الحلقة ..30...31....32...33...34
من قصة ( المليونيرة الفقيرة )
دينا .. أهلااا والله وليك وحشة ياوسخ
أدم .. تؤ تؤ تؤ بقا أنا وسخ ؟! اخص عليكي يادينا ملكيش
حق ،، طب دا انا محضرلك مفاجئة ،، تصدقي خسارة فيكي
دينا .. مفاجئة إيه !؟؟؟
ادم .. شوفي كده ( مشي ادم بالكاميرة ووجها في شباك
اوضة كده
بصت دينا في الكاميرة لقيت أمها مخطوفة
أدم .. بس قوليلي بقا هي أمك دي مش بتخاف ولا إيه
دي شبعت الرجالة ضرب بالشبشب
شوفي كده بتعمل إيه في الأتنين رجالة المكلفين بحراستها
دينا .. امي ياابن الكاااالب
ادم .. وطي صوتك وإسمعيني
دينا.. امي ملهاش دخل يامجرم
ادم .. العقود تجيني وتجيبيها بنفسك
دينا .. انت شكلك بتحلم
ادم .. لا دا انتي ال هتعيشي في كابوس عمرك ما شوفتيه
وطلب من الرجالة يعلقو ام دينا
دينا .. بس بس بس نتفاوض
ادم .. تمام بس المفاوضات تمشي بشروطي
دينا ..سيب امي ونتكلم
ادم .. امك الكارت الكسبان بالنسبالي ،، معاكي يومين من
دلوقتي لو مجيتيش يبقا طلعي امك من حساباتك وبرضو ال
عايزه هاخده ( وقفل المكالمة )
دينا مسكت تليفونها وطلعت رقم عمار ال كان قاعد مع عادل
دينا .. ايوة ياعمار إلحقني
عمار .. خير في ايه!!
دينا .. ادم خطف امي
عمار .. ايه !!! إتخطفت!؟ انا جايلك مسافة السكة
عادل .. مين ال إتخطف
عمار .. متشغلش دماغك وخليك هنا لحد ما أرجعلك
عادل سمع الكلمتين دول من عمار وشه قلب وكان هاين عليه
يضرب عمار
بس خد قرار إنه يروح وراه عند دينا
_________
عمار .. حصل إزاي ده يادينا !!
دينا .. معرفش 😭😭
عمار .. اهدي يادينا
دينا .. امي خاطفها مجرم اهدا ازاي😭😭
عمار .. حضنها حضن أخوي وطبطب عليها عشان يهديها
بس للأسف في نفس اللحظة كان عادل حضر وواقف شايف
دينا وهي في حضن عمار
دينا شافته وهو واقف وعنيه مدمعة ، استوعبت في لحظة
إنها في حضن عمار ، سابت عمار بسرعة ولسه بتقول لعادل
امي اتخطفت كان عادل لف ومشي بسرعة خاصتا لما شاف
نظرة إنتصار مع إبتسامة من عمار
عمار .. مالك يادينا
دينا .. عادل باين عليه فهم غلط
عمار .. سيبك منه وخلينا في موضوعنا
دينا .. عادل هيقول عليا إيه دلوقتي !؟
عمار .. يهمك في إيه يادينا لا تنسي إن عادل متزوج
دينا .. على رأيك ،، عايزة أشوف حل بسرعة في المصيبة دي
__________
رجع عادل على البيت
دعاء .. مالك راجع بدري!
عادل .. لا عادي
دعاء .. طب هروح أحضرلك الأكل
عادل .. مليش نفس
دعاء .. مالك وشك مقلوب ليه!
عادل .. مفيش
دعاء .. لا في ياعادل
عادل .. قولتلك مفيش حاجة
دعاء .. وانا قولتل...
عادل .. وبعديييييين😡
دعاء .. خلاص خلاص متزعلش نفسك أنا اسفة ودخلت أوضتها
___
شوية وعم سيد وصل
سيد .. الحق ياعادل
عادل .. في ايه!
سيد .. ام دينا إتخطفت
عادل .. انت بتقول إيه!!
سيد .. هو ده ال حصل
عادل .. وابو دينا فين!؟
سيد .. ابو دينا منهار ومش عارف يعمل إيه الرجالة خدوه
على الڤيلا
عادل .. طب مين ال خاطفينها وإيه الحكاية ؟!
سيد .. محدش يعرف حاجة
عادل .. طب ساعة وراجع
سيد .. هتروح فين ؟!!
عادل .. بعدين بعدين
_________
خرج عادل من بيته راح على الڤيلا لقي الناس متجمعين
مسك إيد دينا وسحبها بعنف وراه واخدها وخارج
عمار والحرس وقفو في وشه ولسه هيمسكوه
دينا قالتلهم محدش يتدخل
عادل خدها بره الڤيلا رماها قدامه كانت هتقع
دينا .. أنت بتعاملني كده ليه أنت مجنون!!
عادل .. لازم اعرف كل حاجة دلوقتي
دينا .. تعرف إيه ؟!
عادل .. الناس ال خاطفين أمك انتي الوحيدة ال تعرفيهم
مين دول وعايزين إيه
دينا .. ده موضوع ميخصكش،، وبعدين خلى انت عرفتهم
هتعمل إيه يعني
عادل .. هجيب أمك منهم
دينا .. عايز تقنعني إنك هتقدر تحمي أمي منهم هههههههه
عادل .. بتضحكي على إيه !!!!
دينا .. لما انت راجل أوي كده مقدرتش تحمي نفسك في
بيت دعاء ليه !!؟ لما جوزوك دعاء غصب عنك ومضوك على
شيك بمليون جنيه غصب عنك ،،رجولتك كانت فين ساعتها
ولا أنت في كل حاجة بوق عالفاضي حتى في الرجولة
عادل .. ضربها بالقلم ،،إخرسي،،
دينا .. أنت بتضربني ياعادل !!
عادل .. امك فين
دينا .. عند ادم الصفتي
عادل .. مين ادم الصفتي !! إحكيلي كل حاجة من الأول
دينا .. حكت كل حاجة لعادل
عادل سمع الحكاية وسابها ومشي
_________
عمار .. كان عايز منك إيه !؟
دينا .. مفيش ياعمار
عمار .. متخبيش عليا
دينا .. مليش دماغ ليك دلوقتي
عمار .. ماشي
دينا .. طب انا هفضل كده حاطه إيدي على خدي ،، لا أنا لازم أتصرف
عمار .. إحنا هنروح وناخد الرجالة معانا وهنقف بعيد عنك
وباقي الخطة هحكيلك عليها
___________
فعلا رسمو الخطة والكل استعد
دينا كلمت ادم عشان تعرف هتروحله فين
دينا .. هجيلك فين
ادم .. طب مش تسلمي الأول
دينا .. إخلص
أدم .. هبعتلك لوكيشن إمشي عليه
دينا .. طب أكلم أمي الاول
أدم .. ياساااااتر انا مش ناقص صداع
دينا .. إخلص
راح ادم عند ام دينا وقالها خدي كلمي بنتك
أم دينا .. أيوة يابت عاملة إيه
دينا .. طمنيني عليكي ياأمي انتي عاملة إيه
ام دينا .. متخافيش يابت أمك مسيطرة بس إوعي تجيبي
العقود زي الواد ده ما بيقول
دينا .. تغور الفلوس فدا ضافرك ياامي
ام دينا .. قولى لأبوكي يغدي البطايات لحد ما أرجع احسن يموتو
دينا .. بط ايه بس ياماما خلي بالك من نفسك
ام دينا .. وقولي لنسوان الحتة متشمتوش أم دينا رجعالكم
وكل ال قالت كلمة هظبطها
ادم .. بااااس إيه ال بتقوليه ده ،، ياولية انتي مش مستوعبة
إني خاطفك ،، وممكن أقتلك كمان شوية
أم دينا .. حدفت شبشبها في الهوا برجليها ولقفته ونزلت علي
دماغ ادم واحد اتنين تلات اربع شباشب فرقعو على قفاه
ادم .. طلع مسدسه وضرب اربع طلقات فوق دماغ ام دينا
دينا .. امي !!!!!
ادم .. إخلصي وهاتي العقود انا والله ماسك نفسي عن قتلها
بالعافية معاكي ساعة
فعلا راحت دينا وعمار والرجالة على المكان ال حدده ادم
وبعد وصولهم هناك حصلت حاجة غريبة ____
###############################
الحلقة الواحدة والثلاثون من قصة ( المليونيرة الفقيرة )
ادم .. بااااس إيه ال بتقوليه ده ،، ياولية انتي مش مستوعبة
إني خاطفك ،، وممكن أقتلك كمان شوية
أم دينا .. حدفت شبشبها في الهوا برجليها ولقفته ونزلت علي
دماغ ادم واحد اتنين تلات اربع شباشب فرقعو على قفاه
ادم .. طلع مسدسه وضرب اربع طلقات فوق دماغ ام دينا
دينا .. امي !!!!!
ادم .. إخلصي وهاتي العقود انا والله ماسك نفسي عن قتلها
بالعافية معاكي ساعة
فعلا راحت دينا وعمار والرجالة على المكان ال حدده ادم
وبعد وصولهم هناك حصلت حاجة غريبة
لقت أدم واقف قدام عربيته وحاطط عليها لاب توب
وقفت وراه وقالتله فين امي !!؟
أدم .. هههههه شايفاني أهبل عشان اجيب أمك هنا وسط
الهلافيت بتوعك ال ماليين الدنيا حوالينا
دينا .. تقصد إيه !!
ادم .. أقصد إنك هتركبي معايا بمزاجك ولا غصب عنك
دينا .. أركب إيه !! واروح فين!؟
أدم .. أنتي بتعلي صوتك عشان رجالتك يسمعو هههههههه
دينا .. رجالة مين !؟
ادم .. الرجالة دول ،، بصت دينا لقيت رجالة ادم ماسكين
عمار من قفاه وجايبين رجالته رافعين إيديهم ،
أدم ضحك بصوت عالي وقالها ،، هما دول الرجالة بتوعك ههههههههه
دينا حست إنها في ورطة وإنها سلمت نفسها بنفسها لأدم
ادم .. هااا هتيجي معايا ولا لسه بتفكري في كدبة جديدة
بس يكون في علمك إنك هتيجي معايا في كل الحالات
حتي لو هاخدك جثة
دينا .. أجي معاك فين أنت مجنون!!!؟ وبعدين انا مبتهددش
وانت عارف بمجرد إني أقطع العقود في أيدي هتطلع انت
من المولد بلا حمص
ادم .. كده تعجبيني ،، طب بصي كده ياقمر في اللاب توب
بصت دينا لقيت واحد من رجالة ادم مكتف ام دينا في اوضة
وحاطط جمبها أنبوبة غاز مفتوحة وخرج وقفل الاوضة
وادم طلع مفتاح من جيبه وحطه في إيد دينا وقالها الأوضة
ال اتقفلت دي ملهاش غير مفتاح واحد ال هو في إيدك ده
ههههههههههههه
دينا .. لا سيب امي أرجوك
ادم .. يبقا تركبي بسرعة عشان نلحقها قبل ما تموت
دينا .. حاضر حاضر
ادم .. حطو الرجالة بتوعها في العربيات وهاتوهم ورايا
فعلا ركبت دينا مع ادم في عربيته وراحت معاه
_________
في وسط الطريق خرجت عربيتين قطعت عليهم الطريق
وعزلو عربية أدم وحدها وراهم
بصت دينا لقت عادل جاي يجري علي عربية ادم
عادل مسك ادم وحط السلاح في دماغه وقاله خلي رجالتك
يرمو السلاح
ادم .. نزلو السلاح ،، انت عارف يالا انت بتكلم مين
عادل .. إخرس ياننوس عين امك وجاوبني ام دينا فين ؟
دينا .. امي محبوسة في اوضة وبتموت ياعادل
عادل .. اقسم بالله هعد تلاتة لو متكلمتش وقولت هي فين
هخلى الرصاصة تطلع من الناحية التانية
واحد ،، تلا..
ادم .. خلاص هقول
عادل .. شاطر ،، انطق هما فين؟
ادم .. على فكرة ابحث على جوجل هتلاقي في رقم بعد
رقم واحد أسمه إتنين
عادل .. مخدتوش في المدرسة ياروح امك وإحمد ربنا إني
افتكرت رقم واحد ( إنطق يالا انت هتهزر )
ادم .. في مزرعة علي بعد 500 متر من هنا
عادل .. ولا ياديزل خد اتنين معاك وروحو هاتوها بسرعة
ديزل .. حاضر ياسطا عادل
فعلا راحو الرجالة جابو ام دينا
دينا .. ماما حبيبتي انتي بخير !؟
أم دينا .. بصت لقت ادم تحت سلاح عادل وبصت
الناحية التانية لقيت عمار متكتف
ام دينا لعمار .. مش قولتلك إنك نايتي 😅😅😅
عادل .. فك الرجالة ياديزل وسيب الأستاذ عمار لدينا
هي ال تفكه
فعلا ديزل فك رجالة عمار ودينا مشيت على عمار بتفك فيه
وهي بتبص لعادل بصة كأنها بتقوله انا مظلومة ياعادل
أدم .. مش خدت ال أنت عايزه ياسي عادل ولا أنت عجبك
الحال وهتفضل حاضني من ورا كده كتير
عادل .. غور يالا وماشوفش وشك تاني عشان لو شفتك
تاني صدقني مش هسيبك حي
أدم .. ههههههه ههههههه ههههههه أنت طيب اوي هههههههه
وفي لحظة صمت عن الضحك وبرق بعينه لعادل وقاله
( أدم الصفتي بدلته متتوسخش ببلاش ) وسابه مشي وهو
بيضحك بصوت عالى
_____________
عادل خدهم وطلع بيهم على الڤيلا
والكل بيحتفل بوصول أم دينا
ودينا عينها على عادل مش لاقياه خرجت وراه بسرعة
لقيته مشي
____
تاني يوم في الشغل
دينا .. الو ،، تعالى عايزاك ياعادل
عادل .. ماشي
شوية وعادل وصل
عادل .. خير في إيه !؟
دينا .. كنت حابة أشكرك علي ال عملتو عشاني
عادل .. بس أنا معملتش كده عشانك !!
دينا .. ال ينقذ روح امي يبقا أنقذ حياتي أنا
عادل .. المهم كنت عايزاني في إيه
دينا .. عيد ميلادي النهاردة وكنت عايزاك تحضر
عادل .. لو ظروفي سمحت هاجي
دينا .. عايزة أعرف انت متغير من ناحيتي ليه ؟!
عادل .. متغير إزاي !!
.دينا .. يعني حاسة كده إنك فهمت غلط لما شوفتني
انا وعمار مع بعض
عادل .. ولا غلط ولاصح ولا انا اصلا سألتك
دينا . . ياعمار انا ...
عادل .. سابها ومشي
________
عادل خلص شغل وروح على البيت
دعاء .. اهلا ياعادل
عادل .. مالك كده ؟!
دعاء .. مش عارفة ، حاسة إني مش قادرة أخد النفس
عادل .. طب إجهزي يلا خلينا نروح للدكتور
دعاء .. لا شوية وهبقا كويسة
عادل .. إخلصي بسرعة يلا
دعاء .. خلاص ماشي ياحبيبي هلبس هدومي
شوية وعادل سمع صرخة دخل يجري لقي دعاء واقعة
على الأرض
طلب الإسعاف بسرعة وطلع بيها على المستشفي
دخلت على الطوارئ وبعد شوية الدكتور خرج
عادل .. خير يادكتور ؟!
الدكتور .. معجزة ياأبني !!!
عادل .. معجزة إيه ؟!!
الدكتور .. المفروض التحاليل ال عملناه في الأول كانت
بتقول إن ممنوع عليها تحمل
عادل .. تقصد إيه يادكتور !!
الدكتور .. دعاء حامل
عادل .. أيه!!!!!!
الدكتور .. والحمل كويس ودعاء كويسة والحمل مش هيأثر
على صحتها وكل ال معاها دلوقتي شوية أنيميا وهتتعالج عادي
عادل .. بجد !! يعني أنا هبقا أب !!
ألدكتور .. ايوة ، بس ______
#############################$$$
الحلقة الثانية والثلاثون من قصة ( المليونيرة الفقيرة )
الدكتور .. معجزة ياأبني !!!
عادل .. معجزة إيه ؟!!
الدكتور .. المفروض التحاليل ال عملناه في الأول كانت
بتقول إن ممنوع عليها تحمل
عادل .. تقصد إيه يادكتور !!
الدكتور .. دعاء حامل
عادل .. أيه!!!!!!
الدكتور .. والحمل كويس ودعاء كويسة والحمل مش هيأثر
على صحتها وكل ال معاها دلوقتي شوية أنيميا وهتتعالج عادي
عادل .. بجد !! يعني أنا هبقا أب !!
ألدكتور .. ايوة ، بس لازم تاخد بالك منها الفترة دي
عادل .. إن شاء الله يادكتور
عادل قعد في الإستراحة وحط إيده علي دماغه
وبيقول لنفسه ،، ياترى المفروض دلوقتي أكون فرحان ولا
زعلان ؟؟!!!
ياترى أفرح إني هبقا أب وأشوف عيالى وأستقر وانسا كل حاجة كانت قبل كده ؟
ولا أزعل إن خلاص اخر عرق بيني وبين دينا اتقطع بمجرد وصول اول طفل ؟!
شوية وعادل دخل على دعاء
عادل .. الف سلامة عليكي ياحبيبتي
دعاء .. الله يسلمك ياحبيبي
عادل .. الدكتور قال إنك حامل
دعاء .. غصب عني ياعادل والله
عادل .. ولا يهمك المهم تخلي بالك من صحتك
دعاء .. ربنا يخليك ليا ياعادل ويلطف قلبك عليا كمان وكمان
______
بعد شوية رجع عادل ودعاء ع البيت
دعاء .. واخيرا وصلنا اما اروح احضرلك الاكل بقا
عادل .. انتي متتحركيش من مكانك
دعاء .. ليه !!؟
عادل .. من هنا ورايح هساعدك في مصالح البيت
دعاء .. لا ياعم انا مش قد الدراما ال بشوفها في المسلسلات دي😅
عادل .. دي مش دراما ياحبيبتي دي حقيقة ولا انتي مش
عايزة تاكلى من إيدي
دعاء .. ده يوم المنى ياعمري بس برضو كتر خيرك انت
شايل حمل البيت ومصاريفه مش عايزاك تشيل هم اكتر من كده
عادل .. تعبك راحة ياقلبي وكفاية إل انتي فيه روحي
استحمي وظبطي نفسك عقبال ما احضر الأكل
_____
تاني يوم
دعاء صحيت الصبح لقيت عادل محضر الفطار جمب السرير
ومخلص كل شغل البيت
دعاء شافت كده وبكيت
عادل .. مالك بتعيطي ليه !!؟
دعاء .. مش مصدقة
عادل .. ليه !!؟
دعاء .. انت حد جميل اوي ياعادل😥
عادل.. ده غزل ولا إيه ههههههه
دعاء .. معقول انا أستاهل ده كله😥
عادل .. وتستاهلي اكتر من كده كمان ياحبيبتي
دعاء .. ربنا يخليك ليا ياحبيبي
قعدو فطرو وهما بيفطرو عادل شاف دعاء بتبصله وسرحانة
في الملكوت وعنيها بتدمع
عادل .. مالك يابت قالبة علي امينة رزق كده ليه
دعاء .. مسامحني ياعادل 😥
عادل .. على إيه ؟!
دعاء .. على حياتك ال دمرتهالك وحبيبتك ال فرقتها عنك😥
عادل .. ليه بتقولى كده
دعاء .. انت حد كويس اوي ياعادل ونضيف من جواك
رغم كل ال عملته فيك وبرضو مراعي ربنا فيا
عارفة إن الحب مش بالكيف وعارفة إنك لسه بتحب دينا😥
وعارفة إنك عمرك ما هتحبني😥
عشان كده 😥😥 عايزة أقولك 😥 أني معنديش مانع😥
تتجوز دينا 😭
عادل .. يابت ياهبلة أنا عمري ما هقدر اتجوز عليكي
حتى ولو نزلتلي حورية من الجنة
دعاء .. حتى بعد كل ال عملته فيك
عادل .. وانتي عملتي فيا كده ليه ! مش عشان بتحبيني
دعاء .. اه والله عشان بحبك وانت عارف الحب أعمى
عادل .. يبقا عشان حبتيني أعاقبك بواحدة تانية!!
دعاء .. دي دينا ياعادل يعني حبك الاول مش اي واحدة
عادل .. بس انتي حبي الاخير ال مفيش بعده حب وكفاية
إنك شايلة جواكي حتة مني
دعاء .. يعني مسامحني ياعادل 😥
عادل .. أنتي مظلمتنيش عشان تطلبي السماح بس عشان
ترتاحي يادعاء أنا مسامحك من قلبي ياحبيبتي
دعاء .. ربنا يخليك ليا يا جوزي وحبيبي وكل ما ليا في الدنيا
طب همشي أنا بقا عشان متأخرش
دعاء .. إيه الورق ال واخده في إيدك ده ؟!
عادل .. لا أبدا دا ورق شغل
دعاء .. ورق شغل ولا التحاليل بتاعتي 😥
عادل .. تحاليل إيه !؟
دعاء .. انا عرفت كل حاجة ياعادل
عادل .. عرفتي إيه ؟!
دعاء .. عارفة إني باقيلي شهور واموت😥
عادل .. مين ال قالك !!
دعاء .. كنت بقلب في تليفونك وسمعت مكالمة مسجلة
بينك وبين الدكتور وعرفت كل حاجة
عادل .. لا انتي كويسة وعلفكرة الدكتور قالي إن في امل
لشفاكي
دعاء .. كفاية ال عيشته ياعادل ومتخافش انا مش خايفة
من الموت أنا بس كان كل أملي إنى أشوف ابني بيكبر قدامي
حتى لحد ما أفطمه ،، صعبان عليا ابني يتربى من غير ام😭
عادل خدها في حضنه وقالها مش هتموتي وهعمل المستحيل
عشان تتعالجي وتخفي ومتخافيش أنا كنت واخد التحاليل
عشان في واحد صاحبي قالي أن في دكتور جاي من بره
فحبيت اوريه التحاليل ، أستئذنك بقا عشان المفروض
أكون هناك دلوقتي
دعاء .. ياعادل
عادل .. ايه ياحبيبتي
جريت عليه دعاء ودخلت في حضنه وعيطت وكأنها مش
عايزة تسيبه وقالتله خلي بالك من نفسك ياعادل😥
_____________
في المستشفي
عادل .. طمني يادكتور
الدكتور .. معجزة
عادل .. ازاي !!
الدكتور .. المفروض الحالة دي كان ماتت من زمان
عادل .. ايه الكلام ده يادكتور
الدكتور .. بتكلم بجد الحالة دي حصلت معاها معجزة مش
بتحصل غير لواحد في كل الف حالة زييها
عادل .. مش فاهم حاجة !!؟
الدكتور .. المريضة بعد ما كانت ميتة بكل المقاييس أصبحت
متعافية بكل المقاييس وجسمها بيستجيب للعلاج
عادل .. بجد يادكتور ،، ياما انت كريم يارب ،، طب لحظة
أسجل كلامك ده فيديو عشان هي متفكرنيش بصبرها
بكلمتين
الدكتور .. تحت امرك
عادل سجل فيديو للدكتور ومسك تليفونه ورن على دعاء
فيديو عشان يشوف الفرحة في عنيها
دعاء .. ايوه ياعادل
عادل .. احلا خبر في عمري انتي بتتعافي ياقلبي وسجلتلك
الدكتور فيديو عشان تتاكدي ،، يعني هتعيشي وهنربي إبننا
سوا ياقلبي
فجأة عادل لقي دينا بتدمع بحسرة وشاف أدم طلع راسه
جنب دعاء في الفيديو وبص لعادل وقاله
ادم .. صباح الخيييير
عادل .. إتصدم!
أدم .. مالك وشك قلب ألوان كده ليه هههههههههههه
عادل .. هقتلك
ادم .. طب بص كده شايف ولا لأ ؟ معلش بقا انت ال جايبلها
تليفون من الرخيص مفيهوش تصوير Hd عشان تستمتع
بالعرض ،، وراح ادم كاتم بوق دعاء ودبحها 😥
دعاء نزلت علي ركبها وهي مدبوحة وعنيها بحر دموع
بس شفايفها كانت بتبتسم لعادل
( بدلة ادم الصفتي متتوسخش ببلاش )
################
الحلقة الثالثة والثلاثون من قصة( المليونيرة الفقيرة )
عادل دفن دعاء وعم سيد خد بأيده وقاله البقاء لله ياابني يلا
بينا ،، عادل رفض يمشي وطلب من عم سيد يسيبه جمب قبر
دعاء لوحده شوية ،، عم سيد لسه هيلح عليه بالرجوع ، صرخ
فيه عادل وقاله قلتلك سيبني دلوقتي
مقدرش عم سيد يعمله حاجة وخد الناس ومشي وفضل
عادل قاعد عند قبر دعاء بيبكي
شوية وعادل لقي إيد بتطبطب عليه بص لقيها دينا
دينا .. يلا بينا ياعادل قعادك مش هيرجع ال راح😥
عادل .. دعاء ماتت يادينا😥
دينا .. حطت راس عادل على صدرها وبتبكي هي كمان
وقالتله ( كلنا خسرناها ياعادل وكلنا مقهورين عليها بس
هنعمل ايه دا قضاء ربنا )
عادل زقها بإيده وقالها انتي السبب
دينا .. انا !
عادل .. ايوة انتي السبب في قتلها احنا كنا عايشين حياتنا
في استقرار وانتي ال جيتي هديتي حياتنا
دينا .. طب انا مش هرد عليك ياعادل وعلى الأقل هراعي
مشاعرك دلوقتي عشان الظرف ال احنا فيه
عادل .. احنا كنا نعرف الزفت ادم الصفتي ده منين مش انتي
بردو السبب
دينا .. انا مقولتش ليك تعال اتخانق مع ادم الصفتي عشان امي
وبعدين لو افترضنا إن كلامك صحيح واني السبب ، بردو في
النهاية ده قضاء ربنا
بس انت بقا ال خدعتها وعيشت معاها حياة مزيفة
عادل .. خدعتها !!!
دينا .. انا مش نايمة على وداني ياعادل ، انا عارفة كل حاجة
من اول ما الدكتور قالك إنها هتعيش سنة وتموت لحد
الدكتور ال قالك إن المعجزة حصلت وإن في أمل إنها تعيش
شفت بقا مين فينا النضيف ومين ال خاين
عادل .. انتي بتقولى ايه ؟! وعرفتي إزاي ؟!!
دينا .. مش مهم عرفت إزاي المهم دلوقتي ننسا ال فات
ونحط إيدينا في إيد بعض عدوي وعدوك واحد خلينا نحاول
نجيب حقوقنا من أدهم الصفتي وبعدين نقعد ونتحاسب مع
بعض ،، ومدت دينا إيدها لعادل وقالتله معايا ولا إيه
عادل بصلها بصة بإستغراب على طريقة كلامها بس في
النهاية قام معاها
بعد اسبوع
عادل سمع باب الشقة خبط راح فتح الباب لقي دينا
دينا .. إيه الحكاية انت قولت عايز يومين تريح أعصابك
واليومين دخلو في أسبوع
عادل .. تعبان يادينا
دينا .. ايه الريحة دي وأيه كمية الإزايز دي !! هو انت رجعت
تشرب تاني ياعادل !!؟
عادل .. انااا بشرب عشان انساااا
دينا .. لا دا انت شكلك شربت واتسطلت طب امسك نفسك واقعد على الكرسي
عادل .. تعااالي نقعد في البلكونة احسن
دينا .. ماشي طب خليني أسندك لحد البلكونة
عادل.. لااا سبيني انا مششش سكران
فعلا دينا سندته لحد ما طلعو قعدو في البلكونة لأن عادل
ماكانش قادر يصلب طوله من كتر الشرب
عادل .. بص ناحية بلكونة دينا وبدأ يضحك ويضحك بصوت عالي
دينا .. مالك بتضحك على إيه ؟!!
عادل .. بضحك على الواد عادل ال كان واقف هنا بيرسم حلم
عمره في البلكونة ال قصاده
دينا .. وايه ال يضحكك في كده !؟
عادل .. بضحك على هبله وهو بيرسم الحسناء ذات الضفائر
المموجة والعيون صاحبة النظرات القاتلة
والإبتسامة المنيرة في طريق ظلامه كاحل
دينا .. بصت في الأرض وخدت نفس كبير وقالتله واضح إن
الشرب بيخليها تطلب معاك لغة عربية فصحى 😅
عادل .. كان حلم جميل وكانت ضحكت الواد الغلبان مالية
وشه ،، بس العبيط ماكنش يعرف إن الدنيا هي ال بتضحك
عليه ،، وإن الفلوس بتشتري كل حاجة حتى السعادة وإن
الحب مش كل حاجة
دينا .. بلاش نتكلم في الماضي ياعادل بس عايزة أقولك
حاجة صغيرة ( الفلوس مش كل حاجة وإن...
عادل .. متكمليش كلامك ،، الفلوس كل حاجة ،، عربيات
وڤيلل وشركات ومصانع لو حاجة واحدة من دول إتحطو
قصاد عادل في كفة ،، أكيد عادل هيخسر ،، وبعدين مش
الفلوس دي هي سبب جوازك من كارم الصفتي😏
دينا .. انا ما وافقتش على كارم عشان الفلوس وانت عارف كده كويس
عادل .. الفلوس خلتك تنامي في حضن كارم الصفتي
دينا .. إخرس وضربته بالقلم وقالتله ( لو أي حد إتقدملي كنت وافقت عليه بسبب ال عملته فيا )
عادل .. طب وعمار ال شوفتك مرمية في حضنه؟!
دينا .. والله ما ......
عادل .. تاني ؟ هتكدبي تاني !!
دينا .. انا مبكدبش عليك ياعادل
عادل .. بصي يادينا ال بيني وبينك شغل وانتي قولتيها
عدوي وعدوك واحد يعني بمجرد اننا نخلص من ادهم
الصفتي يبقا الشغل انتها ومفيش أي حاجة تانية ممكن
تربطني بيكي وقتها كل واحد مننا في طريق
دينا .. يعني إيه !؟
عادل .. يعني معادش ليكي مكان جوايا خلاص واعملي ال انتي عايزاه
دينا .. هو ايه ال انا عايزاه !!؟
عادل .. يعني اعملى علاقات براحتك سواء بقا كان مع عمار او غيره معدتيش تفرقي عندي
دينا .. هي بقت كده خلاص ؟!
عادل .. بالظبط كده
دينا .. لأخر مرة هقولهالك ياعادل بلاش نخسر بعض عشان تفاهات واوهام
عادل .. اسف يادينا ،، في الوقت الحالي خسارتك مكسب
دينا .. ماشي ياعادل 😥
وسابته دينا ومشيت ودموعها على خدها من قسوة كلام
عادل ،، كل كلمة كانت بتخرج من عادل كانت كرصاصة في
قلبها ،، دينا وقفت بعربيتها علي النيل ونزلت تتمشى لوحدها
كانت حاسة إنها مخنوقة والدنيا جاية عليها بزيادة شوية
وقعدت دينا وإنهارت في البكاء وفي لحظة كده حست بأيد
بتطبطب على كتفها بصت لقيت ........
##################$$$$$$$#########
الحلقة الرابعة والثلاثون من قصة ( المليونيرة الفقيرة )
عادل .. اسف يادينا ،، في الوقت الحالي خسارتك مكسب
دينا .. ماشي ياعادل 😥
وسابته دينا ومشيت ودموعها على خدها من قسوة كلام
عادل ،، كل كلمة كانت بتخرج من عادل كانت كرصاصة في
قلبها ،، دينا وقفت بعربيتها علي النيل ونزلت تتمشى لوحدها
كانت حاسة إنها مخنوقة والدنيا جاية عليها بزيادة شوية
وقعدت دينا وإنهارت في البكاء وفي لحظة كده حست بأيد
بتطبطب على كتفها بصت لقيت عم سيد
سيد .. مالك يادينا
دينا .. مش عارفة ياعم سيد
سيد .. انا كنت رايح لعادل وشفتك خارجة من هناك
وبتعيطي بصراحة قلقت عليكي ومشيت وراكي
دينا .. عادل مبقاش عادل ال اعرفو ياعم سيد
سيد .. عادل معذور يابنتي
دينا .. انا عملت إيه في دنيتي عشان يحصلى كده ياعم سيد
سيد .. معملتيش حاجة يابنتي بس مكتوب عليكم تدفعو
تمن أخطأكم انتو الأتنين
دينا .. انا عيشت كل حياتي بدفع تمن أخطاء مش بتاعتي
سيد .. قرار جوازك من كارم كان أكبر غلطة عملتيها في حق
نفسك قبل عادل
دينا .. حتى جوازي من كارم كان سببه عادل
سيد .. بس هو اتظلم
دينا .. كنت عايزني اعمل ايه لما عرفت إن حب عمري
بيخوني مع صاحبتي وكمان غصب عنها
سيد .. كان واجب عليكي تصبري يابنتي لحد الحقيقة ما تبان
دينا .. طب ما أنت كمان صدقت الحكاية زي كل الناس
سيد .. انا وكل الناس حاجة وانتي حاجة تانية بالنسبة لعادل
يابنتي اكتر ضربة بتوجع الضربة ال بتيجي من قلبك وانتي
كنتي ساكنة قلبه ومازلتي سكناه
دينا .. بتضحك عليا ولا على نفسك ياعم سيد ! عادل مبقاش
يحبني ولا عدت ليا مكان في قلبه
سيد .. يابنتي الحب في القلب كالنقش على الحجر لا بيروح
ولا بيمحيه الزمن
دينا .. تفتكر !
سيد .. كل الناس ال حواليكي دي يابنتي حبت ، والحب
محفور جواهم حتى ال اتظلم وال اتخان وال اتقهر
بردو لساه بيحب وبردو لساه بيشتاق وبردو لساه موجوع
بس مش قادر ينسا ، النسيان هي الكلمة الوحيدة ال ملهاش
وجود في قاموس الحب يابنتي
دينا .. ياااااه ياعم سيد كلامك حلو وبيريحني ويديني امل
سيد .. بصرف النظر عن الميكروباص المقلوب ال متجوزه
عمك سيد الزمن خد منه ما طاب ولذ يادينا ههههه
دينا .. هههههههههه
سيد .. ايوه كده اضحكي يابنت سعاد ههههه
دينا .. طب تنصحني ب إيه ياعم سيد ؟
سيد .. اقفي جنبه وخليكي سند يابنتي ، عادل في امس
الحاجة ليكي يابنتي
دينا .. انا خايفة يفتكرني بتلزق فيه او بفرض نفسي عليه
او رخيصة ، ساعتها كرامتي هتوجعني اوي ياعم سيد
سيد .. ههههه يابت الحب الحقيقي لازم يكون فيه تضحيات
كتير وتنازلات أكتر ، الحب يابنتي مفيهوش روتين وتحفظات
وشكليات ومظاهر ، الحب ابسط من كده بكتير الحب
مفيهوش حاجة إسمها كرامة ما بين الأتنين اقفي جنبه
واسنديه وشيلي الحمل التقيل معاه وعافري معاه لحد ما
يطلع من منحته ، وصدقيني بعدها هيشيل وقفتك معاه جوه
قلبه وهيبقا معاكي أب وأم واخ وابن في شدتك قبل فرحك
دينا .. لا دا انا ابوسك في خدك ياعم سيد 😍
سيد .. طب مش هتعزميني على درة مشوي بقا يابت
دينا .. يلا بينا ياعم سيد انا مش فضيالك انا رايحة لعادل
سيد .. تصدقي انتي جزمة زي امك 😊
دينا .. خلاص ياسيدي هعزمك ناكل واحنا ماشيين😊
سيد .. وبعدين انتي تروحي على البيت على طول عشان
الوقت متأخر بلاش الحماس ياخدك😅
دينا .. ماشي ياسيدي😊
________________
روحت دينا على البيت وكل تفكيرها في إنها ازاي تساعد
عادل وتحاول ترجعله ثقته في نفسه وفيها
________
نروح عند عادل ال كان قاعد في بلكونته ومولع سيجارته
وبيعاتب نفسه على القسوة ال اتعامل بيها مع دينا
وكان مستغرب نفسه أوى على ال بيعمله مع دينا كان حاسس
إن عقله وقلبه مش متفقين مع بعض واحد بيضرب ويقسى
والتاني بيحن ويبكي وكمية تناقضات مثيرة للدهشة بين
الطرفين ،،
شوية وتليفونه رن
عادل .. الو
ادم .. هههههه شفت ياحبيبي اخرت ال يلعب مع ادم الصفتى
عادل .. هقتلك ياأدم ياصفتى لو العمر فيه يوم
ادم .. شجاع ههههه تعجبني يلا ههههههه
عادل .. اقسم بالله لأخليك تتمنى الموت
ادم .. باي يامان ههههههه
__________
تاني يوم __في الشركة
عمار .. كنتي فين امبارح ؟
دينا .. متشغلش بالك ياعمار وقولى الشغل اخباره ايه؟
عمار .. تمام كله تمام
السكرتيرة دخلت .. لو سمحتي يااستاذة دينا في واحد بيقول
إنه ظابط وعايز يقابلك
دينا .. خليه يدخل
دخل الظابط
الظابط .. صباح الخير يااستاذة دينا
دينا .. صباح النور
الظابط .. انا كامل السيد ظابط مباحث
دينا .. اهلا بحضرتك اقدر اساعدك ازاي
الظابط .. بصراحة ومن غير لف ودوران عشان عارف إن
وقتك ضيق هدخل في الموضوع على طول
دينا .. ياريت
الظابط .. انا طبعا قعدت مع عادل وموصلتش لحاجة معاه
واكيد انتي عارفة القضية إتأجلت ضد مجهول
دينا .. اه
الظابط .. بس بصراحة موضوع ضد مجهول ده مش داخل
دماغي وعايزك تساعديني وتقوليلي مين ال ليه مصلحة في
قتل دعاء واكيد طبعا انتي الشخص الوحيد ال عارف كل
صغيرة وكبيرة عن عادل ودعاء ال كانت صاحبتك
دينا .. انا فعلا قريبة منهم بس مش لدرجة اني اكون عارفة
هما على عداوة مع مين
الظابط .. إجابة متوقعة ،، على العموم لو حبيتي تحكي اي
حاجة اتفضلى الكارت بتاعي ممكن تكلميني فورا
دعاء .. ماشي حاضر
الظابط وهو خارج بص كده في وش عمار وابتسم
دينا .. انا ماشية ياعمار
عمار .. رايحة فين
دينا .. اه نسيت أقولك الموضوع ال كنا اتكلمنا فيه من فترة
أتحل وقريب أوي هيحصل
عمار .. بجد
دينا .. اه ،، ويلا بقا انا ماشية عشان متأخرش
عمار .. طب بردو مش هتقوليلي رايحة فين
دينا .. 😊
________
دينا راحت عند عادل خبطت على الباب وعادل فتح
دينا .. خبر بمليون جنيه
عادل .. خبر ايه ؟!
دينا .. وصلت لنقطة ضعف ادهم الصفتي
عادل .. ايه انطقي بسرعة
دينا .. __________________يتبع
للأسف في ناس كتير متابعة القصة وبتعلق عليها وناسيين
يعملو متابعة ياريت تعملو متابعة