 |
الشهد والدموع
البارت الحادي عشر حتي البارت الرابع عشر
بقلم ديدا أحمد
١١&١٢
الفصل ١١
في احدي قري محافظه القليوبيه.
زين راكب عربيته وبيضرب كلكسات عالبوابه بتاعه الفلا .
محروس يجري يشوف مين الي جاي متاخر كدا احناتقريبا بعد العشا ء
محروس .مين
زين .يبص من الشباك بتاع العربيه افتح يا راجل يا طيب
محروس .اهلا اهلا يا دكطور زين البلد نورت وفتح الباب اتفضل يادي النور
زين يدخل علا فلا راشد ويخبط
وتفتحلو نبويه الي بتشتغل عندهم
نبويه .تقف تقف تتنح مين حضرتك
زين انت جديده هنا
نبويه .وانت مالك ولا عشان شكلك حليوه هتحقق معايا
زين باستغراب .انت بتقولي ايه يا مجنونه انت وسعي كده
ويسمع صوت جدته مين يا بت
زين يزق نبويه ويدخل انا يا ست الكل
كريمه . بفرحه اهلا يا غالي يابن الغالي وتاخدو في حضنها وتبوس فيه
وحشتوني يا نور عينية
زين .يبوس ايديها وانت اكتر يا ست الكل
امال جدو فين
كريمه.صلي العشا وفي فرح بنت واحد من البلد هيحضرو وييجي
تعالا اقعد ده انت واحشني موت
اخباركو ايه وحشتوني اوي
اخر مره جيتو هنا كان من شهر ومكملتوش حاجه
يومين ومشيتو علي طول
زين .والله انتو كلكو واحشنا اوي بس انت عارفه ظروف الشغل
كريمه . عارفه يحبيبي ربنا يعينكم طب قوم غير هضومك علي ما اخليهم يحضرو العشا
زين لا يا ست الكل انا مش هقدر اتعشا
انا هكلمهم في البيت اطمنهم علشان انا جيت فجاه
وخليهم بس يعملولي فنجان قهوه وكده يبقي تمام
كريمه حاضر من عنيا هحضرهولك بايدي
زين باس ايديها وقال لها تسلملنا
كريمه مشيت وهو كلم وحامد وبلغو
وحامد استغرب
بس زين قال انه عاوز يريح دماغه ولو قالهم هياخروه والي هيقول نروح معاك وكده وهو يومين وهيرجع علشان الشغل
حامد .ماشي يابني المهم انتو كويسين وسلملي علي كل الي عندك
زين .حاضر يا حج وانت سلملي علي الي عندك
وعمل كام مكالمه علشان يظبط الشغل في المستشفي علي انو واخد اجازه كام يوم
كريمه جابت له القهوه وشربها وبعد شويه دخل الحج راشد وفرح جدا بزين واتكلمو شويه واطمنو علي بعض
راشد حس ان زين تايه وعاوز يتكلم مع حد
بس مكلمش زين وطلب منه انه يطلع يريح وبكره ان شاء الله لهم قاعده طويله ...........
في القصر في القاهره
الحياه ماشيه طبيعيه كل واحد مشغول بحياته مع شويه غلاسه علي مراد ويوسف من الشباب
وكمان البنات متوترين وفرحانين جدا جدا لما عرفو موضوع كتب الكتاب وبيحاولو ميقابلوش مراد ويوسف علي قدر المستطاع
والكل مستني ادهم وحمزه يرجعو من التدريب علشان مفيش اي اتصال بنهم وبين العيله
ومريم .بتدعي وتصلي كتير وفعلا سمعت كلام شهد وبدات تشتغل علي نفسها وتقويه شخصيتها بدات تاخد برامج تدريبيه عن علم الاجتماع وتنميه بشريه علي النت وبتحضر جلسات اطباء نفسين علي النت وكمان شهد رغم الهموم الي هي فيها عامله لها دعم نفسي وفعلا حست ان الموضوع بيجيب نتيجه
بس لسه المشوار طويل
ومع الصلاه والدعاء بدات تحس بالراحه شويه وبدات تفكر بايجابيه
ودايما بتفتكر كلام شهد ان خلاص ان كده او كده الخطوبه هتم فبدل ما تزيد من التوتر والضعف تحاول تفتكر الايجابيات وتفرح وتفرح الي حواليها
وهي اصلا بتحب ادهم ودعت كتير اوي انو يعاملها بحب وربنا يهديه لها.
في بيت شهد بعد ما نامت من التعب وهي بتحكي سميره سابتها تنام مكانها علشان متققلقهاش وترتاح ودعت لها ربنا ييسر لها حالها وسميره غطتها وراحت تكلم نور وتتطمن عليها ..............
شهد بدا جسمها يترعش وتعرق اوي وتقول كلام مش مفهوم والدموع نازله من عنيها وبدا ييجي لها ومضات واحداث من الي مرت عليها
(صوت شوشو عالي وكلهم واقفين وهي بتكلم شهد في ساعه الماظ كانت علي الكنبه هنا طلعيها بالزوق احسن
شهد بعياط والم والله يا هانم ماخت حاجه ولا اعرف اصلا انتو بتتكلمو علي ايه
قلتلكم معرفش حاجه وماختش حاجه
صوت واحده واقفه جنب شوشو انا كده حاجتي ضاعت في بيتك يا شوشو وانت مش عارفه تجبيلي حقي
شهد شايفه نفسها نيمه علي الارض
شوشو راحت علي الحيطه وكان في كرباج متعلق اخدتو
ونزلت علي جسم شهد ضرب فوق النص ساعه وشهد عماله تصرخ وتستنجد بحد يلحاقها وينجدها من الالم الي هي فيه ومع كل ضربه كرباج جسمها يتنفض
شافت نفسها مرميه عريانه علي ارض وغرقانه في دمها والجو برد وعندها حمي وبتخرف باي كلام
وشويه وحست ان الداده بتقول ماتت
ولقطه جت ان واحد مع شوشو بيقولها لازم تتعالج لو جرلها حاجه مش هتنجحي في الانتخابات وهتحصل شوشره عليكي علشان هي في رعايتك والصحافه عارفه
وصوت شوشو بيتردد
قلعيها كل هضومها ونيميها علي الارض وامنعي الاكل والشرب عنها وفتشي كل هضومها
وشوشو وهي بتقول شافت عينه بس من الي هيحصل فيها
ومنظر شهد وهي مرميه علي الارض جسمها كلو بيجيب دم وكان نار ماسكه فيه
وصوت الداده عمال يتكرر
( طلع جوز الست دي الي خد الساعه)وبعديها حست انها علي سرير مش قادره تتحرك من الوجع والدكتور بيعالجها وهي مبتنطقش ....
شهدشافت نفسها قاعده في اوضتها و جاي واحده ومعاها حرس ومكتفنها والست دي معاها مكنه حلاقه وحلقت شعر شهد زيرو وشهد عمالله تستغيث وتتزلل بصوت عالي والم ...........)
فجاه تفوق شهد بخضه وتوهان وصوت عالي لا حرام كفايه ضرب مش انا الي اختها انا ماختش حاجه انا معرفش حاجه اه كفايه ضرب انا سقعانه اوي غطوني ودموع نازله من عنيها
سميره سمعه صراخها جت جري عليها وحاولت تصحيها
سميره .قومي يا قلبي ده كبوس انتي بخير فوقي يا بنتي متوجعيش قلبي عليكي
وشهد عماله تخرف .اه لا متضربونيش كفايه وشويه تمسك شعرها لا شعري حرام عليكي متحلقهوش والله ما عملت حاجه انا ههرب لا مش هستحمل اه يا شعري وتعيط سميره مش مستحمله وعاوزه تفوقها من الكبوس ده راحت جابت ميه ورشتها عليها
وفعلا شهد فاقت ومسكت في سميره جامد وفضلت تعيط.......
في مركز التدريب ادهم فاحت نفسو تدريب والعاب عنيفه ومش بيريح جسمه علشان يحاول ينسا اي حاجه تخص مريم وحمزه مستغرب جدا من الي ادهم بيعملو لانو مش محتاج كل التدرب دهو
لدرجه ان كان في تدريب علي القتال ومواجه خصم
وادهم جه قصاد ظابط زميلهم ومن شده غيظ ادهم كان هيتسبب في عاهه مستديمه له لولا تدخل حمزه وفوقو في اخر لحظه
وادهم . اعتزر لزميله علي الي حصل وسابو مشي
حمزه راح وراه .ممكن افهم ايه الي حصل ده
انت كنت هتروح في داهيه
وقعد جنبه مالك يا ادهم من يوم الحفله وانت مش طبيعي وانا مش عاوز اتكلم
وقول لو في حاجه انا الوحيد الي هعرف افهمك انا وانت واحد
ادهم اتنهد وحس انه مش قادر يكتم في نفسه ولازم يتكلم مع حد ومحدش هيفهم احساسه اكتر من حمزه
ادهم .بتوهان انا اجبرت مريم علي الخطوبه
حمزه .برق عينه وحاسس بضعف ادهم في اللحظه دي فساب ادهم يتكلم
ادهم ونسي حمزه وكانو بيكلم نفسه
انا هدتها لو موافقتش هعمل ورقه جواز عرفي واوريها للعيله لو سالوها عن رايها وموافقتش
انا الي خلتها تنهار
انا الي كسرت فرحتها ودمعه نزلت من عينه لاول مره
انا بحبها بس باذيها انا حاسس اني بدمرها بالي بعمله
بس والله عصب عني معرفش بيجرالي ايه
انا اول ما سمعت موضوع العريس الزفت ده
نار مسكت فيا وبدل ما ابين لها عشقي هددتها وخوفتها مني وقالتلي انها بتكرهني انا وصلتها لمرحله الكره بدل ما اطمنها انا الي كلمت المدير علشان نيجي التدريب علشان مش هقدر اشوف نظره الحزن والانكسار في عنيها
انا ضحكت علي نفسي وقلت اجي علشان اعصابها تهدا ومتتعبش اكتر بس لا انا جيت هنا علشان مشفش الحزن في عنيها والبنات عنيهم كلها فرح بخطوبتهم
وادهم بدا ينهار وهو بيفتكر عياط مريم وكلمتها وهي بتقول له انا بكرهك
وبدا صوت نفسه يعلا وانهياره يزيد
وهنا حمزه سيطر علي اعصابه ودهشته من كلام ادهم وانه ازاي قدر يعمل كده وفعلا جري عليه واخدو في حضنه هو اول مره في حياته يشوف انهيار ادهم
ادهم .ياما ناس ماتت قدام عينه وبيقتل بدم بارد وحارب تجار سلاح ومافيا ومخدرات وعمرو ما تهزله شعره بس حمزه فضل انو يسكت وميعاتبوش علشان االضعف الي ادهم فيه
وادهم بعد ما حمزه حضنو بدا يهدا ويكرر والله بحبك وبعشقك يا مريم اوعي تكراهيني ...........
وفعلا ادهم جسمو انهار لانه من بدايه التدريب مبينمش وبيبذل مجهود خرافي في التدريب مكنش بيستريح ومع الاجهاد النفسي والبدني مقدرش يقاوم ووقع في النهايه وحمزه نيمو علي السرير وراح يشوف شغله
ويبقي يرجعله
تاني يوم زين صحي الفجر او نقدر نقول انه معرفش ينام اصلا بس صلا الفجر وقرا قران وفتح النت شويه وبع كده نزل علي الساعه٧
لقي الحج راشد والحجه كريمه مستنينو علي الفطار
وفعلا فطر
زين جدو عاوز اخد رايك في موضوع كده
راشد ومالو يا حبيبي
بس روح سلم علي الجماعه واقعد معاهم شويه علشان ميزعلوش وبعد كده نقعد نتكلم انا وانت لحد ما تزهق
زين .حاضر يا حج
كريمه . طيب يا زين هتشرب الشاي هنا
زين .لا يا تيته هروح اصبح عليهم واشرب الشاي علشان محدش يزعل
وفعلا راح وسلم علي الكل واعتزر انو وصل امبارح متاخر معرفش يجلهم
وكلهم رحبو بيه واطمنو علي الجماعه الي في القاهره
وحاولو انو يعزموه علي الغدا بس هو رفض بزوق وقال الحاج راشد يزعل بس وعدهم انه في اليومين الي قاعد فيهم هييجي يتغدا معاهم اكيد
وزين رجع لقي جدو مستنيه في المكتب زين دخل له وقعد قدامو مش عارف يتكلم
راشد خير يا غالي مالك حيران ليه
زين . اتردد شويه وبتشجيع من راشد
زين بدا يحكي عن شهد والشهور الي اشتغلت معاه وبعض المواقف الي حصلت وانها صاحبت مريم و.حكالو انو بدا يحبها وكمان تخطا مرحله الحب ده معدش عارف يفكر ولا يركذ في اي حاجه بدات تظهر علي كل حاجه يشوفها كل ما اشوف بنت اتخيلها هي من اسلوبها وادبها واخلاقها اتعلقت بيها مع اني مشفتش وشها علشان منتقبه
وسكت ........
راشد .تمام كل الي انت قلتو تمام
فين المشكله
زين .بالم .كانت معزومه عندنا في مره وانا وصلتها وهي مروحه وقررت اعترف لها بحبي واقولها اني عاوز اتقدم لها وفعلا قلتلها وانا بوصلها بس .......
وسكت واتنهد وبص في الارض بزعل
راشد .كمل يابني انا سمعك
زين جمع شجاعته علشان عارف انها طلب منو ان سرها محدش يعرفو بس لازم جدو يعرف واخد نفس جامد وقال
قالتلي انها متنفعنيش علشان هي واتوتر اوي وبص لجدو لاقاه مستني يسمع زين
قالتلي انها تربيه ملاجئ ولاقيطه وسكت
راشد .بصوت قوي .نعم /انت بتقول ايه ..........
روايه الشهد والدموع
الفصل ١٢
في بيت شهد
شهد هديت علي زراع سميره
سميره .خلاص يا شهد كفايه كده ياقلبي قومي ارمي الماضي ورا ضهرك وشوفي مستقبلك
شهد .عندك حق انا هقوم اصلي واشوف هعمل ايه
سميره. شهد
شهد نعم يا امي
سميره انا عارفه انك اقوي من كده بكتير انتي سندي
انتي الي مقوياني يا بنتي
انت الي هتبقي في ضهر نور شهد الهشه الي شوفتها من شويه دي تدفن
ومتغيريش حياتك علشان حاجه انا مش عارفه ايه الي وصلك لكده بس الي فتح الجرح القديم وخلاكي بالضعف ده ترميه تحت رجلك وتطلعي عليه
فهماني يا بنتي
شهد .حست ان كلام امها صح وهي مش هتغير حياتها وهتعيش زي ما كانت مخططه لنفسها
حاضر يا امي ادعيلي بس وانا هصلي واكلم مريم علشان كانت رنت عليا وانا مرضتش عليها
وفعلا دخلت اخدت دش وصلت ودعت لنفسها وقررت تشوف مستقبلها وتنسا زين وطلعو من حياتها
علشان موضوعه ملوش نهايه ............
بعد كام يوم
في اوضه مريم
مريم بتكلم شهد
مريم انا زعلانه منك اوي يا شهد كنت محتجالك اوي من بعد اخر مره كلمتك فيها
شهد .معلش يا مريومه والله غصب عني كان في شويه ظروف وكنت لسه ببدا افوق منها
المهم سيبك مني وقوليلي ايه اخبارك عملتي ايه وقررتي ايه يلا احكيلي
مريم .اهدي بس يا شهد هقولك كل حاجه انا بدات اعمل الي انت قولتيلي عليه وعملت ....................
وحكتلها علي كل الي حصل
شهد هتموت وتسال علي زين وتعرف اخباره
شهد .يلا هيبقي فرح جماعي والله فرحت لكم
فاضل دكتر زين بس
مريم .لا ابيه زين ده دماغ لوحده انا تقريبا مشوفتوش من ساعه ما جالي بعد ما اغمي عليا
من بعد كده مشوفتوش مشغول علي طول في المستشفي والي سمعتو من عمو امبارح انه سافر لجدو البلد يريح دماغه شويه
شهد ..................
مريم .الو شهد انت معايا
شهد اه ايوه معاكي يا مريوم ماشي يا حببتي ماما بتنادي انت عاوزه حاجه مني
مريم .سلامتك شكرا يا شهد لولاكي مش عارفه كان هيجرالي ايه
شهد .بس يا هبله وبقي فرحيني لما تحددو الميعاد
مريم اكيد سلام ............
في البلد في بيت راشد
راشد نعم .ايه الي بتقوله ده يا دكتور
زين .يا جدي انا .....
راشد .انا مش عاوز اي كلام في الموضوع ده انت شكلك اتهبلت وجرا في دماغك حاجه
زين بكسره قلب بس والله حاولت ومقدرتش
راشد .كلمه ومش هتنيها الموضوع ده ميتفتحش الا لما اشوفها واتكلم معاها
زين .تنح وبص لجدو .انت تقصد ايه يا جدي
راشد .لما اشوفها واقابلها يبقي نشوف ساعتها
زين .وانت هتقابلها ازاي يا جدي
راشد .والله يابني انا ما عارف انت دكتور كبيىر ازاي
مش هي صاحبه بنات عمك
زين .اه
راشد .يبقي اكيد هتبقي موجوده في الخطوبه وسيب الباقي علي ربنا
بس قولي يا زين انت بتقول انك مشفتهاش مش ممكن تكون وحشه ولا الشكل مش مهم
زين .احم لا طبعا الشكل مهم بس بصراحه انا سمعت البنات بيتكلمو بالصدفه علي حلاوتها وشكلها
راشد .ضربو علي راسه براحه يا نمس مش سهل انت
زين .اخد ايد جدو وباسها وحضنو ربنا يخليك لينا ويديمك في حياتنا
ويستاذن زين ويخرج
راشد بتنهيده .ربنا ييسرها يا زين لو هي يتيمه واتربت في ملجا سهله وتتحل
المشكله الي ملهاش حل لو هي ملهاش اهل دي هتبقي الكارسه
يلا ربنا يحلها من عندو
زين بعد ما كلم جده وفضل كام يوم معاهم وقرر يسافر يشوف شغله و قرر يسمع كلام جده وميتكلمش في الموضوع خالص
في قصر المهدي
الامهات كلها قاعدين في الجنينه بيشربو الشاي
وفرحانين جدا وبيتكلمو في الخطوبه وهتبقي ازاي والترتيبات وهيسافرو امته علشان يجهزو لها
والبنات قاعدين في جنب لوحدهم وفرحانين وبيتفرجو علي الفساتين ومريم بدات تندمج معاهم وبدات تحس بالفرحه وهي خلاص اقنعت نفسها ان ادهم بيعمل كده علشان بيغير وهو عاوزها له باي طريقه
حنين .ايه رايكم في الفستان ده
مريم .تحفه يا حنين هتبقي قمر فيه
مليكه .وريني كده يا نونه الله تحفه بجد بس هو ادهم ييجي بس هو هييجي امته يا مريوم
مريم كانت بتشرب العصير وشوقت
مريم وانا هعرف منين بطلي رخامه شويه
ويفضلو يغلسو علي بعض شويه وكلمو شهد مكالمه جماعيه وكانت مكالمه كلها ضحك وهزار بنهم وفعلا خفه دم حنين ومليكه طغي علي المكالمه والكل كان فرحان ونسيو مشاكلهم
بعد شويه ييجي عمر عليهم ويسلم علي الامهات
وبعد كده يروح يغلس علي البنات
عمر .ايه ياعرايس اخباركو ايه ههههههههههههه
البنات .الحمد لله
حنين .انا شامه ريحه مش مرتاحه لها
عمر .ماشي يا اختي ولف علشان يمشي وانا الي كنت جايب لكم النتيجه
حنين .والله طب قول بسرعه والنبي طمنا
عمر بغلاسه لا مش قايل
مليكه .ما تقول يا عم هو احنا هنتحايل عليك
عمر .لا اتحايلو شويه عليا وقعد علي الكرسي وحط رجل علي رجل
والامهات سمعين الحوار وبيضحكو علي الثنائي المجنون
حنين جت في دماغها فكره بصت لمليكه وقالت
بت يا ماكي مش انا تسيت احكيلك علي بنت انما ايه عسل اتعرفت عليها في الدفعه بس ايه حته بسبوسه بالاشطه اسمها هنا
عمر قام مخضوض وكح
عمر .خلاص يابنات علشان متدايقوش
انتو الاتنين جبتو جيد جدا مرتفع مبروك يا بنات
وبص ناحيه حنين وقالها بنظره ترجي كملي
حنين كملت علشان فهمه عمر
حنين .شكرا يا ابيه بس انت قطعت كلامي
مكملتلكيش يا مليكه البنت دي بسكوته خالص وبباها سفير كانو في سوريا او لبنان مش فاكره ولسه
راجعين مصر بس مؤدبه جدا ورقيقه جدا وغمزت لعمر
وعمر فرح وبارك للبنات واستاذن ومشي
والكل بارك لمليكه وحنين وبعد كده قعدو وكملو كلامهم وهم فرحانين .
وعمر راح عالشركه وقرر انو يفاتح بباه في موضوع هنا
وراح يشوف شغله
في مركز التدريب
حمزه يخرج من اوضه ادهم ويسيبه يفكر مع نفسه
ادهم قاعد وشريط بيمر قدام عينه وبيفكر في كلام حمزه
انت فاكر انك كده بتكسبها انت بتكسرها وبتكسر فرحتها وسط اخواتها انا اه مش اخوها بس اقسم بالله لو مش متاكد انك بتحبها عمري ما كنت هخلي الجوازه دي تتم وانت حاول تفوق وافتكر كل موقف انت عملتو او اي كلمه انت قلتها ليها وشوف كل موقف وكل كلمه كسرت في مريم ايه واعرف انها لما توصل لقمه الانهيار وتكسر اخر قطعه فيها هتتحول لحاجه من الاتنين
يا اما هتنهار وهتبقي جسد من غير روح او هتبقي في قمه التمرد وقمه القوه وممكن تسيبك ومحدش هيقدر يلوم عليها واعتقد في الحالتين مش هيعجبو سيادتك
وسابو ومشي .
وادهم افتكر كل كلمه وكل موقف قلل فيه من مريم
وحس كميه الوجع الي هي كانت فيه وكانت بتحسه
ودمعه نزلت من عينه وهو بيفتكر تهديده لها علشان توافق علي الخطوبه وكلمتها وهي بتقول حسبي الله ونعم الوكيل والي خلاه يتخنق انها قالتلو بكرهك
ادهم بالم والله بحبك يا مريم بس انا الي غبي واناني
بس هعمل المستحيل علشان تحبيني وقرر انو هيعوض مريم وهيعترف لها بحبه لما يرجع بعد يومين
بس هو معرفش ان مريم بدات تتغير فعلا في خلال العشر ايام الي سابها فيهم .
في المستشفي
مراد ويوسف وزين قاعدين في مكتب زين بيضحكو
مراد .والله انت برنس تسافر تريح دماغك من غير ما حد ياخد بالو ولا حد يعرف وسايبنا هنا مفحوتين
يوسف .اه والله طب ياندل كنت قول كنا جينا معاك
زين . اذا كان انا مقولتش علشان كده
مين الي هياخد بالو من المستشفي
والله ما في حاجه جيباني ورا الا نقك انت وهو جتكو القرف يلا انا هلكان جيت من السفر علي هنا ودخلت كذا عمليه وخلاص مش قادر وجاي يقوم ويسبهم يحس بدوخه ويقع في الارض
ومراد ويوسف ...........زين
Dida
١٣&١٤
روايه الشهد والدموع
الفصل ١٣
في المستشفي
زين ويوسف ومراد قاعدين بيتكلمو وفجاه زين يقوم
ويسمعو هبد علي الارض
يوسف ومراد .زيين
يقوم يوسف ومراد يجرو علي زين ويشيلوه ويحطوه علي الكنبه في الاوضه
زمراد يروح يجيب جهاز الضغط من علي المكتب ويقيس الضغط والنبض وينيمو بمساعده يوسف ويكشف عليه ويطمن علي القلب
يوسف بخضه .خير يا مراد
مراد بزعل .وهو رايح علي المكتب يطلب الممرضه
الضغط واطي جدا وضربات القلب سريعه
انا شاكك انه داخل علي انميا
يوسف باستغراب .انميا لشاب في سنه طب ازاي
مراد .انا هدي له حقنه تعلي الضغط الاول وهطلب المعمل يعمل له تحاليل
مسك الفون ورن علي المعمل ييجي ياخد العينه من زين وقفل
وراح علي دولاب الادويه في المكتب وجاب حقنه وكيس محلول وبعض الادويه
ادا ليوسف الكانيولا
مراد .ركبلو دي علي ما اجهز الحقنه
وفعلا يوسف ركبلو الكانيولا وعلقلو المحلول ومراد جهز الحقنه وبيبص لزين وصعبان عليه
حط الحقنه علي الكنبه وراح جاب كام حقنه وحطهم له في المحلول وظبط له المحلول
مراد .معلش يا يوسف ساعدني وارفع كم الاقميص ده لازم ياخد حقنه تعلي الضغط
يوسف .طب استنا هحاول اقلبو علي جنبو احسن الحقنه تقيله
مراد وهو بيجهز الابره وجاب المطهر
ياعم مش فارق عضله الكتف هتمشي بدل ما نقلبو يلا ساعدني
وفعلا رفع الكم ومراد ادالو الحقنه وزين حس بيها واتالم
والباب خبط ودخلت الممرضه تاخد العينه من زين ومراد كتبلها علي التحاليل الي هو عاوزها وطلب منها النتيجه بسرعه ومحدش يعرف ان د زين تعبان قالهالها بتهديد
وفعلا الممرضه خافت وقالت له اكيد تحت امرك وخرجت
ومراد ويوسف قاعدين قصاد زين يتبعوه لحد ما يفوق .....ويطمنو عليه
في الشركه عمر قاعد سرحان يدخل عليه جاسر ومازن
جاسر .ازيك يا هندسه
عمر ...... .......
مازن .مالو ده
جاسر انا اعرف تعالا نشوف
جاسر بصوت عالي .عمر
عمر انتبه .في ايه يلا مالك عاوز ايه
مازن لا شكل الموضوع كبير صح يا جسور
جاسر .اه والله ياد يا مازن شكل الباشا هيحصل اخواتة
مازن .شكلك فاهم يا نصه
عمر .اه هي الحفله عليا طب تمام انا سايبهالكو وماشي جتكو القرف عيال فصيله
وخرج زهقان وخبط في علي
علي ندا علي عمر وبص علي مكتبه لقاه مفتوح وجاسر ومازن جوه
علي .في ايه عمر خارج ومش شايف قدامه ليه
مازن حكاله الي حصل وضحكو شويه واتفقو انهم بعد الشغل يروحو النادي وحسام وخالد هيحصلوهم علشان يلعبو كوره مع بعض
وكل واحد راح يشوف هيعمل ايه
في مكتب جلال
جلال قاعد سرحان وماسك صوره في ايده
عادل خبط ودخل عليه وماسك ورق في ايده
بص لجلال وزعل علشانه
عادل .تعيش وتفتكر يا جلال
جلال انهارده تكون عدا عليها ٢٥سنه وحشتني اوي
عادل. ربنا يرحمها طب اجيلك في وقت تاني
جلال .لا تعالا وحط الصوره علي المكتب كنت عاوز ايه
عادل .كنت عاوز اوريك حاجه في اوراق قضيه بن البحراوي
جلال خير .
عادل .علاء البحراوي كان في السويس قبل الحادثه بساعتين
جلال . نعم ازاي ومقالش ليه علي الموضوع ده كنا خلصنا من القضيه في جلسه واحده بس
المهم وانت عرفت ازاي
عادل. وانا بقلب في الفون بتاعه لاقيت رسايل
عارف الي بتجيلك لما يكون الفون الي طلبته غير متاح بتجيلك بعدها رساله
والرقم ده كان رقم فندق في السويس اتصلت بالفندق وبطرقتي بقا سالت عليه قالولي انه مجاش من فتره
وسالتهم طب هو اخر مره كان عندهم امته
قالولي انه قفل حسابه يوم .....الي هو يوم الحادثه
ولما سالتهم مشي امته بالضبط قالولي الساعه ٩ بالضبط
والجريمه كانت الساعه ١١ .
جلال هايل يا عادل برافو عليك .
بس اكيد في سر ولازم نعرفو الي يخليه يخبي معلومه مهمه كدا
عادل .اكيد انا هروح واتكلم معاه
ويستاذن ويمشي وجلال يرجع لشغله
في القصر متجمعين
الرجاله رجعو من الشغل واتغدو مع بعض في الجنينه والامهات والبنات
بس الشباب راحو النادي
طبعا ماعدا زين ويوسف ومراد في المستشفي
وحمزه وادهم في التدريب
وعمر راح النادي معاهم شويه وزهق ورجع
عمر قاعد سرحان
يسرا .مالك يا حبيبي بقالك يومين مش طبيعي ليه
عمر .يصراحه كده انا معجب ببنت وعاوز اتقدم لها
الكل بصلو وفرح
حامد ومالو يا حبيبي مين بقا سعيده الحظ
عمر مهي دي المشكله
يسرا .ليه بعد الشر مشكله ايه
عمر هي طالبه عندي بس معرفش عنها اي معلومات غير حجات بسيطه والاجازه جت معرفتش اكلمها
حامد .عادي يابني لما الدراسه تبدا ابقي شوف انت عاوز منها ايه واحنا ميهمناش غير سعادتكم
حنين صعب عليها عمر
حنين .وتستنا الدراسه ليه يا ابيه انا اجبلك كل المعلومات الي انت عواوزها
يسرا باستغراب .انت عرفاها يا حنين
حنين .هو بيقول طالبه عنده يبقي اكيد دفعتي بس هو مقالش اسمها
الهام .صح يا عمر اسممها ايه .
عمر .احم هنا
امال .الله اسمها حلو يا عموري
والكل بص لحنين مستني ردها
احمد .ايه يا حنون عارفاها ولا وكالت الاخبار وقفت لحد عندها
الكل ضحك عليها
مليكه بضحك .لا حنين مبتغلبش
مريم . استنو بس بتقلب في الدفاتر وهتلاقي الفايل قريب
الكل ضحك .
حنين بصتلهم بغضب . والله عشان التريقه دي مكنتش هتكلم بس عشان خاطر استاذي الفاضل والليدي يسرا الي هتموت وتعرف الاخبار
ليلي .متخلصي بقا يا حنون
حنين .هي اسمها هنا
وحيده ملهاش اخوات بباها سفير كانو في سوريا ولسه رجعين من كام شهر سنجل كان متقدملها واحد قريبها بس هي مرتحتش ورفضت هاديه جدا ومودبه اوي مامتها اعتقد دكتوره في الجامعه بس مش متاكده
ونمرتها معايا ولوعاوزين اخد معاد انا في الخدمه
احمد بهزار .الله اكبر عليكي والنبي انت مكانك مع خالك ماجد في المخابرات
ماجد .والله فكره دا انت كنز يا بت يا نونه
وفضلو يهزرو شويه وعمر اندمج لما لقاهم مرحبين بالفكره
حامد .بص لعمر ايه رايك يابني
عمر اه طبعا ناخد معاد
حامد طب نسال الاول علي بباها
ماجد دي سهله نص ساعه والاخبار كلها تكون عندكم
خلاص نعرف اسمها ايه ونسال عليهم وبعد كده حنين تاخد معاد منها نروح لهم
عمر .يقوم يبوس بباه تسلم يا احلا اب ويستاذن ويطلع علي اوضته
يسرا تبص علي حنين وتروح تقعد جنبها علشان تقرر فيها والكل يضحك عليهم
يسرا المهم يا بت يا نونا هي حلوه
حنين .مزه يا مزه عسل مشاء الله عليها
حامد .طب اسم بباها ايه يا حنين .
حنين .مش متاكده يا خالو هعرف الاسم بالضبط واقولك
والكل كان فرحان وعمال يضحك
يدخل عليهم فجاه ادهم وحمزه
والكل وقف يسلم عليهم وادهم عينو هتطلع علي ضحكتها ووشها الي بيضحك ونور بزياده
بس سيطر علي نفسه وقاعدو معاهم شويه واساذنو يستريحو وبعد كده ينزلو علشان حامد عاوز يتكلم مع ادهم في موضوع كتب الكتاب علشان لسه ميعرفش
في بيت شهد
الباب بيخبط جامد اوي وحسو ان الباب هيتكسر سميره تتخض و تخاف خير مين الي بيخبط كده
شهد كانت بتكلم نور ولما سمعت الباب اتفزعت قامت لبست النقاب وخرجت بسرعه ومن الخضه نسيت تقفل الخط
وجريت علشان تشوف في ايه
شهد هدت سميره وراحت تفتح الباب وتشوف مين الي بيخبط
تلاقي ماهر قدامها
شهد وسميره . انت
سميره .انت طلعت امته
ماهر .ازيك يا حماتي عامله ايه و ايه المقابله الناشفه دي
ده بدل ما تقوليلي كفاره او حمد لله علي سلامتك
شهد. جتك حمه يا بعيد عاوز مننا ايه حل عن سمانا بقا
ماهر .اسكتي انت يا بت
سميره .استني انت يا شهد .
عاوز ايه يا ماهر مش طلقت نور وخلصنا وكل واحد راح لحاله
ماهر .لا ده انتو بتحلمو نور دي بتاعتي وانا مطلقتهاش الا بعد مارفعت قضيه خلع
بس عرفي اختك انها لسه علي زمتي انا ردتها
وده من حقي وورقت الطلاق الي معاها تبلها وتشرب ميتها
شهد وسميره .ردتها ازاي
ماهر بضحكه خبث.هقولكم المحامي بتاعي قالي لو اتخلعت ملكش تردها
لكن لو طلقتها ممكن تردها
وفعلا طلقتها والمأزون خلص ومشي وبعد ما استلمت وراقها علشان متشكش في حاجه
المحامي بتاعي جاب المازون تاني وردتها
وده حقي هههههههههههههععع
والمحامي مخلهاش تعرف حاجه لحد ما اطلع لكم وارجعها ليا ........
انا جتلكم علشان تقوليلها الكلمتين دول وهي مسافره علشان ترجع لجوزها تاني ............ههههههههههههههه
سلام يا حماتي
ومشي ماهر وسميره انهارت علي الكنبه
وشهد بعد ما مشي رزعت الباب وراحت تشوف سميره
كل ده ونور علي الخط سمعت كل حاجه وعماله تعيط .........
سميره .هنعمل ايه يا بنتي بعد ما قلنا ارتاحنا من خلقته رجع ينط لينا تاني ولا والمجرم ردها من ورانا وشكلو عارف كل حاجه وعارف ان نور سفرت .وبعياط يارب حلها من عندك يارب افرجها
شهد تاخد سميره في حضنها وتفضل تقرا قران لحد ما سميره هديت
ونور قفلت الخط علشان ميعرفوش انها عرفت حاجه
(نور دي اخت سميره الصغيره عندها ٢٩سنه دكتوره بيطريه وسافرت تحضر الدكتوراه بره بعد ما اطلقت من ماهر بعد ما اتسجن وكان اصلا اتجوزها غصب وسفرها كان طلب من سميره علشان تطمن عليها )
في المستشفي عند زين
زين بدا يفوق بعد المحلول
زين هو ايه الي حصل وتعدل قعد علي الكنبه
ويوسف حمد لله عالسلامه شال الكانيولا والمحلول
ومراد جاب جهاز الضغط وقاسه له واطمن ان كل حاحه تمام
مراد .ولا حاجه سياتك ضغطك وطي فجاه واغمي عليك
والباب يخبط والممرضه تجيب نتيجه التحليل لمراد وتخرج
يوسف .ايه التحاليل فيها ايه
مراد .زي ما توقعت انميا
زين .نعم
مراد بزعيق خفيف .تخيل شحط زيك الهمجلوبين بتاعه عشره
فسرهالي انت بقا يا دكتور
زين ويوسف بصو لبعض وسكتو
مراد .بص لزين انت دلوقتي تروح البيت وتاخد اجازه شويه وترتاح وتتغذا
وانا هجبلك العلاج وانا جاي
زين .لسه هيعترض
مراد كلمه كمان وهكون مكلم ابوك قايل له وبدل ما ترتاح بمزاجك ترتاح غصب قلت ايه
زين .لما حس بزعل مراد وانو بيتكلم بجد
حب يفك الجو شويه
خلاص اهدا يا دكتره هعمل الي انت عاوزو بس هدي اعصابك
يوسف .طب يلا انا مروح هاخد زين معايا
وانت يا مراد
مراد لا لسه عندي عمليه وهجيب العلاج واحصلكم
ويسبهم ويخرج وهو متعصب ويقفل الباب جامد
ويوسف وزين يضحكو عليه ويوسف ياخد زين ويروح علي القصر
عند شهد في البيت
سميره بزعيق الحقيني يا شهد مصيبه
شهد في ايه يا امي خير
سميره نور كلمتني وعاوزه تنزل من السفر وانا مش عارفه اعمل ايه
شهد... ....................
روايه الشهد والدموع
الفصل ١٤
في البيت عند شهد
سميره .الحقيني يا شهد في مصيبه
شهد بخضه خير يا امي .
سميره .نور مصممه تنزل ومش راضيه تسمع كلامي
شهد يادي المصيبه
انا هكلمها واحاول اقنعها
سميره طب كلميها وطمنيني عليها
وفعلا شهد ترن علي نور
نور .السلام عليكم
شهد .وعليكم السلام .ايه يا نور الكلام الي ماما بتقوله ده
نور .ايه يا شهد هنزل بلدي اعيش في وسطكم
اكيد مش هعيش حياتي في غربه
شهد.بس انت متعرفيش حاجه
نور .بغضب خفيف .لا اعرف كل حاجه
سميره وشهد باستغراب وتوتر
شهد بتوتر تعرفي ايه
نور وتنهار في الفون .انا عرفت ان الزفت ماهر طلع وجه وهددكوم وكمان عرفت انه رجعني لعصمته غيابي
وتعلي صوتها بعياط .قولولي افضل هنا اعمل ايه
لا هعرف اتجوز ولااكون اسره وخلاص انكتب عليا الوحده ولا هعرف اعيش من غيركم
ولو هفضل عايشه لوحدي لا الموت اهون عليا
انا هرجع ونقوي بعض ونشوف ربنا هيعمل ايه انا دلوقتي دكتوره في الجامعه وعاوزه اعيش حياتي وسط اهلي
شهد بصت علي سميره بحيره وفعلا كلام نور مقنع جدا
وسميره ردت عليها بقلت حيره ووافقتها
شهد .طب قدامك مده اد ايه علشان نبقي مجهزين امرنا
نور .مش اقل من شهر علي ما اخلص الورق
شهد .ماشي يا حببتي خلي بالك من نفسك
نور .وانت كمان وخلي بالك علي ماما وهديها متخليهاش تقلق عليا .الي كتبه ربنا هو الي هيكون
لا اله الا الله
شهد محمد رسول الله وقفلت
وراحت لسميره الي كاتمه صوتها علشان نور متحسش بيها
شهد خلاص يا امي هي عندها حق وتبقي في وسطنا
احسن من الغربه وربنا مش هينسانا ...... ......... . .......بقلمي ديدا احمد
سميره .ونعم باله بس هي عرفت منين ان الزفت ده رجعها انا هتجنن
شهد مش عارفه والله يا امي
انا بفكر اروح لمحامي اشوف رايه ايه في موضوعها
سميره .اه صح يا بنت وربنا يحله من عنده ..
في القصر
يوسف داخل هو وزين .
يوسف وزين .السلام عليكم
الكل .وعليكم السلام
كان ادهم نازل علي السلم .
ويوسف وزين .افجؤ بيه وفرحو انهم شافوه
يوسف .بفرح حبيبي اخويا الي ماخر فرحتنا حمد لله علي السلامه
ادهم .مستعجل انت اوي وهمس في ودن يوسف بس فكره صيعه بتاعه كتب الكتاب دي بس بجد تسلم دماغ متكلفه انت والواد مراد
يوسف .اي خدمه يا معلم
وزين يبارك لادهم علشان مفهوش من يوم الحفله
ويستاذن علشان يرتاح
يوسف يبص عليه بقلق بس زين بيطمنه انه كويس زين يطلع يرتاح ويوسف يطلع ياخد شور ويغير
اما ادهم هيموت ويكلم مريم من ساعه ما جه وهي متجاهلاه جدا وعلي العكس مع الكل فرحانه ومبسوطه وده هيجنن ادهم
بس قرر انه لازم يتكلم معاها ويعترف لها بمشاعره وخصوصا انهم اتفقو علي كتب كتاب مش خطوبه
يعني مينفعش غصب في الموضوع بس بردو مش هيسبها تضيع من ايده
وادهم بعد طول انتظار ومراقبته لمريم ومش لاقي فرصه ولو صغيره يستغلها بس مره واحدةيلاقيها بتتكلم في الفون وخرجت في الجنينه
ادهم في نفسه دي الفرصه المناسبه اني اكلمها لوحدها
وخرج من غير ما حد ياخد باله واستني لحد ماخلصت
واح عندها
ادهم .مريم .
مريم مدياله ضهرها واول ما سمعت صوته كيانها كله اتهز
واخدت نفس جامد وقررت المواجهه
مريم لفت له .نعم اي خدمه
ادهم .ممكن نتكلم سوا لوسمحتي
مريم .بنبره سخريه ياه الرائد ادهم بيستاذن لا دا انا بحلم
ادهم استغرب من ردها عليه بس لازم يتحكم في اعصابه وغضبه هو عاوز يصلح مش يخرب
ادهم.لا يا مريم مش بتحلمي بس انا عاوز اقولك كلمتين ولازم تسمعيهم
مريم اتفضل قول الي انت عاوزه انا سمعاك
ادهم .احم انا .يعني كنت احم ........ عاوز ....
مريم .حست باحساس غريب اول مره تحسه
حست بالقوه وان ادهم هو الي ضعيف قصادها
مريم بجديه خير عاوز تقول ايه
ادهم .احم انا كنت عاوز منك انك لازم تنسي الكلام الي انا قولته لكي قبل الحفله وبقول نبدا من اول وجديد
مريم . بضحكه استهجان .انسي انسي ايه ياحضره الظابط انسي قهرتي ولا كسرتي ولا دموعي ولا ضعفي
مريم بقوه وشجاعه لاول مره
اسمع مني بقي الكلمتين دول ولو سمحت متقاطعنيش واخدت نفس طويل
انت لو ضميرك انبك شويه من التهديد والضغط عليا
احب اقولك اني ممنونه ليك وانك زي ما كنت السبب الرئسي في شخصيه مريم الانهزاميه بكل كلمه كسرتها بيها واي موقف قللت منها فيه
احب اطمنك واقولك ان تهديدك هو السبب في شخصيه مريم الجديده الي لسه بتتبني بس مش هسمح لاي حد مهما كان انه يهدها
ومش هنكر واقولك ان تهديدك مش السبب في موفقتي علي الخطوبه لا هو السبب لاني خفت بجد
خفت علي نفسي واهلي وعليك تقل في نظرهم
بس انا دلوقتي اقدر ارفض ومتاكده ان اهلي كلهم هيبقو في ضهري
ادهم بضعف لاول مره .بس انا
مريم بسرعه لو سمحت متقاطعنيش
مريم.انا ممكن اوقف كل حاجه دلوقتي بس انا مش هعمل كده علشان سببين
اولهم ماما ماجده وعمو ماجد وماما وبابا ميستهلوش اكسر فرحتهم واهز ثقتهم في ابنهم
تاني حاجه انا عارفه انك اناني مش ههتتنازل عن الي فدماغك ولو ضميرك انبك دلوقتي شويه وهترجع تاني للي كنت بتعمله معايا
واوعدك هتعامل معاك بكل احترام زي ما انا اتربيت بس مش هاجي علي كرامتي في اي حاجه او تعامل معاك
وان شاء الله ... هحاول اني انسا الي انت عملته بس موعدكش ان الي اتكسر يتصلح عن ازنك
وتسيبه وتمشي وتجري تطلع علي اوضتها وتقفل الباب
وتاخد نفسها ومش مصدقه نفسها انها واجهت ادهم وقالت له الكلام ده في وجوده كمان
وفضلت مستغربه من نفسها كتيير اوي وفضلت
سرحانه كتتتتتر وفرحانه بنفسها وعندها احساس انها انولدت من جديد
نرجع لادهم الي واقف متنح ومش مصدق الي حصل والي سمعه من مريم وبيفتكر كل كلمه قالتها
ورجع يتكرر في باله كلام حمزه ان مع اخر كسره ترجع لقمه القوه وهو فعلا شاف قوه في عنيها اول مره تظهر
وزعل من نفسه انها قالت له انه سبب شخصيتها الاولي
بس رجع تاني وفرح لما عرف انها موافقه من غير تهديد وهتحاول تنسي
واخد عهد علي نفسه انه يغير فكرتها ويعرفها انه اناني في حبها بس
وعجبو جدا شخصيتها الجديده وقرر يساعدها انها تبنيها مش تهدها واكيد بافعاله هيخليها تحبه وويوصلها لمرحله العشق كمان
ويفوق وهو بيقول دا عد من الصقر والصقر مبيرجعش في عد اخده علي نفسهه
ويتنهد ويدخل جوه علشان يشوفهم هيعملو ايه في التجهيز للخطوبه .
يدخل القصر يلاقي الكل قاعد ما عدا البنات وزين الي قال انو عاوز يرتاح من العمليات
حامد ايه يا شباب قررتو ايه
علي . انا رايي نسافر الاربع والخطوبه وكتب الكتاب يكونو الجمعه ايه رايك يا عمي
مراد اشمعنا يعني يا علوش الجمعه
علي يا ازكي اخواتك لازم علشان الجمعه اجازه لينا كلنا
فطبعا مش كلنا هنسافر الاربع علشان الشغل مينفعش كلنا نسيبه
الكل استغرب من كلامه
حامد .طيب كده تمام قوي
احنا هنسافر علشان بصراحه الجماعه وحشونا اوي
وزين يفضل في المستشفي وييجي الجمعه الصبح
وعمر وعلي ومازن يمشو الشغل في الشركه
وباقي الشباب تسافر مع العرسان علشان يظبطو الليله
حامد بص لعمر يلاقيه سرحان
حامد عمر .عمك سال علي ابو هنا وطلع انسان محترم جدا
عمر بجد يا حج
حامد اه يا حبيبي وان شاء الله بعد ما نيجي من الخطوبه نروح نطلبها لك
عمر يقوم يبوس ابوه ويشكرهم ويقعد يجهز معاهم الترتيبات
ماجده .انهارده الاحد من بكرا كل واحد ياخد عرسته ويروحو يجيبو الفساتين والبدل والشبكه كمان
ماجد .يبقي ان شاء الله من بكره كل واحد يظبط اموره
وانتي يا ماجده اطلعى بلغي البنات يجهزو نفسهم ويشوفو هم محتاجين ايه
ماجده .حاضر ويطلعو يبلغو البنات انهم يستعدو ويقعدو شويه معاهم وينزلو
مريم وحنين ومليكه في اوضه مريم بيفكرو هيعملو ايه
وقررو يعملو مفاجاه لعمر ويعزمو هنا تيجي معاهم وفعلا حنين كلمتها وبعد محيلات كتير وهنا حكت لبباها عن اهل حنين وافق بعد عذاب بس .
هنا قالت لهم ان بباها هيوصلها عندهم يوم الجمعه الصبح وييجي ياخدها تاني يوم وفعلا بعتو له العنوان .علي موعد باللقاء يوم الجمعه
ومريم والبنات كلمو شهد وحكولها كل الي حصل وتحيلو عليها كتير انها تكون معاهم وخصوصا ان كلهم حبوها اوي ومريم كلمت سميره و سميره باركت للبنات واتحايلو عليها كمان تحضر بس اعتذرت وقالت ان شهد هتيجي لهم يوم الخميس وترجع بليل وتجلهم تاني يوم من الصبح لحد ما الخطوبه تخلص وممكن تبقي تبات عندهم لو الخطوبه خلصت متاخر وكده كده االمسافه من عندهم للقناطر نص ساعه بالعربيه واتفقو علي اللقاء الخميس
والبنات فرحو جدا وكل واحده راحت بتها تستعد ليوم حافل غدا .
الشباب طلع كل واحد علي الاوضه بتاعته
عند مراد في الاوضه بيقلع الساعه ويحطها علي الكومود
يلاقي العلاج بتاع زين ياخد العلاج ويروح علي اوضه زين يخبط ويدخل
مراد اخبارك ايه دلوقتي
زين. يابني متكبرش الموضوع انا زي الفل كان اجهاد مش اكتر
مراد اه منا عارف اترزع بقا علشان اطمن عليك
زين يلا احترم نفسك انا الكبير
مراد هتنام بالزوق ولا انادي الحاج يساعدني
زين بضحك هو انا اتكلمت تعالا اعمل الي انت عاوزه
مراد ناس تخاف
زين .انجز احسن
مراد يكشف عليه ويلاقي الضغط اتظبط وضربات القلب كمان تمام
مراد تمام كده مفضلش بقا غير الانميا الي لازم تتظبط
وكدا يابرنس هتمشي علي حقن الحديد اسبوع
زين .نعم لا هاخد اي حاجه تانيه وخلاص برشام او فوار بلاش حقن
مراد .انت عارف انه مش هينفع ومش هيجيب نتيجه
انجز وخلصنا من الحوار ده
زين يستسلم لان مراد عندو حق وهو عارف كده كويس
زين بزهق
يلا خلصني معاك هنا الحقن ولا ابقي اجبها بكره
مراد لا معايا متقلقش ويطلع حقنه ويجهزها وزين يقف قدام مراد ولسه مراد هيديها له الباب يتفتح فجاه
وزين ومراد ويتخضو ويتنحو علي الي داخل من الباب
Dida
تكملة الرواية من هنا 👇👇👇👇👇👇