 |
الحلقة الأولى والثانية
رواية / ست الدار
بقلم أميره أسامه
🔴🔴🔴🔴🔴🔴🔴🔴🔴🔴🔴🔴🔵
الحلقة 1
عندما يتزوج الغضب من الثأر فأنه ينجب ألشراسه💔
أجيال تسلم أجيال ميراث الثأر دون توقف وكأنه شئ مادي يورث الثأر ليس مجرد حادث نقرأه في الصحف أو حكم بالإعدام أو سجن مؤبد لمن يرتكبه ولكن هو سنوات من الخوف والرعب و أيضآ التربص ويحرم وقتها العائلات المتنازعة من الراحه والشعور الدائم بعدم الأمان والخوف من عدم إكتمال الفرحه والقضاء علي الاخضر واليابس !! وما الثأر إلا
((تجاره خسرانه))😔💔
يدفع ثمنها أجيال بريئه
ويظل هذا الميراث (الأسود)
مرتبط بخراب البيوت وعدم الإستقرار ومحو أي فرصه فالنجاح والتقدم بسبب حاله التربص بين المتنازعين.
ويظل الثأر هو زائر الموت الذي يأتي من حيث لا يحتسب ويقتل من لا يستحق القتل
غلطات يقوم بها بعض الحمقى ويتحملها من لا ذنب له ويستمر الصراع اجيال تسلم اجيال وكل هذا تحت مصطلح العزه والكرامه ومن يرفض الأخذ بالثأر فكأنه يتخلي عن رجولته وكرامته ولكي يحافظ الرجل علي رجولته ويستحق لقب رجل عن جداره في عرف بلاد الثأر. فلابد أن يضع حياته وحيات من يحب علي كفه ويقبل هذا
((الميراث الأسود))
شباب بيموت ومستقبل بينهار وأطفال يحكم عليهم باليتم و يجبرون علي إستلام ميراث ملعون يدفعون ثمنه فإذا كان الميراث المادي يفني مع مرور الوقت 👌فميراث الثأر لا يفني ويبقي الثأر مستمر في طريق ليس له نهايه نهايته الوحيده هي نهايه أعمار وارواح بريئه كل ذنبها أنها كانت من ورثه هذا الميراث الأسود👈الثأر💔
ست الدار
في إحدي نجوع قري الصعيد بمحافظه قنا حيث يعيش بها أثنين من أكبر عائلات النجع..عائله الأشراف وعائله هواره عائلتين لا يعرفوا سوا الدم والثأر الذي يسوقهم إلي طريق الهلاك والضياع نزاعات نشبت بينهم منذ سنين و أنتهت بالصلح وتدخل كبار البلاد المجاوره بينهم لفض هذا النزاع و الذي كان بدايته وسببه👈..مشاجره لشاب من عائله معروفه مع شاب مراهق من عائله (هواره) فأسرع الشاب المراهق بالجري والإختباء وراء رجل عجوز مسن من عائله (الأشراف) ولكن أنتهت الواقعه بقتل الشاب المراهق الذي ينتمي لعائله هواره علي يد الشاب الاخر ولم يستطع الرجل المسن إنقاذه!! ومن هنا بدأت الحرب..وبدأت والدت المراهق ببخ سمها في أذن رجال هواره وبدلا من أن يأخذوا تارهم من ذلك الشاب وعائلته فحرضتهم علي أخذه من ذلك العجوز لانه لم يستطع إنقاذ ولدها وتم التربص به وبالفعل قتلوه. وبدأ مشوار الثأر الذي أصبح عدد ضحاياه لا تعد ولا تحصي من العائلتين وأصبحت الدماء بينهم بحور.
وبعد صراع دام سنوات أخيرآ أستطاع بعض كبار البلاد المجاوره حل هذا النزاع ووقف الدم بينهم ومن وقتها والحال بينهم هادئ ولكن!!☝️مايخفيه القلب من عائله هواره من كره لا يخفي عن عائله الأشراف.
حتي قامت المعركه الكبري من جديد حيث قام (هيبه)
الهواري بإشعال فتيل النار بينهم من جديد ولكن!!
سأروي لكم ما حدث
قبل المعركه الكبري بي 6أشهر
فلاش باك🌪️🌪️
في قصر كبير يظهر عليه الفخامه ويظهر علي ألوانه الراحه النفسيه التي تعكس شخصيه من يسكنه حيث يعيش به عائله ..وهبه كبير عائله الأشراف.وفي يوم مبارك وهو أول يوم رمضان
كان القصر تملؤه الحركه الكل بيجري وكأنها خليه نحل بيتسابقوا فيها عشان تحضير الفطار..
چليله…همي يابت يا سعديه ماباجيش كتير عالمغرب عاد
سعديه..حاضر يا ست چليله خلاص هحمر البط و الوكل كله خلصان
چليله..فين ستك فاطمه
سعديه..ست فاطمه مع ست فرحه بيجهزوا السفره.
چليله..ماشي أني هروح أشوفهم وأنتي همي يلا جهزوا العصاير وعايزه الوكل كله يكون جاهز وكل حاجه زينه ده الدكتور سالم خلاص علي وصول.
سعديه…يرجعه بالسلامه يارب.
چليله…يارب
خرجت چليله تشرف علي كل حاجه بنفسها.
فاطمه…كل سنه وأنتي طيبه يا حماتي صومآ مجبول أن شاء الله
چليله..وانتي طيبه يا مرت الغالي فين جوزك عاد
فاطمه..مهران مع الحاج في المضيفه بيخلصوا شويه شغل لحد معاد الفطار
فرحه..كل سنه وانتي طيبه يا أما
چليله..وانتي طيبه يا فرحه يابتي أن شاء الله السنه الجايه تكوني في بيت جوزك
فرحه..لاه أني ما هفكرش في الجواز التعليم الاول
چليله..يادي التعليم اللي واكل راسك ده عاد يابت البت ملهاش غير بيت جوزها في الأخر مسيرك تكوني أم ومسؤله عن بيت وراجل وعيال أني عارفه تعليم أيه اللي واكل دماغك ده عاد كله من سالم أخوكي.
فرحه..بضحك أن جيتي للحج يا أما مش سالم بس موسي أخوي كمان الله يخليه هو السبب وبعدين ياأما حتي لو مسيري لبيت چوزي كيف ما بتجولي لازمآ أكون متعلمه ومعايا شهاده أنفع بيها نفسي وولادي وأربيهم زين
چليله..بردك نفس الكلمتين اللي كل ما أفاتحك في الجواز تسمعيهملي ما أنا اهو ربيتك زين انتي وموسي ومهران وسالم ومامعيش شهاده يادوب بفك الخط بس هجول أيه ربنا يصلح حالك يا بتي وينولك اللي في بالك
فرحه…ويخليكي ليا ياأما
چليله..يلا هروح أشوف البنته عملوا أيه المغرب خلاص علي آذان
مشيت چليله علي المطبخ وراحت فاطمه علي فرحه بسرعه
فاطمه ..جدعه يابت يا فرحه إياكي تفرطي في شهادتك أبدآ أني كان حلم حياتي أكمل علام بس النصيب.
فرحه…طيب ليه مكملتيش عاد يا فاطمه أني أعرف أنك كنتي شاطره في المدرسه.
فاطمه..أني لما وصلت لحد الاعداديه كنت دايما الأولي علي الفصل بس لما چيت للثانويه أمي قالت كفايه علام وسمعتني نفس الكلمتين اللي امك سمعتهملك الوجت بس فضلت أتحايل عليها هي وأبوي وافجوا بس دخلوني تجاره خدت الدبلوم وجعدت ووجتها عرفت مهران وحبيته واتجدملي وصراحه وافجتهم وبعد ما خدت الدبلوم أتجوزت علي طول.بس أنا نفسي أحجج حلمي فيكي أنتي وعيالي.
فرحه…أنتي طيبه جوي يا فاطمه اني لو عندي أخت مكانتش هتحبني كيفك إكده.
فاطمه.أنتي مش اختي بس يافرحه أنتي بتي كمان أني دخلت البيت ده كنتي لسه صغيره ربنا يخليكي ليا. ويلا نكمل أحسن حماتي تاجي تعلجنا في السجف.
فرحه..بضحك يلا
بعد وقت قصير كان الشغاليين بيحضروا الفطار وفاضل ربع ساعه علي الآذان
سمعت چليله صوت الغفر في الخارج بيهللوا وبيرحبوا بسالم أبنها خرجت جري وأول ما شافته خدته في حضنها.
چليله…ولدي حبيبي أتوحشتك يا جلب أمك
سالم..بحب وأني أتوحشتك جوي ياأما
چليليه…بدموع أكده ياسالم كل ده تأخير ست شهور ياولدي ماشوفكش ولا تاچي تطل علي أمك خلاص يا دكتور أتكبرت علينا
سالم…حجك عليا يا اما غصب عني والله الشغل ما هيخلصش مابين المستشفي والجامعه والعياده وبعدين أتكبر أيه بس يا اما أني وصلت لكل ده بسببك يا ست الدار.
چليله.. أتوحشتك جوي يا سالم
فرحه…بعدي بجي يا أما خليني أسلم عليه حضنته فرحه بحب
سالم…وحشتيني يابت يافرحه أيه الحلاوه دي ست شهور يعملوا فيكي أكده علي كده لو غبت سنه هنداروكي من عيون الناس
فرحه..تصدج بالله انت اللي رافع من روحي المعنويه يا احلي دكتور في الدنيا
سالم…روح معنويه أيه بس يابت انتي مش عارفه جيمت روحك ولا أيه
فاطمه…يا ألف بركه نورت الدار يا دكتور
سالم…الدار منوره بناسها يافاطمه كيفك يامرت الكبير
فاطمه…بجيت زينه لما شوفتك
خرج مهران اخوه الكبير وزوج فاطمه وخرج معاه والده وهبه
مهران…بفرحه دكتور سالم وصل أخيرآ النجع نور.. أهو أكده رمضان كملت فرحته بچيتك
حضنه سالم وطبطب علي دهروا بحب
أتوحشتك يا أخوي
مهران..أني اللي أتوحشتك جوي
وهبه..ما تسيبولنا فرصه عاد نسلموا علي الدكتور راح عليه سالم باس ايده وحضنه بقوه
سالم..أتوحشتك يا أبوي
وهبه…چيتك ردت فيا الروح يا سالم كنت خايف ماتاجيش وتجضي معانا رمضان
سالم..وهو رمضان ينفع من غير ما أكون وسطكم يا أبوي
چليله..طيب يلا المغرب خلاص هيأذن أدخل أغسل يدك ووشك من عفره الطريج وبعد الفطار ابجي أطلع أتسبح وريح شويه
فرحه…ومفيش حد هيغسل يدك غيري
سالم…أني اطول الجمر ده يغسل يدي ألا صحيح فين موسي أخوي أتوحشته جوي
وهبه…زمانه علي وصول هو من الصبح في الأرض
چليله…بحزن أني عارفه عوج ليه عاد من بدري بكلمه محموله مجفول الاذان خلاص هيأذن
سالم..بأبتسامه متغيرتيش يا أمي طول عمرك جلبك مجسوم نصين نص لينا كلتنا ونص لموسي لحاله.
وهبه..بغيره ده إن مكانش جلبها كله وأنت الصادج
مهران..بضحك الكبير غيران عليكي يا چليله
چليله..كلكم عندي واحد والله بس موسي ده روحي بس أنتوا بردك نن عيني من جوه
مهران…بضحك متحاوليش تجملي الكلام يا چليله خلاص اللي في الجلب في الجلب ماشي ياست چليله ربنا يهني سعيد بسعيده يلا عاد الأذان خلاص هيأذن
دخلوا كلهم الفطار كان جاهز عالسفره غسل سالم ايده ووشه وراح أعد معاهم عالسفره
وچليله واقفه موبايلها في أيدها ولسه موبايل موسي مقفول وباين علي ملامحها الحزن
وهبه…أجعدي يا چليله هياچي الوجت حبيب الجلب
ضحكوا كلهم علي مشاكسه وهبه لچليله
چليله..عوج جوي يا وهبه
فالوقت ده دخل موسي بطلته اللي تخطف القلب بجلبابه الأسود ألأنيق وهيبه لا تليق إلا له.
موسي…السلام عليكم متجمعين عند النبي وكل سنه وانتم طيبين جميعا.
جريت عليه چليله خدته في حضنها.
👈نعم أنه من سكن الروح والفؤاد والعقل أبن عمرها وتوأمها الضحكه اللي بتنور حياتها وبترد فيها الروح
چليله…إكده يا موسي تخلع جلب أمك عليك
موسي….بأبتسامه وحنيه وكأنه مش شايف غيرها في الدنيا أتوحشتك يا ست الدار
چليله…إكده الهلال ظهر صوح ورمضان روايحه هلت مع طلتك يا سيد الناس
موسي…بأبتسامه حجك عليا المحمول فصل شحن يا ست الدار
وهبه…ماهنخلصش أحنا من الفيلم الرومانسي بتاع كل يوم
موسي…بأبتسامه ومضايج ليه عاد يا كبير راح عليه موسي باسه من ايده وراسه
وقف سالم بحب.. وأني فين من كل ده عاد ولا ألم خلجاتي اللي لساتها مخرجتش من الشنطه وأرجع مكان ما چيت
موسي…بأبتسامه قرب من سالم وشده لحضنه بقوه
سالم…وحشتني ريحتك يا أخوي ريحتك بس أشمها أحس أني رچعت من غربتي لأرضي ومكاني
موسي…كيفك يا دكتور أتوحشتك جوي
چليله…هملوا السلامات دي عاد ويلا أفطروا الوكل هيبرد
وهبه….يلا نسمي الله چليله مش طيجانا عشان حبيب الجلب لسه مفطرش.
ضحكوا كلهم علي غيره وهبه الواضحه وبدأوا أكل
بعد وقت بسيط خلصوا أكل وصلوا مع بعض وراحوا أعدوا مع بعض في مضيفه القصر.
بدل سالم ملابسه ونزل لابس جلباب صعيدي فضفاض وأعد معاهم في المضيفه
دخلت فاطمه بالشاي.
موسي…اااااه يا فاطمه لو أجولك كنت مستني كوبايه الشاي بتاعتك دي كد ايه
مهران…اي والله
فاطمه…صحه وعافيه علي جلوبكم هروح أظبط الدنيا وأجبلكم الحلو
مهران…تسلمي يا فاطمه
فاطمه….تسلم يا سي مهران خرجت فاطمه وسابتهم مع بعض.
وهبه…ايه أخبار الأرض يا موسي
موسي…كله تمام يا حاچ بالحج صحيح في أرض معروضه للبيع
وهبه…أرض أيه دي يا ولدي
موسي…أرض سعد الهواري اللي ورثها عن ابوه انت عارف هو ملهوش في شغل الاراضي وطول عمره أعد في القاهره
مهران…بقلق أني رأيي بلاش يا موسي سعد من الهواره وهما ما هيسكتوش لو حد غريب خدها منيهم
سالم…طيب وهو ليه
ماعرضش الارض عليهم ويبجي منهم في بعضهم أشمعني انت
وهبه…صوح ليه مابعش لعتمان
موسي…عرض عليهم والسعر معجبهوش الارض تساوي أكتر من السعر اللي عرضوه بكتير وهو سأل وعرف
وهبه…معارفش ياولدي بس اللي اعرفه انهم مهيسكتوش
موسي….ليه عاد يا أبوي عنهم ما سكتوا الأرض تخص
سعد وهو عايز يبيع وصراحه الارض متتسابش
وهبه…بتفكير هي صوح متتسابش بس أني مش عايز خوتت نفوخ وسكت شويه وبصله أنت لزماك الأرض دي يا موسي
موسي.. بصراحه أيوه لزماني هضمها علي الأرض الكبيره ونزودوا المحصول ونوسع التجاره ونفتح باب رزج لولاد البلد
مهران…ما بلاش يا موسي
موسي…مالك يا مهران عاد احنا هنسرجها صاحب الارض بايع وأني شاري فين المشكله
وهبه…طيب سيبني أفكر وأدورها في دماغي وهجولك رأيي
موسي….خد وجتك يا أبوي.
قضوا وقت طويل مع بعض وبعد وقت بسيط طلع سالم يرتاح من تعب السفر وكل واحد فيهم راح في مكان
خرج موسي عالجنينه الخاصه بالقصر يدور علي هريدي
موسي…هريدي واد ياهريدي راح فين ولد المركوب ده
جه بسرعه واحد من الغفر …تؤمر بحاچه يا موسي بيه
موسي…فين الواد هريدي
الغفير…كان بيفطر معانا وبعدين مسك الربابه بتاعته وشوفته راح علي الخلوه
موسي….ماشي روح انت
راح موسي يشوف هريدي
واللي بيعتبره موسي الصاحب والخادم الأمين والسر بتاعه ورغم طوله لسانه وكلامه اللي زي الدبش لكن موسي ميقدرش يستغني عنه .
راح موسي علي الخلوه بص من الشباك المفتوح لقي هريدي ماسك الربابه وأعد يدندن عليها ومندمج ومغمض عينه
موسي….بتعمل أيه عنديك يا واكل لسانك
فتح هريدي عينه بفزع
هريدي…وه !! فزعتني مش تخبط ولا تتنحنح عاد
موسي…معلهش جطعت حبل أفكارك وبعدين أكح ولا أتنحنح أيه يا ولد المركوب كانت خلوه اللي خلفوك دي عاد أيه اللي چابك إهنه يا واد.
هريدي…بثقه رجع بضهره مفيش جولت أچي أدق عالربابه في هدوء
موسي…عارف يا واد يا هريدي سعات أجعد مع حالي إكده وأسأل حالي أني أيه اللي مصبرني عليك مع أني ما بطجش حد يحكلي علي مناخيري
هريدي…بثقه ووصلت لأيه عاد🤔
بصله موسي بصدمه😳
شوف الواد هيتكلم أزاي
هريدي….وأني جولت أيه عاد أني بتساير معاك
موسي…أتساير يا خوي ماهي نجصاك عاد المهم أبدا يا هريدي بيه كل المشكله إني بتنيل بحبك ومجدرش أستغني عنيك
هريدي….بحب طيب عشان الكلمتين الحلوين دول هعملك أحلي كوبايه شاي
راح هريدي عمله كوبايه شاي بسرعه ورجع أدهاله
هريدي…خد
موسي…😳 ياواد أسمها أتفضل يا بغل
هريدي….أستغفر الله ميصحش اجولك أتفضل يا بغل.
موسي…يخربيت اللي جابو أبوك ياض انت غبي أجصد متجولش خد لحالها جول
حتي أتفضل خد
هريدي….بلماضه وهو حاطط صباعه في وسط راسه وهتفرج أيه عاد كلمه أتفضل لما فالأخر هجولك خد😏
موسي…بقله حيله مفيش فايده عاد ..شرب موسي من الشاي بمزاج وإعجاب
موسي…ياسلام بيتهيألي ياواد يا هريدي أنت مش فالح غير في حاچتين في حياتك تعمل شاي وتدق عالربابه.
هريدي…يبجي تحمد ربنا هنطمعوا😒
موسي…بأبتسامه علي جولتك كفايه جوي تبجي فالح في حاچتين
هريدي…عارف يا موسي بيه ساعات كتير لما أجعد مع حالي أفكر لو مكنتش أنت خدتني أعيش وياكم إهنه في الجصر بعد ما أبوي وأمي وأهلي ماتوا كنت هعمل ايه كان زماني جاعد في الشارع والخلج هتبيع وتشتري فيا.
موسي…أني أوعي علي أهلك من وأنا صغير طول عمرهم ناس طيبه وفي حالهم وأبوك كان راجل صالح وربي اجيال صغيره كتير في الکتاب وليه أفضال كتير علي أهل البلد ومكنش ينفع أسيبك بعد البيت ما وجع عليهم لچل عيون الراچل ده بس تعرف السؤال اللي هيچنني أزاي أهلك كلهم يموتوا وأنت تعيش🤔؟؟
هريدي…زعلان عاد أني عشت😒 أني يومها كنت بلعب في الشارع اللي ورانا وسمعت وجتها صوت هبد كبير وصوات في الشارع جريت لجيت البيت والأرض حته واحده أبويا وعمامي وأمي وأخواتي كلهم تحت الأرض ميتين
موسي….ساعتها اني جولت لأبوي يچيبك أهنه ومن يومها وانت جاعد علي جلبي مجدرش أستغني عنيك
هريدي…وجتها أني كنت أعرف بدر الهواري وكان بيحبني جوي وطلب من أبوه يخدني عنديهم عشان مبجاليش حد ولا حتي مطرح بس عتمان رفض وجاله كلمه عمري ماهنساها جاله مين ده اللي يدخل جصر هواره يكش يغور كيف ما أهلوا غاروا ووجتها وهبه بيه وافج أنك تاخدني أعيش معاكم
موسي…عتمان الهواري طول عمره جاسي وجلبه حچر
هريدي…صحيح يا موسي بيه أني اعرف ان بينكم تار جديم ومصانع الحداد ومحدش فيكم بيطيج التاني وعارف كمان أنك بتحب بدر الهواري والوحيد في عيله هواره الشهاده لله اللي طيب وبعيد عنيهم وعن شرهم بس السؤال بجي لما أنتوا أتصالحتوا من زمان ليه سر الكره اللي باين في عيونهم ده وخصوصا كره حمدان ولد هواره ليك
موسي…جبل ما أچاوبك بدر ده كان صاحب عمري ومازال هو فعلا غير عيلته لكن اللي تشبهه في جمال ونضافه جلبه عطر أخته وكمل بشرود عطر دي متشبهمش واصل يا هريدي كنها ملاك نازل من السما
هريدي…حط ايده علي خده وأيه كمان🤔
أنتبه موسي….أبو اللي چاب أبوك خلاص مهكملش حديت
هريدي…خلاص خلاص حجك عليا كمل مش هجاطعك تاني عاد
سكت موسي شويه ورجع كمل كلام.. كيف ما بتجول العيلتين أتصالحو من زمان لكن صوح محدش فينا بيطيج التاني كل واحد في العيله دي شايل من حد من عندينا ومن غير أي سبب
عتمان بيكره أبوي ونفسه يفرح فيه بأي طريجه عشان أبوي محبوب من الكل ولسانه زين مع كل الخلج وعمره ما ظلم أو أفتري علي اي حد واصل أما عتمان مكروه من الكل حتي الهواره نفسهم بيكرهوه وبيخافوا منيه ومن ظلمه بيعملوله ألف حساب مش احترام لكن خوف
أما بجي بخيته مراته فالكره للشرفا وراثه من يوم ما أخوها أنجتل وعم زكريا الله يرحمه مجدرش يحميه وهي شايفه هي وامها الله يرحمها ان لينا يد في جتله وكمان طول عمرها بتكره أمي حتي لما كانت تجابل أمي تكلمها عادي بس كرهها باين في عينها متعرفش تخفيه بس لما سألت أمي جالتلي أن بخيته كانت بتحب ابوي لكن أبوي كان بيحب امي وأتچوزها ومن يومها بخيته شايفه أمي عدوتها وشايفه أنها خدت أبوي منيها أما بجي أبنهم هيبه ده شيطان في صوره بني ادم ما بيطجش سالم أخوي بالرغم أن هو وسالم في فرج بينهم في العمر بس هو شايف أنه فاشل وسالم أحسن منيه أتعلم وبجي دكتور وهو خرج من التعليم بدري معاه أبتدائيه طول عمره فاشل و خسيس يجري ورا النسوان والشرب وأعده الجهاوي بايظ من يومه عتمان عمره ما أهتم بتعليم ولاده اللي كان يجول فيهم مش عايز يكمل كان يسمع كلامه عكس أبوي أني الحمد لله معايا بكالريوس تجاره سالم دكتور چراح حتي مهران اخوي كان معاه ليسانس حجوج وفرحه خلاص جربت تخلص أداب أثار يمكن أمي كانت عايزه تجعدها بس أني رفضت وسبتها تكمل علامها
فاهيبه بيحجد علي اي حد متعلم او حتي أحسن منيه لكن كرهه الأكبر من نصيب سالم أخوي
أما حمدان بجي…ده جصه تانيه لو يطول يطخني عيارين ماهيتأخرش عامل كيف أمه تشوفه وتشوف طريجته معاك تجول طيب وبيحبك لكن اللي في الجلب هيطلع علي العين حمدان بيكرهني عشان أني الكبير طبعا أبوي الله يطول في عمره كبيرنا لكن هو خلاص تعب سلم كل حاچه ليا فاده مضايجه حمدان كيف ابوه محدش هيحبه ظالم ومفتري وبيحط يده علي اي حاچه تعچبه ياما خد أراضي من ناس غلابه كل اللي حداهم كام جيراط ومن غير رحمه يرميلهم شويه ملاليم وياخدها بالعافيه عشان بس عچباه عايز يمتلك أكبر كميه من الأراضي عشان يجوي أكتر ويسيطر علي البلد كلها أول ما يعرف اني هشتري أرض يجري يسبجني قبل ما أشتريها لكن علي مين عايز يبجي أحسن مني بأي طريجه بس حب الناس مش سهل تمتلكه بسهوله
اما بدر بجي طيب ومش شبههم لكن هو من الأساس مكروه من أخواته نفسهم عشان حبه ليا وعشان هو الوحيد فيهم اللي متعلم بيچوا عليه عشان طيب وديما ياچي ينبهني من حمدان وأي أرض بحاول أخدها حمدان يچري جبلي عشان يحط يده عليها ويتفاچئ أني مخلص فيها وطبعا بدر السبب في ده ولولاه مكنتش هعرف حمدان بيفكر كيف
هريدي..طيب وعطر
موسي…أتحشم ياواد ومتنطجش اسمها علي خشمك
هريدي…جصدي ست عطر ومن غير يعني ما تتعصب أني يعني حاسس أنك بتحبها 🙄
موسي…بحزن حتي لو بحبها أيه الفايده اللي بينا أستحاله يتحسن عطر كيف بدر زي ما جولتلك طيبه ومش شبههم وهما بياچو عليها عارف أني لو روحت طلبتها هيوافج عتمان من غير تفكير عشان تكون درجه يوصلنا بيها مع اني أشك أن حمدان هيوافج عشان يحرج جلبي.
أمها مورياها الويل عشان رافضه تتجوز وهي صابره ومستحمله
هريدي…طيب ما انت لو بتحبها أطلبها وأرحمها من العيله دي
موسي…هعمل أكده بس مش الوجت في حچات كتير لازم تتظبط الأول وبعدها أفكر في حكايه الچواز دي وأنتبه موسي أنه أعد يحكي مع هريدي أتحول فجأه
موسي..وه 😡أنت جاعد يا واد تحجج معايا كيف وكيل النيابه جوم فز من جدامي.
هريدي…بتبجي زين وفجأه تجلب عليا😒
موسي…أبو اللي چاب أبوك أني ماشي خالص من جدامك
خرج موسي من الخلوه وطلع فوق علي أوضته يرتاح شويه قبل السحور
……….
في قصر هواره في المضيفه
كان جالس عتمان وابنه الكبير حمدان وبدر الصغير
عتمان بعصبيه..كيف يعني سعد عايز يبيع أرضه للشرفا أتجنن ده أياك
حمدان…جولتلك يا أبوي أطخه عيار ونخلص منيه
بدر..بغضب كيف يعني تطخه لاهو كان فروچ اياك
حمدان…ماليكش صالح أنت يا بدر أطلع منيها ولا انت فرحان عشان موسي عايز ياخد أرضنا
عتمان…بلا حديت ماسخ منك ليه خلينا في موضوعنا أعرض عليه مبلغ أكبر شويه زوده يا حمدان
حمدان…ايه يا أبوي هنركب سعد العفش ده علينا ولا أيه
عتمان…ياولدي لچل الورد ينسجي العليج
حمدان..وأن ماوافجش هنعملوا ايه عاد
عتمان…هيوافج ورجله فوج رجبته
وإن موافجش نفذ يا ولدي
بدر…هو ايه اللي لو ماوافجش نفذ ياولدي أنت هتعوم علي عومه يا أبوي
عتمان…بغضب بدررررر خلي بالك من حديتك
بدر…مجصدش يا أبوي حجك عليا بس يا أبوي الأمور ما هتتاخدش إكده
حمدان ..أمال هتتاخد كيف يا خريج المدارس
بدر…في حاجه أسمها عجل وحكمه چرب تعرف معروض عليه كام وأديله أزيد من المعروض عليه لكن انت الجتل عنديك أسهل من التفكير يا حمدان
حمدان…سعد العفش ده ما هيساومنيش اني ولا هيطول غير اللي هجول عليه أما بجي حكايه الجتل بصله وكأنه بيلمح علي موسي في أشكال أكده يا أخوي ماهتلدش عليا ومهحبهمش لله في لله وأخرهم عندي طلجه ونخلص منيهم بس كله بأوانه وأبتسم أبتسامه سخريه.
بدر….بأبتسامه قرف مش بجولك يا حمدان الدم عنديك أسهل حاچه ماشي تجتل في الخلج كأنهم لعبه في يدك مابحسش أنك مبسوط غير لما تشوف الدم كنك بتلعب لعبه وكل ما تموت حد فيها بتشحن بيها روحك وتزود عمرك مع نجصان عمر أخصامك😏
حمدان….عليك نور أنت إكده فهمتني في الوقت ده دخل هيبه
هيبه…سلام عليكم متچمعين عند النبي
عتمان…عليكم السلام خليك انت إكده داير تلف وتتسرمح ورا الحريم وسايبنا إكده كنت فين يا هيبه
هيبه..أيه اللي حوصل عاد أني جايبلكم خبر حلو المهم في ايه
عتمان..سعد عارض الارض للبيع وموسي ولد وهبه عايزها
هيبه…وكيف سعد ولد المركوب ده يبيع لموسي زودله المبلغ وإن موافجش عيار صغير نطخه بيه ونخلص
حمدان وهو بيبص لبدر بأستفزاز جولتش حاچه أنا؟
هز بدر راسه بقله حيله
هيبه…بسخريه ليه هو الأستاذ بدر عنديه كلام غير ده ولا أيه
حمدان…زعلان يا أخوي وبيجولي أسهل حاچه عنديك الدم وجاعد يسمع أخوه الكبير حديت خايب وماسخ وشكله زعلان عشان عايزين ناخد الارض من موسي أصله صاحبه😏
هيبه…المصلحه مفيهاش أصحاب يا بدر واطلع منيها انت بدل ما أحزنك علي صاحبك جبل ما أخلص علي سعد.
بدر…بغضب قام وقق وبصله بتحدي چرب تعملها يا هيبه واللي خلجني وخلجك أنجس يدي بالدم كيفكم بس المرادي هنجسها بدمك
هيبه….بغضب أنت أتچنيت أياك عايز تجتل أخوك يا بدر عشان موسي هي حصلت طيب أسمع يابدر بلاش تعصبني أحسن وشرفي أجتلك جبل ما أجتله
خبط عتمان بقوه عالتربيزه بايده
أجعد انت وهو عاد أيه هتتخانجوا جصادي خلاص مبجاش ليكم كبير واجفين جصاد بعض وهتجطعوا في بعض جدامي عشان خاطر ولد وهبه
هيبه….مأنتاش سامع كلامه اللي يفور الدم يا ابوي
عتمان…خلاص يا هيبه وأنت يا بدر بلاش تخليني أجلب عليك أنت خابر جلبتي زين مين موسي ده اللي يخليك توجف لأخوك وتهدده بالجتل أعجل يابدر.
بدر…يشيل موسي من راسه الأول يا أبوي ويبطل يحجد علي خلج الله
عتمان…اني اللي عندي جولته أجعد أنت وهو خلونا نكملوا حديت
أعد بدر غصب عنه كان نفسه يسبهم ويمشي لكن فضل عشان يعرف بيخططوا لأيه.
عتمان..جولي يا هيبه أيه الخبر اللي هتجول عليه ده
هيبه..سالم أبن وهبه سكت وبص لبدر بتحدي وأبتسامه سخيفه دكتور سالم أخو موسي وصل أنهارده من مصر وجاعد معاهم طول الشهر وشكل إكده هنتسلوا صوح
بدر…مفيش فايده فيك وده عملك أيه ده كمان عشان تتسلي صوح.
هيبه..عايز أكسر شوكته عشان يبطل يتباهي عالخلج بشهادته.
بدر..سالم محترم وعمره ما أتكبر علي حد ولا أتباهي بشهادته كيف ما بتجول وبترمي بلاك عليه وحتي لو بيتباهي أيه اللي مزعلك ومين عينك واصي عليه عشان تكسر شوكته كيف ما بتجول وحتي يا سيدي لو بيتباهي بشهادته حجه وكمل وهو قاصدكلامه حجه يتباهي ويفتخر واحد متعلم ومعاه شهاده ودكتور كد الدنيا مش چاهل ومعهوش شهاده وماشي ورا الحريم وهيرمي بلاه عالناس.
قام هيبه وهو شر الدنيا بيتطاير من عينه وكأن بدر أصاب نقطه النقص عند هيبه
هيبه لا أنت عايز تتربي صوح
قام عتمان وقف بينهم بسرعه
عتمان..جرا ايه هتمسكوا في بعض جدامي خلاص عدمتوا كبيركم
هيبه..مش شايف يا أبوي تلميحاته اللي كيف وشه
حمدان..بدر زودها يا ابوي هيبه عنديه حج
عتمان…جرالك ايه يا بدر نسيت أنهم أخواتك ولا ايه
بدر…لا يا أبوي منستش بس يظهر إكده أن هما اللي نسيوا أني أخوهم
هيبه..بغضب أدعي ربنا أني منساش أنك إخوي عشان لو نسيت يا بدر صدجني واللي خلجني وخلجك هحزنك علي عمرك☝️
بصله بدر بقرف من غير ولا كلمه وبص لأبوه بعد أذنك يا أبوي خرج بدر من المضيفه وهو علي أخره وأول ما خرج شاف حريم الدار كلهم واقفين بخيته والدته وعطر اخته وهنيه مرات هيبه وسهير مرات حمدان وهاجر مراته سمعوا كل اللي دار بينهم بسبب صوتهم العالي سابهم بدر وخرج علي الجنينه وهو باين علي ملامحه الغضب
جريت وراه هاجر وعطر وهنيه
ودخلت بخيته وسهير علي المضيفه.
بخيته..في أيه صوتك عالي ليه إكده
عتمان…تعالي أجعدي يا بخيته
هيبه..شوفتي ولدك يا أما واجف جصادي عشان أبن چليله
عتمان…ياواد أجعد ميبجاش دمك حامي إكده اللي أنت عايزه هيحصول
حمدان…يا ما نفسي أشوفه واجع جدامي وروحه متعلجه لا هو طايل موت ولا طايل حيا 😡
سهير..مالك بس معكر دمك ليه عاد بالهداوه اللي انت عايزه هيحصول بس روج إكده
عتمان…جوليلهم يا سهير يابتي
بخيته…ماعاش ولا كان اللي يعكر مزاجكم وأنت يا عتمان لازم تشد علي بدر انا معوزاهوش ليه صله بأبن چليله ده واصل داهيه تاخده هو وأمه أني نفسي أشوفها جدامي جلبها مفتور علي ولدها نفسي أشوف وچع الجلب صايبها😡
عتمان…هيحصول يابخيته بس بالهداوه ولو علي بدر سيبوه مينفعش اجوله كلم مين ومتكلمش مين ولدك مبجاش صغير ده أولآ أما ثانيا قربه من موسي في صالحنا عشان لما نضرب ضربتنا الشبهه تبعد عنينا يا بخيته أني مش عايز دم تاني لو فوتنا في سكه الموت دي من تاني ماهنخلصش ووهبه ما هيسكتش علي دم ولده ووجتها هنحيي التار من تاني وأني وانتي مش حمل الوجع علي حد من عيالنا
بخيته بفزع…بعد الشر عنيهم تف من خشمك
حمدان…متخافيش يا أما ولادك أسود
هيبه…صحيح يا أما أيه سر كرهك لچليله
أرتبكت بخيته وكأن السؤال جالها في مقتل لكن حبت تخرج منه بسرعه بذكاء
بخيته….شايفه حالها وديما بتحاول تبان الكبيره والنجع كله تحت إشاره منيها عايزه أكسر سمها وأذلها وأوجع جلبها
حمدان …هيحصول ياغاليه وهزعلها علي حبيب الجلب جريب ومهيبجاش في كبيره غيرك
هيبه…جصدك حبايب الجلب أوعاك تنسي الدكتور بس همله عليا التحيه بتاعته عندي
ضحكوا كلهم بشر وحقد وسواد لا يليق إلا بقلوبهم.
…..
اما في الخارج خرج بدر وهو علي أخره
عطر…بدر يا بدر أستني رايح فين
بدر…همليني الوجت يا عطر أني مطايجش حالي
عطر…أستني يا اخوي الله يخليك هتروح فين بس
بدر….لازمآ أحذر موسي ياعطر أخواتك ما هيچيبوهاش البر الحقد مالي جلبهم الأسود وأبوكي فرحان بيهم وأمك طبعا هتشجعهم
هاجر…بلاش يا بدر الله يخليك أحنا مش حمل جلبت أخواتك علينا
بدر…عيزاني اعرف يا هاچر ان صاحب عمري في خطر وأسكت
هاچر ..مجولتش إكده بس أني خايفه علي ولادي وعليك يا بدر غصب عني حمدان وهيبه طبعهم واعر
عطر…بحزن هو حوصل ايه لده كله موسي طيب وفي حاله ليه حاطينه براسهم
كل ده عشان الارض كلمه يا بدر خليه يصرف نظر عن الأرض دي
بدر…أنتي طيبه يا عطر لا هو انتي فاكره أن اخواتك هاممهم الارض كيف ما بيجولوا حمدان اللي يهمه أي ارض موسي يحط عينه عليها عشان بس يجهره ويضايجه عشان هو من الاساس ماهيحبهوش وبيغير منيه يعني الجصه مش جصة أرض موسي بالارض من غيرها هو في خطر حمدان مش هيسيبه وأبوكي لادد عليه اللي حمدان بيعمله عشان يجهر وهبه وأمك عشان تحرج جلب چليله وهيبه أخوكي مش هامه كل ده اللي هامه يوجع سالم ويجتله بعدها أخواتك مش شايفيين ولا سامعين حد غير صوت نفسهم وبس.
عطر..بوجع يبجي لازم موسي يعرف يابدر
هنيه…بحزن وخوف بتحاول تخفيه صوح يا بدر موسي لازمآ يعرف حمدان واعر وهيبه چوزي وأني عرفاه الحجد مالي جلبه ويوم ما بيحط حد في راسه ماهيسبهوش
هاچر..بس أني خايفه أني سمعت هيبه وهو بيهددك بالجتل يا بدر
عطر..جتل ايه عاد هيجتل أخوه كمان يبجي أتچنن ده حديت خايب بيجوله لحظه غضب
هنيه…لاه يا عطر هيبه جاسي ويعملها مش هيبه اللي يفرج معاه اخوه
هاچر…شوفت يا بدر أها هنيه مرته وبتجول نفس كلامي
بدر…متخافيش عليا إن شاء الله ربنا هيلحها من عنديه
عطر…بحزن عن أذنكم هطلع اريح فوج شويه
هنيه…خديني معاكي ياخيتي
طلعت عطر وهنيه وفضلت هاجر مع بدر ساكته وسرحانه
بدر مسك ايدها بحب
متخافيش علي العيال يا هاچر
هاجر…اني خايفه عليك يا بدر لو جرالك حاجه هروح فيها ومهجدرش اعيش لحالي من غيرك
بدر…يابت جولتلك متخافيش وبعدين كيف ما عطر جالتلك ده كلام خايب طالع من هيبه لحظه غضب يعني ماهيجدرش يعمل حاچه أني أخوه يابت
هاچر…لاه يا بدر حمدان وهيبه مش كيفك أنت وعطر كنكم من أب وام تانيين هما طبعهم صعب وجلبهم جاسي
بدر…متخافيش يا هاچر محدش هيموت ناجص عمر خليها علي الله يابت
هاچر…بخوف ونعم بالله
……..
في غرفه عطر
هنيه…وطي صوتك يا عطر لو حد طلع وشافك هتبكي أكده هنروح في داهيه
عطر…عيزاني أعمل أيه ياهنيه أعرف ان موسي أخواتي عايزين يجتلوه وأفرح
هنيه…بخوف وطي صوتك يا خيتي الله يخليكي أسمعي يا عطر موسي ماهيجرالوش حاچه طول ما أني عايشه أنتبهت هنيه علي الجمله اللي خرجت منها
هنيه…أجصد يعني طول ما اني عايشه مع هيبه هعرف ايه اللي بيفكر فيه هو وحمدان أول بأول وهبلغك انتي وبدر وبدر وجتها يتصرف
عطر..بدموع اني خايفه عليه ياهنيه
هنيه…متخافيش ياخيتي ان شاء الله ماهيصيبوش مكروه وابتسمت هنيه بوجع جهلته هنيه ..بتحبيه جوي أكده ياعطر
عطر…بحبه بس موسي الراچل الوحيد اللي دخل جلبي اني فتحت عيوني علي عشجه ياهنيه
هنيه…وهو كمان شكله بيعشجك يابت يابختك كان نفسي حد يحبني كيف ماهو بيحبك إكده بس نعمل ايه ربنا رزجني بأخوكي عاد 😒
أبتسمت عطر غصب عنها هتحسدينا إياك عالحب
هنيه…بحب لاه والله ماجصدي ربنا يخليهولك أنتي خيتي ياعطر واتمني أشوفك فرحانه وسعيده
عطر…يابت اني بضحك معاكي اني عارفه أنك بتحبيني من جلبك انتي وهاچر اخواتي اللي ربنا عوضني بيهم
هنيه…ربنا يديم بينا الحب يا خيتي
عطر…هو اني ليه يا هنيه دايما حساكي حزينه
سكتت هنيه بحزن..عادي ياعطر محدش بياخد كل اللي عايزه في الدنيا
عطر…هي حكايه الخلفه دي مضيجاكي اني عارفه.
هنيه…هتصدجيني لو جولتلك لاه صوح اني نفسي اكون ام بس لما بجعد أفكر مع حالي أجول لو ربنا رزجني بعيال كيف هجدر اربيهم مع أخوكي هيبه طبعه صعب يا عطر أخاف أچيب عيال أظلمهم معايا
عطر…ربنا يريح بالك يارب يا خيتي وأشوفك أسعد الناس
هنيه…ربنا يخليكي ليا يلا ههملك بجي لحالك وبطلي بكي ونواح عاد
عطر..بأبتسامه ماشي
خرجت هنيه راحت علي أوضتها ودخلت علي الحمام الخاص بأوضتها قفلت وراها وأنفجرت من العياط وكأنها بقالها سنين معيطتش بصت في المرايا تكلم نفسها
بتسأليني ليه دايما حزينه ياعطر ؟ طب أجولك أيه يا خيتي أجولك أن حبيبك هو حبيبي أجولك اني ما هشوفش في حياتي راجل غيره ولا أجولك أن لما أخوكي بيجرب مني بتخيله موسي عشان ميحسش اني رفضاه وسري ينكشف ولا أجولك اني أتمنيت موسي يعرف حتي اني بحبه ونفسي يحبني ربع حبه ليكي ولا أجولك أني مباجتش أطيج أهلي عشان غصبوني علي جوازتي من أخوكي ولا أجولك اد ايه انا جلبي مخلوع عليه وخايفه يصيبه مكروه وان خوفك عليه ميچيش حاجه جمب خوفي عليه ولا أجولك اني بواسيكي واني عايزه اللي يواسيني ويطبطب عليا ولا أجولك اني حرمت نفسي بيدي من النعمه اللي ربنا عطاها لكل الستات أني أبجي ام واني منعت نفسي بكيفي عشان مش عايزه عيال تربطني أكتر بأخوكي
ولا أجولك اني كارهه نفسي عشان حاسه اني بخونك بس والله ياعطر اني حبيته من جبلك غصب عني يا خيتي أجولك ايه ولا أيه ياعطر الصبر من عندك يارب💔
عدي اليوم علي الجميع لكن عدي بكره وحقد وتربص علي البعض وخوف وقلق علي البعض الاخر
أما في قصر وهبه عدي اليوم بحب وسعاده وفرحه برجوع سالم..
……………
موسي…مالك يا عطر حزينه ليه؟
عطر…خايفه يا موسي
موسي…خايفه وأني چمبك
عطر…خايفه النصيب يفرجنا
موسي…مفيش حاچه ممكن تفرجنا عن بعض أبدا
عطر…أوعاك تهملني يا موسي أني مليش غيرك اوعاك تهملني لراچل تاني
موسي…محدش يجدر ياخدك مني ياعطر غير الموت
أبتسمت عطر وأبتسم موسي وفجأه صحي علي صوت والدته..
چليله …موسي موسي جوم يا ولدي
فتح عينه بأبتسامه…صباح الخير ياست الدار
چليله…صباح الرضا يا سيد الناس أيه مين دي اللي بتحلم بيها
موسي….بأبتسامه أنتي جاعده بتراجبيني ياچليله وأني نايم أعده من ميته أهنه؟
چليله…اني صليت الفچر وچيت عليك ومن وجتها وأني أعده أطل في وشك
قام موسي أعد مسك أيدها باسها وبصلها ربنا يخليكي ليا يا ست الدار ..بس اني اكده أتعودت خلاص أصحي علي وشك جدامي هعمل ايه اني عاد لما أتچوز
چليله…أبجي طل في وش مرتك وجتها هتبجي راحت علي چليله.
موسي…انتي ميتراحش عليكي يا چليله أنتي جاعده چوه جلبي وماسكه بابه في يدك تدخلي معاكي اللي يلد عليكي واللي ما هيلدش ماهيدخلش جلبي.
چليله…طيب ما تجولي مين اللي كانت في منامك عاد وراسمه علي وشك الضحكه مش يمكن تلد عليا وأدخلها جلبك تشاركني فيه
موسي ..بأبتسامه حزن مفيش يا أما
چليله…من ميته بتخبي عن چليله دي سرك يا واد
موسي….ماهخبيش يا أما بس صدجيني ما هينفعش الموضوع من الاساس ما ملهوشي عوزه أتكلم في حاچه ماهتنفعش.
چليله…وأني عايزه أعرف ياسيد الناس
موسي…سكتت كتير ورجع بصلها…عطر يا چليله عطر بنت عتمان الهواري
بصتله جليله بصدمه ورجعت بسرعه أبتسمت عشان متزعلهوش ولما هي عطر فين المشكله عاد عطر دي ست البنات بت زينه واني بحبها.
موسي….عليا اني يا چليله مااني عارف اللي فيها من زمان وغير كل ده حتي لو انتي وأبوي موافجين مهينفعش محدش عنديها هيوافج.
چليله…سيبك من اللي حوصل زمان البت ملهاش ذنب ولا انت كمان وبعدين يرفضوا ليه أن شاء الله هما يطولوا يناسبوا موسي ولد وهبه كبير البلد ولد الشرفا
موسي..لا يا چليله بس حمدان يكره العما ولا يطيجني ما انتي خابره زين وابوه هيمشي وراه
چليله..أسمع يا ولدي هجولك كلمتين لو عاشجها صوح وهي عشجاك أوعاك تفرط فيها يا ولدي وأعمل أي حاچه عشانها ولو عايز رأيي هيوافجوا وماهيصدجوا كمان وحتي لو كيف ما بتجول أن حمدان ماهيحبكش بس كمان متنساش ان نسبك ليه شرف وهو يحب مصلحته ومهيضيعش الفرصه دي واصل حاول يا ولدي أنوي وفاتح أبوك ونطلبوها وان رفضوا كيف ما جولت ماتبجاش ظلمتها ولا ظلمت حالك علي الأجل تكون حاولت متفرطش فيها وان وافجوا بعيد عن اللي حوصل زمان اني هكون فرحانه جوي البت زينه وجمر ادب وأخلاج وجمال ملهاش دعوه بعيلتها السو دي واصل هي وبدر لسانهم طيب وولاد حلال وصراحت ربنا اني بحبهم
موسي..اللي فيه الخير ربنا يجدمه يا أما أدعيلي.
چليله…أني عايشه عشان أدعيلك يا سيد الناس
موسي..ربنا يطول في عمرك ومتحرمش من دعواتك أبدا
چليله..يلا جوم أتسبح محضرالك الحمام والخلجات كمان
أبتسم موسي بحب وباس أيدها تسلم يدك يا چليله
چليله..جولي صوح عايز تاكل ايه عالفطار
موسي..باس ايدها مره تانيه كل اللي ياچي من يدك حلو ونعمه يا چليله كفايه أنه يتعمل بيدك
چليله..اهو عشان الكلميتن الحلوين دول كل الوكل اللي هتحبه هيتعمل يلا ههملك عشان تتسبح وتجهز لشغلك
موسي..ماشي يا چليله
عدي وقت بسيط نزل موسي
موسي..اني خارج يا چليله عايزه حاجه
چليله..عيزاك طيب وتخلي بالك عالمحمول مش كل يوم توچع جلبي
موسي..سلامت جلبك من الوچع يا ست الدار حاضر ياستي چوليلي فين ابوي ومهران وسالم
جليله..أبوك في المضيفه بيقرأ قران وسالم لساته في الاوضه نايم ومهران خرج من شويه راح عالارض
موسي..ماشي هروح أصبح علي ابوي واطلع علي مهران.
چليله..ماشي يا ولدي خلي بالك من روحك
موسي..بحب سلام عليكم
جليله..عليكم السلام يا سيد الناس ووقفت تمطر عليه بدعاويها اللي مبتخلصش
راح موسي علي المضيفه
موسي..صباح الخير يا كبير
وهبه..صدق الله العظيم صباح الخير يا ولدي
موسي..اني رايح عايز مني حاجه
وهبه..هتاچي ميته يا موسي
موسي..هاچي جبل الفطار في حاچه ولا أيه؟
وهبه..عايزك تيچي بعد العصر في چلسه هتتعمل وعايزك تحضر
موسي..چلسه صولح دي ولا أيه
وهبه..لا مش صلح بس في مشكله مع ولاد حاچ أسماعيل
موسي..ده أبوهم لساته ميت لحجوا يكون في بيناتهم مشاكل
وهبه..عالورث ياولدي
موسي..جولت إكده خلاص هكون عنديك علي صلاه العصر
وهبه..ماشي يا ولدي يلا أتوكل أنت علي الله شوف شغلك
خرج موسي بعد ما باس راس وهبه وراح عالارض وخد معاه دراعه اليمين هريدي.
……
في قصر عتمان
عطر..إصباح الخير يا أما إصباح الخير يا سهير
بخيته وسهير ردوا التحيه
عطر..أساعدك في حاچه يا أما
بخيته..لا ياعطر تعالي بس شوفي مرت أخوكي مالها
عطر..مالك يا سهير
سهير..بتمثيل ماعرفش يا عطر حاسه أني دايخه ونفسي غامه عليا معدتي مش علي بعضها
بخيته..بفرحه تبجي حامل ياسهير
سهير..حامل ايه ياحماتي بس
بخيته..مش بتجولي دايخه ونفسك غامه عليكي تبجي حامل يامرت الكبير
سهير..يامري وده وجته عاد
بخيته..وموجتوش ليه أني عايزه البيت ده يتملي عيال أسمعي عيزاكي ترتاحي ومتجوميش
سهير..بس احنا لساتنا في أول رمضان والحمل إكده هيبجي تجيل
بخيته..مالكيش صالح لو علي شغل البيت الشغالين مالين الدار والشغل يتجسم بين عطر وهاچر وهنيه
دخلت هنيه في الوقت ده صباح الخير
بخيته..بسخريه تعالي يا هنيه مش تباركي لسلفتك
هنيه..بأبتسامه هاديه مبروك يا سهير خير أن شاء الله
أبتسمت سهير بغيظ وغل
بخيته..سلفتك حامل هتچيب الخامس في وش العدو
هنيه..مبروك يا سهير ربنا يجومك بالسلامه
سهير..بكيد عوجبالك ياهنيه..وه جصدي ربنا يراضيكي
هنيه..بحزن الله يخليكي
بخيته..شايفه يا هنيه سلفتك هتچيب الخامس وأنتي معرفاش تشدي حيلك وتچيبي حتي واحد
بصت عطر لامها بلوم
هنيه…دي إراده ربنا يا حماتي ملياش صالح فيها ربنا لسه مأرادش هندخلوا في إراده ربنا
بخيته..أيه هتجفي تديني درس في الدين أياك
هنيه..العفو ياحماتي اني بس بجولك أن دي أراده ربنا وأني مليش يد فيها
بخيته…اهو دي اللي انتي فالحه فيه أنما تحبلي كيف الحريم معرفاش ارض بور صوح😏
دخل هيبه في الوقت ده
هيبه..صباح الخير يا أما
بخيته..إصباح الخير يا ولدي
هيبه..بص لهنيه لقاها دموعها نازله مالك يا هنيه هتبكي ليه؟
بخيته..مرتك زعلانه عشان بجولها تشد حيلها وتحبل كيف الحريم مرت أخوك حبله وهتچيب الخامس
هيبه..بجد مبروك يا سهير ورجع بص لهنيه وأنتي جالبه وشك ليه عاد أمي مجالتش حاجه غلط
بخيته..جولها يا ولدي.😏
وكالعاده وبكل قسوه داس هيبه علي هنيه أكتر ادام الكل ومن غير رحمه
هيبه..بتقليل من هنيه سيبك منيها يا أما هنيه مافيش أمل فيها خلاص
نزلت دموع هنيه بحرقه وخرجت بسرعه من المطبخ أبتسمت سهير بشماته
عطر..ليه أكده يا اما ليه يا هيبه حرام عليكم
بخيته..حرمت عليكي عيشتك وأني عملت أيه عاد
عطر..كسرتي بخاطرها يا أما يعني هو بمزاچها أنها متحبلش كيف باجي الحريم ليه ديما تسمي بدنها وتجهريها يعني انا لو مكانها يا أما ترضيها عليا
بخيته..بعد الشر عنك تفي من خاشمك أنتي زينه أنما هنيه أرض بور
عطر..وأيش عرفك أني زينه دخلتي في علم ربنا يا أما مش يمكن أطلع اني كمان ارض بور واللي بتعمليه مع هنيه ربنا يردهولك فيا بلاش كل شويه توچعيها بالكلام وانت ياخوي هنيه غلبانه وطيبه ماهتلاجيش زييها حرام تكسر بخاطرها
هيبه..كسر راسها سيبك منيها بوز الأخس دي ومن وجع الدماغ ده أني خارج ياما عايزه حاجه
بخيته..عيزاك تدور علي عروسه زينه ياولدي تچبلك حتت عيل جبل ما تكبر ولو علي السرمحه بتاعتك ورا النسوان خليك كيف ما أنت بس هاتلك كام عيل يا ولدي
هيبه..أن شاء الله يا أما سبيني بجي اروح لحمدان عشان رايح معاه لسعد الزفت كيف ما جال أبوي
بخيته..ماشي يا ولدي طريج السلامه
مشي هيبه وخرجت عطر من المطبخ بحزن علي معاملتهم لهنيه و طلعت بسرعه تطيب بخاطرها لقتها بتعيط خدتها في حضنها من غير ولا كلمه وفضلت تواسيها💔😔
الحلقة 2
.
ست الدار
رواية ست الدار الحلقة الثانية
في دار سعد الهواري.
حمدان..ها ياسعد جولت أيه؟
هيبه..هيجول أيه عاد هو المبلغ اللي عارضينه عليه شويه
سعد..ياحمدان بيه الأرض تساوي أكتر من إكده وأنت عارف
هيبه…بجولك أيه يا سعد أحنا چاين أنهارده بأمر الكبير وأني عن نفسي مكنتش عايز أچي عصرت علي نفسي لمونه عشان أچي وأجعد الجعده دي وشايف إن المبلغ كمان كتير عليك جصره ده أخر سعر للارض معايا
وأعمل حسابك موسي ولد وهبه لو خد منيك الأرض دي متلومش غير حالك
حمدان…وهو بيحط رجل علي رجل بتكبر أيه جولك يا سعد
سعد…هيبه بيه چاي يهددني في داري عشان عايز حجي اللي يرضي ربنا في تمن الأرض وتسألني جولت أيه يا حمدان بيه
هيبه….أعتبره زي ما تعتبره بس اللي جولته هيتنفذ
سعد…وده في شرع مين ياهيبه بيه
حمدان وهو بيخبط بعصاه علي الارض في شرعنا ياسعد أوعاك تكون فاكر أني هعرض عليك كيف ما موسي عرض موسي عرض عليك المبلغ ده عشان بس ياخد أرضنا
سعد…بس موسي بيه معرضشي بالعكس اني اللي طلبت السعر وهو وافج
هيبه…الكلام خلص يا سعد دورها في راسك زين وخليك ذكي عشان مفيش عندينا حل تاني معاك لأخر رمضان يا توافج يا متزعلش بجي من اللي هعمله😡 شد هيبه جلبابه بعنف وخرج من البيت
وقف حمدان بص لسعد أوزن الأمور وأكسبنا وبلاش تشتري عداوتنا يا سعد عشان أحنا عداوتنا واعره خرج حمدان ورا هيبه وساب سعد واقف يفكر وفي قلبه شئ من الخوف.
في الأرض عند موسي.
مهران…موسي خد الورج ده أني خلصته راچع عليه جبل ما أبوي يشوفه
موسي…تسلم يدك يا مهران هراچعه وراك وهديه لأبوي يمضي عليه لما أرچع
مهران..ماشي عايزني في حاچه
موسي..علي فين؟
مهران..هفوت علي حاچ رمزي عشان أخد باجي فلوس المحصول وبعدين أطلع علي الدار عشان الجاعده اللي أبوي عاملها بتاعت ولاد أبو أسماعيل
موسي…ماشي أني كمان شويه وهحصلك علي هناك هخلص شغل وأشوف الغفر وأچي وراك.
مهران..ماشي سلام عليكم
موسي..عليكم السلام
مشي مهران واعد موسي يكمل شغله
……..
في قصر عتمان الهواري
دخلت عطر تلبس عبايتها عشان تروح لموسي
خرجت بعد قليل نزلت تحت كانت بخيته أعده هي وسهير
بخيته…علي فين ياعطر
عطر…بأرتباك أبتسمت غصب عنها أبدا يا أما أصل أني شوفت وصفه حلوه جوي جولت أعملهالكم بمناسبه حبل سهير وجولت أروح أشوف الحاچه اللي ناجصه يمكن ألحج أعملها جبل الفطار
سهير….بأبتسامه مصطنعه
إن شالله يخليكي يا خيتي طول عمرك شاطره وصاحبه واچب😏
بخيته..طيب مفيش في المطبخ اللي أنتي ريداه يا بتي
عطر…بأرتباك لاه ياأما في مجادير مش موچوده إهنه
بخيته…طيب شيعي حد من الغفر ولا الشغالين يچيبولك متخرچيش وأنتي صايمه إكده
عطر…مش هيعرفوا يا اما ولو ملاجوشي هيرچعوا علي طول أني هشوف براحتي وأدور وبعدين أني همشي رچلي شويه
بخيته..ماشي بس
متعوجيش ورانا شغل كتير في الدار
عطر…مسافه السكه معايزاش حاچه من السوج
بخيته…لاه
عطر…وانتي يا سهير
سهير…تسلمي يا خيتي
عطر…يلا سلام عليكم
بخيته…سهير…عليكم السلام
حست…سهير أن عطر وراها حاجه خصوصا أن عطر مش مندمجه مع سهير زي هنيه وهاجر ومدخلش عليها حوار انها فرحانه بحملها لدرجه انها تعملها حاجه حلوه
قامت بسرعه راحت لواحده من الشغالين و قالتلها تمشي ورا عطر من بعيد🙆♀️
…………
خرجت عطر من القصر بسرعه وهي بتتلفت وراها كأنها عامله عامله غطت وشها بالشال ومشيت ناحيه أرض موسي
فالوقت ده كان موسي أعد علي دكه من الخشب تحت الشمسيه وحواليه الزرع من كل مكان ومندمج في مراجعه الورق اللي خده من مهران أما هريدي كان بيجري وسط الزرع مع الحماره بتاعته ولمح عطر جايه من بعيد وبتتلفت وراها ساب الحماره بتاعته وجري علي موسي
هريدي…موسي بيه موسي بيه.
موسي…في أيه ياواد جرصك حنش ولا أيه فزعتني
هريدي….إلحج ست عطر چايه علينا
قام موسي وقف بسرعه عطر؟؟
بص بعيد لقاها جايه وباين عليها ألارتباك
موسي..وعطر أيه اللي چايبها إهنه واد يا هريدي تجف تفتح عينك ماعايزش حد ياخد باله منيها
هريدي….بثقه بس إكده أطمن أني هجف أراجبلكم الطريج بس أنت خلص بسرعه
موسي…طريج أيه اللي تراجبه ياواكل ناسك مراهقين أحنا أياك أخفي من جدامي لا أكسر عضمك
هريدي…أني غلطان الحج عليا بدل ما تتجفشوا
موسي…يابغل حسن ملافظك تصدج بالله تمشي عطر بس وهشوف شغلي معاك عاد يلا غور من جدامي أعمل اللي جولتلك عليه.
مشي هريدي بسرعه وقربت عطر منه
عطر…بأبتسامه جميله وهاديه ولكن مرتبكه كيفك ياموسي؟
موسي…أيه اللي چابك أهنه ياعطر
عطر….وه دي مجابله أيه معايزش تشوفني خلاص أني ماشيه.
موسي…لا مجصدش أستني أني بس مستغرب أنك چايه من غير ما تعرفيني ولا حتي تعرفي أني لحالي ولا معايا حد وبعدين اني خايف عليكي مش عايز حد يشوفك وتبجي مشكله فأكيد يعني في حاچه
عطر….أيوه في يا موسي
موسي…مالك ياعطر في ايه
عطر…بحزن موسي هو أني ليا خاطر عنديك ؟
موسي بحب..ده أنتي الغاليه
ياعطر وخاطرك عندي كبير أنتي عارفه.
عطر…طيب لو ليا خاطر عنديك أصرف نظر عن أرض سعد
موسي…بأستغراب ليه؟وأيه اللي عرفك من الأساس اني ناوي أشتريها؟
عطر…بلا أسئله ملهاش عازه الوجت أعمل اللي هجولك عليه وخلاص
موسي..ومن ميته ياعطر تعرفي عني أني بمشي ورا كلام اي حد
عطر…بزعل وأني أي حد يا موسي لساك بتجول أني الغاليه
موسي….مجصدش يا عطر بس عرفيني في ايه أني ماهحبش الالغاز
عطر…اني عرفت عن موضوع الارض بالصدفه أمبارح أبوي واخواتي كانوا في المضيفه وصوتهم مسمع الجصر كله عشان عرفوا أن سعد عارضها عليك وأنه مراضيش بالسعر اللي عرضه عليه حمدان أخوي.
موسي…اااه جولتيلي حمدان!! طيب أولا سعد معرضش عليا أرضه أني اللي طلبتها منيه لما عرفت أنه عارضها للبيع وهو جال سعر واني وافجت عليه
عطر…ماهتفرجش كتير يا موسي أنت اللي عارض ولا هو المهم أنك عايز تشتريها
موسي…اني مش عايز أني صوح هشتريها.
عطر…بلاش يا موسي عشان خاطري انت تجدر تشتري أي أرض تعچبك بس بلاش دي بالذات
موسي…ودي بالذات عچباني
عطر…أني خايفه عليك بلاش تنشف دماغك عاد
موسي…خايفه عليا من ايه يا عطر؟
عطر…بدموع من أخواتي يا موسي حمدان وهيبه ماهيچيبوهاش البر أبدا والأرض دي بالذات عنديهم يا جاتل يا مجتول حاطينك في راسهم أنت وسعد أبوس يدك يا موسي بلاش الأرض دي
موسي…خايفه عليا ولا علي أخواتك يا عطر؟
عطر…خايفه عليك يا موسي أخواتي جلبهم جاسي وماهيتخافش عليهم
موسي…ولا أني يتخاف عليا يا عطر أنتي ناسيه أني كبير البلد
عطر…لاه ما نسياش بس كمان عارفه أخواتي وعارفه شرهم أبوس يدك يا موسي بلاش توجع جلبي
موسي…سلامه جلبك ياعطر أني كفايه عليا الخوف اللي شايفه في عيونك عليا يخلي جوتي تضاعف أكتر
عطر…فكر يا موسي لو غاليه عنديك
موسي…انتي فعلا غاليه عندي يا عطر بس اني فكرت خلاص عايزك انتي بس متخافيش عليا.
عطر…كيف مخافش عليك يا موسي أنت روحي
أبتسم موسي بحب..وأني روحي جويه ياعطر المفروض أنها متخافش أبدا أطمني ياعطر..
عطر…بس يا موسي..
قاطعها موسي..ما خلاص يا عطر جولتلك اطمني ويلا مسحي دموعك الغالين دول وروحي جبل ما حد يشوفك قرب موسي ايده مسح دموعها
موسي…يلا وريني ضح
كتك جبل ما تمشي عشان أطمن عليكي
أبتسمت عطر…خد بالك علي حالك عشان خاطري وأعمل حسابك حمدان وهيبه راحوا من شويه لسعد ابوي جالهم يعرضوا عليه مبلغ أكبر وبدر أخوي دابب معاهم خناجه لرب السما عشان خاطرك
موسي…ماشي ياعطر أني هشوف سعد هيعمل أيه معاهم وهخلص كل حاچه انهارده
عطر…وأني هعرف ايه اللي حوصل وهعرفك
موسي…بلاش تاچي اهنه بعد إكده غير لما تعرفيني ولو عيزاني أتصلي عليا
عطر…حاضر
موسي….يلا علي طول عالدار ولما تروحي طمنيني أنك بخير
عطر…ماشي وأنت فتح عيونك يا موسي
موسي..ربنا هو الحارس يلا عالدار
عطر…سلام
موسي…عطر
عطر..نعم
موسي…بحبك يا عطر
أبتسمت عطر بخجل واني كمان بح… جه هريدي مفرق الجماعات في الوقت ده وقاطع عطر
هريدي….أيه لسه كتير هفضل كيف المرشدين أراجب المكان أكده.
جريت عطر من أدامهم بأحراج سلام ياموسي
موسي..عض علي شفايفه بغيظ أبو اللي جاب أبوك يا هريدي الكلب جري هريدي بسرعه من أدامه ووقف بعيد
هريدي…أني الحج عليا أني خايف عليكم.
موسي…ماشي يا هريدي أفوج بس من الدوشه اللي في راسي دي وهحاسبك يلا أمشي جدامي خلينا نشوف الغفر جبل ما أمشي.
رجعت عطر علي القصر وهي غافله تماما عن اللي ماشيه وراها من أول ما خرجت
بخيته…أيه يا عطر عوجتي ليه وفين الحاچه اللي جولتي عليها
عطر…بإرتباك هه لاه ما أنا ملجتش كل ما أسئل حد يجولي علي مكان تاني أسأل فيه بردك ملاجيش وجالولي أن المجادير دي صعب ألاجيها أهنه عشان محدش بيستخدمها كتير
سهير…بشك خلاص شوفي عايزه أيه وأني أجول لحمدان لما ينزل مصر يبجي يچيبهالك
عطر…ماشي أني هبجي أكتب ورجه لحمدان بالطلبات اللي عيزاها يلا عن أذنكم هطلع أغير خلجاتي
سهير…أذنك معاكي
بخيته..اما اجوم أشوف البلاوي اللي جوه دول بيعملوا أيه
سهير…ماشي چايه وراكي
بخيته..لاه أنتي تجعدي أهنه مش عيزاكي تتعبي حالك
سهير…ان شالله يخليكي ليا ياحماتي.
دخلت الشغاله راحت بسرعه علي سهير قربت من ودنها وهي أعده حاطه رجل علي رجل سمعت كل اللي قالته الشغاله
أبتسمت سهير بشر…بجه إكده يابنت الحسب والنسب
ماشي دي أحلوت جوي.
……
وصل موسي القصر كان والده في أنتظاره وحواليه بعض الرجال ومهران وسالم اخواته.
دخل موسي بكل هيبه ألقي السلام علي الجميع وراح باس راس والده.
وقف الجميع بإحترام لموسي أعد موسي معاهم
وهبه…نبدأ الكلام يا حاچ محمد موسي وصل خلاص
موسي…خير يا حاچ محمد
محمد…خير يا موسي بيه بس أني كنت حابب أشهد حضرتك ووهبه بيه علي أخواتي عشان يبجي عداني العيب.
وهبه….جول يا حاچ محمد سامعك
محمد…طبعا بعد موت أبوي من سبوعين المحامي فتح الخزنه وچمعنا عشان نستلموا ورثنا وبما أني الكبير أبوي كان كاتب كل حاچه بأسمي عشان أنا اللي بدير كل شغله بس طبعا أني مخلصنيش ومحبتش يكون في حاچه في جلب أخواتي من ناحيتي فا جولت أچمعهم ونجسموا الورث علي حيات عيني عشان محدش ضامن عمره وكل واحد يبجي عارف اللي ليه بس طبعا هيفضل الشغل ماشي كيف ماهو اني ومحمود وعارف أخواتي بنديره يعني تجسيم الورث هيبجي علي الورج لكن كل حاچه تمشي كيف ما أبوي كان ممشيها.
وهبه…عداك العيب يا زين ما فكرت
موسي…فين المشكله ياحاچ محمد
محمد…محمود وعارف وأختي أم سليم رافضين ياخدوا نصيبهم
موسي….ليه يا محمود انت وعارف الراچل بيضمن حجكم.
محمود…لا يا موسي بيه بالعكس
موسي…أمال أيه اني شايف الراچل بيعمل الصح.
محمود….اني وعارف وأم سليم ماعيزينش منيه حاچه غير لما يدي أختنا أم يوسف حجها.
موسي…مش فاهم تجصد ايه
محمود..محمد أخوي ماعيزش يديها ورثها كيف ماهيدي أختنا أم سليم وبيجول كفايه عليها البيت بأسمها.
موسي…طيب وفين المشكله أني أعرف أن بيتكم ماشاء الله كبير وسعره عالي.
محمد…جولهم يا موسي بيه بيجولوا عني ظالم
عارف…موسي بيه حضرتك مش فاهم صوح محمود مش عارف يفهمك زين
موسي…خلاص فهمني أنت يا عارف
عارف….أحنا كل واحد فينا الحمد لله متچوز ومعاه عيال وليه دنيته ابوي الله يرحمه لما أختي أم يوسف چوزها مات سابها معاها خمس عيال في رجبتها وأهل أبوهم ما بيصرفوش عليهم عشان حالهم علي كدهم جولنا مش مشكله دي أختنا وولادها ولادنا وهنتحمل مسؤوليتهم كلها وأبوي الله يرحمه كتب لام يوسف البيت علي حيات عينه وجال أن كل واحد فينا عنديه بيت كبير حتي اختي أم سليم چوزها ماشاء الله مش محتاچ وعايشه احلي عيشه وأبويا كان عايز يعوض ام يوسف بعد ما چوزها مات ويطمن عليها هي وولادها فكتب البيت وعرفنا كلنا
وهبه…طول عمره راچل عادل يازين ماعمل
عارف…لما أبويا مات و أتجسم
بينا الورث محمد أخوي رفض يديها كيف ما خدنا وجال كفايه عليها البيت اللي عايشه فيه.
طيب تصرف منين؟؟ جال كل واحد فينا يشيلها شهر طيب ده في شرع مين وهي ليها ورث كيف مالينا.
محمد…يا موسي بيه يا وهبه بيه أم يوسف البيت اللي عايشه فيه يعدي المليون چنيه وورثها اللي طالع حوالي نص مليون يعني البيت اللي هي وخداه اكتر من ورثها اني مظلمتهاش هي إكده واخده كيف ما احنا الرچاله واخدين ده غير الارض الكبيره ليها نصيب فيها احنا الرچاله طالع لكل واحد فينا مليون وام سليم نص مليون بس النص مليون اللي هما عايزني أديها لام يوسف مش حجها ده حجنا احنا نوزعه علينا.
وهبه…أبوك كتب البيت ده وهو عايش
محمد…أيوه
وهبه…حد فيكم أعترض
محمد…لاه بالعكس فالاول والاخر دي عرضنا ومنرضاش تترمي في الشارع ودار ابونا موچوده.
وهبه…زين .الله يفتح عليك راچل كيف أبوك طيب لما أبوك كتب البيت جال جدام حد فيكم ان بعد وفاته ام يوسف تطلع من الورث وكفايه البيت وبس.
عارف…لاه مجالش إكده.
محمود…مجالش يا وهبه بيه وتجدر تتأكد من أم سليم كمان
وهبه…اخواتك بيجولوا لا يا حاچ محمد..
محمد…أبويا مجالش اكده فعلا بس ده ظلم يا وهبه بيه
موسي…بهيبه وحكمه ايه هو اللي ظلم يا حاچ محمد
ظلم أنك تدي كل واحد شرع ربنا اللي حلله أبوك مكتبش في وصيته انها ما تاخدش
يبجي في الشرع هي ليها ورث كيف ماليكم ربنا قال في كتابه العزيز للذكر مثل حظ الأنثيين وعلي كلامك الورث كان اربعه مليون كل راچل فيكم مليون والبنتين كل واحده نص مليون غير الارض الكبيره طبعا هما داخلين معاكم فيها البيت بجي اللي أتكتب ليها ولولادها بعشر جروش بمليون ده بره الوصيه أبوك كتبه عشان يحفظ عرضه وأحفاده ويطمن علي بنته اللي هي أختك لكن مجالش تطلعها من باجي الورث.
محمد…بس كيف تاخد اكتر منينا
موسي…مين جال انها خدت اكتر منيكم كل واحد فيكم ماشاء الله عايش في بيت كبير ملكه ويساوي تجريبا كد البيت اللي هي خدته يعني البيت محدش فيكم محتاچه ولا هتبجي مبسوط لما ميبجاش عنديها بيت ودايره بولادها في كل بيت شويه هترضاها علي عرضك
محمد…واني مجولتش ناخد الدار
موسي…بس جولت تحرمها من ورثها طيب هترضاها لما بنت حاچ اسماعيل واختك يا حاچ محمد تلف علي كل بيت شويه عشان تأكل ولادها ولا تستني منيكم كل شهر حد يوكلها ويوكل عيالها
عيبه في حجك يا أبو الكرم كله..
موسي كان معروف بحكمته وأحتواءه للمواقف وانه بيعرف يضغط علي اللي ادامه من غير ما يقلل منه وده اللي كان بيميزه
سكت حاج محمد بعد كلام موسي.
موسي…أسمع يا حاچ محمد أنتو چايين عندينا نحل مشكله مع اني مش شايفها مشكله خصوصا أنها في وچودك يا حاچ محمد يا أبو الاصول كلها اني اكيد مش هجولك ايه الصح وايه الغلط العفو أنت كبير ومجامك كبير بس هسيبك لضميرك اللي يجولك عليه ضميرك أعمله بس عايز أجولك حاچه بسيطه أبوك الله يرحمه لما راح للي خلجه مخدش حاچه معاه الكفن ملهوش چيوب وكلنا مهناخدش حاچه معانا ولما نجابل ربنا مهناخدش غير السيره الطيبه وبس متخليش الشيطان يدخل بينك أنت وأخواتك وتجاطعوا بعض عشان شويه فلوس صدجني الفلوس تغور جصاد لمتكم مع بعض وفي دهر بعض والاهم من كل الكلام ده أن مفيش كلام يعلي علي كلام ربنا.
ربنا عز وچل جال ان الميراث أمر من أوامره وحكم ووصيه واچبه وانه فريضه شرعيه
وحذر ربنا اللي يخالف شرعه
بسم الله الرحمن الرحيم
(فليحذر الذين يخالفون عن أمره أن تصيبهم فتنه أو يصيبهم عذاب أليم)
صدق الله العظيم..
وجال كمان أن الميراث حد من حدود الله..
بسم الله الرحمن الرحيم.
(تلك حدود الله ومن يطع الله ورسوله يدخله جنات تجري من تحتها الانهار خالدين فيها وذلك الفوز العظيم ومن يعصي الله ورسوله ويتعد حدوده يدخله نارآ خالدآ فيها وله عذاب مهين)صدق الله العظيم
والاهم أنه وچه كلامه لأي حد يفكر ياكل ميراث او يچي علي شرع بالباطل ونهانا وحرم ده لما جال في كتابه العزيز
(ولا تأكلوا أموالكم بينكم بالباطل)صدق الله العظيم
صدق علي كلامه الجميع
نزل محمد راسه بإحراج واسف أبتسم موسي لما حس أنه صاب الهدف.
وهبه…الله يفتح عليك يا ولدي أظن يا حاچ محمد مفيش كلام بعد كلام ربنا موسي جال كل اللي عايز اجوله.
موسي…حط كلام ربنا في راسك يا حاچ محمد واللي ضميرك يجولك عليه أعمله واني متأكد في حكمتك وجلبك الطيب.
أبتسم محمود وعارف لموسي وكأنهم بيشكروه علي كلامه وحكمته في حل الأمور.
خلصت الاعده وأنصرف الجميع وساب موسي الكوره في ملعب حاج محمد
أبتسم وهبه لموسي بفخر وحس ان هو اختار كبير البلد الصح اللي هيقدر يحل أي مشكله بذكاء وعقل وحب من غير تقليل من شأن أي شخص حتي لو كان غلطان مابيهاجمش لكن بيستعمل أسلوبه الخاص في الاقناع.
طالت الجلسه اكتر من ساعتين وأقترب اذان المغرب دخل الجميع مع بعض لتناول الفطار
وجريت جليله علي موسي كالعاده وكأنها ردت ليها الروح.
چليله…نورت دارك يا سيد الناس
باس موسي راسها وايدها ده نورك يا ست الدار
وهبه…وهو باصص لمهران وسالم يلا يا ولاد نسيب لأمكم وسي موسي المكان عشان منبجاش كيف عزول
ضحك موسي واخواته
موسي…جولتلك خفي شويه يا چليله أبوي بيغير
وهبه…لاه يا أخوي خلاص أتعودت.. الكل ينحط فوج الراس عند چليله لكن وجت ما يچي موسي الكل ينزل من عالراس وينحط موسي أفندي عالراس وچوه الجلب
چليله..بأبتسامه وه انت هتجلب عليا العيال ولا أيه كلكم حبايبي وعزوتي وسندي أنتوا أهلي وعيلتي اللي ملياش غيرها.
وهبه…بمشاكسه بس موسي الحته الشمال
ضحكت جليله طب بزمتك مش الحته الشمال عنديك أنت كمان
وهبه..أن چيتي للحج هو الحته الشمال
مهران…بضحك يلا ياسالم موسي خد الحته الشمال عند امك وعند أبوك ملناش مكان عاد.
راحت عليه جليله حضنته لا أنت كمان اول فرحتي ياواد وسالم ده نن عيني
فرحه…واني ايه يا اما
جليله…انتي ست البنات وفرحتي يا أحلي فرحه
موسي.. لا يا چليله دي فرحتي أني حضنته فرحه بحب
وهبه…طب ايه ماهنفطرش
چليله…بحب يلا أجعدوا تجبل الله
بعد الفطار دخلوا اعدوا في المضيفه مع بعض
دخل عليهم واحد من الغفر يبلغ موسي ان سعد الهواري عايزه قاله موسي يدخله ثواني بسيطه ودخل سعد.
سعد…سلام عليكم چميعا
الجميع..عليكم السلام
سعد…كل سنه وأنتم طيبين
وهبه…وانت طيب ياسعد
سالم…كيفك يا سعد
سعد…في نعمه حمدالله علي السلامه يا دكتور
سالم..الله يسلمك
موسي…أجعد يا سعد تشرب ايه
سعد…ولا اي حاچه اني چايلك في كلمتين وهروح طوالي.
مهران…وده اسمه كلام يا سعد تبجي في بيت الكبير ومتاخدش واچبك عيبه في حجنا أنت بخيل ولا ايه يا سعد
سعد…خلاص نشرب شويه شاي.
راح الغفير يبلغ الشغاله تعمل شاي.
موسي…خير يا سعد
سعد…خير أن شاء الله كنت چايلك بخصوص الارض
موسي…بإبتسامه أيه غيرت رأيك بعد ما زارك حمدان وهيبه انهارده ومش عايز تبيع.
بص والده واخواته لبعض وبص سعد باستغراب
سعد…عرفت كيف أنهم چم
موسي…مفيش حاچه موسي ولد الشرفا ميعرفهاش في البلد دي يا سعد عموما لو حابب ترچع في كلامك بعد اللي جالوه ليك ارچع ماهزعلش ولو المبلغ اللي عرضوه عليك انت موافج عليه يبجي حلال عليهم وعليك علي بركه الله.
سعد..بأبتسامه كمان عرفت أنهم عرضوا عليا فلوس زياده..عموما اني چايلك عشان حاچه تانيه يمكن هما چم وزودوا المبلغ كيف ما عرفت لكن مش زي ما اني عايز طبعا ده غير التهديد والوعيد ونظره الشر اللي هتنط من عيونهم بس اني چاي عشان نشوف يوم نتمم فيه البيع مش هخبي عليك حمدان وهيبه واعرين وشكلهم ناويين علي الشر وعطوني مهله لأخر رمضان عشان افكر واني عايز في السر إكده نخلص كل حاچه واسافر علي القاهره
وهبه…طيب يا سعد ياولدي مش خايف يجدروا يوصلولك وانت معاك مرتك وعيالك وزي ما جولت دول نابهم أزرج
سعد..عارف ياوهبه بيه بس متخافش اني مأمن نفسي هما مهيعرفوش مطرحي في القاهره وأني كمان كنت ناوي بعد ما أبيع الارض زياده تأكيد هغير مطرح سكني ونجعدوا چمب أهل مراتي أنت عارف انها مصراويه مش من اهنه
موسي…شوف يا سعد لو ناوي وشايف أنك مأمن نفسك زين كيف ما بتجول اني معاك من بكره أكلم المحامي ونخلصوا كل حاچه اهنه في الدار وهو يخلص كل حاچه مع نفسه في الشهر العقاري وكمان اني مش هاعرف اي حد ان الارض بجت تخصني غير لما ترچع دارك في القاهره وتعرفني كمان أنك نجلت مطرح تاني وفي أمان أنت وعيلتك لكن لو حاسس بأي خوف اني ماهزعلش بلاش منيها البيعه دي.
سعد..لاه من الناحيه دي اطمن أحنا في الاصل يمكن أهل لكن محناش نعرف عن بعض كل حاچه ولا حتي يعرفوا مطرحي في القاهره
موسي…يبجي علي خيره الله بكره في نفس المعاد تاچي وهشيع للمحامي ونخلص كل حاچه وهديك جزء من المبلغ بكره ولما المحامي يخلص تسچيل الاوراج تاخد باجي المبلغ.
سعد…لاه خلي الفلوس كلها اول ما المحامي يسچل اني مش مستعجل
موسي..ده حجك وده إتفاج
سعد…خلاص اللي فيه الخير ربنا يجدمه ربنا يطرحلك فيها البركه ويكفيك شرهم.
موسي…الله كريم
سعد…هجوم اني بجي
مهران…لسه بدري ياسعد
سعد..بدري من عمرك يا غالي ديما مفتوح بحسك يا كبير
وهبه….الله يرضي عنيك يا سعد ياولدي
سعد…سلام عليكم
الجميع…عليكم السلام
سالم…موسي ما بلاش منيها الارض اللي هتچيبلك مشاكل دي حمدان وهيبه شرهم عاميهم واني خايف عليك
موسي..ايه يا دكتور شاكك في اخوك ولا ايه
سالم…لاه بس خايف عليك يا موسي منيهم
موسي…خاف عليهم من اخوك ياسالم
وهبه..فكر في كلام اخوك يا موسي هو عنديه حج دول شر زي ابوهم ولو علي الارض في اراضي كتير شاور عاللي تعچبك وتبجي بكره ملكك
موسي…بعد أذنك طبعا يا ابوي اني مجدر خوفكم عليا وعارف أنهم مش سهلين بس ابنك مش سهل برده يا كبير ولا انت عنديك شك فيا
وهبه…بأبتسامه لا يا ولدي عمري ماكان عندي شك فيك من يومك راچل وعارف رغم انهم واعرين بس برده بيعملولك حساب لكن حجي اخاف عليك فكر يا ولدي
موسي…اني فكرت يا ابوي
مهران….بتحاول تجنع مين بس يا أبوي ده راسه أنشف من الحچر الصوان
وهبه…هتجولي من صغره إكده عموما يا ولدي أعمل اللي يريحك بس حرص منيهم
موسي…ماشي يا أبوي ربك يسترها
في قصر هواره
في غرفه سهير وحمدان
سهير…صوح فرحان يا حمدان أني حبله
حمدان…طبعا يا سهير اني طاير من الفرحه يا بت هيبجي عندي خمس عيال وتجولي فرحان طبعا فرحان.
سهير…طيب نفسك يچي الواد الرابع ولا بت عشان نخاوي بيها البت أسماء.
حمدان…لاه طبعا نفسي في الرابع عشان يبجالي سند
سهير….ان شاء الله
حمدان…بس تعرفي يابت يا سهير هيبه أخوي صعبان عليا اديه كام سنه متچوز ومحلتوش حتت عيل يشيل أسمه اني لازم أجوله يتچوز
ويبطل سرمحه ورا النسوان
سهير..بلهفه أوعاك يا حمدان أنت مخك چراله حاچه ولا ايه
حمدان…حسني ملافظك يابت
سهير…حجك عليا يا حمدان مجصدش بس فكر زين يا حمدان احنا مالنا يچيبو عيال ولا ميچيبوش ليه نخلي حد يشارك ولادنا في الخير ده كله هيبه مش سهل يا حمدان لو طال ضفر عيل مش بعيد يستجوي أكتر وقف حمدان وشرد في كلام سهير وهي واقفه جمبه تبخ سمها في ودانه وكأنها شيطان
سهير…فكر زين يا حمدان چواز هيبه وخلفته مش في مصلحتنا احنا وعيالنا
حمدان…عندك حج يا سهير
سهير…مش بس إكده يا حمدان لو حسيت بس ان هيبه فكر في الچواز انت اللي تنصحه وتجوله بلاش
حمدان…ماشي طلعتي مش سهله يا بت يا سهير اني مفكرتش إكده
سهير….يبجي انت تنفذ وسيب التفكير عليا عاد واني بعمل كل ده ليه مش عشان مصلحتك
حمدان…بأبتسامه خبيثه يمشي كلامك يا ست الستات
……
خلص اليوم وجه يوم جديد ملئ بالأحداث بعد الفطار حضر المحامي في قصر وهبه وجه سعد وأبتدا المحامي يخلص معاهم الاوراق.
المحامي….إكده يا موسي بيه كله تمام ان شاء الله بكره هطلع عالشهر العقاري أخلص كل حاچه واسچل الارض بأسمك بس طبعا لازم تكون معاي انت والاستاذ سعد
سعد…ان شاء الله هكون چاهز بس ياريت يكون بدري عشان نخلصوا علي طول
المحامي…اطمن هاخد منك الامضاء بتاعت التنازل وتمشي علي طول
موسي..علي خيره الله
سعد…مبروك مجدمآ يا موسي بيه
موسي…يبارك فيك يا سعد
موسي…امسك يا سعد ده چزء من المبلغ وبكره باجي المبلغ
سعد…ما اني جولتلك لما نخلص مش هنطيروا من بعض الدار أمان
موسي…وأني جولت ان ده حجك
المحامي…تأمرني بحاچه يا موسي بيه
موسي…الامر لله أتوكل انت علي الله يا متر
سعد..واني كمان هجوم
موسي…مابدري يا سعد
سعد…بدري من عمرك خليني اروح بدل ما أتكعبل في حد منيهم
موسي…ماشي طريج السلامه.
مشي المحامي وسعد
سالم….مبروك ياموسي
موسي…يبارك في عمرك يا دكتور
وهبه…ربنا يديك خيرها ويكفيك شرها
موسي….يارب ياأبوي
مهران…والله اني مش مطمن من ناحيه حمدان وهيبه لما يعرفوا ان الأرض بجت بتاعتك ماهيسكتوش
موسي…جولتلك خاف عليهم هما مش علي أخوك
وهبه..ان شاء الله خير أني جايم يا ولاد اريح فوج شويه
مهران…خدني معاك يا أبوي قام موسي وسالم وقفوا احتراما لوالدهم ورجعوا أعدوا تاني مع بعض
موسي…ايه يا دكتور مش ناوي تفرحنا بيك وتتچوز
سالم…بضحكه جميله مش لما أخوي الكبير يعملها الاول
موسي…بأبتسامه لساها العاده دي فيك
سالم…عادة أيه دي عاد
موسي…تهرب من السؤال بإچابه تانيه.
سالم…والله ابدا مش بهرب بس بچد نفسي انت اللي تعملها وتفرحنا وصراحه أني الشغل واخد كل وجتي
موسي..عايز تجول ان مفيش حد في بنات مصر عچبوك.
سالم…صدجني يا موسي مش زي ما أنت فاكر فالچامعه بدرس لطلبه وفالمستشفي مع المرضي يعني مفيش حد في حياتي ولا حتي عندي وجت
موسي…طيب عايزين نفرحوا بيك
سالم….واحنا هنفرح بيك ميته يا موسي يا شيخ انت حتي أكبر مني مش ناوي ولا أيه
موسي…أدعيلي يا سالم
سالم….وه علي إكده في عروسه
موسي…فيه يا سالم بس الموضوع معجد شويه
سالم…ليه بتجول إكده ومعجد كيف يعني لاهو أنت في حد يرفضك يا خوي أيه ما عرفش أنت مين وولد مين ولا أيه أشحال أن مكنتش أنت الكبير
موسي..عارف يا سالم لكن صدجني الموضوع مش سهل
سالم…طيب جولي الاول العروسه مين اني اعرفها
موسي….عطر
سالم…عطر مين نطقها سالم ورجع أتصدم أوعاك تكون جاصد عطر بنت عتمان الهواري
موسي…هي يا سالم عرفت ان الموضوع مش سهل
سالم..مفيش حاچه صعبه بس ليه هي يا موسي ما البنات ماليين البلد مالجيتش غير عطر
موسي…عشجتها يا سالم والجلب مفيش عليه سلطان
سالم….عارف يا أخوي.. بس شوف اني ميتهيأليش ابوي أو امي يرفضوا هما نفسهم يفرحوا بيك اصلا
موسي..عارف المشكله مش في ابوي او أمي المشكله في عتمان وولاده
سالم…ان چيت للحج المشكله مش في أبوها كمان المشكله في أخواتها حمدان وهيبه مش هيوافجوا
موسي…هو ده اللي انا عامل حسابه
سالم…شوف يمكن اني اصغر منيك بس أسمع نصيحتي أعمل اللي عليك وأطلبها وان وافجوا كان بها موافجوش تبجي عملت اللي عليك لاخر لحظه.
موسي…اني فعلا بفكر أعمل إكده واللي فيه الخير يجدمه ربنا
سالم…ان شاء الله ربنا يفرح جلبك يا أخوي
موسي…ويفرحني بيك يا دكتور
سالم…بحب أللهم أمين
مر كام يوم بهدوء.. المحامي خلص كل حاجه والارض أتسجلت بأسم موسي وبقت ملكه رسمي بعد ما أتنازل سعد عنها وسدد موسي باقي المبلغ لسعد وبمجرد ما أستلم باقي المبلغ سافر سعد تاني يوم علي القاهره بهدوء تام ومن غير ما أي حد يحس أما موسي كان طاير من السعاده يمكن أشتري أراضي كتير لكن الارض دي خاصتا كان ليها أحساس خاص عنده خصوصا انه قدر ياخدها من حمدان وفي خلال اليومين دول
فاتح موسي والده في موضوع عطر بحضور الكل فالاول الكل أتصدم لكن بسرعه رحب وهبه بنسب الهواره لأجل خاطر عيون موسي خصوصا لما حس انه فعلا بيحب عطر وقرروا أنهم يفاتحوا عتمان وده كان طلب موسي قبل ما حد يعرف حاجه عن الارض والدنيا تتعقد أكتر
بعت وهبه مرسال لعتمان أنه هيزورهم بعد العشاء
أستغرب عتمان وحمدان وهيبه الزياره لكن رحب عتمان بالزياره الغير معلومه
وأخيرا جه اليوم اللي هيروح فيه موسي مع والده واخواته عشان يطلبوا عطر.
…..
بعد الفطار طلع موسي واخواته ووالده يجهزوا وبعد وقت بسيط نزل موسي وهو لابس جلباب أسود وشال باللون الاسود علي كتافه وعمامه باللون الاسود كان شكله يخطف النظر وهيبته طاغيه علي شخصيته
بمجرد ما شافته چليله فضلت تسمي وتكبر
چليله…ماشاء الله ربنا يحميك يا سيد الناس عريس صوح يا ولدي
باسها موسي من راسها
موسي….ربنا يخليكي ليا يا ست الدار
چليله….بت يا سعديه فين البخور يا بت
جريت سعديه بالمبخره
سعديه…اهي يا ست الكل
چليله….الله أكبر يحميك من
كل عين شافتك ومصلتش عالنبي ويبعد عنك شر عباده المؤذيين ويفرح جلبي بيك
وهبه…محدش كدك يا سي موسي چليله بنفسها بتبخرك
سالم….طب ايه واني مليش نفس ولا شكلي عفش أياك
چليله….يحميك يا سالم يا ابن بطني أنت ومهران شكلكم يفرح و خايفه عليكم من العين تصيبكم وخصوصا عين بخيته
ضحكوا كلهم علي چليله
مهران….ربنا يخليكي لينا يا أما ويفرحك بموسي وسالم
چليله…ويفرحك بولادك يا مهران
وهبه…اللهم امين طيب يلا عشان منتأخرش علي المعاد
چليله…أن شاء الله ترچع الفرحه مش سايعه جلبك يا موسي يا أبن جلبي
موسي…..ويفرح جلبك يا ست الدار
خرجوا كلهم مع بعض وراحوا علي قصر الهواره
……….
في قصر عتمان كان عتمان وولاده بيجهزوا.
في غرفه حمدان
كان واقف يظبط الجلباب ويظبط في العمامه بأحكام
سهير…الله اكبر ياحمدان عيني عليك بارده
حمدان..ايه يابت عريس اني ولا ايه
سهير…في عيني انت احلي عريس فالدنيا
حمدان…ربنا يخليكي ليا يا ام العيال
سهير…ويخليك ليا بس مجولتليش متعرفش ايه سبب الزياره دي
حمدان…لاه معرفش ياخبر بفلوس الوجت يچوا ونعرف كنت فاكر الاول لما وهبه شيع المرسال انه هيعزمنا علي الفطار اللي بيعمله كل سنه لاهل البلد في رمضان بس لما جال أن وهبه وموسي وسالم ومهران چايين مابجتش عارف ايه سبب الزياره دي
سهير…اني حاسه اني عارفه بس مش متوكده
بصلها حمدان بأستفسار عارفه ايه جولي يابت
سهير…بمكر لاه خليك بجي لما يچوا وتعرف منيهم يمكن احساسي يطلع غلط
حمدان…وه عليكي ما تجولي يابت هي فزوره
سهير…يعني حاسه إكده أنهم چايين يطلبوا يد عطر
حمدان…يطلبوا يد عطر لسالم لاه ميتهيأليش
سهير…ومين جال أنهم چايين يطلبوها لسالم اني اجصد لموسي
حمدان….موسي؟ چبتي الكلام ده منين يابت
سهير…اصل يعني اجصد
حمدان….وه ماتجولي يابت مالك عامله كيف اللعبه اللي حچارتها فضيت.
سهير…بصراحه بجي اني خايفه اجولك تطلع فيا
حمدان..في ايه يا سهير اتكلمي
سهير…طيب احلف انك مش هتعملي حاچه ولا هتتعصب او تجلب الدنيا
حمدان…يابت انطجي متعصبنيش
سهير….صراحه كده شكل في حاچه بين عطر وموسي
مسكها حمدان بعنف من ايدها بتجولي ايه انتي يا وليه ياخرفانه
سهير…ااااه يدي يا حمدان
حمدان…أنطجي لكسر راسك
سهير…طيب سيب يدي هتخلعها هجولك بس هدي روحك شويه
حمدان…جولييي
سهير…في حد شاف عطر من كام يوم راحه علي ارض الشرفا وراحت جابلت موسي واللي شافها أتكلم جصاد البت ساميه الشغاله وهي جالتلي
حمدان….الحديت ده صوح يا بت ولا بتخرفي
سهير….والله صوح وتجدر تتوكد بنفسك بس بلاش الوجت هما علي وصول ومعايزنش القصر يبجي حريجه ويشمتوا فينا
حمدان…وليه مجولتيش من اول ما جالتلك يابت
سهير…خوفت منيك يا حمدان
حمدان….ودين النبي لو اتوكدت من كلامك ده لا هجتلك يا عطر انتي والخسيس موسي
سهير..لاه تهدي اكده وبعدين لوچايين يطلبوها صوح تبجي أتحلت ايه المشكله
حمدان…المشكله انها هتطير فيها أرجاب يا سهير أختي بتستغفلنا ودايره علي حل شعرها والخسيس التاني لافف علي اختي من ورانا
سهير….مش يمكن عاشجها يا حمدان وبعدين بالهداوه إكده متعملش كيف هيبه علي طول دمه حامي ومبيفكرش موسي نسبه هيفيدك كتير وهتعمل من وراه مصالح كتير
حمدان….تغور الموصلحه اللي تيچي من وراه ولو الكلام ده طلع صوح وموسي بيحب أختي وديني لاأحرج جلبه عليها
سهير…طيب أستهدي بالله وياخبر بفلوس بكره يبجي ببلاش نستني ونشوف الاول چايين ليه ودورها في دماغك الاول
حمدان…ادور ايه ياوليه بجولك البت دايره علي حل شعرها تجولي فكر ودورها واني اجول البت رافضه اي عريس يطلبها ليه أتاريها لايفه علي ولد وهبه استني عليا يا عطر كله من چلع أبوي ليها بس اني هعرف أربيها زين واكسر جلبك يا موسي الكلب😡
في غرفه عطر
كانت واقفه عطر قلبها هيقف من السعاده وطايره من الفرحه ومعاها هنيه وهاجر
هاجر…يابت هدي روحك شويه بدل ما حد يحس بفرحتك دي وتبجي مصيبه
عطر….حاسه ان جلبي هيجف من الفرحه يا هاچر مش جادره أصدج ان موسي خلاص چاي يطلب يدي
هاچر…لاه يا اختي صدجي مش جالك في التلافون أنه چاي عشان يطلب يدك
عطر…ايوه جال بس اني حاسه اني بحلم خايفه اصحي من فرحتي
هاچر…لاه يا اختي ماهتحلميش چاي هو وابوه واخواته كمان عشان يطلبوكي رسمي
عطر….اني فرحانه جوي يا هاچر
هاچر…واني فرحانه عشانك ياخيتي ربنا يتمملك بخير يارب ويسعد جلبك انتي وموسي
عطر…يارب ياهاچر
هاچر….مالك ياهنيه ليه ساكته إكده
هنيه…هاا لا مفيش مصدعه شويه شكل الصيام مجصر عليا
عطر….لاه مش وجت صداع ياحزينه اني انهارده عايزه الكل فرحان
هنيه….بابتسامه حزن بتحاول تخفيها ماأني فرحانه ياخيتي كفايه عندي أشوف فرحتك دي عندي بالدنيا
عطر…ربنا يخليكم ليا ومايحرمنيش منيكم سمعوا فالوقت ده صوت بره عرفوا ان موسي واهله جم خرجوا بسرعه من اوضه عطر وقفوا من فوق يشوفوهم وهما داخلين.
…..
عتمان…يا الف مرحب يا وهبه بيه لما الغفير جالي وجال انكم چاين مصدجتش روحي وهبه بيه چاي داري أتاري الدار نورت
وهبه…بهيبه الدار منوره بأهلها يا عتمان
عتمان…كيفك يا موسي بيه
موسي…بخير يا حاچ عتمان
حمدان…وهو باصص بحقد لموسي نورت يا وهبه بيه
وهبه…كيفك ياحمدان
حمدان….بجيت بخير لما شوفتك وكمان لما شوفت موسي ومهران وسالم
مهران…كيفك يا حمدان
حمدان…بخير يا اخوي كيفك يا دكتور حمدالله عالسلامه چات متأخره وكنت هاچي اسلم عليك بنفسي بس انت عارف رمضان وجته طاير
سالم…ولا يهمك يا حمدان الله يسلمك كنك چيت وزياده.
عتمان…نورت البلد يا سالم يا ولدي
سالم…منوره بيك يا حاچ عتمان
عتمان…أتفضلوا في اوضه الضيوف.
دخلوا كلهم علي أوضه الصالون ودخل موسي وهو رافع راسه بهيبه
عطر كانت واقفه مع هنيه وهاجر وعينها هتخرج من كتر ما هي مركزه مع موسي
اما هنيه فنظرتها ليه كانت نظره عشق مخلوطه بحزن ووجع
خرج فالوقت ده بدر من غرفته بعد ما لبس لقاهم واقفين متدارين وبيبصوا علي حاجه
بدر….مالكم واجفين ليه إكده
عطر…بسم الله فزعتني يا بدر
بدر..بأبتسامه سلامتك من الفزع واجفين ليه إكده
هاچر…ابدا سمعنا صوت چينا نشوف مين
بدر…طيب يلا من أهنه بدل ما حد يشوفكم مايصحش وجفتكم إكده ده موسي ووهبه بيه واخواته يلا اچروا شيعوا حد من الشغاليين يعمل حاچه نشربها
هنيه…اني نازله أشوف بنفسي
بدر…ماشي بعد أذنكم
نزل بدر ودخل علي اوضه الضيوف.
بدر…السلام عليكم أيه النور ده كله اتاري الدار نورت
بصله حمدان بسخريه😏
راح بدر سلم علي وهبه بحب
طبطب وهبه علي كتف بدر
وهبه…كيفك يا بدر يا ولدي واحشني من اول رمضان ما شوفتكش
بدر…موچود والله بس اليوم بيچري كيف الصاروخ في رمضان حجك عليا
وراح علي موسي.
بدر….كيفك يا صاحبي واحشني
موسي….اني سايبك بمزاچي
ضحك بدر وحضنه
بدر…حجك عليا أديلي كام يوم مجصر معاك بس هتعذرني عارف ان جلبك كبير
موسي….واني مجدرش أتكلم معاك انت بالذات
عتمان…بضحك ربنا يخليكم لبعض
بدر….دكتور سالم عندينا في دارنا نورت البلد كلها
حضنه سالم بحب
سالم…أتوحشتني يا بدر والله
بدر….انت اكتر والله كيفك يا مهران
مهران….الحمد لله يا بدر
اعد بدر جمب موسي واستغل كلام عتمان ووهبه
بدر…بصوت واطي كنت چايلك عايزك في موضوع مهم
موسي…لا ياراچل بتثبتني أياك
بدر….لاه والله ابدا عايزك في موضوع
موسي….وفر مواضيعك لروحك عارف عايزني في ايه
بدر…بصله بدر بصدمه
موسي…وهو باصص ادامه مالك ياحزين هتبرج ليه إكده عينك هتخرچ من مكانها
بدر….كيف عارف عايزك في ايه
موسي….لساك بتتعرف عليا إياك ما أنت خابر اني بعرف اللي چواك من جبل ما تطلعه
مش بردو تجصد ارض سعد الهواري
بدر…ابتسم وهز راسه. صوح اني كيف اتوه عنيك طلعت غبي
موسي…بأبتسامه طول عمرك
بدر….مجبوله منيك يا خوي المهم لازمآ نتكلم
موسي….ماشي هستناك ونتكلموا كيف ما انت رايد
بدر…طب جولي ايه سبب الزياره دي
موسي….ايه ياواد مضايج اني چيت ولا ايه
بدر…لاه والله بس مستغرب
موسي…متستغربش الوجت تعرف كل حاچه يا خوي
بدر….والله وبجيت أخر من يعلم
موسي…عشان تبجي تغيب وتجول عدولي ياواكل ناسك
بدر….هتربيني يعني عشان غبت كام يوم
موسي….براوه عليك چبت النباهه دي كلها منين ياواد
ضحك بدر بحب طب واللي خلجني وخلجك أتوحشتك وشكل إكده الواد هريدي عداك بجيت عامل زييه لسانك كيف المطرجه 😂
موسي….من عاشر الجوم وده جاعد علي جلبي علي طول
بدر ..والله وحشني لسانه الطويل
موسي…اهو متلجح في الدار يا اخوي أبجي تعالي شوفه.
كل ده كان داير بين موسي وبدر تحت نظرات حمدان اللي هيطق وهو شايف بدر بيضحك وفرحان جمب موسي عكس ما بيكون معاهم في البيت كان حاسس حمدان بالغيره والكره اكتر تجاه موسي.
دخل في الوقت ده هيبه
هيبه….سلام عليكم الدار نورت
كيفك يا وهبه بيه
وهبه..الحمد لله يا هيبه
هيبه..موسي بيه عندينا ده احنا المفروض ندبحوا عچل
موسي…ومدبحتش ليه يا هيبه
هيبه….بابتسامه بص لبدر ورجع بص لموسي هندبحوا جريب جوي هندبحوا يا ولد الغالي
أبتسم موسي علي تلميحات هيبه اللي مابتخيلش عليه وبصله
موسي..لاه خليها عليا اني دي ليك عليا جريب هدبح عچلين بصله وبص لحمدان بابتسامه ليهامغزي
ابتسم مهران وسالم وهما شايفين موسي بيردها لهيبه.
هيبه…كيفك يا مهران واحشني ياراچل
مهران…ماتشوفش شر يا هيبه
هيبه…بأبتسامه كلها حقد كيفك يا سالم ولا نجول يا دكتور
سالم….جول اللي تجوله يا هيبه مجبوله منيك اي حاچه
هيبه..متعرفش فرحتي بيك وبرچوعك كيف حتي أسأل ابوي وحمدان كنت لسه بجولهم اني فرحان بچيتك
سالم..تسلم ياغالي
أبتسم موسي بسخريه وهو بيكلم نفسه صوح ما تخافش من اللي بيكرهك خاف من اللي عامل نفسه بيحبك
قطع وهبه تفكير موسي
وهبه..ندخلوا في الموضوع اللي چاين عشانه
عتمان…خير ياوهبه بيه؟
تكملة الرواية من هنا 👇👇👇