جميلة_حد_الفتنة حياة_حمزة الفثل_السادس_والعشرين والسابع والعشرين والخاتمه بقلم رحمه نبيل

 جميلة_حد_الفتنة

حياة_حمزة

الفصل_السادس_والعشرين والسابع والعشرين والخاتمه

بقلم رحمه نبيل 

RAHMA NABIL美心

. ‏"يُستحال أن يردّك الله خائبًا وأنت مليء باليقين به❤️"

RAHMA NABIL 美心

"صلى عليك الله مـا اتسع المدى

واشتاقت الأرواح للرحمنِ

نفسي فداك وكل أهلي والورى

الجذع حن فكيف بالإنسانِ!"

RAHMA NABIL 美心

نظرت مليكه حولها والان فقط أدركت خطأها قادها غضبها الاعمي لهنا لم تري الرساله الخفيه التي كانت موجهه لها أن هذا فخ قذر ومِن مَن؟؟؟؟؟ من اختها ياللسخريه اختها تتمني ضياعها وموتها اغمضت عينها تري غبائها يلوح لها ويبتسم بخبث فتحت عينها وجدت رجال إيهاب يقتربون منها وهي تعود للخلف وترفع بهم السلاح وفي داخلها تصرخ مناديه لحمزه ترجو قربه ترجو حنانه الان، رعب هو كل ماشعرت به، هل  هكذا ستنتهي القصه صرخت هذه المره بهياج ورعب وهي تلعن غبائها ماذا لو كانت انتظرت حمزه او حتي ادهم كيف قادها الغضب كيف أخطأت هكذا خطأ يمكن أن ينهي حياتها

ابتعدت وهي تصرخ بهم / محدش يقرب سامعين محدش يقرب

نظر لها إيهاب بغضب جحيمي وحقد / امسكوها اخلصوا

ضربت مليكه بمسدسها في الجو وهي تصرخ / اللي هيقرب يبقي جني علي نفسه

ولكن لم يستمع لها احد كادت تطلق النار علي أول واحد اقترب منها ولكن وجدت من يمسكها من الخلف ويحرر المسدس منها بينما هي شعرت انها تكاد يغشي عليها من هول الموقف فبعد ان سلب منها المسدس استطاعت هي أن تضربه في قدمه بشده والافلات منه نظرت له بقرف  ثم انطلقت ولكمته بعنف ولم تكد تتبع لكمتها باخري الا ووجدت نفسها محاضره كليا نظرت للجميع حولها بشر ثم نظرت لملك وايهاب وتحدثت بنبره مرعبه / لو مكانكم مش هعمل كده صدقوني

تحدث إيهاب بشماته والم من ذراعه / وانتي عمرك ما هتكوني مكانا وانتي عامله زي الفار اللي محبوس كده ومش عارف يتصرف

تحركت مليكه تجاه فانتفض الرجال من حولها وحاصروها مجددا برعب فضحكت هي بشده / والله الفار هو اللي طول عمره بيستخبي في الجحر بتاعه واول ما صاحب البيت يغيب يفتكر نفسه أسد ويطلع يتمختر في البيت وكأنه بيت ابوه وايه يفضل يمسك في حاجات مش بتاعته ومفكر نفسه كده ملك البيت بس اول ما بيرجع صاحب البيت بيجري علي جحره بسرعه ليتفعص تحت رجله بس المسكين مكانش يعرف ان المره دي غلط ومسك حاجه غاليه اوي علي صاحب والمره دي مش هيسيبه يرجع لجحره تؤتؤ يا عزيزي الفار ده هيدوس عليه بجذمته ويفعصه ويخليه عبره لكل الحشرات اللي حواليه

قالت آخر كلماتها وهي تنظر لملك ببسمه جعلت ملك تخفض عينها بسرعه وهي تخفي حقد وغضب حتي بعد ما حدث بها فمازالت تتبجح وتتحدث بكل قوه وكأنها ملكت العالم بين يديها

ابتسمت مليكه لملامح إيهاب وتحدثت ببرود بعد أن تداركت نفسها وخوفها وذكرت نفسها من هي مولا أرادوا اللعب اذا فليتحملوا / اوووه اسفه لو جرحت شعور الاخوه الحشرات

 نظرت حولها لرجال إيهاب ببسمه بارده ثم نظرت لايهاب وتحدثت ببرود وملل / تمام نفضل ورا الفار لجحره يلا مش عايز تاخدني وتبعت تهدد بيا حمزه وجو الأبيض والأسود ده  وبلا بلا بلا

فتح إيهاب عينه بصدمه من جرائه هذه الفتاه الا تخشي ما سيحدث بها

تحركت مليكه مع رجال إيهاب تجاه إيهاب فابتسمت له ببرود وتحدثت / عد ساعاتك في الدنيا يا إيهاب

ثم تحركت مع رجاله الذين قادوها لاحد السيارات بعد أن رفض ان يلمسها احد او ينزع نقابها

صعدت للسياره وهي تهمس لنفسها ان هؤلاء حفنة من الجبناء فقط يجب الا تظهر خوفها أمامهم نعم خائفه وبشده ولكن هي تثق بأن الله معها وان حمزه لن يتركها هكذا معهم لفتره طويله لذا لتكمل في ادعاء قوتها الوهميه

ثواني ووجدت السيارة تتحرك بها فأخذت أنفاسها بهدوء لتهدأ ضربات قلبها المضطربه وهي مازالت توبخ نفسها علي هكذا تسرع لن ينتهي علي خير استغفرت ربها ودعته من قلبها ان يمر هذا الأمر بخير

بينما عند إيهاب كانت ملك تنظر له بسخريه وهي تعدل شعرها الذي افسدته مليكه لها ثم ضحكت بصخب فنظر لها إيهاب بشر وهو يعرف لما تضحك فلم تهتم هي لنظراته ثم اقتربت له وهمست له / دي البت خلت منظرك زباله ياراجل دي كانت ناقص تاخدك قلمين وتبقي جبرت

ثم نظرت لذراعه المصاب وضحكت بسخريه / ولا قلمين ايه بقي دي ضربتك رصاصه وفي نص رجالتك كلهم ههههههههههههه علمت عليك ياكبير وطالع بنفسك آوي وعمال انا وانا وانا

ثم ابتعدت وهي تنظر لملامحه بشماته كبيره فلطالما سخر منها هي وجاك وأكملت / لا هتعيط ولا إيه اجمد كده ده انت لسه في ليفل مليكه لسه قدامك ادهم وأسر وليفل الوحش ( حمزه)

همست بآخر كلمه لها وهي تبتسم علي ملامحه الشاحبه لذكر اسم حمزه / فكرك حمزه هيفوت اللي عملته في مراته كده تؤتؤ ده خلي جاك مبقاش ينفع حتي قطع غيار وكل ده ليه عشان ضربها قلم اما انت يا مسكين جبتها وبهدلتها وسط رجالتك وخطفتها آه بجد جسمي بيترعش من دلوقتي وانا بتخيل ممكن يحصلك ايه

ثم تركته ورحلت وهي تبتسم بسعاده لأخذ ثأرها منه هي ليست ضده أبدا وليست معه أيضا ولكن كما يقول المثل عدو عدو صديقي وهي مضطره لتحمل تلك الصداقه اللعينه ولكن ايضا ليست مضطره لتحمل كلماته اللاذعه التي يغرقها بها يكفي ماقالته له لتري ملامحه التي وللعجب أسعدت قلبها وبشده

صعدت ملك لسيارتها وقادتها حيث تم أخذ مليكه

بينما بقي إيهاب ينظر في اثرها بغضب وحقد وانتقام وخوف نعم خوف ورعب مما قد ينتظره من حمزه او ادهم

صرخ بغضب شديد / مش إيهاب السيوطي اللي يخاف من شويه عيال وديني لاندمكم واحد واحد

RAHMA NABIL 美心

كان حمزه متسطح علي فراشه وهو ينظر للسقف بشرود فقد جافاه النوم من رحل الجميع والان ذهب احمد في نوم عميق وتركه وحده هكذا يشتاق اليها كثيرا ففي الايام القليله الماضيه اعتاد النوم بين احضانها والأن ينام بعيدا عنها. 

 شعر بحركه خارج غرفته فنظر بدقه وجد مقبض غرفته يتحرك بهدوء وكأن من يفتحه يتعمد الا يصدر اي صوت تحفز جسد حمزه ووضع يده علي جرس المشفي حتي اذا كان شخص غير مرغوب يطرق الجرس سريعا ولكن حينما فتح الباب وجد جسد ادهم يهيمن علي الغرفه نظر بتعجب وهمس / ادهم

 ‏ابتسم ادهم وأغلق الباب مجددا ونظر لجسد احمد المسجي علي الاريكه بجانب الباب واقترب من حمزه وجذب مقعد وجلس عليه ثم تحدث / كويس انك صاحي

 ‏حمزه بتعجب / انت جاي هنا دلوقتي ليه

 ‏ادهم وهو يتنهد بضيق / زهقان يا حمزه زهقان ومخنوق آوي آوي مش عارف اتكلم مع مين ولا احكي لمين حاسس ان فيه صخره كبيره محطوطه علي صدري يا حمزه مش عايز أبين قدام اخواتي اني لسه متأثر او مش متقبل الوضع

 ‏ابتسم له حمزه وربت علي كفه بحنان وطيبه / اهدي بس يا أدهم انا حاسس باللي فيك انت بس احكي وقول اللي حابب تقوله وطلع اللي جواك كله كأنك بتكلم نفسك

 ‏ابتسم له ادهم ثم زفر وتحدث / طول عمري عايش وانا عارف اني لوحدي اي حاجه هتحصل هلاقي نفسي لوحدي

 ‏ضحك بسخريه /تصدقني لو قولتلك كنت بخاف اموت لوحدي ومحدش يعرف اني مت وعيت علي الدنيا وانا شايف ان صالح هو ابويا وامينه هي امي وفي الاخر...

 ‏صمت قليلا ليبتلع غصته / في الاخر طلع ابويا رماني ليهم بفلوس مش شايفها غير كده انه رماني ليهم كان عنده آكتر من ميت طريقه من بينهم يبعتني ليكم هنا ويقول اني ابن اخوه بس لا اختار يرميني لواحد غريب منكرش انه اخد باله مني ورباني كأنه ابنه بس.....

 ‏صمت لتسقط دمعه منه / بس انا عمري ما حسيت بحنان ام او سند الاب يا حمزه عارف هما عطوني كل حاجه كل حاجه ماعدا العواطف دي كان نفسي تيجي امي مره وتاخدني في حضنها كان نفسي بابا يجي ويقولي تيجي نلعب كوره سوا كان نفسي ابقي زي العيال الصغيره اللي أهلهم جنبهم..... المهندس محمد اي نعم يشكر كان ساعات يجي معايا العب بس عمره ما خدني في حضنه تخيل

 ‏بعد موت آلأتنين اللي كنت مفكرهم اهلي بعتوني لجدتي

 ‏ثم اكمل بسخريه / او اللي كنت مفكرها جدتي منكرش اني لأول مره في حياتي احس بالحنان ده عشت معاها كام سنه من أجمل سنين عمري بس حصلت حريقه كبيره في البيت وانا كنت بره وحرمتني منها

 ‏شهق ادهم بهدوء / وكل ده والمهندس محمد واخد دور المتفرج واللي بيجي يطبطب عليا تعرف لما فقدت جدتي وحصل اللي حصل حتي مجاش حضني ولو تحت بند ابن اعز صحابي

 ‏سقطت دموعه اكثر / كنت عايش حياتي كلها وانا يتيم عايش وحيد كنت بدخل البيت احس ان قلبي انقبض ادهم اللي الكل شايفه سند وقوه أضعف من كده بكتير تعرف

 ‏صمت يفكر قليلا في ما هو علي وشك التحدث عنه غض حلقه ببكاء عنيف / مكنتش بعرف انام كل يوم غير لما افضل اعيط ادهم الطفل اللي فقد كل حاجه كان جوايا كل يوم يعيط ويصرخ انه عايز اهله عايز يعيش عايز يرجع يعيش طفولته زي باقي الأطفال كنت كل يوم بليل بعيط لحد ما اتعب واتخيل لو كان عندي ام او اب اكيد مكنتش ههون عليهم اني اعيط كده صح

 ‏رفع عينه المليئه بالدموع وهو يسأل حمزه كأنه ينتظر جوابه فجذبه حمزه لاحضانه وربت علي ظهره وهو يحاول منع دموعه بينما ادهم بكي بشده وهو مازال يردد / مكنتش ههون عليهم صح؟؟؟؟ مكنتش ههون

 ‏صمت ثم قال ببكاء شديد / بس انا هونت عليهم يا صاحبي هونت علي الباشمهندس محمد يشوفني كل يوم بتدمر آكتر واكتر ومفكر اني قدها وقوي لا انا ضعيف يا حمزه ضعيف آوي أضعف مما تتخيل ادهم الطفل لسه جوايا مش راضي يسيبني وبيقولي انه ما اخدش فرصته يعيش عادي ومش هيسيبني اعيش حياتي طبيعي

 ‏بكي اكثر وهو يتحدث/ تعرف انا روحت لدكاتره نفسيين كتير اوي لحد مابقيت كده بقيت من بره بارد انا الأول كنت علي حافه اني أقع يا حمزه تعرف مفيش حاجه هونت عيشتي دي غير الوقت اللي كنت بقضيه مع مليكه دايما بس لما سافرت وسابتني رجعت لاكتئابي وادويتي دي تاني كنت بعاني وانا محبوس في أربع حيطان لوحدي الوحده وحشه اوي يا حمزه وحشه اوي

 ‏بكي ادهم بشده بينما حمزه كانت تسقط دموعه علي ما عاشه ابن عمه من كان يظن ان خلف ادهم القوي والصامد والبارد ادهم طفل مازال يختبئ في الظلمات أسفل الفراش ينتظر من والدته ان تأتي وتنتشله من ظلمته وتضمه بحنان الي صدرها وتخبره ان كل شئ بخير مازال ينتظر أسفل فراشه حتي يأتي والده ويخبره انه دائما معه وانه دائما يشجعه لقد عاني كثيرا في طفولته وعمه أخطأ مجددا وايضا من تحمل خطأه هو أولاده وليس هو كما فعل مع مليكه وملك وأسر أخطأ عمه أخطأ وبشده

 ‏تحدث حمزه بهدوء وحنان وهو مازال يربت علي ظهره بحنان / هتتعدل يا أدهم والله هتتعدل الدنيا هتضحك ليك وتبتسم كمان ضاقت فلما استحكمت حلقاتها فرجت وكنت اظنها لا تفرج، ثق ان ربك بيجهز ليك فرحه كبيره تنسيك كل حزنك ده وياسيدي احنا بس نخلص الوش ده كله وهجوزك البت سندس يلا مش خساره فيك البونبوني بتاعي

 ‏ضربه ادهم علي كتفه وهو يحاول التحدث بصوت طبيعي / بس ياض انت بونبوني في عينك انا بغير

 ‏ضحك ادهم بشده وابعده وتحدث / عارف بتخيل ايه دلوقتي

 ‏نظر له ادهم بتعجب فاكمل حمزه / بتخيل سعديه وهي بتفتح الباب زي الزوجه اللي قفشت زوجها بيخونها علي سريرها وتقول ( آه يا معفنين مستنين يحصل ايه تاني عشان تتوبوا اتفوووووو عليكم وعلي الفجور اللي انتم فيه يارب ارحمنا يارب استغفر الله)

 ‏انفجر ادهم ضاحكا علي طريقه تقليد حمزه لسعديه ثم تحدث وهو يمسح دموعه ولا يستطيع كتم ضحكاته التي شاركه بها حمزه / بجد يا حمزه انا سعيد جدا اني رجعت مصر واتعرفت عليكم كلكم بجد مليكه ليها الفضل في الموضوع ده من بعد ربنا

 ‏حمزه وهو يضع يده علي كتف ادهم / ده قدر يا أدهم قدر انك بعد السنين دي تلاقي عيلتك اللي تضمك تآني.

 ‏ابتسم ادهم ونظر لذراعه وأشار لها / بتوجعك

 ‏نظر حمزه لذراعه وحركتها بخفه / لا خالص بص هو تشنج صغير بيها

 ‏ابتسم ادهم / الحمدلله جات علي قد كده بس هو اللي خبط العربيه كان اعمي

 ‏رفع حمزه عينه لادهم وتحدث بسخريه / لا كان قاصد آكتر من كده بس ربك بقي اقوي منهم ومن كل اللي زيهم وارادته هي اللي نفذت

 ‏تحفزت حواس ادهم واعتدل في جلسته ونظر له بجديه وتحدث بنبره توحي بعوده ادهم البارد برود القطبين /قصدك ايه بكان قاصد

 ‏ابتسم حمزه ببرود / إيهاب كان بيهزر معايا بس هزاره كان تقيل شويه

 ‏انتبه له ادهم جيدا فقص حمزه كل ما حدث له / بس كده وانا اول ما بقيت قدام الشارع الفرعي حسيت بصوت عربيه جامد اوي كأنها هتطير من علي الارض لسه ببص جنبي لقيت عربيه جايه باقصي سرعتها ايدي تلقائي اتمدت للباب جانبي لأنها كانت جايه من الجنب التاني مش ناحيه الباب بتاعي بس ملحقتش للأسف انط الا ولقيتها خبطت فيا باقصي قوه عندها ومن قوه الاصطدام جسمي اترمي بره العربيه من الباب اللي كنت سبق وفتحته والحمدلله لولا كده كان زماني مفروم وهما بسبب الخوف هربوا بسرعه من غير حتي ما يشوفوا حصلي ايه وانا كنت في الأرض واقع علي دراعي وجم ناس وجاوبني هنا والحمدلله اديني قدامك اهو

 ‏هز ادهم رأسه بشرود فتحدث حمزه / بتفكر في إيه.

 ‏ادهم ببسمه مرعبه / بفكر اننا احنا كمان لازم نهزر مع إيهاب هو مفكر أن هو بس إللي دمه خفيف

 ‏ابتسم حمزه بسمه مخيفه

RAHMA NABIL 美心

استيقظ الجميع مبكرا للذهاب لحمزه وتجمع الجميع بالأسفل تحدثت سعديه وهي تنظر لهم / استنوا أيوب هيجي معانا

ياسمين بسخريه / وده ليه أن شاء الله

سعديه بدلع / الله خطيبي وعايز يطمن علي اخويا الصغير

لوت ياسمين شفتيها / اخوكي الصغير اللي هو مين لا مؤاخذه عشان مش مترجمه كويس

سعديه وهي تزفر بضيق / الواد المعفن اللي ماشي مع اخوكي والشباب النجسه أصحابه اللي بي... امممممم

أسر وهو يكتم فمها / ابوس ايدك خلاص العيله كلها هنا

ابعدت سعديه يده عن فمها وصرخت به / يا خويا مكسوف من نفسك تبطل القرف اللي بتعمله والنبي انت صغير وقمر علي القرف ده بس اقول ايه كله من حفيدي ابن الكلب اللي مترباش اللي داي....

صمتت سعديه وهي تسمع صوت أيوب / سوستي

انخفض نظر سعديه سريعا في الأرض وتحدثت بخجل وهي تخفي وجهها / أيوبي انت جيت

أيوب وهو يقترب منها ويقف امامها وبينهم من الخلف تقف ياسمين تنظر لكل منهم قليلا وهي تبتسم بغباء

أيوب بحنان / اكيد ياقلب أيوب وانا اقدر أرفض طلب ليك

سعديه بدلال / يا سلام أمال منا قولتلك متكلمش ام سعاد دي خالص وانت مش عملت كده لا انا زحلانه منك 

ابتسم ايوب ونادي باسمها / سوستي 

سعديه بزعل ودلال / نحم 

ياسمين بسخريه / نحم الله عليكي يا قطه 

أيوب وهو يتجاهل سخريه ياسمين / طب بصيلي حتي ريحي قلبي بنظره عينك الجميله دي 

ياسمين وهي تضرب أسر في كتفه وتجز علي أسنانها / اتعلم يا خويا اتعلم 

نظر لها أسر بانزعاج وهو  يفرك كتفه بألم / ايدك يابت يخربيتك ايه مرزبه

ثم نظر لسعديه التي تنظر للارض بخجل وايوب الذي يغازلها فتحدث بحسره / حسره علينا ياختي الا ما عارف اقولك كلمه علي انفراد

نظرت له ياسمين وغمزت له / طب ما تيجي

أسر بمشاكسه / اجي يا سلام مجيش ليه بس تخليكي انتي قد كلمتك مش اول ما أقرب منك الاقيكي نخيتي وطلعتي بحجه من تحت الأرض

تجاهلته ياسمين وهي تسمع رد سعديه علي أيوب / لا انت مش بتحبني انت لو كنت بتحبني بجد كنت جيت طلبتني يعني انا اقل من الخدامه بتاعت بابي في إيه

ياسمين بتشنج / خدامه بابي الله يرحم ابوكي يا ختي

أيوب وهو يبتسم لها بحنان / لا مش اقل منها بس انا لسه بكون نفسي يا سوستي انتي عارفه اني عايز اعيشك مرتاحه

ياسمين وهي تنظر لأسر / شباب مكافح شايف مفيش حاجه وقفت في وش حبهم لا سن ولا شغل ولا الظروف ولا حتي الغضروف اللي عايز يعمل حاجه بيعملها يابني.

ضحك أسر عليها وانتبه الجميع علي صوت الجد وهو يأمرهم بالتحرك

تحرك الجميع للمشفي تحت ضحكاتهم العاليه وحديثهم الجانبي وصل الجميع للمشفي ودخلوا غرفه حمزه وجدوا ادهم واحمد وعامر بجانب حمزه تحدث أسر بمزاح / إيه يا عيال ده انتم كنتم بتسربونا انا ورامي امبارح ولا اي كلكم هنا اهو

ضحك الجميع فوضع رامي يده علي كتف أسر بدلع / غدارين يا حبي

سمع الجميع زفره سعديه وحديثها بقرف / استغفر الله استغفر الله

همس أسر لرامي / شيل ايدك بدل ما سعديه تقيم الحد علينا دلوقتي

ضحك حمزه عليهم ثم نظر لهم وسلم علي الجميع وعندما استقر الجميع نظر حمزه لهم بتعجب / هي مليكه مجاتش ولا إيه 

نظر له أسر ومحمد بتعجب فتحدث محمد / أنا فكرتها صحيت بدري وجاتلك

أسر وهو يؤكد كلام والده / آيوه فعلا حتي عربيتي مش موجوده فقولت تلاقيها مقدرتش تستني الكل يتجمع وجاتلك

نظر لهم حمزه لدقائق ثم تحدث بعدما تذكر / آه صحيح نسيت هي جاتني فعلا بس بليل  وقعدت معايا طول الليل بعدين أنا نمت من التعب صحيت ملقتهاش جنبي ففكرتها رجعت عشان تستريح وتيجي معاكم تآني 

نظر له ادهم بتعجب وصدمه من حديثه ولكن شعر بضغطه حمزه علي يده ففهم حديثه 

تحدث أسر بتعجب / بس هي مجاتش البيت 

ادهم وهو يكمل علي حديث حمزه / لا منا وصلتها لاوضه هنا تستريح وتنام شويه لأنها رفضت ترجع لحد ما حمزه يصحي هي لسه نايمه من ساعتين بس 

هز محمد رأسه براحه وجلس الجميع يتحدث وحمزه فقط شارد بطريقه مرعبه 

نهض سعيد / تمام كفايه كده نسيبك ترتاح يا بني يلا يا جماعه كلنا نرجع ونبقي نيجي تآني 

كادت نورا تعترض فنظر لها سعيد / مش هعيد كلامي يا نورا يلا 

هزت نورا رأسها وخرجت مع زوجها بينما تحدث أسر وهو ينظر لادهم / هي مليكه في اي اوضه يا أدهم عشان اخدها ترتاح في البيت أفضل 

الجد بصرامه / مليكه هتفضل هنا جنب جوزها هو اكتر واحد محتاجها في الوقت ده خليها ترتاح وتصحي تفضل جنبه 

هز أسر رأسه بطاعه وخرج بينما محمد كان ينظر بحزن لادهم الذي لم ينظر له مره واحده منذ جاء الجميع 

خرج محمد والحزن يملئ قلبه بينما نظر سعيد لحمزه وتحدث وهو يرحل / لاقي مراتك يا حمزه ومترجعش البيت من غيرها انت فاهمني 

نظر له ادهم بصدمه كيف انتبه عليهم بينما حمزه ابتسم بسخريه وهو يتحدث / ده الكبير يا أدهم عقله يوزني انا وانت ومليكه وإيهاب وكل دول المهم دلوقتي 

 نظر له حمزه ببسمه مستمتعه وغمز له / في زياره لحبيبك إيهاب 

 ‏ادهم وهو يضحك ويضع قدم علي قدم / اتصرفت ولا اتصرف انا واعرفلك جحره 

 ‏ضحك حمزه بشده ومد يده لهاتفه وفتحه ثم قام بالنقر علي عده ازرار ووضع الهاتف امام ادهم الذي صفق له بانبهار / يابن الجنيه انت ركبتلها جهاز تعقب 

 ‏ابتسم حمزه وهو يهز حاجبيه / امبارح تحسبا لأي حاجه عطيت مليكه سلسله وطلبت منها تخليها معاها 

بحجه اني كنتي علي أعتاب الموت وكنت عايز اسيبلها ذكري لو حصل اي حاجه و... انت عارف 

ضحك ادهم بشده فوجد الباب يفتح وجميع الشباب خلفه 

تحدث رامي وهو ينظر لهم بدقه / قولتلكم الجوز ده مخبي بلوه استلموا بقي اهي مراته مخطوفه وقاعدين يضحكوا 

هز حمزه رأسه بيأس ثم نهض من فراشه وهو يتجه للحمام ويحمل ثياب وغمز لهم / طب اجهزوا بقي 

بينما هو دخل للحمام ونظر للمرأه وهمس لنفسه بشر / هوريك يا إيهاب الكلب إزاي تيجي علي حاجه تخصني 

ثم اخرج هاتفه وتحدث بغموض / خلي بالك منها لحد ما اوصل....... عارف انها اللي راحت بنفسها انا كنت عامل حساب كده ...... تمام تمام...... مراتي لو حصل ليها خدش واحد ما هيكفيني اولع فيهم واحد واحد مفهوووم...... مش قصدي انت بس لو حصلها حاجه هنهي الكل.... تمام علي اتصال لحد ما نوصل 

ابدل حمزه ثيابه فارتدي تيشرت ابيض بنصف كم وجاكت جلد اسود وبنطال جينز ضيق وخرج عليهم وهو يعدل من وضع يده ذات الجبيره 

صفر رامي وهو يغمز / آه ياواد ياولعه انت رايح تشقط ولا إيه 

غمز له حمزه / ولا إيه،،،، يلا اتحركوا 

خرج الجميع وصعد كلا منهم لسيارته ما عدا أسر الذي صعد مع ادهم 

نظر له ادهم فتحدث اسر وهو ينظر امامه / إيه البت مليكه أخدت عربيتي والله اعلم عملت فيها ايه يلا يلا اطلع بسرعه وبقولك ايه شغل اغنيه حماسيه كده عايزين ندخل دخله عظمه كده فاهمني 

صرخ رامي من النافذه المقابله له وهو يشغل مسجل الصوت علي اغنيه ويضحك بشده / إيه رأيك في دي واحنا داخلين 

ضحك أسر وهو يخرج له رأسه من النافذه /غور ياض يلعن ابو معرفتك 

فقد قام رامي بتشغيل الاغنيه التي يتم تشغيلها في الأفراح عند قدوم العروسان ( اغنيه وصلوا) 

هز حمزه رأسه بيأس وانطلق بسيارته وخلفه عامر ثم احمد ثم  رامي واخيرا سياره ادهم خلفهم اخرج حمزه هاتفه واجري مكالمه جماعيه بالجميع ليعطيهم الاحداثيات للمكان  ماعدا أسر فهو في سياره ادهم 

أسر بتذمر وهو يربع يده امام صدره / أصل أسر ابن البطه السوده يعني 

تحدث حمزه بجديه / شباب مش عايزين هزار ابوس ايدكم دي مراتي اللي مخطوفه مش دكر وز ضايع مننا مش عايز حد منكم يشغل دماغه ماعدا عامر وادهم فاهمين 

رامي بتذمر / قول من الاخر مش عايزني انا وأسر واحمد  معاكم صح 

احمد بتمسكن / عيني عليك يا قليل الحيله يا احمد يا مضطهد من الكل حتي اخوك يا حبيبي 

ادهم بصراخ اصمت الجميع / واد انت وهو قسما بربي نفس عارفين نفس واحد اسمعه هناك هساويكم بالأسفلت فاهمين 

صمت الجميع بخوف فنظر ادهم بقرف ثم تحدث / باقي قد ايه يا حمزه 

حمزه وهو ينظر لجهاز التعقب وينظر امامه / خلاص قربنا آوي 

RAHMA NABIL 美心

بينما عند مليكه كانت تجلس في احد الغرف أرضا وهي تؤنب نفسها / غبيه انتي غبيه 

ثم صرخت بهياج / غببببببببببيه 

فجأه شعرت بالباب يفتح ويدخل منه كلا من ملك و جاك الذي نظر لها نظره جردتها مما ترتديه فنظرت له بسخريه وهي تتحدث / ضع عينك أرضا والا قتلتك 

ضحك جاك بشده/ حتي وانتي ضعيفه واسيره لدينا مازال لسانك يحتاج للقص عزيزتي انا من اقول الأوامر هنا وليس انتي او غيرك 

ثم نظر لملك بخبث / أليس كذلك عزيزتي مولا

ابتلعت ملك ريقها وهي تنظر خلفها / جاك لنخرج قبل أي يأتي إيهاب اذا رآنا هنا سوف يقتلنا سويا هيا لنخرج 

ابعد جاك يدها بعنف / ااااه ابعدي يدك عني لن اخرج قبل اصفي جميع حساباتي مع هذه الحمقاء اختك هل تفهمين 

تحدثت ملك بخوف من اكتشاف إيهاب لوجودهم هنا فهو حذرهم من الاقتراب من هنا / حسنا انهي ما تريده سريعا قبل أن يعود هذا الغبي إيهاب

ابتسم جاك بشر واستدار لمليكه التي تشاهد وكأن الحوار الدائر ليس عنها هي اخرج جاك حقنه من جيب سترته فنظرت له ملك بفزع / ماهذا ماذا تنوي يا جاك هل ستسمها

فزعت نظرات مليكه ولكن لم تظهر ثم نظرت للحقنه وبعدها نظرت لجاك وتحدثت بكره شديد / إن اقتربت مني سأقتلك هذه المره هل تفهمني

اقترب جاك وهو يضحك بشر / لا بأس عزيزتي اذا مت بعدما انتهي منك سأكون اكثر من سعيد

ملك برعب / ماذا ستفعل يا جاك

جاك بخبث / سوف افعل ما كنت اتمني لسنوات طويله سأحصل علي عزيزتي مولا الجميله

اقترب وعلي حين غره جذب نقاب مليكه بعنف فانتزع نقابها ثم نزع حجابها بينما هي صرخت به وهي تهجهم عليه / جاك يا حقير سأقتلك

ثم جذبت منه حجابها وما كادت تضعه علي رأسها ويدها ترتعش لظهور شعرها الا ووجدت جاك يهجم عليها ويكبلها فصرخت به ودفعته بحده وامسكت حجر من الأرض وضربت رأسه بعنف وهي تصرخ / ابقي بعيدا يا هذا

وضع جاك يده علي رأسه بالم ونظر لها وهو يسبها بحده ثم نظر لملك وصرخ بها / ساعديني يا غبيه انتي لننتهي من هذا سريعا

اهتزت مقلة ملك لثواني حتي رأت نظره الشر بعيون جاك فنفذت الأمر وركضت وحاولت امساك مليكه فاقترب جاك بينما مليكه تصرخ بكل ما لديها وحتي اخر نفس بها لن تدعه يلمسها / سيبيني يا ملك ابوس ايدك يا ملك سيبيني حررررررام عليكم ابعدي

وبقوه دفعت ملك عنها وركضت لجاك وضربته بحده وامسكت رأسه وكادت تضربها في الحائط كما اعتادت ولكن كان هو توقع حركتها فكتفها بشده وامسك ذراعها وهي تصرخ به / اتركني اتركني سوف اقتلك اقسم سأقتلك ان لمستني يا حقير اتركنييييييييييييييييي

خرجت اخر صرخه منها بالتزامن مع غرز جاك الحقنه في ذراعها ارتخي جسد مليكه تماما وسقطت أرضا فابتسم جاك بشر وأخرج هاتفه واعطاه لملك / هيا صورينا يا ملك

نظرت له ملك بتقزز وكادت تتحدث حتي وجدت مليكه تتحدث بحديث غير مفهوم فنظرت لجاك / ما هذه الحقنه

هل اعطيتها مخدر ام ماذا.

ابتسم جاك وهو ينظر لمليكه بشهوه / ومافائدة ما سأفعله ان لم تشعر هي انا فقط اعطيتها حقنه هلاوس حتي تظهر في الفيديو انها متجاوبه معي

ابتلعت ملك ريقها وهي تري مليكه تتحرك في الأرض وهي تضحك بخفوت حتي بدأت ضحكتها تعلو بالتدريج بينما جاك يقترب بخبث وهو ينزع ثيابه ولكن سمع الجميع صوت الحارس الذي أعطاه جاك أموال ليسمح لهم بالدخول / بسرعه إيهاب بيه رجع من بره لو لقي حد هنا هيقتلنا كلنا

نظر له جاك بعدم اهتمام وكاد يفعل مايريد ولكن جذبته ملك للخارج بعنف وغضب  وأغلق الحارس  الباب وهو يدفعهم بعيدا تحت تذمرات وصراخ جاك انه سيعود

غادر جاك وهو يغلق ثيابه ويسب ويلعن الحارس ويعد انه سيعود مجددا فلن يستسلم بهذه السهوله

بينما علي بعد مناسب كانت عبير تقف وهي تبتسم بخبث / مش مشكله انا اللي هسهلك الدخول المره الجايه

RAHMA NABIL 美心

وأمام المنزل الكبير كانت السيارات الخمس تتوقف ويخرج منها الجميع

نظر لهم حمزه بدقه / كل واحد هيدخل من اتجاه واللي يلاقي مليكه يخرج الأول

ثم نظر لعامر واحمد ورامي / أنتم بس تأمنوا ضهرنا فاهمين

كان يتحدث بغيره شديده فهو لن يسمح لهم ان يبحثوا عن زوجته فهو لا يضمن كيف ستكون ولا بأي حال لذا فقط سيكونون موجودين للتأمين.

رامي ويصفق / تأمين بدون سلاح ايه ياض الحلاوه دي

ابتسم ادهم ثم اخرج اسلحه كثيره من سيارته ووضعها علي مقدمه السياره وتحدث والجميع ينظر للاسلحه بانبهار / كفايه دول ولا إيه

رامي وهو يضرب علي كتفه / طلعت تاجر سلاح يا مضروب، وانا اللي كنت فاكرك راجل شريف يا حسره قلبك يا سعاد يابنت ام سعاد

زفر ادهم بضيق / واد انت والله افرغهم فيك فاتقي شري

ثم نظر لهم / دي اسلحه الحراس بتوعي اخذتهم منهم.

عامر وهو يمسك احد الاسلحه / ده انتم مخططين بقي والخطف مكانش مفاجأه ليكم

ابتسم ادهم ونظر لحمزه الذي تحدث / محدش يستخدم سلاح غير للضروره بس اتفقنا

هز الجميع رأسه

تحدث حمزه وهو يضع السلاح بجيبه / أنا وادهم وأسر هيكون دورنا ندور علي مليكه

رامي وعامر واحمد هيدوروا علي أي حاجه ممكن تدين إيهاب ورق صفقات من إللي بيعملها اي حاجه ولو صدف وصلتوا لمليكه الأول تكلموني ومحدش يقرب منها فاهمين

ربت عامر علي كتفه / خلاص يا عم الغيور فهمنا يلا خلينا نخلص من الكابوس ده بقي.

ركض رامي للسياره واستند عليها بقدمه وامسك السلاح مثل الشرطي وصرخ باسر / واد يا أسر صورني ياض عشان احطها علي الفيس

ركض أسر وأخرج هاتفه واخذ يلتقط لرامي صور

وحمزه والجميع فقط ينظر لهم بغباء

أسر وهو ينظر لكم الصور التي اخذها لرامي / حلوين يلا بقي دورك انت تعالي صورني

وكاد يذهب مكانه حتي صرخ ادهم بهم / وديني لكون قاتلهم سيبني بس يا عامر الله لا يسيئك يا أخي

عامر وهو ينظر لهم بغضب ويمسك ادهم ليمنعه عنهم/ يا عم لو عليا انا اللي هفرغ الخزنه في الجذمه اللي في دماغهم دي بس نخلص الأول والحساب يجمع

سار رامي وأسر بتذمر بعد الصراخ الذي حصلوا عليه فتحدث أسر بهمس لرامي / لو عشنا بإذن الله ليا عندك فوتوسيشن علي فكره

هز رامي رأسه بايجاب وتحرك الجميع للمنزل ووقفوا ونظروا للسور

ثم نظر لهم حمزه / جاهزين.... 

RAHMA NABIL 美心

بينما كان إيهاب يجلس بمنزله وهو يصرخ في الهاتف / هو اي خساره هشيلها انا لوحدي بقولك ايه انا بيعت اخر حاجه املكها عشان خاطر الصفقه دي لو ماخدتش فلوسي هتبقي عليا وعلي اعدائي 

ثم اغلق للهاتف وقذفه بحده نظرت له ساميه بخوف / في إيه. 

إيهاب بصراخ وغضب / ولاد الكلب ضيعوا اخر حاجه فاضلة ليا 

ساميه بصدمه / يعني إيه 

إيهاب بصراخ / يعني فلست بقيت علي الحديده يعني خلاص انتهينا مبقاش حيلتي حاجه كل فلوسي بح البوليس هجم علي الحموله الي كنت بنقلها واخدها وقال ايه كل الخساير انا اللي هتحملها

ساميه وهي تسقط علي الاريكه  وتهمس/ يعني انت ضيعت كل فلوسي يا إيهاب 

إيهاب بسخريه /فلوسك ايه يا ام فلوس دي فلوس ابوكي ولا ناسيه احنا جبناها إزاي مش انتي بعد جوازنا مضيتي ابوكي علي عقد وكتب ليكي املاكه كلها بيع وشرا وهو واثق فيكي زي الاهبل وانا اتحبست مقابل ده يبقي بتاعتي 

صرخت به ساميه وقد أدركت خطأها / انت اللي قولت لي اعمل كده صح ولا لا انت السبب انت اللي خلتني انصب علي ابويا واخد فلوسه 

إيهاب بسخريه  وصراخ/ لا فوقي كده الحكايه دي طبخناها سوا يا حبيبتي انتي هتعملي دور الزوجه المظلومه اللي جوزها ضحك عليها وخلاها تمضي ابوها علي بيع املاكه بعدين تعيش دور المخدوعه وانا بسببك وبسبب عيلتك قضيت سنين من عمري بالسجن وانتي بره عايشه دور المكسوره بس قولت اصبر ياض بكره تخرج ويبقي معاك ملايين وبعد ده كله ايه هاااااا انطقي ايييه 

بعد ده كله اخرج الاقيكي متجوزه بسلامتك

ساميه بصراخ / ياسلام منا كنت مطلقه يعني معملتش حاجه غلط بعدين أنت اخر واحد تتكلم عن الموضوع ده ده انت كنت متجوز وخبيت عليا واتجوزتني وفهمتني اني اول واحده في حياتك وانا زي الهبله صدقت وفي الاخر اكتشف انك متجوز وعندك بنت بس شوف ربنا اهي خلعتك زي الضرس المسوس ورمتك رمية الكلاب 

ضحك إيهاب بشده وجذبها من شعرها بحده / أنا محدش يتذاكي عليا حتي الكلبه اللي خلعتني انا دمرتها وحطيت رأسها في الأرض جرجرت بنتها معايا وخسرتها اعز حاجه ليها 

ساميه وهي لا تصدق مدي بشاعته /انت لا يمكن تكون بني آدم دي بنتك يا حيوان 

ألقاها إيهاب بعيدا / أنا عشان اوصل للي عايزه مستعد ادوس عليكم كلكم واي حد هيقف في وشي هقتله حتي انتي فاهمه فمتتعديش حدودك بدل ما اقتلك ومحدش يعرفلك طريق 

كان يتحدث وهو يعطي ظهره لها فنظرت له بشر وامسكت احد التحف المعدنيه المسننه ووصرخت بشده وغرزتها في ظهره بعنف وشر ثم نزعتها وغرزتها مجددا 

بينما هو فتح عينه علي آخرها وهو يأخذ أنفاسه بصعوبه ثم استدار بضعف ونظر لها بصدمه وتحدث وهو يسقط أرضا / يا حقيره هقتلك.

صرخت ساميه به / مووووت يا ايهااااب موووووت وخلص الدنيا من شرك موووووت وريحني يا حقيييير انت السبب بسببك خسرت نفسي وخسرت عيلتي وخسرت الراجل الوحيد اللي حبني وقتلته.

صرخت بآخر كلماتها وهي تبكي وتتذكر والد سندس الذي وضعت له دواء طويل الأمد يقتله بالبطئ حتي يظهر ان موته طبيعي 

سقطت أرضا وهي تضرب به بدون وعي / موووووت انت السبب في كل حاجه موووووت يا إيهاب انت السبب 

لا لا انا السبب انا اللي مشيت ورا شيطان زيك

كانت عبير تقف خلف الباب وهي تري مايحدث بعيون جاحظه وانفاس منقطعه فقد كانت اتيه لتخبرهم ما سمعته ولكن رأت ما رأت 

ركضت عبير للخارج برعب وهي تصرخ ثم خرجت خارج المنزل وركضت للطريق السريع وهي تصرخ بجنون ورعب 

RAHMA NABIL 美心

كانت مليكه تسير في الغرفه التي سجنت بها وهي ترقص وتغني بصوت عالي وبحاله جنونيه 

/طلعت يا محلا نورها شمس الشموسه يلا بينا نحلب لبن الجاموووسه 

ثم اخذت تضحك بشده وهي ترقص وتغني 

بينما الشباب انتشروا في المكان واخذوا ينفذون ماقاله حمزه بينما حمزه كان يقف في نهايه ممر ثم وجد عده أبواب ولكن باب واحد فقط يوجد امامه حارس هنا تأكد أن هناك شي في هذه الغرفه ويمكن أن تكون مليكه فاقترب ببطئ شديد حيث كان الحارس يعطي ظهره لحمزه وضع حمزه يده المصابه حول رأسه وكتم فمه ثم ضربه بيده الاخري بالسلاح علي رأسه 

ونظر حوله وجذب جسده لاحد الغرف وخرج وهو ينظر حوله ولكن توقف وهو يسمع صوت ليس بالغريب أبدا ولكن الغريب هو ما يقوله هذا الصوت 

فتح الباب بحذر وصدم مما يري فقد كانت مليكه ترقص وتهز وسطها بحركات مغريه وبشده فلطم حمزه علي وجنته / يا مصيبتك يا حمزه طلعت غازيه

ثم نظر حوله خوفا ان يكون أحد رآها هكذا / الحمدلله محدش لقاكي قبلي والا مكنتش ضامن هعمل ايه تعالي يا ختي

ثم اقترب منها وهو يحاول ان يوقفها عن الرقص / مليكه يابت انتي يخربيت جنانك انتي يابت اقفي اهدي يخربيتك. 

توقفت مليكه فجأه عن الرقص ونظرت لحمزه ثم ابتسمت وهي تصرخ /حمزه انت جيت امتي 

حمزه / معلش لسه جاي ملحقتش النمره من اولها 

تحدثت مليكه وهي تنظر لذراعه المعلق بكتفه وهي تشهق / إيه ده واوا 

نظر حمزه لذراعه / واوا؟؟؟؟ آه واوا صح يلا بس نمشي قبل ما حد يجي 

مليكه وهي تبعد يده / لا مش هنمشي من هنا قبل ما نبوس الواوا 

رفع حمزه حاجه / نبوس ايه يا ختي. 

مليكه وهي تقترب منه باغراء وتجذب ثيابه / نبوس الواوا 

حمزه وهو يغمز لها / فكريني اخد اسم البتاع اللي خلاكي قليله الأدب كده 

ضحكت مليكه بصخب ثم مسدت علي لحيته وجذبته / هات بوسه 

جذبها حمزه خلفه وهو يخرج هاتفه / اخرسي شويه ولما اعوز انا بوسه تعمليلي فيها رابعه العدويه 

تحدث في الهاتف / الو يا عامر آه لقتها اطلع بره وجهز خروجنا وكلم خالد عشان يهجم و..... 

قاطعه صراخ مليكه / مين ده ها ها مين ده بتكلم مين بتخوني ولا إيه هي حلوه ولا انا احلي طب هي عندها ش.... 

لم تكد تكمل حديثها حتي اغلق حمزه الهاتف بسرعه والتفت لها وكاد يصرخ بها حتي لاحظ انها لا ترتدي نقاب او حجاب فصرخ بها / فين حجابك ونقابك يا مليكه. 

صمتت مليكه قليلا وهي تنظر له ببراءه واشارت لداخل الغرفه / الواد السندق اللي اكل البندق فوق سطح الفندق قلعه ليا ورماه 

لم يعرف حمزه ماذا يفعل الان ايحزن ام يغضب ام يضحك

تركها وركض للغرفه واحضر الحجاب

وحدها مازالت تغني / شوفت النار اليح

حمزه بسخريه / النار اليح 

ثم اخذ حجابها  ولفه علي شعرها باهمال ثم ربط لها النقاب وجرها خلفه / يلا نخرج بسرعه 

ولم يكد يكمل حديثه حتي سمع صوت رجال يقترب منه 

فجذب مليكه اليه بسرعه وركض لجزء مخفي عن الاعين 

كان حمزه يضمها بشده وهو يجذب رأسها لصدره ويحاول ان يختبئ بها بينما هي أخذت تتحدث بعدم وعي /الحق يا حمزه لحيتك طولت 

حمزه وهو ينزع يدها بضيق / هخليها زيرو بس نطلع عايشين من هنا اسكتي بقي 

ضحكت مليكه بضخب / لا هي حلوه كده 

كتم حمزه فهما ونظر لها بحده ولكن فات الأوان فسمع صوت يصرخ / لقيتهم 

امسكها حمزه وتحدث معها / مليكه ياقلبي ركزي معايا دلوقتي هنلعب سوا تمام احنا هنجري ومش هنقف أبدا فاهمه والا هنموت يا مليكه ماشي 

مليكه ببسمه غبيه / هات بوسه الأول 

حمزه وهو يمسك يدها ويركض بها بسرعه شديده / هما اتنيلوا شربوكي ايه الله يحرقهم 

ضحكت مليكه بشده وهي تغني / يا يا يا كوكو جامبو يا يا كوكو جامبو 

زفر حمزه وهو يصعد علي احد الأسطح ثم جذبها من خصرها له فنظرت هي لعينه / تعرف ان عينك جميله اوي يا حمزه 

حمزه وهو يكاد يبكي / هنموت يخربيتك وانتي في عيني بعدين في الحيوان ادهم وعامر حسبي الله في الكفره 

ضمته مليكه وهي تضحك / قمر يا ناس جوزي قمر 

سمعوا من خلفهم صوت يتحدث بخبث / اوووه يا تري احنا قاطعنا حاجه مهمه 

حمزه وهو يبتلع ريقه ويضم مليكه اكثر / احييييه 

تحدث رامي وهو يغمز لأسر واحمد  / شايف رومانسيه حتي في البهدله اللي احنا فيها. 

كاد حمزه يرد عليهم ولكن شعر بمليكه تميل علي يده وتقبلها بحنان 

تحدث أسر بتعجب فهو لايري ماذا تفعل بالتحديد / بتعملي ايه يا مليكه 

مليكه وهي تنظر لحمزه بهيام وتضم رقبته / ببوس الواوا 

ضرب حمزه وجهه بملل ورأي رامي يسقط أرضا وهو يمسك بطنه ويضحك بشده / دخلت الشيخه مليكه طلعت هيفاء وهبي 

بينما أسر كان يضحك بشده علي اخته التي تتعلق بحمزه كالعلقه 

احمد بضحك / فكروني اجبلهم البت ميار يومين احسن دي عامله فيها عسكري حتي معايا مين عارف يمكن تطلع نانسي عجرم وتقولي اخصمك آه اسيبك لا 

ضربه حمزه علي رأسه / اخلص 

ثم التفت لمليكه / يا ماما اهدي الله يكرمك خليتي منظرنا زفت استغفرك ربي واتوب اليك 

يلا نمشي 

ثم خرج الجميع تحت تعجبهم بعدم وجود عائق كبير فقد توقعوا مواجهه من نار مع ايهاب وبمجرد خروجهم 

وجدوا خالد يهبط من سيارة الشرطه وبجانبه أندرو 

نظر حمزه لاندرر بتعجب / انت بتعمل ايه هنا انت مش آداب يابني 

أندرو وهو يخرج قرطاس لب من جيبه / بتفرج 

ضربه حمزه بقدمه / يا أخي هي ناقصه 

ضحك الجميع علي ملامح أندرو / عارف قرطاس اللب ده بكام يا حيوان انت ده باتنين ونص يا كلب 

كاد حمزه يهجم عليه ويقتله لولا رؤيته لخالد شارد تماما في نقطه خلفه 

ضم مليكه التي تلتصق به ونظر خلفه وجد ادهم يخرج مع الشخص الذي كان لهم عين بين رجال إيهاب وساعدهم كثيرا في الاقتحام واخبرهم علي خريطه المنزل وأكثر الأماكن الأمنة للدخول كما أنه كان يمنع اي خطر عن مليكه أثناء تواجدها هنا وكان يخبرهم بخطوات إيهاب كلها 

ابتسم حمزه لادهم الذي كان يضم ملك اليه بحنان وهو يحملها

بينما ملك كانت تضع رأسها علي كتفها وهي تشكر الله علي رجوعها للطريق الصحيح قبل فوات الأوان وهذا بفضل الله اولا ثم أخيها ادهم ومن بعد أن عادت لعقلها حاولت أن تساعدهم بقدر استطاعتها فهي من أخبرت حمزه عن خطف مليكه وقتما سنحت لها الفرصه بسبب مراقبه كاك وإيهاب لها وهي من رشت الحراس ليبتعدوا عن اختها فهي سمعتهم يتحدثون انهم يرغبون بها فاغرتهم بأموال طائله وعندما علمت هدف جاك حاولت متعه من خلال تهديده بايهاب ولكنه استمر في فعلته وعندما كلب منها امساك مليكه كانت ترخي يدها حتي يسهل علي ملك الافلات دون أن يشعر جاك بذلك والا قتلهم سويا وحينما رأت جاك علي وشك تنفيذ خطته استغلت انشغاله بمليكه وخرجت للحارس واعطته أموال بسرعه كبيره وأخبرته ان يقول ان إيهاب قادم ويخرج جاك بعنف فعلت كل ما استطاعت حقا وتتمني ان يغفر الله لها كل شئ اغمضت عينها بتعب وهي تشعر بيد ادهم تشتد عليها بحنان فارخت رأسها ونامت بتعب شديد ووجع منا حدث 

كانت أنظار خالد معلقه بملك بشده انجذب لملامحها الجميله بطريقه كبيره فسمع تنحنح حمزه فنظر له بحرج وأمر القوات بالتقدم 

دخلت القوات وعلي رأسهم ادهم بينما وضع حمزه مليكه في سيارته وجلس بجانبها وأخرج زجاجه ماء واخذ يسكبها عليها / اصحي ياختي اصحي يا فضحاني وبوس الواوا ولحيتك  وعينك يافضيحتك يا حمزه دي اخرتها يا بنت محمد طب لما ارجع قسما بالله لو قولت هاتي بوسه وقعدتي أصل يا حمزه لا يا حمزه مش دلوقتي يا حمزه عيب ياحمزه هولع فيكي انتي سامعه يابت انتي 

ضحكت مليكه بشده وبغباء وكادت تجيب لولا سماع الجميع صوت صراخ احمد /......... 

RAHMA NABIL 美心

بصووووووا بقي فصل طويل اهو أطول منه مفيش والله ده 6000 كلمة فصل تسهروا عليه ليل بطوله 

اتمني يكون عجبكم والأحداث عجبتكم الرحله قربت تخلص بس حكايتنا لسه فيها كلام تاني خلصنا من الغم ندخل بقي علي الضحك 

متنسوش رأيكم يهمني جدا جدا. 

اظن ده تعويض كويس علي الغياب ليومين. 

دمتم سالمين 

#جميلة_حد_الفتنة

#حياة_حمزة

#الفصل_السابع_والعشرين

RAHMA NABIL 美心

"‏سَل اللّه أن يُحبَّك حبًّا تتجاوزُ به الحياة حتى تنتهي بك وهو راضٍ عنك، سَلهُ أن يُعظِّمَ الرّضَا في صدرك، واليقين في قلبك، فتغدُو الأمور الشديدة هيّنةً عليك."💛

RAHMA NABIL 美心

﷽

۝ إِنَّ اللَّهَ وَمَلائِكَتَهُ يُصَلُّونَ عَلَى

النَّبِيِّ يَا أَيُّهَا الَّذِينَ آمَنُوا صَلُّوا

عَلَيْهِ وَسَلِّمُوا تَسْلِيمًا ۝ ﷺ.."

ارجو الدعاء لجد صديقتي بالرحمه ❤️

RAHMA NABIL 美心

كانت صفيه تجلس في الفندق وهي تصرخ بهياج في الهاتف / يعني إيه مفيش حساب في البنك انت غبي انا حسابي يعيشك ملك انت وعيلتك كلها سنين

وجدت صفيه الخط يغلق في وجهها فصرخت بغضب والقت الهاتف علي الفراش هي كانت تنوي ان تعود لامريكا وتستقر هناك بالاموال التي كانت تأخذها سابقا من محمد ولكن الآن موظف  البنك الغبي يخبرها انها لا تملك ولو جنيه واحد فقط في البنك / عملتها يا محمد بس ماشي مش انا اللي هسبلك الدنيا كده يا محمد والايام بيني وبينك

ثم ذهبت واحضرت حقيبتها التي عادت لاحقا عند خروج العائلة كلها لرؤيه حمزة وأخذتها وقتها حاولت أن تجد أموال ولكن لم تجد سوي البعض فقط يمكنه ان يغطي تكاليف جلوسها لليله في هذا الفندق الباهظ الثمن

خرجت من غرفتها وذهبت للاسفل ودفعت كل ما تملك للفندق ثم خرجت وهي تبحث عن سياره اجري ولكن ليس معها أموال لتكفي هذا فزفرت بضيق وسارت علي اقدامها حتي وجدت أتوبيس عام فصعدت له علي مضض  بسبب قدمها والحذاء العالي الذي ترتديه دقائق فقط دقائق جلستها في هذه السياره وشعرت انها علي وشك الموت

هبطت امام حاره قديمه بشكل كبير وسارت وهي تجر حقيبتها التي تتخبط في الأرض الصلبه الغير مؤهله لمثل هذه الأشياء كان الجميع ينظر لها بتعجب ولثيابها فهي كانت ترتدي بدله رسميه من بنطال اسود وقميص ابيض وجاكت اسود وحذاء اسود بكعب 

اقتربت من احد المنازل وطرقت الباب بضيق وهي تزفر فجأه فتحت امرأه الباب وهي تصرخ / واد يابن الكلب كنت فين يا..... 

صمتت المرأه وهي تنظر امامها لهذه السيده فضيقت حاجبيها بضيق / آيوه ياختي فيه حاجه ولا ايه 

صفيه بملامح يظهر عليها القرف / انتي مين وبتعملي ايه هنا 

المرأه وهي تلوي فمها / عجب البيت بيت ابونا ويجي الغرب يسألونا 

صفيه بغضب بدأ يشتعل / ابوكي مين يا خرفانه انتي ده بيت اهلي انا 

صمتت السيده لثواني ثم تشدقت بسخريه / الحاجه صفيه هو انتي تعالي يا ختي ادخلي 

صفيه بحده /اجي فين وانتي بتعملي ايه في بيت اهلي يا  ست انتي 

سمع الجميع صوت من الداخل / مين دي يابت يا نعمه 

نعمه وهي تنظر بسخريه لصفيه / دي اختك الست هانم يا سبعي

خرج اخ صفيه من الغرفه وهو يرتدي فإنه بيضاء وشورت من نفس اللون / صفيه يا اختي انتي هنا بتعملي ايه 

صرخت صفيه بهم وبقرف / ده بيت امي يا خويا ولا إيه 

اخ صفيه / لا إزاي ياختي البيت بيتك ده احنا عايشين من خيرك بعد ستر ربنا 

دخلت صفيه بكل كبرياء وهي تتحدث / وجه الوقت اللي اعيش انا من خيرك 

نظرت نعمه لزوجها بحده ان يسألها قصدها فتحدث/ قصدك ايه يا صفيه 

صفيه وهي تضع قدم علي قدم / أنا اتطلقت وهعيش هنا 

نظرت نعمه لزوجها بحده وضربته في جانبه /ايوه يا ختي بس أصله الموضوع ان احنا ب... 

قاطعته صفيه / أنتم ايه يا صفوان ده بيت اهلي زي زيك ولا نسيت 

كاد صفوان يجيب ولكن تحدثت نعمه بدلا من ذلك / والبيت ده بقي بيتنا يا قطه انتي ولو حابه تقعدي هنا يبقي تقعدي بلقمتك 

اعتدلت صفيه وتحدث بتحفز / قصدك ايه 

نعمه ببسمه سخريه / يعني من اليوم ورايح ياختي شغله البيت هتتقسم علي آتنين وانا هحاول اشوفلك شغله في المصنع االي بشتغل فيه 

صرخت صفيه بدهشه وصدمه /whaaaaaaaaat

RAHMA NABIL 美心

خرج حمزه من السياره سريعا واغلقها علي مليكه وركض لاخيه الذي يحاول عامر ان يبعده عن عمته التي تهذي بكلام غريب وتسحبها الشرطه 

احمد بصراخ / عمتتتتي اوعي يا عامر دي عمتي هي بتعمل ايه هنا يا عمتي انتم ماسيكنها كده ليه 

نعم فلم يكن احد يعرف بأمر ساميه سوي ادهم ومليكه وحمزه وسعيد فقط 

ركض حمزه لاخيه وجذبه لاحضانه وهو يهمس له بكلمات ويربت عليه بينما هو يبكي بشده علي امرأه كانت له يوم من الايام ام نعم لم تكن تحنو عليه بمقدار حنانها لحمزه ولكن في النهايه هي عمته بحق الله 

بكي احمد بشده مثل الطفل الصغير باحضان أخيه عائلته تخسر كل يوم فرد كل يوم هذا كثير 

نظر لحمزه ولهدوئه المخيف هذا يعني انه قد كان يعلم صرخ به / انت كنت عارف 

صمت حمزه ونظر بعيدا عنه فتحدث احمد / يعني كنت عارف صح

كاد حمزه يوضح له الأمر ولكن تفاجأ بعناقه وبكاءه / ليه ياحمزه ليه دايما بتشيل كل الوجع لوحدك ليه 

ضمه حمزه ببسمه حنونه وربت على ظهره ونظر لعامر الذي هز رأسه ببسمه حزينه فتحدث حمزه / خلينا نرجع عشان محدش يقلق 

نظر لادهم الذي توجه بملك لسيارته / تمام خلينا نرجع عشان البنات ترتاح

غمز له رامي بمزاح ليكسر هذا الحزن / ولا عشان تبوس الواوا 

نظر له حمزه بشر كبير فتحرك رامي لسيارته بسرعه وخوف وخلفه الجميع فصعد ادهم وأسر بالخلف يضم ملك له هو لا يفهم لما هي معهم ولكن يحمد الله ان حمزه لم يسلمها للشرطه قبلها بحنان وهو يزيح شعرها بحنان ويضمها اليه ثم  نظر لادهم وهمس / شكرا

نظر ادهم للمرآه بتعجب / شكرا علي إيه 

أسر وهو يضم ملك اليه بحمايه فبعد كل شئ ورغم غضبه منها الا انها اخته في النهايه / عشان مسلمتش ملك كمان 

ادهم ببسمه وهو يقوم خلف سيارات الشباب / اولا ملك اختي زي زيك ثانيا ملك مغلطتش بالعكس دي ساعدتنا 

نظر له أسر بعدم فهم / ساعدتكم 

هز ادهم رأسه ببسمه / اها وكتير كمان يمكن لولاها مكناش تمينا العمليه بكل سهوله كده تتخيل يعني احنا دخلنا بالسهوله دي حظ يعني ولا ايه والممرات والاماكن حافظينها ولا إيه 

فهم أسر ما يرمي اليه ادهم ولكن تحدث بصدمه / بس ملك هي...... 

قاطعه ادهم / اول ما نوصل هفهمك كل حاجه 

هز أسر رأسه وهو ينظر لاخته في احضانه بتعجب ثم قبل جبينها وهو يفكر في كل ما يحدث حوله 

ببنما في سياره حمزه كانت مليكه تغني وتهز رأسها بحركات مضحكه فزفر حمزه بضيق / آيوه ارقصي يا ختي ارقصي اياكش بس اول ما نوصل البيت مفعوله يروح وتفوقي عليا 

ضحكت مليكه بشده ثم عادت للمقعد الخلفي لم يهتم حمزه كثيرا ولكن فزع حينما وضعت يدها علي عينه وهي تتحدث بضحكه / أنا مين. 

صرخ حمزه وهو لا يري الطريق امامه / ايدك يابت يخربيت سنينك هنمووووت 

بينما هي لا تريد رفع يدها وحمزه يقود عشوائيا وهو يصرخ / اوعواااااا من قدامي 

كان الوضع كالتالي حمزه يصرخ كالمجنون ويقود بعشوائيه ومليكه تضع يدها علي عينه وهي تضحك بشده بينما توقفت باقي السيارات لتري ماذا يحدث ولكن في ثانيه كانت سياره حمزه تصطدم في سياره أندرو الذي صرخ / احييييييه دي عهده يابن ال..... 

ثم اخذ يلطم / هيكدروووك يا حبيبي وانت خطوبتك بعد يومين اكيد ده إنذار اني متسرعش في موضوع البت هيلانوووو 

ثم لطم مجددا / احيه احيه احيه ده انا هتكدر لباقي الخدمه

 ثم اخرج رأسه من النافذه وصرخ بحمزه الذي كان مايزال يدور حول نفسه تفاديا لأي اصطدام اخر / ورحمه ابويا يا حمزه لابيتك في الحجز يا حيوان بس اصبر يلعن معرفتك السوده اللي مش بتيجي عليا غير بمشاكل

بينما حمزه كان يصرخ / الحقوووونا 

فقد كان يدور حول نفسه بالسياره ومليكه تضحك بشده وهي مازالت تضع يدها علي عينه وهو يصرخ بهم / حد يجي يشيل بنت المجنونه دي مش شاااااااايييييف

بينما مليكه كانت تضحك وبشده / كمان مره كمان مره 

حمزه بصراخ / الحقووووووونييييييييييييي

كان حمزه يحاول ان يوقف السياره ولكن لا يري شئ امامه

بينما الجميع لا يستطيع احد التدخل 

نظر ادهم لعامر وصعد لسيارته وتحدث / تعالي يا عامر قرب منهم 

عامر بخوف / أقرب من مين انت مش شايف بيسوق ازاي

صرخ به ادهم / اخلص يا عامر قبل ما يحصل حاجه 

صعد عامر لسيارته وحاول الاقتراب من حمزه اكثر من مره وهو يصرخ / بطئ يا حمار مش عارف أقرب 

حمزه بصراخ / يا غبي مش شايف حاجه حد يشيل البت دي 

كان يتحدث وهو يقود بيد واليد المصابه يحاول دفع يد مليكه التي تشددها اكثر حول عينه 

واخيرا استطاع عامر الاقتراب فصرخ بادهم / بسرعه ليفرمنا الاعمي ده 

فتح ادهم الباب وانتظر اقتراب حمزه منه وأثناء دوران حمزه بجانبهم قفز بسرعه وامسك بنافذه سيارته وهو يحاول رفع نفسه 

بينما اخرج رامي هاتفه / لايفوتك فيديو مشوق لرجل يصارع سياره هتجيب صريخ ليكات 

نظر له ادهم وسبه / ورحمه امي لعلقك وافتكر كلمتي 

واخيرا ادخل ادهم رأسه من النافذه ثم جسده واخذ المقود من حمزه / اوعي يا خويا كده 

ثم وبصعوبه استطاع إيقاف السياره وهنا أصبحت كلتا يدي حمزه حره فمد يده وجذب مليكه بحده فسقطت امامه وقدمها علي قدم ادهم فجذبها بعنف بعيدا عن قدمه بينما تشنج ادهم بغباء / وحيات امك 

تجاهله حمزه ونظر لمليكه نظره شر / حسابنا في البيت يا استاذه 

ادهم وهو يضربه علي كتفه / لا شرس ياض 

حمزه / امال انت مفكر ايه 

تحدثت مليكه بضحك / كمان مره يا حمزه كمان مره 

صرخ بها حمزه / بت انا ماسك نفسي عنك بالعافيه 

ظهر الحزن والدموع في عين مليكه فضمها حمزه بحنان / لا خلاص خلاص والله متعيطيش انا بهزر  اعملك كمان مره واخبطلك عربيه الواد أندرو تآني بس متعيطيش 

تحدث ادهم بقرف وهو يهبط من السياره / دلعك لمليكه زاد آوي الصراحه 

حمزه وهو يضم مليكه اليه ونظر له باستفزاز / وماله يا حبيبي اعيش وادلع مش كده يا مليكتي

 ضحكت مليكه بشده ودفنت وجهها في صدره وهي تضمه اكثر بينما هو ابتسم بحنان وقاد سيارته بهدوء وهي تضع رأسها في احضانه بينما تفرد اقدامها علي الكرسي الفارغ بجانبهم 

وعاد ادهم لسيارته وقاد الجميع مجددا للمنزل تحت ضحكات البعض وتذمرات البعض وبسمه البعض وحزن البعض الاخر 

RAHMA NABIL 美心

عاد الجميع للمنزل ماعدا احمد الذي حادث ميار وذهب إليها طرق احمد الباب ففتحت له ميار وهي تنظر له بخوف فقد كان صوته حزين جدا 

ميار بخوف / احمد مالك 

ارتمي احمد في احضانها وهو يهمس / تعبان يا ميار تعبان ومش عايز ارجع البيت 

ابتسمت ميار بحزن وجذبته للداخل فتوقف احمد ونظر لها / عمي هنا ولا لا 

هزت ميار رأسها برفض / بابا خرج القهوه بس عادي تعالي ن... 

قاطعها احمد / لا يا ميار مينفعش حتي لو مراتي بس لسه مينفعش صدقيني ادخلي البسي وانا هكلم عمي ونروح نقعد في أي مكان بره 

نظرت له ميار ببسمه ودخلت للمنزل بينما هو زفر بتعب واحرج هاتفه وهاتف والدها الذي وافق برحابه صدر وفرح كثيرا لمعرفته رفض احمد البقاء معها وحدهما في المنزل خرجت ميار وهي تتجه اليه / يلا 

احمد وهو ينظر لها / يلا ايه مش هتغيري يابنتي 

ميار وهي تنظر لثيابها / منا لابسه اهو 

احمد وهو يدفعها للداخل / ياختي لبسك عفريت ايه اللي لابسه ده ادخلي يابت غيري انتي مش شايفه الفستان ضيق إزاي ادخلي اخلصي 

نظرت له ميار وكادت تتحدث فنظر لها بشر وأشار للداخل / ادخلي اخلصي 

زفرت ميار منه ودخلت أرتدت فستان واسع اكثر وعادت اليه / مبوسط كده

احمد وهو ينظر لها بتقييم / يعني اتفضلي قدامي 

زفرت ميار بضيق / ياباي علي التحكمات

احمد وهو يرفع يده في الهواء / بت انتي هتمشي ولا اديكي علي دماغك

ركضت ميار علي الدرج بسرعه بينما ابتسم احمد خلفها وهو يكتم ضحكته/ لا مسيطر ياض يا احمد ايه الحلاوه دي 

ثم سار خلفها وجدها صعدت لسيارته فصعد بجانبها وجدها تنظر للجهه الاخري فخرج بها من الحاره ثم ذهب بها لمكان بعيد قليلا امام أحدي الحدائق المليئه بالعائلات وتوقف بسيارته وامسك يدها بحنان شديد وقبلها وتحدث / ينفع يعني جوهرتي حد يشوفها غيري طب انتي ينفع حجابك يعني يكون علي لبس مجسمك 

كل هذا وميار تنظر للجهه الاخري ولا تتحدث فزفر احمد / هو ايه مواصفات اللبس اللي أمرنا بيه ربنا سمعي يلا 

ميار بضيق / لايشف،، وميكونش قصير 

احمد وهو يحثها علي الاكمال / وايه تاني يا ميار كملي 

ميار وهي تزفر / ولا يصف 

احمد ببسمه وهو يدير وجهها اليه / طب ولا يصف دي مش معناها نلبسه واسع؟؟ صح ولا إيه 

هزت ميار رأسه واجابت بخجل / هو كان حلو بس انا... 

اكمل احمد عنها وهي يبتسم / بس زيدتي وبقيتي ملبن 

اخفضت ميار وجهها باحراج وحزن فابتسم احمد وهو يتفهم فتحدث بهدوء وحنان /ليه زعلانه كده مش معني انك زيدتي شويه يبقي بقي شكلك وحش او قليتي في نظري تؤ تؤ بالعكس انتي الأول كنتي رفيعه آوي دلوقتي بقيتي قمر 

ابتسمت ميار عليه وحمدت الله بينما هو ابتسم لها وقد انسته جميع أحزانه بجوارها يكفي فقط بسمتها 

تحدثت ميار بعدما تذكرت / صحيح يا احمد انت مبقتش تروح الجامعه ليه بقالك فتره طويله مش بتروح 

ضرب احمد جبهته بغباء / معلش ياقلبي بسبب المشاكل نسيت اقولك انا وحمزه وادهم ابن عمنا  قررنا اننا هنشترك في شركه هندسه كبيره هنا في مصر الفلوس اللي كنت محوشها علي فلوس حمزه علي مبلغ محترم من الواد ادهم الغني وهنبني شركه معماريه بإذن الله تنجح انا مليت من الجامعه وغيره غير اني حابب يكون ليا عمل خاص والصراحه ادهم اقترح الفكره دي علينا وبقالنا فتره بنشطب في الشركه والحمدلله ادهم وحمزه ليها علاقات في المجال ده هتفيدنا كتير خصوصا ادهم ليه علاقات دوليه وله اسمه برضو 

ابتسمت ميار له / أنا معاك في اي حاجه يا عطار قلبي

ضحك احمد بشده فهو يتذكر هذا اللقب من عرفها ونظر لها بحب / بعشقك يا ميار كان اخلي بستل مايه ينزل علي دماغي والله عشان عرفتك 

ضحكت ميار بشده عليه وهو شاركها الضحك 

فهكذا نحن عندما نكون بجانب من نبح ننسي جميع الأحزان فقط نتذكر قربه هو فقط ونتذكر مشاعرنا تجاهه.... 

RAHMA NABIL 美心

جلس أسر امام ادهم في انتظار شرحه لما حدث لملك فبدأ ادهم يقص عليه ما حدث بعد حادثه ملك ومليكه وعرض ملك لصور مليكه وذهابه لتهديد إيهاب 

F. B

بعد خروج ادهم من عند إيهاب بكل غضب وهو يعده بالويل كل الويل له 

سمع صوت خلفه / مش خايفه منك يا أدهم ولو فاكر البوقين اللي قولتهم جوا دول هيخوفوني تبقي نسيت مين هي مولا 

توقف ادهم يستمع لها وهو مازال يعطيها ظهره بينما هي تنتظر رده فعله وعلي عكس المتوقع التفت لها وهو مبتسم وتحدث / ومين قالك اني عايز اخوفك انا لو عايز اخوفك كنت عملت معاكي زي ما عملت مع حبيب القلب جاك مش ده برضو اللي دمرك وخلاكي مدمنه وخلاكي تحملي في ابنه وانتي لسه مكملتيش18 سنه ولا انا غلطان 

توترت ملامح ملك وهتفت به / اسمع يا أدهم اطلع منها وملكش دعوه دي مشاكل عائليه 

تحدث ادهم بسخريه / عائليه آه فعلا عائليه وجاك بقي من العيله ولا إيهاب من العيله 

اقترب من ملك ووقف امامها / كل اللي جوا دول واحد واحد ولاد...... هيغرقوا ويغرقوكي معاهم بيستغلوا عماكي وغبائك عشان تعادي عيلتك مع ان مفيش حد بيحب الخير ليكي قد عيلتك. 

نظرت له ملك بدموع تأبي الهبوط / انت كداب عيلتي عمرها ما حبت ليا الخير أبدا طول عمرهم أساسا مش شايفين غير مليكه... مليكه وبس إنما ملك فهي الشريره والوحشه 

هز ادهم رأسه بيأس عليها / انتي ازاي عاميه كده انتي 

قال آخر كلماته بغضب ولكن توقف قليلا ثم تحدث بحده / عيلتك اللي مش بتحبك دي اكتر من مره كانوا هيضيعوا بسببك يا غبيه انتي عايشه بكام كليه ها اتكلمي اقولك حضرتك عايشه بكليه واحده تعرفي دي كليه مين االي عايشه بيها ها 

صدمت ملك من حديثه فاكمل هو / انتي لما عملتي حادثه   واتنقلتي المستشفي  واكتشف الدكاتره ان فيه كليه من عندك تالفه وانتي أساسا مولوده بواحده قامت مليكه بدون تردد اتبرعتلك بكليتها بعد ما عرفت انها مطابقة ورفضت حد يبلغك عشان خافت تفتكربها بتذلك او تجرح مشاعرك ابنك اللي كنتي حامل فيه يا انسه يا محترمه وبعدين نزلتيه وكنتي هتموتي بنزيف مين اللي اتبرعلك بدمه وكان وقتها هيموت فيها ها اقولك انا أسر.... أسر هو اللي اتبرع ليكي لانه من حسن حظك انه مانح عام ويقدر يتبرع لأي فصيله وهو متترددش ولو للحظه يتبرع بدمه كله انا لسه فاكر لحد دلوقتي دموعه وعياطه زي العيال الصغيره عشان الدكتور ياخد كل االي عايزه من دمه هو لان وقتها كنا محتاجين دم كتير ومكنش فيه متبرع وهو أصر يديكي كل اللي محتاجاه منه واترجي الدكتور وهو بيبكي ويقوله اعمل اي حاجه بس اختي تعيش 

بلاش دي انتي دلوقتي مسجله ايه ها انطقي اسمك مطلقه يا مدام ملك مين السبب انك تكوني قدام الكل محفوظه ورافعه راسك مش خاطيه مليكه اللي راحت للحقير اللي جوا ده اللي فضلتيه علي عيلتك واترجيته يتجوزك واتذللت ليه 

نظرت له ملك بدموع تهبط بشده وشهقات عاليه 

فتحدث هو بسخريه / آيوه صدقي مليكه اللي عمرها ما نزلت رأسها لحد نزلتها في الوقت ده ولمين للحقير جاك عشان بس يتجوزك وبعد لما ذلها رفض وساومها علي ليله معاه مقابل انه يتجوزك

رفعت ملك رأسها بصدمه شديده فاكمل هو وهو لايهتم لصدماتها / وقتها مليكه جات وحكيتلي كل حاجه وانا قدرت اخلص الموضوع معاه واجبره علي ان يكتب عليكي 

بعدها الدكتور اللي كنتي بتروحي عنده عشان حالتك اللي بقت زفت 

تحدثت ملك ببكاء / ماما االي ودتني 

هز ادهم رأسه علي غبائها / وانتي فاكره ان صوفي هانم هتهتم بيكي أساسا يا ملك دي مليكه اللي ودتك بعد ما اترجت والدتك انها هي اللي تاخدك ليه عشان انتي كانت دماغك ناشفه ولو حد مننا ظهر في الصوره كنتي هترفضي مليكه وقتها اترجت والدتك و وعدتها ان فلوس الدكتور عليها هي ووقتها روحتي انتي وبدأتي تفوقي من صدماتك وقرفك كله واول ما تفوقي تجري لمليكه وتتهميها انها السبب في كل حاجه وبكل بجاحه 

سقطت ملك أرضا ببكاء وهي تهمس لنفسها انها كانت غبيه من اي زاويه كانت تنظر للموضوع من اي جهه رأت انها الضحيه وليست الجلاد هل هي عمياء لهذه الدرجه 

اقترب منها ادهم وهمس لها / لسه في وقت يا ملك لو حابه تصلحي غلطك لسه فيه وقت قبل ما تضيعي خالص صدقيني يا ملك اللي جوا دول هيضيعوكي وعمرهم ما هيكونوا سند ليكي أبدا هما بس بيستخدموكي لمصلحتهم  

خليكي معانا يا ملك ولو لمره واحده اختاري الصح وانا اوعدك كل حاجه هترجع زي الاول 

رفعت ملك نظرها له بعيون حمراء وبشده وهمست له / بجد 

ابتسم ادهم بأمل لعودتها / وعد مني وانتي عارفاني عمري ما اخلف وعدي يا ملك 

تحدث ملك بعيون مليئه بالدموع / اعمل ايه..... 

B

ادهم وهو يكمل / وبس من وقتها وملك في صفنا ومعانا وكل حاجه كانت بتوصلها لينا 

أسر بدموع وهو يلوم ادهم / مكنش لازم يا أدهم تقولها كل اللي عملناه مش عايزها ترجع وعينها مكسوره يا أدهم

لم يكد ادهم يجيب حتي سمع بكاء علي باب الغرفه نظروا وجدوا ملك تقف وتبكي بشده ثواني وكانت تركض وتعانق أسر وهي تشهق / اسفه يا يا أسر وحيات اغلي حاجه عندك تسامحني وحيات مليكه. 

ضمها أسر بدموع وتحدث /وحيات ملك عندي مسامحك 

ابتعدت ملك عنه ونظرت له بدموع شديده فمسح هو دموعها / انتي يا ملك طول عمرك زيك زي مليكه عندي وبعد كده مسمعش كلمه ان مليكه اغلي منك سامعه 

جذبها ادهم لاحضانه بحنان وهو يربت علي شعرها / ده انتي حتي الصغنون بتاعنا يعني الدلوعه 

كاد قلب ملك يتوقف من كثره المشاعر التي تعيشها وللمره الاولي او لنقل التي تراها للمره الاولي ابتسمت ملك بخجل فهي لم تعتاد علي فكره ان ادهم اخاها أيضا 

ضحك ادهم وقد تفهم خجلها فضمها وهو يزغزها وهي تصرخ بضحك / خلاص بالله عليك يا أدهم خلاص والله والله هموووووت 

ضحك أسر بشده عليهم ومسح دموعه وانضم لهم في مزاحهم 

RAHMA NABIL 美心

كان حمزه يستحم فمنذ جاء اضطر لشرح كل شئ للعائله وبقي لساعات وساعات معهم حتي يستوعب الجميع صدمه عمته وبعد انتهاء حديثهم قرر الجد ودون عوده انه سيوكل محامي من باب الواجب لابنته وانه سيبحث عن عبير التي اختفت وبطريقه غريبه بعد الحادث وان الموضوع اغلق ولا يحق لاحد ان يفكر به ولو بينه وبين نفسه بعد الان ثم امر حمزه ان يأخذ مليكه التي كانت تضحك بجنون وتغني وتجذب حمزه اليها وتعانقه امام الجميع أخذها حمزه وصعد لغرفته وظل بجوارها حتي سقطت من التعب وبقي لدقائق ختي تأكد من نومها تماما ثم ذهب للاستحمام خرج حمزه من الحمام وهو يرتدي شورت كويل حتي ركبته وكان عاري الجذع العلوي وقف امام مرآته وهو يجفف شعره ولكن نزع المنشفه عندما سمع تأوه مليكه التي استيقظت بفزع وهي تصرخ نظرت حولها وجدت نفسها في غرفه حمزه فأخذت أنفاسها براحه شديده ولكن وقع نظرها علي حمزه الذي يقف امامها بشورت اسود فقط فاحمر وجهها بشده وجحظت عينها وتصنمت عليه وهي تبتلع ريقها ثم أشارت له بصراخ / انت بتعمل ايه البس بسرعه ياقليل الأدب 

حمزه بشماته / اهلا انتي فوقتي تعاليلي بقي يا أبلتي 

مليكه بعدم فهم / فوقت ليه فيه إيه 

حمزه وهو يهز وسطه مثلما كانت تفعل مليكه في الغرفه المخطوفه بها /طلعت يا محلا نورها شمس الشموسه يلا بينا محلب لبن الجامووووسه 

نظرت له مليكه بغباء وهي لا تفهم ماذا يفعل وفجأه اخذ حمزه يقفز في الغرفه بحركات مجنونه وهو يقلدها / شوفت النار اليح 

مليكه بتعجب / يح 

ثم قبل حمزه يده وهو يتحدث مثلها / بوس الواوا ها؟؟؟؟ 

مليكه وهي تظن ان حمزه جن / بوس الواوا انت....... 

ثواني وكانت الذكريات تتقافز لرأسها بدايه من تكبيل جاك لها وحتي معانقتها لحمزه امام الجميع 

وبكل هدوء استدارت مليكه وهي تضع رأسها في الوساده ولا تريد أن تسمع له فاقترب منها حمزه وهمس لها وهو يمسك يدها  / إيه افتكرتي 

ضربته مليكه علي يده / اعاااااااااا اعاااااااااا 

بينما هو يضحك وبشده عليها وهي تكاد تبكي / خلاص ياقلبي متزعليش تعالي بوسي الواوا بتاعتي وانا ابوس الواوا بتاعتك 

رفعت مليكه وجهها من الوساده ووقفت أرضا ثم اخذت تصرخ بشده وهي تفرك شعرها / ااااااااااه لااااااااااا يارب يكون حلم يارب لااااااااااا آآآآآآه 

ضحك حمزه عليها فهي تكاد تجن 

ثواني ووجد مليكه تهجم عليه بشده فسقط علي الفراش واصبحت هي فوقه فصرخ بها / يابنت المجنونه 

مليكه وهي تصرخ به / اسمع كويس انت هتنسي  اللي حصل اتفقنا دي مش انا انا اللي قدامك دي ماشي ماشي 

غمز لها حمزه / بس انا عاجبني التانيه 

خجلت مليكه من تلميحه وأخذت تتنفس بعنف ثم صرخت / بسسسس يا حمزة بس 

ابتسم لها وأعاد شعرها للخلف وهي مازالت تجلس علي صدره وهمس لها / انتي زعلانه ليه بس ياقلبي الحمدلله احنا عدينا منها عايشين اي نعم أندرو مش هيعديها وهتحبس بس فداكي 

صرخت مليكه بخجل كبيره ثم قفزت من عليه وهبطت وهي تتحرك بجنون في الغرفه وتبكي وهي تفرك رأسها بحده / اااااه إزاي عملت كده إزاي يا فضحتك يا مليكه والمصيبه كله شافني ااااه يارب لا لا اكيد هينشوا ولو منسوش هيحصل ايه آآآآآآه 

كان حمزه يشاهدها وهو يجلس ببروده علي الفراش ويبتسم عليها بينما هي أشارت له بتحذير / متضحكش انا بقولك اهو انا مش كده 

حمزه وهو يبتسم لها / وليه متكونش كده ناقصك ايد ولا رجل 

نظرت له مليكه بغباء / اكون إزاي 

نهض حمزه وحرك وسطه مثلها / كده 

ضربته مليكه في صدره بقوه فتألم بشده / يخربيتك متجوز لاعب كمال أجسام ولا إيه 

مليكه وهي تضع يدها في وسطها / مش عجبك ولا إيه 

حمزه وهو يرفع حاجبه ويبتسم بسخريه / لا عاجبني يا ختي عاجبني وانا اقدر اقول غير كده ده انا حاسس اني متجوز واحد صاحبي 

ارتخت اكتاف مليكه ونظرت له / تقصد ايه 

ابتسم حمزه وهو يأخذ ثيابه / مقصدش يا مليكه 

دخل حمزه الحمام وترك مليكه تنظر لنفسها وتتسآل هي هي جافه في تعاملها معه نعم هي تحدثه دائما بالحب ولكن هل سبق لها وان قامت بما يدل علي هذا الحب هو دائما مايبادر  ويجذبها لاحضانه ويقبلها بحنان ولكن هل سبق وفعلت هي المثل نظرت لنفسها في المرآه وهمست لنفسها / حمزه حبك كده بس ده مش معناه انه تفضلي كده 

اخذت نفسها وهي تؤنب نفسها / اتفضلي بقي شوفي حل للي حصل

صمتت قليلا ثم ابتسمت وقد توصلت لفكره ما ولكن سرعان ما اغمضت عينها بخجل وهي تتذكر كل ما فعلته / آآآآآآه يارب الكل ينسي يارب 

RAHMA NABIL 美心

كان خالد يجلس في مكتبه وهو يتذكر ملامحه كانت جميله بشكل جعل قلبه يضطرب من ملامحها رغم تعبها الواضح الا انها كانت اكثر من جميله تري ماذا تقرب لحمزه ولكنه وجد ادهم يحملها هل يعقل ان تكون زوجه ادهم نعم فكيف اذا سيحملها بهذا الشكل ان لم تكن زوجته وهو علم من قبل أن ادهم ليس له اخوه عند هذه الفكره جن جنونه وامسك مطفأه السجائر والقاها في الحائط بينما دخل أندرو ونظر للجدار بجانبه وهمس بملل / مين ياخويا اللي معصبك المره دي 

نظر له خالد بغضب وتحدث بملل / واد انت مش نقصاك روح شوف هتتجازي ولا تعمل ايه في ام العهده بتاعتك 

أندرو وهو يجلس بملل / أنا واحد علي وشك جواز ومش فايق لحد فيكم دفعت تعويض يا خويا حلو كده

تجاهله خالد فتحدث أندرو بجديه / الموضوع فيه بنت صح 

نظر له خالد بشرود وقد أخذه خياله لها مجددا وهمس بداخله / يارب بقي انساها 

RAHMA NABIL 美心

كان رامي يصرخ وهو يقف علي الكنبه في الصاله الخاصه بهم / عارف لو قربت انا هطلع عينك 

ادهم وهو يبتسم ببرود / أنا قولت كلمه واحده هتتعلق يعني هتتعلق 

سعديه وهي تبتسم بشماته / اهو جالكم اللي يلمكم يا كلاب 

ضحك أسر بشده وكذلك ملك بينما ياسمين ضربت أسر لي كتفه / ما تشوف اخوك يا عم انت 

ضحك أسر وهو يضمها ويغمز لها / سيبيهم بيسلونا 

ضحكت بشده عليهم وهي تنظر لرامي الذي يقفز من مكان لآخر وهو يصرخ بادهم وملك التي تضحك وبشده عليهم وسعديه التي تشمت في رامي فابتسمت بفرحه لهذه النهايه يكفيها وجود الجميع بجانبها بدون أن ينقصهم احد اغمضت عينها  وحمدت ربها علي هذه النعم التي يغرقهم بها

RAHMA NABIL 美心

سمع احمد صوت الباب يطرق فكاد حمزه ينهض ليجيب ولكن منعه احمد / خليك انت انا هشوف مين

فتح احمد الباب وجد عامر يقف وهو ينظر له ببسمه / اميره هنا

احمد وهو يحاول ان يضايقه / آيوه عايز ايه منها

عامر وهو يرفع حاجبه /اوعي من وشي

عاند احمد معه /لا مش هوعي ويلا بقي معندناش بنات للجواز

كاد عامر يصرخ به لولا حمزه الذي دفع احمد جانبا وهو يخرج / اوعي ياض من وشي

ثم صعد للاعلي نظر عامر لحمزه الذي يصعد للاعلي وتحدث تعجب / هو فيه إيه

احمد بغمزه/ تلاقيه رايح لمليكه

عامر وهو يدفعه فجأه ويدخل ولكنه أحدث صوت قبل دخوله وتوقف في الممر المؤدي للصالون ونادي / عمي راشد

حتي سمع صوت راشد /تعالي يا عامر يابني واقف بره

اخرج عامر لسانه لأحمد ودخل لعمه  وهو ينظر للاسفل بينما لحق به احمد بعد أن اغلق الباب بتذمر وهو يتمتم بضيق

بينما كان حمزه يصعد الدرج بسرعه فقد وصلت له رساله من مليكة انها تحتاج اليه وبسرعه في شقتهم الخاصه وصل حمزه لشقتهم ومد يده وفتح الباب ودخل وبمجرد استدارته حتي فتح فمه ببلاهه وهو يتحدث بصدمه / إيه ده 

RAHMA NABIL 美心

خلص الفصل وبكده اقول رحلتنا تقريبا خلصت وزي ما اتعودنا باخد فتره يومين عشان اكتب الخاتمه والم الاحداث معني كده بإذن الله بعد بكره هنزل الخاتمه لجميله حد الفتنه ان شاء الله 

فيارب تكون رحلتنا مع عيله السعيد خفيفه عليكم 

اتمني يكون الفصل عجبكم 

القاكم بعد غد بمشيئة الله 

دمتم سالمين 

RAHMA NABIL 美心

#جميلة_حد_الفتنة

#حياة_حمزة

#الخاتمة

أجمَل عبآرتَين ؛ 💭

• مآ أحزَن الله عَبداً إلآ لـ يُسعده ،

• و مآ ابتَلى الله عَبداً إلآ لأنّه يحبه 💙"

بِمَدْحِ المصطفى تَحيا القلوبُ

وتُغْتَفَرُ الخطايا والذُّنُوبُ

وأرجو أن أعيشَ بهِ سعيداً

وَألقاهُ وَليس عَلَيّ حُوبُ

نظر حمزه امامه وهو يغمض عينه ويفتحها مجددا ولا يصدق مايري سمع صوت ضحكه مليكه العاليه علي ملامحه ولم يكد يخرج من صدمته حتي شعر بأن مليكه تندفع له وبشده مثل القذيفه التقطها حمزه ولكن من شده الاندفاع عاد للخلف فامسك خصرها بشده خوفا ان تسقط بينما هي في تلك اللحظه كانت فقط تفكر في شئ واحد وهو انها بين احضانه اذا فليحترق العالم كله طالما هو معها

ابتسم حمزه بشده وضمها اليه اكثر بينما هي همست له في اذنه / يمكن قبل كده مبينتش حبي ليك بالأفعال وكنت بس بعبر عنه بالكلام يمكن كنت دايما سايبه المبادره ليك انت بس انت عارف انا بحبك إزاي صح

حمزه انت الروح اللي بيها عايشه مجرد بس بعد صغير عني بحس اني بتخنق يا حمزه دايما خليك جنب قلبي وطمنه بوجودك دايما 

 ضحك حمزه بخفوت وابعدها عنه وكاد يتحدث لولا مارآه ابتلع ريقه بشده وهو يري فستانها المثير الذي يصل لركبتها وشعرها الذي تفرده خلفها والزينه التي تضعها علي وجهها اخذ حمزه دقائق يتأملها وهو لا يعي اي شئ حوله سوي حوريته فقط اخذ يتفحصها وهو لا يستطيع رفع عينه لاحظ يدها التي تحاول أن تجذب الفستان للاسفل فرحم خجلها ونظر لعيونها التي كانت تهرب بها منه وبكل خجل فاقترب منها مجددا وامسك يدها التي كانت تجذب فستانها ورفعها لفمه وهمس لها / حوريه هربانه من رواية أساطير ونزلت استقرت في قلبي

نظرت مليكه لعينه وابتسمت له وتشجعت اكثر ثواني وفتح حمزه عينه بجحوظ وهو يجد مليكه تدفعه بعيدا ليسقط علي الاريكه الوحيده التي نقلتها للشقه بمساعده ادهم وأسر الذان ساعدوها في هذه الليله كثيرا

نظر لها حمزه بحاجب مرفوع وبسمه ماكره بينما هي نظرت له باغراء وتحدثت بدلال وهي تشير له / خليك هنا ياقلبي وجيالك

ابتسم حمزه بخبث وهز رأسه بهدوء فانطلقت هي للداخل سريعا بينما هو سقط بجسده كله علي الاريكه وهو يكتم ضحكته بيده حتي لا يحرجها اكثر فهو لم يغفل عنه ارتعاش يدها وهي تحدثه نظر للسقف وهو يتنفس بعنف  ويهمس / وبعدها معاكي يا مليكتي ناويه تعملي ايه في القلب ده

ثم ضرب علي قلبه / اوووف كانت هتجلطني والله

ضحكت ياسمين بشده وهي تستمع لأسر ومغامراته أثناء دراسته حتي توقفت علي كلمته  / وحيات امك مين دي اللي كانت قمر

ثم وقفت امامه وهي تضع يدها في وسطها وتعرض طولها / عندها طولي عندها سماري عندها خفه دمي انطق ايه فيها اللي احلي مني

أشار أسر لعبائتها التي تربطها لوسطها / بالعبايه دي؟؟؟؟

نظرت ياسمين للعبائه بتذمر ثم فكت العقده وانزلتها وتحدثت بحنق / علي فكره انت جاهل أساسا دي كانت عامله زي الفستان

انفجر أسر في الضحك وهو يهز رأسه بعدم تصديق

تحدثت سعديه التي كانت تجلس علي مقعد بجانب غرفتها / شباب طايش يا ايوبي ميعرفوش ايه هي الرومانسيه أساسا سيبك منهم انت بقي وكلمني عن أول مره شوفتني فيها

قالت آخر كلامها بهيام وهي تحدث أيوب عبر الهاتف

نظرت لها ياسمين وكادت تبكي فسعديه تعيش لحظات رومانسيه لم تعشها هي أشارت ياسمين لسعديه / شوفت اتفرج اتعلم من أيوب العجوز لا عجوز ايه قطع لسان االي يقول عجوز ده الراجل بيبلفها بكلمتين

تحدث أسر بغمزه / انتي عايزاني ابلفك بكلمتين

ياسمين وهي تفكر قليلا ثم صرخت به / انت عايز تتوه ليه ها أنت بتوه ليه هو سؤال انت بتوه ليه جاوب بصراحه انت بتوه ليه

تحدث أسر بسخريه / والله بفهم السؤال من مره واحده بعدين مين اللي توه وبص لسعديه ها

لوت ياسمين فمها بتذمر ثم جلست مجددا وهي تتحدث / خلاص مش عايزه اعرف حاجه

ثم همست بنبره حزينه / اكيد هي اللي احلي انا اصلا متقارنش بيها أبدا بس كنت....

صمتت وهي تشعر باسر يمسك يدها بحنان شديد نظرت له فوجدته مبتسم بشده وهو يتحدث / لو كانت هي الحلوه كان زمانها هي مراتي مش انتي يا ام مخ تخين

قال آخر كلماته وهو يضربها علي رأسها باصبعه فتحدثت هي بدموع / يعني انت شايفني انا احلي

ضمها أسر بسرعه وهو يتحدث بقلق / ياسمين انتي بتعيطي والله كنت بهزر معاكي ياقلبي والله في حياتي كلها مشوفتيش بنت خلتني حتي افكر اني ارتبطت انتي بس اللي اول ما شوفتها تلقائي لقيت نفسي بفكر بيها حتي طريقه جوازنا انا استغلتها عشان أقرب منك ياقلبي انا بحبك انتي يا ياسمين

رفعت ياسمين عيونها له وتسائلت ببكاء / بجد

هز أسر رأسه بحنان وهو يقبل رأسها / بجد ياقلبي لولا كده كنت اتجوزت واحده فيهم ليه هتجوزك دلوقتي واوعي تفتكري بسبب جدي كان عندي ميت حل غير الجواز علي فكره بس انا االي كنت حابب اتجوزك يا ياسمينه قلبي

ابتسمت له ياسمين وضمته اكثر ولكن صرخ الاثنان وفزعا علي صوت سعديه / يا لهههههوووتي الخدامه مع عشيقها في البيت الحقوووني يا خلق

لطمت ياسمين علي خدها / يافضحتي

ضربها أسر علي رأسها / فضيحة مين يابنت الفلطوس انتي مراتي يا بجره يا حلوب انتي

ابتسم ياسمين بغباء / آه صحيح نسيت

نظر أسر لسعديه التي مازالت تصرخ / طب ودي هنسكتها إزاي

نظرت ياسمين بشر للسكين امامها فتحدث أسر وهو يفهم رغبتها / لا نسكتها بطريقه تانيه معلش

ياسمين وهي تنهض وتشمر اكمامها / بلغ البوليس والاسعاف يا ابني

ثم هجمت علي سعديه

كان حمزه ينظر للسقف وهو يحدث نفسه /اهدي كده مينفعش من اول فستان تشوفه تنخ اخيييه عليك يا جدع

انت تثبت كده خليك واثق كده انك... 

فاق من حديقه مع نفسه حينما سمع صوت صفير يصدر من جهه الغرفه التي دخلت لها مليكه للتو نظر لما يحدث امامه وابتلع ريقه / انك هتروح ضحيه يا صغير علي االي بيحصلك

كانت مليكه ترتدي فستان طويل جدا حتي الأرض فقد خجلت مما كانت ترتديه منذ قليل فذهبت وغيرته بفستان طويل ولكن بدون أكمام وجمعت شعرها في كحكه فتساقطت خصلاتها علي رقبتها ووجهها اقتربت من حمزه وهي تسير بدلال كبير بينما حمزه كان يزفر وهو يهدأ نفسه فهيئتها تلك انهته تماما وبالنسبه له فهي أجمل بكثير من الهيئه السابقه بفستان قصير اقتربت مليكه منه وجلست أرضا بجانب الاريكه التي يتمدد عليها وقبلت عينه التي يغلقها فشعرت برعشه اجفانه فابتسمت وهمست في اذنه / حمزه 

همهم حمزه بتخدر من نبرتها / همممم

مليكه ببسمه / مش هتاكل 

زفر حمزه أنفاسه تأثرا لقربها ونهض سريعا وابتعد عنها واعطاها ظهره ثم وفي ثواني كان يتركها ويجري من الشقه كلها ويغلق الباب خلفه بحده بينما هي نظرت لاثره بحزن شديد هل اغضبته هل فعلت شئ خاطئ هي ابدلت فستانها السابق وارتدت هذا اكثر احتشاما منه 

نظرت للطاولة التي تنتصف الصاله والموضوع عليها طعام كثير اعدته هي بيدها وجلست جوارها وضمت قدمها لصدرها ودفنت وجهها بين يدها وهي تبكي خوفا ان يغضب منها علي فعلتها

مرت دقائق وهي تجلس وحدها وتبكي ثواني ووجدت الباب يفتح فزعت ونهضت بسرعه وهي لا تري حولها من عينها الحمراء وتبحث عن أي شئ تداري به جسدها ولكن سكن جسدها وهي تسمع صوته الحنون من خلفها / ده انا يا مليكتي 

توقفت عن الحركه وتوقف كل شئ حولها وهي تتنفس بعنف ثم استدارت بسرعه وعانقته بقوه وهي تبكي بشده بينما هو صدم لبكائها وضمها اليه بدهشه وهمس بخوف / مليكه بتعيطي ليه حصل ايه

رامي وهو يضرب أرضا / واحد آتنين تلاته

ثم رفع يد سعديه / ومعانا البطل هنا

ابتسمت سعديه بفخر وهي تنظر لياسمين التي تنهض بمساعده أسر الذي كاد يموت ضحكا علي شجارهما

أسر بهمس وهو لا يستطيع كتم ضحكته / مكنش له لازمه جو الاكشن واطلب الإسعاف ده انتي ناقص نطلب ليكي المشرحه ياشيخه

ياسمين وهي تعدل ثيابها / هي بس اخدتني علي خوانه بالك لو مش كده انا كنت زماني ه....

ولا بلاش دي ست قد جدتي برضو

سعديه وهي تضرب بكفها في حركه شعبيه / قد جدتك مين يا خدامه يا صعلوقه انتي.... انتي تطولي يا معفنه

أسر وهو يشير لياسمين ويضحك بصخب / خلت منظرك وحش اوي يعني

سعديه وهي تنظر لأسر بقرف / يا خويا ما اسود من سيدي الا ستي انتم الاتنين معفنين

ضحكت ياسمين بشده وهي تشير اليه / مش اوحش من منظرك

ضربهم رامي علي رأسهم وتركهم ودخل لغرفته / طب يا جماعه اشوفكم في المنافسه اللي جايه أحسنتي يا سعديه استمري شويه وهتعدي ترابل اتش وهوجان

ثم صفق لها ودخل لغرفته وهو يضحك عليهم وبمجرد ما اقترب من خزانته ليغير ثيابه وجد هاتفه يرن نظر له بتعجب فهو رقم خاص ومحجوب اجاب بعدم اهتمام وهو يخلع ثيابه العلويه / الو

ولكن لم يسمع رد من الجهه الاخري فكرر حديثه / الو

وايضا لا شئ زفر رامي بغضب واغلق المكالمه وهو يكمل خلع ثيابه / مش نقصاك انت كمان

ثواني وسمع رنين هاتفه مجددا ففتحه بغضب / اسمع او اسمعي انا مش ناقص لعب عيال علي المسا لتقول انت او انتي مين لاما والله هجيبك وانفخك انت فاهم

صمت فسمع صوت أنفاس تهدر بعنف من الجانب الاخر فبدون شعور وجد قلبه يخفق بشده فتحدث بعد صمت دام لدقائق /ندي

ثواني ووجد الهاتف يغلق في وجهه فنظر له بحاجب مرفوع ثم ابتسم واحضر رقم ندي الذي يحمله معه والذي أخذه من عامر واجري اتصال وانتظر طويلا حتي أجابت بصوت خافت وبشده / الو السلام عليكم

رامي ببسمه ساخره / اتمني مكونش ازعجت نوم حضرتك

ندي بصوت مبحوح قليلا / لا انا كنت.....

لم تكمل فتحدث رامي بخبث / كنتي عايزه ايه

ابتلعت ندي ريقها واجابت/ انت اللي اتصلت مش انا

جلس رامي علي فراشه وابتسم بشده ثم تحدث بمشاكسه / تؤتؤ مش قصدي دلوقتي قصدي من شويه الرقم المحجوب اللي اتصل بيا

سمع رامي نفسها يعلو بشده / أنا متصلتش بيك

رامي ببسمه وحنان غريب / قولي اللي حابه تقوليه يا ندي

صمت هو كل مايمكن سماعه لدقائق ودقائق لم يسمع رامي شئ من الطرف الآخر حتي ظن انها اغلقت نظر وجدها مازالت موجوده فتحدث بخفوت / ندي

ندي بصوت يظهر فيه البكاء / اسفه

اغمض رامي عيناه وهو يتنفس بحده وكاد يتحدث فقاطعته

ندي / رامي اسمعني لو سمحت انا.... انا بحبك والله العظيم من صغري من اول ماوعيت علي الدنيا ومكنتش اعرف ولا شايفه غيرك عيشت حياتي كلها زي اي بنت مراهقه غبيه بتحب جارهم وصاحب اخوها قولت اني مع الوقت هنسي الموضوع.... بس لا يا رامي منستش ولا لحظه نسيت والله العظيم عمري ماشوفت غيرك ولا حبيت غيرك

قال رامي بنبره عتاب ولوم/والشاب اللي كنتي معاه

ندي بلهفه / والله العظيم ده واحد معرفوش في مره وقفني انا واميره عشان يسأل عن الطريق وقتها كان محترم وجان...

صمتت وهي تسمع زمجره رامي من الجهه الاخري فاكملت بخجل / والله العظيم ما قصدي بس..... انا وقتها كنت غبيه كنت عايزه اجرب اللي صحابي بيحكوا عليه كنت عايزه انساك يارامي كل اللي كان في بالي وقتها اني هنساك وبس لأنك دايما بتظهر اني اخت صاحبك وبس عمري ماشوفت نظره واحده تخليني اتمسك بأمل ان في يوم من الايام كنت هتحبني يارامي بس بعدها والله مع أول مره كلمني في الفون وقتها قعدت ابكي طول الليل ومقدرتش انام من الذنب وعرفت وقتها ان انا كده مش بنساك يارامي لا ده انا بجبر نفسي اني امحي تربيتي وأخلاقي اللي عرفتها من صغري  وروحت علي طول عشان اقوله وكانت اول مره اقابله بس انت جيت وشوفت كل حاجه ومسيبتش فرصه اتكلم و.....

صمتت قليلا وهي تتنفس لتهدأ نفسها / وعرفت اني عمري ما هنساك يارامي عمري في حياتي ما هنساك او ألاقي بديل ليك

اغمض رامي عينه بعشق لايمكن أن يخفيه مهما كان هي صغيرته واخطأت كان يخطط لمعاقبتها فقط ثم يعود لها فكيف يمكن لهذا القلب العيش بدونها وهي من تغذيه بعشقها كيف يمكن لقلبه ان يقتات علي غير عشقها وقد ادمنها وادمن حبها الذي احتله وللعجب كان قلبه الأحمق اكثر من سعيد بهذا المحتل بل ورحب به أيضا

تحدث رامي بعد صمت طويل / نامي يا ندي نامي ومتفكريش في حاجه أبدا

ندي بخوف وقلق / سامحتني صح

رامي ببسمه وحنان / أنا مزعلتش منك عشان اسامحك ياندي دي بس كانت قرصه ودن ليكي

سمع رامي ضحكه ندي السعيده من الجانب الاخر وهي تصرخ / يعيش رامي يعيش يعيش

ضحك رامي بشده / ده انتي هتعملي دويتو مع سعديه إنما ايه عنب

ضحكت ندي بشده ضحكه أسعدت قلبه وجعله يحتفل وبشده وكأن اليوم يوم ميلاده همس لها بنبره عاشقه / تصبحي علي جنه يا ندي لحد ما تيجي تنوري بيتي هنا

ابتسمت ندي بفرحه / وانت من اهل الجنه يارب

ابتسم رامي والقي جسده علي الفراش وهو يضحك بسعاده / واخيرا الدنيا بدأت تضحكلك يا رامي.

سمع رامي رنين هاتفه فاجأب دون النظر / الو

نهض رامي من الفراش وتحدث بخفوت متذمر / هي مالها بطلت ضحك وبدأت تلطم كده طيب يا زفت يا مينا جاي جاي الله يحرق دي مستشفي يا أخي سلام

ارتدي رامي ملابسه وخرج وجد سعديه تشاهد التلفاز مع ياسمين فتحدث وهو يرتدي حذائه / عندي شيفت مسائي يا ياسو خلي بالك من سوسو ومتفتحوش لحد تمام واه صحيح بلاش تخليها تتفرج علي ساحره الجنوب كتير عشان مجيش الاقيكي متقطعه  شرايح

ثم القي قبله في الهواء / يلا سلام

ثم خرج بينما ياسمين نظرت لسعديه التي تأكل الفشار بنهم / كلي ياختي كلي ده اللي فالحه فيه

ارتعش جسد مليكه بشده وهي تشعر بشئ كبير يغطي جسدها من الخلف وبشفاه حمزه تسير علي رقبتها وقد فهم فيما تفكر / أنا روحت اجبلك ده عشان مكنتش هضمن نفسي لو فضلتي قدامي ثانيه كمان بالشكل ده انتي فعلا حلال فيكي النقاب يا فتنتي 

اغمضت مليكه عينها بتخدر وهي تهمس / خوفت تكون زعلت مني او عملت حاجه غلط كنت بس حابه نقضي ليله لطيفه سوا 

جعلها حمزه تستدير وتنظر اليه بعد أن رفع وجهها اليه وقبل عينها بحنان / لا ياقلبي ازعل منك ليه بس احنا حاليا لسه بس مكتوب كتابنا بعد الفرح ياستي ابقي اعملي كل اللي تحبيه 

ابتسمت مليكه بخجل وضمته وهي تبتسم بخفوت / كنت عايزه اعمل حاجه تبين اني بحبك يا حمزه 

ضمها بحنان وهو يضم الجاكت الخاص به علي جسدها / وانا مش محتاج اي حاجه تثبتلي حبك يا مليكتي يكفيني نظره عشقك اللي بتقتلني يكفيني بسمتك اللي بتدمر ثباتي وبس 

تحدثت مليكه بتذمر / ما انت اللي قولت اعمل كده

ضحك حمزه بخفوت / كنت بس بهزر معاكي ومكنتش اعرف انك هتاخدي الأمور بحساسيه كده بس مش مشكله كويس انك عرفتيني اللي فيها  عشان اجهز نفسيا انتي متعرفيش انا كان هيجرالي ايه من شويه ومسكت نفسي لحد ما طلعت إزاي

ضحكت مليكه بشده عليه فهمس هو لها / رفقا بقلبي يا مليكه قلبي 

ابتسمت له مليكه وهمست / روحت فين 

حمزه وهو ينظر لها ببسمه ويتذكر ما فعله فور خروجه من عندها 

F. B

كان حمزه يهبط الدرج بسرعه وهو يشعر بدمائه تفور بسبب مشاعره الهائجه يشعر بكل ذره في جسده تتطالبه بالعوده وضمها لصدره حتي تنكسر ضلوعها هبط حمزه وهو لايري امامه شئ أبدا ودخل لمكتب جده بعنف الذي كان يجلس مع عمه محمد وراضي 

سعيد بتعجب لرؤيته حمزه بهذه الهيئه المبعثره 

/ مالك يا حمزه يابني فيه حاجه حصلت 

حمزه باندفاع وهو يتجه لمكتب جده / جدي انا عايز اتجوز الاسبوع الجاي حلو صح يعني نخليه الخميس ولا الاربع حلو لا لا نخليه آلأتنين ماشي آلأتنين حلو يا جدي نخليه آلأتنين صح 

نظر له الجميع بتعجب فاين ذهب هدوءه ورزانته 

تحدث سعيد بتعجب / إيه يابني مالك اهدي كده وفرح ايه اللي آلأتنين مش فاهم 

حمزه وهو يتحدث ويدور في الغرفه وهو يشير بيده وهو لايمكنه وصف مايدور بداخله لاحد / فرحي انا ومليكه عايز اتجوزها يا جدي ونتمم الموضوع نخليه آلأتنين يا حاج ماشي آلأتنين حلو والله

سعيد وهو يكاد يجن / هو ايه اللي آلأتنين حلو آلأتنين حلو يابني اعقل شويه آلأتنين اللي هو بعد بكره

حمزه وهو يفكر / عندك حق ايه رأيك نخليه بكره.... بكره حلو صح صح

ثم نظر لمحمد / بكره حلو صح يا عمي 

هز محمد رأسه وهو يضحك بشده عليه ولايمكنه التوقف 

سعيد وهو يضرب كف بكف / يابني استهدي بالله بكره ايه بس اللي تعمل فيه الفرح هو احنا رتبنا لحاجه

حمزه وهو يضع يده علي صدره / عندي انا دي ملكش دعوه بس انت قول ماشي 

زفر سعيد وقد ايقن ان حمزه جن تماما / التلات حلو علي الاقل قدامنا يومين و

لم يكمل كلامه فوجد حمزه يقبله بعنف / ربنا يديمك لينا يا حاج ياراعي الغلابه في مصر 

ثم ركض للخارج ولكن عاد واطل برأسه / آه صحيح الواد ادهم طلب ايد سندس لو وافقت هنكتب كتابهم معانا هما ورامي وندي واميره وعامر اشطا؟؟؟ اشطا سلام 

انفجر الجميع ضحكا عليه بينما سعيد كان يتحدث / عوضي عليك يابني في عقلك ده 

صعد حمزه لشقتهم ودخل سريعا للحمام وفتح الدش ووقف اسفله وهو بثيابه وهو يبتسم بشده / هتعملي ايه تاني فيا يا مليحه الوجه 

خرج حمزه من الحمام وانطلق لغرفته وكل هذا تحت أنظار الجميع المصدوم دقائق وكان يخرج وهو يحمل جاكت له وقد غير ثيابه والقي السلام وخرج سريعا وصعد مجددا لمليكه 

B 

حمزه بضحكه مكتومه / مفيش كنت بس بجبلك جاكت عشان متبرديش واه صحيح اعملي حسابك ان

اقترب اكثر وهمس / فرحنا بعد يومين.. 

كانت نائمه وهي تتنهد بتعب فطوال اليوم لم تجلس ولو لثانيه واحده وكأنها خادمه هنا فجأه شعرت بأحد يجذبها ففتحت عينها وصرخت بزوجه أخيها / عايزه ايه سيبني ارتاح 

ابتسمت نعمه ببرود / قومي يا ختي وهاتي الطشت وحصليني عشان نعجن ورانا خبيز طويل 

نظرت صفيه لظهرها وهي تكاد تبكي فمنذ وطئت قدمها هذا البيت لم ترتاح لثانيه واحده فقط سقطت دموعها بألم وهي تشعر بالذل والندم لم يكن عليها ان تفعل ما فعلته كانت ستكون مع أبنائها الان وليست خادمه في منزل والدها 

فاقت من شرودها علي صوت نعمه التي تصرخ / ما تيلا يا ختي هستني اليوم كله خلينا نعجن قبل ما الفجر يشقشق 

نهضت صفيه بوجع في انحاء جسدها كله وهي تجلد نفسها الالاف المرات بسبب غبائها 

في الصباح وبالتحديد الساعه السادسه شعرت مليكه بشئ خفيف ولطيف يسير علي وجهها فابتسمت بهيام وهي تبعد هذه اليد /بس بقي يا حمزه سيبني انام بقي

ولكن عادت تلك اليد وهي تسير علي وجهها بحنان مره اخري فتحدثت وهي تفتح عينها / حمزه انت.... 

توقفت وهي تنظر فوق رأسها وجدت أسر وادهم وملك يقفون وينظرون إليها وهم يضحكون بشده فنهضت بسرعه وهي تتحدث / إيه ده انتم ايه اللي دخلكم شقتنا ها 

ضحك أسر بشده وتحدث ادهم بسخريه / مليكه فوقي ياقلبي آنتي لسه في بيت ابوكي يا ضنايا 

مليكه وهي تقوم بتسويه خصلاتها وتتحدث بحنق وهي تضرب يد ادهم / يابايخ انا قصدي اني كنت امبارح في الشقه مع حمزه دي اخر حاجه افتكرها ايه اللي جابني هنا 

أسر وهو يقبل خدها ويلعب في شعرها / حمزه الصبح بدري خبط وجابك لان الجو كان برد فوق 

تحدثت مليكه بتذمر وهي تسحب الغطاء وتتمتم / الواحد كان عامل حسابه يصحي يشوف خلقه عدله فجأه يتفاجأ بيكم قدامه 

ضحكت ملك بشده وامسكت الغطاء ونزلت اسفله مع مليكه التي ضمتها وقبلت رأسها بحنان بينما فعل ادهم الأمر نفسه وايضا أسر تحدثت مليكه بحنق / ياعم انت وهو السرير ده رقيق مش متعود علي كمال الأجسام ده 

ضحك أسر بشده وهو يضم جسده اكثر ويضمهم اليه فقد كان هو من جهه مليكه وادهم من جهه ملك/اشششش ونامي يابت مش كفايه جوزك صحانا بدري عشان خاطرك

مليكه بحنق / تقوموا تصحوني انا كمان عشان تنتقموا 

ضحكت ملك بشده وهمست / سيبك منهم ونامي 

مليكه وهي تنظر لها ببسمه سعيده لوجودها معهم فهي تتذكر عندما فاقت من الحقنه التي أعطاها لها جاك وصعدت للمنزل وجدتها امامها ففقدت اعصابها وأخذت تصرخ بها بجنون وملك فقط صامته تختبئ في أحضان ادهم الذي أصبح أقرب شخص لها في العائله ولكن أسر اخذ مليكه لغرفته بالقوه وشرح لها كل شئ فخرجت مليكه بسرعه ووقفت امام ملك التي ارتعشت بخوف ولكن لم تعطها مليكه فرصه للتفكير حيث جذبتها لاحضانها بسرعه وهي تحمد الله ثم اخذت تربت علي شعرها بحنان / خلاص يا ملك الكابوس ده انتهي والحمدلله انك بخير ومعانا ياقلبي

فاقت مليكه من شرودها علي حديث فملك فابتسمت لها واغمضت عينها / طب نامو بقي عشان انا قتيله النوم 

ضحك أسر وتحدث بخبث / طبعا هو حمزه هيسيبك تنامي طول الليل 

فتحت مليكه عينها ونظرت له بشر وضربت كتفه بشده ونظرت لادهم وتحدث مثل الطفله التي تشكي لوالديها/ شايف يا أدهم شوف الواد الرخم ده 

نظر له ادهم بشر ثم تحدث بلطف وهو يبعد خصلات شعر مليكه عن وجهها / معلش يا قلب ادهم انا هربيه المعفن ده نامي انتي ياقلبي 

ابتسمت مليكه وامسكت يده وقبلتها بحب واحترام ثم ضمت ملك لها ونامت مجددا هي وملك بينما ادهم نظر لأسر بتحذير / ولا حسك عينك تزعل واحده منهم او ترخم عليهم فاهم عشان وقتها هزعلك الا هما ماشي 

تحدث أسر وهو يغمض عينه / فاهم يابابا ادهم

ثم ذهب في النوم هو أيضا بينما ادهم فقط يراقبهم بحنان شديد وبسمه صافيه وسرعان ماسقط هو أيضا في النوم 

وكان محمد يقف علي باب الغرفه يشاهدهم ببسمه حتي ولو لم يكن معهم ولكن يكفي اليه ان يري اتحادهم سويا وفرحتهم تلك

الساعه العاشره صباحا 

نهض حمزه بانتفاضه من مكانه وهو يصرخ بمن امامه / نعم يا خويا منك ليه هو مين ده االي هيعمل فرحه معايا 

تحدث ادهم ببسمه وبرود / أنا وعامر رامي وأسر واحمد 

تحدث أندرو وهو يرفع يده / وانا احيات عيالكم اعملو فرحي معاكم انا كمان 

نظر حمزه بسخريه لخالد / وانت ياخالد يا حبيبي مش عايز تعمل فرح

شرد خالد قليلا ونظر بحزن لادهم وهو يظن انه سيتزوج من ملك وهمس / لا 

لم ينتبه حمزه لنبرته الحزينه  وتحدث بتحذير / طب اسمع منك ليه مفيش واحد منكم هيعمل فرحه معايا سامعين كفايه اني رضيت تكتبوا كتابكم معايا ده انتم تبوسوا ايدكم وش وضهر وقفا كمان وانت

قال آخر كلمه وهو يشير لادهم / انت ياراس الافعي انت ياللي بتحرضهم علي العصيان عارف لو عملت اللي في دماغك هلغي كتب الكتاب كمان مش عشان الأخت سندس اطست في نظرها ووافقت عليك يبقي تعلن العصيان لافوق ياض ده انا اصيع من بلدك انا بس اللي هتجوز سامعين ده فرحي انا ومليكه وبس و..... 

لم يكمل كلامه بسبب سماعه لصراخ ام سعاد التي جائت للمساعده في الترتيبات / يا نهاااااري هتتجوز علي بنتي 

نظر ادهم لحمزه الذي ابتسم له بخبث وتحدث مثل النساء / شوفتي يا ختي الراجل الناقص بعد ما عشم البت سعاد بتك يسيبها ويدور علي غيرها 

ثم صرخ / ليه فاكر بناتنا ايه ها ملهمش كبير ولا إيه انتي تتصلي بعمامها يجوا من البلد ناااو يطخوه عيارين يريحونا منه الكلب ده 

كل هذا وادهم يهز رأسه ببرود بينما اكمل حمزه كلامه وخططه لاغاظه ادهم /الذئب البشري ده مش اول واحده يعمل فيها كده ده راجل سكير ودايما بيمشي ورا اي بنت حلوه وهو ماشاء الله بنتك البت سعاد دي عارفاها  يا ختي شافها سبحان ربي الخالق كده حلوه مش عارف ازاي فطمع بقي في صينيه البطاطس اللي حاجه استغفرك ربي واتوب اليك  قام قال ايه بقي يا ام سعاد 

ام سعاد وقد اندمجت معه / إيه يا خويا 

حمزه وهو ينظر لادهم ويحرك حاجبه بمشاغبه / قام قال وماله يا واد يا أدهم لو اتسليت شويه علي أساس أن البت سعاد مقطوعه من شجره ومفيش راجل يقف ليه بس لا يا ام سعاد لا يا ختي انا عندي ولايا واللي مرضوش عليهم مرضوش علي سعاد يا حبيبتي دي مهما كانت الاكس بتاعي وبينا بطاطس وسكر أمال 

في ثواني قليله كان ينهض ادهم ويركض لحمزه بينما حمزه ركض بسرعه كبيره للخارج وهو يضحك بشده عليه بينما انفجر الجميع بالضحك عليهم 

حمزه وهو يركض في انحاء المنزل ويضحك بصخب / خلاص يا غبي بهزر معاك 

ادهم وهو يقلده / انتي تتصلي بعمامها يجوا من البلد ناااو يطخوه عيارين... بقي انا يا كلب يتعمل فيا كده وعلي اخر الزمن يا معفن 

ضحك حمزه بشده عليه فركض للخارج وهو يبحث عن مكان يهرب اليه فلم يجد فركض لسيارته بسرعه وحاول فتحها وهو ينظر خلفه لادهم القادم ولكن لسوء حظه لا يملك مفتاحا فصعد علي السياره وهو يصرخ به / واد انت انا مش عايز ازعلك بس عشان نسيبي وكده اه انت فاكرني خايف منك شكلك ناسي ياض الضرب اللي اكلته مني اول ما جيت 

تظاهر ادهم بالاقتراب من السياره فصرخ حمزه وهو يعود للخلف / واد انت اثبت مكانك

سمع ادهم وحمزه صوت ام فاروق التي تستند علي أحدي النساء / واد يا حمزه ينيلك ياواد انت مش هتعقل أبدا بتعمل ايه فوق

حمزه وهو يتظاهر بالالم / الحياه من غيرك بقت جحيم يا ام فاروق مش قادر استحملها خلاص هنهي حياتي وذنبي في رقبتك مش كان زماني بدل ما اتجوز واحده كنت اتجوزت آتنين بس انتي رفضتيني وكسرتي قلبي 

ثم نظر لادهم / اوعي يا أدهم متحوشنيش يا أدهم لازم اموت واسيب الدنيا دي اذا كانت حياتي مش فيها ام فاروق إذا متستحقش اني اعيشها 

ابتعد ادهم عن السياره وأشار بيده لحمزه لكي يقفز وهو يبتسم بسعاده فهمس حمزه وهو ينظر له بتراجع / إيه ده انت صدقت 

ثم نظر لام فاروق / ها يا ام فاروق هتوافقي ولا  انط وانهي حياتي اللي ملهاش طعم بدونك دي 

ضربت ام فاروق يد علي يد وتحدث للمرأه معها التي تضحك علي حمزه / خديني يا بت يا نرجس لجوا احسن الضغط بدأ يعلي 

حمزه وهو ينادي عليها وهي تدخل / ام فاروق تعالي متسبنيش مع ادهم لوحدي يا ام فاروق

نظر له ادهم ببسمه شريره فابتلع حمزه ريقه بتوتر وهمس / اشهد ان لا اله الا الله وأشهد أن محمد رسول الله

ثم قفز عن السياره بسرعه وركض في الشارع وهو ينظر خلفه ويضحك وادهم يركض خلفه ويستحلف له بكل الشر

كان الجميع مازال في الداخل وهو يتحدث ويضحك حتي دخلت عليهم ام فاروق وهي تضرب كف علي كف وتتحدث لأحمد/ يا بني اعروضو اخوكم علي طبيب نفسي حرام عليكم تسيبوه كده.

ضحك احمد بشده عليها

نظر أندرو لخالد بتعجب /مالك يا خالد ساكت من وقت ما جينا فرفش كده

ابتسم خالد بسمه لم تصل لعينه وكاد يجيبه لولا اقتراب ملك منهم بخجل وهي تنادي /أسر معلش عايزاك

رفع أسر نظره لها ببسمه حنونه / ماشي يا لوكا لحظه بس.

ثم اعطي ألبوم الثياب التي كان يختار منها بدله له لرامي / امسك يا رامي شوف دي ودي ودي واختارلي واحده منهم

ثم ذهب الي ملك واخذها بعيدا واخذ يتحدث معها تحث نظرات خالد التي لم تتركهم ولو لثانيه لما هو حزين هكذا وهو لم يراها سوي مره واحده فقط مره واحده خلفت به كل تلك المشاعر التي كانت مدفونه منذ موت زوجته اغمض عينه بألم فقد توفت زوجته بعد عقد قرانهم بشهر واحد بسبب مرض لديها لم يتزوجها فقط عقد قرانه عليها ليخبرها انه بجانبها وايضا تلبيه لاوامر والده فهي كانت ابنه عمه الوحيده وأراد والده ان يطمئن والدها فزوجه اياها لا ينكر انه انجذب لها واحبها ولكن لم يأخذ حبه وقت لينمو بل قطع من جذوره بعد موتها فاق من شروده وهو يعود ويجلس بجانبهم ويحدث رامي / اخترت ايه وريني

تحدث عامر وهو ينظر لملامح ملك الحانقه / مالها ملك ليه زعلانه كده

اير وهو ينظر للبدل /كانت عايزاني اروح اجيب معاها الفستان بتاعها بس قولتلها تروح لادهم مش هو اخوها حبيبها خليه يتحمل بقي

عامر وهو يضربه علي رأسه / وفيها ايه ام.....

كانوا يتحدثون ويتحدثون وهو فقط لا يسمع شئ فقد توقف العالم عند كلمه اخيها هل ادهم هو أخيها حقا ترجم لسانه سؤال عقله / هو ادهم اخوها طب ازاي مش ادهم مجرد صديق ليكم

نظر له الجميع وضحكوا بشده فتحدث اسر /انت قديم آوي يابني ادهم اخويا من الاب واخ ملك كمان وأخ مليكه

ابتسم خالد باتساع وهو يتحدث / وحيات امك

نظر له أسر بحاجب مرفوع فتنحنح خالد بحرج/اسف قصدي اني مكنتش اعرف وكده

ابتسم أسر بخبث وقد تفهم لهفته تلك فقال / اها احنا كلنا اخوات هنا يا خالد ياقلبي

ابتسم خالد وهز رأسه وهو يشرد بها ويبتسم بلا وعي

صرخت ياسمين وهي تشعل مشغل الاغاني / يلااااااااااا يا أبلتي 

نهضه اميره وهي ترقص وتغمز لهم وجذبت ندي التي اخذت ترقص بخجل وتضحك بشده 

بينما كانت سندس تصفق وهي تقول / دلوقتي يدخل حمزه يكسر السماعات علي دماغنا واحده واحده 

فجأه قفزت سعديه بين الفتيات وهي تربط حزام الوسط وتهز وسطها بفرحه وتزغرد

ياسمين وهو تصفر بصوت عالي وتصفق / سوسو يا جامد 

ضحكت نورا واعتدال وهن تصفقات وتشجع الفتيات 

بينما ضحكت مليكه بشده علي حركات ملك الغبيه فهي ترقص رقص عصري علي اغاني شعبيه 

كانت مليكه تصفق وهي تضحك بصخب عليهم بينما ياسمين تشجع الجميع وتصفر لهم / آيوه يا ختي هزي 

ثم ذهبت وجذبت مليكه وهي تحاول أن تجعل ترقص ولكن مليكه رفضت وبشده وهي تتذكر كلمات حمزه البارحه أثناء سهرتهم ( حمزه وهو يمسك مليكه من ثيابها من الخلف / عارفه بس اعرف انك هزيتي بس كتفك هعلقك فاهمه 

مليكه بتذمر / هتبقي بنات بس يا حمزه 

حمزه وهو يضربها علي رقبتها من الخلف / حتي لو أطفال ياختي مشوفش هزه وسط واحده آه معلش عايزه ترقصي استني لما الفرح يخلص وهرقصك لو عايزه

قال كلامه وهو يغمز لها بوقاحه) 

خرجت مليكه من شرودها وهي تتذكر أيضا تحذيره لهم ان يسمع اي موسيقي في المنزل حسنا سوف تراضيه لاحقا 

ضحكت وهي تري تقليد ملك لياسمين التي كانت ترقص بمهاره 

صفرت ندي وتحدث / آيوه بقي يا عمتو

ضحكت ياسمين بشده وهي تتمايل باثاره / أمال ياباشا الرقص فن مش عن عن 

وهكذا كانت الجلسه كلها بين الرقص والحديث والضحك 

بينما في الاسفل كان الرجال يجهزون للزفاف بكل همه بين ضحكتهم الرجوليه وأحاديثهم وفرحتهم الكبيره 

واخيررررررررا جاء اليوم الذي طال انتظاره يوم تصبح مليكه زوجه حمزه قولا وفعلا وأمام الجميع 

كان حمزه يقف مع الشباب وهم يضحكون بشده ويرحبون بالضيوف  

تحدث رامي بتذمر / إيه يا حمزه ده بس مش كنا نشغل مهرجانات ونروش يا جدع ايه الهم ده 

ضربه حمزه علي رأسه / هنبدأها بمعصيه عشان حضرتك تروش اصبر ده لسه اختك حسابها معايا عشان الاغاني اللي كانت بتشغلها هي والحيوانه اميره 

تحدث عامر بتحذير / اوعي تقرب من اميره فاهم 

ضحك حمزه وهو يغمز له ويرحل / دي اختي ياباشا حتي تذهب لشقتك 

ضحك الجميع بشده ثواني وكان أندرو يدخل وهو يصرخ بالجميع / المأذون وصل ياشباب 

انفرجت ملامح الشباب بشده فرحا 

بدأ المأذون بادهم ثم رامي ثم عامر والزغاريد تنطلق في منزل الحاج سعيد الذي يشهد علي اكبر فرحه تمر علي هذا المنزل 

كان خالد يقف وهو ينظر لملك ببسمه وقد لاحظ تغير طريقه لبسها نعم لم ترتدي الحجاب ولكن ثيابها هي ثياب محجبه ومحتشمه ينقصها حجاب فقط وهو سيكون اكثر من سعيد عندما يلبسها اياه بنفسه. 

سمع بجانبه صوت أندرو الذي يشاجر أسر علي قطعه حلوي 

أندرو / طلاج تلاته لانا اللي هاكل حته الجاتوه دي ويلا بقي 

شعر أندرو بأحد يضع يده علي كتفه ويتحدث بضحك / أندرو يا حبيبي مش عايز اصدمك بس احنا مسحيين يا حبيبي طلاق ايه اللي بتحلف بيه ده 

نظر أندرو لمينا بغباء / آه صح صدق. 

جذب أسر طبق الحلوي من يده بعنف وهو يأكلها ببسمه مستفزه / معني كده ان خلفانك ملوش لازمه يبقي ده ليا انا وشكرا 

ثم تركهم ورحل بينما نظر أندرو بتذمر لمينا فانفجر مينا ضحكا علي ملامحه المتذمر

ولكت وحد طبق يوضع امامه نظر الي حامله وجدها خطيبته فابتسم لها وغمز لها / هيلانو قلبي ياناس

ضحكت هيلانه بشده وهي تنظر له بعشق هذا الشاب الذي اقتحم حياتها بكل تسلط وفرض نفسه عليها وكانت تجده أينما ذهبت في وجهها حتي احتل قلبها بكل وقاحه وتقدم لطلبها فوافقت بكل فرحه 

ضم ادهم سندس اليه التي كانت تحترق خجلا منه ومن حضنه لها بينما هو همس لها / مبارك يا جوهرتي 

نظرت له سندس ببسمه / مبارك ليك انت كمان 

ضحك ادهم بشده / لا الرقه دي خطر عليا والله 

ضحكت سندس بخجل فضمها ادهم وهو يضحك اكثر 

اقتربت ايه من رامي وابتسمت له / الف مليون مبارك يا دكتور رامي 

رامي ببسمه/ الله يبارك فيكي يا ايه 

نظرت ندي لها بشر وكادت تتحدث حتي قاطعهم قدوم احد الشباب رامي معرفا / دكتور هشام زوج ايه 

نظرت له ندي بصدمه فابتسم علي ملامحها 

فستأذن هشام واخذ ايه وذهب 

ضحك رامي بشده علي ملامح ندي وبعد انتهاء التهاني 

 كان رامي يغمز لندي بمشاكسه وهي تغمز له أيضا فضحك بصخب / يابت اتكسفي يخربيت البجاحه

ضربته مدي بكتفها وهي تغمز لها / مخلاص بقي يا رميو اتجوزنا واتدبست فيا ملهاش لازمه الكسوف والكلام بتاع الخطوبه ده 

ضربها رامي علي رأسها وهو يتركها ويذهب / ايه البت دي 

ركضت خلفه ندي وهي تضحك / باشا طب استني طيب هتسكف اهو والله 

كانت اميره تجلس بجانب عامر وهي تنظر أرضا فوجدت عامر يمسك يدها بحنان فنظرت له بخجل فابتسم لها بحنان وهو يهمس / واخيرا يا اميرتي اخيرا بقيتي ليا وحلالي 

ابتسمت اميره ولأول مره تنطق بها / بحبك يا عامر 

صدم عامر لثواني وهو ينظر لها ثم نهض بسرعه وصرخ وهو يذهب لراشد / عمي عايز اتجوز زي حمزه انا الكبير والله اتجوز الاول 

نظر له حمزه ودفعه / غور ياض انا قولت محدش هيتجوز هنا غيري انت فاهم 

دقوا الدفوف ياشباب 

كان أسر يجلس بجانب ياسمين وكلاهما يضع يده علي خده وهم يشاهدون كل شخص وزوجته 

ياسمين / هييييح شايف ياض يا أسر الناس اللي ياحب هناك دي 

أسر وهو يقلدها / آه ياختي فرحه البدايات دي عارفها اسأليني انا 

ثم نظر لسعديه التي تبتسم لايوب / دي حتي سعديه قاعده متهنيه مع أيوب.

نظرت ياسمين بحسره لهم فقاطع هو نظراتها وهو يخرج طبق الحلوي للذي أخذه من أندرو وتحدث لها / بصي سيبك منهم شوفي جبت ايه 

نظرت له ياسمين وضربته علي كتفه / عفارم عليك  ياض يا أسر حب ايه وقرف ايه هي دي الطبطبه فعلا 

ضحك أسر بشده عليها 

انتهت العائلة من عقد قران الجميع وذهب الرجال لمجلس الرجال والفتيات للداخل حيث باقي النساء وجدن مليكه والتي كانت تشبه الحوريات حرفيا تمسك الدف وتغني والنساء تردد خلفها وهي تضحك وتبتسم بشده وبجانبها ملك التي تصفق وتردد بحماس فانضمت لها الفتيات وأخذن يغنين معها بشده والسعاده تخف الجميع 

بينما في الخارج كان الشباب يحملون حمزه وهم يصرخون بصخب وفرحه بينما سعيد يستند علي عصاه وهو ينظر لاحفاده وعزوته كلا منهم يمثل ركن في قلبه اغمض عينه وهو يحمد ربه علي جميع هذه النعم 

كانت ملك تقف في الخارج وهي تأخذ العصير لتذهب به للنساء ولكن توقف قليلا وهي تشعر بأن فستانها قد علق بأحد الأبواب فكادت تضع الصينيه أرضا ولكن وجدت أحدا يمسك فستانها ويفكه من الباب نظرت له فانتفض قلبها من نظرته تلك ابتسم لها خالد وهمس لها / الف مبروك لاختك 

ردت ملك البسمه بتوتر / الله يبارك فيك. 

تحدث خالد وهو ينظر لعينها بنظره وترتها / عقبالنا 

صدمت ملك من حديثه وخيل لها انها لم تسمع جيدا فكادت تستفسر منه إلا أنه اختفي بعد أن قال / قريب آوي يا ملكتي قريب آوي 

انتهي الزفاف وخرج كل شاب برفقه زوجته بينما اخذ حمزه مليكه وذهب لشقتهم التي عمل عليها ليومين بيد من حديد 

دخلت مليكه الشقه بخجل شديد وكأنها اول مره تدخلها 

وبدلوا ثيابهم وصلوا خلف بعضهم استدار حمزه ونظر لها وجدها تنظر أرضا بخجل شديد يكاد يفتك بها 

ابتسم لها حمزه وتحدث وهو ينظر لها بحنان وقد جعلها تنظر اليه وأشار للشقه / من اليوم يا مليكتي من اليوم ده عالمنا من اليوم هنعيش هنا وهنشارك بعض المكان والأحزان والأفراح وكل حاجه من النهارده هتكوني روحي وقلبي ونفسي يا مليكه هتكوني كل حياتي يا مليكتي

ابتسمت له مليكه وامسكت يده ونظرت في عينه ببسمه / وانت هتسكن قلبي يا حمزه اللي سبق وأخذته مني هتسكنه ومش هتخرج منه غير بخروج اخر نفس مني 

ضمها حمزه اليه بحنان وهمس لها بعشق يخصها هي فقط حياه حمزه التي اختارها قلبه من بين الجميع / ربنا يديمك ليا حياه يا مليكه قلبي. 

قصص كتير متشابكه حب وعشناه ضحك وضحكنا عشنا أدق التفاصيل في عيله السعيد حسينا نفسنا جزء من العيله الكبيره بتاعتهم فرحنا لفرحهم وزعلنا لزعلهم شوفنا قصص حب منها اللي اتبني من الطفوله ومنها اللي نشأ من اول نظره ومنها اللي ضعف ورجع بقي اقوي واقوي تصرفات كتير شوفناها واستنكرناها وتصرفات كتير عجبتنا وحبينها ضحكنا وبكينا معاهم فرحنا وزعلنا عليهم بس إللي اكيد انك بتختم سطوري دي وانت مبتسم  ببساطه الروايه دي اتكتبت بس لهدف واحد انها ترسم البسمه علي وشوشنا كلنا.... أدام الله سعادتكم وبسمتكم يارب......

تمت بحمد الله........