جميلة_حد_الفتنة بقلم رحمه نبيل الفصل_الاول حتي الفصل الخامس

 

جميلة_حد_الفتنة

بقلم رحمه نبيل 

الفصل_الاول حتي الفصل الخامس 

‏وصية رسول الله ﷺ لأبي هريرة:

إذا أويتَ إلى فراشِك فاقرأْ آيةَ الكرسي

"لن يزال معك من الله حافظ، ولا يقربك شيطانٌ حتى تصبحَ". 💛

رواه البخاري.

"‏نور أطل على الحياةِ رحيمًا

وبكفّهِ فاض السلامٌ عظيمًا 

لم تعرف الدنيا عظيمًا مِثله

صلوا عليه وسلموا تسليمًا."  

ﷺ

الفصل الأول

جميلة حد الفتنه (حياة حمزة)

السلام عليكم ورحمه الله

السلام عليكم ورحمة الله

كانت هذه الكلمات تصدح في المسجد في وقت صلاه الفجر في حاره بسيطة جدا بأهلها ولكن جمالها ينبع من بساطتها

بعد انتهاء الصلاة توافد الناس للخروج من المسجد وكان يخرج هو مع جده ويسنده

خرجوا من المسجد في طريقهم للمنزل

الحاج سعيد /تسلملي ياغالي يابن الغالي

حمزه ببسمه أبرزت غمازاته قبل يد جده/ تسلملنا انت ياجدي ويطولنا بعمرك يارب

ربت الحاج سعيد علي يد حمزه وسار معه للمنزل وكان يتابعهم باقي رجال العائله حيث انهم منذ الصغر عودهم الجد علي صلاه الفجر في المسجد

وصل الجميع للمنزل والذي هو عماره قام الحاج سعيد ببنائها ليظل أبنائه بجانبه

وتتكون من سبعه ادوار الدور الأول يوجد به غرفه للجد والجده (الحاجه فاطمه) وبها غرفه كبيره جدا التجمعات العائليه وغرفه سفره كبيره حيث أن الجد معتاد كل يوم جمعه يجمع أولاده علي الغداء

الدور الثاني هو دور الابن الأكبر وأبنائه

الدور الثالث للابن الأوسط

الدور الرابع للبنت

الدور الخامس للابن الأصغر

الدور السادس والسابع به شقق لزواج الشباب

اوصل حمزه جده لغرفته وسلم علي جدته التي كانت تقرأ وردها وخرج ليذهب لشقتهم

الجد بعد مغادره حمزه نكس رأسه بحزن

فاطمه /مالك ياحج حصل حاجه ولا ايه

سعيد متنهدا / محصلش يافاطمه

فاطمه وهي تقترب منه وتمسد علي يده / هو انا معرفكش ياحج ولا ايه ده انا حفظاك اكتر من نفسك قولي في حاجه حصلت في الشغل

سعيد / محمد وحشني اوي يا ام راشد

نظرت له فاطمه بحزن علي فراق ابنها الصغير / ومين سمعك ياحج ده انا قلبي بيتقطع علي فراقه

سعيد/ اظن كفايه غربه كده يافاطمه ان الأوان يرجع لبلده هو كان عايز يعتمد علي نفسه ويكمل تعليمه بره اديه عمل كده لازم ارجع ألم عيلتي حوليا تاني العمر مابقاش في بقيه يافاطمه

فاطمه بشهقه / بعد الشر عليك ياحاج ربنا يطول في عمرك يارب

نظر لها الحاج فرغم مرور السنين ظلت معه وتحملت ظروفه وكانت خير عون ونعم الزوجه

في شقه راشد دخل حمزه وهو يلقي السلام 

رد الجميع السلام وجد والده يجلس مع أخيه ووالدته تجهز السفره للإفطار لكي تهبط للأسفل للمساعده في تجهيز الطعام فاليوم الجمعه اي انه يوم التجمع

نظر حمزه وجد أخيه الأصغر احمد يجلس مع والده ويتحدث في أمر ما فاقترب منهم وضربه علي رقبته من الخلف / سلام عليكم يا حماده

احمد وهو ينظر له بغضب شديد /يا أخي ارحم قفايا اللي ورم منك يا أعوذ بالله

ضحك حمزه بشده فبرزت غمازته وضربه مجددا وهو ينهض سريعا / قفاك مغري يا حماده

احمد وهو يترك والده ويركض ملف حمزه / طب والله لاوريك يا حمزه الكلب انت قال والناس مفكراك عاقل وفي الراحه والجايه الشيخ حمزة

حمزه وهو يتحدث بتأثر / حب الناس يا أخ احمد حب الناس

كاد احمد يتحدث ولكن قاطعه والده وهو يضرب كف علي كف /يارب واحد يا رب واحد بس مش طالب كتير عايز واحد بس عاقل يارب 

حمزه لأحمد بجديه / عجبك كده خليت ابا الحاج ياخد عننا فكره اننا مجانين 

احمد بسخريه / ياخد فكره انت بتهزر يابني الناس كلها عارفه انك مجنون أساسا 

حمزه وهو يتصنع الصدمه / أنا محصلش ايه الظلم ده اكيد ام فاروق هي اللي طلعت الاشاعه دي عشان فركشنا مع بعض 

انفجر احمد ضاحكا عليه فاخيه هذا اكيد مجنون فهو دائما كما لو انه كان في علاقه مع ام فاروق جارتهم التي تبلغ من العمر 90 عام فهو دائما يذهب لكي يقضي لها أعمالها ويخبرها مازحا انه سيتجوزها رغما عن أي شخص يقف في سبيل حبهم 

راشد وهو يضرب كف علي كف / ربنا يرحمك يابني من عقلك ده انا مش عارف ازاي انت الكبير يابني دي قد جدتك 

حمزه وهو يغمض عينه بألم ويضع يده علي قلبه / ده ميعرفش السن يا راشد ده ميعرفش غير انه حب ام فاروق بس هي اللي اختارت النهايه بايدها بس مش هيأس مش هسيب حبنا يتدمر كده من اول عاصفه تقف قدامه و.... 

لم يكد يكمل حديثه حتي لمح والده يتحرك له فركض لغرفته وهو يضحك بشده 

بينما راشد نظر لأحمد بتعجب / لازم نكشف علي الواد ده اللي يشوفه كده مايشوفش وش الخشب اللي بيصدرة لباقي الناس ده صحابه بيشتكوا منه وبسبب معاملته البارده ليهم ده عمك ياسر جالي يشكيلي ان بنت بتهزر معاه عاملها ببرود ومرفعش وشه حتي فيها واحرجها قدام الكل اخوك ده هيموتني 

خرج حمزه من غرفته وهو يهز بكتفه /لو مش عاجبك طلقني طلقني 

ضحك احمد وهو يري أخيه يغلق الباب بسرعه عندما رأي تقدم راشد منه 

احمد وهو يجلس / انت عارف يا أخ راشد ابنك 

ثم تحدث بجديه / حمزه رغم هزاره وضحكه وتحسه مش مسئول الا ان انا نفسي بخاف منه بره البيت بيكون بارد مش بيرفع نظره في حد انت عارف حمزه اتربي علي ايد جدي وعارف حدود ربنا كويس  وبالبنسه  للبنت اللي اشتكت دي اكيد عملت حاجه عصبته انت عارف هو بيتجنب اي كلام مع البنات 

هز راشد رأسه هو يدرك هذا كله ويعلم بشخصيه ابنه التي تحير الجميع ابتسم وهو يري ابنته الصغيره تخرج من غرفتها وهي تفتح فمها لتتثائب 

احمد / يا ستير يا رب الأكسجين انسحب مره واحده

اميره وهي تنظر له بملل /ها ها ها يا ظريف وسع كده 

ضحك حمزه الذي خرج من الغرفه وقبل رأس اميره / صباح المانجه يا اميرتي 

نظرت اميره له اخاها الحنون بدرجه تخشي ان تحسد نفسها عليها فابتسمت عليها وذهب حمزه لمساعدة والدته وهو يبتسم لها وجلس الجميع للإفطار تحت ضحكاتهم 

نظر راشد لحمزه / مالك يا حمزه سرحان ليه 

حمزه وهو يتنهد / تفتكر يا راشد هيجي اليوم اللي تجمعني سفره وآحده انا وأم فاروق 

راشد وهو ينحني ويخلع حذائه / في الاخره في الاخره يا حيوان 

ولكن حمزه نهض وركض سريعا وهو يضحك بشده ووالدته تضحك عليه 

احمد  وهو يتنهد بدراميه / قصه حب محكوم عليها بالفشل اخترت العذاب لقلبك يا خويا 

حمزه وهو يطل برأسه من خلف أحدي الاعمده ويستند عليه / الوجع يا أخي وحش اوي 

راشد وهو ينظر له ويكاد يموت / شيلوه من قدامي الواد ده، يا كبير يا عاقل 

حمزه وهو يعدل ثيابه / احم الهيبه يا والدي الهيبه ينفع كده يعني كرمشت الجاكت بسبب عصبيتك 

نظر حمزه لوجه راشد الذي احمر منه / احم طب انا هنزل اشوف سعيد حبيبي كده سلام 

في شقه راضي 

دخل عامر وجد الجميع نائم كالعاده امه لاتهتم بهم ابدا رغم طيبه قلبها والتي تصل احيانا لارتكاب الأخطاء وهي لا تدري الا انها غير ملتزمه كثيرا 

دخل عامر لغرفه صغيرته وجدها نائمه علي الكتب ذهب إليها وقام بوضع شعرها خلف اذنها وحملها للسرير وقام بتغطيتها وذهب لغرفته ليرتاح حتي صلاه الجمعه وهو يدعي الله في قلبه ان يهدي عائلته ويجمعهم علي الخير دائما ونام وهو يحلم بها (معشوقه قلبه) 

في شقه ساميه(عمه حمزة) كانت ساميه نائمه لاتشعر بشئ 

وفي الصاله كانت عبير تسمع الاغاني وهي تضع الهاند فري وتتمايل علي الانغام بدلع واغراء كبير خرجت سندس من غرفتها وهي تتثائب نظرت وجدت اختها ترتدي ثياب اقل مايقال عنها ثياب عاهره وترقص بطريقه قذره ذهبت إليها سندس وسحبت السماعات من اذنها بحده 

عبير بصراخ / ايه اللي عملتيه ده انتي مجنونه ولا ايه 

سندس بهدوء / ياشيخه حتي احترمي نفسك وان انهارده الجمعه وانتي من الصبح اغاني وقرف بدل ماتصلي علي الرسول تقرأي قرأن 

عبير بلويه فم / سيبنالك انتي الخير ياستي الشيخه هاتي بقي السماعه 

سندس بعند / لا مش هتخديها 

بسمله بعصبيه / هاتيها يابت انتي 

خرجت ساميه على صوتهم / ايه صوتكم عالي علي الصبح ليه كده في ايه 

عبير / شوفتي يامامي اخدت الهاندفري بتاعتي ومش راضيه ترجعها ليا 

سندس بسخريه / مامي يادلوعه مامي 

ساميه بحده لسندس / اديها سمعاتها يابنت 

سندس بهدوء  / ياماما احنا الصبح وهي مشغله اغاني كده 

عبير / انتي مالك انتي هو انتي هتتحاسبي عني 

ساميه بحده / هي كلمه ادي لاختك سماعتها واول واخر مره تخدي منها حاجه 

ذهبت عبير وعانقتها / ربنا يخليكي ليا يامامي يارب 

ساميه / حبيبه مامي انتي 

سندس بدموع / انتي دايما كده تفرقي بينا هو انا هضرها انا عايزه مصلحتها 

ساميه / بصي لنفسك الأول وانتي تعرفي بفرق بينكم ليه مش شايفه شكلك ولا لبسك 

نظرت لها سندس بألم فهي دائما ما تقلل منها / الحمدلله انا راضيه عن لبسي وكفايه ان ربي راضي عني ومش عايزه حاجه من حد 

وتركتهم ودخلت لغرفتها تبكي ظلم والدتها لها 

ساميه وهي تتحدث بصوت عالي / طبعا مش تربيه نورا والشيخ حمزه عايزه تطلعي ايه 

في أمريكا حيث التوقيت مختلف تقريبا الساعه الثالثه فجرا

عادت تترنج من الخارج بثياب فاضحه ورائحه الخمر تفوح منها وكانت ترتدي ثياب كأنها لاتلبس شئ 

دخلت وجدت الجميع نائم صعدت لغرفتها وخلعت حذائها ذو الكعب العالي واستلقت بثيابها علي الفراش ونامت 

بعدما انتهت اميره من وردها نزلت للاسفل لتلحق بالنساء لكي يعدوا الطعام ولكن توقفت لحظه وقد نسيت / اوووبسي نسيت ندوش هروح اجبها معايا عشان ملبسش لوحدي نيهاهاهاهاها

صعدت اميره لشقة راضي 

وطرقت الباب كان هو يجلس في الصاله يقرأ ورده حتي يحين وقت الصلاه ولكن سمع طرق علي الباب ذهب ليفتح الباب وجدها هي مالكه قلبه وصغيرته تنظر للاسفل كعادتها أمامه اخذ نفسه وتنحي جانبا  دخلت هي كعادتها كلما أتت هنا مباشره لغرفه ندي بعدما دخل اخذ يفكر بها معذبته هو فقط ينتظر ان تنتهي من الثانويه ليطلب يدها ولكن خوفه يمنعه هو في أكبر من  أخيها الكبير يخشي ان ترفض بسبب سنه ولا يعلم انها لاتري رجل غيره هو حاميها منذ الصغر دخلت لغرفه ندي وجدتها علي سجاده الصلاه تقرأ وردها نظرت لها ندي بتعجب / مالك يا حجه كانك شوفتي عفريت 

ثم تحدثت بخبث فهي تعرف حبها لاخيها / ولا شفتي ابيه 

نظرت لها اميره بشرار / بس يازفته يلا قومي خلينا ننزل نعمل الاكل معاهم 

ندي وهي تلوي فمها / اشمعنا احنا وعبير مش بتعمل حاجه 

اميره / اتجنيتي ولا ايه عايزه دلوعه مامي تبوظ المانكير اوووه ماي جاد ايه القرف ده اللي بتعملوه اوووه ياربي كوليسترول في كل الاكل كده جسمي يبوظ 

ضحكت ندي علي اميره وهي تقلد ميار / طيب ياختي استني باقي صفحه واحده اخلصها وننزل 

ذهبت اميره وجلست علي السرير بانتظار انتهاء ندي من وردها 

في الأسفل كانت تجلس وهي تضع قدم علي قدم وتقلم اظافرها 

جائت الحاجه فاطمه / بت ياعجله انتي بتعملي ايه حش مفاصلك روحي ساعدي النسوان جوه 

عبير بتأفف / اولا يا تيته انا مش عجله انا جسمي كيرڤي ثانيه مينفعش اعمل حاجه معاهم جوه 

فاطمه / ليه ياختي علي ايدكي نقش الحنه 

عبير وهي تنفخ في اظافرها / لا عامله مانكير 

فاطمه / عماله ايه يرحم ابوكي يامعفنه معرفش العربيه غير لما خبطته 

نظرت لها ميار بغيظ منها 

في الداخل لم يختلف حال ساميه كثيرا عن ابنتها فهي تجلس علي الطاوله في المطبخ وتلعب في هاتفها 

نظرت لها اعتدال(والده عامر) بسخط / ماتيجي تساعدينا شويه يا ساميه 

ساميه / ليه يعني مانتم كل مره بتعملوه من غير مساعدتي مش هتفرق يعني 

نورا نظرت لاعتدال ان تصمت واتركها حتي لاتفتعل ساميه مشكله من العدم 

نظرت سندس لوالدتها بيأس/ خلصت السلطه يامرات خالى اعمل ايه تاني.

نظرت نورا لها بحب فسنسدس هي من ربتها مع أبنائها وهي اخت حمزه في الرضاعه 

نورا / خلاص كده ياقلبي مش فاضل غير شويه حجات صغيره لما البنات تنزل هتعملها 

فاطمه وهي تنظر بسخط لعبير وهي تذهب /والله ما عارفه البت سندس عايشه مع القردتين دول ازاي يا ستير عليهم يقطعوا الخميره من البيت 

فجأه شعرت بشخص يجلس بجوارها 

نظرت وجدته احمد يلاعب حاجبه لها /جرا ايه يا بطتي ليه زعلانه كده 

فاطمه /شوف الواد انت يلا لسه مروحتش الصلاه 

احمد وهو يقترب منها بمزاح /جرا ايه يا بطه هو انتي مش طيقاني ولا ايه 

فاطمه وهي تنهض وتضرب كف بكف /لا حول ولا قوه الا بالله الواد ده هيجنني هو والعجله وامها 

سمعها احمد وانفجر ضاحكا علي تشبيهها لعمته وابنه عمته ثواني ورأي عبير تخرج بتأفف 

عبير /مش معقول ريحه الزيت والقرف ده 

احمد وهو ينهض بسخريه /اهي جات بنت نجيب سويرس 

ذهب احمد وهو يتحاشي النظر لها 

عبير بتأفف /وهي كانت نقصاك انت كمان شخص معقد انت واخوك 

ثم ابتسمت بخبث وتحدث /بس لا حموزي حاجه تانيه ده اللي هيبقي زوجي ان شاء الله 

خرجت اميره من المطبخ وهي تركض فاصطدمت بعبير مما جعل الاخيره تصرخ بحده /مش تاخدي بالك يا عاميه انتي

اميره وهي تتركها وتشوح بيدها / يعني مش كفايه مش بتطبخ لا ومش عاجبها حاجه 

صعد احمد لشقه عمه عند عامر طرق الباب فوجد عامر يفتح له وهو يتأفف /ادخل يا سيدي 

احمد وهو ينظر لظهرة / هو مش طايقني ولا انا اللي حاسس كده بس 

سمع صوت ضحكه اخيه احمد /الله ده حمزه هنا لسه مروحتش المسجد 

حمزه وهو ينهض /رايحين اهو كنت جاي انادي عامر عشان نروح مع بعض نحصل جدي وباقي الرجاله 

عامر وهو يخرج من غرفته ويرتدي العباءه الخاصه به نظر له احمد وصفر /ايه ااحلاوه دي يا بني ده انت عديت حمزه بالعبايه دي 

عامر بحاحب مرفوع /ما تتعدل كده يا كبير عشان ما بدأش اشك متبقاش انت واخوك عليا زهقتوني في عيشتي واخوك اللي يشوفه يقول بيحب جديد 

حمزه وهو يتحدث بتأثر  / لا يا خويا القلب مدقش ولا هيدق غير لام فاروق 

احمد / طب مش كنت هتفركش 

حزه بعيون حزينه وهو يتنهد / لا ده شيطان ودخل بينا بس انا انهارده هروحلها بعد العصر واطلب السماح ونرجع المايه لمجريها طب ده انا حتي بفكر اخد قرض عشان اجبلها طقم سنان جديد 

احمد بتأثر / الرجاله لما تحب 

عامر وهو يغلق باب شقته وينظر لهم بقرف  /حد عارف جدكم عايزنا ليه 

احمد بتعجب / عايزنا ازاي؟؟؟؟ 

حمزه بهدوءه المعروف /جدك بعت انه عايزنا بعد الغدا في موضوع مهم جدا 

احمد وهو يبتلع ريقه بخوف /استر يارب مش بخاف من حاجه قد اجتماعات جدك دي 

حمزه بهدوء / خير باذن الله تفاءلوا بالخير يا احمد 

احمد ببسمه لاخيه العزير / ان شاء الله 

كانوا يسيرون خارج المنزل ولكن وجدوا اميره تميل جسدها في الحديقه وتقطف النعناع 

اخفض عامر نظره بسرعه كبيره واحمر وجه حمزه ونادي بصوت يظهر انه هادئ ولكن في باطنه يحمل غضب كبير وغيره علي اخته / اميره 

انتفضت اميره علي صوت اخيها نظرت وجدتهم يقفون امتلئ وجهها بالحمره وهي تنظر لهم بخجل 

اميره بخجل / ابيه انا كنت 

حمزه حتي لا يحرجها اكثر من ذلك / اتفضلي يا اميره ادخلي دلوقتي 

نظرت اميره لتتبين ملامحه هل هو غاضب ام ماذا ولكنها لم تعرف اتجهت للداخل بعيون دامعه خوف ان يكون حمزه غاضب منها هي لاتحب ان يغضب منها 

نظر احمد لحمزه بهدوء / معلش يا حمزه يمكن مخدتش بالها

حمزه وهو يتحرك للخارج / يلا يا جماعه 

دخلت اميره وهي تركض وكانت عبير تقف في الصلاه وهي تلعب في هاتفها وفجأه اصطدمت في اميره مجددا 

عبير بصراخ / يا ستي متبصي قدامك بقي يا ربنا ايه ده 

خرجت سندس علي صوت اختها / مالك يا عبير صوتك عالي ليه كده

عبير بتأفف / الزفته اللي اسمها اميره رايحه جايه تخبط فيا 

فجأه صرخت عبير وهي تنظر خلفها لجدتها التي تحمل الشبشب وتضربها به وتقول بحنق / والنبي ما زفته غيرك يا عجله انتي ازاي تعلي صوتك كده ها مش منبهه عليكي قبل كده 

عبير بتذمر / ايه يا تيته هو مفيش غيري كل ما تشوفيني عجله عجله 

هزت سندس رأسها بيأس فهذا حال اختها وجدتها دائماً

دخلت اميره لغرفه المخزن الذي به الطعام وهي تدمع / يارب والله مش قصدي ازعله مني يا رب ما يكون زعل 

ثم تذكرت وجود عامر / يا ربي بقي

وقف الجميع أسفل منزل رامى الذي يقابل منزل الحاج سعيد رامي هو صديق الثلاثه منذ زمن وايضا تم تربيته معهم بعد وفاه والدته  وهي تلد ياسمين وسفر والدهم خلف نذواته تاركا خلفه رامي واخته الصغيره ياسمين ووالدته سعديه امرأه في ال80 من العمر لم يهتم لهم ولا حتي بسؤال طوال فتره خمس عشر عاما نشأ فيهم رامي معتمدا علي نفسه تحت كنف عائله الحاج سعيد فعاش معهم هو واخته كأنهم أفراد العائله يحضرون معهم يوم التجمع واي مناسبه بأوامر من الجد

كان رامي يسير في الشقه بسرعه وهو يعدل ثيابه فصرخت خلفه مصيبته في الدنيا صاحبه اللسان الطويل ياسمين

ياسمين بصراخ عالي / يا أخي تبا لك انت وستك سعديه لسه ماسحه يا حيوان

عاد رامي لها وجذبها من شعرها بغيظ / مين اللي حيوان يابجره يا حلوب انتي

ياسمين وهي تدفع يده / ايدك بس عشان الشاكت

نظر لها رامي وجدها ترتدي عباءه وربطها علي خصرها وترفع قدم البنطلون والاخري لا وترتدي جاكت علي العباءه

رامي بقرف / إيه يابت اللي عملاه في نفسك ده

ياسمين وهي تشهق مثل النساء الكبيرات / ومالك بتقولها بقرف كده ليه يا اخويا ده انا قمر 14 الله اكبر عليا

رامي وهو ينظر لها بتعجب ثم حذبها من الجاكت الخاص بها / وده ايه دخلة في اللبس يا قمر 14 

ياسمين / شياكه 

نظر لها بحنق / من اي جنب يعني اصلي مش شايف شياكة خالص 

ياسمين وهي تبعد يده / ومش بس شياكه لو تاخد بالك 

رفع حاجبه فاكملت / وكمان عشان احط الفون فيه لان مفيش جيب في العبايه 

رامي وكاد يجيبها فسمع صراخ جدته سعدية التي تعاني من زهايمر مزمن / بت يا زفته يا خدامه فين الكابتشينو بتاعي

ياسمين وهي ترفع يدها / اهي سمعت اهي عشان لما تقابل وجه كريم محدش يتكلم اسمع سعديه عايزه كابتشينو الله يرحم

رامي وهو يشير لها بالاقتراب فاقتربت منه وهمس لها / تفتكري قصدها كابتشينو كابتشينو ولا كابتشينو كابتشينو

قال كلمته الاخيره وهو يغمز لها بينما هي نظرت لها بشك / تفتكر تطلع سعديه صاحبه مزاج وبتشرب

رامي وهو يخرج ويضحك / اسيبك تكتشفي لوحدك

ثم تركها وهبط لاسفل بينما هي أخذت تفكر بشك فسمعت صراخ سعديه / انتي يا خدامه يا صعلوقه يا حقيره انا هطردك واجيب وآحده غيرك يا نكره انتي

ياسمين وهي تنظر حولها بشر / ادخل ارميها من البلكونه ولا رامي هيزعل لا لا مش هيزعل بأذن الله هعمله صينيه بطاطس وهراضيه ايوه صح 

سعديه / انتي يابت يا صعلوقة 

ياسمين /جيالك يا سعديه جيالك يا ختي هوريكي ع من المخزن وهي تخفي دموعها وتبتسم ثم انضمت للنساء لتنهي معهم فسمعت صوت ياسمين الذي صدح في المنزل بصخب كالعاده / أنا جيييييييت يا بشر 

تحدث عبير وهي تقف وتنظر لها بسخريه / وبعد ايه يا ختي خلصنا الاكل خلاص ولا جايه علي الاكل بس 

نظرت سندس بشر لاختها وكادت تجيب ولكن من هي عبير حتي تنجي من لسان ياسمين اللاذع 

ياسمين وهي تدفع عبير بحده بعيد عنها / اوعي يابت من وش اهلي عشان هبهدلهك ورشه النقاشة اللي في سحنتك 

ثم ذهبت للنساء وهي تتحدث بسخريه / قال خلصنا الاكل قال وهي بتخاف تسلق البيضه المعفنه 

صرخت عبير / انتي بتكلميني كده إزاي انتي اتجنيتي 

استدارت ياسمين لها / يابنتي اتقي شيطاني سعديه مطلعه عيني من الصبح والله اطلعهم عليكي 

سعديه وهي تدخل للبيت /بقي كده يا معفنه تسبيني وتيجي لوحدي طب انا كلامي مش معاكي كلامي مع جوزك المعفن اللي عايز يرميني في دار مسنين عشان خاطرك وديني لافضحكم في الحارة يا عرر 

ياسمين وهي تنظر لها بشر / آه يا سعديه هحطك في دار مسنين 

سعديه وهي تجلس بجانب فاطمه وتتحدث ببكاء مصطنع / شوفتي يا فاطمه بت ال... دي عايزه تعمل فيا ايه طبعا ما هو جوزها اللي فرعنها علينا المعفنه 

ياسمين وهي تصرخ بها ولكن امسكتها سندس وهي تضحك بشده / سيبي يا سندس هقتلها انتي مش عارفه دي بتعمل فيا ايه دي مره شايفني فلبينيه ومره مرات ابنها اللي مش طيقاها ومره شيفاني صاحبتها اللي اخدت منها استيكة في ابتدائي ومش رجعتها وتمشي كل ما تشوف خلقتي في الشقه تقولي يا حراميه الاستيكة 

ضحك الجميع عليهم فدائما ما تحدث هذه المناوشات بينهم 

اميره وهي تتدخل /خلاص يا ياسو انتي الكبيره يا باشا يلا نكمل الاكل

نظرت ياسمين لسعدية واشارت بيدها لرقبتها علامه الذبح

بينما سعديه أشارت لها / شوفتوا البت بتقولي هقتلك بعد ما نرجع البيت ونكون لوحدنا وحفيدك في الشغل وهتقطعني وتحطني في أكياس وترميني في الخرابة 

ياسمين بضحك وهي تدخل للمطبخ / كل ده من حركه وآحده عملت مسلسل في دماغها 

دخل الرجال للمسجد وجدوا جدهم و ابائهم يجلسون في احد اركان المسجد اجتمعوا في حلقه وطلب الجد من حمزه ان يقرأ لهم بعض ايات القرأن امسك حمزه المصحف وبدأ يقرأ لهم بصوته الجميل وقراءته التي يقشعر لها الابدان وبعد مرور الوقت حان موعد اذان صلاه الجمعه نهض حمزه وتوجه للمنبر فهو امام هذا المسجد بطلب من اهالي الحاره بسبب طلاقته 'معرفته الواسعه بدينه بدأت الخطبه وبدأ الجميع يستمعون له بتركيز 

في المنزل كانت النساء تركض هنا وهنا لكي تنتهي بسرعه 

صرخت ندي/ بيقيموا الصلاه بسرعه يا جماعه 

اعتماد/ اشتغلي طب معانا لو مش هنزعج روح المنبه اللي جواكي مش شغاله فاضل ربع ساعه فاضل عشر دقايق 

ندي/مش بنبهكم الحق عليا 

ام حمزه / خلاص يا جماعه كل حاجه جاهزه خلاص 

سمعوا صوت الخاج سعيد من الخارج لكي يعلموا بوصول الرجال حتي اذا كان احد لا يرتدي حجاب فيرتدي 

الحاج سعيد وهو ينظر لهم بسعاده لتجمع اسرته ولكن بها بعض الحزن بسبب غياب اصغر ابنائه والذي تعهد ان يعيده عاجلا جدا جلس الجميع علي السفره يأكل بهدوء حتي انهوا الطعام وبعدها ذهبوا للاريكه في الصاله الرئيسيه 

تحدث الجد بهدوء ورزانه / اولا رمضان باقي عليه كام يوم كده فكل سنه وانتم بخير 

رد عليه الجميع

الحاج سعيد / ثانيا الموضوع اللي كنت عايزكم فيه بخصوص محمد ولدي 

نظر بتفحص للوجوه التي علي البعض منها التعحب و البعض عدم الاهتمام والبعض الاستنكار 

تحدث راشد بهدوء / بس يا حاج انت عارف محمد عايش طول حياته بره ومش بينزل هنا اساسا اخر مره كان هنا كان حمزه خمس سنين يعني من 23 سنه 

الحاج سعيد بحسم / كلمه وقولتها يا راشد ابني هيرجع لحضني وبلده تاني ورمضان ده هنكون كاملين 

تحدث والد عامر / حتي لو جه يا حاج هيجي يوم ويرجع تاني 

الحاج سعيد وهو ينظر لهم نظرات غامضه جدا / لا المره دي هتأكد انه مش هيرجع تاني وانا عندي الحل 

ثم نظر لحمزه بغموض / وحمزه هو الحل 

استيقظ محمد من نومه وهبط للاسفل وجد زوجته تجلس وهي تتحدث في الهاتف كعادتها مع بعض نساء المجتمع الراقي كما تقول 

تأفف منها ونظر حوله ثم نادي علي الخادمه / سونيا سونيا 

جاءت الخادمه وتحدثت بلكنتها الامريكيه 

/ نعم مستر محمد

محمد / أين هي ملك

سونيا / السيدة الصغيره نائمه في غرفتها هل اجعلها تستيقظ 

أشار لها بيده برفض وتحدث / انا سوف اذهب اكملي انتي عملك

صعد محمد لغرفه ابنته المدللة التي افسدها الدلال وبسبب والدتها التي اشجعها علي كل شئ تحت غطاء المجتمع الراقي دخل لغرفه ابنته وجدها تغرق في الظلام توجه للنافذه وقام بفتحها ثم توجه للفراش ولكنه توقف بصدمه وفتح عينه لما رأي امامه 

محمد بصدمه /.............. 

خلص اول يوم لينا مع العيله الصغننه دي لسه الروايه في اولها لسه في أيام كتير وحكايات اكثر هنعيشها معاهم كل ده واكتر في الروايه الاجتماعيه والعائليه والرومانسية واكيد الكوميدي

جميله_حد_الفتنه 

دمتم سالمين 

رحمه نبيل ♥ ♥ ♥ 

جميلة_حد_الفتنة

حياة_حمزة

الفصل_الثاني

شيخي كلّما عاهدتُ اللهَ على ترك ذاك الذّنب أخلفتُ أظن أنّ الله كره خيانتي للعهد !

= يا بُنيّ اللهُ لا يُعاملك كالبشر .. اللهُ يعلم أنّك كلّ يوم تتوسّد آهاتك وتسكب دمعاتكَ لأنك عدتَ للذنب ... يعلم أنّك تكره أن تعصيه

- ولكنى انطفأتُ أصبحت أستحي من الله ... كلماتُ الناس أثقلت كاهلي يظنّونني لا أخطِيء ! لو علموا سواد قلبي !

= يا قرّة عيني مَن منّا يعيش مستَغنيًا عن ستر اللهِ ! مَن منّا يعظُ بشيء ويحذر من معصية ولكنّه قد تزِلّ قدمه ويرتكبها ، مَن منّا لا يحتاج للطف الله !؟

- هل سيقبلني !؟ هل سيضيئني ويجبرني !؟

= خلقك وبثّ فيك من روحه ، أنت غالٍ عند الله ، اتراهُ يخذل يدًا مُدّت وعينًا دمعت وعبدًا بفقره استلاذ به ؟ حاشاه

يا بنيّ لا تجلِد نفسك .. وإياك والقنوط ، ابقَ على جهاد نفسك ، ومَن ثبتَ نبت 

سيوافيكَ الله صدقَ ثباتك لذّةً لن تحزن بعدها ولكن اصبر وتصابر ورابط واربط على قلبك ...اللهُ يريدُ أن يطهّرك .. 💛

صلوا علي من جلس علي ركبتيه يواسي طفل مات عصفوره صلوا علي الحبيب المصطفى صلى الله عليه وسلم 💕💕💕🌹🌹🌹

الفصل الثاني

جميله حد الفتنه

الفصل التاني

نظر محمد بصدمه وعيون تطلق الشرار وصرخ بصوت رج الجدران / مللللللك

فزعت ملك من نومها ونظرت للشخص الواقف بعيون مشوشه وهي تفرك رأسها بسبب شربها بالأمس لما حرمه الله

ملك وهي تنفخ بملل / في ايه يا بابي ليه بتزعق كده

محمد بشرار ينطلق من عينه /فيه ايه فيه ايه يا انسه يا محترمه يا مسلمه

ثم ابتسم بسخريه / ولا انتي نسيتي انك مسلمه ايه اللي لبساه ده يا هانم و امبارح رجعتي امتي انا فضلت مستنيكي لحد الساعه 2 اوعي تكوني فاكره اني ماخدتش بالي انك رجعتي علي الفجر لا يا ملك انا واخد بالي كويس بس مرضتش اتكلم معاكي وانتي وانتي.... 

صمت يبتلع غصه احرقته / وانتي سكرانه يا محترمه ليه كده يا ملك ليه يابنتي بتحسسيني اني مش اب كويس انا قصرت في تربيتك يا بنتي في ايه بس ليه بتتعبيني دايما كدة

زفرت هي بملل لما يحدث أمامها

/اوووه داد مش كل يوم نفس الدراما دي انا زهقت بقي لو سمحت

ثم تركته يقف يحدق في مكانها الفارغ وهو يحاول منع نفسه من الانهيار حقا أخطأ كثيرا عندما تركها لوالدتها لكي تربيها ولكن صبرا يا ابنتي فيوما ما سوف تندمين ولكن اتمني الا يكون ندمك متٱخر

هبط محمد للأسفل وجد زوجته تتصفح احدي مجالات الموضه ابتسم بسخريه فهي تشبه ابنتها كثيرا في كل شئ في الثياب والتصرفات وكل شئ اندفع جهتها بغضب ونزع منها المجله

صوفي بحاجب مرفوع وحدة /في ايه يا محمد ايه اللي عملته ده

محمد بغضب شديد / ياشيخه انتي ايه مش عايشه مش شايفه بنتك ايه اللي بيحصلها، بنتك بتضيع يا هانم اه اسف بنتك ضاعت خلاص وده بسبب مين بسببك انتي يا سيده المجتمع الراقي ضيعتي بنتك وضيعتي نفسك فوقي بقي يا صفيه

صوفي بهياج / ايه كلامك ده يا محمد مالها بنتي وبعدين مش كل يوم نفس الاسطوانه انت ايه مش بتزهق يا اخي وبعدين اسمي صوفي مش صفيه

ثم تركته وذهبت وهي تتمتم بغضب علي تصرفات زوجها المتشدده والمزعجه من وجه نظرها

سمع محمد رنين هاتف منزله تحرك له بحزن شديد ثم رفع السماعه / الو

........

محمد /مين!!!!!!!

كان يجلس علي سجادته ويرفع يده وهو يدعي الله بخشوع سمع طرق الباب سمح للطارق بالدخول نظر وجدها سندس نظر لها ببسمه حنونه فهي اخته العزيزه التي يشفق عليها كثيرا من امها واختها

حمزه / تعالي يا سندس

سندس وهي تتقدم له ببسمه / السلام عليكم يا اخي

حمزه ببسمه / عليكم السلام يا قلب اخوكي

سندس وهي تنظر له بدقه تعلم انه يتألم مما حدث /انت كويس يا حمزه

رفع حمزه عينه لها وكانت مليئه بآلام مما أوجع قلبها كثيرا / متزعلش يا حمزه انت عارف أوامر جدك محدش يقدر يعارضها ابدا وكمان مين عارف مش يمكن تكون كويسه جدي بيقول انها كانت هنا وهي طفل وانت شوفتها وتعرفها

ابتسم حمزه بألم / يا سندس عمك اخر مره كان هنا كنت عندي خمس سنين يعني مش فاكر حاجه خالص هفتكرها ازاي

ثم تنهد بألم / انتي عارفه اني طول عمري بدعي ربنا بزوجه صالحه تكون ليا خير عون في حياتي وشريكتي في الآخرة كان نفسي كل يوم نقرأ قرأن مع بعض واصلي بيها أمام وتكون امي واختي وبنتي وحياتي كلها حاسس ان أحلامي كلها بتتدمر يا سندس

سندس وهي تنظر له بثقه لا تعرف من أين استمدتها / انت ايه اللي خلاك متأكد انها مش ده كله يا حمزة مش يمكن تكون كل دول

حمزه بالك / واحدة عايشه في الفتن بقالها فتره طويله اتربت وعاشت في أمريكا يا سندس اكيد الشيطان هيزين ليها المعاصي في ظل عدم وجود أي مرشد ولا شي يشجعها

سندس بمرح / جرا ايه يا شيخ حمزه ان بتسئ الظن ولا ايه وبعدين متنساش ان عمك محمد موجود اكيد هيكون رباها علي عادتنا وتقاليدنا

نظر لها حمزه بتمني حدوث نا تقوله / يارب يا سندس

سندس ببسمه حنونه / صدقني يا حمزه انت طول عمرك قريب من ربنا وبتدعي بنيه صافيه اكيد ربنا هيحقق ليك كل اللي بتتمناه وانا متأكده هيجي اليوم اللي تيجي فيه تقولي لقيتها يا سندس لقيت (حياه حمزه) زي ما كنت دايما تسمي زوجتك ههههههه رغم انك مكنتش تعرفها بس كنت بتحبها

حمزه ببسمه وقد انسته سندس المه /حبي كله موجه لزوجتي اي كانت هي مين او فين بس انا بحبها يا سندس

بحبها اوي 

سندس ببسمه / ياااه يا حمزه كل ده لزوجتك يا بختها 

حمزة بجديه / زوجتي مين بس انا بتكلم عن ام فاروق عايزين يفرقوا بينا يا سندس 

انكمشت ملامح سندس بقرف ثم نهضت / يا أخي بقي حرام  عليك ارحم امي 

حمزه / حتي انتي يا سندس مش فاهمه وجع قلبي والصراع اللي عايش فيه بين رغبه جدي وبعمري ام فاروق  

سندس وهي تكاد تجن / حمزه انا بدأت أصدق فعلا انك بتحب ام فاروق انت يابني اتجنيت 

حمزه وهو ينهض ويقترب منها /جنيت فعلا يا سندس وهتجن اكثر لو ام فاروق سابتني انا هقف في وش العيله واقولهم لااااااااااا الا ام فاروق 

تركته سندس وخرجت وهي تصرخ / عوضي عليك يارب عوضي عليك يارب 

بينما وقفت نورا وهي تخرج من المطبخ /مالها البت دي عملها ايه الواد حمزه 

خرج حمزه من الغرفه وذهب لوالدته وعانقها بحزن / عايزين يكسروني يا نورا 

حزنت نورا علي طفلها كثيرا وتذكرت قرار الجد / يا حبيبي جدك عمره ما يأذيك هو بيحبك آوي وأكيد بنت عمك هتسعدك والا مكنش جدك قال تتجوزوا 

ابتعد حمزه عنها / حتي انتي يا نورا بنت عمي مين بس انا بتكلم عن ام فاروق تفتكري هترفض تكون زوجه تانيه 

ابعدته نورا عنها بحده / امشي يلا من وشي امشي 

تذمر حمزه / أنا همشي محدش طايقني هروح لام فاروق الحضن الدافي اللي بيلمني 

نورا / طب شد الباب وراك 

نظر لها حمزه بحسره / يا خساره يا نورا يا خساره جايلك يا ام فاروق 

نظرت نورا للباب بعد ذهاب ابنها وابتسمت بحزن / دايما تقلب أحزانك بهزار عشان محدش يحس بوجعك يا حمزه ربنا يريح قلبك يا بني 

ثم انطلق حمزه لخارج المنزل وعندما خرج توقف قليلا وهو يغمض عينه بوجع وتنهد / يارب يارب انت خير مدبر يارب دبرها من عندك يا رحيم يارب قدم الخير يارب 

ثم تغيرت ملامحه للبرود الشديد واتجه لخارج العماره متجها لمنزل ام فاروق 

كانت تركض في النادي بثيابها القصيرة فكانت ترتدي شورت جينز قصير وتيشرت ابيض بنصف كم وكانت تضع سماعات الأذن وتركض حتي اعترض هو طريقها توقفت ونزعت السماعات ونظرت بحاجب مرفوع

ملك وهي تنظر بملل لهذا الشخص أمامها / ماذا جون اخبرتك ان كل ما بيننا انتهي الا تمل من هذا ابدا

جون / بهذه السهولة ملك هل ما بيننا شئ صغير لينتهي هكذا

ملك وهي تدفعه بملل / اه يارجل لقد مللت منك توقف عن ملاحقتي حسنا؟

وتركته ورحلت حتي وصلت للكافيتريا وجدته يجلس علي طاولته ويشرب سجائر اقتربت منه وقبلته علي خده كتحيه معروفه في مجتمعها ثم اخذت منه السجاره وقالت وهي تنفث الدخان / مرحبا جاك كيف حالك

جاك ذلك الشاب الفاسد الذي صادقته في فتره الجامعه / مرحبا مولا (اسم شهره ملك) كيف حالك يا جميله

ملك وهي تنظر له بغمزه / بخير يا جاك ماذا أليس لديك شئ لعزيزتك مولا

جاك وهو يخرج شئ من حقيبته وقال بخبث / بلي يا عزيزتي لدي شئ لم يسبق لك معرفته

كانت صوت صوفي يصل لبدايه الدوله من شدته / لا يعني لا يا محمد رجوع لمصر تنساه فاهم

محمد بغضب شديد /وانا قلت تجهزي يا صوفي هانم عشان بكره مش هيعدي غير واحنا في مصر واظن كلامي واضح ومش هيتكرر فاهمه

قال آخر كلمه بصراخ ثم تركها ورحل بغضب

صوفي محدثه نفسها بغضب / ماشي يا محمد انا هخليك تندم انك رجعت مصر تاني

كان محمد يجلس في غرفه مكتبه وهو ينظر أمامه بشرود / دي فرصتي، اللي انا كسرته ابويا هيصلحه

كان راشد يجلس وينظر امامه بشرود ويتذكر كلمات والدته

الحاج سعيد /انا عارف ايه اللي هيخلي محمد يفضل هنا محمد طول عمره عايز يستقر بس هو خايف يكون بيظلم أولاده معاه وأنهم ميتأقلموش مع البيئه فأنا هخليه يستقر هنا وهو مش هيعمل كده غير لما يحس ان بنته تستقر والحل هو أن بنته تتجوز في مصر هنا وسطينا

عامر / تتجوز ازاي!!!!!!

نظر الجد لحمزة بنظره غامضه وقال بنبره حازمه لا تقبل النقاش /حمزه هيتجوز بنت محمد

فتح حمزه عينه علي وسعها بشده وكاد ان يتحدث باعتراض فقاطعه والده / يعني ايه يا حاج انت عارف بنت محمد طول عمرها عايشة بره بعيد عننا وحياتهم غيرنا اسف يا حج بس ما اظنش الموضوع ده صحيح

ضرب الحاج سعيد بعصاه وتحدث بشده / كلمتي وقولتها وهتتنفذ

ثم نظر لحمزة بنظرة هو يعرفها جيدا / ولا عندك اي اعتراض علي كلام جدك يا حمزه

حمزه وبطاعه / مفيش كلام بعد كلامك يا حاج

الحاج سعيد / بنت محمد تعاملها كيف الملكه يا حمزه مش عايز اعرف في يوم انك اذيتها فاهم

حمزه بقلب يتألم / فاهم يا جدي وهي بنت عمي في النهاية 

الحاج سعيد ببعض اللين / انت تعرفها علي فكره يا حمزه من صغرك لما جم هنا مكنتش بتسبها وكنت دايما تقول هتجوزها لما اكبر يا جدي واعرف يا بني عمري ما هضر احفادي ابدا

احمد لجدة يحاول ان يثنيه عن رأيه / بس يا جدي مش يمكن هي متوافقش

الحاج سعيد وهو ينظر أمامه بغموض / هتوافق

عاد راشد من شروده علي يد نورا التي تربت علي كتفه بحنان / اطمن يا راشد خير بإذن الله

كان أحمد يجلس في غرفته وهو يفكر في كلام جده وقلبه حزين علي أخيه وحلمه بزوجه صالحه طوال حياته أخرجه من شروده صوت هاتفه نظر له وابتسم بخبث / الو السلام عليكم 

هي بخجل لا تعرف سببه فهو زوجها منذ اكثر من ثلاث شهور /عليكم السلام

احمد / اكيد دلوقتي زرعتي طماطم في خدودك

هي بعصبيه / يارخم انت

احمد /اخص عليكي يا ميمي كده ينفع تشتمي زوجك العزيز يا قلبي

هي بغضب وخجل / هقفل يا احمد بقي كفايه

أحمد بضحك شديد / خلاص والله اهو سكت ها بقي القمر كان متصل ليه

هي ببسمه / بطمن عليك ايه مطمنش

احمد بحب يزداد لهذة التي اقتحمت قلبة في فتره قصيره / اه يا ميار لو تعرفي بحبك قد ايه

(ايون هي ميار اللي كانت في بنت الشيطان واحمد هو هو نفسه اللي أتقدم ليها مع ابوه وحمزه وعمار اللي كان بيسأل عن قصة ميار مع الوقت هتتعرض كلها)

ميار ببسمه ففي هذه الشهور اقتربت من الله كثيرا بسبب والدها وزوجها الحبيب / احمد

اغمض احمد عينه بعشق / قلبه

ميار بخجل / بابا عازمك علي العشا بكره عشان عارف ان انهارده الجمعه ومش هينفع تسيب عيلتك

احمد بحنان /بلغي بابا موافقتى علي العزومة وبإذن الله بكره هكون موجود وهجبلك الشوكولا بتاعتك معايا

ميار بفرحه / الله بجد والنبي

احمد بتحذير / احنا قولنا ايه

ميار وهي تضرب جبهتها / لا اله الا الله اسفه والله نسيت بس انا كنت متعود اني اقول والنبي

احمد بحنان / دلوقتي مش هننسي دايما نقول بالله عليك صح

ميار بفرحه / صح يلا بقي سلام عشان بابا بينادي عليا سلام عليكم

احمد بضحك / عليكم السلام يا مجنونه

سار حمزه في طريقه لمنزل الحاجه ام فاروق وهو يبتسم ثم دخل للسوبر ماركت قبل دخوله لها كالعاده دخل ببسمه تزين ملامحه / عمي حسين اخ....... 

قاطع كلامه رؤيته لهند ابنه العم حسين اخفض حمزة نظره فورا / احم احم بعتذر افتكرت عمي حسين هو اللي هنا 

هند بنظرات عاشقه حتي النخاع فهي من الصغر وهي دائما تراقبه وتنتظر نظره منه وتعشقه بشده / وانا منفعش يا سي حمزه ولا إيه 

استغفر حمزه ربه / لا أبدا يا انسه هند مقصدتش 

هند بدلع / ولا تقصد انت براحتك تقول اللي تحبه 

كان وجهه حمزه بارد وجامد كالعاده فتحدث وهو لا ينظر لها / احم عايز طبقين جبنه وكيس قرص وعلبه حلاوه طحينه ونص لانشون 

تحدثت هند بنبره لينه لكي تنزع هذا البرود / بس كده 

نظر حمزه حوله / عايز علبتين عصير وآحده عنب وواحده كوكتيل لوسمحتي 

هند / انت تأمر 

زفر حمزه بضيق وندم علي دخوله المكان سمع حمزه صوت من خلفه نظر وجده عم حسين 

ابتسم له حمزه ببشاشه وقبل يده  / عم حسين اخبارك يا راجل يا طيب 

حسين بضحك / الحمدلله يا شيخ حمزه انت عامل ايه 

حمزه بضحكه خافتة سرقت قلب هند / شيخ ايه يا عم حسين حتي انت يا جماعه انتم مخدوعين فيا والله 

ضحك حسين بشده / انت هتقولي 

ثم نظر لهند التي تركز مع حمزه وتحدث بصوت حاد / شوفي الباشمهندس عايز ايه يا هند مش عايزين نعطله 

هند وهي تذهب / حاضر يا أبا 

نظر حسين لحمزة/ رايح لام فاروق صح 

حمزه ببسمه / آيوه قولت اروح اشوفها لو محتاجه حاجه

حسين وهو يربت علي كتفه / ربنا يسعدك يابني زي ما بتساعد الست دي من بعد ما أولادها سابوها وانت دايما واخد بالك منها ومش مقصر معاها 

حمزه ببسمه / كله بفضل الله يا عم حسين بعدين ام فاروق دي غالية عليا جدا من صغري 

سمعوا صوت هند التي تتحدث بدلال / أتفضل يا سي حمزه بالهنا يارب 

تنحنح حمزه وأخرج أمواله ووضعها علي المكتب وذهب سريعا فهو يعرف ان حسين سيرفض ان يأخذ منه شئ 

نظر حسين بعد ذهاب حمزه لابنته / لامتي يا هند 

هند بتوتر / لامتي ايه يابا مش فهماك 

تحدث حسين بسخريه / لا فهماني كويس وكويس آوي كمان شيلي عينك من علي حمزه لان حمزه مش ليكي بلاش تعلقي نفسك في جبال دايبه يابنتي 

نظرت هند لوالدها باصرار ثم حدثت نفسها / قريب يا أبا هتلاقي الحاج سعيد بنفسه داخل يطلبني منك مبقاش هند اما عملتها 

ملك بصراخ وهي تري والدها يحمل الحقائب للسياره /انا قولت مش هتحرك من هنا

نظر لها بغضب شديد /مللللللك انا قلت كلمه هنروح مصر يعني هنروح اتفضلي هاتي شنطتك وياريت تغيري القرف ده ويلا علي العربيه

وتركها ورحل نظرت هي له بغضب شديد / ماشي يا محمد باشا انا هوريكم مين هي مولا

ثم صعدت لغرفتها لتتجهز وبعد مرور ساعة هبطت وهي تشد حقيبتها خلفها بغضب اعطتها للحارس ووضعت نظارتها وركبت السيارة من الخلف

في ذلك الوقت كان محمد يتحدث مع شاب وسيم هادئ يتميز بالعيون الزرقاء ولحيه كثيفه بعض الشئ وبشره بيضاء وشعر اسود غزير وجسد طويل وملئ بالعضلات

أدهم / متقلقش يا عمي عليها هي امانه لحد ما توصل لصحابها سليمه

محمد وهو يربت علي كتفه ذلك الشاب المكافح الذي بدأ العمل في شركته من بعد ابيه حيث كان ابيه شريك محمد منذ جاء لامريكا وهو تولي الأمر من بعد والده وأصبح شريك محمد. رغم صغر سنه الا انه تفوق وبجداره محمد وهو يربت علي كتفه /ده العشم يابني مش هتأخر هي زياره للحج وهرجع

أدهم ببسمه زادته وسامه / ترجعوا بالسلامة يا عمي

تحرك محمد بعدما ودع أدهم للسياره وركب بجانب السائق وانطلقت السياره تشق الطريق نحو المطار

طرق حمزه الباب وانتظر قليلا فهو يعرف انها بطيئة قليلا في الحركه فاخذ يطرق وهو ينادي / يا ام فاروق افتحي وبردي نار قلبي إللي ولع في بعدك ثم قال بمزاح /افتحي أبت يا نوسه انا الحب أبت 

فتحت سيده كبيره في السن يظهر عليها التجاعيد بشكل واضح وتسير وهي منحنيه الظهر فتحت وضربت حمزه علي كتفه بضعف / يووووه جتك ايه يا واد يا حمزه مش هتبطل يابني حركاتك دي 

حمزه وهو يمسك يدها ويقبلها ثم يجعلها تستند عليه وترك الباب مفتوح كالعاده / اعمل ايه يا ام فاروق منتي اللي وقعتيني في حبك ومش عارف اسيطر علي قلبي في بعدك 

ضحكت ام فاروق وهي تجلس علي الارضيه البسيطه الخاصه بها وجلس هو بجانبها ووضع الحقائب / خليكي هنا يا قلبي لحد ما احط الحجات في التلاجه 

ام فاروق وهي تنظر له بحنان / ليه كده يا حمزه الحجات كتير وكل مره بتجيب حجات كتير وتكلف نفسك 

حمزه وهو ينهض ويتجه للثلاجه /مفيش حاجه تغلي عليكي يا قمري انتي 

ثم عاد بجانبها / ها بقي عامله ايه احسن ولا لسه رجلك بتوجعك 

ام فاروق برضا / الحمدلله نعمه من ربك يا حبيبي احسن بكتير سيبك مني المهم انت مالك 

ابتسم لها حمزه وعينه بها ألم فهي الوحيده التي يستطيع الروح معها بكل شئ / تعبان اوي وقلبي واجعني مش عارف اعمل ايه وتايه 

ام فاروق بحزن وخوف عليه / مالك يا بني خوفتني عليك قولي فيه إيه 

حمزه بحزن / جدي عايز يجوزني لبنت عمي يا ام فاروق عايز يبعدني عنك ويفرق قلبين بيحبوا بعض 

ام فاروق وهي تضربه / ياواد اتكلم جد شويه وبلاش تستعبط عليا عشان انا شايفه حزنك اهو في عيونك 

حمزه وهو يحاول تشتيتها / بحق يا ام فاروق هو انتي عادي لو كنتي زوجه تانيه أصل الصراحه مش هتخلي عنك 

ضحكت ام فاروق /يابني اتكلم جد بقي هتموت وانت بتهزر

اخذ حمزه أنفاسه ليهدأ ضربات قلبه وتحدث بألم  /...... 

بعد ساعات لا يعرف عددها كانت أم فاروق تخرج مستنده علي زراع حمزه فكالعادة تصر ان تذهب معه للخارج حمزه وهو ينظر لها / برضو يا ام فاروق مش هتبردي نار قلبي وتوافقي علي الجواز 

ام فاروق وهي تجاريه /خلاص يا حمزه كل شئ قسمه ونصيب 

سمعوا صوت بجانبهم لامراه /جرا يا ام فاروق مشحططه الواد معاكي ليه 

نظر حمزه لهذه السيده المصريه بامتياز فهي بعمر 60  وهي أحدي جارات ام فاروق وتدعي ام سعاد 

حمزه بمسكنه / قوليلها يا ام سعاد قوليلها محطمه القلوب دي بكره لما تشوفني مع غيرها هتندم 

ام سعاد / يا خويا سيبك منها هي تطول واحد طول بعرض وبعيون حلوه وغمازه وقمر زيك فين تعالي وانا اجوزك البت سعاد طب دي عليها صينيه بطاطس إنما ايه تستاهل بقك 

حمزه وهو ينظر لها بالم / هولع وانا واقف يا ام سعاد خلاص 

ام سعاد / يا خويا خلاص ايه ما كلنا عارفين انك زينه شباب الحارة بلاش تواضع بقي 

حمزه بصراخ / خلاص يا ام سعاد هموت 

ام فاروق / يا ختي اسكتي الواد هيموت من نقك يا ستير عليكي

حركت سعاد فمها بحركه شعبيه مشهوره / الحق عليا عايزه مصلحته طب ده مش هيلاقي وآحده تصونه قد سعاد بنتي طب دي عليها صينيه بطاطس تستاهل بقك والله 

ضحك حمزه وقبل يد ام فاروق واستأذن منهم / ربنا يرزقها يا ام سعاد باللي يسعدها السلام عليكم 

وأثناء عودة حمزه للمنزل سمع صوت عالي يصرخ ركض بسرعه فهو يعرف صاحب الصوت او لنكون دقيقين صاحبه الصوت وقف حمزه امام بقاله عم حسين فشاهد ياسمين تصرخ بهند بعنف شديد وهند تنظر لها بشر 

ثواني ورأي ياسمين تتقدم من هند وتجذبها من حجابها ان صح ان نقول عليه حجاب فهو مجرد قطعه من القماش التي اتخذتها فتيات عديده في الاونة الاخيره ظنا منها انها محجبه وترتدي حجاب 

اقترب حمزه بسرعه وجذب ياسمين بعيدا عن هند وهو ينظر لها بغضب شديد بينما ياسمين كانت لا تعي ما يحدث ولا جذب حمزه لها كل ما كانت تراه هو تعنيف هند لمصطفي احد أطفال الحاره والذي يعد من ملائكه الأرض وأطيب الاشخاص طفل من أصحاب الحالات الخاصه كيف بحق الله تقوم بتعنيفه 

ياسمين وهي تصرخ بحرقه ودموعها تكاد تهبط / اقسم بالله ان شوفتك بس تتعرضيله لكون مفرجه الحاره كلها عليكي يا محترمه 

هند بسخريه / مالك بس يا شيخه يا سمين اهدي كده كل ده عشان العبيط ده 

دفعت يا سمين يد حمزه بعنف وركضت لها وصفعتها بحده وتحدثت بنبره استغربها حمزه فهذه ياسمين المشاغبة الباسمة التي دائما تمزح 

ياسمين بفحيح مخيف / مين اللي عبيط بالضبط يا أخت هند أصل مفيش عبيط غيرك هنا ويا خساره طلع العبط عندك في القلب مش العقل اللي قدامك ده ضفره برقبه دسته من امثالك قسما باللي خلقني يا هند المحك بس توقفيه في الشارع وتتريقي عليه تاني لكون مفرجه الحاره كلها علي زينه بناتها بنت الحج حسين الراجل الطيب يا خساره تربيتك اللي راحت في الأرض ياعم حسين 

نظرت لها هند باعين حمراء فهي لم تتوقع أن تراها ياسمين بهذا للموقف فهي دائما تحب أن توقف مصطفي وتضحك عليه وعلي أفعاله وكلامه ولكن هذه المره قبضت ياسمين عليها بالجرم المشهود 

خرج الحاج حسين ونظر بتعجب لهم / في إيه يا بنات مالكم وايه صوتكم العالي ده 

ثم نظر لحمزه / في إيه يا بني حصل ايه 

نظر حمزه بغضب جحيمي لياسمين وصوتها العالي ثم اقترب منها وامسك يدها وجذبها له وهو ينظر باسف للحاج حسين / بعتذر يا عم حسين بس ياسمين اتعصبت شويه وما اخدتش بالها انها في شارع وصوتها طلع 

كان يتحدث وهو ينظر لياسمين بغضب

بينما ياسمين نظرت أرضا بحرج منه 

الحاج حسين وهو يبتسم له / ولا يهمك يا بني حصل خير 

هز حمزه رأسه ثم نظر لياسمين وكاد يجذبها ولكنه وضعت يدها علي يده الممسكه به ونظرت له بترجي / استني بس يا حمزه هجيب حاجه 

نظر لها حمزه بتعجب 

فاشارت هي لمصطفي / تعالي يا درش نجيب مصاصه حلوه 

مصطفي بفرحه / آه نجيب مصاصه 

اخذت ياسمين يده ودخلت لبقاله عم حسين وجعلته يأخذ كل ما يريده ثم خرجت مع حمزه الذي جذبها لمنزلهم ففتحت هي الشقه ودخلت وهي تنزع حجابها بضيق بينما هو مازال ينظر لها بحاجب مرفوع 

ياسمين بغباء / إيه هي اللي بدأت 

اقترب منها حمزه بسرعه فركضت بسرعه وهي تصرخ / يا سعديه الحقيني 

وجدت حمزه يخطو لها بغضب شديد فصرخت/ هعملك الكابتشينو يا سعديه الحقييييني 

بينما حمزه بكل غضب صاح بها / بقي انا عمال ابصلك عشان توطي صوتك وانت مفيش كل اللي نازل عليكي هقتتتلللللك هقتلك 

خرجت سعديه من الغرفه وجدت ياسمين تقف علي الاريكة وامامها شاب يصرخ بها 

ثواني وكانت صرخه سعيده تشق الجدران / يا لهووووووي الحقونا يا خلللللق عيني علي شرفك يا بني  دي اخرتها يا معفنه لميناكي من الشارع وشغلناكي خدامه وعطفنا عليكي وبعديها جايبه عشقيك في البيت الطاهر الحقوووووتي يا ناس الحقووووني يا خلق البت عايزه تفضحنا

نظر لها حمزه ثم صرخ / يا ختي يا سوادك يا قرمط 

ثم حاول الاقتراب منها فصرخت اكثر / اثبت ياض مكانك بدل ما اعملك قضيه تحرش أجيبك الأرض 

حمزه وهو يتحدث إليها بمزاح / لا ابوس ايدك ام فاروق شايطه لوحدها مش ناقص 

سعديه بنظرات جاهله / مين ام فاروق دي شريكتكم 

ياسمين وهي تقترب منها / اسفين علي الازعاج يا سعديه تعالي يا حمزه اقتلني ارحم 

ضحك حمزه بشده 

فتحدثت سعديه وهي تتجه لهاتف المنزل / بتضحك طب اضحك بقي لما بوليس الآداب يجي يلمكم يا معفنين انتم هو انتم فاكرين البيت سايب  ولا إيه 

ياسمين وهي تسير لحمزه / خلاص يا حمزه امشي انت وانا هتصرف خمسايه كده وافتح مقابر العيله عشان سعديه طولت آوي فيها وجه وقت تقابل وجه كريم 

امسكها حمزه وشدها اليه وهو يضحك بشده / خلاص يا بت انتي هتعملي عقلك بعقلها 

ثواني وكان باب المنزل يفتح ويدخل رامي الذي نظر ليد حمزه التي تحتضن خصر ياسمين 

رامي وهو يستند علي الحائط بصدمه / رحمتك ياربي صاحبي واختي 

ثم نظر لسعديه / وستي كمان اللهم أجرنا يارب 

سعديه وهي تراه عاد فانطلقت له بفرحه / تعالي يا معفن شوف مراتك اللي عايز ترميني في دار مسنين عشانها خانتك مع اقرب صديق ليك

نظر حمزه بتعجب فتحدثت ياسمين ببرود / متقلقش هي غيرت المسلسل بس القصه لسه وآحده 

رامي وهو ينظر لياسمين بدراميه / للدرجه دي مهمتكيش مشاعري وجيباه في بيتي وفي انتريهي وقدام سعديه كمان اخص ودي وشك الناحيه التانيه يا سعديه شباب طايش هيفتحوا عينك 

والعجب نفذت سعديه أمره فنظر بحده لحمزه / كده يا حمزه بتفتح عين البنت

حمزه وهو ينظر لهم بقرف /يا حسرتك يا نورا في عيالك مفيش واحد فيهم عدل وسع كده خليني اغور 

ضحكت ياسمين وهي تنادي عليه / لوتفي استني يا لوتفي 

حمزه وهو يضرب كف علي كف / شكل البت سندس هي الوحيده اللي فلتت من موجه الهبل اللي اكتسحت اخواتي هو لبن امي فاسد ولا اي 

ضحك رامي عليه ثم نظر لياسمين / عملتي ايه عشان حمزه يجيبك من قفاكي كده يا بلوه 

ياسمين وهي تضحك علي اغضابها لحمزه نعم فهي أخته في الرضاعه فهي رضعت علي أحمد بسبب وفاه والدتها أثناء ولادتها 

ياسمين وكادت تتحدث فقاطعتهم سعديه / آيوه يا خويا كلمها بحنيه يا حنين وصالحها وسيبها تلوث شرفك الرجاصه بنت الرجاصه دي اللي كل يوم تجبلي رجاله البيت 

أشارت لها ياسمين / شوفت اهي عشان تشهد معايا  لما ريهام سعيد تيجي الحاره وتعمل لقاء عشان قتل جدتي بمقوار البتنجان 

ضحك رامي بشده /ربنا يهديكي يا ياسمين 

بعدما انتهي حمزه من جلسته مع حواره مع ياسمين  عاد للمنزل ودخل وجد المكان هادئ كثيرا ولكن وجد ابنه عمته عبير تجلس في الصاله الرئيسيه في الأسفل قرر تجاهلها وصعد الأعلي بينما هي كانت علي وشك ان تنادي عليه ولكنه تركها وصعد سريعا / اوووف تقيل بس علي مين ماشي يا حمزه طبعا نسيت نفسك عشان البت الامريكيه دي بس والله لوريها واوريك 

دخل حمزه لشقتهم وجلس حمزه في غرفته وهو يقرأ قرأن بصوته الذهبي وفي الخارج كان يقف احمد ويستمع اليه خرجت اميره من غرفتها لتشرب ووجدته يتنصت علي حمزه

اميره بصوت عالي / استغفر الله تجسس تجسس يا احمد يا الله ايه اللي بشوفه ده أحمد اخويا بيتجسس

احمد وهو يحاول غلق فمها /اششش يخربيتك أخرسي هتفضحيني ده متعملش كده في شريف منير لما كان جاسوس في ولاد العم

اميره بضحكه غبيه / بس انقتل في الاخر

ثم قالت وهي تنظر بدقه / كنت بتعمل ايه يا احمد واوعي تكدب

احمد بغيظ / اكدب ايه يا بنتي ده انا كنت بسمع حمزه وهو بيقرأ قرأن

اميره / وليه متدخلش تقعد جنبه

احمد /ملحقتهوش من الاول ومكنتش عايزه اقطع تلاوته

اميره وهي تتجه للمطبخ / تمام روح كمل تجسس يلا

نظر لها احمد بغيظ / الله يكون في عون اللي هياخدك ده ا نتي بلوه

خرجت من المطبخ وهي تمثل / لو مش عاجبك طلقني

ضرب احمد يد علي يد وتحرك لغرفته نظرت هي لباب غرفته / اروح اكمل انا مذاكره

تعلن شركه مصر للطيران عن وصول رحلتها للمتوجهه من العاصمه واشنطن لمطار القاهره ال دولي وترحب ب الساده الركاب

(كان هذا صوت المضيفه يصدح في صاله المطار) خرج كلا من محمد، ملك وصافي واوقف محمد سياره واعطاها عنوان لمنزله بينما صافي تتأفف منه ومن هذه الزياره ولم تكن تعرف انها ليست مجرد زياره......... 

استيقظت نور كعادتها لتحضر الإفطار كانت تتحرك بنشاط في المطبخ وهي تقوم بهذا وذاك ولكن شعرت بشخص يعانقها من الخلف توقفت عما تفعل وتحدثت ببسمه /كنت هتوقف قلبي

راشد وهو يشدد عناقها ويقبلها قبله رقيقه في رقبتها / بعد الشر يا قلبي

كانت نورا ستجيب ولكن سمعوا صوت من الخلف / جرا يا راشد هو انا كل يوم اقفشكوا في المطبخ غير يا اخي لو مش عشانك يبقي عشان ولادك السناجل

نظروا لهذه القزمه التي تدعي ابنتهم ضم راشد زوجته اكثر كأنه يغيظها /ملكيش دعوه انتي يا اوزعه اخرجي منها وبطلي شغل العفاريت ده مش كل ما اروح حته تطلعي منها

احمد وهو يدخل المطبخ ويخرج زجاجه مايه / عندك حق يا راشد والله دي في مره هتموتني من الخضه اقولك حاجه معرفتش تربي يا ابو حمزه

راشد وهو يركض خلفهم / انا فعلا معرفتش اربي يا جذمه انت وهي..... خدوا هنا أقف يلا

خرج حمزه من غرفته علي صوت ضوضاء تحدث بهدوء / صباح الخير في ايه يا جما.....

قاطع كلامه رؤيته لوالده يركض خلف إخوته ركض هو خلف والده ومنعه من الركض خلفهم وهو يضحك عليهم / اهدي بس يا ابو حمزه

راشد / دول ولاد كلب ما اتربوش سيبني عليهم الجذم دول

حمزه بضحك / ما خلاص بقي يا والدي اكيد دخلوا عليك المطبخ قطعوا لحظتك مع نونو

ترك راشد محمد واميره والتفت لحمزة /حتي انت يا جذمه انا معرفتش اربي فعلا

حمزه بضحك /اعمل ايه يا حاج مهي دي العاده خلاص بقي يا والدي سيب العيال احسن هيموتوا من الخوف 

أشار راشد لهم /دول مش بيحسوا اساسا انت بتقول ايه

خرجت نورا من المطبخ وهي تحمل الطعام وتضحك عليهم / خلاص يا راشد كفايه ويلا عشان تاكلوا

ذهب الجميع وجلسوا علي السفره تحدث احمد / انا انهارده مش هتغدا هنا يا حاج

نظر له بحاجب مرفوع / ليه الباشا رايح فين

احمد وهو يعدل ثيابه بتكبر / عندي اجتماع مهم

نورا بضحك / يا بني هو حد يعرفك غيرنا احنا ومراتك 

ضحك الجميع عليه

احمد / ايه يا حاجه انتي نسيتي اني دكتور قد الدنيا ولا ايه

نورا / لا منستش يا حبيبي ربنا يوفقك دايما ويسعدك يارب

احمد ببسمه / امين يا حبيبتي

راشد يغيظ / لم لسانك يا حبيبي

ضحك الجميع علي غيره ابيهم

وتحدثت اميره /وانا يا ست الكل مليش دعوه حلوه كده ده انا اكتر واحدة محتاجاها

ضحكت نورا ودعت لها هي واخوتها جميعا انتهوا من الإفطار وتوجه الجميع لعمله ولكن حمزه أراد المرور علي عطارة جده اولا ذهب لهناك وجد ابن عمه ورفيق دربه عامر فهو تخرج من كليه التجاره التي فضلها رغم حصوله علي مجموع يؤهله لطب ولكنه أراد أن يهتم بعطارات العائله /السلام عليكم ورحمة الله وبركاته

عامر ببسمه حب لهذا الصديق والأخ / وعليكم السلام ورحمة الله وبركاته اخبارك يا بشمهندس

حمزه ببسمه / الحمدلله فله يا باشا

عامر بضحك / باشا لا الواضح انك بقيت ابن سوق يا حمزه

حمزه ببسمه / امال يا كبير ده بعض ما عندكم

ثم نظر في ساعته / انا كنت جاي اشوف العطارة بس بما انك هنا ملوش لزوم هروح انا الشركه عشان المدير  عنده اجتماع خارجي

عامر وهو يربت علي كتفه/ ربنا معاك يا حمزه

ودعه حمزه وذهب متجها للشركه التي يعمل بها  والتي استطاع هو بقدرته وجهده ان يتقدم بها بشكل ملحوظ منذ عمله 

بينما في المنزل كان أحمد يلبس ساعته وهو يهبط للدور الأرضي وكانت فاطمه تجلس وهي تحمل سبحتها

احمد وهو يقترب منها مشاكسا / بطتي حبيبه قلبي عامله ايه انهارده

فاطمه / احسن منك يا خويا

احمد بضحكه علي جدته التي لم تفقد مشاكستها حتي مع مرور الوقت / اكيد احسن مني يا بطه انتي يا عسل

فاطمه وهي تلوي فمها / شوف الواد الا قولي ياواد يا احمد انت متشيك كده ورايح فين اكيد عن الجذمه ميار

ضحك احمد بشده حتي وجعته / ايه يا بطه بس بتشتميها ليه دلوقتي

فاطمه / المعفنة مفكرتش تسأل عليا بقالها كتير

احمد وهو يقبل يدها /معلش يا بطتي هي والله طلبت مني كتير اني اجبها بس انا مكنتش ببقي فاضي بإذن الله قريب هجبها ليكي يلا بقي استأذن انا عشان متأخرش يا بطه

فاطمه / شوف المعفن سابني ومشي ايه الملل اللي الواحد فيه ده اما اروح اصحي العجله ارخم عليها

دخل حمزة للشركه بكل هيبه تطغي عليه دائما تحت همسات الفتيات عليه و علي انه لم يرفع عينه في امرأه من قبل تجاهل هو همساتهم التي تصل له ودخل لمكتبه ولكنه فضل المرور علي مكتب السكرتيرة اولا حتي يأخذ الورق الذي طلب والده مراجعته طرق الباب ولكن لم يسمع رد ظن انها ليست بالداخل فتح الباب ودخل ولكن صدم مما رأي..................

هووووب خلص فصلنا انهارده متنسوش

فوت 🌟

كومنت ☁

توقعتكم للفصل الحاي خصوصا مقابله حمزه وعيله عمه وايه هي رده فعله لما يشوف مليكه

كل ده هنعرفه في الفصل الجاي

دمتم سالمين

رحمه نبيل ♥ ♥ 🌹💋❤❤🌹😍

#جميله_حد_الفتنه

#حياة_حمزة

#الفصل_الثالث

خذِ الأشياء التي تؤلمك على أنها هدايا من الله تذكر أن الله يحبك لهذا يبتليك ليطهرك من ذنوبك ليقربك منه فقل الحمدُ لله ♥️🌏

هما طريقان الطريق الأول : [ فَاذكروني ٲذكركم ]الطريق الثاني : [نسوا اللّه فأنساهم أنفسهم ]فـ لك حرية الاختيار🌼

صلوا علي من جلس علي ركبتيه يواسي طفل مات عصفوره صلوا علي الحبيب المصطفى صلى الله عليه وسلم 🌹🌹💕💕💕💕

نظر محمد بشرود للشوارع وحدث نفسه بندم / ياريتني ما سافرت وسيبت بلدي سافرت عشان أحقق نفسي بعيد عن اهلي واهو حصل بس للاسف خسرت عيلتي مراتي وبنتي كله ضاع رجعت ليكي وانا خسران مش كسبان زي ما فكرت رجعت ليك يا حج وانا مكسوف من نفسي وعيلتي يا تري هتقول ايه لما تعرف اللي بيحصل ليا تعبت من بعدك وضهري انكسر يا حاج افتكرت اني ببني نفسي بس للاسف انا كنت بهدها

خرج من شرود علي رنين هاتفه نظر له ببسمه حزينه ثم فتح المكالمه / الو......

نظر حمزه بصدمه ثم سرعان ما اخفض رأسه بسرعه وهو يستغفر ربه وصرخ بحده / ايه اللي بيحصل هنا

فزعت السكرتيرة ومن معها حيث كان معها احد زملائها في الشركه وكان مقترب منها بقذاره ويقوم بالفواحش فزعت السكرتيرة وهذا الرجل وحاولت ان ترتب ثيابها وحجابها بسرعه

وهذا الرجل فعل المثل حمزه بصوت حاول جعله منخفض / خلال دقيقه مشوفش وش حد فيكم هنا وتعدوا علي الحسابات تاخدوا مرتب اخر شهر احنا مش هنظلم حد 

ثم نظر للسكرتيره / وانتي لولا اني عندي بنات في البيت كنت فضحتك وكمان عشان والدتك المريضه لو كان اللي قولتيه حقيقه ومطلعتش كذبه

السكرتيرة بدموع / والله مش بكدب يا حمزه باشا والله والدتي...

قاطعها بحده /اخرسي وروحي خدي بقيت حسابك واتكلي علي الله اما انت (وهو ينظر للرجل) فأنا هتأكد اني اكتب لك تقرير يمنع اي شركه توظفك عشان قذارتك دي  وهخلي المدير يمضي عليه بنفسه لان مش اول مره اشوفك بتعمل كده بس المرات اللي فاتت كانت بره الشركة  وقولتلي انها زوجتك مع اني اشك بس معلش تتعوض اتفضل لم حاجاتك و بره الشركة استغنينا عن خدماتك

الرجل بغلظه / وانت مين عشان تطردني انت زيك زي هنا 

حمزه بشر وحده / والمدير وكلني بالشركه طول ما هو بره ولما يجي انا هقوله علي إللي حصل ونشوف رأيه في الموضوع 

نظر له الرجل بشرار وتوعد له ان يدمره ويجعله يندم علي ذلك تركهم حمزه ودخل مكتبه وهو يستغفر ربه علي ما رأي جلس بعض الوقت يقوم بعمله حتي تلقي مكالمه من جده نظر للهاتف بتعجب /الو السلام عليكم

كانت ميار تقف في المطبخ وهي ترتب السفره دخل احمد عليها وهو يشاكسها / ايه يا ميرو بس كل ده عشان غيرت نوع الشوكولا بقولك ملقتش اعمل ايه يعني

ميار وهي تنظر له بتحذير / متستهبلش يا احمد انت عارف انا زعلانه ليه

احمد وهو يمسك كتفها ويتنهد / والله يا ميار انا في بالي اني اخدك للبيت عندنا بس  في شويه ظروف حاليا قالبه البيت كله شويه كده يا قلبي والله وهاجي اخدك نروح مع بعض

نظرت له ميار بدموع شديده المت قلبه / هو انت مكسوف مني يا احمد

نظر لها احمد بصدمه كبيره كيف تفكر في ذلك الا تعلم كيف يعشقها اقترب منها بسرعه وضمها له بشده / اوعي يا ميار اوعي اسمعك تقولي كده تاني فاهمه انا اتكسف منك ده انا فخور بيكي يا قلبي انتي بقيتي ملتزمه وغيرتي نفسك للأحسن ودي حاجه كويسه افتخر بيها مش اتكسف منها 

ميار وهي تدفن وجهها في صدره / عشان انا كنت وحشه الأول وكنت علي طول بضايقك يا احمد

احمد بحنان يبدو أنه وراثه في عائلته / اديكي قولتي كنتي يعني خلاص مبقتيش يا قلب أحمد بعدين يا ستي انتي اي نعم طلعتي عيني في الأول بس ايه تستاهلي الصراحه

وغمز لها  بمشاكسه  ضربته في كتفه

فتأوه بتصنع / اه يا مفتريه انتي ايديك ايه مرزبه

ضحكت عليه وابتعدت كانت ستقول شئ ولكن قاطعها رنين هاتفه نظر له بتعجب كبير

ميار / ايه يا احمد مترد

احمد بتعجب /ده جدي يا تري فيه ايه......... الو السلام عليكم

................

احمد / ليه يا جدي  خير

.............

احمد / حاضر مسافه السكه وهكون عند حضرتك

أغلق احمد الهاتف ونظر لميار بتعجب شديد من كلام جده المبهم

ميار / خير يا احمد

احمد وهو ينظر لها بتعجب / جدي عايزنا نتجمع في البيت خلال نص ساعه

ميار / وفيها ايه

احمد بشرود / جدي مش بيجمعنا كدة من غير ترتيب الا لو فيه مصيبه.........

كان حمزه يقود السياره وهو يفكر فيما يريده جده من وراء هذا كله تنهد بوجع لفكره انه سيتم اجباره علي الزواج من احد ما هو يمكنه الرفض ولكن لا يريد ذلك حتي لا يعصي جده ويزعزع من صورته بين العائله فاق حمزه من شروده علي صوت سيارات عاليه وضوضاء نظر امامه بفزع وجد سياره تتحرك بلا هدف وتقترب منه حاول تفاديها ولكن لم يستطع ذلك وفي ثواني كان سيارته تتحطم من الجانب اصطدم حمزه في المقود فأصبحت الرؤية مشوشه جدا امامه

كان احمد في طريقه للمنزل ولكن جاءه اتصال من رامي فتوقف ليجيب ثواني وكان احمد يغير طريقه لاتجاه اخر دخل بسرعه كبيره وركض في رواق المشفي حتي وصل بغرفه وفتحها بعنف شديد ركض احمد لحمزه وهو يكاد يموت خوفا ويبكي / حمزه حصلك ايه مين اللي عمل كده طب انت كويس 

ثم نظر لرامي الذي يضحك عليه / هو ماله يا رامي في كسور ولا فيه حاجه محتاجه خياطه ماتتكلم يا بني آدم انتي بدل الضحك ده 

انفجر رامي بالضحك اكثر / ما خلاص يابني ما هو قرد قدامك اهو وصحته بومب 

حمزه وهو يخمس في وجهه / الله اكبر في عينك يا خويا

دخلت ممرضه بعدما طرقت الباب ونظرت لرامي بحرج / بعتذر يا دكتور بس فيه ست بتسأل عنك علي رقم المستشفي 

رامي بتعجب / ست؟؟؟ ست مين؟؟؟ تعرفي هي عايزه مني؟؟؟؟ 

الممرضة بحرج / احم بتقول انها تبقي جدتك ويا تيجي تاخد مراتك يا هي تطلب ليها العباسيه 

مسح رامي علي وجهه بضيق وتمتم /الله يسامحك يا سعديه ذنب سمعتي دي في رقبتك 

ضحك حمزه بشده / لولا حبي العميق لام فاروق لكنت طلبت ايد سعديه منك عسل ودمها خفيف كده  

رامي وهو ينظر له ويتجاهل ماحدث للتو / برضو عايز تخرج 

احمد باعتراض / لا يخرج ايه ماينفعش يخرج وهو كده خليه انهارده حتي 

حمزه وهو يستند علي الفراش ويحاول النهوض / لا خلينا نمشي جدك اتصل بيا وعايزنا في حاجه مهمه 

احمد وهو يساعده / آه ما هو كلمني فعلا طب براحه 

وانت ماشي بقي

حمزه وهو يستغل الوضع اسوء استغلال / اخوتي في الله براحه عليا عشان انا حساس

جذبه رامي بشده / يا أخي يلا خليني الحق ياسمين قبل ما تدفن سعديه وما الحقش اشوفها

ضحك حمزه واستند عليهم ثم سار معهم للخارج بعدما استأذن رامي وصعدوا للسياره متجهين للحاره حتي وصلوا وهبطوا وهم يسندون حمزه

كان يسير وهو يستند علي اخيه وصديقه ويتأوه / آه حاسب يا عم منك ليه اااااه يا رامي الله يعمر بيتك يا أخي

رامي بضحك / ما خلاص يا وحش بقي طول الطريق دوشتنا

كان عامر يقف امام عطارتهم فلمح ابن عمه وهو يستند علي رامي واحمد أخيه فركص سريعا وهو يتحدث بخوف / حمزه مالك يا حمزه ايه اللي خرشمك كده

حمزه بمزاح / اتشنكلت وانا ماشي

عامر بسخريه / اتشنكلت ايه يا راجل ده انت مبقتش نافع

حمزه وهو يستند علي رامي بألم / أصل اتشنكلت في حيطه بعيد عنك خدني ياض يارامي عندك في شقتكم احسن لو نورا شافتني كده هتعملي صوان وتاخد العزا فيا

ضحك احمد بشده فوالدته دائما ما تهول الأمور / طب امشي يا خويا امشي ده انت اتكسحت

حمزه وهو يستند علي الاثنين / آه عيني عليك يا حمزه اتحسدت يا غالي اه ياني يا ما براحه يا طور منك ليه اه ياني

زفر رامي بشده فحمزه يستغل الموضوع حتي يتأمر عليهم / امشي ياض احسن والله ارميك انا بقولك اهو

حمزه بمسكنه وهو يستند علي أحمد / شوفت يا ابو حميد القاسي ده بقي ده دكتور ده..... ده جزار

رامي بغضب / طب والله ل....

قاطع كلامه صرخه خرجت من فم فتاه نظر الجميع وجدها تلك الفتاه التي دائما تعترض طريق حمزه ومن غيرها هند

هند وهي تنظر بخوف لحمزه / بشمهندس حمزه مالك حصل ايه

حمزه وهو ينظر أرضا ويتحدث بخفوت وبرود وكأنه ليس الشخص الذي كان يمزح منذ قليل / احم الحمدلله يا انسه هند

هند بنبره بها دلال ودلع / إن شالله اللي يكرهوك يارب

استغفر حمزه ربه / متشكر جدا لحضرتك عن اذنك عشان مش قادر اقف

ثم رحل وهو يستند علي إخوته وهو يستغفر ربه من هذه الفتاه 

ابتعد عنها حمزه وهو يتجه للعماره التي يسكن بها رامي ولكن في طريقه وجد جارته ام سعاد تلك

ام سعاد وهي تشهق / يا سنه سوخه مالك يا حمزه ايه اللي عمل فيك كده

حمزه وهو يستند علي احمد ويتحدث مثل النساء / الحسد يا ام سعاد الحسد يا وليه يا رتني كنت وافقت علي سعاد يا ختييي يي واكلت صينيه البطاطس ولا رشقتيني عين وعماله تقوليلي طول وعرض وارتفاع لحد مابقيت احادي البعد يا ختي 

ام سعاد / طب والله يابني كنت خير شباب الحاره وجسمك  ما شاء الله عليه ولا عشر رجاله 

كاد حمزه يسقط فامسكه رامي بسرعه فصرخ حمزه / اجري ياض هتسخط قرد اجري 

خرجت ام فاروق علي صوت حمزه  / واد يا حمزه ينيلك ايه اللي حصل

حمزه وهو ينظر لها / كده يا ام فاروق هو عشان فشكلنا سوا تدعي عليا

ثم استند علي رامي وهو يتحدث بصوت يشبه صوت النساء العجوزه / النهايات اخلاق يا ام فاروق النهايات اخلاق يا ما اتحايلت عليكي نرجع لبعض بس انتي رفضتي مشيني يا رامي مش قادر أقف هنا قلبي بيوجعني كل ما اعدي علي بيت الاحباب

ضحك عامر بشده فحمزه دائما يقول علي أم فاروق جارته انها حبيبته ويمازحها دائما بأنه يريد الزواج بها 

صعد رامي واحمد بحمزه وخلفهم عامر بينما حمزه يولول مثل النساء / عيني عليك يا حمزه يا زينه شباب الحاره عيني عليك يا ضنايا ام سعاد رشقتك عين ما خابتش وقسمت الحجر نصين يا خويا اااااه يا ني ياما تعالي شوفي يا نورا خيره شباب الحاره وابنك حصله ايه آه ياني عيني عليك يا مسمسم يا قمر يا حمزه اه يا ام فاروق ياللي اتبهدلت من بعدك يا ختييييي اه يا سندس يام العيال تركتيني وحدي... وحدي تركتيني والله نفس الشي آيش هذا

فتح رامي الباب ثم دخل وهو يشتم في حمزه / يا أخي أخرس بقي دوشتنا من المستشفي لهنا استغفر الله

بينما احمد كاد يسقط اكثر من مره بسبب الضحك علي حديث أخاه

رامي وهو يساعد حمزه ليجلس / اترزع وريحنا

حمزه وهو يجلس ببطئ / براحه عليا ده انا ماما تعبت فيا

دفعه رامي بغضب / يا عم اقعد بقي يا عم

عامر وهو يضحك بشده علي ابن عمه / إيه يابني فقره الولوله اللي عملتها دي

حمزه وهو ينظر له ببرود / الله بواسي نفسي يا خويا بعدين مش يمكن ام فاروق لما تشوف حالي كده أصعب عليها وتقرر ترجع ليا

رامي وهو يضرب كف علي كف / يابني دي أكبر من جدتك

حمزه وهو يغمض عينه ويرجع للخلف / القلب ميعرفش سن يا رامي يا خويا وقلبي حب ام فاروق بس هي مصره تجرحه ببعدها عني آآآآآآه يا ام فاروق وحشتيني وحشتيني سنين بعدك علي عيني

نظر له رامي بقرف

فجأه خرجت ياسمين من المطبخ وهي كالعاده ترتدي عباءه وجاكت فوقها نظرت لحمزه / إيه ده يا حمزه مالك كده

حمزه بسخريه / لا أبدا اصلي لقيت رجلي ساده فقولت اما احط جبس كده يحليها

ياسمين وهي تأكل جزره وتتحدث بغباء / فكره برضو واهو منها تلم رجلك اللي في الرايحه والجايه تضربني بيها شوف ربك منتقم وجبار

حمزه  / حد يقلعني الجذمه ويرميها في وش البقره الحالوب دي 

ياسمين وهي تنظر له بتحذير / اشششش اهدي كده انت مش عايز سعديه تصحي وتطلب بوليس الآداب اخر مره كنت معايا فيها في الشقه قالت عليك عشيقي شوف بقي لما تلاقيكم انتم الاربعه هتقول ايه

ضحك احمد بشده علي السيده سعديه فهي تعاني زهايمر مزمن / والله يابنتي بتصعبي عليا كل يوم تنساكي وتهزقك مره خدامه ومره مرات حفيدها اللي هو اخوكي أساسا ومره واحده خطفاها 

ياسمين / هانت اهي وتروح تقابل رب كريم 

حمزه وهو ينظر لها بقرف / إيه يابت اللي انتي عملاه في نفسك ده

ياسمين وهي تمسك الجاكت بفخر / عجبك 

كاد حمزه يجيب لولا سعديه التي فتحت باب الغرفه بسرعه كبيره وصرخت بهم / ها... افشتكم يا بتوع الدعاره والهشك بشك يا بتوع وحده ونص والليل وآخره وطلبت بوليس الآداب وزمانه في الطريق وابقوا ورووني بقي هتعملوا ايه 

حمزه وهو ينظر لهم / هيهيهيهيهيهيهي دي شكلها ليله فله يا معلمي

فجأه سمع الجميع طرف عنيف علي الباب 

احمد وهر يولول / سعديه عملتها وبلغت يا ختييييييييي 

سعديه وهي تتجه للباب بسرعه ولهفه / اهو جالكم اللي يلمكم يا كلاب والله والحارة هتنضف من أمثالكم 

حمزه بمزاح / مينفعش كده يا سعديه هاتي حجرين وارجمينا بيهم عشان ترتاحي خالص 

فجأه فتحت سعديه الباب وصاحت بصوت عالي / اهم يا حضره الظابط أتفضل حبستهم جوا عشان ميهربوش 

نظر الجميع وجد بعض الشرطي تدخل للمنزل 

احمد / عيني عليك يا احمد ياللي سمعتك بقت في الأرض بسببك يا سعديه 

ياسمين وهي تنظر لسعدية بشره / طب جنايه بجنايه بقي سجل عندك يا حضرة الظابط قضيه قتل 

ثم انطلقت الي سعديه ولكن امسكها رامي وهو يجذبها تحدث الشرطي المسئول /فيه إيه هنا ومين اللي قدم البلاغ 

انتبه حمزه علي صوت الشرطي ونظر له بتعجب / أندرو 

انتبه الشرطي لع وتحدث بصدمه من وجوده هنا والمفترض انها شقه لأعمال مخله / حمزه يخربيتك بتعمل ايه هنا 

سعديه وهي تشير له / ده القواد بتاعهم هو اللي بيجيب الرجاله اه والله في الاول كان لوحده وشويه شويه بدأت الرجاله تزيد جه بعده الواد المسمسم ابو عيون ملونه واخر واحد جه هو الواد ابو عضلات ده وحفيدي الأهبل سايبلهم مراته والبيت كده سداح مداح 

نظر أندرو لحمزه وانفجر ضاحكا / يخربيتك يا حمزه ايه يابني اللي بيحصل هنا 

حمزه وهو يتحدث بمزاح / هقولك يا اندر 

أندرو بعصبيه / اسمي أندرو يا خويا بلاش فضايح هيبتي تروح كده 

ضحك حمزه ونظر له وهو يقص عليه حاله سعديه 

بعد مرور ساعه انتهي فيها حمزه من كل شئ وعاد مع احمد وعامر للمنزل 

كان يجلس بكل هيبه في مقعده الذي يتوسط المجلس وينظر للجميع بهدوء كبير وهيبه تطغي كان الجميع ينظر لبعضه البعض لعلهم يعرفون سبب التجمع ولكن خاب ظنهم فلا احد يعرف

كسر راشد الصمت حينما قال /خير يا حاج جمعتنا كلنا ليه

نظر له الحاج سعيد بهدوء وهز رأسه ثم تحدث / الكل موجود هنا

تحدثت فاطمه كالعاده / ناقص العجله والبقرة الكبيره يا حاج

نظر لها بتعجب وصدحت ضحكه احمد واميره وندي الذين لم يتحملوا السكوت تحدثت ندي يضحك / قصدها عبير وعمتو يا جدو هههههههههههههه

هز رأسه بيأس علي زوجتة التي حتي الآن لم تتخلص من تصرفاتها الطفوليه / حد يطلع ينادي ليهم لان سامية بالذات لازم تسمع كلامي

وقفت سندس ونظرت باحترام لجدها / انا يا جدي هروح اناديهم عن اذن حضرتك

اذن لها الجد وصعدت للاعلي لكي تحضرهم غابت عشر دقائق ثم عادت مع والدتها التي تتحرك بعدم مبالاه وعبير التي تتأفف من هذة التجمعات

نظر سعيد للجميع بغموض وخاصه ابنته ساميه / جهزوا حالكم لان ابني علي وصول هو وعيلته

نظر الجميع بصدمه بهذه السرعه أقنعه حينما قال بانة سيحضره لن يصدق احد وتجاهلوا الموضوع ولكن بهذه السرعه نظرت ساميه بشر لهم جميعا / يعني صفيه هترجع تاني يا مراحب بالحبايب..............

اغلقت الهاتف ونظرت بجانبها لهذا الشاب الوسيم  / أسر

نظر لها هذا الشاب  /نعم يا قلبي

هي بشرود / اجهز عشان هنرجع مصر.......

نظر الحاج سعيد لابنته بنظره تعرفها جيدا / محمد وعيلته يتعاملوا احسن معامله هما زيهم زيكم هنا كلامي واضح

هز الجميع رأسه بموافقة

نظر الجد لحمزة يحاول الوصول لما يفكر فيه ولكن لم يستطع مرت حولي خمس دقائق سمعوا فيها صوت توقف السياره في الخارج شعر حمزه بضربات قلبه تزداد لهذا اللقاء هل يمكن أن يكون كلام سندس صحيح وتكون زوجته المرتقبه كما تمني نهض الجد والجميع واتجهوا للباب ثواني وسمع بكاء جدته وهي تعانق عمه ورأي عمه يبكي وهو يعانقها والجميع متأثر حاول أن يري أين هي زوجته المرتقبه ولكن لم تتبين له انب نفسه داخليا لمحاولته تلك فهي لا تحل له كي يستبيح النظر لها 

محمد ببكاء وهو يعانق والدته / سامحيني يا أمي سامحيني علي بعدي ده كنت فاكر اني هبني نفسي بس كنت غلطان يا أمي سامحيني

عانقته فاطمه بدموع ام لم تري ابنها منذ اكثر من خمسه عشر عام يكاد يصل لعشرين عام / ولا يهمك يا ضانيا كفايه انك معايا وفي حضني دلوقتي

ابتعد عنها محمد وتوجه لوالده وعانقه بشده وبكي / سامحني يا حاج لاني خذلتك

ربت الحاج سعيد علي ظهره بقوه / متقلقش يا ولدي كل حاجه هتكون زي ما انت عايز واكتر

ابتعد محمد عن والده بتعجب / ازاي يا ابوي

نظر له نظره غامضه / بعدين يا ولدي بعدين هقولك

ثم نظر خلفة لهذه المرأه التي لم يرتاح لها منذ زواجها من ولده / اهلا يا ام ملك اخبارك

نظرت له بتكبر / بخير يا حاج

فاطمه وهي تجذبها وتعانقها / ازيك يا مرات ابني اخبارك يا حبيبتي

ابتعدت عنها صوفي بتذمر / بخير شكرا

نظر لهم محمد باسف علي تعامل زوجته البارد 

بعد ترحيب كبير بهم 

الحاج سعيد / اتفضلوا يا جماعه ادخلوا جوه

دخل الجميع الي حيث يجلس الشباب قام الحاج سعيد بتعرفيهم علي عمهم وزوجته وجلس الجميع يرحبون بهم وحمزه يبحث بعينه عنها بدون اراده منه  ولكن لم يجدها لاحظه جدة / امال فين الباقي يا محمد

محمد وهو يولي انتباهه لوالده / ملك بره يا حاج وجايه هي بس وقفت تاخد نفسها بره بسبب الطريق الطويل ده

نظر للباب خلف والدة ثم فتح عينه بصدمه نظر الجميع لما ينظر له وجد فتاه تضع ميكب صارخ وترتدي ثياب اووبس عفوا هل قلت ثياب بل ترتدي قطعه قماش حيث كانت ترتدي شورت جينز قصير جدا جدا وتيشرت لا يصل لمنتصف بطنها التي ترسم عليها تاتوه علي شكل فراشه وكانت تحمل البالطو الذي خرجت به من بيتها نظرت لهم بملل ثم تقدمت وهي تتمختر في مشيتها نظر لها الجميع بصدمه العمر ما هذا الذي يرونه هل خرجت من مجله فاضحة ام ماذا اخفض الرجال رؤسهم بسرعه وخصوصا حمزه الذي تحطم قلبه واحمر وجهه خجلا وغضبا مما رأي الان ونهض سريعا وذهب دون أن يستمع لاحد او يستأذن جده كعادته غادر بسرعه ولم ينظر خلفه ولم يري هذه التي فتنت بملامحه الوسيمه حد اللعنه نظرت له باعجاب كيير هذه أول مره تري احد من هذا النوع التفتت للجميع ونظرت لهم باستنكار لنظراتهم / هاي

لم يجب احد سوي صرخه فاطمه التي رنت في البيت / يا ختي يا ختي يا ختي يا ختي ايه الهباب ده يا مجصوفه الرقبه انتي ايه اللي عملاه في نفسك ده يا قليله الحيا ثم اخذت مفرش السفره وركضت لها غطتها / استري نفسك يا بت انتي ده انتي لو مقفوشه آداب مش هتكوني كده انتي ازاي نزلتي مصر كده ولا مشيتي في الشوارع كده

دفعت ملك المفرش عنها والقته وتحدثت بملل / في ايه انا كنت لابسه البالطو ده وبعدين وايه يعني امشي كده هو ممنوع

صدح صوت الحاج سعيد / لا حرام يا بنت ابني

نظرت ملك لهذا الرجل وللحق لأول مره تشعر بالخوف هكذا ولكنها تجاهلت هذا الشعور ثم تحدث بملل / فين اوضتي عشان تعبانه من السفر

الحاج بحده / سندس

سندس وهي تنتفض برعب / نعم يا جدي

الحاج سعيد / وري بنت عمك شقتهم فوق وخدي مرات عمك معاكي عشان عاوز عمك في موضوع ويلا كل واحد يتكل علي مشاغله والعشاء كلكم تكونوا متجمعين

ثم نظر لراشد / ابقي قول لحمزة ميتأخرش علي العشا

ثم سار جهه المكتب / الحقني يا محمد علي المكتب

بعد رحيله نظر احمد لعامر بحزن علي ما حدث لاخيه بينما أشار له عامر للحاق به فهو يعرف أين سيكون حمزة الان

نظرت سندس لملك وصوفي بخجل / اتفضلوا معايا اوريكم شقتكم

وسارت تجاه السلم

ملك باستنكار / هو احنا هنطلع كام دور

سندس ببسمه / دور عمي محمد في التالت

صوفي بتذمر / no way انا اكيد مش هطلع تلات أدوار كده

بلعت ملك ريقها بخجل /لا في اسانسير اتفضلوا

ركبوا الاسانسير وصعدوا للشقة

سندس وهي تشير للشقة / اتفضلوا دي شقتكم

ملك ببجاحه / طب شكرا يا اسمك ايه انتي خلاص عرفنا الشقه

نظرت سندس بخجل لهم / احم طب اسيبكم تستريحوا عن اذنكم

ثم هبطت علي السلم حتي تساعد النساء في العشاء شعرت بشئ يسحبها للداخل كادت ان تصرخ ولكن وجدت نفسها في شقه عمها راضي وان من سحبها هم ندي واميره

اميره / قولي ياسندس البنت اللي فوق دي قالتلك ايه لما طلعتيها

ندي وهي تديرها لهم / والحاجه صفيه قالت ايه

إدارتها لها اميره / وليه طلعتوا في الاسانسير

ندي وهي تديرها لها / وليه اممممم لا معرفش حاجه

ثم ادارتها لاميره مجددا

سندس بصراخ / بسسسسس ايه دوختوني يا زفته منك ليها اوعي كده هنزل اجهز الاكل معاهم ويلا حصلوني

تركتهم وهبطت للاسفل نظرت مدي لاميرة بخبث / مش عارفه ليه حاسه اننا هنتسلي اوي بالبنت دي

اميره / بس دي هتبقي مرات حمزه

ندي / يبقي تتعلم الأدب دي هتاخد رمز الحنيه في بيت الحاج سعيد لازم نعلمها ازاي تتكلم كويس مشوفتهاش ازاي كلمت تيته وجدو

اميره / تفتكري

ندي / افتكر اوى

ثم تحدثت بخبث ده احنا هنتسلي موت كلمي ياسمين عشان هنحتاجها  

كان يجلس ويضع وجهه بين يديه ويفكر كيف كيف يمكنه ان يتزوج هذه الفتاه ولما جده مصر هكذا سوف يموت من فكره ان هذه الفتاه التي يبدو للاعمي انها لاتعرف شئ عن دينها ابدا

شعر بجلوس رفيق دربه بجانبه صديقه منذ الطفوله الذي يلجأ له دائما في اي شئ يحدث له

رامي وهو يربت علي كتفه / اهدي ياحمزه اكيد جدك عمره ماهيأذيك

نظر له حمزه نظره قتلته / انت مشوفتهاش يا رامي دي...

صمت بألم شديد فهو لا يجب أن يتحدث عنها فهي قبل أن تكون زوجتة المنتظره فهي ابنه عمي

علم رامي ما بقلبه عانقه بشده / هتتعدل والله يا صاحبي وربك هيحققلك حلمك مين عارف مش يمكن تكون من جواها كويسه متحكمش علي الشكل

نظر له حمزه بعين دامعه علي حلم ضاع من يده علي الزوجه التي طالما تمناها

سمعوا طرق للباب نهض رامي وهو يتحدث بمزاح / تلاقيهم فرقه مكافحه الشغب

فتح الباب وجد احمد يقف بطريقه مضحكه مثل النساء وتحدث بمزاح / روميو قلبي فينك يا وحش مش باين من ساعه كده 

رامي مجاريا لهم فهو واحمد مصدر للمزاح في هذة الشله / انتي اللي مش باينه يا بت من آخر مره

وغمز له بمشاغبه ضحك احمد مثل النساء / بس بقي بتكسف

دفعهم عامر بملل منهم / اوعي انت وهو من وشي

وقع احمد علي رامي

تحدث احمد / اه ياقاسي

ثم وضع يده حول عنق رامي وتحدث وهو يرمش بسرعه مثل النساء الخجوله / شايف مهما الف برجع لحضنك في الاخر

عانقه رامي بدراميه / اه يا جذمه رغم انك دايره علي حل شعرك بس بحبك يا كلبه

احمد / بموووووت في الشتيمه وبخني 

عامر من الداخل / والله اما اتلميت انت وهو ودخلتم لاطلبلكم بوليس الآداب يا قذرين واظن انكم جربتوه من شويه او هنادي سعديه ليكم وهي تتصرف 

اعتدل احمد في وقفته هو ورامي ثم توجهوا للداخل وجلسوا بحانبهم وجدوا عامر يحدث حمزه / اسمع يا حمزه انت عارف جدك كويس اوي عمره ما هيأذي حد فينا عاش عمره كله همة علي عيلته وبيته ودايما اول شخص كنا بنلجأ ليه في المشاكل لأننا عارفين عقله يوزن بلد اكيد مش هيضرك

نظر له حمزة وهو يأخذ نفسه ويهدئ نفسه صمت قليلا يفكر في الأمر هو يثق في جده ثقه عمياء نظر لعامر / معاك حق انا مش لازم ازعل اكيد ربنا له حكمه في كل حاجه اللي فيه الخير يقدمه ربنا 

رامي باستنكار / لا يا راجل امال انا كنت بقول ايه من شويه ما هو هو نفس الكلام

حمزه بمزاح / لا كانت منه احلي عشان كده اقتنعت

كاد. رامي يتحدث لولا أن سمعوا صراخ يأتي من خلفهم / الحقوني حراااااااااااامي

خرج محمد من عند والد وهو يفكر في كلامه هل ستقبل ابنته بهذا الزواج ام ماذا يجب أن يحدثهم بأسرع وقت خاصه ان والده طلب ان يكون كتب الكتاب اخر هذا الأسبوع للحق هو لم يفكر ولو للحظه في الرفض خاصه انه كان منذ قدومه يفكر في تصفيه شركاته ويستقر هنا غير انه يعرف حمزة جيدا ولن يجد لابنته خير منه ابدا الان فقط بقي عليه مهمة اقناعها اخرج هاتفه واتصل بشخص معين وتحدث معه لساعات وساعات حتي انتهي من المكالمه وصعد المهمة الصعبه الان اقناعهم بالزواج

نظر الشباب لهذا الصوت الذي يصرخ

ركض رامي لهذه المرأه وحاول منعها من الصراخ / اهدي يا حاجه مش كل يوم تلمي علينا الحاره كلها

الحاجة سعديه  /الحقوني يا خلق حرامي لا دول عصابه يا لهوي هيسرقوني ويغتصبوني

احمد وهو يلطم / يخرابي سكت ستك يا عم رامي نغتصب مين يا خراب بيتك يا احمد لتاني مره في نفس اليوم يا سعديه 

عامر بحده / يعني مش كفايه صويتها هتصرخ انت كمان

ثم اقترب من سعديه / يا حاجه سعديه ده.....

قاطعه صراخها وهي تختبئ في الزاويه / لا ابعد عني خد دهبي خد كل حاحه بس سيبني ابوس ايدك معندكش اخوات

ضحك احمد بصخب / اخوات هههههههههه اه يا قلبي هموووت يا حاجة انتي اكبر من فاطمه هههههههههه

سعديه / مين فاطمه دي كمان دي واحده اغتصبتوها

رامي وهو يحاول جعلها تكف عن الأحدث / يا سعديه كفايه فضايح يا حجه ابوس ايدك خلاص

سعديه / انت مين

رامي / انا حفيدك يا جدتي 

سعديه وهي تضربه بالقلم / بقي كده يا معفن ترمي جدتك في دار المسنين عشان مراتك مش طيقاني بس والله اكون عامله لكم عمل يجيب أجلكم انت والحربايه مراتك

رامي وهو يضع يده علي خده / اهدي يا حجه دار مسنين مين بس ومراتي مين انتي مينفعش اسيبك تسمعي مسلسلات تاني

سعديه / ايوه قول كده انك عايز تمنعني من متعتي الوحيده في الحياه يارب انت شايف يارب حفيدي اللي باقيلي في الدنيا مش طايقني

رامي / طب كويس انك صدقتي اني حفيدك

سعديه وهي تصفعه مجددا / امال فاكرني كبرت وخرفت يا ولد وبعدين مش كل يوم تجيبلي صحابك وتقضوها مخدرات ونسوان في البيت

حمزه بضحك / الحق جدتك يا عم رامي دي بتشيلنا ذنوب واحنا قاعدين

نظرت له سعديه بتسبيل / الا ياض يا معفن انت مين الحليوه ده

نظر لها حمزه ببسمه علي كلامها

رامي بملل / ده حمزه صاحبي يا ستي

سعديه / وانت يامعفن تعرف الأشكال اللي تفتح النفس دي منين وبعدين مين ابو عضلات اللي جانبه ده

ضحك احمد علي حديثها

سعديه / اما انت يا عسل يا ابو عيون ملونه فأنت سكره

احمد وهو يامة لها وقبلها قبلة في الهواء / والنبي انتي اللي سكر ههههههههه

رامي وهو يسحبها للداخل / تعالي يا سعديه تلاقي المصارعه اشتغلت اتفرجي عليها

سعديه / اه صح هاتلي المصارعه بسرعه انهارده نصف النهائي

رامي بتذمر / نصف نهائي طيب ادخلي يلا

ضحك الجميع علي هذه السيده التي رغم أنها لاتتذكرهم معظم الوقت الا انها دائما تضحكهم وتحبهم جدا هذا عندما تتذكرهم

بينما حمزه شرد قليلا وهو يفكر في المستقبل وما هو اتي وقرر في نفسه ان يتحدث مع جده 

هوووبب خلص الفصل اتمني اعرف رأيكم فيه مستنياه علي نار 🔥 وعايزه اعرف رأيكم فيا في الروايات الاجتماعية والعائليه حلو ولا مكملش 

متنسوش 

فوت 🌟 

كومنت 💭 

دمتم سالمين 

رحمه نبيل

جميله_حد_الفتنه

حياة_حمزة

الفصل_الرابع

_كلمني عن الله؟

=هو الملجأ الوحيد،وأقرب إلينا من حبل الوريد،يري ذلاتنا ولا يفضحنا،يسترنا ويغفر لنا ويردنا إليه ردا جميلا♥️🌍

‏ياعبدي أنا معك ، إن جافوك فأنا حبيبك و إن آلموك فأنا طبيبك ،♥🌏

صلوا علي من جلس علي ركبتيه يواسي طفل مات عصفوره صلوا على الحبيب المصطفى صلى الله عليه وسلم 🌷🌷

خرج محمد من شقته واتجه لاسفل وهو يخبر نفسه انه لم يخطئ قراره ابدا كل مافعله صحيح هذا لمصلحه ابنته وجد محمد  اخيه راضي يهبط أيضا 

راضي وهو ينادي عليه / محمد محمد انت يابني  واخد في وشك ورايح فين

محمد وهو ينظر باصرار / رايح اظبط لكتب الكتاب

راضي بتعجب / هو بابا لحق قالك وانت وافقت بسرعه كده مش فاهم 

محمد وهو يسير معه / مكدبش عليك يا راضي انا فرحت ان بابا طلب كده مني جدا انا عمري ما هأمن علي بنتي غير مع حمزه عايز ابعدها عن كل حاجه ممكن تأذيها اكثر  وانا عارف ان حمزه  راجل وهيبقي قد المسئوليه وكمان انا كنت ناوي اني اصفي اعمالي في أمريكا وارجع لبلدي كفايه غربه كده

هز راضي رأسه وهو يفكر في هذا الزواج يتمني الا يسبب اي مشاكل بينهم هم في غني عنها

خرج حمزه واحمد وعامر وهم يضحكون علي جده رامي

احمد / مش معقوله سوسو كل مره كده تطلبلنا  بوليس الآداب

ضحك حمزه وهو مازال يستند علي عامر بسبب جبس قدمه  / ده اذا مبلغتش الأول علي رامي انه بيعذبها هو ومراته هههههههههه

نظر عامر لهم وابتسم / طب يا حمزه انت هترجع البيت ولا ايه

حمزه وهو يزفر بضيق / لا هروح العطارة اقعد هناك شويه

عامر / تمام  انا جاي معاك هتيجي يا احمد

احمد وهو ينظر في ساعته / لا انا عندي محاضره كمان ساعه ونص يدوب اغير واروح عشان اجهز للمحاضرة يلا سلام

عامر وحمزه / سلام

توجهوا للمحل وجلسوا قليلا  عامر / قولي يا حمزه انت مش ممكن تحاول تقرب من بنت عمك يمكن تكون كويسه اعرف هي اية من جوه يمكن تحبها مين عارف

حمزه وهو يزفر / مش عارف يا عامر انا طول عمري محوش حبي في قلبي لزوجتي بس ومتخيل اني اول ما اشوفها تلقائيا حبي هيتوجهه ليها بس مش عارف ليه قلبي مش مايل ليها 

عامر وهو يضع يده علي كتفه / يمكن عشان انت شاغل نفسك بأنك مش هتتأقلم معاها ومش هتعرف تحبها فقلبك وعقلك الباطن ماشين وراك

حمزه / اه يا عامر يارب تعدي الايام دي علي خير جدك بلغني امبارح ان كتب الكتاب بعد يومين يا عامر

عامر بصدمه ولكن حاول مداراتها / لو تسألني رأي فده  افضل عشان تعرف تقرب منها وتفهمها اكتر وهي حلالك يا صاحبي

نظر له حمزه ببسمه / ربنا يديمك ليا يا عامر من غيرك انت وأحمد ورامي مش عارف مين كان هيهون عليا الايام دي

عامر بضحك / سعديه انت نسيتها اخص عليك

حمزه / سعديه دي والله حكايه يا جدع ههههههههههه

نظرت ملك لأمها بغضب/ انتي هتسيبي الجوازه دي تتم

صوفي بعدم اهتمام / وانا اعمل ايه يعني باباكي عمره ما هيرجع في رأيه ابدا فارتاحي

نظرت لها بشرر كبير / بس انا بقي مش هخليها تعدي بالساهل كده

كانت فاطمه تجلس في الصاله تقرأ الورد الخاص بها حتي انتهت وقرأت ورد إضافي ثم جلست بملل ولكن تهللت اساريرها عندما رأت عبير تهبط الدرج وهي تنظر في هاتفها

فاطمه / الله عبير جات هتسلي شويه

جاءت عبير ونظرت لها بتعجب علي بسمتها هذه وجلست علي الاريكه في بهو المنزل ونظرت في هاتفها اقتربت منها فاطمه وهي تنظر لهاتفها / بتعملي اية يابت يا عبير وريني معاكي

نظرة لها عبير بدهشه / ايه ده يا تيته انتي بتقولي عبير كده عادي من غير عجله

فاطمه / بقي كده يا عجلة مش عاجبك وكده مش عاجبك اعملك ايه يعني

عبير بملل /ما كنا مستريحين لازم عجله وتهزيق

فاطمه وهي تنظر لها بتذمر/ غوري يابت من وشي كده

نظرت وجدت حمزه يدخل للمنزل بساعده عامر 

نظرت عبير بفرحه له / حمزة ازيك

حمزه وهو ينظر في الأرض / الحمدلله يا عبير بخير

ثم نظر لجدته / ها يابطتي قرأتي الورد

فاطمه / اه يا حمزه بس فيه ايه كده مش فاهمها

حمزه /( أيه ) ايه يا بطه تعالي نقعد جوه ونشوفها مع بعض يا جميل إنت، دخلني ياض يا عامر عشان اشوف بطتي 

فاطمه وهي تضحك / يوه جتك ايه اتلم ياواد يلا تعالي فسرها ليا

ضحك عامر / خدامك انا صح 

حمزه وهو يضحك / يووووه يا عموري بقي استحملني يا أخي 

سمعت ياسمين صوت طرق علي الباب فذهبت لفتح الباب بينما كانت سعديه تختبئ عند غرفتها حتي تقبض عليها بالجرم المشهود مع عشيقها السري نظرت سعديه جيدا وجدت ياسمين تفتح الباب وشخص يدخل 

تحدثت سعديه بغيظ/ وكمان بتجيبيه البيت يا كلبه طب والله المره دي لافضحك في الشارع 

تركت ياسمين الباب مفتوح واشارت للرجل ليدخل المطبخ ثم انتظرت هي في الخارج 

ركضت سعديه لغرفه رامي الذي كان يتحضر للخروج

دخلت سعديه بحرص وهدوء وهمست له / الحق يا خويا مراتك بتستغفلك وجايبه راجل البيت 

زفر رامي بضيق / ارحمي امي يا سعديه انا هنشل منك بعدين انا لسه محسابتكيش علي موضوع المكالمه بتاعه المستشفى وفضحي ماشي 

سعديه وهي تجذبه / بطل رغي خلينا نقفش مراتك بالجرم المشهود 

رامي بملل وهو يخرج معها / تلاقيه احمد ولا ح..... 

قاطع كلامه رؤيته لياسمين تقف مع شاب غريب 

رامي بصراخ / شرففففففففي 

سعديه بفرحه / شوفت انا قولتلك 

ياسمين بجهل / شرفك مين يابا فيه إيه 

رامي وهو يشير للشاب / مين ده يابت انتي 

ياسمين / ده عطوه ابن ابو عطوه بتاع الانابيب جه يغير الأنبوبة

نظر رامي لها بغموض ثم اخرج بعض الأموال واعطاها للشاب / متشكرين يا عطوه أتفضل انت 

هز عطوه رأسه وخرج 

ثم نظر رامي لياسمين وتحدث بجديه / ينفع كده تدخلي شاب غريب البيت 

نظرت له ياسمين بتعجب / بس انت هنا يا رامي وانا سيبت الباب مفتوح 

رامي وهو يزفر بضيق وينظر في ساعته / ماشي يا ياسمين كلامنا منتهاش لسه هخلص مشواري ونرجع نتكلم ولحد ما ارجع مش عايز تفتحي الباب احد غريب 

هزت ياسمين رأسها بطاعه فرحل رامي ذهب لحمزه وخلفه تتحدث سعديه بسخريه / هو ده اللي ربنا قدرك عليه يا خويا اشحال اننا قفشناها مع الراجل 

نظرت لها ياسمين بدقه / هو انتي بقي اللي دخلتي حمتيه عليا 

سعديه بخوف من نظرتها / مين انا ليه يابنتي كده ده انت بعتبرك زي حفيدتي بالضبط

ياسمين بسخريه / والنبي ايه

هزت سعديه رأسها ببراءه 

نظرت لها ياسمين ثم ذهبت للمخزن فنظرت سعديه جيدا لتري ماذا تفعل فوجدتها تخرج مع منفضه السجاد وهي تتحدث بغل / تعاليلي بقي يا سعديه عشان انتي طولتي علي المرحوم جدي وهو جالي في الحلم وقالي ابعتيلي سعديه يابت يا ياسمين عشان وحشتني وانا مش برفض كلمه لجدي الله يرحمه ويبشبش الطوبه اللي تحت راسه 

سعديه وهي ترجع للخلف وتبتلع ريقها / مين محروس 

ياسمين وهي تتقدم بشر / الله ينور عليكي الحاج محروس 

سعديه / الله يرحمه الغالي كانت آخر وصيه ليه بيقولي اتجوزي وعيشي حياتك يا سعديه ومتوقفيهاش عليا كان طيب 

ياسمين وهو تقترب اكثر / اهو الطيب ده بقي مستنيكي في الاخره عشان شافك كده معذبه نفسك بغيابه ومش عارفه تتخطي موته فقال ياخدك عنده يريحك ويريحنا

سعديه / لا والله انا اتخطيته وكمان مستريحه هنا ده انا حتي كنت بفكر اني اتجوز 

ياسمين وهي تنظر لها بصدمه / تتجوزي يا سعديه هي وصلت لكده شربتي بانجو ولا لسه يا سعديه

ركضت سعديه بغرفتها وهي تصرخ / والله اكون فضحاكي في الحاره يا معفنه انتي 

ركضت لها ياسمين وتحدثت بردح / تتجوزي ايه يا سعديه ده انتي رجل في الدنيا والباقي في الاخره ده انتي ميته ميت مره قبل كده وخارجه من القبر تشمي هوا شويه يا شيخه ده انا اللي صغيره ولسه حتي متخطبتش 

سعديه بسخريه / مش ذنبي انك بايره ومحدش معبرك 

ياسمين بسخريه اكثر /حوش حوش طوابير العرسان اللي سدت مدخل العماره 

سعديه وهي تتحدث بهيام / لا منا جالي عريس وعايز معاد من رامي 

ياسمين بصراخ / احيييييييه افتحي الباب يا سعديه افتحي ياختي تتجوزي مين انتي تتجوزي وياتري مين العريس 

سعديه بخجل / هو كان عايز يتقدم وكده بس انا اتكسفت اكلم رامي انتي عارفاه هو عم أيوب 

ضحكت ياسمين بشده / عم أيوب بتاع الساعات 

سعديه ببسمه وهي تضع يدها علي وجهها /آه هو والصراحه انا موافقه 

ياسمين بتأثر ساخر  / كبرتي يا سعديه كبرتي وتتجوزي وتسيبينا يا ضنايا 

توقفت ياسمين قليلا ثم ابتسمت بخبث / تسيبنا.... امممم والله مش بطال لو اتجوزت هستريح منها 

ثم تحدثت بخبث / طب يا سوسو انا هقنع رامي يا عروسه 

ثم ذهبت لتكمل عملها 

انتهي حمزه مع فاطمه ثم اتجه للمكتب حيث جده وهو يفكر في شئ لقوله لا يعرف كيف يبدأ معه الكلام ويخبره انه لا يميل لابنه عمه كيف يفعل ذلك بحق الله فتح حمزه الباب بعدما سمع اذن جده دخل وهو يهيئ نفسه جيدا للأمر ولكن حالما دخل المكتب وجد جده ينهض ويتجه اليه ويعانقه بشده ويتحدث بحنان / متعرفش يا ولدي بموافقتك دي حققت حلمي إزاي من صغرك وانا نفسي تتجوز بنت عمك وفرحت آوي انك وانت صغير شوفتها وحبتها وكنت دايما تشيلها وتجري بيها وترفض ان عامر او احمد يلمسوها

ضحك الجد وهو يجذب حمزه ويجلسه بجانبه علي الاريكة واكمل / كنت بتغير عليها من الهوا وتقول دي ملك حمزه وبس

نظر له حمزه بتشوش وهو يتذكر هذه الأيام رغم انه كان صغير الا ان شعوره في ذلك الوقت لا ينسي كان يشعر انه والدها وانها طفلته وصغيرته ولكن شعوره الان بهذا الزواج لا يقارن  بذاك الشعور رغم انه كان طفل

نظر حمزه لسعاده جده وابتلع ريقه وهو يبتسم بتردد / اها ربنا يقدم اللي فيه الخير يارب 

انتهي حمزه من حديثه مع جده وهو مقتنع انه لن يغير رأيه مهما حدث ثم سار حتي شقته بصعوبه بسبب جبس قدمه ثم دخل واجري اتصال برامي / رامي تعالي فك الجبس 

نعم فقدمه لم تكن تحتاج لجبس أبدا ولكنه فعل ذلك حتي تكون حجه لتأجيل عقد القران قليلا لعله يفكر في الأمر من جميع الجوانب ولكن بعد حديثه مع جده ايقن جيدا انه لا مفر من هذا الزواج حتي ان جده لم ينتبه بقدمه أبدا اغمض عينه بألم 

خرجت هذه الفتاه من المطار برفقه هذا الشاب الوسيم ونظرت له نظرات غامضه

أسر / متأكده من قرارك ده انتي مش بتلعبي

نظرت له ببسمه جميله / انا مش بوافق علي حاجه يا أسر غير لما افكر فيها كويس انا مش صغيرة يا أسر

أسر ببسمه حنونه وهو يداعبها / يابنتي انتي هتفضلي طول عمرك صغيره ياقلب أسر انتي وحياته 

ابتسمت له وهمست بخفوت / بحبك اوي 

ضحك أسر ثم ضمها بشده / وأسر بيعشقك 

ابتعد أسر عنها بعد دقائق ونظر لها 

ثم تحدث بجديه /يلا عشان منتأخرش

هي بتعجب / هنروح علي فين دلوقتي

أسر /هنروح شقه انا أجرتها لحد ما نشوف الخطوه الجايه

هزت رأسها بايجاب وتحركت خلفه

بعدما انتهي رامي من نزع جبس قدم حمزه عاد لمنزله وجد الهدوء به فاستغرب من الأمر ولكن تجاهله ودخل لغرفته ليرتاح قليلا 

تسطح رامي في غرفته ينظر للسقف بشرود وهو يفكر في حورية قلبه الصغيره كما يطلق عليها فقط يتنظر الفرصه لكي يعترف لها حينما تنتهي من دراستها سوف يتقدم لها في الحال

سمع صوت هاتف المنزل نهض من السرير بتكاسل

خرج وجد سعديه تمسك الهاتف ووتحدث / دكتور رامي مين يابني مفيش حد هنا اسمه رامي غير المعفن حفيدي بس هو مش دكتور دة صايع وبتاع نسوان وعلي ط.......

رامي / لالالالالالالالالا ياختيييييييييييي

ركض رامي بصراخ واخذ منها الهاتف واغلقه بسرعه كبيره ونظر لها وهو يصتنع البكاء / ليه كده يا سعديه فضحتيني حرام عليكي يا شيخه انتي ايه يا شيخه ادعي عليكي ولا اعمل ايه يا سعديه 

سعديه / يوووه امال اكدب يعني دي الحقيقه ولا انت ناسي لما كل شويه اروح اجيبك من أقسام الشرطه عشان مسكوا معاك حشيش وبانجو 

وضع رامي يده علي رأسه / اه ياما حرام عليكي ياسعديه هتضيعي مستقبلي يا خساره تعبك يا رامي 

سعديه وهي تشيح بيدها وتذهب تجاه غرفتها / انت هتتبلي عليا مراتك هي اللي مضيعاك وبتصرف فلوسك كلها علي المكياج بتاعها وانا مش راضي تديني حتي اجيب فستان للحج ادلعه بيه

نظر رامي بعد ذهابها بتعجب / فستان للحج هي بتشوفه فين دي

نظر حوله برعب / مصيبه ليكون بيطلعلها حرام عليكي يا سعديه هتموتيني في يوم منك

خرجت يا سمين من المطبخ وهي تنظر له بتعجب / فيه إيه سعديه عملت ايه 

نظر لها رامي بشرود / بتقولي عايزه فلوس تجيب فستان تدلع الحاج تفتكري جدي بيطلعلها 

ابتسمت ياسمين بخبث / لا هي مش قصدها علي الحاج جدك 

رامي بتعجب / هو فيه حاج غير جدك 

ياسمين ببسمه / بص يا رامي عارفه ان الموضوع هيكون صعب شويه بس دي بنتنا برضو ولازم نستتها بصراحه كده فيه عريس متقدم وطالب ايد البكر الرشيد سعديه 

نظر لها رامي وهز رأسها / الف مب...... ايه يا ختي جاي لمين 

انفجرت ياسمين في الضحك واشارت علي غرفه سعديه 

بينما رامي ركض للغرفه واخذ يطرق بشده علي الباب / افتحي يا سعديه افتحي عايزه تتجوزي يا سعديه احيه احيه احيه 

كانت سندس تجلس وتقرأ وردها حتي سمعت موسيقي عاليه جدا خرجت بفزع وهي تنظر وجدتها اختها تسمع اغاني علي التلفاز وترفع  الصوت وتعرض مشاهد مبتذله وترقص بطريقه سيئة ذهبت ونزعت الفيشه بسرعه وصفعتها / انتي ايه مش هتحترمي نفسك بقي شويه اتلمي يا عبير وامشي عدل بدل والله اقول لجدي القرف ده ميشتغلش هنا انتي فاهمه 

عبير وهي تنظر لهم بحده كبير /انتي اتجننتي ولا ايه انتي ازاي تمدي ايدك عليا طب واللة لكون قايله لماما

ثم انطلقت للداخل وهي تتصنع البكاء ثواني وخرجت ساميه وهي تركض لسندس وامسكتها من شعرها وهي تصرخ بصوت عالي / انتي بتمدي ايدك علي اختك ياحيوانه

سندس بدموع تأبي السقوط / يا ماما حرام عليكي انا خايفه عليها وعايزه الحقها قبل ما تدمر نفسها 

ساميه / انتي مالك انتي تعمل اللي هي عايزاه براحتها

سندس بألم من شد شعرها / ياماما انا خايفه عليها والله من الفتنه يا ماما والله عمري ما هتمني ليها شر

ساميه  بصراخ / بقلك ايه يا بنت نادر كلامك ده تخليه لنفسك وتبعدي عني انا وبنتي الغلط غلطي اني سبتك لحمزة بيه وابوكي اللي زرع التعقيد ده كله في دماغك

سندس بدموع / وانا يا أمي منا بنتك برضو

ساميه / لا انتي بنت ابوكي شبه ابوكي في كل حاجه ونفس كلامه اللي عقدني بيه ياشيخه ده انا مشمتش نفسي غير بعد ما اتكل

سندس ببكاء شديد /حرام  عليكي يا ماما ده كان بيحبك اكتر من نفسه وبيخاف عليكي

ساميه بقلب حجر / ده كان بيخنقني مش بيحبني وانا اتجوزته غصب عني بسبب ابويا زي ما بيعمل مع حمزه بالضبط

ثم تركتها ورحلت نظرت لها عبير بشماته ووضعت فيشه الاغاني مجددا وأخذت تنظر لها بفرحة مما حصل لها

نظرت لها سندس ببكاء وركضت لاسفل ذهبت لشقة خالها راشد / وطرقت الباب فتح حمزه وهو ينظر في الأرض تحسبا ان تكون اي من بنات عمه ولكنه سمع شهقات عاليه رفع عينه وصدمه مما  رأي من بنت عمه واخته نظر بفزع لها / سندس مالك

سندس / لسه بتكرهني يا حمزه بتكرهني ومنسيتش اني بنت جوزها

بعد مرور بعض الوقت نظر لها حمزه بحنان / تمام دلوقتي

هزت رأسها ومسحت اخر آثار للدموع / الحمدلله ربنا يديمك ليا يا حمزه دايما بتهون عليا

حمزه وهو يربت علي رأسها بحنان كبير / بطلي كلامك ده انتي اختي يا بنتي بعدين لو مجتيش تشكي ليا وتخرجي اللي جواكي ليا هتخرجيه لمين

سندس ببسمه / انت حنين اوي يا حمزه انا فعلا بحسد مراتك من دلوقتي علي حنيتك دي

اختفت بسمه حمزه وهز رأسه بشرود

سندس / مالك يا حمزه انت لسه بتفكر في.....

حمزه مقاطع / لا يا سندس خلاص انا اتقبلت الموضوع وبإذن الله كل حاجه هتكون بخير انا عندي ثقه في الله

سندس وهي تربت علي كتفه خير يا حبيبي بإذن الله انا متأكده ان الخير قريب يا حمزه يلا قوم بقي عشان نتعشي جدك مأكد ان محدش يغيب عن العشا ده

نظر لها بشرود ثم هز رأسه وتحرك خلفها

بينما في الأسفل كانت عبير تتأفف / في ايه يا تيته انتي مش طايقه امي ليه وحطاني في رأسك 

فاطمه / وانا احطك في راسي ليه يا عجله انتي بعدين مفيش حد هنا طايقك بسبب لبسك ده

عبير بسماجه / عجبني يا تيته

فاطمه / تيته في عينك يا معفنه انتي انا لسة شباب وبطلي تيته دي اللي كل شويه تقوليها

عبير بتعجب/ امال اقولك ايه

فاطمه بدلع / قوليلي يا بطه

نظرت لها بحاجب مرفوع وتعجب

جاء احمد من الخارج وجلس بجانبها وقام بتقبيلها / اخبار بطتي ايه

نظرت له بطه بدلع واشارت لعبير بمعني ( اتعلمي)

ضحكت عبير علي هذه السيده

ثواني وكانت ملك تهبط الدرج بثيابها الفاضحه فكانت ترتدي سلوبت قصير جدا اسفله تيشرت اصفر بنصف كم وتربط شعرها كحكه ولكن تسقط بعض الخصلات علي وجهها فكانت جميله جدا 

نظر احمد للارض وهو يتمتم / الله يكون في عونك يا حمزه

هبط حمزه من الأعلي مع سندس وقع نظره عليها احمر وجهه بغضب وخفضه بسرعه وتحرك 

بعيدا عنها متجها للسفره بجانب احمد وجدته نظر احمد وجد وجهه احمر بشدة علم السبب لذلك وضع يده علي يد أخيه ليواسيه في محنته

نظرت ملك لاثره بنفاذ صبر لما ينظر لها بقرف هكذا هذا اذا نظر من الأساس لها فهو يتجنب النظر

تجاهلت الموضوع واتجهت للسفره وجلست دقائق وكان الجميع موجود على السفره نظرت فاطمه لصوفي وجدتها تضع يدها علي فمها وتنظر للطعام بتقزز

فاطمه وهي تنظر للطعام بتعجب / جرا ايه يا صفية مش بتاكلي ليه

ضحك محمد بشده علي ملامح زوجته

صوفي بغيظ شديد /اسمي صوفي مش صفيه

فاطمة بسخريه / وايه صوفي ده كمان اسم دوا

ضحك  محمد  بشده والباقي يكتم ضحكته بسبب رؤيتهم لاحمرار وجهه صفيه

تحدث الجد بحزم وهو ينهض / اجهزوا كتب الكتاب بكره سفره دايمه

نظر حمزه امامه وشعر بقلبه توقف عن الطرق بكل بساطه القي الجد القنبله وذهب دون أن يهتم للدمار الذي احدثته نظر احمد و سندس لحمزة بحزن شديد وعامر ينظر امامه بغضب يود الصراخ  بهم ان يتركوا أخاه وشأنه ولكن يعلم أن هذا ان يفيد بشئ ابدا فالجد اخذ قراره وانتهي

نظرت فاطمة لابنها بشفقه وملك نهضت بسرعه وغضب وصعدت الأعلي وخلفها صوفي

نظرت ندي لاميره التي سقطت دموعها علي أخيها لمح عامر دموع اميره فانقبض قلبه اميرته وصغيرته الحبيبه تبكي 

نهض حمزة وهو يبتسم للجميع حتي لا يحزنهم ويظهر حزنه  /الحمدلله متجمعين دايما يارب

ثم تركهم وصعد للاعلي

تحدث راشد / هو الحاج مستعجل ليه كده

راضي / عندك حق المفروض كان يبقي الخميس لية خلاه بكره هو كده بيضغط علي الاولاد

نظر محمد لهم بحزن

راشد وهو يربت علي كتف أخيه الصغير / متقلقش يا محمد حمزة راجل وهيخلي بنتك في عينه انا متأكد واكيد هي بنتي واكتر

محمد ببسمه / وانا متأكد من  كده يا راشد واضمنلك ان بنتي هتسعد ابنك والله هي طيبه وعبيطه جدا بس هي..... 

قاطع كلامهم رنين هاتفه نظر لهم واعتذر ثم ابتعد ليجيب علي الهاتف

راضي / يا رب يطلع كلامك صح يا محمد وتطلع البنت طيبة وحمزه يقدر يغيرها

نظر راشد أمامه بتشوش لكل الأحداث المتلاحقه هذه / ياتري يا حمزه الدنيا مخبيه ليك ايه

سمع راشد صوت والده يناديه  قنهض ليري ماذا يريد وذهب راضي لشقته واتجهت النساء لترتيب السفره حتي يستعدوا للغد حسب أوامر الجد 

جاء الصباح وهو يحمل الكثير والكثير

استيقظ رامي وتجهز وخرج ليأخذ سعديه حتي يتركها في منزل حمزه مع ياسمين التي ذهبت من الصباح الباكر لتساعدهم خرج وجدها ترتدي فستان احمر وتجلس في الصالة وتضع ماسك وقطعتين من الخيار علي عينها نظر لها وهو يفتح فمه ببلاهه / ايه اللي انا شايفه ده سعديه انتي عملتي ايه في نفسك انتي عايزه تتجوزي بجد ولا إيه أنا فكرتك بتهزري 

سعديه بدلال فتاة في العشرين / في ايه يا معفن بجهز عشان الفرح انهارده هقابل فيه أيوب ولازم اكون قمر 

رامي / بتجهزي ازاي لا مؤخذه هو فرحك يا سعدية بعدين ده كتب كتاب بس وايوب ايه اللي تقابليه ده انتي جنيتي 

سعديه / برضو لازم ابقي شيك وقمر كده وبعدين اتنيل غور يلا وابقي تعالي خدي كمان ساعه يكون الماسك نشف عشان اغسله

نظر لها وضرب كف بكف وتحرك للخارج ليحضر حمزة فهو سيجهز نفسه عند رامي

هبط رامي السلم وهو يحدث نفسه فجأه اصطدم في جسد فابتعد وهو يشتم ولكن عندما وقع نظر علي الفتاة اخفض عينة في الأرض واعتذر ورحل فورا دون سماع رد ذهب واحضر كل شئ لازم لتجهيز حمزه فهو اكثر من أخ وعاد وانتظره امام باب العماره حيث أن عماره رامي مقابله لمنزل حمزه ثواني وظهر أمامه احمد وعامر وحمزة التي تبدو ملامحه حزينة قليلا

رامي وهو يعانقه / مبارك يا صاحبي

عانقه حمزه / الله يبارك فيك يا رامي عقبالك يارب

رفع رامي  يده / يارب

احمد وهو يضربه علي كتفه / اخص عليك ياروميو كده يا وحش عايز تتجوز وتسبني

رامي بغمزه / ده انتي الحته الشمال يابت

عامر بقرف وهو يدخل العماره / بدأت أشك فيكم ياض انت وهو

ضحك حمزة ولحقه وصعدوا للاعلي

احمد وهو ينظر لرامي الذي يفتح الباب /دلوقتي سعديه تقول جايين يقتلوني ويسرقوا الدهب

رامي بسخريه / سعديه ايه بقي قولها ياسوسو سعديه باظت وعيارها فلت

ضحك الجميع علي كلامه

دخلوا للمنزل وصدموا لما رأوه

كانت سعديه تحمل مرآة يد صغيره وتنظر إليها وهي تضع احمر شفاه

ضحك حمزه بشده / سوسو الدلوعه للتعارف الجاد

نظر لها رامي بشر /اية يا سعديه بس اللي بتعمليه ده

سعدية وهي تنظر لع بقرف /اوووو نووو لوكل اوي كلامك اسمي سوسيتا ياولد

ضحك احمد وهو يمسك بطنه / هموووت

رامي وهو يمسح وجه بملل / تقريبا دة المسلسل اللي سمعته امبارح وهتطلعه علينا يلا يا ندخل عشان مش هخلص انهارده

سعديه وهي تتحرك لغرفتها / انا مش عارفة انت طالع بيئه لمين كده اووه معفن اوي

رامي / معلش لو هزعج روح مارلين مونرو اللي جواكي ممكن تمسحي الروج دة

سعديه / اكيد مراتك اللي قالتلك تقولي كده اكمنها غيرانه مني ومن حلاوتي وطعامتي بعدين مش لازم اظبط نفسي يمكن اقابل أيوب 

رامي وهو يدخل وقال بصوت عالي / اصطبحي يا سعديه قال عريس قال يارب الرحمه من عندك 

ثم دخل وحدهم يضحكون عليه كثيرا /اسكتوا دي كانت هتفضحني امبارح في المستشفي اللي بشتغل فيها دي فظيعه

احمد بضحك / والله جدتك دي خساره فيك يا معفن دي عسل ده انا بحب اجي هنا عشانها

رامي / خدها ياعم خالص وبعدين يلا خلينا نخلص عشان كتب الكتاب العصر يادوب نلحق

حمزه بمزاح / ايه يابني هو انا بنت ده هو بس اللحيه هخففها وخلاص وهلبس البدله

رامي /وهو يبتسم سيبلي نفسك بس كده

فجأه وجدوا الباب يفتح مره واحده وسعديه تدخل عليهم بالشبشب / اه يا شواذ ياولاد الكلب

نظروا لها بفزع واصبحوا يركضون في ارجاء الغرفه واحمد لايستطيع الركض بسبب الضحك

سعديه / يسبلك نفسه يا كلب يا معفن كده بتدنس بيت العيلة الطاهر

ضحك حمزه بشده / البس من مغتصبين لشواذ مش عارف هتوصلنا لفين تاني

رامي / اهدي ياسوسو هفهمك

سعديه / تفهمني ايه عشان كده مراتك اتطلقت منك وبهدلتك في المحاكم

رامي / دلوقتي طلقتها مش من شويه كانت بتحرضني عليكي عشان انتي احلي منها

سعديه وهي تلقي الشبشب عليه فانحفض فجاء في أحمد الذي كان يضحك بشده

رامي نظر لأحمد وضحك عليه فوجد الفرده الاخري تنطبع علي وجهه

حمزه بضحكة كادت أنفاسه ان تتوقف فيها وخرج من الغرفه راكضا  / يخربيتكم انا عريس ووشي امانه هههههههههههه

نذهب لعروس المرتقبه كانت تقف امام المرأه وهي تنظر للفستان بضحكة خبيثه / انا بقي هوريكم ازاي كتب الكتاب دة هيتم

دخلت كلا من اميرة وندي فصرحت اميره مما تري أمامها / انتي ايه اللي لابساه ده يخربيتك

نظرت اها ملك بغيظ / وانتي مالك انتي البس اللي يعجبني

ندي / طب والله ده يكون حمزه قاتلك حمزة رغم حنيته الا انه في غيرته اعمي مش بيشوف

نظرت لهم ملك بشر

اميره وهي تجذب ندي / احنا حذرناكي كمان نص ساعة هتيجي واحده تظبطلك الميكب واللبس ياريت وقتها تكوني راجعتي نفسك وغيرتي اللي انتي لابساه ده

ملك بعد خروجهم / هو حمزه ماله البس ايه ومالبسش ايه هو هيتحكم فيا كمان انا هوريكم واحد واحد مين هيا مولا

ثم امسكت هاتفها وتحدث بخبث / الو جاك 

في المساء الساعه الخامسه كان  منزل هائله الحاج سعيد يشع نورا وبهجة وكانت النساء تتحرك في كل مكان ليظهروا الحفل في ابهي الصور

كان أحمد يجلس هو و الشباب بجانب حمزة الذي كان رمز للجمال بكل ما تعنيه الكلمة من معني

ثواني وكانت الحوريات الصغيره تهبط من الأعلي خاطفين قلوب العشاق وهم غافلين

بينما نهض رامي لينظر لسعديه وجدها مع فاطمه وهم كالعاده يتحدثون في الماضي والذكريات فهي تتذكر كل شئ عندما تجلس مع فاطمه اما معه تظهر موهبه النسيان

جاء الحاج سعيد وتوسط الحفل وسط أبنائه كانت صوفي تقف وكأن اليوم ليس زفاف ابنتها ابدا بل كانت غير مباليه ابدا

ثواني وجاء المأذون وجلس وبدأ بعقد القرآن نظر لهم وقال / أين العروس

نظر الحاج سعيد لمحمد فهز محمد رأسه ونهض ليحضر ابنته صعد محمد للاعلي وبعد دقائق هبط بها كان حمزة يوجه نظره في الأسفل ولكن سمع من حوله شهقات وهمسات كثيره

رفع عينه لينظر ماذا يحدث ولكن صعق مما يري ما هذا الذي يراه

وقف حمزه دون أن يشعر وتحدث بصدمه / مين دي

........................

استوووووب خلص الفصل توقعاتكم بقي يا حلوين 

متنسوش 

فوت 🌟 

كومنت 💭 

ياتري ايه اللي صدم الكل كده 

هي ملك عملتها ولا ايه

دمتم سالمين

رحمه نبيل

#جميله_حد_الفتنه

#حياة_حمزة

#الفصل_الخامس

ربما_تحدثك✨

لا تَدري فـ رُبَّ ساعةٍ من هذا اليوم يُقال لك فيها " قَدْ أُوتِيتَ سُؤْلَكَ " فأبشر♥️🌏

ثم يأتي الله بأكثر شيء يعلم أنه سيقر عينك، و يعوضك به على صبرك♥️🌏

صلوا علي من جلس علي ركبتيه يواسي طفل مات عصفوره صلوا علي الحبيب المصطفى صلى الله عليه وسلم 🌴🌹🌴🌹

نظر الجميع لما ينظر له حمزه بصدمه من هذه التي تقف أمامهم

كرر حمزه سؤاله وهو ينظر لجده / مين دي

الحاج سعيد / دي العروسه يا بني

نظر لها حمزه  مره آخره بقلب يقرع بشده هذه الملاك زوجته هو هل يعقل ان هذه هي ملك 

ندي وهي تهمس لاميره / هي ملك انتقبت امتي

هزت اميره رأسها بغباء وهي تنظر لهذا الملاك بفستانها الطويل السماوي وبه حزام ابيض وترتدي نقاب اسود حتي عينها لا تظهر منه وتضع تاج من الزهور 

المأذون / هنكمل ولا ايه يا جماعه

خرج حمزه من شروده في ملك ونظر للشيخ /ها ايوه كم.....

قطع كلامه وهو ينظر خلف العروس بعين مفتوحه بصدمه كبيره وهو يري ملك تقف بعيدا وتنظر لهم نظره تظهر الغضب وترتدي كعادتها فستان يظهر اكثر مما يخفي

نظر للعروس بسرعه  اذا لم تكن هذه ملك فمن تكون

وكأن الحاج سعيد قرأ أفكاره فاشار للعروس / تعالي يا مليكه يا بنتي اقعدي هنا عشان تمضي

تقدمت مليكه بخطوات موزونه وهي تنظر في الأرض وجلست بجانب جدها مقابل حمزه

الحاج سعيد المأذون / ابدأ يامولانا

بدأ المأذون في عقد القران

وحمزه فقط يردد خلفه وهو ينظر لها بتعجب ولم يشعر بنفسه الا علي كلمتها بصوت اقل ما يقال عنه ملائكي / موافقه

المأذون بجملته المشهوره / بارك الله لكما وبارك عليكما وجمع بينكما في خير

انطلقت الزغاريط من النساء وبدأ الجميع يبارك للعرسان

اقترب محمد من حمزه وضمه اليه / بنتي امانه في رقبتك يا حمزه

صدم حمزه من حديثه /بنتك؟؟؟

محمد بتعجب / آه مليكه بنتي إيه مش فاكرها ولا إيه

ثم قال ببسمه / ده انت مكنتش بتسبيها من ايدك وانت صغير وتقول دي بتاعتي

نظر حمزه له ولا يعرف ماذا يحدث حوله / بس هي.....

قاطع كلامهم صوت راشد وهو ينادي محمد فاستأذن محمد وترك حمزه في صدمته وهو لا يعي ما يحدث حوله اذا هذه هي الطفله التي كان يلاعبها وليست ملك اذا عمه لديه ابنتان هذا لا يصدق وهذه الملاك هي زوجته هو

هل استجاب الله لدعوته اثاء صلاته اغمض عينه وهو لا يستطيع التصديق كل مايحدث حوله اربكه وبشده جذب الشباب حمزه وذهبوا لمكان الرجال وقدموا لهم الطعام وانطلقت النساء تبارك لمليكه بالزواج رأت مليكه نظره ملك لها وهي تنظر بغل فابتسمت بسخريه وخبث  ثم انتبهت لامرأة كبيره في السن تجلس بجوارها

سعديه وهي تنظر لها بتقيم / انتي بقي اللي اتجوزتي الواد الحليوه

نظرت لها مليكه ببسمه متعجبه لم تظهر بسبب النقاب 

سعديه / بيني وبينك الواد حليوه وعسول كده مش عارفه اتلم علي المعفن حفيدي ازاي

ثم اقتربت منها وهمست لها بخفوت / خلي بالك اصلهم اللهم احفظنا مش تمام

نظرت لها مليكه بتعجب وتحدثت بهمس مثلها / مش تمام ازاي

سعديه / اصلي مره دخلت عليهم والواد حفيدي المعفن بيقول للواد الحليوه جوزك سيبلي نفسك

نظرة لها لها مليكه وهي تجاريها في الحديث / بتفكري باللي بفكر فيه

سعديه / هو مفيش غيره

مليكه / حيث كدة انا مليكه انتي مين بقي

سعديه وقد نست ما كانت تتحدث به منذ قليل / انا سعديه جده المعفن رامي الكبيره  قوليلي يا سوسو

مليكه بضحكه ساحره / اشطا يا سوسو بس مش باين عليكي انك جدته انتي  شكلك الصغيره 

سعديه ببسمه  / والله انتي عسل شكلنا هنكون صحاب

مليكة / وانا اطول يا جميل انت

اقتربت اميره وندي ونظروا لها بتعجب

ندي / انتي مين

مليكه بضحكه / انا مليكه ابقي مرات اخوكم يا عسليات

نظرت الفتاتان لبعضهم ببسمه علي لطفها

ندي باندفاع كالعادة / اصل كنا مفكرين ان ملك هي اللي هتتجوز حمزه

مليكه بتعجب /ليه بتقولي كده وايه علاقه ملك بحمزه 

اميره / اصل جدو قال إن حمزه هيتجوز بنت عمي محمد

مليكه / منا بنت عمكم محمد برضو زي ملك

نظروا لها بصدمه / ازاي هو مش عمو عنده ملك بس

مليكه / ومليكه..... انا اخت ملك الكبيره مليكه

ندي بتعجب /بس ازاي منعرفكيش ليه مش جيتي معاهم

مليكه / كان عندي شغل ضروري بخلصه يا قمرات عشان كده اتأخرت وانا وصلت مصر امبارح

ندي / بس مش غريبه انتي منتقبه و.....

مليكه بتفهم / فهماكي ياسكرتي بس انا الحمدلله ربنا رزقني بعفته غير انه فرض

اميره بحيرة / فرض ازاي النقاب مش فرض

مليكه بضحكه / هو مش فرض فعلا غير في حالتين يا اما تكون قبيحه  جدا يا اما تكون

- جميلة لدرجه الفتنه

نظرت مليكه للصوت وجدته حمزه نظرت في الأرض بخجل

كانت سندس تقف بجانب حمزه وتنظر له بفرحه علي نظرته لزوجته وذهبت لها وعانقتها / الف مليون مبارك يا عمري انا سندس بنت عمتك واخت زوجك في الرضاعه

‏هزت مليكة رأسها بهدوء / اتشرفت بيكي يا سندس اسمك حلو اوي 

‏ابتسمت سندس علي هذه الجميله / انتي اللي احلي يا قمري 

تحدثت نورا / بس يابنات كفايه كده خلي العريس ياخد عروسته يقعدوا مع بعض شويه

‏نظرت مليكه أرضا بخجل كبير بينما حمزه لا يرفع عينه من عليها ابدا وكأنها سحرته بتعويذه

اقترب منها حمزه ومد يده لها بهدوء نظرت ليده بخجل يكاد يقتلها بينما هو ينظر لها مدت يدها بتررد وضعتها في يده نظر هو لعينها ولكن وجدها تغطيها انزعج لانه لا يستطيع رؤيه عينها  قبض علي كفها بحنان شديد وگأنه يخشي ان يجرحها اخذ يدها وسار بها ولم يسمع شئ ولا حتي كلام والدته له كل ما يسمعه هو نبض قلبه الشديد لا يعرف سببه ابدا ولكن فقط ينبض وبشده يشعر انه سيخرج من مكانه هذه المشاعر التي يختبرها لأول مره في حياته وهو حتي لم يري وجهها ولو لمره ولكن شعور انها ملك له يلهب أحاسيسه ويجعله يكاد يفقد عقلة ويسأل نفسه هل هذه هي من حلم بها منذ بدأ يعي لما حوله هل هذه هي من اقسم ان يعشقها بكل كيانه هل هذه هي من ستكون حياته وابنته هل هذه هي من ستسكن قلبه زوجته لم يكن يوما سطحيا أبدا او يأخذ بالمظاهر ولكن منذ رآها وهو يشعر براحه لم يتذوق طعمها عند رؤيته لملك ربما هذه الراحه تأتي من قلبه الذي حتي الآن يتذكر شعورة عندما كان صغير ربما وربما وقع في حبها من النظره الأولي كيف ذلك وهو لم يسمع منها سوي كلمات قليله ولك يري منها شيء؟؟؟؟ لايعرف اجابه لكل هذه الأسئلة ولكن ما يعرفه ان قلبه بجانبها ليس علي طبيعته ابدا بل يكاد يخرج من مكانه ويذهب ليعانق قلبها

وصلوا أمام شقه راشد توقف

حمزه ونظر لها بحنان ليس غريب عليه وفتح الباب وأشار لها / اتفضلي

‏نظرت للشقة بخوف وترددت كثيرا ونظرت له فقال بحنان / متخافيش احنا هنقعد نتكلم بس اظن في حجات كتير لازم تتوضح

‏نظرت له وأخذت نفس كبير وتقدمت بخفوت للداخل وجلست علي اول مقعد قابلها ضحك بخفوت علي خجلها وحمد الله عليها ثم ذهب للمطبخ واحضر للطعام الذي اعدته والدته لهم ثم وضعه أمامه وتحدث بحنان شديد /ممكن ناكل الأول بعدين نتكلم

‏نظرت للطعام بجوع شديد فهي لم تأكل منذ يومين تقريبا شعر بخجلها لذا تحدث /طب هقوم انا لحد ما تخلصي وبعدين....

قاطعته بدون تفكير / وانت

ابتسم عليها وتحدث وهو يقترب منها / وانا اية

‏مليكه وهي تلعن نفسها علي تسرعها / احم قصدي مش هتاكل اكيد انت كمان جعان

ضحك حمزه ضحكه خطفت قلب هذه المسكينه / اكيد جعان بس عشان تقدري تاكلي براحتك

مليكه /لا عادي ممكن تأكل عادي

حمزه /طب ممكن ترفعي النقاب عشان تعرفي تاكي بعدين انا جوزك يعني عادي

‏فركت يدها بتوتر شديد لاحظه هو / اصل انا اصل

حمزه / خلاص خلاص اهدي كده مالك براحتك لو هتقدرى تاكلي كدة بس علي الاقل ارفعي الطبقه اللي عل عينك دي عايز اشوف عينك

‏نظرت هي لاسفل بخجل ثم حدثت نفسها /هبله ده جوزك فالحه تبقي بلسانين مع الكل ومعاه تقلبي بطه بلدي دلوقتي يقول عليكي مش طيقاه وتحرجيه اكتر اوووف بقي

مدت يدها بتردد للنقاب وامسكت الطبقه الأولي ورفعته فظهرت عينها له فتح عينه بانبهار لجمال وصفاء اللون الازق في عينها

حمد الله انها تخفي عينها عن الجميع والا لم يكن ليضمن رده فعله نظرت هي له وجدته ينظر لها فخجلت بشدة فلاحظ هو لون عينها الذي يتحول للأزرق الغامق بشده تعجب من هذا /عينك

مليكه بخجل / مالها 

حمزه بتعجب / لونها اتغير بقي اغمق 

هزت رأسها / اها هي كده ساعات 

‏ابتسم هو لها وانسحر منها

حمزه وهو يخرج من الحاله التي إصابته / طب نتكلم جد شوية

هزت رأسها بموافقة

حمزه / احم طبعا انتي شوفتي ظروف جوازنا وعارفه لية جدي جوزنا بالسرعه دي

‏هزت رأسها / بابا قالي كل حاجه

حمزه في نفسه / اكيد مش كل حاجه

نظر لها مره اخري / وتعرفي ان الكل كان مفكر اني هتجوز.....

‏قاطعته وهي تنظر في عينه / ملك

‏نظر لها بتعجب

‏هي مفسرة / البنات قالولي

حمزه ببسمه حنونه / حيث كده نتعرف علي بعض عشان ناخد علي بعض بسرعه انا ياستي حمزه 28 سنه متخرج من هندسه وبشتغل في شركه هندسه كبيره الحمدلله مركزي فيها كويس  طول عمري بحلم بزوجه صالحه تكون ليا ام واخت وبنت وصديقه وحياه كامله مش طالب اي حاجه غير انها تكون زي امنا عائشه ده كان حلم حياتي من صغري لما كنت أقرأ السيره 

رفعت عينها له وقد كان لونها فاتح جدا وصافي بدرجه كبيره

حمزه ببسمه / احنا بإذن الله هنقضي عمر مع بعض يا مليكه

دق قلبها من نطقه لاسمها

اكمل هو / عشان كده عايز حياتنا تبقي مبنية علي الصراحه اي حاجه. تحصل تقوليلي انتي احسن ما اعرف من بره مش بحب الكدب ابدا لو شوفتيني متعصب اتفاديني لان انا لما اتعصب مش بتحكم في نفسي وأفعالي لو في يوم زعلتك تعالي ليا واشكيلي من نفسي عايزك لما  تهربي مني تهربي ليا عايز حياتنا تكون عامره بذكر الله نساعد بعض في الطاعات ونبعد عن أي معصيه هكون ليكي اب واخ وصديق وزوج عايز اكون أقرب ليكي من اي حد يا مليكه عايز اكون اول واحد تفكري فيه لما تضيق بيكي واول واحد يجي في بالك لما  تفرحي عارف انك هتستغربي كلامي خصوصا اننا منعرفش بعض بس مش عارف حسيت اني عايز اقول كده  

نظرت  له بعيون تحولت للأخضر وكانت دامعه متأثرة من كلامه هل عوضها الله عن أي شئ به

تحدث هو لها مكملا كلامه  / ويمكن تقولي مجنون اني بقول كده ليكي وانا حتي معرفش شكلك ودي اول مره نتكلم فيها بس انا طول عمري بحلم بالزوجه اللي تكون كل دة ليا ومش هتصدقيني بس انا بحبك من قبل ما اشوفك

نظرت له بعيون مفتوحه علي وسعها اكمل هو / انا كنت دايما مخزن حبي في قلبي كله لزوجتي وحلالي بس وانتي هي زوجتي فتلقائيا حبي كله أتوجه ليكي

تحدثت له بصوت خافت / يعني اي واحده مكاني كنت هتحبها نفس الحب

نظر لها وهو لا يعرف بما يجيب / تعرفي لما كنت مفكر اني هتجوز اختك محسيتش معاها اي حاجه خالص كأن قلبي كان بيقول لا مش هي دي اللي انا هتفتح ليها بس لما شوفتك واقفه قدامي لما طلبوا العروسه حسيت قلبي وقف دق مش عارف ليه مش عشان محتشمه مثلا بس انا كنت اقدر اخلي ملك تلبس اللي محتاجه بس برضو هي مش هتكون مناسبه تفكيرنا هيكون مختلف عن بعض حسيتها مش هنعرف تفهمني أبدا رغم اني مكلمتهاش أبدا 

اخذ نفسه وصمت ونظر لها / انا قلتلك كل اللي اعرفه احكي انتي بقي عن نفسك.

تحدثت بخجل وخفوت / انا مليكه25  سنه خريجه كليه طب قسم الجراحه 

حمزه بمزاح/ دكتور ومهندس الكابلز المصري الأصيل واتحاد كليات القمه

ضحكت مليكه بشده فابتسم هو واقترب منها اكثر فنظرت له بفزع وعادت 

حمزه / لا متفهمنيش صح هي كانت هتبقي بوسه بريئه 

فتحت عينها بفزع من حديثه الوقح / اللي يسمعك بتتكلم يقول انك شيخ ووقور بس دلوقتي 

حمزه وهو يقترب منها بوجهه ويتحدث بخفوت / هقولك سر صغير الكل ماعدا عيلتي طبعا مفكرني هادي وبارد وكده بس انا في الحقيقه تافهه أساسا اه والله 

ضحكت مليكه بشده فاستغل فرصه إغلاق عينها وقبلها علي خدها قبله خفيفه ففتحت عينها بصدمه فتحدث هو / معلش لو مكنتش عملت كده كنت هموت 

احمرت خدود مليكه بشده 

حمزة ببسمه جميله / انتي جميله اوي يا مليكة

نظرت له بتعجب / انتي شوفتني ولا ايه

ضحك عليها بشده / مش شرط يكون جمال الشكل يمكن جمال الروح والأخلاق وانتي عندك الاتنين دول

ثم تحدث بمزاح / انا محظوظ اوي علي كده

نظرة له ببسمه وهي في داخلها تحمد الله انها لم ترفض طلب والدها بالزواج فاين كانت ستحصل علي شخص مثل حمزه

في الأسفل كانت ميار تقف بعيدا وتنظر للجميع ببسمه فجأه شعرت بشخص يجذبها لاحدي الغرف كانت علي وشك الصراخ لولا انه وضع يده

احمد / اشششش ده انا

ماتصرخيش لنتقفش واحنا بقينا سوابق اساسا

ضربته ميار علي كتفه / ايدك لتوحشك يابا

ا حمد / يابا متجوز عربجي يخربيت ألفاظك تقريبا من كتر قعدتك مع المجرمين ايام خدمتك خلتك سوابق

نظرت له / يابني ده انا كانت الداخليه بتترج باسمي كده

احمد وهو يرفع حاجبه / علي بابا ده احنا دفنينه سوا

ميار / احم انا بس مكنتش بحب اتعب نفسي بس لو كنت حطيت الموضوع في دماغي كنت ابهرت الجميع بس يلا بقي اللي حصل حصل

احمد لينهي الموضوع لانه شعر بلمحه حزن في صوتها / لا بس ايه القمر ده يابت يخربيتك جمال ابوكي

ضحكت علي كلامه / مين اللي عربجي دلوقتي ها بزمتك في دكتور جامعة محترم يقول كلامك ده تؤ تؤ مستواك انحدر خالص يابيبي

احمد بقرف / بيبك طب يلا يابت غوري من هنا

ثم دفعها للخارج تحت ضحكتها الكبيره

ميار بضحكة / عنيف اوي يا ابو حميد 

كان رامي يجلس بجانب عامر عانقه / شوفت يا عموري كلهم ذهبوا يتمعشقون وتركونا وحدنا

نظر له عامر بقرف وكان علي وشك الاجابه

حتي سمعوا صوت سعديه يهتف / تؤ تؤ تؤ استغفر الله انت يابني ايه طينتك تسيب ده وتمسك في ده توب يا اخي بقي من قرفك ده اخص جاتكم البلي مليتو البلد صنف وسخ عايز الحرق

نظر رامي لعامر بعد ذهابها بضحكه غبيه / بتيجي في وقت مش مناسب ابدا سوسو

عامر وهو يدفعه عنه / اوعي يا معفن جبتلي الشبهه علي رأي ستك معفن وهتفضل معفن

رامي وهو ينظر في أثر / هما بيتضطهدوني ليه كده اما  اروح اشوف سعديه لتتجوز  أيوب عرفي ولا حاجه

ذهب ليجدها تقف وتنظر لندي بحنان اقترب رامي من سعديه ووجهه في الأرض / احم السلام عليكم

ندي وهي تنظر لسعديه لتجنب النظر اليه / عليكم السلام ورحمة الله وبركاته

سعديه وهي تنظر لها ببسمه / شوفت البنات المحترمه العسل مش مراتك العقربه اللي بتحطلي اكل في طبق الكلب ومش بترضي تديني الورك وتديني الكتف رغم اني مش باكله وعايزه ترميني في دار مسنين وانت يا معفن ماشي داير علي حل شعرك مع اممممممم

كتم رامي فمها ونظر ببسمه لندي / معلش انتي عارفه سوسو بتحب الهندي اوي مش يلا ياسوسو  نمشي بقي

سعديه / يلا فين ياض انت انا اعرفك اصلا الحقوني يا خلق عايز يخطفني ويغتصبني

انفجرت ندي بالضحك عليها

سعديه / وديني لاكون رايحه القسم وابلغ عنك انت وعصابتك واحد واحد انا عارفكم الواد الحليوه وابو عضلات واللي فشته عايمه وبيضحك علي طول هوديكم في داهيه

رامي بتذمر / لا هو احنا لسه ماروحناش في داهيه ضيعتي مستقبلي يا سعديه اقول عليكي ايه بس

ضحكت ندي عليهم بشده

سمع الجميع صوت من خلفهم / سوسو ايه الحلاوه دي

نظرت سعديه للخلف فوجدت أيوب يقف وينظر لها ببسمه فخجلت / شكرا يا أيوب انت اللي عنيك حلوه

نظر رامي لهم بتشنج / والنبي ايه

تجاهله أيوب / طب تعالي عشان اعرفك علي اختي

نظرت سعديه بخجل / طيب يلا

ثم ذهبت بينما رامي يتحدث بصدمه /شقطها من قدام عيني جدتي اتشقطت

انفجرت ندي بالضحك

بينما رامي ركض سريعا ليلحق بسعدية

كانت ياسمين تقف مع اميره وندي وتضحك بشده كلما تذكرت ملامح ملك 

اميره / مش مصدقه لحد دلوقتي القمر دي تبقي مرات اخويا

هزت ياسمين رأسها / الحمدلله انها مش ملك اللي اتجوزته

سمعت ياسمين صوت رامي ينادي عليها فذهبت اليه لتري ماذا يريد ولكن في طريقها وجدت شاب ينظر حوله وكأنه طفل تائه اقتربت منه بخجل قليلا / عفوا يا استاذ حضرتك بتدور علي حاجه

نظر لها الشاب / بدور علي بابا

ثواني وانفجرت ياسمين في الضحك / ياغتي كميله بتدور علي بابا

رفع الشاب حاجبه / إيه اللي بيضحك

تركته ياسمين وهي تذهب لرامي / لا أبدا أبدا مفيش هههههههههه دور

نظر أسر في أثر هذه المجنونه كما اطلق عليها ثم رأي محمد يقف مع راضي بعيدا فذهب اليه

بينما في الأعلي كان حمزة يتحدث مع مليكة في أمور مختلفه فقط يريد أن يفتح معها اي حوار ليكسر هذا الصمت بينهم سمع حمزه صوت الباب ذهب وفتحه وجد شاب يقف ويبتسم له بهدوء

الشاب ببسمه جميله / السلام عليكم

حمزة بتعجب / عليكم السلام ورحمة الله وبركاته

الشاب / اكيد متعرفنيش انا ياسيدي ابقي

جاء صوت مليكه وهي تنطق اسمه / أسر

نظر أسر لمليكه خلف حمزه التي خرجت حالما سمعت صوته

احمرت عين حمزة بشده من هذا التي نطقت اسمه بهذه الحميمية كما انها تظهر عينها امامه ذهب ناحيته وجذب النقاب علي عينها ونظر بشرر لأسر / نعم حضرتك مين

أسر بتعجب من تصرفه / احم انا أسر محمد سعيد ابن عمك واخو مليكه

نظر له حمزه بتعجب كم من الأولاد يملك عمه ولا يعرف عنهم شئ حمزه وهو يمد يده له بحرج من تصرفه / اهلا يا أسر اسف مكنتش اعرف ان عمي عنده شاب زيك

أسر بعفويته / ولايهمك يا كبير محدش عارفني اساسا تقريبا غير مليكتي

ضغط حمزة علي يده دون أن يشعر بسبب ياء الملكيه التي وضعها في اسم زوجته هو

أسر وهو يسحب يدة نظر له نظره غامضه / احم جدي طالبكم كلكم تحت عشان ناكل كلنا مع بعض

حمزه / تمام بلغه اننا جاين

هز أسر رأسه وسبقهم

نظر حمزه لمليكه / هننزل ناكل تحت بما انك مرضتيش تاكلي هنا يبقي كلي مع النساء تحت انا هطلب من امي تحط اكل للنساء لوحدهم عشان تاخدي راحتك واوعي يا مليكة راجل يلمح طرفك بس اظن كلامي واضح

نظرت له وهزت رأسها دوم وعي

امسك يدها وجذبها  خلفه وهبط وأثناء هبوطهم كانت صوفي تنزل مع ملك نظرت لهم صوفي بسخريه وتركتهم وهبطت بينما نظرت ملك لحمزة نظره غامضه ثم نظرت لمليكه نظره حقد وابتسمت بحانبيه وتركتهم وهبطت بغضب بينما كان حمزه طوال الوقت يضع عينه في الأرض نظرت له مليكه باعجاب خالص لهذا الرجل الذي أصبحت زوجته

اخذ حمزة يدها وهبط بها تحت أنظار الجميع المتعجبه من مسكته الملكية لها بينما الجد ينظر لهم ببسمه فبقاء محمد هنا ما هو إلا حجه لينفذ بها وعدة القديم هو كان بإمكانه ان يجعل ابنه بجواره بأكثر من طريقه ولكن اتخذها حجه ليتمم هذا الزواج 

أخذها حمزه وذهب تجاه والدته وهمس لها بشئ فهزت هي رأسها بيأس علي غيره ابنها الشديدة هذه هي من الان تشفق علي هذه الفتاه من غيرته 

قامت النساء بوضع الطعام الرجال في المجلس الخارجي والنساء في الداخل خرج الرجال جميعا الخارج ماعدا حمزه الذي كان يقف بجوار مليكه تحدث بحنان / كلي كويس لو سمحتي 

هزت له رأسها ببسمه تركها هو وتوجه نحو مجلس الرجال تحت نظراتها المعجبه به والتي تنبأ بولادة عشق افلاطوني سيحطم جميع الاسوار ولكن هل ستسمر هذه السعادة وينمو حبهم بداخلهم ام للقدر رأي اخر ويأتي ما يقتل حبهم في مهده قبل ازدهاره 

استووووب خلص الفصل يارب يكون عجبكم مستنيه تعليقكم ورأيكم وبجد شكرا لكل تعليق جميل زيكم فرحني انا بقرا التعليقات بس للاسف مش بيبقي عندي وقت ارد بسبب الامتحان والمذاكرة بس بشكركم جدا جدا وانتظروا مني تعديل جديد في مواعيد للروايه والنوفيلا لأني هخلي النوفيلا تلات ايام والروايه تلات ايام

دمتم سالمين

رحمه نبيل