الحلقة 35.....36.....37
من قصة ( المليونيرة الفقيرة )
دينا راحت عند عادل خبطت على الباب وعادل فتح
دينا .. خبر بمليون جنيه
عادل .. خبر ايه ؟!
دينا .. وصلت لنقطة ضعف ادهم الصفتي
عادل .. ايه انطقي بسرعة
دينا .. وصلني خبر إن ادم متجوز في امريكا ومراته وبنته
لسه واصلين القاهرة إمبارح
عادل .. بجد ؟
دينا .. مالك بتفكر في ايه ؟
عادل .. الكورة جت في ملعبي
دينا .. هنستغلهم اه ، بس دم لأ ياعادل
عادل .. بعدين نفكر هنعمل ايه بس الأول اعرف مكانهم
دينا .. نزلو على الغردقة وعنوانهم معايا ، بس الأول أعرف
انت هتعمل إيه ؟!
عادل .. مفيش هستغلهم عشان اوصل لأدهم
دينا .. نستغلهم كتهديد لأدهم بس مش اكتر من كده ، مش
عايزة اندم اني قولتلك ياعادل
عادل .. متخافيش يادينا انا كل ال يهمني ادهم وبس
____
الباب خبط قام عادل فتح لقي عمار
عمار .. ازيك ياعادل
عادل .. نعم ؟!
عمار .. مالك اخي شو فيك ؟ لساك شايل منى !؟
عادل .. عايز ايه !؟
عمار .. طب مش تقولي اتفضل بالأول
دينا .. ادخل ياعمار
عمار .. شفت كيف دينا اكرم منك ههههه
عادل .. ادخل في الموضوع وقولى عايز ايه ؟!
عمار .. ما جيت مشان مصلحة انا كان بدي اتطمن عليك وبس
دينا .. فيك الخير ياعمار وعالعموم انا كنت لسه هكلمك
عشان محتاجينك انا وعادل في موضوع مهم
،، عادل بص لدينا بتعجب وغضب،،
عمار .. انا تحت امركم شو في ؟
عادل .. ايه يادينا !!!؟
دينا .. من غير تعصب ياعادل لازم عمار يكون معانا لأنه هو
الوحيد ال ممكن نثق فيه لأن هو كمان ليه تار اكبر مني
ومنك عند ادهم
عادل .. وانا قولتلك مش هينفع ، وبعدين ده هيساعدنا
إزاي !! ده مبيقدرش يحمي نفسه
عمار .. خلى المشاكل الشخصية لوحدها ياعادل وملوش
لازمة الكلام ال يزعل ، واظن ان كان تارك عند أدهم في
مراتك ، فأنا تاري عند ادهم امي وأختي
عادل .. خلاص خلصنا ، عندك خطة للموضوع يادينا ولا ايه؟
دينا .. اولا عايزة اعرف عمار ان ادهم ظهرت ليه زوجة وابنة
وهما حاليا في الغردقة وعايزين نضغط على أدهم من خلالهم
عمار .. طب وعرفتي ده كله إزاي !!؟
دينا .. الفلوس بتخلي ليك عيون في كل حتة ، المهم خلينا
في موضوعنا
عادل .. طب ايه خطتك ؟!
عمار .. وليش راح نستغل زوجته وابنه مادام ادم نفسه
قدامنا !؟
دينا .. سؤال عمار هو ال مستنياه يتسئل من بدري ، بص
ياسيدي اكيد واحد زي أدهم كل ال يهمه الفلوس والثروة
وال جابه من اميركا لمصر طمعه في الفلوس والثروة
بس كمان ال عرفته إن السبب الرئيسي في مجيته مصر
هو هروبه من بعض القضايا ال ثبتت عليه في امريكا
عشان كده ادهم باع كل ممتلكاته هناك وحولها على مصر
وبعت جاب مراته وبنته هنا ،، إحنا بقا هنقلب الأية عليه
عادل .. إزاي !؟
دينا .. هنستغل اسرته من خلال تهديدات وناخد كل ثروته
وبكده ادهم الصفتي هيموت بالبطيئ لأن أبوه وامه الجنيه
عادل .. تهديدات !! ههههههه
دينا .. بتضحك على أيه ؟!
عادل .. ادهم الصفتي مش هتأثر فيه التهديدات ،، أدهم
الصفتي لو رصاصتك خييبت ومرشقتش في قلبه هينهينا
ومش هيكون لينا وجود
عمار .. عادل عنده حق ادهم مش سهل ومجنون ومتقدريش
تتوقعي هو ممكن يعمل إيه
دينا .. يعني هنعمل إيه ؟!!
عادل .. نخطفهم
دينا .. يالهوى لأ مش ممكن !
عادل .. ماهو إحنا مش هنقف نحاربه بمسدسات ميه😡
عمار .. وطي صوتك الناس تسمعنا ياعادل ، وبعدين يادينا
إحنا هنخطفهم ونساومه مش هنقتلهم يعني !!
دينا .. مش عايزة ندخل في دايرة احنا مش قدها
عادل .. إتطمني مش هنقتل حد بريئ ملوش ذنب إحنا مش
زي أدهم الصفتي
دينا .. ايوة كده ريحت قلبي ،، سيبونا بقا من الموضوع ده
وتعالو اعزمكم على الغدا عندي في البيت
عادل .. روحو انتو انا عايز انام شوية
دينا .. مفيش الكلام ده انا قولتلك هتيجي معايا يبقا تقول
حاضر سمعت ولا لأ يلا بينااااا
عادل .. خلاص اتكتمي هدخل اغير هدومي واجي معاكم
فعلا وافق عادل ونزل مع دينا وعمار
___________
في الڤيلا
عادل .. هي امك مجمعة حريم الحتة وقاعدة في وسطيهم
بيعملو إيه ؟!!!
دينا .. والله ما أعرف ؟!! ثواني نسأل بابا وعم سيد قاعدين
بيلعبو طاولة هناك اهم
ابو دينا .. اهلا حبايبي خطوة عزيزة
دينا .. قولي يابابا هي ماما بتعمل ايه مع حريم الحتة !؟
ابو دينا .. امك شكلها لسعت ، بتعمل تمرينات مع حريم
الحتة عشان يخسو
دينا .. بتعمل كده عشان خاطر تعجبك يابابا هههههههههههه
ابو دينا .. والنبي لو حتي بقت كارينا كابور برضو الوحش
وحش يابنتي
ام دينا .. سمعاك ياراجل ياناقص
ابو دينا .. انا جايلك ياسيد
عادل .. هههه ابو دينا خلع
أم دينا .. اهلااااا ربنا يستر بخاف لما بشوفك انتي وجوز
التيران دول مع بعض
عادل .. الله يكرم اصلك ياأم دينا
دينا .. تيران ايه بس ياماما ههههه احنا جايين ناكل من إيدك
ياست الكل
أم دينا .. ياخبر من عيني ساعة والأكل يجهز ، بس أخلص
أخر تمرين وأفضالكم
عمار .. ماشي ياامي ع كيفك
_____
أم دينا .. يلا ياولية منك ليها هنبدأ بتمرين القوة كل واحدة
تقلع الشبشب وتلبسو عشرين مرة ( تم )
التمرين التاني .. تمرين النكد كل واحدة تحط إيدها على
خدها لمدة خمس دقايق ( تم )
التمرين التالت .. تمرين النباهة كل واحدة تحط إيدها على
وسطها وتغمض عين وتفتح التانية مع عضة الشفة ال تحت
والوضع ده ممنوع تكون عينك متكحلة فيه عشان المخفي
جوزك ميفهمكيش غلط يامسهوكة منك ليها ( تم )
وأخيرا بقا هديكو شوية معلومات لازم تعملو بيها
١ - ممنوع منعا باتا تستحمي لمدة ١٥ يوم عشان ريحتك
تفضل معششة في نغاشيشه فيدمنها ويلزق في البيت
ميخرجش
٢ - الفلاين ال بحملات بتاعت جوزك تقطعيله حمالة وتسيبي
التانية بس تقطعي الحمالة الشمال وتسيبي اليمين كابسة
على نفسه عشان دايما يكون فاكرك
٣ - اليوم ال ملوش دماغ يعمل حاجة تجيبي بخمسة جنيه
لبان وتمضغيه كله وتحطيه تحته على السرير هو يلزق من
هنا وانتي تاخدي غرضك منه براحتك
٤ - نفضي جيوبه اول بأول ولو حب يخرج على القهوة
تديله تمن كوباية الشاي وسيجارتين فرط فقط لا غير
عشان مايدورش يتسنكح وانتي نايمة على ودانك ف البيت
٥ - خليكي تقيلة ولو جوزك قالك بحبك قوليله أمك واكلة
مسبك عشان ميحسش إنك رخيصة وسهلة
وأخيرا .. أعاننا الله وإياكم على أزواجنا الجربانين ،،
______________
الحلقة السادسة والثلاثون من رواية(المليونيرة الفقيرة )
ام دينا .. يلا يااولاد الغدا جاهز
دينا .. الله تسلم ايدك ياماما الأكل تحفة
ام دينا .. بالهنا والشفا يابنتي مطرح ما يسري يمري
ابو دينا .. وانت اخبارك ايه دلوقتي ياعادل ؟
عادل .. الأمور ماشية والحمدلله
ابو دينا .. ناوي على في الفترة ال جاية ؟
عادل .. والله لسه ما قررتش بس إن شاء الله خير
سيد .. الشرطة وصلت لحاجة في موضوعك ولا لسه؟
ام دينا .. ما لقيتش غير الموضوع ده وتحكي فيه !! افتكر
حاجة عدلة ياغراب البين
سيد .. هو انتي لسانك دايما كده ماتبري منك
ام دينا .. كل وانت ساكت ياسيد متفتحنيش عليك
سيد .. لا ده واضح انك شايلة جواكي الموضوع مش
موضوع كلام وواقف في زورك
دينا .. في ايه ياماما الموضوع مش مستاهل
عادل .. الشرطة لسه موصلتش لحاجة ياعم سيد وأكيد
أي جديد هتكونو على علم بيه
ابو دينا .. قوليلي يادينا هو الواد ال اسمه ادم ده
مكلمكيش تاني ؟
دينا .. لحد دلوقتي لأ
عمار .. بالأكيد هو حاليا مستني رد فعل بعد عملته السودا
ام دينا .. ومين ان شاء الله ال هيعمل رد فعل مع مجرم
زي ده ، وبعدين عادل الراجل محيلتوش حاجة ولا مال ولا
منصب يقف بيهم في وش ادم الصفتي فراضي بقضاء ربنا
وده مش وحش لأنه عارف حجم عدوه كويس
دينا .. رايح فين ياعادل
عادل .. الحمدلله شبعت ، هشرب سيجارة في الجنينة بره
لحد ما تاكلو
دينا بصت لأمها بصة بغضب وقالتلها ايه ال بتقوليه ده
ياماما مينفعش كده , وراحت ورا عادل
ابو دينا .. يعني ياولية يافقر ده كلام تقوليه قفلتي نفس
الواد عن الأكل
ام دينا .. ماهي دي الصراحة احنا هنضحك على بعض!؟
ابو دينا .. دي مش صراحة دي وقاحة😡
سيد .. خلاص اهدو ياجماعة وصلو ع النبي ،ال حصل حصل
وخلاص وأكيد هي متقصدش ياأبو دينا
ام دينا .. لا انا عارفة انا بقول ايه ياسيد ياأعوج وقاصدة
إني افوقه عشان خايفة عليه لأني عرفته متهور من يوم
ما راح جابنى من بين عين ادم الصفتي ومتأكدة إنه أكيد
بيخطط لحاجة وإنه مش هيسيب دم دعاء يروح هدر
لأنه راجل بجد ويتخاف عليه مش زيك انت وواحد صاحبنا
حتت جزار معفن علقكم على وش المحل زي الخرفان
ابو دينا .. ومين الخروف التاني بقا ياست هانم !!؟
سيد .. متحاسب على كلامك ياحسين يعني انت كده بتأكد
إني خروف أولاني ولا إيه ياحسين 🙄
ابو دينا .. يعني هي تقولك ياخروف وتسكت وتيجي تتشطر
عليا انا !!
سيد .. ويعني هو مين السبب في إني اتعلق زي الخروف
جنبه!!
ابو دينا .. لاااا انتي كده زودتها قوي ،، انت بتعايرني ياسيد
سيد .. انا مش بعايرك ياحسين بس الراجل ال ميسيطرش
على مراته ميبقاش راجل ياحسين
ام دينا .. تعالى هنا انت كمان بتوقعني في جوزي وبتحرضو
عليا وربنا ما انا سيباك !!
ابو دينا .. انتي مش مكفيكي الفضايح ال عملهالى وكمان
عايزة تضربي صاحبي في بيتي ،، ومسك السكينة من على
السفرة وضرب بيها ام دينا في بطنها وهي ماسكة في سيد
بس للأسف ام دينا لفت ضهر سيد لحسين راحت لبست
السكينة في ...... عم سيد
سيد .. اااااااااااااه يخربيت نشالك ياحسييييييين
____________
نرجع شوية لورا للحظة خروج دينا ورا عادل للجنينة
دينا .. اسفة على الكلام ال قالته ماما
عادل .. متتأسفيش امك عندها حق
دينا .. لا ياعادل متكبرش الموضوع انت عارف ماما على
نياتها ومش بتحسب للكلام قبل ماتقوله
عادل .. انا فعلا محلتيش حاجة اقف بيها في وش ادم
الصفتي
دينا .. لا ياعادل انت فيك اهم حاجة ال هي الرجولة
والشجاعة ودول اهم حاجة في صفات اي راجل وكمان دول
مش موجودين عند معظم الرجالة
عادل .. بلاش نفخ على الفاضي ، رجولة وشجاعة لو هنحارب
بالسيوف راجل لراجل بس زمن الجاهلية عدا خلاص يادينا
دينا .. الراجل راجل ياعادل في أي مكان وزمان وبعدين بطل
بقا توليع سجاير عشان صدرك
عادل .. هاتي العلبة اخدتيها ليه!
دينا .. لأ قولتلك مش هتولع
عادل .. اخلصي بقا
دينا .. وانا قولتلك مش هتاخدها
عادل حب ياخدها بالعافية ودينا رافضة وحطت إيدها ورا
ضهرها وعادل بيلف إيده حواليها عشان ياخد العلبة من
إيديها ,, في لحظة كده خد باله إنه حاضن دينا من غير
ما يقصد بصت دينا في عين عادل والنظرات الملتهبة بدأت
تتجافا الواقع الخارجي نظرات عميقة شاقة ومرهقة
تتحدث عن معاناة مابين النظرة السابقة أيام خطوبتهم
والنظرة الحالية وهم لا توجد لهم صفة تجمعهم
مشوار طويل بين النظرتين كلاهما سارو في طريق مظلم
أجبره على السير فيه ولاكن هنا عند ملتقى الطرق تلاقو
اي نعم أختلفت ظروفهم ، ولكن لم تختلف قلوبهم ، وكأنهم
تعاهدو على الحب المطلق ، الحب الذي لا تغيره ظروف
او أزمنة او حتى الفراق
إقتربت الشفتين من بعضهما وسقطت علبة السجائر وعند
تلامس الشفتين إنطلقت صرخات أم دينا على ال حصل
في عم سيد ،،
طلعو يجرو على الڤيلا دخلو جوة
دينا .. في ايه ياماما حصل أيه !؟
ام دينا .. ابوكي ضرب عمك سيد بالسكينة
عادل .. طلع يجري على عم سيد مالك ياعم ضربك فين !!!
سيد .. ودي أقولها ازااااي خدني على المستشفى
انا بنزف مش قااااادر
فعلا خدو عم سيد على المستشفى
الدكتور .. في ايه ؟ وإيه الدم ال على .... ده ؟!!!!!
سيد .. عندي الدورة الشهرية يادكتور !! خلصني يادكتور
انت هتستغبى !! انا بنزف يالهووووووووى
فعلا تم إسعاف عم سيد
وفي الطرقة كانو واقفين كلهم ،، وفي وسط هذه الأجواء
مازالت النظرات الحارقة مابين عادل ودينا مستمرة
شوية وتليفون دينا رن
أدم .. الف سلامة على عمبوكة سيد قريبكم ههههههه
دينا .. انت عرفت منين !!
ادم .. النفس ال بتتنفسيه بيوصلني
عادل مين بيكلمك !؟
دينا .. ده هو ياعادل
عادل مسك منها التليفون
عادل .. عايز إيه ياض
ادم .. ياض !! هههههههه
عادل .. متقلقش نهايتك قربت كلها مسألت وقت مش أكتر
ادم .. ههههههه ( ادم الصفتي ما بينتهيش )
عادل .. بكرة تشوف ( وقفل السكة )
______
عادل .. خلى بالك منهم يادينا وأنت ياد ياعمار تعالى معايا
دينا .. هتروح على فين ؟!!
عادل .. بعدين هقولك
______
فعلا خرج عادل ومعاه عمار ركبو العربية
عمار .. اتحرك على فين ؟
عادل .. إطلع على البيت عندي
شوية وعادل مسك تليفونه
عادل .. ايوه ياديزيل تعالى على البيت عندي
ديزل .. لازم دلوقتي ؟!
عادل .. حالا تكون عندي وجهز رجالتك عندنا مأمورية
ديزل .. من عيني حاضر
_____
وصل عادل وعمار علي البيت وبعد شوية وصل الديزل
ورجالته
وبعد ساعة إتحركو متجهين نحو الغردقة
إتصل عادل على دينا وخد منها عنوان الفندق
وبعد وصولهم الفندق عرفو غرفة زوجت وابنة ادم الصفتي
عادل خبط على الباب و ..........
الحلقة السابعة والثلاثون من قصة ( المليونيرة الفقيرة )
وصل عادل وعمار علي البيت وبعد شوية وصل الديزل
ورجالته
وبعد ساعة إتحركو متجهين نحو الغردقة
إتصل عادل على دينا وخد منها عنوان الفندق
وبعد وصولهم الفندق عرفو غرفة زوجت وابنة ادم الصفتي
عادل خبط على الباب محدش رد
راح خبط الباب برجله ودخل ملقيش حد جوة
بس لقي الدنيا مبهدلة شوية وكأنهم أخدو بعض أغراضهم
سريعا وهربو
تبسم عادل ابتسامة في نهايتها غضب
عادل .. الطريقة ال هربو بيها تبين انهم كانو عارفين إننا
جايين نخطفهم ، ياترى هما عرفو إزي إننا جايين !!؟
بص عادل ناحية السرير شاف صورة فيها ادم ومراته وبنته
مع بعضهم ، مسك عادل الصورة وقعد يبص فيها شوية
وقال للديزل إحفظ شكلهم كويس ،
بعد كده بص شاف فنجان شاي على الشباك مشي ناحيته
مسكه لقاه لسه سخن صرخ في ديزل وقاله كوباية الشاي
لسه سخنة وده معناه إنهم لسه خارجين تعال ورايا بسرعة
فعلا خرجو بسرعة
عادل .. دوس بنزين شوية ياديزل
ديزل .. انا ماشي على 240 !!! اهدا ولو فعلا ماشيين على
طريق الرجوع للقاهرة هنلحقهم
بعد ساعة ..
ديزل .. بص كده يااستاذ عادل على شمالك ، هما دول ولا ايه
عادل .. ايوه اقطع عليهم الطريق بسرعة
فعلا كانت زوجت ادم الصفتي وبنته راكبين مع اتنين من
رجالة ادم الصفتي
وبعد صراع بالعربيات وضرب نار مكثف قدرو يوقفو العربية
بعد رجالة ادم ما سلمو نفسهم
عادل .. اهلا بالصيدة الثمينة ، خدهم على العربية ياديزل
عمار .. هنروح بيهم على فين دلوقتي ؟
عادل .. على المصنع القديم ال كنا شغالين فيه تبع دينا
عمار .. تمام ماشي بس انت قولت لدينا ولا لسه؟
عادل .. متشغلش دماغك بدينا دلوقتي
فعلا طلعو على المصنع ودخلو زوجة ادم وبنته ووقفت
حراسة مشددة عليهم
بعد كده طلعو على المستشفى وهما في الطريق
جت مكالمة لعادل من ادم
ادم .. انت مش قد ال بتعمله ده ياض
عادل .. هههههه لو مش قده مكنتش عملته
ادم .. انت مش عارف انت بتلعب مع مين
عادل .. وانتي لسه متعرفش أنت لعبت مع مين
ادم .. البنت وامها يرجعو والا قسما عظما ...
عادل .. اششششششش صوتك عاملى إزعاج براحة يلا
ادم .. طلباتك ؟
عادل .. ههههههههههههههههه ( وقفل المكالمة )
______
عمار .. فكرك ادم هيسكت
عادل .. ولا ميسكتش مبقاش عندي حاجة اخاف عليها
عمار .. وهنعمل ايه دلوقتي ؟
عادل .. هقتلهم بس بعد ما اعذبو شوية
عمار .. هتقتلهم !!
عادل .. مالك اتخضيت ليه !!؟
عمار .. لا بس احنا متفقناش على القتل!
عادل .. ودم دعاء وامك واختك وكارم !؟؟
عمار .. بس دينا مش هتوافق على كده
عادل .. سيب كل حاجة لوقتها ،، ودلوقتي متجيبش سيرة
بالحصل قدامهم في المستشفي
عمار .. ماشي
________
فعلا وصلو المستشفى
دينا .. كنتم فين الليلة ال فاتت !!؟
عادل .. بعدين هحكيلك ،، قوليلي عم سيد اخباره إيه ؟
دينا .. كويس الحمدلله تعالى ندخل جوة بابا وماما عنده
دخل عادل ودينا وعمار
عادل .. بهزار ،، مالك نايم على بطنك ليه ياعم سيد
سيد .. بستعبط ياعادل
عادل .. ههههههههه الف سلامة عليك ياقلبي
عمار .. الف سلامة عليك عمو
ام دينا .. انا مش عارفة يااخويا إيها شوال القطن ال حطينه
على ...... ده
سيد .. انتي تخرسي خاااااالص ااااااه يا ....
عادل .. 😅
سيد .. إخرس ياحيوان بتضحك على ايه !؟
عادل .. أصلك مش بتتكسف وانت بتقولها ياعم سيد 😅
سيد .. دا انا واخد فيها سكينة ومش عايزني اتوجع ياجزمة
ام دينا .. استحمل ياسيد وخليك راجل امال ، ايه ياإخواتي
الرجالة النص كم دي !!
سيد .. ياولية انتي كلامك بينرفذني
ابو دينا .. معلش ياأخويا ياريتها ايدي كانت إتشلت قبل ما
ما تعمل فيك كده
سيد .. ياريتها ياحسييييين ياريت
ام دينا .. بعد الشر ياسيد إن شالله ال بيكرهوه
سيد .. وربنا انا لو بكرهه ما هيحصل فيا كده
ابو دينا .. قلبك ابيض بقا ياسيد وبعدين يااخويا إحنا في
الأخر اهل ، وال عمل فيك كده يبقا اخوك إحنا عشرة
30 سنة ياسيد
سيد .. انا بقول كفاية علينا كده ياحسين منكم لله ياعيلة
ما بيجيش من وراها خير الأذية
ام دينا .. المرادي بقا انت هتيجي معانا على الڤيلا لحد ما
تخف وياسيدي انا وابو دينا هنشرف على علاجك من حقن
ودوا وقطرة واي علاج ، متخافش إحنا عندنا خبرة بردو
سيد .. قطرة !!! هحطلها قطرة ياسعاد !! خدو الولية دي من
جنبي هتجيبلي جلطة
_________
شوية وعادل مسك تليفونه وخرج
عادل .. ايوه ياديزل اسمعني كويس
ديزل .. سامعك ياريس
عادل .. انقل الست وبنتها في المكان ال قولتلك عليه
ديزل .. حاضر
_____
فعلا رجالة عادل نقلو الست وبنتها لمخزن محدش يعرفو غير
عادل ورجالته
بعد شوية وادم كلم عادل
ادم .. كلها مسألة وقت ومراتي وبنتي يكونو معايا وافضالك
بس انت تكون راجل يالا وتستحمل
عادل .. ههههههههه لو قعدت الباقي من عمرك تدور عليهم
مش هتوصلهم
ادم .. هههههههه خلينا نشوف ( انتهت المكالمة )
______
ادم ورجالته وصلو المصنع
ودخلو بسلاحهم قلبو المكان بس ملقوش حاجة
عادل كلم ادم بالتليفون في نفس اللحظة
عادل .. هو حضرتك بتدور على حاجة ياادم بيه ههههههه
ادم .. لأخر مرة هحذرك رجعلى مراتي وبنتي
عادل .. بشرط
ادم .. انطق
عادل .. ____________يتبع
المتابعه قليله شدو حيلكم شوية عشان تشجعوني انزل اخر ثلاث فصول من الروايه
ايدك ع المتابعه هنا