 |
الحلقة 22 ...23...24...25...26
من قصة ( الحب الأول )
المجهول .. انت فاكرني نايم علي وداني.. انا يابني مفيش نفس بتتنفسه انا معرفش بيه .. قولي انت ليه قابلت علاء
أحمد .. قولي كنت استني إيه تاني بعد ما علاء خطف شوق
المجهول .. ومين قالك إن علاء هو ال خطف شوق؟!
أحمد .. ومين غيره مستفيد من خطف شوق وهيكون مين غيره
المجهول .. علاء مخطفش شوق
أحمد .. إيه !!!! اومال مين !!؟
المجهول .. طرف تالت
احمد .. طرف تالت !!! مين ده؟؟؟؟؟
المجهول .. ال أعرفه أنا أنه مش علاء وهكتفي إني أعاقبك بإني أسيبك تعرفه لوحدك عشان بعد كده متاخدش قرارات من دماغك
أحمد .. ده ال هو ازاي متنطق وتخلصني أنا مش فاضي للألغاز ولعب العيال ده
المجهول صرخ وقال .. احمد 😡 إلزم حدودك واعرف انت بتكلم مين
أحمد .. معلش بس مينفعش تقلب دماغي وتسيبني كده
المجهول .. المقابلة انتهت😡
طلع أحمد من المزرعة وراح ع الارض ودماغه هتشت ومش شايف قدامه ودماغه عمال تودي وتجيب ومش واصلة لحاجة وفي ساعة الفجرية تليفون أحمد رن
أحمد .. ايوة مين معايا
.. أنا شوق ياأحمد
أحمد .. ايوه ياشوق انتي فين
شوق .. انا مخطوفة يااحمد ومش عارفة انا فين
أحمد .. مين ال خاطفك
شوق .. معرفش ياأحمد الناس ال بتتعامل معايا غريبة ومحدش بيكلمني منهم وهما ال إدوني التليفون عشان أكلمك بس أكيد علاء هو ال خاطفني هيكون مين غيره
أحمد .. لا مش علاء ياشوق .. الو ؟ الو!! ( المكالمة قطعت )
احمد قعد في حيرة اكتر بعد المكالمة دي وقعد يسأل نفسه هما ليه مخلوش شوق تسمعني وأنا بقولها إن مش علاء ال خاطفها ؟!
ومين الطرف التالت ده !؟
وإيه مصلحته في خطف شوق ؟!
طب لو ليه مصلحة او طلبات كان كلمني وع الاقل ساومني فيها !!!
في الناحية الأخري
إسراء .. هفضل محبوسة كده لحد إمتا ؟
علاء .. لحد ما ترجعي عن ال في دماغك وتقفي جنب أخوكي مش جنب الواد الهلفوت ال واكل عقلك
إسراء .. إخرس ، الواد ال أنت بتتكلم عنه وقت ما كان خاطفني كان قدامه إنه يعمل أي حاجة فيا بس عشان هو ابن اصل كان شايلني في عنيه وعلي فكرة طلب مني اني امشي وأرجع بيتي وفعلا مشيت بس بعد ما مشيت حسيت إني مش حاسة بالأمان حتي لو هرجع بيتي جنب اخويا ورجعتله
ودلوقتي انت فعلا بتثبتلي إني كان عندي حق
علاء .. إخرسي يافاجرة وضربها بالقلم وقال .. انتي الواد لحس عقلك خلاص .. بس إتطمني قريب اوي هسيبك براحتك .. بس لما أقطعهولك حتة حتة وأسويه علي نار هادية
شوية وتليفون علاء رن
علاء .. الو
المحامي.. ايوة ياعلاء بيه ليك عندي خبر حلو
علاء .. خبر ايه؟!
المحامي.. الواد ال أسمه أحمد إتحكم عليه بالإعدام غيابي في قضية خطف أختك وقدرت أعمل تأجيل في قضيتك
علاء .. تماااااام هو ده الكلام المظبوط مع السلامة
مشي علاء ناحية إسراء وهو بيضحك ضحكة صفراء وقالها حبيب القلب إتحكم عليه بالإعدام في قضية خطفك
في نفس اللحظة عزيز بلغ احمد بالخبر إتصدم أحمد ولكن سرعان ما تدارك الموقف وقال لعزيز
أحمد .. وقضية علاء وصلت لحد فين !!؟
عزيز .. إتأجلت !
أحمد .. طبيعي ومتوقع علاء هيخرج منها
عزيز .. يخرج إزاي ده معترف في الفيديو
أحمد .. لا ياصاحبي القانون أتعمل للغلابة ال زيينا وصدقني موضوع التاجيل ده هيفضل يتعمل لحد ما الرأي العام ينسا والقضية هتتقفل ويرجع علاء لحياته الطبيعية تاني
عزيز .. كده مفيش قدامنا غير إننا نجيب إسراء بالقوة
أحمد .. لا مش عايز دم ياعزيز
عزيز .. مفيش قدامنا حل تاني وعلاء مستحيل يسلمك دليل برائتك
أحمد .. لسه المحامي بتاعنا هيطعن في الحكم معانا شوية وقت
بعد شوية علاء رن علي احمد وكلمه
علاء .. مبروك عليك الإعدام
أحمد .. الله يبارك فيك عقبالك والله هفرحلك
علاء .. هاهاهاهاها خلينا في المهم لساك منشف راسك ومش عايز تسلمني شوق وتاخد دليل برائتك
احمد .. يابني انت مبتفهمش شوق اتخطفت وقريب هعرف ال خطفها مين وبرضو بعد ما ترجع مش هتشوف ضفرها لو علي موتي
علاء .. مش هتفرق كده كده انت هتموت وشوق هتظهر وبرضو هاخدها هاهاهاها
قال يقولي شوق مخطوفة قال هاهاهاها
أحمد .. طب غور في داهية دلوقتي معايا مكالمة
-------
أحمد .. ايوه مين
شوق .. اسمعني بسرعة مفيش وقت أنا كنت شاكة في حاجة اليومين ال فاتو ودلوقتي إتأكدت منها
أحمد .. قولي بسرعة
شوق ..
الحلقتين 23 و 24 من قصة ( الحب الأول )
شوق .. اسمعني بسرعة مفيش وقت أنا كنت شاكة في حاجة اليومين ال فاتو ودلوقتي إتأكدت منها
أحمد .. قولي بسرعة
شوق .. أنا حامل منك
احمد .. إيه !! إزاي ده!!
شوق .. إلأعراض كانت بتظهر عليا الفترة ال فاتت بس
مقدرتش أقولك لأن الموضوع كله بالنسبالي كان مجرد شك
بس خلاص الامور بالنسبالي بقت واضحة وضوح الشمس
احمد .. يعني الليلة ال قضيناه في إسكندرية هي السبب؟
شوق .. سبحان الله مع إني إتجوزت المخفي علاء سنتين ومحصلش أي حمل
أحمد .. يعني أنتي متأكده إن ال في بطنك ده إبني؟
شوق .. في إيه ياأحمد أنت ناوي تتخلا عني ولا إيه!!
أحمد .. أنتي بتقولي أيه أنا مش مصدق من الفرحة
شوق .. ريحت قلبي ، يعني انت بجد فرحان
أحمد .. والثواني هتعدي عليا سنين لحد ما ألاقيكي وأتجوزك
شوق .. سلام بقا ياحبيبي دلوقتي أحسن حد يوعا عليا
احمد .. خلي بالك من نفسك ومن إبننا
شوق .. حاضر ياقلبي مع السلامة
قفل احمد المكالمة وهو مش مستوعب ال سمعه
وبقا في شعور ملخبط جواه مش عارف نفسه يفرح ولا يزعل
جه عزيز وقف جنبه بيكلمه واحمد شارد وسرحان في دنيا تانية
في لحظة أحمد فاق ورد علي عزيز
عزيز .. في إيه ياصاحبي دماغك راحت لحد فين عمال أكلمك وانت ولا معايا خالص
أحمد .. أسكت ياعزيز أنا برج من دماغي هيطير
عزيز .. ليه بس فيك إيه
احمد .. شوق حامل ياعزيز
عزيز .. انت شكلك واخد ضربت شمس وبتقول اي كلام ياصاحبي
احمد .. ياريت ياعزيز الموضوع كبير ياصاحبي
عزيز .. فيك إيه يااخوي مالك
احمد .. هحكيلك ياعزيز ........ ألخ
حكي أحمد الموضوع كله لعزيز
وعزيز بقا مش مصدق بيضرب كف علي كف
عزيز .. يانهاري يااولاد وشايل ده كله كيف جواك ياأخوي
أحمد .. شفت بقا ياعزيز قولي اعمل إيه يااخوي أنا دماغي وقفت
عزيز .. العمل عمل ربنا ياصاحبي بس ال انا أعرفه إنك لازم
تقلب الدنيا وتوصل لشوق لو مش عشانها عالأقل عشان إبنك ال في بطنها
أحمد .. ايه الكلام ال بتقوله ده ياعزيز أنا رقم 1 عندي شوق وبعد كده قول ما شئت
عزيز .. عيني ع الحب وسنينه هههه
أحمد .. تصدق ياد إني غلطان أن حكتلك قوم أمشي من وشي غور
عزيز .. إهدا بس ميبقاش طبعك حامي أمال ،، أقولك أنا
حكاية خطف شوق أقطع دراعي إن ماكان الواد علاء هو ال وراها
أحمد .. أصبر أصبر خليني أشوف العمدة بيرن عليا
.....
أحمد .. ألو ياعمدة
ألعمدة .. أمك فاقت ياأحمد
أحمد .. بجد ♥️ أنا جاي دلوقتي ياعمدة
العمدة .. لا ياولدي أصبر دلوقيت لما الدنيا تهدا هكلمك تيجي
أحمد .. لا مش هقدر ياعمدة أنا جاي مع السلامة
-------
عزيز .. صحيح ال أنا سمعته ده ؟
أحمد .. صحيح ياد ياأبو وش حلو
عزيز .. يابوووووي عيني عليك وانت الغزال رايقة معاك هههه
احمد .. ومتروقش ليه ياواد دي أمي يعني كل حاجة بدنيتي
عزيز .. ربنا يخليهالنا دي هي الخير والبركة
احمد .. طب يلا بينا روح هات العربية
عزيز .. ما بلاش دلوقيت أنا سامع العمدة بيحذرك
أحمد .. أشوف امي واتطمن عليها وياك بعد كده اموت
عزيز .. وعلي إيه ياعم بعد الشر عليك يلا هروح اجيب العربية جهز نفسك
فعلا عزيز راح يحضر العربية وأحمد بسرعة لبس وجهز نفسه
احمد .. أخرت ليه يازفت
عزيز .. اخرت إيه بس ياعم المستعجل انت
أحمد .. يلا بلاش غلبة انا لو أعرف اطير كنت طرت ووصلت عند ست الحبايب دلوقيت
فعلا طلعو بالعربية وكل شوية احمد احمد من الشوق واللهفة يقول ل عزيز شد حيلك شوية إجري أسرع شوية
لحد ماوصلو قريب من بيت العمدة وكلعادة وقف عزيز لأحمد يراقب الجو
واحمد زي العادة طلع عالمواسير ونط من شباك الاوضة
لقي أمه نايمة في مكانها والعمدة ودكتورة واقفين جمبها
الدكتورة إتخضت بس العمدة طمنها وقالها إنه إبنها
بص احمد لأمه لقيها مفتحة عنيها وأول ما شافته نظراتها
كلها كانت لهفة وشوق إنها تضم إبنها لحضنها بس الغريب إنها ماكانت بتتحرك
أحمد .. هي أمي مبتكلمش ومبتحركش ليه !!؟
الدكتورة .. كويس جدا إنها فاقت الغيبوبة ال كانت فيها في
ناس بتقعد فيها سنين وفي ناس بتموت وهي لسة في
الغيبوبة بس الحمدلله في إستجابة للعلاج أخيرا ومع الوقت
هتتكلم وتتحرك إن شاء الله
أحمد .. يعني أمي دلوقتي حاسة بوجودي جمبها؟
الدكتورة .. طبعا حاسة بيك وبوجودك وشايفاك بس متقدرش تتحرك أو تتكلم
احمد .. طب ممكن تسيبونا لوحدنا شوية؟
العمدة .. اكيد طبعا ده لو الدكتورة معندهاش مانع
الدكتورة .. بالعكس ده وجودك جمبها إيجابي جدا وهيسرع فترة العلاج بس ياريت ما تقولها أخبار تزعلها
احمد .. إتطمني يادكتورة
قعد احمد مع امه وبدأ يداعبها بالكلام ويحكيلها عن كل
حاجة وكمان حكالها عن الحفيد ال مستنيها تقوم
الأبتسامة ظهرت علي وش أمه ومعنوياتها أرتفعت وعزمها
علي الشفاء كان قد بلغ أقصي حدوده
الباب خبط ودخل العمدة طلب من احمد إنه يمشي قبل ما حد ياخد باله
أحمد .. خلي بالك منها ياعمدة
العمدة .. في عيني متقلقش بس طمني عملت ايه ف موضوع شوق في أخبار عنها
أحمد .. إتطمن ياعمدة قريب قوي هوصلها مع استاذن انا دلوقتي
العمدة .. يااحمد
أحمد .. خير ياعمدة ؟
العمدة .. شوق امانة في رقبتك ياولدي
احمد .. مالك ياعمدة بتقول كده ليه !!
العمدة .. أنا راجل كبرت خلاص وخايف أموت وبنتي تتعب
من بعد عيني ومش هقدر أطمن عليها مع حد غيرك فاهمني ياولدي
احمد .. فاهمك ياعمدة ربنا يديك الصحة وطولت العمر
العمدة .. مع السلامة ياولدي
أحمد .. مع السلامة ياعمدة
نزل احمد وخد عزيز وطلعو الجبل
مناع .. طمني ياولدي امك بخير ؟
احمد .. بخير الحمدلله ياعم مناع
مناع .. وصلت لحاجة في موضوع شوق؟
أحمد .. مستني بس امسك طرف خيط ياعم مناع
مناع .. الموضوع طول قوي وبقا ماسخ ياولدي
احمد .. أسمع ياعم مناع أنا عايزك تتواصل مع كل قطاع الطرق ال تعرفهم يمكن نوصل لأي معلومة
عزيز .. أيوة كده هو ده الكلام وانا كمان هتواصل مع كل حبايبنا ال نعرفهم إن شاء الله هنوصل لشوق
فعلا بدأ أحمد وعزيز ومناع في البحث عن اي طرف خيط يوصلهم ل شوق
في اليوم التالي ،،
مناع جاي بيجري علي أحمد وعزيز ووشه مخطوف
مناع .. كارثة ياأحمد كارثة ياولدي
أحمد .. في إيه ياعم مناع !!؟
مناع .. العمدة إتقتل
أحمد .. إيه؟!!!!
مناع .. زي ما بقولك كده ياولدي العمدة إتقتل لقوه مقتول
بالاوضة ال راقدة فيها أمك والدنيا مقلوبة عند بيت العمدة
أحمد .. وأمي !!
مناع .. بيقولو إن القاتل حاول يخنقها بس تقريبا ملحقش
أحمد .. يعني إيه!؟
عزيز .. يبقا أمك في خطر لأنها الوحيدة ال عارفة القاتل
عالأقل نجيبها جمبنا هنا ونشوفلها أي بنت من البلد تخدمها
لحد ما تتكلم ونعرف مين ال عمل كده واكيد ال عمل كده
هو نفس الشخص ال خطف شوق ده لو مكانش الزفت علاء
احمد مسك تليفونه ورن علي علاء
علاء .. إيه كمان هتقولي إني أنا ال قتلت العمدة هههه
احمد .. لحد دلوقتي مش متأكد بس صدقني لو طلعت انت ورا كل البلاوي دي أقسم بالله لأدفعك التمن غالي
علاء .. بس ياد نعرة كدابة وعالعموم إتطمن مش أنا أل قتلته
وبعدين هقتله ليه ؟! وإيه مصلحتي معاه دي حتي بنته
ميعرفش مكانها وبالتأكيد طبعا لو انا ال قتلته مش هخاف
من واحد زيك ،، دور علي ال خطف شوق ده لوانت مش
مخبيها وبعد كده دور علي دم حماك العمدة شوفو فين ولا
أقولك دور علي برائتك الاول لأنك لو أتمسكت في شارع
بتاكل ساندوتش فول هتتعدم هاهاهاها
قفل أحمد المكالمة مع علاء ودماغه هتشت حط إيده علي دماغه وقعد في الارض
وفي لحظة جت له فكرة مسك تليفونه وكلم الشخص المجهول وإترجاه إنه يقابله فورا
المجهول وافق وبالفعل راح احمد علي مزرعة شاكر محفوظ ودخل الڤيلا عشان يقابل المجهول وقفل الباب وراه بعد ما دخل
الحلقة ال 25 من قصة ( الحب الأول )
وفي لحظة جت له فكرة مسك تليفونه وكلم الشخص المجهول وإترجاه إنه يقابله فورا
المجهول وافق وبالفعل راح احمد علي مزرعة شاكر محفوظ ودخل الڤيلا عشان يقابل المجهول وقفل الباب وراه بعد ما دخل لقي المجهول قاعد وبيقوله
المجهول .. مبروك ع البيبي الجديد
أحمد وهو متفاجئ .. أنت عرفت منين!!!!
المجهول ضاحكا ،، مش قولتلك إن مفيش حاجة بتستخبي عليا
أحمد ،، بس دي محدش يعرفها غيري انا وشوق وامي ال مبتتكلمش قولي عرفت منين!!
المجهول .. اقعد بس مش هنقضيها إستغراب من أولها
أحمد .. أنا خلاص إحتارت ومش عارف مين ال ورا خطف شوق وقتل العمدة وأنت قولتلي إنه مش علاء طب هيبقا مين
المجهول .. أمشي ورا دماغك أنت شكك في محله
احمد .. انت عارف كمان أنا شاكك في مين !!!؟
المجهول .. السر مع امك لأنها شافت القاتل حاول تحافظ عليها لأنها مستهدفة القاتل مش هيسيبها عايشة لحد ما تنطق وتفضحه
أحمد .. كلامك مظبوط أمي هي ال هتقطعلي الشك باليقين
خرج احمد من عند المجهول وهو ماسك في إيده طرف خيط الموضوع كله
وبالفعل اول حاجة عملها خد امه وكمان خطف الدكتورة المعالجة معاه في الجبل عشان امه تكمل فترة علاجها
الغريب إنه كل ما كان يبص في عين امه كأنها هتطق وتحكيله الحقيقة
الدكتورة .. ممكن كلمتين علي إنفراد ؟!
أحمد .. خير يادكتور؟!
الدكتورة ..بصرف النظر عن إني مخطوفة أحب أقولك إني مش محتاجة تعمل ده كله عشان تخليني أعمل حاجة هي اصلا من واجبي إني أعملها وهي علاج امك
ثانيا ،، انت أخدت مني تليفوني بس كان معايا تليفون تاني في جيبي يعني لو كنت حابة أبلغ عنك كنت زماني في بيتي وانت في السجن
احمد ،، طب وانتي ليه معملتيش كده!!؟
الدكتورة .. لاني متابعة قصتك من اولها وشوق قبل ما تتخطف كانت بتحكيلي عنك
المهم إني حبيت أعرفك إنك تتطمن وتخليني أعيش حياتي عادي هنا اتطمن علي أسرتي بالتليفون وأكلمهم عادي زي ماكنت بعمل وبكده أبقا رفعت عنك جريمة خطف تانية كنت ممكن تلبس فيها ولو كلامي ده مش مقنع او مش واثق فيا تقدر تاخد التليفون وتكمل بالطريقة ال انت تحبها إيه رأيك؟
أحمد ،، ياستي انا كل ال بطلبه إن أمي تكمل علاجها وياستي خلي التليفون معاكي وخدي تليفونك التاني اهو تقدري تطمني علي أسرتك في أي وقت
بس ارجوكي تعملي كل ال تقدري عليه عشان امي تتكلم
الدكتورة .. للدرجادي مستعجل!!!؟
احمد .. بخلاف إنها امي ونفسي ربنا يشيفيها ..أمي يادكتورة معاها حل لغز كبير وهي بالنسبالي طوق النجاة الوحيد ليا ولشوق وحاجات كتير عقلك ميستوعبهاش
الدكتورة .. عالعموم إتطمئن من بعد قتل العمدة أمك بقا عندها دافع كبير يخليها تتكلم خصوصا إنها شافت القاتل وهو بيحاول يقتلها
أحمد .. الله المستعان ربنا يسمع منك اتفضلي انتي ارتاحي دلوقتي
-----------
مسك أحمد تليفونه وكلم المجهول
أحمد .. انا جبت امي عندي ع الجبل عشان تكون تحت عينيا
المجهول .. دي في حد ذاتها خطوة ممتازة بس خلي بالك منها كويس
أحمد .. ربنا يعيني وأقدر أخرج بيها لبر الأمان
المجهول .. خلاص المهمة قربت تخلص استحمل شوية كمان
أحمد .. عالفكرة علاء بيرن عليا وانا بكلمك
المجهول .. رد عليه وحاول تصبره اسبوع ولا حاجة لحد ما توصل لحل المشكلة ال انت فيها وبعد كده نشوف دليل برائتك
أحمد .. تمام ماشي
المجهول .. يلا سلام دلوقتي
أحمد .. مع السلامة
____________
علاء .. أنت فاكر إنك لما تخطف إسراء يبقا كده انت براءة عالعموم كده انت هتاخد براءة من الحكومة بس إعدامك هيبقا علي يدي
احمد .. هي إسراء كمان إتخطفت!!!؟
علاء .. خلص الكلام وخلص وقتك في الحياة ومن غير سلام
علاء قفل المكالمة وأحمد أصبح في دهشة كبيرة لأن ال بيعمل كده عارف كل حاجة وبكل الطرق قاصد يقطع أي إيد بتنصف احمد
شوية وجه عزيز مضروب بطلقة في كتفه
احمد .. فيه أيه ياعزيز مالك مين ال عمل فيك كده !!!!!
عزيز .. قولتلك ياصاحبي مصدقتنيش ااااااااه
الحلقة 26 من قصة ( الحب الأول )
شوية وجه عزيز مضروب بطلقة في كتفه
احمد .. فيه أيه ياعزيز مالك مين ال عمل فيك كده !!!!!
عزيز .. قولتلك ياصاحبي مصدقتنيش ااااااااه
احمد .. دخلوه جوه وهاتو الدكتورة بسرعة
الدكتورة .. ازاي ده انا دكتورة نفسية وعصبية مش جراحة
احمد .. عالاقل يادكتورة اعملي ال تقدري عليه مهما كان دلوقتي انتي تعرفي أكتر مننا
مناع .. وانا كمان هساعدك يادكتورة
الدكتورة .. وده ايه ده كمان
احمد .. ده مناع كبير الرجالة ال بره دي كلها والمكان ال إحنا فيه ده خاص بيه
مناع .. متقلقيش يادكتورة انا طلعت رصاص من جتت 4 رجالة من رجالتي
الدكتورة .. وعاشو ؟
مناع .. مات منهم تلاتة والرابع عاش مشلول
الدكتورة .. اطلع بره
أحمد .. معلش ياعم مناع اطلع بره دلوقتي
________
بعد حوالي ساعتين قدرت الدكتورة تطلع الرصاصة من كتف عزيز
احمد .. تسلم إيدك يادكتورة
الدكتورة .. اخر حاجة كنت أتخيلها إني اعمل كده
احمد .. الحمد لله يادكتورة ربنا يباركلك
الدكتورة .. أهم حاجة يكون في مكان هادي ويستحسن نخليه في المكان ال جنب امك عشان كمان يكون تحت رعايتي بشكل مستمر
احمد .. كل ال انتي عايزاه هيكون يادكتورة ان شاء الله
تقدري تروحي ترتاحي دلوقتي
الدكتورة .. ماشي ياأحمد أستأذن انا
-------------
تاني يوم أحمد دخل لعزيز وأطمن عليه وكان عنده فضول كبير يعرف إيه ال حصل مع عزيز
أحمد .. حمدلله عالسلامة يابطل
عزيز .. الله يسلمك ياصاحبي
احمد .. إحكيلي بقا الحكاية كلها عشان من إمبارح عقلي هيطير مني
عزيز .. أنا لما لقيتك ملهي في مشكلت شوق والعمدة ال مات قلت لازم أقف جنبك حتي لو هعمل حاجة من غير إرادتك
ففكرت في أكبر حاجة وأهم حاجة وهي إني
أخلصك من حبل المشنقة الملفوف حوالين رقبتك
أحمد .. قول بسرعة عملت إيه ؟!
عزيز .. كنت مسلط واحد من رجالتي يعرفني مكان علاء وبعد انت ما سبتنا ونزلت جبت أمك
جاني خبر بمكان علاء
طبعا في الوقت ده لو كنت قلتلك إني هجيب إسراء منه
مكنتش هتوافق وهتقعد تقولي إنك مش عايز دم
والحوار ال كلنا عارفينه
فجمعت كام راجل معايا وخدتهم ورحت علي
مكان علاء
أحمد .. يانهارك إسود ..كمل عملت ايه
عزيز .. متقلقش مفيش رصاصة إتضربت الموضوع كله تم
بهدوء من غير شوشرة وكمان إسراء ساعدتنا في الخروج
أحمد .. طب هيا فين إسراء وإيه حكاية الرصاصة ال بكتفك !!؟
عزيز .. براحة عليا خليني أكمل .. وإحنا خارجين خدنا بالنا
من الكاميرات بس شوفناها متأخر فوشوشنا كلنا ظاهرة
في الكاميرات
جبنا إسراء وجينا ع الجبل بس وإحنا لسه طالعين الجبل إتفاجئت بعدد رجالة كبير محاوطين المكان كله
ولسه انا بشد الأجزاء وهضرب لقيت حد جابني بقناصة من كتفي
وخطفو مننا إسراء
أحمد .. ااااه عشان كده علاء كلمني ومش مصدقني ولا إداني فرصة أدافع عن نفسي وكمان بيهددني
أنت عارف أنت بعملتك دي عملت فيا إيه ؟!
أنت بعملتك دي شعللت النار ال بيني وبيني علاء
وبعد ماكنت عارف دليل برائتي فين وعارف هجيبه إمتا
بقيت مش عارف دليل برائتي في يد مين وبقيت خايف أكتر علي إسراء ال ملهاش ذنب
عالاقل في الأول كانت عند أخوها وأنا عارف إنه إستحالة يقتلها أو يأذيها
بس دلوقتي ياعالم هي عايشة ولا ميتة
ليه بس ياعزيز ليه ياصاحبي
عزيز .. حقك عليا ياخوي أنا كان كل غرضي إني مترككش تحت رحمت حد
أحمد .. عالعموم خلي بالك من نفسك لحد ما تقوم
____________
بعد أسبوع
أحمد واقف مع عزيز ومناع
الدكتورة جاية بتجري علي احمد وهي طايرة من الفرحة
أحمد .. في إيه يادكتورة
الدكتورة .. أمك بدأت تحرك أطرافها ولسانها بدأ يفك
جري احمد مع الدكتورة علي امه بص لأيد امه لقي صوابعها بدأت تتحرك
أحمد .. بسم الله ماشاء الله أيوة كده ياأمي خلي عندك عزيمة وإرادة إبنك محتاجلك
الدكتورة .. أمك ماشاء الله صعيدية ودماغها ناشفة ومش بتستسلم بسهولة
__
احمد .. طب هي هتقدر تتكلم وتتحرك إمتا يادكتورة
الدكتورة .. لو كملت بنفس الحماسة دي يبقا قريب اوي وتوقعها في أي وقت
أحمد .. إن شاء الله يادكتورة ممكن بقا تسيبيني معاها شوية
الدكتورة .. أكيد طبعا تصبح علي خير
احمد .. وانتي من اهله
خرجت الدكتورة وقعد أحمد مع أمه حوالي ساعتين وبعد كده راح ينام
وعلي الساعة 3 الفجر الدكتورة بتهز كتف ام أحمد عشان تصحيها تاخد الدواء
فتحت الأم عينيها ملقتش الدكتورة هي ال بتهز كتفها
لقت القاتل ماسك حبل وناصب عينه في عينها __________________يتبع
مع تحيات مو صلاح ❤️
تكملة الرواية من هنا 👇👇👇