 |
الحلقة الاولي والثانيه والثالثه والرابعه والخامسة
من قصة ( المليونيرة الفقيرة )
دينا .. أيو ياست ماما انا راكبة الميكروباص كل شوية ترني عليا وكأني مهاجرة
الأم .. تصدقي إن انتي بنت كلب وخسارة فيكي السؤال
الأب .. ياولية انتي هو انا شفاف خالص مش شايفاني قاعد قدامك
الام .. سوري ياابو دينا
الأب في نفسه بنت حسيبة بتقول سوري الله يرحم امك بياعت السمك
الام .. بتبرطم تقول إيه ياراجل انت !
الأب .. لا أبدا ياأم دينا
دينا .. يوووه ياماما ميت مرة أقولك متلطعنيش في التليفون وتتكلمي جمبك
الام .. اخرسي يابت عاجبك ولا مش عاجبك؟!
دينا .. عاجبني ياست ماما قوليلي بقا محضرة ايه ع الغدا ؟
الام .. اسكتي يابت يادينا عاملالك شوية كوارع ومنبار بس إيه يستاهلو بقك
دينا .. عيني ياعيني ياست الكل 😍
الام .. ياكش بس يتمر فيكي وفي عضم أبوكي
الاب .. في نفسه ( عارف قصدك ايه ياولية ياخبيثة بس وربنا لو جبتي زيت كبد الحوت أو الحوت نفسه ماهيعمل حاجة .. أصلها بالنفسية ياولية يافقر )
الام .. ياجدع انت ما تسمعني بتبرطم تقول إيه!!!؟
الاب .. بقول تسلم إيدك ياست الكل والله من غيرك مش عارفين كنا هنعمل إيه
الأم .. قولي لقيت حد يأجر الشقة الفاضية
الأب .. والله كلمت سماسرة كتير ومحدش راضي ييجي
الأم .. ليه إن شاء الله دي متشطبة سوبر لوكس
الأب .. ماهو بيقولو العيب مش في الشقة
الام .. امال في إيه؟!!
الأب .. بيقولو إنك كل شوية تضربي السكان فبيطفشو
الام .. نعممممم هما ال قلالات الأدب
الاب .. ياشيخة ده الساكن السابع في ست شهور معقول كلهم وحشين!!؟
الام ..بقولك إيه ياحسين لم الدور وحط لسانك في بقك أحسن وديني ..
الاب .. لا ياستي وعلي إيه أنا نازل ع القهوة
الام .. انت ياراجل انت هتشلني بقا الغدا جاهز وبنتك علي وصول وتقولي انزل علي القهوة
الاب .. معلش كلو انتو وانا شوية وراجع ياسعاد
خرج عم حسين وهو عمال يستغفر ويتشاهد من كلام سعاد مراته وهو نازل علي السلم قابل دينا
دينا .. إيه يابا رايح فين؟
الاب .. رايح ع القهوة ياحبيبتي
دينا .. ايه مش هتتغدا معانا ؟
الأب .. لا اتطلعي انتي ياحبيبتي وربنا يعينك ع السيد قشطة ال فوق
دينا .. حاسب احسن تسمعك ويبقا يومك مش فايت النهاردة
الأب .. دي ولية اعوذو بالله أستأذن انا ياحبيبتي
_____________
راح عم حسين علي القهوة
حسين .. ازيك ياأسطا سيد
سيد .. اهلااا ازيك ياأستاذ حسين مالك ليك يومين مش بتنزل ع القهوة
حسين .. والله ياسيد الشغل الحكومي بقا مقرف ومتعب وباجي في اخر اليوم هلكان
سيد .. ربنا يعينك ياحسين قولي تشرب إيه
حسين .. نخليها قهوة مظبوط
سيد .. 👏👏👏أنت ياولا يارضا هات قهوة مظبوط علي ميه ساقعة للأستاذ حسين
حسين .. قولي ياسيد مفيش قدامك حد عايز شقة إيجار
سيد .. تاااااني هو لسه الساكن الجديد لحق يقعد عشان يمشي
حسين .. هنعمل إيه ياسيد ما أنت عارف ال فيها
سيد .. ياراجل قلها تهدا شوية عالسكان ده مش نظام ده
حسين .. قولنا كتير ومش نافع ياسيدي
سيد .. طب اسمع في واد ساكن عندي هيمشي أخر الشهر عشان عقبال عندك هشطبها وهجوز فيها الواد محروس ابني
حسين .. طب ظروفه الواد ده
سيد .. أتطمن ده ساكن عندي له اربع سنين ومفيش مرة حد إشتكي منه واخلاقه عاليا
حسين .. وهو كذلك ياسيدي
سيد .. طب اشرب القهوة قبل مايسقط وشها
___________
الأم .. شوفتي ال بيعملو ابوكي وفي الأخر بتقولو عليا مفترية
دينا .. يامام ماهو مش كده برضو خليكي هادية عليه شوية يعني حبة طبطبة علي حبة دلع كده يعني
الأم .. اطبطب علي مين والنبي تسكتي ، بقا في حد في الدنيا وهو داخل اوضة النوم عند مراته قبل مايدخل يقول بسم الله اعوذ بك من الخبث والخبائث
دينا .. هههههههههههههههههههههه هموت اه يابطني هههههه
الام .. بتضحكي علي إيه ياجزمة
دينا .. بس بيحبك وانتي غالية عليه اوي ياماما ده لسه كان واقف معايا عالسلم بيتغزل فيكي
الأم .. بجد يابت 😍 كان بيقول إيه إنطقي
دينا .. قالي عارفة يابت يادينا امك دي بطة بلدي مفيش منها
دلوقتي وكل الناس بيحسدوني عليها دي عليها عود
محصلش وأنوثتها بتدبحني ولا دلعها يالهوي عليه وطلب
مني أنام بدري مش عارفة ليه!
الأم .. مش مهم تعرفي انا فاهماه أبوكي ده شقي اوي مستنياك ياابو دينا 😍
بعد شوية جه عم حسين خبط ع الباب فتحت ليه دينا
دينا .. أخرت ليه يابابا
الاب .. مفيش يابنتي عمك سيد خدني ورحت اتكلمت مع الساكن الجديد
دينا .. طب روح خد دوش عقبال ما اسخن ليك الاكل
الاب .. امال امك فين
دينا .. في اوضتها روح هات بيجامتك وادخل إستحمي علي ما الأكل يجهز
دخل الأب جاب بيجامته وطلع علي دينا في المطبخ لقيها هتموت من الضحك
الاب .. مين ال عمل الجريمة الشنيعة ال جوة دي
دينا .. ههههههههه ده بدل متتبسط إنها إتمكيجت وظبطت نفسها عشانك
الاب .. بقا كده يهون عليكي ابوكي تعملي فيه كده
دينا .. إيه يابابا متكبرش الموضوع
الاب .. يابنت الجزمة أنا محدش هينفعني بعد ما ادخل جوة ويتقفل عليا الباب هتحاسب لوحدي
دينا ... هههههههههههههههه ربنا معاك يابابا
الحلقة الثانية من قصة ( المليونيرة الفقيرة )
ام دينا .. انتي يابت ياديناااااااا أصحي يازفتة هتأخري علي الجامعة
أبو دينا .. استغفرو الله العظيم
ام دينا .. بت ياديناااااااا هتصحي ولا أجيلك
أبو دينا .. في إيه ياولية انتي مش واقفة علي عربية فول!
أم دينا .. في إيه ياراجل عالصبح مالك!؟؟
ابو دينا .. ياولية هو في حد في الدنيا يصحي حد وهو قاعد
في مكانه .. قومي روحي صحيها في أوضتها بتزعقي فوق
دماغ امي ليه !!!
ام دينا .. خلاص بطل دوشة اديني قايمة .. انتي يابت يادينااااااااااا
ابو دينا .. غوري ياكش يارب تبلعي لسانك ونرتاح منك
( ابو ال جاب أمك )
يدوب ابو دينا عينه غفلت ودخلت أم دينا تصحيه
أم دينا .. ياابو ديناااااااااااااااا اصحااااااااا
ابو دينا .. خير ياولية البيت بيقع ولا إيه😳
أم دينا .. قوم بسرعة فردت الشراب البني بتاعتك وقعت من
علي المنشر في الشارع وبالمرة الراجل بتاع اللبن جه تحت
هاتلنا منه نص كيلو لبن علي بال ما احضر الفطار ( وخرجت)
ابو دينا .. اتفو عليكي وعلي الحمار ال إتجوزك
قام ابو دينا وهو بيخبط نفسه في الحيطان
يااااارب دعوة يتيم في ساعت صبحية ريحني منها وخدها عندك يارب
يارب ده الشيطان نفسه إستعاذ منها وبقي بيصلي قيام الليل
يارب الولية دي قربت تخليني أكفر خدها بقا يارب
أم دينا .. اخلص اطلع من عندك ياراجل ، بتاع اللبن هيمشي
أبو دينا .. حاضر (يارب خدها هي وبتاع اللبن في يوم واحد)
دينا .. ايه ده ،، القمر خرج من أوضته ياناس
أبو دينا .. صباح الورد علي عيونك والزفت علي دماغ امك
خرج ابو دينا جاب فردت الشراب واللبن ورجع قعدو علي الفطار
دينا .. قولي عامل ايه في شغلك يابابا
الأب .. الحمدلله يابنتي طمنيني انتي عاملة ايه في جامعتك
دينا .. خايفة من أخر أمتحان لأني حاسة إني عكيت فيه
الأم .. هتفضلي كده طول عمرك خايبة زي عيلة أبوكي
الأب .. ياولية انتي لازم تجيبي أسمي في أي جملة مفيدة
وبعدين مالها عيلة ابوها أغلبيتهم موظفين حكوميين إنما بقا
العيب والباقي علي عيلتك كفاية بس إن كبيركم أسمه محسن ظعبوط
الام .. إنت هتلبخ ولا إيه وبعدين مالو أبويا محسن ظعبوط
ده راجل ملو هدومه وكسييب وبيصدر جاموس للخارج
الأب .. أه ما انا أستوردت منه من ٢٥ سنة
الأم .. لاااااااا ده انت زودتها قوي
دينا .. طب أخلع انا بقا قبل الموضوع ما يتطور اكتر من كده
الأم .. خدي هنا يابت ادخلي هاتي كيس الشندوتشات بتاعك من المطبخ
دينا .. وبعدين معاكي ياماما قولتلك أنا خلاص كبرت
عالسندوشات انا في اخر سنة في الجامعة ياماما
ام دينا .. بقولك ايه يابت انا عفاريت الدنيا بتتنطط في وشي
اسمعي الكلام وقولي حاضر
دينا .. حاضر ياماما حاضر😡
الأب .. استني هلبس بسرعة وامشي معاكي
دينا .. ماشي يابابا
فعلا نزلو هما الأتنين وخرجو مع بعض
الأب .. امسكي يادينا
دينا .. إيه دول يابابا !!
الاب .. خلي الفلوس دي معاكي عشان لو احتاجتي حاجة
دينا .. ربنا يخليك ليا ياأحلى أب في الدنيا ، خد انت بقا
سندوشات مراتك ال مأبداني بيها دي😅
الأب .. اهم حاجة الفلوس ال معاكي متعرفيش بيها كلب البحر ال عايش معانا
دينا .. 😅😅😅😅 لا متقلقش
الأب .. انا ماشي خلي بالك من نفسك يادينا
دينا .. وأنت كمان ياقلب دينا من جوة♥️
وصل الشغل عم حسين وبعد شوية تليفونه رن مكالمه من الأسطي سيد
حسين .. صباح الخير ياسيد
سيد .. صباح الفل ياحسين
حسين .. خير يارب في حاجة ولا إيه مش بعادة يعني
سيد .. كنت هستأذنك الواد ييجي يقعد عندك من النهاردة
عشان المقاول عايز يبدأ شغل
حسين .. مفيش مشكلة ياحبيبي خده ع البيت
_________
فعلا راح الأسطي سيد ومعاه الساكن الجديد
سيد .. ياأهل الله يال هنا .. ياأم دينا
ام دينا .. أصبحنا وأصبح الملك لله خير ياسيد عايز إيه
سيد .. هكون عايز منك إيه ياولية أنتي .. فين مفتاح الشقة ال هتتأجر معايا الساكن الجديد
ام دينا .. طب بس متزقش خد المفتاح اهو .. اهلا بيك ياأستاذ هتسكن لوحدك ولا معاك اسرة
الساكن .. لوحدي إن شاء الله
ام دينا .. اسمك ايه وبتشتغل ايه
الساكن .. اسمي عادل صنايعية نقاش
ام دينا .. طيب ادخل اعملكم الشاي علي ما تتفرجو
سيد .. لا مش عايزين شاي
ام دينا .. مالك ياسيد بتتقمص بسرعة ودمعتك قريبة زي النسوان كده ليه
سيد .. ياولية دمعت ايه وزفت أيه انتي شايفاني بدمع
أم دينا .. لا ما انا حاسة بيك هتدمع
سيد .. روحي ياام دينا اعملي الشاي وسيبك من كلامك ال يغيظ ده ربنا يهديكي
عادل .. ينهار اسود ليه كده ياعم سيد ترميني الرمية دي
سيد .. ياابني هي كويسة و قلبها ابيض وجوزها راجل محترم
( ربنا يكون بعونك ياحسين ياخويا دي هتقصف عمرك بدري)
عادل .. هنشوف ياعم حسين ربنا يستر
سيد .. اهم شي ياعادل عينك في الأرض انا فاهمك كويس وانت فاهمني
عادل .. متقلش ياعم سيد
ام دينا .. الشاي وصل
سيد .. لا خلاص اشربيه وحدك احنا رايحين عالقهوة
ام دينا .. امال خليتني اعمله ليه ياابن نفيسة العمشة
سيد .. امشي ياعادل ياابني متستغربش إحنا واخدين علي بعض من زمان
خدو قعدتهم علي القهوة وعادل قال للأسطي سيد أستأذنك امشي انا بقا اروح انام شوية
__________
عادل ماشي في الشارع لقي بنت حلوة عاكسها ، البنت عملت
معاه مشكلة وصوتهم عالي بصت ام دينا من البلكونة شافت
حد بيتخانق مع دينا نزلت تجري وفي إيدها الطاسة لأنها
كانت واقفة في المطبخ
الأسطي سيد جه يجري لقي عادل واقع في مشكلة مع دينا بنت اصحاب البيت
الأسطي سيد .. في ايه ياعادل انت متعرفش دي مين؟!
عادل .. هتكون مين يعني؟!
بص عادل لقي أم دينا واقفة وراه ورافعة طاستها التي بلغت
عنان السماء ونزلت بيها بووووووم عادل خد جنب
فلبست في دماغ الأسطي سيد .......
أروح انا أتطمن علي دماغ الاسطي سيد
وأرجع أكملكم القصة
دعم بقا😍
الحلقة الثالثة والرابعه والخامسه ..
من قصة
( المليونيرة الفقيرة )
في بيت الاسطي سيد
الأسطي سيد .. ااااه يدماغي ربنا يهدك يابعيدة
الاستاذ حسين .. حقك عليا ياسيد يااخويا والله ماعارف أقولك إيه
سيد .. هتقول إيه ياحسين دول 14 غرزة ياحسين ااااااه يادماغي
عادل .. معلش ياعم سيد حقك عليا والله ما كنت أعرف إنها بنت عم حسين
سيد .. ده عشان حظي المهبب اومال مين ال كان هيتضرب بالطاسة
دخلت ام دينا
ام دينا .. معلش ياسيد ياخويا والله ما كنت أقصدك
سيد .. غوري ياولية مش عايز اشوف وشك
ام دينا .. اخص عليك راجل معفن صحيح .. انا ال غلطانة اني جاية استسمحك
سيد .. انتي بتشتميني في بيتي ياولية
زوجت سيد .. اما إنك ولية بجحة صحيح
ام دينا .. لاااااا فوقي ياولية انتي بدل ماأجيبك من شعرك
وإياكي تتدخلي بيني وبين سيد ، انا أعرفه قبل مايشوف
وشك ، هو جربان صحيح وميستهلش بس دا عشرة عمر
ومتربي معايا وميهونش عليا
حسين .. ههههه إلحق ياسيد مراتي بتقول في حقق كلام حلو
سيد .. مش عارف والله ألمفروض أفرح ولا أزعل دي حتي
الكلمتين حلوين زرعت في وسطهم كلمتين دبش
أم دينا .. خلاص بقا ياسيد جيبتلنا الكلام من ال يسوى وال ميسواش
سيد .. هههههه بطلي عك في الكلام دي تبقا مراتي ياولية
أم دينا .. أيوة كده ياأخويا أضحك محدش واخد منها حاجة
سيد .. عارفة ياأم دينا أحلا حاجة فيكي إيه
أم دينا .. أيه ياأخويا قول
سيد .. إنك قلبك أبيض وال في قلبك علي لسانك معندكيش
لا خبث ولا كهن زي باقي النسوان عشان كده مش بزعل منك
أم دينا .. ماعاش ال يزعلنا من بعض ياسيد ده أنت زي أخويا
وعشان كده الواد ال واقف جنبك ده يروح يلم هدومه
ويمشي ملوش سكن عندنا
سيد ... لأ عشان خاطري ياأم دينا الواد عادل ماكنش يعرف
إنها بنتكم وأوعدك إنها مش هتتكرر تاني
حسين .. خلاص ياأم دينا عشان خاطر سيد ميزعلش
أم دينا .. خلاص عشان خاطرك بس ياسيد بس والله ما
تتكرر منه تاني
عادل .. لا مش هتتكرر تاني ياأم دينا
حسين .. نسيبك بقا ترتاح ياسيد ، يلا بينا ياأم دينا
__________
تاني يوم
عادل واخد عدة الشغل وطالع علي شغله
في نفس اللحظة دينا فتحت الباب وطالعة ع الجامعة
عادل .. صباح الخير
دينا .. مردتش عليه .
عادل .. أنتي لسه زعلانة؟
دينا .. ممكن طول ما أنت ساكن هنا تخليك في حالك ولا
انت فاكر إني بنت البنات ال تعرفهم
عادل .. مالهم البنات ال أنا أعرفهم حلوين وزي القمر 😍
دينا .. واضح إنك مريض ومش هتجيبها البر
عادل .. لا وعلي إيه انا نازل
عادل نزل درجة والتانية وخد باقي السلم دحرجة علي بطنه
ونسي إن السلم فيه درجة مكسورة
دينا .. أبتسمت ومشيت
عادل .. نهارنا فل إن شاء الله 😍
_________
مر يوم والتاني وأسبوع وعلاقة عادل ب دينا في تتطور من ناحية عادل
خاصتا وإن البلكونة بتاعت دينا جمب بلكونة عادل
وكان كل ما عادل يحس ب دينا قاعدة في البلكونة يطير ع
البلكونة يقعد فيها
جت قعدت دينا يومين مطلعتش قعدت في البلكونة
مسك عادل طوب وبدأ يرمي ع الشباك بس برضو مفيش
إستجابة مسك طوبة كبيرة ورماها ع الشباك كسره
خرجت من جوة دينا متضايقة ومتعصبة لقت عادل واقف
في البلكونة بتاعته وماسك طوب , اول ما شافها فرح اوي
دينا .. ايه ال عملتو ده يامتخلف انت كسرت الشباك
عادل .. مالك مختفية ليكي يومين ؟
دينا .. نعم!!!!!!!
فجأة جت ام دينا تجري بتقولها في إيه يابت مين ال كسر الشباك
دينا .. مفيش ياماما دي شكلها العيال ال في الشارع كانت
بتحدف طوب ومعلش محدش بيأاخذ العيال في ال بتعمله
قالت الكلمتين دول ودخلت جوة
وعادل حس إنه تخطى حدوده مع دينا ونسي أصلا إن
مفيش علاقة بينهم عشان يسألها سؤال زي ده
في نفس اللحظة راحت دينا قعدت في سريرها ومستغربة
سؤاله بس إستغربت نفسها أكتر لما لقيت الإبتسامة مرسومة علي وشها
قعدت فكرت شوية وبعد كده خدت قرار إنها تتكلم معاه
وتفهم منه هو بيعمل كده ليه
طلعت دينا وقفت في بلكونتها بس للأسف كان هو دخل
وقفل البلكونة بتاعته
كل شوية كانت دينا تخرج في البلكونة بس بردو كانت
تشوفه قافل البلكونة ومش قاعد فيها أستمر الحال ده
أسبوع ولا بتشوفه في البلكونة ولا بتتصادف بيه علي السلم
جت في يوم وخدت قرار إنها تعمل زي ما هو عمل
مسكت دينا شوية طوب وبدأت تحدف علي شباك بلكونة
عادل ولما يأست خالص مسكت طوبة كبيرة ورمتها كسرت
بيها الشباك بس بردو عادل مخرجش
أستسلمت دينا للأمر الواقع ودخلت أوضتها بس وهي داخلة
الأوضة سمعت شباك عادل بيتفتح رجعت وقفت في
البلكونة بسرعة
خرج عادل بيبص لتحت علي العيال ال بتلعب في الشارع
يفتكرهم هما ال كسرو الشباك ملقيش حد
رجع علي أوضته وهو راجع سمع نحنحة في البلكونة ال جنبه
لقيها دينا _____________________
$###########################$$
الحلقة الرابعة من قصة ( المليونيرة الفقيرة )
عادل .. أنتي !!
دينا .. اه انا
عادل .. نعم في حاجة ؟
دينا .. لا مفيش
عادل .. يعني كسرتيلي الشباك من غير سبب!!
دينا .. شايفاك مختفي ليك اسبوع خفت تكون حصلتلك حاجة جوة ومحدش عارف
عادل .. يعني خايفة لأكون مت جوة ومحدش عارف وأجيبلكم مصيبة
دينا .. طب استأذنك انا بقا
عادل .. وحشتيني يادينا
دينا بعد ما عطته ضهرها وكانت هتدخل فجاة أتسمرت مكانها
ابتسمت بعد ما استوعبت الكلمة بس بسرعة سيطرت علي إبتسامتها ولفت وشها ليه وقالتله
دينا .. احترم نفسك قولتلك قبل كده اني مش من البنات ال تعرفهم
عادل .. عارف والله إنك مش منهم بس أعمل إيه مش بقدر أسيطر علي نفسي لما بشوفك
دينا .. شكلي غلطت لما فكرت أتكلم معاك انا داخلة واوعدك إنها مش هتتكرر تاني
عادل .. لا دينا خدي خلاص يادينا
دخلت دينا وقفلت بلكونتها وعادل كان هيتجنن خصوصا أنه مصدق ما دينا كلمته
____________________
نروح بقا عند ام دينا ال كلكم منتظرينها😅
أم دينا .. مالك ياراجل بتبحلق في التليفون وتضحك ليه
ابو دينا .. مفيش ياأم دينا
ام دينا .. طب وريني كده أشوف بتتفرج علي ايه ( وراحت خاطفة منه التليفون )
ابو دينا .. ايه ده ياولية سيبي التليفون
ام دينا .. ينهارك أسود بتخني ياراجل
ابو دينا .. بخونك إيه ياولية دي الفنانة عبلة كامل
ام دينا .. ما انا عارفة انها عبلة كامل قولي بتتفرج عليها ليه
هو انت عارف تبص جوة لما رايح تبص بره ياراجل ياناقص
قولي فيها إيه زيادة عني عشان تتفرج عليها وتسيبني
ابو دينا .. يانهار اسود!! ياولية إعقلي انتي مش لاقية حاجة
تنكدي علي امي بيها انتي اتجننتي!!!
ام دينا .. وكمان بتشتمني عشانها
ابو دينا .. لا دي مابقتش عيشة دي انا هقوم أنزل عالقهوة
أم دينا .. ادي ال انت شاطر فيه اول ماتتزنق تجري عالقهوة
أبو دينا .. غوري ولية فقر
أم دينا .. طيييييب والله لا أوريك
راحت ام دينا جابت جردل مية وسخة وطلعت في البلكونة
وكبته علي محل الجزارة ال تحت البيت
بعد ما جردل المية رشق في دماغ المعلم عضمه الجزار وهو
قاعد بيشرب شيشة قدام المحل طلع وقف في الشارع
الجزار .. ياولية يامجنونة بترمي عليا جردل مية وسخة
ام دينا .. ايه يارجل ياعرة ده كان غصب عني وبعدين بتشتم ليه محدش مالي عينك ولا ايه
الجزار .. لا ياولية محدش مالي عيني
ام دينا .. هينزلك أبو دينا دلوقتي يعرفك مقامك ويخليك زي الكتوت المبلول
في اللحظة دي كان ابو دينا نزل السلم وواقف من جوة الباب بيلطم من الكلام ال سامعه ويقول
ابو دينا .. ( عملتيها ياولية ياجاموسة يابنت الكاااااالب )
خرج ابو دينا وهو عمال يتشاهد ويحسبن علي ام دينا
الجزار .. انت بقا ال هتعرفني مقامي وتخليني زي الكتكوت المبلول ؟
ابو دينا .. ماعاش ال يقول عليك كده يامعلم
ام دينا وهي واقفة في البلكونة .. ايوة هو ده ال هيكسرلك عينك
ابو دينا .. ( الله يخرب بيت امك اسكتي )
الجزار .. وكمان هتكسرلي عيني ؟!!؟ لاااااااا علقوه زي الدبيحة لما نلاقيله صاحب
ابو دينا وهو متعلق .. يارب مستني ايه يارب خدها بقا
يارب .. ولا أقولك خدني انا يارب
مسكت دينا التليفون ورنت على الأسطي سيد
دينا .. ايوه ياعم سيد الحقنا عضمه الجزار معلق أبويا تحت
الاسطي سيد .. ليه فيه إيه يابنتي!!؟
دينا .. مش وقته بعدين هحكيلك
الأسطي سيد .. طيب طيب انا طالع من المستشفي كنت بفك
الغرز ، عشر دقايق وابقا عندك إن شاء الله .
وصل الأسطي سيد لقي ابو دينا متعلق من رجله
سيد .. مالك ياحسين جاي بتعمل ايه هنا ؟!
حسين .. جاي اجيب سكر ياسيد ، انت هتستظرف ياسيد؟!؛
سيد .. هو فين عضمه
حسين .. دخل جوة نادي عليه وحل معاه المشكلة
سيد .. يامعلم عضماااااه
سمعت ام دينا سيد بينادي علي عضمه طلعت تجري في
البلكونة عشان تلحق سيد قبل ما يحل المشكلة
خرج المعلم عضمة وقال مين ال بينادي عليا
ام دينا .. ده الأسطي سيد ال هيركبك ويلف بيك في الشوارع
عضمه .. بقا انت ياهلفوت هتركبني وتلف بيا في الشوارع
سيد .. لالالالالا متصدقهاش يامعلم
عضمه .. اخص ع الرجالة ال بتيجي عند الجد و بتجيب ورا
عالعموم خد الرصية دي في دماغك بوووووووووم
سيد ... اااااااااااااه إتفتحت
عضمة .. هي إيه ياراجل !!!
سيد .. الغرز _________
######$$$$$$$##############$$$$###
الحلقة الخامسة من قصة ( المليونيرة الفقيرة )
علي القهوة
حسين .. ايه ياسيد مش كنت ترتاحلك يومين في البيت لحد الجرح ما يلم
سيد .. ماهو لو مرة هقعد في البيت لحد ما اخف هكفي الباقي من عمري في البيت ياحسين
حسين .. معلش حظك كده ياسيد
سيد .. ده حظ إسود ومنيل بستين نيلة ، دا انا بقيت بتضرب بسبب مراتك أكتر منك ياحسين
حسين .. خلاص ياأخويا أطلقها وانت إتجوزها هههههه
سيد .. تف من بوقك ياحسين ، لما انا مش معاها وشبعت ضرب من ال يسوي وال ميسواش امال لو متجوزها
حسين .. عشان تعرف صاحبك مستحمل قد إيه ،، ارفع إيدك ورايا وقول امين
حسين .. اللهم شتت شملها
سيد .. امين
حسين .. اللهم فرق جمعها
سيد .. ااامين
حسين .. اللهم باعد بيننا وبينها كما باعدت بين المشرق والمغرب
سيد .. اااااااااااامين ياااااااارب
حسين .. اللهم .....( نزل إيدك ياسيد ام دينا جاية علينا )
سيد .. إحنا دعواتنا بتيجي بالمقلوب ولا إيه!!!!
أم دينا .. مالكم قاعدين زي الولاية بتدعو علي مين؟!
حسين .. لا مفيش إحنا بندعي علي عضمة الجزار مش كده برضو ياسيد
سيد .. اه ايوة طبعا ، اللهم خذه أخذ عزيز مقتدر
حسين .. اااااامين
أم دينا .. بس بقا شغل حريم وتعالو عايزاكم في موضوع مهم
سيد .. لاااااااااااا خدي جوزك وسيبيني في حالي ، انا دماغي فيها ال مكفيها
حسين .. بقا كده ياسيد بتبيعني تهون عليك العشرة
ام دينا .. هتيجي معانا ع البيت ياسيد ولا البسك الكرسي في دماغك
سيد .. لا لا خلاص جاي
______
في البيت
أم دينا .. أسمعوني كويس في موضوع كنت عايزة أخد رأيكم فيها
حسين .. موضوع إيه ياسعاد ؟
سيد .. خير يارب ؟
أم دينا .. في عريس كويس جاي ل دينا بيقولو إنه مليونير وعنده شركات وحالته كويسة
سيد .. مين ده !؟
ام دينا .. اسمه كارم الصفتي
حسين .. انتي أتجننتي ده عنده يجي ستين سنة!!
أم دينا .. بس مبسوط وعيشته مرتاحة وهينتشلها من الفقر ال عايشة فيه
دينا .. ومين قالك اني هبقا مبسوطة وبعدين ياستي هو انا اشتكتلك !!!
ام دينا .. انتي بتتصنتي علينا يابت !؟
دينا .. اظن ده موضوع يخصني لوحدي عايزاني اسكت وانتي بتدمري حياتي
سيد .. اهدو ياجماعة وصلو ع النبي وبعدين يادينا إحنا مقومناش جوزناكي دلوقتي ، إحنا لسه بنشوف الموضوع
دينا .. معلش ياعم بس انت وابويا اكتر اتنين عارفينها مادامت مقتنعة بالموضوع مفيش حاجة هتقدر ترجعها عن ال في دماغها
ام دينا .. طب وحياة امك لتتجوزيه يادينا
دينا .. والله ما هتجوزو ياماما لو رست هموت نفسي
ام دينا .. طب لما اشوف كلمتي ولا كلمتك يابنت الجزمة
حسين .. باااااااس ، خلاص ، خلصتو كلام؟! انتي إتجننتي ولا إيه ياسعاد عايزة تجوزي البنت غصب عنها !؟؟
ام دينا .. هي لسه عيلة ومتعرفش مصلحتها فين ياحسين
حسين .. اديكي قولتيها لسه عيلة يبقا ليه عايزة تجوزيها لواحد اكبر من أبوها ؟؟!
ام دينا .. الجواز مش بالسن ياحسين وبعدين الراجل صحته كويسة وعيشته مرتاحة وعنده ڤيلل وعربيات وفلوس كتير ومعندوش مانع إنه يخليها تكمل السنة ال باقية ليها في الجامعة يبقا أيه ال يعيبه
سيد .. الراجل ده مش متجوز ومخلف
ام دينا .. كان متجوز ومراته ماتت حتي إبنه الوحيد بيقولو عايش في أمريكا من سنين ومش هيرجع
دينا .. وانا مالي بالكلام ده كله انا من حقي أعيش حياتي زي ما أنا عايزة
ام دينا .. انتي مش عارفة مصلحتك فين وغوري من وشي ياوش الفقر بدل ما أقوم أدوب عليكي الشبشب
حسين .. لااااا انتي زودتيها اوي ياولية انتي فاكرة نفسك مين
سيد .. اهدا ياحسين الجيران يقولو علينا إيه
ام دينا .. ههههههه ولا عال بقا صوتك بيعلا عليا ياحسين
حسين .. واديلك بالجزمة كمان وكلمة تاني هطلقق وأخلص منك
ام دينا . في ايه ياحسين هي هربت منك ولا إيه ده انا أطردك من البيت
حسين .. طب روحي وأنتي .....
سيد .. لاااااااا امسك نفسك مش كده ياحسين
ام دينا .. بقا كده ياحسين هتطلقني بعد عشرة السنين دي كلها !!؟
حسين .. انا سكتلك كتير ياسعاد ، بس خلاص طفح الكيل منك ومن أفعالك
سيد .. خلاص ياجماعة إستهدو بالله ده شيطان وداخل ما بينكم
ام دينا .. خلاص ياحسين إعمل ال انت عايزه معاك لما تبوظ البنت
سيد .. خلاص ياأم دينا هدي نفسك
ام دينا .. وانت مالك ياسيد ايه ال دخلك بينا اطلع بره ياسيد
سيد .. انتي بتطرديني ياولية ولا إيه !!!!!
ام دينا .. ايوه بطردك ياسيد يلا غور في داهية
_______________
طلعت دينا في البلكونة وقعدت تعيط
حس بيها عادل طلع بص لقيها قاعدة بتعيط
عادل .. مالك يادينا !؟
دينا .. مسحت دموعها وقالتله مفيش حاجة
عادل .. احكيلي يادينا مالك بتعيطي ليه ؟!
دينا .. جايلي عريس
عادل .. إيه !
دينا .. زي ما سمعت
عادل .. طب وبتعيطي ليه !!؟
دينا .. أصلي مش موافقة عليه وامي عايزة تغصب عليا
عادل .. طب ومش موافقة ليه ؟!!
دينا .. معلش مش قادرة أتكلم دلوقتي أستأذنك
عادل .. لا يادينا متهربيش انا مصدق ما شوفتك
دينا .. انت عايز إيه !!
عادل .. عايز رضاكي
دينا .. انا مش رايقة لكلامك ده انا فيا ال مكفيني أستأذنك عشان باين صاحبتي جت بره
فعلا دينا خرجت قابلت صاحبتها دعاء ، وعادل دخل جوة
بعد شوية دينا ودعاء خرجو قعدو في البلكونة
دينا راحت تعمل لصحبتها حاجة تشربها
وعادل سمع صوت دينا في البلكونة طلع يجري
لقي دينا دخلت وصاحبتها لوحدها في البلكونة
عادل .. ماشاء الله هي امي راضية عني اوي كده والدنيا
النهاردة بتمطر حاجات حلوة😍
دعاء .. بصت لعادل وضحكت
عادل.. اسمك إيه ؟
دعاء .. اسمي دعاء
عادل .. وانا عادل مصطفي السيد ورقم تليفوني 014555863
دعاء .. ضحكت بصوت عالي سمعتها دينا وهي داخلة بالعصير
بصت دينا علي ضحكت دعاء وبصت في البلكونة التانية
لقيت عادل واقف فيها فهمت سبب ضحك دعاء
طلبت من دعاء يدخلو الأوضة وقفلت البلكونة بس قبل ما
تقفلها مسكت مشابك الغسيل وضربت بيها عادل في وشه
__________________يتبع
تكملة الرواية من هنا 👇👇👇