 |
(عشقتك رغم عنك)
للكاتبة حنان حسن
الفصل الاول حتي الفصل السابع
انا في مشكلة كبيرة.. تكاد تصنف (كارثة) ولاول مرة ابقي يآسة ومش عارفة اتصرف ازاي
الاول هقولكم انا مين..
انا ريم..25 سنة..معنديش شهادات.. لكن بعرف اقراء واكتب كويس ..انا انسة .. عشان النصيب لسة مجاش.. مش معني كده اني مش حلوه لا دنا حلوه بدرجة (فرتيكة) ولو اهتميت بنفسي شوية هبقي فشر المزز الي بتشوفوهم في السيما..بس تقولوا ايه بقي في قلة البخت..
استنوا هحكي ليكم حكايتي من الاول وطبعا هحاول اختصر..
حكايتي بدات قبل ما اتولد..اه مستغربين ليه؟
هقولكم ازاي
قبل ما اتولد امي اتجوزت مرتين.. اول مره اتجوزت راجل طيب وخلفت منه اختي الكبيرة صباح..وبعدها جوز امي اتوفي وكانت صباح عندها سبع سنين ..وبعد ها بعشر شهور امي اتجوزت تاني من ابويا ..لكن ابويا كان مش بيتقي ربنا في امي ولا فيا لانة كان بيتاجر في المخدرات.. وكان قاسي علي امي وعلينا كلنا وخصوصا صباح عشان هي مكنتش بنته.. نسيت اقولكم انه خلف بنت تانيه من امي اسمها رغد..وكانت اصغر مني بسنتين.. وفي مره وهو بيوزع البضاعة كا العادة .. اتقبض عليه ودخل السجن واخد خمسة عشرة سنة وطبعا مكملهمش .. لانه مات في السجن .. والي زود المبلة طين ان امي اصيبت بجلطة ..تسببت ليها في شلل ووقعت فريسة للمرض ساعتها الناس كانوا بيبصوا لنا علي اننا مجرمين وكانهم كانوا بيعاقبونا بذنب ابونا.. وكنا ساعتها صغيرين.. وكنا احيانا كتير مش بيكون في اكل في بيتنا ولا حتي العيش الحاف.. ولا كنا بنقدر ندفع فلوس الكهرباء والميه والايجار ..لان مكنش فيه حد بيتكفل بينا.. لان امي مريضة وابويا مات في السجن اختي ..صباح كان عندها ساعتها سبعة عشر سنة ..وقررت تتحمل المسؤالية وفعلا بدات تشتغل في البيوت.. وكنت انا ورغد بنهتم بامي..وصباح كانت بتجيب كل الفلوس الي بتشتغل بيها تحطها في البيت للاكل والشرب والايجار ..وكانت بتقضي وتكفي بالعافية
للكاتبة حنان حسن
..المشكلة.. بقي ان تعب امي ومرضها كان محتاج فلوس كتير وكان لازم اشتغل انا كمان بالرغم من صغر سني .. وطبعا اشتغلت في البيوت وبالنسبة لامي فا رغد كانت بترعاها.. وصباح جابتلي شغل عند ناس طيبين وكنت بتنقل من بيت لبيت وهكذا ..لحد ما كبرت واتعودت علي المرمطة والذل والاهانه في بيوت الناس عشان نقدر نعيش انا واخواتي ونعالج امي .. بس الي عيشتة وشوفتة في حياتي .. خلاني ناشفة وقوية وبعرف اصرف اموري ومش بعتمد علي حد لسببين.. اولهم لاني مكنتش ضعيفة وكنت بكسب فلوس بعرقي وشقايا ..والسبب التاني اني اصلا مليش حد اعتمد عليه بس الدنيا كحرتتيني زي ما بيقولوا وخلتني ادوس وميهمنيش ..وده يمكن عشان مكنش فيه حاجة اخاف عليها.. والحياه كانت ماشية علي كده زي الفل مؤخرا في البيت الي كنت بشتغل فيه عند الست العجوزة.. الي عايشة لوحدها .. وكانت ست كريمة وايدها فرطة.. لكن للاسف الست اتوفت ورجعت للي خلقها واهلها طبعا قفلوا البيت واستغنوا عن خدماتي..وانا قعدت في البيت من غير شغل وكنت هطق ..لغايةما في يوم ..لقيت اختي رغد بتلطم وتصوت وهي في اوضة امي.. جريت بسرعة عليها لقيت امي مش بتنطق ولا تتنفس ..ولما جيبنا دكتور واتنين اكدوا انها اتوفت الي رحمة الله ..الدنيا انتهت بالنسبالي ساعتها.. امي الي كنا بنتمرمط عشان علاجها ماتت وسابتنا لوحدنا ..وفضلت قافلة علي نفسي بعدها اكتر من شهر ومش بخرج ولا ليا نفس اني اعيش تاني اصلا.. لغاية ما جت صباح بعد كام شهر من موت امي.. وجابت لنا شغل انا ورغد اختي..
ساعتها مفكرتش ووافقت علي طول عشان اخرج من حالة الحزن علي امي شوية باني انشغل باي حاجة تنسيني وتخفف عني فراقها.. ده غير اني كنت عايزة اساعد في جهاز اختي صباح الي ضيعت عمرها علينا ولسة مخطوبة بقالها اكتر من ثلاث سنين ولسة مش عارفه تدخل بسببنا
الشغل كان عبارة عن بيتين هنخدم فيهم انا ورغد..
اول بيت وده كان بتاع تاجر اعشاب كبير وده كان راجل ملتحي وشيخ وبيعرف ربنا ..عشان كده انا اخترته لرغد لانها اول مره تشتغل وكنت عايزة اطمئن عليها ..لكن بالنسبالي ..فا انا صايعة قديمة واسلك في الحديد ولواشتغلت مع الجن الازرق هعرف اصرف اموري ..
بالنسبة للبيت التاني فا ده كان بيت ظابط كبير ..معرفش رتبته ايه لاني مش بفهم في الرتب بتاعتهم دي..
بالمصادفة اننا ورغد خرجنا للشغل في يوم واحد.. وروحنا انا وصباح وصلنا رغد الاول لبيت الشيخ الملتحي الطيب وكان عايش في البيت زوجاتة الاربعة واولاده
اما بالنسبة للضابط.. فكان ارمل وزوجته توفت من خمس سنين وعنده بنت واحده بس.. ده الي قالتهولي صباح
ولما روحنا ..بيت الظابط عشان استلم الشغل..
فتحلنا عم صلاح حارس العمارة و دخلنا انا وصباح وطلب مننا اننا ننتظر البية في الصالون.. ودخل هو يبلغ ..ايهاب بية..
البيت كان شيك وجميل لكن كان فيه قبضة كده تحسسك ان المكان ميت ومفيهوش اي حياة.. ولما كنا قاعدين انا وصباح في انتظار ايهاب بيه.. لقيت صباح بتقولي.. شوفتي العفش يا بت يا ريم حلو ازاي؟
قلت حلو ايه يا شيخة ده المكان كله شكلة رسمي ومقبض وكئيب كده
لقيت صباح بصتلي ورفعت حاجبها وقالت بتريقة.. معلش المره الجاية هبقي اجيبلك شغل.. في ملاهي دريم بارك..
قلت.. لا يختي لا دريم بارك ولا مراجيح مولد النبي.. ادينا هنشتغل الكام ساعة الي علينا وهنروح وخلاص..وفجاءة قطع حديثنا
ده خروج ايهاب بية..من حجرتة وقدومة باتجاهنا انا وصباح.. وقد كان شابا يقارب الخامسة والثلاثين الي الاربعين من عمرة ..و بالرغم من انه كان شكلة امور وجان وزي القمر .. الا انه كان جاد وكشر وشكلة كده لسه ميعرفش انه في اختراع اسمة الابتسامة
دخل ايهاب بيه وطبعا انا وصباح قمنا واقفنا اول ما شوفناه جاي علينا.. واول ما قرب ناحيتنا ..قال بصوت خشن واسلوب جاف
قال.. مين فيكم الي جايه تشتغل..؟
ربكم والحق؟انا كنت عايزة اقول لصباح يلا نمشي ..بس خوفت يلبسني تهمة رجوع في الكلام مع ضابط شرطة ..اينعم مفيش تهمة اسمها كده بس بصراحة انا خوفت منه اصل شخصيتة كانت قوية لدرجة انها مخيفة..
ردت صباح ..وهي بتشاور عليا
قالت.. ريم اختي يا بيه هي الي هتشتغل..
نظر ناحيتي وهو بيتفحصني ..ثم وجه الي الكلام
قال..معاكي بطاقة؟..رديت وانا بترعش وعندي شك يكاد يصل لدرجة اليقين انه عشردقايق كمان لو مجوبتش بسرعة.. هيجبني من قفايا ويرميني في اقرب حجز ..
للكاتبة .. حنان حسن
بسرعة فتحت شنطتي وطلعت البطاقة .. واعطتها له..فنظر بها قليلا..ثم اعاد النظر لي مره اخري ثم بدء اسلوب تحقيق المباحث
قال.. اشتغلتي في بيوت قبل كده؟
قلت.. ايوه كتير
قال.. اخر مره كانت.. فين وعند مين؟
قلت في الزمالك عند الحاجة سميرة
قال.. وسيبتيهم ليه؟
قلت.. الحاجة اتوفت وانا معايا تليفونات ولادها ممكن حضرتك تتصل بيهم وتسالهم عني
نظر الي لبرهة في صمت ثم قال.. انتي اهتميتي باطفال قبل كده؟
قلت.. البيوت الي كنت بشتغل فيها كان فيها اولاد احيانا ايوه
قال.. انتي هنا هتكوني مسؤلة عن امل بنتي ..قبل مسؤليتك عن شغل البيت وعمل الاكل ..وراح باصصلي بقرف كده ..وكانه مش مقتنع بيا اصلا بس مضطر يشغلني عشان بنتة ثم
قال ..وعموما انا هجربك اسبوع وهنشوف.. بس خلي بالك.. انا زعلي وحش وغضبي صعب
يعني اي تقصير منك هعرف وهتزعلي
قلت وانا ارتعد خوفا.. لا اطمن حضرتك ان شاء الله حضرتك هترضي عن شغلي
ثم .. نظر الي مره ثانية ثم قال ..انتي عارفة الراتب الي هتاخديه هنا كام ؟
قلت ..ايوه عم صلاح قالي
ثم نادا علي عم صلاح البواب وقالة..دخلها وعرفها علي شغلها يا عم صلاح.. ثم تركنا ودخل الي حجرة المكتب
ساعتها صباح بصتلي وهي بتضحك ثم
قالت.. ايه رايك يا بت؟
قلتلها.. راي في ايه ؟.. اللهي يجيلك ويحط عليكي يا بعيدة..ايه يا بنتي رئيس المخابرات الي انتي جايباني اشتغل عنده ده ؟
قالت صباح وهي تحاول السيطرة علي ضحكها.. ماله يا بت مهو باشا اد الدنيا اهوه
قلت .. لا يا ستي شكرا انا هروح معاكي وابقي اشوف شغل تاني ..
قالت صباح وهي تشدني من يدي.. ايه الي بتقوليه ده يا هبله ؟حد يرفص النعمة؟
قلت.. نعمة ايه يا حاجة؟
الراجل ده ..شكلة كدة لو حد عطس جنبة هيجيب لة جواب اعتقال..
قالت.. يا بت اهمدي بقي وبطلي جنانك ده.. الباشا قالك هيجربك اسبوع وانتي كمان هتجربي اسبوع مش يمكن ترتاحي في الشغل هنا؟
وبعدين نفسي اعرف انتي خايفة من ايه؟
احنا طول عمرنا الحمد لله بنعامل ربنا وبنشتغل في بيوت الناس بما يرضي الله وعمرنا ما عملنا حاجة وحشة.. خايفة من ايه بقي ؟ يلا بقي ربنا يهديكي ادخلي شوفي شغلك وبطلي شغل العيال ده
قلت .. لا يمة مفيش الكلام ده انا همشي معاكي يعني همشي معاكي..
للكاتبة.. حنان حسن
وبعد دقيقة.. لقيت باب المكتب اتفتح مره تانية وخرج الباشا وهو ينظر الي ويقول بصوت خشن واسلوب حاسم
انتي لسه واقفة عندك؟
اتفضلي علي شغلك يلا
وساعتها لقيت صباح وقفت وقالت.. لا يا فندم انا همشي اهوه وهي هتشوف شغلها
ولما صباح سابتني ومشيت.. بقيت عاملة زي الطفل الي سابوه في الحضانه اول يوم لوحده وشايف الابلة وهي بتجلد في العيال
واضطريت ادخل اشوف شغلي واجرب اسبوع وامري لله
وقبل ما ادخل ..لقيت بنوتة صغيرة زي القمر بتقولي .. انتي مين؟
قلت.. انا ريم ..واقتربت منها وملست علي شعرها وقلتلها..انا جايه هنا عشان اعيش معاكي ونلعب سوا ونبقي اصحاب ..ايه رايك ؟
للكاتبة ..حنان حسن
قالت امل ابنه ايهاب بية.. في برائة..اه انا عايزاكي تلعبي معايا ..ابتسمت واخذتها في حضني ولاحظت ساعتها انها حضنتني اوي وكانها كانت محتاجة الحضن ده..لكن وانا بحضن امل ..لقيت ايهاب بية بيصرخ باعلي صوتة فيا ..ثم
قال.. انتي ايه الي بتعمليه ده ؟ انا مش عايزك تعلميها الدلع والمياصة.. ثم اخذ امل من بين يديا وامرها بانها تدخل غرفتها..ساعتها اتاكدت اني مش هعمر مع الشخص الملاك النسمة ده خالص .. ولكنني غصبت علي نفسي وقضيت ساعات العمل المقررة لي بالمنزل بعدما خرج ايهاب بيه وغاب طيلة اليوم
وبعد ما خلصت ساعات العمل وروحت البيت ..لقيت رغد قد وصلت قبلي للبيت وهي.. تبكي ومذعورة ..وشبة عندهاصدمة عصبية..لدرجة اني اتخضيت من منظرها وسالتها ..ايه في ايه مالك ايه الي حصل يا رغد؟؟
عشقتك رغما عنك
الجزء الثاني
رجعت من الشغل ..لقيت رغد اختي في حالة فزع ..وعمالة تعيط.. روحت بسرعة عملتلها كوباية ليمون عشان تهدي واخدتها في حضني وقولتلها ..اهدي كده وقوليلي مالك.. ايه الي حصل.. وبعد ما هديت خالص بدات تتكلم
قالت .. شوفت جثة
قلت.. نعم ؟
قالت.. اه والله العظيم يا ريم شوفت جثة
قلت.. لا اهدي بالراحة بقي كده وقوليلي شوفتيها فين وازاي بالظبط
للكاتبة.. حنان حسن
قالت.. انا قضيت اليوم في بيت الشيخ عند زوجتة الصغيرة.. الست ام رحيم..وهي معندهاش غير رحيم ابنها عندة يجي ست سنين كدة..
وام رحيم قالتلي ان الشيخ جايبني في البيت ده بس عشان رحيم
قلت.. كويس اوي كملي
قالت.. فضلت طول النهار الاعب الواد رحيم الصغير ده.. وساعة العصرية .. الست ام كريم حبت تنام لها شوية
فطلبت مني اخد الواد.. وانزل اللعب معاه في الجنينة بتاعة البيت بالكورة..وفعلا اخدت الواد ونزلت تحت وطبعا عشان انا جديدة ع المكان واول يوم ليا عندهم مكنتش عارفة حاجة عن المكان .. ولا بنزل للجنينة منين ولا الادوار الي في البيت بتاعة مين
الواد رحيم.. قالي تعالي انا عارف المكان وسبقني وهو بيلعب الكوره علي تحت ولما وصلنا لتحت وقبل ما نخرج الجنينة الي حوالين البيت.. الواد رحيم طلع يجري و اختفي بالكوره بتاعتة مني فضلت ادور عليه.. وكان في شقة في الدور الارضي وكانت الشبابيك فيها الموتال والزجاج بتاعها كله فاميه اسود مكنش مبين ايه الي جواه .. افتكرت الواد استخبي فيها..
فا فضلت ادور علي شباك اعرف اشوف منه المكان جوه عشان اشوف الواد جوه ولا لا.. واخيرا لقيت شباك.. بشيش خشب ..متوارب ..وبصيت من فتحة الشيش لقيت ثلاثة رجالة واقفين ومنيمين واحد وعمالين يقطعوا فيه ..لقيت نفسي كان هيغمي عليا من المنظر ورجليا مكنتش قادرة تشيلني...وكنت لسه هرقع بالصوت ..بس كتمت نفسي احسن يعرفوا اني شوفتهم فا ياذوني
قلت.. يا نهار اسود وبعدين كملي..
قالت..خرجت بسرعة اجري وانا مرعوبة..لغاية ما اتكعبلت في الواد رحيم الي كان مستخبي مني في الجنينة واخدتة وطلعت فوق للست ام رحيم .. اتحججت باني تعبانه وهروح المستشفي و طلبت منها تاخد الواد عشان انا امشي
وجيت جري من ساعتها علي البيت
سالتها ان كانت الشقة دي تبع الشيخ ابو رحيم الي هي بتشتغل عنده قالت .. معرفش .. بس الشقة دي في الدور الارضي وممكن يكونوا الناس دول ماجرينها من الشيخ.. اصلي بصراحة مشوفتش الشيخ معاهم
للكاتبة.. حنان حسن
طبعا كان لازم اهديها واخرجها من حالة الرعب الي هي فيها دي
للكاتبة.. حنان حسن
قلتلها.. يمكن ده واحد تعبان وبيعملوا ليه عمليه... يا ستي متحطيش في بالك.. المهم فكك بقي من حوار الشغل عند الناس دول ومتروحيش تاني وخلاص
وطلبت منها انها متحكيش الموضوع ده مع اي حد خالص تاني مهما كان هو مين
قالت.. لا طبعا انا مش هروح تاني .. ومش هحكي لحد حاجة..
بصراحة الموضوع قلقني ..لا ومش قلقني بس .. ده رعبني كمان لكن حمدت ربنا ان اختي بخير
تاني يوم الصبح.. لقيت صباح.. اختي بتصحيني وتقولي.. قومي يا هانم عشان تروحي الشغل..
قمت من السرير وانا بستغرب لاصرارها علي اني اروح عند الظابط ده تاني وقلت ..شغل ايه يا ام شغل؟
انا مش رايحة عند ظابط المباحث بتاعك ده تاني خلاص (بح)
قالت صباح.. اخص عليكي يا ريم انتي مش قولتي هتشتغلي عشان تساعديني في جهازي يابت؟
قلت ..ايوه يا صباح ماشي منا هشوف شغل تاني
قالت.. عمرك ما هتلاقي راتب زي الي هتاخدية من ايهاب بيه.. وبعدين يا بت انتي مش وافقتي امبارح انك تجربي عنده اسبوع؟
قلت.. ماشي امري لله نستحمل اسبوع ونشوف ولو اني عارفة النتيجة من
دلوقتي
ضحكت صباح وهي بتقول.. ايوه كده دي اختي الجدعة.. تعالي بقي عشان نفطر
قلت.. تمام..صحي البت رغد عشان تفطر معانا
قالت.. رغد فطرت قبل ما تروح الشغل
قلت.. شغل ايه؟هي رغد راحت الشغل تاني؟
قالت.. اه الست ام رحيم فاتت خدتها النهارده بدري عشان مسافرين المصيف وكانت عايزه اختك معاها هناك
قلت وانا بقفز من السرير انتوا بتستهبلوا؟
ايه خلي البت دي تروح الشغل ده تاني ومسكت الموبيل واتصلت علي رغد.. ولما فتحت عليا الموبيل
قلت.. الو ايوه يا هانم
ايه الي وداكي عند الناس دي تاني يا بت؟
رغد.. معلش بقي يا ريم اقفلي دلوقتي وهبقي اكلمك بعدين عشان احنا في العربية ورايحين المصيف
قلت.. يعني انتوا مش رايحين البيت الي كلمتيني عنه امبارح؟
قالت رغد.. لا لا ياريم ..
طبعا.. كان واضح انها مش عارفه ترد عليا..عشان هي معاها ام رحيم في العربية
للكاتبة.. حنان حسن
قفلت معاها الخط بعد ما طلبت منها تاخد بالها من نفسها
بس ربكم والحق؟انا كنت قلقانه اوي علي اختي.. وبعدها
خرجنا.. انا وصباح وراحت كل واحده فينا علي شغلها..
ولما وصلت عند بيت ..ايهاب بية..رنيت الجرس وعم صلاح مكنش موجود للاسف..وفضلت ارن الجرس كذا مره وبردوا محدش بيرد
لغاية ما في الاخر لقيت ايهاب بية بيفتحلي الباب بنفسة وواضح عليه انه كان نايم..
قلت.. اسفة يا فندم ..انا قولت ان حضرتك خرجت لشغلك وعم صلاح هو الي جوه وهيفتح ..
قال.. لا انا النهارده اجازة وانا بمنع اي حد يجي يوم اجازتي ويرن الجرس عشان ميقلقنيش..
قلت.. طيب لو تحب امشي النهاردة.. عشان اجازة حضرتك انا اروح عادي؟
قال.. لا ادخلي شوفي امل وفطريها
قلت ..تمام..بعد اذن حضرتك ودخلت اشوف امل بنته..ولقيتها لسه نايمة ..فا سيبتها تصحي براحتها عشان احنا لسه بدري
و خرجت اشيك ع الشقة واشوف ايه الي هيتعمل.. وانا بمشي علي اطراف صوابعي.. عشان كنت فاكره ان ايهاب بيه دخل ينام لكن تفاجاءت..وانا داخلة علي المطبخ ان ايهاب بيه صاحي و قاعدة بيدخن في الصالون كمان
ولقيتة بينادي عليا..
قال..انتي يا بنتي
قلت.. ايوه يا فندم؟
قال..اعملي لي قهوة سادة
قلت..لا يا فندم مينفعش قهوة وسجاير ع الصبح كده انا بقول اعمل لحضرتك فطار الاول
قال.. انتي مالك انتي اشرب قهوة ولا سجاير الاول؟
وبعدين فين امل ؟
قلت لسه نايمة
قال..مش قولتلك صحيها تفطر؟
قلت.. حرام يا فندم احنا بدري اوي دلوقتي انا قولت اسيبها تاخد كفايتها من النوم
طبعا انا مش محتاجة اشرحلكم.. رد فعل واحد مش بيطيق حد يصحية يوم اجازتة اصلا فما بالكم .. انا صحيتة بدري كمان
لا ومش اتنيل علي عيني واسكت لحد كده.. لادنا كمان بجود وبحط التاتش بتاعي واقوله مفيش قهوة وسجاير قبل الفطار والي زاد وغطي اني عصيت اومرة ورفضت اصحي البت بنتة
بعيد عنكم لقيتة..اتعصب عليا واتنرفز.. وشوية شوية كان هيولع فيا
..وبالرغم من عصبيتة دي كلها انا مكنش مدايقني الا انه بينده عليا ويقولي(انتي يا بنتي) ليه يعني هو انا مليش اسم؟
انا عارفة انه مش طايقني اصلا من ساعة ما شافني
وبصراحة بقي انا كمان كنت قاصدة .. اخبط كرسي في الكلوب عشان ازعل(ايهاب بية صانع البهجة)و اسيب البيت الكئيب ده.. قبل المدة المحددة..لكن للاسف.. برغم ده كله مطردنيش ..بس اكتفي بانه يحذرني اكررها تاني واعصي اوامره..وسبني ودخل..علي غرفة المكتب بتاعة.. اسيبة؟؟؟
ابدا..دخلت عملت فطار حلو كده وشهي.. وكام قرص طعمية سخنة وشوية فول بليمون طلبت من عم صلاح يطلعهولي وكوباية لبن دافية ع الصبح.. واخدت الفطار وروحتلة علي المكتب.. وخبطت علي الباب..
قال..ادخلي يا بنتي
دخلت وحطيت صينية الاكل علي تربيزة جانبية في المكتب..
قال.. ايه ده؟
قلت.. الفطار
قال.. يا بنتي انتي بتفهمي ازاي؟بقولك مش بفطر الصبح ..
قلت... طيب خلاص يا فندم من هنا ورايح هعمل الي حضرتك تقول عليه.. بس دلوقتي دوق شوية الفول والطعمية السخنة الي ريحتها تجنن دي ..النهاردة بس عشان الفطار اتعمل خلاص ..وسيبت الصينية وخرجت من عنده.. وروحت ع المطبخ اجهز فطار امل.. وبالصدفة لقيت امل صحيت لوحدها.. وجت تجري عليا..
للكاتبة .. حنان حسن
اخدت امل معايا المطبخ وجهزت اكلها وخلتها فطرت وبعد الفطار قعدنا نلعب انا وهي اكتر من ساعة ..وايهاب بيه في غرفة المكتب ..
بعد ما خلصنا فطار ولعب انا وامل خرجتها من المطبخ وطلبت منها تروح غرفتها عشان ابدء انا في عمل الاكل بدري .. واثناء ما احنا معدين علي اوضة المكتب
لقيت ..امل بتقولي انا بحبك يا ريم عشان بتلعبي معايا.. اخدتها في حضني.. وانا بتمني ايهاب بيه يشوفني ويطردني المره دي بقي ونخلص
وفعلا لقيتة فتح الباب مره واحدةو
قال.. انتي يا بنتي...
قلت..في نفسي يا فرج الله المنظر استفذة وهيقولي اطلعي بره اهوه
قلت.. نعم يا فندم
قال.. ادخلي شيلي الصينية الي جوه المكتب دي
قلت .. حاضر ودخلت اخرج الصينية وتفاجأت بان ايهاب بية خلص علي الاكل الي في الصينية كله تقريبا
اخدت الصينية وخرجت.. وانا بتعجب علي داء العند الي بيصاب بيه كثير من البشر
للكاتبة ..حنان حسن
وفضلنا علي الحال ده لمدة اسبوع كامل..كنت بعمل الي بشوفة افضل من غير ما ارجع لراي ايهاب بية وانا بتمني انه يعترض ويجيب اخرة مني ويطردني لكن معرفش ليه كان طويل البال معايا
وبعد مرور اسبوع وانا في شغلي عند ايهاب بية.. جاني تليفون من صباح اختي وهي بتعيط بحرقة وبتقولي
الحقيني يا ريم
قلت وانا مفزوعة من بكائها .. في ايه؟
قالت.. اختك رغد يا ريم واخذت تبكي وهي تقول ..اختك غرقت وماتت في المصيف .....
عشقتك رغما عنك
الجزء الثالث
للكاتبة ..حنان حسن
بعد مرور..اسبوع من شغلي مع ايهاب بية.. وفي يوم كنت في شغلي عند البية.. وكنت بجهز السفرة عشان ايهاب بيه كان علي وصول من شغلة.. لقيت صباح اختي بتتصل بيا..ولما فتحت الموبيل..لقيت صباح بتبكي وتقولي الحقيني يا ريم.. مصيبة
قلت وانا مفزوعة ..في ايه؟ ايه الي حصل؟
قالت وهي منهارة.. اختك رغد.. غرقت وماتت وهي في المصيف ..
استمعت الي صباح وانا عقلي بيرفض الي سمعتةوداني ..
قلت ..انتي بتقولي ايه؟؟
قالت صباح وهي تبكي بحرقة.. ام رحيم زوجة الشيخ ..اتصلت بيا حالا ولسه قايلالي ان اختك نزلت البحر تعوم والتيار جرفها وغرقت ومقدروش ينقذوها ..تعالي بسرعة يا ريم نسافر نشوف المصيبة دي
سمعت كلامها والدنيا لفت بيا وحسيت ان برج من دماغي طار.. طبعا مكنش ينفع اقعد استني ايهاب بيه عشان استاذنة اني امشي بالرغم انه كان في الطريق وكان فاضلة دقايق ويوصل بس بصراحة انا كنت في حالة انهيار و مقدرتش استني
اتصلت..علي عم صلاح حارس العمارة..واول ما طلع..سلمتة امل في ايده وقولتلة.. خلي امل معاك يا عم صلاح وخد بالك منها علي ما ايهاب بية ما يرجع من الشغل
المشكلة ان عم صلاح كان من الناس الي بيحشر نفسة في كل حاجة وبيعشق النميمة ومجايب سيرة الناس.. وانا بصراحة اول ما دخلت بيت ايهاب بية.. كنت بصدة ومش بعطي ليه اي فرصة انه ياخد عليا ويحكي معايا عشان كده مكنش في عمار بيني وبينة
سالني عم صلاح
قال..انتي رايحة فين؟
قلت وانا بجمع حاجاتي وكنت مستعجلة.. معلش يا عم صلاح عندي مشوار مهم ..بس انت لما يجي ايهاب بيه اديلة المفاتيح دي وسلمة بنتة ..سلام عليكم..وسيبتة ومشيت..
طبعا عم صلاح ما صدق يلاقي فرصة عشان يمشيني من بيت ايهاب بية وبمجرد ما انا خرجت ..اتصل باايهاب بيه وقالة..ايوه يا بيه.. البت الي شغالة عند سعادتك سابت البيت وسابت بنت حضرتك ومشيت بسرعة كانها عاملة مصيبة.. انا شاكك يا بية انها تكون خدت حاجة من البيت حكم البت دي باكسة وقادرة وعينها قوية وبحرها غويط
سالة ايهاب بية
قال.. هي البت دي مشيت من امتي؟
قالة لسه حالا خارجة اهية.. وانا اول ما خرجت اتصلت بحضرتك
قال ايهاب في عجل ..خلاص خلاص اقفل انا داخل علي البيت وشوفت البت ادامي خلاص
ده كده الحوار الي دار بين ايهاب بية والحارس بتاع العمارة ..
اما بالنسبالي انا بقي ..فا كنت خارجة من بيت ايهاب بيه وانا بعيط وعنيا مليانة بالدموع لدرجة اني دموعي خلتني مش شايفة ادامي..
للكاتبة حنان حسن
مره واحده لقيت عربية فرملت ادامي بسرعة وكانت هتجيبني تحتها..مسحت عنيا وبصيت ادامي.. لقيت ايهاب بية..هو الي سايق العربية..وكان شكلة متعصب اوي ..لدرجة انه كان بيتكلم بصوت عالي
قال..استني واقفي عندك ..تعالي هنا
قلت.. اسفة يا فندم حصلتلي ظروف ومكنش ينفع استني حضرتك
لقيتة فتح العربية ..وشاور بايدة بطريقة الامر ..
قال.. اركبي
ولسة هقولة.. لا يا فندم مش هينفع ارجع مع حضرتك انا عندي مشوار مهم..
لقيتة اتعصب عليا وعلي صوتة في الشارع
قال..انتي هتركبي يا بت ولا اخليكي انا تركبي بطريقتي؟
لقيت نفسي بفتح باب العربية وجلست بجانبة وهو ساكت خالص لغاية ما ركن العربية .. وبعدها نزل من العربية..وفتح الباب الي ناحيتي وقالي..انزلي يا بت
مكنتش فاهمة هو ليه بيعاملني كده بالطريقة الاوفر دي.. المهم طلعت معاه شقتة وكان عم صلاح داخل الشقة ومعاه امل ..
دخل ايهاب بيه
وطلب من عم صلاح ينزل يجيب زوجتة من تحت حالا..وفعلا نزل عم صلاح جاب زوجتة.. وفضل ايهاب بيه منتظره بدون ما ينطق بكلمة
ومره واحده لقيت ايهاب بية بيقرب مني وبيسالني
قال..كنتي رايحة فين يا بت ؟
قلت..وانا متوترة..والله يا فندم حصل ظرف قهري وكان لازم امشي ..لكن فجاءة قبل ما اكمل كلامي لقيت ايهاب بية صفعني علي وجهي..وضربني قلم مؤلم وقاسي جدا لدرجة اني وقعت علي الكرسي نظرت ناحيتة وانا ببكي ومستغربة هو بيضربني كده ليه؟
لكن ملحقتش اسالة لانه شدني من ذراعي عشان اقف ادامة ورجع يسالني تاني..
قال.. اخدتي ايه من البيت يابت؟
قلت.. والله يا فندم ما اخدت حاجة..لقيتة ..مسكني من دراعي بطريقة مؤلمة خلتني اعيط من شدة الالم.ثم امر ايهاب بية .. زوجة عم صلاح تاخدني في الغرفة وتفتشني تفتيش ذاتي.. ولما ملقتش معايا حاجة رجعت لايهاب بية تعرفة اني مكنش معايا حاجة
قلت وانا ابكي يا فندم والله العظيم انا ما اخدت حاجة من عند حضرتك وكنت ماشية عشان اختي حصل لها ظروف
قال ..بقولك ايه يا بت انتي بلاش الشويتين دول معايا.. هتقولي كنتي هربانة ليه؟ ولا مش هتقولي؟
وفي اللحظة دي رن الموبيل بتاعي وكانت صباح اختي هي الي بتتصل..
فا اخذ ايهاب بية الموبيل وفتح الصوت عشان يعرف يسمع المكالمة وطلب مني اني ارد
قلت.. وانا ابكي الوو ..ايوه يا صباح..
ردت صباح وقالتلي..هدي نفسك يا ريم ومتعيطيش يا حبيبتي انا بتصل بيكي دلوقتي عشان اقولك علي خبر سمعتة جديد عن اختك
قلت بجد؟ايه خير ؟
قالت.. الست ام رحيم اتصلت بيا وقالت انهم لما اختك اختفت في البحر هما شكوا انها ماتت لكن ملقوش جثة ولا حاجة الحمد لله يعني ممكن اختك تكون كويسة ومجراش لها حاجة ان شاء الله
قلت بجد والنبي يعني هما مش متاكدين انها بعد الشر ماتت؟
قالت.. تعالي بس وهنسافر انا وانتي ونشوف..هو انتي وصلتي لفين كده انا مستنياكي. يله
قلت.. حاضر وقفلت مع صباح
لقيت ايهاب بية.. جلس علي الكرسي..وبص ناحيتي وكانه ندمان انه اتسرع وظلمني
قال.. ايه موضوع اختك ده؟
قلت.. ممكن حبة مية اشرب الاول؟
طلب من عم صلاح انه يجيب المية وبعد ما جاب شوية المية.. طلب منه ينزل هو وزوجتة خلاص
وقالي ..احكيلي بقي موضوع اختك ده ايه؟
وطبعا حكيتلة حكايتنا وظروفنا من الاول خالص من اول ما امي اتجوزت ابو صباح لغاية منا واقفة ادامة دلوقتي
وبعد ما خلصت حكايتي توسلت له انة يتركني عشان الحق اروح اطمن علي اختي واعرف جرالها ايه؟
قال.. هما الناس الي اختك اشتغلت عندهم دول تعرفوهم قبل كده؟
قلت.. لا دي شغلانه جاية من طرف واحدة صاحبة صباح اختي بتشتغل في البيوت بردوا
سكت شوية..وبعدين نظر الي ثم
قال..انتي خلصتي الاكل ولا لسة؟
قلت.. ايوه خلصتة وجاهز حضرتك.. تحب تاكل دلوقتي ؟
قال.. لا.. دخلي الاكل الثلاجة ولبسي امل بسرعة..
استغربت من طلبة لكن قولت يمكن هياخد بنتة ورايح يتغدي بره... وفعلا دخلت لبست بنته ودخلت الاكل في الثلاجة علي ما هو اخد دش وخرج لبس هدومة..ولقيتة بيقولي قفلي الشقة علي ما جهز العربية
دخلت قفلت الشقة كويس واخدت امل عشان اوصلها لايهاب بيه عند العربية.. ولما نزلت .. لقيت ايهاب بيه بيفتح الباب الي ورا وبيقولي ادخلي.. اقعدي مع امل ورا وخلي بالك منها.. اترددت شوية وبعدين دخلت ..وقبل ما يطلع بالعربية ..لقيتة بيسالني
قال.. هي اختك صباح ساكنة فين
قلت.. لا يا فندم شكرا لحضرتك اتفضل روح مشوارك انا اختي مشوارها بعيد..
للكاتبة.. حنان حسن
لقيتة بيقولي..لا انا هاخدك انتي واختك وهوديكم اسكندرية عشان تطمنوا علي اختكم
انا طبعا مصدقتش الي سمعته وقلت.. معقولة الي كان بيضربني ويعذبني فوق من شوية ده..هيوصلنا لغاية اسكندرية انا واختي..لا انا باين القلم الي ضربهولي اثر علي وداني
فا لقتني بسالة تاني عشان اتاكد..
قلت.. هو حضرتك تقصد انك هتيجي معانا انا وختي اسكندرية فعلا؟
قال.. ايوه انتي مبتسمعيش ولا ايه؟
قلت.. بس يا فندم كده هيبقي تعب علي حضرتك خصوصا انك لسه جاي من الشغل وزمانك تعبان
قال.. اسكتي وبطلي رغي وقولي اختك ساكنة فين؟
قلت في نفسي يظهر انه لسه مش مصدقني وعايز يجي معايا عشان يتاكد من كلامنا انا وصباح
ولقيتة بيردد السؤال مره اخري
قال.. اخلصي بيتكم فين؟
للكاتبة..حنان حسن
قلت..في بولاق
وفعلا وصلنا لغاية بيتنا واتصلت علي صباح بالتليفون وطلبت منها تنزل ..واتفاجات صباح بعربية ايهاب بيه.. ولما اقتربت من العربية طلب منها ايهاب بيه انها تركب ..وجلست بجانبة بدون اي تعليق وهي مش فاهمه ..ايهاب بية رايح اسكندرية يعمل ايه؟
وفي الطريق استوقف ايهاب بيه العربية ودخلنا استراحة في الطريق فيها مطعم وطلب لينا جميعا اكل وطبعا انا وصباح ماكلناش اي حاجة بسبب حالتنا النفسية الزفت
وساعتها امل كانت عايزه تدخل الحمام فاسالت عن مكانه..فا لقيت ايهاب بيه..بياخدني انا وامل يوصلنا لمكان الحمام..وبعد ما امل انتهت وخرجنا لقيتة لسه منتظرنا في الخارج..وقبل ما نمشي ونرجع ننضم لصباح..لقيت ايهاب بيه لاول مره بينادي عليا وبيقول(ريم)بصراحة كان اسمي ليه رنين مختلف منه هو..نظرت ناحيتة بسرعة و
قلت..نعم
قال..متزعليش
قلت.. عادي يا فندم احنا متعودين من الدنيا علي اكتر من كده
قال.. ان شاء الله هنلاقي اختك وتطمنوا عليها
قلت.. يارب
قال.. سيبيها علي الله وان
شاء الله خير
للكاتبة..حنان حسن
واخذنا انا وامل ورجعنا لننضم لصباح
واثناء ما كنا قاعدين في الاستراحة صباح اختي جالها اتصال من ام رحيم زوجة الشيخ ..الي رغد كانت شغالة عنده..
ردت صباح
قالت..الووو
قالت ام رحيم.. هو انتوا جايين انتي واختك ولا ايه عشان انا عايزه اسافر
قالت صباح..لا احنا جايين والله في وسط الطريق اهوه
وبعد ما صباح قفلت معاها
سالها ايهاب بيه
قال.. هي مفروض عايزاكي تروحي تعملي ليها ايه؟وليه بتستعجلك كده؟
قالت صباح..اصلها عايزة ترجع مصر بس مستنياناعشان تورينا المكان الي اختي غرقت فيه وتعرفنا هنعمل ايه ونروح فين عشان نطمن علي اختنا وكده
للكاتبة..حنان حسن
بعدها بشوية ايهاب بيه استأنف السواقة تاني.. لغاية ما وصلنا اسكندرية وتحديدا للعنوان الي اديتهولنا ام رحيم وامام البيت... طلب منا ايهاب بيه طلب غريب
قال.. مش عايز حد من الناس دول يعرف اني ظابط
قلت.. طيب هنقول حضرتك مين
قال ..كاني جاركم وكنت مسافر اسكندرية واخدتكم في طريقي
للكاتبة.. حنان حسن
طبعا استجبنا انا وصباح لامره ده
ولما وصلنا للشالية بتاع ام رحيم ..رنيت الجرس
ولقينا حاجة غريبة جدا..........
مع متابعة الصفحة الشخصية
مع تحياتي
عشقتك رغما عنك
الجزء الرابع
اول ما وصلنا للاسكندرية.. وتحديدا مكان الشالية الخاص بام رحيم.. زوجة الشيخ .. وقفنا علي الباب وضربنا الجرس.. وكانت المفاجاءة لما الباب اتفتح اننا لقينا الشيخ هو الي بيفتح لينا..مع ان ام رحيم كانت قالت لصباح ..قبل ما رغد اختي تسافر معاها.. انها عايزه رغد معاها عشان الشيخ مشغول وصعب يسافر اسكندرية معاها.. وانها هتكون في اسكندرية لوحدها عشان كده كانت عايزة رغد اختي ونس ليها..
المهم..بعد ما الشيخ فتح لينا الباب بنفسة.. اتفاجاء بوجود راجل معانا لان زوجتة طبعا كانت مفهماه اني انا واخواتي ملناش حد ومقطوعين من شجرة
نظر الشيخ..الي ايهاب بية..وهو يسال بعينية وكانه يقول.. مين ده وبيعمل معاكم ايه؟
فاتقدمت انا بسرعة وعرفتة بينا
قلت.. انا ريم ودي صباح اخوات رغد وده الاستاذ ايهاب جارنا جه معانا يوصلنا في طريقة .. ابتسم الشيخ ابتسامة خفيفة وهو بيفتح لينا الباب وبيشاور بيدة لندخل
وفعلا دخلنا وقبل ان نجلس ..سالتة
قلت..هو ايه الي حصل لرغد بالظبط؟
قال الشيخ..اتفضلوا اقعدوا وانا هقولكم كل حاجة بس الاول خلي الراجل الي وصلكم وزمانه تعبان من المشوار ياخد واجب الضيافة ويلحق مشوارة وبلاش تعطلوة معاكم وكان طبعا يقصد بكلامة ده ..ايهاب بية
رد..ايهاب بيه بعدما لاحظ ان الشيخ لا يريد ان يتحدث في الموضوع امامة..
فقال.. انا صحيح جارهم ..لكن انا وريم في حكم المخطوبين ومينفعش امشي واسيبها هي واختها الا لما ارجعهم زي ما جيبتهم...وبص للشيخ وقال.. اتفضل اتكلم وطمنهم علي اختهم واعتبر الواجب بتاعك وصل
نظر الشيخ لايهاب بية نظرة غضب وعدم ارتياح..ثم
قال..اختكم جت مع زوجتي..ام رحيم.. عشان تساعدها في رعاية رحيم هنا في المصيف..واختكم كانت فرحانة بالمصيف والبحر وام رحيم كانت عايزاها تستمتع.. فا سابتها تنزل المية كل يوم طول الاسبوع الي قعدوة هنا ..وفي اخر يوم ..اختكم نزلت المية ومظهرتش بعدها مع انها كانت سايبة هدومها مع ام رحيم..وفضلنا ندور عليها كتير وبلغنا خفر السواحل وبعتنا غواصين يدوروا في المكان الي نزلت فيه ملقوهاش ولا لقوا حتي جثتها ..واحنا جيبنكم دلوقتي عشان تشوفوا وتدورا تاني بنفسكم في المكان الي غرقت فيه
استوقفة ايهاب بية ثم
قال..معلش عندي سؤال
قال الشيخ..اتفضل
قال ..ايهاب بية ..هي مش مفروض ان رغد كانت جاية هنا مخصوص عشان تراعي ابن حضرتك وتخلية يستمتع بالمصيف وتبقي ملازمة الولد ليل نهار؟
قال الشيخ.. ايوه
رد ايهاب بية
قال..امال ازاي لما رغد غرقت كانت لوحدها والولد مكنش معاها ولا هي كانت جاية عشان تنزل الميه بس؟
رد الشيخ في غضب
قال..تقصد اية؟
قال.. مفيش انا بسال بس سؤال جه علي بالي ثم اضاف..اه صحيح بالمناسبة..انتوا عملتوا بلاغ للشرطة بانها غرقت؟
قال الشيخ ساخرا..وهو احنا كنا اتاكدنا انها غرقت ولا حته شوفنلها جثة؟ وبعدين تعالي هنا انت بتتكلم كده ليه وتقصد ايه من اسالتك دي؟
رد ايهاب بية..
قال.. بقول ان البنت عندكم وفي مسؤليتكم يعني انتوا مسؤلين عن غيابها ادامنا وادام القانون
رد الشيخ ببرود ..
قال..عندك ما يثبت انها كانت شغالة عندنا؟
نظر اليه ايهاب بية وهو يهم بالوقوف ثم
قال..انا هطلع من هنا علي قسم الشرطة وهما الي هيحددوا ان كنت مسؤال عن غيابها او لا..ثم نظر الينا انا وصباح وقال يلا بينا
وخرجنا من بيت الشيخ..
للكاتبة..حنان حسن
خرجنا من بيت ذلك الشيخ الذي توحي تعابير وجهة بالريبة والشك بانه له يد في اختفاء رغد
وبعد ما ركبنا جميعا العربية.. كان عزت بيه ساكت وبيفكر في حاجة فا حبيت اقطع الصمت ده
قلت.. هو حضرتك شايف ايه؟
قال.. الراجل ده وراه حاجة ومش مرتاح من ناحيتة
قلت.. انا كمان بدات اشك فية وخصوصا لما افتكرت الكلام الي قالتهولي رغد قبل ما تسافر معاهم
فرمل ايهاب بيه السيارة وهو بينظر ناحيتي..ثم
قال.. كلام ايه؟
قلت..رغد اول يوم تشتغل عندهم فيه ..نزلت تلاعب ابنهم في الدور الارضي تحت والولد اختفي منها ..ولما راحت تدور عليه ..بصت بطريق الغلط في شباك.. ووجدت ثلاثة اشخاص بيقطعوا جثة راجل.. دي حتي رغد يا قلبي كانت خايفة جدا وقالت انها مش هتروح عندهم تاني..
قال.. ولية خلتوها تروح تاني؟
قلت ..تاني يوم جت ام رحيم بنفسها واخدتها من صباح بحجة انها تبقي معاها عشان هي مسافرة لوحدها عشان الشيخ مش فاضي يروح معاهم بسبب شغلة..ورغد قالت ليا انا بس باليل ولما صحيت ملقتش رغد وصباح سابتها تسافر لانها مكنتش تعرف حاجة عن الحكاية الي قالتها رغد
استمع ايهاب بية لكلامي بتركيز في كل كلمة ثم
قال..كده وضحت المسألة..ووضح
وحرك مفاتيح السيارة مرة اخري وهو يقول.. احنا لازم نطلع علي اقرب قسم شرطة..
قالت صباح
هنروح قسم الشرطة ليه يا ايهاب بية
قال.. عشان واضح كده ان اختكم اتعرضت للقتل ..والموضوع مش غرق بس
وفعلا دخلنا قسم الشرطة.. وايهاب بية طلب مقابلة مأمور القسم شخصيا.. ودخل عنده لوحده الاول وفضلنا انا وصباح اختي منتظرين بره لغاية ما استدعانا المأمور عشان ياخد اقوالنا.. بصراحة كل الي في القسم كان بيعامل ايهاب بية باحترام شديد حتي المأمور..وكانوا مهتمين بالبلاغ الي قدمناه جدا ووجة المأمور اوامر مشددة بالبحث عن رغد..بعد ما اخدوا مننا صورة لها تساعدهم في البحث ..وطبعا ايهاب بيه طلب منهم انه يكون معاهم في تواصل معاهم لفك رموز القضية دي ..
وبعدها خرجنا كلنا من قسم الشرطة ..ولقينا ايهاب بيه بيقولنا..اسمعوا
اختكم دلوقتي في عداد المفقودين.. والشرطة هنا هتقوم بالبحث عنها من خلال صورتها الي اخدوها منكم..
وبالنسبالي انا فا هتولي التحقيق في القضية من القاهرة عشان افتش بيتهم والمكان الي شافته رغد..لكن انتوا دلوقتي مينفعش تفضلوا هنا.. ولازم تنزلوا معايا مصر دلوقتي
قالت صباح..وهنمشي من غير ما نعرف حاجة عن اختي؟ امال كنا جايين ليه؟
قال..اختك مش معروف مكانها فين.. والبوليس اول ما هيتوصل ليها هيتصل بينا يعني وجودكم هنا ملوش اي لزمة ده لو مكنش خطر عليكم كمان ..
طبعا وافقنا اننا نرجع مع ايهاب بيه بعد ما اقتنعنا بكلامة
واحنا راجعين.. كنت قاعدة في الكرسي الي جنبة.. لان ايهاب بيه واحنا بنركب فتحلي الباب الي جنبة..وفي طريق العوده كنا باليل والطريق شبة فاضي.. وصباح اخدت امل في حضنها في الكرسي الي ورا وناموا.. وانا كنت مركزة اوي مع ايهاب بيه من غير ما ابص عليه مباشرة..لكن كنت مركزة معاه وفي ملامحة ..وقوتة وشخصيتة الغريبة.. فا برغم من انه كان قاسي معايا قبل ما نسافر وتشوفة تقول معندوش قلب ومش بيعرف الرحمة..الا اني حسيت دلوقتي انه في قلبة رحمة وحنية للاسف عمري ما قابلتهم قبل كده وكنت بسال نفسي وانا جنبة.. يا تري لو مكنتش جيت معانا وحمتني انا واختي كنا هنعمل ايه وكناهنتعامل ازاي مع الناس دول؟
المشكلة..اني كنت لاول مره في حياتي بشعر اني ليا حد يحميني..لا وايه ده مش اي حد.. ده ايهاب بيه بجلالة قدرة..
مش عارفة ليه كنت حاسة انه مركز معايا بجنب عينة زي منا كنت مركزه معاه بس طبعا كدبت احساسي العبيط ده.. وفضلنا كده لغاية ما وصلنا مصر وروحنا ووصلنا انا وصباح اختي لغاية البيت كنت ملاحظة انه مركز معايا
وبعد ما وصلنا ونزلنا انا وصباح من العربية.. قربت من شباك العربية عشان اشكره علي تعبة معانا طول اليوم
قلت.. والله العظيم مش عارفة اشكر حضرتك ازاي ولا واقولك ايه علي تعب حضرتك معانا طول اليوم
قال.. بلاش عبط.. ادعي بس نلاقي اختك قريب ان شاء الله
قلت ..يارب
قال..يلا اطلعوا واقفلوا عليكم كويس انتي واختك
طبعا مش عايزه اقولكم اني كنت قربت اعيط من حنيتة دي وانا بقوله حاضر
وبعد ما اخدت صباح وكنا لسه هنطلع لقيته بينادي بكل حنيه
قال.. ريم..
قلت..نعم
قال.. تعالي بكره بدري عشان امل
قلت وانا ابتسم ..حاضر بكره من النجمة هكون عند حضرتك
وطلعنا انا وصباح وبعد مافتحنا الشقة..مش هتصدقوا لقينا ايه؟؟؟
حنان حسن
عشقتك رغما
عنك
الجزء الخامس
بعد ما تركنا ايهاب بيه..امام البيت وطلعنا انا واختي صباح لشقتنا.. فتحنا الباب واذا بنا نتفاجاء بوجود ..رسالة جوه الشقة علي الارض وكان واضح ان حد مدخلها لنا من تحت عقب الباب..اول ما صباح اخدت الظرف الي فيه الرسالة
قالت.. ايه ده ياتري مين باعتلنا جواب؟
للكاتبة حنان حسن
وبعد لما صباح فتحت الرسالة ..لقيتها بتصرخ وبتقول الحقيني يا ريم شوفي ايه الي مكتوب
اخذت منها الرسالة ..وقراتها وكان فيها الاتي..
اخواتي وحبايبي..صباح وريم.. انا عارفة انكم قلقانين عليا
لكن انا بطمنكم وبقولكم انا بخير متخافوش واطمنوا ..كلها شوية وهرجع لكم تاني ..اناعارفة انكم هتشكوا ان مش انا الي كتبتلكم الرسالة..لكن انا هقولك امارة ياريم ..وهي اخر كلام كان بينا قبل ماتسيبيني وتدخلي تنامي في اخر ليله ليا عندكم ..لما قولتيلي .. (مقولش الكلام ده لاي حد مهما كان)
اظن كده بعد الامارة دي انتي صدقتي يا ريم ان الرسالة مني عشان تطمني وتطمني اختك اني بخير
ملحوظة مش عايزة اي حد غيركم انتوا الاتنين يعرف بامر الرسالة دي ولا حتي حد يعرف انكم تعرفوا عني حاجة خالص عشان متعرضوش حياتي للخطر
اختكم رغد.
بعد ما خلصت قرأءة الرسالة.. بقيت انا وصبا ح مستغربين من الرسالة لدرجة اننا كنا هنتجنن..وكنا بنسال مية سؤال.. اهمهم..
هي فعلا رغد حية ترزق وبخير؟
وياتري هي فعلا الي بعتت لنا الرسالة دي ؟
قالت صباح.. ما يمكن..في حد بيلعب بينا لغرض معين؟
لكن انا رديت عليها..
قلت.. لا فعلا الامارة الي اختك كتباها في الرسالة صح جدا والكلام ده فعلا حصل مني ليها اخر لحظة كنت معاها ومكنش حد معانا
ردت صباح..
قالت..طيب ولما هي بخير وعايزة تطمنا عليها..مجتش ليه ؟وطمنتنا بنفسها؟ وليه تبعت رسالة بالطريقة الغريبة دي؟
قلت..واضح انها خايفة من حاجة.. بدليل المكتوب في الرسالة.. لما قالت ..اننا ممكن نعرضها للخطر لو عرفنا حد بالرسالة
ردت صباح
قالت..طيب هي فين دلوقتي وعند مين؟..دي يا قلب اختها طول عمرها لا كانت بتخرج ولا بتعرف حد
وفضلنا انا وصباح نسال بعض مليون سؤال وكلهم مفيش ليهم اجابة..
ولقيت صباح بتسالني اهم سؤال
قالت..طيب المفروض بقي احنا هنقول لايهاب بيه علي الرسالة ولا لا؟
قلت.. ايوه طبعا لازم نقوله عشان يبقي عارف كل حاجة
ردت صباح
قالت..لا ياريم احنا كده ممكن نعرض اختك للخطر لاننا منعرفش هي ظروفها ايه دلوقتي وخصوصا انها نبهت في الرسالة علي اننا منعرفش حد خالص
وبعدين تضمني منين ان ايهاب بيه لما يطمن انها عايشة وبتبعت رسايل ..ميكبرش دماغة ويخلي المباحث تبطل تدور عليها؟
ده غير ان المباحث ممكن تشك فيا انا وانتي اننا سبب غيابها وندخل في سين وجيم واحنا مش اد بهدلة الاقسام يا ريم
قلت.. يعني ايه؟
قالت.. ياريم كده كده المباحث بتدور عليها ..هنخليهم يبحثوا عنها بطريقتهم .. واحنا نستني نشوف اختك هترجع بعد يومين فعلا زي ما قالت ولا ايه؟ مش هنخسر حاجة لما نصبر ..مش يمكن نلاقيها مره واحده دخلت علينا واحنا قاعدين؟
ولو فاتت فترة واختك مجتش نبقي نبلغ البوليس بالرسالة دي
بصراحة انا مكنتش عارفة افكر من الي كنا فيه ده.. فا ملقتش ادامي غير اني اوافق صباح في كلامها ورايها ده وامري لله..
في اليوم التالي.. بعد ما وصلت لبيت..ايهاب بيه.. كنا لسه بدري اوي وكنت محتارة ارن الجرس دلوقتي وازعج ايهاب بيه واصحية من النوم ولا اقعد شوية ع السلم واستناه لما يصحي؟..
لكن الي خلاني ارن الجرس ..هو اني لقيت عم صلاح حارس العمارة.. جاي..بيسالني سؤال حشري
قال.. ازيك .. ياريم
قلت.. الحمد لله يا عم صلاح
قال.. هو البية رجعك تشتغلي هنا تاني بعد الي حصل؟
طبعا مردتش عليه وكاني مسمعتش سؤالة المستفذ ده
ولقيت نفسي برن الجرس علي ايهاب بيه اكتر من مره عشان اهرب من تطفل عم صلاح البواب..
وفجاءة لقيت ايهاب بيه بيفتح ..وكان واضح انه لسه صاحي من النوم..
قلت وانا اشعر بالذنب اني ازعجتة وصحيتة بدري اوي كده
قلت.. اسفة والله انا مكنتش عايزة اجي بدري اوي كده بس حضرتك نبهت عليا اني اجي بدري عشان امل
لكن اتفاجاءت انه بيبتسم ..بمنتهي الرقة وبيقول..لا بالعكس انا قلقان من بدري ومستنيكي
قلت.. نعم؟
قال.. عشان افطر.. اعمل ايه؟ منتي عودتيني علي اني افطر من الطعمية بتاعتك السخنة
قلت.. حالا هكون مجهزة لحضرتك الفطار
للكاتبة حنان حسن
ودخلت بسرعة.. علي المطبخ وبدات اجهز الفطار وفي عز منا بحاول اجهز الفطار بسرعة ومشغولة.. لقيت ايهاب بية واقف علي باب المطبخ وبيستاذن بالدخول..
قال.. اعمليلي فنجان قهوة يا ريم قبل الفطار لاني صاحي مصدع بعد المشوار بتاع امبارح ده
قلت .. انا طبعا مقدرة مشوار امبارح المجهد الي خلي حضرتك تصدع ده...لكن اسفة.. بردوا ممنوع القهوة قبل الفطار..
نظر الي وهو يبتسم ..ثم
قال..ايه ده بقي ان شاء الله..انتي هتحطي قوانينك هنا وهتجبريني امشي عليها كمان ولا ايه؟
قلت.. لا خالص..مفيش ممنوعات حضرتك هنا غير السجاير والقهوة الي قبل الاكل
قال ..يسلام والسجاير كمان هتتحمكي فيها؟
قلت.. والله يا فندم السجاير والقهوة علي معدة فاضية مضريين جدا علي الصحة
سالني.. وهو يبتسم
قال ..انتي متعلمة لغاية اية يا ريم؟
قلت.. انا مش عندي اي شهادات لاني مدخلتش مدرسة اصلا لكن انا روحت لمركز محو امية..وعلمت نفسي القراءة والكتابة وكنت بحب اقراء جدا لدرجة ان اي حد بيتكلم معايا بيفتكر اني معايا شهادة كبيرة كمان
طبعاانا كنت بتكلم مع ايهاب بية وانا بجهز الفطار وبمجرد ما انتهيت من الفطار.. حطيتة علي الصينية
وكنت هخرج عشان احطة ع السفرة برة
سالني ايهاب بيه سؤال مفاجاء ..
قال..مفيش اخبار عن رغد؟
رديت وانا متوترة..
قلت..اخبار زي ايه؟
قال.. الست.. ام رحيم متصلتش بيكم وقالت حاجة عنها تاني؟
بصراحة كان نفسي اعرفة موضوع الرسالة الي ارسلتها رغد.. لكن لقيت نفسي بفتكر كلام صباح وبرد عليه..
قلت... لا
قال.. متقلقيش ان شاء الله هنوصل لمعلومات عن سر غيابها ده قريب اوي
قلت.. يارب
للكاتبة.. حنان حسن
بعد ما انهي.. ايهاب بية..الفطار ..طلب مني فنجان القهوة بتاعة..
قلت.. حالا يا فندم قبل ما تلبس حضرتك عشان تروح شغلك ..هكون عملت القهوة
قال.. لا ياريم..انا مش هاروح الشغل النهاردة.. واعملي حسابك في ضيوف عندنا النهاردة
قلت.. اعمل حسابي في الغداء.. علي كام فرد مثلا؟
قال.. انا وهما 4وانتي وانتي وامل....يعني كلنا كده هنبقي 6
قلت ..من عنيا حاضر ..ثم تركني ليدخل مكتبة وينهمك في عملة
وانا بمجرد ماخليت امل تخلص فطارها كله .. ابتدات في تجهيز الغداء عشان اعمل اكل يشرفة ادام ضيوفة .. وقبل ما انتهي من تجهيز الاكل بدقائق ..رن الجرس وكان واضح ان الضيوف وصلوا
لقيت ايهاب بية.. خارج من غرفتة بعد ما لبس واستعد لمقابلة الضيوف.. ووجدتة يقول..خليكي يا ريم انا هفتح
رجعت تاني للمطبخ عشان افنش علي الاكل واحط اخر اللمسات استعداد لفرش السفرة
واول ما خرجت من المطبخ.. عشان اجهز السفرة .. لمحت الضيوف الي جاين لايهاب بية..
وشوفت اتنين هوانم واحده كبيرة في السن وواحدة شابة صغيرة..ومعاهم شاب ..عرفت بعدين ..ان دي عمتة وابنها وبنتها..
المهم روحت عند السفرة وجهزتها ..وكنت ملاحظة ان وجودي لفت انتباههم.. اصل بصراحة لبسي وشكلي مش بيقول اني شغالة خالص.. لدرجة ان ابن عمتة كان بينظر ليا باعجاب شديد و كان ايهاب بية ملاحظ الحكاية دي بدليل انه لما كان ايهاب بيه بيكلم ابن عمتة.. لقاة مش مركز معاه وكان بيبص ناحيتي.. فا لقيت ايهاب بيه بيقولة في ايه بقولك ركز معايا هنا.. ساعتها انا اتحرجت جدا وبمجرد ما جهزت الاكل علي السفرة ..دخلت المطبخ ومخرجتش تاني اثناء ما كانوا بياكلوا..
الغريبة ان امل بنت ايهاب بية كانت طول الوقت قاعدة معايا في المطبخ ومش عايزة تروح تقعد معاهم علي الرغم من نداءتهم المتكررة عليها..الا انها كانت رافضة تخرج لهم وكانها كانت رافضة تقعد معاهم.. لغاية ما مشيوا بعد العشاء بكتير كمان..
وفي المساء بعد ما مشيوا الضيوف..لقيت ايهاب بية داخل عندي المطبخ ثم
قال ..تسلم ايدك يا ريم الاكل عجب عمتي جدا ..
قلت.. الف هنا
قال.. عمتي دي ياريم هي االوحيدة الي باقية ليا من عيلتي هي واولادها..
قلت..واضح ان هما كمان بيحبواحضرتك جدا
قال.. سامح بية ابنها الي كان هنا ده مهندس معماري ولسة مش عايز يتجوز لغاية دلوقتي..
قلت.. اكيد كان مستني لما اختة تتجوز الاول
قال..لا مهي اختة كمان لسة متجوزتش.. بالرغم من انها اتقدم لها ناس كتير.. اصلها يا ستي مبيعجبهاش العجب..
ابتسمت وقلت.. ربنا يوفقها..
ابتسم وقال.. طيب اعملي لي بقي فنجان قهوة لو سمحتي ياريم
قلت.. حاضر
عملت القهوة ونيمت امل ولبست ودخلت لايهاب بيه ثم
قلت..بعد اذنك انا همشي بقي يا ايهاب بيه
قال..متخليكي الليلة دي يا ريم ..بصراحة استغربت من طلبة ده
قلت..اخليني فين؟
قال.. الوقت اتاخر ومينفعش تنزلي دلوقتي..ممكن تتصلي بصباح وتفهميها الي حصل.. وعرفيها انك هتباتي هنا
قلت.. وهبات فين هنا وازاي؟
قال.. باتي مع امل في اوضتها دي حتي هتفرح اوي
قلت.. لا يا فندم مينفعش ابات بره البيت ..وبعدين احنا لسه بدري والوقت مش متاخر اوي كده
وسيبتة..وخرجت ..وانا بغير الموضوع وبقول..حضرتك تحب اجي الساعة كام الصبح بالظبط عشان مفضلش واقفة علي الباب؟
قال..تعالي ياريم خدي
ومد يده واخرج ميدالية بها حزمة من المفاتيح واخرج لي نسخة من مفتاح الشقة ومد يده ناحيتي
نظرت الي يده ثم
قلت... ايه ده؟
قال.. دي نسخة من المفتاح عشان لما تيجي تبقي تفتحي ومتصحنيش الفجر تاني
ابتسمت ثم اخذت المفتاح من يده ثم
قلت .. حاضر وخرجت من عند ايهاب بيه وركبت تاكسي..لكن وانا في طريقي للبيت فضلت افكر في كل الي حصل من اول اليوم وازاي المسافة قربت بينا ..وازاي سمح ايهاب بيه .. بان جسر الثقة يتمد بينا لدرجة انه يعطيني نسخة من مفتاح الشقة وفضلت سرحانة بخيالي لغايةما
ذهبت الي بيتنا
للكاتبة ..حنان حسن
واول ما دخلت بيتنا... لقيت صباح مستنياني
قالت.. اتاخرتي كده ليه يا ريم
قلت.. معلش اصل ايهاب بيه كان عنده عزومة النهاردة
قالت..بلاش تتاخري تاني ..كفاية عليا قلقي وقهرتي علي غياب اختك.. الي مش عارفة اروحلها فين ولا اجيبها منين و اخذت تبكي وجعلتني ابكي معها
قلت.. حاضر مش هتاخر تاني..ورغد هترجع ان شاء الله قريب اطمني حبيبتي وحضنتها وطيبت خاطرها قبل ما تنام
وفي صباح اليوم التالي.. لقيت الموبيل .. بتاعي بيرن..
رديت
قلت.. الووو
وكانت المفاجاءة لما عرفت ان المتصل هو ........
مع تحياتي
الكاتبة..
حنان حسن
عشقتك رغما عنك
الجزء السادس
بعد ما طيبت خاطر صباح ودخلت نمت..
صحيت الصبح علي صوت رنين الموبيل..وكان رقم غريب..ولما رديت ..
قلت.. الوو
رد عليا صوت نسائي..
قالت..الووو ..ريم معايا؟
قلت.. ايوه مين حضرتك
قالت.. انا عمة ايهاب بيه يا ريم..
قلت.. اه اهلا وسهلا يا فندم اؤمريني؟
قالت.. كان عندي عزومة يا ريم وكنت عايزاكي معايا هنا النهاردة
قلت.. تحت امرك يا فندم بس لازم استاذن ايهاب بية عشان يبقي عارف اني مش هروحلة
قالت.. ايهاب بية عارف طبعا..امال انا جيبت رقمك منين؟
قلت..خلاص يا فندم تمام.. شوفي حضرتك عايزاني اجيلك امتي بالظبط وانا تحت امرك
قالت.. العزومة بكرة بس انا بجهز لها من النهاردة وعايزاكي تيجي من دلوقتي
قلت .. خلاص تمام..اديني حضرتك العنوان..
وبعد ما اخدت العنوان وقفلت معاها
قلت لنفسي ..يعني ايهاب.. بيه بيجامل قرايبة بالخدامة الشاطرة الي عنده..وهو ده تمامي عند ايهاب بيه..
ساعتها بس اتاكدت ان الي زي حالاتي .. ملهاش حتي تفكر مجرد تفكير في ايهاب بية.. وعرفت اني اخري معاه.. اني اخدم عنده وعند اهله وحذاري احلم مجرد حلم بحاجة غير كده..وقررت يومها اني هنسي الحلم العبيط بتاعي .. بان ايهاب بيه ممكن يبصلي ولا حتي يفكر فيا...وقررت اعيش عيشة اهلي .. واحلم باحلام تناسب الخدامين الي زي .. وكان اول قرار اخدتة.. اني اترك منزل ..ايهاب بيه نهائي..
وفعلا قومت.. ولبست وظبط نفسي ..ولبست طقم حلو وحطيت ميكب .. وكنت شايفة نفسي بقيت موزة اخر حاجة.. ويمكن اهتمامي بنفسي ده كان ..بسبب احساسي بكسرة النفس..يعني تقدروا تقولوا كده..اني عالجت احساسي بالنقص باني اظهر للناس ..اني مش فاقدة لكل حاجة اهوه لا دنا عندي امكانيات مش عند اي حد..
ونزلت ..ووصلت للعنوان الي عمة ايهاب بيه قالتهولي.. ولما وصلت.. ادام البرج الي عمتة ساكنة فية..سالت الحارس عن رقم الدور الي هي ساكنة فيه..ولقيت الحارس بيشاور بايدة وبيقولي الباشمهندس ابنها .. الي نازل من الاسانسير اهوه
للكاتبة..حنان حسن
انتظرتة.. ولما اقترب مني خلع نظارتة الشمسية..وهو يبتسم..ثم
قال.. ريم ..صح؟
رديت بابتسامة هادئة ثم
قلت.. ايوه يا فندم
قال.. يا هلا يا هلا.. اخيرا شوفنا حاجة عدلة من ايهاب ابن خالي ده؟..
واشار بيده ناحية المصعد وهو بيرجع معايا لشقتهم مره اخري
ثم فتح باب الاسانسير وهو
بيقول.. ليدس فيرست..النساء اولا..واصر اني ادخل الاول
ولما بقينا لوحدنا في الاسانسير..لاحظت انه جرئي جدا ومش بيعرف يداري نظراتة ولا اعجابة.. انا طبعا عملت نفسي مش واخده بالي انة متنح وواقف يبصلي ..لغاية ما الاسانسير وقف.. ونزلنا منة.. ولقيتة بيتقدم لباب شقتهم الفارهة وبيفتحها بمفتاحة الخاص.. وبيقولي اتفضلي.. ولما دخلت .. وجدت عمة ايهاب بيه بانتظاري ..واخدتني عشان تعرفني علي المكان وتقولي ايه الي مطلوب مني عشان اساعدها فيه..وفي خلال اليوم الي قضيتة عندها.. كنت ملاحظة ان بنتها ريهام.. بتتكلم مع ايهاب بية في الموبيل كتير وكان واضح انهم منمرين علي ايهاب بيه هي وامها.. ويمكن عشان كده عمتة حبت تسحبني من بيت ابن اخوها باسلوب ذكي
المهم ..بعد ما قضيت اليوم معاها في التنظيف والتجهيز للعزومة..لقيت ايهاب بيه بيتصل بيا في اخر النهار ولما رديت
قلت.. الوو
قال.. ايوه يا ريم خلصتي مع عمتي ولا لسه؟
قلت.. لا والله يا فندم لسه شوية
قال. بتعملي ايه عندك كل ده؟ .. دي عمتي قالتلي ان الموضوع مش هياخد ساعتين زمن..؟
معرفتش احدد الوقت الي هخلص فيه لان لسة معرفش هي عايزة تعمل ايه تاني في شقتها
وكانت ساعتها عمتة وابنها الباشمهندس جنبي و وسامعين المكالمة تقريبا .. فاطلبت من عمتة انها تكلمة وتشرحله ظروف التاخير وفعلا اخدت مني الفون..
قالت.. وهي تمزح ..الوو ايوه يا ايهاب..بقولك ايه انت تنسي ريم خالص بقي وتسيبها معايا علي طول.. اصل بصراحة البنت طلعت شاطرة اوي وشغلها عاجبني جدا..
و فجاءة وبدون سابق انذار ..اخد الباشمهندس من امة الموبيل وهو يمزح مع ايهاب بيه حيث قال
بقولك ايه يا هوبا ..اسمع كلام عمتك عشان ترضي عنك وانا كمان ارضي عنك .. ثم اخذت عمتة الموبيل مره اخري ثم
قالت وليك عليا يا سيدي هجيبلك واحده غيرها من الصبح.. وبعد ما خلصت كلامها معة .. اعطتني الموبيل وكان ايهاب بيه مازال علي الخط..
قلت ايوه يا فندم
قال.. اول ما تخلصي عندك يا ريم عدي عليا انا في البيت ..
قلت.. حاضر يا فندم وقفلت معاه.. وبعدها فضلت اشتغل مع عمتة لوقت متاخر
وعلي الساعة11 كنت خلصت.. وطلبت مني عمتة اني اسيبني من الشغل عند ايهاب بيه وهي هتزودني في الاجر والمقابل
المادي.. وطبعا انا وافقت لاني ساعتها كنت اخدت قرار اني اترك الشغل عند ايهاب بية نهائي..ووعدتها اني هبدء معاها من بكره
وبعد ما سيبتها ومشيت ركبت تاكسي عشان الوقت كان متاخر واثناء منا كنت في التاكسي.. لقيت ايهاب بيه بيتصل بيا وهو في قمة الغضب
قال.. الوو.. ينفع كده يا ريم؟
قلت.. معلش يا فندم اصل عمة حضرتك كان عندها شغل كتير ومكنش ينفع اقولها.. لا
قال.. بعد كده لما تطلب منك تروحي عندها ابقي قولي ليها انك مينفعش تسيبي امل لوحدها..
قلت.. مش عارفة يا فندم اقولك ايه بس عمة حضرتك اتفقت معايا اني هفضل عندها وهي هتجيب لحضرتك حد غيري..وقبل ان اكمل كلامي.. وجدت ايهاب بيه يصرخ وهو في منتهي الغضب
قال..عمتي مين الي قالت وانتي بتاخدي اوامرك من مين يا ريم ثم اضاف..
قال.. اتنيلي تعالي بكره من بدري عشان البنت الي سيبتيها النهارده طول النهار دي .. ومره واحده اغلق الخط وهو في قمة الغضب
بعد ما قفلت مع ايهاب بيه ..لقيت صباح بتتصل بيا وعرفت ساعتها انها قلقت عليا عشان اتاخرت عنها تاني النهارده كمان واكيد عايزة تطمن عليا .. طبعا ..
رديت علي الموبيل بسرعة
قلت..الوو
لقيت صباح بتصرخ وبتقولي انتي فين يا ريم تعالي بسرعة الحقيني شوفي المصيبة الي احنا فيها......
مع تحياتي
حنان حسن
عشقتك رغما عنك
الجزء السابع
بعد ما خلصت شغل عند عمة ايهاب بيه..وفي اثناء روجعي وانا في التاكسي .. اتفاجاءت بمكالمة صباح اختي ..الي كانت بتكلمني وهي مفزوعة وبتقول ..الحقيني يا ريم وتعالي شوفي المصيبة الي حصلت..
رديت عليها وانا مش عارفة اتمالك اعصابي
قلت ..اية يا صباح خير في اية؟؟
قالت.. لقوا جثة اختك رغد تعالي بسرعة ياريم عشان نسافر اسكندرية.. وقفلت الخط وهي بتبكي
للكاتبة.. حنان حسن
ساعتها لقيت نفسي بقول جملة واحده بس طول الطريق وهي(لا انا اختي عايشة وهترجع ان شاءء الله )وفضلت ابكي طول الطريق..لغاية ما وصلت للبيت ..ولقيت صباح مستنياني وهي مفطورة. من البكاء..
اخدتها في حضني وقولت لها.. اهدي يا صباح ابوس ايدك وقوليلي ..لقوا جثتها فين وازاي..ومين قالك انتي الخبر ده؟
قالت.. ام رحيم اتصلت بيا ..وقالتلي انهم طلعوا جثة من البحر وفيها كل مواصفات رغد وعايزانا نسافر انا وانتي اسكندرية حالا عشان نتعرف عليها ..
قلت.. ازاي الكلام ده يا صباح.. انتي ناسية ان اختك بعتتلنا رسالة وطمنتنا فيها انها بخير؟ وام رحيم متعرفش موضوع الرسالة عشان كده لما سمعت عن الجثة دي افتكرتها جثة رغد..
وبعدين مين قالك ان الجثة دي لرغد ؟مش يمكن تكون لاي واحده تاني مشابهة لاختك؟
وطلبت من صباح رقم ام رحيم..واتصلت بيها عشان افهم منها اكتر
رنيت علي ام رحيم وبعد ما فتحت الخط
قلت ..الو
قالت.. ايوه مين؟
قلت ..انا ريم اخت صباح وده رقمي
قالت.. ايوه ياريم انتوا هتيجوا امتي انتي واختك
قلت.. معلش .. كنت عايزة اسالك سؤال
قالت.. سؤال ايه؟
قلت.. هو انتي ايه الي مخليكي متاكده انها جثة رغد مش يمكن تكون جثة واحدة تانية بمواصفات رغد؟
قالت.. لا انا متاكدة.. لاني شوفت جثة اختك بنفسي ..
بعد ما سمعت تاكيد ام رحيم علي انها جثة رغد ..لقيت الدنيا لفت بيا وكنت مش عارفة اعمل ايه وخصوصا ان صباح اختي انهارت بالبكاء الهستيري..
وكان لازم نسافر حالا عشان نجيب جثة اختنا وندفنها..ولقيت نفسي في دوامة ومش عارفة اروح فين ولا اتصرف ازاي..
ولقيت صباح قامت تجري علي غرفتها عشان تلبس وهي بتقولي يلا نروح لاختك بسرعة ياريم..
وفعلا بدات استعد للسفر ..لكن معرفش ايه ايه جاب .. ايهاب بيه في دماغي ساعتها.. يمكن عشان كنت في قمة ضعفي وعجزي عن التفكير وشعوري اني لوحدي ومليش حد انا وصباح .. ولقيت نفسي بتصل بية وانا ببكي.. وبقولة
الوو.. ايوه يا ايهاب بية..خلاص رغد اختي ماتت ولقوا جثتها النهاردة
رد ايهاب بية..وهو غير مستوعب لما اقول
قال.. انتي بتقولي ايه يا ريم؟وجايبة الكلام ده منين؟
قلت..ام رحيم شافت جثة رغد اختي بنفسها وطلبت مننا نسافرلها انا صباح ..عشان نتعرف علي الجثة وندفنها..ومعرفتش امسك نفسي عن البكاء بحرقة
استوقفني ..ايهاب بية بصوتة الذي كان يحمل نبرة تحذير
قال ..اسمعي يا ريم.. اوعي تروحي اي حتة انتي او اختك.. لان الكلام الي وصلك ده مش صحيح..اختك بخير
وبعدين لو كانت فعلا جثة اختكم ظهرت كان زمانهم في مباحث اسكندرية بعتولي اشارة لاني بتابع معاهم في موضوع اختفاء اختك ثم طلب مني ان اجعلة يتحدث الي صباح.. ولما كلمتة ..حذرها هي كمان انها تسمع لاي اخبار الا من خلالة هو وحذر من ذهابنا انا وصباح لاي مكان او استضافة اي حد الا بعلمة هو شخصيا..
وبعد مكالمة ايهاب بية..بصراحة انا اتلخبطت ..ومبقتش فاهمة حاجة
منين ام رحيم بتاكد انها شافت جثة رغد بعنيها..ومنين ايهاب بيه بيتكلم بثقة وبيقول اختكم بخير؟وبعدين هو ايه بيخلية يؤكد علي انها بخير مع انه ميعرفش حتي موضوع الرسالة؟
وليه مش عايزنا نروح انا وصباح نتاكد حتي من الخبر المشؤم ده؟
انا عارفة طبعا ان دي اجراءت امن لينا انا وصباح بحكم خوفة وشكة في الشيخ وزوجتة دول.. وعارفة كمان انه عايز المباحث هي الي تبحث عن اختي بطريقتهم..
لكن انا وصباح دلوقتي متلخبطين ومش عارفين نعمل ايه؟
نصدق كلام ام رحيم ونروح ندفن اختي ونكرمها ؟ولا نمشي .. خلف قلق وشك ايهاب بية؟
لكن حيرتنا دي مطولتش كتير .. لان بعدها بنصف ساعة حصلت حاجة غريبة اوي..
فا في الوقت الي كانت صباح مصره تسافر وتشوف اختها مهما كانت العواقب.. وانا كنت بهديها واقولها اكيد ايهاب بية رجل مباحث كبير وعارف هو بيقول ايه وفجاءة واحنا قاعدين انا وصباح والساعة تقرريبا 2 بعد منتصف الليل..رن جرس الباب علينا ..طبعا انا وصباح اترعبنا وكنا نسال بعض.. ياتري مين هيجي دلوقتي في ساعة زي دي ..وبهدوء قربنا انا وصباح من باب الشقة عشان نشوف مين بره من خلال العين السحرية.. وفجاءة اكتشفنا وجود ظرف علي الارض تاني.. وكان الظرف فيه رسالة من رغد بردوا..
الغريبة.. اننا لما نظرنا من العين السحرية.. مكنش في اي حد ادام الباب ..فا رجعنا انا وصباح وخوفنا نفتح الباب
لكن جريت بسرعةو
فتحت الرسالة .. لقيت مكتوب الاتي
اخواتي وحبايبي ..صباح ..وريم
انا اسفة اني تعباكم معايا وقلقاكم عليا .. لكن خلاص هانت وانا يومين وهاجيلكم وهنبقي مع بعض تاني
اطمنوا انا بخير
اختكم ..رغد
بصراحة.. الرسالة دي كانت هتجنني انا وصباح لانها رسالة غريبة في توقيت غريب.. بيفتح الباب لمائة سؤال..
اولهم..
1-ليه الرسالة مكتوبة علي اله كاتبة مش بخط ايد؟
2-ليه الرسالة جايه دلوقتي تحديدا
3- لو اختي رغد عايزه تطمنا عليها بجد ليه مش بتيجي هي او حتي تتصل بالموبيل وتسمعنا صوتها؟
4- مين الي بيجي ويرمي الرسالة من تحت عقب الباب وبيعرف رغد ازاي ومنين؟
ولو الي بيبعت الرسالة دي شخص تاني ..طيب مصلحتة في كده ايه؟
ورغد لو عايشة هي فين وعند مين؟
والسؤال الي اهم من ده كله
هو..
ليه ام رحيم بتقول انها شافت جثة رغد اختي وليه بتكدب
وليه كانت عايزاني اسافر انا وصباح
وليه؟ وليه؟ وليه؟
مليون سؤال ملهمش ولا اي اجابة .. لكن الحاجة الايجابية الوحيدة الي عملتها الرسالة.. انها طمنتنا شوية ورجعت لينا الامل تاني انا وصباح انا رغد ما زالت علي قيد الحياة..
وخلتنا نعرف ننام
للكاتبة..حنان حسن
في اليوم التالي.. صحيت بدري علي صوت رنين الموبيل .. وكان المتصل ..هو ايهاب بية
قلت.. الووو ايوه يا فندم
قال.. ايوه ياريم .. هي عمتي اتصلت بيكي دلوقتي؟
قلت... لا يا فندم ..متصلتش
قال... طيب اسمعي يا ريم البسي دلوقتي حالا وتعالي انا مستنيكي
قلت.. حاضر ..انا جايه لحضرتك دلوقتي
وفعلنا.. وصلت لبيت ايهاب بية بسرعة وانا قلقانة جدا وعايزة اعرف هو عايزني ليه بدري كده..وفضلت اسال نفسي طول الطريق.. واقول..ياتري ايهاب بيه عنده اخبار تخص اختفاء رغد اختي؟ياتري هو عرف انها ماتت وعايزني عشان يقولي الخبر بالراحة؟
وفضلت الهواجس تلعب بتفكيري لغاية..ما وصلت لباب شقتة..ورنيت الجرس الاول قبل ما افتح بالمفتاح الي معايا ولما فتحت الباب..اتفاجاءت..بوجود واحدة شغالة جديدة غيري في بيت ايهاب بية.. ولقيت ايهاب بيه خرج من مكتبة علي صوت الجرس الي انا رنيتة قبل ما ادخل ولقيتة بيقول ..تعالي ياريم..واخدني علي اوضة المكتب ..وبعد ما دخلنا انا وهو اغلق الباب ..وبعدين بص ناحيتي ولقيتة بيقول..
لمعرفة باقي احداث القصة ضع عشر ملصقات..ومتابعة صفحتي الشخصية
مع تحياتي
تكملة الرواية من هنا 👇👇👇👇👇👇