ويأتي شخصٍ يثبت لك أنك أجمل ما في العالم وأهم إنجازاتهِ فـ تبتسم بتلقائية وتقول ‘هل أستحق حقاً كل ذاك الحب
خلصي ياختي إنتي مفكرة نفسك عروسة بجد ولا اي خلينا نخلص منك ومن شكلك المقرف اللي كاسفنا دا
دي كانت أمي ودا كلام أمي عادي سمعت كلامها عادي من غير آي شعور مش أول مرة تقول الكلام دا أنا اتعودت وهي مش اول واحدة بالمناسبة هو انا عشان تميت ال 26سنه بقيت بايرة خلاص وشؤم !!
مجتمع عنصري ومُعقد حط قوانين فاضية مالهاش آي لازمة غير إنها بتأ*ذي البنات اللي زيي واللي ف حالتي..خرجت من اوضتي وانا رغم إني معرفش حاتم ومقعدتش معاه غير قاعدتين بس، بس كنت فرحانة إني أخيراً هبعد عن كل الجمل اللي بتتقالي وإن أختي أحلي مني وأخلص من كلام ماما وقواعد المجتمع المؤ*ذية خرجت وكنت مبتسمة بس إبتسامتي تلاشت لما لقيت حاتم واقف بيتكلم ف التليفون و بيزعق
=يعني اي خسرت كل حاجة
…
=يعني خلااص كل الفلوس وكل حاجة ضاعتت الشركة وقعت والأسهم ضاعت بلاااش
رمي التليفون ف الأرض وهو متعصب وبصلي وكل عيونه بتنطق شر قرب مني ومسك كتافي وهو بيهزني جامد
=إنتي السبب أنا مش هكمل كتب الكتاب دا دانتي طلعتي شؤم فعلا زي مابيقولوا أنا غلطان إني سمعت كلام بابا وكنت هتجوزك شفقة لأنك بنت صاحبه دانتي شؤم ياشيخة اومال لو كنت كتبت عليكي غور*ى
بعدها رماني علي الأرض وأنا ببكي من الصدمة ومن الكلام اللي قاله ولحظة!!
هو سابني يوم كتب الكتاب وقدام كل الناس دي، هيثبتوا فعلا إني شؤم مش هيرحموني بالكلام قومت دخلت اوضتي جري وقعدت أعيط وبعديها الناس مشيت ومسلمتش من كلام ماما وأختي حتي ورا الباب اللي قفلته بالمفتاح محدش سأل فيا محدش همه آمري كل اللي همهم الناس
_حطيتي وشنا ف الأرض ياشؤ*م يابا*يرة أنا لو أطول مخلِكيش بنتي هعمل كدا
=خلاص يماما تعالب نقعد إحنا هنحرق في دمنا ليه أصلا دي حاجة متوقعة من واحدة زيها وإنتي يعني كنتي مفكرة إن اليوم هيكمل عادي
كل دا سمعاه من ونا جوا ف اوضتي وبعديها قعدوا يضحكوا عليا وعادي!!
أنا معملتلهومش حاجة ليه بيعملوا معايا كدا هو انا اللي إخترت شكلي أو شكل جسمي أو إني أتجوز إمتي..نمت من كتر التعب،
وتاني يوم خرجت من أوضتي و وأنا راحة الحمام سمعت صوت واحدة معرفهاش وإتصدمت من اللي سمعته
=بوصي بقي يأم فرح بنتك عبير هجوزها لإبني بس بشروط
_قولي يحبيبتي اي هي شروطك دانا ماهصدق أخلص منها ومن خلقتها
=تخدمني أنا وإبني ومتردش علي اي حاجة متعجبهاش وكمان تشتغل معانا
_بس كدا خوديها إنشالله تولعوا فيها انا مش عايزاها اصلا
=أيوا ياأم فرح بس إنتي عارفة شغلنا هيبقي عبارة عن اي ولا اي?
_أيوا عارفة إنكم بتشتغلوا ف المخدرات والتوزيع بس مش مهم عندي أنا اصلا مش عايزاها تاني كل اللي عايزاه إنها تغور من هنا ومشوفهاش تاني أنا أصلاً بتكسف منها ومن شكلها وهي عاملة زي الفيل
=خلاص علي خيرة الله قوليلها بقي وهتعرفيها انها هتشتغل معانا ولا لا?
_لأ لما تتجوزه ابقي عرفيها إنتي عشان هي هتعمل فيها ست الطاهرة ومش هترضي وهي أصلا مش لاقية الشؤ*م
كنت بسمع الكلام دا والدموع ف عينيا والصدمة شلتني خلتني مش قادرة أتحرك جريت علي أوضتي وقفلت عليا وفضلت أعيط بس لإمتي هفضل أعيط لحد مامستقبلي يتدمر وأفضل طول حياتي بالشكل دا وكمان اآذي الناس بالمخدرات ماما فضلت تخبط الباب كتير اوي عليا وانا مردش عليها مانا عارفة هي عايزة اي لحد مازهقت والليل دخل ودخلت تنام وأنا كنت حسمت آمري وأخدت قرارى قومت خدت شنطة السفر وجمعت كل هدومي وحاجتي وخدت الفلوس اللي كنت شايلاها لما كنت بشتغل ومشيت بهدوء في الشقة ووصلت للباب وفتحته ونزلت بسرعه
_إنتي…
كنت وصلت لأول الشارع بتاعنا سمعت حد بينده عليا وقفت مصدومة ومتخشبة وخايفة
التاني
_إنتي
فضلت واقفة مكاني مرعوبة ليكون حد يعرفني ويقولهم ويرجعني تاني قولت اني هطنشه وامشي بس مع وقفتي اللي طولت جاية امشي كان هو اتحرك وبقي ف وشي..معرفهوش بس شكله مش من هنا خالص
_إنتي بتعملي اي لوحدك دلوقتي ف الساعة دي واي الشنطة دي
=وإنت مالك وبعدين إنت مين
_أنا مالي!!
لأ مالي ونص أنا كاتب كتابك يهانم وبالصدفة كنت جاي عشان عايز والدك في موضوع الاقيكي هربانه
الصدمة شلتني اي اللي هو بيقولوا دا اكيد في حاجة غلط
=كاتب كتابي اي إنت شارب حاجة ولا اي انا مش متجوزة
_لأ ماهو نا كاتب كتابك من غير مانتي ماتعرفي حاجة لأنتي ولا اي حد تاني غير والدك بس وكدا كدا كنت جاي عشان اعرفك واخدك معايا لإني مسافر
=إنت بتقول اي اكيد في حاجة غلط
_والله لو مش مصدقاني تعالي نطلع نسأل والدك وهو يقولك إني كتبت عليكي إمبارح
مشيت معاه ونا مترددة ومصدومة ازاي بابا يعمل كدا دا انا كنت بقول ان هو الوحيد اللي حنين عليا..طلعت معاه وهو اللي خبط علي الباب بابا فتح وطلعت ماما واختي علي صوت الخبط وراه
أشرف (والد عبير):فؤاد!!
إزيك يابني عامل اي واي اللي جاب عبير معاك ف وقت زي دا برا البيت!
=الحمدلله ياعمي انا كويس دا نفس السؤال اللي كنت جاي اسئلهولك اي اللي نزل عبير من البيت ف وقت زي دا مع شنطة هدومها مش قادر تحافظ علي الامانة يعمي كام يوم
إحسان(والدة عبير): مين دا ياأشرف وإنتي يا شؤم اي اللي نزلك ف وقت زي دا بشنطة هدومك عايزة تطفشي وتجيبيلنا الكلام اكتر ماالناس مش سيبانا في حالنا بسببك
وكانت جاية تشدني عشان تضربني مسك فؤاد ايدي ووقفني جنبه
_لو سمحتي هي مراتي دلوقتي ومسمحش لحد إنه يمد ايده عليها
فرح(أخت عبير):تلاقيه عاشقها وكانت هربانة معاه اومال هيكتب كتابه عليها وهي معاه ف وقت زي دا ليه يعني
فؤاد:مسمحلكيش تتكلمي كدا عنها دا أحسن منك مليون مرة وبعدين انا متجوزها من والدك وحتي هي مكنتش تعرف ولسه عارفه دلوقتي
إحسان:اي الكلام دا يا أشرف جوزتها من غير مااعرف
أشرف:وإنتي يعني لو كنتي عرفتي كنتي هتعملي اي مانتي مش عايزاها وكل شوية عايزة تخلصي منها بأي شكل
إحسان: بس انا كنت هجوزها وإتفقت مع الست وكان هتخدمني ف حاجات كتير
أشرف:تجوزيها تاجر المخد*رات هو وأمه عشان شوية مصالح ليكي لأ مش بنتي اللي تتجوز تاجر مخدرات وعشان عارف إني مش هقدر أمشي الفكرة دي من دماغك جوزتها فؤاد من وراكي ومن وراها هي كمان بس ثقي فيا يابنتي أنا واثق من اختيارى فؤاد راجل وجدع
عبير:مبقتش فارقة والله أهو اي حد ترموني ليه وخلاص
بصلها فؤاد بشفقة علي حالتها ورجع بص لوالدتها
_اللي كنتي هتعمليه ف مراتي دا مش هيعدي بالساهل وانا هاخدها معايا عشان هسافر انا وهي بكرة الصبح وإنسيها بقي خالص لحد ماتعرفي قيمتها
إحسان:خدها وإشبع بيها أصلا مش عايزة أشوف خلقتها مانت ذوقك زي الزفت خلصني منها
فؤاد إتعصب وكان هيرد بس تمالك أعصابه وبصلها
_لولا إنك والدة مراتي اللي إنتي لسه غالطة فيها وفيا كان ليا رد تاني معاكي عن إذنك ياعمي عشان عندي معاد طيارة شغل بكرة الصبح
وشدني من ايدي وخدني معاه تحت ذهول الكل
=أنا معرفكش سيب ايدي
_هو مش لسة والدك قايل قدامك إني جوزك ولا اي
=بس انا مش عارفاك
أتنهد_هتعرفيني مع الأيام ياعبير يلا عشان نروح عشان نلحق ننام قبل الطيارة
=طيارة اي وهتروح فين
_هسافر شهر تبع الشغل لإيطاليا ونرجع علي طول
=وإنت بتشتغل اي
_إسمي فؤاد المهندس صاحب أكبر شركة استيراد وتصدير في مصر
=إممم وإنت اتجوزتني ليه وليه متجوزتش حد تاني
_هتعرفي كل حاجة وكل حاجة عني بعدين دلوقتي إركبي عشان نروح
رديت بغباء
=أركب اي
_إركبي العربية عشان نروح
=هي دي عربيتك ماشااءالله
إبتسم_أيوا عربيتي
يالهوي هو ابتسامته حلوة اوي كدا ليه فضلت باصة لضحكته لحد ما اختفت وحسيت انه لاحظ اني مركزة معاه ومبتسمة زي الهبلة بالظبط ابتسم تاني عليا وانا اتحرجت وبصيت علي اي حاجة واتكلمت عشان ادارى احراجي بغباء اكبر
=عربيتك عربيتك ولا سارقها!?
ضحك_يعني عمال اقولك فؤاد المهندس وصاحب اكبر شركة استيراد وتصدير وتقوليلي سارقها ياستي إركبي
مردتش لإني غبية فعلا وركبت ..وصلنا بعد حوالي تلت ساعة وكانت ڤيلا كبيرة اوي وجميلة جدا دخلت وكانت واسعه اوي وديكورها جميل جدا وهادي عجبني ديكورها لاحظت انه مركز معايا ف بصيتله واتكلم وهو مبتسم
_عجبتك الڤيلا
=أيوا جميلة ماشاءالله
_مش أجمل منك
=هاا!!!
_هاا اي يلا ننام عشان مش قادر
=تمام فين اوضتي
_قصدك اوضتنا ف الدور اللي فوق تعالي
مسابليش فرصة أرد وخدني من ايدي وطلعنا الدور اللي فوق اللي كان فيه 3 أوض ودخلنا أوضة كانت جميلة جدا ولونها سماوي وهادية
_أنا هنام فين
=هتنامي هنا
_وإنت?
=اكيد هنا
_إزاي يعني طيب انا هنام علي السرير وانت هتنام علي الكنبة
=نعم!!
وانا ضهرى يتكسر عادي!
_يعني انا اللي ضهري يتكسر!?
=حسبي الله في الظالم ماشي ياستي
عدا أول ليلة بيننا بلُطف وكنت مبيوطة وحاسة إني هبتدي بداية جديدة وحياة سعيدة معاه أخيراً..تاني يوم صحينا بدري عشان نجهز للسفر ونزلنا وقبل مانقعد نفطر الباب كان بيخبط قام فتح واتلاقيت واحدة لابسة هوت چيب وبلوزة حمالات ولابسة مش لابسة وأول ماشافته حضنته
_وحشتني أوي يبيبي
هو وقف مصدوم ومش بيتحرك وانا كنت مصدومة أكتر منه وواقفة بتابع الحوار وهطق يعني اي واحدة تحضن جوزى وانا واقفة كدا وهو مبعدهاش عنه ليه!!
_كويس إني لحقتك عشان أسافر معاك زي كل مرة ياروحي
قطعت كلامها وبصتلي وكإنها لسة واخده بالها مني وقالت
_مين دي الشغالة الجديدة?
3
_مين دي الشغالة الجديدة?
=شغالة اي إنتي اللي مين وحاضنة جوزي كدا ليه
ضحكت نرمين بصوت عالي وقالت بتريقة
_جوزك!
بقي فؤاد المهندس يتجوزك إنتي!??
إنتي مش شايفة نفسك ولا اي
كانت الدموع ف عيني بتحارب عشان تنزل أه مش اول مرة حد يقولي كلام بالشكل دا بس اتأذيت اكتر لإنه قدامه..زعق فؤاد
_إسكتي يانرمين مسمحلكيش تتكلمي مع مراتي بالشكل دا
شوفت الصدمة ف عينيها وجريت عليا كانت عايزة تمسك فيا بس فؤاد مسكها من ايديها وبعدها علي الباب زي ماكانت
_إنت بتزوقني عشانها يافؤاد!!
إنت بتتكلم بجد إتجوزت ديي!!
سيبتني انا واتجوزت دي
تجاهل فؤاد كلامها واتكلم ببرود
=جاية ليه يانرمين إحنا خلاص كل حاجة بيننا إنتهت
_لأ منتهتش يافؤاد إحنا بس اتخانقنا خناقة عادية بين آي اتنين مخطوبين إنت اللي أڤورت وكنت جاية اصالحك عشان بحبك ألاقيك متجوز
فؤاد بصوت عالي
=والله!!
مشكلة صغيرة.. إني أقولك مفيش سفر وتاني يوم الاقيكي سافرتي مع الشلة الفاسدة اللي انتي ماشية معاها يبقي مشكلة صغيرة وعادية!!
وبعدين بطلي تضحكي علي نفسك بقي إنتي عارفة كويس اوي وانا عارف إنك مش بتحبيني إنتي بتحبي فلوسي وكنتي بتحبي كونك هتبقي حرم فؤاد المهندس لكن متحلميش ب دا أنا اتجوزت وبقي معايا اللي أحسن منك
إتكلمت نرمين بتريقة واضحه
_أحسن مني اوى بصراحة مش شايف شكلها عامل ازاي ولا لبسها ولا جسمها دي تقريبا بتاكل 15 مرة ف اليوم
وضحكت بعد جملتها وانا دموعي نزلت وفؤاد اتعصب ورد عليها
=نرمييين..قولتلك مسمحلكيش تتكلمي عن مراتي بالشكل دا ويلا بقي عشان ورانا ميعاد طيارة ومشوفش وشك ف اي حِتة اكون انا فيها تاني وإلا إنتي عارفة انا هعمل اي
_ماشي يافؤاد وأنا وحياة بابا لأوريك وأوريها إزاي تاخدك مني
وسابتهم ومشيت فضلت عبير واقفة مكانها بتعيط حَس فؤاد بالزعل عليها وكان عايز يهون عليها بس مش عارف ازاي إبتسم وقالها
_متعيطيش متستاهلش دموعك مش آي حد يقولك كلمة سلبية تعيطي دول بيقولوا كدا عشان مش عايزينك مبسوطة حاربي عشان سعادتك إنتي مالكيش دعوة بكلامهم
مسحت دموعي بإيدي وقولت=بس هي مش بتكدب فعلا أنا شكلي وحش وجسمي مليان ومتحبش إنت أتجوزتني ليه اصلا
إتنهد وعرف إنها ثقتها ف نفسها بقت شبه منعدمة بسبب كلام الناس ليها وهو وعد نفسه إنه يرجعهالها تاني
_إتجوزتك عشان عايزك تبقي مراتي ياعبير لإني معجب بأخلاقك بقالي فترة كنت بشوفك دايماً في المكتبة بتاعت عمِ إسماعيل بتشتري كُتب وسألته عنك وعرفت إنك بتحبي القرآة جداً وكنتِ دايماً بتقعدي لوحدك وهادية ف حبيت اعرفك أكتر ومرة كنت ماشي وراكي من غير ماتلاحظي عشان اعرف عنوانك لإني توقعت من واحدة مختمِرة ومحترمة لو وقفتها ف الشارع وكلمتها هتفهمني غلط وشوفتك وإنتي بتكلمي والدك ف الشارع لما شوفيه صدفة وطلعتوا مع بعض وبعدها بإسبوع كلمته وإستغربت لما قالي نكتب الكتاب علي طول النهاردة في الأول فهمته غلط بس بعد ماحكالي اللي والدتك عايزة تعمله تفهمت دا ومتردتش لأني كدا كدا كنت عايز أتجوزك فعلاً
كنت بصاله بصدمة!
مع كل كلمة كان بيقولها كان ذهولي بيزيد أكتر هو يقصدني أنا يجماعه!!
هو انا اتحب فعلا زي مابشوف وكدا فوقت علي صوته وهو بيناديني
=طب إنت مقولتليش الكلام دا إمبارح ليه وأُعجبت بيا علي اي أصلاً
_عشان إمبارح مكنتيش تعرفيني وكان الكلام هيبقي صعب بالنسبالي وبعدين إنتي جميلة جدا ياعبير كل واحد ليه جماله الخاص ربنا مخلقش حد وحش أبداً و قواعد الجمال اللي الناس حطوها دي مالهاش اي لازمة ولا ليها آي أساس من الصحة كل واحد جميل بطريقته هو بطريقة مختلفة وأنا شوفت جمالك الحقيقي ياعبير شوفتك من جواكي
كنت بسمع وقلبي حساه بيرفرف لدرجة إني نسيت كل هموم العالم وكل اللي كان بيتقالي سيبته من غير كلام عشان مش عارفة أرد أقول اي اتكسفت جداً و طلعت عشان أجهز عشان السفر بصيت في المراية ولأول مرة أحس إني جميلة..أيوا فعلا أنا شايفة ملامحي وشيفاني لأول مرة..جميلة
“أحياناً نحتاج إلي شخصٍ ليقول لنا كَم نحنُ رُئعاء نحتاج إلي كلِمة تُربط علي قلبنا نحتاج الشعور الإنساني ولكن نحن نعيش بين مجموعة بشرية الإسم حيو. انية الفعل بَل آشد قسوة♥️”
في بيت عبير…
_ماما شوفتي الزفتة اللي إسمها عبير دي طلع اللي إتجوزها مين
=يخربيت دي سيرة هيكون مين يعني
_لما قال فؤاد المهمطس قدامي كنت حاسة إني سمعت الإسم دا قبل كدا وبحثت دلوقتي عنه طلع صاحب أكبر شركة إستيراد وتصدير في مصر بنت المحظوظة الحظ لعب معاها المرة دي جامد اوي
=إنتي بتتكلمي بجد ?
_أيوا والله ياماما هي الحاجات دي فيها هزار
=لأ بقي صاحب أكبر شركة استيراد وتصدير يبقي غني ومنعنش
_ غني بس!
دا ممكن يوزننا كلنا دهب وولا يفرق معاه
بصيتلها أمها بنظرة هي تعرفها كويس وإبتسمت و فهمت هي قصدها اي وردتلها هي كمان الإبتسامة
=لأ حيث كدا بقي نبقي نسأل ابوكي علي العنوان ونشوف هيرجعوا إمتي من السفر عشان أروح أشوف بنتي حبيبتي اللي وحشتني
_وأختي اللي ماليش غيرها
قطع كلامهم رنة الموبايل بتاع فرح ف بصتله بزهق وقامت ترد
_ألو ياشادي
=إي ياحبيبتي عاملة اي وحشاني
_الحمدلله تمام
=في اي يابنتي مالك بتردي بإختصار ليه
_مفيش ياشادي بس كنت قايلالك علي اي امبارح ومجبتهوش
=والله ياحبيبتي قولتلك أول ماأجمع حقه هجيبلك السلسلة والخاتم علي طول
_وإنت مش معاك فلوسهم دلوقتي ليه
=هو اي اللي ليه يافرح ربنا ييسر الأمور هو انا مش بحضر ف العفش والبيت بتاعنا فلوسي كلها ضايعه عليهم وبشتغل كمان شغلنتين عشان اكفي طلباتك اللي مش فاهم أصلاً بتعملي بيهم اي بس بلبيلك كل طلباتك عشان بحبك بس مش تضغطي عليا بالشكل دا المفروض نكون سند لبعض مش كدا
فرح بزهق_خلصت?
=إنتي بتكلميني كدا ليه يافرح هو انا بحكيلك حدوتة هو اي اللي خلصت
_كل شئ قسمة ونصيب وخلاص إعتبر خطوبتنا بح
=إنتي بتقولي إي يافرح أكيد بتهزري صح
_لأ مش بهزر طبعاً إذا كان مش عارف تلبي كل طلباتي دلوقتي هتعمل اي بعد الجواز أنا مش موافقة طبعاً
=يافرح إعقلي إحنا جوازنا بعد شهر
_إعتبره بح برضوا يلا سلام
وقفلت المكالمة من غير ماتستني رد وإتنهدت كإنه كان حمل وإنزاح عنها وإبتسمت بخُبث وبـ شر
=أنا لازملي واحد زي فؤاد كدا ميحسش بطلباتي وتبقي كلها تحت رجلي..مش هخليكي تتهني بيه يابومة
عند فؤاد وعبير…
كانت خايفة من الطيارة لإنها أول مرة تركبها بس فؤاد مِسك إيديها وطمنها بإبتسامة ف ردِتله الإبتسامة وهديت شوية بعد شوية وصلوا لإيطاليا وراحوا للأوتيل اللي فيه كل أعضاء الشغل اللي جايين عشانه إستقبلوهم كلهم وبعدين طلعوا للجناح بتاعهم
_ شوية وهيجيلنا الفطار نفطر وهنزل عشان أشوف رئيس الشركة اللي هتعاقد معاه
بصيتله وإبتسمت وهزيت راسي من غير كلام..شوية وفعلا الأكل جِه وأنا كنت جعانة جدا كلت بشهية مفتوحة وهو كان بيبوصلي وبيبتسم إتحرجت ووقفت آكل
_وقفتي أكل ليه كملي
=بوص هو بصراحة أنا مش مفجوعة بس جعانه اوي ومفطرتش من الصبح
ضحِك وضحكته خطفت قلبي
_عارف..كملي أكل أنا هنزل أشوف الشغل وهرجع بالليل
=ماشي ربنا معاك
_خلي بالك من نفسك عقبالك ماارجع وهبلغهم يبقوا يبعتولك الغدا عشان هتغدي برا
هزيت راسي بإبتسامة وهو نزل ببوص جمبي أتلاقيت الموبايل بتاعه ف لبست الخمار ونزلت وراه بسرعة بس أتصدمت من اللي شوفته كان في واحدة أجنبية حضناه بس الفرق المرة دي إن هو كمان كان حاضنها وبعدين باس إيديها وانا الدموع كانت إتجمعت ف عيوني…
4
كنت هطلع أجرى علي فوق بس هو كان أسرع مني ومسك إيدي ووقفني جنبه وقدامها
_Questa è mia moglie
(هذه تكون زوجتي)
إتلاقيت البنت ابتسمتلي بعد جملته ومدت ايديها تسلم عليا ف بصتله واتلاقيته مبتسم ف سلمت عليها وانا مش فاهمه حاجة وبعد ما مشيت إديتله فونه وكنت طالعة بس وقفني
_إي الدموع اللي ف عينك دي
بصيتله بعتاب ومردتش ف إتنهد وقالي
_هما طريقتهم في السلام هنا كدا ودي ديانا سكرتيرة المدير اللي هنبتدي شغل معاه ف هما طريقتهم ف السلام كدا لو عملت غير كدا هيقولوا انى مش بفهم ف الذوق
بصيتله وأنا تقريبا عيونى بتطلع شرار
=طب ماهي سلمت عليا بالإيد عادى ولا هما بيحضنوا رجالة بس وبعدين الدين بتاعك بيقول إن حرام تلمس واحدة مش حلالك ولا نسيت?
إبتسم على غيرتها وقال
_ معاكِ حق بس اخلص شغلى هنا وهنسافر على طول
=ماشي انا هطلع انا سلام
سيبته وطلعت أه كنت متدايقة بس هعمل اى هحاول الاقي شئ اعاقبه بيه
عند نيرمين:
_ألو
فرح:
=أيوا مين معايا
_أنا واحدة عايزة مصلحتك إنتى ومامتك وهجبلكم حقكم من أختكم اللى جايبالكوا الكلام وبعد دا كله اتجوزت واحد غنى وهي تعيش ف سعادة وفلوس وإنتوا زي مانتوا
=إممم وهتجبيلنا حقنا ازاي وهتستفادى اى أصلا
_لأ الكلام دا بقي محتاج قاعدة هبعتلك لوكيشن الڤيلا بتاعتى تجيلى ونتكلم ونتفق
=ڤيلا!!
أه تمام ابعتيلى اللوكيشن وانا كمان ساعه هبقي عندك
_ماشي يلا باي باي
بعد ماقفلت معاها:
_خلينى أتخلص منها بأختها الغبية
عند عبير:
كانت قاعدة زهقانه ومستنياه لحد مارجع
_كل دا أنا زهقت أوي من القاعدة لوحدي مش بعمل حاجة يومي كله ضايع من غير آي فايدة
=معلش يحبيبتي عقبال ماأخلص شغل بس هنا وبعدين عاملك مفاجأة
_قولت ي اي?!!
بصلها بخبث:
=حبيبتي!
إتوترت من نظراته ف بصت ف آي مكان تاني إلا عيونه وقالت:
_اي هي المفاجأة
عرف إنها بتتهرب منه ف إبتسم:
=إفتحيها بنفسك
مد إيده ليا بشنطة هدايا بفتحها فضلت أتنطط في مكاني من الفرحة
_الله رواياات وسلسلة ما وراء الطبيعة كلهاا
إبتسم=أيوا عشان متقعديش زهقانه لحد مانرجع
_شكراً شكراً أوي بجد علي كل حاجة بتعملها عشاني
=العفو إنتي مراتي برضوا
مراتي!!
الكلمة دي غريبة عليا اوي دايماً بسمع كلمة بايرة أول مرة أسمه عكسها “مراتي” قد اي الكلمة جميلة ومخلياني مبسوطة إنزاح عن قلبي لقب كان تاعبه اليوم عدا حلو اوي وهو راح ينام وانا بعد شوية نمت أنا كمان
عند نيرمين وفرح:
_إزيك ياقطة عاملة اي
=الحمدلله كويسة قوليلي بقي هناخد حقنا ازاي منها والفلوس تبقي بتاعتنا
ضحكت نيرمين بصوت عالي:
_لأ حيلك حيلك كدا مش كل الفلوس هتبقي بتاعتكم إنتي ليكي نسبة وانا ليا نسبة أكبر
=طب وليه ليكي نسبة أكبر يعني
_لإن أنا ياحلوة هاخد فؤاد وهبقي اديكي اممم 5 مليون كويس?
فهمت أنها عايزة تاخد فؤاد بالثروة بتاعته وهي كانت عايزة كدا بس خليها تخلص من أختها بيها الأول وبعدين تتصرف معاها:
=5 مليون اي بس دا علي اساس إني مش عارفة إنه ملياردير وال 5 مليون دول بيصرفهم في يوم
عرفت نيرمين إنها مش ساهلة ف إتكلمت:
_طيب هتاخدي قدهم مرتين 10 مليون ولو أكتر من كدا ف متحلميش
=خلاص ماشي 10 مليون 10 مليون
_إسمعي بقي الخطة واللي هتتنفذ بعد مايرجعوا وهي كالآتي…
بعد مرور شهر ورجوع فؤاد وعبير من السفر:
عبير:أخيرا رجعنا مصر دانا إكتشفت إن بلدنا أحسن مليون مرة وليها طعم كدا
إبتسم فؤاد:
=فعلاً دا حقيقي.
إبتسمتله وطلعوا غيروا هدومهم ونزلوا تانى عقبال ماالأكل يجهز كانوا قاعدين بيتكلموا
_أحم فؤاد كنت عايزة أقولك على حاجة
=قولى يقلب فؤاد
للحظة سكتت ومكنتش عارفة تقول اى والكلام طار مكنتش متخيلة ان ممكن حد يحبنى فعلا أنا محظوظة بيه وإتعلقت بيه اوى و..حبيته
فوقت من سرحانى وهو بيبوصلى بإبتسامة جميلة زيه عشان اكمل كلامى :
_أنا عايزة أخس وعايزة أتابع مع دكتور تغذية
=بس إنتى كدا حلوة اوى لو هتخسي خسي عشان إنتى فعلا من جواكى عايزة كدا لكن متخسيش عشان حد فهمانى
_أنا فهماك بس أنا فعلا زهقت من نظرة الناس ليا وأكتر لما سافرت ايطاليا كلهم هناك حلوين جدا وجسمهم حلو
إتنهد لما شاف الإصرار ف عيني:
=ماشي ياعبير من بكرة هتفقلك مع أحسن دكتورة تغذية
إبتسمت بفرحة:
_شكرا جدا بجد
الباب خبط بعدها وفؤاد راح فتح وكانت صدمة بالنسبالنا إحنا الأتنين ماما وأختى!!!
دخلوا وهما بيعيطوا جات ماما حضنتني وبعدها أختي وإتكلمت ماما:
_ياحبيبتي يابنتي أنا أسفة علي اللي كنت بعمله فيكي أنا مش عارفة إزاي جالي قلب أعمل كدا ف ضنايا
=وأنا ياحبيبتي سامحيني دانتي أختي الوحيدة اللي ماليش غيرها كان المفروض نبقي سند لبعض حقك عليا ياحبيبتي
أنا كنت واقفة مصدومة ومش عارفة أصدق ولا عارفة أنطق وفؤاد كان واقف ببرود وكإنه فعلا مكذب كل حرف بيطلع منهم بكيت أنا كمان معاهم
_أنا مسامحاكم ياماما كفاية بُعد وتفكك لحد كدا انا وأنا معاكم مكنتش بحس إني ليا عيلة بس إنتوا ندمانين وهنرجع عيلة طبيعية تاني وأحسن من الأول بكتير وكل واحد يستحق فرصة تانيه
دخلنا قعدنا وكنا كلنا قاعدين بنهزر وحسيت إن روحي رجعتلي تاني وحياتي هتتظبط بجد وهيبقي ليا عيلة وزوج بيحبني خلص اليوم اللي مخليش من نظرات فؤاد الحادة اللي شاكك فيهم روحوا وفضلت أنا وهو
_إنتي مصدقة إنهم أتغيروا فعلاً?
=أيوا يافؤاد مشوفتش دموعهم ونظرات الندم وكانوا بيكلموني إزاي
_أتمني فعلاً يكون كدا بس أنا مش مرتاح
=خير إن شاءالله وهما عرفوا غلطهم وكل إنسان يستحق فرصة تانيه
_ماشي ياعبير بس خليكي عارفة إني مش مرتاح فَ خلي بالك من نفسك
إبتسمت لخوفه وإهتمامه بيا:
=حاضر
تاني يوم راح فؤاد للشغل وأنا كنت قاعدة لوحدى لاقيت فرح أختي بتتصل رديت عليها بفرحة
_أيوا يافرح عاملة اي
فرح بملل وبلهجة فرح مصتنعه
= الحمدلله ياحبيبتي إنتي عامله اي
_الحمدلله كويسة
=بقولك اي تعالي ننزل النهاردة نشتري شوية حاجات ونتفسح كدا
_طيب ماشي هقوم البس واجي اخدك ونخرج
=لأ متجيش علي بيتنا انا مش هناك هبعتلك عنوان شقة صحبتي اللي أنا فيها دلوقتي تيجي عليها وهي كمان هتخرج معانا
_خلاص ماشي ابعتيلي العنوان ف رسالة
شوية وفرح بعتتلها العنوان إتصلت عبير بفؤاد بلغته إنها هتنزل مع فرح ونزلت راحت للعنوان الشقة رقم 5 أول ماوصلت عندها والباب اتفتح بعد ماخبطت لاقت اللي بيرش حاجة ف وشها وأخر حاجة شافتها وش أختها ونيرمين و واحد تاني وهما بيضحكوا:
فرح:قد اي إنتي غبية وساذجة يا..ياأختي
5
بعد ما رشوا في وشها مخدر خدوها ودخلوها الأوضة وطلعوا وسابوها مع أختها
_معلش بقي يأختي ياحبيبتي أنا أسفة بس أنا مش هفضل طول حياتي عايشة مستنية واحد زي فؤاد عشان يعيشني العيشة اللي استاهلها وييجي حظك انتي يديهولك انا استحقه أكتر منك أنا أحلي منك وأصغر منك وهو من حقي أتخلص منك الاول وبعدين أتخلص من العقربة نيرمين
وبعدين إبتدت تشيل هدومها ونيمتها وغطتها بمفرش طلعت ليهم بعد ماخلصت:
_أنا خلصت باقي دوركم بقي
=عاش جداً ليكي يافرح طلعتي قد المهمة وخليتيها تيجي وتثق فيكي علي طول
_هي أصلا ساذجة وعبيطة
حسن(اللي هيشترك في الخطة معاهم):
=طب يلا نكمل باقي الخطة ولا اي ورايا مهمة تانيه
_تمام ادخل
عند فؤاد..كان قاعد في إجتماع ووصلت رسايل ليه من رقم غريب بس مشافهاش ومهتمش غير لما الإجتماع خلص وموقفه كان صدمة كان شايف مراته مع واحد تاني وهي من غير هدوم وهو كمان!!
على ناحية آخرى:
بينزلوا بسرعة من الشقة بعد ماسابوها فوق وبعدتوا العنوان لفؤاد شافهم واحد كان مراقبهم وعمل مكالمة
عند فؤاد كان بيسوق عربيته بسرعة ووصل للعنوان وطلع كانت الشقة مفتوحة دخل وأتلاقاها نايمة في السرير قعد جنبها ورش علي وشها ماية وفضل يفوق فيها وأول مافاقت وشافت نفسها بالمنظر دا إتخضت ولمت المفرش علي نفسها وبصتله بصدمة:
_والله ماعملت حاجة يافؤاد أنا اي اللي جابني هنا أنا كنت جاية لفرح وصاحبتها زي ماقولتلك
بصلها فؤاد ببرود :
=عارف
عند نيرمين وفرح:
_براڤو عليكي يافرح هنيجي بقي للخطة رقم 2 وهي تقنعي فؤاد بيا وتقوليله كل حاجة اللي حفظتهالك
=براڤو عليكي إنتي إنك ساعدتيني أتخلص من عبير في حياة فؤاد
_قصدك اي
فرح بسخرية:
=قصدي إن فؤاد ليا والخطة التانيه إنسيها مفكراني إني هساعدك تاخدي فؤاد وانا آخد 10 مليون بس!!
مفكراني ساذجة زي عبير ولا اي مش عشان هي أختي أبقي ساذجة زيها
_إنتي مجنونة ولا اي
=والله إحسبيها زي ماتحسبيها عن إذنك بقي عشان أروح أعرف فؤاد جوز أختي حبيبي قد اي كلنا إتخدعنا في اخلاق عبير بعد ما صورها هي وعشيق*ها وصلتلي وهقف جنبه لحد مايحبني ويتجوزني يلا سلاام ياقطة
وسابتها في وسط ذهولها ومشيت وبعد مامشيت تملك الغضب من نيرمين وعملت مكالمة:
_بقولك اي نفذ الخطة الإحتياطية هي لسة خارجة من عندي
=أوامر ياريسة
_والله لأوريكي يافرح إزاي تتحديني مبقاش غيرك إنتي حتة جربو*عة تتذاكي عليا بس دا بعينك
عند عبير وفؤاد:
بعد مالبست هدومها بصيتله وهي بتبكي وهو خدها في حضنه وطلعوا برا
_إنت إزاي متطلعش وراها لما إتلاقيتها إتأخرت
=والله يافندم كنت مراقبها لحد ماطلعت البيت وبعدين لما اتلاقيتها اتأخرت أتصلت بحضرتك بلغتك
flash pakk:
بعد ماكلمته عبير وقالتله إنها نازلة مع أختها وصاحبتها قفل معاها وعمل مكالمة:
_بقولك اي المدام هتخرج دلوقتي بس انا مش واثق في اللي رايحالها ف عايزك تحط عينك في وسط راسك وتروح وراها دلوقتي ولو حسيت بآي قلق كلمني
=حاضر يفندم
بعد فترة…
_ألو يافؤاد باشا المدام فوق من بدرى ولسة منزلتش و.. إي دا
=في اي يافخر
_دي دي أنسة نيرمين ومعاها واحدة تانيه وواحد بس إي جابهم هنا مشوفتهومش طلعوا وبيمشوا بسرعة جدا
=أقفل بسرعه وخليك مكانك أنا جاي يبقي اللي كنت خايف منه حصل
pakk:
_ماشي يافخر إمشي إنت دلوقتي وبلغ أيمن يكلمني ويقولي عمل اي ف اللي قولتله عليه
=حاضر يافؤاد باشا عن إذنكم
بعد مامشي نزلت أنا وفؤاد وركبنا العربية وروحنا البيت بصيتله:
_فؤاد والله ماعملت حاجة
بصلها فؤاد وحضنها وباس راسها:
=أنا عارف ياحبيبتي إنك محصلكيش حاجة أنا متدايق من اللي عملوه ووالله لأندمهم وأعرفهم إزاي يعملوا كدا والحيوان اللي
شافك بالمنظر دا ليه عندي عقاب تاني بس الصبر
عبير بخوف:
_ناوى علي اي يافؤاد
ملحقش يرد عليا ولاقينا التليفون بيرن
_ألو ياأيمن
….
_بتقول اي! !!
قومت وقفت معاه لما قام وقف وهو مصدوم واتخضيت من ملامح وشه وإستنيت لما قفل المكالمة وسألته:
_في اي يافؤاد
=أختك فرح
_مالها?
=اتقتلت
_إي!!
كملت بدموع:
أتقتلت أزاي يعني يافؤاد أنا أه متجايقة منها بس مش عايزة يحصلها كدا مهما كانت دي أختي الوحيدة
=كنت باعت حد وراهم هما التلاتة بعد اللي عملوه وقالي انه استني لحد ماطلعت من بيت نيرمين ومشي وراها وشاف حد ماشي وراها ف مشي وراهم من غير ماياخدوا بالهم وشاف العربية وهي قاصدة تخبط أختك لحد مادخلوا ف شارع مقطوع وهي بتجري منه وعملت حادثة بالفعل
عبير بدموع:
_مكنتش عايزة يحصلها كدا خالص والله يافؤاد والله
=عارف ياحبيبتي إهدي واللي ساعدتها وعملت فيها كدا مش هتتهني شوية وهيوصلها عقابها
عند نيرمين:
_براڤو عليك يا حسن والله بس إوعي يكون حد خد باله
=عيب عليكي إنتي مشغلة آي حد معاكي ولا اي
_يلا ادينا خلصنا منها هي وأختها وهعرف أرجع مكانتي عند فؤاد تاني..إمسك دول مش خسارة فيك
وقبل ما ياخدهم كانت الشرطة في كل مكان بعد ما أيمن بلغ عنهم وصور الحادثة اللي حصلت وبعتها و كانوا بيتابعوا كل كلامهم اللي اتسجل وهما بيتفقوا علي الفلوس وبتعترف إن هي اللي عملت كدا في الأتنين خدوهم الأتنين حسن إتحكم عليه بالإعدام و نيرمين خدت مؤبد ووالدة عبير بعد مابنتها إتقتلت جاتلها صدمة قلبية وماتت…
بعد سنتين:
كانت عبير قاعدة في جنينة الڤيلا مع إبنها وجه فؤاد من وراها وخضها
_إي يا فؤاد دا خضتني هلاقيها منك ولا من إبنك اللي مش بيبطل زن دا تعبلي أعصابي
ضحك فؤاد عليها وقال:
سلامتك من الخضة ياعود فرنساوي إنت ياجميل
إبتسمت:
=ربنا يباركلها الدكتورة بجد فضلت جنبي حتي في فترة الحمل عشان متأثرش علي البيبي وهي السبب بعد ربنا في اللي وصلتله
_الحمدلله ياحبيبتي
=بحبك اوي يافؤاد
_وأنا بحبك أكتر ياعبير الفؤاد.
“ويأتي شخصٍ يثبت لك أنك أجمل ما في العالم وأهم إنجازاتهِ فـ تبتسم بتلقائية وتقول ‘هل أستحق حقاً كل ذاك الحب’❤ ”
تمت