 |
الحلقة 25.....26.....27.....28.......29
من قصة ( المليونيرة الفقيرة )
اما عمار رجع البيت فتح الباب لقي امه مضروبة بالنار وأخته
بتلفظ انفاسها الأخيرة وقالتله إن ال عمل كده واحد اسمه
كان عايز دينا وذهبت الروح إلي بارئها
________
بعد ست ساعت باب غرفة دينا خبط
فتحت الباب لقيت ادم في وشها بيضحك
ادم .. مساء الخيييير
دينا .. انت !!
ادم .. ايوة انا ياقطة
دينا .. انت عايز مني ايه!!
ادم .. بصراحة لحد من ساعة كنت واخد قرار اقتلك بس لما
قعدت مع نفسي شوية وصلت لحل تاني يعجبك ويرضيني
دينا .. حل !! حل ايه!!!!؟
ادم .. الخيار الاول .. أقتلك بمسدس كاتم الصوت ده واخرج ولا من شاف ولا من دري
اما الخيار التاني . هو إنك تمضيلي علي الورقة دي
دينا .. فيها إيه الورقة دي ؟!
ادم .. فيها تنازل عن كل ورثك من كارم الصفتي
دينا .. بس ده حقي !!
ادم .. انا قولت إنك هتعملي كده برضو عشان مفيش قدامي غير الخيار الأول
دينا .. لالالا همضي
ادم .. شاطرة
فعلا مضت دينا علي الورقة وبعد شوية جه عمار وطلب مقابلت دينا
فعلا دينا عرفت بطلبه وقابلته على الفور
دينا .. إزيك ياعمار
عمار .. امي واختي اتقتلو
دينا .. ايه !!!!!!!!!!
عمار .. متل ماقلتلك
دينا .. إزاي !!!😥
عمار .. واحد اسمه ادم وسأل عليكي
دينا .. ادم الصفتي !!!؟
عمار .. انتي تعرفيه صح؟!
دينا ايوه هحكيلك .. وفعلا حكت دينا كل حاجة لعمار وكمان
طلبت من السفارة تعمله ورق عشان يسافر معاها مصر لأنه
كان لاجيئ
السفارة وافقت بصعوبة إنها تعمله ورق ويسافر مع دينا علي
حسابها الشخصي
فعلا سافرت دينا ومعاها عمار للأراضي المصرية واثناء هبوط
الطائرة كانت دينا تبكي من شدة الحنين لوطنها
___________
ام دينا .. ميت مرة اقولك خلي الواد ينشف الطعمية شوية
ابو دينا .. ياولية كلي وانتي ساكتة يعني هي هتقف في زورك
ام دينا .. شوف الراجل وكلامه ال يعكنن عالصبح
ابو دينا .. مش انتي ال بتخلقي النكد ياسعاد
ام دينا .. ياشيخ روق كده النهاردة الخميس وعايزة اعصابك
تكون هادية ، ده انا لو عليا كنت فطرتك دكر بط
ابو دينا .. ريحي نفسك انا النهاردة صابح تعبان ومطحون
ام دينا .. هو انت كده دايما حيلك مهدود ، فيك ايه ياراجل
ابو دينا .. خليها بنصيبها ياولية صبحتي تتكلمي في الحاجات دي
ام دينا .. ومالو ياخويا مش عيب ولا حرام ، مش انت برضو
جوزي حلالي ، وبعدين عايزة اقولك إني نفسي واخداني
ليوم من أيام الشقاوة بتوعك ، ايام ما كنت عامل زي البغل ال داخل حرب
ابو دينا .. بغل !! ايه ياولية ماتلمي لسانك !!
ام دينا .. استعد ، هعلن عليك الحرب الليلة ياحسين
ابو دينا .. حرب ! هو إحنا متجوزين على الجبهة وانا معرفش
الباب خبط,,
ابو دينا قام فتح الباب لقي دينا ودموعها علي خدها ووراها عمار
دخلت دينا وحكت كل حاجة لأهلها
ام دينا .. يعني كده حقك في ميراث كارم راح
ابو دينا .. ايه الكلام ال بتقوليه ده ياولية ضفر دينا عندنا بالدنيا
دينا .. لا اتطمني مراحش ياماما
ابو دينا .. إزاي وانتي مضيتي علي كل الورث!!!؟
دينا .. لا ما هو انا كتبت اسم الجد الرابع غلط
ام دينا .. شاطرة يابت
ابو دينا .. وليه كده يابنتي الناس دي واصلة وال يلعب
معاهم خسران ما كان خدها وغار بيها بدل ما تعرضي نفسك للخطر
دينا .. انت عارفني يابابا اني الفلوس والثروة مش طموحي
ابو دينا .. امال ليه !!؟
دينا .. الورث هو السلاح الوحيد ال هقدر أجيب بيه حق كارم وام عمار واخته
ابو دينا .. يابنتي الناس دي مسنودة وليها ضهر انا احنا ..
دينا .. الفلوس هتخلي لينا ضهر وقوة يابابا
عمار .. وما دومتي هدفك حق امي واختي وجوزك انا راح
كون معاكي وبضهرك وروحي هتكون قبل روحك
دينا .. مش قادرة اقولك غير اني اسفة لاني كنت السبب في قتل امك واختك
عمار .. لا تحكي هيك اختي كل ال صار مقدر ليه إنه يصير مهما اختلفت الأسباب
______________
نروح عند عادل ودعاء
دعاء .. قوم ياحبيبي افطر عشان تنزل شغلك
عادل .. صباح الخير
دعاء .. صباح الورد والفل والياسمين
عادل .. واضح ان مزاجك رايق ههههه
دعاء .. وإيه ال يعكر مزاجي وانا معايا مصدر سعادتي وإبتسامتي
عادل .. ياعيني عالكلام الحلو والصباح الجميل
دعاء .. يلا قوم الساعة بقت 9 هتتاخر علي شغلك
عادل .. ينهار ابيض 9
دعاء .. الحمام جاهز وانا رايحة احضر الفطار
عادل .. ماشي يادودو
فعلا حضرت دعاء الفطار وقعدو يفطرو
عادل .. ابوكي ماوحشكيش ؟
دعاء .. وحشني اوي ، بس ليه؟!
عادل .. جهزي نفسك واعملي عزومة حلوة عشان اخدك
ونروح نتغدا معاه النهاردة بعد ما اجي من الشغل
دعاء .. بجد 😍😍😍
عادل .. بجد يادودو
دعاء .. ياقلبي انت ، ربنا يخليك ليا يارب
عادل .. انا همشي عالشغل بقا عشان اتأخرت
دعاء .. طريق السلامة ياقلبي ربنا يجعلك في كل خطوة
سلامة ويوقفلك ولاد الحلال في سكتك
_______
نرجع عند دينا وعمار
دينا .. مالك سرحان في إيه ؟!
عمار .. مش مستوعب ال عم يصير معي حاسس كأني
بكابوس وما عارف اصحا منه
دينا .. إن شاء الله هجيب حقهم واشفي غليلك واريح قلبك
عمار .. من وين راح تبلشي طريقك
دينا .. الصبح هروح لمحامي كارم ونشوف موضوع الورث
عمار .. اكيد بتعرفي إنك هيك عم تفتحي النار علي نفسك
كوني مستعدة
دينا .. ربنا ييسر كل عسير
_______________
اما عادل فرجع من الشغل لقي دعاء مجهزة كل حاجة وفعلا
راح عند اهل دعاء لأول مرة بعد الزواج وكان هناك قبول
من اهلها ال كانو طايرين من الفرحة لما شافو عادل شابك
إيده في ايد دعاء
دعاء .. مش عارفة ابويا ماله كده ياعادل حاله مش عاجبني
عادل .. معلش يادعاء السن له حكمه برضه وده طبيعي في السن ده
دعاء .. ممكن ابات معاه النهاردة
عادل .. ولو اني مش هقدر استغنى عنك بس ياستي مادمتي
هتبقي مبسوطة معنديش مانع
دعاء .. انا فعلا ربنا راضي عني عشان رزقني بيك
_______
عادل خد قعدته وروح علي البيت عمل فنجان قهوة
وخرج كعادته قعد في البلكونة ولع سيجارة وشوية
لقي بلكونة دينا بتتفتح ودينا خرجت منها
عادل قام وقف وبصلها ودينا إتفاجئت بيه واقف في بلكونته
فضلو يتبادله النظرات شوية ودينا دموعها سرقتها ونزلت
منها من غير
################
الحلقة السادسة والعشرون من قصة ( المليونيرة الفقيرة )
عادل خد قعدته وروح علي البيت عمل فنجان قهوة
وخرج كعادته قعد في البلكونة ولع سيجارة وشوية
لقي بلكونة دينا بتتفتح ودينا خرجت منها
عادل قام وقف وبصلها ودينا إتفاجئت بيه واقف في بلكونته
فضلو يتبادله النظرات شوية ودينا دموعها سرقتها ونزلت
منها من غير ماتحس ونفس الوضع عادل برضو
عادل .. أزيك يادينا
دينا .. الحمدلله
عادل .. حمدلله عالسلامة
دينا .. شكرا
عادل .. امال جوزك محدش سامع ليه صوت يعني
دينا .. جوزي مات
عادل .. إيه !!!
دينا .. زي ما سمعت
عادل .. إزاي ده !!؟
دينا .. قضاء ربنا
عادل .. البقية في حياتك
دينا .. تعال ياعمار انا هنا
عمار .. شو في وينك ما عم اسمعلك صوت ؟
عادل .. مين ده !؟؟
دينا .. اظن دي حاجة متخصكش
عمار .. هالزلمة عم يضايقكك شي !؟
دينا .. لا ياعمار ده جارنا مستأجر مننا الشقة ال قصادنا هو ومراته
عمار .. بدياكي بموضوع مهم
دينا .. تعال نتكلم في الصالة جوة ( بعد إذنك ياعادل )
عادل كان واقف هينفجر من ال بيحصل لدرجة إنه كسر
تليفونه في الحيطة
وبعد ما قعد قال لنفسه : هو ايه ال معصبني ومخليني أعمل
في نفسي كده ! وبعدين هيفيد ب إيه ال انا بعمله !
وخلى يعني دينا كانت فاضية دلوقتي هل كنت هسيب دعاء
ال روحها متوقفة على صدمة مني وأرجع لدينا !؟
صحيح انا بعمل حاجات مش مفهومة !
بس برضو إيه حكاية الواد السوري ده ؟؟
وبنت الكلب دينا وخداه يتكلمو جوة ياترى هيتكلمو في إيه!!؟
___________
دينا .. قبل ما تحكي تشرب ايه الأول
عمار .. لا ما بدي
دينا .. انا هشرب نيسكافية وهعملك معايا واحد
عمار .. اوك
دينا .. اتفضل النيسكافية وقولي رأيك إيه
عمار .. كتير حلو يسلمو إيدياتك
دينا .. قولى بقا ياسيدي كنت عايزني في إيه
عمار .. ( استغرق الحوار ساعة بينهم )
وفي نهاية الحوار ال هتعرفوه في الحلقات ال جاية كانت
دينا بتبكي وعمار بيبكي ووعدت عمار وعد ، وطلبت منه
طلب هنعرف ده كله زي ما قلت لحضراتكم في الحلقات ال جاية
____________
تاني يوم الصبح
دينا .. صباح الخير ياماما ، صباح الخير يابابا
ام دينا .. صباح الخير ياحبيبتي مالك لابسة كده ورايحة على فين
دينا .. هروح لمحامي كارم
ابو دينا .. طب هروح معاكي
دينا .. لا خليك يابابا عمار هيروح معايا
عمار .. صباح الخير
دينا .. صباح النور ياعمار
عمار .. انا جاهز يلا بينا
ام دينا .. أقعد ياض
عمار .. شو !؟
ام دينا .. ولا شو ولا مشوشاشي كلمني عربي والنبي عشان مش بفهم كلامك
عمار .. شو سويت انا مشان تغضبي مني امي ؟!
ام دينا .. مش انا اصحا من فجر ربنا اعملكم الفطار وانتو
تسيبوه وتمشو اقعد يالا افطر
عمار .. هههههه ماشي كلامك امي
ابو دينا .. حتي الراجل السوري مخليش من لسانك
دينا .. ماما متحبش نسيب اكلها ونمشي اتعود علي كده بقا ههههههه
عمار .. مامتك تئبر قلبي ♥️
ام دينا .. ايه تنبر دي ياولا اوعى تكون بتشتمني
دينا .. هههههههههههه لا ياماما بيقول كلمتين حلوين
ام دينا .. انا عارفة ايه الموضة الهباب ال طلعت حتي في
طريقة الكلام اليومين دول
عمار .. ههههههه موضة ايه ياأمي هاي لهجة سورية
ام دينا .. ربنا يهديك ياحبيبي ويعدلك لسانك يارب
دينا ..يعدل لسان مين ياماما هو مش مريض هما في بلدهم
لهجتهم مختلفة عننا زي مثلا كده لهجة الصعايدة
والأسكندرانية وغيرهم
ام دينا .. خلاص يابت فهمت انتي شايفاني غبية يعني
ابو دينا .. لا حاشة لله انتي موزع غباوة معتمد
ام دينا .. ماتلم نفسك ياحسين
دينا .. يلا بينا ياعمار شكلها هتولع وفضايحنا هتبقا دولية قدامك 😅
__________
خرجت دينا هي وعمار من الباب
إتصادفت بدعاء بتخبط على شقت عادل راجعة من عند ابوها
دعاء اول ما شافتها بصت بعينها في الارض
من إحراجها بعد ما دينا عرفت كل حاجة
مشيت عليها دينا في لحظة ما عادل فتح الباب
وقالتلها
دينا .. ايه يادعاء مش هتسلمي علي صاحبتك ولا إيه؟!
دعاء .. استغربت مقابلت دينا ليها بالشكل ده بس قالتلها: لأ
إزاي طبعا وخدو بعض بالحضن
دينا .. إزيك ياعادل
عادل وهو مستغرب .. الحمدلله يادينا
دينا .. يلا بقا شدو حيلكم عايزين نفرح بنونو صغير
دعاء .. إن شاء الله!!
دينا .. أستئذنكم انا بقا
دعاء .. طب مش هتيجي تشربي حاجة
دينا .. معلش بقا خليها مرة تانية عشان مستعجلة سلام ياحبيبتي
نزلت دينا عالسلم وهي نازلة كانت مستغربة نفسها
إزاي صمدت وقالت كلام مرتب زي ده في الموقف
المفاجئ ده رغم قهرة قلبها من الاتنين
كملت دينا مشوارها وفعلا راحت هي وعمار عند محامي كارم
_____________
دينا .. صباح الخير
المحامي .. اهلا اهلا صباح الخير يافندم حضرتك تشربي ايه
دينا .. لا ولا حاجة
المحامي .. لا ده كلام برضو ، مينفعش دينا هانم تيجي لحد
هنا ومتشربش حاجة ( ورن الجرس طلبلهم عصير )
دينا .. أكيد حضرتك عارف انا جييالك في ايه
المحامي .. اولا البقاء لله في وفاة المرحوم كارم
دينا .. ونعمة بالله
المحامي .. ثانيا ياستي موضوع الورث اكيد عارفة إن
المرحوم ماكانش ليه حد حتي إدم ابن مراته كان بيتنادى
بأسمه كمظاهر بس في الشهادة كان بيتنادي بأسمه الحقيقي
يبقا كده مفيش وريث للتركة غير حضرتك
دينا .. تمام
المحامي .. اكيد حضرتك عارفة قيمة الثروة بتاعت جوزك
دينا .. بصراحة لأ
المحامي .. قيمة ثروة جوزك ياستي غير المنشأت السكنية
والعربيات والشركات 182 مليون جنيه
دينا .. كم !!!!!!!!
المحامي .. زي ما سمعتي يادينا هانم يعني حضرتك بقيتي
( مليونيرة ) بس في مشكلة
دينا .. مشكلة إيه !!؟؟
المحامي .. ال________
((///////////////////////
الحلقة السابعة والعشرون ،، والثامنة والعشرون من قصة
( المليونيرة الفقيرة )
المحامي .. اكيد حضرتك عارفة قيمة الثروة بتاعت جوزك
دينا .. بصراحة لأ
المحامي .. قيمة ثروة جوزك ياستي غير المنشأت السكنية
والعربيات والشركات 182 مليون جنيه
دينا .. كم !!!!!!!!
المحامي .. زي ما سمعتي يادينا هانم يعني حضرتك بقيتي
( مليونيرة ) بس في مشكلة
دينا .. مشكلة إيه !!؟؟
المحامي .. المحروم كان داخل في مشاكل مع ناس كبيرة
وتقيلة في الدولة فحضرتك خليكي عارفة أن الثروة كبيرة
بس مشاكلها أكتر كوني مستعدة
دينا .. تمام الله المستعان
_______
فعلا دينا خدت عمار وطلعت على الڤيلا بعد ما أستلمت
الورث
لبست وإتشيكت وركبت عربيتها وقالت للسواق بتاعها
يتوجه ناحية بيت أهلها
في منظر مهيب يخرج السائق ويفتح باب السيارة الخلفى
لتخرج دينا هانم المليونيرة الجديدة
كل اهل الحتة وقفو على رجلهم من عظمة الموقف
من ضمنهم عم سيد اما عادل ودعاء كانو واقفين في
البلكونة متفاجئين
دينا .. اسمعني ياعم سيد
سيد .. امرك يابنتي
دينا .. إدبح 4 عجول ووزعهم على ناس الحتة
وإعملى قايمة بأسماء الأيتام والأرامل والمطلقات والأسر
ال انت شايفها محتاجة
سيد .. بجد !!
دينا .. مستغرب ليه ياعم ياعم سيد!
سيد .. اصل غريبة إن تلاقي حد بيفكر في الغلابة في الزمن ده
دينا .. انا واحدة من الناس الغلابة ياعم سيد ولا انا هنسا أصلي
سيد .. عارفة ياأستاذة دينا،،،
دينا .. عاملني زي ما كنت بتعاملني ياعم سيد وقولي يادينا
وارفع الألقاب ،، قول بقا عايز تقول إيه!؟
سيد .. عايز أقولك إن ربنا كرمك كده عشان عارفك
مش هتبخلى علي المحتاج وصدقيني يابنتي
كان الله في عون العبد ما دام العبد في عون أخيه
دينا .. إدعي ربنا يتقبل مننا ياعم سيد
سيد .. إن شاء الله يابنتي
_________
طلعت دينا فوق عند ابوها وامها لقيت دعاء واقفة على باب
شقة عادل
دينا .. إزيك يادعاء
دعاء .. الحمد لله يادينا ، مبروك
دينا .. على إيه؟!
دعاء .. على الورث والخير الجديد
دينا .. انا كان عندي كارم يعيش افضل عندي من مال الدنيا
دعاء .. اسفة والله مقصدش
دينا .. عايزاكي انتي وعادل في موضوع مهم
دعاء .. انا وعادل !؟
دينا .. اه
دعاء .. طب تعالي اتفضلي
_______
دخلت دينا وسألت دعاء عن عادل موجود ولا لأ
جاوبتها دعاء بأنه موجود
قالتلها تتفضل تقعد لحد ما تنده لعادل
قعدت دينا وشوية وجه عادل
دعاء .. تشربي إيه
دينا .. إذا كان ولابد يبقا قهوة مظبوط
خرجت دعاء تعمل القهوة وسابت دينا وعادل
قاعدين لوحدهم
عادل .. ياترى جاية تشربي قهوة بس ولا عشان
تعرفيني إنك بقيتي دينا هانم وإني زي ما أنا
الفقر محاوطني من كل حتة
دينا .. اااه ، واضح إنك فهمت غلط
عادل .. وإيه هو الصح بقا
دينا .. الصح إني دماغي أكبر من التفاهات ال في دماغك
وإني كنت ممكن أعمل ال أنت قولت عليه لو
أنك لسه تهمني
بس صدقني أنت معدتش ليك أي مكان في حياتي
ولا حتي بقيت تهمني وياريت أي وهم في دماغك
حاول تتخلص منه لأنك بقيت راجل متجوز
والمفروض إنك زي ما قولتلي قبل كده إنك بتحب مراتك
وأظن ال بيحب حد لازم يخلص ليه ولا إيه ؟!
عادل .. تمام ، خلصتي كلامك خلاص
دينا .. وهو انت حاسب إني كده إتكلمت ! انا لسه متكلمتش
في الموضوع ال انا جاييالك فيه
عادل .. وإيه ياترى الموضوع ال انتي جاييالي فيه!
دعاء دخلت بالقهوة وقعدت معاهم
دينا .. إسمعوني كويس أنتو الإتنين ، طبعا أنتم عارفين
إن جوزي الله يرحمه كان عنده شركات ومصانع كتير
دعاء .. ايوه سمعنا على كده
دينا .. وطبعا عارفين إن صعب عليا أدير الشغل كله لوحدي
خصوصا إني محتكيتش بالشغل ده نهائي
عادل .. تمام كملي
دينا .. وأكيد مش هجيب حد معرفوش يدير الشغل
عادل .. هاتي من الأخر وقولي عايزة تقولي إيه
دينا .. عايزاكم تشتغلو معايا لأن مش هلاقي احسن
من الناس ال حواليا يساعدوني في شغلي خصوصا
إن في مخاطر كتير بواجهها لوحدي
عادل .. مخاطر إيه !
دينا .. بعدين هتعرفو
دعاء .. هنشتغل إيه ؟
دينا .. انتي يادعاء هتكوني معايا في الشركة
اما عادل هيمسك المصانع عشان هو أكيد بحكم شغله عنده
خلفية عن شغل العمالة
عادل .. لأ
دينا .. لأ إيه !!
عادل .. ممكن اوافق إني أشتغل انا معاكي
بس دعاء لأ
دينا .. ليه!!
عادل .. انا مراتي إتجوزتها عشاني انا مش عشان تشتغل
وتتعب
دينا .. هي يعتبر بتساعدني مش بشتغل
عادل .. أسمعي يادينا انا مراتي ملكة في بيتنا
وإن شاء الله هعمل المستحيل عشان تفضل ملكة
مراتي ليا أنا وبس مش لحد تاني مهما إن كان مين
,, ولا أنتي عندك رأي تاني ياحبيبتي ( يقصد دعاء )
دعاء .. ما دمت عايز كده يبقا مفيش قول بعد قولك
ياحبيبي
طبعا دينا سمعت الكلمتين دول حست بقلبها وجعها
وبيتحرق بين أضلاعها وكأن فجأة حبها لعادل ال
هي بتحاول تتناساه صحي جواه
بس قدرت تتغلب على ال جواها بإبتسامة باردة
وقالتلهم بهزار ،،
دينا .. بس بقا ياحبايبي عشان حاسة إني جسمي قشعر
من العمايل ال بتعملوها دي هههههههههه
عادل .. وهو دمه محروق بس مش مبين ده قال ليها
إن شاء الله ربنا يكرمك بحد يحبك نفس حبي لدعاء
وهتبقي وقتها أسعد واحدة في الدنيا
دينا .. ببرود ،،لا ياعم ربنا يرزقني بحد يحبني بإخلاص زي
ما أنا عايزة وقريب إن شاء الله هيبقا في حد ( بتحور عليه)
عادل .. عادل دمه اتحرق واتسرع وقالها قصدك الواد
السوري ؟!
دينا .. بصتله بصة كده من فوق لتحت ومردتش عليه كأنها
مستغربة سؤاله أو بتقوله وأنت مالك
بعد كده قالتله جهز نفسك بكرة الصبح هبعتلك
عمار ييجي ياخدك ويعرفك هتعمل إيه
أستأذنكم أنا بقا ،
_____________
دينا خرجت من عند عادل ودعاء ودخلت عند أبوها وامها
أبو دينا .. جدعة يابت يادينا الناس في الحتة مبسوطين
أوي وبيدعولك
دينا .. دي ثمرة تربيتك ليا يابابا
أم دينا .. ابوكي بس ال رباكي ولا ايه يابنت حسين
دينا .. ياخبر ده كلام برضو ، وانتي كمان يابت ياماما ياست
الكل ياعسل انتي
ام دينا .. ايوه كده إعدلي يابت ههههههه
عمار .. انا بفكر أعملكم ألغدا النهاردة
ام دينا .. يواد انت شكلك نايتي كده ليه إنشف كده
غدا إيه ال تحضرو وانا موجودة وبعدين هو في رجالة
بتدخل المطبخ ههههههههه رجالة اخر زمن هههههه
عمار .. لا ياماما إحنا مش في الجاهلية إحنا دلوقتي
في عصر متحضر والرجالة الكلاس هما ال بيعملو كده
ام دينا .. إيه الرجالة اللباس دي ياولا ههههههههه
دينا .. ياماما بيقول الكلاس مش اللباس يالهوي عالفضايح
هههههههههههه
ام دينا .. انتي اغتنيتي وهتشوفي نفسك عليا ولا إيه يابت
دينا .. انا لو شفت نفسي علي الدنيا كلها عمري ما أقدر اشوف
نفسي عليكم ده انتو اهلي ياماما ولولاكم كنت هبقا ولا
حاجة ربنا يخليكم ليا ومايحرمنيش منكم
ام دينا .. خلاص يابت انتي قلبتيها دراما كده ليه ، وأنت ياد
ياعمار غير هدومك وتعالى ورايا عالمطبخ خليني أشوفك
هتعملنا إيه
عمار .. بجد 😍
دينا .. بالراحة عليه ياماما 😅😅😅
فعلا راحت ام دينا ومعاها عمار على المطبخ
ابو دينا .. تعالي يادينا أقعدي عايزك في كلمتين
دينا .. خير يابابا
ابو دينا .. كنتي عند عادل ودعاء بتعملي إيه !؟
دينا .. كنت بعرض عليهم يشتغلو معايا قولت أي كان هما
افضل من الغريب
ابو دينا .. يعني واحد كان حبيبك وغدر بيكي والتانية كانت
صاحبتك وبرضو غدرت بيكي نفسي أعرف إزاي هتثقي
فيهم تاني
دينا .. متقلبش عليا المواجع يابابا النسيان نعمة
ابو دينا .. شكلك بيقول إنك لسه بتحبيه يادينا وموضوع
الشغل ده حجة عشان يفضل عادل قدام عينك
دينا .. ايه الكلام ال بتقوله ده يابابا ؟!!!
ابو دينا .. هي دي الحقيقة ال مش قادرة تواجهي نفسك بيها.
دينا .. لا طبعا
ابو دينا .. انتي لسه بتحبيه متضحكيش على نفسك
دينا .. إتطمن يابابا عادل ملوش مكان في قلبي خلاص
ابو دينا .. ربنا يكملها بالستر
دينا .. إعملو حسابكم هتيجو تعيشو معايا في الڤيلا
ابو دينا .. معقولة يابنتي هسيب المكان ال عشت فيه كل
سنين عمري
دينا .. يعني هتسيب بنتك تعيش لوحدها
ابو دينا .. لا طبعا ياحبيبتي بس صعبان عليا اسيب المكان
دينا .. ياسيدي انت هتبقا تيجي هنا كل يوم لو عايز
ابو دينا .. ماشي يابنتي
دينا .. حاجة كمان
ابو دينا .. خير
دينا .. عايزة اخلى عمار يسكن هنا في الشقة دي مؤقتا لحد
ما أشوفله حاجة كويسة
ابو دينا .. ماشي ياستي
_______
نروح عند عادل ودعاء
دعاء .. ممكن بقا أعرف انت مش موافق اني اشتغل ليه؟
عادل .. مش حابب إن واحدة كانت صاحبتك والروس
متساوية تبقا شايفة نفسها وتتأمر عليكي
دعاء .. بجد انت فرحت قلبي بالكلمتين ال قولتهم في حقي
قدامها ،، بس بصراحة هي صعبت عليا لأنك كنت قاسي
في كلامك وكأنها ما كانتش بتحبك ولا بتغير عليك
عادل .. أنتي اهم حاجة عندي في الدنيا وكل الكلام ال قولته
كان من قلبي
دعاء .. ربنا يخليك ليا يارب وتفضل كده رافع معنوياتي في
السما
____________
تاني يوم
الباب خبط
دعاء .. مين ؟!
عمار .. انا عمار ،، لو سمحتي أستعجلى عادل مشان مانتأخر
علي الشغل انا مستني بالعربية تحت
دعاء .. ماشي
دعاء .. اصحا ياعادل عشان تمشي على الشغل
عادل .. صباح الخير
دعاء..صباح النور شد حيلك شوية عشان عمار مستنيك تحت
عادل .. عمار مين
دعاء .. الواد السوري ال شغال مع دينا
عادل .. وانتي طلعتي عليه باللبس ده كده !؟
دعاء .. لا ياحبيبي انا كلمته من ورا الباب
فعلا عادل جهز نفسه ونزل
___________
عادل ركب جمب عمار ولا سلام ولا كلام
كنت تحس إن عادل مش طايق عمار عشان قربه من دينا
وكمان كنت تحس إن عمار بيحاول يستفذ عادل
من الأخر شكل العلاقة بين عادل وعمار هتبقا على صفيح
ساخن
عمار .. طب مش تصبح عليا الأول هههه
عادل .. انت هتصاحبني !
عمار .. ليش ياخيي غضبان هيك وسع بالك
عادل .. إمشي ياحبيبي إمشي عشان منتأخرش ع الشغل
___________
نروح بقا عند دينا ال جهزت نفسها عشان تروح الشركة
طبعا دينا لقت ترحيب هايل من الموظفين عدا موظف منهم
إسمه سعد كان باين عليه إنه مش مبسوط
المهم بعد دينا ما أتعرفت علي الموظفين
راحت قعدت على مكتبها
شوية وجالها بوكيه ورد
بصت في الكارت ال في بوكيه الورد
لقت مكتوب في( ابقى استحملي بقا ياقطة ومتقوليش اااه )
دينا .. سرحت في الكلام عرفت إنه من ادم وقالت
#######################
الحلقة التاسعة والعشرون من قصة ( المليونيرة الفقيرة)
نروح بقا عند دينا ال جهزت نفسها عشان تروح الشركة
طبعا دينا لقت ترحيب هايل من الموظفين عدا موظف منهم
إسمه سعد كان باين عليه إنه مش مبسوط
المهم بعد دينا ما أتعرفت علي الموظفين
راحت قعدت على مكتبها
شوية وجالها بوكيه ورد
بصت في الكارت ال في بوكيه الورد
لقت مكتوب في( ابقى استحملي بقا ياقطة ومتقوليش اااه )
دينا .. سرحت في الكلام عرفت إنه من ادم وقالت
( والله وابتدا المشوار )
دينا .. على عكس التوقعات مخافتش ولا إتهزت بل كانت
قوية وإبتسمت إبتسامة وكأنها كانت منتظرة المواجهة
____________
عمار .. انت راح تمسك الإشراف على شغل عمالة المصنع
وأي مشكلة تواجهك كلمني على الفور
عادل .. وليه أكلمك أنت !؟
عمار .. بحكم إني رئيسك في الشغل
عادل .. انت هتكون رئيسي أنا في الشغل ههههه
عمار .. وايه ال يضحك بالموضوع ؟!
عادل .. انا مبحبش أتلقا أوامر من حد خصوصا لو كان
انت ال هتديني أوامر بالشغل
عمار .. ليش شايف روحك هيك !! انت هنا موظف
مو صاحب شغل !!
عادل .. ده على أساس إنك هنا صاحب الشغل !! وبعدين
إشمعنا انت ال هتكون رئيسي بالشغل !؟؟
عمار .. والله أسأل دينا هانم هي ال راح تجاوبك بالموضوع
عادل .. دينا هانم ههههه اه يازمن
عمار .. لا هيك ما بيصير ! لا ترغمني إني أكلم دينا
عادل .. ولا ، إطلع من دماغي وروح كلم ال تكلمه
عمار .. لو سمحت انا اسمي عمار ، ولا دي تقولها
لصاحبك على القهوة ، بس انا مو صاحبك
عادل .. لا ، واضح إنك مش هتجيبها البر روح ياض
شوف انت بتعمل إيه
عمار .. انا ما راح رد عليك مشان دينا ، وعالعموم
راح كلمها لأن هيك الموضوع ما بينطاق
عادل .. 😏
___
عمار .. الو
دينا .. إيه ياعمار ، كويس إنك رنيت ، انا كنت لسه هكلمك
عمار .. ليش ؟!
دينا .. قولي الأول انت كنت بتكلمني ليه ؟
عمار .. كنت بكلم بسبب عادل
دينا .. ماله عادل ؟!
عمار .. مش طايق إنه يشتغل تحت إيدي وأتعرضت
منه للإهانة وما تكلمت مشانك
دينا .. طب هاتو وتعالو على الشركة
___________
دخل عادل وعمار الشركة وهما بيبصو لبعض بطريقة غبية
وكأنهم مش طايقين بعض
دينا .. في إيه ؟؛
عمار .. إسألى عادل شو في بينه وبيني مشان يعاملني هيك
دينا .. في إيه ياعادل ؟؟
عادل .. البيه بيترسم عليا وعاملي فيها صاحب شغل
دينا .. طب وإيه المشكلة ؟
عادل .. هو إيه ال إيه المشكلة !!!!
دينا .. إيه الفرق ما بين إن يكون عمار رئيسك في الشغل
او حد غير عمار ،، هتفرق معاك في إيه ،،
عادل .. مش هتفرق بس ...
دينا .. مفيش بس ياعادل ،، ياريت نحاول نحط إيدينا في
في إيدين بعض عشان نقدر نسيطر ع الشغل وبلاش شغل
العيال الصغيرة إحنا كبار كلامي مفهوم ياعمار
عمار .. مفهوم يااستاذة دينا
عادل .. مفهوم يادينا
دينا .. أسمي أستاذة دينا ياعادل
عادل .. إيه !!
دينا .. بقولك بعد إذنك خد بالك من الألقاب ومترفعهاش
عادل .. ماشي ياأستاذة دينا
دينا .. ودلوقتي بقا ياعادل ممكن تتفضل تشرب حاجة
بره عشان عايزة عمار في موضوع
عادل .. أنا !
دينا .. أيوه مالك كده كل كلمة مستغربها كده ليه هههههه
عادل .. ماشي
خرج عادل وهو بيبص بصة بغيظ لعمار
وعمار بكل برود حط رجل على رجل وبص لعادل
من فوق لتحت مع إبتسامة باردة
_________
بعد ما عادل قفل الباب وراه
انفجرت دينا وعمار في الضحك على منظر عادل
دينا .. هموووووت ههههههههه المشهد ال عملته
وهو عادل خارج حسيت إن عادل هينفجر كنت
هضحك ومسكت نفسي بالعافية ههههههه
عمار .. لا وانتي كمان نفختيه بكلامك ما كنت اتوقع منك
هيك رسمتي الدور صح ههههههه
دينا .. خلينا بقا نتكلم جد شوية
عمار .. خير
دينا .. ادم وصل مصر
عمار .. يااااه أحلا خبر سمعته النهاردة ( طب عرفتي إزاي ؟)
دينا .. بعتلى بوكيه ورد بيهددني فيه
عمار .. بيهددك ب إيه ؟!
دينا .. لا موضحش تهديد عادي بالكلام
عمار .. طب هنعمل إيه ؟!
دينا .. هنحط أعصابنا في تلاجة عادي خالص
عمار .. فكرك الهدوء ده هيجيب نتيجة ؟
دينا .. اكيد طبعا هو ال هيدور على الورث وإحنا كده
نقعد ونحط رجل على رجل لحد ما ييجي لحد عندنا
عمار .. طب كده هنحتاج حراسة مشددة عليكي
دينا .. بصراحة أنا مش هقدر أكابر وأقول لأ
عمار .. تمام يبقا إن شاء الله بكرة الصبح هيبقا عندك
طقم بودي جارد مدرب على اعلا مستوى
دينا .. إن شاء الله: روح بقا شوف اخينا ال على نار بره هههه
__________
بعد فترة
عم سيد راح على الڤيلا عشان يقابل دينا
سيد .. صباح الخير يابنتي
دينا .. أهلا أهلا صباح الفل ياعم سيد
أم دينا .. اهلا ياسيد عامل إيه ، والوليه الغراب مراتك عاملة
إيه
سيد .. ياولية انتي خرجتي من الحارة وبقيتي عايشة في
ڤيلا وبرضو لسانك متبري منك ههههه
ام دينا .. إعدل نفسك ياسيد ولا أجيبلك الطاسة من جوة ههههههه
سيد .. اه يادماغي ،، بلاش والنبي تفكريني باللذي مضى
دينا .. سيبك من أمي وخلينا في موضوعنا ياعم سيد
سيد .. معاكي يابنتي قولي
دينا .. عملت إيه في موضوعنا
سيد .. كل الناس مبسوطة من ال عملتيه وبيدعولك
دينا .. أوعى تكون ناسي حد ياعم سيد
سيد .. كل الناس يابنتي اتبسطت
دينا .. طب خلي بالك بقا إحنا هنعمل الموضوع ده كل شهر
سيد .. ياااااااه يارب ياوسع عليكي يابنتي يارب
دينا .. عندي حاجة أهم ياعم سيد
سيد .. ايه يابنتي
دينا .. عايزة أعمل مشغل خياطة تشغل فيه كل حريم الحتة
اهو منها يلاقو شغل ويصرفو على نفسهم ومنها ربنا يباركلنا
في مالنا وفي صحتنا
سيد .. دي فكرة ممتازة يادينا صدقيني يابنتي انتي ربنا
هيكرمك اوي عشان ال بتعمليه مع الناس ده
دينا .. طب استئذن انا بقا عشان مأخرش على شغلي
ابو دينا .. بقولك يابت يادينا
دينا .. نعم يابابا
ابو دينا .. خدينا معاكي انا وسيد وصلينا على القهوة
ال عندنا في الحارة عايز أغلب عمك سيد عشرتين طاولة
سيد .. طول عمرك بتقول كده ومش بتغلب ياحسين هههه
دينا .. طب يلا بينا
فعلا دينا خدتهم على الحارة وبعد كده إتوجهت على الشركة
شوية وجه إتصال مكالمة فيديو فتحت دينا
لقت أدم في وشها
ادم .. وحشتني ياقمر
دينا .. أهلااا والله وليك وحشة ياوسخ
أدم .. تؤ تؤ تؤ بقا أنا وسخ ؟! اخص عليكي يادينا ملكيش
حق ،، طب دا انا محضرلك مفاجئة كمان تصدقي خسارة فيكي
دينا .. مفاجئة إيه !؟؟؟
ادم .. شوفي كده ( مشي ادم بالكاميرة ووجها في شباك
اوضة كده
بصت دينا في الكاميرة لقيت أمها مخطوفة
أدم .. بس قوليلي بقا هي أمك دي مش بتخاف ولا إيه
دي شبعت الرجالة ضرب بالشبشب
شوفي كده بتعمل إيه في الأتنين رجالة المكلفين بحراستها
ياريت لو سمحتم تعملو متابعه
تكملة الرواية من هنا 👇👇👇