 |
روايه الشهد والدموع
بقلم ديدا ا مد
البارت الخامس عشر والسادس عشر والسابع عشر والثامن عشر
الفصل ١٥
في غرفه زين
مراد بيجهز الحقنه وزين واقف قدامه ولسه هيبدا يديهاله
فجاه الباب اتفتح والاتنين اتصدمو وزين اخد الحقنه من ايد مراد بسرعه وخباها ورا ضهره وعنيهم الاتنين علي الباب من الخضه
عادل .دخل مستغرب وقفتهم كده
السلام عليكم مالكم متنحين كده ليه كان في عقرب قارصكم
زين ومراد فاقو من الخضه واخدو نفس جامد
وزين راح علي الباب قفله بالمفتاح ورجعلهم تاني
عادل باستغراب .مالك يلا انت وهو كنتم بتعملو ايه
مراد .اسكت الله يخرب بيتك قطعطلنا الخلف
عادل يا سلام ليه يعني دا الحق عليا اني مشفتش زين من زمان وحشني جيت اطمن عليه
مراد .بتنهيده هات يبني البتاعه دي خلينا نخلص
زين شاور لهم ووجه كلامه لمراد انت تاخد التور ده وتخرج مش عاوز من خلاقكم حاجه
انا هديها لنفسي
عادل في ايه يبني متفهموني
مراد .مفيش يا سيدي البيه عندو انميا وكنت هدي له حقنه حديد بس لما انت طبيط افتكرنا عمي او ماما
وانت عارف كانت هتبقي مصيبه لوحد فيهم عرف
ويبص لزين هات ياعم انجز و ياخدها من ايد زين ويديها له
مراد .بالشفا
زين .وهو ماسك ضهره .ايه يلا ده دكتور بهايم يخرب بيت تقل ايدك ييجي يقعد علي الكرسي يتوجع ويقوم يقف
مراد وعادل .يضحكو عليه
مراد .يا عم هي الي تقيله دي حديد وتركيزه عالي
زين .ليه بتنتقم بس يلا كله سلف ودين
ويفضلو شويه يهزرو مع بعض وعادل اطمن علي زين انه كويس وكل واحد يروح ينام
وزين ينام علي السرير ويفتكر هل شهد هتيجي ولا لا ويفكر فيها شويه وينام
تاني يوم الصبح
عند شهد في البيت
سميره .يلا يا بنتي نفطر
شهد .حاضر يا امي هصلي بس واحصلك
سميره تقبل الله يا قلبي
وشهد تصلي وتروح تفطر مع سميره
شهد .ماما كنت عاوزه اخد رايك في حاجه
سميره .خير يا بنتي
شهد .بصي يا ماما انتي خلاص بعتي كل املاكك هنا وحطيتي الفلوس في البنك واحنا وافقنا علشان قرف التجار والارض وقلنا تستريحي
والحمد لله انا في القاهره مرتاحه ونور لما تنزل وتخلص من الزفت ماهر هتيجي تعيش في القاهره بردو ايه رايك ناخد شقه هناك ونعيش مع بعض
سميره .والله يا بنتي علي عيني اسيب بيتي بس لو ده الي هيريحكم انا موافقه بس ناجل الكلام في الموضوع ده لحد مانور تخلص ومشكلتها تتحل
انما انت عملتي ايه مع المحامي
شهد قالي مفيش حل .هي كده قانونا في عصمته
والحل انها تيجي وترفع قضيه خلع بس ده طبعا هيسبب مشاكل كتير لها .... .ربنا يسترها من عنده
سميره تلاقي شهد مدايقه وبتفكر وسرحانه
سميره بهزار .اما قوليلي يا بت يا شهد مكرر انت
مين الي عندو زوق واختار لكي الاسم ده
شهد حست ان الجو الكئيب ده لازم يفك بشويه هزار
شهد بتفكير تصدقي سوال لولبي ومهم .لما سالتهم في الدار( اه امال مانت عارفه بنتك شاطره ولهلوبه وميعديش من قدامي حاجه من غير ما استفسر.
المهم يعني انقسمو رايين
الاول يا ستي قالي ان كان في سلسله في رقبتي باسم شهد
والتاني .اني عندي واحمه في ضهري والوحمه كان مكتوب اسم شهد
وشافوها لما رحتلهم وانا عندي ايام فسموني شهد
ودي يا سماره حكايه اسمي
سميره .تصدقي مع ان نور قالتلي علي الوحمه دي بس مفكرتش ا شوفها ومفتكرتهاش خالض
شهد مانا مكنتش مصدقاهم مهي في ضهري ومش شيفاها لحد ما نور صورتهالي وورتهالي
وطلعت الفون استني اما اوريهالك
سميره .ايه ده ماشاء الله يا شهد دي مش واحمه خالص دي زي رسم الحنه تبارك الخلاق يا حببتي
شهد تبوس ايديها .انت الي قمر يا قمر
يلا الله يرحمو بابا كان راجل طيب بس ملوش في الطيب انو يسيب العسل ده
سمير .يا يا شهد فكرتيني ليه يلا ربنا يرحمه ونحتسبه من الصالحين كان راجل بمعني الكلمه
تعرفي يا شهد .هو الي صمم اننا نكفل طفل مع انه كان ممكن يتجوز عادي ويخلف واخواته كانو عمالين يزنو عليه
وكانت خناقه لما جابك وقال دي بنتي والدنيا قامت ومقعدش
وربنا اراد يا قلبي انك تكوني انت بنتي اول ما شفتك خطفتي قلبي مع اني كنت راحه اجيب بيبي صغير اربيه
بس مش عارفه والله مشفتش غيرك وانت ماشاء الله عليكي مصدقو يخلصو منك تقريبا هههههههههههه
شهد .ضحكت .اسكتي يا ماما فكرتيني ههههههههههه
قبل ما بابا ييجي باسبوع تقريبا
كنت لسه ضربه المشرف بتاع الدار كسرت دراعه وتقريبا ارتجاج خفيف في المخ غير بعض الكدمات
سميره باستغراب .ليه زينه بتاعه هركليز ولا جون سينا بتاع المصارعه
شهد ضحكه بصوت عالي وسميره فرحت بضحكه بنتها
شهد .لا دي كده القاعده هطول من زمان مضحكناش كده هعمل كبايتين شاي ونقعد في الشمس في البلكونه
شهد . روحي انت في الشمس وانا هلم الاكل واعمل الشاي واجيلك ............
في القصر كل الشباب واقفين مستنيين البنات هم عند مريم في الاوضه بيستعجلوها
يوسف .هم اتاخرو كده ليه كل ده علشان الليدي مريم
ادهم .براحتها مريم تعمل الي هي عوزاه ولو مش عجبك اشرب من البحر
الكل تنح لادهم ومش مصدق انه هو الي بيقول كده
وفعلا كلهم بداو يحسو ان في تغير في تعامل ادهم
(ومريم كمان بدات تحس و دا عاجبها جدا بس مش مبينه )دي بيني وبنكم بس هههههه
عمر صفر جامد .الله الله ايه التغير الجامد ده لا مكنش اعرف ان الخطوبه بتعمل كده
كلهم ضحكو علي كلامه
يسرا .بس يا عمر .ربنا يهديهم لبعض يا حبيبي وعقبال الباقي من شباب العيله
حامد .بقول ايه يا يسرا متروحو معاهم احسن
يسرا لا .سبهم براحتهم هم مش صغيررين
حامد براحتكم
وشويه والبنات تنزل وكل واحد ياخد خطبته في عربيته ويروحو الاول يختارو الفساتين والبدل
وفعلا راحو ولفو كتير والبنات طلعت عينهم وادهم عمل كام موقف يبين لمريم انو بجد عاوز يبدا من جديد
ومواقف بين حنين ومليكه خلت يوسف ومراد هيتجننو
وبعد كده نقو الشبكه كل بنت جابت الي نفسها فيه
بعد ما خرجو من محل الدهب
ادهم .ايه رايكم نتغدا
الكل .تمام يلا ماعدا مريم اتكسفت من حركات ادهم ومردتش
ادهم يلا بينا و همس للشباب بس كل واحد ياخد خطيبته علي طربيزه وغمر لمريم
يوسف .اه حتي الواحد يعرف يقول كلمتين هموت واقلهم
مراد .والله بتفهم يا معلم وكلك زوق بس ايه كل واحد يلم نفسه كلام بس وضحكو ومشيو
ونسيبهم مع نفسهم شويه
.......................................
في غرفه الجيم في القصر .
علي وزين ومازن وحسام وحمزه
متجمعين هناك وبيتمرو
حسام .انا مش عارف خالد اخويا ملوش في الجيم ليه
واحد في سنه لازم يلعب رياضه بس ده عاوز راحه بس
حمزه .يا عم خليه شويه بكره تلاقيه هو الي عاوز يتمرن
علي .سبهولي يومين اتنين وانا اخليهولك بطل ولا اقولك وديه عند ادهم
زين .يبقي الله يرحمه كان في عز شبابه
كل الشباب ضحكو
حسام .شكلك بتحب خالد اوي ياعلوه
جاسر.عندك حق .ده ادهم ده تحس انه طور
فكرين لما لعب مع يوسف متش مع انهم في نفس الجسم بس يوسف قعد يومين مبيتحركش وياخد في مسكن ههههههه
زين .هههههههههه متفكرنيش لاقيتو بليل كان عندي نبطشيه في المستشفي وكنت لسه راجع
بيقولي معندكش مسكن جامد
بقوله ليه قالي مفيش في جسمي حته سليمه دغدغني ابن امي وابويا يلا منه لله
ومسابنيش لا لما اديتله حقنهةمسكن وفيها نسبه منوم علشان يرتاح هههههههههه
حمزه .امال لو شفتوه لما كنا في التدريب كان هيعمل لواحد زملنا عاهه مستديده بس ربنا ستر علي اخر لحظه
مازن . والله ما صعبان عليا في الليله دي الامريم ربنا يعنها عليه
زين .ادهم بيحب مريم بس هو الي غشيم حبتين ربنا ييسر لهم الحال
الكل. يارب
علي يقرب علي زين .وبهمس فيك ايه شكلك مش عاجبني بقالك فتره
زين .يا عم انا تمام متشغلش بالك
علي .ماشي هعديهالك بس بمزاجي
زين .متشكرين لخدماتك
ونسبهم في رياضتهم ..............بقلم ديدا احمد
........ ........................ .................... ....... ...
عند ماهرطليق نور
ماهر قاعد مع واحد من رجالته
ماهر .ايه مفيش اي اخبار يا طلعت
طلعت .والله يا بيه ما حد يعرف عنها حاجه
بعد ما انت اتحبست هي سفرت علي طول من غير ما حد يحس بحاجه
حتي البت الشغاله الي بتنضف لهم بتقول مبيجبوش سيرتها قدامي خالص
ولو بس قالو قدامها حاجه بتبلغني علطول
ولما حاولت تسال عن ست الدكتوره
الحاجه سميره زعقت لها وكانت هتتردها بس هي عيطت لها وفضلت عندهم
ماهر ماشي خلاص روح انت وفتح عينك واي جديد بلغني
طلعت .تحت امرك ويخرج
ماهر يقعد علي الكرسي وطلع سجاره وبشربها
وبيكلم نفسه
يا ترا انت فين يا نور وسافرتي ليه اصلا بس انا عمري ما هسيبك انت ليا انا بس ولو في سابع ارض هجيبك وتبقي ليا انا بس ولو مش بخترك يبقي غصب عنك
وبقي شوفي مين يقدر يقف قدامي
ويبص قدامه ويشرب السجاره ويطلع الدخان بغيظ
وهو سرحان
................................
في البلكونه عند شهد
سميره .يلا يا شهد كل ده بتعملي الشاي
شهد .انا جيت اهو يا ست الكل احلي كوبايه شاي لاجمل ام في المجره
سميره .تسلميلي يا حببتي المهم يلا كملي ضربتي المشرف ليه وازاي ......الفضول هيموتني
شهد بعد الشر عنك يا قلبي
بصي بقا .لما رجعت من عند شوشو الزفت المشرف كان اجازه اسبوعين . ولما رجع وشفني اتهبل مانا حلوه وزي القمر زي مانت شايفه هو شافني مقدرش يمسك نفسه جه عليا وانا في الحوش بتاع الدار وحط ايده علي جسمي وانا زي ميكون اتكهربت وساعتها كسرت له دراعه وورمت وشه من الضرب وزقيته في الارض تقريبا اتخبط يلا احسن يستاهل
ومن ساعتها وهو بيترعب مني واول ما بابا محمد جه يكفلني وافق علي طول علشان بعد الي عملته فيه البنات بقت بتتنمرد عليهم... وحس اني هعملهم مشاكل لو فضلت موجوده
فمصدق يخلص مني واقنع المديره بكده وهي طبعا متقدرش تقوله حاجه ههههههههههههه
اما ضربته الزاي بقا دي حكايه تانيه
وانا عند شوشو كانت بتاخدني معاها النادي كمساعده ليها وكانت بتروح السونه بالساعات وانا اقعد اتفرج علي الاطفال وهم بيلعبو تايكوندو وكراتيه وجودو وكده
ومره المدرب لاحظ اني بقف اتفرج عليهم كل مره
وجه سالني عاوزه تلعبي
قلت له نفسي بس قلت له علي ظروفي باختصار شدييد وان لازم شوشو توافق
وهو كتر خيره راح واستاذن شوشو وهي وافقت وفعلا بددات اتدرب وعجبني الموضوع اوي وفعلا وصلت لمستويات عاليه واقدر ادافع عن نفسي
يمكن ده الخير الوحيد الي شوشو عملته فيا
يلا الحمد لله كل الي يجيبه ربنا خير ...............
سميره .اه يا بنتي احمدي ربنا ولعل الخير ايه
شهد .يكمن في الشر
شهد تقوم بسرع تحضن امها وتشكرها ويستمدو من بعض القوه
..........................................
في القصر الكل قاعد ومتجمعين بعد ما صلو العصر ورجعو بيشربو الشاي في الجنينه
وفجاه يسمعو صوت ضحك وتدخل البنات فرحانين والشباب وراهم وشيلين اكياس كتير والفرحه باينه علي وشهم وبعد ما يستريحو يفضلو يحكو كل الي حصل معاهم طول اليوم
والكل يطلع ينام فرحان
مريم .فرحانه بتغير ادهم ومواقفه المضحكه معاها
وحنين .فرحانه بحنيه يوسف ودلعه لها وجرئته شويه
ومليكه .فرحانه بخفه دم مراد وهزاره ورجولته
ويعدي اليومين وييجي يوم السفر الصبح والكل بيستعد وبيجهزو العربيات وكل عروسه تجهز شنطتها علشان محدش ينسي حاجه قبل الذهاب الي البلد واستعدادات الخطوبه ..................... ......... .
روايه الشهد والدموع
الفصل ١٦
علي بوابه القصر في البلد
العربيات كلها موجوده ورا بعض ومحروس يفتح لهم البوابه بترحاب شديد والحاج راشد وجمال ومحمد وعماد في انتظارهم بكل شوق وسعاده
العربيات تعبر البوابه والشباب وينزلو من العربيات ويجرو علي الاجداد ويسلمو عليهم بشوق وترحاب وفرحه وتخرج الجدات ويحصل نفس الكلام وبعد ترحاب واشواق كل عائله تدخل علي الفيلا بتاعتها علشان يرتاحو من الطريق
وفعلا الشباب طلعو الشنط والبنات دخلو وراهم والكل طلع يريح شويه ويغير وينزلو علي معاد الغداء........بقلم ديدا احمد..........................
في المستشفي عند زين
في غرفه الكشف مروه هي المساعده بتاعه زين وده مدايقو جدا
راجل كبير بيكشف
زين بعد ما خلص كشف ومروه مش طايقه نفسها
قعد علي المكتب والراجل ظبط هضومه وقايم
زين باستفسار ...انت مين الي قلك انك عندك مشكله يا حج
الراجل .كنت روحت لدكتور قالي اعمل تحاليل وحجات كتير وبعد كده قالي اني عندي مشكله في الكليه ولازم اعمل عمليه واشلها وانا يبني علي اد حالي بس مراتي فضلت تقولي روح لدكتور تاني وعرفت من ممرضه عندنا طيبه قالتلي علي حضرتك وانك عامل انهارده ببلاش فجيت معاها
مروه قرفانه من الراجل وفقره وعماله تنفخ
زين يبص لمروه باستهجان ورجع بص للراجل تاني وكمل باستغراب .عمليه وتشيل الكليه
اسمع يا حج انت زي الفل والكليه عنك تمام فيها بس حصوه صغيره هتنزل بالعلاج ان شاء الله
الراجل .يعني يبني مش هحتاج عمليه
زين بابتسامه .لا وفتح الدرج وطلع منه علبتين دوا وقاله خد يا حج الدوا ده وقاله علي المواعيد بتاع العلاج وياخدو ازاي
الراجل .دمعه نزلت من عينه وسلم علي زين وكان هيبوس ايده بس زين سحب ايده وطبطب عليه
مروه بقرف .يلا بقا يا حج متعطلناش
زين بصلها بحده وبص للراجل
زين .انما قلي يا حج الممرضه الي عندكم دي اسمها ايه
الراجل خاف عليها .وقال .ليه يا دكتور هي والله غلبانه وبتساعد الناس والنبي متاذيها
زين بستغراب .ازيها ايه يا راجل يا طيب انا بس عاوز اعرف اسمها علشان ابقي اطمن عليك مش اكتر
الراجل . اسمها منال اسماعيل
زين .ماشي يا راجل يا طيب لو احتجت اي حاجه تعالا متنكسفش وفعلا الراجل شكر زين وخرج وهو بيدعي له
بعد ما خرج .
مروه .ازاي حضرتك تدي له المساحه دي كلها في الحوار
ده قعد فوق النص ساعه والحاله متستهلش
زين باستنكار .وافتكر مواقف شهد لما كانت بتيجي حاله زي دي وهي معاه وتصرفها كان بيبقي مختلف تماما وطريقه تعامها معاهم ولا كانه من كبار الاعمال
مروه .دكتر زين انت معايا
زين بانتباه .وبص لهة بقرق وقال في حاجه اسمها جبر الخواطر لو تسمعي عليها
وكمل .ممكن تروحي تستريحي انت وانا هكمل
مروه كانت هتعترض بس هو قالها بامر فخرجت
وهو قعد علي المكتب وكمل شغله
وهي خرجت بره وفضلت تلعن فيه
(ولله يا زين علشان المعامله الزباله دي ما هتفلت من ايدي انا في حياتي محدش عاملني كده وانا متعوتش اسيب حقي وهنشوف )
زين في الاوضه خلص كشف وسرح في شهد وطريقه تعاملها وصبرها علي الناس وزاد اعجابه بيها اضعاف
وبعد كده فاق علي دخول الممرضه جايبه له قهوه
زين . للمرضه .انما في هنا واحده زميلتكم اسمها منال اسماعيل
الممرضه .ايوه يا دكتر دي في قسم الحروق
زين طب لو سمحتي ممكن تبعتيها ليا
الممرضه تحت امرك واستاذنت ومشيت
لسه هيشرب القهوه الفون رن بيبص فيه لقي مراد
زين .الو يا عريس
مراد .اهلا يا اخو العريس القاعده هنا نقصاك الجو تحفه
زين .ماشي يا اخويا ناس لها اجازه وناس مفحوته شغل
مراد .يلا نردهالك في الافراح ان شاء الله هههههههه
زين .ولا انت فاضي وانا هنا الشغل مكركب فوق راسي
انجز قول عاوز ايه
مراد ماشي مقبوله منك
بس كنت بفكرك بعلاجك اخته ولا طنشت كالعاده
زين ......
مراد طبعا طنشت .يابني مينفعش كده لازم تاخد علاجك افرض وقعت قدامهم في اي وقت هيبقي ايه الحل
زين .خلاص يا مراد هقوم اخدها
مراد احلف .
زين .خلاص يلا والله هخدها روح يلا شوف ورا ك ايه
المهم .الجماعه عندك اخبارهم ايه
مراد .احنا تمام لسه بنشوف البنات عاوزين ايه علشان هنفذ من بكره العمال والمهندسين هييجو بدري ولازم نبقا عرفين هنعمل ايه
زين يلا الف مبروك مقدما وسلمو علي بعض وقفلو
وزين قام من عالمكتب واح قفل الباب وراح علي دولاب الادويه واخد حقنه وجهزها واداها لنفسه
وراح فتح الباب وقعد يستريح شويه ......
....... .............. .................... .
عند شهد في البيت
سميره .مالك يا شهد
شهد .مفيش يا ماما بفكر هلبس ايه واخد ايه معايا بكره
وعاوزه اخد هديه للبنات معايا
سميره .عندك حق يا شهد طيب فكرتي في حاجه
شهد لابسه البجامه وشعرها مفرود واصل لاخر ضهرها وبتسرح فيه وتفكر لا لسه مش عارفه
وقعدو يفكرو سوا وشهد فردت شعرها ل سميره وسميره فهمت واخدت منها المشط وبدات تسرح لها ويضحو سوا ويفكرو وشهد كلمت نور تفكر معاهم
ونور اقترحت عليها تجيب تيجان كلها شبه بعض للعرايس وللبنات المقربين من اصحابهم بس
حاجه تميزهم كلهم
ونور اقترحت عليها اسم محل في بنها هو صغير جدا شبه الوكاله بتاعه زمان ومش باين لانه في بيت قديم اوي بس في حجات تحفهة وقيمه جدا ونادره مش هتلاقيها عند حد غيره
شهد شكرت نور جدا واطمنو علي بعض وقفلو
وشهد اصرت ان سميره تنزل معاها وتغير جو وفعلا لبسو ونزلو وشهد خرجت العربيه بتاعه بباها الله يرحمه وراححو علي العنوان بتاع المحل الي نور قالت عليه......
.............................
في الشركه عند عمر وعلي
عمر .ناس هيصه وناس لايصه
علي .يا عم كلها يومين وتهيص انت كمان
عمر .اه امته بس دا انا خلاص مش قادر هموت واشوفها
علي .طب انا سمعت كده طراطيش كلام ان البنات عزمو هنا علي الخطوبه
عمر .تنح ومش مستوعب .......ايه بتقول ايه وبفرحه بجد مين الي قلك وعرفت ازاي طيب هي هتيجي امته وازاي
علي .اهدا يا بني ايه كل ده انا كل الحكايه اني سمعت مليكه بتقول لماما انهم عازمو صحباتهم في الجامعة هنا صحبه حنين وشهد صاحبه مريم
عمر بلهفه وفرحه .طب هتيجي امته وازاي
علي بضحك ع مهلك يا راجل
الي عرفته ان بباها هيوصلها يوم الخطوبه الصبح وييجي ياخدها تاني يوم
عمر قام فجاه ومسك علي من البدله
يا جبله عارف كل ده وسايبني ده انت غلس
علي بضحك يا عيني علي الحلو لما تبهدله الايام
وفضلو يضحكو شويه وكل واحد راح يشوف شغله.....بقلم ديدا احمد
.............
في المحل الي نور قالت لشهد عليه
شهد .الله يا امي المحل مع انه صغير بس بجد تحفهة
البت نور دي قروبه وناصحه
سميره .اه يا قلبي جميل عقبال ام اجيب لكي انت ونور يا حببتي
شهد .الحمد لله علي كل شي يا امي سبيها علي ربنا
سميره .يارب .
يلا بقا نقي كل الي انت عوزاه علشان لسه هنروح نجيب لكي فستان تحضري بيه الخطوبه
شهد فضلت تدور ومحتاره اوي بين الحجات الكتير الي موجوده
بس استقرت في الاخر علي
تيجان لكل عروسه واحد ولها ولهنا كمان لما عرفت انها صحبتهم ومعزومه كلهم شبه بعض وجابتهم سلفر علشان يمشو مع كل الالوان وكان شكلهم مميز اوي
وعجبها كتاب شبه الجيست بوك كده بس تحفه متوسط ومش كبير وجابت تلاته وشكلهم كان تحفه وطلبت من بتاع المحل يكتب علي كل دفتر اسم كل عريس وعروسه لوحدهم والراجل صاحب المحل عجبه جدا فرحتها لدرجه انه فكر ان انها هي العروسه وكتب عليهم الاسماء بطريقه تحفه زي ما شهد قالتهم له وكتب فوق كل جيست بوك علي الجنب برسمه (خطوبتي وكتب كتابيى) وكتب عليهم التاريخ بس بصراحه كانو تحفه فنيه والراجل كان مبدع
والراجل سالها انتي انهي عروسه
بس سميره قالت له دول اصحابها بس هي بتحبهم اوي
والراجل دعا لها كتير اوي
ولقت عنده بلالين هيليم متوسطه علي شكل عريس وعروسه مسكين في ايد بعض وكانو تحفه وبردو كتب علي كل واحده اسم كل عريس وعرسته
وشهد شكرته جدا علي حاجته وزوقه معاهم وجت تحاسب سميره شافت سلاسل فضه جميله طلبت من صاحب المحل تشوفهم وكانو كل سلسله باسم وكان تصممهم يجنن وعجبو شهد جدا وكانو كلهم نفس التصميم باسماء رجاله وبنات وفعلا لقت كل اسماء العرسا ن والعرايس وصاحب المحل ركب كل سلسله اسم راجل مع عرسته بلوك بيفتح ويقفل يعني ممكن تتلبس السلسله لوحدها وممكن النصين مع بعض
بس شهد كانت مكسوفه علشان الي جابته كتير بس سميره قالت لها كل الخير ده بتاعك انت ونور وانت مقامك كبير والهديه لازم تبقي قيمه وانت ماشاء الله الفرحه الي انت فيها باتت جدا علي الهدايا يا قلبي وصاحب المحل جاب تلت بوكسات متوسطيت من بتوع الهدايه منظرهم جميل وظبط لكل عروسه صندوق وزينو من جوه وحط لكل عروسه الهدايه الخاصه بيها ومريم كتبت كرت لكل واحده وحطته داخل البوكس وصاحب المحل وكتب علي كل بوكس لقب شهد الي قالت له عليه الاول كتبه عليه الجوهره الناعمه
والتاني الملكه المجنونه والتالت كتبت عليه
الفنانه الساحره وصاحب المحل جاب لها بوكس كبير جدا وده كان هديه من عنده لشهد وحط فيه اللميع والفيبر الملون بتاع الهدايه ده وحط البوكسات بنظام وغطاهم برده بالفيبر الملون وجاب بلالين صغيره الوان جميله عددهم كبير ونفخهم هيليوم وربطهم وحطهم بعشواءيه جوه الصندوق وقفل الصندوق بسرعه بحيث ان اول ما يتفتح الصندوق يطيرو لفوق ويبقي مفجاه جميله وفعلا شهد فرحت اوي بتنظيم البوكس وغلفت التاج بتاع هنا لوحده علشان يبقي هديه لها هي من شهد
وشهد خدت البوكس في العربيه بتاعتهم ودخل في الشنطه بالعافيه ومرضيتش تروح تجيب فستان علشان عندها كتير وسميره فرحت جدا لفرحتها ورجعو علي البيت جهزت حاجتها في شنطه صغيره استعدادا للسفر غدا عند البنات وفضلت تفكر في زين و هتعمل ايه لما تشوفه وهيبقي ايه رد فعله واحساسها هيبقي ايه واخر ما تعبت من التفكير تنهدت واستغفرت ربها وقرات الورد بتاعها وراحت تنام ............
عند هنا في البيت بتاعهم وهي شقه دوبلكس في منطقه راقيه
هنا فرحانه جدا ان بباها وافق علي انها تروح الخطوبه ومامتها اقترحت عليها تاخد لهم هديه وهنا فكرت كتير وطلبت من بباها انه يعملها بوكيه ورد لكل عروسه وكرت تهناه لهم .وبباها قلها من عيوني ووصي علي الورد وعمل بوكيه كبير منه للحاج راشد وحامد من باب الزوق.والمجامله ......
هنا ملهاش صحاب من كتر التنقل والسفر علشان ظروف الشغل بتاع بباها فهي حبه جدا فكره الاصحاب وخصوصا انهم فعلا يتحبو وهي بترتاح معاهم
في القصر عند العرسان الكل قاعد يفكر هيظبطو الدنيا ازاي وفعلا اتفقو علي شويه حجات والشباب هتبدا تنفذ من بكره علشان يدوبك يلحقو
وفي اخر الليل الكل طلع ينام استعدادا ليوم مرهق بس ممتع غدا باذن الله ........................
Dida
١٧&١٨
الشهد والدموع
الفصل ١٧
يوم الخميس الساعه 11صباحا
في جنينه الفلا في القناطر خليه من العمال والمهندسين والشباب بيساعدوهم في التجهيز للحفله وعمل الازم علي اتم وجه وكل عريس عاوز يعمل الي حببته نفسها فيه وكمان يعمل لها مفاجاه وكان كل رجاله العيله في الجنينه الشباب واقفين مع العمال والاباء والاجداد والجدات قاعدين في الاستراحه في الشمس بيشربو الشاي والامهات في الفلا بيشرفو علي التجهيزات والبنات بيتفرجو من شباك الاوضه علي الجنينه
في الاوضه عند البنات
تليفون مريم بيرن
مريم .الله دي شهد اكيد جايه في الطريق
حنين .طيب افتحي الاسبيكر علشان نكلمها
مريم فتحت .الو يا شهد
شهد .صباح الخير علي احلا عرايس في الكون
الكل صباح النور
حنين .انت فين يا شهد احنا مستنيينك من بدري
شهد .ايوه يا حنون انا خلاص داخله عليكم اهو يلا اقفو علي البوابه في استقبالي ههههههههه
يلا انا داخله علي البوابه اهو
البنات .طيب يلا سلام احنا نزلين اهو
وكل بنت تلبس حجابها وينزلو
تحت في الجنينه مع انشغال الكل
محروس يجري علي الاستراحه
محروس .سلام عليكو
راشد .في ايه يا محروس
محروس في عربيه بره راكب فيها ست متنقبه ومعاها صنوق كبير وبتقول انها صاحبه ست الدكتوره
البنات يدخلو الاستراحه
مريم .اه يا جدو دي اكيد شهد افتح البوابه ودخلها بسرعه يا عم محروس
محروس .حاضر يا ست الدكتوره
ويجري يفتح الباب ويدخل مع ال تاكس وعلي الشبكه بتاعتالتاكس من فوق بوكس الهدايا
وتنزل شهد ومحروس والسواق ينزيلو البوكس وشهد تشكر السواق ويمشو هوو محروس
الشباب يشوفو التاكس
ادهم ايه التاكس ده
مراد مش عارف وايه البوكس الكبير الي فوقه ده
يوسف ده رايح ناحيه الاستراحه يمكن البنات طالبين حجات
ادهم .طيب تعالو نروح نشوف ايه الحكايه بدل الوقفه دي وحمزه وخالد ومازن جايين عليهم هو ايه التاكس ده
يوسف يلا نروح نشوف .
عند الاستراحه شهد تسلم علي البنات بحب وحنين تعرفها علي الاجداد والجدات بس الاباءوالشباب عارفينها من ايام العزومه
شهد تسلم علي الكل باحترام ..........
حنين .انما ايه ده يا شهد انتي جايبه الكوشه ولا البوفيه في الصندوق ولا ايه
شهد هههههههه خفه دي هديه لاجمل عرايس
الكل يعجب بيها وبزوقها
راشد في باله .طول عمرك بتفهم يا زين بس ربنا يسهلها وقلبك مينكسرش
حنين .واو تحفه يلا نفتحها انا هموت وعرف البوكس فيه ايه الفضول يا بشرههههعععععع
مليكه .انا عندي فكره ايه رايكم نفتحها هنا ونصورها وهي بتتفتح وتبقي اول هديه جتلنا في اليوم ده ونبقي نضيف الفيديو علي فيديو الخطوبه
حنين .والله فنانه وبتفهمي
والكل فضل يضحك علي حنين وافعالها ومريم ماسكه ايد شهد بتشكرها علي الهديه والفرحه باينهة جداعلي وشها
ادهم .ادخل في الكلام .احم بس ممكن الدكتوره تكون جايبه حاجه خاصه ومش عاوزه حد يشوفها
شهد .لا عادي مفيش مشكله ممكن تتفتح عادي
وتخرج الامهات من جوه الفلا تقف معاهم ويبدا خالد ومراد يصورو زي ما ماكي قالتلهم والبنات بدات تفتح الهديه
واول ما البوكس اتفتح البالونات الصغيره بدات تطلع في الهوا وكان منظر تحفه والكل انبهر بيه وبزوقه وكان في كمان بالون حجمه متوسط مكتوب عليه الف مبروك وخالد ومراد كانو بيصورو ومبهورين بالفكره
وبعد كده البنات بداو يفتحو البوكس من الجوانب واتفتح ونزل الفيبر الملون واللميع وبان التلت بوكسات
وكل بوكس مكتوب عليه لقب وكل الموجودين استغربو
ماعدا البنات الي فرحنين بالشكل وجمال الهديه مع انها مش غاليه لادهب ولا الماظ زي ماهم متعودين بس مفرحه جدا والحب باين فيها (البنات بتحب التفاهه والبلالينوالورد وكده ) بنات بقا ههههههه
حنين جريت اخدت بوكس و .بصت لشهد . وضحكت اكيد انا الملكه المجنونه وافتخر وتاخد البوكس بتاعها وفرحت بيه اوي
مليكه .واكيد انا الفنانه الساحره وبحركه تكبر كده وضحكت
ومريم بصت لشهد وانا بقا الجوهره الناعمه وحضنت شهد وفعلا الهديه دي فرحت البنات كانت لازم تتصور
وكل بنت مسكت البوكس بتاعها وبدات تفتح فيه وعجبهم جدا الهدايا الي جوه والكل انبهر بزوقها وتفكير شهد الكل حبها جدا والبنات كلهم حضنو شهد وراحو اتصورو سوا وكان الكل باين علي وشه الفرحه والرضا
وشهد فرحت علي فرحتهم وبدؤ يندمجو سوا وقعدو كله في الاستراحه يتعرفو علي شهد ويرحبو بيها
وكل عريس كان ممنون لشهد لما شاف الفرحه علي وش حببته وعجبهم جدا الالقاب الي شهد كتبتها علي البوكس .
كريمه .والله يا شهد يابنتي انت زي العسل ودمك سكر
شهد .تسلمي يا ما ما الحجه انتو والله الي زي السكر
مريم .تعالي نطلع فوق يا شهد وعلشان نوريكي الفساتين
شهد .اوك .والبنات كلها استاذنت وطلعت
وكل واحد راح يشوف وراه ايه يعمله
يسرا .والله البت شهد دي بتفهم وزوقها ماشاء الله عليه
والبنات بيقولو عليها قمر تسدقو احنا لسه مشفنهاش
وقالت بتمني . اه لو ربنا يجعلها من نصيب زين اكون والله اطمنت عليه
امال .والله عندك حق ولو مش زين اخدها لحمزه اهو اي واحد من العيله وخلاص
احمد .انتو خلاص بداتو تحجزو افرض كانت مخطوبه
هيبقي ايه الحل
ليلي .اه صح فكرتوني مريم بتقول انهم عزمو هنا
الي عمر عاوز يتقدم لها
حامد .والله العيال دي طلعو بيفهمو الوا د عمر هيفرح اوي ده هيتجنن
بس هي هتيجي ازاي
ليلي مليكه بتقول بباها هيوصلها بكره وييجي ياخدها السبت
جلال .طيب كويس انكم نبهتو مهو اكيد لازم ياخد واجبه
ماجد اكيد ده واحد مهم اوي في الخارجيه وسمعته نضيفه ماشاء الله
ملك .وغاليه .ربنا يوفقهم ويكرمهم بزوجات صالحات
الكل .اميين
جمال .انما ايه اخبار عادل والله وحشني
جلال .زي القرد يا حج بس شغال علي قضيه مطلعه عينه
عماد .ربنا يوفقه ويرزقه بزوجه صالحه بدل الوطيه الي كان متجوزها
الكل .امين وكلهم فضلو يتكلمو في مواضيع كتير
وراشد عمال يفكر هيعمل ايه مع شهد وهيقولها ايه
بقلم ديدا احمد
البنات في الاوضه فوق ظبطو كل حاجه وعمالين يهيصو وفرحانين اوي وشهد قالتلهم علي التيجان وانها جابت كمان لهنا
وقضو وقت حلو اوي مع بعض والمغرب اذن فشهد تسلم عليهم علشان عاوزه تمشي ........
نزلو كلهم تحت وشهد بستاذن علشان هتمشي
الهام .متباتي مع البنات يا شهد بدل المشوار
شهد معلش والله ياطنط غصب عني ماما لوحدها وان شاء الله الصبح هاجي اقضي اليوم مع البنات
راشد لاقاها فرصه مش هتتعوض .استني يابنتي انا رايح مشوار مهم لبنها واحد حبييي تعبان ولازم ازوره هخدك معايا وكمان علشان السواق يعرف بيتك علشان هييجي ياخدك بكره الصبح
شهد والله ملوش لزوم احنا المغرب لسه بدري والطريق نص ساعه بس
راشد بهزار .يا بنتي حتي تسليني اصل السواق بتاعي اتم ودمه واقف
شهد تحت امرك
وفعلا تركب مع راشد ويمشو سوا.............
في القصر في القاهره
الشباب بعد ما تخلص شغلها كلم يتجمعو في فلا راشد
عمر وعلي وزين وعادل
يسهرو مع بعض شويه وكل واحد يادوبك يروح يجهز حاجته وينام علشان السفر الفجر يلحقو اليوم من اوله
وعمر وزين لما عرفو من علي ان شهد وهنا هييجو بكره نفسهم يسافرو دلوقتي
عادل قبل ما يطلعو .بقولكم ايه يا شباب ما بدل ما نسافر الفجر متيجو نسافر لهم دلوقتي حتي ننام براحتنا ونصحا براحتنا
الكل .تمام وعمر وزين طيريين من الفرحه
عادل .طب يلا كل واحد يجهز حاجتو وهنمشي في عربيتين بس
وجهزو حاجتهم ونزلو وركبو عربيتهم ومشيو
عمر وعلي في عربيه علي
وزين وعادل في عربيه زين
........................................................
في العربيه عند راشد
راشد .معلش يسطا محمد اركن بس علي جنب وانزل اشرب حاجه في الكافيه ده
الاسطه محمد .تحت امرك يا حج
شهد .باستغراب .هو في حاجه
راشد .اهدي يا بنتي عاوزك في كلمتين بيني وبينك
شهد .وانا تحت امرك خير
راشدانا مش هقول مقدمات هدخل في الموضوع علي طول .زين حفيدي بيحبك وعاوز يتجوزك
شهد ....... .......
راشد .ايه يا بنتي ساكته ليه
شهد .احم عاوزني اقول ايه ....
راشد .الي في تفكيرك قوليه انا عاوز اسمعك
شهد .انا للاسف مبفكرش في الجواز دلوقتي خالص
راشد .ومالو يستناكي هو عاوزك انت
شهد .بس انا منفعهوش
راشد .يعني انت معجبه بيه ومرتحاله بس في اسباب تخليكم متنفعوش لبعض
شهد ..................
راشد .المهم ان الاعجاب متبادل الباقي كله يتحل بنكم مش انت لوحدك الي تقرري
شهد .لو سمحت انا عاوزه اروح والموضوع ده منتهي دكتر زين بالنسبه ليا استازي بس
وعلي فكره حضرتك انا مش هبله اكيد بما ان دكتر زين لجا لحضرتك يبقي حكالك كل حاجه وقالك علي سبب رفضي وعلشان كده حضرتك نزلت السواق
راشد باعجاب .ماشاء الله عليكي ذكيه جدا
شهد الموضوع مش محتاج ذكاء الموضوع واضح جدا
راشد .بصي يا بنتي بما ان كل حاجه مكشوفه
انا هقولك كلمتين
شهد اتفضل .
راشد .انا ابويا وامي ماتو وانا ١٣سنه وكنا هنا من القناطر ومكنش معايا جنيه واحد في جيبي والحاجه غاليه دي اختي كان عندها سنتين واهل ابويا وامي كلهم اتخلو عننا ورفضونا في بتهم والقصه دي الكل عارفها وحكتها كتير وانا نحت في الصخر علشان اوصل للي انا فيه واقدر اربي اختي بالحلال .
شهد الظروف مختلفه حضرتك بتتكلم عن فقر لكن انا مش بتكلم علي فقر ارجوك افهم وجهت نظري وبلغها لدكتر زين
انا اتربيت في ملجا اي نعم قالولي ان ابويا وامي ماتو في حادثه والناس سلموني للملجا بس الله واعلم حقيقه ولا انا مكنش ليا اي اوراق
راشد بيسمعها بكل تركيذ و اخد نفس طويل واستريح وحس انه في امل حتي لو بعيد بس خلاها تكمل
شهد كملت كلامها .بس تظل الحقيقه الوحيده في الموضوع اني تربيه ملاجي
وانا مش هحط نفسي في موقف اني في اي يوم من الايام اسمع كلمه تجرحني ايا كان مين
راشد بس هو عارف كل ده وشاريكي ..
شهد معلش وانا مش موافقه.فياريت حضرتك تبلغ دكتر زين انه يعاملني كصديقه للبنات بس ولو هو قبل يبقي استازي واكمل تدريب معاه في المستشفي اكون شاكره جدا لكن موضوع ارتباط لا انا اسفه مش موافقه .ولو سمحت عاوزه امشي ولدتي بترن عليا
راشد باستغراب .والدتك
شهد الست الي كفلتني هي وزوجها هي امي
وبابا الله يرحمه اتوفي من كام سنه
راشد الله يرحمه بس كلامنا لسه مخلصش لينا قاعده طويله مع بعض
واتصل بالسواق وجه وفعلا وصل شهد لحد بتها واتفق ان السواق هيفوت عليها بكره وهي شكرته جدا وطلعت لمامتها وهو مشي
شهد طلعت وهي مبسوطه جدا انه متمسك ببها
وكلم جده علشانها بس هي عندها كبرياء قاتل
وخايفه تنجرح حتي بكلمه فقررت انها تفضل صديقه للبنات ومتدربه عنده بس .....وتطلع تسلم علي مامتها وتدخل تنام ......
والشباب يوصلو متاخر علي البلد ويسلمو علي الكل ويدخل الكل ينام استعدادا لليوم المنتظر غدا ان شاء الله ...........
بسم الله والصلاه والسلام علي رسول الله
الشهد والدموع
الفصل ١٨
انه اليوم المنتظر يا ساده
في وقت اذان الفجر كل شباب العيله متجمعين علشان يروحو يصلو في المسجد والبنات والامهات صلو في البيت
الكل رجع بعد الصلا والي عاوز ينام نام وفي منهمم والي قاعد يفكر هيحصل ايه انهارده
بس زين مقدرش يستحمل وطلب يتكلم مع جده
زين .انا اسف ياجدو بس بجد مش قادر عاوز اعرف ايه الي حصل بينك وبين شهد
راشد .اهدي يا بني اولا كده بعد ما شفتها واتكلمت معاها انا معنديش اي اعتراض عليها بس
الي حصل..............................وحكاله كل الحوار
زين ..ايوه يعني ايه الكلام ده .
راشد .الي فهمته يابني انهاهي كمان عوزاك بس هي الي شافته في الدنيا مش قليلة وشخصيتها مش مخلينها تفكر صح
هي رافضه الارتباط اصلا خايفه في يوم حد يقولها كلمه تجرحها والي فهمته منها انها عاوزه تعيش حياتها طبيعيه مش عاوزه فيها مشاكل ولا مناهده ولا تعب
كانها بتقول لنفسها كفايه عليا الي شفته استريح بقا ومجازفش باي جديد
زين .طيب انا اعمل ايه دلوقتي انا مش فاهم
راشد .رايي اعملها الي هي عوزاه
زين .ازاي يعني
راشد هي عاوزه تكمل تدريب معاك فخليها معاك وهي اصلا بنات اعمامك بيحبوها يمكن القلب يحن
راشد بجديه وحزم. بس خد بالك انا مش هسمح انك تضيع عمرك في وهم
هي فتره لو شهد فضلت علي رايها تشوف مصلحتك وتشوف بنت الحلال الي تعمر بيتك انا مش عاوز اغصب عليك دلوقتي واقولك خلاص هي مش عوزاك
انا عاوزك تاخد وقتك وقرارك علشان متظلمش نفسك ولا تظلم الي هتكون من نصيبك
زين .عدك حق يا جدي ربنا يخليك ليا ويديمك في حياتنا وانا بقا هوريها مين زين الهواري الي هي مش عوزاه وهكسرلها كبريااها ان شاء الله
راشد .بس اعمل حسابك ان الموضوع مش هيكون سهل وامك مش هتتقبل الخبر بسهوله ولا هتوافق بالسهوله الي انت متخيلها ....... .
زين .قام وباس ايد جده وقال ادعيلي انت بس يا حج
وكل واحد طلع علي الاوضه بتاعته يفكر او ينام ...........بقلم ديدا احمد
علي الساعه ١٠ كله نزل وبدؤ يستعدو للحفله والجنينه تحولت لتكون اشبه باكبر القاعات المفتوحه في القاهره
حنين نازله بتجري علي السلم كانت تقريبا الساعه ١١.٥
الكل استغرب
امال .مالك يا مجنونه ترفع راسها علشان ترد تلاقي يوسف واقف متنح فيها
حنين بلخبطه .هه لا اصل احم
يوسف .يضحك علي لخبطتها
امال في ايه يا حنين
حنين يالهوي نسيت وبصت لعمر هنا وبباها وصلو عالبوابه
عمر .ايه مش تقولي من بدري
حامد . اهدا يابني علي نفسك ويلا نروح نستقبلهم مع حنين
عمر .اه يلا وخرج قبلهم
الكل ضحك عليه ودعو ان ربنا يوفقه
علي البوابه
عمر .محروس افتح البوابه بسرعه
حنين بضحك اتقل شويه يا دكتره البت هتخاف من لهفتك دي هههههههه
حامد .ههههههههه خليت العيله تعدل عليك استرجل ياد شويه هههههههههه صحيح الحب بهدله
محروس يفتح البوابه
حنين .هنا هناك اهي
عربيه بابا هنا تقف قدام حامد وينزل بباها يسلم عليه
وهنا تروح لحنين وتستغرب جدا ان عمر موجود
حامد.اهلا وسهلا انا حامد الهواري
محسن الحاوي .اهلا وسهلا غني عن التعريف انا محسن والد هنا.
حامد .حصلنا الشرف وده الباشمهدس عمر ابني دكتور في الجامعه عند الانسه هنا وحنين
محسن .يسلم علي عمر اهلا وسهلا تشرفت بعرفتك
حامد .اتفضل الجماعه مستنينك جوه مينفعش من علي الباب كده
محسن .لا معلش فرصه تانيه
حامد والله ما ينفع انت كده بتشتمنا اتفضل دا حضرتك تورتنا
محسن .يخلي السواق يطلع الورد من العربيه ويدخله جوه هو محروس ومرجان اخو محروس
هنا .واقفه متنحه
حنين مالك يا بت مسهمه كدا ليه
هنا .ايه الي جاب د عمر هنا
حنين بمكر مهو عمر يبقي ابن خالي
هنا بزعل ابن خالك وسالت بتردد يبقي هو العريس
حنين حست انها زعلت .فكملت وهي دي تفرق يعني
هنا والدموع متحجره في عنيها .لا هتفرق في ايه ربنا يتتمملك علي خير
حنين هنا صعبت عليها .عالعموم يا ستي هو مش العريس وقالت بغمزه هو مش مرتبط اصلا وبندور له علي عروسه
هنا الضحكه رجعت لوشها وقالت ربنا يوفقه
حنين اخدتها ودخلو جوه علشان يطلعو للبنات
وبعد ربع ساعه شهد وصلت وكان زين واقف يبص عليها لما عرف انها هي وهيموت ويسمع صوتها وحشه اوي بقالو حوالي ١٥يوم مشفهاش من يوم الحفله
وهي بصت عليه وقلبها فضل يدق بس استغفرت ربها ودخلت جوه لمريم والبنات
في الاستراحه بره
جمال .منورنا والله يا محسن باشا
ماجد .اه والله احنا فرحانين والله اننا اتعرفنا علي شخصيه زي حضرتك
محسن الشرف ليا والله يا ماجد باشا
والله سعيد جدا اني اتعرفت علي الحاج راشد والحاج جمال والحاج محمد والحاج عماد اتو علامه كبيره في البلد وشرف لاي حد يقعد معاكم ويقعد شويه الكل يرحب بيه وهو اتعرف علي اغلب العيله وقام استاذن علشان يمشي
راشد مالسه بدري يا بني
محسن .بدري من عمرك يا حج والله عندي شغل مهم
راشد ربنا معاك ولازم يبقي لنا قاعده تانيه
محسن .اكيد طبعا قعدات مش قاعده
حامد قام معاه يوصلو لحد العربيه
حامد احم . لو سمحت يا محسن باشا كنت عاوز منك طلب كده
محسن انت تومر يا باش مهندس
حامد كنا عاوزين نحدد معاك معاد نيجي نطلب ايد الانسه هنا لابني المهندس عمر
محسن .بس انا
حامد .انا عارف والله هتقول ايه بس حضرتك تسالها براحتك وانا معايا نمره حضرتك هكلمك بعد تلات ايام اشوف ردك ايه لو هي عندها قبول نيجي نشرب الشربات ونتقدم رسمي
لو مفيش قبول يبقي كل شي نصيب واحنا حبايب واخوات
محسن .وانا والله اتشرف بنسبكم يا باش مهندس بس انت عارف ان الراي الاول والاخير لهنا
حامد .اه طبعا وربنا يوفقهم للخير
ومحسن يركب العربيه ويمشي وهو فرحان لان لو ربنا كرمها بعمر هيكون مطمن عليها وسط ناس محترمه
... ..... .بقلم ديدا احمد
في الاوضه عند البنات مليكه وحنين وشهد اتجننو وهيبرو فعلا وهنا ومريم بيضحكو عليهم
شهد قدمت لهنا التاج الي كانت جيباه وهنا عجبتها الفكره وشكرت شهد كتير اوي
وهنا حبت الجو جدا وكان جديد عليها
حنين .ايه الكابه الي احنا فيها دي ولا حتي اغنيه نرقص عليها
ماليكه .ومثلت العياط اه والنبي يا بت يا حنون ولا حتي ياولاد بلادنا يوم الخميس هكتب كتابي وابقي عريس
حنين وشهد .وهتبقي لامه هاهاهة
مريم وهنا عمالين يضحكو علي المجانين دول بس هو طبعهم ساكت وهدييين بزياده
شهد بصراحه عندكم حق وجت في دماغها فكره
شهد بصت لحنين .بت يا حنون ملاقيش عندكم في بيت البهوات ده طبله
الكل باستغراب ونفس الوقت .طبله
شهد ياماما خضتوني اه طبله وانا هروقكو
اصلا الحفله بليل هتبقي منشيه مفيهاش فرحه لكم كلها هتبقي رجاله
حنين .صح يا بت يا شهد عندك حق
حنين طب ثواني هنزل اتصرف
حنين نزلت تحت والكل موجود الامهات والجدات لكن الرجاله بره في الجنينه
حنين بصوت عالي .ماما ماما
امال .استر يارب نعم يا مجنناني
ماجده .تعالي يا مرات ابني قليلي عاوزه ايه
حنين بتردد .احم عاوزه طبله
الكل .نعم يا اختي
يسرا بضحك ...تعالي يا بت يا نونه هتعملي بيها ايه
حنين مفيش .لاقينا الجو منشي اوي وكئيب وكده كده مش هنعرف نفرح في الحفله بليل علشان كلها رجاله
فقولنا نفرح مع نفسنا شويه وجريت علي جدتها كريمه وغاليه وقعدت في وسطهم ولا احنا مش من حقنا نفرح يعني يا نناه
غاليه لا يا حببتي تفرحي ونص كمان
حنين .يحيا العدل المهم عاوزين طبله
ماجده .انا هجبهالك من عيوني مقدرش علي زعل حنون ابدا
ماجده طلبت من واحده من البنات الي في المطبخ تنده علي يوسف من بره
يوسف دخل الفلا وسلم علي الكل خير يا امي عاوزاني في حاجه
يوسف بيبص عليهم لاقاهم كلهم كاتمين الضحكه بالعافيه يسال باستغراب هو في ايه
ماجده بضحكه كتماها بالعافيه. .خطبتك عاوزه طبله
الكل مقدروش يمسكو نفسهم من الضحك وصوت الضحكه بانت وزود الضحك رياكشنات يوسف
يوسف .نعم ياختي مش عاوزه رقاصه بالمره
حنين من غير ما تحس .لا احنا هنتصرف وحطت ايدها علي بقها
ماجده .اخلص يا يوسف البنات عاوزه تهيص
يوسف .حاضر اي خدمه تانيه
ماجد لا بس بسرعه
في الجنينه يوسف خارج مش طايق نفسه وعمال يستغفر وبيكلم نفسه
راح عند الشباب
مراد .مالك يا عريس
يوسف مردش وليفكر
زين .مالك يابني في ايه وبتكلم نفسك ليه
يوسف .حرمنا المصون مستقبلا عاوزه طبله
الكل .نعم وصوت ضحكهم وصل لاخر الجنينه
علي .ليه يعني
يوسف .الايه عاوزين يهيصو علشان الحفله هتكون كئيبه لهم
زين وعلي وحمزه .والله عندهم حق
ادهم بضحك يلا نصرف ونجبلهم
الكل وقف متنح ان ادهم هو الي عاوز يتصرف لهم
زين .باستغراب ....ادهم يا حبيبي انت سخن
ادهم .في ايه بنات عاوزه تفرح مع بعضها وماله يعني
زين .سبحان مغير الاحوال بركاتك يا حجه مريم
ادهم .بصله بغيظ متتلم بدل معملها معاك
زين ايوه كده ارجع لاصلك وطمني عليك
وفعلا الشباب اتصرفو في طبله من الفرقه الي جايه الحفله بليل وكانو بيظبطو حاجتهم وادهم الي اخدها يدخلها لهم
ادهم .داخل وماسك الطبله في ايده
الكل وقف متنح مش ده ادهم الي هو عارفينه وادهم اخد باله من استغرابهم بس معلقش
وادي الطبله لحنين وقالها سلميلي علي مريم قولي لها تهيص وتفرح
وحنين اخدتها مع صدمتها في ادهم وطلعت جري للبنات
حنين ..جبتها يا قوم
شهد شاطره يا بت يا حنون وريني كده
حنين بصت لمريم بغمزه .الرائد ادهم بيسلم عليكي وبيقلك هيصي وفرحي
ماليكه الله الله اوعدنا يا رب
مريم .بكسوف خلاص بقا يا بنات يلا يا شهد
وشهد اوك وانا جاهزه . اخدت الطبله
يلا معايا بقا
وشهد بدات تغني وتطبل كانها محترفه وما شاء الله صوتها كان تحفه والفرحه بينه فيه
وبدات تغني الاغاني الفولكلوريه بتاعه الارياف والصعيد
اه يالبايش يا جاصب .....عندنافرح واتنصب
جابو السرير علي جديها .......نزلت تفرج عمها
جال يا حالاوه شعريها ... .....يسلم عيون الي خاطب
..............................
وشهد فضلت تغني والبنات فرحانين ويسقفو والجو اتغير ميه وتمانين درجه وصوت ضحكهم واصل للفلا تحت والامهات والجدات طلعو يفرحو مع بناتهم واول ما دخلو الاوضه وشافو البنات عماله ترقص وهنا كمان الي ملهاش في الجو ده اندمجت معاهم ........وبصولشهد الي ماسكه الطبله وعماله تغني وفرحانه وكانت قاعده براحتها وشايله النقاب
كل الامهات والجدات اول نظرهم ما جه عند شهد وقفو تنحو كلهم وفي نفس واحد وبصوت عالي لدرجه البنات اتخضت ....... . ....... ........................
..................(هدي )
تكملة الرواية من هنا 👇👇👇👇👇👇