رواية حين يأتي العوض الجزء الثاني (موسي) بقلم أماني سيد حصريه وجديد وكامله جميع الفصول

 رواية حين يأتي العوض الجزء الثاني (موسي) بقلم أماني سيد حصريه وجديد وكامله جميع الفصول

رواية حين يأتي العوض الجزء الثاني (موسي) بقلم أماني سيد حصريه وجديد وكامله جميع الفصول

البارت الاول 
الجزء الثاني من موسى وعندما يأتي العوض
داخل قصر غاية الفخامه يجلس مع والديه يحتسى القوه
إينور: هتروح تبارك لاختك ملك على ابنها التالت امته يا مهران
مهران: بكره يا ماما حاضر
إينور: اه وبكره هنروح سبوع بنت بنت خالك هتيجى معانا
موسى : بيضحك فى سره على تقطيم اينور المخفى لابنها
مهران: اه طبعاً يا ماما انا بكره فاضى هاجى معاكوا إن شاء الله
إينور: ماتعزم سماء كمان 
مهران: هى تعرف بنت خالى عشان تروحلها 
إينور: اه شفتها مره لما كانت هنا 
مهران: لو بنت خالتى اتصاحبت عليها هى تعزمها انا بالنسبالى سماء كانت مهمه وخلصت 
إينور: طيب وهتبقى فاضى امته عشان نخطبلك كده وتتجوز كل البنات اللى اختارتهملك اتجوزوا وخلفوا وانت  لسه 
مهران: نصيب يا ماما نصيب هنعترض على حكم ربنا بقى
إينور: ربنا قال اسعى يا عبد وانا اسعى معاك
مهران: حاضر يا ماما حاضر
إينور: يعنى موافق خلاص
مهران: على ايه
[[system-code:ad:autoads]]إينور: اخطبلك
مهران: 😮‍💨🙄 بصى يا ماما وعد وعد لو لقيت البنت اللى تقدر تحرك ده وده وشاور على قلبه وعقله صدقينى مش هتردد لحظه انى اتجوزها 
بصى يا ماما عشان بجد انا تعبت من الكلام كل يوم في نفس الموضوع انا ليه مواصفات خاصة في فتات احلامى ومش هتنازل عنها الحاجه الوحيده اللى تقدرى تساعديني فيها انك تدعيلى الاقيها غير كده يبقى خلاص
مش هتجوز واغصب نفسى على حاجه انا مش عايزها 
سكت شويه وبصلها فى عنيها 
مهران: ماما انتى عارفه الانساه اللى المفروض اتجوزها دى هتبقى ايه 
هتبقى شريكه حياتى يعنى اول واحده هشوفها لما اصحى 
اخر واحده هشوفها قبل ما انام 
هتبقى كل اسرارى معاها 
هتبقى ام ولادى اللى هياخدى شكلى وشكلها وياخدوا من طبعى وطبعها فلو سمحت الجواز بالنسبالى حاجه كبيره اوى اوى بلاش تستهونى بيها 
سكتت اينور ومابقتش عارفه ترد وسابها ومشى وطلعوغرفته وموسى بصلها 
موسى: إينور حبيبتي انا عارف انك نفسك تشوفى ابنك عريس وتفرحى بيه بس مش بالطريقة دى ابنك راجل من صغره وشاف كتير وخسر ناس كانوا عزاز على قلبه بلاش تشيليه حمل انه يراضيكى على حساب نفسه قدرى دماغه ورغبته شويه وبعدين ده نصيب محدش بيتجوز مرات حد 
[[system-code:ad:autoads]]إينور: أنا خاېفه عليه خاېفه عليه بقول يمكن لو اتجوز وخلف ېخاف على نفسه اكتر من كده ويسيب شغله ده عشان خاطر ولاده ابنى ماټ قدامه اعز صاحب ليه وماټ القائد بتاعه اللى كان بيحبه على ايده كان بيشوف قهره اهاليهم قدامه وده كان بيخليه يصر اكتر انه يكمل فى شغله شوف ابنك غسل كام واحد كام واحد من اهالى صحابه اللى ماتوا عشان ولادهم ماتوا قبلهم فى عمليات 
انا كل مره يخرج مأمورية قلبى بياكلنى عليه 
موسى: ماتبصيلهاش بالطريقة دى المۏت زى الجواز كده محدش عارف معاده امته طيب مانا دلوقتي ممكن اخرج ومارجعش تانى ساعتها هتقولى مهمه برضه طيب منا بابا طب ماټ مره واحده بالسكته القلبية المۏت مالوش سبب وفى ظباط ولواءات كتير خرجوا على المعاش بدون مايجرالهم حاجه
ارمى تكالك على الله انتى مؤمنه يا اينو وقام حاضنها ماتخافيش يا حبيبتي ابنك راجل وعاقل وعارف هو بيعمل ايه
إينور: حاضر يا حبيبي عندك حق

Flash back
مهران وصل المديرية واجتمع مع الرؤساء وسمعهم تسجيل صوتى بصوت عزت وهو بيعترف على اخوه واداله المستندات اللى تقدر تدينهم كلها 
اللواء: طيب يا مهران المهمه المره دى انت هتكون القائد بتاعها 
مهران: ده شرف ليا يا فندم 
اللواء: تحب نزود الحراسه عندك في القصر
مهران: لا يفندم مش محتاج اللى موجودين مدربين كويس اذا حد فكر فى الھجوم على القصر 
اللواء: عزت هيكون عليه خطړ كبير بعد تنفيذ العملية هلى على عزت  وبنته 
مهران: لو قدرنا نمسك كل اعضاء العصابة ساعتها مش هيكون في خطړ وغير كده يا فندم انا مش نش عايز يبان ان ليهم يد او ان عزت  هو اللى مدنا بالمعلومات انا هخليه بعيد وبنته وبنه موجوده في القصر كنوع من التأمين احتياطي عشان مايضعفش ويبلغهم انه بلغنى 
اللواء: تمام يا مهران تقدر تستعد وتشوف مين هيطلع معاك المهمه دى 
خرج مهران من مكتب اللواء ومبلغش حد من زمايله عن مصدر المعلومات عشان محدش يسرب اى معلومة ياذى بيها فى المستقبل عزت او بنته

اتصل مهران بعزت 
مهران: عزت باشا انا عايزك تتعامل عادى جدا معاهم عشان مايلحظوش اى حاجه ومرضتش اكتب تقرير انك اللى بلغتنى بمعلومات عشان مايتحققش معاك وحد يفكر ياخد تاره منك او من بنتك فى المستقبل انا خليت التقرير بتاعك سرى للقيادات العليا فقط
عزت : الحمد لله انا كنت شايل هم الموضوع ده لحد من ولاد اخواتى يحاول ينتقم منى فى المستقبل
مهران: لا متقلقش بس اللى يسألك عن بنتك قولهم مسافره شهر حتى بعد العمليه مش هتظهر غير بعديها بشهر عشان محدش يشك
عزت : الحمد لله اهم حاجه ان بنتى تكون في امان انا كنت صح لما فكرت ألجأ ليك

عند زليخه قاعده مع بناتها بتحاول تواسيهم ويسر كانت اغلب الوقت ساكتنه 
ريحان اتصل على زليخه
ريحان: ازيك يا حبيبتي الولاد عاملين ايه
زليخه: نفسيتهم تعبانه جدا انا عماله الوم نفسي انى مكنتش معاهم
ريحان: لا يا حبيبتي ماتلوميش نفسك ده نصيب وجودك كان هيعمل ايه هيمنع مۏته مثلاً اللى حصل حصل وانتى دلوقتي وسط ولادك 
زليخه: طيب يا حبيبي انا اسفه بس انا مش هقدر اسيبهم اليومين دول
ريحان: طبعا يا حبيبتي مقدر ده بصى قضى الاسبوع ده معاهم وانا كل يوم هجيلك وهجيب غدا معايا وكل الطلبات اللى هتحتاجوها ماتشليش هم حاجه
زليخه: اشكرلى يحيى على موقفه مع بنتى هو وصاحبه انا عايزه اتصل بيهم واعزمهم لما العذا يخلص  بصراحه وقفتهم وجدعنتهم مع ولادى فى غيابى كبرتهم فى نظرى اوى واتمنى اشوفهم يسر حاكتلى كل حاجه عملوها معاها هى ووائل 
ريحان: حبيبتي ولا يهمك العذا يخلص واعملى اللى انتى عايزاه 
زليخه: ربنا يباركلى في عمرك مش عارفه لو مكنتش فى حياتى كنت هبقى عامله ازاى 
ريحان: حبيبتي انتى اللى نورتيلى حياتى مجرد كلامى معاكى بس بيسعدنى 
زليخه: بقولك ايه انا هقفل دلوقتي عشان الاولاد مش عايزه اسيبهم لوحدهم مع السلامه
بعد شويه دخل يحيى ليهم ومعاه الغدا 
زليخه: يا حبيبي مالوش لزوم تعبك كفايه اللى عملته مع ولادى فى غيابى 
يحيى: معنى كلامك انك مش معتبرانى ابنك زى وائل 
زليخه: يا خبر يا يحيى انت بتقول ايه ربنا يعلم معزتك انت واختك فى قلبى عامله ازاى 
يحيى: يبقى خلاص نتغدى كلنا ومش عايز اسمع كلام من النوع ده تانى 
زليخه: حاضر يا حبيبي واثناء حديثهم دخل وائل ومعاه نرجس وزليخه سلمت عليها ودخلتها غرفتها ترتاح ودخلتلها غداها عشان تنام وتسمع كلام الدكتور وجمعت العيله عشان يتغدوا 
رولين: يا ماما انا ماليش نفس كلى انتى 
يحيى: مايصحش الكلام ده وعلى فكره صحر جايالك كمان شويه تقعد معاكى هتصوميها معاكى ولا ايه 
رولين: لا طبعا وبص ليسر وانتى يا يسر 
يسر : لا طبعا انا هاكل اهو وشكرا اوى اوى يا يحيى انت وأستاذ مهران بجد مش لاقيه كلام على وقفتكم معايا 
يحيى: بلاش الكلام ده يا يسر احنا عيله دلوقتي
وقاعدوا يتغدوا مع بعض في جو عائلى ويسر كانت بتاكل ضعيف جدا بس بتمثل قدامهم انها بتاكل وطبيعية

عند اينور نادت على سماء عشان يتغدوا
إينور: يلا يا حبيبتي جهزى نفسك موسى ومهران جايين دلوقتي وهنتغدى كلنا سوا 
سماء: شكرا يا طنط بس انا شبعانه دلوقتي
إينور: لا طبعا مافيش الكلام ده ولا انتى مش حابه تاكلى معانا 
سماء: لا والله مش كده
إينور: بصى يا سمسم يا حبيبتي طول مانتى قاعده هنا عايزاكى تعتبرينا عيلتك لحد ماترجعيلهم بالسلامه ومش عايزاكى تتكسفى منى واى حاجه تحتاجيها قوليلى على طول
سماء: هو مهران ماقلش انا همشى امته او هقعد لحد امته
إينور: إذا كنتى انتى ماتعرفيش انا هعرف وعموما لما يجيى انهارده اساليه وهو هيقولك إن شاء الله
سماء: حاضر يا طنط انا هقوم انزل واحصلك على طول 
نزلت اينور وكان موسى وصل ومعاه مهران
مهران: إيه يا حبيبتي عامله ايه معلش دخلت عليكى بضيفه كده من غير ما ابلغك
إينور: ولا يهمك يا حبيبي عقبال ماتدخل عليا بعروستك كده 
مهران: امال هى فين 
إينور: فى اوضتها من ساعت ما جت 
مهران: مانزلتش خالص 😳 تقعد معاكى 
إينور: لا يا حبيبي هى واضح انها من النوع اللى بيتكسف لانها كانت مكسوفه تنزل تتغدى معانا 
مهران: طيب تمام خلى حد يبلغها انى عايزها فى المكتب على ما الغدا يخلص 
دخلت سماء لمهران المكتب 
مهران: ازيك يا انسه سماء اتمنى تكونى مبسوطه معانا
سماء: اه الحمد لله هو انا هطول هنا
مهران: شهر هتقدى معانا شهر 
سماء: طيب ايه السبب 
مهران: باباكى هيبقى يحكيلك المهم اى حاجه تعوزيها ماتتردديش لحظه إنك تطلبيها
سماء: حاضر
مهران: سماء صحيح معاكى رقم يسر 
سماء: مين يسر 
مهران: اللى كانت موجودة في عيد ميلاد صحر
سماء: لا مش معايا
مهران: طيب تمام
سماء: كنت عايزها فى حاجة مهمه 
مهران: اه اصل باباها اتوفى امبارح ونسيت معايا ورق وعايز اديهلها
سماء: البقاء لله لأ مش معايا
وسابته ومشيت وبتفكر ايه اللى جاب ورق بابا يسر المتوفى لمهران او ايه اللى وصلهم لبعض 
البارت التانى
خرجت سماء من عند مهران وقابلتها اينور 
إينور: يلا يا حبيبتي الغدا جاهز 
قعدوا يتغدوا فى جو فى الفه حبت يسر جو العيله اللى بينهم وكانت بتبص لمهران بنظرات اعجاب واينور اخدت بالها من نظرات الإعجاب اللى فى عين سماء بس قررت انها ماتدخلش عشان متعشمهاش لأنها عارفه ابنها 
عدى اليوم بدون احداث جديده عند جميع الأطراف
تانى يوم خرج مهران وجهز نفسه للعمليه واخد معاه بعض الرتب اللى بيثق فيهم وراح على المكان 
وتمت مناورات بين الشرطة والعصابه وتم القبض عليهم

عند يحيى مسافرش لان فى الوقت ده كان بينقل مقر الشركة بتاعه لاسيوط فكان مشغول وبعت جاب صحر عشان ماتفضلش فى البلد لوحدها وكانت قاعده عند زليخه وريحان قاعد في شقته فى القاهرة واهل زليخه سافروا وسابوها

بعد يومين تم القبض على جميع أفراد العصابة وده قوى وضع مهران اكتر فى شغله

عدى اسبوع على جميع الأحداث السابقه

زليخه اتصلت بيحيى وعزمته واخدت منه رقم مهران
وعزمتهم على الغداء
زليخه: يسر حبيبتي انا عزمت يحيى ومهران عشان اشكرهم على اللى عملوا معاكى انتى واخوكى عايزاكى تساعديني احضر عزومه حلوه تليق بيهم 
يسر : حاضر يا ماما ماتشليش هم شوفي انتى عايزة ايه وانا معاكى 
زليخه: هو انتى قاعدتى من شغلك ولا ايه
يسر : استاذ محيى تعبان وبيرفض القضايا الجديده والقضايا القديمه يا اما بيرجع المستندات لصحابها ياما بيبعتهم لمكاتب تانيه 
زليخه: طيب وانتى ماينفعش تمسكيها
يسر: لأ طبعا انا يا دوب يا دوب لسه متخرجه ماينفعش وغير كده لازم فتره تدريب كبيرة عشان اقدر اترافع لوحدى 
زليخه: طيب هتعملى ايه
يسر: ماينفعش طبعا اتخلى عن استاذ محيى فى الوقت الحاضر هستنى لما اشوف وضعه وبعدين هشوف انقل تدريب لمكتب تانى 
زليخه: وهو سهل كده
يسر : صعب جدا خصوصا الفترة دى لان المتخرجين اغلبيتهم قدموا فى المكاتب ونزلوا تدريب فصعب الاقى اماكن فاضيه دلوقتي 😮‍💨
زليخه: ماتزعليش يا حبيبتي ربنا هيعوضك بالاحسن بإذن الله انتى شاطره ومجتهده جدا في شغلك
يسر: لا يا حبيبتي مش زعلانه ادينى بريح اهو حد يلاقى راحة ويزعل ورسمت على وشها ابتسامه عشان ماتبينش انها متضايقه او الموضوع فارق معاها
يسر : صحيح يا ماما هترجعى امته انتى قاعده معانا بقالك اسبوع واكتر واكيد كده انكل ريحان هيزعل
زليخه: طيب بقولك ايه اختك هتيجى معايا البلد وهتكمل دراستها من هناك واخوكى متجوز ومستقر هنا وانتى شغلك وقف هنا ايه رايك تيجى تعيشى معايا في البلد
يسر : لأ طبعا مايصحش يا ماما اولا حضرتك ساكنه مع انكل ريحان وهو معاه شاب فى البيت وانا مش صغيره وطبعا مايصحش اتقل على خالوا وأفضل قاعده معاه غير كده انا مرتاحه هنا والشغل انا لسه فيه ولو سيبته هلاقى غيره بسهولة بإذن الله انتى كل اسبوع تعالى اقعدى معانا او انا اجيلك في الإجازات انما انا مش هقدر انقل خياتى هناك صعب لكن رولين سهل تنقل وتتاقلم كمان هناك

زليخه: على عيني يا حبيبتي اسيبك ده انتى سندى في الدنيا 
يسر : ربنا يخليكي ليا يا حبيبتي 
بقولك يلا تعالى ننزل نجيب الطلبات سوا ايه رايك
زليخه: يلا فكره حلوه وكمان عشان اعملكم زى المره اللى فاتت غدا تطلعه على التسخين
دخل وائل اثناء حديثهم 
زليخه: صحيح يا وائل انا عازمه بكره يحيى وصاحبه على الغدا عشان اشكرهم على اللى عملوا معاكوا
وائل: كويس انك عملتى كده بجد الناس دى محترمه اوى محدش وقف معايا ولا عمل نص اللى عملوا حتى صحابي محدش فكر يقف جمبى نص وقفتهم 
يسر : ولاد الناس يا وائل بيبانوا في الشده 
يسر اتكلمت مع وائل بعد ما مامتهم سابتهم لوحدهم 
يسر : على فكره ماما هتسافر بكره انا بعرفك عشان متتفاجئش او تبينلها انك زعلان وهتاخد رولين تعيش معاها 
وائل: حقها على فكره انا مش زعلان وكنت هكلمها فى كده انهارده
يسر : طيب كوبس انك متفهم

عند مهران كان قاعد في الجنينه بيشرب قهوه وجت عليه سماء
سماء: ممكن اقعد معاك شويه ولا هضايقك
مهران: لا طبعا اتفضلى يا انسه سماء
سماء: انت متضايق من وجودى او مفروض عليك
مهران: بصلها ليه بتقولى كده انا عملت حاجه زعلتك او حد قالك حاجه ضايقتك
سماء: لا ابدا بس عايزه أتأكد انى مش تقيله عليكوا
مهران: صحيح بباكى جاى بكره
سماء: هروح معاه
مهران: لا هو جاى يكلمك ويعرفك ليه انتى موجوده هنا
سماء: وأنت هتكون موجود
مهران: اه بإذن الله هو جاى بليل وانا بليل هكون موجود
واثناء حديثهم رن التليفون
مهران : السلام عليكم
زليخه: وعليكم السلام ورحمه الله وبركاته انا زليخه مامت يسر و وائل 
مهران: أهلا وسهلا بحضرتك
زليخه: انا عرفت وقفتك جمب ولادى وانا مش موجوده وبشكرك جدا عليها 
مهران: لا ابدا ده واجب اى حد مكانى هيعمل كده
زليخه: لا ده تواضع منك عموما انا حابه اتعرف عليك قبل ما اسافر إن شاء الله وعزماك على الغدا بكره انت ويحيى لو فاضى
مهران: مالوش لزوم تتعبى نفسك
زليخه: لا طبعا انا يشرفني وجودك لو انت مش حابب تتعرف عليا دى حاجة تانية
اتحرج مهران من زوقها
مهران: لأ خلاص بإذن الله هاجى بكره على الغدا هكلم يحيى اتفق معاه ونيجى سوا
زليخه: تمام يا حبيبي على خيره الله مع السلامه
سماء: انت هتتغدى بكره بره
مهران بصلها باستعجاب انها مركزه معاه بس مابينش 
مهران: اه والده وائل ويسر قرايب يحيى ويحيى كمان جاى
سماء: طيب ينفع اجى معاك انا زهقت من القاعدة بقالى اكتر من اسبوع مخرجتش بره القصر 
مهران: طيب تمام هبلغ يحيى يبلغهم وعموما اخواتى وولاد خالاتى كل اسبوع هنا اخرجى معاهم انتى مش محپوسه ومحدش هيمنعك من الخروج 
سماء: خلاص تمام اتفقنا 
خلصوا كلام ودخلوا القصر كانت إينور قاعده
مهران: ماما ماتعمليش حسابنا بكره فى الغدا 
إينور: إيه ده انتوا هتتغدوا بره 
مهران: فاكره العذا اللى كنت فيه من اسبوع مامتهم كلمتنى وعزمانى على الغدا عشان تشكرنى على وقفتى مع ولاها هى قريبه يحيى على فكره
إينور: ماشى يا حبيبي مافيش مشكله براحتكوا 
إينور ملاحظه اعجاب سماء بابنها بس مش عايزه تدخل عشان هى مش عارفه رد فعل ابنها هيكون ايه وفى نفس الوقت موسى منبه عليها ماتدخلش فى حياته عشان مايعاندش ومفهمها ان وجود سماء شغل مش اكتر 
وفى نفس الوقت سماء عجباها لأنها هاديه وروحها خفيفه
اتصل مهران بيحيى واتفق معاه على المعاد وعرفه انه يبلغهم ان فى ضيفه هتكون معاه 
تانى يوم قامت يسر حضرت مع مامتها الغدا وجت نرجس تساعدهم لكن زليخه رفضت 
زليخه: حبيبتي انتى تعبانه من الحمل بلاش تتحركى كتير 
نرجس: زهقت من القاعدة
زليخه: طيب بصى اعمل وانتى قاعده كده السمبوسه والحاجات اللى محتاجة تتلف ايه رايك وهجبلك حاجه السلطة تعمليها 
نرجس: طيب حاضر  بس ده واجب عليا على الاقل اقف معاكوا 
زليخه: لما تقومى بالسلامه ابقى اعزمينا واتعبى نفسك زى ماتحبى يا ستى محدش هيقولك لأ
وقفت زليخه حضرت اكل فى الديب فريزر زى المره اللى فاتت على السوا وكمان جهزت اكل بزيادة عشان خاطر نرجس وظروف حملها 
زليخه: بصى يا نونو يا حبيبتي انا جهزتلك فى الديب فريزر اكل على التسويه وكمان سبكتلك طماطم وخزنتلك خضار يعنى مش هتعملوا اى حاجه غير يا اما تطلعوا تسوا او تسخنوا 
نرجس: ربنا يخليكي لينا يا طنط ويباركلنا في عمرك
زليخه: بلاش طنط دى بقى انا زى مامتك يا حبيبتي قولى يا ماما على طول
نرجس حضنتها وقالتلها حاضر يا ماما

حضرت زليخه انواع كتير من الاكل وكانت بتحاول تشغل يسر عن التفكير لانها عارفه بنتها دايما بتدارى جواها فكانت بتحاول تلهيها وتشغلها وفى نفس الوقت زودت في كميات الاكل عشان لما تسافر الاكل يكفيهم اكتر من يوم 
كانت عامله محاشى بجميع انواعها وسمبوسه وكبيبه وبشاميل وجلاش ورز بالخلطه وسلطه باكتر من نوع كانت بتحاول تعوضهم عن عدم وجودها معاهم فعملت الحاجه اللي تقدر عليها واتصلت بريحان عزمته معاهم على الغدا وبلغته انها هترجع معاه وهو فرح جدا وخصوصا ان رولين هتعيش معاهم وإن صحر أخيرا هيكون ليها صحاب وهو وعدها انه مش هيفرق فى المعاملة لين صحر ورولين
بعد فتره
وصل ريحان ويحيى مع بعض 
وبعديهم بشويه وصل مهران ومعاه سماء واستقبلهم يسر ووائل لان زليخه كانت مشغوله بتجهيز السفره ونرجس بتساعدها 
شافت يسر سماء داخله مع مهران واتعرفت عليها انها اللى كانت موجودة في عيد ميلاد صحر
لكن حست بنغزه جواها من وجود سماء مع مهران وحاولت تدارى ورحبت بيهم 
يا ترا مهران قلبه هيروح لمين ؟؟
يا ترا رد فعل يحيى ايه لما يعرف بحكايه سماء

البارت الثالث 
دخل مهران وسماء واستقبلتهم يسر ووائل ويسر حست بضيق من وجود سماء مع مهران لانها شكت إن بينهم علاقة عشان كده جابها معاه واستاذنت عشان تجهز السفره مع مامتها وقالت لنرجس تروح تقعد هيا
دخل ريحان على زليخه المطبخ
ريحان: وحشتيني
زليخه: وانت كمان
ريحان: انا كمان ايه
زليخه: وحشتنى وحاسب بقى لحد يدخل علينا
ريحان: انا مش مصدق ان اخيرا هتروحى معايا مبسوط اوى 
زليخه: وانا كمان مبسوطه وخصوصاً ان رولين هتكون معايا وهكون مطمنه 
ريحان: لو يسر كمان عايزه تيجى البيت يشيلها
زليخه: لا يسر مش راضيه سيبها براحتها وانا كده كده مش هسيبها . ويلا بقى اخرج ميصحش وقفتك كده لما نروح تبقى اعمل اللى انت عايزه
ريحان: شكلى هعمل كتير 😉😉
خرج ريحان ويسر كانت بتجهز السفره وبتتفن تنزين شكل السفره ازاى 
وائل: يلا يا شباب السفره جاهزه 
قعدوا كلهم في جوه في الفه بينهم ومشاكسات من وائل ليسر 
يحيى: صحيح  استاذ محيى اللى بتدربى عنده يا يسر كلمنا وبيصفى القضايا ليه كده
يسر : ظروف صحية وابنه بعتله يسافرله عشان يتعالج هناك
ريحان: طيب انتى ناويه على ايه
يسر : هشوف مكان تانى انزل اتدرب فيه 
مهران: طيب ماتقدمى فى شركه (... ) اشتغلى فيها محتاجين متدربين في الشئون القانونية هناك 
يسر : دى شركة كبيرة اوى واكيد اللى هيقبلوا لازم يكون عنده واسطه 
مهران: جربى حظك وشوفي هما بيهتموا بالتقدير العام وبمستوى شغلك 
يحيى: بص لمهران انه مقالش انها مجموعة الشركات بتاعتهم وقال يمكن عشان خاف يسر ترفض مساعدته
يحيى: فعلا يا يسر جربى وادمى اخدوكى يبقى كسبتى شغل جديد رفضوا يبقى ماخسرتيش حاجه وبإذن الله تلاقى المناسب ليكى 
يسر : خلاص بكره بإذن الله هروح املى ابلكيشن وانا وحظى 
سماء: مهران مش دى شركات انكل موسى
مهران: اه هى وغير الكلام بسرعه قبل ما يسر تفهم قصد سماء لأن سماء لما قاعدت معاهم عرفت  اسم شركاتهم وبعض التفاصيل عنهم 
مهران: تسلم ايدك يا طنط الاكل حلو اوى اوى اوى 
زليخه: بألف هناةيا حبيبي بس مش انا اللى عامله الاكل كله لوحدى ده انتاج مشترك
مهران: انتاج مشترك ازاى
زليخه: بص يا سيدى السلطات والسمبوسه نرجس 
البشاميل والرز اللى بالخلطه والبوفتيك وصنيه الفراخ يسر 
انما للمحاشى بتاعتى انا وطاجن اللحمه كمان بتاعى
مهران: انا شبعت بس من حلاوة الاكل مش قادر اوقف بصراحه يا انسه يسر تسلم ايدك على الأكل الحلو 
سماء: غارت لما شكر مهران فى يسر . بصراحه يا طنط المحشى بجد لا يعلى عليه فظيع تسلم ايدك عليه 
ريحان لاحظ نظرات مهران المخڤيه ليسر ونظرات سماء المخڤيه لمهران بس محبش يعلق على اى حاجه سايب كل شئ للنصيب بس لازم 
يحيى كان قاعد جمب مهران
يحيى: هو ايه الموضوع
مهران: موضوع ايه 
يحيى: سماء ايه اللى لم الشامى على المغربى 
مهران: الشغل 
يحيى: المفروض اصدق انا بقى 
مهران: وهو لو فى حاجه هخاف اقول مانت عارف وشى مكشوف بس فعلا هى قاعده عندى فى القصر لدواعي امنيه 
يحيى: وجت معاك العذومه عشان دواعى امنيه برضو 
مهران: مايمكن جت لما عرفت ان الجماعه تبعك وانك ممكن تكون موجود 
( صدمتنى من مستوى فهمك يا مهران 😂😂) 
يحيى: لينا قاعده
خلصوا الغدا وبعد الغدا عملتلهم زليخه عصير وبعد كده يسر عملت قهوه وكانوا قاعدين بيتكلموا فى أمور مختلفه
مهران : طيب يا جماعه انا بجد القاعدة حلوه بس الوقت أتأخر ولازم نمشى عشان جايلنا ضيوف 
سماء: اه صح بابا جاى طيب يلا ولا ايه وميرسى اوى يا طنط تسلم ايدك وبجد اسفه اوى على تطفلى عليكوا انهارده
زليخه: لا يا حبيبتي تنورى اى وقت انتوا نورتونى انهارده 
يحيى: مهران انا كمان جاى معاك عشان عايزك فى موضوع
مهران: تمام يلا بينا 
زليخه: استنوا بس 
جهزت ليحيى ومهران كل واحد فيهم طبق مشكل 
مهران: ايه ده
زليخه: انا قلت طالما الاكل عجبكوا ده طب تتعشوا بيه 
مهران: طيب زودتى من المكرونه البشاميل اهم حاجه
زليخه بضحق : اه زودت منها كتير يا سياده المقدم ماتقلقش 
يحيى: طيب وانا حطتيلى محشى انت بحب المحشى اوى
زليخه: عارفه يا حبيبي بالف هنا 
مهران وسماء ويحيى استاذنوا ومشيوا

ريحان: ايه يا زوزتى مش ناويه بقى تجهزى عشان نمشى 
زليخه: اه حالا متقلقش 
ونادت على البنات ها بنات جاهزين يلا عشان نمشى 
رولين: اه انا جاهزه ومتحمسه اوى اشوف البيت اللى صحر عماله تحكيلى عنه والمرجيحه اللى فى الجنينه واسطبل الأحصنة
ريحان: ما تقلقيش يا رولا هتتبسطى اوى مع صحر وناظر على صحر ها جاهزه 
صحر : اه جاهزه يلا بينا 
زليخه سلمت على ولادها ومشيت مع ريحان وفى الطريق البنات نامت 
ريحان: ها يا زوزتى اسالى ماتتكسفيش
زليخه: وانت عرفت منين انى عايزه اسالك
ريحان: بقيت افهمك اكتر من نفسك
زليخه: هو احنا يعنى هنام فين 
ريحان مثل انه مش فاهم : فين ازاى فى الفيلا طبعاً
زليخه: قصدى يعنى هى جاهزه يعنى هنام فى انى اوضه
ريحان ضحك : لا متقلقيش مش انا قايلك ان كل حاجه في حياتنا عايزها تبقى جديده انا يا ستى اخدت الدور اللى فوق كله ليا انا وانتى وفرشته من اول وجديد وسبت اوضه المرحومة تحت زى ماهى عشان خاطر صحر سايبها هى اللى تقرر تعمل فيها وفى حاجه مامتها ايه
اكيد يا قلبى حاجه زى دى مش هتفوتنى
زليخه: ربنا يخليك ليا يا رب
عند يحيى وصلوا البيت وكانت اينور وموسى قاعدين في الصالون بيشربوا قهوه
إينور: ايه اللى معاك ده يا مهران
مهران: دى يا ستى طبق مشكل كده محاشى وبشاميل وشويه مقبلات وحاجات كتير عشان اتعشى بيهم طنط زليخه اللى كنا معزومين عندها لما عجبنا الاكل جهزتلنا اطباق واحنا ماشيين
إينور: ايه ده معقول في ناس لسه بالذوق ده طيب هات ادخله المطبخ
مهران: لا انا هاخده معايا الاوضه بتاعتى 
موسى : للدرجه دى الاكل عاجبك انا للزم ادوق بقى 
إينور: وانا كمان عايزه ادوق ومش هسيبك إلا اما ادوق 
مهران: طيب سيبيه وانا لما اجى اتعشى ادوقكم 
بابا لو سمحت عايزك فى المكتب 
موسى دخل المكتب واينور زى اى ام مصريه اخدنا الفضول ودخلت وراهم 😂😂
مهران: منوره يا ماما
إينور: بنورك يا حبيبي
مهران : بابا فى بنت بكره هتيجي تقدم في الشركه فى الشئون القانونية إسمها يسر زكى 
موسى: دى اللى كنت عندهم 
مهران: اه 
موسى : معاها كارت توصيه منك طيب عشان يقبلوها على طول
مهران: لا هى متعرفش اصلا إن الشركة دى تبعى هى متعرفش انى ابنك اصلا وكانت خاېفه تقدم عشان موضوع الواسطه اقوم انا مديها كارت وصايه 
موسى: انت عارف اننا مش بنقبل بأى حد ولازم اللى يشتغل يكون عنده خبره كبيره
مهران: مهو ده غلط يا بابا طيب الشباب الطموح اللى عنده افكار يروح فين عموما هى زكيه ونشيطه وشغلها هيعجب حضرتك بس اهم حاجه وده طلبى انهم يتعاملوا على أساس ان فى وظيفه شاغره وهى تقدم ويتعمل معاها انترفيو عادى عشان متشكش في حاجه
موسى: طيب تمام انا هظبطت الموضوع
إينور: هى دى اللى عامله المكرونه البشاميل
مهران: اه هى يلا عن اذنكم

عند يحيى وسماء
يحيى: عامله ايه
سماء: بخير الحمدلله
يحيى: هطولى في القاعده هنا
سماء: مهران قالى انى هقعد هنا شهر بس انا مش عارفه السبب والمفروض بابا جاى دلوقتي يعرفنى السبب هو انت بتروح البلد ولا قاعد هنا
يحيى: لا انا بنقل المقر الرئيسي بتاعى لاسيوط فبخلص اوراق هنا والناس اللى حابه تنقل هناك بخلصلهم ورق نقلهم وبظبطلهم اماكن يسكنوا فيها 
سماء: ربنا يوفقك يا رب
يحيى: وانتى ناويه تستقرى فين
سماء: واضح ان مش مكتوب عليه استقرار كنت ماصدقت استقر لكن بابا جابنى هنا
يحيى: اكيد وضع مؤقت طبعا وهترجعى تانى 
مهران خرج عليهم وهما بيتكلموا 
مهران: باباكى وصل يا سماء تعالى نقعد فى الجنينه
يحيى تمام وانا حاى معاكم عشان كنت عايزه فى موضوع مهم جه عزت واتفاجئ بيحيى قدامه واتوتر وحاول يدارى بس مهران لقط توتره 
يحيى: منور يا عزت باشا 
ياترى رد فعل يحيى ايه ومهران هيعدى توتر عزت كده 🤔🤔
اهى يا جماعه روايه زليخه وريحان عشان الناس اللى بتقول مش بتنزل اهى 
البارت الرابع
عزت: ايه ده يحيى ازيك عامل ايه
يحيى: بخير يا عزت باشا
مهران: اتفضلوا اقعدوا تشربوا ايه
عزت : قهوه 
بعت مهران وجاب قهوه ليهم 
سماء: ها يا بابا ممكن اعرف بقى السبب انى اسيب البلد
عزت حكى كل حاجه بالتفصيل لسماء ويحيى كان واقف 
يحيى : طيب ومبلغتنيش ليه
عزت : الموضوع جه بسرعه وانا كنت عايز اطمن عليها وامنها بأقصى سرعة 
يحيى: طيب وخلاص المهمه خلصت مخلتهاش ترجع ليه
مهران: عشان لو فى حد مراقب الوضع او متقبضش عليه رجوع سماء هيعمل شك وممكن فى المستقبل يسبب خطړ عليهم فوجودها هنا لدواعي أمنية فقط 
يحيى: طيب تمام الما هى موافقه وباباها موافق يبقى تمام . عموما انا هستاذن عشان الحق اسافر عن ازنكم
مهران: ماتبات يا يحيى وسافر بكره
يحيى: لا لازم اسافر عشان فى تحضيرات بجهزها هناك
عزت : يحيى استنى هسافر معاك
يحيى: طيب يلا هسبقك على العربيه
سلم عزت على سماء ومهران وسابها ومشى 
عزت : ساكت يعني من ساعت ما خرجنا 
يحيى: أقول ايه 
عزت : انت واخد موقف منى ليه وغير كده ماردتش عليا فى موضوع سماء بالموافقة او الرفض
يحيى: لو فى نيتى الرفض كنت عرفتك من زمان يا عزت باشا لكن واضح انك شايفنى عيل ومكنتش هقدر احمى بنتك فى حين انى البلد كلها في حمايتى 
عزت : انا محسبتهاش كده انا قلت ان مهران دى شغلته وعارف من الأول انه ماسك القضية
يحيى: طيب اصدقك ماشى انك عايز تخلص من اخواتك عشان بنتك وانك زمان مكنتش شريك ليهم واقول انك عايز تتوب لكن بنتك كان ممكن تنزل فى فندق كان ممكن اجبلها شقه وناس تخدمها فيها لحد ما المشكلة تخلص لكن واضح انك سايب بنتك للى يشترى اسرع
عزت : ايه اللى انت بتقوله ده
يحيى: أى حد هيفهم كده 
عزت : بس انا عند كلمتى ليك وعايزك انت اللى تتجوزها مش مهران
يحيى: خليها بعد الانتخابات
عزت : وانا اضمن منين انى لما ادعمك ماترجعش فى كلامك 
هنا يحيى وقف العربية
يحيى: ومين قالك اصلا انى عايز دعمك بص يا عزت باشا انا كده كده داخل الانتخابات وبإذن الله هكسب فبلاش تبقى جوازتى قصاد المجلس عشان مش انا اللى بيتلوى دراعه ولما الانتخابات تخلص واكسب ساعتها هرد عليك واكون اتاكدت وقتها إذا كانت تناسبنى ولا لأ ده فى حالة ان محدش تانى دخل قلبها 😏😏 ولا هى تكون دخلت قلب حد 
ورجع شغل العربية ومشى

نرجع لمهران كان قاعد في الليفنج مع باباه ومامته وقام جاب طبق الاكل اللى زليخه كانت عملاه 
موسى: اخيرا هنشوف اللى فى الطبق اللى محيرك ومحيرنا معاك ده
إينور: محسسنى انه اول مره ياكل 
مهران: طيب هدوقكوا وانتوا احكموا 
فتح مهران الطبق كانت زليخه حطاله فيه من جميع الاكل اللى كان على السفره محاشى وبفتيك وقطعتين مكرونه بالبشاميل كبار وسمبوسه مظبطاه من الاخر 
إينور اخدت حته مكرونه عجبتها اوى وموسى كمان عجبوا الاكل وجابوا شوك عشان ياكلوا معاه
مهران: احنا ماتفقناش على كده احنا اتفقنا تدوقوا بس 
موسى : احنا فعلا متفقناش على حاجه انت اللى قولت واحنا مردناش فسيبنا ناكل معاك بمى برضى الله بدل مناخده انا وامك منك وناكله بما لا يرضى الله وبعدين دى عملتلك طبق يكفى ١٠ 
إينور: بقولك ايه المكرونه تحفه هى مامته اللى عامله الاكل ده كله لوحدها
مهران: لا بنتها معاها ده انتاج مشترك بينها هى وبنتها اللى هتروح تقدم بكره فى الشركه يا بابا 
موسى: لا اعتبرها اتعينت خلاص من غير تدريب 😂😂
إينور: بقولك ايه ابق ادينى رقمها عشان اخد منها الطريقه 
مهران: حاضر حاجه تانى ممكن كفايه بقى 
وشد منهم الطبق بعد ما خلصه نصه وطلع ياكله في الاوضه بتاعته

تانى يوم لبست إينور هدومها وهى مترددة انها تروح بس فى الاخر قالت طالما لبست يبقى هنزل وتيجى زى ما تيجى وفعلا اخدت ورقها وراحت الشركه

فى الشركه طلب موسى السكرتاريه وال اتش ار وبلغهم ان الشركه محتاجه متدربين في الشئون القانونية ولو حد قدم يعملولوا ابلكيشن ويطعوا ليه شخصيا عشان يعمل الانتر فيو 
عدى ساعتين ويسر وصلت الشركه و بلغوها ان غى إعلان كان هينزل عشان محتاجين متدربين شئون قانونية وفعلا ملت الابلكيشن وطلعت لموسى عشان يعملها الانترفيو بنفسه ( عشان يتاكد من اخلاقها ويضيع اى شك جواه من ناحيتها وإذا كانت فعلا كويسه ولا بتمثل) 
موسى: اتفضلى اقعدى 
يسر : شكرا
موسى: عرفينى عن نفسك 
بدأت يسر تعرفه عن نفسها وانها كانت بتدرب عن مكتب محيى المحامى وسابنته لانه هيسافر بسبب ظروف صحيه وسجل موسى اسم المحامى والعنوان بتاعه عشان يسأل بعد كده ويتاكد منها 
موسى: شايفه نفسك فين كمان ١٠ سنين 
يسر : لو ربنا كتبلى عمر شايفه نفسى محاميه شاطره وليها اسم 
موسى فضل يتكلم معاها كتير وفى الاخر قالها تروح للسكرتيره وهى هتوديها لقسم الشئون القانونية وهناك هيعرفوها شغلها 
فرحت يسر من جواها انها هتشتغل في شركه زى دى. واد ايه دى خطوه مهمه في تاريخها المهنى 
موسى كلم عماد ( فاكرينه اللى جابله اخبار اينور ) وقالوا يتحرى عنها ومعاه يوم واداله اسم المحامى اللى كانت شغاله عنده واداله صوره من بطاقتها عشان يتحرى عنها

اما عند مهران نزل الشغل واللواء طلب منه يستعد لمهمه خطيره جدا واداله معلومات عنها انه هيتم القبض على ماڤيا أسلحة ولازم يتدرب كويس هو والطقم اللى هيشارك معاه في المهمه وقاله ان دى اصعب مهمه ممكن يقوم بيها وانها هتكون بالكتير بعد شهر 
اخد مهران الملف ودرسوا واختار اللى هيطلعوا معاه المهمه 
عند سماء كانت قاعده في القصر مع اخوات هارون وبنات خاله فى القصر وكانوا بيهزروا وبيتريقوا على بنت خاله اللى خلاص قربت تولد واثناء كلامهم دخل عليهم مهران وشاركهم في القاعده وبعد كده طلع غرفته

عند يحيى وريحان كانوا قاعدين في المكتب 
ريحان: ها هتفضل حيران كده كتير لحد مالاتنين يضيعوا منك 
يحيى: مانكرش يا بابا انى معجب بيسر بحسها قويه وانا راجل العرق الصعيدى هينقح عليا مش هبقى عايز ست راسها براسى فاهمنى 
ريحان: طيب وسماء 
يحيى: برضو معجب بيها وخاېف ارتبط بيها اظلمها معايا وخصوصاً في الفترة دى
ريحان: اشمعنى 
يحيى: أولا كون باباها يعرضها عليه دى انا مش حاببها مش بالعها ثانيا وجودها مع مهران اضمن منين ان مافيش مشاعر جواها ناحيته وانت عارف يا بابا مهران اى بنت لو شاورلها بصباعه الصغير هتجرى عليه 
ثالثا فرضت كسبت الانتخابات بعد ما باباها يتنازل ويدعمنى قصاد جوازها منى زى ماقلى عارف هيحصل ايه فى المستقبل
ممكن تيجى تقولى لولا بابا مكنتش نجحت او ان ابوها ليه فضل عليا مثلاً وده مش حقيقي عشان كده انا ماجل ارتباطى واهم حاجه لو ارتبطت بواحده اتاكد ان مافيش جوايا مشاعر للتانيه عشان مظلمهاش انا دلوقتي مشاعرى خاصه بيا ومعرضتهاش على حد او عرفت حد مشاعرى ايه فمحدش يقدر يلومنى انما مجرد ارتباطى بأى واحده ساعتها بس اتلام على اى مشاعر تانيه حسيتها إتجاه اى واحدة تانيه انا فى فتره صاعبه محتاج اركز اوى وهسيبها على ربنا 
ريحان ربنا معاك وعايزك تعرف ان أى قرار هتاخده هساندك فيه 
ها ايه رايكم في كلام يحيى ؟؟ 
ياترى مهران هياخد خطوه تانيه مع يسر ولا سماء هتحاول تخليه يحبها وتكسب ؟؟

البارت الخامس 
عدى اسبوعين بدون احداث جديده غير محاولات سماء التقرب من مهران
مهران كان قاعد كعادته بعد الغدا في الجنينه بيشرب قهوه وجت عليه سماء
سماء: اضايقك لو قاعدت معاك
مهران: لا ابدا يا ستى اتفضلى
سماء: فاضل اسبوع وارجع البلد
مهران: اتمنى يكون الوقت اللى قاعدتيه عندنا كان خفيف
سماء: جدا جدا حبيت عيلتك كلها بصراحه كلهم طيبين وحبابين اوى 
مهران: طيب كويس يعنى بقى ليكى اصدقاء 
سماء: اه بقى ليه الحمد لله. وانت 
مهران: انا ايه 
سماء: ينفع نبقى اصدقاء يعنى
مهران: افكر 😂😂
سماء: لا بجد
مهران: بصى بصراحه انا مش بامن بموضوع الصداقه بين الولد والبنت ده
سماء: ولا انا بس ايه رايك نجرب 
مهران: طيب تمام نجرب بس افرضى ارتبطت بواحده وغارت منك 
سماء: انت مرتبط
مهران: مش معنى انى مش خاطب ولا متجوز ابقى مش مرتبط 
سماء: يعنى اه ولا لأ
مهران: مش عارف .لما اعرف هبقى اقولك 😉 وانتى مرتبطة
سماء بسرعه : لا خالص 
مهران: ربنا يرزقك بابن الحلال هستاذنك انا بقى اقوم عشان عايز اتكلم مع بابا فى موضوع وسابها وراح المكتب كان موسى واينور قاعدين ودخل عليهم مهران
مهران: ايه قطعت عليك ولا ايه امشى 
موسى: يابنى انت من يومك كده هادم اللذات ومفرق الجماعات
مهران: طيب ايه رايك في البنت اللى جت تشتغل في الشركه 
موسى : يسر 
مهران: إيه رأيك فيها 
موسى: بصراحه بنت ممتازه انا بخاف اعدل عليها في الشغل 
إينور: معقول للدرجادى ليه كده مكشره دايما وبتتخانق ولا ايه ولو ده طبعها مستحملها ليه 
موسى : اهدى بس البنت اولا مبتسمه دايما وزى النحله فى الشغل ودايما شغلها مظبوط بزيادة
إينور: يعنى ايه مظبوط بزيادة
موسى: عارفه بتعمل المطلوب منها وبعدين بتقوم عامله حاجه زى مسودة كده فى الاخر بتحط فيها اقتراحطها وتعديل على الحاجة اللى بتطلب منها 
إينور: ايه ده ازاى 
موسى: يعنى مثلا انا طلبت منها حاجه تنفذها بشكل معين تمام تقوم منفذاها بالطريقة اللى انا طلبتها منها وتقوم بعد كده منفذاها بالطريقة بتاعتها هى بتعدل عليه بس بتجيبها بطريقة شيك 😂😂 وبصراحه بلاقى عندها فكر وطرق جديده عشان كده دايما بسيبها تتكلم براحتها اخاڤ اعدل عليها تطلع هى صح 😂😂😂
وبص لمهران
عارف يا مهران انا عجبتنى فكره اننا نخلى الشركه تقبل بمتدربين بس بشرط يكون تقديراتهم عليا لان واضح فعلا الشباب كلهم حماس ومعاهم افكار جديده تساعدنا نطور الشغل
مهران: اى خدمه يا كبير شوف افكارى دايما بتنفعك ازاى عد الجمايل عد 
بابا انا هسافر الاسبوع ده تدريب عشان فى ماموريه كبيرة طالعها 
إينور: ربنا معاك يا حبيبي
مهران: احتمال سماء تمشى واكون انا لسه في التدريب باباها يستلمها منك لو سمحت او ابعتها بعربيه خاصه لحد ما هو قاعد انا هسبلك رقمه 
موسى: ماتشليش هم خد بالك من نفسك انت 
سابهم مهران وطلع يجهز شنطته وحاجته اللى هيحتاجها 
تانى يوم الصبح قابل مهران سماء على الفطار
مهران: صباح الخير
الجميع صباح النور
مهران: ازيك يا سماء عامله ايه
سماء بخير الحمدلله
مهران: بصى يا سماء انا للاسف مسافر الاسبوع ده وباباكى كان متفق معايا انك المفروض ترجعى الاسبوع الجاى انا كلمت بابا يا اما يسلمك لباباكى بنفسه او هيبعت معاكى عربيه بحرس لحظ باباكى انتى امانه ولازم نكون اد الامانه
سماء بصتلهم : بابا كلمنى واتمنى انى مكنش تقلت عليكم 
إينور: لا يا حبيبتي والله ربنا يعلم انى حبيتك 
سابهم مهران وراح على المديرية وجهز نفسه للسفر مع الفريق

عند يحيى فى المقر بتاعه فى القاهرة
يحيى: آنسه سدره
سدره: افندم يا استاذ يحيى
يحيى: المفروض ان خلاص من الأسبوع الجاى هتبداى الشغل في المقر الرئيسي في اسيوط جاهزه
سدره: اه جاهزه وماما وبابا كمان هيسافروا معايا 
يحيى: هو كده مش هيتعطلوا عن اشغالهم 
سدره : لا انا بابا طلع معاش من ٣ سنين وماما ست بيت واحنا اصلنا من ديروط ولينا بيت هناك هنسافر قبلها بيومين نفرشه وبابا بعت وضبه 
يحيى: اول مره اعرف بلديات يعنى 
سدره : اه ☺️ عشان كده لما حضرتك قلت هتنقل الفرع الرئيسي هناك انا كنت اول واحده قدمت نقل 
يحيى: تمام ربنا يوفقك لو احتاجتى حاجه انا موجود أى وقت

دخلت سدره مكتبها مع زميلتها منى 
منى : ايه كان عايزك فى ايه 
سدره بتنهيده : بياكد عليا معاد السفر وانى لازم استلم شغلى الأسبوع الجاى 
منى : يا هبله مهو حلو اهو وفرصه استفردى بيه 
سدره: لأ يا منى مش حركاتى دى وانتى عارفه انا مش هعرض نفسى عليه انا حطيت نفسى قدامه عشان اعرفه انى موجوده لكن اكتر من كده ده دوره الاعجعمش بالاجبار 
ولو أجبرته يعجب بيا فى اول مطب هيخلع انما لو هو اللى شافنى واخد باله ساعتها هو اللى هيجيى ويتمسك بيا فاهمه وهو اللى لو حصل مطب هيعمل المستحيل عشان نكمل مع بعض
منى : ماشى ياختى خليكى كده لما نشوف اخرتها 
سدره : اخرتها هاخد نصيبى

عدى اسبوعين تانين ورجع مهران من التدريب 
End flash back 
اينور أتصلت على بنت اخوها وخلتها تتصل على سماء تعذمها على سبوع بنتها بكره واكدت عليها 
وفعلا بنت اخوها اتصلت وعزمت سماء وكانت سماء لسه ماسفرتش فوعدتها انها هتروحلها 
تانى يوم كان السبوع حضرت عيله موسى كلها ومعاهم سماء وعرفتهم عليها ( معرفش ليه مصممة عليها ) 
والوقت اتاخر واينور طلبت من مهران يوصل سماء وفعلا وصلها وتانى يوم كانت المهمه

عدى يومين بدون اتصال بين مهران او حد من عيلته ( طبيعى عشان السريه ) 
تالت يوم صباحا فى شركه موسى كان فى اجتماع مع الشئون القانونية وكانت يسر من ضمنهم 
رن تليفون موسى برقم مهران تجاهل الاتصال مرتين رن المره التالته موسى قلق 
موسى: مهران 
الطرف الأخر: موسى بيه مهران اټصاب فجر لليوم وهو فى العمليات فى مستشفى (.......) 
موسى قام بفزعه طيب انا جاى حالا
يسر : ركزت لما مهران عرفها على نفسه يوم العيد ميلاد وقالها المقدم مهران موسى وقامت وقفت ومشيت ورا موسى من غير كلام
نزل موسى جرى للعربيه وهى وراه بيلف موسى عشان يركب لقاها فى ضهره 
موسى: لو فى حاجة مهمه ممكن تاجليها
يسر : من غير ماتفكر . ممكن اجى معاك
موسى: أركبى 
وصلوا المستشفى كان الموجودين موسى ويسر فقط وقتها خرج الدكتور من العمليات
موسى : خير يا دكتور مهران ماله كويس صح 
الدكتور: للاسف حاليا هيكون في العنايه المركزه وهنتابع حالته ونتمنى انه يكون خير لان فى طلقه جت فى ضهره فى منطقة حساسة ممكن تأثر على رجليه فهننتظر لما يفوق عشان نقدر نحدد الحاله بعد كده 
قعد موسى على الكرسي ويسر كانت واقفه وسامعه كلام الدكتور وايديها اترعشت من الخۏف عليه ولما شافت موسى قربت منه 
يسر : هيكون كويس وهيفوق بإذن الله
موسى بيبصلها من غير ما يتكلم 
يسر : مامته عرفت 
موسى: مش عارف اقولها ايه او اجبلها الخبر ازاى انتى مش عارفه هى متعلقه بمهران ازاى ونفسها تشوف احفادها منه بالذات 
موسى: طيب بص انت تروح دلوقتي وتقولها بنفسك الكلام ده وتكون معاها وانا هستناك هنا لحد ما تيجى ولو فاق او حصل اى حاجه انا هكلمك بلاش تقولها فى التليفون احكيلها وهاتها تطمن عليه
موسى: عندك حق لازم اكون جمبها انا معرفش لو قولتلها فى التليفون ممكن يجرالها ايه
يسر : وماتقولهاش كل حاجه ممكن يبقى كويس ومايحصلش مضاعفات فمتقلقهاش على الفاضي
موسى بصلها وبيفكر هى ازاى كده سابها وخرج راح لاينور 
وحكالها بعض كلام الدكتور وحاول يطمنها ان الدكتور خرج من العمليات مهران كويس ولما يفوق هينقلوه اوضه عاديه 
طبعا اينور اڼهارت وموسى قدر يحتويها وفى سره شكر يسر على اقتراحها انه يروحلها بنفسه واينور كلمت اخواته وهما سابقوها على المستشفى
وصل موسى وكانت يسر واقفه قدام العنايه
موسى : فى حاجة جديدة
يسر : فاق ورجع نام تانى خير بإذن الله بس الدكاترة قالوا انه بإذن الله هيفوق قريب كمان ساعتين تلاته مفعول المخدر هيروح خالص
موسى: شكرا يا يسر على وقفتك معايا انهارده فرقت كتير 
يسر : العفو هو برضو ليه جميل فى رقبتى استحاله انساله وقفته معايا 
انا عارفه انه م شوقته بس هو اللى طلب من حضرتك تشغلنى 
موسى: ماتفكريش كتير بس اتاكدى ان لو انتى مكنتيش كفئ وتستاهلى الشغل مكنتيش هتكملى معايا انتى شوفتى طبعى 
يسر هزت راسها باه وكانت اينور واقفه بصلها باستغراب والغيره باينه على ملامحها

البارت السادس
بص موسى لاينور لقاها واقفه بتبصله نظرات شړ فاستأذن من يسر وراح لها
موسى: إن شاء الله هيكون كويس الدكتور قال انه هيفوق اول نا تأثير البنج يروح 
اينور اطمنت شويه بس مردتش عليه 
موسى جه يحضنها عشان يطمنها لكن هى بعدت 
موسى: ايه يا اينور فى ايه مالك منا بطمنك وبإذن الله هيكون كويس
إينور: مين اللي كنت واقف معاها دى 
هنا موسى بصلها ونش مصدق اللى هو إحنا فى ايه وانتى فى ايه 😂😂
موسى راح نادى على يسر 
موسى: اينور دى آنسه يسر شغاله معايا الشركة في الشؤون القانونية
إينور مكنتش مركزه في الاسم بسبب خۏفها على ابنها فقالتلها أهلا بدون نفس وده احرج يسر جدا 
يسر: طيب موسى بيه هستاذن انا 
موسى: طيب مهران قرب يفوق مش هتطمنى عليه 
يسر : مره تانيه عن اذنك وسابتهم ومشيت 
موسى شاف إن الموقف كان صعب ومرضيش يعلق على حاجه غير لما يطمن على ابنه لان ابنه اهم من اى تعليقات او كلام ممكن يقوله او بلومها بيه وكان من جواه متضايق من طريقة تعاملها مع يسر 
بعد فتره بسيطه وصل اخوات وولاد خال مهران ووقفوا مع إينور يهونوا عليها وسابهم وراح مكتب الدكتور المسئول عن حاله مهران وطلب منه بشكل شخصي يدخله العنايه المركزه لابنه وطبعا عشان مكانه موسى عقموه ودخلوا لمهران وانتظر مهران يفوق وكان قاعد جمب السرير بعد ساعه بدأ مهران يفوق وموسى بلغ الممرضة اللى موجوده في الغرفه وبلغت الدكتور والدكتور جه بسرعه واطمن على حاله مهران وكانت جميع اعضاءه الحيوية سليمه ويقدر يدخل غرفة عادية بس للأسف هيكون في مشكله فى رجليه مش هيقدر يمشى عليها فتره وهيبعتله دكتور اعصاب يتابع معاه 
مهران سمع كلام الدكتور اټصدم ومعملش اى رد فعل موسى: ايه يا مهران مالك يا حبيبي انا عارف كلام الدكتور صعب بس انت اقوى من كده مش حبت تعب زى دول هيضيقوك
مهران: تعب 😏 ده شلل خلاص مابقتش فارقه انا هخرج من هنا امته
موسى: بلاش كلامك ده ومش هخرج من هنا غير لما نعمل كشف طبى شامل ونشوف رأى الدكاترة ايه 
مهران: مابقتش فارقه اعمل اللى انت عايزه
دخل بعد شويه دكتور اعصاب وبلغهم انه فى الوضع الحالي محتاج علاج لمده ٣ شهور وبعد كده يقرر اذا كان فى إمكانيه من عمل عمليه ويقدر بعدها يمشى ولا هيتم ايه هيظهر بعد ٣ شهور من العلاج 
ودخل الدكتور المتابع لحاله مره تانيه وبلغه انه هيفضل يومين فى المستشفى تحت الملاحظه فى غرفه عاديه

عند يسر فضلت تلوم نفسها جداً على انها فضلت فى المستشفى ونظره إينور والده مهران مضيقاها جدا ولامت نفسها على تسرعها 
فى المستشفى اتضصلوا بسماء وبلغوها وطبعا راحت المستشفى وفضلت معاهم خرج موسى من غرفه العنايه المركزه وبلغهم بحاله مهران وانهم يتعاملوا طبيعي زى مابيتعاملوا واللى حاسه انها مش هتعرف تتحكم في نفسها ماتدخلش وهى ساعه بالكتير وهيتنقل غرفه عاديه

عند زليخه وريحان
كانت زليخه عايشه افضل فتره فى حياتها واصبحت فى فتره صغير سيده البلد واى سيده عندها مشكله بتلجا ليها وريحان كان دايما يمشى كلامها عشان يديها ثقه فى نفسها

أتصلت يسر على مامتها 
يسر : ألو ازيك يا ماما عامله ايه
زليخه: انا كويسه يا حبيبتي انتى عامله ايه مش ناويه بقى تيجي
يسر : صعب اوى ألفتره دى عشان انا لسه جديده في الشغل والاجازات صعبه عليا 
زليخه: خلاص يا حبيبتي انا فى اقرب وقت ريحان يفضى هجيبه ونيجى 
يسر : ماما عارفه مهران صاحب يحيى 
زليخه: اه 
يسر : كان فى مهمه ورجع مصاپ وحالته مش احسن حاجه
زليخه: لا حول ولا قوه إلا بالله انا هكلم ريحان وابلغه 
يسر : هو يحيى عندك ولا هنا 
زليخه: لا ده لسه راجع 
يسر : خلاص ابقى بلغيه بقى عشان يروح يزوره 
زليخه: اه طبعا هبلغه ولما يحيى يجيى يروحله هاجى معاه انا كمان 
يسر : تمام يا ورولين عامله ايه
زليخه: كويسه وحبت العيشه هنا اوى 
يسر : طيب تمام الحمد لله
قفلت يسر مع مامتها ومامتها بلغت يحيى ويحيى كلم موسى وطمنه وقالها انه هيسافرله بكره الصبح وهى قالتله انها هتسافر معاه وهو وافق

عند مهران 
موسى: يحيى اتصل عليك وهيجيلك بكره كان عايز يجيى دلوقتي بس انا قلتله بكره عشان ترتاح
وكذا حد من صحابك عايز يجيى وبلغتهم يجوا مره واحده بكره ويمشوا عشان يسبوك ترتاح اكبر وقت 
مهران: كويس انك عملت كده 
موسى : امك بره واخواتك كلهم وولاد خاالك عايزين يدخلوا ادخلهم ولا امشيهم 
مهران: مش فارقه خليهم يدخلوا و١٠ دقايق وخرجهم عشان مايزعلوش انا عايز ابقى لوحدى ولو رفضت ادخلهم هيفضلوا لازقين بره 
دخل اهل مهران وكان معاهم سماء وفضوا يكلموا وهو كان ساكت وكل واحد بكلمه يهون عليه بكلمه بكره هتخف بكره هتبقى كويس ده ابتلاء كل واحد منهم حاول يهون عليه بس طبعا كل كلمه كانوا بيقلوها بيحاولوا يهونوا عليها بيه كانت بتدخل قلبه توجعه لان المفروض فى كل مرة هيشفوه هيبان فى عنيهم نظرات الشفقة وده كان اكتر شئ بيوجعه عكس موسى اللى كان في عنيه بيقول انا عايزك ماتستسلمش

خرج موسى ودخل تانى وبلغهم ان الدكتور قال ان وقت الزيارة انتهى وطبعا مشيوا كلهم معادا اينور وموسى
إينور: انا هبات هنا انهارده 
مهران: ماما حبيبتي انا كويس انا عايزك تروحى انتى وبابا انا كده كده هنام ومش محتاج حاجه لو سمحت روحى مع بابا
موسى: مهران عنده حق يلا بينا ونجيله بكره الصبح
إينور: انت قلبك ايه عايزنى اسيب ابنى لوحده فى حالته دى 
مهران بانفعال : مالها حالتى يا ماما وبعدين اتعودى بقى لو هتفضلى معايا يعنى ده هيخلينى امشى 
موسى وقف مهران فى الكلام قبل ما يكمل 
موسى: يلا يا اينور ابنك راجل مايتخفش عليه يلا بينا وراح باصصلها نظره اللى مش هعيد كلامى تانى ونفذى وانتى ساكته
اينور : راحت باسته من راسه . خلاص يا حبيبي بكره الصبح هجيلك بإذن الله
خرج موسى واينور فى العربيه
إينور: انا مش قادره افهمك بصراحه ازاى عايزينى اسيب ابنى 
موسى: سبيه هو اتخنق من نظرات الشفقة اللى فى عينك روحى يا اينور وجهزيله مكان يليق بوضعه الجديد من غير مايحس بشفقه ابنك حساس وبيفهم 
إينور: اه طبعا دلوقتي تفكيرى مش عجبك 
موسى: ايه علاقه ده بكلامى
إينور: مانت لقيت الذكيه اللى رايها يوزن عشره
موسى: انا م شفاهم حاجه ومش وقت افضل اخمن في كلامك ماتيجى دغرى 
إينور: مقصدش حاجه خلينا نروح 
موسى روح معاها وكان شاغل باله ازاى يهيئ البيت لمهران من غير ما يجرحه او يخليه يغير مكانه 
وصل موسى البيت واتصل بشركه مصاعد وطلب منهم يعملولوا مصعد فى البيت رابط بين كل الأدوار ويتم تنفيذه خلال يومين بالكتير

تانى يوم الصبح وصلت اينور وموسى المستشفى وقعدوا مع مهران وفضلوا يتكلموا معاه في مواضيع مختلفه 
وقت الزيارة وصلت زليخه ويحيى ومعاهم يسر 
موسى قام استقبلهم 
اهلا اهلا وسهلا اتفضلوا 
زليخه راحت لمهران : انا جيت مخضوضه عليك بس الحمد لله انا اطمنت دلوقتي انك سليم وصحتك كويسه 
يحيى: عامل ايه يا بطل حمد الله على السلامه التليفزيون والنت والسشيال ميديا كلهم بيتكلموا عنك 
مهران: وقالوا ان جالى شلل 
زليخه: تف من بقك بكره تخف وترجع تمشى تانى 
يسر : اعتبرها اجازه غير جو انزل الشركه مع باباك اعمل حاجه جديده
مهران بتريقه : اه اسافر واتفسح واخرج بالكرسى ومين بقى هيشلنى يطلعنى وينزلنى يمكن لو بنت كان الوضع سهل
يسر : لا طبعا واه تخرج وتنزل وتصيف كمان وبعدين هو انت ليه قررت انك هتفضل طول عمرك على كرسى متحرك ليه ماخدتش قرار انك تتعالج وتخف وتمشى 
مهران: افرضى ماليش علاج 
يسر : برضه ربنا ليه حكمه في كده انك تنزل مع والدك الشركه وتشيل معاه وتعيش الحياة بشكل تانى فى ناس اصلا بتتولد وهى كده عندها مشاكل مابتقدرش تمشى مابتقدرش تشوف فى ناس اصلا معندهاش ايدين ولا رجلين وعايشين حياتهم 
استاذ مهران انت فى نعمه ورينا ابتلاك ابتلاء بس لسه نعمه موجوده عندك شغل بديل لشغلك عندك عيله بتحبك عندك اب يتمناه اى حد يبقى اى ابتلاء من ربنا نرضى بيه ونفكر هنتعامل معاه ازاى مش نسيب كل النعم ونفكر بس فى الابتلاء
مهران بصلها وسكت وبيفكر فى كلامها 
ولسه زليخه هتتكلم تانى دخلت سماء عليهم 
إينور بصتلها بضيق لانها شايفه انها اثرت بكلمها هى ومامتها فى مهران اكتر منها وافتكرت كلام موسى عنها وافتكرت مهران واعجابه باكلها وقامت رحبت بسماء بحفاوه عكس ترحيبها باينور واهلها البارد وده موسى لاحظه ومعجبوش ابدا تصرفها 
ياترا اينور هتاخد موقف منهم ولا هتتعامل عادى ؟؟ 
ياترى موقف وتصفات سماء هتبقى ايه ؟؟

البارت السابع 
مهران وموسى معجبهمش طريقه معامله اينور ليسر واهلها 
إينور: سماء حبيبتي نورتي وبصت لمهران . سماء امبارح فضلت نص اليوم معانا ماسبتناش ابدا
موسى حب يصلح الموقف قدام مهران
موسى: ايوه فعلا شكرا يا سماء على واقفتك امبارح وانتى يا يسر بصراحه امبارح وقفتك جمبى فرقت معايا 
يسر : لا يا استاذ موسى حضرتك اكبر من كده
موسى بص لمهران 
امبارح كنا فى اجتماع لما سمعت الخبر بتاع الحاډثه ويسر ركبت معايا ووصلت معايا وانا بصراحه كان عقلى مصډوم لكن هى بصراحه اللى كانت عماله تهدينى عشان مضعفش ومش بس كده رفضت انى اقول لامم اى حاجه في التليفون لحسن يجرالها حاجه وطلبت منى اروح اجبها بنفسى عشان ابقى معاها فى وقت زى ده 
بصراحه يا مدام زليخه ونعم التربيه ربنا يباركلك فيها يارب
زليخه: يسر دى مش بس بنتى دى سندى وعكازى في الدنيا وطبطبت على ضهرها
يحيى كان واقف ولاحظ النظرات بين يسر ومهران وفرح لصاحبه هو مكنش حب يسر 
سماء كانت قاعده جمب مهران على السرير 
سماء : مهران انت اتغديت ولا لسه 
مهران: لا لسه كمان شويه هيجيبوا الغدا 
يحيى كان متابع حركات سماء ومكنش مرتاحلها لانه حاسس انها فرضه نفسها عليه 
يحيى: طيب هروح انا اجيب حاجه نشربها واشوف هياخروا الاكل ولا هيجيبوا امته 
وسال كل واحد يحي يشرب ايه ومشى عشان يجيب الطلبات وجاب غدا ليهم كلهم بعيدا عن اكل المستشفى لانه عارف ان صاحبه مش بيحب الاكل المسلوق 
طلع يحيى بالاكل والمشاريب كانت الوجبه جت لمهران ويسر كانت بتعرض على مهران انها تساعده ياكل وشايف مهران وهو بيرفض مساعدتها
سماء: ايه المشكلة هساعدك تاكل مش احنا اتفقنا نبقى صحاب 
مهران لسه هيتكلم راح يحيى سبق فى الكلام 
يحيى: معلش يا انسه سماء مهران اصله مش بيحب اكل المستشفيات وخصوصاً المسلوق
سماء: بس ده مفيد ليه 
يحيى: منا سالت الدكتور قال ينفع ياكل مشاوى لو مش بيحب المسلوق ونزلت جبتله المشاوى اللى بيحبها 
موسى : كتير كده يا يحيى ده واجب عليا وخصوصاً انك جاى من السفر
يحيى: ايه الكلام ده بس انت مش معتبرنى زى مهران ولا ايه وعموما انا عملت حسابنا كلنا 
مهران: قلبتها انت مطعم مش مستشفى
يحيى : لو مش عايز براحتك امين وكلمه كمان هخليك تاكل اكل المستشفى وبص ناحية يسر وزليخه 
معلش هو مش زى اكلكوا طبعا بس ماشى الحال هيعجبكوا يلا معايا يا يسر نجهز الاكل يسر ادراحت جابت ترابيزات اكل المرضى وحطتهم جمب بعض والممرضات جابتلهم كراسى وقاعدوا كلهم اتغدوا ويحيى كان قاعد جمب مهران على السرير
يحيى بمناكشه : طبعا هتعرف تاكل لواحدك ايدك سليمه يا كبير
مهران: اه يا اخويا وشكلها هتطول كمان شكلك نسيت 
يحيى: لا يا كبير على ايه تحب اكلك فى بقك 
مهران: قوم يلا من جمبى قوم بابا شيل الواد ده عشان معلقوش 
موسى واينور وكلهم فضلوا يضحكوا ويهزروا في جو عائلى وفعلاً قدروا يخرجوا مهران من حاله الحزن واثناء حديثهم دخل الدكتور وكتب لمهران خروج تانى يوم وان صحته بقت افضل وكتبله على الأدوية اللى هيبدا فيها 
زليخه : تروح بيتك بألف سلامه يا حبيبي وشكرا يا يحيى على الغدا الحلو ده احنا بقى ماشيين وهنسيبك ترتاح يا حبيبي
مهران: الله يسلمك يا طنط واه صحيح لو مش هتعبكوا هايز صنيه مكرونه بالبشاميل
زليخه: بس كده من عينيا هخلى يسر تعملهالك وتبعتهالك بكره مع يحيى انت تؤمر يا حبيبي
إينور: مهران عيب كده أفرض مش عاملين حسابهم وغير كده منا ممكن اعملهالك او اخلى اى حد من اللى بيشتغلوا فى القصر يعملوها
زليخه: معلش يا مدام لو مش هيضايقك هو طلبها وبعدين نعمل حسابنا في ايه دى حاجة بسيطه ومهران ليه عندى جميل عمرى منساه أبدا
موسى: مدام زليخه وانا كمان اعملى حسابى وعرفيه مهران انك عامله حسابى معاه عشان المره اللى فاتت رفض ياكلنى معاه 
زليخه: بس كده عيني حاضر وسلموا على مهران ويسر كانت رايحه تسلم على مهران قبل ما تمشى 
يسر : ليا عندك عتاب بس مش دلوقتي يا يا مهران موسى 🤌
مهران: ايه هتسيبى الشغل عشان عرفتى انى ابن صاحب الشركه
يسر : 😏 لا يا بابا ده كلام العيال التوتو مش انا بس خليك فاكر وبعدين انا اثبت نفسى بمجهودى ومش هضيع ده 
مهران: مش عايزك تنسى و خصوصا السمبوسه اللى مع المكرونه ها 😉 ظبطينى بقى عشان انا تعبان 
إينور: مهران محتاج حاجه يا حبيبي
مهران: سلامتك يا ماما 
يحيى خرج معاهم عشان يوصلهم وفضلت سماء موجوده معاهم فى المستشفى لحظ معاد الزيارة مانتهى 
موسى اخدت اينور ومشيوا 
موسى: ممكن اعرف من امته بقيت كده وبتتعاملى معاهم كده ليه انتى شايفه نفسك وكلامك 
انا امبارح مرديتش اعاتبك قلت اعصابها تعبانه وعايزه تطمن على ابنها انما انهارده ايه المبرر بتاعك 
إينور: بصراحه انا مش حابه البنت اللى اسمها يسر دى ولا حابه مامتها حساها متطفله كده 
موسى: وسماء الحلوه اللى مش بتطفل صح 😏 اينور بلاش تخسرى ابنك ياريت تسمعى كلامى وتفكرى فيه
إينور: انا شايفه ان البنت دى طماعه وبتجرى وراه عشان منصبه 
موسى: على أساس ان انا اهبل طيب يا حضرت المفتش البنت امبارح بس اتفاجئت ان مهران يبقى ابنى اسلوبك مش حلو خالص يا اينور الحقى نفسك قبل ما تندمى

يحيى وصل يسر ومامتها البيت ورجع تانى المستشفى لمهران عشان كمرافق ليه 
مهران: انت رجعت تانى
يحيى: معنديش حاجة قلت اجى ابات معاك نسلى بعض 
قولى ناوى على ايه الفترة الجاية
مهران: ناوى مواقفش حياتي سواء اتعالجت ولا لسه
يحيى: فعلاً هو ده الكلام
مهران: هريح الاسبوع ده وانزل من الأسبوع الجاى الشركة مع بابا 
يحيى: صح كده على فكره انا نقلت المقر الرئيسي لاسيوط عشان انت عارف داخل على انتخابات وهيكون الوضع صعب لو فضلت هنا هكون مشتت وده مش هيبقى في صالح الشغل 
مهران: ربنا يوفقك لو احتاجت اى حاجة انا موجود
خص اليوم وتانى يوم الصبح كان موسى فى المستشفى ومعاه كرسي بعجل حديث لمهران عشان يقدر يتحرك بسهولة وجابله لبس وساعده يغير وياخد شاور 
مهران: امال ماما فين
موسى: بتجهزلك الغدا اللى بتحبه
مهران: طيب تمام انا كده جاهز خلاص عشان نروح 
عند زليخه ويسر 
يسر : كويس ان انهارده الجمعه واجازه عشان مكنتش هلحق اخلص قبل الشغل 
زليخه: انا كلمت يحيى وهو جاى فى الطريق ياخد الاكل
يسر : انا عملت حساب يحيى يتغدى معانا انهارده
زليخه: ايوه طبعا مايصحش يكون هنا وياكل بره 
وصل يحيى 
يحيى: ايه ده كله 
زليخه: عشان ياكل ويتغذى وعملت حسابك انت كمان يلا اقعد اتغدى وبعدين روحله 
يحيى: تسلم ايديكوا بصراحه الاكل بتاعكم لا يعلى عليه
كانت مجهزه محشى وسمبوسه وبفتيك ومكرونه بشاميل  كانت مجهزه كل الاكل اللى مهران حابه
خلصوا غدا ويحيى اخد الاكل عشان يوصله لمهران 
وصل يحيى  القصر عند مهران وقابله موسى وكانت العيله كلها قاعده وبيتكلموا مع مهران وكانت سماء موجوده
مهران: يحيى تعالى 
يحيى: اتفضل يا سيدي الامانه
مهران: يااا والله ست محترمه منستش اللى طلبته بس ده كتير اوى 
إينور: لا هى مصدقت انك تطلب منها حاجه
سماء كانت قاعده ومخنوقه من قرب يسر ومامتها بمهران
سماء: على فكره يا مهران طنط اكلها أحلى من اكل طنط زليخه مامتك اكلها كمان صحى اكتر انما هما اكلهم دسم اوى وده مش صحى خصوصاً لحالتك دى 
إينور: اهو عشان تعرف ان عندى حق 
مهران: ملك يا ملك
ملك : نعم يا حبيبي
مهران: بقولك تعرفى تحضرى الاكل ده وتجهزيلى طبق كده مشكل على كيفك
موسى: وانا كمان يا ملوكه وشوفى يحيى
يحيى: لا انا سبقتكم اكيد مش هشوف اكل زى ده واستنى 
ملك : خلاص حاضر هظبطلكم طبقين 
وسابتهم وراحت تجهز الاطباق
مهران: بابا ايه رايك انا هنزل معاك الشركه من اول يوم الأحد
موسى: اخيرا طبعا يا حبيبي ياريت وتشيل عنى الشغل شويه
مهران: بس فى حاجة عايز الاسانسير اللى فى الجراج محدش يستخدمه غيرى وانت طبعا بس الموظفين لا لانى هدخل واخرج منه ومش عايز حد يشوفنى وانا داخل ووانا خارج بالكرسي
موسى: بس كده حاضر حالا هبعت ميل لكل الموظفين انهم مايستخدموش الاسانسير 
يا ترا موسى ومهران هياخدوا موقف من اينور ؟؟ 
البارت التامن 
خلصوا غدا وجلست العيله كلها فى الصالون يتحدثوا في امور مختلفه وكان موجود سماء ويحيى
ملك : خلاص كده يا مهران فعلا هتنزل الشركة مع بابا
مهران: تصدقى ان جه اليوم اللى هنزل فيه الشركه 
ملك : ربنا يعينك انا قبل ما اتجوز نزلت فتره مستحملتش شغل وقاعدت فى البيت بصراحه بابا ربنا يعينه الشغل محتاج دماغ صاحيه طول الوقت ولازم تبقى على علم بجميع الاقسام عشان لو اهملت جزء هيقع 
بصراحه يا بابا انا فخوره بيك اوى انك بتقدر تعمل كل الشغل ده من غير ماتشتكى 
بكره يا مهران هتزل وتشوف بنفسك ان فعلا بابا كان محتاجك من زمان بس مكنش بيرضى يقولك عشان مايغصبكش على حاجه مش حاببها وبيسيبك تشتغل اللى بتحبه 
مهران: بابا ده عقل مافيش زيه ابدا ربنا يقدرنى واوصل لربعه حتى ربنا يباركلنا في عمره 
سماء: تصدقوا انتوا حمستونى انا كمان على الشغل 
ملك : بس انتى دراسه زراعه 
سماء: مين بيشتغل بشهادته فى البلد دى وغير كده انا بتكلم اكتر من لغه بحكم انى كنت بسافر كتير واعتقد اى شغل ممكن يقبلنى عشان الكورسات واللغات اللى معايا 
إينور: مهران لو محتاج سكرتيره ممكن تاخد سماء هتنفعك فى شغلك
مهران: مافيش مشكله بس انت فى الشغل ببقى عصبى غير اللى انتى شايفاه قدامك ده 
سماء: ولو انا مش اد الشغل مش هكمل صدقنى 
مهران: خلاص خلينا نجرب 
يحيى: بقولك يا كبير يا دوب الحق انا امشى 
مهران: ليه لسه بدرى 
يحيى: بدرى من عمرك انا اصلا مسافر عشان من يوم الأحد ان شاء الله هبدا في الشغل فى الفرع الأساسي فلازم أتأكد ان كل حاجه تمام قبل الاحد
موسى : ربنا يوفقك ولو احتجت اى حاجه من غير ماتفكر كلمنى 
سماء: وانا كمان اتاخرت ولازم امشى معلش يا يحيى ممكن توصلنى في طريقك
يحيى: اه طبعا اتفضلى
عدا الوقت والكل مشى وطلع موسى واينور غرفتهم

موسى: ليه يا اينور ليه بتعملى كده ليه بتكرهى البنت دى كده مع انها كويسه ومحترمه جدا وصدقينى مش طمعانه في ابنك هى مكنتش اصلا تعرف انه ابنى 
إينور: مين قالك انى بكرها بالعكس أنا بحبها ويحب ابنى عشان كده بمنع ان يكون فى علاقة او تقارب بينهم افهم 
موسى: ليه يا اينور ليه ايه اللى يمنع عشان الفارق المادى يعنى
إينور: لأ طبعا وانا منستش اصلى انت ناسي ان مستوايا الاجتماعي مكنش كده انا منستش نفسى بالعكس يسر مستواها الاجتماعي كان اعلى منى لما كنت ادها 
موسى: آمال ايه فى ايه مانتى كان نفسك يقابل واحده ويحبها يبقى ليه بقى 
إينور: موسى افهم البنت دى شخصيتها قويه جدا وعارفه هى عايزه ايه ومعندهاش استعداد تتنازل عن اهدفها . موسى: وايه العيب في ده 
إينور: مهران ابنك ابنك انت عارف شخصيته ايه محدش يستجرى يعدل عليه مش بس يناطحه بالكلام
موسى: ايوه قصدك ايه
إينور: فى البدايات الكل بيكون معمى وبيعدوا لبعض لكن بعد فتره بسيطه محدش فيهم هيستحمل التانى مهران مش هيعرف يفرد سيطرته عليها لانها هتبقى ند بند معاه وهو مش هيقبل ده فمش هيكملوا طيب ليه يبداؤ في قصة نهايتها ۏجع 
عارف ليه بقرب منه سماء لانها هاديه هتستحمل مش هتجادل معاه على الفاضيه والملياته 
موسى تفتكر لو انا من البداية بقفلك كلمه بكلمه كنا كملنا كنا هنعرف نكمل حياتنا عشان كده انا رافضه انها تقرب منه قبل مانرجع نقول ياريت اللى جرا مكان انما من جوايا ربنا يعلم محبتها فى قلبى خصوصا انها السبب انه يعدى الازمه 
موسى: بصى يا اينور رايك يحترم بس بلاش تفرضيه على حد ماشى ده أولا ثانيا ممكن يكون ابنك مش بيفكر فيها فليه تعمليها بالشكل ده ثالثا وده الاهم افرضى حبها ليه تخليه يسبها عارفه لو حبها وسابها بسببك وارتبط باللى انتى عايزاها ومرتحش معاها عارفه هيحصل ايه
هيشيلك زنب حياته كلها انه مش مبسوط 
هتقدرى تستحملى ده 
بصى ابنك مش صغير ابنك كبير وواعى بالشكل الكافي اللى يخليه ياخد قرار فى حاجة زى دى
وفى حاجه تانيه كمان 
مين قالك انى مكمل معاكى عشان مواصفتنا مناسبه لبعض اينور انا بعديلك عشان انا بحبك وفى مواصفات فيكى انا مش بحبها ده مش معناه انك يا اما تغيرى نفسك يا اما منكملش مع بعض 
اينور انتى انسانه متردده دايما وانا عمرى ماكنت افكر ان ارتبط بانسانه مترددة ورغم كده ارتبط بيكى وبحبك ومكمل معاكى وبتجنب العيب ده احنا مش ملايكه ولا بنفصص الشخص اللى قدامنا ونشوف ينغع نحبه ولا لأ
طيب منا قبل منك كنت متجوز منه ولا نسيتى وغم انها بالورقه والقلم زى مابتقولى مناسبة ليا إلا انى معرفتش احبها رغم انى حاولت كتير على فكره بس مقدرتش ورغم ان انتى فيكى مواصفات كتير بعيد عنى ولو حسبناها بالورقه والقلم النتيجة هتكون اننا مننفعش نكمل مع بعض إلا انى مكمل معاكى وعايش مبسوط وبحبك سيبى ابنك يا اينور وافتكرى انه مش صغير بلاش تبقى عقبه ليه علشان بعد كده مايقولكيش انتى السبب وحتى لو اتجوزها ومعرفوش يكملوا مع بعض ساعتها هينفصلوا ويبدأ حياته مره تانيه مع حد تانى الدنيا مبتقفش 
اينور كانت ساكته بتفكر في كلامه لانه قدر يقنعها
موسى: فى مثل بيقولك ايه عارف شخص 
تقوله اه يقولك عاشرته تقوله لا يقولك تبقى متعرفوش سيبى كل حاجه ومافتكريش واحنا منعرفش ابنك عايز مين مايمكن لا سماء ولا يسر فى دماغه وعلاقته بيهم صداقه يبقى عملتى عداوه على الفاضي
إينور: موسى انت عندك حق انا كنت غلط بس انا أم بفكر بقلب ام ببقى خاېفه على ولادى يتجرحوا فاهمنى 
موسى حضانها 
عشان كده مش بزعل منك وبحاول اكلمك بالعقل وباسها قى دماغها وبعدين خدى هنا ركزى معايا انا وسيبك من ولادك لحسن انا هزعل وانتى عارف زعلى 
إينور: لأ طبعا مقدرش إلا زعل الباشا
موسى: طيب راضينى يلا يا قلب الباشا

عدى يومين الاجازه وكان مهران بيحاول يتدرب على الحركة بالكرسى المتحرك وبيشغل عضلاته فى انه ينام لوحده ويدخل الحمام لوحده بدون مساعدة

خلصت الاجازه وابتدا الشغل ونزلت سماء الشغل وكانت سكرتيره مهران وموسى نزل الشغل وكان موجود معاه في نفس الغرفه مهران كان بيحضر معاه كل الاجتماعات الخاصة بكل الاقسام عشان يعرف ويتعلم الشغل وفى نفس الوقت كل الاقسام تعرف بوجوده وكان قاعد على كرسى مكتب الاجتماعات مش بيقوم وكان راكن الكرسى المتحرك فى مكان تانى عشان ماحدش ياخد باله منه 
موسى: دلوقتي كده فاضل قسم الشئون القانونية وخد بالك القسم ده مهم جدا جدا ولازم ترجعله قبل ماتمضى اى عقود مع اى شركات تانيه ولو هتمضى عقد بره الشركه لازم يكون حد منهم حاضر معاك 
مهران: تمام 
موسى : سماء بلغى السكرتيرة تبلغ قسم الشئون القانونية ان الاجتماع هيبدا دلوقتي
وفعلا حضر كل الى شغالين فى قسم الشئون القانونية بما فيهم يسر وبدأ الاجتماع وبداؤا يحطوا شروط جديدة فى العقود اللى هتتمضى في الفتره القادمه وانتهى الاجتماع والمل استأذن ومشى بما فيهم يسر 
واثناء خروج يسر قابلت سماء قصادها 
يسر : سماء ازيك عامله ايه
سماء: اتعمدت تبصلها بتفكير كانهت بتفتكر مين دى اه افتكرتك يسر ازيك بس معلش بلاش نرفع الالقاب هنا 
يسر ضحكت من اسلوبها وانها مش واخده بالها من مكانتها 
يسر : طيب تمام يا انسه سماء
خلاص يا يسر تقدرى تتفضلى 
يسر : انسه سماء ماتنسيش نفسك اسمى الاستاذه يسر انا هنا شئون قانونية وانتى سكرتيره خدى بالك بعد كده من الألقاب
خرج مهران أثناء حديثم لكن ملقطش غير اخر كلام يسر 
مهران: انسه يسر كلنا هنا اخوات وانتوا من سن بعض مافيش داعى للألقاب
يسر : حضرتك جيت فى اخر كلامى و انا برد على كلام انسه سماء لما طلبت اخلى بالى من الألقاب طالما هى طلبت المحافظة على الالقاب يبقى تلتزم بيها عن ازنكم وسابتهم ومشيت فنادى عليها مهران 
مهران: استاذه يسر لحظه لو سمحت عايزك فى مكتبى 
دخلوا المكتب عند مهران
ياترى عايزها فى ايه ؟ 🤔🤔🤔
ياترى سماء هتسيب يسر فى حالها ولا هتحاول تعمل مشاكل بينها وبينهم ؟؟

البارت التاسع
يسر : استاذ مهران حضرتك كنت محتاجنى 
مهران: اه مش كنتى بتقوليلى وانا فى المستشفى ان تقريبا فى بينا حساب كده 
يسر: لأ مش حساب بس ليه معرفتنيش انها شركة والدك 
مهران: كنتى هتقبلى 
يسر : مش عارفه بس كنت هقدم وكنت هطلب منك انك متتوسطليش 
مهران: تعرفى ان بابا معجبك بشغلك لدرجه انه قرر يقبل متدربين بعد كده فى كل الاقسام زى الحسابات وغيرها انتى اديتيله نظره ان زى ما الخبره مطلوبة حماس الشباب وافكارهم الجديده كمان مطلوبه
يسر : بجد
مهران : اه بجد 
يسر : طيب الحمد لله انى قدرت اكون عند حسن ظنكم 
مهران: واشكريلى مامتك على الاكل بصراحه تسلم ايديها
يسر : الف عافيه هبلغها حاضر وحاليا انا لازم امشى لان عندى شغل كتير 
مهران: تمام ربنا يوفقك
خرجت يسر من عند مهران وقابلت سماء فى وشها 
وسمعت سماء وهى بتتكلم بصوت واطى ( بتلسن) تماحيك 
وقفت يسر بصتلها بزهول وضحكت  وسابتها ومشيت 
دخلت سماء لمهران . مهران محتاج حاجه اعملهالك 
مهران: شكرا يا سماء لو احتاجتك هطلبك اكيد 
سماء: بخصوص اللى حصل بره مع يسر انا مش قصدى حاجه غلط انا بس كان قصدى انى اكون رسميه اكتر فى الشغل وانى واخده شغلى جد مش هزار وعايزه اثبت نفسى إنما هي فهمتنى غلط .
مهران انا للأسف مكنش عندى اصدقاء ومكنتش بتعامل مع حد عشان كده للأسف اوقات بتعامل بغشوميه وبكون محتاجه حد يرشدنى ويساعدنى انا عايزه اتعلم الشغل كويس وابقى شاطره ممكن تساعدني في ده 
مهران: حاضر يا سماء انا معاكى وواحده واحده. هتتعلمى كل حاجه وهيكون عندك صحاب وزمايل وكل حاجه نفسك فيها 
سماء: شكرا اوى بجد مش عارفه اقولك ايه
مهران : مافيش داعى للشكر ويلا بقى ورينى الشطاره في الشغل 
سماء: حاضر بس كده 
خرج مهران راح لمكتب باباه مره تانيه
مهران: بابا خلصت شغل 
موسى: اه ليه لحقت تزقه
مهران: لا كنت عايز اعرف المعرض بتاع العربيات اللى احنا بنتعامل معاه ممكن يجبلى عربيه لظروفى دى 
موسى: اه طبعا انا هتصل بيه ابلغه ولو عرف يجيب واحده روح امضى العقد واستلم العربيه . بس ليه عايز تتعب نفسك مافى عربيه بسواق وقت ما تحتاجها 
مهران: عايز احس انى براحتى مش مقيد وقت ما ازهق اقدر اخرج اشم هوا برحتى زى الأول من غير مافضل رابط حد بيا 
موسى خلاص انا كلمه وأشوف هيقول ايه 
مهران: تمام هتروح دلوقتي ولا لسه فى شغل تانى انا خلصت خلاص 
موسى: لا كفايه كده انهارده مافيش تانى يلا بينا 
خرج موسى مع مهران وروحوا البيت كانت اينور مجهزه كل الاكل اللى مهران بيحبوا منها وكانوا قاعدين على السفره بيتغدوا 
إينور: بتغنى . كل البنات بتحبك كل البنات حلوين طبعاً يا سيدى يا بختك وانت اللى زيك مين 
هنا مهران اڼفجر من الضحك 
مهران: يا ترا بقى مين البنات اللى بتحبنى بوضعى ده 
إينور: مالوا وضعك يا حبيبي انت زى الفل بس انا واخده بالى
مهران: والله كان بدى اريح بالك بس ما بقدر تدرى ليش لان مافى شئ بينى وبين حدا عشان كده مكنش ليه لزوم اللى عملتيه وانتى فهمانى
إينور: انا بس كنت خاېفه عليك وعايزالك اللى تناسبك
مهران: ماما انتى حبى الاول والابقى وصدقينى عمرى مهعمل حاجه انتى مش هتكونى راضيه عنها ده اولا فعايزك تبقى اكبر من كده 
ثانياً انا عمرى ماقدر اخد منك موقف أو الومك لانى عارف ومتأكد بليون ترليون فى الميه ان هدفك هو مصلحتى فبرجاء لو فى حاجه او مافيش عايزك تتاكدى انى راجل واد المسئوليه وارجوكى ماتشغليش بالك بيا 
اشغلى بالك ببابا عشان انا اليومين دول شايفه مهتم بنفسه اوى 
إينور: قربت منه قصدك ايه
مهران: شوفى انتى بقى انا بحزرك بس وراح باسها على راسها وهو بيضحك على مامته وانها طيبه وبتصدق اى حاجه
موسى كان سامعه : بقى كده طيب يا فلته حاضر ليك يوم ها ليك يوم وهفكرك

قضوا وقت مابين ضحك وهزار 
تانى يوم عند يحيى 
يحيى كان فى الشركه ومجتمع بكل الموظفين عشان لو فى حد مش فاهم حاجه او عنده مشكله يقدر يحلها وكان بيسجل كل الاقتراحات والتعديلات المطلوبة وكانت سدره بتكتب كل كلمه بالتفصيل
يحيى: تمام كده خلصنا الاجتماع تقدروا تتفضلوا واتمنى الفتره الجايه ملاقيش اى شغل متعلق ويكون كله خلصان  انسه سدره عايزك فى مكتبى 
دخل يحيى المكتب وسدره معاه 
يحيى: قدرتى تسجلى كل حاجه
سدره: اه قدرت الحمد لله وكمان حطيت لحضرتك حلول لبعض التعديلات المطلوبة
يحيى: ورينى كده . برافو عليكي كده حلو اوى وهيوفر علينا وقت وفلوس 
صحيح قدرتى تتعودى على العيشه هنا بسهوله 
سده : اه الحمد لله وخصوصاً ان فى ناس زمايلى هناك اتنقلوا معايا هنا ده خلانى محسش ان التغيير كبير اوى 
يحيى: طيب الحمد لله  ولو احتاجتى اى حاجة انا موجود وعايزك تحفظى الشغل كويس عشان فى غيابى تعرفى تتصرفى وخدى الرقم ده ده رقمى البرايفت لو حصل حاجه عاجله كلمينى عليه 
عند مهران ويسر وسماء 
دخلت يسر مكتب سماء كانت قاعده بتشتغل على الاب
يسر : لو سمحت يا انسه سماء بلغى استاذ مهران انى عايزاه
سماء: عايزاه فى ايه 
يسر : لو ينفع اقولك عايزاه فى ايه كنت قلتلك من غير ما اطلب اشوفه عشان كده بلغيه 
سماء: لأ بلغينى انا الأول
يسر : هو انتى تقربى لاستاذ مهران ايه 
سماء اټصدمت من سؤالها مكنتش متوقعه انها تسألها هى كانت عايزاها تشك بس ان بينها هى ومهران حاجه عشان تبعد عنه 
سماء: السكرتيرة الخاصه بتاعته وصديقته 
يسى : تمام طول ما انتى هنا فى الشركه اتعاملى بالمنطلق ده ومتتعاديش حدودك مره تانيه واتفضلى هتديله خبر انى موجوده ولا انا اتصرف بطريقه هتزعلك 
سماء: هتضربينى يعنى
يسر : لا هتصل باستاذ موسى ابلغه انك رفضه تدخلينى لاستاذ مهران غير لما تعرفى سبب دخولى ليه 
هنا سماء وشها اتغير وخاڤت تعمل كده فعلا 
سماء: تمام هبلغه لحظه واحده واتصلت بمهران وبلغها انها تدخلها 
دخلت يسر لمهران واديته الملفات 
يسر : اتفضل دى العقود بالشروط الجديدة اللى حضرتك واستاذ موسى طلبته إضافتها
مهران راجع الملفات: ممتاز اوى كده اى موردين او مستوردين جداد يمضوا على الشروط دى والناس القدام اللى بنتعامل معاهم هنحط العقود الجديدة في الاتفاق 
يسر : تمام يا استاذ مهران اه صحيح هو انا عشان ادخلك هنا لازم ابلغ انسه سماء انا داخله ليه افرض شغل مهم او سرى 
مهران عقد حواجبه : مين قال كده لأ طبعا
يسر : امال هى كانت رافضه دخولى ليه غير لما ابلغها السبب اخدت نفس طويل 
بص يا استاذ مهران انا مقدره جدا انكم أصدقاء او اكتر من اصدقاء بس لو سمحت انا مش حابه ادخل الشغل في الأمور الشخصية
لو هى بتغير على حضرتك دى مش مشكلتى انا اخاڤ اقول اى معلومه تتسرب ويكون فيها مشكله بعد كده 
مهران: طبعا عندك حق ثانيه واحده واتصل بسماء على تليفون مكتبها 
مهران: انسه سماء عايزك لحظه واحده
انسه سماء استاذه يسر بلغتنى انك رفضتى تدخليها غير لما تعرفى سبب دخولها هنا الاول الكلام ده حصل 
سماء: اه حصل بس كالعادة يسر فهمتنى غلط انا بس كنت عايزه اقرب منها واتكلم معاها زى مانصحتنى 
بس هى بصراحه حاده اوى اوى فى أسلوبها ودايما بتاخد الكلام بشكل غلط 
هنا يسر بصتلها باستغراب لتصرفاتها وكلامها المعاكس لبعض 
مهران: طيب اتفضلى انتى يا انسه سماء ومره تانيه ماتوقفيهاش تساليها ايه هو نوع الشغل اللى عايزانى فيه مره تانيه وبص ليسر 
مهران: كده كويس يا استاذه حاده قصدى يسر 😂😂😂😂😂😂
يسر : انت مصدقها دى كدابه 
مهران: بس هى مانكرتش وقالت انها سالتك بتناغشك يعنى 😉😉
يسر بضحكه : تصدق فعلا غلبانه اوى هى وانا امنا الغوله 
مهران: طيب بقولك ايه بكره هنزل اجيب عربيه جديده ومحتاج حد من الشئون القانونية يخلصلى الإجراءات
يسر : الف مبروك حضرتك عايز مين ابلغه 
مهران: حضرتك هتيجى معايا هنمضى العقد بتاع العربية وبما انك اصغر واحده سنا هنا فانتى الوحيدة اللى اقدر اطلب منها تيجى معانا 
يسر : والانسه سماء هتكون موجوده معانا 
مهران: لا ومتحطهاش فى دماغك هى بس بتتعامل بغشوميه عشان كده انتى ممكن تفهميها غلط وده لانها عاشت عمرها كله بدون اصدقاء 
يسر : طيب تمام هنروح بكره الساعه كام
مهران : الساعه ١٢ عدى عليا وننزل سوا
يسر تمام بكره باذن الله الساعه ١٢ هتلاقينى قدامك فى المكتب

البارت العاشر
سماء كانت واقفه ورا الباب وسمعت كلامهم وكانت بتفكر ازاى تبعد يسر عن مهران لان واضح ان مهران بيعاملها معامله خاصه ولازم تبعدها عنها قبل ما يتحول لعلاقه حب 
خلص اليوم بدون احداث جديده واخر اليوم اتصلت سماء على إينور
سماء: السلام عليكم ورحمه الله وبركاته. ازى حضرتك يا طنط عامله ايه معلش قصرت فى سؤالى عليكى اليومين اللى فاتوا بسبب الشغل
إينور: بطيبه ازيك يا حبيبتي عامله ايه مبسوطه فى الشغل
سماء: اه الحمد لله وعلاقتى حلوه مع الكل معادا وسكتت 
إينور: فى حاجة حصلت ولا ايه
سماء: لا لا لا ابدا مافيش
إينور: سماء مش انتى بتعتبرينى مكان ولدتك قوليلى حصل ايه 
سماء: كل اللى شغالين بيتعاملوا معايا كويس معادا يسر بصراحه بتعاملنى بطريقه غريبه حساها كارهه وجودى مش عارفه ليه
إينور: احكيلى بالتفصيل ممكن وكانت اينور بتسمع لكلام سماء بتركيز شديد 
سماء: اول يوم فى الشغل بسلم عليها وبتكلم معاها عادى لقتها بتقولى لازم تقوليلى استاذه يسر ومتشليش الالقاب بينا فاهمه وفضلت تقولى كلام كتير انى لازم اعرف مكانى وحدودى وانها المنصب بتاعها اعلى وحاجات كتير كده 
انهارده جيت بكلمها عادى قلت اللطف الجو بينا على أساس اننا اتكلمنا قبل كده ونعرف بعض لقتها قفشت عليا عشان بهزر معاها وبقولها داخله لمهران ليه قالتلى انتى تقربيله ايه لا انتى اخته ولا خاطبته ولا مراته مالكيش دعوه ادخل اخرج مايخصكيش ودخلت معرفش قالتله ايه جوه
إينور: وهو عمل ايه
سماء: تصورى يا طنط قالى بعد كده دخليها ومتستليهاش داخله ليه وادخلها على طول 
إينور: معقول مهران عمل كده 
سماء: طنط اوعى تجيبى سيره انى حاكتلك على حاجه عايزه تتاكدى ممكن تيجى بكره الساعه ١٢ وهتسمعى بنفسك طريقتها معايا 
إينور: اشمعنى ١٢ 
سماء: لانى سمعت طراطيش كلام كده انهم بكره هيروحوا يستلموا عربيه لمهران وعايزها تعمله عقد وحاجات كده مش فهماها صراحه 
إينور: خلاص انا جايه بكره ولو فعلا عملت كده انا بنفسى اللى هتصرف معاها 
سماء: لا يا طنط كده هيفتكروا انى بنقلك اللى بيحصل في الشركه ويقولوا عليه فتانه
إينور: هو انا عبيطه لا انا هتصرف وعارفه هعمل ايه 
فضلت بقيت المكالمه بتسخين سماء لاينور وكانت بتجهز مصيده ليسر عشان تضمن كره اينور الدائم ليها لأنها عارفه ان اسهل واحده ممكن تسيطر عليها هى اينور لانها معندهاش خبره كبيره زى مهران وموسى لان بعد خلفتها لموسى واخته مبقتش تشتغل وخروجاتها محدوده جدا بسبب النقاب ودايما لما بيسافروا بتكون فى اماكن مخصصه وده كان بيخلى مهران دايما يسافر لواحده ومع صحابه 
صاحب المعرض انصل بموسى وبلغه ان فى حاليا عربيه بالمواصفات المطلوبة بس مستعمله وبيساله ممكن يشتريها لحد ما العربيه الجديده اللى طالبنها توصل 
موسى بلغ مهران ومهران وافق ورحب جدا بالفكره وبلغه انه هيروح بكره ويشتريها وهتكون معاه يسر عشان تخلص العقود وبعد كده تدخل سعرها في حسابات الشركه 
موسى طبعا وافق وايد ابنه 
إينور سمعت كلام موسى ومهران واتاكدت ان كلام سماء صح لان فعلا مهران هياخد يسر معاه بس هى قررت تروح تانى يوم زى ماتفقت مع سماء عشان تسمع بودانها وتتاكد عشان ماتظلمهاش مره تانيه 
عدا اليوم بدون احداث جديده
تانى يوم اتصلت اينور وبلغت سماء انها هتجيلها فى المعاد اللى قالتله ودى فرصه قررت سماء انها تستغلها

تانى يوم الساعه ١٢ اينور بعتت رساله لسماء انها وصلت وانها طالعه وفى نفس الوقت كان معاد يسر مع مهران زى ما اتفقوا امبارح 
سماء: عارفه يا يسر تماحيكك وسهوكتك دى مش هتجيب نتيجه مع واحد زى مهران وبلاش تبصى لفوق لتتعبى وكل حاجه اوام تجرى تعيطى وتشتكيله عشان يطبطب عليكى ويقولك معلش
وتستغلى حته انك صعبتى عليه ومشغلك هنا شففففففقه فتحاولى تستغلى الموقف لصالحك بس انسى واتاكدى إن انا صحيالك 
كانت سماء مقربه جداً من يسر وهى بتقول الكلام ده ومراعيه ان لو وصلت اينور قبل ما تخلص ماتسمعهاش 
هنا يسر اتعصبت جدا
وكانت وصلت اينور ووقفت تسمع يسر 
يسر : اولا انا اسمي الاستاذه يسر وماتنسيش الالقاب ثانيا قيمتى ووضعى انا عارفاهم كويس لان قيمتى كبيره اوى اوى اوى اشكالك انتى ماتعرفهاش تانى مره يا انسه سماء تلتزمى بحدودك معايا وصدقينى كلامك ده تحت جزمتى 
سماء: كل ده عشان قلتلك يا يسر
يسر : انتى هتستعبطى انتى ولسه هتكمل لكن اينور مادتهاش فرصه ودخلت اينور بعصبيه وخرج على صوتها مهران وموسى 
إينور: انتى اللى فاكره نفسك ايه عشان تتكلمى معاها كده انتى هنا زيك زيها فاهمه وماتتعديش حدودك مره تانيه مع اى حد عشان مايبقاش مكانك الطرد من الشركه انتى هنا شغاله شفقه فاهمه عشان مهران اتوسطلك عند باباه لكن ده مش معناه انك خلاص بقيتى صاحبت الشركة او تتعدى حدودك انتى هنا زيك زيها بالظبط على الاقل هى شغاله بمؤهلاتها ولسه هتكمل موسى وقفها 
موسى: إينور ايه اللى بتقوليه ده انتى حصلك ايه ليه عملتى كده 
مهران بقى واقف باصص لمامته پصدمه وعينه بينها وبين يسر وسماء وبص ليسر اللى مش عارفه وترد وععنيها عماله تنزل دموع 
يسر حطت الملف اللى فى العقود على المكتب وبصت لمهران وقالتله وهى بټعيط دى العقود انا مستقيله 
وسابتهم وجريت وهى مڼهاره من العياط ومكنتش قادرة تسيطر على نفسها وهنا مهران حس بالعجز لانه مقدرش يروح وراها ويفهم منها حصل ايه او ليه مامته قالت كده 
كان فى حالة صاډمة وموسى بصله وقالها ورايا على المكتب وانتى يا سماء تعالى ورايا وانت كمان يا مهران
موسى: أنا عايز اعرف حصل ايه وايه خلاكى تقولى للبنت كده وتخلى منظرها يبقى كده انا مش مصدق انتى إينور الطيبة المتدينه ولا حصلك ايه خلاكى تقولى كلام بالقسۏه دى 
وبعدين زعق ردى عليا عملتى كده ليه 
إينور: البنت دى مش كويسه وبتتعامل بطريقة مش كويسه انا كنت حايه لمهران وسمعتها بتتكلم مع سماء بطريقة صعبه وقالتله على الكلام اللى سمعته منها 
موسى : وانتى سمعتى سماء قالتلها ايه عشان تقولها كده 
اينور : ايوه قالتلها يا يسر بدون القاب 
موسى: فعلاً
إينور: ايوه انا سمعت دها وهى بتقولها انتى بتقوليلى كل الكلام ده عشان قلتلك يا يسر بدون القاب فالتانيه كانت لسه هتكمل وقالتلها انتى هتستعبطى 
هنا موسى علق على الكلمه وركز فيها لان اكيد سماء قالت كلام مش سهل وهى ردت بالكلمه دى عشان تقولها بقيت كلامها بس تسرع اينور وعدم خبرتها خلاها تعك الدنيا 
موسى : قالتلها انتى هتستعبطى وانتى قمتى داخله من غير ماتكمل بقيت كلامها وعملتى كل اللى عملتيه ده فيها صح          . ردى عليا صح 
موسى وجهه كلامه لسماء : حصل ايه يا سماء عشان تقولك كده 
سماء: ابدا بقولها يا يسر احنا من سن بعض واتعاملنا قبل كده مع بعض ليه الالقاب رحت قالت اللى قالته 
موسى: طيب تمام تقدرى تتفضلى   وبص لاينور 
إينور انتى كنتى جايه ليه 
إينور: كنت جايه عشان اشوف العربية اللى قولتوا امبارح عليها كنت عايزه اروح اشوفها مع مهران 
موسى: فعلاً. طيب روحى دلوقتي يا إينور 
إينور: هروح مع مهران
مهران: أنا مش رايح فى اى مكان 
إينور: ليه يعنى كل ده عشانها 
مهران دور وشه رفض انه يرد عليها
هنا موسى كلمها بعصبيه اول مره يتعامل معاها بيها 
موسى : قلتلك امشى يا اينور روحى حصل اتفضلى عشان المره الجايه هعمل تصرف مش هيعجبك اتفضلى امشى ولسه حسابك معايا على خروجك من غير علمى اتفضلى قالها بطريقة مرعبه 
مشيت اينور وهو قعد على الكرسي وفرد ضهره بعصبية
وحاول يهدى نفسه قبل ما يكلم مهران
موسى: انت رايك ايه
مهران: رأى ان دايما سماء تنكش يسر وترجع تقول مش قصدى او خبرتى معدومه فى التعامل مع الناس وانا مكنتش باخد موقف لانى بلاقى يسر عرفت تتصرف 
هنا موسى افتكر مواقف منه مع إينور لما كانت بتعمل معاها نفس الحركات وكل مره كانت إينور بتقع في الفخ 
موسى: مهران انت مرتبط بيسر او سماء او لمحت لحد منهم بحاجة
مهران: لأ طبعا
موسى: انا هتصرف قصص وروايات أمانى سيد 
مهران: لا يا بابا لو سمحت انت اتصرف مع ماما بس عشان انا عمرى ماهقف قدامها انما الباقى سيبهولى انا 
موسى: هتعمل ايه
مهران: هحاول اتكلم مع يسر الاول واعرف منها اللى حصل ايه 
موسى: وانت هتصدق مين  جروبى قصص وروايات كامله بقلم أمانى سيد 
مهران: هصدق الحقيقة انت ناسى انا كنت شغال ايه 
موسى: خلاص اتفقنا انا هعرف اتصرف مع امك ازاى
حاول مهران يتصل بيها أكتر من مره مردتش اخد تليفون باباه وكلمها مرتين التليفون رد في المره التانيه
مهران: الو مين معايا وفين صاحبه التليفون ده 
المجهول: صاحبه التليفون ده عامله حاډثة واللى جابها ساب التليفون فى الاستعلامات هنا فى المستشفى
مهران بخضه : مستشفى ايه 
المجهول: ..........
موسى: فى ايه طمنى 
مهران: يسر حصلها حاډثة فى مستشفى (......) انا لازم اروحلها دلوقتي
موسى: طيب يلا وانا جاى معاك 
خرج موسى ومهران من غير مايبصوا لسماء او يبلغوها هما رايحين فين 
ياترى يسر حصلها ايه ؟؟ 
ياترى إينور هتفوق وټندم ؟؟ 
لو لقيت التفاعل حلو هنزل بارت كمان ♥️♥️

حاضر عشان مزعلش حد ادى بارت كمان اهو  يارب بس الاقى تفاعل كبير 
البارت الحادى عشر 
وصل مهران وموسى الشركه ودخلوا الاستقبال 
مهران: لو سمحت فى واحده جت فى حاډثه اسمها إينور زكى 
الاستقبال: اه يا فندم غرفه رقم (٠٠٠٠) 
طلع مهران وموسى الغرفه وكان الدكتور موجود
مهران: خير يا دكتور هى عامله ايه دلوقت
الدكتور: هى دلوقتي بخير والحمد لله ان السواق وقف فى اخر لحظه ومخبطهاش 
موسى: طيب هى متعلقلها المحاليل دى لسه 
الدكتور: الانسه ضغطها وطى جدا وضربات قلبها كانت عاليه اوى ده سببلها اخماء وهى بتعدى الشارع والعربيه اللى كانت ماشيه فرملت فى الوقت المناسب ولحقها وجابها هنا ومشى 
مهران: طيب الحمد لله هى هتفوق امته
الدكتور: فى اى لحظه ممكن تفوق 
مهران: تمام احنا هننتظر معاها 
عدى بعض الوقت ويسر ابتدت تفوق ولقت قدامها موسى ومهران قامت بربشت شويه بتفتكر هى فين وايه اللى حصل وافتكرت كل حاجه وغيرت وشها وفضلت ټعيط
موسى: لا اجمدى كده ممكن ماتعيطيش 
يسر : مش عارفه 😭😭😭😭
مهران: امال فين يسر القويه ام مېت لسان اللى محدش بيغلبها
يسر : أنا عندى لسان واحد
مهران: طيب يلا احكيلى اللى حصل وسماء قالتلك ايه
يسر : خلاص معدش يفرق انا كده كده هسيب الشغل وهبعت استقالتى رسمى بكره مع وائل 
موسى: ليه كده يا يسر انا مش واخد عليكى بتهربى
يسر : لا مش بهرب بس انا مش محتاجه شفقه يا استاذ موسى انا عايشه في بيت وعندى شقه وعندى ومرتب بيدخلى من ورث بابا كل شهر  يخلينى محتجش اى حاجه من اى حد انا بشتغل عشان عايزه احس انى بعمل حاجه مفيده وعايزه احس انى ليا دور انا مطلبتش ابدا من استاذ مهران إن انا اشتغل في الشركه استاذ مهران ويحيى هما اللى قالوا جربى وقدمى في الشركه دى عشان محتاجين 
مهران: حصل يا يسر عشان كده الكلام اللي اتقال ده غير حقيقي يبقى تثبتى مكانك وتدافعى عن حقك فى شغلك 
القضيه المره دى خاصه بيكى انتى لازم تدافعى عن نفسك وماتسمحيش لحد يجيى عليكى
يسر : الحد ده يبقى والدتك وانا عمرى ما هقف ند بند مع واحده اكبر منى انا لما سماء كلمتنى قدرت ارد عليها لكن نفسى صعبت عليا لما مامتك اتهمتنى وكلمتنى كده وهى ماتعرفش الحقيقة كلها ايه وانا مش هعرف ارد عشان فرق السن 
موسى : بصى يا يسر إينور تقدر تتحكم فى بيتها زى ماهى عايزه انما الشغل والموظفين اللى عندى اتا بس اللى اقدر احاسب واتكلم طالما لا انا ولا مهران اخدنا منك موقف او قلنا كلمه تزعلك يبقى ترجعى الشغل وتتعاملى باحترافيه اكبر سامعه 
مهران: ويلا اتفضلى معايا بقى عشان نجيب العربيه ونمضى العقود وبلاش تتهربى من شغلك مره تانيه 
موسى: وانا هروح اشوف الدكتور ينفع تخرجى دلوقتي ولا ايه
يسر : لا انا تمام اقدر اخرج 
موسى: خلاص وانا هروح ابلغ الدكتور
خرج موسى ومهران ويسر من المستشفى ووصل موسى مهران ويسر المعرض وسابهم ومشى 
دخلوا المعرض 
صاحب المعرض : أهلا وسهلا استاذ مهران منور 
مهران: اهلا بيك العربية جاهزه
صاحب المعرض: اه طبعا تشربوا ايه
مهران: مافيش داعى شكرا انا بس محتاج اشوف العربيه واخلص الورق بتاعها
صاحب المعرض فرجهم على العربيه ولحد ما عجبت مهران 
مهران: طيب العربية الجديدة جايه امته
صاحب المعرض: شهرين على الأقل انا هجبهالك مخصوص
مهران: طيب هنمضى العقود دلوقتي واستلم دى وهدفعلك كمان عربون من تمن التانيه 
فرح جدا صاحب المعرض وخلصوا الاوراق
واخد مهران المفاتيح وركب العربيه
يسر : استاذ مهران هتعرف تسوق
مهران: انتى وحظك معايا بقى 😂😂
يسر : لا بجد 
مهران: اتفرجت على اكتر من فديو وعرفت الطريقه وغير كده انا بسوق من زمان 
يسر : هركب وامرى لله بس للأسف مش هنلحق نطلع على الشركه  عشان اخلص الورق مع الحسابات
مهران: اجليها لبكره مش هيجرى حاجه
طلع مهران بالعربيه ووقف قدام مطعم
مهران : يلا انزلى 
يسر : هعمل ايه 
يا جماعه لما تعجبكم رواية او كاتبه ادخلوا دوروا على اسمها على الفيس او صفحتها ده بيدعمها ويفرحها ربنا يفرحكم جميعاً يارب 
مهران: كلك نظر جايبك قدام  مطعم شاورما يبقى هنعمل ايه
يسر : شكرا انا شبعانه ممكن انزل اجيبلك بس 
مهران : يسر لو سمحت بطلى كلمه استاذ استاذ اللى مسكاها دى احنا سننا مقارب لبعض مافيش داعى ليها 
ثانياً ايه المشكلة لما اعزمك على ساندويتش شاورما مانتى وامك عزمتينى قبل كده مرتين وكنت باكل من غير ماعترض انا نفسي طلبت منكم مره اكل 
يسر لو سمحت بلاش التحفظ ده  معايا بعد ازنك 
يسر : حاضر
مهران اداها فلوس . بصى الشاورما هنا الفراخ واللحمه الاتنين هنا اجمد من بعض هاتيلنا ٢ لحمه و٢ فراخ وخليه يوصلهم العربيه بس يجبهم بكماليتهم 
يسر : لا انا عايزه واحد بس
مهران: اسمعى الكلام بس وخليه يحط بطاطس و شوفى عنده مشروبات ايه متنكش تبع المقاطعه
يسر : تحب اجببك المحل كله
مهران: لأ كفايه علينا دول 
نزلت يسر عملت الاوردر وطلعت العربية مره تانيه
والجارسون وصلهم الطلبات ولسه يسر هتفتح الساندويتشات مهران مسك ايديها استنى
يسر : فى ايه 
مهران: هاخدك مكان حلو نقعد فيه
اخدها مهران وطلعوا فى مكان على النيل والمنظر كان تحفه 
يسر : مصدقنى 
مهران: اه
يسر : كده على طول من غير ماتواجهنا ببعض 
مهران: مش محتاج لده كلامك مصدق عندى 
يسر : ليه 
مهران: من غير سبب انا عارف ان اللى قولتيه صح انتى ناسيه انا كنت شغال ايه
يسر : مامتك مش هتضايق من وجودى فى الشركه
مهران: ماما مش بتدخل فى الشغل نهائى وعايز اقولك تصرفهاتها دى نتيجه طيبتها الزايده لان بابا بعد الجواز قفل عليها اوى وهى مفكرتش حتى تطلع من قفلتها علاقتها مخرجتش بره العيله تقريبا الغريبه عنها اللى اتعاملت معاها هى سماء 
يسر : تمام طيب انا مش عارفه لو رجعت تانى اتعامل مع سماء دى ازاى
مهران: زى مابتتعاملى معاها هى قالتلك كلام ضايقك وانتى رديتى واخدتى حقك منها 
يسر : تمام فضلوا قاعدين يتكلموا فى مواضيع مختلفه وهما بيتغادوا ووصلها مهران لحد البيت وبعدين روح البيت تانى

فى القصر عند موسى 
اينور : موسى الغدا جاهز يالا
موسى: من غير مايبصلها . لا انا اتغديت
اينور: طيب اقعد معايا ونتكلم زى مامتعودين 
موسى: لأ مش عايز اتكلم اتفضلى انتى 
اينور: انت زعلان 
موسى: اينور اتفضلى امشى مش عايز اتكلم قلت سمعتينى 
خرجت اينور من عند موسى وهى مدمعه قابلت مهران كان لسه راجع
اينور: مهران يلا عشان تتغدى يا حبيبي
مهران : لا شكرا انا اتغديت عن ازنك 
اينور : هو فى ايه انت وابوك واخدين منى موقف ليه انا عملتلكم ايه 
مهران: ماما لو سمحت انا جاى تعبان ومش قادر اتكلم 
بابا موجود اتكلمى معاه 
دخلت إينور مره تانيه لموسى بعصبيه 
انا عايزه اعرف فى ايه بنت قليله ادب ووقفتها عند حدها كل ده عشانها انت وابنك واخدين منى موقف وسايبنى اكل لواحدى زى الكلبه 
موسى: اينور انتى جيتى انهارده ليه 
اينور: منا قلتلك 
موسى: مش عيب تكدبى فى السن ده انتى جيتى لما سماء كلمتك سخنتك على يسر واوعى تكدبى يا اينور اوعى 
اينور : هى مسخنتنيش هى كانت بتحكيلى 
موسى: مممممم بتحكيلك فتقومى ايه تيجى الشركة اللى مدخلتهاش من ٢٥ سنه عشان تاخدى موقف من بنت غلبانه ايه عشان  انا وابنك ناس عويله م بنعرف نحل مشاكل الموظفين بتوعنا ولا بنعرف مين الكويس من الۏحش فحضرتك من غير ماتتعاملى أصلا مع البنت اخدتى منها موقف انها شخصيه حاده ومتكبره وعايشه الدور ومش بس كده لأ بتقوليها اننا مشغلينها شفقه صح 
موسى بعصبيه : صح ردى عليا ده اللى تفكيرك وصلك ليه 
اسمعى بقى يا اينور مع انى حظرتك قبل كده بس انا كلامى غالبا مبقاش ليه قيمه 
اولا البنت لو مش كويسه كانت ردت عليكى وعرفتك تسكتك ازاى وكانت هتكون على حق على فكره ومكنتيش هتعرفى تردى عليها عارفه ليه لانك واقفه فى صف الشخص الغلط ومش بتتعلمى من الماضي
ثانياً لو كنتى تعبتى نفسك بالسؤال مع مهران كان قالك ان سماء هى اللى بتنكش يسر دايما وتضايقها بالكلام ولما مهران يواجهها تقوله مقصدش اصلى م شبعرف اتعامل مع الناس ومببرات مالهاش لازمه بس بنعديها 
ثالثاً بقى وده الاهم يا اينور لو انتى كنتى بتتعلمى من أخطاء الماضي كنتى افتكرتى منه لما كانت بتعمل نفس حركات سماء تستفذك فتقومى رده بعصبيه واحنا نسمع ردك انتى فاتطلعى انتى الوحشه الغلطانه وهى البريئه الحلوه  فاكره ولا نسيتى شكلك نسيتى يا اينور ولازم تفتكرى 
رابعاً لما قالتلها كل ده علشان قلتلك يا يسر التانيه قالتلها انتى هتستعبطى معنى كده انها كانت قايللها كلام غير ده وكانت هتقولها لا عشان انتى قولتى كذا وكذا فانتى بقى رحتى داخله وحاطه التاتش بتاعك
خامسا: يسر مش محتاجه شفقه لانها قبلنا كانت بتدرب فى مكتب استاذ محيى وده مشهور ومعروف وانا سالت بنفسى عليه يعنى متدربه على ايد استاذ كبير وللاسف سابته لانه سافر يتعالج بره وابنك اللى قالها ان شركتنا طالبه متدربين ومكنش قالها انه ابنى اصلا وهى جت عملت انترفيو انا اللى عملتهولها بنفسى عشان اتاكد إذا كانت انسانه كويسه ولا لا وحتى لما اشتغلت عينى كانت عليها والبنت جد فى شغلها وطيبه ومش زى وصفك ليها ابدا 
سادساً وبسببك البنت كلامك قصر عليها واغمى عليها فى الشارع وعربيه كانت هتخبطها لولا ستر ربنا 
سابعا : حسستى ابنك لاول مره بالعجز وهو مش قادر يروح يوقفها عشان يسمع منها اللى حصل ويخليها تدافع عن نفسها قدامك 
شفتى يا اينور شفتى عملتى ايه وتصرفك بدون الرجوع لينا عمل ايه خلتينا طراطير ملناش لازمه عشان كلمتين من عيله لعبت في دماغك 
امشى يا اينور لو سمحت وسبينى لواحدى ومافيش خروج مره تانيه بدون اذنى 
بارت طويل اهو اهو اسمع بقى واحده تقولى طولى البارت هطلعلها من الشاشة انتوا حرين خافوا منى بقى

البارت الثاني عشر
إينور: انا مفكرتش كده خالص مفكرتش في كل ده طيب هى عامله ايه دلوقتي
موسى: هتفرق معاكى عايشه ولا مېته 😏
اينور: انت شايفنى وحشه كده 
موسى: انا مبقتش عارف بصراحه مبقتش فاهمه 
اينور: طيب انا اسفه 
موسى: أسفه على ايه بالظبطت
على انك خرجتى من غير اذنى ولا عن انك كسرتى كلامى واتدخلتى فى حاجة انا حظرتك قبل كده انك تتدخلى فيها 
ولا اسفه على انك خليتى عيله تلعب بدماغك ولا أسفه على كلامك اللى قولتيه للبنت 
اينور لو سمحت سبينى انا مش عايز اتكلم لو سمحت سبينى لوحدى واتفضلى 
خرجت اينور وطلعت غرفتها وفضلت ټعيط وحست فعلا انها غلطت غلط كبير وقلت جدا من نفسها بسبب اللى عملته وقررت إنها تصلح الغلط ده
عند يسر كانت طالعه السلم وباين عليها الارهاق والتعب وكانت سانده على السلم وقابلت وائل 
وائل: مالك يا يسر انتى تعبانه ولا ايه
يسر : لا ابدا شويه ارهاق بس هريح وهبقى تمام 
وائل: هو مهران اللى وصلك ده
يسر : اه هو 
وائل: طيب وهو بيوصلك بتاع ايه
يسر : لا ده حوار طويل لو عايز تسمعه تعالى نطلع ونتكلم براحتنا عشان مش قادره اقف 
طلع وائل ويسر شقه وائل 
وائل: ها احكيلى بقى بيوصلك ليه
يسر : عارف الشركه اللى انا شغاله فيها بتاعت مين 
وائل: اه شركه من ضمن مجموعة شركات موسى مهران
يسر : مهران دخ بقى يبقى ابن موسى
وائل: طيب برضه وصلك ليه هو مقدم فى الشرطة وانتى موظفه فى الشركه
يسر : من فتره بسيطه كان في مأمورية واټصاب فيها فى مكان حساس أثرت عنده على المشى فقرر انه ينزل يمسك الشركات مع باباه 
وائل: الف سلامه عليه
يسر : المفروض اننا انهارده كنا فى معرض سيارات عشان كان بيشترى عربيه بمواصفات خاصه لحتياجاته الحاليه 
وطبيعي اكون معاه عشان انا اللى بجهز العقود وباخد نسخه منها مع الفواتير واسلمها لقسم المحاسبه عشان الضرايب بعد كده . بص حوار طويل كده فى الشغل 
وائل: طيب وليه ماخدتش اوبر مثلا وجيتى لواحدك 
يسر : قبل ما اروح معاه حصلت مشكله معايا في الشغل ووانا خارجه من الشركه ضغطى وطى واغمى عليا فى وسط الشارع العمومي وكانت العربيات هتخبطنى لكن ربنا ستر الحمد لله بس انا كان مغمى عليه والناس ودونى المستشفى وخرجت من المستشفى على المعرض ومن هناك استاذ مهران وصلنى لحد هنا عشان لو جرالى حاجه مره تانيه يلحق يتصرف او يكلم حد واصر انه يوصلنى
وائل: يسر انتى مش محتاجه للشغل ده انتى عندك مرتب شهرى بيجيلك وعندك ورثك هتاخديه بعد اعلان الوراثه وقام جبلها فلوس وادهلها 
اتفضلى الفلوس دى نصيبك من الفلوس السايله اللى كانت عند التجار يعنى انتى مش محتاجه شغل اصلا ولو هتيجى على نفسك عشان الشغل يبقى بلاها 
يسر: حاضر يا وائل مش هاجى على نفسى عشان الشغل بس عايزه اقولك لو من اول مشكله سبت الشغل ومشيت يبقى كده ايه لزمتها اصلا انى اشتغل اصل مافيش شغل من غير مشاكل ولا حوارات
وائل: تما يا حبيبتي شوفى اللى يريحك وانا معاكى 
يسر : بقولك انا بفكر احط الفلوس دى مقدم واجيب عربيه ايه رايك
وائل: فكره حلوه ولو احتاجتى فلوس زياده انا معاكى 
يلا بقى عشان نتغدى
يسر : لا انا اتغديت مكنتش هقدر اقعد من غير اكل انا محتاجه اكل نوم هطلع انام واريح شويه
سابته وطلعت عشان تنام

تانى يوم وصل مهران الشركة وقابل سماء واتعامل عادى جدا معاها 
دخل مهران مكتبه واتصل بيسر تجيله المكتب 
وصلت يسر المكتب قابلت سماء قدامها 
سماء اول ما شفتها وشها قلب لأنها كانت عامله حسابها انها كده قدرت تتخلص منها نهائيا لكن اتفاجئت بيها 
سماء: ايه ده انتى جيتى تانى انا افتكرت انك عندك كرامه بعد الكلام اللي سمعتيه امبارح من اينور هانم لكن واضح انى كنت غلطانه وانت زيرو كرامه 
تقدرى تقوليلى جيبتى تانى ليه 
يسر لسه هترد قطعها مهران فى الكلام 
مهران: انا اللى جبتها ومش بس انا لأ ده انا وبابا كمان 
اللى عايزك تعرفيه يا انسه سماء إن يسر وجودها هنا فى الشركه اساسى وصعب اننا نستغنى عنها وياريت بعد كده تاخدى بالك من كلامك معاها دى اول واخر مره أحذرك من طريقة كلامك معاها 
سماء هنا وشها قلب ألوان ومابقتش عارفه ترد تقول ايه 
ولما جت تتكلم مهران وقفها ورفض يسمع منها اى كلام 
دخل مهران المكتب ومعاه يسر 
يسر : شكرا جدا على اللى قلته وعملته ده 
مهران: ده حقك على فكره انا معملتش حاجه تشكرينى عليها 
وكنت عايز اعتذلك عن اللى ماما عملته امبارح
هنا دخلت اينور : وانت تعتذرلها بالنيابة عنى ليه 
مهران بدهشة: ماما 
مهران وشه اتغير خاف مامته ترجع تقلب مره تانيه وترجع تجرحها بالكلام 
اينور: استنى يا مهران لو سمحت 
اينور انا كان ممكن اخد رقمك واكلمك بس انا قررت زى ما جرحتك بكلامى امبارح اتاسفلك في نفس المكان مره تانيه
يسر : لا طبعا مايصحش انا خلاص مش زعلانه من حضرتك
اينور: بس ده حقك 
يسر : لا انا حقى رجعلى الحمد لله من غير اعذار وكفايه ان استاذ مهران واستاذ موسى واثقين في اخلاقى الحمد لله
اينور: طيب بما انك مش زعلانه انا عايزه أتأكد من ده 
يسر : شوفي اللى يرضى حضرتك وانا اعمله 
اينور: عايزاكى تعلمينى طريقه المكرونه بالبشاميل اللى بتعمليها لأن مهران دايما بيحلف بيها 
يسر : بس كده حاضر عنيا سهله 
اينور: خلاص الجمعه الجايه بإذن الله هستناكى على الغدا نعملها سوا ونتغدى مع بعض 
يسر : هو صعب موضوع الغدا ده ممكن وائل اخويا مايوافقش 
اينور: لو عشان اخوكى انا هكلمه وهعزمه هو كمان
يسر : اللى حضرتك تشوفيه 
اينور: يبقى اتفقنا انا همشى بقى عشان لسه هعدى على مكتب موسى عشان عايزاه فى موضوع اسيبكن تشتغلوا مش هعطلكم اكتر من كده 
وسابتهم وخرجت 
يسر : هى دى مامتك بتاعت امبارح
مهران: اه هى 😂😂😂😂😂
ماما طيبه جدآ جدآ جدآ وبتثق في الناس بسهولة لانها للاسف معندهاش خبره كبيره في الحياة لو اتعاملتى معاها سهل اوى تخليها تحبك وتثق فى كلامك عشان كده بابا بېخاف عليها ومحجم علاقتها وغير انه بيغير جدا جدا عليها 
يسر : ربنا يخليهالك صحيح كنت عايزه اسالك فى حاجة هو المعرض اللى كنت فيه امبارح بيبيع عربيات قسط ولا كاش بس 
مهران: الاتنين بس ليه 
يسر : بصراحه معايا مقددم كده وعايزه اشترى عربيه صغيره كده اتحرك بيها 
مهران: ساهله دى ممكن اكلمهولك وتقوليلوا مواصفات العربيه ويجيبهالك 
يسر: لأ مافيش داعى اصل طالما انتوا بتتعاملوا معاه يبقى ثقه اكيد ولو قسط فانا اروح اعربن معاه 
مهران: شوفى عايزه تروحى امته وانا معاكى 
يسر : لأ مافيش داعى اتعب حضرتك
مهران: لا منا مش هتعب صدقينى انا مابجريش 
يسر: تمام هشوف هخلص الاول كورس تعليم القياده واطلع الرخصه وبإذن الله اروح اعربن عليها 
مهران: هاتى صوره البطاقه بتاعتك واعتبرى الرخصة فى جيبك
يسر : ازاى
مهران: بتسالينى إزاى 😂😂 انتى نسيتى انا كنت بشتغل ايه 
يسر : اه تمام عن ازنك 
خرجت يسر من عند مهران وهى مبتسمه وقابلت قدامها سماء تجاهلتها خالص ولا كانها شايفاها وده خلى سماء الڼار تكلها اكتر 
اتصلت سماء بباباها 
عزت : ايه يا سماء فى جديد
سماء: اه فى بنت عايزاك تخلصنى منها لان وحودها بيبوظلى كل اللى بخطتله
عزت : ازاى 
سماء: بتلف على مهران وهو مديها وش وبيدافع عنها 
عزت : عشان انتى غبيه انا سايبك فى بيته شهر كامل ومعرفتيش توقعيه شكلك خيبتى يا سماء
سماء: لأ كان ماشى كويس بس للاسف من ساعت البنت دى ما ظهرت وكل حاجه اتلغبطت 
عزت : ابعتيلى بيانتها وصورتها 
سماء: حاضر هبعتلك كل حاجه على الواتس اب

عند يحيى فى المكتب 
دخل ريحان وكانت سدره قاعده بتراجع الورق 
ريحان: السلام عليكم
سدره : وعليكم السلام
ريحان: يحيى جوه 
سدره : اه حضرتك ريحان بيه صح اتفضل هو منتظر حضرتك
دخل ريحان وكان يحيى بيشتغل 
ريحان: كنت فى المصنع جمبك قلت اعد. اطمن عليك
يحيى: لأ تمام والحمد لله النقل ام بسرعه والموظفين اخدوا على المكان بشكل اسرع من المتوقع
ريحان: قدمت ورقك في الانتخابات
يحيى: اه 
ريحان: وعزت قدم 
يحيى: اه 
ريحان: كلمك على بنته مره تانيه 
يحيى: انا شيلتها من دماغى اصلا من زمان 
ريحان: حصل حاجه
يحيى: حكاله كل حاجه حصلت بالتفصيل
ريحان: انا مش مرتاح للراجل ده ولا لبنته وبعدين هى مرجعتش البلد ليه مش كانت راجعه عشان تستقر
يحيى: هههههههههههه اه عموما انا متابعه كل تحركات عزت مش هيعدى من تحت ايدى على الاقل لحد ما الانتخابات تخلص 
ريحان: مين البنت اللى بره دى 
يحيى بابتسامه: سدره 
ريحان: هى اسمها سدره 
يحيى: اه 
ريحان: طيب يا فلته انا لو مكانك مش هقولك بقى مع نفسك 
يحيى: قريب قريب بس مش عايز اورط حد معايا ويبقى فى خطړ عليها عشان كده صعب اتكلم فى ارتباط مع اى حد دلوقتي وكمان اعرف مشاعرها اتجاهى 
ريحان: رينا معاك

الفصل الثالث عشر
خرج ريحان من عند يحيى وكان سايبه بيفكر فى كلامه 
سدره خبطت على الباب ودخلت 
سدره : استاذ يحيى مدام نجوى بره
يحيى: ايه ده طيب دخليها فوراً
سدره استغربت جدا من طريقة يحيى فى استقبال العميله دى 
سدره: اتفضلى استاذ يحيى منتظرك جوه 
دخلت نجوى ليحيى قام رحب بيها وحضنها 
يحيى: ازيك يا نوجه عامله ايه
نجوى : انا كويسه يا حبيبي كنت بذور عمامى هنا قلت اعدى اطمن عليكوا 
يحيى: انتى نورتى المهم هكلمهم يعملوا الغدا اللى بتحبيه ولازم تتغدى معانا انهارده
نجوى: يا حبيبي انا بس جايه اطمن عليكوا مافيش داعى وممكن وجودى يزعل حد
يحيى: لا ابدا طنط زليخه طيبه وحنينه اوى وعمرها ما تضايق منك 
( نجوى خاله يحيى وصحر الصغيره وعايشه بره مصر وبتيجى زيارات وترجع تانى وقبل ما تتجوز وتسافر كانت هى ويحيى صحاب سنها ٣٠ بس مش باين عليها ) 
خرج يحيى مع نجوى وكانت سدره قاعده
يحيى : انسه سدره الغى كل مواعيدى انهارده 
سدره : حاضر يا فندم 
خرج يحيى وخالته وسدره فضلت ټعيط وقررت انها خلاص تنساه وتشيله من دماغها وتوافق على اى عريس محترم يجيلها 
وصل يحيى البيت وكانت زليخه بتجهز غدا عشان الضيفه وريحان كان في المكتب
خرجت رولين وصحر وريحان ويحيى قاعدوا مع نجوى لحد ما زليخه جهزت السفره ونادت عليهم
نجوى : معلش يا مدام زليخه انى جيت فجأة كده بدون مقدمات
زليخه : لأ ابدا بيتك ومطرحك طبعا انتى خاله الاولاد وطبعاً فى مقام والدتهم 
خلصوا غدا وطلبت نجوى انها تقعد مع صحر لوحدهم 
نجوى : صحوره حبيبتي عامله ايه
صحر : بخير يا خالتو الحمد لله
نجوى : انا بس كنت عايزه اطمن عليكي انتى مبسوطه ولا فى حد بيضايقك
صحر : لأ مبسوطه او طنط زليخه طيبه وحنينه وسايبه حاجت ماما زى ماهى زى مانت شايفه ورولين بنتها طيبه  بقينا زى الاخوات بالظبطت
نجوى : تمام يا حبيبتي انا بس كنت عايزه اطمن عليكي وانا عارفه ان بابا اكيد عمره ما هيسمح لحد يجيى عليكى 
صحر : لا يا خالتو ماتقلقيش عليا انا كويسه ومبسوطه ولو حصل حاجه اكيد هكلمك 
خرجت نجوى وصحر وفضلوا قاعدين فتره بين ضحك وهزار لحد ما نجوى مشيت 
طلعت زليخه وريحان الاوضه بتاعتهم 
ريحان: انتى زعلتى 
زليخه: من إيه
ريحان: عشان وجود نجوى انهارده
زليخه: لأ طبعا ايه الكلام ده دول اهل ولادك اشيلهم على راسى طبعا واكرمهم زى مانت كارمنى يت ريحان
ريحان انت معيشنى حياه عمرى حتى ما كنت احلم بيها بتعامل بنتى زى بنتك ومش بتفرق فى المعاملة
الحاجه قبل ماطلبها بتكون عندى وغير كده ده خۏفك عليا وعلى مشاعرى دى بقى حاجه تانيه صدقنى انا بسببك نسيت اى حاجه وحشه حصلتلى في حياتى انا حاسه انى مت وعايشه فى الجنه 
ريحان: بعد الشړ عليكى يا حبيبتي ربنا يجعل يومى قبل يومك
زليخه: اوعى تقول كده تانى انت لو جرالك حاجه انا ھموت معاك 
ونسيبهم بقى دى ناس عايشه في عالم لوحدها مالناش دعوه بيهم

عند سماء بعتت صوره يسر لابوها وبعض البيانات عنها اللى تساعدها وعنوانها اللى عايشه فيه كمان 
اتصل عزت على واحد من رجالته اسمه مجدى 
عزت : تعالى يا مجدى عايزك انهارده الساعه ١٢.٠٠ بليل هستناك فى المكان بتاعنا
مجدى : شغل جديد ولا ايه
عزت لما تيجى هعرفك عايزم في ايه بس خد بالك اوعى حد يشوفك

نرجع للقصر عند موسى 
اتصل موسى بعماد 
موسى: ازيك يا عماد عامل ايه
عماد : بخير يا موسى بيه انت عامل ايه
موسى: بخير الحمدلله. عماد بقولك ايه عايزك المره دى فى موضوع مهم هو صعب وهياخد وقت انا عارف بس للاسف الوقت ممكن مايكونش في صالحنا 
عماد: خير قلقتنى 
موسى: فاكر منه لما هربت 
عماد: اه طبعا ومحدش عرف هى هربت فين او راحت انى دوله بعد ما اوهمت الناس بمۏتها ونقلناها المستشفى وهربت وقتها من هناك 
موسى: بصى فى بنت شغاله عندى فى الشركه اسما سماء عزت عايزك تجبلى كل تفصيله عنها وعن مامتها عدى عليا بكره فى الشركه وانا هديك صوره بطاقتها وانت دعبس وراها كويس حتى لو هتبعت ناس خارج مصر انا متكفل بأى حاجه معاك ميزانية مفتوحه 
اه صحيح باباها النائب الحالى فى محافظه اسيوط وهديك ملف باخواته هما مسجونين دلوقتي فى تهمه اتجار اسلحه ومخډرات
عماد: اسلحه ومخډرات وهو كان نائب 🤨
موسى: اه اهم حاجه عايز اعرف مين مراته وعايز صوره ليها بأى شكل وسماء عايز صوره لامها ويفضل صوره تجمعها بامها 
( الناس اللى هتقولى منه مكنتش بتخلف هقولكم عارفه واصبروا 🤌🤌🤌🤌 وبعدين ممكن يكون تخمينه غلط عشان ماتقولوش دى بنت منه عشان عارفه دماغكم وبرضه مش هقول حاجه) 
عماد : انت شاكك فى حاجة
موسى: مجرد شك ومش هيحصل حاجه لو اطمنت ان الناس اللى حواليا نضاف 
عماد: خلاص بكره بإذن الله هعدى عليك

بليل عند عزت قابل مجدى 
عزت : شايف صوره البنت دى 
مجدى: اه مالها 
عزت : مش عايز يكون ليها وجود على وش الدنيا شوف بقى طريقه محدش يشك فيها واعملها 
حاډث سير مثلا . بلطجى يسرقها ويغزها تبان قتل عشان السرقه شوفلك طريقه المهم ان خلاص الاسبوع ده البت دى ماتكونش ليها وجود 
مجدى: طيب عايز عنوانها عنوان شغلها 
عزت : اتفضل الورقه دى فيها عنوان شغلها وعنوان شقتها ودى صورتها 
مجدى: الاسبوع ده هيكون جالك خبرها 
عزت : اتمنى ده يحصل في اقرب وقت 
مجدى: بس خد بالك فى مصاريف صفر وانتقالات وشغلانه وممكن يتقبض عليا 
عزت : ١٠٠.٠٠٠ الف دلوقتي ٥٠.٠٠٠ ولما تخلص هتاخد الباقى 
مجدى : لا دلوقتي ٥٠.٠٠٠ دول بدل السفر ولما اخلص يبقى ١٠٠.٠٠٠
عزت : بقيت طماع 
مجدى: الدنيا بقت غاليه وانت ادرى الناس
عزت : ماشى يا مجدى بس لو حصل غلطت مش هرحمك 
مجدى: عيب هى اول مره
مشى عزت وبعديه مجدى وبعديهم حد تالت خالص 
الساعه 1.00 am تليفون يحيى رن 
يحيى: خير يا عزام فى حاجة
عزام : اه يا يحيى بيه فضلت مراقب عزت زى مانت ماقولتلى ومتابع تحركاته خطوه بخطوه 
يحيى: فى حاجة حصلت ولا ايه 
عزام : اه كان بيقابل مجدى الهجام دلوقتي واداله مبلغ كبير وصوره واحده وعايزه يخلصه منها 
يحيى: قام يحيى منطور من على سريره .طيب شفت صورتها او عرفت اى بيانات عنها
عزام : لا لان صوتهم كان واطى بس واضح انها مش من البلد لانه طلب منه يسافرلها وقدرت اسمع انه عايزه يخلص عليها الاسبوع ده
يحيى: بص يا عزام واسمعنى كويس انا عايزك تكون خطوه بخطوه ورا مجدى سامع واللى انت عايزه هديهولك اهم حاجه نلحقها ونعرف هى مين 
عزام: حاضر يا يحيى بيه 
يحيى: اه وشوفلى واحد مدقدق كده وتكون واثق منه يراقبلى عزت في غيابك 
عزام : حاضر بكره بإذن الله يكون عندك حد 
وقفل يحيى مع عزام وفضل يفكر مين اللى عزت عايز يتخلص منها دى وايه السبب ومقدرش يجيله نوم طول الليل وصحى الصبح راح الشركه وكان باين عليه الارهاق 
يحيى بارهاق : صباح الخير
سدره : صباح النور
يحيى: ممكن فنجان قهوه دبل 
سدره : حاضر عن ازنك 
يحيى لنفسه هى مالها مصدرالى الوش الخشب ليه كده 
سدره بعتت فنجان القهوه مع العامل 😂😂
يحيى لنفسه هى تعبانه ولا ايه 
يحيى: انسه سدره ممكن الملفات اللى محتاجة مراجعه 
سدره : حاضر يا فندم 
دخلت سدره الملفات ليحيى واستاذنت وخرجت 
يحيى لنفسه هى مالها دى مش طيقانى ليه ومستنش تاخد الملفات او تراجعها معايا زى مابتعمل 
حاول يركز فى شغله لكن معرفش 
اوف انا مالى مالها ولا مش مالها فى ايه ركز بقى ركز 
وحاول يشتغل تانى ومعرفش راح قام راح لمكتبها ووقف قدامها 😂😂😂
سدره: استاذ يحيى حضرتك محتاج حاجه
يحيى: فى حد سأل عليا امبارح
سدره : اه وهتلاقينى كتباها لحضرتك فى الملف اللى معاك عدلتلك المواعيد اللى المفروض كانت هتتم امبارح وماتمتش لان حضرتك خرجت مع العميله وطلبت منى الغى كل المواعيد
يحيى: عميله ايه انا مكنش معايا عملا امبارح
سرده : لا يا فندم كان فى وحضرتك خرجت امبارح معاها مدام نجوى 
يحيى: اه نوجه بس دى مش عميله وضحك لانه فهم انها متغيره عشان غيرانه فحب يشاكسها شويه
يحيى: بس دى نوجه ده انا اسيب الدنيا كلها عشانها مش  شويه مواعيد ډمها تقيل تتعوض 
سدره: اكيد حضرتك حر طبعا 😏😏
يحيى: اصلها من ريحه الغاليه يا انسه سدره وصديقه الطفوله
سدره : ربنا يخليهالك
يحيى: نجوى دى خالتى اخت امى الصغيرة وانا وهى الفرق بينا مش كبير ومن ريحه امى الله يرحمها فليها عندى معزه كبيرة اوى 
سدره: ربنا يرحمها يارب ويباركلك فى خالتك 
يحيى: طيب تمام هدخل انا بقى اكمل شغل واتفضلى معايا خدى ورقه المواعيد رجعيها معايا وفكرينى بيها لحسن انا زاكرتى ضعيفه اوى وبنسى 
سدره : تمام اتفضل
يحيى: اه وفنجان القهوه ده ياريت تغيريه الاول لحسن مايتشربش انا اتعودت انى اشربه من ايدك 
سدره: حست انه فهم عليها . حاضر بس حضرتك فطرت 
يحيى: لأ لسه ومحدش سالنى إذا كنت كلت ولا لأ ولا حد بيهتم بيا
سدره : طيب فى هنا واحد قدام الشركه بيعمل سندوتشات تحفه انا كلت من عنده هجيبلك ساندوتشين تاكلهم ومعاهم كوبايه شاى ومسكن وهتبقى زى القل وبعدها ابقى اعملك القهوه 
يحيى بتسبيل : خلاص يا ستى هسيبلك نفسى اكلينى وشربينى على مزاجك
بحبكم فى الله واتمنى البارت يعجبكم

البارت الرابع عشر
فى صباح اليوم الثانى عند مهران استيقظ من النوم كالعادة ولكن كان هذا الصباح مختلف 
صحى مهران من النوم واثاء تثائبه وجد حركة بسيطه فى أطراف اصابعه 
كررها اكتر من مره عشان يتأكد لكن كانت حركة بسيطه جدا قرر انه ميقولش لحد عليها لحد مايروح للدكتور
نزل على الفطار كانت إينور وموسى قاعدين على السفره منتظرينه 
مهران بيضحك على غير العادة
مهران: صباح الفل
موسى: صباح النور
مهران: بابا انا مش هقدر اروح الشركة انهارده هروح المستشفى
اينور بخضه : مالك يا حبيبي انت تعبان 
مهران: لا بس ده معاد المتابعة ماتقلقيش
موسى: تحب اجى معاك
مهران: لأ انا عايز اروح لوحدى 
موسى: تمام اعمل اللى يريحك
اينور: تحبوا تتغدوا ايه انهارده
مهران: اللى تشوفيه يا ماما 
موسى مردش عليها لسه زعلان وواخد موقف منها 
مهران:  الصلح خير قوم نتصالح الصلح الخير وغمز لباباه 
موسى: خليك في حالك انت 
وسابهم وقام وقامت إينور وراه 
إينور: لسه زعلان 
موسى: لا رد 
إينور: هتفضل زعلان كده لحد امته 
طيب انا اسفه وغلطانه وروحتلها واعتزرتلها كمان وراجعت نفسى كويس وعملت كده لما اتاكدت انى غلطانه
موسى لا رد 
اينور: على فكره بقى الغلط ده غلطك انت كمان لانك انت اللى رافض دايما انى اتعامل مع الناس وحابسنى 
ورفضت انى حتى انزل شغل يبقى طبيعى طبيعى اللى بيحصلى وانى مبقاش قادره اتعامل ولا اقيم الأمور بشكل صحيح 
موسى: دلوقتي بقيت انا الغلطان
اينور: ايوه يا موسى انت الغلطان وانا اللى مش عايزه اكلمك تانى لانك انت السبب في اللى انا فيه 
موسى بص مكانها بزهول 
هى قلبت الترابيزه عليا  والمفروض كمان ان انا اللى اصالحها وراح ضارب كف بكف 😂😂😂😂 ومشى
يا جماعه قاعده معروف
انت اللى مزعلها تصالحها ولو هى اللى مزعلاك فبتكون زعلانه انها مزعلاك فتروح تصالحها برضه 
وصل مهران المستشفى وتواصل مع الدكتور اللى متابع حالته 
الدكتور: صباح الخير
مهران: صباح النور
الدكتور: انت لما قولتلى ان صوابعك اتحركت ماصدقتش نفسى 
مهران: ليه هو انا كان حالة مايؤس منها 
الدكتور: لأ ابدا احنا الأول اديناك العلاج عشان نقدر نقرر اذا كنت هتحتاج علاج طبيعى بدون عمليات ولا الوضع هيكون محتاج عمليه وزى ماتوقعت انك مكنتش هتحتاج عمليه بس كنت خاېف اديك امل 
كشف الدكتور على مهران وعمل كل الاشعه والتحاليل المطلوبه وانتظر مهران فى المستشفى بدون ملل 
الدكتور: هايل هايل يا مهران بيه واضح فعلا التحسن ونقدر نبدا العلاج الطبيعي من دلوقتي اهم حاجه تكون جاهز ومستعد وعندك القدرة انك تستحمل 
مهران: معاك يا دكتور بس العلاج الطبيعي هنخليه بعد الضهر عشان الشغل ومش عايز حد يعرف حاجه لحد مامشى طبيعى . بس هل موضوع العلاج هيطول
الدكتور: على حسب تحملك ونسبه الإصابة بس ابشرك انك باذن الله مش هتاخد وقت لانك مافضلتش فتره طويله قاعد 
مهران: يبقى نبدا من دلوقتي انا كده كده واخد على التمارين الشاقه 
الدكتور: واضح فعلا ويمكن ده سبب استجابة جسمك 
حول الدكتور مهران لدكتور علاج طبيعى وحدد معاه المواعيد وطلب منه ان الجلسات تكون مكثفه وفعلا الدكتور كثفله الجلسات بما يناسب حالته 
وقضى مهران بقيت اليوم في المستشفى
عند إينور طلبت من العمال يجهزوا الغدا 
وصل موسى الاول وملقاش إينور فى انتظاره زى كل يوم
دخل المكتب وانتظر انها تنادى عليه 
وصل مهران وملاقاش مامته كالعادة دخل المكتب على باباه 
مهران: سلام عليكم
موسى: وعليكم السلام
مهران: امال ماما فين
موسى: هى مش بره 
مهران: لأ مش بره
موسى : شكلها كده اتقمصت وعامله اضراب
مهران: ليه انت زعلتها تانى 
موسى: لأ زعلانه عشان انا زعلان منها فبتقلب عليا الترابيزه
مهران: محدش قالك تقل فى العيار قابل بقى واطلع صالحها بما يرضي الله بدل مانعيش ايام سوده منها لا ترضى الله
موسى: عندك حق هطلعلها
طلع موسى خبط على اينور ودخل
اينور بصتله وتجاهلته 
موسى: يعنى بدل ماتصلحينى على اللى عملتيه تزعلى منى والمفروض ان انا اللى اراضيكى كمان اسميه ايه ده بقى
اينور مردتش 
موسى: بتردهالى يعنى تمام راح عليها وحضنها من ضهرها . انا بخاف عليكى يا اينور وطول عمرى بحاول ابعدك عن اى شئ يضايقك او ياذيكى لكن ابدا مقصدش انى احبسك او اخنقك زى ما اتهمتينى وانتى برضو عمرك ما طلبتى تخرجى او ترجعى تشتغلى تانى وانا رفضت
اينور كانت بټعيط
مش عايزك تعيطى أبدا بس عايزك تفكرى قبل اى تصرف ممكن يقابلك وحضنها معلش حقك عليا لو كنت قسيت عليكى بس ده عشان مصلحتك
ويلا بقى انا وابنك ھنموت من الجوع ومش هنعرف ناكل من غيرك 
نزلوا تحت واتغدوا في جو فى الفه
اينور: عملت ايه عند الدكتور
مهران: كويس الحمد لله
موسى: مافيش جديد او قالك حاجه عن حالتك او هتعمل عمليه امته
مهران: لأ قالى استنى شويه وبعدين يحدد 
عند مهران خلص غدا وطلع يرتاح 
ومسك التليفون لاقى رساله من يسر 
يسر : ألف سلامة عليك باباك بلغنى انك كنت عند الدكتور انهارده اتمنى يكون صحتك كويسه وبخير 
مهران: أنا بخير الحمدلله بس الشغل انهارده كان وحشنى أوى أوى أوى 😉😉
يسر : احرجت من كلامه لانها حست بتلميح فيه
طيب كويس انك حبيت الشغل ومبسوط فيه . هتيجى بكره
مهران: طبعا مش بقولك وحشنى لازم اجى طبعاً ♥️
يسر : طيب اسيبك ترتاح مع السلامه
ضحك مهران عليها لان حس بكسوفها وكان هيتصل بيها لكن قال فى نفسه واحده واحده

عند يحيى عزام اتصل بيه 
يحيى: ها عرفت مين اللى عزت مسلط حد عليها عشان ېقتلها 
عزام : هو واقف فى مكان وعمال يراقب البيت 
يحيى: طيب العنوان ايه اللى واقف فيه 
عزام قاله عنوان يسر 
هنا يحيى برق عنيه بتقول ايه انت متأكد من العنوان ده طيب صورهولى كده 
وفعلا عزام صورله البيت 
يحيى : عزام اسمعني كويس اوعى تخليه يعملها حاجه فاهم لو بس لمسها هحاسبك انت 
يحيى لنفسه اشمعنى يسر عملتلك ايه لازم اتصرف
اتصل يحيى بمهران 
يحيى اول مامهران رد اتكلم على طول 
يحيى: مهران عزات باعت حد ېقتل يسر وواقف عند البيت عندها 
مهران بقلق : انت بتقول ايه وعرفت منين
يحيى: انا بقالى فترة مش مرتاحله وحاطت عينى عليه من اول ماعرض عليه انى اتجوز بنته 
مهران: هو كان عايز يجوزك سماء وهى تعرف 
يحيى: مش عارف سماء تفكيرها ايه بس واضح انها مش سهله ولا زى ماهى مبينه 
مهران: طيب عرفت منين انه عايز ېقتلها ومسلط حد 
يحيى: فتح مخك بقولك ممشى حد مراقبه وشافه بيتفق مع واحد اسمه مجدى واللى انا باعته وراه لقيته ادانى عنوان يسر معنى كده انها المقصوده بس انا مش عارف ايه علاقته بيها ولا ليه عايز ېقتلها 
مهران: غالباً كده انا فهمت انا هحاول اتصرف ربنا يستر 
اتصل مهران على يسر وحاول انه يبان طبيعي عشان مايقلقهاش
مهران : قفلتى كده وانا بكلمك على طول
يسر : منا قلت اسيبك ترتاح 
مهران: حد قالك عليا كنت في ماتش انا كويس يا ستى 
وفضل يكلمها فى حاجات مختلفه
مهران: بقولك ايه يا يسر بكره الصبح هبعتلك عربيه بسواق تجيبك الشركه 
يسر : لأ طبعا مالوش لازمه انا باجى لوحدى 
مهران: يسر اسمعى الكلام من هنا ورايح فى عربيه هتجيبك وعربيه هتوديكى 
يسر : طيب ايه السبب 
مهران: هفهمك بعدين صحيح هو انتى قاعده لواحدك ولا مع اخوكى
يسر : اخويا فى الشقه اللى تحتى يعنى يعتبر معايا
مهران: لأ انزلى باتى معاهم
يسر : نعم هو في ايه 
مهران: يسر اسمعى الكلام انزلى باتى تحت عند اخوكى اعملى اى حجه وباتى عنده 
يسر : طيب فهمني طيب انت قلقتنى
مهران: اسمعى اللى بقولك عليه لحد بكره
ويلا هقفل معاكى عشان تلحقى تنزلى 
قفل يحيى معاها ورجع اتصل مره تانيه بيحيى 
مهران: يحيى عايز صوره الراجل اللى باعته عزت واى حاجه تعرفها عنه دلوقتي
يحيى: هبعتلك حالا وفعلا اتصل يحيى بعزام وخلاه يبعتلوا صورته وبعتها لمهران 
مهران اتصل على باباه 
مهران: بابا عايزك دلوقتي في اوضتى من غير ما ماما تاخد بالها 
خرج موسى ودخل غرفته مهران 
موسى: فى ايه قلقتنى 
مهران: عزت والد سماء باعت حد يخلص على يسر 
موسى: طبعا عشان السكه تفضى لبنته ويقدر يجوزهالك 
مهران: ومين قاله أصلا انى افكر اناسبهم دى عيله كلها مجرمين 
موسى: سماء متخليه لو قدرت تبعد يسر عن طريقك الجو هيفضلها وهى شايفه ان يسر هى العقبه انها توصلك 
مهران: انا عايز الحق اتصرف يسر كده حياتها فى خطړ 
موسى بخبث : ممكن اديها اجازه واخليها تسافر تقعد عند امها يومين تلاته لحد مانتصرف 
مهران: لا طبعا على أساس يحيى ده ايه لا طبعا لو فى مكان امن ليها يبقى هنا وسطنا 
موسى: وهتجبها ازاى بقى 
مهران اتصل على امته 
مهران: ماما عايزك تتصلى بكره تعزمى يسر واخواتى وولاد اخواتى عندنا هنا ولما تيجي يسر تخلى اخواتى يجبروها تبات هنا واعزمى كمان اخوها عشان مايشكش 
اينور: ليه طيب
مهران: ماما لو سمحت اعملى اللى بقولك عليه وهحكيلك كل حاجه بعدين انا مش فاضي دلوقتي
نفذت إينور كلامه واتصلت بيسر واخدت رقم اخوها وكلمته وهو وافق 
مهران: هكلم حد من زمايلى يقبض عليه
موسى: اوعى تعمل كده هيبعت حد غيره عشان ينفذ انا كده كده بقالى مخلى حد يجبلى قرارهم 
مهران: طيب وايه العمل
موسى: هقولك

البارت الخامس عشر
موسى: لأ انا هجيبه وهخليه يقول انه نفذ كمان
مهران: طيب ما بنته فى الشركه ولو شافت يسر اكيد هتقوله
موسى: هنا بقى لازم نفكر في طريقه نخلى يسر مختفيه كام يوم
مهران: يبقى تقعد هنا فى القصر ونبلغ اخوها بكره وهو لما يشوف البنات هيطمن عليها
موسى: طيب ماتخليها تسافر وتستخبى هناك عند امها 
مهران بزمجره : لأ هنا أأمن لها واحسن لها 
تانى يوم مهران بعت العربية ليسر وهى ركبت فيها ووصلت الشركه وطلعت لمهران 
يسر : صباح الخير
مهران: صباح الفل عامله ايه
يسر : بخير الحمدلله
مهران: ماما انهارده عزماكى عندنا على الغدا 
يسر : اه 
مهران: بصى كمان شويه عندى مشوار هخاصه واعدى عليكى نروح سوا
يسر : مافيش داعى هروح لوحدى
مهران: اسمعى الكلام انا كده كده راجع تانى مالهاش لازمه كل واحد فينا يروح لوحده حتى لو اتاخرت اوعى تمشى لواحدك 
يسر : حاضر هروح بقى عشان الحق أخلص شغلى 
خرجت يسر لقت سماء قدامها لكن سماء تحاهلتها وبصتلها بغل وتوعد
عدى ساعتين ووصل مهران المستشفى عشان يبدا جلست العلاج الطبيعي
خلص كورس العلاج كان وقت خروج الموظفين ورن على يسر عشان تنزله قدام الشركه أثناء نزول يسر لمح مهران عربيه جايه فى اتجاه يسر حسن مهران ان العربيه دى قاصده تخبطها راح سابق العربيه من اتجاه يسر وخبط العربيه لفت الناحية التانية ويسر شافت الموقف وكانت مصدومه ومڼهاره شاور مهران للحرس انهم يحصلوا العربيه اللى هربت ويحاولوا يوقفوها ركبت يسر العربيه وكان جسمها بيترعش من الصدمه 
يسر : كنت ھموت 
مهران مسك ايديها لقاها متلجه فضل يملس عليها بايده عشان يدفيها 
مهران: اهدى اهدى محلصكيش حاجه انتى كويسه 
يسر : لولاك كان زمانى مېته 
مهران: ضمھا عليه وفضل يملس على ضهرها لا ماتخافيش طول منا معاكى اوعى تخافي محدش يقدر ياذيكى ولا يقرب منك
يسر : هو كان قاصدنى صح
مهران ماردش عليها لكن فضل يهديها لحد ماهديت 
اخدها مهران ووصلوا مكان يشربوا فيه عصير عشان يتاكد انها هديت 
يسر : مهران فى حد عايز ياذينى وانت عارف صح عشان كده انت اصريت انى ابات عند وائل وبعتلى العربيه الصبح واصريت انك توصلنى بنفسك 
مهران: ماتشغليش بالك باى حاجه كل حاجه هتتحل وقريب اوى هانت صدقيني
يسر : طيب مين عايز ياذينى انا عمرى ما اذيت حد ليه حد بيحاول ياذينى كده
مهران: الإنسان الناجح المحبوب هتلاقى ناس كارهينه عشان هو ناجح معندهمش مبرر غير انهم ناس فاشله 
مش عايزين يحسوا انهم فاشله فلما يشوفوا حد ناجح ومحبوب بيحسوا هما اد ايه صغيرين قدامه فبيحاولوا يتخلصوا منه 
يلا بقى لحسن نتأخر واينور وقتها مش هتسيبنا فى حالنا ومش بعيد تجوعنا وماتغديناش انتى عرفاها 
يسر : طيب يلا يلا بسرعه لحسن حقيقى انا بخاف منها 
مهران: لما تعشريها وتعرفيها كويس هتلاقى مافيش اطيب من قلبها 
وصل مهران ويسر وبعدها وصل وائل ونرجس وبعدها اخوات مهران 
اينور رحبت بيهم وفضلت قاعده معاهم لحد ما الشغالين جهزوا الغدا قاعدوا يتغدوا ويضحكوا واخدوا على يسر جدا وحبوها 
بعد الغدا طلب مهران وموسى من وائل انهم يقعدوا ف المكتب لوحدهم ويشربوا قهوه 
دخل مهران ووائل وموسى المكتب 
موسى: ازيك يا وائل عامل ايه
وائل: بخير الحمدلله ازيك حضرتك
موسى: احنا بخير الحمدلله على
مهران: منورنا يا وائل والله 
وائل بنورك 
موسى: بص يا وائل بدون ماندخل في اى مقدمات في حد بيحاول ېقتل يسر اختك 
وائل: بخضه . مين وليه عايزين ېقتلوها
مهران: احنا لسه مانعرفش ليه عايزين يخلصوا منها لكن احنا عرفنا مين 
وائل: طيب وليه سايبينهم من غير ماتبلغوا عنهم 
موسى: لاننا لو مسكنا مش هيكون في دليل على اللى مسلطه احنا عايزين نمسك عليه وعلى اللى مسلطه دليل عشان اختك تبقى فى امان لانه ممكن يبعت حد تانى وتالت ورابع 
مهران : انهارده قدام الشركه حد حاول يخلص منها والحمد لله قدرت الحقها المره الجايه الله اعلم وانا بعت الحراس يجيبوا الشخص اللى حاول يخبطها لكن هرب للاسف وده معناه انه هيحاول مره تانيه
وائل: خلاص يبقى هقعدها من الشغل ومش هخليها تخرج من البيت لحد مايتقبض عليه 
مهران بص لباباه 
موسى: بص يا وائل حتى لو حطيتها فى قمقم هيحاولوا يوصلولها وېقتلوها انا عايزك تسيبها هنا فى حمايتى وهيكون ليها جناح خاص وانت شايف القصر مافيش نمله تقدر تعدى منه 
وائل: لأ طبعا انا ماسمحش لاهتى تبات بره البيت وانا راجل وموجود واقدر احميها 
موسى: ساعتها انت واهلك كلهم هتكونوا في خطړ انت واختك ومراتك وبنتك 
صدقنى يا وائل اسبوع او اتنين بالكتير اوى ووقتها هتبقى فى امان وده وعد منى 
وائل: هى يسر عارفه كده
مهران: لأ لسه هنقولها طبعا بس بما إنك الراجل بتاعها وولى أمرها كان لازم نستاذنك انت الاول هى بس عرفت ان فى حد حاول يقت.  لها لكن ماتعرفش تفاصيل 
وائل: خلاص يا موسى بيه اختى امانه عندك وانا هتواصل معاها كل يوم فى التليفون
مهران:  ولو حبيت تيجى تشوفها تطمن عليها في اى وقت البيت مفتوح 
وائل: ده العشم برضوا
خرج موسى نادى على يسر واينور قامت دخلت معاهم والكلام كان قدامها وعرفها انها هتقعد معاهم لحد مايقبضوا على المجرمين 
تحت ضغط منهم وافقت يسر واينور رحبت جدا بوجودها

كلم مسؤول الحراس مهران وقاله انهم قدروا يمسكوا المچرم وقالهم يحتفظوا بيه لحد مايجيلهم 
بعد فتره مشى وائل ومراته وبعدها خرج مهران وموسى وراحوا المكان اللى محتجزين في المچرم 
موسى: مين اللي باعتك عشان ټقتلها 
مجدى : محدش بعتنى انا اللى كنت سايق والعربيه مكنتش عارف اتحكم فيها 
مهران أمر الحراس يض. ر بوا.   مجدى  ونفذوا كلامه لحد ماجابوا اخره 
مجدى : خلاص خلاص هنطق عزت هو اللى مسلطنى عليها 
مهران: ليه 
مجدى : احنا بيطلب منا بس يا باشا من غير ما يتقلنا السبب ابوس ايدك سبنى امشى 
موسى : لما تنفذ اللى هقولك عليه 
Flash back 
وصل مهران جهاز تصنت بتليفون مجدى عشان يسجل عليه كل المكلمات من غير ما مجدى يعرف 
قدر مهران ياخد موافقه من النيابه بمراقبه عزت واللواء قدر يساعده لانه جابله ادله انه لسه شغال في السلاح وسبب انه يسلم اخواته انه طمع فى الصفقه الجديدة لواحده 
وفعلا سهلولوا امر المراقبه ووقت ماكان بيستجوب عزت خلى زمايله يزرعوله جهاز التصنط في موباياه 
Back
موسى: عايزك تكلم مجدى وتقوله انك هتنفذ بكره وتحاول تعرف منه ليه عايز ېموتها وبكره تكلمه وتقوله انك خپطها بالعربيه وانها ماټت خلاص وحدفتها في مكان مجهول ولو حاولت انك تنبهه يبقى انت اللى جنيت على نفسك 
مجدى : حاضر حاضر يا باشا انا مش قد الحكومه 
مهران: هنسيبك دلوقتي تمشى لكن خد بالك انك هتفضل تحت عنينا
خرج مجدى ونفذ كل الكلام اللي قال عليه موسى ومهران 
وكانت كل كلمه بتتقال بتتسجل وبتتمسك دليل على عزت ومجدى 
وصل مهران وموسى القصر واتصل مهران على يسر عشان تنزل تقابله في الجنينه
نزلت يسر وقاعدت مع مهران 
مهران : حلوه هدوم ماما عليكى 
يسر : مامتك طلعت طيبه اوى عكس ماتخيلتها 
مهران: ولسه لما تعرفيها اكتر هتحبيها اكتر بس اتمنى ان القاعدة هنا تكون عجباكى وتكونى حباها 
يسر: بصراحه مش متضايقه خالص بالعكس مبسوطه واخواتك دمهم خفيف اوى حبيتهم على فكره
مهران بصلها فى عنيها : وهما كمان حبوكى اوى وعايزينك تفضلى معاهم على طول مش مجرد اسبوع او اتنين 
فاق من كلامه على وشها اللى احمر من تلميحه 
مهران: بص يا يسر من بكره مش هتروحى الشركه اجازه لمده اسبوعين 
يسر : احنا ماتفقناش على كده
مهران: عشان حمياتك 
يسر : مش انت قولت طول مانت جمبى محدش هيقدر يعملى حاجه وانا في الشغل هكون جمبك 
مهران: احنا عايزين نوصل للى محرض المج. رم ده انه نفذ وقټلك ولو رحتى الشركة هيعرف انك لسه عايشه وهيبعت حد تانى واحنا عايزين فى اقرب وقت نقبض عليه متلبس بمحاوله قټلك وبجرايم تانيه وساعتها بقى انزلى وارجعى الشركة براحتك وعلى فكره انا اول مره اقول خطه شغل لحد 
يسر : خلاص حاضر مش هروح الشركه 
مهران: واقفلى فونك وانا هجيلك خط جديد تكلمى منه مامتك وتعرفيها 
يسر : حاضر بس انت عرفت منين ان في حد حاول يقت. لنى 
مهران: لازم يعنى 😏
يسر : طبعا

البارت السادس عشر
مهران: انتى عارفه ان يحيى مقدم على الانتخابات وخلاص حالياً بيعمل الدعاية فهو الفترة دى حاطت عينه على عزت لانه يعتبر منافس ليه او كان وعزت عارف انه كده كده مكنش هيكمل فى الانتخابات عشان خاطر اخواته كلهم اتسجنوا في المخډرات فحب الاول يضمن وجود حد قريب منه في المجلس عشان الحصانه وتسهيل الدخول والخروج فقال يجوز يحيى بنته وطلب منه انه يتجوزها وبعدين يحيى مداش رد وقابلنى فعيد ميلاد صحر اخت يحيى وقتها بقى نقل العطا عليا انا  ورمى بنته عليه وهو هناك  بس يحيى مراقبه فسمعه بيتفق على حد يقت لوه ولما بعت حد ورا اللى مسلطة لقاه اداله عنوانكوا فكلمنى يحظرنى وانا قلتله انى هتصرف 
يسر: والباقى عرفته وخمنته طبعا سماء متخيله انى انا برسم عليك ومنعاك انك تقرب منها فطبعا بلغت باباها وقرر يتصرف
مهران: ليكى حق تزعلى  انى السبب لانك دخلتى فى مشكله بسببى 
يسر : لأ خالص على فكره انا مقصدش كده افرض انت فعلا كنت مرتبط بحد او معجب بحد او متجوز مثلا ليه الانانيه ليه الحقد طيب كويس انها جت فيا على الاقل لقيت اللى يقف فى ضهرى ويحمينى انما لو حد تانى كان حصل ايه
مهران: عندك حق وعمرى ابدا ابدا ما اديها مبرر للى بتعمله 
يسر : حاول تجيب المخفى اصل ما خفى كان أعظم 
انا هقوم بقى لحسن الوقت اتاخر وانا سهرتك وانت عنك شغل تصبح على خير
مهران: سهرينى براحتك يا ستى انا موافق على العموم شكلك انتى اللى عايزة تنامى تصبحى على خير

تانى يوم الصبح صحيوا كلهم وقت الفطار وكله راح شغله 
وصل مهران الشغل وكانت سماء موجوده على مكتابها صبح عليها ودخل وطلب منها تنادى يسر 
سماء: يسر مجتش يا فندم 
مهران: طيب لما تيجى ابعتيها هى اتاخرت ليه كده عمرها معملتها 
سماء من جواها فرحت لانها حست أن باباها ممكن يكون اتخلص من يسر

عند مجدى اتصل بعزت 
عزت : ها يا مجدي عملت ايه 
مجدى : نفذت أهو واخدت بطاقتها ورمتها في حته مقطوعة
عزت : برافو عليك
مجدى: طيب بقيت الفلوس فين انا كده نفذت كلامك ق ت لتها ورمتها ومحدش هيعرفلها طريق 
عزت : لما تيجي البلد هديهاك انت جاى امته
مجدى: لا انا ناوى اقعدلى اسبوع او اتنين كده
عزت : هستناك لما تيجى وادهملك في نفس المكان 
مجدى: ماشى يا عزت بيه لما اجى نتحاسب وقفل معاه

عند إينور ويسر فضلوا قاعدين يتكلموا مع بعض فتره وسالت يسر عن طريقه عمل المكرونه البشاميل ويسر قالتلها انا ممكن اعملها قدامك وتشوفيها 
دخلت يسر واينور المطبخ واتحركت يسر فى المطبخ بخفه وبدات تجهز كذا صنف من الاكل بسهولة
إينور: يسر انتى مابتستخدميش توابل خالص 
يسر: مش كل الاكل بيتحطله توابل وخصوصا اللحوم والمسبك دول كفايه عليهم ملح وفلفل اسود انما التوابل دى حطيخا في المشاوى عشان بتديها طعم انما الطبيخ والبشاميل بيضيع طعمه 
اينور: انا بشوف شيفات على النت بتحط كميه توابل فظيعه وبيطلع اكلهم شكله تحفه
يسر : اديكى قلتى شكله انما طعمه بيكون وحش لانى جربت كذا وصفه من كذا شيف وكانت النتيجة سيئه جدا  وعايزه اقولك فى شيفات مش كلهم طبعا بيتعامدوا يحطوا توابل كتير ويفضلوا طول الفديو يقولوا الله على الريحه ومعرفش ايه عشان يعلوا المشاهدات انما فى الحقيقة بيكون اكلهم سئ جدا 
إينور: طيب هندوق الاكل على الغدا وقتها هقرر مين فيكم صح 
يسر : خلاص اتفقنا 
قضت اينور وقت طويل مع يسر وحست انها فعلا بنت طيبه وتتحب وندمت حدا على الطريقه اللى عملتها بيها قبل كده وقررت انها تجبلها هديه 
عند مهران بعت مره تانيه لسماء 
مهران: سماء هى يسر محتش لسه 
سماء: لا مجتش شكلها كده غايبه انهارده 
مهران: طيب هى اخدت اذن
سماء: هزت راسها بلا
خرجت سماء كلمت باباها
سماء: بابا ايه الاخبار
عزت : خلاص كده ماټت وشبعت مۏت
سماء: طيب كويس كده انت ارتحت منها والجو هيخلالى واقدر اوقع مهران
مهران سمع المكالمة من جهاز التصنط اللى زرعه وكلم يحيى
مهران: ازيك يا يحيى
يحيى: بخير الحمدلله
مهران: بقولك قدرت توصل الظباط امبارح عشان يزرعوا اجهزه التصنط لان المكالمه اللى اتكلمها عزت دلوقتي مع سماء فيها دليل إدانة ليها وانها مشتركة معاهم
يحيى: عيب عليك طبعا قدرت اوصلهم وخليت الشغاله اللى عنده تحطله منوم فى العشا واتعشى ونام وقدرت ادخل زمايلك
مهران: برافو عليك هانت خلاص وهنمسكهم متلبسين
قفل مهران المكالمة مع يحيى وخرج من المكتب 
سماء: حضرتك ماشى 
مهران: اه مروح عايزه حاجه
سماء: لأ شكرا
سابها مهران ومشى وبيكلم نفسه : مستحمله نفسك ازاى 
عند يحيى خرج لقى سدره بتشتغل على اللاب راح قاعد على الكرسي اللى قدامها وفضل يبصلها وهى كانت مركزه اوى 
رفعت دماغها مره واحده ولقته قدامها 
سدره : بخضه استاذ يحيى حضرتك محتاج مساعده
يحيى: لأ انتى اللى محتاجة مساعدة
سدره : لأ شكرا جدا
يحيى: مرتاحه هنا فى البلد 
سدره : اه جدا على فكره
يحيى: طيب حلو اوى وهى كمان حبتك اوى وعايزاكى تفضلى فيها وماتخرجيش منها تانى 
سدره : البلد 
يحيى: البلد وصحابها . بقولك ايه انا شايف ان الشغل كتير عليكى ايه رايك اجبلك حد يساعدك
سدره: لا ابدا ده شغلى وانا بعمله 
يحيى: لا انا عايز اريحك عشان كده هجبلك واحده تساعدك هعمل اعلان وانتى اعملى المقابله واللى شايفاها كويسه وبتاعت شغل شغليها على طول وانا موافق على اختيارك 
سدره: طيب وانا هعمل ايه
يحيى: هتبقى معايا
سدره : نعم مع حضرتك ازاى 
يحيى: بعدين هقولك وغمزلها بعنيه 😉 وسابها ومشى وهى مش فاهمه حاجه
قدر يحيى يجيب رقم باباها واتصل بيه وحدد معاه معاد عشان يروح يتقدم لسدره وباباها رحب جدا بيه بسبب سمعتهم الطيبه بس يحيى طلب منه مايقولهاش حاجه لانه حابب يعملهالها مفاجأة
ووافق بابا سدره على اقتراح يحيى لانه دايما بيحس باعجاب من سدره ناحية يحيى وده باين من كلامها عليه

عند مهران خرج من الشركه وطلع على العلاج الطبيعي وقدر يمشى بس بصعوبه جدا والدكتور قاله ان طالما وصلوا للمرحلة دى فقريب جدا هيرجع يمشى زى الاول بالظبطت
فرح مهران اوى بكلام الدكتور وده شجعه ان يضغط نفسه اكتر فى التمارين

عند موسى كان قاعد فى كافتريا ومعاه عماد 
موسى: ها يا عماد قدرت تجبلى اخبار جديده
عماد: ايوه طبعا 
سماء فعلا بنت عزت وبنت واحده تانيه كانت شغاله خدامه عندهم فى البيت اسمها ميار  بعد ولاده سماء بسنه كده تقريبا اختفت ميار لحد هنا طبيعى الغريب بقى ان بعد سنه عزت سفر بنته مع واحده باسم ميار وقال ان مراته ظهرت واخدت بنته وسافرت وان مراته تركيه وهى عايشه عند اهلها فى تركيا 
موسى: والناس صدقت 
عماد: مهو ده الغريب مكنش قايل لحد انه متجوز الشغاله دى اصلا مكنش حد يعرف غير اللى شغالين عنده جوه البيت نفسه وده انا عرفته من الغفير اللى عنده 
وقالى كمان انها لما بتيجى زيارات البلد بيكون شكلها متغير عن قبل الولاده وقالى انها عامله عمليات تجميل لانه دى غير دى عشان كده انا متاكد ان ميار والده سماء الحقيقة غير ميار اللى ربت سماء
موسى : طيب ليه ماورتوش صوره منه 
عماد: دايما كده ملحقنى فى الكلام ودى حاجة تروح عنى بس كنت ماجلها شويه 
وريته صوره منه فعلا وقالى انها فعلا شبهها بس باختلاف لون الشعر والقصات 
موسى: يعنى زى ماتوقعت فعلا ان سماء ليها علاقه بمنه اصل الخبث والحركات واحده 
طيب سماء تعرف ان ميار مش امها الحقيقة
عماد : مافتكرش انها عارفه
موسى: طيب منه دلوقتي في مصر ولا بره مصر 
عماد: لا بره مصر بس اظن انها هتيجى قريب عشان الشحنه اللى داخله مصر هى مشاركه فيها عزت 
موسى: دى اللى عزت باع اخواته عشان ياخدها كلها لواحده 
عماد: مش بس كده اللى عرفته ان اخواته حاطين هما كمان فلوسهم فيها وبما انهم بح بالنسبة لعزت فارباحها كلها هتروح لعزت ومنه عشان كده انا متاكد انها هتنزل مصر وقريب اوى وطبعا حبايبنا اللى فى المطار اول ماتحجز هيبلغونا 
موسى: هايل هايل يا عماد يلا عشان نخلص منهم كلهم مره واحده بقى 
طلع موسى شيك بمبلغ كبير وراح اداه لعماد 
عماد: كتير اوى يا موسى بيه 
موسى : عشان المعلومات اللى جبتها كبيره ووعد لو اتقبض عليهم ليك ادهم تانى وسابه وقام

وصل موسى القصر ومهران وصل باعديه 
موسى لمهران : مش هتقولى بتروح فين
مهران: بعدين هتعرف 
موسى: براحتك ماشى انت شامم الريحه دى 
مهران: اه شكلهم بيشوا 
موسى: جايه من الجنينه
خرج موسى ومهران الجنينه لقوا يسر واينور واخوات مهران البنات قاعدين بيشوا ويهزروا 
موسى : ريحه الشوى قالبه القصر كله 
اينور: دى فكره يسر وانا اخدتها حجه بصراحه قلت نتغدى فى الجنينه من ساعت البنات ماتجوزت واحنا ماكلناش في الجنينه 
مهران : انا الريحه خلتنى ھموت من الجوع الحقونى بطنى بتصوصو
موسى : احنا هنكدب اسمها بتهوهو 
كلهم ضحكوا عليه 😂😂😂😂
مهران: بتصوصو بتهوهو المهم اكل اكلونى 
يسر : طيب اطلع غير هدومك الاكل كده كده خلص غير وتعالى هتلاقى الاكل جاهز 
مهران: هوا هتلاقونى هنا 
موسى وانا كمان هروح اغير بسرعه واجى 
طلع موسى ومهران غيروا هدومهم ونزلوا عشان يتغدوا كان الاكل جهز 
مهران داق الاكل : طعم الاكل ده مش غريب عليها 
موسى : لا الاكل تحفه بصراحه حاجه فاخمه 
اينور : بالف هنا دانا طلبت من يسر تعلمنى المكرونه بالبشاميل اللى هى بتعملها فالكلام جاب بعضه فى بعض الوصفات وقررنا نعملها بطريقتها 
وبصت ليس
كان عندك حق فعلا الاكل من غير توابل كتير اطعم بكتير
مهران بصلها وابتسم ان علاقتها أخيرا بقت كويسه مع مامته واخواته
ملك : وانا كمان هبطل اتقل التوابل فى الاكل 
موسى: انتوا استغليتوا البت بقى على كده . وانتى يا يسر من اول قلم كده تكرى بسر الطبخه
كلهم ضحكوا عليه وقضوا وقت جميل مع بعض 
البارت السابع عشر
يسر  : الف هنا وشفا على قلوبكم 
مهران كان قاعد على الكرسي اللى جمب يسر : على فكره اللى بيدخل القصر هنا مش بيخرج منه تانى 😉
يسر سمعت كلامه وشرقت راح مهران اداها كوبايه مايه 
مهران: اشربى يا حبيبتي اشربى وبقى يملس على ضهرها وهى حست بيه  هنا يسر شرقت اكتر راحت اينور وقفت جمبها 
اينور: مالك يا يسر انتى كويسه فى ايه وبقت تطبطب على ضهرها
يسر بتوتر : انا الحمد لله بقيت احسن انا شبعت شبعت الحمد لله
مهران حط حته بفتيك قدامها : لا طبقك لسه فاضى كملى اكل عايزه اخوكى يقول خسسناكى لا عيب كلى كلى 
يسر : بصتله بطرف عنيها خلاص هاكل هاكل بس ركز انت فى طبقك 
مهران: بقى ده جزاتى عشان خاېف على صحتك وبصلها ببراءه 
موسى كان قاعد بيحاول يمسك نفسه من الضحك على ابنه لكن مقدرش وفضل يضحك
اينور: مالك يا حبيبي بتضحك على ايه 
موسى: افتكرت نكته كدا ماتخديش في بالك 
مهران هنا بص لبوه برفعه حاجب اللى هو انا فاهمك ل
خلصوا الغدا وفضلوا قاعدين يهزروا ويلعبوا فى الجنينه ويتكلموا عن الماضي
اينور : انا خلاص تعبت اوى من يوم انهارده هطلع انام 
موسى: وانا كمان نسيبكم بقى يا بنات 
البنات كمان استاذنوا عشان يطلعوا يرتاحوا ولسه يسر هتمشى مسكها مهران من ايديها
مهران: رايحه فين
يسر : هطلع انام 
مهران: بدرى كده
يسر : اخواتك كمان طلعوا يناموا ويطمنوا على ولادهم 
مهران: لسه بدرى ايه رايك نخرج 
يسر : لأ طبعا مستحيل
مهران: اسمعى بس هجبلك نقاب من عند ماما ونطلع سوا 
يسر لسه هتتكلم مهران سابها ومشى وطلع اخد نقاب ولبس من امه وخرج تانى ليسر 
مهران: يلا البسى وتعالى مستنيكى 
يسر : انت مچنون صح 
مهران: صح يلا بقى عشان نتجنن سوا 
يسر لبست وجهزت وركبت مع مهران وخرجوا 
يسر : هنروح فين
مهران: عاجبك اللبس اللي من ساعت ماجيتى ماغيرتهوش ده 
يسر : لا انا اخدت من مامتك كذا حاجه بغير فيها
مهران: اصبرى بس وداها مهران مول اشترى منه لبس ليها ولبس ليه نفس الشكل وكام طقم منزلى للبيت 
يسر : طيب اللى هيشوفنا دلوقتي كده هيقول علينا ايه واحنا لابسين شبه بعض 
مهران: هيقول اتنين بيحبوا بعض
تعالى نقعد بس فى مكان نتكلم 
اخدها مهران وطلعوا على المقطم فى مكان عالى من خلاله يقدر يشوف القاهره كلها 
مهران: ايه رايك في المنظر ده
يسر : تحفه انا اول مره اشوف القاهره حلوه اوي كده 
مهران : كنتى بقى بتقوليلى اللى يشوفنا كده هيقول ايه صح
هيقول اتنين بيحبوا بعض لابسين زى بعض 
يسر : بس إحنا مش كده 
مهران: لأ إحنا كده يا يسر انا بحبك واكيد انك واخده بالك من اهتمامى بيكى 
يسر : 🤭🤭🤭
مهران: يسر انتى بتحبيني . ردى عليا ولا عشان موضوع رج ولسه هيكمل الكلمه 
يسر : ابدا والله انا بحبك وموضوع رجلك ده مش ماثر عليا ولا على مشاعرى بس 
مهران: بس ايه كملى 
يسر : مهران فى فرق كبير بينا ومامتك وبباك تفتكر ممكن يوافقوا على علاقتنا اكيد ممكن يفتكروا انى طمعانه فيك وحاو مهران قاطعها 
مهران : بصى يا يسر ماما عمرها مابتحسبها كده لانها مكنتش غنيه بالعكس كان مستواها عادى جدا وكانت شغاله عند بابا فى الشركه ده اولا ثانيا بابا مش صغير عشان مايبقاش عارف إذا كنتى بتحبيني بجد ولا طمعانه فيا 
يسر انتى لما دخلتى البيت حسيت بطعن جديد للبيت بقيت احب اقعد فى البيت اكتر من الاول بتخيل شكل البيت من غيرك لما تمشى بحس پخنقه وقتها اخدت قرار انك لأ مش هتمشى من البيت اول ما القضيه دى تخلص هنتجوز على طول اعملى حسابك في كده
يسر : انا خاېفه وقلقانه 
مهران : يبقى مش بتثقى فيا 
يسر : بالعكس بثق فيك لابعد الحدود وبحس معاك بالأمان وانت الوحيد اللى عيطت فى حضنه 
مهران: حلوه حضنه دى طيب مش عايزه تعيطى تانى
يسر : خبطته في كتفه عيب بقى 
مهران: صدقيني حضنى حلو مجربه انتى
عارفه يا يسر من اول مره شفتك فيها وانتى عماله تدينى كورس فى التعامل مع الناس وانا ساكت وبسمع وبنفذ كلامك حسيت ان احنا لينا موضوع طويل مع بعض 
وعارفه كمان بعد الحاډثه كان كل اللى بيجى يزورنى بيحاول يهون عليا واللى يقولى اختبار من ربنا وتكفير ذنوب وحاجات تانيه طبعا انا راضي بقضاء الله رضا تام بس كنت بشوف فى عيونهم شفقه وانهم بيقولوا كده عشان بيخففوا عليا عشان احاول اتقبل الوضع بس لما جيتى انتى ومامتك شفت فى عيونكم خوف وثقه ان انا هبقى كويس وان حتى لو مبقتش كويس كفايه انى عايش وزى ما حققت نجاح فى الشرطة ممكن انجح في حاجات تانيه كتير ده ادانى امل تانى للحياه ووقتها كنت عايز اقرب منك و اعرف اذا كنتى بتبادلينى مشاعر ولا لأ
بس كنت قلقان لترفضى بسبب وضعى 
يسر : لا أبدا بالعكس طول الوقت شايفاك حاجه كبيره اوى شايفه انك امان وسنك وجدع وصعب الاقى زيك 
اصل الطبع غلاب وانت طبعك الجدعنه هعوز اكتر من كده ايه فضلوا يتكلموا ويدردشوا مع بعض فتره طويله
يسر : يلا بقى عشان اتاخرنا 
مهران: يلا 
ركبت يسر جمب مهران العربيه ومهران مسك ايديها وهو سايق 
يسر : سيب ايدى 
مهران: تؤتؤ انا مرتاح كده وباسها ما ايديها ويسر اتكسفت وفضل طول الطريق ينكشها ويهزر معاها 
لحد ماوصلوا الفيلا وقالها قبل ما تنزلى من العربيه البسى النقاب

عند يحيى فى نفس اليوم
ريحان: اخيرا اخدت القرار وقررت تتجوز
يحيى : انا كنت واخد القرار من بدرى بس كنت بدور على بنت الحلال
ريحان: مش انت كنت مستنى الانتخابات تخلص عشان تتقدم عشان مايكنش فى خطړ  على اللى عايز ترتبط بيها
يحيى: وهو لو كان فى خطړ عليها بنسبة ١٪ كنت هتقدم الخطړ دلوقتي على يسر 
ريحان بخضه يسر بنت زليخه 
يحيى: اه ماتقلقش هى دلوقتي قاعده فى القصر عند مهران وموسى
وحكاله كل التفاصيل
ريحان: لأ انا هبعت اجيبها هنا
يحيى: لا هو الموضوع قرب يخلص ومفتكرش مهران اصلا هيوافق يخرجها من القصر بعد مادخلته 😂😂😂
ريحان: انت قصدك 
يحيى: ايوه قصدى بس رجاء اوعى تقول اى حاجه لطنط زليخه ده لمصلحه يسر 
ريحان: تمام يا يحيى بس كمان احنا لازم ناخد احتياطتنا 
يسر دلوقتي في مقام اختك واى حاجه تزعل زليخه كانها زعلتنى بالظبطت 
يحيى: ها وايه كمان 
ريحان: انت بتتريق طيب شوف مين هيروح معاك بقى 
يحيى: خلاص يا حبيبي خلاص انا اسف ليك وليها
ريحان: ايوه كده انا بجد محستش انى عايش غير بيها عوضتنى حاجات كتير هى فاكره انى انا العوض ليها لكن فى الحقيقة هى اللى بقت العوض ليا 
اخر اليوم راحت زليخه وريحان ويحيى عند بيت سدره 
واشترى يحيى شوكلاه وورد وحلويات .خبطت يحيى على الباب فتحله والد سدره 
ابو سدره : أهلا وسهلا نورتونا 
ريحان: البيت منور بصحابه 
دخلوا قاعدوا وفضلوا يتكلموا فى كلام عام واتعرفت زليخه على والده سدره ووالده سدره الاول افتكرتها مامته لكن بعد كده عرفت انها تكون مرات باباه وبعد كلام طويل 
ريحان: امال فين عروستنا بقى 
والده سدره : لحظه واحده هدخل اناديها 
عند سدره جوه كانت بټعيط 
ام سدره: يا حبيبتي اخرجى الناس بره بيسالوا عليكى عايزاهم يقولوا علينا ايه 
سدره: هيقولوا رافضه ابنهم وبعدين من امته انتى وبابا بتغصبونى على حاجه طول عمركم سايبنى براحتى 
ام سدره : طيب خلاص انا جاتلى فكره وبصتلها بخبث بصى يا حبيبتى انتى اخرجى دلوقتي ولو سالوكى عن رايك قولى مش موافقه ماشى 
سدره : هتحرج طبعا
ام سدره: بس كده انا هقول بدالك بس اهم حاجه تخرجى دلوقتي وماتصغريش ابوكى 
سدره : حاضر
خرجت والده سدره وبعدها خرجت سدره واتفاجئت قدامها بيحيى واهله وقفت تنحت وعنيها بقت رايحه جايه عليهم واتمنت الارض تنشق وتبلعها بسبب شكلها اللى خارجلهم بيه ده وهى خارجالهم بعبايه امها 
سدره بصتلهم ورجعت دخلت الاوضه بسرعه 
زليخه: هى شكلها مكسوفه ما شاء الله البنت وش كسوف 
هى ضحك عليها عشان هو فهم انها كانت رافضه تقابل العريس 
ريحان بهمس ليحيى: هى العروسه رفضاك ولا ايه 
يحيى: لأ هى متعرفش ان انا انا عاملها مفاجأة كانت فكرانى حد تانى 
دخلت والده سدره مره تانيه لقتها بتلبس 
والده سدره: دخلتى ليه كده
سدره: بلبس يا ماما بلبس عايزاهم يقولوا ايه بصى خرجى حاجه يشربوها على ماخلص لبس بسرعه بسرعه يا ماما 
خرجت ولدتها وبعدها بشويه صغيره خرجت سدره 
ريحان: احنا يشرفنا اننا نطلب ايد بنتك سدره لابنى يحيى
والد سدره : الرأى رايها . ها ايه رايك يا بنتى 
سدره بكسوف: اللى تشوفه يا بابا 
والد سدره: يبقى على خيره الله
يحيى: بصى يا عمى احنا دلوقتي نعمل قرايه فاتحه وكمان شهرين خطوبه وكتب كتاب وډخله انا كل حاجه جاهزه بس انا دلوقتي داخل المجلس وكل وقتى فى الانتخابات زى ما حضرتك عارف الشهر ده هيكون خلصت انتخابات واللى بعده اكون جهزت كل شئ ووقتها يبقى كله مع بعضه بإذن الله واللى تطلبوا من شبكه وفرح ومهر اعتبروا موجود
والد سدره : يابنى احنا بنشترى راجل كل دى حاجات بسيطه 
ريحان: يبقى اتفقنا على خيره الله ونقؤا الفاتحه دلوقتي ونلبس دبل 
قروا الفاتحه ويحيى خرج دبلتين مكتوب عليها اسماءهم 
يحيى: مبروك يا عروسه : عرفتى بقى كلمت عايزك جمبى  دى تقصد بيها ايه وراح غامزلها 😉😉
سدره بصتله بكسوف 
نجماتى عاملين ايه بصراحه تعبانه جدا ومكنتش قادرة اكتب بس مقدرتش ازعلكم ادعولى 
بكره باذن الله هحاول انزل بارت تانى لو مقدرتش يبقى معادنا بعد بكره ♥️♥️

البارت الثامن عشر
جه صباح جديد بشكل جديد على ابطالنا 
فى القصر صباحا نزلوا على الفطار إينور وموسى ومهران ويسر وكانوا قاعدين بيفطروا 
مهران بهمس ليسر : انا عايز اتغدى من ايدك انهارده
يسر : لأ طبعا اتحرج ادخل المطبخ مامتك تقول عنى ايه 
مهران: هتقول بتغذى حبيبها 
يسر : عيب بقى يا مهران الله
مهران: ياقلب مهران الاكل مالوش طعم لو مش من ايدك 
يسر : طيب انا هقولها ايه 
إينور وموسى كانوا واخدين بالهم من علاقه مهران ويسر وتقربهم من بعض ومدينهم المساحه 
مهران: ماما بقولك ايه سيبى يسر انهارده اللى تحضر الغدا انا عايز ادوق اكلها
إينور: انت عايزها تقول اننا بنستغلها ولا ايه 
مسك مهران ايديها وباسها قدامهم : لا مش هتقول كده 
هى عارفه انى بحب اكل من ايديها 
يسر اتكسفت جدا من الحركه اللى عملها مهران وجت تشد ايديها منه لقيته ماسك ايديها جامد ومش عايز يسيبها
إينور: فهمت ان ابنها ارتبط بيسر . إذا كان كده ماشى
مهران: انا فطرت الحمد لله هروح الشغل بقى عايزه حاجه
يسر : لا شكرا بس سيب ايدى انت احرجتنى اوى قدامهم 
مهران: اوعى تتحرجى ومټخافيش محدش هيقدر يقولك حاجه  تعالى وصلينى بقى وبعدين هسيب ايدك 
لاقها ساكته ووشها احمر من الكسوف صعبت عليه فساب ايديها قالها خلاص خلاص ماتحمريش اوى كده سبتها اهو 
خرج مهران وموسى اللى محبش يتكلم او يبين انه واخد باله عشان مايحرجش يسر 
موسى : خف على البت مش ادك هى 
مهران: لا خليها تتعود بقى 😂😂😂 بدل ماتفطس في ايدى 
موسى : عماد جاى انهارده المكتب واضح ان فى حاجات مهمه قالى انه لازم يشوفنى هيجيى على مكتبى على طول الساعه ١١.٠٠ بالظبط عدى عليا من غير مابعتلك عشان محدش ياخد باله
مهران: نفسى بقى الموضوع ده يخلص بسرعه 
موسى: مهو لما يخلص العصفور هيطير 
مهران: مين قال كده ده هيبقى رسمى فى العش 😂😂
موسى : انت ناويت بقى 
مهران: بصراحه اه انا كنت ناوى من فتره بس الحاډثة عطلتنى بس خلاص اول ما الموضوع ده يخلص انا مش هستنى يوم تانى 
وصلوا بعد كده الشركه وكل واحد طلع مكتبه 
عند يحيى
وصل الصبح الشركة كانت سدره قاعده وكان معاها بنت جديده بتعلمها الشغل 
يحيى: صباح الخير
سدره : صباح النور
يحيى: تعالى عايزك معايا 
دخل يحيى وسدره المكتب : من هنا ورايح مكانك هيكون معايا هنا فى المكتب . فهمتى بقى كان قصدى ايه لما قولتلك عايزك جمبى هتكونى معايا بعد كده فى اى حته 
سدره: انت ليه مقولتليش 
يحيى: حبيت افاجئك 😉 دلوقتي هجمع الشركه كلها ونعلن خبر خطوبتنا 
مسك يحيى ايد سدره وخرج بيها من المكتب وجمع الشركه كلها فى الرسبشن 
يحيى: طبعاً كلكم عارفين الانسه سدره انا حابب اعرفكم خبر خطوبتنا وقريب بإذن الله الكل هيكون معزوم على الفرح 
الفتره الجايه سدره هتحل مكانى طول ما انا مش موجود اعتبروها مكانى واى قرار هتاخده انا هكون متابع معاها دايما واى طلب ممكن تبعتولها ميل وهى هترد عليه او رساله عبر الواتس آب وطبعا نلتزم بمواعيد العمل 
كلهم باركولهم ودعولهم بالخير

طلعوا المكتب تانى 
يحيى مسك ايديها الاتنين 
يحيى: قلتلك قبل كده انى بحبك
سدره: هزت راسها بلا
يحيى: انا بحبك يا سدره وبحبك اوى منكرش انى قبل ماعرفك فى بنات شدتنى لكن ولا واحده خلتنى اخد القرار ان هى دى اللى عايزها تكمل معايا حياتى او انى اشوفها ام ولادى انتى الوحيدة اللى قدرت تحرك ده وشاور على قلبه ♥️
وانتى 
سدره : انا بحبك من زمان اوى من ساعت ماكنت بشتغل فى الفرع بتاع القاهره
يحيى: طيب ليه ماحولتيش تكلمينى او تقربى منى 
سدره: كنت بخاف كنت بخاف اقرب منك او احاول اقرب وانت ماتشوفنيش كنت هحس وقتها انى باجى على كرامتى وانا عمرى ماقبل بكده بس لما قلت انك هتنقل الفرع الرئيسي هنا حسيت انى مش هشوفك زى الاول طلبت انى اتنقل معاك وفضلت اقنع بابا اننا نرجع اسيوط تانى وكبرتها في دماغه وهو وافقنى لانه بيحب هنا وكان وجودنا فى القاهره تعود بسبب ظروف شغل بابا 
يحيى : معقوله كنت لوح للدرجه دى
سدره : لا ماتقولش على نفسك كده انت بس اللي مكنتش بتركز فى البنات اللى بيتلموا حواليك ويمكن دى حاجة من الحاجات اللى شدتنى ليك 
يحيى: وايه تانى شدك ليه 
سدره : انك جد وبتاع شغل وتقيل كده مش اى بنت حلوه تجرى وراها انا كنت بشوف حركات البنات وبشوف رد فعلك واعجابى ليك بيكبر لحد ما اتحول لحب 
يحيى: طيب احضنك دلوقتي ولا اعمل ايه 
سدره: لا عيب بقى ويلا عشان ورانا شغل 
عند موسى وصل عماد الشركه ومعاه ملفات مهمه وكان مهران قاعد معاه في المكتب 
دخل عماد المكتب : سلام عليكم
موسى: وعليكم السلام . ها يا عماد طمنى 
عماد : منه حجزت ومعاد وصول الطياره كمان تلات ايام قبل الصفقه بيومين  . اتفضل الورق ده فى تفاصيل كبيره بخصوص الصفقه ونسبه كل واحد فيهم اد ايه وعلى فكره نسبه سماء هتكون عباره عن نسبه عمامها اللى اتسجنوا 
مهران: بنت ال .......
عماد: وعلى فكره كنت انت يا مهران بيه هدفهم عشان ينتقموا من ابوك فيك 
مهران: انا طيب ليه ومين منه دى 
موسى: منه دى مراتى القديمة هحكيلك كل حاجه بعدين 
مهران: عماد اعتقد اننا دلوقتي متراقبين بص هديك كارت هتدخل بيه المديرية على طول وهتقابل هناك اللواء.... اديله الورق ده وهو عارف هيعمل ايه خلى البلد تنضف بقى 
خرج عماد وطلع على المديريه وسلمهم كل الاوراق اللى معاه ومهران كان مسلمهم تسجيلت الموبايلات وكل حاجه تدينهم 
مهران: ايه بقى قصتها دى 
موسى : انا الاول كنت متجوز واحده اسمها منه قبل امك 
وحكاله كل التفاصيل اللى مايعرفهاش مهران 
مهران: طيب ليه مقولتليش قبل كده 
موسى: كان موضوع قديم ومېت الكلام فيه مكنش هيفيد كان هيفتح جراح قديمه بس 
مهران: طيب وانت ازاى شكيت فى سماء انا هتجنن واعرف ازاى قدرت تربط بينهم 
موسى: التاريخ بيعيد نفسه ونفس تصرفات سماء دى مع يسر كانت بتعملها منه زمان مع امك 
مهران 😮😯 معقول وماما ماخدتش بالها 
موسى: لأ للاسف او تقدر تقول امك قلبها ابيض ونسيت اللى حصل فيها زمان 
مهران: بابا نكمل كلامنا بعدين عشان عندى معاد فى المستشفى دلوقتي وهروح على البيت باى 
خرج مهران من عند موسى ودخل مكتبه قابل سماء
سماء: انت خارج 
مهران: اه عندك مانع
سماء: مقولتليش يعنى 
مهران: واقولك ليه هاخد الاذن منك ولا مرتبطين وانا مش عارف
سماء: انت بتكلمنى كده ليه
مهران : عشان اسئلتك زادت ودى حاجة مالكيش فيها 
هى صحيح يسر جت ولا برضه مجتش 
سماء بغيظ : لأ مجتش 
مهران: محدش سأل عليها او عرفتى سبب غيابها كل ده ليه 
سماء: لأ معرفش تلاقيها زهقت من الشغل او شافتلها حد تانى 
مهران: اتكلمى عدل يا سماء ايه شافت حد تانى دى وهو كان فى اولانى 
سماء بعياط : مش قصدى بس لو سمحت براحه عليه في الكلام شويه انا معملتش حاجه لكل ده 
سابها مهران ومشى 
مش عارف انا مستحمله نفسها ازاى دى اوف مابطقهاش 
وصل مهران المستشفى وقابل الدكتور المعالج
الدكتور: ها يا مهران بيه ايه الاخبار 
مهران قام وقف لواحده من على الكرسى وبدأ يمشى براحه 
الدكتور: واضح ان فى تحسن كبير اوى انت تقريب كده مبقتش محتاجنى حاول تمشى الفتره الجايه هتلاقى تلقائيا رجعت تمشى طبيعى 
مهران: انا بعمل كده فى البيت فعلا بحاول استخدم ايدى وامشى على المشايه 
الدكتور: حد عرف
مهران: لأ مخليها مفاجأة بس مش دلوقتي
الدكتور: امال امته 
مهران: مفاجأة يا دكتور بس هقولك وقتها ووقتها هتعرف انى كان عندى حق اخبى 
اخد مهران الجلسه وقدر يمشى بدون عكاز او اى مساعده بس المشى كان بطئ لحد ما 
الدكتور: واضح ان حالتك النفسيه عاليه جدا 
على فكره الحالة النفسية بتاثر بصوره كبيره حدا فى استجابة الجسم للعلاج 
مهران: اكيد طبعا والحمد لله انى قدرت اتخطى المرحلة دى 
الدكتور: ناوى ترجع الشرطة مره تانيه 
مهران: للاسف لا لأن لما نزلت مع بابا الشركه حسيت اد ايه الشغل كتير واد ايه محتاج حد ثقه يمسك معاه وهو كان بيخبى عليا عشان اعمل الحاجه اللى بحبها بس بصراحه بحب بابا اكبر وهو محتاجلى اكتر فى الشرطة فى كفاءات كتير زيى انما بابا انا بس اللى عنده واقدر اساعده
الدكتور: عندك حق انا كنت فاكر انك بتفكر ترجع تانى  خصوصا انك كنت من الظباط الكفؤ المعروفين على مستور الاداره 
مهران: الحمد لله دخلتها بسمعه طيبه وخرجت منها بسمعه طيبه
عند اينور ويسر 
اينور كل شويه بتبص ليسر ومش عارفه تبدأ معاها الكلام ازاى خاېفه تقول اى حاجه يسر تفهمها غلط 
يسر حست ان اينور عايزه تكلمها او تقولها حاجه ومش عارفه
يسر : على فكره يا طنط لو انتى رافضه ارتباطى من مهران صدقيني انا عمرى ماهفرض نفسى عليكى او عليه ولو انتى مش موافقه انا هنسحب من غير اى مشاكل او حتى ان مهران يعرف انى عرفت انك رفضانى 
اينور: ليه بتقولى كده انتى حسيتى منى بالرفض 
يسر : مش عارفه بس حساكى عايزه تقولى حاجه ومتردده 
اينور : يا ترا فعلا اينور رافضه ارتباط مهران بيسر

البارت التاسع عشر 
اينور: بالعكس خالص انا مبسوطه اوى ان مهران أخيرا لقى اللى يحبها ويبقى عايز يرتبط بيها ده انا حلمى الوحيد اشيل احفادى من مهران انا بحب ولادى كلهم اوى زى بعض بس مهران ليه حته مختلفه شويه يمكن عشان طالع لباباه وانا بحب باباه 
يسر: ربنا يخليكم لبعض
اينور: انا بس كنت عايزه اسالك انتى فعلاً بتحبى مهران ولا متعاطفة معاه عشان ظروفه
يسر : مالها ظروفه
اينور: بخصوص رجليه وانه فى احتمال مايقدرش يمشي تانى او يمارس حياته زى الاول
يسر : خالص على فكره انا بالنسبالى مهران اللى بعد الحاډثه هو مهران اللى قبلها بل بالعكس مهران اللى بعد الحاډثه خلانى اشوفه بشكل تانى اد ايه هو انسان قوى ومش اى حاجه توقفه او تغير فيه مهران انسان جدع وشهم وطيب وحنين يوم وفات ولدى كان هو اكتر انسان حاسس بيا رغم انه ماشفتيش غير مره قلبها غير كده مش متسرع وبيوزن الأمور صح حد تسلميه نفسك وانت مطمنه انه هيخاف عليها اكتر من نفسك
اينور بابتسامه بدموع وهى بتحضنها : هو ده اللي كان نفسي اسمعه واطمن قلبى انتى فعلا اكتر واحده هتكون مناسبة لابنى لانك اكتر واحده فهماه انا فعلاً اتاكدت انى كنت غلطانه فى حقك وعايزاكى بجد تسامحينى من قلبك
يسر : حضرتك على راسى يكفي انك مامت مهران ده يخليني اتقبل اى شئ لجل عين تكرم الف عين مبالك بقى باغلى انسانه عنده 
إينور: عارفه ليه حق مهران يحبك انا نفسي حبيتك ومن انهارده اعتبرينى زى مامتك 
يسر : ده شرف ليا طبعاً

عند ريحان وزليخه
زليخه : انا مبسوطه اوى ان يحيى هيتجوز حاسه انى بجوز ابنى عقبال يسر و لورين وصحر يارب 
بقولك يا حبيبي انا عايزه اكلم يسر تيجى تقعد معايا كام يوم كده
ريحان: اه طبعا يا حبيبتي تنور بس استنى الاسبوع الجاى انا كده كده نازل القاهره تعالى معايا زوريها ونبقى نجبها معانا ها ايه رايك
زليخه: فكره حلوه خلاص انا هقولها تحاول تاخد الاسبوع الجاى اجازه 
( طبعا قالها كده عشان ماتعرفش ان حياه يسر فى خطړ ) 
عزت اتصل على يحيى وطلب يقابله واتقابلوا في نفس المكان
عزت : سمعت انك خطبت حبيت اباركلك الف مبروك
يحيى: 😏 بس كده طيب الله يبارك فيك يا سيدى استاذن انا بقى 
عزت : وهى البت دى احسن من بنت فى ايه عشان ترفض بنتى عشانها
يحيى: أولا انت عارف وانا عارف كويس انك راسم العزم والنيه على مهران فلزمتها ايه اللف والدوران انت من الاول يا عزت وانت عارف انك ماينفعش تقدم مره تانيه فى الانتخابات بسبب سجلكم الجنائي وانك اصلا مش هينفع حتى تقدم يبقى هتكسب ازاى فقلت ايه العب على يحيى واعرض عليه بنتى عشان يفضل ليك حس فى البلد ولما لقتنى مادتكش رد جريت على مهران ولحد الان سايب بنتك عنده بتحاول معاه انا بقى سبتك لدماغك ومحاولات بنتك يمكن تنجح 
عزت : يعنى انت شايف كده 
يحيى: هو فى حاجة تانيه وعموما انا سايبك براحتك لكن لو فكرت بس انك تلعب معايا هتفتح على نفسك باب جهنم ومش هتعرف تقفله تانى انا لو منك اسافر واسيب البلد وراح غمزله ومشى 
وراح على الشركه لقى سدره هناك بتشتغل
يحيى: نفسى اعرف شاغله نفسك ليه مش انا قلتلك عايزه تبقى فضيالى انا بس عايزك تبقى جمبى بس
سدره : طيب والشغل مين يعمله 
يحيى: امال انا حاطتلك الموظفين اللى تحت ايدك دول ليه عشان تشتغلى برضو
سدره : هو انت عايزنى اقعد من الشغل 
يحيى: دلوقتي لأ طبعا مستحيل اصلك لو قاعدتى هبدا يومى باجمل ضحكه واحلى وش ازاى بس يبقى كده انا بعذب نفسى 
سدره: طيب بعد الجواز
يحيى: زى ماتحبى عايزه تشتغلى او لا 
انا واخدك وحبيتك وراضي بيكى وانتى بتشتغلى حبيبتي تكملى ماعنديش مانع حبيتى تقعدى براحتك اهم حاجه في اخر اليوم تكونى فى حضنى 
سدره ارتبكت واتكسفت من كلام يحيى وحبت تهرب 
يحيى: بلاش تهربى منى مش هتعرفى 😉
سدره : يحيى بس بقى انت بتكسفنى 
يحيى: كده بكسفك انا ماقولتلكيش ربع اللى بحس بيه انا ماجل اى كلام لبعد كتب الكتاب ساعتها مش هيبقى كلام وبس 😉😘
سدره: انا خارجه 
يحيى: لا خليكي جمبى
سدره: طيب اقعد مؤدب بقى عشان مخرجش 
يحيى: يابنتى انا ايدى جمبى وماتحركتش من مكانى اهو انتى اللى دماغك شمال 
سابته سدره وجت تخرج قبل ما تفتح الباب مسك ايديها خلاص اسف اسف مش هكسفك تانى يلا نشتغل بقى

عدى يومين تانيين ووصلت منه وقاعدت فى شقه عزت فى القاهره مع سماء وعزت جه قعد معاهم ومهران زرع جهاز تسنط فى الشقه بتاعت سماء عشان يسجلوا اى كلمه مهمه وفعلا قدروا يسجلوا كل حاجه وتم تجهيز الكمين ليهم 
وتم التنسيق مع كل الجهات المختصة
فى القصر عند مهران كان قاعد مع موسى واينور ويسر 
مهران: خلاص يا يسر كلها يومين والخطړ يتزال 
يسر : يارب يوفقهم يارب وينصرهم عليهم يارب 
اينور : اوعى تكونى زهقتى من القاعدة معانا 
يسر : لا ابدا يا طنط خالص واللهى بس انا ماما واخواتى وحشونى اوى ونفسي اشوفهم وارجع اتحرك براحتى تانى 
مهران: بمناسبة الحركه بقى انا عايزك ترتاحى على اد ما تقدرى عشان هتتحركى كتير بعد كده 
يسر : بعدم فهم هتحرك كتير ازاى
مهران: هقولك بعدين 
إينور: انا مش مصدقه إن فى انسانه خبيثه وتعرف تمثل كده انا معرفش ازاى كنت مخدوعه اوى كده 
موسى: بصى يا اينو خافى دايما من الناس الناعمه لانهم عاملين زى الحيه ملمسهم ناعم وجميل لكن عضتهم بالقب. ر 
اينور: عندك حق اللى يشوفها يقول ملاك وطيبه ومغلوبه على امرها وناعمه زى البسكوت
مهران: عارفه من اول مره شوفتها عمرى ماتقبلتهتا حاسسها مصطنعه طول الوقت
قضوا الوقت كله كلام وضحك وهزار ومشاكسات من مهران اتجاه يسر 
عدى يومين تانيين وجه وقت القبض على عزت ومنه وهما متلبسين كان موعد تسليم البضاعه فى معاد الشغل بتاع سماء عشان محدش يشك ابدا ان ده وقت تسليم كانت الساعه ٩ الصبح وبدأ الھجوم من الظباط وقدروا يسيطروا على الموقف لانهم كان عندهم كل التعليقات والتحركات 
فى الشركه عند مهران اتصل اللواء بيه كانت الساعه ١٢.٠٠ الضهر 
مهران نقول مبروك
اللواء: قول مبروك يا مهران المهمه تمت بنجاح وخلال ساعه هيتم القبض على سماء هنبعت قوات تاخدها من عندك ولا تحب تجيبها بنفسك 
مهران : لا بلاش قوات ابعت حد وانا هكون مجزهلكم هنا بس كمان ساعتين كده 
اللواء: تمام وسلامى لموسى بيه واشكره على مساعدته لينا الفترة اللى فاتت والمعلومات اللى اداهلنا ساعدتنا كتير 
مهران: حاضر يا سيادة اللواء يوصل 
اتصل مهران بيسر 
مهران: ايه يا حبيبتي وحشتينى 
يسر : ماشى شكرا
مهران: ايه شكرا دى اسمها وانت كمان يا حبيبتي يا قلبى الكلام الحلو ده
يسر : دلوقتي ماينفعش بعد الجواز إن شاء الله
مهران: طيب بقولك ايه عايزك تجيلى الشركه حالا ومن غير نقاب تلبسى لبسك العادى وتيجيى 
يسر : معقول طيب وسماء
مهران: قاعده بره اسمعى الكلام بس يلا 
لبست يسر وخرجت لقت اينور قاعده
اينور: ايه ده انتى خارجه ولا ايه 
يسر : مهران اللى قالى البسى وتعالى حالا
اينور: ده اټجنن ولا ايه هو مش عارف ان فى خطړ عليكى 
يسر : لو كان لسه فى خطړ اكيد مكنش هيغامر بيه 
اينور: يا سلام على الثقه تصدقى عندك حق طيب مين هيوصلك 
يسر : مش عارفه
اينور كلمت مهران وقالها ان يسر هتلاقى العربيه قدام الباب ومتقلقش عليها 
خرجت يسر وصلت الشركه وطلعت قابلت سماء قدامها
سماء  بصت ليسر بتبريقه وبقت تقفل وتفتح عنيها اكتر من مره وكان مهران قاعد قدام الكاميرا شايفها وعايز يعرف رد فعلها 
سماء: ايه ده انتى لسه عايشه ورجعت صححت كلامها عاش من شافك افتكرناكى موتى 
يسر : لأ انا زى القطط هنا خرج مهران
مهران: يسر حبيبتي نورتى ومسك ايديها وباسها وبص لسماء 
انتى لما شفتيها وصلت مادخلتهاش على طول ليه 
سماء واقفه متنحه حاسه ان فى حاجة غلط 
مهران: هتفضلى متنحه كتير كده مش قلتلك قبل كده لما الاستاذه يسر تطلب تشوفنى تدخليها من غير ماتكلميها
سماء: انا فكرتها سابت الشغل
مهران: حتى لو سابت الشغل يسر خطبتى وقريب اوى اوى هتبقى مراتى ايه مافيش مبروك وبعدين قرب بالكرسي المتحرك منها واستغل سرحانها ومسك ايديها وحط فيها الكلابشات 
سماء: ايه ده ايه اللى عملته ده 
مهران: هو انا لسه معملتش حاجه بس سلامى هيوصلك في الحبس ليكى انتى وامك اللى هى مش امك وابوكى 
سماء: انت بتقول ايه انت مش طبيعي
مهران: احترمى نفسك فكرانى اهبل ونايم على ودانى او ممكن اتخدع في واحده اهلها كلهم مجرمين
فوقى لنفسك البلوليس زمانه جاى وهياخدك  بنفسه يوديكى لبابا ومرات بابا

البارت الاخير 
مفاجأة مش كده
سماء: وانا ذنبي ايه فى ان اهلى مجرمين بتاخدنى بذنبهم ليه انا عشت طول عمرى بعيده عنهم 
مهران انا بحبك ماتعملش فيا كده انا بحبك وراضية بيك وبظروفك وفى كل حالاتك وراضية بعجزك ده هى مش هتحبك ادى هى طمعانه فيك وعايزه فلوسك انما انا لأ 
مهران: العجز مش بالرجلين منا قاعد اهو على كرسى وماسك دلوقتي اداره شركات وقدرت اوقعك انتى واهلك كلهم اه صحيح نسيت اقولك ان ابوكى اتقبض عليه ولما تشرفى في النيابه هتعرفى انتى مقبوض عليكى ليه انا مش هضيع وقت معاكى اكتر من كده ورانا شبكه نازلين نجبها وفتح الباب ودخل منه الظابط واخدها 
مهران : أخيرا خلصنا منها ومن اهلها كلهم 
يسر : لاخر لحظه بتمثل عندها قدره غريبه فى الكدب 
مهران: سيبك منها اهى راحت للمكان اللي تستاهله ويلا احنا بقى عشان نلحق 
يسر : نلحق ايه 
مهران: نجيب الشبكه انتى فكرانى بهزر ولا ايه
يسر: ايه الكروته دى لا طبعا مش لما تيجى تتقدملى الاول وبعدين لسه مقلتش حاجه لماما ولا وائل عايزنى ادخلهم لابسه الشبكة كده مره واحده
مهران: عندك حق خلاص انهارده وانا بوصلك هكلم وائل واطلبك منه 
يسر : لأ بص انا هروح انهارده حلو ويومين كده ولا حاجه تعالى اتقدم اكون كلمت ماما وجت تحضر عشان ماتزعلش طبعا 
مهران: خلاص اتفقنا كلميها انهارده واحتا هنيجى يوم الجمعة كمان يومين كده 
يسر : اتفقنا 
اخد مهران يسر ووصلوا القصر وجهزت شنطتها عشان تستعد لنها تروح بيتها 
اينور: خلاص هتمشى كده الاسبوعين جريوا بسرعه اوى
مهران: قريب اوى هتيجى وتقعد معاكى على طول لحد ماتزهقى منها 😉😉
اينور: ياريت والله انا حبيتك اوى يا يسر وطلعو سلسله هديه عليها اسمها اديتهالها
يسر: ايه ده يا طنط شكلها غالى اوى 
اينور: ماتغلاش عليكى دى هديه بسيطه منى 
كانت عبارة عن سلسله مكتوب عليها اسم يسر 
يسر حضنتها : شكرا اوى بجد جميله ولبستها واخدت حاجتها ومشيت ومهران وصلها لحد البيت واستنى لما طلعت شقتها واطمن عليها ومشى 
طلعت يسر اتصلت بمامتها 
زليخه : يسر حبيبتي عامله ايه وحشانى اوى
يسر : وانتى كمان يا ماما وحشتيني اوى
زليخه: بقولك ايه انا هاجى انا وعمك ريحان يوم الجمعه ناخدك تقعدى معانا اسبوع ولا حاجه عايزه اشبع منك 
يسر : هو انتى هتيجى عشان فى حاجة كده 
زليخه: حاجه ايه انتوا كويسين
يسر : ماما فاكره مهران
زليخه: اه طبعا ماله 
يسر : عايز يجيى يتقدملى وانا قلتله يجالها ليوم الجمعه عشان تكونى جيتى

زليخه: طيب يا حبيبتي وانتى موافقه اهم حاجه رايك مهران شخص جدع وابن ناس وانا اتعاملت معاه من النوع اللى اطمن عليكي معاه
يسر : اه يا ماما يعنى جوايا شويه حاجات حلوه كده مستخبيه وهو قدر يطلعها 
زليخه: ده احلى خبر سمعته فى حياتى رينا يتمملك على خير يا حبيبه قلبي وائل عرف 
يسر : لا سايبه مهران هو اللى يكلمه انا محرجه اوى 🤭🤭
زليخه: لا يا حبيبتي ماتتحرجيش ولا حاجه بصى انا هاجى بكره وننزل نجيبلك كام حاجه حلوه كده تقابليه بيها 
يسر : يا ماما هو اول مره يشوفنى ده شتفنى لما شبع 😂
زليخه: يابت بطلى بقى لأ طبعا دى بتكون حاجه كده مختلفه والبنت بتحب تظهر اجمل مافيها 
يسر : بصى اكيد محتاجاكى تيجى قبلها عايزه تكلم معاكى كده في شويه حاجات
زليخه: خلاص بكره باذن الله تعالى
وقفلت معاها 
تانى يوم اتصل مهران بوائل وحدد معاه معاد عشان يجيى يقابله هو ووالده ووائل رحب بيه واتفقوا على معاد 
خلص وائل الشغل وروح البيت كانت يسر قاعده بتلعب مع بنته وبتتكلم مع نرجس 
وائل: عامله ايه يا يسر البيت رجع نور تانى 
يسر : ده بنورك  يا وائل 
وائل: صحيح مهران كلمنى وعايز يجيى بكره هو وباباه 
ماعندكيش فكره ليه 
يسر : بص اصل مممممممم 
وائل: فى ايه يا يسر اتكلمى على طول
يسر : اصل بصراحه كده مهران عايز يتقدملى 
وائل: وانتى بقى كنتى قاعده الفتره اللى فاتت دى كلها عندهم بتدرسوا اخلاق بعض ولا ايه 
يسر : ايه اللى بتقوله لا طبعا انت عارفنى وعارف اخلاق ولو كانت اخلاقى وحشه مكنش جه هو وابوه يتقدمولى كان اكتفى انه يقضى يويمن معايا او اقل واجب كانوا اهله رفضوا 
وائل: انتى عارفه وضع مهران يا يسر تفتكرى هتعرفى تتعاملى معاه ومش هتزهقى 
يسر : لأ طبعا مهران انا مش شايفه اى حاجه تقلل منه بالعكس انا شايفه ان وضعه اصبح افضل 
وائل: عموما ده اختيارك يعنى لو سالونى اقولهم انك موافقه ولا هما عارفين ردك
يسر : لأ طبعا ماتكلمتش مع حد فى حاجة ولا اتفقت على حاجه انا ليه كبير يكلموه ويتفقوا معاه مش معايا هو مهران بس اللى كلمنى عشان لو موافقه يجيى يتقدم اكتر من كده لأ
وائل : تمام إذا كان كده سماح امك كلمتنى وجايه انهارده هى تعرف حاجه
يسر : يعنى بسيط كده 
عدى اليوم بدون احداث جديده تانى يوم زليخه وصلت لبنتها وطلعت وفضلوا يتكلموا سوا 
زليخه : بقولك يا يسر تفتكرى مامته هتوافق 
يسر : على فكره طنط اينور طيبه اوى وبتحبنى اوى 
زليخه: وانتى كلمتيها امته وفين 
يسر : بصراحه وحكتلها كل اللى حصل الأسبوعين اللى فاتوا 
زليخه: بقى كل ده يحصل وانا معرفش ليه عدمتى امك يا يسر امشى انا زعلانه منك
يسر : والله حقك عليا انا مكنتش عايزه اقلقك بس 
زليخه: وانا كده مش قلقانه ولا هبقى قلقانه وانا عارفه انك ممكن تخبى عليا تانى زى ماخبيتى اولانى 
يسر : طيب انا اسفه حقك عليا وعد منى مش هعمل كده تانى 
زليخه: اخر مره يا يسر تخبى عليا صدقيني بعد كده هاخد منك موقف كبير 
يسر خلاص حاضر عدى اليوم 
وخرجت هى والبنات ونرجس معاهم واشتروا لبس جديد واتغدوا بره وقضوا وقت حلو مع بعض واشتروا لبس للنونو الجديد اللى لسه نرجس حامل فيه 
تانى يوم وصل ريحان ويحيى قبل موسى وعيلته وقعد واتكلم معاهم وقرر انه يحضر وقت التعارف ويكون معاهم بدل والدهم 
وصل مهران وعيلته واستقبلهم وائل ورحب بيهم فضلوا يتكلموا فى مواضيع مختلفه وسكتوا مره واحده على صوت مهران 
مهران: استاذ وائل انا حابب استغل الجمع العائلى الجميل ده واطلب منك ايد الانسه يسر 
وائل: وانت يا مهران بيه ليك عندى معزه خاصه وانا قبلت بيك ومش هلاقى لاختى حد اجدع منك 
مهران: يبقى على خيره الله نقرا الفاتحه
قروا الفاتحه تحت صوت الزغاريط من زليخه 
مهران: بص بقى يا وائل طالما بقينا نسايب ياريت نشيل الألقاب باذن الله ايه رايك كتب الكتاب والفرح كمان اسبوعين
وائل: ايه لا طبعاً
مهران بضحك : مهو مش هينفع للاسف قبل كده عشان هكون بغير الجناح بتاعى فى القصر وهى محتاجه تختار الفستان والميكب والحاجات دي
وائل: مش ده قصدى انا قصدى 
موسى: يا وائل اى حاجه هتقولوها احنا موافقين عليها المهر والشبكه اللى تطلبوها اعتبرها جت
ريحان: يا موسى بيه وائل مش قصده كده انت عارف دى اخته وهو عايز يجهزها احسن حاجه
موسى: تمام انا فاهم ده بس انت اى حاجه حابب تجبها مافيش مشكله بس القصر مفروش بافضل حاجه وباقى الحاجه اللى هتحتاجها سهله جدا سواء ستاير او سجاجيد مش هتحتاج ازيد من اسبوع
اينور: انا شايفه فعلا انه مالوش لازمه التاخير وانا ومامتها وهى نقدر نخلص كل حاجه في يومين مش اسبوع كمان ولا ايه يا مدام زليخه 
زليخه: اللى تتفقوا عليه انا ماعنديش مشكله 
مهران: اى فلوس حابب تجيب بيها حاجه انا رأيى تحطهلها وديعه في البنك باسمها كده هيكون افصل ليها واحنا فى عيلتنا الست بتيجى بشنطه هدومها 
اينور : حصل احنا اللى بنجيب كل حاجه
كلمه من هنا وكلمه من هنا اخدوه في دوكه وهو وافق على اللى عايزينه 
عدى اول اسبوع بدون احداث جديده غير ان مهران بقى يقدر يتحرك بشكل طبيعى جداً وقرر انه يعملها مفاجأة يوم فرحه وخلال الأسبوع ده مهران جدد فرش الجناح بتاعه بالكامل والعلاقه بين زليخه واينور اصبحت قويه وحبوا بعض 
فى الجهه الاخرى عند منه وسماء
سماء: يعنى انا كنت مستحمله قرفك السنين اللى فاتت ومعاملتك ليه وفى الاخر طلعتى مش امى 
منه : كفايه انى ربيتك
سماء: ربيتى مين انتى مصدقه نفسك انتى ربتينى على الغل والكره انا عايزه اعرف امى الحقيقة فين 
منه : امك ابوكى قټلها عشان خاطرى 
سماء: انتى بتقولى ايه 
منه : اللى سمعتيه امك كانت خدامه عندى  هو اتجوزها عشان انا مكنتش بخلف ولما خلفتك مكنتش عايزه تسيبك فقټلها وخلص منها ولما البوليس كان بيدور عليا وقرب يوصلى ادانى اسمها وكتبك على اسمى وقال للناس ان اصولى تركيه وانا اخدتك وسافرت بيكى اصلى لو كنت سافرت وسبتك كانوا شكوا فيه 
سماء: ومرجعتنيش تانى ليه لما سافرتى 
منه : ولما ارجعك كان مين هيصرف عليا كنت معتبراكىى واحده زيك زى الخدامين اللى عندى بس انتى كنتى ببلاش وفى نفس الوقت ربيت فيكى الحقد والكره عشان اخد حقى من موسى واينور من خلالك لكن انتى طلعتى غبيه زى امك 
سماء: وانتى مش خاېفه وانتى بتقوليلى الكلام ده
منه: اصل كده كده اخرتها واحده فهخبى ليه 
سماء: منك لله منك لله ضيعتى مستقبلى انتى شيطان شيطان وقامت فضلت تض. رب فيها بغل وخنقته. ا لحد ما ماټت 
ودخل العساكر لاقوا منه مقتوله وبنتعا بټضرب فيها بحاله هيستيريه وطلبوا الظابط وودوها مصحه نفسيه لانها كانت بتهلوس 
عند عزت 
اخواته : اهلا بالخاېن طمعت طمعت يا عزت وحبيت تاخد كل حاجه لواحدك 
عزت : كده كده البوليس كان عارف كل حاجه قلت الحق نفسى بس برضوا جابونى 😏😏
اخواته : انت فاكر نفسك بتفهم اللى انت فيه ده بسببنا احنا انت كنت فاكر انك ختقدر تكمل لواحدك غباءك صورلك كده بدل ما كنت تيجيى تحزرنا عشان نستخبى ونكن شويه روحت بلغت عننا كنت فاكر هتعرف تجلف واحد زى مهران ظابط مدقدق كنت فاكر نفسك هتجوزه بنتك اياك وتاخد الحصانه من ورا اهله كتك خيبه احنا قلنالك جوزها يحيى لكن انت الطمع مالى عينك وغبى 
عارف انت خساره المۏت فيك انت تفضل كده متع. ڈب فى السچن واحنا بقى اللى هنع .ذبك احنا اولى من الغريب 
عدى اسبوع وصل عزت خبر مۏت منه وان بنته تحجزت فى مستشفى الامړاض العقليه وده زود حزنه وهمه فى السچن بجانب معامله اخواته ليه وضربه.م فيه كل شويه

عند يحيى بدأت الانتخابات ومشيت على احسن وجه وكل البلد صوتتلوا نظرا لسمعته الطيبه هو واهله وسط الناس 
طلب يحيى من اهل سدره انه دا تحضر معاه فرح صديقه المقرب واهلها وافقوا بعد ما عرض عليهم انهم هيسافروا معاها وفعلا سافروا كلهم فى عربيه يحيى ووصلهم شقتهم 
عند مهران اتصل بيحيى وأصدقاء تانين كانوا قريبين منه وبالدكتور المعالج بتاعه عشان يحضروا معاه التجهيزات

فى الفندق كانت يسر ومعاها الميكب ارتيست ومامتها وحماتها  وصحر ورولين  ونرجس اللى بطنها بانت وفى القاعه كان موجود موسى وريحان ووائل بيستقبلوا المعازيم 
اتصلت اينور بمهران وبلغته ان يسر جهزت 
مره واحده مهران قام وقف  قدام صحابه من على الكرسى 
مهران : يلا يا شباب انا جاهز والعروسه جاهزه يلا عشان مش عايز اتاخر عليهم 
كل صحابه بصوله وبيبرقوا ومش مصدقين المفاجأة وراحوا جريوا عليه وحضنوه وباركولوا 
خرج مهران من غرفته ووصل عند غرفه يسر و خبط على الباب واينور فتحت الباب واتفاجئت بمهران واقف قدامها راحت مصوته وحضناه وكلهم اتخضوا من صرسخ اينور وجريوا عليها اتفاجئوا بمهران راحوا صوتوا هما كمان اينور حضنته فضلت تبوس فيه 
اينور: ده احلى يوم في حياتي انهارده احلى يوم انا هتصل بموسى واقوله 
مهران: لا خلينا نفاجئه واحنا نازلين المهم فين يسر عايز اشوفها 
دخل مهران بطوله وعضلاته وبص ليسر اللى كانت زى الملايكه في فستانها الأبيض واخدها ونزل وشافوا موسى وفرح اوى وكل المعازيم اتفاجئوا بالعريس 
قضوا الفرح وسط انبساط ورقص وفرحه من العيلتين وخصوصاً اخوات مهران واهله لان فرحتهم كانت فرحتين فرحه عشان اخيرا اتجوز وفرحه تانيه لانه قدر يرجع يمشى تانى

عند يحيى اول ما شاف سدره فى الفرح بصلها بنظرات اعجاب
يحيى: يعنى الجمال ده كله بتاعى انا 
سدره: لأ لسه شويه 
يحيى: واحنا مستنين ايه هكون نفسى مثلا انا بعد الفرح هروح اكلم ابوكى عشان يحدد معاد الفرح 
سدره : وانا موافقه على اللى بابا يقول عليه 
يحيى: يا سلام طيب قابلى بقى واخدها من ايديها وراح على الترابيزه اللى والد سدره قاعد عليها 
يحيى: بقولك يا عمى احنا كنا ماجلين الجواز لبعد الانتخابات والحمد لله خلصت وانا كسبتها لزكتها تيه بقى التاخير
والد سدره: انت فرح صحبك فتح نفسك ولا ايه 
يحيى: لا انا نفسى مفتوحه من قبله لكن هو اتجوز قبلى ده مش عدل بقى ايه رايك الاسبوع الجاي الفرح 
والد سدره: لا صعب طبعا 
يحيى: زى انهارده الاسبوع اللى بعده وماتقلقش انا عندى بيت جمب بيت بابا كنت بجهز فيه من ساعت ما بابا اتجوز لما نسافر هاخدكم تشوفوا لو محتاج اى حاجه انا هعدلها فورا اتفقنا 
والد سدره: تمام على خيره الله خير البر عاجله بس مش واجب ناخد راى والدك 
يحيى: بس كده حالا وراح لوالده واتكلم معاه واتفقوا كلهم على المعاد 
يحيى لمهران : اعمل حسابك هتحضر فرحى كمان اسبوعين
مهران: هكون مسافر
يحيى: احضره وارجع سافر تانى 
مهران: ده ليه بقى متاجله 
يحيى: بقولك ايه تاجيل مش هاجل 
مهران: خلاص يا عم الف مبروك مقدما 
خلص الفرح واخد مهران يسر وسافروا وتاني يوم اخد يحيى اهل سدره وسافروا عشان يبداؤا يجهزوا للفرحه

وتوته توته خلصت الحدوته العروسه للعريس والحرى لايه 

 

تمت

حملوا تطبيق النجم المتوهج للروايات الكامله من هنا

روايات كامله وحصريه من هنا