 |
الحلقة العاشرة حتي الحلقه السادسه عشره
من قصة ( المليونيرة الفقيرة )
دعاء .. أبويا عايز يشطب دهانات الشقة ال فوقينا بتاعت
أخويا عشان ناوي يرجع من السفر قريب
دينا .. طب وانا مالي!؟
دعاء .. يابت انتي ناسية إن خطيبك بتاع دهانات😅
دينا .. قصدك عادل
دعاء .. انا قولت لأبويا إن خطيبك بتاع دهانات ووافق عليه
إن يقوم بالشغل كله
دينا .. تسلميلي ياقلبي هقوله حاضر
_____
بالليل خرجت دينا تقعد في بلكونتها لقيتها متزينة بورد جميل وشوية شموع حلوين وجو شاعري رومانسي جدا
إتفاجئت دينا بس انبهرت أوي وكانت طايرة من الفرحة بصت في بلكونت عادل لقيته واقف بيبتسم لما شاف دينا فرحانة
دينا .. أنت عملت ده كله إمتا وإزاي!!!!
عادل .. متشغليش بالك اهم حاجة انتي مبسوطة؟
دينا .. جدا جدا جدا ربنا يخليك ليا
عادل .. يالهوي أخيرا قولتي كلمة حلوة انا حاسس إني دوخت ومش قادر أتلم علي أعصابي من الفرحة😍
دينا .. بطل بكش ياواد 😅
عادل .. طب إيه مش هتسمعيني واحدة بحبك
دينا .. لما نتجوز يابابا ابقا أقولك كل حاجة
عادل .. طب ع الأقل قوليلي انتي قولتي أيه من شوية
دينا .. وبعدين!
عادل .. عشان خاطري
دينا .. قولتلك ربنا يخليك ليا
عادل .. الله ع الجمال ،، كده مبدهاش
دينا .. ولا، إعقل انت هتعمل إيه!!
عادل .. أنتي مخلتيش فيا عقل
نط عادل من البلكونة بتاعته في بلكونة دينا
ومسكها من وسطها ضمها لحضنه أوي
دينا كانت بتقاوم ورافضة انه يحضنها
بس في لحظة كده !
دينا سكنت في حضنه
وتقريبا كده هما الأتنين راحو في عالم تاني
الغريب إن دينا كانت شبه فاقدة الوعي
وعادل مش داري بنفسه
خصوصا إن الهدوء والجو الشاعري اللطيف
وأغنية ماجد المهندس ال بتقول
أطيب طعم بوستك يابو شفايف تين♥️
والله بجمالك إحترت وبرقت الشفتين♥️
مرة تذوقتهم متت ما بالك لو مرتين !
ضليت ما أشتهي صايم لي يومين ♥️
بوس الشفايف سحر غير بوس العين♥️
بشفايفك هالطعم ما تقولي جبته منين !
ال فوق طعم العسل وال جوة قمر الدين♥️
أين دينا الأن !
أين عادل الأن !
أين العقل الأن؟!
ذهب العقل بكل ما يملك من قسوة إلي الجحيم
وفرض القلب سيطرته علي جسد العاشقين
لم تكن هناك سوى قلوب تعانق نصفها المفقود
وظل الحبيب يتبادل الشفاه ليعطي كل واحدة منهما حقها
وظلت المحبوبة تسترد كل ما يأتي من أعماق قلب الحبيب
وما أجمل أن يصمت كل شيئ وتتكلم الشفاه لغتها المفضلة
فإحدى الشفتين بها رقة ونعومة تكاد تنزع منك روحك لطيب لذتها
أما الأخري فتحمل معها الموطن والمأمن والخروج من عالم الواقع للعالم الأخر فتقبض عليها بنعومة أسنانك حتي لاتفقد الفرصة
وكأن عقارب الساعة توقفت هنا !
وكأن محدش في الكون موجود !
فظل يغوص كلاهما في أعماق الأخر
حتي أراد الله أن تنتهي هذه اللحظة عندما سمعت دينا أمها بتنادي عليها
عادل .. بحبك
دينا .. بصت في الأرض وبتحاول تستعيد نفسها
عادل .. بحبك ياكل دنيتي
دينا .. ممكن اعرف إيه ال أنت عملته ده ؟؟!!!
عادل .. ولو رجعت اللحظة من جديد كنت هعمل نفس ال عملته
دينا .. ليه كده !!؟
عادل .. ششششششش وباس دينا علي جبينها وقلها ربنا يجمعني بيكي ياحبيبتي دنيا وأخرة هروح بلكونتي قبل امك ما تدخل
أم دينا .. مش سمعاني يازفتة بنادي عليكي !!
دينا .. معلش ياماما جاية أهو
ام دينا .. تعالي يلا كلي لقمة أنتي متغدتيش كويس
دينا .. لا ياماما مش قادرة دلوقتي
عادل .. طب لو قولتلك إني ميت من الجوع وهاجي أكل معاكي
دينا .. إن كان كده ماشي
عادل .. طب إدخلي وانا هلف من الباب واجي
دخلت دينا وكلعادة عادل نط من البلكونة ودخل عالصالة قعد معاهم ع الأكل علي طول
أبو دينا .. ياابني مش هتبطل شغل الحرامية ده
أم دينا .. وبعدين معاك ياواد أنت الناس لو شافتك تقول علينا إيه ؟؟!!
عادل .. الله أكلك يجنن ياحماتي بجد تسلم إيدك
أبو دينا .. من قلبك ياد
عادل .. طبعا من قلبي ده انت لو لفيت الدنيا مش هتلاقي ضفرها ياعمي
أم دينا .. بجد ياد الأكل عجبك ؟
عادل .. والله تحفة يابخت عمي بيكي
أم دينا .. طب قول لعمك ال عمره ما سمعني كلمة حلوة
أبو دينا .. ياولية أنا مش لسه قايلك العيد ال فات كل سنة وانتي طيبة
دينا .. ياابني إهدا ماتولعش الدنيا ههههههه
عادل .. أنتو بس ال مش عارفين بقيمتها أنا من هنا ورايح مش واكل غير من إيدك ياحماتي
أبو دينا .. خلينا نطلع من الموضوع وقولي عامل إيه في شغلك
دينا .. اه أفتكرت البت دعاء صاحبتي كانت مكلماني أقولك تروح تعمل شقة أخوها
عادل .. حاضر ماشي ومش هاخد منها حاجة ياستي عشان خاطرك
ام دينا .. هنقضيها مجاملات يبقا مش هتتجوزو في سنتكم السودة دي
دينا .. لا طبعا الشغل مفيش فيه مجاملات ياعادل وألا هقولها إنك مش فاضي
أم دينا .. هروح أجيب ميه من المطبخ
عادل .. لا ياستي خلاص مفيش مجاملات ( وداس علي رجل دينا ال ضربته برجلها وداس مرة تانية وضربته برجلها تاني وأخر مرة ودت رجلها ناحية رجل أبوها وعادل داس برجله أخر مرة جت علي رجل أبو دينا )
أبو دينا .. حبيبي يادوولة شايفني كوبري وبتغفلني ياابن الكلب وجري ورا عادل ال طار علي شقته ودينا كانت قاعدة بتضحك علي أبوها وهو بيجري ورا عادل لبره
ام دينا .. الواد عادل راح فين ؟!!
أبو دينا .. شبع الحمدلله وراح شقته
$$$$$¢$$$$$$$$$$$$$$$$$$
الحلقة الحادية عشر من قصة ( المليونيرة الفقيرة )
أبو دينا .. حبيبي يادوولة شايفني كوبري وبتغفلني ياابن الكلب وجري ورا عادل ال طار علي شقته ودينا كانت قاعدة بتضحك علي أبوها وهو بيجري ورا عادل لبره
ام دينا .. الواد عادل راح فين ؟!!
أبو دينا .. شبع الحمدلله وراح شقته
_________
بعد يومين
عادل .. صباح الخير يادوندون
دينا .. صباح الخير ياعادل
عادل .. اوصل لبيت صاحبتك ده إزاي؟
دينا .. لحظة هكلم دعاء تديني رقم أبوها وأبعتهولك
عادل .. أو تديني رقم دعاء😅
دينا .. إتلم عالصبح
عادل .. ايوه بأه بتغيري عليا 😍
دينا .. لا وهغير ليه!
عادل .. لا بتغيري وبعشق غيرتك وتقلك ده ياقلب الواد عادل من جوة♥️
دينا .. ماشي ياواد ياعادل هههههه
عادل .. إيه يابت واد دي كلها فترة صغيرة وهبقا جوزك وراجلك أظبطي نفسك قوليلي ياسي عادل
دينا .. نعممممم أقولك ياسي إيه😅 !!!
عادل .. بس بقا تريقة عليا وكلميلي الناس دول
دينا .. هههههههههه زعلتي يابيضة ماشي انا رايحة أكلمهم سلام
عادل .. بيضة !! ههههههه ماشي ياحبيبتي سلام
___________
فعلا عادل وصل بيت دعاء
ابو دعاء ..اسمك ايه ياابني
عادل .. اسمي عادل
ابو دعاء .. تعالي يابت يادعاء سنديني خلينا نطلع الشقة أعرف عادل علي الشغل
عادل .. معلش ياأبويا هتعبك معايا
ابو دعاء .. لا ياابني حقك تعرف الشغل بس ركز ياواد عشان معنديش صحة أطلع فوق تاني ههههه
عادل .. لا متقلقش ربنا يديك الصحة ياابويا ههههه
فعلا عادل شاف الشغل والحاج نزلته دعاء وبعد شوية رجعت ومعاها الشاي
عادل .. ليه تعبتي نفسك
دعاء .. لا ولا تعب حاجة .. قولي ياعادل
عادل .. اقولك ياعادل !! وانتي هتقوليلي ايه ؟😅
دعاء .. ههههههههههه مقصدش ( بصراحة دمك خفيف😅)
عادل .. شكرا ربنا يخليكي
دعاء .. هي دينا عاملة إيه ؟
عادل .. كويسة خلصت إمتحانات وفضيتلي😅
دعاء .. بتحبها ؟
عادل .. اكيد طبعا دي قلبي وروحي وعمري وكل حاجة ليا في دنيتي
دعاء .. ياااه للدرجادي !!
عادل .. دينا دي رزق ربنا ليا من وسع يادعاء وصدقيني لما
ربنا يكرمك بحد يحبك نص حبي لدينا هتعيشي في نعيم
عادل كان بيكلمها وهو بيدهن في الحيطة وهي واقفة وراه
عنيها حمرة من الغل والغيظ وبصتها كانت كلها حقد وكره وشر من الكلام ال سمعاه رزعت صنية الشاي في الأرض
عادل .. إتخض وبص وراه قالها ايه ال حصل مالك؟
دعاء .. مش عارفة دوخت مرة واحدة
عادل .. مسكها من إيدها قومها
دعاء .. شكرا هدخل الاوضة التانية ال جمبك لو عايز حاجة نادي عليا
عادل .. لا لو عايزة تنزلي انزلي متعطليش نفسك قصادي
دعاء .. لا ما انا فارشة اوضة هنا كنت بذاكر وانام فيها بعيد عن الدوشة
عادل .. وهو مستغرب !! خلاص ماشي !
____________
شوية وجابت دعاء الأكل لعادل وكانت لابسة لبس خفيف شوية ولازق علي جسمها
دعاء .. الأكل جاهز كل الأول وبعد كدة كمل شغلك د
عادل .. طب ليه التكليف ده ماكنش له لازمة
دعاء .. عيب الكلام ده انتي عايز خطيبتك تقول علينا بخلاء
عادل .. هههههههه بس الأكل ده كتير اوي انا هقدر اكل ده كله!!ههههههه
دعاء .. لا ولا كتير ولا حاجة وياسيدي هاكل معاك عشان متسيبش منه حاجة
فرشت دعاء الأكل علي الأرض وقعدو هما الأتنين علي الأكل
وعادل بص علي دعاء لقي لبسها طلع فوق ركبتها من قعدتها عالأرض ودعاء طبعا عاملة مش واخدة بالها
مر يوم والتاني علي نفس الوضع وكل يوم الوضع بيزداد
إثارة أكتر من اليوم ال قبله خاصتا مشيت دعاء وحركاتها
المايصة مع عادل بس طبعا عادل كان بيصد كل محاولات
دعاء لحد ما في مرة كان عادل قاعد في البلكونة مع دينا وقالها
عادل .. انا مش عايز اكمل شغل عند اخو صاحبتك يادينا
دينا .. ليه !! هما زعلوك في حاجة ؟؟؛!!
عادل .. لا بس جت ليا شغلة أحسن وخايف تروح مني
دينا .. والله عيب الكلام ال بتقولو ده انت عايز صاحبتي تقول علينا ايه
عادل مكسور في نفسه ومش قادر يقول لدينا عن حركات دعاء
دينا .. مالك سرحت في إيه ؟!
عادل .. لا ولا حاجة
دينا .. شد حيلك خلاص هانت خلينا نتجوز
عادل .. كلامك ده هو ال مخليني أستحمل وادوس عالصعب عشان المسافة تقرب
دينا .. معلش هما شوية تعب كمان عشان نرتاح بعد كده
عادل .. إن شاء الله أنا هدخل أنام عشان تعبان شوية
( عادل لسه داخل وبيقفل بلكونته )
دينا .. ياعادل عايز أقولك حاجة
عادل .. خليها للصبح عشان تعبان يادينا
دينا .. أنا بحبك
عادل .. إيه ! انتي قققولتي إيه👂
دينا .. ب ح ب ك
عادل .. ياااااااااااهووووووووووووووو
دينا .. ولا إعقل يالا هتفضحنا ولا ولا هديك في وشك
إتنطط عادل من الفرحة وطلع يجري علي دينا في بلكونتها
ودينا جريت قدامه دخلت عالصالة وعادل حمامة وراها
هي تلف حوالين السفرة وهو يلف وراه
طلعت تجري علي أوضة نوم امها وابوها وبرضو عادل بيجري
وراها لقت ابوها وامها نايمين طلعت علي السرير ونطت
الناحية التاني وعادل برضو طلع وراها ونط الناحية التانية
ابو دينا وام دينا اتصرعو وقعدو علي السرير يتفرجو
عالموقف وهما مش مستوعبين ودينا تطلع وتنط وعادل يطلع
وينط وراها لحد ما داس في ...... أبودينا ااااااااااه خصيتني
ياابن الكااااااااااالب وام دينا خدت أبو دينا في حضنها
مستقبلي ضاع ياأبن الجزمااااااااااا
أبو دينا .. غوري ياولية كده أنتي مصدقتي ،، وربنا ماهسيبك
يالا وطلع يجري بالمقشة ورا عادل ال ملحقش يفتح شقته
ونزل يجري في الشارع أبو دينا جاب كرسي وقعد علي باب
العمارة وقاله وديني لا نبات أنا وانت في الشارع وياأنا ياأنت الليلادي
أروح بقا أصالح عادل علي أبو دينا وبكرة هاجي أحكيلكم عن الكارثة ال هتعملها دعاء ويقع فيها عادل
$$$$$$$$$$$$$$
الحلقة الثانية عشر من ( المليونيرة الفقيرة )
عادل .. صباح الخير
دعاء .. صباح الورد
عادل .. إن شاء الله النهاردة أخر يوم في الشغل ياريت تقولي للحاج عشان لو في أي ملحوظات
دعاء .. بس الشغل ال باقي كتير أقل حاجة تلات أيام عشان يخلص !
عادل .. لا أنا هسهر النهاردة وأخلصه
دعاء .. مالك مستعجل كده إنت زهقت مننا ولا إيه؟!
عادل .. لا والله بس عندي شغل تاني اصحابه مستعجلين عليه
دعاء .. خلاص ماشي زي ما تحب
________
بعد شوية عادل تليفونه رن مكالمة من دينا
دينا .. ازيك ياعادل
عادل .. تمام ياقلب عادل
دينا .. كنت عايزة منك طلب
عادل .. ياسلام انتي تؤمري ياقلبي
دينا .. فرح واحد قريب ماما ومصممين إن احضر الفرح ممكن أحضره
عادل .. لأ طبعا
دينا .. هو إيه ال لأ ده قريبنا !!!!
عادل .. وانا قولتلك لأ
دينا .. طب اديني سبب مقنع !!
عادل .. فرح يعني قاعة وفيها شباب كتير
دينا .. اه وفيها إيه يعني !! انت مش واثق فيا !!؟
عادل .. مش موضوع ثقة
دينا .. لا ياعادل انت مش واثق فيا
عادل .. ياحبيبتي والله واثق فيكي بس مش واثق في ال حواليكي
دينا .. بس انا هحضره ياعادل
عادل .. وأنا قولتلك مش هتحضريه يادينا
دينا .. متقفلش دماغك ياعادل انا عايزة اروح عشان اصحابي ال مشوفتهمش من مدة طويلة
عادل .. وانا قولتلك لأ يادينا وال يريحك اعمليه
دينا .. هروح ياعادل ماهو مش إحتكار من أولها
عادل .. لو رحتي يادينا تمنها هيبقا غالي اوي
دينا .. ده تهديد !!
عادل .. لأ دي معلومة
دينا .. طب انا هروح سلام ياعادل
عادل .. سلام
_______________
عادل قفل المكالمة ولقي دعاء في وشه ماسكة الفطار
دعاء .. يلا عشان نفطر
عادل .. مليش نفس
دعاء .. لا هتفطر
عادل .. قولتلك مش هفطر
دعاء .. حطت الأكل ع الأرض ومسكت عادل من دراعه وبتشده عشان ياكل وبتقوله قولتلك هتفطر معايا
عادل .. قولتلك مش هفطر وحل عن دماغي انتي مبتحسيش
دعاء .. إنت بتزقني انت إتجننت !!
عادل .. أيوة أتجننت ممكن بقا تغوري من وشي دلوقتي
دعاء .. أنت فاكر نفسك مين انت حتت صنايعي جربوع ولا تسوي حاجة
عادل محسش بنفسه غير وهو بيضربها بالقلم
دعاء خدت القلم علي وشها اتصدمت ومزهولة ومش
مستوعبة بس ردت عليه قالتله والله لأدفعك تمن القلم ده
غالي أوي وياريت تخلص شغلك كله النهاردة وتغور في داهية
وبعد كده دخلت أوضتها وهي عنيها بتطق شرار وكل همها
إزاي تردله القلم بقلم أكبر
في نفس الوقت عادل كان مش مستوعب هو عمل إيه وعمال
يأنب في نفسه ويقول أنا إزاي عملت كده وإيه ال انا نيلته ده
وبعد ساعة خد قرار إنه يروح يخبط علي دعاء ويراضيها
بكلمتين عشان متزعلش
فعلا عادل راح عند الباب وخبط علي دعاء وفتحتله الباب
عادل .. أنا أسف حقق عليا والله ما عارف أقولك إيه بس
صاحبتك كانت عاملة معايا مشكلة وأنتي حظك دخلتي وانا
بتخانق أنا وهي
دعاء ابتسمت إبتسامة خبيثة كده لما سمعت إنه إتخانق
مع دينا وقالتله حصل خير بس أنت إيدك تقيلة أوي
عادل .. ههههه معلش بقا ميبقاش قلبك إسود
دعاء .. طب هعمل الشاي ياسيدي وبلاش نفطر النهارده
عادل .. لا هنفطر يلا بينا
دعاء .. الفطار عندك افطر انت وانا هعملك الشاي
عادل مسكها من إيدها وخدها عند الفطار وقعدو يفطرو
دعاء .. قولي بقا إنت متخانق إنت ودينا ليه ؟!
عادل حكى الموضوع كله ل دعاء
__________
ام دينا .. يابت الساعة بقت 5 وانتي لسه ملبستيش!!
دينا .. مش رايحة الفرح ياماما
أبو دينا .. ليه بقا
دينا .. تعبانة شوية
ام دينا .. الف سلامة عليكي يابنتي مالك ؟!
دينا .. لا مفيش صداع بسيط
أبو دينا .. صداع بسيط ولا الواد خطيبك رافض إنك تروحي
دينا .. متشغلش دماغك بيا يابابا خد الموزة بتاعتك وشد ع
الفرح وانا هبقا أتابعكم بالتليفون
_____________
الساعة بقت 12 بالليل ودينا رفم إنها زعلانة من عادل بس
قلبها واكلها عليه خاصتا وإنه مش متعود يأخر بره
مسكت تليفونها وكل شوية ترن عليه وهو مبيردش
____________
دعاء مع أخر كوباية شاي لعادل حطت فيها منوم وبعد كده
خدته علي أوضت نومها وحطته علي سريرها وخلعتو هدومه
وهي كمان قطعت الهدوم ال علي جسمها وسييلت الكحل
علي خدها وكأنها كانت بتعيط
الصبح جه وعادل فتح عينه لقي نفسه علي سرير دعاء وخالع
هدومه وناس كتير واقفة حواليه
$$$$$$$$$$$$$$$$$$$$
الحلقة الثالثة عشر من ( المليونيرة للفقيرة )
دعاء مع أخر كوباية شاي لعادل حطت فيها منوم وبعد كده
خدته علي أوضت نومها وحطته علي سريرها وخلعتو هدومه
وهي كمان قطعت الهدوم ال علي جسمها وسييلت الكحل
علي خدها وكأنها كانت بتعيط
الصبح جه وعادل فتح عينه لقي نفسه علي سرير دعاء وخالع
هدومه وناس كتير واقفة حواليه
عادل .. ايه ده !!!!!!!!!!!!!!!!!
واحد من الناس .. انت مش عارف ايه ده انت هتستهبل يلا
ولا إيه عالعموم متقلقش المأذون علي وصول والغلط
هيتصلح
عادل .. مأذون إيه وبتاع مين أنا معملتش حاجة
واحد من الناس .. يعني تغتصب البت وتقول معملتش حاجة
انت فاكرها سايبة ولا إيه !
عادل .. اغتصب !!!! والله ما ماعملت حاجة ومعرفش انا
بقيت كده إزاي
.. المأذون وصل ياجماعة هاتو دعاء وأي اتنين شهود يطلعو
إثبات الشخصية
عادل .. انا مش هتجوز حد انا معملتش حاجة !!
في اللحظة دي وصل عم سيد وابو دينا لما عرفو الخبر
عم سيد .. ليه كده ياعادل اخص عليك ماكانش العشم
عادل .. حتي انت كمان ياعم سيد والله ما عملتلها حاجة
ابو دينا .. هو ده ياسيد ال كنت هتجوزو بنتي !
عادل .. اسمعني ياابو دينا انا ..
ابو دينا .. خلصت ياعادل ( ومشي )
سيد .. ليه كده بس ليه ده انا كنت معتبرك زي ابني
المأذون .. خلصونا بعد إذنكم عشان عندي فرح تاني
أهل الحتة ضغطو علي عادل وجوزوه دعاء غصب عنه
خرج عادل وهو مش شايف قدامه من الكارثة ال حصلت
وصل البيت وراح علي بيت دينا علي طول خبط علي الباب
فتحتله أم دينا
أم دينا .. وليك عين تيجي لحد هنا كمان
عادل .. والله العظيم كله كدب انا معملتش حاجة
خرجت عليه دينا غرقانة في دموعها
عادل .. انتي ال هتصدقيني يادينا والله ما عملت حاجة انتي
تصدقي إن أعمل كده
دينا .. خد دبلتك وأطلع بره وشكرا اوي علي ال عملته فيا
عادل .. ايه !!!
دينا .. إيه كنت مستني مني اخدك بالحضن وأقولك معلش
حصل خير ولا كنت أقولك إيه .. ياأخي ملقتش غير صاحبتي
وتعمل فيها كده طب ليه !! عالعموم شكرا انا مكنتش
مصدقاك لما قولتلي إنك هتدفعني التمن غالي لو رحت الفرح
ورغم اني إحترمت كلمتك ومروحتش برضو دفعت التمن
غالي بس مكنتش اعرف انه هيبقا غالي اوي كده عالعموم
براڤو عليك قدرت تكسرني وتذلني لا بجد براڤو عليك
عادل .. لا والله يادينا وحياتك عندي انا ....
دينا .. الكلام ملوش لازمة دلوقتي وعلفكرة انا بلغت ماما إني
موافقة أتجوز كارم الصفتي عالأقل مهما عمل مش هيكون
بوقاحتك روح ياعادل دور علي واحده شبهك
( وسابته ودخلت جوة )
_________
خرج عادل وهو شايف الدنيا في وشه خرم إبرة ومش
مستوعب إن حياته اتقلبت 360 درجة في ساعات معدودة
قعد علي الكورنيش وشريط حياته كأنه فيلم شغال قدام
عينيه فضل ماسك نفسه وعينه بتقطر دموع
بس مقدرش يمسك نفسه كتير في لحظة انفجر في البكاء
زي الأطفال
عادل .. أنا إيه ال بيحصلي ده !!!! هو في إيه !!!😥
وانا عملت إيه عشان يحصل معايا ده كله!!؟😥
يااااارب تعبت يارب😥 ، مش قادر استحمل يارب 😥
أهلي ماتو😥 .. وحبيبتي راحت مني😥 .. وكرامتي اتبهدلت😥
وعايش في الدنيا لوحدي😥 !!
طب ايه الحكمة من وجودي يارب !! خدني عند اهلي 😥
وحشتني طبطبت امي عليا وحشني حضنها اوي يارب😥
وحشني ابويا ال من بعده الدنيا مش بطلة فيا تلطيش😥
يارب كل الببان اتقفلت في وشي مش باقي غير بابك انت يارحيم😥
ارحمني من العذاب ال انا فيه يارب😥
اللهم لا إعتراض 😥😥😥
اللهم لا إعتراض 😥😥😥
اللهم لا أعتراض 😥😥😥
_______________
بعد يومين
عادل نايم علي الأرض في الصالة سمع ام دينا بتقول اهلا
ياأستاذ كارم اتفضل
قام عادل ولع سيجارة وراح قعد في البلكونة عشان
مايسمعش صوتهم
بعد شوية كارم طلب من ام دينا إنه ياخد رأي دينا في الجواز
منه علي إنفراد
ام قالتله وماله ياخويا خديه وادخلي البلكونة يادينا عشان
قرايبنا ماشاء الله منتشرين في البيت😅
خرجت دينا مع كارم في البلكونة لقيت عادل قاعد في بلكونته
كارم .. انتي بجد موافقة
دينا .. بصت علي عادل وبتحاول تمسك نفسها
( ايوه موافقة)
كارم .. اوعي تكون امك او ابوكي ضغطو عليكي؟
دينا .. لا ياأستاذ كارم إتطمن أنا ال أختارت
كارم .. طب ممكن بقا بلاش استاذ ونخليها كارم بس😅
دينا .. ماشي ياكارم .. مش يلا بينا بقا ندخل جوة
كارم .. يلا ياحبيبتي يلا♥️
هما دخلو الصالة وعادل دخل شقته وبدأ يكسر كل حاجة
بعنف لدرجة إن دينا وهي واقفة في حست بصوت الحاجات
ال بتتكسر استأذنتهم ودخلت أوضتها وركزت مع الصوت ال
جاي من شقة عادل
عادل دغدغ كل حاجة في الشقة وهو بيصرخ ويعيط ويقول
لييييييه ليه يادينا ليه اااااه ، بقا كده يادينا 😥
بتسيبيني يادينا 😥
يعني كده خلاص مفيش دينا تاني😥😥😥
ااااااااااااااه😭
في الناحية التانية كانت دينا قاعدة علي الأرض منهارة في
البكاء وبترد في صمت وتقوله أنت ال عملت فينا كده😭
والله رغم انك قهرتني وكسرتني بس مش قادرة اطلعك من قلبي😭
نكمل بقا المتابعه
الحلقة الرابعة عشر والخامسه عشر والسادسه عشر
من قصة ( المليونيرة الفقيرة )
ام دينا .. صباح الخير ياابو دينا غريبة إنك صاحي بدري !
ابو دينا .. انا اصلا منمتش
ام دينا .. ليه يراجل خير ومالك كده شايل طاجن ستك؟!
ابو دينا .. قلبي واكلني علي دينا حاسس إنها بتداوي جرحها
بجوازها من كارم ولو ده صحيح هتقعد تدفع تمن الغلطة دي
باقي عمرها
ام دينا .. لا ياابو دينا بنتك كبرت وعارفة هي بتعمل إيه
ابو دينا .. دلوقتي عشان وافقت علي كارم بقت كبيرة وعاقلة
ولماكانت رفضاه كنتي بتقولي إنها صغيرة ومش عارفة
مصلحتها فين!!
ام دينا .. بقولك ايه ياحسين انا مليش دخل بجوازتها وانت
عارف اني مضغطتش عليها وبعدين ياسيدي اهي بنتك عندك
روح اسألها هي عملت كده ليه
دينا .. أنا سامعة كل حاجة يابابا واحب أطمنك أنا اختارت
كارم بإرادتي
ابو دينا .. طب ياريت تفكري في الموضوع تاني يابنتي
دينا .. خلاص فكرت وخدت قراري يابابا
ابو دينا .. يابنتي ده جواز يعني عشرة دايمة
دينا .. متقلقش عليا يابابا وبعدين كارم بيحبني وفيه كل
المواصفات ال أي بنت تتمناها يبقا ليه ارفضه !
ابو دينا .. طيب براحتك يابنتي انا نازل اقعد شوية عالقهوة
______
نزل ابو دينا وهو شايل الهم عشان عارف إن دينا موجوعة
بسبب موضوع عادل وإن إختيارها لكارم كان بسبب الصدمة
ال حصلتلها كنت تحس إن أبو دينا دبلان وحزين ولأول مرة
شايف بنته بتتألم ومش قادر يعمل حاجة ولا قادر يقف في
وش التيار ويمنع الجوازة زي ما منعها قبل كده
أبو دينا قاعد عالقهوة وشوية وجه عادل
عادل .. صباح الخير ياابو دينا
ابو دينا .. لا سلام ولا كلام وغور من وشي دلوقتي
عادل .. عارف والله إنك من حقك تزعل بس انا كمان من
حقي اني أدافع عن نفسي ولازم تسمعني
ابو دينا .. تدافع عن نفسك ايه واسمعك ايه ياابني دي الناس
جابوك من جوة أوضة نومها وعلي سريرها وكنت قالع
هدومك هاتلي حد عاقل يقنعني يصدق عكس ال الناس
شافتو، بس هقولك ايه غير حسبي الله ونعم الوكيل فيك
عشان حياة بنتي ال إتدمرت والكسرة ال كسرتها ليها
والجوازة ال أتسببتلها فيها وعالعموم انا ال هسيبلك القهوة
وأمشي لأني ميشرفنيش أقعد مع واحد زيك
لسه بيقوم ودخل الاسطي سيد
سيد .. اهلا ياحسين والله ليك وحشة ياصاحبي وبعدين
رايح فين هي إذا حضرت الشياطين غابت الملائكة ولا إيه
ههههههه
ابو دينا .. ولا ملايكة ولا شياطين انا ماشي ياسيد سلام
_____
عادل .. وبعدين معاك ياعم سيد انت هتفضل مقاطعني كده كتير؟
سيد .. ما كنش العشم ياعادل كل ما أقول إنك عقلت أتصدم
بكارثة كبيرة بس ما كنتش أتوقع إنها المرادي هتكون كبيرة
كده طب ياأخي خاف علي شكلي قدام الناس ال إتصدرتلك
في جوازك من بنتهم خليتهم قاطعوني منك لله بس هقول
إيه صحيح ديل الكلب عمره ما يتعدل
عادل .. متزودش وجعي ياعم سيد انا والله مخنوق من
الدنيا وال فيها
سيد .. عالعموم أنا هنصحك نصيحة لوجه الله ، لو كنت لسه
عامل علي شكلك قدام الناس روح هات مراتك وقعدها معاك
يمكن وقتها تقدر تكسب إحترام بعض الناس
عادل .. انا متجوزتش ياعم سيد أنا مضغوط عليا في
الجوازة وانت عارف كده كويس وعالعموم أنا هطلقها
ودلوقتي
سيد .. طب والشيك أبو مليون جنيه ال الناس مضوك عليه
لو طلقتها قبل سنة من جوازكم هتعمل فيه إيه!
عادل .. انا عندي أتحبس بس دعاء متبقاش علي زمتي يوم
واحد كمان
سيد .. انا مش بتكلم في الفلوس دلوقتي ، انا بتكلم في
نظرة الناس ليك وأولهم دينا
عادل .. انت فاكر إن دينا هتبقا مبسوط !!
سيد .. عارف إنها مش هتبقا مبسوطة بس عالأقل هتحترمك
خصوصا إن دعاء تبقا صاحبتها ودينا حاسة بالذنب من ناحيتها
عادل .. مش هيحصل ياعم سيد وخليها كده مرمية في بيت
ابوها لحد ما السنة تخلص وأطلقها وأخلص منها
سيد .. برضو مفيش فايدة فيك
عادل .. اووووووف ارحموني بقا لله أنا بشر وال استحملته فوق طاقة البشر ،، انا ماشي ياعم سيد
_____
مشي عادل وراح عالبيت اول ما دخل من باب البيت لقي
المدخل والسلم مفروشين بالورد والزينة الحلوة لحد باب
شقة دينا ، وقف قدام شقته ولسه بيفتحها لقي كارم خارج
مع دينا يفسحها
دينا .. إيه الورد ده كله
كارم .. قولت أعملهالك مفاجئة إيه رأيك؟
دينا .. ( بصت ناحية عادل ال واقف ودمه محروق ) عجبني اوي الورد حلو اوي
كارم .. اكيد مش أحلا منك يلا بينا
دينا نزلت درجة ونسيت السلمة المكسورة فوقعت جري عليها
عادل مسكها
عادل .. خلي باااالك
دينا .. شيل إيدك لو سمحت
عادل سابها ومد إيده عشان يقومها من الأرض
مدت دينا إيدها ناحية إيد كارم وقامت خرجت مع كارم
وسابت عادل ال قعد علي السلم وعينه رغرغت بالدموع
الحلقة الخامسة عشر من قصة ( المليونيرة الفقيرة )
دينا نزلت درجة ونسيت السلمة المكسورة فوقعت
جري عليها عادل مسكها
عادل .. خلي باااالك
دينا .. شيل إيدك لو سمحت
عادل سابها ومد إيده عشان يقومها من الأرض
مدت دينا إيدها ناحية إيد كارم وقامت خرجت مع كارم
وسابت عادل ال قعد علي السلم وعينه رغرغت بالدموع
__________________
كارم .. بصراحة انا مش مصدق نفسي
دينا .. قصدك ايه !!!
كارم .. مكنتش اتخيل إنك ممكن تكوني ليا في يوم من الأيام
دينا .. عادي نصيب
كارم .. مالك كده شاردة وسرحانة طول الوقت!!؟
دينا .. هه لا مفيش !
كارم .. مالك يادينا !؟
دينا .. ممكن نرجع عالبيت
كارم .. ليه دا إحنا حتي لسه منزلناش من العربية!!
دينا .. معلش تعبانة شوية وحاسة اني مصدعة!
كارم .. خلاص ماشي ياحبيبتي
_______________
عم سيد راح عند عادل البيت خبط عالباب فتح عادل ودخل عم سيد
عم سيد .. مالك ياواد عامل في نفسك كده ليه!!؟ دقنك طويلة وعينيك دبلانة وشقتك متبهدلة كده ليه !!!!
عادل .. قولي عايز إيه ياعم سيد وخلصني
عم سيد .. مالك ياض بتكلمني من طرف مناخيرك وكأنك مش طايقني كده ليه !!
عادل .. معلش ياعم اصلي مشدود شوية , قولي تشرب إيه؟
عم سيد .. مش عايز اشرب كفاية ال شربناه
عادل .. وبعدين معاك ياعم سيد
عم سيد .. وبعدين معاك أنت ! هتفضل تجري وراها لحد إمتا ! إنساها ياابني وعيش حياتك
عادل .. وأي حياة دي ال تتعاش وميكونش فيها دينا ياعم سيد
عم سيد .. مبقتش ليك ياعادل ، دينا خلاص إختارت طريقها وأنت لازم ترضى بنصيبك
عادل .. دينا ماإختارتش طريقها , دينا مغصوب عليها تمشي في سكة هي مش عايزاها
عم سيد .. انا كنت عندهم وعرفت إن دينا فرحها الخميس ال جاي
عادل .. إيه !؟؟
عم سيد .. زي ما سمعت ، شفت بقا إن انت بقيت خارج حسابات دينا فعلا
عادل .. إطلع بره
عم سيد .. إيه !!؟
عادل .. إطلع برررررره مش عايز أشوف حد ( وقفل الباب عادل وقعد يعيط زي الأطفال ورا الباب )
في اللحظة دي دينا كانت جوة شقتها ورا الباب وبتبكي
بحسرة لما سمعت بكاء عادل مقدرتش تستحمل بكاءه
فتحت باب شقتها وخرجت وقفت قدام باب شقة عادل
وسامعة لسه بكاءه ورا الباب وهي متقطعة من جواها
رفعت إيديها وهتخبط عالباب فجأة افتكرت دعاء وال حصل
معاها رجعت إيديها ال كانت بتترعش مش هاين عليها بكاء عادل
رجعت دينا تجري علي أوضتها وقفلت الباب علي نفسها
واترمت علي السرير وكتمت صرخاتها في المخدة عشان
محدش يسمعها
______________
شوية وسمعت صوت عالي بره
خرجت لقيت امها وأبوها بيتخانقو مع عادل وسامعة عادل بيقولهم لازم أكلمها لازم تسمعني
دينا .. سيبوه
عادل .. اهي قالتلكم سيبوه
دينا .. عايز إيه ياعادل !!؟
عادل .. أنا مظلوم يادينا
دينا .. ماشي وبعدين
عادل .. أنتي مش مصدقاني ليه والله العظيم مظلوم
دينا .. ولنفترض إني صدقتك ، ها وبعدين ؟!! طبعا مستني
مني إني أقولك تعال نرجع وطلق دعاء صاحبتي ال أنت
إغتصبتها ودمرت حياتها عشان نتجوز انا وأنت ولا عايزني
أقولك انا معنديش مانع إني أكون زوجة تانية !
عادل .. انا ...
دينا .. رزعته بالقلم وهي بتبكي وقالتله ( انت كداااب )
انت دمرت حياتي قبل ما تدمر حياة دعاء
إنت إيه ياأخي!!
أنت شيطان في صورة بني ادم!
هي دي السعادة ال وعدتني ببها ياعادل!
هي دي الحياة الوردية !
هو انا كنت هبلة للدرجادي !
بس خلاص ياعادل البت الهبلة إتعلمت الدرس كويس وبقت
شاطره والفضل يرجعلك
أنا دلوقتي بقيت مخطوبة وبحب خطيبي
وفرحنا الخميس الجاي
متنساش بقا تحضر
ودلوقتي ياريت تطلع بره عشان خطيبي لو شافك ممكن
يعمل معايا مشكلة وبصراحة مبحبوش يزعل .
اه نسيت ، لو يهمك فعلا تكسب إحترامي ياريت تجيب دعاء مرااااتك لبيتك وأبقا شاكرة اوي ليك
مع السلامة ياعادل .
( قد أيه كانت قوة دينا وقدرتها إنها تقف صامدة وقوية وهي بتقول كلام عكس ال جواها !!
قد إيه كان قلبها بيتحرق وهي بتحاول تسيطر عليه !!!
تشوف وقفت دينا قدام عادل متشوفش إنهيار دينا جوة الأوضة )
________
وجه يوم الخميس
وحضرو كل المعازيم في بيت عم حسين
ودينا بشغف كانت منتظرة النظرة الأخيرة ال هتشوف فيها عادل
إعتلت المزامير والكل كان بيرقص والدنيا كانت حلوة
بس دينا كانت دماغها في حتة تانية
فسألت عم سيد علي عادل قالها هروح أشوفو وأجيلك
راح عم سيد وقف يخبط عالباب ومحدش بيرد
عم سيد لسه هيمشي سمع صوت تنهيد جوة
قرب ودنه من الباب أكتر سمع صوت حد بينهد جامد
كسر الباب بكتفه ودخل لقي عادل مرمي علي الأرض
وشرايينه مقطوعه
الحلقة السادسة عشرة من قصة ( المليونيرة الفقيرة )
وجه يوم الخميس
وحضرو كل المعازيم في بيت عم حسين
ودينا بشغف كانت منتظرة النظرة الأخيرة ال هتشوف فيها عادل
إعتلت المزامير والكل كان بيرقص والدنيا كانت حلوة
بس دينا كانت دماغها في حتة تانية
فسألت عم سيد علي عادل قالها هروح أشوفو وأجيلك
راح عم سيد وقف يخبط عالباب ومحدش بيرد
عم سيد لسه هيمشي سمع صوت تنهيد جوة
قرب ودنه من الباب أكتر سمع صوت حد بينهد جامد
كسر الباب بكتفه ودخل لقي عادل مرمي علي الأرض
وشرايينه مقطوعة !
سيد .. ايه ده !! ايه ال عملته في نفسك ده !!! الحقوني ياناس !
الفرح كله هس هس والكل واقف علي رجله وباصين ناحية الباب
عم سيد صرخ وقال عادل أنتحر ، عادل موت نفسه
وبمجرد ما قال كده الصراخ اشتغل ودينا نزلت علي ركبها من
من الصدمة ورجلها مبقتش شايلها وبكأها ودمعتها فجأة أتحبسو
وبتحاول تحبي زي الأطفال علي إيدها ورجلها عشان تروح لعادل
أصحابها وقفوها ومشت لحد الباب شافت الناس شايلين
عادل ونازلين يجرو بيه لتحت أغمى عليها
______________
في المستشفي
عم سيد .. طمنا يادكتور
الدكتور .. لو قدر يعدي 24 ساعة يبقا في أمل إنه يعيش إدعوله
دعاء .. ( لما سمعت الخبر جت تجري علي المستشفي )
عشان خاطري إعمل أي حاجة يادكتور😭
الدكتور .. إحنا عملنا ال علينا والباقي علي الله إدعوله
__________
في الناحية الأخري
أم دينا .. يالهوي يالهوي علي حظك يابنتي
ابو دينا .. أخرسي ياولية
كارم .. اهو الدكتور وصل , طمنا يادكتور
الدكتور .. شكلها إتعرضت لصدمة كبيرة عالعموم إحنا إديناها
مهدأ والصبح هتفوق وتبقا كويسة إن شاء الله
كارم .. هو إيه ال حصل ؟!!
أم دينا .. هه لا مفيش بس أصلها قلبها ضعيف شوية عشان
كده لما شافت جارنا بالمنظر ال انت عرفته ده إتصدمت
كارم .. اه عشان كده ، إن شاء الله تقوم بالسلام بس وانا
هنسيها كل ال شافته وكمان عندي دكتورة نفسية شاطرة
هخليها تجيلها البيت كل يوم وتتابع حالتها
_____________
بعد الفجر
الممرضة سمعت عادل وهو بينادي تحت تأثير التخدير وبيقول دينا
طلعت الممرضة تجري علي الدكتور وقالتله كل ال شافته وسمعته
الدكتور راح عند عادل شاف صوابعه بتتحرك وبيقول دينا
بس الأسم بينطقه مكسر وبصعوبة بسبب التخدير
خرج الدكتور لقي دعاء قاعدة وعم سيد نايم جمبها
الدكتور .. أنتي دينا ؟؟!
دعاء .. إيه !!!!
الدكتور .. ممكن اعرف إسم حضرتك إيه ؟!
دعاء .. اسمي دعاء
الممرضة .. يبقا هو يقصد دعاء وإحنا فهمنا غلط يادكتور
الدكتور .. اسكتي انتي ،، طب ياأستاذة دعاء حضرتك تقربي للمريض إيه ؟؟!
دعاء فكرت لحظة وبعد كده قالتله .. أنا مراته
الدكتور .. بص للمرضة وقالها تمام يبقا انتي عندك حق
دعاء .. في إيه يادكتور طمني !؟
الدكتور .. بصي ياستي أنا عايزك بعد ما الممرضة تعقمك
تدخلي تقعدي جمب جوزك بس من غير ما تتكلمي كلمة لأنه
شكله محتاج وجودك جمبه
دعاء .. حاضر يادكتور ومتشكرة لحضرتك جدا
فعلا إتعقمت دعاء ودخلت قعدت جمب عادل وسابت عم سيد نايم بره
_________
بعد نص ساعة
فاقت دينا وقامت تصرخ وتقول عايزة عادل عايزة اشوفه أنتو وديتوه فين 😭
الدكتور وصل بسرعة وقالهم في أيه !! ومين عادل ده ال هي عايزة تشوفه !!!
ام دينا .. لا مفيش يادكتور ده ابن عمها ال في الطوارئ في
الدور ال تحت في نفس المستشفي وبسببه حصلها كده لأنهم
زي الإخوات بالظبط
أبو دينا .. بص لأم دينا بصة بغضب وكان هينفجر منها
الدكتور .. خلاص مفيش مشكلة أنا ممكن أساعدها بأني
أدخلها عند إبن عمها تطمن عليه بس مش أكتر من دقيقة
أبو دينا .. ياريت يادكتور ، أعمل أي حاجة حضرتك شايفها
صح لأن دي بنتي الوحيدة ومش هستحمل تجرالها حاجة
الدكتور .. طب فين الجدع ال كان معاه ده يسندها لحد هناك
عشان جسمها دلوقتي سايب من أثر المهدأات
أم دينا .. قصدك كارم جوزها ، هو خرج يجيب حاجة وجاي
وبعدين متقلقش أنا هسندها مش لازم نستنا جوزها
فعلا خرجت دينا بصحبة أمها وأبوها متوجهين ناحية
الطوارئ عند عادل
______
في نفس اللحظة كان عادل بينادي ب إسم دينا بس كان
مفيش جمبه غير دعاء ال مسكت إيده لما شافت صوابعه
بتتحرك
عادل مسك علي إيد دعاء يفتكرها دينا
وفي لحظة بدأ يسترجع كل ذكرياته مع دينا
من أول خناقتهم في اول مرة شافها
ومرورا باالسلمة المكسورة
لحد البلكونة ال شهدت علي حبهم
تحت ضي القمر
وكان كل ما يفتكر ضحكتها وشعرها المتبهدل علي وشها لما
كان يجري وراها ، كان يبتسم ويدوس علي إيديها ، بس
للإسف ماكانش يعرف إن الإيد ال بيدوس عليها دي إيد دعاء
مش دينا !
_______
دينا وصلت الدور ال تحت وماشي ناحية غرفة الطوارئ ال
فيها عادل بلهفة عايز تطمن عليها وتقوله إنها أسفة إن
مقدرتش تقدر حبه ليها
كانت عايزة تقوله إن من السعادي مش هتسيبه
وهتغفرله كل أخطائه معاه سواء عملها أو لا
كانت رايحة ومش شايفة غير عادل حبيبها وقلبها وماضيها
ومستقبلها وكل حاجة في دنيتها
__________
وصلت دينا عند غرفة الطوارئ ومن الزجاج الخارجي قبل
ما تدخل شافت صدمة عمرها
لقيت عادل ماسك علي إيد دعاء وبيبتسم حتي وهو تحت التخدير
للأسف ما كانت تعرف إن الإبتسامة دي ومسكة الإيد دي
مقصود بيها هي مش دعاء
دموعها مقدرتش تسيطر عليها وهي نازلة منها زي المطر
ياااااااااه علي حرقت القلب والوجع ال حست بيه دينا في اللحظة دي !
____
الدكتور .. يلا بينا ندخل بس دقيقة واحدة وتخرجي
دينا .. خلاص يادكتور أنا إتطمنت خلاص😥
( كارم وصل في اللحظة دي )
كارم .. بسم الله ماشاء فوقتي خلاص♥️
أم دينا .. أه الحمدلله فاقت
كارم .. بس إيه ال جابكم هنا ، ده انا قلبت عليكم الدنيا؟!
أم دينا .. لا مفيش إحنا كنا بنمشيها شوية
كارم .. طب أنا قابلت الدكتور عالسلم وقالي إنها تقدر تخرج دلوقتي
أبو دينا .. هنخرج اه
___________
فعلا خرج كارم ودينا وقدامهم ابو دينا وام دينا ووصلو عند
باب المستشفي ، وفجأة سمعت دينا صوت حد بيجري وراها
وبينادي عليها !!
بصت دينا وراها لقيتها دعاء !!!!!!! __________يتبع
ايدك ع المتابعه هنا
❤️❤️ ❤️❤️
تكملة الرواية من هنا 👇👇 👇