 |
الحلقة الثامنة حتي السادسه عشر
من قصة ( الحب الاول )
وفجأة .. كل حاجة وقفت!!
والصمت عم المكان!!
والحزن خيم ع الفرح!!
وصوت رصاصة صاحبها مجهول!!
وجثة هامدة وقعت ع الأرض !!
لتعلن هذه الرصاصة إنتهاء حياة صفاء بعدما أنغمست الرصاصة بقلبها
انطلقت صرخات الناس والكل في زهول وحزن تام وصفاء تقول اخر كلماتها ..
صفاء .. شفت ياخوي أننا ضعاف قوي أزاي 😥.. شفت ياخوي إن إحنا سهل قوي كيف😥 .. وانت ياعزيز سامحني إني مش هقدر أسعدك😥 مع إن كان نفسي اعملك الفطير ال بتحبه😥
احمد .. امسكي نفسك يابت هتقومي وهتبقي تمام😥
عزيز ..خلاص الإسعاف علي وصول ياصفاء😥
صفاء .. خلاص ياأخوي معدتلهاش قومة تاني 😥
احمد .. كفياكي ياأختي وامي وبنتي وكل حاجة في دنيتي
صفاء .. ضمني لحضنك قوي ياأخوي ضمني قوي قوي😥
ورحلت صفاء بين أحضان أخوها في وسط صرخات تخرج من أحمد تزلزل الأرض من شدتها😥
سقطت أم أحمد لتذهب هي الأخري في غيبوبة مطولة
أما عن احمد فلم يكن يفارق قبر أخته صفاء وكان دائما يتحدث مع اخته 👇👇
أحمد .. بقا كده يا صفاء تسيبي أخوكي لوحده بطوله في الدنيا 😥😥 يابت مشتاقلك والله كفياكي بقا 😥 تعرفي أني كل يوم وانا بصحا من النوم ببقا فرحان وأقول إن كل ال حصل كان حلم وأقعد انده عليكي وأقولك حضري الفطار ياصفاء و...😥😥😥
حتي امك راحت في غيبوبة هي كمان وكأنكم متفقين علي وجعي 😥
بس متخافيش ياصفاء دمك مش هيروح هدر يابنت ابوي
شوق .. اقف مكانك إنت رايح فين؟
احمد .. انتي هنا من ميتا!
شوق .. قولي انت ناوي علي إيه بالسلاح ال في إيدك ده؟!
احمد .. معدش عندي حاجة تاني اخاف عليها الكلب ال زي شاكر محفوظ وابنه لازم يموتو والناس ترتاح من بلاويهم
شوق .. انا مش هسيبك تلوث إيدك بالدم يااحمد
أحمد .. خايفة عليا ولا خايفة علي علاء جوزك
شوق .. إنت اكتر واحد عارف اني بكره حتي اسمع إسمه
احمد .. انا الحاجة الوحيدة ال أعرفها إنك مرت علاء شاكر ابن الكلب شاكر محفوظ وقريب اوي هتبقي أرملة
شوق .. انت ايه ال مخليك واثق اوي إن هما ال عملو كده ما ممكن يكون حد قاصد يوقع بينكم إهدا شوية وفكر
أحمد .. امشي ياشوق روحي إشبعي من جوزك قبل ما يتقتل
شوق .. متوجعش قلبي عليك ياأحمد أكتر ماهو موجوع
أحمد .. خلي بالك من نفسك ياشوق
هي الجملة دي قالها أحمد ومشي
عزيز .. راح لأحمد الارض وقال ايه ياأحمد فينك
أحمد .. عايز إيه ياعزيز
عزيز .. مينفعش تسيب البيت مهجور كده ياخوي
أحمد .. طب قولي إزاي أدخل البيت وملاقيش فيه أمي وصفاء قولي إزاي ياعزيز
عزيز .. ماخلاص ياصاحبي خلي إيمانك شديد أومال
احمد .. مش هدخل البيت ياأحمد غير لما أخد تار أختي
اما في الناحية الأخري وما يدور داخل بيت شاكر محفوظ
دخلت شوق علي علاء وأبوه وهما قاعدين
علاء .. كنت فين يابت انتي
شوق .. هسألكم سؤال وتردو عليا بصراحة
شاكر .. في ايه ياشوق؟!!!
شوق .. أنتو ال ورا قتل صفاء ؟!
شاكر .. قتل صفاء مين!؟؟
شوق .. صفاء أخت الواد الغلبان ال انت علقته من رجله
علاء .. أنتي بتقولي إيه يابنت المركوب أنتي😡
شوق .. رد علي سؤالي من غير غلط😡
شاكر .. اطلعي بره دلوقتي ياشوق وسيبيني مع جوزك شوية
شوق .. بس ياعمي ..
شاكر .. إطلعي دلوقتي ياشوق وبالمره بصي علي إسراء واضح إنها تعبانة
شوق .. ماشي 😡
شاكر .. عملت إيه يواد؟
علاء .. والله ما في حاجة يابابا
شاكر .. صارحني ياواد أنت ايه علاقتك بالواد ده وانت ال ورا جريمة القتل ولا لأ
علاء .. حكا الحكاية كلها لأبوه
شاكر .. والبت ال ماتت لو انت ال ورا قتلها يبقا فتحت علينا باب جهنم؟؟
علاء .. مش عارف
شاكر .. يعني أيه مش عارف؟
علاء .. يعني مش هي ال كانت مقصودة
شاكر .. امال مين ال كان مقصود؟! أحمد؟؟
علاء .. برضو لأ
شاكر .. ياليلة سودة إنت هتنقطني بالكلمة ما تنطق يالا وخلصني
علاء .. كنت قاصد شوق
شاكر .. إيه؟!!!!!!!!!
علاء .. اه شوق مراتي
شاكر .. طب ليه !!!!!!!
أحمد .. أقولك أنا بقا ليه ياشاكر بيه
شاكر .. انت دخلت هنا إزاي ياولد
أحمد .. زي بالظبط ما بتدخلو حياة الناس وتخربوها
علاء .. أنت عيل ...
احمد .. أرمي سلاحك ولا أفرتكلك دماغ أبوك
علاء .. إنت عايز إيه
أحمد .. طلب بسيط .. عايز روحك
شاكر .. إنت إتجننت ياولد إنت عارف إنك مش هتفلت من إيدي
أحمد .. مش لما انت كمان تكون عايش أصلا ههههه دقايق وهتلاقي روحك بترفرف علي جهنم😡
شاكر .. شوف أنت عايز كام بس سيبنا في حالنا أرجوك
أحمد .. لا ياشاكر بيه عيب كده بلاش الحاجات التقليدية
والفيلم المحروق بتاع عايز كام وأرجوك وسيبني أعيش وانت بتصرخ باعلا صوتك والفيلم الهندي ال كلنا عارفينه كده هتحرق الرواية أنا نهاياتي مختلفة ياشاكر بيه
فجأة👇👇👇
( شوق دخلت عليهم هي وإسراء وف قفاهم عزيز بالسلاح )
أحمد .. كويس إنكم وصلتو تعالو بقا جمب بعض انتم الاربعة
توجه لهم أحمد وإصبعه علي الزناد وبدأ يوجه سلاحه ناحية كل شخص مرة ثم ثبت سلاحه وأطلق العنان لإصبعه ليفرغ سلاحه في ..........
/////////////////////////////-//////*****//////////////////
الحلقة التاسعة من قصة ( الحب الاول )
توجه لهم أحمد وإصبعه علي الزناد وبدأ يوجه سلاحه ناحية كل شخص مرة ثم ثبت سلاحه وأطلق العنان لإصبعه ليفرغ سلاحه في شاكر محفوظ
إسراء ... لااااااااااااا بابااااااااااااا😭
علاء .. يامجرم ياابن الكااااااااااالب 😰
شوق .. ليه يااحمد لييييه😥
عزيز .. تارك عند علاء مش عند شاكر ليه بس ياصاحبي
أحمد .. كده رييحنا العالم من واحد وباقي واحد
شوق .. حطت علاء في ضهرها وقالتله كفاية دم يااحمد كفاية😥
أحمد .. هما ال قتلو أختي ياشوق أنا سمعتهم من ورا الباب والباشا ال إنتي حمياه بضهرك كان عايز يتخلص منك انتي يعني انتي ال كنتي مقصودة مش صفاء
شوق .. الكلام ده حقيقي ياعلاء😳
علاء .. 😔
احمد .. رد عليها ياض
شوق .. طب ليه😳
أحمد .. أقولك أنا ياستي أنا سمعت إنه إتخانق معاكي عشان متروحيش الفرح ولما طلعتي من وراه قرر بكل بساطة إنه يقتلك ويخلص منك
إسراء .. وأبويا ذنبه إيه يامجرم 😭
أحمد .. ابوكي أكبر سفاح شفته بحياتي ياست أسراء أبوكي أل انا عرفتهم في اليومين دول قتل 6 منهم 2 حريم جابهم المزرعة أغتصبهم وبعد كده قتلهم .. وال 4 رجالة كلهم وراهم عيال إتشردت وامهات اترملت ال زي أبوكي المفروض كان اتقتل ميت مرة.. عايزة تعرفي تاني ولا كفاية كده ياست إسراء
أسراء .. بس يامجرم متصدمنيش في أهلي أكتر من كده😭
أحمد .. تعالي هنا ياشوق وانت ياض ياعلاء ارمي عليها يمين الطلاق ولا تحب أخليها ارملة
علاء .. أنتي طالق ياشوق
أحمد .. بالتلاتة
علاء .. انتي طالق طالق طالق 😥
عزيز .. إيه ده انت هتسيب ال قتل أختك😳
أحمد .. لا ياعزيز لو قتلته هريحه من العذاب ال هيشوفه مني
إسراء .. مش فاضل غيري يلا أقتلني وريحني😭
أحمد .. لا ياأسراء أنتي حاجة نضيفة وبريئة أنتي غيرهم ياإسراء
عزيز .. إيه قلبك ضعف ياأحمد !! لو انت مش هتاخد تار صفاء اختك سيبني أخد انا تار صفاء مراتي
أحمد .. لا ياصاحبي أنا قولتلك لو قتلته هبقا رحمته
عزيز .. قولي انت ناوي علي إيه ياصاحبي وريحني
أحمد .. هو قتل اختي وتسبب لأمي في غيبوبة ياعالم هتفوق منها إمتا ولا مش هتفوق منها واصل .. وخلا حياتي فاضية .. أنا بقا هدوقه من نفس الكاس قتلته أبوه وطلقتله مراته وهخطفله اخته وأسيبه لوحده يدوق من نفس الكاس ويموت بالبطيئ
علاء .. أقتلني ياوسخ
احمد .. مش قولتلك لو قتلتك هبقا رحمتك ياأبن المرحوم شاكر محفوظ😉 .. ياعزيز كتفه واربطه كويس وكمم بوقه كويس عشان كورونا لحد ما مانخرج من البلد
إسراء صرخت راح احمد ضربها أغمي عليها
أحمد .. بقولك ياعزيز
عزيز .. قول ياأحمد
احمد .. خد شوق وصلها علي العنوان ال هديهولك ده في إسكندرية وتخفي وشها وتغير لبسها لما توصل القاهرة عشان مفيش كاميرات تجيبها وبعدها انت كمان تختفي خالص الفترة دي وتقفل تليفونك نهائي والخط ده تخليه معاك ومتشغلوش غير بعد إسبوع من دلوقتي ومتكلمش حد عليه واصل ولما أكلمك انا تكلمني بأسماء غير أسامينا
شوق .. لع يااحمد انا هاجي معاك كفاية ال بعدناه عن بعض
أحمد .. مش وقته ياشوق أنا حملي تقيل باالبت المخطوفه ال معايا دي
شوق .. طب اطمن عليك إزاي
أحمد .. متقلقيش انا هوصلك وعلي فكرة أنا سايبلك مبلغ كويس تعيشي منه الفترة دي هتلاقيه تحت مرتبت السرير خلي بالك من نفسك
عزيز .. يلا بقا النهار هيطلع علينا أحسن حد يوعالنا
أحمد .. جبت مفتاح العربية
عزيز .. أيوه جبته بس أتخلص منها بمجرد طلوعك من البلد وبعدها أكيد انت عارف هتعمل إيه
أحمد .. خلي بالك من شوق ياعزيز
عزيز .. انت هتوصيني ياصاحبي دي في عيني
___________________________________
فعلا أنطلق أحمد بالعربية ومعاه إسراء
وعزيز إتحرك بسرعة علي محطة القطر ومعاه شوق
وبمجرد أحمد ما خرج بره البلد أتخلص من العربية بس كان مجهز عربية ربع نقل شال إسراء ونقلها فيها واتحرك بعربيته وبعد مرور حوالي اربع ساعات فاقت إسراء لقيت نفسها جنب أحمد بدأت تصرخ وتقوله إنت واخدني علي فين يامجرم
رد عليها أحمد وقالها بس يابت صراخ عاد وهي تصرخ وهو يحاول يسكتها لحد ما راح ضربها مرة تانية أغمي عليها برضو
في نفس اللحظة كان قطر الصعيد وصل القاهرة
دخلت شوق الحمام غيرت هدومها وكمان عزيز غير هدومه
وركبو قطر إسكندرية
---------------------------------
في الناحية الأخري
احمد بيتكلم مع نفسه في العربية ويقول
خلاص ياصفاء تقدري تنامي مرتاحة في قبرك دلوقيت
شاكر محفوظ اتقتل وكل يوم بيعدي علي ابنه في عذاب أكيد انتي هتبقي مرتاحة فيه
إتفاجئ احمد بإسراء وهي بترد عليه وتقوله
عمر القتل ما بيريح ياقاتل
أحمد .. عالأقل انا بقتل عشان أخد بتار أختي يعني عندي دافع قوليلي انتي بقا أيه الدافع ال يخلي أبوكي واخوكي يقتلو في خلق الله
إسراء .. ربنا ال هيحاسبهم مش انت
أحمد .. وانا بعتهم عند ربنا عشان يتحاسبو
أسراء .. أنت فاكر أنك لما تهرب مهما تهرب هتقدر تنفد بجريمتك أنت قاتل عضو مجلس شعب يعني قضية رأي عام وصورك هتملا الجرايد وكل الناس هتعرفك
أحمد .. عامل حسابي لكل ال ممكن تتخيليه او متتخيلهوش
فجأة العربية خلصت بنزين ووقفت
إسراء .. واضح إنك عامل حسابك كويس
أحمد .. لا متخافيش العربية ورا فيه بنزين يكفي الدول العربية لو فكرت تحارب إسرائيل😏
سحب احمد مفاتيح العربية وحطها ف جيبه ونزل جاب جركن بنزين ووقف يفول العربية
وفجأة طلع عليه جماعة ملتمين وجوهم حطو البندقية ف قفاه وبصو ناحية أسراء وقالو ( أهلا بالصيدة الثمينة
////////###############################
الحلقة العاشرة من قصة ( الحب الأول )
سحب احمد مفاتيح العربية وحطها ف جيبه ونزل جاب جركن بنزين ووقف يفول العربية
وفجأة طلع عليه جماعة ملتمين وجوهم حطو البندقية ف قفاه وبصو ناحية أسراء وقالو ( أهلا بالصيدة الثمينة )
أحمد .. أنتو مين وعايزين إيه ؟!
المجهول .. إخرس مسمعش نفسك .. هاتو البت دي وهاتوهم ع العربية
إسراء .. ألحقوناااا
المجهول .. هاهاهاها مين هيسمعك هنا يابنت البندر
أحمد .. حاول يخلص منهم واحد منهم ضربه بضهر البندقية علي دماغه فقد الوعي
الملثمين خدو أحمد وإسراء وكتفوهم وطلعو بيهم ع الجبل وبعد فترة وصلو لوكر قطاع الطرق وكان كبيرهم بإنتظارهم
الكبير .. مشاء الله الخير واجد اليوم .. جابو مياه وكبوها علي أحمد وبعد ما فاق
احمد .. انتو مين وعايزين مننا إيه!!
الكبير .. إحنا مين !! ده ما يخصكش .. وعايزين إيه ..هتعرف مع مرور الوقت
إسراء .. انتو متعرفوش أنا بنت مين أنا بنت شاكر محفوظ نائب مجلس الشعب بتاع قنا
الكبير ..رد عليها بغضب .. مين شاكر محفوظ ده ومجلس شعب إيه انا هنا الدولة وانا هنا الحاكم فهمتي ولا أفهمك
أحمد .. لا خلاص هي متقصدش
الكبير .. ( بسخرية ) وأنت كمان أبوك السيسي ولا مبارك
احمد .. لا ياسيدي انا ابويا راجل غلبان بس كان صاحب كلمة حق وأسمه الشيخ ياسين النجعاوي وده كان ..
رد عليه واحد من قطاع الطرق بضحك وسخرية وقاله إيه ياأبوي أنت عتحكيلنا قصة حياتك
بسرعة رد عليه كبيرهم وقاله إخرس ياواد
وقام وقف من مكانه وقاله قولي إحكيلي عن ابوك ياولدي
أستغرب أحمد من طلب الكبير بس نظرات التشوق واللهفة ال كانت عند كبير قطاع الطرق خلتو يحكي بشوية ثقة وقال
أحمد .. أبوي كان بيشتغل في محجر باليومية بس كمان كانت أي مشكلة كانت بتحصل في بلدنا كان الناس بتلجأ ليه لأنه كان عادل في حكمه وكان دايما الناس بيستدعوه في قعدات عرفية للصلح بين الناس
الكبير .. أبوك ده ياولدي كان ساكن فين
احمد .. ( وصف ليه احمد مكان البلد ال كان ساكن فيها ابوه)
الكبير .. ابوك كان عنده علامة صلاة في جبينه كبيرة وكان في علامة مكان جرح قديم في إيده ؟!
أحمد .. ايوه !! انت عرفت منين!!!!!!؟
الكبير .. بالحضن ياغالي ياولد الغالي
أحمد .. وهو في زهول تام ( انت كنت تعرف أبويا!!؟)
الكبير .. ( امر بأن تدبح الدبايح إكراما لأبن ياسين النجعاوي)
أحمد .. أحكيلي بقا إيه كانت علاقت أبويا بيك
الكبير .. في ليلة من الليالي ياولدي وانا صغير نزلت مع ابوي علي بلدكم عشان نلقط رزقنا بس الحكومة كانت عاملالنا فخ وبدأ ضرب النار مات مننا ال مات وهرب ال هرب وأبوي دخل بيتكم واتهجم علي أبوك وعور إيده والحكومة دخلت ع البيت أبوي هرب وانا معرفتش ولما قعدو ياخدوني أبوك قالهم إني إبنه وخلصني من إيدهم رغم أن الارض كانت غرقانة دم من إيده بس مفكرش ينتقم وخلصني من إيدهم وأكرم ضيافتي ف بيته 3 شهور لعند ما أبوي جه وخدني
أبوك ياولدي راجل ولا كل الرجال ابوك كان راجل مواقف
إسراء كانت عنيها بتدمع وبتعمل مقارنات ما بين ابوها وابو أحمد وما بين أحمد وأبوه فسألت الكبير
إسراء .. ياريتك كنت بقيت زي أبوك ياأحمد ومفكرتش في الإنتقام
أحمد .. أبوي كان طيب في زمن الناس كانت بتقدر فيه الطيبة ياإسراء وبعدين مين منينا بيشبه أبوه حتي انتي نفسك متشبهيش أبوكي
الكبير .. طب قولولي حكايتكم يمكن أقدر أساعدكم
أحمد .. لا دي حكاية كبيرة يا..
الكبير .. أسمي مناع
إسراء .. ماعادش ينفع فيها حل ياعم مناع
العم مناع .. ليه يابنتي كل حاجة وليها حل
أحمد .. الموضوع منتهي ياعم مناع
العم مناع .. طب إحكي ياولدي خلينا نشوف
( حكا أحمد القصة كلها ل العم مناع )
العم مناع .. يااااااه دي الحكاية واعرة قوي
أحمد .. مش قولتلك الموضوع معادش ينفع فيها حل
العم مناع .. عايز أقولك حاجة يابتي ( التار لابد منه ومن قتل يقتل والعين بالعين والسن بالسن والبادي اظلم وال إتقتلت كانت أخته )
إسراء .. ولما انت عارف كده بتعمل ده كله ليه
أحمد .. اسكتي ياإسراء مايصحش ..معلش ياعم مناع حقك عليا
العم مناع .. لا ياولدي هي مغلطتش وسؤالها في محله بس احب أقولك ياإسراء يابتي ( ومين قالك إننا بنموت موتت ربنا وحتي لو متنا موتت ربنا فإحنا برضو خسرانين .. خسرناها دنيا وهنخسرها أخره )
تعالو ياولدي ريحه أعصابكم شوية جوة لحد الغدا ما يجهز
ومن هنا ل بكره تتعدل
فعلا خلص اليوم وتاني يوم جه حد من أتباع مناع يجري عليه ويقوله إنه الراديو جايب أخبار عن جريمة القتل ال حصلت في قنا
العم مناع .. روح ياواد ناديلي علي ألضيوف
جه احمد وإسراء يجرو من جوة وسمعو الاخبار والدنيا المقلوبة عليهم من خلال الراديو وإن صور احمد وعزيز وشوق وأسراء المخطوفين متوزعة علي جميع المحافظات واقسام الشرطة والمستشفيات حتي القطارات وكل وسائل النقل وكمان بإذن من الداخلية أصبح الظابط علاء إبن القتيل شاكر محفوظ هو المكلف بالقبض عليهم
العم مناع ..الموضوع كبير ياولدي
أحمد .. عارف ياعم مناع
إسراء .. مفيش قدامك غير إنك تسلم نفسك
أحمد .. مش هسلم نفسي يابت شاكر محفوظ غير علي جثتي
العم مناع .. والله ياولدي ماعارف اساعدك كيف الموضوع مقفول بالضبة والمفتاح
أحمد .. هقولك تساعدني إزاي ........
########$############$$$$#######
الحلقة الحادية عشر من قصة ( الحب الاول )
العم مناع ..الموضوع كبير ياولدي
أحمد .. عارف ياعم مناع
إسراء .. مفيش قدامك غير إنك تسلم نفسك
أحمد .. مش هسلم نفسي يابت شاكر محفوظ غير علي جثتي
العم مناع .. والله ياولدي ماعارف اساعدك كيف الموضوع مقفول بالضبة والمفتاح
أحمد .. هقولك تساعدني إزاي
العم مناع .. قول ياولدي
أحمد .. عايز منك سلاح كويس .. وتتصرف لينا في هدوم غير الهدوم دي .. وبخبرتك في الصحراء عايزك تدلني علي طريق أوصل بيه أسوان
العم مناع .. طلبك مجاب ياولدي وكمان هبعت معاك كام راجل أهو يكونو معاك حماية لعند ما توصل للمكان ال انت رايحله
أحمد .. لا ياعم مناع خلينا كده خفاف أحسن
العم مناع .. ماشي ياولدي ال تشوفه والسيارة بتاعتي الشخصية تحت امرك
احمد .. لا ..
العم مناع .. قاطعه في الكلام وقاله من غير لا ياابن الغالي
خلينا نعمل معاك اي واجب ومتقلقش ياولدي خير ربنا واجد زي ما انت شايف
احمد .. ماشي ياعم مناع وجميلك ده فوق راسي
العم مناع .. عيب ياواد جميل ابوك سابق وخليني أقولك كلمتين تحطهم في دماغك زين 👇👇
(ال متشليوش بطنك ياولدي مش هتشيله بطون الناس)
( والسر زي الرصاصة لو طلعت من جيبك ببلاش هترجع عليك تنهيك)
واعي لكلامي زين ياولدي ؟
أحمد .. (واعي ياابوي)
العم مناع .. مع السلامة ياولدي
ركب أحمد العربية ومعاه إسراء واتجهو ناحية أسوان
--------------------
في الناحية الأخري
بعد ما شوق وصلت أسكندرية وعزيز وداها المكان المتفق عليه سابها ومشي وبعد اول يوم كانت شوق مرعوبة بسبب علمها بصورهم ال إتنشرت في كل الصحف والإعلام فكانت واخدة حذرها وطلوعها كان محدود وبالنقاب وقصاد شقتها ساكن عم عدلي مدرس لغة عربية هو وزوجته وأولاده أتنين فهمي و سناء فجأة سمعو صرخة قدام باب شقتهم طلع ال في البيت كله يجري للخارج لقو الساكنة الجديدة ال هي شوق مغمى عليها ع السلم ولما الام كشفت وشها قالت
الأم .. إيه ده إلحق ياعدلي دي البنت ال لسه شايفين صورها ع التليفزيون !!!!!!
-------------------
نروح بقا مع بعض عند الظابط علاء
الظابط علاء .. قولي يابدر في أي أخبار ؟!
الظابط بدر .. لسه مفيش جديد ياعلاء وبعدين أهدي شوية هما هيروحو فين دي مصر كلها بتدور عليهم خاصتا بعد انت ما عرضت مليون جنيه مكافئة لل يدل عليهم
الظابط علاء .. خلي المكافئة 5 مليون يابدر
بدر .. إيه الجنان ده ياعلاء !!!!
الظابط علاء .. أعمل ال بقولك عليه من غير نقاش يابدر
بدر .. بس كده كتير اوي
علاء .. ال جوايا أكبر من الفلوس يابدر .. أنا جهنم كلها جوايا بركان جوايا مش هيطفا غير لما أوصل للواد ده حي
----------------------------
في نفس اللحظة كان احمد دخل ريف أسوان ومن بعيد شاف زريبة في وسط الزرع نزل من العربية وخد إسراء وراح يقعد جواها يرتاح هو وإسراء
إسراء .. وبعدين ياأحمد هتفضل خاطفني كده لحد إيمتا!؟ وبعدين انت عارف ومتأكد إنك كده كده هتتمسك ليه تكابر سلم نفسك وأرتاح وريحني !
أحمد .. وانا قولتلك يوم ما هيمسكوني هبقا ميت وبعدين ياستي أديكي بتتفسحي ولو اتمسكت وانا ميت برضو هترجعي تعيشي حياتك في بيتك لأنك مخطوفة
إسراء .. بعد الشر ع... ( وسكتت إسراء مكملتش الجملة )
أحمد .. إيه سكتي ليه ؟ لساكي خايفة عليا بعد ال عملته معاكي !!!؟
إسراء .. أخاف إيه وبتاع إيه أنا عايزة أرجع بيتي
أحمد .. شكلك بتحبيني ياأسراء والحب غالب عليكي يابنت الناس
إسراء .. طب قولي كده إزاي أحب واحد قتل أبويا وخاطفني يعني مجرم وقاتل
أحمد .. بغضب رد عليها ( انا مش مجرم ياإسراء )
إسراء .. لا مجرم وخاطفني ومتفرقش حاجة عن مناع وقطاع الطرق ال معاه
أحمد .. أخرسي ( ورفع أيده كان هيضربها بالقلم )
إسراء .. إيه وقفت ليه ما تضرب
أحمد .. أنا مش مجرم ياإسراء ولو علي الخطف تقدري تمشي يابنت الناس أنتي حره
إسراء .. بفرحة كده ( انت بتتكلم بجد )
أحمد .. ومن إيمتا أنا بهزر !! الطريق مفتوح والبلد قدامك بعد خمس دقايق هتوصلي وتقدري ترجعي بيتك من هناك
مشيت إسراء وقعد أحمد يفكر هيعمل إيه في المصيبة ال حلت بيه بعد ما إسراء ترجع وتحكي عن كل ال شافته
ومرة واحدة لقي اتنين دخلو عليه وحاولو يمسكوه ضرب واحد منهم بس كان واخد ضربة منهم علي دماغه وبدأت الدوخة تتملك منه فجأة لقي حد مسك سلاحه وهو واقع قدامهم وضرب الأتنين صوبهم
بيرفع عينه لقاها إسراء !!!!!!
إنتظرو الحلقة القادمة
رجاء وليس أمرا أعمل متابعة للصفحة دي
الحلقة 12....13......14.......15.......16
من قصة ( الحب الاول )
مشيت إسراء وقعد أحمد يفكر هيعمل إيه في المصيبة ال حلت بيه بعد ما إسراء ترجع وتحكي عن كل ال شافته
ومرة واحدة لقي اتنين دخلو عليه وحاولو يمسكوه ضرب واحد منهم بس كان واخد ضربة منهم علي دماغه وبدأت الدوخة تتملك منه فجأة لقي حد مسك سلاحه وهو واقع قدامهم وضرب الأتنين صوبهم
بيرفع عينه لقاها إسراء !!!!!!
أحمد .. إيه ده إسراء !!
إسراء .. يلا بينا بسرعة مفيش وقت
جري أحمد وإسراء علي العربية بسرعة وأتحركو من مكانهم
إسراء .. إحنا هنروح علي فين دلوقتي !!؟
أحمد .. مش عارف .. بس كل ال أعرفه أن إحنا لازم نخرج من أسوان حالا
إسراء .. طيب وبعد كده !!!
أحمد .. أقرب حاجة لينا الأقصر وهناك هنشوف هنعمل أيه
فعلا إتجه احمد وإسراء ناحية الاقصر وهما في الطريق👇👇👇
أحمد .. ممكن أعرف بقا أنتي رجعتي ليه !!؟
أسراء .. مش عارفة بس يمكن حتة إنك خاطفني ومقيد حريتي إحساس كان صعب عليا إني أتقبله .. فبعد ما مشيت ورجعت ليك بحريتي حسيت إني هبقا متطمنة وانا معاك .. قولي انت بقا ليه سبتني أمشي بالسهولة دي رغم إنك عارف إني كنت ممكن أبلغ عن مكان وجودك ووجود قطاع الطرق ال وقفو جنمبك ؟!
أحمد .. أنا نفسي معرفش أنا عملت كده معاكي ليه وليه وثقت فيكي بالشكل ده
إسراء .. مش يمكن الثقة دي هي السبب في رجوعي ؟
أحمد .. بس أقولك حاجة انا كنت واخد فكرة عن بنات بحري إنهم نايتي كده وجبناء بس وقفتك معايا ال بمية راجل خلتني أعرف إن مش ستات الصعيد بس ال جدعان
إسراء .. نايتي 😄 الله يكرم أصلك 😄
أحمد .. تصدقي إني وحشتني ضحكتك دي
إسراء .. ماشي ياأحمد خليني معاك للنهاية لما نشوف أخرتها أيه
--------------------
في الناحية الأخري
عدلي .. وبعدين ؟! هنعمل إيه في المصيبة ال نايمة جوة دي
الأم .. مش عارفة بس بيتهيقلي إننا لازم نبلغ البوليس
عدلي .. طب أهدي لما تفوق ونشوف هنعمل إيه
فاقت شوق لقت نفسها علي سرير وعدلي ومراته وأولاده الأتنين واقفين بجوارها
الأم .. عاملة إيه دلوقتي يابنتي؟
شوق .. أنا فين !!!!!!!
عدلي .. إهدي يابنتي واطئمني إحنا جيرانك ال في الشقة ال قصادك لاقيناكي ع السلم مغمى عليكي
شوق .. طب انا لازم امشي دلوقتي
عدلي .. متخافيش يابنتي إنتي شكلك بنت ناس و إحنا عارفين كل حاجة من التليفزيون ومبلغناش عنك
شوق .. عارفين أيه!!
الأم .. كل حاجة يابنتي إنتي صورك مالية الدنيا
شوق .. طب شكرا ممكن امشي؟
عدلي .. اكيد يابنتي تقدري بس أحب أطمنك إنك معانا هنا في أمان
شوق .. إيه الصور ال ع الحيط دي أنتو مسيحيين؟؟!
عدلي .. إحنا كلنا إخوات يابنتي
شوق .. مش عارفة أقولكم إيه على ال عملتوه معايا بس ياريت محدش يعرف بمكاني
الأم .. إطمني يابنتي ولو إحتاجتي أي حاجة متتكسفيش مننا وطلباتك من الشارع إحنا ال هنجيبهالك
شوق .. أكيد ربنا بيحبني عشان رزقني بيكم أستأذن أنا
عدلي .. مع السلامة يابنتي
------------------
الظابط علاء .. في أيه يابدر جاي بتجري ليه!!!
بدر .. خبر حلو
علاء .. إنطق يابدر لقيتو الواد!؟
بدر .. لأ بس وصلتنا إخبارية إنهم في أسوان ضربو نار علي أتنين هناك
علاء .. يلا بينا بسرعة قولهما يعملو كمين علي كل مداخل ومخارج أسوان .. أقولك خليهم يعملو أكمنة علي الطرق من قنا لحد أسوان .. ويفتشو كل القطورات
----------------
أحمد .. العربية خلصت بنزين!
إسراء .. طب وبعدين هنعمل أيه!؟
أحمد .. مفيش قدامي حل
إسراء .. طب إحنا فين !!؟
أحمد .. مش عارف بس إحنا دخلنا الأقصر من عشر دقايق اقولك إنزلي ياإسراء شايفة الخيل ال هناك ده؟
إسراء .. أه ليه!!؟
أحمد .. بتعرفي تركبي خيل؟!
إسراء .. أه .. بس أوعي تكون بتفكر تسرقهم؟!
إحمد .. عندك حل تاني ؟!
إسراء .. لأ
فعلا راح أحمد وأسراء ناحية الخيل وكل واحد منهم ركب حصان وبأقصي سرعة هربو وكملو طريقهم قبل ما حد يحس بيهم
وبعد نص ساعة جري بالخيل لقو كمين في الطريق خدو طريق تاني صغير وعدو الكمين وبعد شوية قعدو يرتاحو
إسراء .. وبعدين ياأحمد الخناق بيديق علينا؟
أحمد .. ده شيئ طبيعي أكيد الشخصين ال ضربتيهم بلغو عننا بس الغريب إن الأكمنة أتعملت علي أوسع نطاق
إسراء .. علاء مش سهل وذكي جدا ربنا يستر .. انت بتعمل إيه؟!
أحمد .. هكلم عزيزأشوفو فين
إسراء .. متطولش في المكالمة احسن تكون المكالمات متراقبة
أحمد .. الو أيوه ياسعد
عزيز .. أيوه معاك ياسامي طمني عليك
أحمد .. كله تمام قولي انت فين ياسعد
عزيز .. إيه مش سامعك ياسامي عالعموم أتطمن أنا بحارب علي أكل عيشي ماتيجي تشتغل معايا
أحمد .. ياريت ياصاحبي أنا مش لاقي شغل إستناني جايلك مع السلامة
إسراء .. انا مش فاهمة حاجة !!!!!!!!!!
أحمد .. وهو ده المطلوب
إسراء .. طب هو فين ؟!
أحمد .. هو في ....... ( فجأة أفتكر أحمد نصيحة العم مناع )
لما نوصله هبقا اقولك ياإسراء
إسراء .. أنت مش واثق فيا
أحمد .. لا ياإسراء الفكرة كلها إني ...
إسراء .. خلاص متكملش فاهمة
أحمد .. بس أنتي فاجئتيني في ركوب الخيل واضح إنك متمرسة
إسراء .. كل الخيل ال انت شفته في المزرعة بتاعي
أحمد .. ماشاء الله .. طب يلا بينا الليل هييجي علينا
أسراء .. أنا عطشانة اوي
أحمد .. في زير ميه جنب اوضة هناك شايفه تعالي نشرب منه
فعلا راح احمد وأسراء شربو منه وهما ماشيين سمعو صوت ست بتتألم جوه
إسراء .. أنت رايح فين !!
أحمد .. في صوت ست بتتألم جوه هشوف فيها إيه
إسراء .. أنت مجنون !! إحنا ممكن ننكشف
أحمد .. مش هقدر امشي ياأسراء هشوفها الأول
وقف أحمد عند شباك الأوضة وقال في حاجة ياست أقدر أساعدك في حاجة ؟!
الست .. ياريت ياولدي انا مكفوفة وتعبانة مش قادرة أقوم من مكاني ممكن تساعدني
أحمد .. اكيد ياأمي
دخل احمد وأسراء عند الست الكبيرة وساعدوها إنها تتحرك من مكانها وإسراء غيرت ليها هدومها وحضرتلها الأكل الموجود وأكلو مع بعض
وأحمد أستاذن الست إنهم ينامو معاها لحد الصبح والست كانت فرحانة بيهم اوي
بالليل طلع احمد جمع شوية حطب وعمل نار وقعد يعمل شاي زي عادته ال كان بيعملها وأسراء قاعدة جنبه وعنيها منزلتش من عليه وهو بيحضر الشاي
بص أحمد ناحيتها وعنيه شبكت عيونها والقمر كان بدر حاضر ما بين النظرات الهادئة الراسخة المفعمه بالكلمات التي يعجز اللسان عن وصفها ظل يجوب ويجوب كلا منهما في عين الأخر والشفايف الساكنة مرات تتحرك ناحية الأبتسامة ومرات تتحرك ناحية العتاب وأخري للبكاء
تدمع العينان وتتساقط القطرات كالمطر وكأنهم يتناغمون مع بعضهم علي أوتار القلوب
ليت اللسان يفصح عن ما بداخل قلوبهم وكيف أفصح انا عن ما بداخلهم وهم أنفسهم يقفون عاجزين امام قلوبهم المتأرجحة في دائرة الصمت المبهم ...
الحلقة ( 13 ) من قصة ( الحب الاول )
بالليل طلع احمد جمع شوية حطب وعمل نار وقعد يعمل شاي زي عادته ال كان بيعملها وأسراء قاعدة جنبه وعنيها منزلتش من عليه وهو بيحضر الشاي
بص أحمد ناحيتها وعنيه شبكت عيونها والقمر كان بدر حاضر ما بين النظرات الهادئة الراسخة المفعمه بالكلمات التي يعجز اللسان عن وصفها ظل يجوب ويجوب كلا منهما في عين الأخر والشفايف الساكنة مرات تتحرك ناحية الأبتسامة ومرات تتحرك ناحية العتاب وأخري للبكاء
تدمع العينان وتتساقط القطرات كالمطر وكأنهم يتناغمون مع بعضهم علي أوتار القلوب
ليت اللسان يفصح عن ما بداخل قلوبهم وكيف أفصح انا عن ما بداخلهم وهم أنفسهم يقفون عاجزين امام قلوبهم المتأرجحة في دائرة الصمت المبهم
أقترب أحمد منها أكثر وإسراء أيضا تقترب منه دون أن تدري لتستعد الشفايف أن تترجم ما عجز عنه اللسان ظل يقترب أكثر وتقترب أكثر والشاي يغلي أكثر وعندما أصبحت الشفايف في وضع الأستعداد
رأى أحمد بعض من أهالي البلدة قادمون ناحيتهم لمعرفت سبب الدخان الكثيف الأتي من ناحية بيت العجوزة
أسرع احمد قائلا👇👇
احمد .. في حد جاي علينا يلا بينا بسرعة
كلا منهم ركب خيله وانطلقو مسرعين
----------------------------
في نفس اللحظة كان الظابط علاء وصل أسوان وبعد أن قلب أسوان رأسا علي عقب ولم يجدهم أشتد غضبه وراح يتسائل كيف خرجو من أسوان رغم الحراسة والأكمنة المشددة
بدر .. متقلقش هنجيبه ياعلاء بيه ولو في بطن امه
علاء .. الواد ذكي جدا يابدر ومش هيقعد في مكان اتعرف انه موجود فيه
--------------
نروح بقا مع بعض عند شوق في أسكندرية
قعدت شوق تاكل في نفسها والخوف والقلق والتوتر بيتملكو منها
فجأة الباب خبط
شوق .. مين!!؟
سناء .. انا سناء ياشوق افتحي
شوق .. إيه ده !؟
سناء .. ماما عملت شوية محشي من ال قلبك يحبهم وقالت إنك لازم تدوقي عمايل إيديها
شوق .. ماكانش له لزوم ده كله
سناء .. عيب الكلام ده انتي بنت أصول وتفهمي المعني
شوق .. ماشي ياسناء متشكرة جدا
سناء .. ياريت تقبلي أننا نكون صحاب
شوق .. اكيد ياسناء شرف ليا
سناء .. طب يلا بقا قبل المحشي ما يبرد
----------------------------
أحمد .. مالك وقفتي ليه ياأسراء!!؟
إسراء .. تعبت اوي يااحمد ومش قادرة اكمل بالخيل
أحمد .. كده مفيش قدامي غير حل واحد
إسراء .. ألحقني بيه
أحمد .. مناع
أسراء .. مالو !!؟
أحمد .. أصبري ( الو )
مناع .. مين!؟
أحمد .. الشيخ ياسين النجعاوي
مناع .. هلا والله تحت امرك
أحمد .. محتاج أقابلك ضروري
مناع .. قولي مكانك
وصف له احمد مكانه وبالفعل وصل ليه رجالة مناع في أسرع وقت وخدوه علي مناع وقبل ما يمشي فتح الفيسبوك وعمل منشور وجدوله بحيث إن المنشور ده يتنشر تلقائي بعد 7 ساعات وساب التليفون مكانه وراح مع رجالة مناع
أحمد .. كيفك ياعم مناع
مناع .. بخير طول ما انت بخير ياولدي
احمد .. ممكن نتكلم لوحدينا شوية
مناع .. اكيد ياولدي
بالفعل احمد وعم مناع قعدو مع بعض لوحدهم
مناع .. خير ياولدي
احمد .. انا كلمت صاحبي عزيز وهو موجود دلوقتي في سيناء
مناع .. يابوووي سيناء!!؟
احمد .. ده احسن مكان نستخبي فيه الفترة دي وعايز منك عربية كويسة وتكون مش متسجلة
مناع .. طلبك موجود ياولدي
فعلا اخد احمد العربية واتجه ناحية سيناء في مجازفة كبيرة منه وبعد ما ال7ساعات إتفاجئ علاء بحد بيتصل بيه ويقوله الواد ظهر ونشر بوست عاالفيسبوك أدخل شوفه بسرعة
دخل الظابط علاء بسرعة فتح الفيديو
شاف أحمد قاعد متربع وبيمص قصب
وكانت كلمات أحمد كالتالي ........
الحلقة ال ( 14 ) من قصة ( الحب الاول )
#الفيديو
( السلام عليكم .. طبعا الدنيا كلها بتتفرج علي الفيديو ده دلوقتي .. وعندهم شوق ولهفة يشوفو السفاح ال قتل عضو مجلس الشعب وخطف بنته
وطلق ابنه الظابط من مراته
وطبعا انا ماشاء الله وبلا حسد بقيت أشهر واحد في الوطن العربي وبقيت بلا فخر حديث بعض الصحف العالمية يعني بقا لا تقولي احمد السقا ولا محمد رمضان ولا حتي امير كرارة😄
وبقيت سفاح كبير ومجرم خطير في عين الناس
وكل الناس إعلام وصحافة وسوشيال ميديا بقت تطالب برجوع حق شاكر محفوظ 😄
لا بصراحة انحني أحتراما وارفع القبعة لكل الرأي العام ال بقا إيد واحدة ضدي عشان يجيب حق الشهيد شاكر محفوظ😄
لا بصراحة أحييكم عالوحدة الوطنية 👏👏👏
طب وحق أختي فين أل اتقتلت جنب عريسها وبدل ماتدخل دنيا خرجت منها من غير أي وجه حق ؟!
وحق أمي فين ال مرمية في المستشفي في غيبوبة ياعالم هتقوم منها إيمتا ولا مش هتقوم منها خالص ؟!
وحقي انا الواد الغلبان فين ال احلامه إتبخرت و حياته اتدمرت وكلها أيام ويتعلق في حبل المشنقة عشان يرضي أسياده ويريح الظالم في تربته ؟!
كنتو فين ياعالم ؟! كنتو فين ياناس ؟!
كنتو فين ياناس غبية ولعبة تافه بتتحرك بكيف كيف ومزاج مزاج الناس الكبيرة
كنتو فين ياعالم مغيب لما حبيبتي ال سافرت أكون نفسي عشانها و نتلم انا وهي تحت سقف واحد وسنين دقت فيهم الذل ووجع الغربة ولياليها ال مش بتعدي عشان أتجوزها
بس إزاي اتجوز حبيبتي وهي خلاص عجبت إبن الاكابر علاء بيه وطلع في دماغه إن يتجوزها وغصب عليها وخسرها هي وابوها ال وراهم وال قدامهم عشان يجيب بوذها الأرض وتوافق
كنتو فين لما إستكترها عليا ؟!
قولولي .. كنت فين لما شاكر بيه علقني من رجلي في مزرعته وذل امي وأهانها لما جت تترجاه عشان يفكني
كنتو فين لما حق الواد ال اسمه محمود وقت ما أتقتل في الشارع من عيل أسمه راجح والقضية أتقفلت احداث ويومين والواد يطلع ؟!
كنتو فين لما حق الواد البياع لما رمي نفسه من القطر عشان معهوش حق التذكرة يدفع ؟!
كنتو فين لما الواد بتاع السعودية ال متغرب بيضيع سنين من عمره عشان يأكل ولاده بالحلال واتقتل علي إيد واحد كفيل لا عنده رحمه ولا دين ؟!
والله انا ما عندي اي ميول سياسية ولا أحب السياسة نهائيا
بس ميحسش بالمظلوم غير ال أتظلم وميحسش بالوجع غير ال إتوجع وميحسش بالغلبان غير الغلبان ال زييه
محدش فيكم فكر يسأل نفسه أنا ليه عملت كده ؟!
أنا حقي في الدنيا أتسلب مني وحقي في الأخره الله أعلم بيه
عارفك ياواد ياعلاء بتتفرج عليا دلوقتي في الخباثة😄
ماتيجي يواد تضربلك معايا عودين قصب من ال قلبك يحبهم
عارف يواد ياعلاء
زي مافي ظباط نزيهة وعندها رحمة
زي مافيه أنت وأمثالك ال هجييبه البلد ورا
فبلاش أنت وال زيك يكرهونه في البلد عشان متصحوش في يوم من الايام متلاقوش حد تحكموه
أخر كلمه احب أوجهها للظابط علاء بيه
( في المشمش )
خلص الفيديو .
...................................
خلص الفيديو وبدأت نار علاء تشتعل أكتر وأكتر واكتر
وبدأ يكسر ويخرب في المكتب وعينه أحمرت وكانها مليانة جمر من جهنم
الضابط بدر .. إحنا حددنا مكان التليفون ورجالتنا خلاص حاصرو المنطقة
الضابط علاء .. قولهم يرجعو
بدر .. ايه !!؟
علاء .. مش هتلاقوه وافتكر إني قولتلك الواد مش بالغباوة ال انت متخيلها دي
بدر .. يعني إيه؟!
علاء .. سيبني دلوقتي لوحدي
-------------------
وقت الفيديو ما إتذاع جريت سناء وفهمي ولاد عم عدلي علي شوق وعرفوها وشافت معاهم الفيديو
بكت كتير أوي وقت سماع الفيديو
حرفيا كده كلام احمد في الفيديو قلب عليها المواجع وكل كلمة كانت زي الرصاصة ف قلب شوق
---------------------------
أما بقا عن الرأي العام
الفيديو قلب الدنيا وعمل حالت إنقسام ما بين الناس
منهم ال إتعاطف مع أحمد ومنهم ال قال أنه بيكدب
الفيديو كان بمثابت حدث عالمي
لأن نسبة المشاهدة والمشاركات عليه تخطت ال50 مليون في أقل من 5ساعات
------------------------
نروح بينا بقا عند احمد وإسراء ال كان عارف بوقت سماع الفيديو وشغل الراديو
إسراء .. إيه ده أنت ولعت الدنيا
أحمد .. ولسه ال جاي أكتر
إسراء .. بدأت اخاف من ال جاي
أحمد .. بداتي تخافي عليا ولا مني؟!
إسراء .. لا يااحمد خايفة عليك ولو خوفي منك متقلقش أنا مابحسش بالامان غير وانا معاك
أحمد .. وبعدهالك ياإسراء بلاش انا يابنت الناس
إسراء .. مش فاهماك؟!
أحمد .. بلاش تعلقي نفسي بواحد بينه وبين الموت خطوة
إسراء .. مش هتموت ياأحمد
أحمد .. يعني إيه؟!
إسراء .. يعني يوم ما هتموت هكون انا ميتة من قبلك
أحمد .. ايه ده !!!
إسراء .. في إيه ؟!
أحمد .. في عربيتين ورانا بقالهم يجي عشر دقايق
إسراء .. طب هدي السرعة شوية خلينا نتأكد
فعلا احمد هدي السرعة وعربية منهم جت قصاده والقزاز بتاعها بينزل
بص احمد شاف ال راكب فيها ...............
الحلقة ال 15 من قصة ( الحب الأول )
أحمد .. في عربيتين ورانا بقالهم يجي عشر دقايق
إسراء .. طب هدي السرعة شوية خلينا نتأكد
فعلا احمد هدي السرعة وعربية منهم جت قصاده والقزاز بتاعها بينزل
بص احمد شاف ال راكب فيها مناع بيشاور ليه ويقوله أقف
بالفعل وقف أحمد وراح لمناع وقال
أحمد .. خير ياعم مناع جاي ورايا ليه!!!
مناع .. قطعت نفسي وراك ياولدي
أحمد .. ليه ده كله !!
مناع .. ليك عندي مفاجئة
أحمد .. مفاجئة إيه !!
مناع .. تعال ع العربية التانية شوف جبتلك مين
أحمد .. ايه ده !!!!!
مناع .. أيه رأيك
أحمد .. العمدة !!
العمده .. أيوه ياولدي العمده
أحمد .. انت خرجت من المستشفي !!
العمده .. أيوه ياولدي خرجت وبقيت واقف علي رجلي
أحمد .. وكيف عرفت مكاني ؟
مناع .. بعد ماخرجت من عندي جاتلي أخبار من حبايبي ال في بلدكم إن العمدة خرج من المستشفي قولت إن هو الوحيد ال هيقدر يساعدك لأن مشكلتكم واحدة
أحمد .. هيساعدني أزاي!؟
العمدة .. قولي الأول بنتي شوق فين !؟
أحمد .. بنتك في الحفظ والصون ياعمدة !؟
العمدة .. طب أسمع صوتها
أحمد .. مينفعش ياعمدة بس اتطمن بنتك في امان
العمدة .. مادامت معاك ياولدي أكيد هتبقا في أمان
مناع .. عندي ليك إقتراح ياأحمد
أحمد .. قول ياعم مناع
مناع .. ياولدي مرواحتك للمكان ال قولتلي عليه خطر وممكن تتمسك في أي كمين
أحمد .. تقصد إيه ياعم مناع!؟
مناع .. عندي مكان في الجبل وسط المطاريد بتوعنا في قنا إيه رأيك تقعد هناك لحد ما الأمور تهدا شوية
أحمد .. والمطاريد دول مضمونين!؟
مناع .. عيب ياولدي انا أضمنهم برقبتي وياعمي انا هقعد معاك هناك عشان تبقا متطمن
أحمد .. ماشي ياعم مناع خد إسراء وروح علي هناك والعمدة يرجع علي بيته وكأنه مشفش حاجة وبلاش تقابل العمدة تاني لأنه أكيد هيبقا متراقب في الفترة ال جاية
مناع .. طب وانت ياولدي !!؟
أحمد .. انا عندي مشوار ضروري لازم اعمله وهحاول ارجع بسرعة
العمدة .. طب خد دول أكيد أنت محتاج ليهم دلوقتي
أحمد .. إيه الفلوس دي كلها ياعمدة !!
العمدة .. دول مائة الف جنية
احمد .. الحمد لله مستورة ياعمدة
العمدة .. خد من يدي ياولدي متكسفنيش وياسيدي إعتبرهم سلف ولما ربنا يفك كربك ابقا رجعهم
إسراء .. خد منه ياأحمد أنا عارفة إنك معكش فلوس واكيد انت محتاجهم
مناع .. اسمع الكلام ياولدي خدهم
أحمد .. ماشي ياعمدة بس دول سلف ( عالعموم إتوكلو ع الله وانا هخلص مشواري واجيلكم بسرعة )
فعلا سابهم احمد وركب العربية ومشي
--------------------
نروح مع بعض بقا عند شوق ال كانت نايمة وفجأة الباب خبط
شوق .. مين !؟
محدش رد!!
شوق .. قولي مين!؟
إفتحي ياشوق أنا أحمد
شوق بفرحة كبيرة فتحت الباب وأترمت في حضن احمد وبتبكي بكاء الاطفال
أحمد .. أزيك ياشوق
شوق .. طمني عليك انت ياقلب شوق
احمد .. ايه الدلع ده كله
شوق .. وحشتني ياحبيبي وحشتني قوي
أحمد .. طب بس كفاكي بكا
شوق .. سيبني انا يادوب روحي ردت فيا
أحمد .. طب قوليلي عندك اكل ولا أيه
شوق .. ياسلااام أحلا اكل لأحلا ابو حميد
احمد .. عندي ليكي خبر حلو
شوق .. خبر أيه!
احمد .. تعرفي مين كان معايا قبل ما أجيلك
شوق .. مين !!؟
احمد .. ابوكي العمدة بذات نفسه وكان واقف علي رجله صاخ سليم
شوق .. بجد أبويا خرج من المستشفي♥️
احمد .. ايوه ياستي وبيسلم عليكي
شوق .. ربنا يفرحك زي ما مفرح قلبي كده علي طول
مش يلا بينا بقا أنا جهزت الأكل قبل ما يبرد
--------------
في الناحية الاخري
الظابط علاء كان في البيت بص في التليفون لقي بدر بيرن عليه رمي التليفون جنبه ومهتمش التليفون رن تاني وتالت
الظابط علاء .. ايوه يابدر
بدر .. خبر حلو
علاء .. خير يابدر انطق أكيد هتقولي الواد في الصومال ونروح منلاقيهوش اقفل يابدر
بدر .. لأ
علاء .. طب انطق متسوخش روحي معاك
بدر .. عرفنا مكان شوق
علاء قام وقف من مكانه وبلهفة قاله قولي بسرعة هي فين
بدر .. شوق في إسكندرية
علاء .. طيب متبلغش المديرية يابدر
بدر .. يعني إيه ؟!
علاء .. يعني هروح لوحدي
بدر .. بس ..
علاء .. مفيش بس يابدر
بدر .. طب انا جاي معاك بس بكده هنتحرك الصبح عشان منسيبش الوردية وافتكر اخر تحذير وصلك من الداخلية يعني اي غلطة هتكلفك كتير وأولهم تركك للقضية
علاء .. معنديش مشكلة يلا بينا
_____________
أحمد .. الحمد لله تسلم إيدك يابت ياشوق من فترة مأكلتش كتير قوي كده
شوق .. بالهنا والشفا ياقلبي ومطرح مايسري يمري
أحمد .. ادخلي بقا نامي وسيبني أنا كمان ارتاح شوية
شوق .. لا انا من الفرحة مش هقدر انام ادخل انت ريحلك شوية جوة
أحمد .. ماشي ياشوق تصبحي علي خير
شوق .. وانت من اهل الخير يارب
فعلا دخل احمد نام جوة وشوق كانت قاعدة برة بتعمل شوية حاجات
بعد كده خلصت شوق إل في إيديها وقعدت سرحانة وفرحانة ومن كتر ماهي بتشتاق ليه كل شوية تدخل تبص في وشه وهو نايم
في اخر مرة قعدت جنبه والبرد كان قارس مدت رجليها جنبه وقعدت براحة تلعب في شعره
بعد شوية النوم غلبها فخدت قرار جريئ
دخلت في حضنه وإستخبت جواه وبدأت تبكي بصوت مهموس
فجأة لقيت أحمد بإيده بيرفع وشها من حضنه وبدأ يمسح دموعها
في نفس اللحظة تعمقت شوق أكتر في حضن أحمد و ..............................
الحلقة ال 16 من قصة ( الحب الأول )
فنجان قهوة وسيجارة وقعدة مع النفس في بلكونة منورها ضي القمر
مع صوت فيروز في ساعت فجرية حبيبته جاية عليه مبتسمة
شوق جلست علي ركبتيها وقبلت يد احمد وقالت له ربنا يخليك ليا ياكل حاجة في دنيتي
أوفقها أحمد أمامه وقبلها علي جبينها وقال لها ويخليكي ليا ياحب عمري
شوق .. يااااه كنت خايفة تبطل تحبني يااحمد
أحمد .. لو بمزاجي كنت بطلت أحبك بس كان غصب عني لأنك كنتي الحب الأول
شوق .. مش فاهمة ممكن تقولي يعني إيه الحب الأول وبلاش الفلفسة بتاعتك في الكلام دي عشان مبفهمهاش
احمد .. هههه اسمها فلسفة .. عالعموم ياستي هقولك بكل بساطة وطرطقيلي ودانك عشان مش هعيد الكلام تاني أتفقنا؟
شوق .. أتفقنا قول بقا
أحمد .. الحب الاول هو الحب الحقيقي يعني بتلاقي نصك التاني ال بتحسي أنه فاهمك يمكن اكتر من نفسك عايش جواكي بيتألم قبلك وبيفرح معاكي يعني تلاقي حد يحسسك إنك كل حاجة في حياته
بيزرع فيكي الإهتمام والشوق واللهفة لكل حاجة
لأن حرفيا بيخلي لكل تفصيلة في حياتك طعم ولون
لبسك أكلك علاقاتك الخارجية مع كل الناس ال حواليكي
كمان بيزرع فيكي ثقتك بنفسك وثقتك بالناس ال حواليكي
لو الدنيا جرحتك بتطلعي تجري عليه زي الطفلة الصغيرة ال بتعيط ومجرد بس ما يكلمك كلمتين تنسي إنتي كنتي جاية ليه وعايزة تشكي من إيه وإبتسامتك بعد دقيقة بتترسم علي وشك وكأنك كنتي بتتلكي عشان وحشتك طبطبته عليكي
الحب الاول ياشوق مبتغيروش ظروف ولافراق ولا حتي علاقة بشخص تاني حتي ولو كانت علاقة أبدي
شوق ... ياااااه أنت كأنك بتوصفني من جوايا
أحمد .. يعني جوازك من علاء مغيرش في حبك ليا
شوق .. والله يااحمد أنا مفيش ليلة عدت عليا وانا حاطة راسي ع المخدة إلا وأنت ساكن جوايا اوقات افتكرك وابتسم وأحيانا أبكي علي حظي ويبقا الود ودي اطير واجيلك وين ما تكون واترمي في حضنك واشكيلك من الدنيا وال بتعملو فيا والله انا حتي لما كنت بكون في ...
أحمد .. في .. إيه!!؟
شوق .. حتي لما كنت مع علاء كنت بتخيلك انت عشان الليالي السودة تعدي .. من بعدك فقد الإهتمام والحنية والدفة كنت محتويني بكل حالاتي
وكنت أحيانا بلوم نفسي وأحس اني كده بخون زوجي بس دي كلها كانت حاجات لا إرادية
وفعلا مفيش حاجة كان ليها طعم اليوم ال يعدي كان زي اليوم ال قبله كل الايام كانت زي بعضيها
بس الحمدلله ربنا عوضني عن اليومين ال شوفتهم برجوعك ليا تاني ووجودك جنمبي ومش هسمح لحد أنه يفرقنا عن بعض تاني
احمد .. الساعة بقت 6 الصبح ما تيجي ننزل نجيب فطار سوا؟
شوق .. بجد ياريت انا هلبس واجي بسرعة
فعلا أحمد وشوق لبسو هدومهم ونزلو الشارع متخفيين
جابو فطارهم وراجعين مع بعض طلعو علي شقتهم
أحمد دخل الحمام وشوق حضرت الفطار الجميل وبما إن المزاج عال العال ضافت ليه التاتش بتاعها عشان يعجب احمد
مع اخر طبق ع السفرة الباب خبط
شوق .. مين ؟
محدش رد
شوق .. خليك عندك في الحمام دي سناء جارتي بعدين ابقا اجي احكيلك عنها
فتحت شوق الباب ملقتهاش سناء لقت علاء في وشها قعدت تقفل الباب في وشه مسكها من إيدها وكتم صوتها وطلب من بدر يقف تحت البيت
علاء .. أخيرا لقيتك يافاجرة
شوق .. انت عايز مني إيه
علاء .. المرة ال فاتت فلتي مني بسبب غباء الواد ال بعته يقتلك وقتل البت ال إسمها صفاء بس المرادي هقتلك بيدي
شوق .. طب وهتستفيد إيه لما هتقتلني وليه من البداية اصلا عايز تخلص مني
علاء .. انتي احقر من إني أجاوبك بس عالأقل غير إني كارهك هحرق بيكي قلب الواد ال عايش في دور عنترة
فجأة لقي علاء أحمد واقف في ضهره وحاطط السلاح في راسه وقاله ( حظك وحش ياعلاء بيه عنترة واقف في قفاك )
وراح أحمد ضربه علي دماغه بضهر السلاح فقد علاء الوعي
وبعد شوية جردل ميه إترمي في وش علاء فوقه لقي نفسه متكتف علي كرسي واحمد واقف في وشه واحطط إيده علي كتف شوق وبيقوله ( أظن إن إحنا لايقين علي بعض أكتر ياواد ياعلول ولا أيه رأيك )
أقولك علي حاجة ياواد ياعلاء إيه رأيك إني هتنازل وأعمل الفيديو ده معاك وخلي إسمك وشكلك يبقا تريند بس إبقا عد الجمايل يواد ياقليل الأصل
في نفس اللحظة علاء كان بيزوم بغضب ووشه كان كله شر ونظرات تريد التلذذ بالإنتقام وهو أحمد بيعطي التليفون لشوق عشان تصور الفيديو المنتظر لأحمد وعلاء مع بعض
وقف أحمد جنب علاء وطلب من شوق تضغط بدء تسجيل الفيديو
الفيديو بدأ وكان اول كلام احمد فيه ...........
إنتظرو الحلقة القادمة بس بعد المتابعه هن
تحياتي mo salah
تكملة الرواية من هنا 👇👇👇