رواية رهينة للزواج الفصل الاول والثاني والثالث والرابع والخامس والسادس بقلم سيد احمد الشاذلي
 |
رواية رهينة للزواج الفصل الاول والثاني والثالث والرابع والخامس والسادس بقلم سيد احمد الشاذلي
الجزء الاول
منصور الجابري كان اهله مبسوطين جدا وماكانش يملىء عينهم حد فى البلد وماكانش عندهم رحمه ولادين كانوا عايشين كل حاجه بالقوه والعافية
لميس كان اهلها على اد حالهم بس كانوا رجاله ومايرضوش ولايقبلوا الغلط على نفسهم ابدا
كانوا العيلتين عايشين فى قريه
لميس ومنصور كانوا بيحبوا بعض
وفى يوم قرر منصور يتقدم ل لميس
بس اهلها كان ليهم راي تانى ورفضوا نسب عيلة الجابرى ورفضوا نسب منصور
منصور اتصل على لميس
منصور /&بقى اهلك يرفضوا يحطوا ايديهم فى ايد عيلتى ويرفضونى ليه؟
لميس /_اهلى كانوا موافقين ماعرفش ايه سبب رفضهم المفاجىء ده
منصور /_بقى انا اللي الكل يتمنى انه يحط ايديه فى ايد اصغر واحد من عيلتى اترفض كنت جايبانى بيتكم تهنينى أنا واهلى
لميس /_انت عارف اد ايه أنا بحبك يامنصور
منصور /_وايه فايدة الحب واهلك رفضوا جوازنا ؟
لميس /_أنا هعرف ايه سبب رفضهم واكلمك
منصور /_ليه هو انتي لسه ماعرفتيش
لميس /_لا يامنصور ماعرفتش لان الكلمه هنا كلمة اخويا سيد وعابد وخالى
منصور /_أنا هعرف بطريقتى
لميس /_روق يامنصور الامور مابتتحلش كده
منصور /_امال بتتحل ازاي تقدري تقوليلى؟
لميس /&أنا هقف ادام اهلى يامنصور كلهم علشان خاطرك وخاطر نكون مع بعض
منصور /_ماشي يالميس
لميس /&لميس كده من غير حبيبتي
منصور /_انتي فايقه ورايقه وانا جوايا نار بتغلى
لميس /_بحبك وانت عصبى
منصور /_انتى مجنونه يابت روحي بقى
لميس /_مجنونه علشان بحب وآحد من عيلة الجابرى
منصور /_عيلة الجابرى دول اسياد البلد
لميس /_ماشى ياسيدى وتاج راسى سلام
منصور ولميس قغلوا مع بعض
لميس راحت تسال امها ليه رفضتوا منصور
الام /_من غير ليه كده وخلاص
لميس /&مافيش حاجه اسمها كده وخلاص أنا لازم اعرف وافهم
الام /_تفهمى ايه بالظبط ؟
لميس /_ليه ماخدتوش رايى ؟ ليه ماخلتونيش اتكلم واختار شريك حياتى بنفسى؟
الام /_ومن امته الست ليها كلمه ؟
لميس /_انتم عايشين فى زمن مختلف غير زمانكم ليه فين الحريه للبنت
إلام /_ مافيش حاجه اسمها حريه للبنت فيها حاجه اسمها إن البنت تمشى تحت طوع اهلها وتسمع الكلام وتقول حاضر
لميس /_ده لماتكون بهيمه وبس تعمل كده أنا بشر ومن حقى اتجوز اللى بحبه
الام /_حب ايه وزفت ايه لما ييجي اخوكى هخليها يربيك من اول وجديد
لميس /_انتى بتهددنى باخويا أنا هروح اتحامى فى عيلة الجابرى واقعد فى وسطهم
الام /_واضح انك محتاجه اتجننتى
لميس /_ايوه اتجننت لما تحرمونى من حقى فى اختيار شريك حياتى لازم ابقى مجنونه اخوالى بيتحكموا واخواتى يتحكموا طيب انا فين بقى هو أنا مش بشر
دنيا زوجة سيد بتدخل وتسمع الكلام بين لميس وامها
دنيا /_انتى بشر ياحبيبتي بس الامور مابتتحلش كده اهدى شويه وأنا اما ييجي اخوكى هكلمه
الام /_تكلميه فى ايه يادنيا
دنيا /_هكلمه إن من حق اخته تختار اللى يشاركها حياتها
الام /_انتى هتخرفى
دنيا /_لا مش هخرف ياست الكل مش بدل ماتهرب وتعمل العيبه
الام /_ساعتها يكون قت_لها حلال
دنيا /_ليه هي فرخه
الام /&غوري يادنيا من ادامى انتى اللى بتقويها بكلامك ده
لميس /_مافيش حد مقوينى بس يوم مالقاكم ماشيين برايكم ومصممين عليه ساعتها انتم اللى هتجبرونى على العيب والغلط
الام /_دلوقتي الرجاله تيجي ويعرفوكى
لميس/_ساعة ماواحد فيهم يمد ايده عليه مش هيحصل خير
الام /_انتى واضح إن عيارك فلت
لميس /_ايوه فلت ومابقيتش باقيه على حاجه ياما لوفيها موتى
دنيا /_تعالى يالميس ندخل جوه
لميس/_ شيلى ايدك انتى كمان
دنيا تعالى ياحبيبتي وربنا هيحلها من عنده
لميس دخلت اوضتها ودنيا معاها
دنيا /_اكسبى سيد يادنيا هو الوحيد اللى يقدر يجوزك منصور وهو الوحيد اللي يقدر يغير كل حاجه
لميس /&يعنى ايه؟
دنيا /_سيد انتى عارفه إن قلبه ابيض وبلاش تقفى قصاده زي مانتى واقفه فى وش امك خدى وادى معاه فى الكلام بالراحه
لميس /_وتفتكرى إن سيد هيقدر يقف ادام عابد واخوالى
دنيا /_سيد فى ايديه كل حاجه هو الوحيد اللى يقدر يعمل اي حاجه علشان تكونى لمنصور
لميس /_تفتكرى لما امى تقوله على اللى حصل هيقف جنبي
دنيا /_أنا هكلم سيد قبل مامك تكلمه بس بالله عليكي عايزك تكونى هاديه معاه علشان الموضوع مايكبرش وانتى مش تايهه إن الامور لو ماتحلتش بينا بهدؤ اخوالك بيبجوا يعملوا ايه ؟
لميس /_ماتتخليش عنى يادنيا سيد بيحبك وبيسمع كلامك اقفى جنبي
دنيا /&أنا هخلى سيد يعمل المستحيل علشان تكونوا لبعض
لميس /_ربنا يخليكي ليا وميحرمنيش منك ابدا
دنيا /_قومى اغسلى وشك كده وروقى
لميس /_حاضر
لميس قامت غسلت وشها
دنيا اتصلت بسيد وقالت له على كل حاجه
والام عابد اخو لميس رجع وحكيت له
الجزء الثاني
#رهينه_للزواج
بعد ماعابد رجع وسيد اخوات لميس الام حكت لهم اللى لميس قالته
عابد /_هي فين بنت 🐕 دى دى لازم ك /_واضح انك مقوياها بكلامك
دنيا /_لا مش مقوياها ولا حاجه ياعابد بس انا واحده منكم لما الاقيك بتعالج الغلط بغلط اكبر منه لازم اقف
عابد /_لم مراتك ياسيد
سيد /_اقعد ياعابد دنيا بتتكلم صح
عابد /&بتتكلم صح ازاي يعني عيله زي دى تمشى كلامها علينا
سيد /&اختك مش هتمشى كلامها ولا حاجه ولاحد هيقدر يجبرنا على حاجه اقعد علشان الناس ماتتفرجش علينا
عابد/_الناس لما تتفرج علينا واحنا بنربيها ونكسر رقبتها احسن مايتفرجوا علينا واحنا فى مصيبه ومش قادرين نلم لحمنا ياخويا
سيد /_خلاص قوم اعمل اللى انت عايزه علشان الناس تتلم قوم اضربها وموتها
دنيا /_أنت بتقول ايه ياسيد
سيد /&أمال عايزانى اقول ايه انتى مش شايفه عقل الجاموسه اللى بنحايل فيه ده
عابد قام راح ناحية اوضة لميس علشان يضربها
دنيا وقفت فى سكته
عابد /_ابعدى يادنيا
دنيا /_مش هبعد ياعابد ولو ايديك اتمدت عليه مش هيحصل خير ابدا
عابد /_علشان خاطري ابعدى يادنيا
دنيا /_ارجع وراء ياعابد وروح اقعد مكانك
عابد بزهق زق مرات اخوه ودخل الاوضه وبيضرب فى لميس
دنيا وسيد دخلوا جري دنيا اخدتها فى حضنها وسيد حاش اخوه الجيران سمعت صوت زعيق خبطوا على الباب وكل واحد بقى بكلمه
سيد /_قولتلك اهدى اديك فرجت الكل علينا
عابد /_حاضر ادينى هديت قولى هتتصرف ازاي؟
سيد /_بعد ايه بعد الناس ماتفرجت علينا
اخوال لميس جم
حافظ خالها الكبير
فيه ايه ؟
سيد /_مافيش حاجه ياخال
حافظ /_امال صوتكم جايب اخر الشارع ليه بتضرب اختك ليه ياعابد؟
عابد /_اسالهم ادامك اهم اسال اختك
حافظ/_اخوكى بيضربك ليه يالميس
دنيا /_دول اخوات مع بعض ياخال واخوه كان زهقان شويه وضربها
حافظ /_ايه هيضربها من غير سبب يعني يادنيا؟
دنيا /&لا ياخال مش هيضربها من غير سبب بس كان المفروض تاخدوا رايها فى موضوع جوازها من منصور
حافظ /_واضح ان جرى لعقلك حاجه يادنيا ومن امته الحريم ليهم رأي فى الكلام ده
دنيا /_ده شرع ربنا ياخال
حافظ /_دخل مراتك جوه ياسيد
سيد /_ادخلى يادنيا جوه
دنيا /_تعالى يالميس معايا
حافظ /&لا سيبى لميس علشان عايزها
دنيا /_عايزها ليه ياخال مش انت بتقول الحريم مالهاش راي فى حاجه ولانا معتبرينى غريبه فى وسطكم
حافظ /_لا مش غريبه يادنيا انتى بنتنا بس احنا اتربينا على كده ان الحريم مالهاش كلمه
دنيا /_لوكنت سمعت راي بنت اختك ياخال ماكانش ده بقى حالنا والناس تتفرج علينا كده
سيد /_خلاص يادنيا ماعدش ييجى منه روحى اعملى شاي
دنيا راحت تعمل الشاي ورجعت
حافظ وعابد والكل كانوا بيتكلموا مع لميس وبيحاولوا ينصحوها
لميس /&ليه ياخال هو انت لما بنتك جات تتخطب ماخدتش رايها
حافظ /_بنتى دكتوره بنتى حاجه تانيه
لميس /&ليه هو انا يعني مش بشر زيها ولابنتك ملاك واحنا شياطين
حافظ /_لا بشر بس انتى قليلة الادب علشان تكلمينى بالطريقه دى
حافظ /_اعملى حسابك إن مافيش جواز من منصور اواي انسان غير لما احنا نقول امين مش عيله زيك تكسر رجآل بشنبات وتمشى رايها
لميس /_خلاص مش هتجوز ولاعايزه جواز
حافظ /_عنك ماتجوزتى
لميس اخدت بعضها ومشيت وراحت ناحية اوضتها
عابد مسكها ضربها بالقلم
لما يكون خالك بيكلمك ماتسيبهوش وتمشى
دنيا جريت اخدت لميس معاها
دنيا /_أنا هاخد لميس معايا واطلع شقتى ياسيد
دنيا ولميس طلعوا والرجاله فضلوا يتكلموا
دنيا /_وحياة غلاوتك عندى يالميس لو هطلق فيها لخليكى تتجوزى منصور بس ورق كده
لميس /_واضح انه مش هيحصل ابدا
بعد مالكل مشى سيد طلع شقته
دنيا كلمته وفضلت تعقله وتزن على ودانه
سيد لميس صعبت عليه اخدها فى حضنه
الجزء الثالث
#رهينه_للزواج
بعد ماعابد ضرب لميس اخته والجيران اتلمت واخوالها جم ودنيا اخدتها معاها شقتها
وفضلت دنيا تتكلم وتزن على سيد علشان يقف جنب اخته علشان تتجوز الانسان اللي بتحبه سيد لميس صعبت عليه واخدها فى حضنه
لميس /_علشان خاطري ياسيد اقف جنبى
سيد /_حاضر يالميس يابت انتى اختى الصغيره وعايزك تعيشى سعيده بس اصبرى عليه شويه انتى عارفه عقول اخوالك واخوكى عاملين ازاي
لميس /_حاضر ياسيد ربنا مايحرمنى منك ابدا
دنيا /_مش قولتلك سيد اخوكى هو الوحيد اللي هيكون فى صفك وعايز سعادتك
لميس /_هتقدر تقف فى وشهم ياسيد
سيد /_الموضوع مش هقف فى وشهم او الكلام ده انتى بتتكلمي وكان الموضوع سهل دانا هكسر عادات وتقاليد اتربينا عليها وكبرنا واحنا حافظين اننا لوعملنا غيرها هيكون عيبه كبيره فى حقنا بس علشان خاطرك أنا هعمل المستحيل
دنيا /_ناوى على ايه ياسيد
سيد /_خدى يالميس رنى على منصور
لميس /_بتقول ايه ارن على منصور اقوله ايه ياسيد
سيد /_قوليله بيقولك سيد لو شارى اصبر لحد مايشوف صرفه مع البقر اللى عندنا
لميس /_ربنا يخليك ليا يارب
لميس رنت على منصور وبلغته بكلام سيد
منصور /_أنا شاريك يالميس ادينى سيد اكلمه
سيد /_اذيك يامنصور
منصور /_اذيك ياسيد عامل ايه ؟
سيد /_لوانت شاري يابن الاصول لازم تصبر شويه وأنا باذن الله هحلها
منصور /_أنت عارف ولاد الجابري لما يشتروا صعب يبيعوا ابدا وانا شارى اختك
سيد /_باذن الله ربنا يقدم مافيه الخير وهتكون من نصيبك
منصور /_لوماحصلش ياسيد
سيد /_لو مالقيتش حل هتلاقينى أنا اللى بكلمك ونشوف حل مع بعض
منصور /&لا ياسيد لوماتصرفتش أنا هتصرف يكفيك اد ايه علشان ترد عليا
سيد /_انت عارف العقول اللى عندى عامله ازاي
منصور /&ادامك شهر ياسيد قولت ايه ؟
سيد /_باذن الله قبل كده
منصور /_يبقى على البركه
وقفل منصور مع سيد وبداء يفكر هيعمل ايه ؟
دنيا /_قومى نامى يالميس واعملى حسابك باذن الله منصور من نصيبك
لميس /_يارب يسمع منك ربنا
سيد تانى يوم خلاص ياعابد خلاص ياما أنا اتكلمت مع لميس وهي خلاص مش عايزه منصور وماينفعش تعمل الغلط ونازله تعتذر
لميس /_حقك عليا ياما حقك عليا ياعابد
الام /&ربنا يهديكى يابنتى ويصلح حالك
دنيا /_ايوه كده مين منصور ده اللي يخلينا ناكل فى بعضنا زي السمك
والكل فى البيت اقتنع ان لميس شالت موضوع منصور من دماغها
سيد /_لازم تروحى لاخوالك تعتذرى ليهم احنا مالناش بركه غيرهم
لميس /_حاضر ياسيد
وراحت لميس مع امها اعتذرت لاخوالها
ومرت الايام وعدى اسبوع وراه التاني والاسبوع التالت
منصور اتصل بلميس
منصور /_اهون عليك كل ده تسبينى وماتكلمنيش
لميس /_اعمل ايه انت عارف اللى أنا فيه
منصور/_انتى عارفه انى فاتح النار على الكل علشان خاطرك
لميس /_وانت عارف انى واقفه قصاد اهلى كلهم علشان خاطر اننا نكون لبعض برغم انه صعب حد يقف ادمهم
منصور /_ده اللى متهيالك أنا هقف ادام الكل
لميس /_خايفه عليك انت مش اد اهلى
منصور /_اهلك دول شوية جرزان بالنسبالي
لميس /_واضح انك ماتعرفش حاجه
منصور/_هوريكى بسلاحى ولوحدى هعمل فيهم ايه ؟
لميس /_وحياتى عندك انسانى علشان أنا خايفه عليك
منصور /_ليه شايفانى قطه علشان تخافى عليه
لميس /_لا عشان بحبك خايفه عليك
منصور /_خافى على اخواتك من النهارده لانى هخليهم يلبسوا طرح
لميس /_ومين هيسمحلك بده دانا ادوس على قلبى
منصور /_وانا هدوس على رقابى اخواتك وهخدك غصب عن اي حد
لميس /&انت بتلعب بالنار
منصور /_انتى اللى اختارتى انتى واخواتك وانا هكون اداها
لميس /_هو ده كلامك مع اخويا سيد يامنصور
منصور /_الشهر قرب يخلص ومافيش حاجه حصلت
لميس /_اصبر يامنصور سيد الوحيد اللي واقف معانا ولو معرفش يتصرف هيكلمك
منصور /_أنا هصبر وهوريكى هتدوسى على قلبك ازاي
لميس /_يامنصور انت كلامك مستفز
منصور /_يابت انا شاريكى ومافيش قوه فى الدنيا كلها تقدر تبعدنى عنك ولو وصلت انى ادوس رقاب البلد كلها هعملها علشان نكون لبعض
لميس /_اقفل يامنصور وربنا هو اللى هيسرها
منصور /_منصور اما نشوف اخرتها مع اخوكى سيد
لميس /_باذن الله خير
الجزء الرابع
#رهينه_للزواج
بعد مالشهر عدى اللى سيد كان متفق عليه مع منصور وسيد ماعرفش يقنع اهله انه يجوز لميس لمنصور
لميس /_هنعمل ايه ياسيد
سيد /_مش عارف يالميس
لميس /_تعالى ياسيد جوزنى لمنصور من وراءهم
سيد /_مش هينفع خالك واخوكى مش هيسكتوا
لميس /_خايف من اخوك ومن خالك ومش خايف عليه
سيد /_فيه حاجات كتيره غصب عنى ماقدرش اتخطاها
لميس/_تعالى يادنيا دبرينى اعمل ايه؟
دنيا /_مافيش حل غير انك تهربى وتتجوزى منصور
سيد /_انتى بتقولى ايه انتى اتهبلتى ولابتخرفى
دنيا /_مافيش حل غير كده ياسيد ياتجوزها من وراء الكل لمنصور وتحطهم ادام الامر الواقع
سيد /_والكبار بتوعنا هيعملوا ايه لما يعرفوا
دنيا /_ولاهيعملوا حاجه هيكون اللى حصل حصل
سيد /_انتى تايهه عن خالى ولاعابد دول ممكن يخلوها
بحر دم
دنيا /&بحر دم ليه ده جواز
سيد /&عارف انه جواز بس دول مابيتفهموش
دنيا /_امال هتعمل ايه ياسيد
سيد /_مش عارف مش عارف
لميس /_خلاص ياخويا ماتتعبش نفسك انا مكتوب عليه أنا واللى زيي مايكونش لينا حق اننا نختار اللى يشاركنا حياتنا
دنيا /_اتصلى بمنصور يالميس
لميس /_اتصل بيه اقوله ايه؟
دنيا /_قوليله اخواتى فرقونا عن بعض وعمرنا مهانكون لبعض بسبب تحكماتهم وعقولهم
لميس /_ليه احنا مكتوب علينا كده ليه اللى بنحبهم وبنتمناهم مابنجتمعش بيهم ونكون من نصيبهم
سيد /_مافيش حد بياخد اكتر من نصيبه يالميس
لميس /_بنغلط ونقول نصيب ليه كده؟
لميس /_ماتزعلش منى ياسيد لو عملت حاجه فى نفسى
سيد /_أنا زعلان عليكى علشان مش قادر اساعدك علشان تعيشى سعيده
لميس اتصلت بمنصور
منصور/_ايه ياحبيبتي
لميس /_انسانى يامنصور احنا مش هينفع اننا نكمل
منصور /_ليه مش هينفع
لميس ودموعها على خدها علشان اهلى عايزين كده
منصور /_انا مش هستسلم لتحكمات اهلك واخليهم يفرقونا عن بعض انا هتصرف
لميس /&هتتصرف هتعمل ايه دول منشفين دماغهم قوى
منصور /_انا هعرفهم انهم مهما يعملوا مش هيفرقونا ولازم نتجوز غصب عن اي حد
لميس /_مافيش حاجه هتتم غصب عنهم لانى دى عادتهم هيعملوا المستحيل علشان مانكونش لبعض
منصور /_ اذا كانوا هما رجاله وبيتحكموا زي ماهما عايزين أنا هوريهم أنا هعمل ايه
وقغل منصور مع لميس
دنيا /_منصور قالك ايه؟
لميس /_أنا خايفه انى منصور يتهور ويعمل حاجه تضيعنا اكتر ماحنا ضايعين وميبقاش ادامنا امل واحد
دنيا /_ولاد الجابري لوعايزين حاجه هيعملوها
لميس /_ماهي دي المصيبه
دنيا /_مصيبة ايه علشان عايزكم تكونوا لبعض
لميس /_أنا نفسى اكون ليه النهارده قبل بكره من غير مشاكل
دنيا/_ربنا مايجيب مشاكل ابدا
منصور اتصل بلميس
لميس /_ده منصور يادنيا بيتصل بيه
دنيا /_ماتردى عليه
لميس /_ايوه يامنصور
منصور /_عايزك تقابلينى دلوقتي
لميس /_ليه يامنصور
منصور /_اما تيجي هتعرفى بس ياريت متتاخريش
لميس /_مش هينفع اخرج دلوقتي
منصور /_ لازم تخرجى
لميس /_هحاول اخرج وهكلمك
منصور /_مافيش حاجه اسمها هتحاولى لازم تخرجى
لميس /_حاضر يامنصور
وقفل منصور مع لميس
لميس/_دنيا منصور عايز يقابلنى ضرورى وانا ماعرفش ناوى على ايه؟
دنيا /_يبقى لازم تقابليه وتشوفيه وتشوفى ناوى على ايه ؟
لميس /_وهخرج ازاي
دنيا/_هنخرج سواء ماتشغليش بالك
ونزلت دنيا قالت لحماتها انهم خارجين هي ولميس هيجيبوا طلبات
الام /_ماتغيبوش
دنيا /_حاضر
اتصلت لميس بمنصور وعرفته انها خرجت
منصور راح المكان اللى هيقابلها فيه
منصور /_اذيك يادنيا
دنيا /_اذيك يامنصور ناوى على أيه؟
منصور /_هخدها غصب عن اي حد ارجعى ليهم وقوليلهم منصور خطف لميس ومش هتشوفوها تانى غير ماتنفذوا كل طلباته
دنيا /_أنت بتقول ايه ؟
منصور /_اللى سمعتيه يادنيا
دنيا /_أنت فاكرها سايبه ولايه؟
منصور /_ايوه سايبه يادنيا مش ولاد الجابري اللى يتمنوا حاجه وماتحصلش
منصور اخد لميس معاه فى العربيه وساب دنيا
دنيا رجعت تصوت
الحقونى الحقونى
عابد وسيد فيه ايه انطقى
دنيا /_منصور خطف لميس
عابد /_انتى بتقولى ايه ازاي حصل انطقى ؟
دنيا/_كنا بنشترى طلبات وخطفها وهي واقفه
عابد /_انتى متاكده انه منصور ؟
دنيا /&ايوه متاكده هو انا تايهه عنه ولايه؟
عابد اتصل باخواله واخدوا سلاح ولم كبار العيله وراحوا على بيت منصور
بس ايه اللي حصل
الجزء الخامس
#رهينه_للزواج
بعد مامنصور خطف لميس
عابد لم اخواله وكبار العيله واخدوا سلاح وراحوا بيت منصور
عابد /_اطلع يامنصور هقت_لك
سليم الجابرى والد منصور انت اتجننت ياعابد ولايه جاي تهدد ابنى وادام بيتى
حافظ /_اللى ابنك عامله مايتسكتش عليه يا سليم
سليم /_ايه عمل ايه يعنى ابنى؟
حافظ /_ابنك خطف بنت اختى ياسليم؟
سليم /_ابنى ماعملش كده ياحافظ ابنى ماتطلعش منه العيبه ابدا
حافظ /&اللى شافوه قالوا انه ابنك منصور
سليم /_هات التليفون يامحمد
سليم والد منصور اتصل بابنه
منصور /_نعم يابا
سليم /_أنت فين يامنصور والبنت فين ؟
منصور /_البنت معايا ومش هترجع غير لما ينفذوا طلباتى
سليم /_واضح انك اتجننت
منصور /_لا ماتجنتتش ولا حاجه أنا عارف انا بعمل ايه
سليم /_رجع البنت وكل اللى انت عايزه هيتعمل
منصور /_بلاش نضحك على بعض يابا انت عارف انهم شوية نسوان مافيش واحد منهم ليه كلمه
سليم /_ده عيبه كبيره يابنى انك تخطف بنات الناس وتعمل كده انت هتفتح بحر دم مالوش اخر
منصور /_هما اللي عايزين كده يابا وانا لوحدي اد اي 🐶 فيهم ومنصور قفل السكه فى وش ابوه
واتصل بعابد
منصور /_اختك مش هترجع اختك أنا هحافظ عليها لحد ماتبقى مراتى على سنة الله ورسوله ولو مانفذتوش اللى انا عايزه يبقى انتم اللى عايزين العيبه تحصل
عابد /_مافيش جواز واعلى مافى خيلك اركبه وانا بقى عيلتك ادامى هخليهم عبره لمن لايعتبر
منصور /_بلاش تجعجع كيف النسوان اختك معايا وتحت ايدى ياتنفذ اللى هقولك عليه ياما بعد كده تلبس طرحه
حافظ خطف التليفون من عابد
حافظ /_يابنى اللى بتعمله عيب
منصور /_نفذوا للى بقولكم عليه وانا ارجعها
حافظ /_أيه طلباتك عايز فلوس عايز ايه؟
منصور /_هعمل فرحى أنا وبنت اختك ادام الناس كلها يوم الخميس اللى جاي والفرح هيكون على حسابكم واهل البلد كلهم يحضروا
حافظ /_واضح انك انضربت فى مخك انت عايز تكسر عينينا ولايه يابن الجابري
منصور /_كسرة العين دى لوكنت فى حضنها بنت اختك هتدخل وهي بنت بنوت ولوماعملتش كده هخليها كيف اي مره متجوزه وساعتها غصب عنك هتلبس طرحه وتتحايل عليه اتجوزها شوف الافضل بالنسبالك ولم شوية الغجر بتوعك دول وامشى من عندك علشان مش هيحصل خير
حافظ /_أنت بتهددنى يابن الكلب ايه هي البلد مافيهاش قانون ولايه
منصور /_أنا مابهددش وهنفذ اي حاجه أنا عايزها والقانون ده تخليه يحميك وانت لابس طرحه
وقفل منصور التليفون بتاعه وفضل قاعد مع لميس
والدنيا والعه فى البلد بين العيلتين
وعدت اول ليله
اليوم التانى
منصور خلى لميس تتصل بسيد
لميس /_ايوه ياسيد
سيد /_انتى بخير
لميس /&ايوه ياخويا أنا بخير نفذ اللى منصور عايزه ياسيد وارفع راسك فوق
سيد /_ازاي وهو واخدك غصب عننا
لميس /&انتم اللى اضطرتوه يعمل كده منصور بيحبنى ياسيد
سيد /_فين منصور
منصور /_ايوه ياسيد خير هتنفذوا اللى طلبته ولايه؟
سيد /&مش هينفع يامنصور رجع لميس يامنصور ونتفاهم
منصور /_مافيش تفاهم ياسيد بينا اختك هتجوزها بمزاجكم ياما هدخل عليها من وراكم وده هيكون اخر حاجه افكر فيها الفرصه ادامكم لسه
سيد /&حاضر يامنصور هنفذ كل اللى انت عايزه
منصور /_يبقى تروح لابويا وتقروا الفاتحه وتتفقوا على كل حاجه
سيد /_أنت بتقول ايه ارجع وانا اوعدك انى هجوزهالك
منصور /&لا ياسيد مش هرجع ولاختك هترجع
منصور قفل السكه فى وش سيد علشان ابوه بيتصل بيه
منصور /_ايوه يابا
سليم /&واضح انى ماعرفتش اربيك علشان تعمل العيب وتخلى سيرتنا على كل لسان
منصور /_اعمل ايه يابا انا بحبها وهي بتحبنى
سليم /_يابنى الدنيا مابتتحلش كده
منصور /_امال هتتحل ازاي يابا
سليم /&هات البنت وتعالى يابنى احنا ناس كبار فى البلد وقعدة الرجاله هتغلطنا فى اللى عملته ده
منصور /_هرجع فى الليل يابا بس توعدنى انى اتجوزها
سليم /_اوعدك ازاي بس احنا نخلص من المصيبه دى الاول مش بعيد اللى عملته يخلينا نسيب البلد يابنى
منصور /_انا هرجع يابا بس هرجع ولوهيكون فيها بحر دم مش هتفرق معايا
سليم /_حافظ على البنت يامنصور علشان مانلبسش طرح يابنى
منصور /&دى اشرف انسانه شفتها فى حياتى
سليم /_ربنا يهديك يابنى
ورجع منصور ومعاه لميس
سليم /_ليه عملت كده
منصور /_علشان اتجوزها يابا
سليم /_هو انت فاكر انك كده هتتجوزها داحنا الدنيا هتتقلب فوق راسنا
سليم اتصل بسيد اخو لميس
سيد /_ايوه ياسليم
سليم /_تعالى ياسيد خد اختك احنا مانرضاش العيبه على بناتنا
سيد /_اخدها منين؟
سليم /_من بيتى اختك موجوده هنا عندى
سيد اخد بعضه وراح يجيب اخته
عابد وحافظ راحوا معاه
عابد كان فى ايديه 🔫 مسدس
سيد /_اهدى ياعابد على مناخد اختك ومش عايزين دم
عابد /_الموضوع مش هيخلص غير بالدم
سيد /_كلمه ياخال وعقله
حافظ /_سيد بيتكلم صح ياعابد بينا وبينهم قعدة الرجاله ولازم يسيبوا البلد
سيد دخل بيت سليم
لميس جريت على سيد اخوها واخدته فى حضنها
عابد /_ابنك فين ياسليم
سليم /_ابنى مش هنا ياعابد اختك معاك اتفضل مع السلامه
حافظ /_ياله ياعابد
اعمل حسابك ياسليم بينا وبينك قعدة الرجاله اللى هتحكم وبعدين لينا حساب تانى
سليم /_وانا راضى باللى قعدة الرجاله تحكم بيه ياحافظ
ورجعت لميس بيتها مع اخواتها
وقعدة الرجاله اتحددت
لجزء السادس
#رهينه_للجواز
وبعد مارجعت لميس لاهلها
وقبل معاد قعدة الرجاله بيوم
دنيا /_ايه ياسيد اختك كل يوم والتانى بتدبل لحد مهاتموت روحها وهتضيع من ايدينا
سيد /_اختى مش هتضيع يادنيا ولاهسمح انها تضيع منى ولاتضيع نفسها
دنيا /&ازاي وهي روحها متعلقه بمنصور وبتحبه وانت عارف قعدة الرجاله ممكن تحكم على منصور واهله بايه
سيد /&اوعدك انه مش هيحصل
دنيا /_هتعمل ايه ياسيد
سيد /_سبيها على الله
دنيا /_ونعم بالله
سيد دخل لاخته وشاف الدموع فى عينيها وامها قاعده جنبها
سيد /_ايه مش هتاكلى يالميس
لميس/_ماليش نفس
سيد /_وان قلتلك علشان خاطري
لميس /_خاطرك غالى عليه ياسيد بس نفسى مسدوده
سيد /_ممكن تسبينى معاها شويه ياما
الام /_حاضر يابنى
سيد بعد مالام خرجت
اعملى حسابك هتيجى معايا بكره
لميس /_فين ياسيد
سيد /_الكلام ده يكون سر بينا انا وانتى بس
لميس /_هنروح فين ياسيد
سيد /_مش هسيبك تضيعى منى يالميس وهعمل حاجات كتيره قوى علشان خاطر تعيشى سعيده
لميس /_خايفه ياسيد
سيد /_ماتخافيش يالميس قومى كلى وبكره باذن الله هيحلها ربنا
لميس /&حاضر ياسيد
وعدت الليله وجه اليوم التانى وجه معاد قعدة الرجاله
عابد /_ياله ياسيد
سيد /عدى على خالك وخده وانا هحصلكم ياعابد
عابد /_ ماشي ياسيد
عابد مشى وسيد دخل لاخته لميس
البسى هدومك يالميس وتعالى معايا
الأم /_هتيجي معاك فين يابني انت رايح قعدة رجاله
سيد /_عارف ياما انى رايح قعدة الرجاله وهخدها معايا
الام /_انت واعى للى بتقوله ياسيد
سيد /_واعى اوى ياما انا مش هسيب اختى تضيع منى علشان خاطر تحكمات وعوايد اتربينا عليها سبينى ياما الحق اختى والحق بنات كتير فى سنها بتضيع كل يوم
الام /&مش عارفه اقولك ايه ياسيد
سيد /_ماتقوليش ياما حاجه ادعى وبس ادعى إن ربنا يصلح الحال لبناتنا وبنات المسلمين ادعى إن ربنا يجمع بين كل قلبين ويوفقهم ويكملوا حياتهم مع بعض
سيد اخد لميس معاه
كانت قعدة الرجاله منصوبه وبداءو يحكوا اللى حصل
سيد دخل هو ولميس
الكل اتفاجىء بدخول لميس واستغربوا
عابد /_انت جايب اختك معاك ليه ياسيد؟
سيد /_جايبها علشان هي اساس المشكله ياعابد
ياريت الرجاله تسمحلى بدقيقه
حافظ /_انت جرى لمخك حاجه
سيد /_ايوه ياخال جرى لمخى حاجات مش حاجه واحده لما اشوف اختى بتموت ادامى كل يوم والتانى يبقى لازم يجرى لمخى حاجات
لما اشوف كل بنات القريه بتتجوز وبعد شهور يطلقوا ويبقى معاهم عيال يبقى لازم اتجن كفايانا تخلف بقى
نفسى مره واحده بس نسمع بناتنا ونحاول نشوف سعادتهم فين ونحققها ليهم
أنا شايف إن سعادة اختى مع منصور علشان كده جيت اسلمها ليه بايدى فى وسط الرجاله مش عيب ولاحرام انى اتنازل عن رجولتى واختى تعيش مبسوطه وسعيده طول حياتها
مش احسن ماختار ليها واحد هي مش ريداه وتيجى بعد كده شايله على كتفها عيل ولاتنين ومطلقه
الرجوله مش اننا نحكم ونتحكم وبس
الرجوله اننا نشوف الغلط اللى بيوصل بناتنا للطلاق كل يوم والتانى ونصلحه ونشوف احنا اخطاءنا فى ايه
بس قبل ما ديها ليه لازم الكل يسمعها ويعرف هي عايزه تقول ايه؟ اسمعوها هي والبنات اللى فى سنها لان احنا لينا نظره وهما ليهم نظره تانيه خالص
عابد /_ومين هيسمح ليها تتكلم هو احنا الحريم هي اللي بتتكلم دلوقتي نروح نلبس طرح وننسحب من قاعدة الرجاله
لميس /_لا ياعابد ماتلبسش طرحه لاعاش ولاكان اللى يخليك تعمل كده
أنا همشى ياعابد من قعدة الرجاله علشان احنا مالناش كلمه طول مالرجاله موجوده
مالناش كلمه حتى فى بيوتنا مالناش راي فى اي حته ولافى أي حاجه مالناش إن احنا نختار ولامسموح لينا بكده لانكم انتم الامر الناهى
بس نفسي اسالك سؤال بجد بصفتك كبيرى واخويا ليه رفضت منصور ؟
ايه اللى يعيبه وانا بحبه وهو بيحبنى؟
عابد /_مافيش حاجه اسمها حب ولاكلام فارغ من ده
لميس /_لو مافيش حب ماكانش ربنا خلقنا بنحس وبنشعر جاوب على سؤالى ياخويا اللى مش لاقيه ليه اجابه لحد دلوقتي ليه رفضت منصور؟
حافظ /_كل شيء وليه سبب
لميس /_ولما منصور خطفنى كان عنده سبب عارف ليه ياخال علشان منصور خبط على الباب وانتم رفضتوه
دخل من الباب زي ماكلنا بنقول
حافظ/_واحنا مش عايزينه ورفضناه يقوم يغلط ويعمل العيبه
لميس/_انتم مين علشان ترفضوا
حافظ/_احنا اهلك وادرى بمصلحتك
لميس/_لاياخال انت مش ادرى بمصلحتى
زي ماكنت ادرى بمصلحة بنتك وكنت بتقول نفس الكلام ده وبعد 4 شهور رجعتلك غضبانه ووقفت على الطلاق
حافظ /_واضح انك عايزه تتربى
لميس /_هو اللى يقول الحقيقه يبقى عايز بتربى؟
اللى يواجهكم باخطاءكم ويحاول يصلحها يبقى عايز يتربى؟
منصور كان ممكن أنا وهو نتجوز من وراء الكل ونحطكم ادام الامر الواقع وكنتم غصب عنكم هتقبلوا وترحبوا لانكم هتكونوا مضطرين انكم تقبلوا الغلطه اللى اتعملت
وهتدفسوا راسكم فى الرمل زي النعام
بس منصور ماعملش كده
بس يوم ماكان هيعمل كده ماكنتوش هتلوموه علشان انتم اللى غلطوا من الاول
منصور عمل المستحيل علشانى وأنا كمان هعمل المستحيل علشانه ولو ماتجوزتوش هموت نفسي وارتاح عارف ليه هرضى بالموت وانى ماعيشش مع راجل تانى
علشان ماينفعش انى اكون جسمى مع راجل وعقلى وقلبى مع راجل تانى
قبل ماتحكموا على منصور احكموا على نفسكم الاول لانكم انتم اللى غلطتوا ووصلتوه لكده ولانه شاري ومش بايع وانا كمان شاريه منصور
عن اذنك ياعابد ياخويا وسامحنى انى قلت اللى جوايا فى وسط الرجاله اللى ماينفعش بعد كلامهم كلام يتقال بس عارف مهما اتكلمت عمرك مهاتحس باللى جوايا لانا ولاي بنت فى سنى
وانت ياسيد عايزه اقولك حاجه انت احسن اخ ربنا بعته ليه انسان شوفت الظلم اللى بيحصل ليه ولكل بنت وحاولت تغيره
بعد اذنكم
لميس رايحه تخرج من الباب
سليم والد منصور استنى يابنتى
بعد اذنك ياعابد بعد اذنك ياحافظ
أنا ادام الكل بطلب منكم ايد لميس لابنى منصور
عابد وحافظ مترددين
سيد /_مد ايديك ياخال ياكبيرنا الراجل مادد ليك ايديه
مد ايديك ياعابد
عابد /_كبيرنا قاعد ماقدرش امد ايدى وهو موجود الراي رايه
سيد /_قولت ايه ياخال
حافظ مافيش قول يابنى
حافظ مد ايديه لسليم وتم قراءة الفاتحه
سيد شاف السعاده فى عين لميس وهي بتاخده بالحضن وبتدعيله
رجع سيد ولميس البيت
الام /_عملتوا ايه يابنى؟
سيد /_قرينا فاتحة اختى ياما والفرح الاسبوع الجاي
دنيا/_لووووووووووووووووي
والفرحه عمت فى الحته والكل كان فرحان
وجه معاد الفرح وضرب النار فضل للصبح شغال
وفرحة منصور بعروسته فى القلب متشاله
وسيد وفى بوعده لاخته وفى نظرها بقى سيد الرجاله
الرجوله عمرها ماكانت بتحكم وفرض راي
الرجوله اننا نسمع وناخد راي بناتنا ونديهم حق الاختيار نشاورهم ونفهم منهم
الحب يصنع المستحيلات
القصه قصة بنات كتير قوى بتتظلم فى اختيارتنا الخاطئه وبرغم كل ده لما يحصل مشكله وينفصلوا نجيب اللوم على النصيب
العيب مش فى النصيب العيب فينا احنا يابشر لان مابنديش الفرصه لبناتنا انهم يختاروا اللى يشاركهم حياتهم اواللى قلبهم يختاره
تقبلوا تحياتى 🌹🌹🌹🌹🌹
تحياتى لكم جميعا
إللي عاوز يوصله اشعار بتكملة الروايه يعمل إنضمام من هنا