جميله_حد_الفتنه الفصل_السادس حتي البارت العاشر بقلم رحمه نبيل

 

جميله_حد_الفتنه

الفصل_السادس حتي الفصل العاشر 

بقلم رحمه نبيل 

‏بلاش ترشحوا أفلام وأغاني لبعض ي جماعة..

بلاش تشيروا أحلي فيلم وكوبليه و..و..

كلنا بنعمل معاصي، بس ع الاقل خليها واقفة عندك..💔

بالله أصعب حاجة موضوع السيئات الجارية..ابقي ف بيتي مبعملش حاجة وعداد الذنوب شغال بسبب أغنية شيرتها وغيري بيسمعها ولا فيلم رشحته ولا استوري نزلتها..👇‏وكله بيصب في ميزان سيئاتك..

وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ..💔

كفايا علينا ذنوب بقي دا احنا والله وف عرض حسنة واحدة ، اعملوا حاجه تبقي حسنات جارية..💚👇

صلوا علي من جلس علي ركبتيه يواسي طفل مات عصفوره صلوا على الحبيب المصطفى صلى الله عليه وسلم 🌺🌺

الفصل السادس

ذهب حمزه لمجلس الرجال وجلس يتجاذب معهم الحديث بروح منتعشه وكأنه أصبح شخص آخر كان الابتسامه تزين وجهه كلما تذكر عيناها فهذا الشئ الوحيد الذي يتذكره منها تنهد بخفوت وشعر بشخص يجلس بجواره نظر وجده الحاج سعيد

حمزه وهو ينظر له ببسمه وامتنان / شكرا يا جدي

الحاج سعيد بضحكه / دلوقتي شكرا قبل كده كنت حاسس انك هتيجي تقتلني وانا نايم هههههه

ضحك حمزه وقبل يد جدة / ما عاش يا جدي ربنا يديمك لينا يا غالي

ربت الجد علي رأسه بحنان / انا لا يمكن ياولدي افكر في يوم اني أئذيك ابدا وانا عارف ملك قلبها اسود زي امها مفيش غير مليكه هي اللي شبهك حتي لما كانت صغيره مكنتش بتسيبها من ايدك وتقعد تقول مليكه بتاعت حمزه

نظر لها حمزه بتعجب كبير / يااه يا جدي انت لسه فاكر كنت صغير وقتها 

الجد بضحكه /هههههه  كنت انت ست سنين كانت هي تلات سنين  وقتها عمك كان جاي مصر عشان الفتره اللي فاطمه عملت فيها عمليه وهنا شوفتها انت  اول ماشيلتها رضتش تخلي حد يلمسها غيرك وتقول دي بتاعتي  وانا وقتها  عشان اخليك تسيبها ترجع مع أهلها قلتلك هجوزها ليك وقتها بصتلي بدموع كانك عايزني أكد ليك وقتها انا وعدتك بكدة وجه الوقت وربنا مد في عمري عشان اوفي بوعدي يا بني 

نظر له حمزه بحب شديد وقبل رأسه / ربنا يديمك لينا يا جدي

الجد وهو يربت علي قدمه / خلي بالك من بنت عمك يا بني واوعي في يوم تظلمها ابدا واوعي تسبها مهما حصل

نظر له بتعجب علي كلامة ولكنه تجاهله / اوعدك يا جدي

جاء عامر ورامي

وجلسوا بجانب حمزه غمز رامي لعامر / واخد بالك يا عامر من الضحكه اللي من الودن للودن دي

عامر بضحكه / ربنا يسعده يا سيدي يارب

حمزه وهو ينظر له بضحكه / اهو هنبتدي تحفيل وحقد بقي يا سناجل يا بائسين

رامي / اه قاسي قاسي قاسي وجرح احساسي

عامر بضحك ثم تحدث بغموض/ قريب اوي ياباشا

راضي من بعيد /عامر تعالي انت ورامي وزعوا الحلو مع أسر واحمد

رامي / اشطا هروح اكل قصدي اوزع

حمزه / معلش خلي شويه حلويات للضيوف ممكن

رامي وهو ينهض مع عامر ويضحك / هحاول موعدكش

جاء أسر وهو يوزع الحلو /اتفضل يا عريس

راشد وهو يقترب منهم /  لا يا أسر  حمزه مش بياكل حلو خالص

أسر / اه معرفش خلاص ه....

حمزه مقاطعا / احم لا استني انا عايز حلويات

نظر له راشد واحمد الذي كان يوزع بجانبهم بصدمه فمعروف ان حمزه لا يأكل اي نوع من الحلويات ابدا

أسر وهو يبتسم / تمام تحب تاخد ايه

حمزه وهو ينظر حوله ثم تحدث بخفوت / احم احم هي مليكه بتحب ايه

أسر ببسمه كبيره / مليكه بتاكل اي حلويات بس بتحب اكثر الجلاش

حمزه وهو يفرك عنقه بحرج / طب هات جلاش

ضحك أسر علي زوج اخته ثم ملئ له طبق من الجلاش واعطاه له

ذهب أسر ليكمل توزيع الحلوي اقترب رامي من حمزه وهو يحمل طبق توزيع كبير من الحلوي ويأكل منها وهو ينظر لحمزة وفمه ملئ بالحلوي / ايه ضااااا انت بتاكل حلويات يا ضنايا

حمزه وهو يبتعد عنه / ابلع الأول يا خويا الله يقرفك بعدين وايه يعني اكل حلويات حرام ولا ايه

رامي وهو ينظر له بتعجب / لا بس انت مش بتحب ال......

جاء راشد وهو يمسك رامي من ثيابه من الخلف بشكل مضحك / هسيب انا الضيوف وامشي اراقبك وانت بتوزع عشان متاكلش ولا ايه

رامي وهو يبتلع ما في فمه وياكل غيره ويتحدث وفمه ملئ / جرا ايه يا رشرش انت هتبصلي في اللقمة ولا ايه

راشد بقرف / رشرش يا معفن ولقمه لقمه يا مفتري ده انت شويه هتخلص علي الحلويات كلها قوم يلا ياض وزع زي الناس

نهض رامي وهو يتذمر ويتمتم بحنق / يعني في البيت سعدية وانت هنا الواحد مش بيرتاح ابدا  الله صحيح فين سعديه فين مشوفتهاش يا ختي تكون اتجوزت عرفي ولا حاجه 

عند النساء كانت كل النساء تتجمع وتضحك والبعض يلتف حول العروس ويتحدثون لها والبعض فقط يتأمل عينها التي كشفت عنها النقاب

احدي النساء / جرا يا حبيبتي مترفعي النقاب كده كلنا هنا نسوان في بعض ولا انتي مكسوفه

نظرت مليكه لها باحراج / لا ابدا عادي لكن

احد النساء /ملكنش ياختي فكي كده دي البنات بشعرها وانتي العروسه ومتكفنه كدة

مليكه برقه   / اولا حضرتك أنا مش متكفنه ده نقاب وبعدين مش مكسوفه ولا حاجه عادي حاضر هقلعه

ثم رفعت النقاب وخلعته وظهر وجه اقل وصف له انها احدي الحوريات فتاه بها جمال فاتن اذا رأها اي رجل لفتن بها شهقت النساء في صدمه مما رأوا نظرت هي لهم باحراج والنساء تتحدث وارتفعت الهمهات علي الكنه الجديدة لبيت الحاج سعيد والتي كأنها حوريه حمدت النساء انها منتقبه ركضت ياسمين لها وهي تصلي علي الرسول وتسمي الله وأخذت النقاب وضعته لها بسرعه وهي تنظر للنساء وتتحدث / متصلي علي النبي انتي ياختي وهي نازلين كلام في البنت هتموت وهي قاعده

احدي النساء / عليه الصلاه والسلام 

ثم نظرت لنورا /يا نورا بس بجد يابختك بمرات ابن زي دي ده احفادك هيكونوا ايه لا وحمزه كمان بسم الله ماشاء الله

نورا / الله اكبر مشاء الله يا ختي

كانت ندي واميره مازالوا ينظرون أمامهم بصدمه مما رأوا هل هذه زوجه اخيهم السؤال الأهم هنا هل هذه انسانه مثلهم

رأت اميره اسم حمزه يضئ علي هاتفها أجابت وهي مازالت مصدومة ثم خرجت علي الباب وفتحته وجدت حمزه يقف ويضع وجهه في الأرض خوفا ان يكون هنا سيده او اي فتاه

حمزه / احم معلش يا اميره ممكن تنادي مليكه عشان عايزها

اميره وهي تغمز له / عايزها ليه يا كبير لحقت وحشتك

حمزه وهو يضربها علي رأسها / اخلصي يلا وروحي ناديها

اميره / اه كده طب والله الملاك دي خساره فيك الا يا حمزة دي مزه ايه اخر تلات حجات

حمزه بتعجب / وانتي عرفتي منين

اميره ببلاهه / اصل احنا جوا.....

قاطعها صوت ندي وهي تنادي عليها

اميره / جايه يا ختي اصبري

ثم نظرة لحمزة / هروح وابعتها ليك ياباشا

هز حمزه رأسه بايجاب وانتظر مرت دقيقه ورأي ملاك يقترب منه وهي تنظر أرضا وتضع نقابها ولكن عينها ظاهره منه

اقتربت منه / السلام عليكم

حمزه ببسمه أظهرت غمازته وجماله / وعليكم السلام اخبارك

ضحكت بخفوت / الحمدلله منا كنت لسه معاك

حمزه باحراج وهو يضع يده علي شعره / اه احم اتفضلي

نظرت مليكه ليده وجدته يمسك طبق في يده مليكه بتعجب / ايه ده

حمزة وهو يعطيه لها / أسر قالي انك بتحبيه

امسكته من يده وفتحته وفجأه تحولت لطفله صغيره وهو تنظر بفرحه كبيره / جلااااش الله

نظر لها بفرحة لفرحتها هذه / بتحبيه اوي كدة

مليكه بعينها التي تنافس صفاء المياه / يااااه يا حمزه ده العشق

نظر لها وقلبه ينبض بشده كبيرة اه علي صوتها الملائكي عندما ينطق اسمه فاق الي صوتها وهي تقول برقه / شكرا جدا جدا

ثم استوعبت الأمر / بس انت كده مش هتاكل

حمزة ببسمه / لا منا مش باكل الحلويات ابدا

مليكه / ايه ده في حد مش بيحب الحلويات

حمزه / انا مش بحب أكلها خالص

مليكة وقد ظهرت الطفله بداخلها وهي تقول / بس انت لسه ماجربتش الحلويات بتاعتي هتغير رأيك خالص

نظر لها ببسمه واقترب منها بطريقه كبيره واصبحت المسافه صغيره بينهم / اكيد هتكون حلوه مش منك

نظرة له وهي تكاد تختفي من الخجل / احم انا.....

نسيت ما كانت علي وشك قوله بسبب عيناه التي تاهت بها نظرت له بانحذاب شديد وعيناه الخضراء مثل العشب تاهت في حقول  عيناه وهو غرق في بحور عينها لم ينتبهوا لاي شئ حولهم كان حمزه يدقق النظر فيها 

نظرت له بخجل لما يفعله ولكنه لم يمهلها الفرصه ونظر خلفها ولم يجد احد فسحبها للخارج وأغلق الباب واسند ظهرها عليه ونظر لعيونها بعشق كبير وتحدث بحنان / عيونك

نظرت له بتخدر وعدم شعور بأطرافها / مالها

دفن حمزه وجهه في عنقها وهو يزفر كي يهدأ قلبه من شده خفقانه / بتقتلني بتسحبني للعمق مش بقدر اقاوم وللحق انا اللي بسيب نفسي لامواجه دي

لمعت عينها ونظرت للاسفل بخجل شديد ثم تحدثت / حمزه انا....

حمزه وهو يضمها اليه بشده / اسمي منك

ضحكت بخفوت / ماله

حمزه وهو يقبل خدها / مانجه

ثم قبل الخد الاخر / عسل

ثم قبل ذقنها / سكر

ثم قبل جبينها وزفر بتعب من كثره المشاعر /وفراوله

ابتسمت بخجل / إيه ده الشيخ حمزه بيقول كده مش مصدقه

حمزه ببسمه / شيخ مين هو بقي في شيخ حرام عليكي جبتي اجلي ذنب هيبتي في رقبتك دي اه علي فكره متستغربيش انا ليا هيبه هنا كبيره اوي والكل بيخاف مني بس انتي من مجرد ساعتين بوظتي الهيبه امال لو طولتي هتعملي ايه 

ضحكت اكثر فنظر حوله للتأكد من عدم وجود احد ثم أعاد نظره لها وتحدث بتخدر / ملكة.........

قاطعه صوت صراخ سعديه من خلفه / ينيلك يا واد انت مش عاتق حد

اغمض حمزه عينه واستند علي كتفها وضرب في الحائط وتحدث من أسفل أسنانه / هقتلك يا هادمه اللذات ومفرقة الجماعات يا سعديه

ثم ابتعد ونظر لسعديه / نعم يا سعديه هو كل ما اروح لمكان الاقيكي في وشي مصيبه لتطلعيلي يوم الدخله من تحت السرير

شعر بضربه علي كتفه ولكن تجاهلها

نظرت له سعديه ثم تحدثت /ياخويا بلا نيله عيني عينك كده واخد البنيه في ركن انكسف علي دمك هو إنت كل شويه مع واحده 

نظرت مليكه لحمزه بصدمه / واحده 

حمزه وهو يلطم / احيييه والله ما اعرف حد الله يعمر بيتك يا سعديه هتطلقيني ولسه حتي مفرحتش يا بعيده 

سعديه / الله مش الحقيقه امال اسيب البنيه مخدوعه كدت ولا إيه 

حمزه / لا طلقينا احسن 

نظر حمزه لمليكه / اقسم لك اني عمري ما عرفت ست غيرك انتي وأم فاروق 

نظرت له بحاجب مرفوع لم يظهر من النقاب / مين ام فاروق لا مؤاخذه. 

نظر لها بتعجب / لا مؤاخذه؟؟؟ 

مليكه / لا متوهش الكلام يابا عشان بس دي اعراض ناس 

حمزه وهو ينظر لها بضحك / شكل البضاعه طلعت مغشوشه ولا ده سوء تخزين ولا إيه 

ابتسمت مليكه ثم تحدثت برقه / كنت بهزر معاك علي فكره 

حمزه بضحك وهو يهمس لها / انت تهزر يا جميل براحتك بعدين انت أساسا مكنش لايق عليكي جو الشبحنه ده الرقه بس هي الي لايقه عليكي 

سعديه / بقولها ايه ياواد انت 

حمزه / الله يا سعديه سيبيني اخد فرصتي يا شيخه بقي 

ثم زفر وغمز لها / بكره هاخدك لام فاروق واعرفك عليها واجمع فص قلبي اليمين مع فص قلبي الشمال واجمع حبايبي مع بعض 

سعديه بتدخل / طب وانا 

حمزه وهو يضحك / وانتي بقي ابقي شوفي أيوب يا سعديه 

سعديه وقد تذكرت / صحيح نسيت ده انا كنت رايحه اجيب مايه ليه ونسيت 

حمزه بضحك / زمانه مات من الجفاف

ضحكت مليكه بشده 

ثم سرحت في ملامحه وتأملته بلا قيود 

افاقت مليكة علي صوت اميره وهي تنادي عليها

مليكه باحراج وهي تبعتد / احم اميره بتنادي

حمزه ابتسم لها / تمام روحي شوفيها عشان لو اتأخرتي لحظه كمان هتلاقيها طبت علينا 

ضحكت ملك بخفوت ثم نظرت له نظره اذابت قلبه / سلام

حمزة وهو ينظر في اثرها / سلام

ذهبت وحمزة مازال ينظر في اثرها سمع تنهد شخص خلفه نظر وجدة احمد / اااااه يا حنين دة انا وميار اللي بقالنا سنه كاتبين كتابنا مش بنتكلم كدة يا قادر في ثانية بقيت كده يخربيتك

حمزه وهو يدفعه / صلي علي النبي كده يا خويا ههههههه

احمد وهو يذهب خلفه / عليه الصلاة والسلام

كانت نورا تتحدث مع اميره وهي تملي عليها هي والفتيات ماذا سوف يفعلون  فهم يخططون لترتيب السطوح ليجلس بها حمزه وعروسه معا ولكن لم تنتبه من تلك العيون التي اشتعلت بالنيران بسبب كلامها ذلك 

كانت الليله تسير علي مايرام وسار كل شئ كما خطط له إلا أن هناك شخص لن يهدأ له بال حتي يدمر هذه السعادة في أعين الجميع

ذهب هذا الشخص الي منصه الطعام والعصائر وامسك كوب عصير ووضع به بعض الحبوب ثم أعطاها لاحد النساء واشارت علي مليكه

كانت مليكه تجلس وتضحك علي كلام ندي واميره ويومياتهم

مليكه بضحك / شكلي هتسلي اوي انا حبيت يوم الجمعه من دلوقتي

اميره / ولسه ده انتي هتشوفي العجب في العيله دي

نظرت مليكه لسندس التي تقدمت ناحيتها ببسمه ومدت يدها بكوب عصير / اتفضلي يا مليكه اشربي ده انتي تعبتي انهارده

نظرت لها مليكه ببسمه لطيفه ثم اخذت العصير من يدها وبدأت ترتشف فيه

كان هذا الشخص (المجهول) يقف بعيدا وينظر ببسمه خبيثه / الحرب بدأت يا مليكه والنهايه هتتكتب علي ايدي انا والحرب القديمه رجعت تاني ولسه الجاي هيعجبك اوي ههههههههههههههه

نظرت مليكه أمامها بتشوش ثم نادت لاميره / معلش يا اميره ممكن تساعديني اطلع استريح انا من ساعه ما وصلت مصر منمتش كويس وتعبانه اوي

اميره / الف سلامه يا حبيبتي اكيد يلا تعالي بس استني هقول لماما عشان متقلقش

ذهبت اميره لتخبر والدتها غابت ثواني وعادت إليها وقامت باسنادها وصعدت لشقة عمها محمد نظرت بحيرة لمليكه / انتي معاكي المفتاح هزت مليكه رأسها برفض وهي تشعر انها ستقع أرضا من التعب

اميره وهي تسندها لتجلس علي الدرج المؤدي للاعلي / طب اقعدي هنا هروح أسأل مامتك او حتي ملك ماشي

هزت مليكه رأسها واسندتها علي الحائط بجانبها بخمول استخدمت اميره الدرج ونزلت بسرعه وذهبت وبحثت لم تجد اي من ملك او والدتها / هما فين دول هروح اشوف عمي

اتجهت اميره حيث مجلس الرجال وأخذت تنظر لتبحث عن عمها لمحها عامر من بعيد وهو يتحدث مع احد الرجال نظر لها بغضب شديد ثم توجه لها/ بتعملي ايه هنا يا اميره انتي مش عارفه ان ده مجلس الرجال

اميره بتوتر /اصل اصل

عامر بنفاذ صبر / اصل ايه انطقي

اميره /اصل مليكه تعبت اوي وطلبت مني اطلعها بس نسينا اننا مش معانا المفتاح دورت علي مرات عمي وملك ملقتهمش جيت اشوف عمي كدة

عامر / مفيش حاجه اسمها فون تتصلي بيه

اميره / والله نسيته جوا مع ندي في الصالون  

عامر وهو ينظر لها وتنهد / طب روحي انتي وانا هشوفه وابعته

اميره / طب متتأخرش

هز راسه وبحث عن عمة وجده يجلس مع حمزه وراشد توجه لهم ثم تحدث لعمه / عمي ممكن حضرتك تبعت مفتاح شقتك لمليكه فوق عشان شكلها تعبت واميره معاها بس مش معاهم مفتاح

وقف حمزة بسرعه لذكره مرض مليكه وتحدث بقلق / مالها مليكه

عامر / اهدي تقريبا إرهاق شويه هي طلعت ترتاح

نظر حمزه لمحمد / معلش يا عمي هات المفتاح وخليك انت مع الضيوف وانا هطلع اطمن عليها

أعطاه محمد المفتاح / اتفضل يابني ولو فيه حاجه رن عليا

هز حمزه رأسه وذهب لزوجته دخل المنزل من الخلف بعيدا عن الصالون حيث النساء توجه للاعلي حتي وصل لشقة عمه وجد مليكه تسند رأسها علي السلم واميره بجانبها تنظر لها بقلق عندما رأته نهضت بسرعه / حمزة افتح بسرعه عشان هي تعبانه اوي

فتح حمزة الباب وتوجه لها وحملها فتحت هي عينها ونظرت بضعف وتعب وجدته حمزه نظرت لة بتشوش وتحدثت بخفوت / انت هنا.

اخذها حمزة وتوجه لأول غرفه قابلته دخل ووضعها علي الفراش ونظر لها بخوف /هي مالها يا اميره

اميرة /معرفش هي قالت مرهقه ومنامتش من ساعة ما وصلت مصر

هز حمزه رأسه / طب انزلي انتي عشان محدش يقلق ولو حد سأل قوليلهم انها مرهقه شويه وطلعت ترتاح

اميره / تمام هتحتاج مني حاجة قبل ما انزل

حمزة وهو ينظر لها بحنان / لا  ياقلبي انزلي انتي

رحلت اميره ونظر حمزه لزوجته ثم اقترب منها ووضع يده علي رأسها وجد حرارتها مرتفعه جدا فزع حمزة كيف هكذا لقد كانت  بخير منذ قليل اخرج هاتفه وهاتف رامي

حمزة بقلق / رامي معلش تطلعلي في شقه عمي محمد

رامي بتعجب / اطلعلك ليه في ايه

حمزه / تعالي بس وانا هقولك سلام

نظر رامي للهاتف بتعجب فجأه سمع صوت خلفه / ما تطلع انت مكسوف ولا ايه اسفوخس

فزع رامي ونظر خلفه وجدها سعديه تنظر له بقرف

رامي / هو انتي مش بتيجي غير في المواقف دي

سعديه / شوف ربنا يا اخي عشان اعرفك علي حقيقتك القذره

رامي / يارب يا سعديه انا مش فاضي للكلام اقولك ايه تعالي معايا شوفي بعينك ان..... 

سعديه وهي تضربه بالقلم / أخرس يا كلب اشوف ايه يا حيوان

رامي وهو ينظر لها بغيظ / اقول ايه يا رب رحمتك  ثم تركها ورحل وهو يتمتم

سعدية / أبلغ عليهم البوليس ولا ايه

ثم صمتت قليلا / لا دة حفيدي برضو بس وسخ

ثم رحلت / اروح اشوف الحلويات اللي خلصوها دي

سمعت صوت أيوب / سوسو انتي فين بدور عليكي 

سعديه / ايوه جيالك يا ايوبي 

كانت ياسمين تتحدث لي الهاتف / يابنتي ولا يهمك لا عادي والله أي وقت تعالي وخديها براحتك طب تمام و.... طب بصي يا سميحه هكلمك بعدين سلام 

ذهبت ياسمين واقتربت من ذلك الشخص الذي ازعجته منذ قليل وسمعته يتحدث في الهاتف / لا يا أدهم كله بخير متقلقش مليكه تعرف تتصرف كويس اوي وانت عارف ان محدش يقدر يجبرها علي حاجه هي مش عايزاها..... طب تمام توصل بالسلامه.... مستنيك.... سلام 

ألتفت أسر وجد تلك المزعجه في وجهه نظر لها بدقه اكيد جائت لتعتذر فقال بكبرياء /نعم اتفضلي 

نظرت له ياسمين بخجل / كنت جايه لحضرتك عشان.... 

أسر / آيوه عشان...... 

ياسمين ببراءه / عشان اشوف حضرتك لقيتك باباك ولا ننادي في الجامع 

نظر لها أسر لثوني وهو يحاول ان يستوعب مايحدث وفاق علي صوت ضحكتها الشديده زفر بغضب وكاد يصرخ بها لولا أن أحد اخر سبقه في ذلك

سعديه بضيق / هو يابت انتي همشي وراكي انتي  وجوزك في الحفله والمكم ايه مفيش ورايا حاجه غيركم 

أسر بصدمه / انتي متجوزه 

ياسمين وهي تمسح وجهها وكادت تجيب ولكن سعديه قاطعتها / آه ياخويا متجوزه المنيله علي عينها 

ياسمين بملل / بقولك ايه ياسعديه ما تروحي كده تشوفي فين عمي أيوب وتاخدي وتضربولكوا ورقتين عرفي في السكرته كده وانا هشهد علي وياخدك وتطلعوا مصيف 

سعديه بحزن / مصيف الله يرحمه الحاجه اخر مره روحنا مصيف كان من سنتين 

ياسمين بسخريه / والله حنين آوي الحاج ميت من خمستاشر سنه بس بيخرج عشان يصيف معاه الرجاله لما تحب فعلا 

نظر لهم أسر ببلاهه وجاء أيوب / سوسو تعالي عشان نرقص سلو 

سعديه بخجل / يوووه يا أيوب بتكسف الله 

ياسمين وهي تضم سعديه / بنتنا كبرت وبتتكسف يلا يا عم أيوب خدها وروحوا المقطم اياكش تيجي كبسه تلمكم ونخلص 

اخذ أيوب سعديه وذهب بينما ياسمين ألتفت لأسر وكادت تتحدث فمانعها بيده / خلاص خلصت حضرتك المفروض متقفيش معايا كده فرضا جوزك شافك هيكون موقفنا ايه اتمني تقدري جوز حضرتك وتحترميه اكثر من كده 

ثم تركها ورحل 

نظرت في اثره بتعجب / جوزي؟؟؟؟ 

في الأعلى  وصل رامي الشقه ورن الجرس فتح له حمزه بسرعه / تعالي يارامي شوف مليكه حرارتها مرتفعه اوي

رامي وهو يذهب خلفه / اهدي بس يا حمزه انا مجبتش معايا اي حاجه بس ممكن اشوف الحراره والنبض واكتب لها علاج

حمزة / اي حاجه بس تكون بخير يا رامي

رامي وهو يتوقف وتحدث بتعجب / انت حبيتها ولا ايه يا حمزة انت لحقت يابني اهدي كده مالك 

حمزة بعصبيه / اخلص يا رامي  مش وقتك يا اخي

ذهب رامي خلفه ودخل الغرفه وجدها مسطحة علي السرير

رامي / ارفع نقابها يا حمزه مينفعش كده تتخنق

نظر له حمزة بتردد ثم تحدث بوجع في قلبه/ بس هي.... 

رامي مشفقا علي صديقه فهو يعرف مقدار غيرته علي ما يخصه / دي مجرد حاله يا حمزه واي دكتور هيقول كده وبعدين دي مرات اخويا واختي يا صاحبي متقلقش

نظر له حمزه ثم توجه لها ورفع النقاب لها واقترب رامي وهو يحاول قدر الإمكان ان يتجنب النظر لوجهها مسك يدها وقاس النبض وتحدث وهو ينظر لساعته / شوف يا حمزه لو في علبه اسعافات هنا وهات منها الترمومتر..... حمزه.... حمزة انت يابني

رفع نظره وجد صديقه ينظر تجاه زوجته باعين مفتوحه ولا يتحدث فقط نظره مثبت عليه وكأنه مسحور او القي عليه تعويذه

رامي / حمززززه

حمزه بانتباه / نعم ايه يارامي

رامي / بقولك شوف اي ترمومتر في علبه الاسعافات

هز حمزه رأسه دخل الحمام وبحث حتي وجد علبه الاسعافات وأخرج منها الترمومتر وخرج لرامي واعطاه له

رامي بعد وضع الترمومتر وانتظار رؤيه النتيجه / درجة حرارتها عاليه لازم تاخد مخفضات حراره ومضادات حيويه

امسك رامي ورقه وخط عليها بعض الادويه ثم نظر لحمزة / اعمل لها كمادات واديها العلاج ده انا هجيبه وابعته من اي حد ولو استمرت درجه الحراره خليها تاخد دووش ساقع

نظر له حمزه بقلق يأكل قلبه وضع رامي يده علي كتف صديقه / متقلقش كدة خير هنزل انا وابعت العلاج

هز حمزه رأسه وذهب وجلس بجانبها واخذ يتأمل ملامحها يا الله هل هذه بشريه مثلنا غير معقول هل تزوج حوريه يالله كم هي جميله اقترب منها ونزع النقاب بالكامل من عليها وبلع ريقه من شكل شعرها الأسود والذي يتخلله لون بني فرد شعرها بجانبها.  اقترب من شعرها وقربه من أنفه واشتمه واخذ يستنشق من رائحته كالمدمن ولم يشعر بنفسه سوي وهو يسمع صوت احد دخل الشقه خرج ليري من وجدها ملك وضع رأسه في الارض

تحدثت ملك بتلاعب ودلع مقزز / اووووه الشيخ حمزه في شقتنا المتواضعه ياتري بتعمل اية هنا يا شيخنا

شعر حمزه بالاحراج / اصل مليكة تعبت فكنت... 

ملك مقاطعه / اوووه يا حرام مليكه حبيبه الملايين تعبانه مسكينه اوي هههههههه يلا ربنا يطمنك عليها

تعجب حمزه من حديثها اي نوع من الأخوه هي حمد الله انه لم يكتبها نصيبه

نظرت له ملك باعجاب كبير جدا ثم اقتربت منه ببطئ وتحدثت ياغراء / تعرف انك حلو اوي والصراحة مستخسراك في مليكه المعقدة دي اي رأيك لو....

صدم حمزه من حديثها ولكن ماذا تقصد بحديثها هذا صعق عندما علم ماذا تقصد ابتعد للخلف بحده وكان سيتحدث لولا أن سمع صوت أسر / مالها مليكه يا حمزه

حمزه وهو يحاول الا يفكر في كلامها / احم عندها حمي شديدة بس مين قالك

أسر / رامي قالي وبعت العلاج ده

هز حمزه رأسه واخذ منه العلاج ودخل لغرفه مليكه

نظر أسر لملك نظرة هي تعرفها جيدا / ايه اللي حصل يا ملك

. ملك بسخريه / حصل ايه ياسيادة محامي مليكه

أسر بغضب / ايه اللي خلي حمزة يبقي مش طايق يقف كدة وملامحه متتفسرش

ملك وهو تسير بطريقه مقزز تجاه غرفتها / وانا مالي اسأله انت يا اسوري

زفر أسر علي اخته التي لم ولن تتغير ثم توجه للغرفة وجد حمزه يضع احد القماشات علي رأسها وهو يعطيها حقنه في زراعها سمع تأوه ضعيف منها

نظر له أسر بامتنان / شكرا ليك يا حمزه لولاك كان ممكن حالتها تتدهور

حمزه وهو ينظر لها / دي مراتي برضو يا أسر متنساش

جلس أسر مقابل حمزه علي السرير بجانب مليكه / الحمدلله ان ربنا رزق مليكه بواحد زيك انا كده مطمن عليها

ابتسم حمزه / انا محظوظ ان ربنا جعلها من نصيبي رغم عدم معرفتي بيها غير لساعات قليله الا انها بجد بقت جزء مني

أسر وهو يبتسم / عيالكم هيبقوا ايه قمامير

ضحك حمزة وهو ينظر لها / متوقعتش ابدا انها تكون كدة انا مش بيهمني الشكل عاما بس بجد حسيتها كتير عليا

أسر بغمزه / انت مش شويه برضو يا كبير بعدين كفايه عينك الخضره دي جميله خالص

ضحك حمزه / اه لو تسمعك سعدية دلوقتي هتطلب الاداب

أسر بتعجب / سعديه مين

حمزة / متخادش بالك انت كمان عينك جميله اوي تعرف انها تشبه عين مليكه

أسر بضحكه / قصدي اي عين فيهم

حمزة / صحيح قولي اي حوار عنيها ده

أسر بضحكه / مليكه ورثت عيون جدتي بتتغير بتغير المود بتاعها يعني ممكن أخضر فاتح او ازرق وهكذا 

نظر لها حمزه وقال / سبحان من صورك

سمع حمزه رنين الهاتف وجده والدة / الو........ تمام يا بابا انا جاي

نظر لأسر / خلي بالك منها انا هنزل عشان أودع الناس مع بابا وهاجي اشوفها تاني

أسر / في عيوني 

حمزه بضيق / خلي بالك منها بس

ضحك أسر علي غيرته الواضحه

هبط حمزه وذهب لمجلس الرجال واخذ يودعهم وكذلك نساء العائلة تودع النساء الضيوف وانتهت الليله علي خير باستثناء مرض مليكه ولكن كل الأمور صارت علي مايرام نظر الجد لعائلته الذين جلسوا بتعب محلهم / انهارده انتم تعبتوا عشان تجهزوا للليله بالشكل ده جزاكم الله خيرا جميعا واتفضلوا يلا استريحوا

شكر الجميع الجد وتوجهوا لشقتهم وتوجه حمزه مع عمه لشقته دخل لغرفه محبوبته وتبعه محمد ذهب محمد لها وقبلها بينما حمزه نظر لها بقلق ولكن اخفاه 

محمد لحمزة / هي هتبقي كويسه

حمزه / متقلقش يا عمي هتبقي بخير قريب

ثم ذهب وقاس درجه حرارتها / الحمدلله حرارته نزلت كتير

محمد / الحمدلله اتفضل انت يابني روح ارتاح عشان انت تعبت كتير انهارده

حمزه وهو ينظر لها /تمام يا عمي لو حصل حاجه لو سمحت كلمني

أسر / متقلقش انا جنبها علي طول

هز حمزه رأسه وتوجه لشقتهم دخل مباشره لغرفته وذهب واستحم ثم توضأ وذهب وصلي ركعتين شكر لله علي نعمه الكثيره واخذ يدعي لزوجته ثم توجه لسريره كان يريد أن يظل معها ولكن خجل كثيرا من عمه تنهد بخفوت ثم ذهب في سبات عميق بسبب التعب طوال اليوم ومليكه كانت ما تزال تحت تأثير الدواء

في  مكان ليس ببعيد جدا

كان المجهول يجلس ويتحدث مع شخص آخر

مجهول 1 / هههههههههه زمانها دلوقتي ياحرام بتموت

مجهول 2/ لا مش حصلها حاجه بسبب جوزها ده مش عارفه ازاي الدوا مش أثر بيها ده مفعوله مضمون المفروض الحمي تتعبتها وتضعفها 

مجهول 1/ ولا يهمك لسه الايام جايه وهنخلص عليها ونحرق قلبهم عليها هدمرهم واحد واحد  وكفايه اننا بوظنا ليله العصافير ومليكه معرفتش تحضرها 

مجهول 1/ ودلوقتي نبدأ بالقطة الصغيره 

نظر لعده صور معلقه علي الحائط أمامهم ثم إشارة لصوره 

تحدث مجهول 2 بفحيح / اميره..............

استتووووووووب خلص الفصل يارب يكون عجبكم وبكده نقدر نقول بدأنا الروايه واحداثها بدأت كل ده كان مقدمه لروايتنا متنسوش 

فوت 🌟 

كومنت 💭 

مستنيه رأيكم علي نار  🔥 

دمتم سالمين 

رحمه نبيل ♥ ♥ ♥ 🌿✨✨🌟🔥

#جميله_حد_الفتنه

#حياة_حمزة

#الفصل_السابع

ستُشفى جراحك وتضحك من اعماقك ستمضي ناسياً ولستُ مُتناسياً .♥🌏

لماذا تصحو فجرًا ؟! 

- يوجد أمرٌ بيني وبين الله ، أجلس لأحادثه دائمًا ، أنا أنتظره كل فجر ..♥🌍

~صلاه الفجر ي حفيدات عائشة♥🌍~

-

ثمة شيء في صلاة الفجر لا يشبه بقية الصلوات ولا المصلون يشبهون بقية المصلين ، كأن كبار السن لا يتكئون على عكاكيزهم بل يثبتون الأرض في مدارها !♥🌍

*طلب *

بتمني يا شباب كلنا ندعي لاخت معانا ان ربنا يصلح حالها مع خطيبها ويهديهم لبعض ويجمع بينهم بالحلال 

أشرقت الشمس وبدأ يوم جديد في حياه الجميع يوم ملئ بالأمل للبعض وملئ بالبغض والكره والحقد للآخر كان حمزة في غرفته يقرأ ورده فهو معتاد ان يصلي الفجر ثم يقرأ وردة ولا ينام نظر من نافذته ورأي الشمس وهي تشرق اتجه للنافذه ونظر لها ببسمه وتذكر البارحه في نفس الوقت عندما كان يجهز لزواجه كان يتسائل هل ستأتي شمس اليوم التالي وهو سعيد ام لا ولكن كرم الله تخطي كل الحدود وها هو يقف ويبتسم علي كرم الله خرج من غرفته متوجها للمطبخ فهو يعرف والدته تستيقظ مبكرا جدا لتعد الطعام للجميع دخل وجدها تسمع التلفاز وهي تعد الطعام فهذه عاده والدته كل صباح تقوم بتشغيل محطه القرآن الكريم سمع هذه الجمله التي تربي عليها الكثير منا وحفظتها اذاننا حتي اننا نسمعها تتردد احيانا ابتسم حمزه عندنا سمعها تتردد في المنزل وتعطي له روح مختلفه (قناه المجد القرأن الكريم قرآن يتلي آناء الليل وأطراف النهار) كانت هذه الجمله راسخه في ذهن حمزه فمنذ صغره اعتاد سمعها مثله مثل العديد من البيوت المصرية القديمه ولكن للأسف استبدلناها بأصوات المغنين والاغاني استبدلنا الذي هو خير بالذي هو شر

ابتسم حمزه واقترب من أمه وقبل خدها / صباحك سكر يا نونو

نورا بضحك / صباح الفل يا قلب ماما واضح انك صاحي مزاج عالي

حمزه وهو يلتقط بطاطس من الطبق / اها الحمدلله صاحي وحاسس براحه كده

نورا وهي تنظر له بحب / ربنا يسعدك دايما يا ابني

كان حمزة سيرد عليها الا ان دخول احمد العاصف قاطعهم

احمد / مكانكم انا شوفت كل حاجه كل حاجه وهبلغ بابا بكل حاجه

حمزة وهو ينظر لأحمد / احمد راشد تخصص كبسه علي المطبخ تحسيه عايش علي باب المطبخ عشان يتدخل في اللحظه الحاسمة

اقترب منه وضربة علي جبينه / خف شويه ياباشا

نورا وهي تضحك عليهم / رايح فين يا حمزه

حمزه / احم هنزل اطمن علي احم مليكه لحد مالكل يتجمع يا ماما

نورا بضحك / ماشي يابني روح

صعد حمزه لطابق عمه وتردد هل يطرق الباب الان ام ماذا ربما هم نائمين وضع يده بتردد ولكن فجأه فتح الباب ورأها مالكه رفيقه أحلامه طوال الليله الماضيه

رفعت هي نظرها له وكانت بدون نقاب احمر وجهها بشده وتحدثت بخجل / احم صباح الخير

حمزه بشرود في عينها / صباح النور والجمال

حسنا هل قلت منذ قليل احمر وجهها فالان أصبح وجهها حرفيا مثل الطماطم شديده الحمره

ابتسم حمزه علي خجلها / بس كنت طالع اطمن عليكي عشان امبارح وكده

رفعت عينها له فلاحظ خجلها منه ابتسم ليخفف عنها / فطرتي

هزت راسها برفض / لا لسه محدش صحي وانا مش متعوده افطر اساسا

حمزه بعبوس / مينفعش ده أهم وجبه هي الفطار وكمان عشان تعبك وضعفك ده تعالي افطري  معانا

نظرت له برفض وخجل / لا بالهنا والشفا علي قلبك يارب بس انا مش هقدر والله اصل

قاطعها حمزه / مفيش بس تعالي افطري معايا احم قصدي معانا تحت وبعد كده طالما هم بيتأخروا كده انزلي افطري معانا كل يوم

بلعت ريقها كل يوم هل يمزح هي تكاد تموت أمامه الان

حمزه وهو ينظر لها / ادخلي البسي النقاب ولو سمحتي متطلعيش من غيره تاني افرضي كان حد غيري طلع

مليكه بتبرير / احنا الدور الأخير محدش بيطلع

حمزه بحزم / بس الشقق فوق ممكن عامر او احمد يطلعوا يشوفوا حاجه في شقتهم وغير كده لو سمحتي مش حابب حد يشوفك

رفعت نظرها له ببسمه

قطع نظراتهم صوت تنهيدة نظروا برعب وجدوا أسر يجلس وينظر لهم كأنه يستمع لمسلسل /وايه كمان يا حبايبي

نظر له حمزه / الواد ده واخد من سعديه كتير وخصوصا حته الأوقات المناسبه تلاقيه طابب مره واحده متعرفيش منين

ضحك أسر بشده / مهو انتم الصراحه فيلم رومانسي ملوش مثيل اتجوزوا في يوم وتاني يوم حبوا بعض عصر السرعه برضو

خجلت مليكه كثيرا من حديث أخيها وتوعدت له عندما يذهب حمزه

حمزه وهو يضحك / يخربيتك نفس لماضه احمد ورامي يلا انت كمان تعالي افطر معانا

أسر وهو ينهض / هوا يبشه واكون قدامك اخيرا هنفطر زي الناس

نظرت له مليكه بتحذير

أسر / ايه دي الحقيقة علي طول مفيش غيري انا بس اللي بفطر

حمزه بضحك / طب يلا روح جهز نفسك بقي عشان الكل مستني

ثم نظر لمليكه / وانتي كمان يلا البسي النقاب

هزت رأسها ودخلت بعد دقائق  كان الثلاثه يتجهون لاسفل فتح حمزه الباب ونادي علي والدته خرجت نورا من المطبخ وهي تحمل الخبز / اتأخرت ياحمزه لي.... ايه ده مليكه

حمزه / مليكه وأسر هيفطروا معانا يا أمي عشان لسه محدش صحي عندهم

نورا ببسمه جميله / وماله يا حبيبي ده البيت نور بعروستنا

نظرت مليكه بخجل في الأرض

نورا / يلا يا حبايبي نفطر قبل ما احمد يخلص علي الاكل

سمعوا صوت احمد من الداخل ويبدو انه يأكل / دايما ظالمين احمد يا ظلمه

ضحك حمزه وأشار لمليكه وأسر ليتقدموا توجه الجميع السفره وجلسوا جاء راشد من الداخل وهو يحمل الفوطة ويمسح وجه ثم رماها علي أحمد / خف اكل يا جدع شويه

احمد وهو يأكل بيضه سليمه / بصوا بقي للواحد في اللقمة اللي بياكلها

راشد بقرف / يخربيتك انت ورامي بأم العاده الوسخه دي ابلع الأول بعدين اتكلم بعدين انا راضي زمتك يا اخي انت بتاكل لقمتين ده انا خايف ندخل في مجاعه بسببك بعد كده ابقي حطي قفل علي التلاجة يا نورا

ثم نظر لمليكه التي تضحك عليهم بخفوت /ازيك يا حبيبه عمو

حمزه بمزاح / جرا ايه يا عمو خف

راشد بضحكه / انت مالك ياض دي بنت اخويا حبيبه قلبي صح يا ملوكتي

لا يعرف حمزه ماهذا الشعور الذي تملكه عندما اضاف والده الملكيه لاسمها يشعر بالانزعاج لهذا يمكنه ان يمزح معها ولكن ان يضيف ملكيته لها حتي لو بكلمه لا يحب هذا فقط يزعجه وبشده 

مليكه بصوت منخفض / انا كويسه يا عمي شكرا

نظر راشد لأسر وهو يأكل مثل احمد بسرعه / حتي انت يا أسر معفن

أسر وهو يتحدث والطعام في فمه / ليه بس يا عمو

احمد وهو يضحك / الواد ده حبيته لله في لله هنبقي انا وهو ورامي جروب محترم

أسر / اشطا ياباشا

حمزه بضحك / يلا عشان يقتلكم عامر ونخلص هو اساسا مش طايقك انت ورامي 

احمد بضحك / ومن امتي وهو بيطيق حد تقريبا مش بيطيق غيرك انت بس رغم انك اسود مني انا ورامي  ده عيل قفيل

حمزه بضحك / اشطا ابقي قوله الكلام ده انهارده عند رامي لما نتجمع

احمد بتذنر وهو يٱكل  / عند رامي برضو يا عم سعديه هتطلبلنا البوليس والله

ضحك الجميع عليهم

حمزه لأسر / يبقي تعالي يا أسر بدل ما تفضل لوحدك

أسر بفرحه شديدة لانه لن يكون وحيد فهو دائما يجلس مع مليكه ليس له أصدقاء غيرها هي وادهم والان ادهم ليس هنا  / اكيد هاجي انا اساسا زهقان 

نظرت مليكه  لحمزة بامتنان واقترب منه وهمست بصوت منخفض / شكرا

حمزه ببسمه متعجبه / علي ايه

هزت مليكه راسها واشارت لأسر الذي يحدث احمد / انك فرحته وتاخده معاك هو طول عمره وحيد ملهوش صحاب غير واحد  دايما بيبقي معايا ملهوش غيري تقريبا 

نظر حمزه بحزن لاسر وتحدث ببسمه / من دلوقتي عنده احنا

ابتسمت هي بفخر علي زوجها وانتهي الافطار تخت ضحكات الجميع واتجه كل منهم لعمله واتجهت اميره لدراستها فالامتحانات اقتربت جدا

حمزه وهو يوصل مليكه لباب شقتهم / مش هتحتاجي حاجه من برا

هزت رأسها برفض / سلامتك بس

حمزه / تمام أنا تخلص الشغل وهروح للشباب وبعدها هاخدك اعرفك علي أم فاروق 

نظرت له بتعجب 

حمزه ببسمه / هتعرفي كل حاجه لما نروح 

ابتسم حمزه واقترب وقبلها علي خدها قبله بسيطه وذهب سريعا وتركها وهي تنظر في صدمه شديدة مالذي حدث الان دخلت الشقه وهي مشتته من قبلته الصغيره والبريئه سمعت صوت يأتي من ناحيه الاريكه

ملك/ تؤ تؤ تؤ تؤ مش عيب عليكي يا دكتور مليكه يا محترمه تطلعي الصبح بدري كده وتتسحبي من ورا اهلك سيبتي للبنات اللي مش محترمه 

نظرت لها مليكه بصدمه ثم خلعت نقابها وابتسمت لها بخبث / ومش عيب يا ملك لما تراقبي اختك الكبيره

ملك بسخريه / اصلي بخاف عليكي يا حبيبتي عشان كده بحطك تحت عيني علي طول 

مليكه وهي تجلس وتضع قدم علي قدم بكل غرور يليق بها / متخافيش يا قلبي انا مش بيبي عشان تخافي عليا

ملك / لازم تخافي يا مليكه انتي متعرفيش ايه اللي ممكن يحصل الدنيا مبقتش امان يا حبيبتي في ناس بقت قلوبها سوده يا اختي 

مليكه ببسمه توحي بدهائها / والناس دي تحت جذمتي يا ملوكي اي حد يفكر فيا بس بسوء بنسفه متخافيش عليا يا قلبي خلفي انتي علي نفسك عشان زي ما بتقولي الدنيا مش امان وخليكي بعيده عن طريقي يا ملك 

ثم اقتربت منها اكثر / اصل اللي بيقرب لحاجة تخصني بمحيه من علي وش الأرض ولو مش مصدقه اسألي اللي جرب وعلي ما اظن انتي فهماني كويس يا عمري

ابتعدت عنها ودخلت لغرفتها وهي تنظر أمامها بشرود

ملك بعد ذهاب مليكه / لكل قصه شرير يا مليكه وانا  بكل فخر بقبل الدور ده يا.... يا اختي

مليكه من الداخل / دايما بتصري انك تحطي نفسك في أماكن بتأذيكي يا ملك بس مش انا اللي بفضل اتفرج واعيط انتي مش قدي يا ملك

دخل حمزة للشركه التي يعمل لها  بكل هيبة وهو يضع عينه في الأرض دخل لمكتبة وجلس قليلا ونظر في ورق بعض المشاريع ثواني وجاءته مكالمه من مكتب المدير 

خرج وتوجه لمكتبه طرق الباب ودخل حينما سمع صوت ياسر  يأذن له بالدخول / حضرتك طلبتني يافندم

ياسر وهو يشيير لفتاه / ايوه طلبتك دي تسنيم السكرتيرة الجديده بتاعتك

وضع حمزه عينه في الأرض / اتشرفت بحضرتك

نظرة هذه الفتاه أيضا في الارض بخجل

راشد / تسنيم من أفضل المرشحات اللي اتقدموا للوظيفة بإذن الله تفيدنا

تحدثت الفتاه بخفوت ورقه / شكرا يا فندم وبإذن الله اكون عند حسن ظن سعاتك

ياسر ببسمه /اكيد يابنتي اتفضلي عند مريم المسئولة عن الشئون الخاصه بالموظفين وهي هتفهمك كل حاجه مطلوبه منك

هزت رأسها بايجاب وخرجت

حمزه بعد خروجها / يا فندم انا كنت طلبت ان الوظيفه تكون لراجل عشان اتعامل معاه بحريه

ياسر وهو يتنهد / يابني دي احسن واحده اتقدمت للوظيفه

هز حمزه راسه / طب عن اذن سعاتك هروح اخلص الشغل

أشار له ياسر بالذهاب ثم اكمل عمله

في الجامعه كان يسير بكل هيبه واحترام وهو ينظر في الكتب معه وفجأه اصطدم في فتاه ابتعد بسرعه كان عقرب لدغ واعتذر وهو يجمع اشيائه / اسف يا انسه ما اخدت بالي

البنت بدلع وهي تأكل اللبانه / ولا يهمك يا دكتور حصل خير

احمد وهو يذهب بعيد عنها / طب عن اذنك

وتركها ورحل نظرت منار في اثره بغيظ وضيق منه ياالله ما هذا الجبل منذ سنتان وهي تحاول حتي لقت انتباهه لها ولكنه لا يتحرك جاءت فتاه تشبهها في طريقه. لبسها غير المحتشمه /ههههههه فلسعك تاني

منار بغيظ وهي تنظر للطريق الذي ذهب منه احمد / مسيره يقع مش منار الشريف اللي حد يتجاهلها

الفتاه بضحك / طب يلا يا اختي خلينا نلحق المحاضره انتي عارفه حبيب القلب مش بيدخل حد بعده واستعدي للبهدله عشان الشيت اللي متعملش 

منار بغضب / كله بسبب الكلبه ام اربع عيون قال ايه مش بدي مجهودي لحد ومش بعمل الشيت لحد لان كده بضيع تعبي طب والله لوريها يلا 

ذهبت الفتاتان المحاضره ودخلن وذهبن لاحدي البنشات عند فتاه تجلس وحدها

منار وهي تدفع الفتاه / اوعي من هنا ده مكاني

نظرت الفتاه لها وهي تعدل نظارتها / اسفه مكنتش اعرف

ثم حملت كتبها وذهبت لآخر البنش تقدمت لها منار وصديقتها / وده برضو مكاني بصي البنش ده كله بتاعي

نظرت لها الفتاه بجهل / ليه يعني اي حد يجي يقعد

منار وهي تدفعها مما جعلها تسقط كتبها / انتي بتردي كمان عليا يا حيوانه

نزلت دموع الفتاه فأصبحت الرؤيه غير واضحه بسبب دموعها الموجودة على نظارتها

الفتاه ببكاء / انتي بتكلميني كده ليه انا مش عملت ليكي حاجه كل ده عشان رفضت اعملك الشيت 

منار وهي تهم بضربها / انتي واحده حيوانه إزاي تكلميني كده انا بقي  ه......

قاطع طريق يدها للفتاه احد يمسك يدها نظرت الي هذا الشخص ثم فتحت عينها / زين انا...... 

رمي زين يدها بعنف / لولا انك بنت انا كنت ضربتك علي اللي بتعمليه ده

ثم نظر للفتاه بحنان واخذ نظارتها وأخرج منديل ومسح نظارتها / انتي كويسه

هزت الفتاه رأسها بايجاب

كانت سترد ولكن قاطعهم دخول احمد وهو يعلن بداية المحاضره

كان رامي يسير في اروقه المشفي وهو يصفر فجأه وقفت امامه فتاه جسمها ممتلئ وهي ترفع باتجاهه طبق حلوي/ دكتور رامي اتفضل كل حلو

رفع رامي حاجبه / بمناسبه ايه يا اخت اسماء 

اسماء بخجل / اصل في عريس اتقدملي ووافقت عليه

رامي ببسمه / الف مبروك يا اسماء تستحقي كل السعادة

اسماءباسف شديد/ يلا مع اني كنت منمره عليك اكمنك حليوة كده ومركز وقيمه وعيونك العسلي دي وجمالك اللي بينور بس يالله ملكش في الطيب نصيب 

رامي / ياشيخه انا فقري يلا بقي همشي قبل ما اولع  

نيره / تولع!!! قصدك تنور ده انت ناقص اتنين فولت وتنور يا جدع.

رامي وهو يبتعد عنها / ياستير يارب ياشيخه قولي ما شا......

لم يكمل كلامه حيث انزلق في بعض الماء في الارضيه ووقع رامي بصراخ / الله يسامحك يا شيخه 

ثم نهض يمسك ظهره بألم

اسماء  وهي تتجه له بسرعه وخوف  / مافيش حاجه ان شاء الله انت جته وجسمك ه

رامي / ياشيخه حرا..... اااااااااه

كانت هذه المره انزلقت قدمه وسقط علي الدرج نظر لاعلي الدرج وهي تنظر له بخوق / الله يخربيتك يا اسماء  اااااه

بعد مرور الوقت كان يتسطح علي الفراش وامامه حمزه وسعديه

سعديه بشماته / احسن تستاهل كله من أعمالك شوف ربك ياشيخ اتعظ بقي

رامي بألم / انتي ليه محسساني اني كنت بتاجر في الاصنام يا سعديه ارحميني اااااه

حمزه بحنان لاخيه / الف سلامه عليك يا كبير

رامي / الله يسلمك يا حمزه

سعديه وهي تنظر لهم وهم يتحدثون بحنان لبعضهم ثم نظرت لحمزة بشفقه / يا خساره الحلو مش بيكمل يعني الواد عسل بس استغفر الله

رامي / روحي انتي يا سوسو عشان مينفعش قعدتك في المستشفي دي

سعديه / عايزني اروح اقعد لوحدي عشان اتجن وترميني في مستشفي المجانين يا معفن بعينك انت ومراتك الحربايه مش هريحكم علي قلبكم العمر كله

ضحك حمزه بشده عليها

رامي / الله يخربيتك مراتي هتخليني أطلقها قبل مانتجوز يا سعديه

سعديه وهي تضرب علي صدرها بخضه / لهو انتم مش متجوزين امال الولا اللي في بطنها ابن مين

رامي / ياختي هتجبلي تهمه ابوس ايدك يا حمزه روحها

حمزه بضحك / حاضر يلا يا سوسو نروح عشان ارجع اخده

سعديه / ما تجيبه معانا يا خويا ولا هي حجج وخلاص عشان يخلي الجو ليكم

ضحك حمزه / الله يسامحك يا سعديه هتجبلي بلوه ياستي لسه في شويه اشاعات هيعملها اكون انا وصلتك

سعديه وهي تتحرك أمامه / يلا يا خويا شكله اساسا مش طايقني اكمني هرشاه وفاهمه دماغه

رامي بعد ذهابها / الست دي هتوديني في ستين داهيه

كانت عبير تجلس في غرفتها وتتحدث مع احد علي اللاب الخاص بها بكل دلع / لا مش هينفع اني اقابلك طبعا ممنوع عندنا اصلنا عيله محافظه اوي

ثم ضحكت ضحكة فيها اغراء شديد / اسكت ده انت طلعت حكايه يخربيتك لا طبعا مش هينفع افتح الكاميرا كفايه انا شيفاك يابيبي........ لا حازم بقولك ايه انا وافقت اكلمك عشان حسيتك كويس متخليش اغير رأي فيك....... هيهيهيهيه لا ياخويا لسه شويه

سمعت صوت أقدام يقترب / طب اقفل دلوقتي عشان ماما بتنادي

اغلقت اللاب بسرعه وأمسكت المجله بجانبها ونظرت للباب وجدتها سندس تدخل عليها وتنظر لها بشك / كنتي بتكلمي مين يا عبير

استيقظت صوفي من نومها بكل كسل وتحركت للخارج وجدت مليكه تجلس وتقرأ وردها نظرت لها بملل ثم تجاوزتها للحمام وبعد مرور بعض الوقت خرجت وهي ترتدي الرووب وتعبر من أمامها صدقت مليكه ونظرت لها ببسمه / صباح الخير يا ماما

نظرت لها صوفي بقرف / اهو صباح قومي حضري اي حاجه اطفحها

نظرت لها مليكه بحزن فوالدتها هكذا دائما تعاملها بجفاء كبير

نهضت وتوجهت للمطبخ وأعدت بعض الطعام وأخذته لها ثم تحدثت / ماما ممكن لو سمحتي انزل اقعد تحت عشان....

صوفي بضيق /مطلبتش منك السبب روحي في اي مكان مليش دعوه بيكي

نظرة لها مليكه ببسمه سخريه  وخرجت وتوجهت للاسفل وهي تحدث نفسها / كانت آخر محاولة يا ماما عشان أقرب منك بعد كده مش هحاول انتي خلصتي كل فرصك

هبطت وجدت جدتها تجلس في الصالون وحدها ذهبت لها ببسمه / السلام عليكم

رفعت فاطمه رأسها لمليكه ببسمه / عليكم السلام ورحمة الله وبركاته عروستنا الجميله عامله ايه

مليكه بمزاح / ميت فل وعشره يا حبي

فاطمه ببسمه /حمزه بلغني انك كنتي تعبانه امبارح اكيد من عين النسوان

مليكه بضحك / الحمدلله انا بخير يابطوط

فاطمه بمزاح / فين العجله تتعلم الرقه دي

دخلت اميره وندي كلا منهما كأنهم يحملون هم الدنيا كلها

مليكه بتعجب / فيه ايه يابنات مالكم

ندي / الامتحان قرب ولحد دلوقتي الفيزيا معقده ومش عارفين نفهمها

نظرت لهم مليكه بتعجب / انتم الاتنين علمي

اميرة / انا علوم وندي رياضيات

مليكه ببسمه / مش عيب عليكم تكون اختكم دكتوره كبيره وشاطره في الفيزيا وتشيلوا الهم 

نظرة الفتاتان لها بعدك تصديق / بجد؟؟؟؟؟؟؟

مليكة /اها يلا بقي منك ليها كل واحده تروح تجيب الكتب بتاعتها هنا عشان نسلي بطوط معانا

ندي واميره معا / حمامة

ضحكت فاطمه عليهم / ربنا يديمكم لبعض يا حبايب قلبي

في منزل رامي كان الشباب ينزلونه علي الفراش بحذر

رامي / واحده واحده واحده واحده يا جماعة الخير انا بقيت بايظ اقول عليكي ايه يا اسماء

ضحك احمد عليه / يا عيني علي الحلو لما تبهدله الايام ايه يا عمري اللي عمل فيك كده

رامي / بعدك يا قاسيه هد حيلي

احمد بدلع / للدرجه دي يا سي رامي

رامي / واكتر ياقلب رامي انتي مش عارفه انتي ايه عندي

سعديه / ايه يا تربيه وس.... وايه ده وجهه جديد معاكم مش أصغر منكم ده 

نظر أسر بتعجب لما تقول /  يعني ايه

سعديه / انا اقولك اصلهم.........

احمد بضحك / ابوس ايدك ياسوسو استري علينا يا شيخه

سعديه / مين القمر ده

رامي / استلم اهي عملت ريفرش وهتبدأ من الاول

سعديه وهي تشير لرامي / ايوه انا عارفاك مش انت اللي ضحكت عليا زمان واخدت الدهب بتاعي عشان تشغله وهربت بيه

رامي / ايه يا حاجه سعديه ابوس ايدك مش ناقص انا البوليس يجي ياخدني كده انتي سمعتي مسلسل الريان امبارح ولا اية 

سعدية / صدق انك....

قاطعها صوت طرق علي الباب

رامي / انتي بلغتي بجد ولا ايه يا سعدية

سعديه وهي تتجه الخارج / يارب يكونو هما ويلموكم عشان نخلص

ضحك الجميع عليها ولكنهم صمتوا عندما سمعوا صراخ

رامي بهلع/ سعديه انتي متشعلقه فوق بتعملي ايه 

صرخت سعديه وهي معلقه فوق أحدي المكتبات/ شوف مراتك يا خويا عايزه تقتلني 

احمد وهو ينظر لها بتعجب / هي طلعت إزاي دي ده انا لو حاولت اطلع هيجيلي الغضروف 

كانت ياسمين تحمل السكين في الأسفل وهي تنظر لها بغضب شديد / طب انزليلي يا سعديه عشان بدل الفار اللي لقحتيه هشرحك انتي 

نظر أسر للصوت وتفاجأ بها المجنونه التي كانت تحدثه البارحه هل هي زوجه رامي 

رامي وهو ينظر لياسمين / فيه إيه بس يا ياسمين 

ياسمين بصراخ / يا أخي جايبه فأر عشان اشرحه عشان مشروعي قامت سعديه مسكته ورمته ومش عارفه راح

فين 

‏رامي بهدوء خطير / يعني هو الفار لسه في البيت 

‏هزت يا سمين رأسها / آه بس 

‏قاطع كلامها رؤيتها لهذا الشاب الذي كانت تزعجه البارحه فاشارت له / مين ده 

‏كاد رامي يجيب لولا نظره احمد لظهره وهو يتحدث بهدوء / هو الفار ده ابيض يا ياسمين 

‏ ياسمين / آه مستورد ودفعت فيه دم قلبي بس اقول ايه سعديه ضيعته 

‏اخمد وهو يكتم ضحكته / لا هو مش ضاع هو اهو علي ضهر رامي 

‏توقف رامي عن الحركه وعم الهدوء واقتربت ياسمين بهدوء / متتحركش يا رامي 

‏توقف رامي وهي اقتربت بحذر ثم كادت تمسكه لولا اختباء الفأر في ثياب رامي 

‏رامي بصراخ / ااااااااااااه ابعدوه عني 

خرج حمزه من المنزل وبجواره كانت مليكه فبعد ان اوصل رامي معهم واطمأن عليه ذهب ليأخذ مليكه للذهاب لام فاروق نظر ليتأكد من  وضع النقاب ثم هز رأسه وسار بجانبها في طريقهم لمنزل ام فاروق ليعرفها علي زوجته ولكن قبل الذهاب وكالعادة اتجه حمزه الي بقاله عم حسين ولكن هذه المرة برفقه زوجته دخل حمزه وخلفه مليكه فوجد كالعاده هند تقف اخفض نظره وتحدث / عم حسين هنا

هند بدلع وهي تنظر لمليكه / لا ابا خرج يقضي كام مشوار كده محتاج حاجه يا بشمهندس ده انا اخدمك بعيني.

قالت آخر كلامها بدلال كبير وهي تشير لعينها ابتسمت مليكه بسوداويه ثم جذبت حمزه للخلف قليلا وهمست له / انت عايز تجيب ايه وانا هتصرف.

نظر لها حمزه ببسمه كبيره / عايز اجيب طلبات لام فاروق يعني حجات تأكلها من غير ما تحتاج لتجهيز وكده زي قرص ولانشون وغيره

هزت مليكه رأسها / تمام لحظه

اقتربت مليكه من هند وتحدث ببسمه لم تظهر لهند / لو سمحتي عايزه زر لانشوف وعلبه جبنه وكيس قرص وكرتونه كيكه وعلبتين لبن كبار وخمسه عصير وواحد شيبسي من كل طعم وتلاته شيكولاته 

نظرت لها هند بغيظ / حاجه تاني

مليكه ببرود استفز هند / سلامتك

زفرت هند وذهبت لتحضر ما طلبته هذه المستفزه من وجهه نظرها

اقترب حمزه من مليكه بتعجب / مليكه ام فاروق مش هتعرف تاكل شيبسي ولا شيكولاته

نظرت له مليكه بتذمر / الشيبسي ليا هو والشكولاته هي أم فاروف احسن مني ولا ايه بعدين احنا لسه متفاهمناش علي موضوع مرواحك لام فاروق لوحدك علي طول

نظر لهم حمزه وغمز وهو يهمس / اعتبرها غيره

نظرت له مليكه وهزت كتفها بدلال / exactly 

ضحك حمزه عليها ولكن سمعوا نحنحه بجانبهم نظرت مليكه لهند وأخذت منها الحقائب / كام الحساب

نظرت هند لحمزه وتجاهلت مليكه / خلي خالص هو احنا عندنا كام حمزه

مليكه وهي تنظر لها ببرود / قولتي كام يا قمر

هند وهي تتحدث بضيق /الحساب......

نظرت مليكه لحمزه ومدت يدها له فابتسم وأخرج محفظته واعطاها الأموال فاخذتها هي واعطتها لهند وشكرتها بنبره جعلت هند تود لو اقتلعت عيناها

اخذت مليكه بيد حمزه وخرجوا لمنزل ام فاروق اخذ منها حمزه الحقائب وعندما توقفوا امام منزل ام فاروق وجدوا  ام سعاد كالعاده تقف في شرفتها القريبه من الأرض / اهلا بزينه شباب الحاره الف مبروك لولولولولولولوي

حمزه / بالله عليكي يا ام سعاد كفايه اخر مره عملت الحادثه المره الجايه هتفرم والله

ام سعاد وهي تضع يدها أسفل ذقنها / ليه يا خويا وانا قولت ايه دي الحقيقه انت متعرفش نفسك ولا إيه قمر واتجوزت قمرين بدر منور ياخويا جبت الحلاوه دي منين 

نظر حمزه بفزع لميكه / هي شافتك

هزت مليكه رأسها / امبارح قلت النقاب

حمزه وهو يتحدث بولوله مثل النساء وبمزاح / يا صغيره علي الموت يا ختي لسه ملحقتش اتهني بيكي لا انا لازم أول ما اروح ارقيكي

ام سعاد وهي تكمل حديثها دون أن تنتبه لحديثهم / يا خويا عيون ايه مناخير ايه حلاوه ايه

حمزه / وانا اللي استغربت انك سخنتي امبارح من غير سبب ده إحنا نصلي ركعتين شكر انك ماندلقش عليكي مايه نار ولا انشليتي

طرف حمزه علي الباب / افتحي يا ام فاروق قبل ما نولع

ام سعاد وهي تكمل / ياخويا ده انتم عيالكم هيكونوا ايه عسلات دي حتي مراتك عليها.....

توقفت ام سعاد علي صراخ مليكه فقد اصطدمت يدها دون أن تنتبه ببعض الاشواك التي كانت تتدلي من نباتات تم سعاد

ام سعاد وهي تنظر لها باسف / عين يا حبيبتي عين وصابتك انا مش عارفه الناس دي ايه ربنا يكفيكي شر العين

نظره لها حمزه ببلاهه وهو يفتح فمه ثم طرق الباب / يا نوسه افتحي يا نوسه انا العشق يابت افتحي

ام سعاد وهي تكمل لمليكه / آه والله ياختي تلاقيكي عشان حلاوتك دي واحده نقحتك عين ياختي كفايه لون وشك اللي زي لل

حمزه وهو يطرق علي الباب بعنف ويتحدث بفزع / حاج كامل يا حاج كامل...... افتحي يا ام فاروق الحقينا افتحي هتولع يا ام فااااااروووق

ضحكت مليكه بشده عليه وهو نظر لها بتحذير فضحكتها كانت غاليه قليلا همست هي بحرج اسفه ما اخدتش بالي

تعجب حمزه من عدم فتح ام فاروق للباب دب القلق في قلبه فاخذ يضرب الباب بكتفه ومن حده كان الباب ضعيف جدا فتحطم بسرعه ركض حمزه وخلفه مليكه وأم سعاد التي هبطت إليهم برعب نظر حمزه بصدمه لما يحدث امامه وصرخ بعنف / يا كلبببببببببببببب

استووووووووب خلص فصل انهارده يارب يكون عجبكم مستنيه توقعكم ايه اللي حصل مع ام فاروق وايه اللي هيحصل مع الشباب ورامي وسعديه 

بتمني متنسوش فوت كومنت علي الفصل لو عجبك 

دمتم سالمين 

رحمه نبيل

#جميله_حد_الفتنه

#حياة_حمزة

#الفصل_الثامن

. 

شيخي كلّما عاهدتُ اللهَ على ترك ذاك الذّنب أخلفتُ أظن أنّ الله كره خيانتي للعهد !

= يا بُنيّ اللهُ لا يُعاملك كالبشر .. اللهُ يعلم أنّك كلّ يوم تتوسّد آهاتك وتسكب دمعاتكَ لأنك عدتَ للذنب ... يعلم أنّك تكره أن تعصيه

- ولكنى انطفأتُ أصبحت أستحي من الله ... كلماتُ الناس أثقلت كاهلي يظنّونني لا أخطِيء ! لو علموا سواد قلبي !

= يا قرّة عيني مَن منّا يعيش مستَغنيًا عن ستر اللهِ ! مَن منّا يعظُ بشيء ويحذر من معصية ولكنّه قد تزِلّ قدمه ويرتكبها ، مَن منّا لا يحتاج للطف الله !؟

- هل سيقبلني !؟ هل سيضيئني ويجبرني !؟

= خلقك وبثّ فيك من روحه ، أنت غالٍ عند الله ، اتراهُ يخذل يدًا مُدّت وعينًا دمعت وعبدًا بفقره استلاذ به ؟ حاشاه

يا بنيّ لا تجلِد نفسك .. وإياك والقنوط ، ابقَ على جهاد نفسك ، ومَن ثبتَ نبت 

سيوافيكَ الله صدقَ ثباتك لذّةً لن تحزن بعدها ولكن اصبر وتصابر ورابط واربط على قلبك ...اللهُ يريدُ أن يطهّرك .. 💛

صلوا علي من جلس علي ركبيته يواسي طفل مات عصفوره صلوا على الحبيب المصطفى صلى الله عليه وسلم 😍😍💕💕💕🌴

كان راشد يجلس مع نورا ويتحدثون في أمر ما بخفوت ولكن توقفوا علي دخول اميره بضجتها المعتاده فبعد ان شرحت لهم مليكه الفيزياء صعدت لتساعد والدتها  ابتمست وهي تري والدها يجلس فركضت له وعانقته وقبلت خده / رشرش ياقلبي غريبه جاي من العطارة دلوقتي

ضحك راشد/ دلوقتي استراحه الغدا

هزت رأسها ولكن اكمل هو / بس مش ده بس السبب اللي طلعت عشانه

نظرت له اميره بتعجب

فاكمل وهو يربت علي خصلات شعرها / حبيبه بابا كبرت وقريب هتبقي في الجامعه

ابتمست اميره له

فاكمل راشد بحنان / وكمان بقت عروسه والعرسان بتتقدم ليها

توقفت نبضات قلبها وهي تنظر لوالدها هل يعقل انه عامر تقدم لها يالله ستوافق اكيد ولن تستعمل حجتها الدائمه وهي التعليم ففي سبيله تتخلي عن الكون كله خرجت من شرودها علي صوت والدها / دكتور عماد اللي فاتح صيدلية علي أول الشارع جاني العطارة واتقدم ليكي وبيقول هتبقي فتره خطوبه لو وافقتي لحد ما تخلصي

نظرت له بملامح شاحبه فوالدها يبدو هذه المره مصر عليه فهو أبدا لم يتحدث عن أي عريس أمامها بل كان يرفضهم دون اخذ رأيها 

نظرت له اميره بتوتر / بس يابابا آنت عارف السنه م.....

قاطعها راشد / متقوليش رايك قبل ما تفكري كويس فيه

نظرت له اميره بأمل اخير / يابابا انا مش عايزه ا....

قاطعها راشد بجديه وكلام لا يقبل النقاش / اسمعي يااميرة كل مره تقولي حجج بسمعك بس المره دي العريس كويس ومحترم واعرفه واعرف والده وشبهنا يابنتي بيته كويس وعارفين ربنا هطلب أيه تآني

صمت وهو يتنهد / فيه حد في دماغك يا اميره

نظرت له بفزع هل كشفها الان هزت رأسها بخوف / لا لا هو.......

امسك راشد يدها وقبلها / فكري كويس قبل كل كلمه ياقلبي انا ابوكي واتمنالك الخير ياقلبي فكري وردي عليا ومتفكريش ان هجوزك دلوقتي لا ياقلب ابوكي ده لسه بس فتره خطوبه حتي تكوني كبرتي شويه ودخلتي الجامعه 

هزت اميره رأسها وهي تمنع دموعها / طب بعد اذنك هروح اشوف ندي عشان نراجع علي الفيزيا.

هز راشد رأسه وقبل رأسها

انطلقت اميره للخارج وقد انفجرت دموعها وذهبت لندي طرقت الباب بسرعه ففتحت ندي بفزع / اميره في إيه

بينما نظر راشد بهدوء نورا / وانتي ايه رأيك يا نورا

نظرت له نورا ببسمه / الرأي رأيك يا راشد انت ادري بمصلحتها

هز راشد رأسه بشرود وهو يفكر في تصرفات صغيرته 

نظر حمزه بصدمه لذلك الرجل الحقير ثم انطلق له وهو يصرخ به ويجذبه بعيدا عن ام فاروق / هو أنا مش حذرتك ميت مره انك متقربش منها ها قولت ولا مقولتش

نظر له الرجل والذي يبدو في بدايه الستينات وحاول أبعاد يد حمزه عن ثيابه / اولا انت ملكش اي دخل بيا مرات عمي ومحدش يدخل بينا ثانيا انت مين سمحلك انك تيجي هنا أساسا ها

نظر له حمزه ببسمه مرعبه لم تراها مليكه علي وجهه البشوش قبلا / أولا اللي بتتكلم عنها دي تبقي والدتي ثانيا انا ليا الحق آكتر منك اني ادخل بعدين هاتها علي بلاطه وقول انك جاي عشان الفلوس

تحدث الرجل. بهياج / فلوسي وحقي انتم عايزين تاكلوه عليا ولا إيه

ابتسم حمزه بسخريه / فلوس مين يا أخ انت دي فلوس ام فاروق

الرجل بصراخ / دي فلوس عمي بس هو ظالم وظلمنا في ورثنا

نظرت له ام فاروق بألم ووجع فقد كان هذا الرجل يحاول ان يتهجم عليها لولا حمزه / انت كداب جوزي مش ظالم وورثم خدوته وزياده كمان

الرجل بسخريه / مسميه الملاليم دي ورثنا طب وحقنا في الفدادين اللي اشتراها في المنصوره قبل موته فين

ام فاروق بتعب / دي حقه هو واشتراها شرك معايا بفلوس دهبي غير انه كتبها ليا قبل ما يموت

تحدث الرجل بعصبيه / انتي خرفانه يا....

لك يكمل كلامه بسبب جذب حمزه لثيابه وهو يخرجه / قسما بالله لولا انك رجل في مقام والدي لكان تصرفي معاك مختلف بس معلش ملحوقه لو قربت هنا تاني انا مش هعمل اعتبار لسنك ده

ثم أخرجه وأغلق الباب وجد زوجته تسند ام فاروق بهدوء اقترب منهم بعد أن هدأ وامسك يدها / ليه متصلتيش بيا اول ماجه ايه يا ام فاروق هانت عليكي سنين الحب والعشق والغرام اللي بينا

ادمعت عين ام فاروق فحزن حمزه واقترب منها وامسك يدها ليقبلها بحزن / متزعليش يا غاليه انا معاكي دايما اوعي تفتكري نفسك لوحدك أبدا أبدا فاهماني

نظرت له ام فاروق بحب وحنان ومسدت علي زراعه ونظرت لمليكه التي كانت عينها تدمع علي حال هذه السيده مدت ام فاروق يدها فانطلقت مليكه وعانقتها وهمست لها بحنان / فصبرا جميلا والله المستعان علي ما تصفون

ابتسمت ام فاروق ونظرت لحمزه بفرحه / عرفت تنقي ياواد يا حمزه

حمزه بغمزه ومشاغبه / اكيد يا ام فاروق ده الاكس بتاعي كان انتي معاناتها اني ذوقي عسل أساسا

ضحكت ام فاروق بعد أن كانت تبكي منذ ثواني / ايت ياواد الأكس دي شتيمه

حمزه بضحك / لا شتيمه ايه استغفر الله دي معناها حبيبتي القديمه

ضحكت ام فاروق ونظرت لمليكه / شيلي يابنتي النقاب ده مفيش حد هنا والواد ده جوزك

حمزه وهو يحدث نفسه / ما بلاش الواحد بيسهم في شكلها وينسي نفسه

ابتسمت مليكه ونزعت النقاب الخاص بها وبقيت فقط بالحجاب بينما حمزه لم يستطع ولو لثانيه نزع عينه من عليها وأخذت ام فاروق تكبر / ماشاء الله تبارك الله عروستك قمر يا حمزه

حمزه وهو ينظر لها حتي يشغل باله عن تلك التي قيدته بعيونها / مش احلي منك ياقمر علي فكره الدعوي لسه مفتوحه لو عايزه تبقي زوجه تانيه بعدين انا عايز عزوه كده وهعدل بينكم متخافوش انا قلبي يسع من الحبايب الف

نظرت له ام فاروق بضحكه عاليه / بس شكلها مراتك مش ده رأيها

نظر حمزه لها وجدها تنظر له بوجهه احمر

فتحدث بخوف مصطنع / أنا بقول يا ام فاروق ان كل شئ قسمه ونصيب وزي ما دخلنا بالمعروف نخرج بالمعروف ويادار ما دخلك شر ويابخت من زار وخفف ويابخت من نام ظالم ولا نام مظلوم والسلام عليكم ورحمة الله وبركاته

ضحكت مليكه عليه ولم تستطع ان تتماسك

غمز لها حمزه /اختا بس عايزين ننول الرضا.

ماتيجي

مليكه بتعجب /فين

حمزه بغمزه مشاكسه / هجبلك عصير قصب

ضحك الجميع علي حديثه وهكذا انقضي اليوم مع ام فاروق والتي تقربت كثيرا من مليكه

كانت أميره تخرج من شقه انها راضي وهي تفكر في حديث ندي منذ قليل وان تترك عامر وتفكر في مستقبلها فربما يكون عماد هو المقدر لها كانت شارده وهي تفتح الباب وفجأه اصتدمت وبشده في صدر عامر فابعتد سريعا عنها وعاد للخلف وانتظرها فخرجت هي واعتذرت بصوت مبحوح من كثره البكاء نظر لها عامر بفزع / اميره مالك بتعيطي ليه

اميره وهي تحاول مسح دموعها/ مفيش عن اذنك

ولم تنتظر سماع كلامه وركضت سريعا للاسفل وهي تفكر ماذا ستفعل

بينما هو دخل الشقه وقلبه يتخبط بعنف وجد ندي تخرج من غرفتها وهي تكمل كوب فارغ اوقفها / ندي استني

توقفت ندي ونظرت له بتعجب / نعم يا عامر

عامر بقلق تغلب علي خجله/ اميره مالها وكانت خارجه تعيط ليه.

زفرت ندي بحزن علي صديقتها بينما عامر ينتظر

ندي بحزن وتعب / ندي اتقدملها عريس وهو كويس ومحترم وعمي المره دي شكله موافق و....

لا لم يسمعها من بعد كلمه (اتقدملها عريس) وقد توقفت حواسه عن العمل ماذا هل سيخسرها هكذا لقد أضاع عمره لأجلها انتظر وانتظر لتكون حلاله والان بكل بساطه يأتي غير ليأخذها اذا ليأخذها ولكن عندما يصبح هو في قبره

ندي وهي مازالت تكمل ولم تنتبه لشروده / وبس وهي بقي مح.......

قطع كلامها رؤيته وهو يركض للخارج بهياج وسرعه نظرت بخوف ودهشه لما يحدث / هو فيه إيه

عم الهدوء ارجاء المكان ونظر الجميع بخوف وحذر لظهر رامي وتحرك الجميع بهدوء وفي خلال اقل من الثانيه كانت ياسمين تهبط بالعصا علي ظهر رامي فصرخ رامي وتحرك بسرعه واخذ الفار يتحرك في ثيابه وفي ثواني كان الجو يتخلله الهرج والمرج واحمد يتحرك برعب ويركض وهو يصرخ وخلفه رامي الذي اخذ يحاول نزرع ثيابه وياسمين تركض خلفهم بالعصا بينما علي المكتبه كانت سعديه تشاهد باستمتاع / احسن من أعمالكم سلط عليكم عشان تبطلوا قله ادب. 

بينما كان أسر يقف علي الاريكة وهو يصرخ وياسمين خلفه تضربه باستمرار 

رامي بصراخ /يابت اهدي الله يخربيتك رجلي يا مفتريه مش عارف اتحرك 

فرامي كان يركض بقدم ويجر الاخري خلفه. 

اقتربت ياسمين من رامي بعد أن ألقت العصا وامسكت منفض الستائر وفي ثواني اخذت تضرب ظهر رامي وهو يصرخ / يخربيتك مش كفايه رجلي. 

نظر اسر لنقطه ما وأشار إليها / شباب 

نظر الجميع له فتحدث /بصوا 

نظر الجميع تجاه سعديه فتحدثت سعديه بقلق /في إيه منك ليه بتشاوروا ليه كده 

ابتلع احمد ريقه / الفار جنبك 

استدارت سعديه ببطئ وجدت الفار بجانبها علي المكتبه فصرخت / فااااااااااااااااااار 

كانت تجلس في غرفتها وهي تقلبها رأس علي عقب

ملك بجنون / هو راح فين انا كنت حطاه هنا راح فين

نظرت حولها مثل المجنونه / راح فين

امسكت رأسها بألم /هموت اه هو فين

فجأه خطر ببالها أين يمكن أن يكون خرجت وركضت لغرفه مليكه وأخذت تبحث عنه وهي تتلفت حولها مثل المجنون / حطيته فين دي آآآآآآه

سمعت صوت مليكه تتحدث ببرود من خلفها / بتدوري علي دة

نظرت ملك لمليكه بجنون وهي تصرخ / انتي ازاي تدخلي اوضتي وتفتشي في حاجتي

مليكه وهي تنظر لها بسخريه / تؤ تؤ تؤ جرا ايه يا ملوكي أعصابك يا ماما

ملك بهياج / هاتي هاتي اللي اخدتيه مني

مليكه بتحدي / لا

ملك بجنون / انتي مجنونة ولا ايه بتدخلي تفتشي في اوضتي وبتاخدي اللي علي مزاجك مش من حقك تعملي كده 

مليكه بحده / لما تغلطي  يبقي من حقي لما تاخدي القرف والسم ده يبقي من حقي اني امنعك لما طول عمرك معملتيش حاجه واحده صح يبقي من حقي اراقبك يا ملك

ملك بسخريه وهي تفرك في وجهها بجنون / وكنتي فين يا ماما مليكه من الاول اه صح نسيت انك كنتي بتصنعي المجد وقتها صحيح اخدتي كام جايزه يا فخر العيله

نظرت لها مليكه بقلب يدمي علي اختها / ياااه يا ملك للدرجه دي مش طيقاني انا عملت ايه عشان ده كله انا عمري ما كرهتك طول عمري بعمل كل حاجه عشان مصلحتك ولا نسيتي اللي عملته زمان ساعه.....

قاطعتها ملك بضحكه صاخبة / انتي لسه مقتنعه انك كنتي  بتساعديني لا فوقي يا جميل وقتها انتي كنتي بتساعدي نفسك يا شيخه مليكه ولا نسيتي انتي كنتي ايه الأول

ثم تحركت للخارج وهي تقول بضحكه / من فات قديمه تاه يا شيخه وبالنسبه للي في ايدك خليه انا هعرف اجيب غيره هههههههههه

نظرت مليكه أمامها بعيون تحولت للون كحلي غامق وهي تضغط علي ما بيدها بشده  /مش هسمحلك يا ملك مش هسمحلك انك ترجعي الماضي تاني ابدا مش هسمح

دخل عامر الورشه علي راشد بعنف نظر راشد له بتعجب / في إيه يا عامر مالك 

عامر وهو يلقي قنبلته / عمي انا طالب ايد أميرة منك 

راشد بصدمه / انت تتجوز اميره. 

ارتعب عامر من نظرته وتحدث بقوه نابعه من عشقه وخوفه علي ضياعه /عمي انا .. انا بحب ندي ويمكن آكتر من نفسي وكنت مستني تخلص عشان اقولك بس عرفت ان فيه واحد أتقدم ليها فمخايف اتأخر وتضيع مني 

راشد بصدمه / انت يا عامر تبص لبنتي بالطريقه دي 

ارتعب عامر من افكار عمه / لا يا عمي والله أنا عمري ما بصيت ليها حتي بصه مش كويسه ولا لمحت ليها بحاجه أبدا 

ثم اخفض عينه بحزن / ياعمي انا من وقت ما كانت صغيره وانا كنت بشيلها العبها وانا اتعلقت بيها مع الوقت اتجول التعلق ده لحب وعشق والله العظيم عمري ما عصيت ربنا فيها ولا عملت حاجه غلط يا عمي كل اللي بتمناه من الدنيا تكون حلالي وتكون ليا عارف ان فرق السن كبير بس والله هشيلها في عيني 

نظر له راشد بفخر من ابن اخيه /أنا واثق فيك يا عامر وتأكد عمري ما هلاقي حد زيك لبنتي انا هقولها واشوف رأيها واللي فيه الخير يقدمه ربنا 

عامر ببسمه / متشكر ياعمي بس ياريت متتأخرش عموما مش هقبل غير بالقبول 

ثم ابتسم له وخرج وخلف ده راشد ينظر بصدمه أين ذهب عامر ذو الهيبه ابتسم فمن امامه ليس سوي عامر العاشق 

كانت كلا من اميره وندي تتجهان للدرس وتسيران بدون اي صوت في الشارع فجأه وجدوا جسد كبير يقطع طريقهم رفعوا أعينهم وجدوه شاب جميل جدا وصاحب جسد مفتول بالعضلات

الشاب ببسمه / اسف اني بقطع طريقكم يا جميلات بس ممكن أسألكم سؤال

اميره وهي تمسك بيد ندي / لا مش ممكن

وجذبت ندي التي كانت تائهه فيه ولكنه لم ييأس /انا مش قصدي والله ازعاج خالص بس عايز اسأل علي حاجه

ندي ببسمه / اتفضل

نظرت لها اميره بشرر كبير ابتسم الشاب لندي بسمه اذهبت عقلها / واضح انك ذوق جدا يا انسه انا بس كنت بسأل علي مكتب الاستاذ...... المحامي

اميره بحده وهي تمسك يد ندي / منعرفش وياريت متقفش في طريقنا تاني

ثم جذبت ندي خلفها بحده حتي وصلتا لمكان الدرس اميره بحده / انتي مجنونة يا ندي اية الي عملتيه ده تتكلمي مع واحد غريب ليه

ندي بدفاع عن نفسها / فيها ايه يا اميره اولا هو شخص عادي بيسإل وخلاص

اميره بسخريه / يا سلام وهو مفيش غيرنا في الشارع يسأله

مكان فيه ميت راجل يسأله ولا هو حك وخلاص

ندي بزهق / يوووه يا اميره مش هنخلص انتي اساسا معقده زي اخوكي

نظرت اميره لها بحده /عندك حق فعلا يا... يا اختي

ثم تركتها وذهبت لتجلس بعيدا حتي بدايه الدرس

نظرت ندي لها بضيق شديد سرعان ما تغيرت ملامحها عندما رأت الشاب يقف بسيارته بالقرب من مكان الدرس ويغمز لها ثم ارتدي نظارته الشمسيه ورحل نظرت هي في اثره ببسمه حالمه كاي فتاه في سنها ولم تدري عواقب ما تشعر  به او تفكر به

كان رامي يجلس علي الاريكه وهو يمسك ظهره مثل النساء / اه ياني يا ما يا عيني عليك يا رامي حسدوك يا غالي كشفت راسي ودعيت عليكي يا اسماء اه ياني حسبي الله ونعم الوكيل في الظالم منك لله يا ياسمين الكلب 

سعديه وهي تنظر له بشماته / احسن تستاهل عشان تبطل قرف وقله ادب 

ضحك احمد بشده عليه فتحدثت سعديه بسخريه / بتضحك علي إيه مانت زيه يا ضنايا. 

نظر لها احمد بتذمر / جرا ايه يا سوسو انتي مش بتستري أبدا 

ضحك أسر بشده عليهم 

سعديه بحسره وهي تمصمص شفتيها / يا خسارتك في قله الادب يا بني يلا ربنا يتولانا جميعا هدخل اكلم أيوب عن اذنكم 

رامي / طب حتي استأذني يا سعديه انتي أخدتي نمرته وهتكلميه وبتقوليها عيني عينك كده وتضحكوا بقي وقله ادب 

سعديه وهي تشير لنفسها / اكلمه ايه استغفر الله وايه اضحكله دي لا مش انا يابني 

رامي وهي ينظر لها بفخر / آيوه كده ارجعي لسعديه العفيفة الطاهره ربه الصوف والعفاف 

سعديه وهي تدخل للغرفه / أصل هعمل فيديو كول 

رامي وهو يلوي فمه / عليه العوض ومنه العوض فيكي ياسعديه 

ضحكت ياسمين بقوه وهي تقترب منهم وتضع ثلج علي ظهره فتنحنح أسر بحرج / طب نسيبك براحتك انت والمدام والف سلامه 

رامي بتعجب / الله يسلمك بس مدام مين 

أشار أسر لياسمين بتعجب / المدام دي مش دي مراتك 

نظر رامي لياسمين ثم انفجروا في الضحك عليه / هو إنت قعدت مع سعديه ولا إيه 

احمد ببسمه / ياسمين مش مراته. 

أسر بصدمه وهو ينظر لهم / إيه امال ايه 

ياسمين بمشاغبه / انا اخته 

فتح أسر فمه بصدمه / اخته؟؟؟!!!! 

عاد حمزه المنزل ليأخذ أوراق مهمه ثم يتجه الشركه مجددا فقد حادثه ياسر لكي يأتي بأوراق مهمه رغم تأخر الوقت ولكنه لابد من إحضار الأوراق لذا قرر ان يحضرها ثم يعود سريعا  كان يسير للدرج لولا سماعه لصوت مليكه يأتي من الصالون اتجه له بتعجب وجدها تجلس مع جدته ويقرءون بعض الكتب وهي تفسرها استند علي الباب واخذ ينظر لها بهيام ولكنه شعر بشخص خلفه استدار وجدها سندس /الله يسامحك يا سندس وقفتي قلبي

سندس بمزاح / وانت واقف هنا بتعمل ايه وحشتك

حمزه بدون شعور / اووي.. احم قصدي يعني انا كنت جاي اخد ورق ولقيت و..

توتر من نظرتها / احم طب استأذن انا عشان هتأخر

ضحكت سندس كثيرا عليه ثم اتجهت لهم/

صباح الخير يا قمرات

فاطمه / صباح السكر يا مانجتي

مليكه بمزاح / ايه الحب ده بس يابطوط كده اغير انا

سندس وهي تضحك / لا ياستي ده انتي عروستنا برضو والمفروض ندلعك ياشابه

ضحكت مليكه / ايه جو ريا وسكينه ده يا كبير كده اخاف علي نفسي

دخلت نورا عليهم /ايه دة قعدين من غيري خيانة

ضحكت سندس / انا لسه جايه والله يا ماما بريئه

بينما حمزه اخذ الأوراق وذهب للشركه سريعا فالساعه أصبحت الان 10 ولابد من ذهاب الجميع للمنازل دخل للشرطه وسار في الممر وهو يتأكد من اكتمال جميع الأوراق ولكن أثناء سيره سمع صوت تأوه يأتي من ممر جانبي الذي يحتوي علي غرفه المخزن اقترب بتوجس وهو يتهيأ لاي شئ ثم اقترب من المخزن وفتحه ونظر بصدمه لتلك الفتاه التي تسبح في دمائها صرخ بفزع / انسه تسنيم 

ضحك بخبث / وبكده يكون أول أفراد العيله في طريقه للدمار اي نعم كانت المقصوده اميره بس مش مشكله اذا كانت ندي 

مجهول ٢ /وكمان نهايه حمزه قريبه آوي 

اما بقي مليكه فدي هستمتع بدمارها وقتلها بأيدي 

استووووووووب خلص الفصل يارب يكو عجبكم بعتذر لو كان قصير بس والله بحاول اكتب كل يوم عشان متأخرش متنسوش رأيكم وتوقعكم 

دمتم سالمين 

رحمه نبيل

#جميله_حد_الفتنه

#حياة_حمزة

#الفصل_التاسع

ناموا مطمنين أن ربنا مبيعملش لينا شئ وحش؛ناموا وكلكم يقين بأن بكره هيكون حلو مهو ربنا موجود وعالم باللي بيفرح قلبكم؛اوعوا تياسوا لحظه ان العوض مش جاي،لعل ربنا مخبيلكم حاجه حلوه تليق بيكم بس في وقتها ووقتها لسه مجاش...فمتستعجلوش ومتقلقوش تدابير ربنا حلوه قوي وهتبهركم كأنكم محزنتوش لحظه!💜

خلو ظنكم برب العالمين اقوي من كل الظروف والاسباب اللي بتقول لا الحاجه دي مش هتتحقق!!!💜🌎

اطمنوا وطمنوا قلوبكم!!

تصبحوا علي تحقيق الحاجه الحلوه اللي هتفرحكم....!!!💜

اذكار النوم..الوضوء...الوتر...الملك...!!!

اوعوا تسمحوا للشيطان يوقف بينكم وبين ربنا!!💜

#لِّسَعْيِهَا رَاضِيَةٌ

‏كان رسول الله صلى الله عليه وسلم فخمًا مفخمًا، يتلألأ وجهه تلألؤ القمر ليلة البدر.💚

رامي وهو يهز رأسه بضحكه عاليه / آيوه اختي هي سوسو قالتلك ايه بالضبط

أسر بتوهان وهو يري ضحكه ياسمين / قالتلي انها مراتك

ضحك الجميع عليه

رامي وهو يهدأ ضحكته / آه بص عشان انت هتكون معانا وكده فلازم تعرف اللي فيها سعديه ياسيدي عندها زهايمر مزمن يعني كل ثانيه بحاله دلوقتي فاكراك بعدها بدقيقه لا مره تقول عليا حرامي ومره حفيدها اللي رماها في دار مسنين شايف دي ( قالها وهو يشير لياسمين) دي حماله اسيه والله مره تقول عليها خدامه ومره مراتي ومره عشيقتي دي مره طلبت لينا الآداب ولولا ان الضابط صاحب حمزه ويعرفه وشرحنا ليه حالتها كان زمانا ممسوكين آداب وملفوفين في ملايات

احمد بضحك/ ومش بس كده الاوبشن الجديد لسه نازل اني انا والشباب نبقي احم احم

نظر له أسر بعدم فهم فغمز له احمد

فتح أسر عينه بصدمه شديده ازدادت بضحكات احمد وهو يضع يده علي كتفه ويستند برأسه / وحاليا يا عمري هي أخدت فكره انك معانا في ( ثم غمز له)

انتفض أسر وهو ينظر لهم بصدمه / دي م......

لم يكد يكمل كلامه الا وقد سمع صرخه سعديه / يالهووووووي

وقع حمزه من هذا المنظر ركض سريعا دون التفكير فيما يحدث هذا وهو يصرخ باسمها / انسه تسنيم انسه تسنيم

 نظر لها برعب وجدها مغطاه بالدماء كما يده

فزع بشده من هذا فاستغفر ربه وحملها وركض سريعا بكل الخوف وهبط من الشركه بفزع فشاهده الحارس وهو يركض / هو المهندس ماله ومين دي اللي بيجري بيها.

ثم هز كتفيه / ياخبر بفلوس

بينما حمزه كان يقود بأسرع مالديه وهو ينظر لها ويده مليئه بالدماء وصل للمشفي التي يعمل بها رامي وهبط وهو يحملها ويطلب النجده  جاء المسعفون وحملوها علي ناقل وركضوا بها لغرفه العمليات وقف امامها حمزه وهو يكاد يجن مما حدث الان ثواني ووجد مينا صديق رامي يركض لغرفه العمليات فركض / مينا هي هتكون بخير هي كانت...... 

هز مينا رأسه وهو يركض ويقاطعه  / متقلقش خير يا حمزه

نظر حمزه للباب برعب ثم استند برأسه علي الجدار بتعب فسمع صوت هاتفه نظر له وجد مليكه زفر بارهاق ثم فتح الهاتف / مليكه

فزعت مليكه من صوته/ حمزه ماله صوتك انت بخير بعدين ليه اتأخرت قلقت عليك

سمعت تنهيده حمزه علي الجانب الاخر / فيه مشكله صغيره في الشغل كده هحلها وارجع

مليكه بشك / اكيد

حمزه ببسمه متعبه / اكيد نامي انتي عشان هتأخر شويه

هزت مليكه رأسها وكأنه يراها / تمام خلي بالك من نفسك

ابتسم / تصبحي على خير

مليكه / تصبح علي جنه يارب

ثم اغلقت الهاتف وهي تنظر امامها هناك شئ يحدث وهذا الشئ ليس هين اكيد صوته المهتز لم يخفي عنها خرجت لتحضر شئ ساخن لكي تستطيع التفكير ولكن توقفت بصدمه مما سمعته للتو من اختها

بينما عند حمزه خرج مينا من غرفه العمليات وملامح وجهه غير مفسره ركض له حمزه / مالها يا مينا وايه الدم ده كله هي حصلها ايه

نظر له مينا بشك هو صديقه لا يمكنه الشك به / الانسه اه سوري للمدام تعرضت لاغتصاب ومش اي اغتصاب ده اغتصاب وحشي عرضها لمضاعفات كثيره ونزيف حاد واضطرينا ننزع الرحم وعدت منها باعجوبه

نظر له حمزه بصدمه كبيره وتحدث بخفوت وكأنه يقنع نفسه بالكلمة / اغتصاب

دخلت مليكه بحده علي اختها وهي تصرخ بها / جاااك يا ملك جاك تآني انتي اتجنيتي ولا إيه

ملك وهي تنظر لها ببرود / انتي مالك ملكيش دخل بيا

مليكه وهي تذهب لها وتسحبها من شعرها / هو ايه اللي ملكيش دعوه بيا بت انتي قسما باللي خلقني وخلقك اما رجعتي عن اللي بتعمليه ده لكون مورياكي وشي التاني وانتي عارفه وقتها ممكن اعمل ايه بيه انا ممكن اوريكي الجحيم علي الارض فاهمه

ارتعبت ملك فهي اكثر من اعرف مليكه تعرف وجهها الأخر وجه شيطاني مرعب مليكه ملاك وهادئه ولكن عندما تتحول تصبح اسوء كوابيسك

تركت شعرها وابتسمت بشيطانيه / احسنلك يا ملك تتفادي غضبي عشان انتي عرفاني بسكت بسكت بس لما اتكلم بقول كلام مش لطيف تمام

ظلت ملك ثابته دون حركه او رد فعل

خرجت مليكه من غرفتها وقد أصبحت عينها حمراء وبشده ثم اخرجت هاتفها / الو ادهم محتاجاك في خدمه

صمتت تستمع رده / عايزه جاك ماكيس

سعديه / أنا قولت والله قولت انك منهم بس قولت لا يابت يا سعديه يمكن وقع في المستنقع من غير ما ياخد باله وهما بيستغفلوه

أشار رامي لها / شوفت

رامي بملل / عايزه ايه يا سعديه.

سعديه وهي تمد له الهاتف / امسك الراجل ده بقاله ساعه عمال يعاكس فيا وانا معرفش هو مين ولا وصل لتليفوني إزاي

اخذ رامي الهاتف بتعجب وجده عم أيوب تحدث بسخريه / هي وصلت ليك يا عم أيوب معلش مفيش حد عزيز عليها

نظر رامي لسعديه / يعني بقالك فوق الساعه بتتكلمي معاه وفي الاخر متعرفيش مين ده يا سعديه اقول ايه وانتي فيكي كل العبر يا بعيده

ضحكت ياسمين بشده وهي تأخذها / تعالي يا سوسو عشان انتي وحشتي المرحوم.

سعديه / مرحوم مين يابت انتي

ياسمين بملل/ المرحوم جدي جوزك يا سعديه

سعديه / داهيه تجحمه مترح ما راح ده انا مشوفتش معاه يوم حلو البعيد الا هو فين مش باين

مسح رامي علي وجهه / الله يرحمه يا سعديه

ياسمين وهي تضمها / عقبالك يا غاليه يارب

صفعتها سعديه / بتفولي عليا يابت انتي والله عال مبقاش غير الخدامين اللي يفولوا عليا هاتي الكابتشينو بتاعي وحصليني علي اوضتي.

كل هذا ومازالت ياسمين تضع يدها علي خدها فنهض احمد بسرعه وامسكها لعلمه ما ستفعله

بينما ياسمين امسكت السكين الموضوع في الفاكهه وانطلقت تريد قتلها واحمد يمسكها / معلشي انتي عارفه سوسو معلشي امسحها فيا يا كبير

ياسمين / طلاج تلاته ما يحصل لازم اعلقها كده لحد ما يبانلها صاحب

سحبها احمد لغرفتها بصعوبه/ تعالي بس

ياسمين بصراخ / سيب ياض فكرك كده هنساها ولا هسيبها في حالها هنروح من بعض فين يا سعديه لازقه في خلقة اللي خلفوني 24 ساعه والله لطلعهم عليكي يا سعديه اما وريتك يا سعديه

كان صوتها يتلاشي

ضحك أسر بشده عليهم / طب والله إنتم عيله عسل.

رامي / العرض ده حصري لعيونك وكل يوم من ده

هز مينا رأسه / لازم أبلغ البوليس يا حمزه بعتذر

هز حمزه رأسه له / اكيد بلغ اكيد

رحل مينا وجلس حمزه مكانه بهدوء مريب لدقائق او ساعات يفكر من يمكنه فعل ذلك لها فهو في الأيام الماضيه لم يري من هذه الفتاه سوي كل خير واخلاقها يشهد لها الجميع اغمض عينه بألم ولم يفق سوي علي صوت مينا وهو يشير لاحد بجانبه / سياده الرائد يا حمزه عايز بس يسألك بعض الأسئلة

هز حمزه رأسه فجلس بجانبه الشرطي وهو ينظر له بدقه وكأنه يضعه تحت منظار الاتهام

الشرطي / تقدر تقولي ايه اللي حصل لحد ما وصلت بيها هنا.

هز حمزه رأسه / أنا كان فيه ملفات رايح اوديها للشركه وفجأه وانا ماشي سمعت صوت زي صوت حد بيتألم افتكرت فيه حد بيتخانق دخلت في ممر المخازن وسمعت صوت حد زي اللي بيعيط لقيته جاي من مخزن دخلت لقيت الانسه تسنيم عايمه في دمها فاخذتها وجيت علي طول هنا

ابتسم الشرطي بسخريه / وياتري ايه هو الملف المهم آوي اللي خلاك تروح الشركه بعد مغادرة الكل

نظر له حمزه وفهم من حديثه انه يوجه له الاتهام / كان الملف مهم جدا والمدير هو اللي بعتلي اني اروح اخده

الشرطي بتفكير / يعني المدير اتصل بيك بالوقت ده بالذات عشان تروح توديله الملف.

هز حمزه رأسه / هو مش اتصل هو بعت الساعي ليا في البيت 

الظابط / بعت الساعي ليك وليه متصلش

حمزه وهو يهز رأسه بعدم معرفه / معرفش هو لقيته جه وبلغني انه عايز ملف الصفقه الجديده ولازم اوديه.

الشرطي / طب ممكن اعرف مين الساعي ده

هز حمزه رأسه / شاب لسه جاي جديد  في الشغل معرفهوش كويس بس اكيد ليه فايل في الشركه او اي حد يعرفه

هز الشرطي رأسه / وللأسف بكره الجمعه وصعب اننا نشوف في الشركه

حمزه وهو ينظر له / طب انا اقدر ارجع بيتي دلوقتي.

هز الشرطي رأسه فهو لا يملك دليل ضده لذا ليس لديه شئ ليمنعه به لذا سمح له بالذهاب / بس هنستدعيك لما الانسه تفوق عشان أقوالك مهمه ولو متفقتش أقوالك مع اقوالها...

ثم ترك جملته معلقه ليستوعب هز حمزه رأسه ثم نهض ونظر ثواني لغرفه تسنيم ورحل وهو يتنهد بتعب

بينما الشرطي نظر له بشك وهو يبتسم بخبث.

عاد احمد وأسر للمنزل وهم يضحكون ولكن وجدوا سياره حمزه تتوقف أمامهم تعحبوا من وجود حمزه بالخارج الان فهو لا يحبذ الخروج ليلا

احمد بتعجب / حمزه؟؟؟؟ كنت فين

هز حمزه رأسه بتعب / مش قادر اتكلم يا احمد والموضوع طويل بكره هقولكم كل حاجه بعد التجمع

ثم نظر لأسر / لو سمحت يا اسر بلغ مليكه اني رجعت وخليها تنام

هظ أسر رأسه ثم تركهم حمزه ورحل ولحق به احمد وصعد أسر لشقتهم وجد مليكه تجلس في الصاله شارده هزها بهدوء فنظرت له ببسمه / حمدلله على السلامه ياباشا ايه هما صحابك هيخدوك مني ولا ايه لا كده اغير بقي

ضحك أسر وضمها اليه وقبل رأسها / الدنيا كلها يا مليكتي متقدرش تاخدك مني

هزت مليكه رأسها ببسمه

أسر / حمزه رجع من بره وبيقولك تنامي

هزت مليكه رأسها ثم دخلت لغرفتها ومازالت غارقه فيما سمعته وهي تفكر ماذا تفعل

جاء الصباح وهو يحمل السعاده للبعض والحزن للبعض والخوف للبعض

وكما هي العاده اجتمعت النساء في المطبخ والرجال في المسجد ولكن الفرق هو وجود ضيفين جديدين في كلا الطرفين وهما مليكه التي انضمت للنساء وأسر الذي انضم للرجال وصوفي وملك اللتان انضمتا لعبير ووالدتها والان أصبحت المتعه مضاعفه لفاطمه

كان المطبخ يعم بالبهجه والحركه والبسمه وفجأه دخل الصاروخ 

ياسمين بضحكه / ايش هذا يبدو أن الغداء الجمعه دهيت هتبقي ايه فله 

ثم رقع نظرها علي مليكه التي تطبخ بكل حماس / اوووه عروستنا الجديده بتطبخ بنفسها يا حلاوه يا ولاده ده......

سعديه من الخلف / انتي ايه يابت مش بتسكتي أبدا يخربيت رغيك 

ياسمين / سعديه اتقي شيطاني انا لسه منستش اللي حصل امبارح ماشي 

ضحكت نورا عليهم / بطلي يابت رغي وتعالي نقي الخضار 

هزت ياسمين رأسها واتجهت لتفعل ما قالت نورا 

بينما كالعاده كانت اميره تقطف النعناع ولكن شعرت بأحد خلفها نظرت وجدتها ندي تنظر أرضا بخجل 

زفرت اميره بضيق وكادت ترحل ولكن امسكتها ندي وهي تدمع / وحيات اغلي حاجه عندك يا اميره لتسامحيني والله ماكان قصدي اي حاجه قولتها انتي اختي وهتفضلي اختي لآخر العمر

اميره وهي تنظر لها بدقه / بس إللي انتي عملتيه ده غلط يا ندي وغلط كبير. 

ندي / ده كان بيسأل علي عنوان بس يا اميره 

زفرت اميره بضيق وكادت ترحل / انتي حتي مش معترفه بالغلط يا ندي 

امسكتها ندي / خلاص والله اخر مره بس تكلميني انا حاسه اني وحيده من إمبارح يا اميره من غيرك 

ابتسمت اميره لها وضربتها في كتفها / خلاص مسمحاكي بس اخر مره فاهمه 

هزت ندي رأسها ببسمه / اخر مره 

دخلت كلا من ندي واميره للمطبخ ووجدن كالعاده نورا تمسك ياسمين التي ترفع السكين وهي تكاد تقتل سعديه وسعديه التي لا تتوقف عن استفزازها. 

سعديه / شوفوا الناقصه ناكره الجميل بعد ما لميناها من الشوارع جايه تعض الايد اللي اتمدت ليها 

ياسمين / مين دي اللي اتلمت من الشوارع يا سعديه 

يا نورا سيبيني يا نورا والله هي تعويرة صغيره بس مش هوجعها هي خمس ست غرز وخلاص 

سعديه  بمسكنه/ كل ده عشان إيه عشان عايزه مصلحتك يا بايره 

ياسمين / عاجبني يا سعديه عاجبني 

ضحكت نورا / يابت اهدي مانتي عارفه اللي فيها يعني انتي هتوهي عنها 

دخلت ميار علي الجميع / أنا جيت..... إيه ده فيه إيه 

ضحكت اميره وعانقت ميار بشده / نورتي ياقلبي يعني كالعاده خناقه قبل الأكل وفيه واحده بعد الأكل بإذن الله. 

ميار / هو دوا ولا إيه 

ضحك الجميع ودخلت ندي بسرعه / الرجاله علي اول الشارع يلا بسرعه. 

انتشرت النساء بسرعه لتجهيز السفره بينما مليكه تنتظر رؤية حمزه الذي يتجنبها منذ الصباح 

جلس الجميع علي السفر بين الأحاديث الساخره والضاحكه ومشاكسات ياسمين ونظرات أسر لها وهو يبتسم علي جنونها ودلع رامي وهو يتأمر علي الجميع بسبب قدمه فجأه سمع الجميع صوت طرق عنيف علي الباب 

نهض احمد بسرعه وفتح الباب وجد مجموعه من رجال الشرطه وجاء من خلفه الجميع 

وتحدث سعيد / في إيه ياباشا 

الشرطي باحترام / بعتذر عن ترويعكم بالشكل ده بس مطلوب القبض علي حمزه راشد السعيد 

نظر الجميع بصدمه بينما حمزه لا يستوعب الأمر / أنا ليه؟؟؟؟ 

الشرطي وهو ينظر له/ قضيه اغتصاب المجني عليها تسنيم السيد 

صدم الجميع من حديثه اغتصاب وحمزه جمله غير منطقيه أبدا 

بينما مليكه تنظر بهدوء مريب ومرعب لهم ولا تتحدث بكلمه التقت عينها بعيون حمزه الذي لم يستطع تفسير نظرتها فقد كانت ترفع طبقه العين من علي النقاب 

اقترب منها حمزه وهمس لها بخوف ان تصدق / اقسم لك بالله  يا مليكه ما عملت حاجه صدقيني. 

نظرت له مليكه ببسمه لم تظهر ولكن ظهرت في عينها

تعجب حمزه من بسمتها تلك هل تسخر منه ام تشجعه ام ماذا 

خرج من شروده علي صوت الظابط وهو يرد علي سؤال عامر / الانسه تنسيم هي اللي اعترفت عليه

البارت قصير جدا بس والله حاليا بمر بظروف وحاله نفسيه سيئه آوي حتي والله فكرت أوقف كتاب خالص وبعد ما قولت مش هنزل انهارده لاني مكملتش البارت قولت عشان متنسوش الاحداث انزله 

بعتذر علي التأخير وقصر البارت 

ارجو منكم الدعاء ليا عشان بجد في ا مس الحاجه ليه

وشكرا ليكم ♥️

#جميله_حد_الفتنه

#حياة_حمزة

#الفصل_العاشر

الفرق بين العاصي والمُلتزم مش إن ده بيعصي وده مبيعصيش ؛ الفرق بين العاصي والمُلتزم إن ده بيعصي ومبيتوبش وده بيعصي وبيجدد التوبة💙))"

د/حازم شومان ..

بِمَدْحِ المصطفى تَحيا القلوبُ

وتُغْتَفَرُ الخطايا والذُّنُوبُ

وأرجو أن أعيشَ بهِ سعيداً

وَألقاهُ وَليس عَلَيّ حُوبُ🤍

صدمه حمزه في ذلك الوقت كانت تبلغ عنان السماء كيف يغتصبها وهو من انقذها هل هذا جزاءه لمساعدتها كيف كيف تكون لديها الجرئه لقول ذلك استغفر ربه ونظر للشرطي/ بس انا معملتش حاجه انا اللي وديتها المستشفي وفي الاخر تتهمني اتهام زي ده تشهد زور في حقي

ثم نظر بحزن لعامر / عامر شوف محامي وتعالي ورايا

ثم نظر نظره اخيره لمليكه لعله يتبين رأيها او رده فعلها ولكن لا شئ فقط جمود غريب هز رأسه بيأس هل صدقت هذا عليه هو لا يلومها فهي لن تعرفه سوي من اسبوعين فقط زفر بضيق ورحل مع الشرطي بهدوء وجميع من بالحاره يتسائلون ماذا يحدث هنا فمنزل الحاج سعيد معروف بين الجميع بمثاليته

تسائل احد الماره /هو فيه إيه في بيت الحاج سعيد

احد الرجال وهو يضرب كف علي كف / الاستاذ حمزه في بوليس جه خده

الرجل بصدمه / حمزه إزاي ده شاب معلوش شوائب اكيد في غلط في الموضوع

هز الرجل الاخر رأسه بوجع / ربنا يتولاهم ناس دايما ماشيه في طريق مستقيم وخصوصا الاستاذ حمزه

الرجل الاخر بسخريه / هو كده اللي يمشي عدل بيلبس في الاخر يلا ربنا يفرجها عليهم ويفك كربه

انهارت نورا فور خروج الشرطه من المنزل وهي تصرخ / ابني معملش حاجه ابني برئ يا راشد ده حمزه حد يشوف اكيد البت دي بتتبلي عليه وكدابه انا لازم اشوف البت واتكلم معاها يمكن عايزه فلوس

حاول راشد تهدئة نورا بينما 

مسح عامر علي وجهه بضيق واختناق من صوت بكاء اميره العالي فصرخ بها بلا وعي / بسسسس اسكتيييي

نظرت له اميره بفزع وخوف بينما هو تحدث بتحذير / مش عايز اسمع صوت عياط فاهمه

هبطت دموعها بخوف فكاد  يفسر لها ولكنها تركتهم وركضت وخلفها ندي

بينما راشد نظر لنورا / اهدي كده مين دي اللي تروحي ليها ابنك برئ ومش محتاجه تترجي حد عشان يخرج يا نورا ادخلوا انتوا بس عشان نعرف نفكر

اخذت اعتدال(والده عامر) نورا ودخلت بينما ياسمين نظرت لرامي الذي لا يستطيع الوقوف وانحني وجهه لاسفل بحزن علي رفيق العمر اقتربت منه ثم جلست علي ركبتيها امام مقعده وامسكت يده وقبلتها / طول عمرك تقولي لو يوم حسيتي انك هتقعي اسندي علي حمزه هو اقوي مني وتثقي فيه اكتر مني يبقي ليه بقي زعلان دلوقتي وانت عارف مين حمزه

رفع رامي عينه لها وهي مغشيه بالدموع / أنا بس صعبان عليا الاتهام اللي أتوجه ليه صعبان عليا ظلمه حمزه معملش في حياته حاجه غلط أبدا

ابتسمت ياسمين وهي تضم وجهه / جرا ايه يا دكتوري انت هتيأس ولا إيه بعدين مش انت دكتور وعارف كويس اوي الإجراءات اللي بتتاخد في الحاله دي ها ده لسه فيه طب شرعي وليله ياباشا يلا تعالي بس قوم معايا نستني جوا

نظر رامي للشباب / لا خدوني معاكم عايز اروح لحمزه

أسر وهو ينحني بجانب ياسمين فنظرت له بتعجب بينما هو ابتسم واعطي ظهره لرامي نظر رامي بدهشه له فتحدث أسر بمزاح / يا عم اطلع يلا قبل ما سعديه تاخد بالها

تلقائيا نظرت ياسمين لسعديه وجدتها تراضي فاطمه بسبب فاجعه حفيدها العزيز ابتسمت ياسمين بشكر لأسر بينما رامي ضربه علي ظهره / هو أنا مشلول يا عم انت بس سندني

ضحك أسر وهو يجذبه علي ظهره / عشان نخلص يا عم مش هتمشي خطوه خطوه

صعد رامي علي ظهره وهو يضحك ثم تحدث له بشكر / شكرا يا اسر

ابتسم أسر له بحنان ثم ذهب خلف احمد وعامر وما كادوا يخرجون من باب المنزل حتي سمعوا صراخ سعديه / يا لهووووووووووي

رامي بفزع/ اجري يا اسر اجري

ركض أسر بسرعه للخارج تحت ضحكات ياسمين وبسمه احمد وعامر

صعد الجميع للسياره وقد حدث عامر المحامي الخاص بهم ليلحق علي القسم

بينما مليكه كانت في شقتهم فقد صعدت دون أن يشعر احد سمعت رنين هاتفها أخذته ونظرت له بشرود / الو ادهم لقيته؟؟؟ 

ادهم من الجانب الاخر تحدث بهدوء / اكيد يا مليكه هو حاليا موجود عندي بس لازم اعرف هو عمل ايه 

مليكه بغموض / بينبش في الماضي يا أدهم

ادهم وقد فهم ما حدث واغمض عينه  بغضب شديد وهمس / ملك تآني

مليكه وهو تهز رأسها بوجع / معرفش فيه إيه  أنا سمعت وانا معديه علي اوضتها وهي بتقول اسمه

ادهم بقرار مفاجأ / أنا راجع مصر يا مليكه

مليكه بتعجب / ليه كده فجأه

‏ادهم / لا مش فجأه كده بس وحشتيني يا ستي

‏مليكه بتحذير / ادهم

‏ضحك ادهم عليها / خلاص يا ختي الله يرحم يوم ما كنتي بتعمليها عليا و....

‏مليكه بصراخ / ادهمممممممم

‏ضحك ادهم بشده/ يابنتي يخربيتك اهدي بهزر

‏ثم صمت قليلا / فيه إيه يا مليكه

مليكه وهي تغمض عينها بتفكير / حمزه

‏ادهم بتعجب وهو يشير للسكرتير بالرحيل / جوزك؟؟ ماله

‏اخذت مليكه تقص عليه ما حدث

‏في تلك الاثناء كانت ملك تستمع لاسم ادهم في حديث مليكة فجزت علي أسنانها / يعني هي مليكه مش كفايه عشان يجيلي الزفت التاني ادهم

‏نعم فالوحيد الذي يمكنه ان يسبق عقل مليكه في التفكير هو ادهم والوحيد الذي يتوقع حركات مليكه هو ادهم فكيف لا وهو معلمها الأول منذ كانت صغيره تعلمت منه كل شئ حتي وصلت لما عليه الآن فمن المسلم به أن من يقف امام ادهم قد كتب نهايته ومليكه اكتسبت منه هذه الصفه فتتحول لجزار عندما يتعلق الأمر بأحد يخصها

‏ ادهم بدهاء / وانتي هتعملي ايه

‏مليكه وهي تتدعي الجهل / هعمل ايه يعني

‏ ادهم وهو يلعب بالقلم امامه / عايزه تفهميني ان انت مصدقه انه يعمل كده وانك هتسكتي عن اللي حصل 

‏مليكه بغموض وهي تبتسم / وانت ايه رأيك

‏ادهم بدهاء اكثر منها / هتعملي فيها ايه

‏مليكه وهي تبتسم بشر / اممممم هتعرف اما انفذ بس متخافش مش هتوصل للقتل

‏ضحك ادهم بشده عليها / تمام مستني منك خبرها

‏مليكه بغموض / بس قبل ما أعمل حاجه محتاجه اتأكد من حاجه كده في بالي

دخل عامر وخلفه المحامي ورامي يستند علي أحمد وأسر

نظر لهم حمزه ببسمه واثقه فتحدث المحامي / أشرف سالم المحامي حاضر مع المهندس حمزه

أشار له الظابط بالجلوس

وكاد يتحدث ولكن 

وقبل حدوث اي شئ وجدوا الباب يفتح ويدخل منه ذلك الشرطي الذي استوجب حمزه قبلا وهو يبتسم له ثم غمز له بينما حمزه ابتسم بثقه

ذهب الشرطي لصديقه وحياه

الشرطي / خالد باشا خير مشرفنا

خالد ببسمه وهو يجلس علي الاريكة في الخلف / لا مفيش بس حابب احضر الاستجواب لو مفيش مشاكل عند حضرتك

هز الشرطي الاخر رأسه وكاد يتحدث لولا أن الباب فتح مجددا

الشرطي بتذمر / ده مبقاش مكتب تحقيق يا جماعه ده بقي حمام عمومي والله فيه إيه يابني

تحدث العسكري باحترام / سياده الرائد أندرو ياباشا

أشار له الشرطي بادخاله فدخل أندرو سريعا وهو يمسك حقيبه بلاستيكية / يا صغير علي الحبس ياحبيبي 

شوفت مش كنت سيبني احبسك ساعه ما سعديه بلغت آه يا سعديه ظلمتك يا غاليه وقولت الوليه اتجنت طلعت انت اللي خلبوص يا حمزه

تحدث الشرطي بتعجب / أندرو باشا انت تعرف المتهم

أندرو وهو يتنحنح ليستعيد هيبته الوهميه التي لا وجود لها من الأساس فهو شخص تافهه اكثر من حمزه واحمد ورامي والجميع/ آيوه يا باشا ده صديق ليا كده معلش هحضر التحقيق لو مش هيزعجك

أشار الشرطي بيده للاريكه التي يجلس عليها خالد / اتفضل مهو بقي مسرح 

نظر أندرو خلفه بتعجب فوجد خالد ففتح يده / ابو صلاح دي الدنيا ضيقه يا جدع

ضحك خالد عليه ثم اشار له بجانبه فجلس رامي وتحدث بهمس / بتعمل ايه هنا

أشار خالد برأسه علي حمزه / ده الشاب اللي كنت بحقق معاه وقولتلك عليه

نظر أندرو لحمزه ثم هز رأسه

بينما حمزه نظر لهم / آه يا جذم جايين تتفرجوا عليا يا كلاب مهو فرح ابوك منك ليه

نظر المحقق للشباب / معلش تتفضلو بره لان ممنوع تواجدكم أثناء التحقيق

نظر عامر للمحامي فهز المحامي رأسه بايجاب

وبعد خروج الجميع بدأ الشرطي في استجواب حمزه والذي قص عليه كل شئ كما فعل لخالد دون زياده او نقصان شئ

هز الشرطي رأسه /بس مش ده الكلام اللي قالته المجني عليها

نظر له حمزه بانتباه / آيوه وحضرتها قالت ايه

بدأ الشرطي يقص عليه ما حدث / قالت إنها كانت آخر واحده تمشي بحكم انها سكرتيره حضرتك وكانت في ممر المخازن بتحط ملف وفجأه حست ان حد بيشدها للمخزن وكان حاطط نفس البرفيوم بتاعك بالضبط وهي حاولت تقاوم مقدرتش تقاومك علي حسب كلامها  وبعد ما حصل اللي حصل سمعت حد بينادي عليك ويقولك مهندس حمزه فيه حد جاي وقتها هي اغمي عليها وانت هربت 

حمزه ببسمه ساخره / لا والله وهي مش عارفه شكلي ولا إيه

الشرطي / هي بتقول كانت الاوضه ضلمه

حمزه وهو يفرك جانب فمه / بس الاوضه كانت منوره وقت ما روحت انا اكيد لو هغتصبها مش هنور ليها الاوضه قبل ما اهرب  وكمان حضرتك تقدر تتأكد من دخولي وخروجي من الشركه من خلال الكاميرات

هز الشرطي رأسه / احنا فعلا طلبنا تفريغ للكاميرات ومستنين التقرير وكمان الانسه هتتحول للطب الشرعي

حمزه وهو ينظر له بغموض / الحارس شافني وانا داخل ممكن تسأله وكمان شافني وانا خارج في نهايه اليوم بعد الشغل 

الشرطي / احنا فعلا طلبنا نستدعيه بس للاسف اختفي زي ما الساعي اختفي كمان 

هز حمزه رأسه بغموض  فتحدث الشرطي / هل لديك أقوال اخري

هز حمزه رأسه برفض / اللي عندي قولته

تحدث المحامي / أنا بطلب إخلاء سبيل موكلي بضمان محل إقامته وكمان حضرتك زي ما موكلي قال مفيش حاجه ثابته عليه وكمان كلام الانسه بيوضح انها مشافتش مين اللي اعتدي عليها بسبب الضلمه وكمان ممكن اي حد يحط من البرفيوم الخاص بموكلي مهو مش حصري ليه بس، وممكن اي حد بيكن الضغينه لموكلي انه مثلا بعد ما يعمل عملته يخلي اي حد بقرشين ينادي عليه باسم موكلي مش صعبه 

تحدث الشرطي / أولا بعتذر متقدرش اننا نخلي سبيله أبدا لان المجني عليها نفسها هي اللي شهدت عليه فاما تظهر برائته او هي تتنازل عن المحضر غير كده بعتذر المهندس حمزه مش هيعتب بره القسم ثانيا كل دي افتراضات من حضرتك وهتثبت صحتها من عدم بتقرير للطب الشرعي وفيديوهات المراقبه شهاده الحارس او الساعي 

نظر المحامي للاعلي فالأمر معقد جدا وهذا ما اوضحه لعامر عندما علم ان من شهد عليه هي المجني عليها

نظر المحامي لحمزه وتحدث /متقلقش يا حمزه يابني وخلي عندك ثقه في الله انت برئ وكل غرضك كان تساعد

ابتسم حمزه لهم هو لا يهمه كل مايحدث قدر ما يهمه رأي مليكه فيما حدث هل صدقت عليه هذا الاتهام

نظر الشرطي لهم وهو يتحدث / وأغلق المحضر في ساعته وتاريخه

نهض المحامي وهو يصافح الشرطي ثم ذهب لحمزه الذي عانقه وهمس له / خلي عامر يدور علي ساعي لسه جديد متعين بالضبط من يومين مفيش غيره جه جديد هتلاقي ليه ملف تعينه في الشركة

هز المحامي رأسه بإيجاب

ذهب أندرو واستأذن الشرطي ان يتركه قليلا مع حمزه 

هز الشرطي وخرج ليتركهم  بينما اتجه خالد لحمزه وابتسم له بخبث / مين هيشرفني في الحجز انهارده 

حمزه وهو يزفر / لا مؤاخذه بس هو أنا عملت لحضرتك حاجه عشان تعمل كده يا أخي ولا كأني باكل منابك 

ضحك خالد وهو يضربه علي كتفه / بحبك ياموزي ايه يا اخي محبكش يعني 

نظر له حمزه قليلا وهو يتذكر هذه الكلمه وصاحبها  ثواني وكان يصرخ بشده / يخربيت سنينك خالد فنكوش 

نظر له خالد بتذمر / يا أخي ارحم ابويا بأم كلمتك دي

جذبه حمزه لاحضانه / إيه ياواد يا خالد اتغيرت كده إزاي  وايه الغيبه دي

عانقه خالد ببسمه / شوفت انك معرفتنيش وانا عرفتك اول ما شوفتك

حمزه / ياراجل

خالد بضحكه / لا الصراحه عرفتك من اسمك لما سألتك في المستشفى 

ضحك حمزه بشده فتحدث اندرو بتعجب / لا لحظه اي لم الشامي علي المغربي

حمزه وهو يضع يده علي كتف خالد / ده خالد يا سيدي كان صاحبي من الحضانه لحد الثانوي وكان جارنا بس جه في ثانوي وسافر لابوه السعوديه وكان عيل قله كده ورفيع وبنضاره واكله نص وشه  ودلوقتي زي ما انت شايف ماشاء الله يقطع ميه ونور طول بعرض 

ثم نظر لخالد / ده أندرو اللي انضم للشله بعد ما انت مشيت بعناك في ثواني يابني والله 

ضربه خالد بشده علي كتفه فضحك حمزه  وتحدث بجديه / مطمرش فيك الفنكوش يا معفن كنت بديك ابو تلاته جنيه بجنيه واحد 

خالد وهو يضحك / هتفضل تذلني لحد امتي

حمزه / لحد ما يجي عيالك واذلهم برضو

ضحك خالد ثم تحدث بجديه / أنا دورت كويس عن الساعي اللي قولت عليه بس هو اختفي تقريبا هرب بعد عملته

حمزه وهو ينظر له / انت مصدق اني برئ يا خالد صح

خالد وهو يبتسم له / إيه يا حمزه الكلام ده انا اشك في نفسي يا حمزه بس مشكش فيك أبدا انت ناسي انك اللي كنت بتعلمني إزاي اصلي ومكدبش وعلمتني كل حاجه وكنت ابويا في غياب الاب

ابتسم حمزه / طلع طمر فيك يا معفن

ضحك الجميع بينما أندرو مد يده بالحقيبة التي دخل بها / اتفضل يا حمزه

حمزه وهو يمسكها من وينظر بها / يا حبيبي يا اندرر طمر فيك يابني الشاورما والله إيه ده

خالد وهو يهز راسه بيأس / ده ماسك ذله  علي البلد نفر نفر 

مينا ببسمه / عيش وحلاوه بس إيه الرشيد الميزان دي مكلفاني عشه جنيه يلا مش خساره يبقي اخد حسابها لما تطلع 

ضربه حمزه بالحقيبه / عشه جنيه يا معفن   وكمان تاخديها لما اطلع اقولك اطلع  انت بره يا حيوان انت اطلع بره

ضحك أندرو وهو يخرج / هبعتلك الشباب عشان منطولش

شكره حمزه ونظر لخالد / والله يابني خلتني قربت اكرهك من  بصاتك ليا في الاستجواب 

ضحك خالد وقال بجديه / أنا هستأذن من ادم باشا انه يسبلك مكتبه تبات فيه انهارده بلاش تنزل الحجز

ابتسم حمزه /  آه عشان انا مش وش بهدله يا خويا ثم تحدث بجديه /مش هنسالك وقفتك دي يا خالد

خالد وهو يضربه في كتفه / بس ياض يا اهبل انت اكتر من آخ انت ابويا يا موزي هتطلع  منها يا حمزه بإذن الله 

حمزه / بالك ياض يا خالد ده لو حصل هديك فنكوش يكفيك العمر كله 

ضربه خالد / يا أخي اسكت بقي اسكت

ضحك حمزه ثم وجد الجميع يدخل بينما رامي يستند علي احمد وأسر وهو يولول / عيني عليك يابني ما كنش يومك يا غالي يابن الغالي اخذت عين ماصلتش علي النبي يابني

ضحك الجميع بينما عامر عانق حمزه بشده / هتعدي يا حمزه صدقني

هز حمزه رأسه وأراد سؤاله عن مليكه ولكن قاطعه ضحكه خالد / هو الواد ده لسه اهبل زي الاول

حمزه بضحك علي رامي / اهو علي حطه يدك هو واحمد

نظر الجميع بتعجب فتحدث حمزه معرفا / خالد العرابي فاكرينه ايام الاعداديه خالد فنكوش

نظر له الجميع بتعجب ثم صرخوا  / خالد

كانت عبير تجلس في غرفتها وهي تزفر بضيق من هذه الأجواء الخنيقه بالنسبه لها دخلت عليها سندس وهي تتحدث / عبير تعالي تحت الكل هينزل متقعديش لوحدك

عبير بحنق / ملكيش فيه

اقتربت منها سندس / مالك يا عبير ليه مضايقه كده

ثم صمتت قليلا / عبير انت لسه بتحبي ح.....

قاطعها عبير / لا انسي الفكره دي خالص حمزه مبقاش يهمني يعني بقي عادي ابن خالي وخلاص غير كده لا

سندس بدقه وتركيز  / ليه لقيتي البديل

نظرت لها عبير بفزع / انتي بتقولي ايه انتي هبله ولا بتخرفي

سندس وهي تنهض / اتمني اكون بخرف فعلا يا عبير وميكونش اللي في بالي صح عشان وقتها محدش هيقف ليكي غيري

عبير بسخريه وهي تتعمد جرحها / انت فاكره نفسك اختي بجد ولا إيه آنتي حيالله بنت جوز امي يعني واحده يتيمه امها ماتت يا حرام وابوها اتجوز امي  فامي عطفت عليها وربتها

نظرت لها سندس بوجع فنعم هي لا تقرب لهم باي شكل من الأشكال هي فقط ابنه زوج والدتها والذي هو من الأساس ابن عم راشد اي ان ساميه تزوجت بعد طلاقها وكان معها طفله (عبير) من ابن عمها 

نظرت لها سندس بالم ثم خرجت من الغرفه سريعا بينما زفرت عبير وهي تنظر للهاتف / نقصاكي هي وانت كمان ايه مش بترد ليه.

ثم ألقت الهاتف بعصبيه / ماشي يا حازم

انزوي هذا الشخص في احد أركان المنزل 

المجهول 1/ آيوه لا البيت هنا مقلوب بسبب اللي حصل..... لا لا محدش مصدق ان حمزه يعمل كده..... ايوه فعلا اللي حصل في مصلحتنا يكفي سمعته اللي هتبقي علي كل لسان.... هههههههههههههه تمام أنا هبلغك كل اللي بيحصل هنا 

هبطت مليكه بناءا علي حديث جدتها وهي تلتزم الصمت المقلق وبشده للجميع  ولكن وقع نظرها علي نورا وهي تخرج من باب المنزل فانزلت مليكه النقاب الخاص بها ولحقت بنورا وهي تنادي عليها فاوقفتها عند الباب الخارج / رايحه فين يا ماما كده 

نورا وهي تنظر لها بتصميم / هروح للبنت اللي اتهمت ابني هشوفها عايزه ايه  واعمله انا مش هستني ان ابني يقضي عمره في السجن  ظلم 

نظرت لها مليكه بدقه / طب يلا انا جايه معاكي 

نظرت لها نورا بتعجب فهي توقعت ان تحاول منعها 

بينما مليكه تحدثت ببسمه / إيه يا ماما حمزه جوزي انا كمان 

هزت نورا رأسها وذهبت وخلفها ملكيه التي اخذت تفكر ما تفعل 

بينما في المشفي كانت تسنيم تجلس علي الفراش وهي تنظر امامها بشرود وما حدث يعاد امام نظرها انتفضت بفزع وهي تشعر بيد والدتها / يابنتي فوقي بقي مش كل شويه تسرحي حسبي الله ونعم الوكيل في اللي كان السبب ربنا ينتقم منه البعيد 

نظرت لها تسنيم بألم ثم انفجرت باكيه وهي تتذكر كم الذل والألم الذي تعرضت له خلال اليوم الماضي بكت علي ماضاع منها بسبب شخص حقير انتهك شرفها 

بينما والدتها كانت تبكي علي بكاء طفلتها التي حرمت الاب منذ الصغر حيث تركهم والدها بينما هي تولت تربيتها ورعايتها وهي تأمل ان تصبح ابنتها فتاه تفتخر بها وها قد تحقق مرادها ولكن جاء احد وافسد الزرعه التي تعبت في زرعها ورعايتها سمعت شاديه ( والده تسنيم) صوت الباب فاذنت للطارق ظنا انها الممرضه ولكن وجدت امرأه تبدو في منتصف الخمسينات  وشابه ترتدي النقاب 

تحدثت شاديه بتعجب وهي تمسح دموعها / آيوه مين حضرتكم 

تحدثت نورا وهي تنظر لتسنيم التي تيبس جسدها وهي تسمع الاسم / أنا والده حمزه اااا.... 

قاطعتها شاديه يحرقه علي طفلتها / حسبي الله ونعم الوكيل فيه عايزين مننا ايه تاني مش كفايه اللي عمله في بنتي 

تحدثت نورا بقلب ام جروح / والله ابني مظوم ابني ميعملش كده 

شاديه بعنف / يعني هنتبلي عليه ونفضح بنتنا يعني ولاايه 

نورا / بس انا مربيه ابني كويس ده مش بيرفع عينه في وآحده تيجي تقولي يغتصب واحده 

ضحكت شاديه بألم / ياما ناس بدقن بس من جواهم شياطين 

كادت نورا تجيب لولا دخول الممرضه / لو سمحت الدكتور طالب يتكلم مع والده الانسه 

نظرت لها شاديه / آيوه انا يابنتي استني جايه 

ثم نظرت لنورا / اتفضلوا وجودكم غير مرحب بيه 

نورا / طب يرضيكي ايه وانا اعمله والله ابني مظلوم لو عايزه فل..... 

اوقفتها مليكه / تعالي يا ماما خلينا نمشي 

نورا وهي تشير لهم / بس يابنتي هما..... 

مليكه وهي تبتسم لها وتنظر لتسنيم / متقلقيش حمزه هيطلع يا ماما متخافيش 

ثم خرجت معها وخلفهم شاديه التي لحقت بهم  لتري الطبيب بينما تسنيم كانت ماتزال تنظر بشرود امامها وهي ترتعش لذكري ما حدث  امامها شعرت بالباب يفتح 

نظرت للباب وجدت تلك الفتاه التي كانت هنا منذ قليل 

اقتربت منها مليكه بجمود / اخبار القمر بتاعنا ايه 

نظرت لها تسنيم بتعجب / انتي عايزه ايه مني انتي مين أساسا 

مليكه وهي تجذب  مقعظ وتجلس عليه بهدوء / اممم انا مرات حمزه 

نظرت لها تسنيم بفزع / عايزه ايه مش كفايه اللي...... اااااه 

صرخت تسنيم بسبب صفعه مليكه التي تحدثت بصوت جعل تسنيم تكاد تموت رعبا / اشششش اسكتي فاهمه اسكتي خالص ولا حابه الست والدتك تعرف بنتها ربه الصوت والعفاف باعت نفسها إزاي 

نظرت لها تسنيم برعب / انتي كدابه انا مش...... 

ضحكت مليكه بشده / مين اللي كدابه فينا بالضبط ها 

ثم اقتربت منها وهمست لها / ابقي سلميلي علي إللي بعتك وقوليله حمزه لا عشان لو وقع قدامي هنسفه 

ارتعشت تسنيم بشده من حديثها / أنا مش عارفه انتي ب........ 

مليكه وهي تبتعد عنها وتقاطعها / قوليله العد التنازلي بدأ تيك توك تيك توك 

ثم ضحكت بصخب ضحكه مرعبه وهي تخرج بينما تسنيم كانت ترتعش من الصدمه والخوف وصرخت بشده فدخلت والدتها بفزع وخلفها الطبيب. 

بينما مليكه قابلت الممرضه التي نادت شاديه ودفعت لها بعض المال 

ثم كانت في طريقها للخروج فوجدت طفل صغير يلعب بكره فوقعت أسفل قدمها نظرت للطفل ببسمه ثم امسكت الكره وها قد عادت ملكيه الملاك للصغير البرئ وكأن من كانت بالداخل كانت طيف  مرعب منها 

أعطت الكره للطفل ووجدت الممرضه التي اعطتها المال منذ قليل تأتي لتأخذه فابتسمت له ثم أعطته بعض الأموال وربتت علي رأسه بحنان وخرجت

وهي تتحدث في هاتفها / تمام سيبه في المخزن لحد ما اشوفه 

ثم ارسلت رساله لاحد ( الحارس والساعي معايا تعالوا علي....... لو يهمكم) 

نظر عامر لهاتفه الذي أصدر صوت رساله فتحها فصدم من محتواها 

تحدث حمزه / في إيه يا عامر 

عامر بصدمه / حد باعت يقول الحارس والساعي معاه وباعت عنوان لمكانهم 

نظر له خالد واخذ منه الهاتف ثم تحدث / دي فرصتنا 

أسر / بس احتمال تكون فخ من إللي وقع حمزه 

خالد / هناخد احتياطتنا ولو هو هنتصرف بس لو الرساله دي بجد هنخسر كتير لو مرحناش 

تحدث حمزه بغموض /......... 

خرجت مليكه  لنورا التي تحدثت / عدلتي النقاب 

ابتسمت ملكيه لها وقبلت يدها بحنان / آه يا قلبي يلا تعالي معايا يلا 

نورا بتعجب / إيه مش هنروح 

ملكيه ببسمه هادئه وملائكيه تجعلك تشك انها مصابه بانفصام شخصيه / هنروح لحمزه يلا

ابتمست نورا وسارت معها بينما مليكه كانت تفكر انها أخطأت برشوه الممرضه ولكن ماذا تفعل فمن تلعب معهم طرقهم ملتويه لذا اذا أرادت مجابتهتم فلتسلك طريقهم ولكن اكيد لن تبيع نفسها للشيطان فيكفي ما حدث قديما 

استوووووب خلص الفصل بتاعنا 

ياتري تسنيم بجد اتهمت حمزه ولا لا 

ولو بجد هي عامله كده عشان توقع حمزه ايه اللي حصلها بالضبط 

ايه اللي ورا مليكه 

جاك وملك ايه حكايتهم 

دخول ادهم هيغير حجات كتير 

واخيرا شخصيه مليكه التانيه عجبتكم ولا لا 😂😂

مستنيه توقعكم لكل الاحداث متنسوش رأيكم يهمني جدا جدا 

بحبكم جدا 

دمتم سالمين 

رحمه نبيل 

تكملة الرواية من هنا 👇👇👇

من هنا