الحلقة 38.....39.....والاخير
من قصة ( المليونيرة الفقيرة )
ادم ورجالته وصلو المصنع
ودخلو بسلاحهم قلبو المكان بس ملقوش حاجة
عادل كلم ادم بالتليفون في نفس اللحظة
عادل .. هو حضرتك بتدور على حاجة ياادم بيه ههههههه
ادم .. لأخر مرة هحذرك رجعلى مراتي وبنتي
عادل .. بشرط
ادم .. انطق
عادل .. ترجعلى دعاء
ادم .. ايه!!!
عادل .. ايه مسمعتش ؟!
ادم .. هو ال مات بيرجع تاني ؟!
عادل .. وبردو ال عند عادل مبيرجعش تاني 😏
_________
دينا .. كنت بتكلم مين !؟
عادل .. مفيش
دينا .. دا ادم ؟
عادل .. اه
دينا .. كان عايز منك ايه ؟
عادل .. كان عايز يساومني على مراته وبنته
دينا .. انت عملت ال في دماغك بردو وخطفتهم ياعادل ؟
عادل .. ما انتي عارفة
دينا .. طيب وهتعمل ايه ؟!
عادل .. تعالى نتكلم في مكان هادي
دينا .. ماشي نروح عم سيد ونشوف الموضوع ده
______
فعلا خدو عم سيد على الڤيلا
وبعد كده طلب عادل من عمار يبقا موجود في الڤيلا برجالته
وياخدو بالهم كويس من اهل البيت
ومن ثم خد دينا معاه في العربية وخرجو راحو على بيت
عادل دخلو قعدو في الصالة وعادل دخل المطبخ يعمل
فنجانين قهوة ودينا وقفت جنبه وبيكلم في دينا
دينا .. ادينا بقينا وحدنا احكيلي بقا ايه ال بيدور في دماغك
عادل .. قوليلي يادينا انتي متأكدة من إن ام عمار واخته
اتقتلو ؟!
دينا .. اه
عادل .. شفتي ده بعينك ؟
دينا .. لا
عادل .. في حاجة غريبة ملاحظها
دينا .. إيه ؟
عادل .. ادم الصفتي عارف كل تحركاتنا خطوة بخطوة
دينا .. إزاي ده ؟!
عادل ..يعني مثلا عرف منين إننا في المستشفي مع عم سيد!
وعرف منين إننا كنا رايحين الغردقة عشان مراته وبنته !
وال أكد شكي أكتر إني غييرت مكان الست وبنتها لمكان كده
اعرفو انا وديزل وبعدها بشوية كان ادم موجود في المصنع
دينا .. قصدك يعني انك شاكك عمار ؟
عادل .. عندك حل تاني لكل ال بيحصل؟
دينا .. بصراحة لأ ، بس هو هيعمل كده ليه
عادل .. معرفش ؟؛
دينا .. طب سيبني أتأكد من موضوع امه وأخته وبعدين
نشوف هنعمل إيه
عادل .. تمام ماشي ، اشربي قهوتك
____________
في بيت ادم
ادم .. وصلت ل إيه يامازن
مازن .. الواد مع البت دينا في بيته دلوقتي
ادم .. مازن ، انا عايز مراتي وبنتي في أسرع وقت ،سمعت؟
مازن .. حاضر يافندم
ادم .. عرفت مين ال بيبعتلى رسايل ولا لسه؟
مازن .. بعتنا الرقم لحبايبنا في شركة الإتصالات ومستنين
منهم بيانات صاحب الخط
ادم .. نفسي اعرف مين ال بيساعدني في الخفا كده
مازن .. انا كمان مستغرب يافندم ، إزاي في حد بيبعتلك
كل المعلومات عنهم من غير أي مقابل ومش راضي يعلن
نفسه ليك
ادم .. الموضوع ده هيجنني ، بس مين ال بيكره الواد
عادل للدرجة دي عشان يعمل فيه كده !!
مازن .. انا عندي شك في عمار
ادم .. معقول كرهه لعادل يخليه يساعد حد قتل امه وأخته؟!
مازن .. عالعموم خلينا ننتظر لحد بياناته ما تيجي
ادم .. عالعموم راقبلي كل واحد فيهم عادل دينا عمار حتي
ال يعرفوهم من بعيد
مازن .. حاضر ياأدهم بيه
________
في الڤيلا
ام دينا .. في ايه صوتكم عالي ليه !
ابو دينا .. تعالى شوفي سيد مش عايز ياخد الحقنة ياستي
ام دينا .. وبعدين معاك ياسيد انت مش صغير عشان تخاف
من الحقن !
سيد .. انا مش خايف من الحقن ، انا مش لاقي مكان اخد
فيه حقن تاني ، جسمي كل اتخررم ياظلمة
ام دينا .. يارجل انت بتولول زي النسوان كده ، انشف كده
وخليك راجل ، انا عارفة ايه ياخويا ايه رجالة اليومين دول
سيد .. هات ياسيدي الحقنة اهي عالأقل احسن من لسان
ام اربعة واربعين دي
ام دينا .. بقا كده ياسيد ،، الله يسامحك ، انا هروح اجيبلك
لقمة ترم عضمك ياكشي يتمر في أهلك ،وهي خارجة ضربته
على .... وهو نايم على باطنه
سيد .. اااااااااااه غوري ياكش يارب تتشلي
شوية ورجعت ام دينا بالأكل
أم دينا .. اسكت ياد ياسيد عملالك دكر بط كنت حالفة
ما يطلع غير للحبايب بس يلا نصيبه كده بالهنا والشفا
سيد .. يعني هو منين بيودي على فين !!! ايه الكلام ال
مش عارفه إن كان حلو ولا وحش ده !!
ابو دينا .. كل وانت ساكت ياسيد متعلقش 😅
ام دينا .. خلينا نتكلم في الجد شوية ، انا خايفة على العيال
ليهم كام يوم منعرفش هما بيعملو ايه ولا وصلو لحد فين مع
الزفت ادم
ابو دينا .. والله انا مش خايف غير من عادل
سيد .. ليه !!
ام دينا .. انا مش عارفة انت ليه حاطط عادل في دماغك!!!
ابو دينا .. ياولية انا اقصد إن عادل متسرع في قراراته
وخايف على البت لأنها ماشية وراه ومطوعاه
سيد .. لا يا ابو دينا ملكش حق ، انت عارف إن دينا غالية
عند عادل ولا يمكن يخاطر بيها ابدا
ابو دينا .. ربنا يسترها
في نفس اللحظة كان عادل ودينا جم على البيت
عادل .. ازيك دلوقتى ياعم سيد
سيد .. الحمدلله ياابني احسن شوية
دينا .. شد حيلك شوية ياعم سيد متاخدش على الرقدة
سيد .. ان شاء الله يابنتي
عادل .. طب احنا قاعدين في الجنينة بره لو احتجت حاجة
اندهلي
سيد .. ربنا يخليك ياعادل
____
فعلا خرج عادل قعد هو ودينا في الجنينة
وعادل نده لعمار وجه قعد معاهم
عادل .. شفت ياعمار ال حصل
عمار .. خير ؟
عادل .. ادم عرف مكان مراته وبنته وراح على المصنع
عمار قام وقف وقاله .. إزاي ده حصل
عادل .. مش عارف ، بس كويس اني نقلت مكانهم على اخر
لحظة
عمار .. الحمدلله ، طب وديتهم فين!
عادل .. خدتهم على مكان تاني تبع دينا برضو
عمار .. تمام بس ياريت تاخد بالك
دينا .. طب انا هدخل الحمام وأرجعلكم
عمار .. وانا عندي مكالمة شوية وبرجع
____
في بيت ادم
ادم قاعد وفجأة في رسالة وصلت
ادم .. فتح تليفونه بسرعة لقيها رسالة من مجهول مكتوب
فيها
( انا عرفت مكان مراتك وبنتك ، هتأكد من المعلومة وأبعتلك وياريت تتحرك بسرعة وقت ما أبلغك بلاش غباء)
ادم .. ياماااازن انت يازفت
مازن .. نعم ياأدم بيه
ادم .. وصلت لصاحب الرسايل ولا لسه !؟
مازن .. لسه يافندم
ادم .. معرفش انا الكلام ده ، اعرفلى مين صاحب الرسايل
حالا
مازن .. طب ما شي ،، ومسك تليفونه ورن على الراجل بتاعه
ال في شركة الاتصالات
مازن .. عرفت بيانات الرقم ولا لسه ؟
الموظف .. لسه ياأستاذ مازن ممكن تستناني ساعة !
مازن .. مفيش وقت اعمل اي حاجة وهاته دلوقتي وهديك
اضعاف ال هتاخده
الموظف .. طب خليك معايا
بعد دقيقتين
الموظف اعطى بيانات الرقم لمازن
مازن قفل معاه المكالمة وقال لأدم عرفته ياأدم بيه
ادم .. انطق بسرعة مستني ايه
مازن .. _______________________
الحلقة قبل الأخيرة من رواية ( المليونيرة الفقيرة )
ادم .. ياماااازن انت يازفت
مازن .. نعم ياأدم بيه
ادم .. وصلت لصاحب الرسايل ولا لسه !؟
مازن .. لسه يافندم
ادم .. معرفش انا الكلام ده ، اعرفلى مين صاحب الرسايل
حالا
مازن .. طب ما شي ،، ومسك تليفونه ورن على الراجل بتاعه
ال في شركة الاتصالات
مازن .. عرفت بيانات الرقم ولا لسه ؟
الموظف .. لسه ياأستاذ مازن ممكن تستناني ساعة !
مازن .. مفيش وقت اعمل اي حاجة وهاته دلوقتي وهديك
اضعاف ال هتاخده
الموظف .. طب خليك معايا
بعد دقيقتين
الموظف اعطى بيانات الرقم لمازن
قفل مازن مع الموظف وقال لأدم عرفته ياأدم بيه
ادم ،، أنطق بسرعة مستني إيه
مازن .. متسجل بإسم سعاد محسن ظعبوط
ادم .. أنت بتهزر يلا!!
مازن .. لا دي حقيقة ياأدم بيه
_____________
في نفس اللحظة كان عادل في هيتجنن بسبب
ابتعاد الأتنين في لحظة واحدة عنه وبدأ الشك يلعب جواه
قام راح يدور على عمار لقاه واقف في مع الصالة مع دينا
عادل .. بتعملو ايه !!!!!!!!!
دينا .. ارتبكت وقالت مفيش حاجة
عمار .. ارتبك والتليفون وقع من إيده
عادل .. واقفين مع بعض وسايبيني لوحدي بره ليه!!!
دينا .. مفيش انا خلصت الحمام وطلعت لقيت عمار
بيعمل مكالمته زي ماقالك
عادل .. بس عمار لما قالي انه هيروح يعمل مكالمة مكنتيش
كنتي انتي رحتي الحمام ومش موجودة معانا
دينا .. هه ، لا ماهو قالي إني قالك إنه هيعمل مكالمة
عادل .. ماشي !! أستئذن أنا دلوقتي
دينا .. هتروح فين ؟
عادل .. بعدين بعدين
______
خرج عادل وهو في حالة حيرة ومش مصدق ولا مستوعب
ال شافه !!!
______
دينا .. تفتكر عادل شك في حاجة ؟!
عمار .. مش عارف بس أكيد عادل مش هيصدق بالساهل
دينا .. خايفة يكون حس بحاجة
عمار .. دا حتى مرضيش يقولنا رايح فين ولا هيعمل ايه
دينا .. عادل شكله فقد الثقة فينا
عمار .. دي كانت تبقا كارثة
دينا .. ربنا يستر الست وبنتها كده هيبقو في خطر
عمار .. طب إيه !
دينا .. لازم نعمل حاجة
عمار .. هنعمل إيه طيب ، دا احنا حتى منعرفش مكانهم
دينا .. لازم نوصلهم مفيش قدامنا حل تاني
عمار .. على العموم الرجالة ال كلفتها بمراقبة عادل اكيد
طلعو وراه دلوقتي ولو هو فعلا رايح عندهم يبقا مكانهم
هيبقا عندنا متقلقيش
_____________
عادل بعد ما سابهم بشوية أكتشف إن في ناس بتراقبه
وعربيات بتسلم بعضها وراه ابتسم عادل وخدهم في شوارع
وحواري ضيقة وبعد كده ساب عربيته وكمل جري في
مشهد أكشن مثير لحد ما نفد منهم
ديزل .. اهلا استاذ عادل
عادل .. البنت وأمها أخبارهم إيه
ديزل .. بخير ، بس إيه الزيارة المفاجئة دي ؟!
عادل .. في حاجة غريبة بتحصل
ديزل .. خير ياأستاذ عادل ؟!
عادل .. دينا وعمار شكلهم بيعملو حاجة مش مفهومة
ديزل .. حاجة ايه ؟!
عادل .. معرفش ، بس لحد ما أعرف مش تاخدهم محل ثقة
ديزل .. حاضر يااستاذ عادل
عادل .. على فكرة مش عايزك تطلع من المكان نهائي
مهما حصل لأن في ناس كتير بتراقبني ونفدت منهم بالعافية
حتى كلامنا في التليفون يكون قليل ويستحسن تغيير رقمك
ديزل .. حاضر يااستاذ عادل
________
ادم .. لا ماهو مش هتجنن بقا
مازن .. هدي نفسك ياأدم بيه مش كده
ادم .. إزاي يعني الولية ام دينا هي صاحبة الرقم ، دا انا
لو صدقت إن الدنيا كلها بتساعدني عمري ما أصدق إن دي
بالذات تساعدني
مازن .. يمكن حد مسجل الخط بإسمها ياأدم بيه
ادم .. ويعني انت كده حليتها دي كده تبقا اتعقدت أكتر
مازن .. يعني ايه!؟
ادم .. يعني شكك في عمار طلع بلح
مازن .. تقصد إيه ؟!!
ادم .. محدش يقدر ياخد خط واحدة زي دي غير قريبها
من الدرجة الأولى ودي معندهاش غير جوزها وده عايش
كمالة عدد والبت ال اسمها دينا ودي الطرف الأساسي
في العداوة معايا ، يبقا مين فيهم ال بيعمل كده ؟!
مازن .. ما يمكن الجدع ال اسمه سيد ماهو ده شبه عايش
معاهم بالبيت ؟!
ادم .. مش عارف مفيش قدامي غير إني أنتظر رسالة
المجهول
مازن .. لحظة بعد إذنك ارد عالتليفون ( الو )
ايوه ازاي يعني فلت منكم يابهايم ،!!؟
في ايه ؟! طب متأكد من الكلام ال بتقوله ده !!!!!!
خلاص غور دلوقتي وحسابكم معايا بعدين
ادم .. في إيه؟!
مازن .. عادل عرف يخلص من المراقبة ال عليه ومنعرفش
هو فين دلوقتي لأن الرجالة ال مراقبين بيته بيقولو إنه
مرحش على البيت
ادم .. انت ورجالتك عايزين الحرق وحسابكم معايا بعدين
ياكلاب ، واضح إنك مبقتش تعرف تشتغل زي زمان
حتى الرجالة بتوعك بقوا متدلعين وحتة عيل مش
عارفين يمشو وراه
مازن .. في خبر غريب يافندم
ادم .. انطق يافقر
مازن .. الرجالة بيقولو إن في ناس تانية كانت مرقباه
ادم .. كملت ، ومين دول بقا !؟
مازن .. اول ما أعرف هبلغ حضرتك
ادم .. طب غور من وشي دلوقتي غووووور
_____
عمار .. العيال ال كانو وراه بيقولو إنه عرف يهرب منهم
دينا .. عادل مش سهل وذكي ، وعارف هو بيعمل ايه
عمار .. قالو إن رجالة أدم الصفتي هما كمان كانو وراه
دينا .. عارفة إن أدم مراقب كل واحد فينا ، الموضوع مش
سهل وخطف البنت وامها قلب الدنيا علينا وعادل شكله
مش ناوي يجيبها البر عالعموم خلى الرجالة ياخدو بالهم
كويس
عمار .. إيه ده ، باباكي شكله لابس وخارج
دينا .. على فين كده يابابا
ابو دينا .. رايح أجيب جماعة عمك سيد عشان عايز يشوفهم
دينا .. طب ورايح بنفسك ليه ، كنا بعتنا حد راح جابهم
بالعربية !!
ابو دينا .. لا يابنتي كتر خيرك خليني اروح بنفسي حتى
منها بردو اشوف اهل الحارة وحشونى
عمار .. طب انا جاي معاك عمو
ابو دينا .. لالا خليك ياابني انا عايز أكون لوحدي
دينا .. مالك يابابا ، انت تعبان ولا حاجة !؟
ابو دينا .. لا خالص يابنتي سيبوني بقا متعطلونيش
دينا .. طب دقيقة اخلى السواق يجهز العربية عشان يوصلك
ابو دينا .. قولتلك هروح لوحدي متخنقنيش بقا يادينا
دينا .. خلاص خلاص يابابا براحتك
__________
فعلا خرج ابو دينا لوحده ودينا بعتت رجاله يراقبوه من بعيد
عشان يحموه
بس للأسف الإشارة ال وقفت بعد التاكسي ال كان راكب فيه
ورجالتها إتعطلو ومعرفوش يكسرو إلإشارة ولا عرفو هو
مشي إزاي
بعد شوية دينا عرفت وغضبت اوي بس خلت الرجالة
ينتظروه في الحارة عند البيت
بس الغريب في الموضوع إن ابو دينا إتأخر ساعتين ولسه
مجاش
في نفس اللحظة التاكسي وقف وابو دينا نزل
اتمشى شوية وبعد كده وقف وبص للشخص ال كان مديله
ضهره قدامه وأبتسم ___________
الحلقة الأخيرة من رواية ( المليونيرة الفقيرة )
فعلا خرج ابو دينا لوحده ودينا بعتت رجاله يراقبوه من بعيد
عشان يحموه
بس للأسف الإشارة ال وقفت بعد التاكسي ال كان راكب فيه
ورجالتها إتعطلو ومعرفوش يكسرو إلإشارة ولا عرفو هو
مشي إزاي
بعد شوية دينا عرفت وغضبت اوي بس خلت الرجالة
ينتظروه في الحارة عند البيت
بس الغريب في الموضوع إن ابو دينا إتأخر ساعتين ولسه
مجاش
في نفس اللحظة التاكسي وقف وابو دينا نزل
اتمشى شوية وبعد كده وقف وبص للشخص ال كان مديله
ضهره قدامه وأبتسم
عادل .. اهلا ابو دينا
ابو دينا .. ازيك ياعادل
عادل .. الحمدلله
ابو دينا .. عشان مطولش عليك أكيد أنت عارف معزتك عندي
عادل .. اكيد ياابو دينا
ابو دينا .. وعارف طبعا إني كنت متعاطف معاك بشكل كبير
في موضوعك مع دينا لأنك غالي عليا وبحبك
عادل .. ايوه طبعا عارف
ابو دينا .. بس مش أكتر من بنتي
عادل .. تقصد إيه ؟!
ابو دينا .. أقصد إن دينا بنتي ودي الحاجة الوحيدة ال طلعت
بيها من الدنيا ، ولا يمكن ارضا إن يحصلها أي مكروه بسبب
اي حد مهما كان مين
عادل .. وليه بتقولي الكلام ده !
ابو دينا .. أنا منكرش عليك إني سمعت الحوار ال دار ما بين
دينا وعمار وعرفت قد إيه هما خايفين منك على الست وبنتها
عادل .. وإيه كمان ؟!
ابو دينا .. بنتي مينفعش تتحط في مشكلة أكبر من ال هي
فيها مع ادم الصفتي خاصتا لو قتلت الست وبنتها
عادل .. أقسملك ياابو دينا إن دينا عمرها ما هيمسها مكروه
طول ما أنا عايش إتطمن أنا عمري ما أخون لقمة العيش
ال قسمناها سوا
أبو دينا .. كده طمنت قلبي ، أستئذن أنا
عادل .. ياريت محدش يعرف بالمقابلة دي حتى دينا نفسها
ابو دينا .. إتطمن
___________
دينا .. أنا هتجنن بابا أتأخر ليه لحد دلوقتي
عمار .. هو في مكان تاني ممكن يكون راح عليه
دينا .. لا بابا عمره ماكان ليه حد تاني غير أهل الحارة
شوية وعم حسين وصل
دينا .. كنت فين يابابا قلقتنا عليك
ابو دينا .. مفيش يابنتي العربية عطلت في الطريق فكملتها
مواصلات عشان كده أخرت شوية
تليفون دينا رن مكالمة من عادل
دينا .. الو ياعادل
عادل .. عايزك انتي وعمار حالا
دينا .. طيب ماشي أجيلك فين ؟!
عادل .. على الڤيلا بتاعتك
دينا .. خلاص ماشي
_____________
ادم كان قاعد بيته وفجأة وصلت ليه رسالة المجهول
( مراتك وبنتك موجودين في الساحل في العنوان ده ..)
ادم .. يامازن انت يازفت
مازن .. نعم ياأدم بيه
ادم .. جهز الرجالة الكلب عادل نقلهم في شاليه بالساحل
الشمالى
______
في نفس اللحظة
راحت دينا وعمار على الڤيلا عشان يقابلو عادل
دينا .. خير في إيه ؟!
عادل .. عايزك تبعتي امك وابوكي وسيد على البيت القديم
في الحارة
دينا .. ليه ؟!
عادل .. هجيب الست وبنتها هنا وأسلمهم لأدم بعد ما ينفذ
كل شروطنا
دينا .. انت بتتكلم بجد
عادل .. اه
عمار .. يعني مش هتقتلهم
عادل .. أنا قولتلك إن عمري ما أقتل حد بريئ
دينا .. خلاص ماشي
عادل .. طب هطلع أتطمن على عم سيد قبل ما أمشي
دينا .. خلاص ماشي
فعلا إتطمن على عم سيد وخرج
______________
ديزل .. أهلا أستاذ عادل
عادل .. خد الحاجة ال في العربية
ديزل .. إيه ده أنت جايب تماثيل بتاعت الأزياء ليه !! هو
فعلا الرجالة ريقهم ناشف اه بس مش لدرجة إنهم يتعاملو
مع تماثيل بلاستيك 😅😅😅😅😅😅
عادل .. هاتهم ياجحش وانت ساكت مش وقت هزار
ديزل .. حاضر
عادل .. حضرت القنبلة ال طلبتها منك ؟!
ديزل .. طبعا ياريس ، ديزل مابيهزرش
عادل .. تمام ، بص ياسيدي علق القنبلة في تمثالين من دول
وظبطها على إنها تنفجر بعد 15 دقيقة من وقت تشغيلها
ديزل .. تمام ، وبعد كده ؟
عادل .. بعد ما نطلع بيهم تشوف كام واحد من
رجالتنا يستنو هنا لحد ما تيجي دينا وعمار يستلمو الست
وبنتها منكم فهمتني ؟!
ديزل .. لأ
عادل .. تعال ياحمار وفي الطريق هفهمك
________
فعلا خد عمار التماثيل البلاستك وزرع في وسطهم القنبلة
وطلع بيهم على الساحل
بعد ما وصل هناك ركبو يخت ودخلو في البحر في نفس
اللحظة كان ادم ورجالته وصلو وضرب النار اشتغل من بعيد
ركب ادم ورجالته مركب وبدأت المطاردة وضرب النار ما
بين المركبين في البحر
اعداد تتساقط هنا وهناك حتى التصقت المركبتين ببعضهم
وهنا بدأت الغربلة وضرب النار المكثف بشدة
حتى تفاجئ عادل بجميع رجاله تتساقط ولم يتبقا معه
إلا ديزل كبير رجالته
أما أدم فلم فكان متبقي معه مازن وأربع من رجاله
دام ضرب النار لفترة ليست بقليلة بداخل البحر
حتى تمكن ديزل وعادل من تقليص عددهم ليتبقى أدم
ومازن فقط
وفي هذه اللحظة سقط ديزل مودعا صديقه الذي تبقا بمفرده
لم يرى عادل أمامه خيار وهو يصارع بمفرده سوى الضغط
على زر تشغيل القنبلة
وبعدها بدأ في الدفاع عن نفسه وتعطيلهم حتى تقترب مدة
الإنفجار ، ومن حسن الحظ أصابت رصاصته رجل مازن
ولكنه أيضا اخد رصاصة في كتفه ولاكنه كان متماسك
وتبقا ادم ، وعادل ظل يتبادلان إطلاق الرصاص حتى تفاجئ
عادل بسلاحه ينفد من الرصاص فأمسك بسلاح أحد رجاله
ووضعه على رأس أحد التمثالين المغطيان بأكياس
ادم .. كنت مستغرب إنك مستغلتش الموقف وهددتني بيهم
من الأول وبتقاتل بشرف بس في النهاية طلعت معندكش
شرف 😊
عادل .. وانت يعني لما قتلت مراتي قتلتها بشرف ياخسيس
ارمي سلاحك وارفع ايدك لفوق وينزل على ركبه
ادم .. خلاص خلاص اديني رميت السلاح
فعلا رفع ايده ونزل على ركبه
وعادل مشي عليه وحط السلاح على راسه وبدأ يكتفه وقاله
عادل .. أخيرا وقعت ياوسخ لا وأي وقعة ، وقعتك جت على
فاشوش
أدم .. بصله بإستغراب !!
عادل .. جره وحطه جنب التمثالين وشال الأكياس من عليهم
أدم .. إتفجع وعينه إحمرت من الغضب والغل ال جواه لم
حس إنه إنضحك عليه
عادل .. إيه شكلها رسالة المجهول مظبطتش معاك المرادي
أدم .. تقصد إيه !!
عادل .. المجهول ال كان بيبعتلك رسايل هو أنا ياحمار
ادم .. أنت !!!!!
عادل .. مش بقلك إنك حمار وهتموت على فاشوش
أدم .. بصله وضحك
عادل .. بتضحك على أيه !!
مازن .. بالراحة وبالهداوة إرمي سلاحك بدل ما أفرتكلك
دماغك
عادل .. رمى سلاحه والوضع إتقلب
أصبح عادل متكتف وأدم واقف قدامه بيضحك بسخرية
أدم .. شفت بقا مين ال حمار وهيموت على فاشوش هههههه
عادل .. طب إضرب مستني إيه !
أدم .. قولي فين مراتي وبنتي وقتها ممكن أقبل إن أموتك
موتة أخف من موتت مراتك ال دبحتهالك قدام عينك
عادل .. مش هتشوفهم هههه
أدم .. تمام ، أنا دلوقتي قدامي أختارلك موتة من الأتنين
الأولي .. إن أسيب القنبلة ال باقيلها أقل من دقيقة ونص
وتنفجر تعملك أشلاء
والتانية .. إني أضربك برصاصة في دماغك
بس أقولك على حاجة أحسن ،، أنا هضربك رصاصة
وبعدين أسيب القنبلة تكمل الباقي ههههههههه
دينا .. مش هتلحق ،، وراحت ضربة ادم رصاصة في رجله
وفي نفس الوقت عمار كان ضرب مازن في صدره
وبسرعة فكو عادل ونطو من على المركب في أخر
عشر ثواني ، والمركب إنفجرت وتحولت لحطام من
أثر الإنفجار الهائل
____________
بعد كام يوم
عادل .. البنت وامها عملتو معاهم إيه ؟!
دينا .. وصلناهم المطار ورجعو على أميركا
عادل .. كده الحمدلله حق كل ال مات رجع
ام دينا .. ال حمدالله على سلامتك ياحبيبي مكانش يومك
عادل .. على فكرة انا مموتش ياأم دينا 😅😅
ام دينا .. يوه متأخذنيش بعد الشر عليك ياحبيبي ما انت
عارفني ياولا مش بعرف ابعبر عن شروعي
عادل .. هههههههههههههه
سيد .. مالك نايم على جنبك ليه ياواد ياعادل هههههه
عادل .. انت بتردهالى ياعم سيد هههههههه
عمار .. الف سلامة عليك ياصديقي
عادل .. الله يسلمك ياعمار ، بجد مش عارف أقولك إيه انت
ودينا ،، بس قولولي انتو عرفتو مكاني ازاي
دينا .. أقولك ومتزعلش
عادل .. قولي مش هزعل هههه
دينا .. بصراحة لما انت طلعت تطمن على عم سيد نسيت
تليفونك في وسطينا والتطفل خلاني أفتحه ولما فتحته
شوفت الرسالة المبعوتة لأدم وقتها حكيت لعمار وخدته
ورحنا وراك على الساحل مقدرتش أسيبك لوحدك
عادل .. ياجاسوسة 😅😅😅
عمار .. عشان تعرف إن بسوريا في رجالة مو متل ما أنت
فاكر ههههههههههه
ام دينا .. وأحلا رجالة كمان ربنا يخليكم ليا ياأولاد
عمار .. احب أطمنك إن مفيش أي حاجة بيني وبين دينا
ومن وقت جيتي من اميركا حكيت مع دينا عن حبيبتي
العالقة في سوريا إنها تحاول تجيبها على مصر وتلم شملنا
وفعلا دينا مشكورة قدرت تساعدني وهي موجودة بره حاليا
ابو دينا .. وسايبها واقفة بره ليه ، ناديها نتعرف عليها
أم دينا .. زغدت أبو دينا في جنبه
أبو دينا .. ااااااه
عمار .. مالك عمو !!
ام دينا .. ده القولون يابني القولون .. هات ياابني خطيبتك
دخلت نسرين خطيبة عمار وسلمت عليهم
سيد .. وشوش عادل ،، إنطق ياصنم إنطق
عادل .. خلاص انزل من على وداني بقا هههه ،،
أم دينا .. مالك ياسيد هتطفس الواد
سيد .. مفيش ياولية ، بس عادل عايز يقولكم حاجة
ابو دينا .. خير ياابني قول !!
عادل .. بصراحة كنت عايز اتقدم لدينا
ام دينا .. لولولولولولولولوييييييييي
ابو دينا .. اتكتمي ياولية لما ناخد رأي البت
ام دينا .. يعني انت ياراجل ياعكر مش شايف البت فشخة
بوقها إزاي !!! الجواب باين من عنوانه يا تريللت عكننه 😅
سيد .. خلاااااااص مش وقتكم ، الفرح الخميس الجاي
عمار .. هيك بيكون الفرح فرحين ، راح نتزوج انا ونسرين
معكم
ابو دينا .. كده افتحي البلاعة براحتك هههههههه
ام دينا .. لولولولولولولولولولولولولويييييييييييييي
دينا .. الحمدلله المليونيرة لم تعد فقيرة 😅😅😅😅😅
ولولولولولولولولولولولولولولولولولولولولولولولويييييييي
وقبل أن تنتهي الرواية أحب أن أختمها بشكر كبير لكم
شكر لا ينتهي على دعمكم لي طوال فترة الرواية
،، حقيقة كنتم انتم الأبطال الحقيقيين
للقصة ،، أدام الله لي ودكم ومحبتكم ، وأتمنى من الله أن
أكون قد وفقت في إسعادكم ، وأعتذر لكل شخص عن أي
إزعاج بدر مني سواء كان بطريقة مباشرة او غير مباشرة
شكرا لكم🙏
( إنتهت الرواية )
لو عايز تشوف الروايه
الجديده اعمل متابعه هنا