رواية شقراء الصعيد الفصل الحادي عشر والثاني عشر بقلم الكاتبه سلمي خالد حصريه وجديده
بعد ما قال زياد إن فرحهم كمان يومين و هنادي قآلتله إنه بيحلم كان نقاش حاد جدا وعلي الرغم إن إللي حصل ف هنادي مش شويه لكن فضلت جامده وصابره علشان باباها واخوها إللي فعلا حبيتهم علي الرغم إنها تقدر تعمل مشكله وتعاقب إللي عمل معاها كده وخصوصا إنها معاها جنسيه تانيه وداخله مصر بالباسبور الإنجليزي يعني السفارة الانجليزيه ممكن تتدخل لكن هي فضلت متدخلش حد لأن إللي بتحبهم ممكن يزعلو لكن كانت خلاص واخده القرار إنها ماشيه ومش حترجع تآني وكفاية إنها تعرف إن باباها واخوها وكفاية إنها تعرف إنهم بخير وكويسين
![]() |
مازن قالها بس أنا بحبك مش حقدر أبدا استغني عنك
هنادي سكتت ومردتش عليه وكملت إللي بتعمله وبتحضر حاجاتها طبعا الحركه دي عصبته جدا
خرج زياد من عاند هنادي راح علي عمه رمزي غضبان وبيشتكيله من اللي هنادي بتعمله
ملحوظه
رمزي ليه لحد دلوقتي ميعرفش إللي حصل مع بنته
بنت العم فرحانه من إللي بيحصل والدنيا مش سايعاها ونفسها الدنيا تولع آكتر ما هي مولعه
دخل رمزي عاند هنادي وهو طبعا زعلان إن بنته إللي بيموت فيها ماشيه وسيباه بعد ما بقت ف حضنه
رمزي:خلاص يا قلب ابوكي ماشيه وسيباني خلاص مش حشوفك تاني خلاص ونزلت دمعه من عيونه
هنادي :هي طبعا حزينه بتقول ل باباها أنا أسفه يا بابا أنا فعلا حبيتك جدا مش قادره أتخيل إني ارجع أعيش لوحدي خصوصا إن ماما مبقتش معايا لكن غصب عني
رمزي:ليه يا بنتي غصب عنك حصل إيه لكل ده لو علشان سافرت كام يوم علشان الشغل وسيبتك لواحدك ف أنا أسف مش حيحصل تآني ولو علي الهبل إللي حصل والكلام إللي كان داير في البلد عليكي وعلي زياد ف أنا حقطع لسان أي حد يتكلم عليكي نص كلمه
هنادي :الموضوع اكبر من كده يا بابا أنا هنا حياتي ف خطر ومش حقدر أوضح آكتر من كده
رمزي :أنا حسيبك تهدي ونتكلم بعدين
خرج رمي من عاند هنادي بعد ما رفضت تتكلم أو يعرف منها سبب إحساسها بالخطر لأنها سكتت خالص
مشي رمزي رايح علي الاوضه بتاعته وهو ماشي كانت اوضه هشام مواربة كان صوته وهو بيتكلم في التليفون واضح جدا سمع هشام وهو بيتكلم ف التليفون مع فريده وبيقولها
هشام:أنا لازم اخلي إللي عمل كده ف أختي يدفع التمن غالي جدا
الطرف الاخر:..........
هشام:لا ما آنتي كمان لازم تخططي معايا ازي نكشف الزباله دي كانت حتموت أختي أنا مش حسكتلها حوقعها ف شر اعمالها
رمزي دخل الاوضه علي هشام وبنبره حاده
رمزي :أنا عاوز أعرف حالا إيه إللي حصل مع هنادي خلاها مصممه علي السفر فهمني
طبعا هشام قفل مع فريده بسرعه وهو مخضوض من دخول والده عليه بالطريقه دي وبصوت مهزوز
هشام:أنا حقولك علي إللي حصل كله
فعلا هشام حكي لوالده كل حاجه بالتفصيل
أنا مش حسيب حق أختي أبدا ولازم اجيبهولها
لسه هشام بيكمل كلامه أتفاجأ إن والده ميك قلبه ووقع علي الارض مغمي عليه
هشام بصريح وصوت عالي بابااااااااا
طبعا المل اتجمع علي صوت هشام طلبو الاسعاف ونقلوه المستشفى
الكل عاند رمزي في المستشفي وهو لما فاق مبيقولش غير كلمه واحدة هنادي وبينادي علي إسمها
جت هنادي ومعاها هشام وقال الكل يخرج بره أنا عاوز ولادي
خرج الكل وفضل هشام و هنادي ولما أتأكد هشام إن خلاص مبقاش في حد في الاوضه
رمزي:قربي يا هنادي عاوز اقولك حاجه
هنادي قربت رمزي أخدها ف حضنه وقالها سامحيني يا بنتي معرفتش احميكي من الحقيره دي بس اوعدك اخدلك حقك منها واول حاجه تعمليها علشان تنتقمي منها إنك تتجوزي زياد
هنادي مفاجأه الخبر خلاها مش عارفه ترد لكن يا بابا
رمزي قاطعها وقالها لو عاوزه تاخدي حقك من إللي عملت معاكي كده إعملي إللي بقولك عليه ولا آنتي عاوزه ابوكي يموت من الحسره عليكي
سكتت هنادي وقالتله بس يابابا أنا إللي جوايا ناحيه زياد خلاص مات إنت مشوفتهوش وهو بيضربني أنا مش قادره انسي شكله مش قادره يا بابا ونزلت دمعه من عنيها صعبت علي أبوها وقالها إما خليت أي حد كان السبب ف دمعتك يتعذب ميبقاش إسمي رمزي لكن إعملي إللي بقولك عليه علشان خاطر ابوكي
علي مضد وافقت هنادي ومش عارفه تعمل إيه في المشكلة دي من ناحية عاوزه تاخد حقها ومن ناحية تانيه مش طايقه تبص في وش زياد
كان في جواها صراع تعمل إللي أبوها قال عليه ولا تتطمن عليه وتمشي لكن رمزي كان أسرع منها وطلب المأذون وزياد وفاروق والعيله علشان كتب كتاب زياد و هنادي
زياد كان طاير من الفرحة والسعاده هنادي حتبقي مراته ومش حتسيب حضنه أبدا وحيعمل أي حاجه علشان يعوضها إللي عمله معاها لإنه فعلا ندمان
عاند رمزي ف الاوضه فاروق بيقوله هنا يا رمزي تكتب كتاب بنتك في المستشفي
رمزي رد عليه وقاله خفت يا بابا أموت قبل ما اتطمن علي بنتي إنها ف عصمه راجل
اتكتب الكتاب ورمزي قال ل زياد حد مراتك وانزلو هاتو فستان الفرح علشان الفرح بكره
تنحت هنادي وقالتله إزاي يا بابا أنا ملحقتش احضر أي حاجه وبعدين أنا حاجزه طياره ل لندن بعد بكره
رمزي قاطع هنادي مفيش حاجه عاندي إسمها مينفعش السفر ده هديه مني ليكو فسحه بعد الجواز زي ما بتسموه شهر عسل والنهارده كل حاجه تجهز
كلف رمزي هشام وفريده بتجهيز حفلة ضخمه ودعوه المعازيم إللي هما كبار البلد
كل حاجه اتحضرت ف أقل من ٢٤ ساعه والفستان نزل زياد مع هنادي علشان يشتروه
رفضت هنادي إنها تمسك أيد زياد وكانت ماشية وكان هوا ماشي معاها وهو كان ساكت لأن من حقها بعد إللي عملو فيها قرر يستحمل
دخلت هنادي أتيليه فيه فساتين زفاف قمة في الروعه لمعت في دماغها فكره كانت متأكده إنها حتجنن زياد اختارت فستان مفتوح من الظهر والصدر وقصير من ادام لكن طويل من ورا دخلت هنادي تقيسه وخرجت
أول ما شافها زياد فتح بؤه من جمالها لكن متضايق من الفستان المكشوف وبص لقي هنادي بتقول للبنت إللي واثقه أنا حاخد ده
مسكها زياد من دراعها وقالها لحد كده وخلاص أنا صبري نفذ وكان شكله فعلا وقتها مرعب عينيه حمر من الغضب وشويه وكان حيطلع دخان من ودانه قالها آنتي لو لبساه ليا في اوضه النوم حبقي في قمة السعاده أنما تلبسيه في الفرح ادام الناس دي كلها مش حسمحلك
كملت هنادي كلامها مع البنت كان ذياد مش بيتكلم وقالتلها لو سمحتي لفيه وعاوزه دلوقتي
بصلها زياد ولسه حيرفع صوته قآلتله مش معني إنك كتبت الكتاب يبقي تتحكم فيا لا انسي أنا إللي عاوزاه حعمله وافقت موافقتش مش فارقه معايا أصلا واعرف إن من السهل جدا إني اتطلق منك
سكت زياد والغضب فعلا مسيطر عليه وخلاص مش قادر وف نفس الوقت خايف تنفذ تهديدها دا مصدق إنه يتقفل عليهم باب واحد لكن سكت كده وقال أهو يوم يا رب يعدي علي خير والناس كلها عارفه إنها اجنبيه لكن أنا مش حقدر أشوف حد يبص عليها بصه وآحده يا رب أعمل إيه أنا خلاص حتجنن........
يا تري هنادي حتعمل إيه مع زياد
الفرح حيبقي عامل إزاي
بنت العم ممكن تعمل إيه ف مناسبة زي دي
❤️❤️❤️❤️❤️
12=شقراء الصعيد - أجمل يوم ف العمر =12 /
النهارده فرح هنادي وزياد وكل حاجه جاهزه وفعلا نجح هشام وفريده نجحو إنهم يخلو كل حاجه بالشكل المثالي
هشام وفريده تعبو جدا لكن مبسوطين إنهم خلصو كل حاجه و منتظرين رأي هنادي لأنها الوحيدة إللي لسه مشفتش التجهيزات
دخل هشام علي هنادي ولسه حيحكيلها تفاصل إللي عمله صدته هنادي وقالتله م يهمنيش أعرف يوم زي أي يوم
سمع زياد كلام هنادي بالصدفه واتحول احلي يوم ف حياته ليوم حزين لأن ببساطه سسب فرحته حاسه إنه يوم عادي او كمان مالوش لازمه
استغرب هشام من كلام هنادي لكن قربت منه وقالتله بهمس ف ودانه أنا كنت بقول كده لأني لمحت زياد ورا الباب قولت انكد عليه لأني مهما حصل عمري ما حنسي إللي عمله معايا
ضحك هشام ضحكه خبيثه وقالها مش فراق مصريه ولا انجليزيه النكد بيجري ف دمكو ضحك ضحكه جامده ولما هنادي بصتله حط أيده علي بؤه بس برضه مش قادر يمسك نفسه من الضحك
جات الميكب ارتيست ومصفف الشعر والكل منتظر طله هنادي طبعا زياد حيموت لإنه شاف الفستان إللي حتلبسه وكان مستني يشوف حد بيبص علي مراته علشان يخلعله عينه
طلبت هنادي إن جدها فاروق هو إللي يسلمها ل زياد الكل مستني وبيبصو لفوق اعلي السلم وكانت هنادي علي وشك الظهور والكل مستني علي آحر من الجمر
ظهرت هنادي ماسكه دراع جدها وكانت صدمه زياد مش ده الفستان إللي اختارته هنادي وإحنا ف المحل علي الرغم إنه كان مستغرب لكن كان مبسووووووط جدا
رمزي أول ما شاف بنته كأنه شايف ماجده الدموع شقت طريقها علي وشه
نزلت هنادي من علي السلالم وسلمها فاروق ل زياد فضل زياد باصصلها والفرحه حتنط من عنيه وقعدو خلاص في الكوشه همس ف ودنها وقال أمال فين الفستان إيه وبيغمز بعينه
بصتله بصه بقرف وقالتله أنا عمري ما حلبس فستان مكشوف جدا كده اصل أنا مش فاجره ورفعت حاجبها وبصتله بصه احتقار
كان فستان زي فستان الاميرات مقفول من كل حتة بكم محتشم جدا والميكب هادي ورقيق جدا وتسربحه شعرها والطرحه كأن فعلا هي أميره طالعه من قصه خياليه
إفتكر زياد الكلام إللي كان بيقوله لها ونزل وشه ف الارض وفضل يفكر إزاي يعوضها عن الألم إللي خلاها تعيشو ومتأكد إنها مش حتنسي إللي عملو معاها
في اللحظه دي قرر هشام يفاجئ الكل وعمل حركه مجنونه مسك الميك قال طبعا أنا النهارده فرحان لأن أختي روح قلبي بتتجوز من اغلي شخص عاندي في الدنيا أخويا وابن عمي زياد طبعا الف مبروك لأني فعلا فرحان من قلبي لكن في حاجه تانيه عاوز أقولها راح لفريده وركع علي ركبته وطلع خاتم وقالها ممكن تقبلي تبقي شريكه عمري و حبيبتي وام عيالي
فريده كانت مصدومة لأنها مكنتش متوقعه إن هشام يعمل كده بس كانت فرحانه جدا بصت لوالدها ووالدتها بصولها وضحكو وهزو راسهم بالموافقة بصتله وقالتله موافقه
لبسها الخاتم ولسه حياخدها ف حضنه الكل بصله وقاله جده بعد كتب الكتاب يا حبيبي مش دلوقتي خالص
نزل أيده وقال مش مهم أنا حصبر لكن مش كتير لأن فعلا بحبك
كل إللي في الفرح صقفو من السعاده والجو كان جميل وبدل الفرحه فرحتين فرح زياد و هنادي وخطوبه هشام وفريده
خلص الفرح الحمد لله علي خير وودع العرسان المعازيم وراحو علي اوضتهم ولسه زياد حيشيل هنادي زي ما أي عريس بيشيل عروسته من فرحته بيها وقفته هنادي وقالتله إنت بتعمل إيه أحسن تكون فاكر إنك جوزي والحوارات دي لا الموضوع ده نتكلم فيه بعدين أنا دلوقتي تعبانه وعاوزه انام
سكت زياد وفضل يتخيل أول ما ينامو علي سرير واحد حيحاول ينسيها بحنيته إللي عمله معاها
دخلت هنادي الحمام غيرت هدومها وطلعت لقت زياد قاعد علي السرير لسه حيتكلم
لقي هنادي بتطلع الشنط وتحطهم جمب الباب ولا كأنها سامعاه
راحلها زياد ومسكها من دراعها وقالها آنتي بتعملي إيه شالت أيديها منه وقالتله إنت ناسي اننا عاندنا طياره كمان ٧ ساعات
سكت زياد وقالها طيب تعالي ارتاحي ساعتين بس وبعدين نقوم نحضر كل حاجه وافقت هنادي ولسه زياد بيطلع علي السرير قآلتله علي فين كده إن شاء الله
بصلها وقالها حنام ردت عليه وقالتله مش هنا هناك كده وشاورت علي الكنبه قآلتله إنت حتنام هناك علي الكنبه دي
قالها عريس يوم فرحه حينام علي الكنبه لألألأ آنتي كده بتهزري ولسه مكمل وحيقعد علي السرير قآلتله خلاص موافقه تنام علي السرير لكن تطلقني
نزلت الكلمة دي علي زياد كان في حد بيكب عليه مايه ساقعه يعني إيه إللي بتقوليه ده من كتر غيظه بصلها أخد مخدة وراح نام علي الكنبه وهي راحت علي السرير نامت نوم عميق لأنها مرتاحه إنها بدأت تاخد حقها من زياد
عاند زياد النوم حتي مجاش عاند عنيه أصلا وبعد ما كان فرحان وسعيد اتحولت سعادته لقهر وحزن كان بيبكي من غير صوت لكن كان بيصبر نفسه إنها فتره مؤقته ولما ح يصالحها حترجع كل حاجه زي الأول واحسن
فضل صاحي لحد ما صحيت هنادي صحيح إنها كانت فتره صغيرة لكن حاسه إنها ارتاحت فعلا بصت لقت زياد مرهق كان بقالو أسبوع منامش
أول ما أخد باله إنها صحت بصلها بصه كلها حب وعشق
هي ولا كأنها شايفاه واتحركت ونزلت من علي السرير راحت الحمام أخدت الشاور بتاعها ولبست لبس كاجوال بنطلون جينز وتي شيرت قصير من ادام وطويل من ورا بنص كم
شافها زياد وقالها إيه إللي إنتي لابساه ده لألألأ غيريه أنا مش موافق عليه
ردت هنادي عليه وقالتله بص علشان نكون حلوين الشويه إللي إحنا مع بعض فيهم أنا مش عاوزه خانقة أنا أعمل إللي أنا عاوزاه لأني بعرف ف الاصول كويس وبصتله ونزلت حصلها بعد ما أخد الشاور بتاعه ولبس برضه لبس كاجوال ركبو العربية بعد ما ودعو إللي في البيت كلهم
راحو المطار ركبو الطياره وكل ده من غير ولا كلمه من هنادي
وصلو مطار لندن لقت أصحابها أحضان وبوس وطبعا واقف مستغرب لأن فيهم شاب راح سلم عليهم وشد علي أيد الشاب بعنف
هنادي آه نسيت أعرفكم زياد إبن عمي
زياد وبس
هنادي آه وبس
زياد واضح إنك نسيتي حاجه
هنادي لا منسيتش
زياد جوزك ولا الموضوع ده مجاش ف بالك خالص
هنادي لا مجاش لأنو مش مهم
اتصدم زياد من كلام هنادي لأنها فعلا جرحته جامد
وصلو البيت بتاع هنادي كان قصر جميل جدا ودا يدل إنها غنيه جدا كلمت الخدامه بتاعتها وقالتلها تحضرها الحمام وتحضر اوضه للضيف إللي معاها
طبعا زياد كان فاهم هي بتقول إيه علي الرغم إن هنادي بتتكلم الانجليزيه وانجليزيتها زي بتوع الافلام كده لكن هو برضه بيتكلم إنجليزي كويس صحيح مش زيها لكن تمام
مسك أيدها وقالها ليه مش حنام معاكي ف اوضه وآحده
ردت هنادي عليه وقالتله شكل نومه الكنبه عجبتك أنا عملت كده علشان أنا وإنت نرتاح
بصلها بحنيه وقالها أعمل إيه علشان تسامحيني أنا فعلا مش عارف أعيش ندمان وخايف عاوزك تسامحيني أنا فعلا بحبك
شالت أيديها منه ومشيت وكأنه أصلا مش بيتكلم حط وشه ف الارض والدمعة نزلت علي الارض من كتر الحزن
في نفس الوقت هنادي ملفت حد من رجالتها يدور ورا بنت عم والدها علشان تاخد حقها منها
خرج زياد من البيت ميعرفش أي حد خالص ولا أي حاجه فضل ماشي ماشي مش شايف أصلا أي حاجه لحد ما لقي نفسه من كتر التعب مش قادر يمشي من بعيد كان في نور جاي من صدمه زياد معرفش يتحرك وفجاه...........
. تتوقعو إيه إللي حصل مع زياد
الراجل بتاع هنادي وصل لحاجه ولا لا عن بنت عم والدها واسرتها
علاقه زياد و هنادي حتفضل كده لحد أمته
الفصل الثالث عشر والرابع عشر والخامس عشر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق