 |
الحلقة ( 1 و2و3) من قصة ( الحب الأول )
شوق .. برضو هتسافر يااحمد😢
احمد .. غصب عني ياحبيبتي ابوكي العمدة طلباته كتير وانا معييش وصاحبي بعتلي اسافر ليه بيقولي الدنيا حلوة هناك
شوق .. واهون عليك تسيبني وتسافر😢
احمد .. معلش ياشوق هبعد شوية عشان اقدر اكون جنبك بقيت عمري كله❤
شوق .. 😢😢😢😢
احمد .. فكيها بقا شوية وحشتني ضحكتك 😀
شوق .. ☺
احمد .. ايوه كده خلي الدنيا تنور😀
شوق .. هتوحشني يااحمد😢
احمد .. وانت كمان ياقلب احمد وعمر احمد وروح احمد❤
شوق .. هتغيب عني كتير🤔
احمد .. كلها سنة وراجع ياحبيبتي
شوق .. يااااه لسه سنة😟
احمد .. معلش ياشوق عايزين نستحمل عشان حلمنا يتحقق
شوق .. ماشي يااحمد ربنا يسترها عليك
احمد .. مع السلامة ياشوق
شوق .. مع السلامة ياأحمد
سافر أحمد وساب وراه حلم مستني يتحقق سافر بجسمه بس روحه وقلبه كانو مع شوق
داق مرارة الغربة وأيامها الطويلة ال مش بتعدي فضل يحط القرش ع القرش ويحوش من دمه عشان حلم عمره يتحقق
السنة غصب عنه بقت سنتين بس قدر في السنتين دول يعملو مبلغ حلو قال لصاحبه يوسف إنه قرر يرجع
احمد بيغني .. وتروح بلدك ياغريب.. وتلاقي ع الشط حبيبب ..مستني يقولك سلامات😍😍
يوسف .. الله الله ياعم احمد ايه الجمال ده😎
احمد .. أنا قررت أرجع البلد يايوسف😍
يوسف .. انت اتجننت يااحمد مش وقته خالص🙄
احمد..شوق زمانها مستنية مقدرش أأخر عليها اكتر من كده
يوسف .. شوق بتحبك وهتستنا ✔اما الشغل مش هيستناك❌
احمد .. شوق❤ أهم عندي من الشغل يايوسف
يوسف.. يابني طب اديها سنة كمان
احمد .. ولا يوم كمان انا نازل عشان أتجوز 💍💕
يوسف .. عالعموم ربنا يتمملك بخير بس لو احتجت ترجع كلمني📞
احمد .. لا ياعم الله الغني والحمد لله انا معايا قرشين يسندوني هتجوز وأعمل بالباقي مشروع
يوسف ..ماشي ياصاحبي هتوحشني
احمد .. وانت كمان ياصاحبي
فعلا احمد حضر شنطته وسافر نزل مصر وبعد كده ركب القطر وأتوجه نحو الحلم المنتظر
كان أسعد انسان في الكون وكل يسرح في مقابلة شوق بعد الغيبة الطويلة كل ما يسرح في ضحكتها يشتاق اكتر وكل مايسرح في نظرتها يشتاق اكتر واكتر وكل ما يسرح في لمسة ايديها يشتاق اكتر واكتر واكتر
لدرجة إنه حاسس إنه لو نزل خدها السكة جري هيبقا أسرع من القطر
الثواني بتعدي ساعات والساعات بتعدي سنين وكأن عقرب الساعة واقف وحالف ما يتحرك
واخيرا القطر دخل المحطة وقلب احمد بيرفرف من السعادة واللهفة لشوفت شوق❤
أحمد نزل من القطر وخدها جري لحد البيت لدرجة إن في ناس مسلمش عليها من الإستعجال
دخل البيت وسلم على أمه وأخته ❤
وطالع يجري
الأم .. رايح فين ياولدي🤔
احمد .. رايح لشوق ياامي❤ حضري الأكل على ما اجي
الأم .. أحمد ✋
احمد .. ايه ياامي قولتلك شوية وجاي☺
الأم .. ال انت عايزه طلع مش عايزك ياولدي😖
احمد .. تقصدي ايه ياأمي😨 انطقي ساكتة ليه🤔
صفاء .. أقولك انا ياأخوي ( شوق اتجوزت )
احمد .. انتي بتقولي ايه ياصفاء انت واعية لكلامك ده😞
صفاء .. صدقني يااخوي شوق إتجوزت من سنة😞
أحمد .. يعني إيه😢
الأم .. إنساها ياولدي😔
احمد .. انتو بتخرفو تقولو إيه ؟ يعني إيه أتجوزت😠
الأم .. هدي روحك ياولدي متعملش في نفسك كده😢
أحمد ..ليه ياشوق كده ياشوق ده انا دوقت الذل عشانك😢
الأم .. بكره تتجوز ست ستها ولا يهمك ياولدي😢
أحمد .. إتجوزت مين ؟
صفاء .. أتجوزت ابن عمها ظابط شرطة 😞
أحمد .. فعلا هتعمل بيا انا إيه أنا واحد فقير هتعيش معايا على إيه على فقري😒
أحمد .. أنا هروح اتمشى لحد الأرض وأجي
الأم .. ريح جسمك من تعب السفر الأول ياابني
أحمد .. وال جوايا أيه يريحه ياأمي
الأم .. إنساها ياابني وريح دماغك
احمد .. شوية وراجع ياأمي
احمد ساب البيت وراح ع الأرض قعد تحت الشجرة ال شهدت على أحلامهم بص للحروف والقلوب وطفل المستقبل ال كان متعلق في ايد احمد وشوق بص للتواريخ المكتوبة في كل مقابلة اتقابلو فيها كل ده كان محفور على الشجرة
وقعد احمد يكلم نفسه ويقول .. ليه ياشوق ده انا عملت المستحيل عشانك ليه بعتيني عشان الوجاهة و الفلوس😢
بقا هو ده الحلم ال بنيته😢
كان لازم أعرف من الأول إنك مش ليا 😥
فجأة وهو احمد بيتكلم لقي بنت راكبة حصان وواقفة فوق دماغه
احمد .. أنتي مين ؟
هي .. أنا إسراء
احمد .. وعايزة إيه ياأسراء 🤔
إسراء ..عجبني كلامك مع نفسك ياااه انت موجوع اوي كده
احمد .. انتي مين وعايزة إيه؟
إسراء .. أنا بنت شاكر محفوظ ابويا إشترى مزرعة العمدة ال جنبك دي
أحمد .. طيب وعايزة ايه🤔
إسراء .. ده بدل ما تقولي إنزلي أعملك شاي انا عالفكرة بحب الشاي بتاعكم ال بتعملوه في الأرض أوي
أحمد .. الشاي عندك أنزلي أعملي وأنا مروح عشان لسه راجع من السفر
إسراء .. إيه ياعم انت ده طريقة واجب الضيافة عندكم😞
احمد .. طب ياستي انزلي مش هزعلك
إسراء .. إنت اسمك إيه ؟
أحمد .. أنا اسمي أحمد
إسراء .. عاشت الأسامي ..قولي بقا حكايتك إيه؟
أحمد .. لا دي حكاية طويلة
إسراء .. أحكي لحد ما تعمل الشاي وادينا بنتسلا
أحمد .. هحكيلك ياستي
فجأة صوت من بعيد بينادي على إسراء وكأنه صوت شوق
أحمد .. مين شوق !!!!!
شوق .. إيه ده أنت رجعت إمتا!!!؟
إسراء .. ايه ده انت تعرف شوق مرات أخويا ☺
أحمد .. هي شوق تبقا مرات أخوكي !!
إسراء .. ايوه شوق تبقا مرات اخويا
شوق .. يلا بينا ياإسراء عشان أتأخرنا
إسراء .. طب نصبر شوية لسه بدري
شوق .. هتيجي معايا ولا امشي لوحدي
إسراء .. خلاص ياستي متزقيش جاية معاكي .. مع السلامة ياأحمد أكيد لينا كلام تاني مع بعض .
أحمد .. مع السلامة
شوق وإسراء مشو وسابو احمد في حيرته وكسرت قلبه كان بيحاول قدام شوق يبان أنه قوي وإنها لما سابته مكسرتوش
بس بعد ما مشيت الحقيقة بدأت تظهر واحدة واحدة عيونه بدأت تدمع وخبطت إيده في الشجرة بعصبيه جابت دم
أحمد قعد يقول لنفسه ياتري ليه عملتي كده بمزاجك ولا مغصوبة ياشوق
بعد مرور شهر ..
الأم .. كفاية شغل في الأرض النهاردة يابني يلا بينا نرجع البيت
احمد .. لا يأمي روحي انتي وان معايا ساعة وهاجي وراكي
الأم .. الشغل مش بيخلص ياولدي
أحمد .. والرزق مبيستناش حد ياأمي
الأم .. عندك حق ياولدي ..اما اروح اجهزلك لقمة متتأخرش
احمد .. حاضر ياأمي
قعد احمد تحت الشجرة ياخد نفسه شوية من الشغل
وفجأة لقي إسراء واقفة فوق دماغه
إسراء .. إيه مفيش حمدالله عالسلامة
أحمد .. حمدالله عالسلامة ياإسراء
إسراء .. وحشتني كوباية الشاي بتاعتك
أحمد .. ماشي ياستي إغسلي الكوبايات على ما اولع النار
إسراء .. ياسلاااااام بس كده من عيني
إسراء .. قولي بقا حكايتك إيه ياأحمد
أحمد .. سيبك مني انا وخلينا في حكايتك
إسراء .. أنا ياسيدي بنت شاكر محفوظ
احمد .. بتاع مجلس الشعب ؟
إسراء .. ايوه .. واخويا علاء شاكر ظابط مباحث
احمد .. وانتي ؟
إسراء .. انا بقا إسراء شاكر دكتورة بيطرية وبنزل المزرعة بتاعتنا هنا اشرف على كل حاجة بنفسي
أحمد .. ماشاء الله واضح إنكم عيلة كلها مثقفة
إسراء .. انت بقا حكايتك ايه؟
احمد .. انا عيلتي بتتكون من امي وأختي وابويا اتوفى وانا صغير ومعايا دبلوم تجارة ومفيش شغل زي ما أنتي شايفة فمضطر اشرف على القيراطين بتوعنا بنفسي 😀
إسراء .. أنت جيت في وقتك
احمد .. مش فاهم🤔
إسراء .. انا كنت بدور على حد يساعدني في شغلي إيه رأيك
أحمد .. وانا هشتغل إيه معاكي🤔
إسراء .. أنت بخبرتك في الزراعة هتساعدني كتير وبالمرتب ال انت تحدده ايه رأيك
أحمد .. موافق
إسراء .. طب يلا بينا اديك فكرة عن الشغل
احمد .. لا دلوقتي أنا هروح عالبيت امي واختي مش هياكلو غير لما أكون معاهم
إسراء .. ياااااه ممكن اجي اكل معاكم ؟
احمد .. معدتك هتوجعك من الأكل بتاعنا😀
إسراء .. ملكش دعوة أنا راضية😀
احمد .. يلا بينا
##########################
( الجزء الثاني
احمد .. السلام عليكم يا أمي
الأم .. وعليكم السلام ياولدي
احمد .. تعالي ياإسراء
الأم .. إسراء مين!!؟
إسراء .. صباح الخير
الأم .. صباح النور يابنتي
صفاء .. مين دي يااحمد
أحمد .. احب اعرفكم دي ماما ودي اختي صفاء
اسراء .. اهلا بيكم❤
احمد .. دي بقا ياماما إسراء بنت شاكر محفوظ بتاع مجلس الشعب ال اشترى مزرعة العمدة ال جمبنا
الأم .. شاكر محفوظ !؟
إسراء .. أيوة ياطانط😊
فجأة الأم أغمى عليها
صفاء .. (صرخت وطلعت تجري على أمها)
أحمد .. مالك ياماما فوقي ؟!!!!!
الأم .. سيبوني لوحدي
إسراء .. مالك ياطانط انا عملت حاجة دايقتك!!؟
احمد ..لا ياإسراء معملتيش حاجة هي شكلها خدت خبطت شمس
إسراء .. احمد قالي إن أكلك يجنن ياصفاء مش هتفطرينا بقا ولا ايه
صفاء .. لا إزاي خمس دقايق والفطار هيجهز
إسراء .. ممكن أجي معاكي
صفاء .. أكيد طبعا تعالي
أحمد .. في إيه ياما !!؟
الأم .. مفيش ياولدي
احمد .. ليه لما سمعتي اسم شاكر محفوظ وشك اتقلب وحصل ال حصل ده ياما
الأم .. قولتلك مفيش حاجة عاد ياولدي وانت قولتها دي خبطت شمس وفوقت منها الحمدلله
احمد .. هحاول اصدقك ياما بس الموضوع ده لازم نتكلم فيه بعدين
إسراء .. انتم لسه قاعدين يلا بينا الأكل جهز
أحمد .. إيه ال لبساه ده😂😂
صفاء .. طلبت مني تلبس هدوم من عندي 😁
اسراء .. الحمدلله شبعت يااااه مأكلتش كتير كده من زمان❤
أحمد .. بالهنا والشفا😁
إسراء .. يلا بينا نشوف شغلنا ياعم احمد
احمد .. يلا ياستي
اسراء .. انا تعبت من المشي اقعد نستريح
احمد .. خليكي مكانك وانا هجبلك احدث وسيلة نقل من بتوع الفراعنة
إسراء .. ايه ده 😂😂😂😂😂
احمد .. دي اسمها برويطة 😂
إسراء .. ايه ؟بيروطة 😂
احمد .. اسمها برويطة 😂 مش مهم اسمها المهم هتركبي ولا ارجعها
اسراء .. أكيد طبعا هركب😂
احمد .. ماشاء الله المزرعة بتاعتكم كبيرة من جوة قوي
إسراء .. المزرعة مقسمة لتلات أقسام قسم لزراعة الفواكه وقسم الورود وقسم الحيوانات
احمد .. التنسيق جميل والورود شكلها أجمل❤
إسراء .. التنسيق بتاعي والورود بتاعت شوق هي بتحب تشرف عليها بنفسها
احمد .. شوق !
اسراء.. اه عشان هي بتحب الورود فقررت تشرف عليها بنفسها
احمد .. طب مش هتنزلي بقا من المرسيدس😂
إسراء .. لا لسه شوية😂
اسراء .. ايه ده انتي هنا ياشوق!
شوق .. انتو بتعملو ايه وايه ال انتي ركباها دي!
اسراء .. دي بنريطة بتاعت احمد
احمد .. قولتلك اسمها برويطة😂
شوق .. ما انا عارفة انها برويطة انتو بتعملو ايه وايه ال جاب احمد هنا؟
اسراء .. انا قررت ان احمد يشتغل معايا ويساعدني ف الشغل
شوق .. يشتغل معاكي هنا؟!
إسراء .. ايوه طبعا امال فين انتي عارفة انه عنده خبره بالزراعة والمواشي والشغل كتير عليا ومحتاجه حد يساعدني
في الشغل واكيد طبعا هيساعدك انتي كمان في بستان الورود بتاعك
شوق .. انا مش محتاجة حد يساعدني😡
إسراء .. طيب خليكي مع احمد هوصل الحمام وارجع
شوق .. انت ايه ال جابك هنا ياأحمد؟
أحمد .. نفس السبب ال جابك هنا ياشوق
شوق .. يعني ايه؟
أحمد .. الفلوس .. بس الفرق إني جاي هنا شغل ومش خسران حاجة
شوق .. تقصد إيه؟!
احمد .. اقصد اني ما بعتش جسمي وقلبي وخنت حد عشان الفلوس
شوق .. انت شايف كده؟!
احمد .. انتي شايفة غير كده؟!
شوق .. أنت فاهم غلط ياأحمد
احمد .. وإيه الصح ياشوق هانم؟!
شوق .. مقدرش أقولك السبب
أحمد .. ماعادش يفرق😏 مهما أختلفت الأسباب في النهاية انتي بقيتي شوق هانم😏
شوق .. مسيرها الأيام هتثبتلك إنك غلطان في حقي وإنك كنت فاهم غلط و .......
بصت شوق لقيت جوزها الظابط واقف في وشها فجأة😳
الظابط علاء.. مين ده ياشوق!؟
شوق .. ده المساعد الجديد بتاع إسراء
الظابط .. أنت عليك حاجة يلا ؟!
احمد .. حضرتك بتكلمني أنا!؟
علاء .. هو انت شايف حد تاني في المكان؟
احمد .. انت بتكلمني كده ليه ؟!
علاء .. مترد ياروح امك على قد السؤال ومتتفزلكش
احمد .. إحترم نفسك واعدل لسانك وانت بتكلمني😡
علاء .. يانهار اسود عليك وعلى ال خلفوك انت بتقولى أنا كده ياض أنت مش عارف أنا مين😡😡😡😠
شوق .. اهدا ياعلاء عيب كده دي مش أصول ده مهما كان في بيتنا
علاء .. ضربها بالقلم وقالها أخرسي انتي وغوري جوه
في اللحظة دي احمد وصل لقمة غضبه لأن حرفيا أحمد حس أن القلم نزل على وشه هو 😡
في لحظة نسي احمد كل حاجة عملتها شوق وقلبه بس هو ال بدأ يتحكم في زمام الأمور 💔
لسه أحمد بياخد خطوة ناحية علاء سمع صوت علاء وهو بيقولها ( انا جوزك ومينفعش تقاطعيني سمعتي ولا لأ)
كلمة أنا جوزك لما طلعت من الظابط علاء لشوق خلت أحمد فاق واتمسمر في الأرض وتمالك غضبه😔
إسراء .. في إيه صوتكم واصل لأخر الدنيا
الظابط .. الأشكال دي متدخلش هنا تاني سمعتي😠
إسراء .. أولا ده اسمه أحمد .. ثانيا حضرتك تحكم على مراتك وحياتك الشخصية فقط .. ثالثا وده الأهم عايزاك متنساش إن المزرعة دي اشتريتها أنا وبابا يعني انا ال أقول مين يقعد ومين يمشي .. وياريت الموضوع ده ميتكررش تاني عشان وقتها انا مش عارفة ممكن أعمل إيه😡😡😡
الظابط .. بقا كده ياأسراء تقفي في وشي عشان الواد ده😡
اسراء .. ياريت تنسا الأشكال ال بتتعامل معاها في القسم عشان تعرف تتعامل مع الناس كويس .
الظابط .. ماشي ياإسراء بعدين لينا كلام تاني ..وهو ماشي همس لأحمد وقاله( عليا الطلاق لأخليك تجيني راكع )
######################
الحلقة الثالثة
إسراء .. اسف يااحمد بعتذر ليك ع الحصل من اخويا
أحمد .. لا يا إسراء إنتي ملكيش ذنب واضح إني إتسببتلك في مشاكل وأظن كده كفاية قوي
إسراء .. يعني إيه كفايه ؟!
أحمد .. يعني أنا هرجع أشرف القيراطين وياستي لما تحبي تشربي الشاي ال بتحبيه أديكي عرفتي المكان😅
إسراء .. وانا قولتلك انك مش هتمشي وإنك هتشتغل معايا
أحمد .. وبعدين عاد في تقفيل الدماغ بتاعك أنا مش ناقص وجع دماغ وفيا ال مكفيني يابنت الناس
إسراء .. أنت خفت من علاء؟!
أحمد .. علاء مين ال أخاف منه ياأسراء شكلك لسه متعرفيش حاجة عن الصعيد ورجالة الصعيد
إسراء .. طيب عشان خاطري متزعلش مني بس متستضعفنيش وتمشي كلامك عليا إكمني بنت وانت الراجل
احمد .. بتلوي دراعي يعني وبتستخدمي ذكائك معاي😅
إسراء .. بصراحة أيوة😅
أحمد .. خلاص ياستي وعشان لماضتك دي أنا موافق بس بشرط
إسراء .. أشرط ياسيدي
أحمد .. هجيلك يومين بالسبوع بس وبشرط يكون علاء وشوق مش موجودين
إسراء .. إزاي ده ؟! يومين بس!!
أحمد .. هو ده شرطي موافقة ولا لع
أسراء .. لع😅 معنديش مانع بس بشرط
أحمد .. إيه بترديها أياك😅 قولي ياست😅
أسراء .. لما أكون مسافرة تكون موجود مكاني هنا كل يوم بصرف النظر عن إن كان علاء موجود ولا لأ
أحمد .. لع إحنا متفقناش علي كده
إسراء .. انت عارف إن في زرع وحيوانات عايزة مراعاة يومية ومتخفش ياسيدي مش بسافر كتير ولو سافرت مش بأخر
أحمد .. وبعدهالك يابنت شاكر محفوظ أخرتها معاكي إيه
إسراء .. أخرتها خير ياابو دماغ ناشفة😅
أحمد .. طب همشي أنا دلوقيت وبعدين نتكلم
إسراء.. ماشي يااحمد مع السلامة
راح احمد ع البيت وقعد يتفرج ع التليفزون وفجأة جه برنامج عمرو اديب بيعمل مكالمة هاتفية مع شاكر محفوظ
أحمد .. الحقي ياأمي تعالي يابت ياصفاء شوفي شاكر محفوظ جاي مع عمرو أديب
صفاء .. إيه دي تعالي ياامي شوفي 😍
الام .. إيه دي أنا مش قلتلك ميت مرة متقلبيش من قنوات القرءان طب أهي ياصفاء ياكش تقلبي من عالقرءان تاني😡
احمد .. في إيه ياامي مالك فيكي إيه عاد انا ال كنت بقلب ع التلفزيون!!
الام .. القرءان في البيت نعمة ياولدي
احمد .. لا ياامي أنتي ال فيكي حاجة غريبة كل ما تيجي سيرت شاكر محفوظ متبقيش طايقة حد ووشك بيقلب الوان
الام .. كيف يعني بيقلب الوان !؟
احمد .. أنا ال بسأل فيكي إيه يااماي جاوبيني !؟
صفاء .. في إيه يااحمد وإحنا عمرنا شوفنا شاكر ده أصلا !!
الأم .. قوليله يابتي
أحمد .. خلاص ياامي حقك علي انا رايح الارض
مشي أحمد وراح عند الشجرة ال بيقعد تحتها دايما وبدأ يكلم نفسه كلعادة ويقول .. وبعدهالك يادنيا عتعملي فيا إيه تاني عاد .. مش مكفيكي حبيبتي خدتيها مني وحلمي ال اتقلب بكابوس حتي الشغلانة ال جتلي ملحقتش افرح بيها طلعلي فيها عفريت .. لا وإيه شوق ال كانت هتبقا مراتي سبحان الله تبقا مرات الراجل ال بيشتري ف عداوتي من اول لحظة شافني فيها .. نفسي أعرف عملتي في نفسك كده ليه ياشوق ملعون أبو الفلوس ال تغير الناس وتخليهم يبيعو نفسهم ويعيشو تحت رحمة ناس معندهمش لا رحمة ولا دين
.. ااااااااه ليه ياشوق ليه تعملي فيا وف نفسك كده
فجأة سمع أحمد صوت بكاء بحرقه طالع من القلب بيقوله
( عايز تعرف السبب ياأحمد 😥😥😥😥؟ )
بص أحمد وراه 👇
أحمد .. مين !؟شوق؟!!!!!!!!!! ٠٠٠٠٠٠٠
تكملة الرواية من هنا 👇👇👇