خدامه بكالوريوس تجاره الجزء الثاني ماقبل الاخير
 |
دخلت فرح جوزي اقصد طليقي وأنا شيفاه قاعد جمب ارمله اخوه وهو بيقول بكل جحود الي مات الله يرحمه بعدين هو ميت من سنه... وبعدين فيها ايه اتنين وبيحبوو بعض وهيتجوزو ايه المانع...
مسحت دموعي بسرعه صعبت عليا نفسي غاده.! غاده الي كانت زي اختي تتجوز جوزي..! بعد مافتحتلها بيتي تطعني بالطريقه دي..!
دخلت وانا شايفه نظرات الناس ليا واحده مطلقه من اسبوع تحضر فرح طليقها.. مهتمتش بكلامهم ولا بنظراتهم...!
طلعت علي الكوشه بكل غرور وكبرياء وانا بقول ببرود مبروك عقبال الطلاق..!
احمد بصلي بغيظ وهو بيقول ايه الي جااابك..!
بصتله بضحك وانا بقول مش جوزي اووبس اقصد طليقي ايه جايه اباركلكو..!
بصيت لغاده الي بتبصلي بغـ ـل وحقـ ـد وانا بقول مبروك ياعروسه.. يالا تستهلو بعض اصلكو زبا"له زي بعض..!
لقيت احمد بيبصلي بغـ ـضب وهو بيقول حبييييبه.
بصتله بضحك وانا بقول في اي ياحبيبي هو انا غلطت! مش دي الحقيقه ولا بكذب.!
طلعت من الفرح وانا مقرره اني مش هكون ضعـ
ـيفه زي الاول قررت ابدا حياه جديده وانسي غاده واحمد وارميهم ورا ضهري..! رغم انه كان شي صعب عليا..!
روحت البيت ودخلت وانا بضحك عادي ولا كان في حاجه حصلت..!
لقيت ماما واخواتي بيبصولي بالستغراب وهما بيقولو في واحده تضحك وجوزها اتجوز بعد اسبوع من طلقها..!
اتنهدت بهدوء وأنا بقول اعيط علي واحد ندل طلقني علشان حاجه مليش ذنب فيها واحد طلقني بعد ماكبرته ووقفت جمبه واحد كسرني واتجوز اكتر واحده قريبه مني ومن بجاحته تبقي مرات اخوه..!
لاقيت ماما اخدتني في حضنها وهي بتطبطب عليا وبتقولي ربنا يعوضك بالاحسن منه.
عيطت في حضنها كتير طلعت حزني وضعفي بعدت وانا بمسح دموعي وبقول متقلقيش انا مش زعلانه عليه لان عندي يقين ان ربنا هيعوضني خير عنه..
عدا خمس شهور ونسيت احمد وبدات حياه جديده واتجوزت مصطفي بن خالتي كان بيحبني لكن رفضته علشان احمد معان الكل حذرني من احمد...!
رجع من امريكا لما عرف اني اطلقت وطلبني للجواز لكن المره دي أنا وافقت..!
كان ونعم الزوج عمره ماحسسني بنقص او عايرني بأني مش بخلف... كل يوم كنت بحمد ربنا انه عوضني بي.
تعدي الايام وفي يوم اتعب واروح اكشف واتصدمت من كلام الدكتوره لما قالتلي مبروك انتي حامل..!