالعموم انا عندي مشوار هعمله وأرجعلك
مناع .. مشاويرك كترت ياولدي
احمد .. كله خير ياعم مناع
احمد ركب العربية وراح ع الارض نزل من العربية لقي حد مستنيه عند الشجرة نزل وقال
أحمد .. وحشتني ياصاحبي
عزيز .. انت واحشني اكتر ياغالي طمني عليك أنت
احمد .. الدنيا مخبطة مع صاحبك قوي ياصاحبي
عزيز .. هون علي نفسك وإحكيلي
حكي احمد كل حاجة ل عزيز
عزيز .. اهدا كده والدنيا هتتظبط وبكرة هتوصلك رجالة بسلاح من سيناء
أحمد .. رجالة بسلاح !!!!؟
عزيز .. الشيخ ال كنت مستخبي عنده هناك عارف كل حاجة ومصمم يساعدنا ومقدرش أرفضله طلب
أحمد .. أنا مش عايز دم ياعزيز
عزيز .. مفيش حد نفسه في الدم ياصاحبي بس دول هيبقو معانا لحد ما الفترة دي تعدي وبعدين هما هيبقو تحت إشارتك مش هيعملو حاجة من دماغهم
احمد .. وبعدين ياعزيز انا مصدق ما الموضوع بدأ يلم نفسه
عزيز .. سيبك بقا من وجع الدماغ ده وتعال نعملنا كوبايتين شاي ع الحطب
فعلا جمعو الحطب وولعو ع الشاي وعزيز حب يخرج احمد من الجو ال هو فيه فقال
عزيز .. اسكت مش انا وانا جاي سمعت شاعر في الراديو بيقول كلام حلو فكرني بيك في وقتها
أحمد .. يابني انت جايب برود الاعصاب ده منين !!؟
عزيز .. يااخي دايما كده كابسني وكاسر بنفسي كده هههه
أحمد .. لا قول ياخويا ربنا مايجيب كسرة نفس
عزيز .. إسمع ياسيدي
فاكر لما كنا لمة ،، جوة طشت بنستحمي
الحياة كانت بسيطة ،، والدولاب مسمار في حيطة
وامهات كانت بسيطة ،، مطبخها وابور وحلة
وغدوة في الضهرية حلوة ،،ونومة رايقة في حتة ضله
وصهد فرن يدفي ضهرك ،، مش سرير وخشب ومله
ضحكة صافية والف عافية،،والكولدير كان زير وقلة
ولمة العيلة الكبيرة ،، جنب راكية دافية حلوة
راحت البسمة الجميلة ،، غابت الضحكة ال طالة
ميت خسارة ع البساطة ،، كانت حياتنا بيها جنة
الحياة دلوقتي زيطة ،، ظمبليطة وخلطبيطة
بس اجمل ذكرياتنا ،، واحلى كل سنين حياتنا
لما كنا .. بنبقا لمة ،، جوة طشت بنستحمى
أحمد .. ايه يابني الكلام الجامد ده يااااااه رجعتنا لأيام جميلة وحزنتنا ع العمر ال راح
عزيز .. بس والله كانت ايام كلها بركة صب ياعم الشاي صب
الحلقة ال20 من قصة ( الحب الأول )
أحمد .. تعال معايا ياعزيز
عزيز .. هنروح فين !!؟
أحمد .. أمي وحشتني ولازم أشوفها
عزيز .. بس بيت العمدة متراقب ياصاحبي هنعمل ايه
أحمد .. معرفش ياعزيز بس لازم اشوف أمي الليلادي
عزيز .. خلاص ماشي يلا بينا
وصل احمد وعزيز عند بيت العمدة أحمد قال ل عزيز إستناني هنا وانا هنط السور وادخل البيت خليك جاهز بالعربية عزيز قاله ماشي بس حاول متتأخرش
فعلا احمد نط السور ولف حوالين البيت وطلع عالمواسير لحد ما وصل قصاد أوضت شوق بص ناحية السرير لقي أمه نايمة في سرير شوق وشوق قاعدة جنمبها والدكتور بيقيس ليها الضغط بعد كده الدكتور خرج وفضلت شوق جنمب أم أحمد وقتها خد قرار إنه يدخل وبالفعل دخل وشوق اتخضت بس لما شافته اتطمنت وحضنته جامد وقالتله أتطمن الحالة بتتحسن وبتستجيب للعلاج
طلب منها احمد إنها تخرج وتسيبه مع امه شوية وفعلا خرجت شوق وقعد احمد جنمب أمه وعينه كلها دموع وبدأ يحكي مع أمه ويقولها
إتطمني ياغالية حقك وحق بنتك صفاء رجع
شاكر محفوظ وقتلته والواد ابنه دمرت حياته وخليته بيتمني الموت وأنا أديني جمبك مش ناقصني غير إن أشوفك واقفة علي رجلك وتاخديني في حضنك وتطبطبي عليا زي ما كنتي بتعملي معايا
عشان خاطري فوقي بقا ياأمي من غيرك الدنيا ضلمة وفاضية عليا من غيرك الحياة سودة وكل يوم بيعدي عليا بيخلي النار تاكل في جتتي أكتر بسبب رقدتك دي
أهون عليكي ياغالية تسيبيني وحيد في دنيا مبترحمش
إبنك ضعيف ومكسور قوي من غيرك ياأمي
كفياكي بقا ياست الكل كفياكي بعاد
هو ابنك حبيبك ماوحشكيش
وبعدهالك ياأم أحمد عجبتك الرقدة والعالم التاني ال انتي فيه
ياريتني أقدر أكون معاكي فيه ع الاقل هرتاح من وجع الدنيا وضرباتها ال مبتخلصش
قومي ياامي قومي وكفياكي بعاد إبنك محتاجلك
فجأءة تليفونه رن وعزيز قاله يلا بينا بسرعة في دورية بتلف في البلد
أحمد قاله ماشي جايلك ياعزيز وباس علي راس امه وعلي إيديها وقالها مع السلامة ياأمي وخليكي فاكرة إن أبنك محتاجك قوي
خرج احمد من عند امه وخد عزيز وطلع بيه ع الجبل نام أحمد شوية وقام علي صوت مناع بيقوله اصحا ياولدي إحنا بقينا العصر وبالمرة شوف رجالة عزيز ال جت من سيناء بصراحة ياولدي حاجة تخض
فعلا قام احمد وخرج شاف الرجالة ال وصلت بسلاح من سيناء إتفاجئ بالمشهد وقال ل عزيز
أحمد .. ايه المنظر ده ياعزيز هو هنحارب ولا إيه!!!؟
عزيز .. متقلقش كل الرجالة دول علي قلب راجل واحد
ومحدش فيهم هياخد أي خطوة من دماغه
أحمد .. ربنا يستر ياعزيز
شوية وتليفون أحمد رن بيفتح لقي علاء
أحمد .. ايه يازفت انت عايز ايه
علاء .. مفيش حبيت بس أتطمن علي حبيبت القلب ال كنت عندها
أحمد .. تقصد إيه!
علاء .. فاكرني نايم علي وداني ومعرفش انت بتعمل ايه ياك
طب أقولك شفت لما كنت بتشرب شاي مع صاحبك رجالتي كانو محاوطين المكان بالسلاح وكانو مستنيين مني إشارة أخلص عليك أنت وصاحبك بس بصراحة رفضت لأني لقيت اللعب معاك هينتهي بدري وانا مش عايز كده ولما أحب أخلص منك هخلص منك بس لسه عمرك فيه بقية شفت بقا انا حنين عليك إزاي
أحمد .. حنين عليا ولا القلم ال إديتهولك لسه معلم علي قفاك وموتي مش هيكفيك ولا يشفي غليلك
علاء .. بيعجبني ذكائك بس وحيات أمك لأردلك القلم وأدفعك تمنه غالي اوي
أحمد .. طب وليه تحلف بحياة امي متحلف برحمة أبوك ال قتلته قدام عينيك عالاقل عشان أصدقك
علاء .. كله متحوش والحساب هيبقا تقيل بس أنت إستحمل
أحمد .. سيبك ياد من كلام الأفلام ده وقولي انت عايز إيه
علاء .. طلبي انت عارفه سلملي شوق أسلمك إسراء
احمد .. أختك عندك وشوق قريب هتبقا مراتي بس للأسف مش هقدر أعزمك ع الفرح لانه فرح رجالة
علاء .. طب عالأقل خد إسراء عايزة تباركلك
أحمد .. ايه ياإسراء كيفك
إسراء .. أنا بخير ياأحمد وأوعي تسمع كلام علاء ...
فجأة علاء ضربها بالقلم وخد منها التليفون وأحمد صرخ فيه وقاله سيبها ياوسخ
علاء .. لو صعبانة عليك قوي انت عارف هتعمل إيه ومن غير سلام
قفل علاء المكالمة واحمد كان في نار بسبب صرخت إسراء ال مش بتفارق ودنه
تاني يوم مناع جاي بيجري ماسك التليفون وبيقول لأحمد العمدة عايز يكلمك
أحمد .. خير ياعمدة أمي جرالها حاجة!!!؟
العمدة .. أمك بخير ياولدي شوق ال إختفت من قدام البيت
أحمد .. إختفت إزاي يعني!!؟
العمدة .. معرفش بس ال شافوها قالو إنها كانت راكبة عربية ومعاها 4 رجال وبتصرخ
الحلقة 21 من قصة ( الحب الأول )
أحمد .. خير ياعمدة أمي جرالها حاجة!!!؟
العمدة .. أمك بخير ياولدي شوق ال إختفت من قدام البيت
أحمد .. إختفت إزاي يعني!!؟
العمدة .. معرفش بس ال شافوها قالو إنها كانت راكبة عربية ومعاها 4 رجال وبتصرخ
احمد .. طب اقفل ياعمدة دلوقيت
مناع .. هو العمدة كان عايز منك إيه ؟!!
أحمد .. الكلب علاء خطف شوق
مناع .. طب والعمل ايه ياولدي !!؟
عزيز .. ولا حاجة.. العمدة يدور علي بنته وإحنا علينا نديله طرف الخيط ونعرفه إنه علاء هو ال عمل كده ويبقا كده خلصنا من مشكلة شوق ووقت ما العمدة يوصل لشوق أحنا كمان هنكون وصلنا ل إسراء
أحمد .. اكتم ياعزيز ايه الكلام الماسخ ال بتقوله ده
أنت نسيت إننا ولاد بلد وشوق واحدة منينا
وان العمدة مكالمته لينا يعني بيستنجد بينا
ماينفعش نقوله لا في طلب العون
عزيز .. رغم إني مقتنع بكلامك بس حاسس إن مراية الحب واخداك في حتة تاني ياصاحبي
أحمد .. عالعموم خلينا نشوف شوق الاول وبعد كده نقعد ونتفاهم سوا
كويس.. الرقم ال كلمني منه علاء لسه بيدي جرس بس معرفش ما بيفتحش ليه
عزيز .. كرر عليه تاني لحد ما يفتح
احمد .. بس بس اهو فتح
علاء .. انا مش قولتلك مترنش علي اي رقم اكلمك منه
أحمد .. عايز أقابلك ضروري
علاء .. إيه وحشتك أوي كده
احمد .. أخرس وقولي أشوفك فين
علاء .. هنتقابل عند قبر أختك عشان أي حركة غدر أدفنك جمبها هناك
أحمد .. كويس واهو بالمرة نقرأ الفاتحة علي روحها وندعي علي أبوك دعوتين ما هو مدفون قريب منها
علاء .. كفاك رغي ساعة ونتقابل هناك وقفل المكالمة
عزيز .. انت ليه مجبتلوش سيرة شوق !!؟
أحمد .. الكلام مينفعش في التليفون بينا نجهز نفسنا ونروح ع المقابر
فعلا .. راح أحمد ع المقابر وصل هناك وبعد شوية وصل علاء برجالته
علاء .. من غير سلام قول ال عندك
أحمد .. مبدئيا كده شوق بره اللعبة ياعلاء
علاء .. لا والنبي إزاي بقا دي شوق أساس اللعبة
احمد .. شوق دورها أنتها واللعبة كلها عند إسراء ال في إيديها دليل برائتي وكده كده بمزاجك غصب عنك هاخدها منك
علاء .. لا راجل ياد وأنت بقا جايبني هنا عشان تقولي الكلمتين التافهين دول طب كنت قولتهم في التليفون وريحت نفسك وريحتنا معاك
أحمد ..هي كلمة واحدة شوق لأ ياعلاء
علاء .. وأنا قولتهالك تجيب شوق تاخد إسراء
احمد .. انت هتهزر ياروح أمك فين شوق!!؟
علاء .. أنت عبيط يلا هو ايه ال فين شوق؟!
احمد .. شوق اتخطفت وانت ال خاطفها
علاء .. اااه انت بقا عامل المسلسل ده كله عشان متسلمنيش شوق طب بص ياسيدي معاك اسبوع من دلوقتي تسلمني فيه شوق والا متعرفش انا ممكن أعمل إيه
احمد .. ولااا فوووق وبلاش الحبتين دول ( وطلع سلاحه وحطه في راس علاء )
فجأءة رجالة علاء كلهم وجهو أسلحتهم ناحية أحمد
ورجالة احمد وجهت اسلحتهم ناحية رجالة علاء
الوضع اتأزم وأحمد قال ل علاء معاك 24 ساعة وشوق تكون عندي
مشي احمد وساب علاء ال كان مبتسم إبتسامة إستهزاء ب ال بيقولو أحمد
عزيز .. هو ليه بينكر انه خطفها مع أنه المفروض يستغلك بطلباته طالما معاه الكارت الكسبان
أحمد .. مش عارف انا متلخبط ودماغي هتشت مني
عالعموم سيبوني دلوقتي هعمل مكالمة وجاي وراكم
أحمد .. الو
المجهول .. ساعة وتكون عندي ( سلام )
احمد أتحرك بسرعة وراح علي مزرعة شاكر محفوظ
دخل وكالعادة لقي المجهول قاعد ع الكرسي بيتكتك بولاعته
المجهول .. انت مش قولتلك متاخدش اي خطوة بدون علمي
احمد .. خطوة ايه !؟
المجهول .. انت فاكرني نايم علي وداني.. انا يابني مفيش نفس بتتنفسه انا معرفش بيه .. قولي انت ليه قابلت علاء
أحمد .. قولي كنت استني إيه تاني بعد ما علاء خطف شوق
المجهول .. ومين قالك إن علاء هو ال خطف شوق؟!
أحمد .. ومين غيره مستفيد من خطف شوق وهيكون مين غيره
المجهول .. علاء مخطفش شوق
أحمد .. إيه !!!! اومال مين !!؟
المجهول .. طرف تالت
احمد .. طرف تالت !!! مين ده؟؟؟؟؟
انتظرو الحلقة القادمة
لو عندك فضول تعرف إيه ال هيحصل في الحلقة القادمة أعمل متابعه